மறுபடியும் திருமால் புராணம்…

திருமால் பற்றி சொன்னால் தேவநேய பாவணர் என்ன சொன்னார் தெரியுமா? கபாடபுரம் தெரியுமா? ஏய் இனதுரோகி திருமால் தமிழ்கடவுள், முருகன் தமிழ்கடவுள் சீமான் சொன்னது சரி என சிலர் மூக்கி சீந்திகொண்டிருக்கின்றார்கள்

கபாடபுரம் என்று நீங்கள் ஒரு கதை சொன்னால், அட்லாண்டிக் கண்டம் என கிரேக்கம் ஒரு கதை சொல்லும் அதாவது மனிதன் உருவான இடம் கடலுக்குள் கிடக்கின்றது எனும் முடிவு அது.

ஆனால் ஆதிமனிதன் ஆப்ரிக்காவில் உருவாகி இருக்கலாம் என்றும் ஒரு தியரி உண்டு, ஆப்ரிக்க தமிழக உறவுகள் உருவம் வரை வரக்கூடியவை, சரி அதனை விடுங்கள்

தமிழ் என்பது ஒரு மொழிகுடும்பத்தை சேர்ந்தது, தெலுங்கு,கன்னடம், மலையாளம், தமிழ் எல்லாம் ஒரு மொழியில் இருந்து பிரிந்திருக்கலாம் மாறாக தமிழிலிருந்து அவை பிரிந்திருக்கமுடியாது என்பதும் ஒரு கருத்து,

பொதுவாக புலவர்கள் பொய்யர்கள், அன்றிலிருந்தே அப்படித்தான், காசு கொடுத்தால் மன்னா உன்னை கேட்டுத்தான் சூரியன் உதிக்கும், நீ உறங்கினால் அது உறங்கும் என எழுதுவார்கள்

அப்படி ஒரு புலவன் கல்தோன்றி மண்தோன்றா என எழுதினால் அதனையே பிடித்து தொங்குவீர்களா?, தேவநேய பாவணார் என்ன நோபல் பரிசு பெற்றவரா? உலகம் முழுக்க அலசி முடிவுகண்டாரா?, சரி அது வேறு விஷயம்

கடவுளில் என்னடா தமிழ் கடவுள், அரேபிய கடவுள், ஐரோப்பா கடவுள்?

முருகன் யார்? நன்றாய் பாருங்கள், ஆசியாவெங்கும் பரவி இருந்த இந்துமத தெய்வம் அவர், இன்றும் மங்கோலியாவில் மயில்மேல் ஈட்டி ஏந்தி அமர்ந்திருக்கும் தெய்வம் உண்டு, அப்படியானால் அவர் என்ன மங்கோலிய கடவுளா?

இயமமலையிலிருந்து பழநி வந்தவர்தான் அவர் என சொல்கிறது வரலாறு. மறுக்கமுடியுமா? சொல்லபோனால் உங்கள் பாஷைபடி வந்தேறிதான்

சிவன் இருப்பது கயிலாய மலை, திருமால் இருப்பது பாற்கடல் அப்படி அவர்கள் எல்லாம் உலகிற்கே பொதுவான விஷயம் அய்யா

அவர்களை பிடித்து கு..ஞ்சி முதல் ..லை வரை உள்ள தமிழர் நிலத்தின் கடவுளாய் அடைக்கமுடியுமா? காற்றை கையில் பிடிக்க முடியுமா?

உலகிலே 5 வகை நிலம் தமிழனிடம் மட்டும்தான் உள்ளதா?

தொல்காப்பியன் எழுதிவிட்டானாம், சரி அவன் குரு அகத்தியன் யார்? இமயமலையிலிருந்து வந்த வந்தேறி அல்லவா?

மானிட நேயத்தில்தான் அவன் இங்கு வந்து தமிழ் வளர்த்திருக்கின்றான், தொல்காப்பியனுக்கு கற்பித்திருக்கின்றான்

அவன் உயரம் குள்ளம், ஆனால் பெரும் விலாசமான மனது

உங்களுக்கோ மனது மிக குறுகிய மனது, எல்லாம் தமிழ் , தமிழன் என பார்க்கும் குறுகிய வட்டம். நிச்சயம் அகத்தியன் ஆவி இதற்காக சிவனிடம் அழுது புலம்பி இருக்கும்

கடவுள் எனும் சக்தி மனிதனை கடந்து, பிரபஞ்சத்தை கடந்தது

அதனை தமிழ் கடவுள், ஆங்கில கடவுள் என பிரித்து பார்ப்பீர்களானால் என்ன சொல்ல‌

சீமான் அப்படி சொல்லாவிட்டால்தான் ஆச்சரியம், காரணம் அவரின் பிறண்ட மனநிலை அப்படி.

நீங்களும் அப்படியே தொடர்வீர்களானால் உங்களையும் உலகம் அந்த பட்டியலில்தான் வைக்கும்

தமிழ்கடவுள் சொர்க்கத்தில் உண்டோ இல்லையோ தமிழகத்தை நரகமாக்கும் பொறுப்பினை மட்டும் நீங்கள் ஏற்றிருக்கின்றீர்கள்.

ஆனால் பீஸ்போன பல்புகள் ஒளிர்வதில்லை. இங்கோ மெயின் பவர் வரை புடுங்கியாகிவிட்டது

கடவுளுக்கு ஏதடா மொழியும் இனமும்.

கொந்தளிப்பு… திருட்டு … ஏமாற்று… ஆவேசம்….

தேசிய கொடி எரித்தவரும், சுவாதி கொலையில் ஆதாரமில்லாமல் காவல்துறையினரை விமர்சித்து வந்த திலீபன் மகேந்திரன் என்பவரை காவல்துறை கைது செய்துள்ளதாக பிரான்ஸ் தமிழச்சி என்பர் கடுமையாக கொந்தளித்திருக்கின்றார்

உலகத் தமிழர்களே! இனி நீங்கள் என்ன செய்யப் போகிறீர்கள்? என அவர் கேள்வியும் எழுப்பியுள்ளார்.

அவர் சொன்னபடி உலக தமிழராகிய நாங்கள், சமீபகாலமாக தீவிரவாதத்தால் பாதிக்கபட்டுவரும் பிரான்ஸ் நாட்டில் , கடும் நடவடிக்கை எடுத்துவரும் பிரான்ஸ் காவல்துறையினரிடம் அதே கோரிக்கையினை வைக்கின்றோம்

பிரான்ஸ் போலிசாரே, நீங்கள் ஏதாவது செய்யுங்கள் அல்லது தமிழ்நாட்டிற்கு பார்சல் பண்ணுங்கள்

போதுமா தமிழச்சி


“இலங்கை தமிழர்கள் செய்யும் திருட்டு சிடியால் பெரும் இழப்பு ஏற்படுகிறது , இவர்களுக்கு நாங்கள் எவ்வளவு குரல் எழுப்பினோம், அதை நினைத்தால் அருவெருப்பாக உள்ளது” : இயக்குநர் சேரன்

ஓஓஓ.. அவர்களுக்காக நீங்கள் திரையுலகினர் குரல் எழுப்புவீர்கள், அவர்கள் உங்கள் படங்களை ஐரோப்பாவில் ஓடவைத்து உங்களுக்கு சம்பாதித்து கொடுத்தால் சத்தமில்லை, தொடர்ந்து ஆதரிப்பீர்கள்

ஆனால் அவர்கள் திருட்டு விசிடி செய்து உங்கள் பிழைப்பினை கெடுத்தால் மண் அள்ளிபோடுவீர்கள்

மொத்தத்தில் இந்த தேசத்திற்கு எது சரி, யாரை ஆதரிக்கவேண்டும், யாரை ஆதரிக்க கூடாது என்பதல்ல உங்கள் நோக்கம், இந்த தேசம் எதிர்கொண்ட சவால் அல்ல உங்கள் நோக்கம், ஈழத்தில் இறந்த 1500 இந்திய வீரர்களை எல்லாம் நினைவுக்கு வராது அப்படித்தானே

இந்த அருவருப்பு அப்பொழுது அல்லவா வந்திருக்கவேண்டும், இப்பொழுது அந்த அருவருப்பு எங்களுக்கல்லவா வந்து தொலைகிறது

பணம் வந்தால் பொங்குவீர்கள், பொழப்பு கெட்டால் அது அருவருப்பு

தேசிய கீதம் என படமெடுத்தவர் தானே நீங்கள், இதுதானா அது? அதே தான் எங்களுக்கும் வருகின்றது,

அருவருப்பு


எஸ்.ஆர்.எம் மருத்துவ கல்லூரியில் இடமளிக்க மதன் என்பவர் பணம் வசூலித்த வழக்கில் பாரிவேந்தர் கைது

இந்த புதியதலைமுறை செய்தியில் கைது செய்தி வருமா என்று தெரியவில்லை, மற்ற டிவிக்களில் வரலாம். எனினும் ராமதாஸின் மக்கள் தொலைக்காட்சியில் இனி இன்றைய செய்தி எல்லாம் இதுதான். மனிதருக்கு ஏக சந்தோஷம்.

சரி ஒருவன் மருத்துவ கல்லூரியியில் இடமளிப்பதாக ஆசை காட்டி பணம் வாங்கி ஏமாற்றிவிட்டார், பிடித்து போட்டாகிவிட்டது வாழ்த்துக்கள்.

இயேசுவினை காட்டுகிறேன், சிவனை காட்டுகிறேன் என வசூலிப்பவனை எப்போ அரெஸ்ட் பண்ண போறேள்ள்….

ஈழம் வாங்கிதாரேன்னு ஒருத்தன் ஐரோப்பாவுல கலெக்சன் பண்ணிட்டு சென்னை விருகம்பாக்கத்துல முருகன், திருமால் மீட்புண்ணு சுத்துறானே அவனை எப்போ அரெஸ்ட் பண்ண போறேள்….


தர்மதுரை படத்தின் டைட்டிலில் ராதிகா பெயரினை உரிய‌ மரியாதையாக போடாததால் சரத்குமார் ஆவேசம் சீனு ராமசாமி மீது குற்றசாட்டினார் என சர்ச்சை

சினிமா முதல் அரசியல் வரை எவ்வளவு நடந்தது, பாஜகவில் சேர்ந்த விஷயம் பத்திரிகைகளுக்கு செல்லும் முன்பே மறுபடி ஓடிவந்து கார்டனில் விழுந்ததென்ன?

திருச்செந்தூர் தேர்தலில் எப்படி மரியாதை கிடைத்தது, என்றாவது ராதிகா இதற்கெல்லாம் ஆவேசபட்டாரா அல்லது அதற்கு காரணமானவர்கள் மீது குற்றம் சாட்டினாரா?

ராதிகா கிரேட்

ஸ்ரீ கிருஷ்ணன் தமிழனா?

“மால் என்றால் கருப்பு, திரு என்றால் பெரிய என பொருள் எனவே விஷ்ணு பெரியகருப்பன். விஷ்ணு, பெரிய கருப்பன், கருப்பசாமி, மாலன்,மாயன் , மாயாண்டி என எல்லோரும் ஒரே கடவுள், தமிழ் கடவுள்..”

இப்படி ஒரு பேட்டி அளித்து தன் மூதாதை மாயோன் எனும் கொடிக்கு விளக்கம் அளித்திருக்கின்றார் அங்கிள் சைமன்.

மால் என்றால் கருப்பு என இவர் எங்கு படித்தார் என தெரியவில்லை, மா என்றால் பெரிய என பொருள், தமிழ் இலக்கண‌ சில விதிகள்படி மால் என்றானது, திரு+மால் என்றால் பெரிய‌ கடவுள் என பொருள்வரும்படி அமைந்தது அது என்பது ஒரு வாதம்.

மால் முருகன் என முருகப்பெருமானை அழைப்பதும் அப்படியே,

மால் என்றால் மீன் என்றும் பொருள், அதாவது விஷ்ணு எடுத்த அவதாரத்தில் மச்சாவதாரம் முதன்மையானது., அதனால் அவரை திருமால் என்றும் அழைப்பார்கள் என்பது இன்னொரு வாதம்.

ஆக அங்கிள் சைமன் சொல்லவருவது, திருமாலின் அவதாரமான கிருஷ்ணன் தமிழன் என்பதா? அல்லது திருமாலே தமிழன் என்பதா என்பது அவர் ஈழ பயணம் போலவே மர்மமானது குழப்பமானது.

பொதுவாக தமிழில் பெருமாள் என விஷ்ணுவினை அழைப்பார்கள், அப்படியே விஷ்ணுதான் நரகாசுரனை அழித்தார் என்பது தீபாவளி. ஆனால் அன்னார் நரகாசுரனுக்கும் அஞ்சலி செலுத்தினார் என்பது கடந்த ஆண்டு பார்த்தது.

விஷ்ணுவின் இன்னொரு அவதாரம் ராமர், ஆனால் அன்னார் ராவணன் இலங்கை தமிழ்மன்னன் என அவருக்கும் வீரவணக்கம் செலுத்தியதும் நடந்தது.

கிருஷ்ணன் தமிழனா, அல்லது விஷ்ணு தமிழனா என அன்னார் என்ன சொல்கிறார் என தெரியவில்லை, ஆனால் திருமாலை பெரிய கருப்பன் என மொழிபெயர்த்துவிட்டார்.

இனி பெருமாள் கோயில் எல்லாம் பெரிய கருப்பன் கோயிலாகும். கருப்பசாமி, கருப்பண்ண சாமி பூசாரி எல்லாம் தங்களை பெருமாள் கோயில் பூசாரி என்பார்கள் என்பது அங்கிளின் சமதர்ம கனவு.

இதோடு விட்டாரா என்றால், அதன் பின்புதான் அதிர்ச்சிகொடுக்கின்றார், இனி இந்திரவிழா, பாலை நிலத்து துர்க்கா விழாவினை கொண்டாட போகின்றாராம்.

நாளைக்கு ஒரு விழா ஒரு கொடி பிடிக்கும் தீர்மானத்திற்கு அவர் வந்தபின் தினமும் ஒன்றை கொண்டாடுவார் ஆனால் இந்திரவிழா கொஞ்சம் வித்தியாசமானது, கொற்றவை விழா இன்னும் கூடுதல்

எங்குதான் இருக்கிறது சிக்கல்???

அதவாது இந்திரவிழாவும், துர்க்கை விழாவும் மிக சரியாக இந்தியா முழுக்க கொண்டாடபடும் விஜயத்சமி காலத்தில் வரும், மைசூரிலும், தமிழகத்து குலசேகரபட்டிணத்திலும் அது விமரிசையாக கொண்டடபடும்.

தெலுங்கு பேசும் மக்களுக்கு அது மிகபெரும் விழா, அவர்கள் கொண்டாடும் அளவு நாம் நெருங்கமுடியாது.

அன்னாரின் ராஜதந்திரம் இங்குதான் தொடங்கும், வரலாற்றினையும் திருவிழாக்களையும் கண்டமேனிக்கு திரிக்கும் அங்கிளுக்கு அந்த விழாக்களையும் திரிக்க வெகுநேரம் ஆகாது

அன்னார் அங்குதான், அவர்கள் கொண்டாடிகொண்டிருக்கும் போதுதான் “ஹிஹிஹி நானும் உங்களோடு சேர்ந்து கொண்டாட வாரேன், மனசுல ஒன்னும் வச்சிக்காதீங்க, நாயக்கர்கள்னா முக்கியம்மனவங்கன்னு அர்த்தம்

தசரனா என்ன? தசம்னா 10, 10 இனம் சேர்ந்துகொண்டாடுறதுதான் தசரா, தமிழன், தெலுங்கன், மலையாளி, ஒரியன் அப்படி 10 பேர் சேரணும், நான் சேர்ந்துட்டேன், மறக்காம வோட்டு போட்ருங்க ஹ்ஹிஹிஹி”

என கூசாமல் தலை சொறிந்து நிற்பார், அவர் அறிவிப்பின் அர்த்தம் இதுதான், அவர்கள் அந்த சொறிந்த தலையில் என்ன செய்யவேண்டுமோ அதனை அவர்கள் செய்வார்கள்

சொல்லமுடியாது குலசேகர பட்டின தசரா பக்தர் போல வேஷமிட்டு அன்னார் மாறுவேடத்தில் அங்கு சென்று இப்படி பகீர் கிளப்பலாம், வாய்ப்பு இருக்கின்றது

நேரம் ஒரு வேஷம் போடுபவருக்கு அந்த வேஷம் போடுவதா சிரமம்? போடு பரமசிவன் வேடத்தை, கிளம்பு தசராவிற்கு வசூலும் பார்த்துவிடலாம் அவ்வளவுதான்

ஆனாலும் பெருமாளை பெரிய கருப்பனாக்கிய கயவாளித்தனம் அங்கிளை தவிர யாருக்கு சாத்தியம்

மால் என்ற வார்த்தையினை கொண்டு அங்கிளின் “கோல் மால்” மகா பிரமாதம்.

மொபைல் போன் மோகினி : ‘போக்கி(ரி)மான் கோ’

Image may contain: outdoor

இது மொபல் போன் யுகம், எல்லோர் கையிலும் ரேகை போலவே நிச்சயமாக‌ போன் இருக்கின்றது. இதனை குறிவைத்தே வங்கி முதல் ஐ.டி கம்பெனிகள் வரை வியாபாரம் செய்துகொண்டிருக்கும் காலம் இது.

மொபைல் போன் இல்லா வாழ்க்கை இனி மின்சாரம் இல்லா வாழ்க்கை போல சாத்தியமில்லை, அத்தனை அவசியமாக போய்விட்டது, அது இல்லை என்றால் வாழ்க்கை இயங்காது கேஸ் சிலிண்டர் வரவு முதல் வங்கிகணக்கு வரை அதன் மூலமே நடந்துகொண்டிருக்கின்றது.

நல்ல விஷயம் இருந்தால் இன்னொரு பக்கமும் வரும் அல்லவா, இதில் பல கம்பெனிகள் விளையாட்டு மென்பொருளை உருவாக்கி காசுபார்த்தன, அந்தியில் சந்தியில் ஓடி விளையாட வேண்டியவர்களை எல்லாம் ஒரு மூலையில் முடக்கி வைத்த பெருமை அவைகளுக்கு உண்டு, தடித்த கண்ணாடியுடன் அவைகளுடனே இத்தலைமுறை மல்லுகட்டிகொண்டிருக்கின்றது

கோப பறவைகள் (ஆங்கிரி பேர்ட்), நொறுக்கு மிட்டாய் (கேண்டி கிரஷ்) சீசன் முடிந்து இப்பொழுது சீசன் பொக்கிமான் கோ, அதன் தமிழ்பதம் “முடிந்தால் இத‌னை பிடி” எனும் பொருளில் வரும்.

மற்ற போன் விளையாட்டு சிக்கல் இல்லை, அமர்ந்த இடத்திலிருந்து விளையாடலாம், அலுவலகம் என்றாலும் கடமை ஆற்றுவது போல முகத்தில் போலி கவனத்துடன் விளையாடலாம். ஆனால் பொக்கிமேன் கோ விவகாரம் பிடித்தது, நீங்கள் நடந்தே ஆகவேண்டும்.

புதிதாக வந்த விளையாட்டு அல்ல, கிராமங்களில் ஓடி ஓடி கோழி பிடிப்பது, எருக்கலை வெடித்தால் அந்த தும்பினை ஓடி பிடிப்பது, ஆடி மாதங்களில் வேப்பங்கொட்டை சேகரிப்பது, தேடிபிடித்து தேன் எடுப்பது, அடுத்தவன் வீட்டில் ரகசியமாக கொய்யா திருடுவது போன்ற கிராமத்து விளையாட்டின் மொபைல் வெர்ஷன் இது அவ்வளவுதான்.

ஆனால் சிக்கல் எதில் வருகின்றது? காய்ந்து கிடக்கும் கண்மாயில் ஏதும் பொறுக்கினால் ஆபத்தில்லை, திறந்த வெளி யாரும் இல்லை, மேலே பறக்கும் காக்கா தவிர ஏதும் வராது. ஓடலாம் சாடலாம்.

நகரம் பரபரப்பானது, போனையே பார்த்துகொண்டிருப்பவர்களுக்கு சற்று தள்ளி ஏதோ தும்பு இருப்பதாக காட்டுகின்றது, ஓடுகின்றார்கள். தும்பு இருக்கும் இடத்தின் வழியினை போனே காட்டுவதால் அதனை பார்த்துகொண்டே ஓடுகின்றார்கள்

விளைவு மாடியில் இருந்து விழுகின்றார்கள், சாலையில் லாரிக்கு அடியில் விழுகின்றார்கள், எங்காவது மோதிகொள்கின்றார்கள். ஒரு சிலர் தடை செய்யபட்ட பகுதிகளுக்குள் தும்பு இருக்கிறது என்று ரகசியமாக சென்று மாட்டிகொள்கின்றார்கள்.

இப்படி எல்லா மக்களும் சென்று முட்டிகொண்டிருந்தால் என்ன ஆகும், சில உயிரிழப்புக்களும் நடக்க தொடங்கிவிட்டன. சில நாடுகள் இதிலிருக்கும் பாதுகாப்பு ஆபத்தினை புரிந்துகொண்டன, நேற்று ஜப்பானில் ஒருவர் காலி, சாலையில் தும்பு பிடித்திருக்கின்றார்.

விளையாட்டு மயக்கத்தில் ஆபத்தான தடை செய்யபட்ட அணுவுலை வளாகம், நுழைந்தால் துப்பாக்கி சூடுபடும் கேந்திர முக்கியத்துவ பகுதிகளுக்குள் எல்லாம் தும்பு பிடிக்க செல்லுமளவு நிலமை சில நாடுகளில் மகா மோசம்.

நாடுகள் மெதுவாக விழிக்க தொடங்கின, இது ஜிபிஎஸ் நுட்பம் உள்ள விளையாட்டு, ஒரு பகுதிக்கு சென்றால் செயற்கைகோள் கட்டிபாட்டில் போன் வந்துவிடும் விளைவு, அங்கிருக்கும் வைஃபை வரை செயற்கைக்கோள் எடுத்து சம்பந்தபட்ட நாட்டிற்கு அனுப்பலாம். சென்சிட்டிவான விஷயங்களை திருடலாம், படமெடுக்கலாம். நவீன உலகில் தொழில்நுட்பத்திடம் சிக்கிகொண்டால் ஏதும் பாதுகாப்பில்லை

அதிரடியாக முதலில் இந்த விளையாட்டினை தடை செய்த நாடு ஈரான், விரட்டியே விட்டது. சும்மா சொல்ல கூடாது பெர்சியர்கள் தனி ரகம்தான்

அடுத்து ஒவ்வொரு நாடும் அறிவுரையில் இறங்கிவிட்டன, சில நாடுகள் கண்களை உருட்டுகின்றன, சில நாடுகள் கட்டுபாடுகளை மட்டும் விதிக்கின்றன‌

ஒரு விளையாட்டு சர்வதேச நாடுகளை அச்சுறுத்துவதை உலகம் இப்பொழுதுதான் பார்க்கின்றது, மக்கள் நலன் மட்டுமல்ல கூடுதலாக விஞ்ஞான ரீதியான தேசபாதுகாப்பு.

நானும் விளையாடி பார்த்தேன், வை கோ போல அங்கும் இங்கும் ஓடினேன், கலைஞர் போல சில இடங்களில் அமைதியாக இருந்தேன், சசிகலா புஷ்பா போல தலை மறவாக திரிந்தேன், தமிழிசை போலவே, ராகுல்காந்தி போலவே சில வீடுகளில் புகுந்துவிட கூட தும்பு அழைத்தது.

சிலர் வீட்டு வாசலில் நின்றேன், ஒரு மாதிரியாக பார்த்தார்கள். சில இடங்களில் கார் அருகில் நின்றபொழுது கார் திருட வந்தவனோ என நினைத்தார்கள், சில ரெஸ்டாரண்ட் பக்கம் தும்பு பிடிக்க சென்றபொழுது வலுகட்டாயமாக நூடுல்ஸ் கொடுக்க பார்த்தார்கள்.

சீமை சரக்கு கடைக்கு முன்னாலும் தும்பு இருப்பதாக காட்டிற்று, சென்று தும்பை மட்டும் பிடித்தேன், கடைக்காரர் ஒரு மாதிரி பார்த்தார், இவ்வளவு அருகே வந்துவிட்டு வாங்காமல் போகிறான், லூசா இருப்பானோ? என்ற ஓட்டம் அவர் பார்வையில் தெரிந்தது,

பஸ் நிலையத்தில் பஸ் அருகே சென்றேன், ஆனால் தும்புபிடித்துவிட்டு ஏறாமல் வந்துவிட்டேன், ஓட்டுனர் குழம்பி நின்றார்.

அது கூட பராவாயில்லை, ஏதும் ஏடாகூடாமன இடங்களில், அழகு தாய்லாந்து பெண்கள் குவிந்த பகுதிகளில் தும்பு இருந்து பிடிக்க சென்றால் என்ன ஆவது? ஆனால் தும்பு இருப்பதாக போன் காட்டுகின்றது, செல்லலாம்

ஆனால் தும்பு பிடிக்கத்தான் சென்றேன் என்றால் நம்பவா செய்வார்கள்? அதுவும் என்னையா?

ம்ஹூம், வாய்ப்பே இல்லை.

உடனே அந்த விளையாட்டினை போனை விட்டு வெளியேற்றிவிட்டேன், அது வித்தியாசமாக மனதினை விளையாட்டிற்கு அடிமை ஆக்குகின்றது என்பது நிஜம். அதாவது யாரோ நம்மை கைபிடித்து அழைத்து செல்வது போல போன் நம்மை அழைத்து செல்கின்றது, அந்த மாய கரம் பின்னால் நாமும் நடக்கின்றோம்

சுற்றுபுறம், ஆபத்து, வாகனம், குழி எதும் அப்பொழுது கண்களுக்கோ சிந்தனைகோ வருவதில்லை, அதோ தெரிகின்றது தும்பு ஓடி சென்று பிடி அவ்வளவுதான். நிச்சயம் இது மொபைல் போன் மோகினி.

இந்தியாவில் நிலை எப்படி என தெரியவில்லை, டாஸ்மாக்கில் குடித்துவிட்டே லாரி, கார் என இயக்கி கூட்டத்தில் விடும் நாடு அது. இது என்ன கொடுமைகளை செய்ய போகின்றதோ தெரியவில்லை

ஆனால் நிச்சயம் இப்படி சினிமா வரும், நாயகன் போக்கிமான் விளையாடி நாயகி வீட்டு காம்பவுண்டுக்குள் செல்கிறான், அல்லது எங்காவது விளையாடிகொண்டே அவள்மீது முட்டுகின்றான் காதல் வெடிக்கிறது, அல்லது விளையாடிகொண்டே லாரியில் விழப்போகும் ஹன்சிகா அல்லது தமண்ணாவினை ஹீரோயினை தனுஷ் அல்லது ஜெயம்ரவி காப்பாற்றுகின்றார், அடுத்தால் டூயட்..,

அல்லது மும்பை கடற்கரையில் தும்பு பிடிக்க போய் நயன் மீது பிரபுதேவா முட்டுகின்றார், பிளாஷ்பேக் ஒப்பன், அடுத்த கதை ரெடி.

சிம்பு படமென்றால் அது வேறு மாதிரி, யாரையாவது பழிவாங்கவே அவர் விளையாடுவார்

கட்சியினர் விளையாண்டால் இன்னும் காமெடி, ரத்த அணுக்கள் கோபாலபுர பக்கமும், உடன் பிறப்புக்கள் போயஸ் கார்டன் பக்கமும் செல்லும் ஆபத்து உண்டு, கோபாலபுரத்திற்கு ஏதும் பிரச்சினை இல்லை, “தும்போடு 4 சமஉ பிடித்து வரும் சாமார்த்தியம் உள்ளவன் தம்பி..” என அது பாராட்டும்.

ஆனால் கார்டன் அப்படி அல்ல, விளையாட்டுக்கு தும்பு பிடிக்க போனாலும் அந்த பக்கம் எப்படி செல்லலாம் என கட்சிவிட்டே டிஸ்மிஸ் செய்துவிடும். தெற்கே எவனாவது சசிகலா புஷ்பா வீட்டு பக்கம் தும்பு பிடிக்க சென்றான் என்றால் அவ்வளவுதான் தீர்ந்தான்.

வை.கோவிற்கு பிரச்சினை இல்லை பல நடைபயணங்கள் நடந்ததால் அவர் எங்கும் தும்பு பிடிக்ககலாம், ராமதாஸ் கட்சியினர் வன்னியசாதியினர் வாழும் இடங்களில் மட்டும் தும்பு பிடிப்பர். எங்க ஏரியாவுக்குள் “நாடக தும்பு” பிடிக்க வருகின்றார்கள் என அவர் அறிக்கை விடும் ஆபத்தும் உண்டு

தமிழக காங்கிரசில் கோஷ்டி தாண்டி தும்பு பிடிக்க சென்றால் வந்துவிடும் வம்பு.

அங்கிள் சைமன் போன்றவர்கள், நிச்சயம் கச்ச தீவிற்கு அப்பக்கம் தும்பு இருந்தால் மட்டுமே விளையாடுவார், சந்திரகுமார் கோஷ்டி, பண்ருட்டி ராமசந்திரன் கோஷ்டி தும்பு பிடிக்க தன்னை மறந்து தேமுதிக அலுவலகம் சென்று கேப்டன் பார்வையில் பட்டால் மகா சிக்கல்.

ராமகோபாலன் போன்ற காவிகள் நிச்சயம் நாங்கள் மசூதி பக்கம்தான் தும்பு பிடிப்போம் என அழிச்சாட்டியம் செய்வர்.

இந்தியாவில் அந்த விளையாட்டு என்னென்ன காமெடிகள் செய்யபொகின்றது என இனிதான் தெரியும்.

சும்மாவே ஆயிரம் சுவாரஸ்ய கொடுமைகள் உள்ள நாடு, சாலை போக்குவரத்து முதல் மக்கள் இருக்கும் இடமெல்லாம் குழப்பம் அதிகம்

இதில் போக்கிமேனும் கையுமாக கிளம்பிவிட்டார்கள் என்றால், என்னென்னவெல்லாம் நடகுமோ?

இந்தியா எப்படி இவ்விளையாட்டை எதிர்கொள்கிறது எனபார்ப்போம், காரணம் 3ஜி 4ஜி வேண்டும், சர்வர் பிரச்சினை என பல பிரச்சினைகள் உண்டு, ஒருவேளை சரியாக வந்துவிட்டால் உடனே இந்தியா வரவேண்டும்

வந்து ஜெயபிரதா வீட்டினை சுற்றி சுற்றி தும்பு பிடிக்கவேண்டும், அல்லும் பகலும் அதனை சுற்றி சுற்றி தும்பு பிடித்து, ஒரு முறையாவது அவரை பார்த்துவிட முடியாதா? 🙂

நம்பிக்கைதான் வாழ்க்கை

நீர்மூழ்கி கப்பல் விவகாரம்….

நாம் நமது நாட்டினை கண்காணிக்கின்றோமோ இல்லையோ, உலக நாடுகள் இந்தியாவின் ஒவ்வொரு அசைவினையும் கண்காணித்து கொண்டே இருக்கின்றன, சுதந்திரம் பெற்ற காலத்திலிருந்து அது நடக்கின்றது

இந்தியா பற்றி எல்லா தகவல்களும் நுனியில் வைத்திருப்பார்கள், எங்காவது இந்தியா தன்னை வலுப்படுத்திகொள்ளும்போது அதனை சரியாக பிரயோகபடுத்துவார்கள்

சாஸ்திரி மர்ம மரணம் முதல் அது தொடர்ந்தது, வங்கப்போரின் தொடர்ச்சியாக இந்தியா அணுகுண்டு செய்ய அது இன்னும் வலுத்து பஞ்சாபில் வெடித்தது, இந்திரா ரத்தத்தோடு அது துடைக்கபட்டது

இளமையான ராஜிவ் வேகமாக செயல்பட்டபொழுது போபர்ஸ் பீரங்கி ஊழல் எனும் வெளிநாட்டு வங்கி பரிவர்த்தனைகள் இந்தியாவில் வெளியிடபட்டன, எப்படி? யார் கொடுத்தார்? என்றெல்லாம் கேட்ககூடாது அவ்வளவுதான்.

வாஜ்பாய் அணுகுண்டு வெடித்து பெரும் பலத்தினை காட்டியபொழுது கார்கிலில் வெடித்தது யுத்தம், ஏன் என்றால் அப்படித்தான். யாருக்கோ எங்கோ பிடிக்கவில்லை. சோனியாவிற்கு சம்பந்தமே இல்லா அண்டை நாடான இலங்கை பிரச்சினையில் தமிழகத்தில் அவர் பெயரினை உருட்டுவார்கள்.

தற்பொழுது பரபரபாகும் காஷ்மீர் கலவரங்கள், மோடிக்கு உலகளவில் ஒரு சவால்.

பிரம்மோஸ் எனும் ஏவுகனையினை நாம் தயாரித்திருக்கும் வேளை, கிட்டதட்ட அதனை போலவே ஒன்றை செய்திருக்கின்றது சீனா, அதாவது நம்மை உள்நுழைந்து கவனிக்காமல் அது சாத்தியமில்லை என்கின்றார்கள்.

அடுத்து நீர்மூழ்கி கப்பல் முறை, ஒப்பந்தம் செய்திருப்பது பிரான்ஸ் நாடு. அதாகபட்டது அவர்கள் தொழில்நுட்பத்தில் இந்தியாவில் உருவாக்கிகொண்டிருக்கின்றோம், நுட்பான விஷயங்கள் அவர்கள் கொண்டு பொருத்துவார்கள், நாம் டிங்கரிங் வெல்டிங் போன்ற வேலைகளை பார்ப்போம்.

se

ரகசியமான விஷயங்கள் இவை

இப்பொழுது சிக்கல் என்னவென்றால், இதே பிரான்ஸ் நிறுவணம் ஆஸ்திரேலியாவிற்கு நீர்மூழ்கி செய்கிறது, பெரும் கேட்டரிங்க் கம்பெனிகள் ஜெயா வீட்டு விஷேசத்திற்கு நாங்கள் இப்படி செய்தோம், செட்டியார் வீட்டு கல்யாணத்திற்கு நாங்கள் இப்படி சமைத்தோம் என பெரும் பணக்காரர்களிடம் சாம்பிள் காட்டுவது போல, பார்த்தீர்களா? இந்தியாவிற்கு இப்படி செய்துகொண்டிருக்கின்றோம் என சொன்னதாக செய்தி

சொல்லி இருப்பது ஆஸ்திரேலிய பத்திரிகை.

அப்படியானால் நாம் செய்துகொண்டிருக்கும் ரகசிய நடவடிக்கைகளை உலகம் தெரிந்துகொண்டிருக்கின்றதா? அப்படியானால் சீனா, பாகிஸ்தான் அறிந்திருக்குமே என அலறுகின்றது இந்தியா.

இதற்கு பேசாமல் சீனாவிடமே செய்ய சொல்லி இருக்கலாமோ என அதிருப்தியில் இருக்கின்றது கடற்படை.

பிரான்ஸ் கம்பெனிதான் இதற்கு பொறுப்பு என்றாலும், இந்தியாவின் பங்கினையும் இல்லை என சொல்லிவிட முடியாது. எப்படி கசிந்தது என இருவரும் மண்டையினை பிய்த்துகொண்டிருக்கின்றார்கள்.

இது கிட்டதட்ட ஸ்பெக்ட்ரம் ஊழல் பணத்தின் 2 மடங்கு பட்ஜெட். பெரும் போட்டிக்கு இடையில்தான் பிரான்ஸ் கைபற்றியது. போட்டி கம்பெனி வேலையோ என அது சந்தேகிக்கின்றது.

எப்படியோ இது சாதாரண விஷயம் அல்ல, நாட்டின் பாதுகாப்பு ரகசியத்தை அசைத்துபார்க்கும் விஷயம் என்பதால் மகா சீரியஸ்.

பொதுவாக எதிர்கட்சி கூர்மையாக இருந்தால் இம்மாதிரி விஷ்யங்கள் கடும் பரபரப்பினை கொடுக்கும். ராஜிவ் காலத்திற்கு பின் காங்கிரஸ் அதனை இழந்து ஒரு அமைதி நிலைக்கு சென்றுவிட்டது, இதனால் இது உலக அளவில் கொடுத்திருக்கும் பரபரப்பினை விட நாட்டுக்க்குள் குறைவு.

காங்கிரஸ் இப்பொழுதெல்லாம் மகா அமைதி, ஏன் என்று தெரியவில்லை. தமிழ்நாட்டு காங்கிரசுக்கே இன்னும் தலைவரில்லை

பாஜ மட்டும் எதிர்கட்சியாக இருந்தால் இந்நேரம் அத்வானியும், சுஷ்மாவும், ராஜ்நாத்சிங்கும் பொங்கி பொங்கி தீர்த்திருப்பார்கள். கட்டாரி எல்லாம் நீர்மூழ்கியில் ஏறி அழிச்சாட்டியம் செய்திருப்பார்

ஆனால் ஆட்சியில் இருக்கும்போது மகா அமைதி, இதுதான் அரசியல், வாய்வீச்சு அரசியல்.

இந்நிலையில் இன்னும் அந்த நீர்மூழ்கி தகவல்களை வெளியிடுவோம் என எச்சரிக்கின்றது ஆஸ்திரேலிய பத்திரிகை, காங்கிரசாரே விழித்துகொள்வீர்

அது இருக்கட்டும், ஏன் இந்த சர்ச்சைகள்?

சொந்தமாக நீர்மூழ்கி கட்டும் வித்தை நமக்கு தெரியாததால் சிக்கல், எத்தனை ஆயிரம் கோடிகளில் சினிமா, கிரிக்கெட் , தேர்தல் என எவ்வளவு செலவழிக்கின்றது இந்த தேசம்?

சினிமாக்காரன், கிரிக்கெட் காரன் சம்பளம் என்ன? ஒலிம்பிக்கில் வென்றவர்களுக்கு குவிந்திருக்கும் செல்வம் என்ன?

மதம் எனும் பெயரில் திருட்டு சாமிகளிடமும், தொழில் எனும் பெயரில் மல்லையாக்களிடமும் குவிந்திருக்கும் பணம் என்ன?

அவற்றை கொண்டு தரமான மரைன் பொறியாளர்களை நாம் உருவாக்க முடியதா? உலகெல்லாம் இருந்து விற்பனர்களை கொண்டுவந்து பாடமும் பயிற்சியும் கொடுத்தால் முடிந்தது விஷயம்.

எத்தனை நாள் மீன் பிடித்து தா என அவனிடமே பணம் கொடுப்பது, நாமே படகு கட்டி செய்தால் என்ன?

120 கோடி மக்களும், ஏராளமான கோடீஸ்வரர்களும், புத்திசாலி மாணவர்கள் இருந்தும் இன்னும் தவிக்கின்றோம் என்றால் தவறு இந்த தேசத்திடமே இருக்கின்றது.