காவேரி : என்னை சிறையில் அடைத்து விடுவார்கள் : சீமான்

தமிழ்நாட்டில் இப்போது காவேரிக்காக நான் போராட்டம் நடத்தினால் என்னை சிறையில் அடைத்துவிடுவார்கள் : சீமான் அறிக்கை.

அப்படியானால் முன்னர் இவர் இலங்கை தமிழர்களுக்காகவும் இன்னபிற அழிச்சாட்டிய போராட்டம் நடத்தும்பொழுதெல்லாம் “யாரோ”” உங்களுக்கு ஆபத்து இல்லை, சிறையில் அடைக்க மாட்டோம் அல்லது அடைக்கவிட மாட்டோம் என சொல்லி இருகின்றார்களா? என்றேல்லாம் நாம் கேட்க கூடாது.

அப்படியானால் தமிழகத்தில் பிரபாகரன் கொடியினை பிடி, படத்தினை பிடி, தடை எல்லாம் ஒருபக்கம் இருக்கட்டும் இந்திய அரசு உன்னை பிடித்துவிடாமல் நாங்கள் பார்த்துகொள்கிறோம் என யாரோ சொல்லி இருந்தார்களா?

இப்பொழுது ஜெயலலிதா அரசு இவரை பிடித்து உள்ளே போடமாட்டோம் என உத்திரவாதம் கொடுத்தால் இவர் போராடுவாரா? இதனை அதிமுகவின் ஒன்றிய செயலாளர் கூட அழகாய் செய்வானே, இந்த தமிழர் கோஷம், முஷ்டி கோஷம் எல்லாம் ஏன்?

ஈழதமிழருக்கு ஒன்று என்றால், அதாவது பிரபாகரனின் புலிகளுக்கு ஏதும் என்றால் கடும் போராட்டங்கள் நடத்த்தி, முத்துகுமார் போன்றோர்கள் உணர்வில் உந்தபட்டு சாக காரணமாக இருந்த இவரை போன்றவர்கள் எல்லாம் இப்போது தமிழக தமிழர்களுக்காக ஏன் அமைதி?

ஈழதமிழனுக்கொரு நியாயம், காவேரி கரை தமிழனுக்கொரு நியாயமா?

அப்படியே பெங்களூர் வாழ் தமிழர்களுக்காக அமைதி காப்போம் என சப்பைகட்டு கட்டினாலும், அன்று ஈழப்போர் நடக்கும்போது கொழும்பில் தமிழர், சிங்கள ராணுவ ஆட்சியின் கீழ் தமிழர்கள் யாழ்பாணத்திலும் மட்டகிளப்பிலும் இல்லையா?
அவர்களுக்கு ஆபத்து அன்று இல்லையா?

அப்படியானால் சிங்களை விட கன்னடன் கொடூரமானவன் என்றொரு அறிக்கை விடவேண்டும் என அச்சமா? இல்லையா?

இதைபற்றி எல்லாம் யாரும் கேட்கமாட்டார்கள், நாமும் கேட்க கூடாது. ஆனால் இப்படிபட்ட முடிவுக்கு எல்கேஜி குழந்தை கூட வரும்.

அதாகபட்டது கலைஞர் ஆட்சி என்றால் அன்னார் கண்டபடி கேள்வி கேட்கவும், இல்லாத அட்டகாச பேச்சுக்களை பேசவும் எங்கிருந்தோ உரிமை வழங்கபட்டிருக்கின்றது, அன்னார் ஆடியிருக்கின்றார்.

இப்பொழுது அப்படி அல்ல, சிறையில் அடைத்து விடுவார்கள் ஹிஹிஹி என பம்முகின்றார், இலங்கை தமிழருக்காக சிறை செல்லவும், அதனை உடைக்கவும் தயார் என முழங்கிய இவர்.

இவர் இவரே தான், இப்பொழுது தமிழக தமிழர்களுக்காக சிறை செல்ல தயக்கம் என்கிறார்.

இருக்கட்டும், அவர் அப்படித்தான்.

கொஞ்சநேரத்திற்கு முன்பு மூன்றாம் பிறை சினிமா பார்த்தேன், ஸ்ரீதேவி ஒரு குரங்கிற்கு உத்தரவிட்டு கொண்டிருந்தார்.

ஆட்ரா ராமா, தாண்டுரா ராமா….

எப்படிபட்ட படம் அது, ஸ்ரீதேவி, கமலஹாசன், சில்க் என எல்லோருமே நடிப்பில் பட்டையினை கிளப்பியிருந்தார்கள், அந்த குரங்கு உட்பட…


கன்னட முதல்வர் ஏதோ செய்து 12 ஆயிரம் கன அடியாக நீரினை குறைக்க செய்திருக்கின்றார், ஆக செப்டம்பர் 20ம் தேதிவரை வரும் நீரிலே ஒரு பங்கு குறைத்தாகிவிட்டது

நம்முடைய முதல்வர் என்ன செய்வார்?, ஒரு அனைத்து கட்சி கூட்டம் நடத்துவாரா? பெரும் வகையில் மூவ் எடுப்பாரா என எதிர்பார்க்கும்பொழுது அறிவித்தார் பாருங்கள், சர்வ நாடியும் அடங்கிவிட்டது

நத்தம் விஸ்வநாதன் விரட்டியடிப்பாம், நமது டிசைன் இப்படி


தியாக திருநாள் வாழ்த்துக்கள்

bak
அந்த பெரியவர் இன்றைய பாக்தாத் பக்கத்தில் ஒரு ஊரில் வாழ்ந்துவந்தார், குழம்பவேண்டாம், அந்த ஊரின் பெயர் “ஊர்” தான். மிக‌ நிச்சயமாக தமிழ்பெயர்தான், அந்த பகுதி கஸ்திம் அல்லது கல்தேயா, ஹீப்ரு மொழியின் மூலபிரதி அப்படித்தான் சொல்கிறது,

நமது பகுதியில் பல ஊர்கள் இருப்பது போல, அது கஸ்திம் ஊர் அல்லது ஊர் கஸ்திம்.

அவரும் எதற்காகவோ அந்த பகுதியினை விட்டு விலகி வெகுதொலைவில், அதாவது இன்றைய துருக்கியில் அன்று ஹாரன் என அழைக்கபட்ட இடத்திற்கு வந்தார், அதாவது குடும்பத்தோடும், சகலத்தோடும் வந்து சேர்ந்தார்.

மனிதர் பெரும் சொத்துபத்திற்கு அதிபதி, அதாவது அந்நாளில் ஆடுகள்,மாடுகள் முதலானவையே மாபெரும் செல்வம். ஊர் என்பது விவசாய பகுதி, இவர் ஆடு மாடுகளை பெருமளவில் வைத்திருந்ததால் மேய்ச்சல் நிலம் தேடி இடம்பெயர்ந்திருக்கலாம் என்ற தியரியும் உண்டு.

இவ்வளவு செல்வங்கள் இருந்தும் அவருக்கு பிள்ளை செல்வம் இல்லை, ஆனால் இவரை ஏனோ கடவுளுக்கு மிகவும் பிடித்து போயிற்று.

(சில அட்டகாச கிறிஸ்தவர்கள் சொல்வார்கள், பிரம்மம் எனும் வழிபாடு இருந்த இடம் அது, இவர் அதனை எதிர்த்தார் அதனால் நீதி xஅநீதி. நியாயம்xஅநியாயம் திமுக xஅதிமுக வரிசையில் இவர் பிரம்ம xஅபிரம்மம், அது ஆபிராம் எப்படி பார்த்தீர்களா? என கண்களை வானத்தை நோக்கி திருப்புவார்கள்,

அப்படியானால் அபிராமி என்றால் என்ன பொருள் கேட்டால் பற்களை நரநரவென கடித்துவிட்டு ஓடிவிடுவார்கள்.)

அவர் ஆபிராம் அல்லது ஆபிரகாம் என யூதர்களாலும், கிறிஸ்தவர்களாலும், இஸ்லாமியர்களால் இபராஹிம் நபி என அழைப்பபடுபவர்

அவரின் பெயர் அப்படியானது அவ்வளவுதான் விஷயம், ஹீப்ரு,கிரேக்கம்,லத்தீன், ஆங்கிலம் என சுற்றி வந்ததால் ஆபிராம், ஒரிஜினல் அரபுபொழியில் அது இப்ராஹிம். அவ்வளவுதான் விஷயம்

இவரிடம் வந்த கடவுள், இவரை கானான் எனப்படும் இன்றைய இஸ்ரேல் பாலஸ்தீன பகுதிகளுக்கு வருமாறு அழைத்தார்.

ஆபிரகாமும் ஒரு வார்த்தை பேசாமல் பின் தொடர்ந்து வந்தார்,கொஞ்சகாலம் கானானிலும் பின் எகிப்திலுமாக அப்பகுதியெல்லாம் சுற்றி திரிந்தார், சுருக்கமாக சொன்னால் நாடோடி மேய்ப்பன் வாழ்க்கை.

வயதும் ஏறிற்று, ஆனால் குழந்தை இல்லை. ஒரு நாள் கடவுள் வந்து அவரிடம் குழந்தைபற்றிய உறுதிமொழியும், அவருடைய வம்சம் தழைத்தோங்கும் உறுதியினையும் அளித்துவிட்டு சென்றார்.

நிச்சயமாக அது மெடிக்கல் மிராக்கிள். கிட்டதட்ட 100 வயதாக இருக்கும்பொழுது கடவுள் அவருக்கு ஒரு மகனை கொடுத்தார், மனைவிக்கோ கிட்டதட்ட 80 வயது. ஆண்டவன் நினைத்துவிட்டால் எல்லாமும் சாத்தியம் அல்லவா?

பின்னும் மற்ற வேலைகாரிகள் மூலமாகவும் அவருக்கு பிள்ளைகள் பிறந்தாலும், இம்மகன் மீது அவர் உயிரையே வைத்திருந்தார்.

பக்தனை சோதிப்பது கடவுளின் பிரதான ஆட்டம், அப்படியே இவரையும் சோதிக்க் எண்ணி, உன் மகனை எனக்கு பலிகொடு என்றார். அந்நாளில் ஆடு,மாடுகள் பலி உண்டு, சில இடங்களில் நரபலி கலாச்சாரமும் இருந்திருக்கின்றது.

முதிர்ந்த வயதில், மனைவிக்கும் தனக்கும் வராது வந்த மாமணியான அம்மகனை பலியிடுவது என்றால் எவ்வளவு துயரம்? அரசன் கேட்டால் மறுத்துவிடலாம், கடவுள் கேட்டால்? என்ன செய்ய? அவரின் பக்தி நிறை உள்ளம் மறுக்கவில்லை.

சிறுதொண்ட நாயனாரை சிவபெருமான் அகோரி வேடத்தில் வந்து மகனையே வெட்டி சமைக்க வைத்து சோதித்தார் அல்லவா? அதேபோல் ஒரு சோதனை.

அப்படியே இவரும் மகனை தானே வெட்டி பலியிட தயாரான பொழுதுதான், கடவுள் தடுத்து இவரின் பக்தியினை மெச்சி, இவருக்கு சில உறுதிமொழிகளை அள்ளி வீசிவிட்டு ஒரு ஆட்டினை காட்டி பலியிட சொன்னார், கடவுளுக்கு மிகுந்த நன்றியினை தெரிவித்துவிட்டு அவரும் அவரோடு இருந்தவர்கள் அந்த ஆட்டினை பகிர்ந்து உண்டு மகிழ்ந்தனர்.

அதனை நினைவு கூறும் வண்ணம் இஸ்லாமிய பெருமக்கள் அந்த நாளில் ஆடு பலியிட்டு கடவுளுக்கு நன்றி கூறுகின்றனர், அதாவது அந்த பெருமகனாரின் ஒப்பற்ற தியாகத்தினை நினைவு கூறுகின்றனர்.

இச்சம்பவம் யூதர்களின் தோரா, கிறிஸ்தவர்களின் பைபிள், இஸ்லாமிய பெருமக்களின் குரான், பஹாய் மதத்தின் குறிப்புகள் என இந்த பெரியவர் இப்ராஹிம் தொடர்புடைய எல்லா மதங்களிலும் அழுத்தமாக பதிவு செய்யபட்டிருக்கின்றது.

இந்த பக்தியினை மெச்சித்தான், இறைவன் இவருக்கு பெரும் மதிப்பினை கால காலத்திற்கும் வழங்கினார். அதாவது இந்த தியாகம் செய்ய அவர் துணிந்ததால் யூதம்,இஸ்லாம்,கிறிஸ்தவம், பஹாய் என சகல மதங்களின் வரலாறுகளிலும் மகா நிச்சயமாக முதல் இடம் இவருக்கு, காலமுள்ள காலமட்டும் இவர் ஒருவருக்கே.

அந்த தியாக திருநாளினை இஸ்லாமிய பெருமக்கள் தங்களின் பெரும் கடமைகளில் ஒன்றாகவே ஏற்றுகொண்டார்கள், அந்த பெருமகனார் தன் மகனுடன் வந்து கடவுளை வணங்கிய இடம்தான் புனிதமான மெக்காவின் பழமையான கஃபா என்பது அவர்களின் பெரும் ஆதார நம்பிக்கை, அதனால்தான் பல கோடி இஸ்லாமியர் அங்கு கூடி தங்கள் மத சடங்குகளை நிறைவேற்றுவர்.

இந்த நாளில் ஆட்டினை பலியிட்டு பகிர்ந்தளிக்கவேண்டும் என்பது அவர்களின் மரபு, உருது மொழியில் பக்ரீ என்றால் ஆடு என பொருள்படும் என்பார்கள், ஈத் என்றால் பகிர்ந்துகொள்ளும் பண்டிகை. அதுவும் அந்த ஆடு ஏழைகளுக்கு இத்தனை சதவீதமும், உறவினர்களுக்கு இத்தனை சதவீதமும் கண்டிப்பாக கொடுக்கவேண்டும் என்ற கட்டுபாடுகளும் உண்டு.

தியாக திருநாள் அதாவது பக்ரீத் பண்டிகை கொண்டாடும் அனைத்து இஸ்லாமிய பெருமக்களுக்கும் நல்வாழ்த்துக்களை தெரிவிப்போம்.

இறைவனின் அருளும், கருணையும் நம் எல்லோர் மேலும் இருக்கட்டும்.

இன்று யாராவது பிரியாணி தந்தால் அவர்கள் மீது இன்னும் அதிகமாக இருக்கட்டும்.