சிகப்பு சம்பா சோறு.. நாவில் தங்கிவிட்ட நீங்கா சுவை…

கோலாலம்பூரில் சுத்த தென்னிந்திய பொருட்கள் சில இடங்களிலே கிடைக்கும், அப்படி சுற்றிகொண்டிருந்தபொழுது சிகப்பு சம்பா அரிசி கண்ணில் பட்டது, சிறுவயதில் அந்த சோறுதான்

ஊரெல்லாம் அதுதான், திருமணம், கோயில் அசனம் இன்னும் பல விஷேசங்கள் என்றால் அதுதான்.

அக்கால நினைவுகள் அவை.

நெடுநாளைக்கு பின் அந்த அரிசி உலையில் கொதிக்கும்பொழுது அந்த மணமே பால்ய காலத்திற்கு இழுத்துசென்றது

வாயில் வைத்தவுடன் அதன் சுவை அப்படியே அக்கால நினைவுகளுக்கு இழுத்து சென்றது

மணங்களுக்கும், சுவைகளுக்கும் கூட நினைவுகளை கிளறிவிடும் மகத்தான ஆற்றல் கொண்டவை.

அந்த மணத்தில் அக்கால பாட்டிகளும், அந்த சமையல்காரர்களும் நினைவுக்கு வந்துகொண்டே இருக்கின்றார்கள். வரட்டும்

எவ்வளவு விஷயங்களை இழந்திருக்கின்றோம்

தாய்லாந்து, பர்மா என சுவையில்லா பாலிஷ் அரிசி குப்பைகளிலிருந்து இன்று பெரும் விடுதலை

அப்படிபட்ட அற்புதமான சுவை கொடுதிருகின்றது, இனி கொஞ்சம் கொஞ்சமாக அவைகளுக்கு விடைகொடுக்கலாம்.

விலை அதிகம்தான், ஆனால் அது கொடுக்கும் மணத்திற்கு எத்தனை கோடி கொடுப்பினும் தகும்,

காரணம் அது சொந்த கிராமத்து வாசனையினை மீட்டு கொடுக்கும் மணம், உறவுகளோடு உண்ட அந்த சுகமான நினைவுகளை திருப்பிகொடுக்கும் சுவை

நெஞ்சில் நிலைத்துவிட்ட, நாவில் தங்கிவிட்ட நீங்கா சுவை.

எங்கள் பிரச்சினையினை நாங்கள் பார்த்துகொள்வோம்

அடேய் இலங்கையிலிருந்து தனிதமிழ்நாடு, காவேரி , இனமானம், தமிழன் மானம், வீரம், தற்கொடை, துரோகி இன்னபிற அழிச்சாட்டியம் எல்லாம் சொல்லி என்னையும் மிரட்டிகொண்டிருப்பவனே

அன்றொரு காலத்தில் எமது பெருமைக்குரிய ராணுவம் இலங்கையில் இருந்தபொழுது உன் மேதகு சொன்னான்

“நாங்களும் சிங்களரும் அண்ணன் தம்பிகள், இது சகோதர சண்டை, இந்திய நாய்களுக்கு இங்கு என்ன வேலை?”

அதையே உனக்கும் சொல்கிறேன்

கன்னடனுக்கும் எங்களுக்கும் நடப்பது பங்காளி தகறாறு, நாங்கள் பார்த்துகொள்கின்றோம்

நீ அங்கே இருந்து விக்னேஸ்வரன், டக்ளஸ், ராஜபக்சே, மைத்ரிபாலா என பேசிகொண்டிரு போதும்

கன்னட‌ மக்கள் இனவெறியர்கள் என்றால் என்றோ வாட்டாள் நாகராஜ் முதல்வராகி இருப்பான், அப்படி ஆகவில்லை காரணம் அவர்கள் எல்லோரும் இனவாதிகள் அல்ல‌

தமிழக மக்கள் எப்படிபட்டவர்கள் என்பதை சீமானின் தேர்தல் டெப்பாசிட்டே காட்டி கொடுத்தது.

இது இந்தியா, ஆயிரம் பிரச்சினைகள் இருந்தாலும் தாண்டி எழும்பி நிற்கும் இந்தியா

இந்த சீமான், வாட்டாள் நாகராஜினை கொண்டு சீன் போடும் வேலை எல்லாம் இங்கு வேண்டாம்

எங்கள் பிரச்சினையினை நாங்கள் பார்த்துகொள்வோம்