சசிகலா புஷ்பா கட்சியிலிருந்து நீக்கம் : ஜெ நடவடிக்கை

உலகம் கோலகலமாக ஒலிம்பிக் போட்டியினை தொடங்கும் வேளையில் தமிழகம் சசிகலா புஷ்பாவினையிம் திருச்சி சிவாவினையும் தூக்கி போட்டு விளையாட தயாராகின்றது.

இப்பொழுதே ஆரம்பித்துவிட்டார்கள், சசிகலா புஷ்பா பிறந்த வீடு, அவர் முதலில் எழுதிய சிலேட், 5ம் வகுப்பில் அவர் வகித்த தலைவர் பதவி, அவர் வீட்டு நாய்குட்டி, அவர் வீட்டு பூவரசமரம் என தொடங்குகின்றார்கள்

இன்னொரு பக்கம் யார் திருச்சி சிவா? என ஒரு ஆராய்ச்சி

அட கருமாந்திரங்களா, சசிகலா புஷ்பா என்ன ஹிலாரி கிளிண்டனா? அல்லது திருச்சி சிவா என்ன சிஐஏ கண்ணில் மண்ணை தூவிய துருக்கி மோர்டகனா?

இதில் கொடுமை என்னவென்றால் சசிகலா புஷ்பா ஒரு பெண், இனி இரட்டை விமர்சனங்களை தாங்கவேண்டும், மர்லின் மன்றோ ரேஞ்சிக்கு எழுதி தள்ளுவார்கள்.

உலகத்தில் ஆயிரம் விஷயங்கள் நடந்துகொண்டிருக்க, பாகிஸ்தான் சார்க் மாநாட்டில் இந்திய‌ நிலைப்பாடு எப்படி இருக்கும் என ஒரு தியரி ஓடிகொண்டிருகக்கபல பரப்பான விஷயங்கள் நடந்துகொண்டிருக்க‌

இங்கே தமிழக ஊடகங்கள் கிளம்பி இருப்பது சசிகலா புஷ்பா பின்னால்

இந்த தமிழக ஊடகங்களை விரட்டாமல் இங்கு எதுவும் சாத்தியமில்லை


சசிகலா புஷ்பா கட்சியிலிருந்து நீக்கம் : ஜெ நடவடிக்கை

கட்சிக்குள் ஒரே ஒரு சசிகலாbuu போதும் என்பது மேலிட முடிவாக இருக்கலாம், எல்லா சசிகலாவும் சின்னம்மாவாகவோ அல்லது சின்னமாககோ மாறிவிட முடியுமா?

விமான நிலையத்தில் ஒரு எம்பியினை அடித்ததற்கு கட்சியினை விட்டு நீக்கிவிட்டார்கள், இது ஜனநாயகமா? இது கட்சி அரசியலா?

என்ன செய்திருக்கவேண்டும்?

இதற்கொரு வழக்கு தொடரவேண்டும், சாட்சிகள் வரவேண்டும், திடீரென 100 சாட்சிகள் பல்டி அடிக்கவேண்டும், இறுதியில் அடித்தது யார் என தெரியாமல் நீதிபதி தலையில் அடித்துகொண்டே ஓடவேண்டும்

அப்படித்தான் கொலை வழக்கில் சம்பந்தபட்டவர்கள் கூட‌ எல்லாம் பல கட்சிகளில் நீடித்துகொண்டே இருக்கின்றார்கள்.

அடித்து விளையாடி கட்சியில் நீடிக்க இது என்ன சத்தியமூர்த்தி பவனா? அங்கே ராணுவ பாதுகாப்புடனோ அல்லது சர்வதேச அமைதிபடை உதவியோடு தான் இனி தமிழக காங்கிரஸ் தலைவர் யார் என அறிவிக்க முடியும்.

சோனியாவும் ராகுலும் இன்னும் அசையாமல் இருக்க அதுதான் காரணம், அறிவித்துவிட்டால் அவ்வளவுதான் சத்தியமூர்த்தி பவன் பெரும் கலவர பூமியாகும், எத்தனை பேரை டிஸ்மிஸ் செய்ய முடியும்? மொத்த கட்சி உறுப்பினர்களையுமா?

பெரும் கலவரமேகங்கள் சூழ்ந்துள்ள பகுதி இப்போது இந்தியாவில் சென்னை சத்யமூர்த்தி பவன் தான். தலைவரை அறிவித்துவிட்டால் அதன் பின் இருக்கின்றது கச்சேரி, இந்திய ராணுவம் தலையிட்டாலும் ஆச்சரியபடுவதற்கில்லை.

அவர்களை சொல்லுங்கள், அவர்கள் அடிக்கலாம், கத்தலாம், ஏன் சட்டை கிழித்து விளையாடலாம், அவர்கள் சுதந்திரம் அப்படி

திமுகவில் கூட ஏதாவது செய்து சமாளிக்கலாம், ஸ்டாலின், அழகிரி, கனிமொழி, செல்வி என யார் பின்னால் நின்றாவது மன்னிப்பு கேட்டு ஒட்டிகொள்ளலாம்

ஆனால் இது ஒன் லேடி ஆர்மி

தென்னக மூலவர் கருப்பசாமி பாண்டியனே வனவாசம் சென்று திரும்பியாயிற்று , அப்பாவு என்பவருக்கு இனி கலைஞரே எளிதாக சீட் கொடுக்கமாட்டார் என்கின்றார்கள், அதிமுக அங்கே வலுவாக கால் ஊன்றியாயிற்று, பின் என்ன தயக்கம், வெட்டிவிடலாம். வெட்டி ஆயிற்று.

இந்த புஷ்பா என்ன, அம்மா கண்ணசைத்தால் ஆயிரம் புய்பங்கள் தூத்துகுடியில் பூக்கும்

இனி என்ன நடக்கும்? “திராவிட இயக்கத்து தோழி, இயக்கத்து தளகர்த்தன் ஒருவன் கன்னத்தில் அடித்தது பெரியார் கொடுத்த துணிவு, அவர் கொடுத்த தைரியம்,அந்த திராவிட பாரம்பரிய பெண்மணிக்காக இந்த கழகம் தன் கதவுகளை திறந்தே வைக்கின்றது,

பொதுவாழ்வில் பெரியார், அண்ணா, நான் எல்லாம் எத்தனை வசவுகளை அவமானங்களை தாண்டிவந்தோம் என்பது தம்பி சிவாவிற்கு தெரியும்

விட்டுகொடுப்பவர்கள் கழகத்திற்கு ஒரு செங்கல் வைக்கின்றார்கள் என்றார் அண்ணா.

பெண் சிங்கமே வா, .. 15 எம் எல் ஏக்களோடு வா, அடுத்த சபாநாயர் நீதான்….” என்ற ரீதியில் அந்த பத்திரிகையில் அழைப்பு வரலாம் 🙂


ஜெயலலிதா என்னை கன்னத்தில் அறைந்தார், பதவி விலக சொல்லி மிரட்டினார் : சசிகலா புஷ்பா

# நாய் அடிபட்டதற்கு கத்தியவன், மாடு பிடித்தால் அது சித்திரவதை என்பவன் எல்லாம் எங்கே?. பெண் உரிமை போராளிகள், ஆர்வலர்கள் எல்லாம் அண்டார்டிக்கா போய்விட்டார்களா?

இந்த உண்மை கண்டறியும் குழுக்கள் என அழிச்சாட்டியம் செய்பவர்களாவது, உண்மை கண்டறியபோகின்றோம் என கிளம்பவில்லை, போயஸ் கார்டனில் நடந்தது என்ன ஜெயலலிதாவிடம் உண்மை கண்டறிந்தால் எப்படி இருக்கும்?

அவர்கள் என்ன செய்வார்கள்?, கிடைத்தது ராம்குமார் தான்.

கவிதை எழுதி பெண்ணியம், மண்ணியம் பேசுபவர்களையும் காணவில்லை, பெரியார் வாரிசு தாலியறுப்பு வீரமணியிடமிருந்தும் சத்தமில்லை

ஒரு தமிழச்சி தாக்கபட்டிருக்கின்றாள், தமிழருக்காய் பொங்கும் அமைப்புகளையும் காணவில்லை, எல்லாம் கப்சிப்

அட சாதி பெருமை பேசுபவனையும் இந்த விவகாரத்தில் காணவில்லை, சங்கத்து ஆட்கள் சத்தமே இல்லை

ஆக அம்மா என்றால் எல்லோர் வாயும் தானாக அடைத்துகொள்கின்றது, மூச்சாவது விடுகின்றார்களா இல்லையா என்பது மட்டும் தெரியவில்லை.

துருக்கி ஆட்சி கவிப்பு ஒத்திகை

துருக்கி ஆட்சி கவிப்பு ஒத்திகை முயற்சியில் அமெரிக்க பிண்ணனி இல்லை, மேற்காசியவிற்கான அமெரிக்க ராணுவ தளபதி அறிவிப்பு

எல்லா நாடுகளும் ஒவ்வொரு நாட்டிற்கும் தூதர்களைத்தான் நியமிக்கும் அவர்கள்தான் பேசுவார்கள், இங்கு பார்த்தீர்களா 2 கடல் தாண்டி அமெரிக்கா ஒரு ராணுவ தளபதியினை நியமித்திருக்கின்றது, அவர் பேசுகின்றார்

அமெரிக்க ராணுவத்திற்கு எதற்கு மேற்காசிய பிரிவு என நாம் கேட்க கூடாது, ஆனால் அந்த தளபதி எமக்கு தொடர்பு இல்லை, இல்லை என சொல்லுவதுதான் ஜெயலலிதா மீதான வழக்கிற்கும் எனக்கும் சம்பந்தம் இல்லை என கலைஞர் சொல்லும் “இல்லை” போல, அந்த “இல்லை” தான் உறுத்துகின்றது

முன்பு மேற்காசியாவில் ஐரோப்பிய ஊடுருவலுக்கு சிம்ம சொப்பனமாக திகழ்ந்த நாடு துருக்கி, ஆட்டோமேன் இஸ்லாமிய சாம்ராஜ்யம் 400 ஆண்டுகாலம் அப்படி ஐரோப்பாவினை முறிய அடித்து விரட்டி இருந்தது

பின்பு கடல்மார்க்கமாக ஆசியாவில் புகுந்தாலும், இன்று வரை துருக்கியின் அந்த வீரமிக்க அரசின் வரலாற்றினை கூட வெள்ளையர்கள் கவனமாக மறைப்பார்கள். அலெக்ஸாண்டர், சீசர், நெப்போலியன் என கொண்டாடுவார்களே தவிர ஆட்டோமான் சாம்ராஜ்ய மன்னர்களை பற்றி ஒரு வரி வராது

காரணம் வந்தால் ஐரோப்பியர் அடிபட்ட வரலாறு வெளிவரும்

இன்றைய துருக்கி அதிபர் வித்தியாசமாக ஆட்சி செய்கிறார், கிட்டதட்ட அன்றைய ஆட்டோமான் கொள்கைகள் அவரிடமும் உண்டு, எப்படியாவது அதனை கவிழ்த்துவிட வேண்டும் என்பது சில நாடுகளின் விருப்பம்.

அவர்களுக்கென்ன ஒன்று அவர்கள் கைபொம்மை ஆளவேண்டும் அல்லது நாடு சீரழியவேண்டும் இல்லாவிட்டால் எப்படி? ஆனால் துருக்கி மக்களிடம் தோற்றிருக்கின்றார்கள்

மொத்தத்தில் துருக்கி ஆட்சிகவிழ்ப்பு சதிக்கு யார் காரணம் எனும் உண்மை புகைகின்றது.

“அட்லாண்டிக் கடலுக்கு அங்கிருந்துகொண்டு எமது நாட்டில் தலையிட நீங்கள் யார்? என ஒரு காலத்தில் கேட்ட கர்ணல் நாசர், மாவீரன் சதாம் உசேனுக்கு பின் துருக்கி அதிபரின் குரல் இப்போது ஒலிக்கின்றது

இதே அமெரிக்க தளபதி போல, காஷ்மீருக்கான அமெரிக்க தளபதி, இலங்கைக்கான அமெரிக்க தளபதி என நிறுத்த அவர்களிடம் திட்டம் இருந்தது.

அதனை முறியடித்ததில் தான் நிற்கின்றது இந்தியா

ஜெய்ஹிந்த்.

சிதறல்கள்

வட மாநிலங்களில் மழை, வெள்ளத்துக்கு 100 பேர் பலி..

காஷ்மீரில் உள்ளவன் மட்டும்தான் தமிழனுக்கு சகோதரனா?, இவர்கள் எல்லாம் எதிரிகளா? எங்கே அந்த மங்கி பாய்ஸ், ஆட்டுமந்தை கூட்டம்?

இதோ காஷ்மீர் மக்களும் கடும் மழையில் பாதிக்கபட்டுள்ளனர், வள்ளுவன் கோட்டம் முன் மைக்கில் கத்தியவன், காஷ்மீர் மக்களுக்கு துணை நிற்போம் என சவுடால் விட்டவன் எல்லாம் எங்கே?

ஓடிவந்து உதவுங்கள் பார்ப்போம், ஒருவன் வருவான் ம்ஹூம்

நாளை அங்கே வெள்ளம் எல்லை மீறினால் உயிரை பணயம் வைத்து காக்க எமது ராணுவம் வருமே அன்றி, யார் வருவார்கள்?

இதுதான் எமது ராணுவம் அந்நிய சக்தி, தீவிரவாதம், இயற்கை இடர் என எல்லா ஆபத்துக்களிலிருந்தும் எமது ராணுவம்தான் அவர்களை காக்கின்றது

உணர்வாளர்களே, ஒருவேளை காஷ்மீரிய மக்களை வெள்ளத்தில் மீட்க எமது ராணுவம் இறங்கினால், இந்திய ராணுவமே வெளியேறு என ஆர்வகோளாறில் கத்திவிடாதீர்கள்,

அதன் பின் உங்கள் உண்மை நிலை உலகிற்கே தெரியவரும், தப்பி பிழைத்த காஷ்மீரிய மக்கள் உங்களை சும்மா விடமாட்டார்கள்

ஆனால் நீங்கள் நிச்சயம் அப்படி செய்வீர்கள், காரணம் உங்கள் சிந்தனை அப்படிபட்டது.

அவ்வளவு சீக்கிரம் திருந்துபவர்கள் அல்ல நீங்கள்


சேணல் 4 இப்பொழுதெல்லாம் இறுதி யுத்த காட்சிகள், படங்கள் என ஒன்றையும் வெளியிடுவதில்லை, முன்பு எங்களிடம் ஏராளமான யுத்த குற்ற‌ காட்சிகள் உண்டு, ஒவ்வொன்றாய் எடுத்து போட்டு ராஜபக்சேவினை , சிங்கள ராணுவத்தை அட்லாண்டிக் கடலில் வீசாமல் ஓயமாட்டோம் என்றார்கள்.

இப்போது மகா அமைதி, இறுதி யுத்தமா? அப்படி என்றால் எது ஹிட்லர் கொல்லபட்டதா என கேட்காதது தான் பாக்கி

மீடியாக்கள் உலகம் முழுக்க ஒரு மாதிரிதான் போலும்


இஸ்லாமையும் தீவிரவாதத்தையும் ஒன்றாக பார்க்காதீர்கள், இரண்டும் வேறானவை : ஐரோப்பிய‌ மக்களுக்கு போப் பிரான்சிஸ் அறிவுரை

வலிமை இருந்தாலும் இல்லாவிட்டாலும் மேன் மக்கள் மேன் மக்களே, சங்கு சுட்டாலும் வெண்மை தரும்.


 

தனியார் துறையிலும் இட ஒதுக்கீட்டை அமல்படுத்த வேண்டும் என தி.மு.க., தலைவர் கருணாநிதி கூறியுள்ளார்.

தலைவருக்கு எது நன்றாக இயங்கினால் பிடிக்காது போல, தனியார் துறையில் இட ஒதுக்கீடு என்றால் எப்படி தலைவரே? தாழ்த்தபட்டவன் 30% வேலை திறமை காட்டினால் மேலாளர் ஆகிவிடலாம், உயர்சாதிகாரன் 90% திறமை காட்டினாலும் அடி ஆழத்தில் கிடக்கவேண்டும் அதுதானே

ஆக வேலையே செய்யாமல் அல்லது தெரியாமல் ஒருவன் உயரவேண்டும், எல்லா வேலையும் தெரிந்தும், நுட்பம் தெரிந்தும் அவன் வெறும் குப்பை கொட்ட வெண்டும், இதுதானே நீங்கள் சொல்ல வரும் தத்துவம்?

மனதை தொட்டு சொல்லுங்கள், இப்படி எல்லாம் செய்தால் அந்த கம்பெனி உருப்படுமா? வளருமா? 5 வருடத்தில் தமிழகத்தை போல நாசமாக சென்றுவிடாதா?

இப்படி எல்லாம் தமிழகத்தில் இட ஒதுக்கீடு புரட்சி செய்தும் அரசு நிர்வாகம் டாஸ்மாக் திறக்குமளவு சென்று ஏன் என யாரவது கேட்டால், பதில் என்ன வரும்?

சரி பன்னாட்டு நிறுவணங்களிடம் இப்படி ஒரு நிபந்தனை விதித்தால் ஓடிவிடமாட்டார்களா? எவன் இங்கு தொழில் தொடங்க வருவான்?

கட்சிநடத்த சில விஷயங்கள் சரிபட்டு வரலாம், ஆனால் கம்பெனி நடத்த சரிவருமா?, கட்சியினை சொந்த கம்பெனி போல நடத்தினால் புத்தி இப்படித்தான் யோசிக்கும்,

எல்லாம் கட்சி நடத்திய, வோட்டு வாங்கிய தோஷம், வேறு ஒன்றுமில்லை


பாகிஸ்தானில் நடக்கும் சார்க் நாடுகளின் உள்துறை அமைச்சர் கூட்டத்தில், இந்தியா சார்பில் ராஜ்நாத் சிங் கலந்து கொள்ளகூடாது, அவரை நாட்டிற்குள் விட கூடாது , காஷ்மீரை விட்டு இந்தியா வெளியேறும் வரை, இந்தியாவிற்கு வெங்காயம் விற்க கூடாது : பாகிஸ்தான் அரசினை மிரட்டும் தீவிரவாதி ஹவிஸ் சயித்

இந்தியாவிற்கு வெங்காயம் விற்காதே என இந்த வெறுங்காயம் சொல்கிறதாம், இந்தியா 4 அணை கட்டினால் ஒரு சொட்டு தண்ணீர் பாகிஸ்தான் செல்லுமா?, பின் எங்கிருந்து இவர் வெங்காயம் விளைவிப்பார்?

அவர் அறிந்த பாகிஸ்தான் அவ்வளவுதான்