1947க்கு முன் பாகிஸ்தான் என்றொரு நாடு எங்கே இருந்தது?

முழு நேரமும் டாஸ்மாக்கில் குடித்துவிட்டு, கொஞ்சம் கஞ்சாவினை மேய்ந்துவிட்டு, அப்படியே 4 மாத்திரை உள்ளே தள்ளி, அதன் மேல் ஒரு போதை ஊசியும் போட்டு, கொஞ்சம் அபினோ பிரவுண் சுகரோ உறிஞ்சிவிட்டு, கொஞ்சநேரம் சில்க் ஸ்மிதாவின் கண்களை உற்றுபார்த்துவிட்டு

அதோடு ஒரு கலயம் கள்ளினை குடித்துகொண்டே அங்கிள் சைமனின் முழக்கத்தை கேட்டு விட்டு எழுத வந்தால் இப்படித்தான் எழுதுவார், அதுதான் சாத்தியம்

1947க்கு முன் பாகிஸ்தான் என்றொரு நாடு எங்கே இருந்தது? மீதி தேட அதிலும் இவரின் அறிவு புல்லரிக்க வைக்கின்றது, காஷ்மீரை எப்படி மறந்தார் என தெரியவில்லை, கள் எபெக்ட் அப்படி இருக்கலாம். சில்க் ஸ்மிதா கண்ணிற்கும் அப்படியான சக்தி உண்டு

Stanley Rajan's photo.

இந்த உளரலுக்கு இரண்டே வாய்ப்புதான் இருக்கமுடியும், ஒன்று மேற்சொன்ன போதை வஸ்துக்களை மொத்தமாக குடித்திருக்கலாம், அதோடு அங்கிள் சைமனின் பேச்சினை கொஞ்சநேரம் கேட்டிருக்கலாம்

அல்லது யாராவது குழப்பவாதி பேக் ஐடியில் இருந்துகொண்டு இப்படி எழுதி இஸ்லாமியர் கோபத்தை தூண்டலாம், வாய்ப்பு இருக்கின்றது.

அக்காலத்தில் தேர்தல் நேரத்தில் சில திமுகவினர் நள்ளிரவில் நன்றாக குடித்துவிட்டு, ஆதிதமிழ் வார்த்தைகளை பயன்படுத்தி கொண்டு அக்ரகாரங்களில் தங்கள் தலைவர் எம்ஜிஆர் எனவும், அவருக்கு வாக்களிக்கவில்லை என்றால் அக்ரஹாரம் எரிந்துவிடும் என்றெல்லாம் மிரட்டுவார்களாம்,

சில கற்களும் வந்து வீட்டின் மீது விழுமாம் (யுவர் அட்டன்சன் பிளீஸ்..என சொல்லவேறு செய்வார்களாம் )

அதாவது அப்படி எம்ஜிஆர் மேல் வெறுப்பு வந்து கலைஞருக்கு வாக்கு விழும் என கணிப்பாம்

துண்டு போஸ்டர் காலத்திலே அப்படி யோசித்த தமிழன், முகநூல் காலத்தில் விடுவானா?

ஒரு பயலையும் நம்பமுடியாது.

யூதர்கள், தனி நாடு அடைய என்ன செய்தார்கள்?

ஹிட்லரால் பாதிக்கபட்ட யூதர்கள், தனி நாடு அடைய என்ன செய்தார்கள்? அவர்கள் உலகெல்லாம் பரவி இருந்த காரணத்த்தால் ஹீப்ரு மொழியினை தூசு தட்டி அதனை படிக்கசெய்து மொழியால் ஒன்றிணைந்து இஸ்ரேல் அடைந்தார்கள், ஆக மொழிதான் அவர்களுக்கு நாடு கொடுத்தது : இப்படி ஒரு நண்பர் பதிவிட்டுருக்கின்றார்

இதனை விட பெரும் கொடுமை வரலாற்று சாவு இருக்கமுடியாது

காரணம் அப்படி யூத மொழி முக்கியம் என்றால் ஆபிரிக்காவின் உகாண்டா பக்கமோ அல்லது தென் அமெரிக்கா பக்கமோ அந்நாளைய ஐநா ஏற்பாட்டை ஏற்றுகொண்டு என்றோ மொழிவளர்க்க போயிருப்பார்கள்,

அந்நாளைய ஐரோப்பிய நாடுகளின் யோசனை அப்படித்தான் இருந்தது, பாலஸ்தீனை பிரிக்க முதலில் யாருமே தயாரில்லை, அது தேவை இல்லா விஷயமாக இருந்தது

ஆனால் அவர்களுக்கு தேவை அந்த ஜெருசலேம், அந்த ஆலயம், அதுதான் அவர்கள் ஆன்மா, அவர்கள் உயிர்

அதற்காக பெரும் போராட்டம் நடத்தி இஸ்ரேலுக்கே வந்தார்கள், நிலவங்கி நடத்தி நிலம் வாங்கினார்கள், அகதிகளாய் வந்தார்கள், கிபூட்களாய் மாறினார்கள், நடக்க முடியா அதிசயமாய் நாடு அடைந்தார்கள்

அந்த ஆலயவெறி, சுருக்கமாக சொன்னால் மதவெறிதான் அவர்களை இஸ்ரேல் பால் தள்ளிற்று, புறக்காரணி அரேபிய எண்ணெய் வளத்தை சுரண்ட அமெரிக்காவிற்கு ஒரு அடியாள் தேவை, அங்கு பதற்றம் ஏற்படுத்திகொண்டிருக்க ஒருவன் தேவை

இப்படியான காரணிகளால் அமைந்து, பின் சோவியத் மறைந்ததும் பாலஸ்தீனம் என்றொரு நாட்டையே இல்லாமல் செய்துகொண்டிருக்கும் நாடுதான் இஸ்ரேல்

இன்றும் என்ன செய்கின்றார்கள்? பழமையான அல் அக்சா மசூதியினை இடித்துவிட்டு யூத ஆலயம் அமைக்க தயாராகின்றார்கள், முல்லை பெரியாரில் கேரளா சொல்லும் பொய் போலவே சொல்லிகொண்டிருக்க்கின்றார்கள்,

அவர்கள் மத சட்டம் எல்லாம் ஹீப்ரு மொழியில் எழுதபட்டவை, நாளை ஆலயம் எழுப்பிவிட்டு அந்நிய மொழியில் வழிபாடு செய்யவா? ஜகவா பொங்க மாட்டாரா? பெரும் கட்டுபெட்டி மதம் அது, அதனால் ஹீப்ரு மொழியினை தூசு தட்டினார்கள், வளர்த்தார்கள் ஆனாலும் அலுவலக மொழி எல்லாம் ஆங்கிலம்.

ஒரு இனத்தின் மதவெறியினை மறைத்து அதனை மொழிபாசமிக்க இனமாக மாற்றுவது பெரும் தவறு

உலகிலே பெரும் பயங்கரமான மதவாதிகள் அவர்கள், மதத்திற்காகவே ஒரு இனம் வாழுமென்றால் சத்தியமாக சொல்லலாம் அது யூத இனம்தான், அந்த விஷயத்தில் அது ஆயிரம் ஐஎஸ் இயக்கத்திற்கு சமம்

ஆனால் நாகரிகமான ஐஎஸ் இயக்கம், அவ்வளவுதான் விஷயம்.

எனவே நண்பர்களே, எவனாவது வந்து மொழியினை காத்த யூதன் நாடு அடைந்தான் என்றால் பேச்சுகொடுங்கள், அடுத்த வார்த்தை அவனிடமிருந்து “வா நாமும் ஈழம் அடைவோம்” என்றுதான் இருக்கும், அவர்கள்தான் இதனை கிளப்பி விடுவார்கள்

அங்கிள் சைமன் அறிவாளி என தன்னை நினைத்துகொள்வார் அல்லவா? முப்பாட்டன் முருகன் தமிழரே வாருங்கள் என அவர் அழைத்ததும் இப்படித்தான், ஆனால் அங்கிள் மறந்த விஷயம் முப்பாட்டனின் பெரும் வீடுகள் தமிழகத்தில்தான் உண்டு என்பது.

சும்மா அங்கிள் முருகனை முப்பாட்டன் ஆக்கவில்லை, இதுதான் விஷயம்.

எல்லாம் அவர்கள் சரக்கு , அங்கிள் சைமன் என்றுமே சொந்தமாக சிந்திக்காதவர் என்பது யாருக்கு தெரியாது??

2000 வருடமாக தன் கடவுளுக்கு கோயில் இல்லை எனும் யூதனின் வெறி, அவனை இஸ்ரேல் நோக்கி தள்ளியது,

ஆனால் தமிழகத்தில் முருகன் கோயிலுக்கா பஞ்சம், அங்கிள் சொல்லிபார்த்துவிட்டு ஹிஹிஹிஹி என முகத்தை துடைத்துகொண்டிருக்கின்றார்.

கட்சத்தீவும், கட்சி அரசியலும்….

கச்சதீவு பிரச்சினையில் திமுக அதிமுகவினையும், அவர்கள் இவர்களையும் மாற்றி மாற்றி சொல்லிகொள்கின்றனர், இன்னும் பல பிரச்சினைகளில் இதனையேத்தான் மாற்றி மாற்றி குற்றம் சாட்டிகொள்வார்கள்.

அதாவது இரு கட்சியுமே தோற்றிருக்கின்றன, அதாவது மாநில கட்சிகளாக இவை மண்ணை கவ்வி இருக்கின்றன, ஒரு மாநில கட்சியின் எல்லைக்குள் இவ்வளவுதான் செய்யமுடியும், அதற்கு மீறி செய்வது ஊழல், அதற்கு இருவரும் குறைந்தவர்கள் அல்ல.

இரு கட்சிகளாலுமே மது வியாபாரம் இல்லாமல் ஆட்சி நடத்த முடியாது, அவ்வளவு பகிரங்கமாக தோற்றிருக்கின்றார்கள்.

ராஜிவ் கொலை குற்றவாளி, அணுவுலை, கச்சதீவு என எல்லாவற்றிலும் இவர்கள் தோற்க காரணம், திராவிட கட்சி அரசியல், திராவிட கொள்கை அல்ல, மாறாக திராவிட அரசியல்.

Stanley Rajan's photo.

திராவிட கொள்கை சமூக விடுதலையினை கொண்டது, ஆனால் திராவிட வோட்டு அரசியல் வட இந்திய எதிர்ப்பினையே பிரதானமாக கொண்டது, அதன் 50 வருட கால ஆக்கிரமிப்பில் தமிழ்நாடு தனிநாடு என்பதுபோலவும், ஏதோ ஒரு ஒப்பந்தத்தில் இந்ந்தியாவோடு தனித்துவ அடையாளத்தோடு சுயாட்சி பிரதேசமாக அனுமதிக்கபட்டிருப்பது போலவும் ஒரு பிம்பம் கட்டபட்டிருக்கின்றது

இவர்களை தாண்டி எதுவும் இங்கு வரமுடியாது என மொழிப்போர் நடத்துவார்கள், ஆனால் அணுவுலைகளும் ராணுவ தளங்களும் கச்சதீவு போன்ற சர்வதேச விவகாரங்கள் வரும்போது ஓடிசென்று கதவடைத்துகொண்டு படுத்தே விடுவார்கள், காரணம் இவர்கள் அதிகாரம் அவ்வளவுதான்.

அதற்குமேல் அசிங்கபட அவர்கள் தயாரில்லை. அந்த பழியினை எதிர்கட்சி மீது வீசிவிட்டு நான் தமிழர் தொண்டன் அல்லது தொண்டச்சி என உருகுவார்கள்.

அதனால்தான் கலைஞர், ஜெயாவினை மீறி தமிழர்களால் எந்த பிரச்சினையினைய்ம் சிந்திக்கமுடியாது, இங்கு கட்டபட்டிருக்கும் பிம்பம் அப்படி

உண்மையில் கச்சதீவு பிரச்சினை எப்படி எதிரொலிக்கவேண்டும், கார்கிலில் இந்திய பகுதி ஆக்கிரமிக்கபட்டவுடன் மொத்த இந்தியா சிலிர்த்தது அல்லவா? அருணாசலபிரதேச பக்கம் சீனா நடந்தால் தேசம் தவிக்கும் அல்லவா?

அப்படி மொத்த இந்தியாவும் எங்கே கச்சதீவு என கேட்டால் அது விஷயம், அது நியாயமான முடிவினை நோக்கி நகரும்.

1983 கொழும்பு கலவரங்களை தொடர்ந்து, மொத்த இந்தியாவும் சிங்களனிடம் அங்கே என்ன சத்தம்? என கேட்டவுடன் பொத்திகொண்டு மண்டியிட்டான் சிங்களன், அதன் பின்புதான் திம்பு பேச்சுவார்த்தைக்கே வந்தான்.

அதன்பின் புலி அட்டகாசமும், சக இயக்க படுகொலை, அமைதிபடை, ராஜிவ் கொலை என இந்தியா ஒதுங்கிய பின்புதான் முள்ளிவாய்க்காலில் தனிகாட்டு ராஜவாக கேட்க ஆளில்லாமல் சந்தோஷமாக கொள்ளிவைத்தான் சிங்களன்.

1986 நிலை இருந்திருந்தால், அதாவது மொத்த இந்தியாவும் குரல் எழுப்பினால் முள்ளிவாய்க்கால் நடந்திருக்கும்?

அப்படி தேசிய ஆதரவினை இவர்களால் ஏன் திரட்ட முடியவில்லை, அப்படி திரட்டினால் தமிழகத்தில் சீ..நீங்கள் இவ்வளவுதானா? காங்கிரசும், பாஜகவும்தான் இதனை தீர்க்கமுடியுமென்றால் நீங்கள் ஏன்? என மக்கள் கேட்டால் திராவிட கட்சிகள் நிலை கோணலாகிவிடும்

இதற்கு அஞ்சிதான் செய்யவேண்டிய அந்த காரியத்தினை இவர்கள் செய்யமாட்டார்கள், ஆனால் அதனைத்தான் செய்ய வேண்டும்

மற்றபடி இந்தியாவின் ஒரு மூலையில் இவர்கள் இருவரும் மாறி மாறி ஒருவரை ஒருவர் துப்பிகொண்டிருந்தால் திராவிட அரசியலின் தோல்விதான், மாநில கட்சியின் அப்பட்டமாக தெரியுமே அன்றி வேறு ஒன்றுமில்லை.

திராவிட அரசியலே இந்தபாடென்றால், தமிழ்தேசியம் ம்ஹூம் கேட்கவே வேண்டாம் படுதோல்வி நிச்சயம், குருடன் குருடனுக்கு வழிகாட்டினால் நிச்சயம் குழிதான்.

இந்த இடத்தில் அப்படியானால் மாநில உரிமை காக்காத மத்திய அரசு எதற்கு? பிய்த்துகொண்டு போய்விடுவோம் என சொல்ல சிலபேர் கிளம்புவார்கள், வாய்விட்டு சொல்லமாட்டார்களே தவிர பேக் ஐடியில் ஸ்டேட்டஸ் போட்டுவிட்டு முதுமலை காட்டில் தலைமறைவாகிவிடுவார்கள்.

காரணம் வாய்விட்டு சொன்னால் தெரியும் நிலமை.

இனி கச்சதீவினை மீட்க முடியுமா? சாத்தியமா என்றால் அது வேறு விஷயம், ஆனால் அதனை மீட்கும் சக்தி ஒரு காலமும் தமிழக தலமைக்கு இல்லை என்பது மட்டும் நிச்சயம், இது யதார்த்தம்.

அது தேசிய தலமையின் கையில் வரும் விஷயம்,

கடந்த முறை காங்கிரஸ் அமைச்சர் எஸ் எம் கிருஷ்ணா கச்சதீவு முடிந்துபோன விஷயம் என்றவுடன் தமிழகத்தில் பெரும் ஒப்பாரி கேட்டது, சீமான் குட்டிகரணம் எல்லாம் அடித்து அழுதார்.

ஆனால் ஒருநாட்களுக்கு முன்புதான் மோடி யாழ்பாணத்தில் ஷோ காட்டினார், வெளியுறவு துறை அமைச்சர் நட்புநாடு இலங்கை என அழுத்தமாக சொல்லி புத்த பூர்னிமா வாழ்த்துக்கள் எல்லாம் தெரிவித்தார். கோவாவில் வந்து சிங்களன் கப்பல் வாங்கினான்

ஏதும் ஒரு எதிர்ப்பு முணகல் வந்திருக்கும்? குறட்டை சத்தம் மட்டும் கேட்டுகொண்டிருந்தது

தேசிய கட்சிகள் தமிழகத்தில் ஆதிக்கம் செலுத்தும் வரை தமிழகத்தில் ஒரு மாற்றமும் வரப்போவதில்லை, இம்மாதிரியான சர்ச்சைகள் தீரப்போவதுமில்லை

இந்த தமிழக சர்ச்சைகள், குற்றசாட்டுகள் என எல்லாம் மாயை.

அகதி, வந்தேரி , புலன்பெயர்……

அமெரிக்காவில் குடியேறிய மற்ற இனங்களுக்கு எதிராக பட்டையினை கிளப்பிகொண்டிருக்கின்றார் டிரம்ப், மெக்ஸிகோ எல்லையில் சுவரே கட்டுவாராம்

மற்ற ஐரோப்பியர் மற்றும் அகதிகள் பிரச்சினைக்காக ஐரோப்பிய யூனியனிலிருந்தே விலக பிரிட்டன் ஆலோசனை

பொருளாதார சிக்கல்களால் பிரான்ஸில் முதல் முறையாக ஏர் பிரான்ஸ் விமானிகள் ஸ்ட்ரைக் மிரட்டல், அகதிகளால் நாடு சீரழிந்ததாக குற்றசாட்டு

சிரிய, ஆப்ரிக்க, கிரேக்க, ஈழ அகதிகளுக்கு எதிராக
கடும் எதிர்ப்பு, இந்த பிரச்சினையால் நாசிக்கள் கொள்கை மறுபடியும் தீவிரமடைவதாக கடும் பரபரப்பு

இலங்கையில் அமைதி திரும்பியதால் இனி ஈழ அகதிகளை ஏற்க்க ஐரோப்பிய யூனியன் அனுமதிப்பதில்லை, மேலும் அதிகமான ஈழமக்களை திருப்பி அனுப்பும் திட்டமும் உள்ளது.

இப்படியான செய்திகளால் கடும் அச்சமடைந்துள்ள ஐரோப்பிய வாழ் ஈழ மக்களால் வெளியிடபடும் செய்திகளில் ஒரு வித பெரும் பரபரப்பு காணபடுகின்றது, அமெரிக்காவிலும், ஐரோப்பாவிலும் சமத்துவம், சகோதரத்துவம் வேண்டுமாம், எல்லோரும் சமமாம், புலம்பெயர் மக்களின் நலன் பாதுகாக்கபடவேண்டுமாம். அரசியல் பலம் வேண்டுமாம், இன்னும் என்னவெல்லாமோ வேண்டுமாம்.

# ஆனால் இந்த ஐரோப்பிய ஈழத்தவர்களிடம் காசு வாங்கி கூவும் அங்கிள் சைமன் அடிப்பொடிகள் சொல்வதெல்லாம் இங்கு 600 ஆண்டு காலம் வாழும் தெலுங்கு மக்கள் வந்தேறி, ஆனால் 40 ஆண்டுகளாக ஐரோப்பாவில் இருக்கும் ஈழவந்தேறிகளில் பெயர் “புலம்பெயர் மக்கள்”

# ஐரோப்பாவிலும், அமெரிக்காவிலும் பேசினால் இனவாதம், தமிழகத்தில் பேசினால் உரிமை, புரட்சி, இனவிடுதலையா?

# ஈழ அகதிகள் இருக்குமிடத்தில் சகோதரத்துவம் வேண்டும், ஆனால் அவர்கள் காசில் பிழைப்பவர்கள் நாட்டில் கலவர சூழலும், ரத்த ஆறும் ஓட‌ வேண்டுமா?

# வந்தேறி என ஐரோப்பியன் சொன்னால் வெட்கமே இல்லாமல் பல்லிளித்துகொண்டே அவன் காலில் விழுந்து கிடப்பதன் பெயர் மான தமிழினமா? அந்த எச்சி காசில் தமிழகத்தில் சிலருக்கு வீசிவிட்டு மண்டியிடா மானம், விழுந்துவிடா வீரம் என முழங்க சொல்வது என்ன வகை மானமோ தெரியவில்லை