காமெடி வில்லனாகிவிட்டார் டொனால்டு டிரம்ப்.

அமெரிக்காவின் பெரும் காமெடி வில்லனாகிவிட்டார் டொனால்டு டிரம்ப்.

Image may contain: 1 person , suit and close-up

அதாவது ஒபாமா அரசாங்கத்தை, ஹிலாரியினை சாடுகிறேன் என்ற வகையில் நாட்டின் ரகசியங்களை எல்லாம் எடுத்து விளாசுகிறார். “மிஸ்டர் டிரம்ப் நீங்கள் என்ன பேசுகின்றீர்கள் தெரியுமா? இது நாட்டின் சென்ஸ்டிவான விவகாரம்” என தமிழ்பேசும் ஆங்கில படங்கள் போல பலர் சொன்னாலும் டிரம்ப் விடுவதாக இல்லை

அப்படித்தான் ஐ.எஸ் இயக்கம் அமெரிக்காவால் உருவாக்கபட்டது என சொல்லி பரபரப்பினை ஏற்படுத்தினார், அது ஒன்றும் பரமரகசியம் இல்லை எனினும் ஒரு அதிபர் வேட்பாளர் சொல்லி இருப்பது ஆச்சரியமானது

அதோடு விட்டாரா? இன்று ஹிரோஷிமா நினைவு தினம். இரு அணுகுண்டுகளை வாங்கிய ஜப்பான், இப்போது வடகொரிய வெள்ளை தக்காளியின் அணுகுண்டு மிரட்டலில் சிக்கி இருக்கின்றது

இது ஒருபுறம் இருக்க, அமெரிக்கா இரணாம் உலகப்போரில் பின்னி பெடலெடுத்த நாடுகளுடன் அவர்களுக்கொரு ரகசிய ஒப்பந்தம் உண்டு, அதாவது இந்நாடுகள் இனி ராணுவம் வைக்க கூடாது, அவர்களின் பாதுகாப்பினை அமெரிக்கா ஏற்கும்,

ஒரு வகையில் அது அச்சம் கூட, ஜெர்மனோ, அணுகுண்டு வாங்கிய ஜப்பானோ தன்னை தாக்கலாம், அதனால் கூடவே வைத்து கண்காணிக்கும் ராஜதந்திரம், இல்லாவிட்டால் நாயகன் பட கிளைமேக்ஸ் போல எவனாவது நீ தானே எங்க ஹிட்லரை அல்லது ஹிட்சாக்கை கொன்றாய் என அமெரிக்கா மீது பாயலாம் அல்லவா?

அப்படி ஜெர்மன், ஜப்பான் நாடுகளின் பாதுகாப்பு பொறுப்பு இன்று அமெரிக்காவுடையது, கூடவே தென்கொரியா, தைவான் , சவுதி, குவைத் என அது பராமரிக்கும் ராணுவ செலவு அதிகம். அதற்கு வசமாக வசூலும் செய்வார்கள் என்பது வேறு விஷயம்.

இங்கே தான் இன்று குதித்திருக்கின்றார் டிரம்ப். அதாவது ஜப்பானுக்கும், ஜெர்மனிக்கும் , சவுதிக்கும் நாம் ஏன் பாதுகாப்பளிக்கவேண்டும், அவர்களிடமிருந்து பெரும் தொகை கறக்கவேண்டும், இல்லாவிட்டால் அவர்களை கழற்றிவிடுங்கள் எனும் ரீதியில் பேசியிருக்கின்றார்

விவரமறிந்த அமெரிக்கர்கள் தலையில் கை வைத்து அமர்ந்துவிட்டனர், சர்வதேச ரீதியில் அது சிக்கலாகிறது,

ஜெர்மன் நாங்கள் கேட்டோமா என்கிறது, ஜப்பான் “எங்கள் பழைய குணம் தெரியுமல்லவா, முன்பு நடமாடிகொண்டிருந்த டிராகன் இப்போது உள்ளே உறங்கி கொண்டிருக்கின்றது, அதை தட்டி எழுப்பாதீர்கள், தாங்கமாட்டீர்கள்..” என்கிறது

காரணம் ஜெர்மனும், ஜப்பானும் அடக்கி வைக்கபட்டிருக்கும் பூதங்கள். கொஞ்சம் அவிழ்த்துவிட்டால் அவை விஸ்வரூபமெடுக்கும்

இப்படி டிரம்ப் சொல்ல சொல்ல, இவர் ரஷ்யாவின் உளவாளி என அமெரிக்கர்களே சொல்ல ஆரம்பித்திருக்கின்றனர்

இன்னும் என்னவெல்லாம் சொல்லபோகின்றாரோ

மனிதருக்கு இன்னும் 2 மாதம் டைம் இருக்கின்றது, அதற்குள் பாகிஸ்தானுக்கு எப்படி எல்லாம் இந்தியாவினை எதிர்க்க அமெரிக்கா கொம்பு சீவிற்று, எப்படி எல்லாம் அந்நாடு மூலம் இந்தியாவின் நிம்மதியினை கெடுத்தார்கள் என்றெல்லாம் அவர் சொல்வார் என நம்பலாம்

நிச்சயம் டிரம்ப் சொல்வார், அவரை நம்பலாம். அவர் சொல்லாமல் யார்ர் சொல்வார்

சும்மா சொல்லகூடாது மனிதர் பிய்த்து உதறுகின்றார்.

நவீனகால அஸ்வத்தாமன்களும் , அழிந்த ஹிரோஷிமாவும்

இதே ஆகஸ்ட் 6ம் தேதி, 1945 , நேரம் : 8:16….

ஜப்பான் ஹிரோஷிமா ஒரு துறைமுக நகரம்…

முதல் அணு குண்டு  போடப்பட்டது…

அணு என்பதற்கு அக்கால பாரதமே அனுமானம் சொல்லியிருந்தது, பெரும் அழிவு ஆயுதங்கள் சாத்தியம் என்பதனை மகாபாரதம் படிப்போரின் கண்முன்னே காட்டிற்று.

சாதரண தர்ப்பை புல்லினை அஸ்வத்தாமன் பெரும் அழிவாக்கும் பிரம்மாஸ்திரமாக மாற்றினான் என்கிறது அது, இந்நாளில் அப்படி யுரேனியம் எனும் மணல் கட்டியிலிருந்து உருவாக்கபடுவதுதான் அணுகுண்டு

Stanley Rajan's photo.

Albert Einstein & J. Robert Oppenheimer

அணுவின் இயக்கமே சிவனின் இயக்கம் என கண்டவர்கள் தமிழர்கள், நடராஜரின் சிலை தத்துவம் அதனைத்தான் குறிக்கின்றது, திருமூலர் அப்படியே அணுவின் வடிவத்தையே சிவனாக சொன்னார், ஏதோ மூட நம்பிக்கையாளன், இந்துஸ்தான் வெறியன் என என்னை நீங்கள் சொல்லிவிடலாம், ஆனால் அமெரிக்க அணுஆய்வுகூடங்களில் நடராஜர் சிலைக்கு கொடுக்கும் முக்கியத்துவமே தனி.

அப்படி உலகமே அணுவை என்ன செய்யலாம் என நோக்கியபொழுதுதான் ஜாண் டால்டன் அணுவினை பற்றிகருத்துக்களை சொன்னார், பின்னாளில் அது ஜெர்மானிய விஞ்ஞானிகளின் ஆராய்சி ஆயிற்று. அன்று அவர்கள்தான் அறிவு களஞ்சியங்கள், அன்று என அன்று, இன்று வரை ஜெர்மானியர்கள் அப்படியே

நீல்ஸ்போர், ஐன்ஸ்டீன் எல்லோரும் மண்டையை போட்டு உருட்ட, உலகினை உருட்ட தொடங்கினான் ஹிட்லர். ஹிட்லரிடம் இருந்து தப்புவது யூதர்களுக்கு மகா சவாலானது. மதுவிற்கு எதிராக தமிழகம் போராடுவதை போல எப்படியாவது உயிர்தப்பிவிட கடும் முயற்சிசெய்த காலம், நிரந்தரமாக தப்பிக்க ஒரே வழி ஹிட்லரை கொல்வது.

அமெரிக்காவில் யூதரான ஐன்ஸ்டீனிடம் அணுஆராய்ச்சி செய்ய பணித்தனர், ஐன்ஸ்டீனும் அவருடன் இனொரு யூதரான‌ ஹைமரும் இணைந்தார், யூதர்களை காப்பாற்றும் ஒரே நம்பிக்கையாக அவர்கள் அமெரிக்காவை கண்டனர், இஸ்ரேல் கூட அன்று இல்லை. ஏதாவது செய்து ஹிட்லரை அடக்காவிட்டால் யூத இனம் பிரபஞ்சத்திலே இருக்காது.

அதுவரை ஐன்ஸ்டீனின் ஆற்றல் கொள்கை தாளில் மட்டும் இருந்தது, அது உண்மை என்றால் அணுகுண்டு வெடிக்கவேண்டும், இல்லாவிட்டால் ஐன்ஸ்டீனுக்கு “ராமர் பிள்ளை” நிலைதான். அவரும் பல்லை கடித்துகொண்டுதான் இருந்தார், ஹிட்லரிடம் உயிர்தப்பிய ஹைமரோ அணுகுண்டினை உருவாக்கி தீரவேண்டும் வெறியில் இருந்தார்.

ஆனால் அணுகுண்டு ஆராய்ச்சியினை தொடங்கி இருந்தார் ஹிட்லர், ஆனால் அணுகுண்டினை விட அவரின் கவனம் விண்வெளி ஆதிக்கத்திலே இருந்தது, எனினும் கிட்டதட்ட பாதி அணுகுண்டு கிணற்றினை தாண்டியிருந்தார் ஹிட்லர், ரஷ்யாவில் அகலக்கால் வைத்து அகாலமரணமடைந்தார். அப்படி இல்லாவிடால் என்றோ அணுகுண்டு செய்திருப்பார், காலம் அவனுக்குத்தான் கனிந்திருந்தது

ஆனால் அவர் வீழ்த்தபட்ட பின்புதான் அணுகுண்டு தயாரிக்கபட்டது, அப்படி அதனை பயன்படுத்தாமலே விட்டிருக்கலாம்.

ஹிட்லர் தான் இல்லையே, இனி ஏன் அணுகுண்டு என யாரும் கேட்கவில்லை காரணம் ஜப்பான். கிழக்காசியாவில் சாமியாட்டம் ஆடிகொண்டிருந்தது, இன்னும் கொஞ்சநாளில் இந்தியா, நேதாஜி “இந்தியாவின் தேசிய தலைவர்” என அறிவிக்கபட இருந்த நிலை.

அது நேதாஜி மூலமாக ஜப்பானிய ஆதிக்கத்தை இந்தியாவில் கொண்டுவரும் முயற்சி என்பதும் தியரி, சொல்லமுடியாது, நேதாஜியினை விரட்டிவிட்டு ஜப்பானிய அரசரை இந்திய அரசராக்க அதிக நேரம் ஆகியிருக்காது, ஆனானபட்ட அமெரிக்காவினையே அன்று நம்ப வைத்து பேர்ஸ் ஹார்பரில் தாக்கியவர்கள்

ஐன்ஸ்டீன் & கோ ஒரு வழியாக 3 ஆண்டுகள் உழைத்து அணுகுண்டினை செய்து 100 அடி உயரகூண்டில் வைத்து சோதித்தார்கள். ஆயிரம் சூரியன் வெடித்த வெளிச்சம், பெரும் சக்தி. தான் உலகின் ஒப்பற்ற விஞ்ஞானி என்பதை ஐன்ஸ்டீன் நிரூபித்த தருணமது.

அப்பொழுது ஹைமரின் மேற்கோள் குறிப்பிடதக்கது, “ஓராயிரம் சூரியன்கள் ஒன்றாய் விரவி விண்ணில் தோன்றினால், அதுதான் பரம்பொருளின் பிரகாசமாக இருக்கும்” என்ற பகவத் கீதையின் சுலோகமே தனக்கு நினைவு வந்த்தாக சொன்னார்.

(ஒரு யூதன், அதுவும் தலை சிறந்த விஞ்ஞானி அவரே பகவத்கீதையை படித்திருக்கிறார், அப்துல் கலாமும் அப்படி பட்டவரே. இன்றோ வேற்றுமத நூல்களை படிப்பது பாவம், படித்தால் நரகத்திற்கு போவாய் என் போதிக்கபடுகின்றது)

பின்னர் அந்த நுட்பம் அமெரிக்க அரசிடம் ஒப்படைக்கபட்டது, அரசு ராணுவத்திற்கு அணுகுண்டு அனுமதி அளித்தது.

நினைத்தவுடன் செய்வதற்கு அணுகுண்டு ஒன்றும் உப்புமா அல்ல, மகா சிரமாமானது. 1 டன் யுரேனியத்தில் 1 கிலோதான் தேவைக்கு மிஞ்சும், அணுகுண்டின் மிக குறைந்த எடையே 50 டன், கணக்கிட்டுகொள்ளுங்கள்.
ஆனால் குறுகிய காலத்தில் 10 குண்டுகள் செய்தார்கள், பெர்லினில் வேண்டாம் அது நமது கையில், இத்தாலியும் தோற்றாகிவிட்டது, அன்று அமெரிக்காவிற்கு வேறு பெரும் எதிரி ஜப்பான் மட்டுமே, ரஷ்யா மறைமுக எதிரி ஆனால் ஆபத்தில்லை.

தனது பலத்தினை உலகிற்கு காட்டவேண்டும், முதல் முறையாக பேர்ள் ஹார்பரில் தனது சொந்த மண்ணில் மரித்த ராணுவத்திற்கு பழிவாங்க வேண்டும், அதைவிட மகா முக்கியம் அமெரிக்க தரத்தில் பொருளும்,கார்களும் செய்து அடிமாட்டு விலைக்கு விற்ற ஜப்பானையும்,ஜப்பான் கம்பெனிகளையும் அலறவைக்க வேண்டும்.

செய்தார்கள்,பேர்ள் ஹார்பர் போல ஹிரோஷிமா ஒரு துறைமுக நகரம், இதே ஆகஸ்ட் 6ம் தேதி, 1945
ஒரு விமானத்தில் அணுகுண்டினை ஏற்றி பைலட்டுக்கும் சொல்லாமல் அனுப்பினார்கள், அவரும் கடமையை செவ்வனே முடித்தார், எதற்கும் என்ன நடக்கிறது என பார்க்க சற்று விமானத்தினை திருப்பினார், அதிர்ச்சியில் உறைந்தார், அவசரமாக அமெரிக்கா திரும்பினார்.

10 கி.மி உயரத்திற்கு குடைகாளான் தோன்றியிருந்தது, வெப்பநிலை 2500 டிகிரிக்கு மேல் சென்றது. இரும்பு கட்டங்கள் உருகும் போது மனிதர்கள் அப்படியே ஆவியானார்கள், ஆறுகள் கொதித்தன. 1 லட்சம் பேர் உடனடி மரணம் எல்லாம் நடந்தது 5 நிமிடத்தில்.

என்ன நடந்தது என சொல்லகூட யாருமில்லை, சகலமும் அழிவு. அடக்கம் செய்யகூட ஒன்றுமில்லை, சர்வமும் சாம்பல்.

அதிர்ந்த ஜப்ப்பான் போரை நிறுத்தவில்லை, எப்படியும் இந்த குண்டுகளை எதிர்கொள்வோம் என நெஞ்சு நிமிர்த்தினார்கள். விளைவு ஆகஸ்ட் 9ல் அடுத்த குண்டு இம்முறை நாகசாகி, குண்டு கொஞ்சம் நகருக்கு தள்ளிவிழுந்ததில் 50,000 பேர் பலி ஆனால் கடும் சேதம்.

Stanley Rajan's photo.

ஹிரோஷிமா

ஜப்பான் போரை நிறுத்தி ராணுவத்தையே கலைத்தது, ஜப்பானிய ஆதிக்கத்திலருந்த நாடுகள் விடுதலை ஆயின, இந்தியாவும் ஜப்பானிய மிரட்டலில் இருந்து தப்பியது, காரணம் சீனாவில் பிலிப்பைன்சில் ஜப்பானிய ராணுவம் ஆடிய ஆட்டம் அவ்வளவு கொடூரமானது.

(ஆனால் அமெரிக்காவை பழிதீர்போம் என சொல்லும்ஒரு கும்பல் இப்போதும் உண்டு) நேதாஜியின் தலைவிதி மாறிபோனது. உலகமே ஆழ்ந்த அதிர்ச்சியில் இருந்தது. பழிவாங்கிய அமெரிக்கா சந்தடி சாக்கில் ரஷ்யாவிற்கு மறைமுக எச்சரிக்கை விடுத்தது “நான் யார் தெரியுமா? மவனே என்கிட்ட வச்சிகிட்ட அவ்வளவுதான்.”

பெர்லினில் ஹிட்லரின் ராணுவம் மீது விழவேண்டிய குண்டு, அரசியல்வாதிகளால் ஜப்பானின் மீது விழுந்து அப்பாவிகள் செத்ததில் கலங்கினார் ஐன்ஸ்டீன், அணுஆராய்ச்சியை கைகழுவிவிட்டு வான்கொள்கள் ஆராய்ச்சிக்கு தாவினார் (மேலே சென்ற ஜப்பானியார்களை தேடியிருக்கலாம்),

பின்னாளில் இஸ்ரேல் அதிபர் பதவி தேடிவந்த போதும் மறுத்துவிட்டார். அரசியலும் விஞ்ஞானமும் கலப்பது பேரழிவு என்பது அவரின் இறுதிகால கொள்கை அது உண்மையும் கூட.

உலகெங்கும் அச்சமும்,பீதியும் ஆட்கொண்டன, வழக்கம்போல சில கிறிஸ்தவ ஊழியக்காரர்கள் இதுதான் கடைசிகாலம், மனம் திரும்புங்கள் என போதனையை தீவிரபடுத்தின (அவர்களுக்கென்ன ஒரு குடிசை தீயில் எரிந்தாலும் கடைசிகாலம் என கத்துபவர்களுக்கு, நகரமே எரிந்தால் விடுவார்களா?)

ஆனால் ஒருவர் மனம் திரும்பினார் அவர் ஜப்பானை எதிர்த்து போரிட்டு ஜப்பானை விரட்டிய‌ அமெரிக்க தளபதி மெக் ஆர்தர்.

மனம் திரும்பிய அவர் பெண்டகனில் அமெரிக்க அதிபரை சந்திக்கும் பொழுது, வாயில் இருந்த சிகரெட் பைப்பினை எடுத்துவிட்டு ஒரு கோரிக்கையை சொன்னார், எளிதான கோரிக்கைதான்

“மிஸ்டர் பிரசிடெண்ட், இது போன்று எனக்கு 15 குண்டுகள் தரமுடியுமா?, நான் சில நகரங்களை பட்டியலிட்டிருக்கின்றேன், ஒரு 25 வருடங்களுக்கு போர் இருக்காது”

மிக சீரியசாக அவர் சொன்னதை கேட்டு, வியர்த்து கொட்டியபடி எழுந்து அமர்ந்தார் அந்நாளைய அமெரிக்க அதிபர். அனுமதி மறுத்தார் அதனால் இன்றுவரை அணுகுண்டு வெடித்த கடைசி இடம் நாகசாகி

அமெரிக்கா செய்தால் ரஷ்யா செய்யவேண்டுமல்லா, தொடர்ந்து பிரிட்டன், பிரான்ஸ், சீனா எல்லாம் செய்தன இன்றைய உலகில் சுமார் 12 நாடுகளிடம் அணுகுண்டு உண்டு

ஆனால் எந்த நாடும் அவ்வளவு எளிதில் இன்னொரு நாடு மீது அதனை ஏவாது, காரணம் அது ஒரு பாதுகாப்பே தவிர பயன்படுத்தினால் சர்வ அழிவு

இன்னும் அதற்கு மாற்று இல்லை, வீசிவிட்டால் அவ்வளவுதான்

ஆனால் மகா பாரதம் ஒரு தீர்வினை சொல்கிறது, அதாவது அஸ்வத்தாமனும் பிரம்மாஸ்திரம் வீசினான், அர்ஜூனனும் வீசினான், இரு பிரம்பாஸ்திரம் மோதினால் உலகழியும் என்பதால் அர்ஜுனன் அதன திரும்ப பெற்றான்

ஆனால் அஸ்வத்தாமனின் கனையால் அழிந்த அழிவினையும் அதே தான் சொல்கிறது,

அதாவது அந்த பெரும் சக்தியினை கட்டுபடுத்தும் சக்தி ஒன்று உள்ளது, பிரம்மாஸ்திரம் போல அணுகுண்டையும் கட்டுபடுத்தலாம் என பாரதம் சொல்கிறது,

அந்த கண்டுபிடிப்பு வரும் வரை நாகசாகியே அணுகுண்டு வெடித்த கடைசி இடமாக வரலாற்றில் இருக்கட்டும்

என்ன தான் சொல்லுங்கள், நவீன விஞ்ஞானத்திற்கு மகாபாரதம் ஒரு முன்னோடி. யானை குதிரை என வாகனம் வைத்திருக்கின்றார்களே தவிர, ஆயுதங்கள் எல்லாம் மகா நவீனமானவை

ஒப்பன் ஹைமர் எனும் யூத விஞ்ஞானியே அணுகுண்டில் கிருஷ்ணனைத்தான் கண்டிருக்கின்றான், அவனே சொல்லியும் இருக்கின்றான்

மகாபாரதத்தின் ஒவ்வொரு விஷயத்திலும் நவீன விஞ்ஞானமும் அதற்கான தீர்வுகளும் இருந்துகொண்டே இருக்கின்றன, மகா ஆச்சர்யமான விஷயம் இது.

(நவீனகால அஸ்வத்தாமன்களும் , அழிந்த ஹிரோஷிமாவும்)

திரைப்பட துணுக்ஸ்

தமிழ் சினிமா உலகிற்கு கிடைத்திருக்கும் சமூகநோக்குள்ள இயக்குநர், தயாரிப்பாளர் சமுத்திரகனி

நிச்சயமாக மனிதர் கொஞ்சம் வித்தியாசமாக சிந்திக்கின்றார், நிமிர்ந்து நில், சாட்டை போன்ற படங்கள் வரிசையில் அட்டகாசமாக வந்திருக்கின்றது “அப்பா”.

சிறந்த இயக்குநர்தான், ஆனால் பாதிக்கு பின் அவரின் எல்லா படங்களிலும் காணப்படும் சிறிய தடுமாற்றம் இதிலும் தெரிகின்றது, ஆனால் பாராட்டபடவேண்டிய படம், முக்கியமாக அவரின் சமுதாய பார்வை.

வடக்கே அமிதாப் போல, ரஜினிகாந்தும் ஒரு சமுத்திரகனி படத்தில் அழகாக நடிக்கத்தான் செய்யலாம். ஆனால் தமிழக யதார்த்தபடி முடியாது.

சிவாஜி எனும் பெரும் சகாப்தத்தையே அழவைத்து மட்டுமே கதையினை முடித்த தமிழகம் இது, ரஜினியினை விடுமா?

என்ன செய்ய, அவர் ஸ்டைலாக நடந்து கொண்டு 4 பேரை சுட்டுகொன்றே ஹா..ஹா என சிரித்துகொண்டே செல்லவேண்டியதுதான், அவருக்கு விதிக்கபட்டிருக்கும் சினிமா வாழ்வு இங்கே இப்படி


உலகில் சில விஷயங்கள் சுவாரஸ்யமானவை, அதிலும் சில விஷயங்கள் தமிழக அரசியல்வாதிகள் போல ஒருநாளும் திருந்தாதவை, நடிகர் சிம்பு அதில் ஒரு வகை

பீப் சாங்கில் சிக்கி அன்னாரின் தாய் வரை அழுது ஆர்ப்பாட்டம் செய்த நிலையில் , இன்னொரு வரப்போகும் படத்தில் மனிதர் பாடியிருக்கின்றாராம் “உன்ன கொன்னே போடுவேண்டி..வெட்டியே போடுவேண்டி…”

இது ஒருபுறம் என்றால் சமீபத்தில் தன்னை கண்டித்த ஒய்ஜி மகேந்திரனை தன் படத்தில் மாமனராக நடிக்க கேட்டுகொண்டாராம், கிட்டதட்ட அருணாசலம் படத்தின் போது தன்னை மெண்டல் என திட்டிய மனோரமாவினை நடிக்க அழைத்த ரஜினியின் சாயல் அது.

ஆனால் அவர் ரஜினி, சிக்கல் இன்றி நடித்துவிட்டார், இது சிம்பு அல்லவா? படத்தில் மாமனாரை காரி துப்புவது போல வசனம் வைத்தால் என்ன ஆகும்?, வாய்ப்பு உண்டல்லவா

“ஏய்.. எச்சை.. பொறுக்கி.. ஆம்பிளையா நீ….மாமனரா டேய்,,” என்றெல்லாம் வசனம் வைப்பாரோ?, பழிதீர்ப்பாரோ? என ஒய்ஜி அஞ்சிகொண்டிருக்கலாம் என்கிறது ஒரு செய்தி

பயணங்கள் முடிவதில்லை..சிம்பு திருந்துவதில்லை

காமராஜரை, காந்தியினை பற்றி நான் சொல்லித்தான் உலகிற்கு தெரியவேண்டுமா என்ன?

அவ்வப்போது அங்கிள் சைமனை போட்டு தாக்கும்போது ஓடிவந்து தோள்கொடுத்தார்கள், அது நாட்டுபற்று என்றொ அல்லது சமாதான விரும்பிகள் என்றோ நினைத்ததுண்டு

ஆனால் காமராஜரை பற்றி சொல்லும்பொழுதும் வந்து அவர் அப்படி இப்படி சாதி பார்த்தார் என பழிக்கும்பொழுது மனம் கலங்கத்தான் செய்கின்றது, சீ.. இவர்கள் இவ்வளவுதானா

சாதி பார்த்தா என்னோடு சீமானை கலாய்த்தார்கள்?? அப்படியானால் அது உண்மை முகம் இல்லையா, அந்த வந்தேறிகள் , பிரபாகரன் என சீமான் சொல்லும்போது சாடியது சமூக நலன் இல்லையா?, சாதி அடையாளமா?

பல முகத்திரைகள் கிழியும் நேரம், அதற்காக சைமன் செய்வதெல்லாம் சரி என நாம் கிளம்பபோவதில்லை.

காமராஜரை பற்றி தெரிந்தவர்களுக்கு விளங்கும் என்பதால் விளக்க ஒன்றுமில்லை, ஆனால் அவர் தேசியவாதி குறுகிய வட்டத்தில் தன்னை அடைக்காதவர், சில விஷயங்களில் சர்ச்சை உண்டு, உதாரணம் பீர்மேடு தேவிகுளம் விட்டுகொடுத்தார்

அன்றைய காலம் உணவு தட்டுப்பாட்டால் அமெரிக்காவிடம் கையேந்திய காலம், நேரு அதனைத்தான் செய்தார்.

அப்பொழுது முப்போகம் விளையும் கன்னியாகுமரி மாவட்டமா? அல்லது பிர்மேடு பகுதியா எனும்பொழுது அவர் பார்வை கன்னியாகுமரி மீதே விழுந்தது, இன்னொன்று பீர்மேடை விட்டுகொடுத்ததால்தான் ஆழியாறு அணை கட்ட முடிந்தது

விட்டுகொடுப்பு இன்றி அரசியல் இல்லை

திருப்பதியும், குடகையும் ஏன் மீட்கவில்லை என சிலர் இதோ கத்த்துகின்றனர். கார்கில் மலை மீது கூட சோழனின் புலிமுத்திரை உண்டு, மீட்டுவிடலாமா?

கடாரம் எனும் மலேயாவும், இந்தோணேசியாவு, ஈழமும் தமிழர் ஆண்ட பகுதிதான், ஏன் தமிழகத்தோடு இணைக்கவில்ல காமராஜர் என கேட்கமுடியுமா? இதோ ஒருவர் கேட்டுகொண்டிருக்கின்றார்.

மைசூர் சமஸ்தானத்தில் உள்ள குடகை எப்படி மீட்கமுடியும்? திருப்பதியா சென்னையா தமிழ்நாட்டிற்கு எனும்பொழுது இரண்டும் தா என கேட்டு சண்டையிட அவர் என்ன சீமானா?

வறண்ட பகுதியில் ஒரு பயிரை வளர்க்கமுடியுமா என்றபொழுது தான் சீமை உடை அவருக்கு சொல்லபட்டது, அதுவும் கரி ஏற்றுமதி எனும் தொலைநொக்கில்தான் அனுமதித்தார், அதன் இன்றைய பின்விளைவு அவர் எதிர்பாராதது

இன்னொருவர் கத்துகின்றார், அரசு ஒப்பந்தத்தை எல்லாம் நாடருக்கு கொடுத்தார், எப்படிபட்ட அநியாயம் இது

பரம்பிகுளம் ஆழியாறு அணைகட்டிய தொழிலாளர்களில் ஒருவரை சந்திக்கும் போது சொன்னார், காமராஜர் காலம் வரை பெருவாரியான கட்டுமான பணிகள் அரசின் நேரடி பார்வை, ஜெர்மனியிலிருந்து பெரும் இயந்திரங்களை அரசிற்காக வாங்கி நிறுத்தி இருந்தார், ஆட்சி மாறியவுடன் எல்லாம் மாறிற்று, நானும் என் நண்பரும் அங்கேதான் மேஸ்திரியாக பணியாற்றினோம்,

நானும் என்நண்பரும் அதனை நேரில் கண்டவர்கள், ஒரு அரசு எப்படி நேரடியாக பணியாற்றமுடியும் என்பதை பாத்தவர்கள்,

அவர் நண்பர் என சொன்னது பி.ஆர் பழனியபனை, அதே கிரானைட் சக்கரவர்த்தியை

பழிப்பதற்கும் ஒரு அளவு இருக்கின்றது, சொந்த தாய்க்கே ஒன்றும் செய்யாத அவர், சொந்த சாதிக்கு உழைத்தார் என்பதெல்லாம் ஏற்ககூடியதல்ல‌

நான் தெற்கத்திய தாதாக்களை, ரவுடிகளை பற்றி உலக உத்தமர்கள் என எழுதியிருந்தால் இவர்கள் சாடுவதில் அர்த்தமிருக்கின்றது

ஆனால் காந்தியினை போன்றே வாழ்ந்த ஒருவனை சாதிவன்மத்தில் சாடுபவர்கள்தான் முகநூல் நண்பர்கள் என்றால் வேண்டாம், நடையினை கட்டலாம்

என்ன கொடுமை இது, காந்தியினை ஒரு கும்பல் வடக்கே பழிக்கின்றது, தெற்கே கருப்பு காந்தியினை கொடிய சாதிவெறியன் என சொல்ல ஒருகும்பல் கிளம்பி இருக்கின்றது

வேண்டாம், காந்தி காமராஜர் கலாம் வரிசையினை சீண்ட வேண்டாம்

கலாமினை பழித்ததற்காக பலபேரை நண்பர்கள் வரிசையில் இருந்தே கழற்றிவிட்டேன், காந்தியினை, காமராஜரை பழிப்பவர்களுக்கும் அப்படியே

காரணம் இது பெரும் சிக்கலான நிலை, சிலவற்றை சொல்ல யோசிக்கவேண்டும், அது பெரும் கலவரங்களுக்கு அடித்தளமாக அமையலாம், தமிழக எதார்த்தம் அபடியானது

சமூகபொறுப்புள்ள ஒருவன் கண்டதையும் எழுதி விடமுடியாது, என்னை சீண்டி இவர்கள் விரும்புவதெல்லாம் அதுதான்

இதற்கு மேல் என்ன இருக்கின்றது, காமராஜரை காந்தியினை பற்றி நான் சொல்லித்தான் உலகிற்கு தெரியவேண்டுமா என்ன?

ஆக முன்பொருகாலத்தில் நண்பர்களாக இருந்தவர்களே, நீங்களே விலகிவிடுவது நல்லது.

அப்பட்டமான சாதி வெறியர்களை அருகில் வைத்துகொள்வது அணுகுண்டு மேல் இருப்பதை விட ஆபத்தானது.

யார் ஆட்சியில், அதிகளவில் பாலங்கள் கட்டப்பட்டன

‘யார் ஆட்சியில், அதிகளவில் பாலங்கள் கட்டப்பட்டன’ என்பதில், அ.தி.மு.க., – தி.மு.க.,வினர் இடையே, சட்டசபையில் கடும் விவாதம் நடந்தது

எல்லாம் இவர்கள் கைகாசில் இருந்து கட்டியது அல்லவா? அழகப்ப செட்டியாரும் அண்ணாமலை செட்டியாரும் பொதுபணியில் செலவழித்து யார் நிறைய பொதுப்பணி செய்யது என மோதிக்கொண்டிருப்பது போலவே பேசிகொண்டிருக்கின்றார்கள்

காமராஜரிடம் கேட்டார்கள், நீங்கள் ஏன் உங்கள் ஆட்சியின் நலன்களை விளம்பரபடுத்த கூடாது? வோட்டு கிடைக்குமல்லவா?

“இது என்ன கிறுக்குதனம்ணேன்…இது அரசு பணம்ணேண்…மக்களுக்கு உழைக்கத்தான் என்ன இங்க வச்சிருக்காங்கண்ணேன்… ஒரு தாய் தன் பிள்ளைக்கு பால் குடுத்தத ஊரெல்லாம் சொல்வாளா? அல்லது மகன் அப்பனுக்கு சோறுபோட்டுட்டு தம்பட்டம் அடிக்க முடிய்மாண்ணேன்..இது கடமைண்ணேன்..”

அவர் இருந்து ஆண்ட அதே கோட்டையில்தான் இன்று இவர்கள் யார் அதிக பாலம் கட்டினோம் விவாதிக்கின்றார்களாம், கால கொடுமை

எமது ராணுவம் எமது தேச பெருமை

உலகின் மிக கட்டுப்பாடான ராணுவத்தில் இந்திய ராணுவமும் ஒன்று, 2030 வாக்கில் உலகின் நம்பர் 1 தரைப்படை எனும் நிலையினை இந்தியா அடையும் : அமெரிகாவின் National Interest பத்திரிகை தகவல்

ரஷ்யாவுடனும், இஸ்ரேலுடம் பகிரபடும் உதவிகள் மூலம் பெரும் ராணுவமாக இந்திய ராணுவம் மாறிகொண்டிருக்கின்றது

அதன் விண்வெளி நுட்பமும், நாட்டுபற்று மிக்க விஞ்ஞானிகளும் உலகின் மிகபெரும் சக்தியாக இந்தியாவின் ராணுவத்தை மாற்றிகொண்டிருக்கின்றனர், விரைவில் உலகின் மிக சிறந்த முதல் மூன்று ராணுவ வலிமையான நாடுகளில் இந்தியா இடம் பெரும்”

எவண்டா அது, இந்திய ராணுவத்தை தவறாக பேசியது?, உலகின் மிக கட்டுப்பாடனது எமது பெருமை மிகு ராணுவம் என உலகமே ஒப்புகொள்கிறது என்றால் மற்ற நாடுகளின் அழிச்சாட்டிய ராணுவத்தை நினைத்துகொள்ளுங்கள்

எமது ராணுவம் எமது தேச பெருமை

வந்தே மாதரம்

வெள்ளையனுக்கு தெரிவது, இந்த தமிழகத்தில் சில ஆட்டு மூளையருக்கு தெரிவதில்லை, ஆட்டுக்கு தெரியுமா நாட்டு அருமை!