தேவர் பெருமகனாருக்கு புகழ்வணக்கம் : சீமான்

தேவர் பெருமகனாருக்கு நாம் தமிழர் கட்சியின் சார்பாக புகழ்வணக்கம் : சீமான்

அன்னாருக்கு பித்து உச்சத்திற்கு சென்றுவிட்டது, கொஞ்சமும் சுய நினைவோ, வெட்கமோ, கூச்ச உணர்வோ சுத்தமாக இல்லை

தேசியத்தை போற்றிய பெருமகனார் அவர், பாகிஸ்தானிய பிரிவினையே அவர் ஏற்றுகொண்டவரில்லை

இந்த சீமானோ காஷ்மீர் பிரியட்டும், பஞ்சாப் பிரியட்டும் என அந்த பிரிவினை தலைவர்களை எல்லாம் கூட்டி மாநாடு நடத்தியவர், இந்திய தேசிய எதிரியும், இந்தியாவின் ஒற்றுமைக்கு பெரும் சவால் விட்ட பிரபாகரன் படத்தினை சுமப்பவர்

இந்த பிரிவினை வாதி அந்த தேசாபிமானிக்கு புகழ்வணக்கம் செலுத்த என்ன தகுதி இருக்கின்றது? கொஞ்சம் நிதானித்தவன் யோசிப்பான், அன்னாருக்கு அறவே இல்லை

ஒரு படத்தில் கவுண்டமணி பேப்பர் தோசை லிவருக்கு நல்லது என வழிந்துகொண்டே சொல்லும்போது சத்யராஜ் சொல்வார் “அடேய் பேப்பர் தோசை வேணும்ணா, வேணும்ணு சொல்லு அதுக்கு ஏன் இப்படி அள்ளிவிடுற…”

அப்படி சீமான் நேரடியாகவே எனக்கு வோட்டு தாருங்கள் என கேட்கலாம், இப்படி ஏன் சம்பந்தமில்லாமல் புகழ்வணக்கம் சொல்லவேண்டும்???

விரைவில் பாருங்கள் அங்கிள் தன் ஸ்பெஷல் காமெடியினை விரைவில் செய்வார்

அது என்னவாக இருக்கும்?

அதே தான் விரைவில் இம்மானுவேல் சேகரனுக்கும் புகழ்வணக்கம் செலுத்துவார் பாருங்கள் (முன்பே செய்திருக்கின்றார்)

அங்கு நிற்கின்றார் அங்கிள் சைமன்

அங்கிள் சைமனால் இன்னும் புகழ்வணக்கம் செலுத்தபடாதவர் இருவர், விரைவில் அவர்களுக்கும் நடக்கும்

ஒன்று சிங்கள வெறியன் ஜெயவர்த்தனே இன்னொருவர் ராஜபக்சே..

இது மு.க ஸ்டாலின் வழி…

தேவர் அவர்களின் வாழ்க்கை வரலாறு இன்றைய இளைஞர்களுக்கு சிறந்த வழிகாட்டியாகத் திகழ்கிறது: மு.க.ஸ்டாலின்

அன்று பெரியார் வரலாறு இளைஞர்களுக்கு வழிகாட்டும் என்றார், பின்பொருநாள் அண்ணா வழி வழிகாட்டும் என்றார், அவ்வப்போது கலைஞரின் திராவிட கொள்கை வழிகாட்டும் என்றார்

இப்பொழுது பசும்பொன் சிங்கத்தின் வழி வழிகாட்டும் என்கின்றார்

தேசியமும், ஆன்மீகமும் பேசியவர் தேவர் பெருமகன் அவர் வழி அப்படி

பிரிவினைவாதமும் நாத்திக வாதமும் பேசியவர் பெரியார் இவர் வழி இப்படி

அப்படியானால் இவர் என்ன சொல்ல வருகின்றார்?

ஆகவே தமிழர்களே எந்த வழியும் செல்லுங்கள், எப்படியும் போங்கள், ஆத்திகம் நாத்திகம் பேசுங்கள், பகுத்தறிவு பேசுங்கள், இந்தி படியுங்கள், படிக்காமலும் போங்கள், திராவிடம் பேசுங்கள் அப்படியே இந்திய தேசியம் வாழ்க என சொல்லுங்கள், எதுவேண்டுமானாலும் செய்து தொலையுங்கள்

ஆனால் வாக்கினை மட்டும் எங்களுக்கு தந்துவிடுங்கள் என்பது இவர் சொல்லவருவது,

இது மு.க ஸ்டாலின் வழி

எமது சிற்றறிவுக்கும், பகுத்தறிவுக்கும் அவ்வளவுதான் விளங்குகின்றது


 தேர்தல் பிரச்சாரத்தில் ஜெயலலிதாவின் படத்தைக் காட்டி வெற்றி பெறுவோம் : தம்பிதுரை

எங்களுக்கு ஆயிரத்தில் ஒருவனும், அடிமைப்பெண் படமும் வேண்டும் ,

பட்டிக்காடா பட்டணமா போன்ற இம்சைபடங்கள் எல்லாம் காட்டினால் வாக்களிக்க மாட்டோம்.


ஓர் சந்தேகம்:

மறவருக்கும், அகமுடையாருக்கும் புறனானூற்றில் விளக்கம் இருக்கின்றது,

கள்ளர் என்பது கூட பசுகூட்டத்தை யுத்தத்தின் முன்னறிவிப்பாக கவரும் வீரர்கள் என்கிறது பழம் இலக்கியம்

ஆனால் பிறமலை கள்ளர் என்றால் என்ன பொருள்? தெரிந்தவர்கள் சொல்லுங்கள்,

பிறமலை என்றால் என்ன பொருள்? புற‌ மலையா? அல்லது பிறர் மலையா?

எனக்கு தெரிந்தது ம.கோ ராமசந்திரன் சொன்ன “மலை கள்ளன்” மட்டுமே..


கலைஞரின் உடல் நலம் குறித்து விசாரித்த வைகோ!

பழைய கலைஞராக இருந்திருந்தால் வை.கோவிற்கு பதில் எப்படி கொடுத்திருப்பார் தெரியுமா?

“நாதஸ்வரத்தினை கையிலெடுத்து மூச்சடக்கி ஊதும் அளவிற்கு வலுவாக இருக்கின்றான் இந்த கருணாநிதி”

அதன்பிறகு வைகோ வாய் திறப்பார்????


 

தலாக் முறை பெண்களுக்கு எதிரானது : குஷ்பூ

குஷ்பு – புதிய தலைமுறை : அக்னிப் பரிட்சை (29-10-2016) : காணொளி

தலாக் முறை பெண்களுக்கு எதிரானது : குஷ்பூ , இதனை தொடர்ந்து பல சர்ச்சைகள், குஷ்பூ மீது கடும் விமர்சனம்

குஷ்பூ பிறப்பால் ஒரு இஸ்லாமியர், அதன் சில பக்கங்களை விமர்சிக்க அவருக்கு தகுதி உண்டு, மனதில் பட்டதை சொல்கின்றார், உண்மையில் மூன்று தலாக் இடையே நீண்ட இடைவெளி கொடுக்கவேண்டும் என்ற மத கட்டுபாடு உண்டு, ஆனால் அது பின்பற்றபடவில்லை என்பார்கள்.

குஷ்பூ என்ற பிரபலம் சொன்னதற்காக குதிப்பவர்கள், அவர் பிறப்பால் ஒரு இஸ்லாமியர், ஆக இஸ்லாமிய பெண்ணே தலாக் முறை பற்றி விமர்சித்திருக்கின்றார் என்பதை மறந்துவிடுகின்றார்கள்.

குஷ்பூ சொன்னதில் தவறேது கண்டார்கள்?, எந்த மதமானால் என்ன? அதில் உள்ள சில குறைகளை சுட்டிகாட்ட கூடாதா?

இதில் சிலர் வந்து குஷ்பூவின் இந்த பேச்சு தமிழகத்தில் காங்கிரசை பாதிக்கும் என்கின்றார்கள், இதுதான் காமெடி

முதலில் காங்கிரஸ் எங்கிருக்கின்றது? அதனை பாதிக்க? இல்லாத காங்கிரசை எப்படி பாதிக்கமுடியும்?

குஷ்பூ இல்லாத நிலைதான் இனி காங்கிரசை பாதிக்கும் என்கின்றார் நண்பர் Venkatesh Mothilal

ஆக மதரீதியான சில வாத முடிவுகள் தலாக் முறைக்கு தேவை என பிரதமரே சொன்னபின், குஷ்பூ மட்டும் சொல்ல கூடாதாம்.

திடீரென மனைவியிடம் முத்தலாக் சொல்லிவிட்டு பிரித்துவிடுவது எம்மாதிரியான விஷயம்? இது பெண்களுக்கு எதிரானது என குஷ்பூ மட்டும்தான் சொல்வாரா?

தகுந்த உரிமை கொடுத்தால் பாதிக்கபட்ட இஸ்லாமிய பெண்களே கதறி அழுது சொல்வார்கள்.

தலாக் முறையினை ஒரு பூர்வீக இஸ்லாமிய குடும்பத்திலிருந்து வந்த இஸ்லாமியரான குஷ்பூ விமர்சிக்காமல் வேறு யார் விமர்சிக்க தகுதி இருக்கின்றது??

பன்ருட்டி ராமச்சந்திரனின் அமைதி

Image may contain: 2 people , indoor

இந்தியாவோடு ராஜிவ் காலத்தில் அமைதி பற்றி பேசிகொண்டே ஆயுதகடத்தலில் ஈடுபட்டு பின் யுத்தம் தொடங்கி தங்களை மிக சாமார்த்திய சாலிகளாக காட்டிகொண்டனர் புலிகள்

பின் நார்வே பேச்சுவார்த்தையின் போதும் அதனையே செய்து பின் நார்வேக்காரன் பாலசிங்கத்தை முறைத்து, அவர் பிரபாகரனை முறைக்க அத்தோடு உறவறுந்து ஓடினார் பாலசிங்கம், பின் சிங்கள பக்கம் சாய்ந்த சர்வதேசம் புலிகளை ஒழித்திருக்கின்றது

அதாவது நம்பகாதவர்கள் எனும் முத்திரை விழுந்ததே புலிகளின் அழிவுக்கு முதல்காரணம்,

இன்னொன்று கருணா பிரிவு, அவன் துரோகி அல்ல, மாறாக துரோகி ஆக்கியவர்கள் இவர்களே

அதாகபட்டது கிழக்கு தமிழருக்கும், வடக்கு தமிழருக்கும் பொருந்தாது. சிங்களன் புண்ணியத்தில் போராளிகளாக இணைந்திருந்தனர்,

ஆனால் வடமாநில போராளிகளுக்கு மாவீரர் துயிலும் இல்லமும் பல லட்சம் செலவில் அமைக்கபட, கிழக்கு போராளிகளின் உடல் வெறும் மண்மேட்டில் புதைக்கபட்டது வரை பல முரண்பாடுகள்.

வடக்கு மக்கள் பணம் கொட்டும் மரங்கள், கிழக்கு மக்கள் அவ்வளவு வசதியில்லாதவர்கள் கூடவே இஸ்லாமிய மக்கள் என பல சிக்கல்கள்

இன்னொன்று வடக்கத்திய இளைஞர்கள் கனடா, ஆஸ்திரேலியா என பறக்க கிழக்கு இளைஞர்கள் போராளிவேடம் பூண்டனர்

இந்த புள்ளியில் கிழக்கினை சேர்ந்த கருணாவிற்கும் மற்ற வடக்கு மாகாண தளபதிகளுக்கும் முட்டிகொள்ள பிரபாகரன் இப்படி யோசித்தார், சும்மா இருந்தால் மோதுவார்கள், யுத்தம் தொடங்கலாம்

அப்படி அவசரமாக தொடங்கபட்ட யுத்தம் திசைமாறி, கருணா பிரிந்து என்னென்னெவோ ஆயிற்று

ஆக புலிகளின் வீழ்ச்சிக்கு அவர்களே காரணம் தவிர கலைஞரும் சோனியாவும் அல்ல, வடக்கு தமிழருக்கு ஒரு அணுகுமுறை கிழக்கு தமிழருக்கு ஒரு அணுகுமுறை என செய்ததுதான் தவறு,

ஈழம் அமைந்திருந்தாலும் பின்னாளில் அடுத்த உள்நாட்டு போர் தொடங்கி இருக்கும், அதன் தன்மை அப்படி, சரி விட்டு விடலாம் தமிழகத்திற்கு வரலாம்.

இன்று சீமான் அவரின் அடிப்பொடிகள் என பலர் வரலாறு போல் எழுதியும் பேசியும் கொண்டிருக்கின்றனர்

ஆனால் தமிழகத்தில் பிரபாகரன் இருக்கும்பொழுது அவனோடு நெருங்கிய தொடர்பு கொண்டிருந்த ப.சிதம்பரமும், பண்ருட்டி ராமச்சந்திரனும் பேச வேண்டியவர்கள் ஆனால் பேசவில்லை

அதிலும் பண்ருட்டி ராமச்சந்திரனே எல்லா ஆட்டங்களும் அறிந்தவர், ஐ.நா சபையில் ஈழபிரச்சினைக்காக பேசிய வரலாறு அவருடையது

1985களில் எம்ஜிஆர் உடல்நலமின்றி இருந்தபொழுது மறைமுக முதல்வர் பண்ருட்டியே

ராஜிவும் பிரபாகரனும் சந்தித்தபொழுது உடன் இருந்தவரும் அவரே, யார் உறுதிமொழியியினை மீறினார்கள் என்பதற்கு சாட்சியும் இன்றுவரை அவரே, அவர் ஒருவரே

என்ன நடந்தது? ராஜிவ் மீது தவறா? அல்லது பிரபாகரன் மீது தவறா என்பதனை பண்ருட்டி இன்றுவரை சொல்லவில்லை, ஆனால் அமைதிபடை தளபதி புலிகளோடு மோதுமுன் முதலில் கலந்தாலோசித்த பிரபலம் பண்ருட்டி ராம்சந்திரனோடுதான்,

காரணம் அவர்தான் அன்றைய நிழல் முதல்வர்

பண்ருட்டி ராமசந்திரன் அந்த மோதலை செய்யவேண்டிய தேவை எனில் செய்யுங்கள் என சொன்னதாகத்தான் செய்திகள் உண்டு

அப்படி ஈழ வரலாற்றின் பல சர்ச்சையான காலபக்கங்களுக்கு சாட்சி அவரே

ஆனால் அவர் பேசவே இல்லை, பேசவும் மாட்டார். அந்த அமைதி ஆயிரம் அர்த்தங்களை உள்ளடக்கியது.

மனிதர் இன்றும் அதே கட்சியில்தான் இருக்கின்றார், ஆனால் என்ன செய்ய பன்னீர் செல்வம் கிடைத்துவிட்டார், பண்ருட்டி செய்த சகல கட்சி ஊர்வலமும் இன்னொரு காரணம்.

ஈழ போராட்டம் எப்படி இந்தியாவிலிருந்து தன்னை துண்டித்துகொண்டது, எப்படி அது திசைமாறியது என்பதற்கு பெரும் சாட்சி பண்ருட்டியார்

ஆனால் மனிதர் பேசமாட்டார், ஏன் பேச மாட்டார்?

காரணம் அவர் பேச ஆரம்பித்தால், அந்நாளில் கலைஞர் ஈழ போராட்டத்தில் எடுத்த பல நிலைப்பாடுகளை பேசவேண்டி வரும்,
அமைதிபடை அனுப்பும்பொழுதே கலைஞர் செய்த எதிர்ப்புகள் வரும், இன்னும் ஏராளம் வரும்.

தமிழகத்தில் ஈழதுரோகி என அறியபட்டிருக்கும் கலைஞரின் அன்றைய ஈழாபிமான செயல்பாடுகளை சொல்லவேண்டி வரும், அப்பொழுது கலைஞருக்கு பல பெருமைகள் சேரும், இந்த புலி அபிமானிகளால் தூண்டிவிடபட்டு வீசபட்ட‌ கலைஞர் மீதான சேறு கழுவபடும்

அவ்வளவு விஷயங்கள் வரும், அதில் எம்ஜிஆர் அரசு டம்மியான உண்மைகளும் வரும், நிச்சயம் வரும்.

அந்த வாய்ப்பினை கலைஞருக்கு கொடுக்க அவர் விரும்பவில்லை

ஆனால் இவரும் பேசி, கலைஞரும் பதிலுக்கு பேசினால் இந்த சீமான் கோஷ்டிகள், புதிதாக புலிவால் பிடிக்கும் அல்லக்கை கோஷ்டிகள் எல்லாம் சிதறிஓடும்

பண்ருட்டியாரும் பழுத்த அரசியல்வாதி, கலைஞர் பற்றி சொல்லவே வேண்டாம், பின் ஏன் அமைதியாக இருக்கின்றார்கள்?

டெப்பாசிட் இழந்த கட்சிகளுக்கு ஏன் பதிலளிக்க வேண்டும், என்ற ராஜதந்திரமாக இருக்கலாம், அதாவது பேசவேண்டிய அவசியம் இன்னும் வரவில்லை என நினைக்கலாம்

பண்ருட்டி ராமச்சந்திரனுக்கு பின் பல ஈழ உண்மைகள் உறங்கிகொண்டிருக்கின்றன, மனிதர் சாதரமாணவர் அல்ல. பெரும் அரசியல் அனுபவம் கொண்டவர்

அவரை விலக்கியது விஜயகாந்த் செய்த பெரும் தவறு, உச்சகட்ட தவறு. இப்பொழுது விஜயகாந்திற்கு புரிந்திருக்கும்.

இப்பொழுது அதிமுக கட்சிக்கு சோதனையான காலம், பண்ருட்டியார் என்ன செய்து கொண்டிருப்பார் என்பது கடவுளுக்கே வெளிச்சம்.

ஆனால் தமிழகத்தில் பிரபாகரன் பற்றியும், ராஜிவ் நடவடிக்கை பற்றியும் பேசும் தகுதியுள்ள ஒரு சிலரில் பண்ருட்டியார் முக்கியமானவர், அவருக்கும் ஒரு வரலாறு உண்டு.

அவரே அமைதியாக இருக்க இந்த அங்கிள் சைமனின் பித்தலாட்டமும் அதற்கு சில மங்கிகளின் கைதட்டலும்தான் கால கொடுமை.

இந்திரா காந்தி : நினைவு நாள்

இந்த நாள் அன்று

அவர் பிரதமராகும் பொழுது இந்தியாவில் ஆங்காங்கு மாநில தேசியங்கள் வலுப்பெற்றன, அது இந்தியாவின் எதிர்காலத்திற்கு நல்லதல்ல என்பது உச்சதலைவருக்கு தெரியாத விஷயமால‌, சமாளித்தார்.

தமிழகத்தில் திராவிடம், மும்பையில் மராட்டிய கோஷ்ம் என பல வகையான குரல்கள் உயர்ந்து கேட்டகாலம், காஷ்மீர் கேட்கவே வேண்டாம்.

இந்த வரிசையில் பஞ்சாப்பும் சேர்ந்துகொண்டது.

டெல்லி தமிழகத்தை வஞ்சிக்கிறது, தமிழர்களை அடக்கிஒடுக்குவதில் அதீத அக்கறை காட்டுகின்றது, என்றேல்லாம் பல குற்றச்சாட்டுகள் உண்டு, கொஞ்சம் பஞ்சாப்,காஷ்மீர்,வங்கம் பக்கம் சென்று வந்தோமானால் சில உண்மைகள் புரியும்.

அதாவது இந்தியா அப்படித்தான். பல இடங்களில் அதன் போக்கு வித்தியாசமானது, கடுமையானது. இல்லாவிட்டால் இந்தியா இருக்காது.

இந்தியாவிற்கு அதிகம் உழைக்கும் அல்லது உழைத்த இனம் என பஞ்சாபியரை சொல்லலாம், இன்றும் இந்தியராணுவத்தை தாங்கி நிற்பவர்கள், சகல துறைகளிலும் பங்கெடுப்பவர்கள், கடும் உழைப்பாளிகள்.

மேலாக இந்திய விசுவாசிகள்.
பெரும் சோக வரலாறு அவர்களுடையது, பாஞ்சாலிகாலத்திலிருந்து அதன் வளமைக்காய் தாக்கபட்டார்கள். பின்னாளில் இந்துவும் வேண்டாம், இஸ்லாமும் வேண்டாம் என அவர்களாக ஒரு சீக்கிய மதம் தொடங்கி அவர்களாக அவர்களின் கலாச்சாரத்தை காத்து வாழ்ந்து வந்தார்கள்.

பிரிவினை நடந்தபொழுது பாதி பஞ்சாப் பாகிஸ்தானுக்கு போயிற்று, ஒரு சராசரி சீக்கியனால் தாங்கி இருக்கமுடியும்? இன்னும் பிரிவினை கலவரத்தில் 10 லட்சம் பஞ்சாபியர் செத்தனர். பிரிவினை வலி அவர்களுத்தான் தெரியும்.

திடீரென தமிழகத்தை இரு நாடுகளாக பிரித்து ஒரு பக்கம் செல்ல விசா தொந்தரவும், உளவாளி முத்திரை சித்திரவதை மரணமும் அன்றாடம் நடக்குமென்றால் சென்னை டூ மதுரை பயணம் எப்படி இருக்கும்? எந்த குடும்பம் நிம்மதியாக இருக்கும்?, இது தான் பஞ்சாபியர் நிலை. ஏராளமான குடும்பங்களும், உறவினர்களும் எல்லைகோட்டுக்கு இங்கும் அங்கும் ஏக்கமாய் பார்த்துகொண்டே இருக்கும் நிலை.

இந்நிலையில் பஞ்சாபியர் மத்திய அரசுக்கு கோரிக்கை வைக்கின்றனர், அதாவது பஞ்சாப் மொழி பேசுபவருக்கு தனி மாநிலம், சீக்கிய மதத்திற்கு ஒரு மத அந்தஸ்து என சில கோரிக்கைகள், ஆனால் டெல்லி காதுகொடுத்தே கேட்கவில்லை (நாம் கச்சதீவு, ராமேஸ்வரம் மீணவர், ராஜபக்ஸே,காவிரி,மீத்தேன் என கத்தினாலும் கேட்கின்றார்களா அப்படித்தான்) அவர்களும் அசட்டை செய்யபட்டார்கள்.

விளைவு அகாலிதளம் மகா மக்கள் ஆதரவு பெற்றது, இது இந்திராவை சிந்திக்கவைத்தது, அப்படியும் பஞ்சாப் மொழி மாநிலத்திற்கு பதிலாக பிஞ்சிபோன பஞ்சாபை மேலும் பிரித்த்து ஹரியான உருவாக்கபட்டு சீக்கியர்களின் கோபம் மேலும் அதிகமானது.

அகாலிதளத்திற்கு எதிராக பிந்ரன்வாலேயினை சஞ்சய் உருவாக்கினாலும் அவன் அந்நிய கரங்களில் விழுந்தபின் நிலமை விபரீதமாயிற்று, அவனை எதிரி நாடுகள் உசுப்பேற்றிவிட்டு நிலமை பொற்கோயில் வரை சென்றது, வேறு வழியின்றி ராணுவம் அனுப்பபட்டது.

பொற்கோயிலில் ராணுவம் புகுந்தது ஒவ்வொரு சீக்கியனுக்கும் வலிதான், ஏற்கனவே இந்தியா தங்களை சரியாக அங்கிகரிக்கவில்லை எனும் கோபம் இருந்தது அது கூடிற்று.

ஆனாலும் ஒரு சிறிய மகிழ்ச்சி இருந்தது.

அதாவது பிந்திரன்வாலே கூட்டத்தை பெரும்பான்மை சீக்கிய‌ மக்கள் ஆதரிக்கவில்லை, அவன் தொலைந்ததில் நிம்மதியான சீக்கியர்கள் ஏராளம்.

பின்னர் ஏன் இந்திரா படுகொலை நிகழ்ந்ததென்றால், அதுதான் உலக அரசியல். பொற்கோயில் சம்பவத்தில் சீக்கியர்களுக்கு கோபம் இருந்ததே தவிர அவரை கொலை செய்யும் அளவிற்கு அல்ல.

ஆனால் கோபத்தை கூடுதல் பயமும் கூட்டி, இனி இந்திரா இருந்தால் சீக்கியர் வாழ முடியாது என ஒரு பிம்பத்தை உருவாக்கியது பல வெளிநாட்டு சக்திகள்.

சுருக்கமாக சொன்னால் உயிரோடு வைத்து பிந்திரன்வாலேயால் செய்யமுடியாததை அவன் செத்தபின்னால் செய்தார்கள்.

அதற்கான சூழ்நிலையை உருவாக்கியது பாகிஸ்தானின் இடி அமீன் ஜியா உல் ஹக், திட்டம் கொடுத்தது ஒரு பெரிய கை.
அவர்களின் குறி இந்திய எல்லைகளில் பதற்றம் உண்டாக்குவது, அது முடிந்தது இந்திரா படுகொலையில்

எப்படி?

அந்த குழப்பான காலகட்டத்தில் சி.ஐ.ஏ தலமை செயலகமானது பாகிஸ்தான், பின்லேடனுக்கு வகுப்பு எடுத்துகொண்டே, இந்தியாவையும் குறிபார்த்தனர், இந்திரா அவர்களின் பெரும் எதிரியானார்.

இந்நிலையில் பொற்கோயில் சம்பவத்தால் சீக்கியர்கள் நொந்து போயினர், அது அவர்களின் ஆத்மா, அப்பொழுது ஒரு வதந்தி அல்லது தகவல் பரப்பபட்டது, கவனியுங்கள் லண்டனிலிருந்தும் அமெரிகாவிலிருந்தும் வந்து பொற்கோயிலில் பேசியவர்கள் பரப்பிய வதந்தி.

அதாவது இந்திரா பெரும் ராணுவ தாக்குதலுக்கு திட்டமிட்டு இருப்பதாகவும் , யுத்தத்தை சாக்காக வைத்து பஞ்ஞாபியரை அழிக்க போவதாகவும் வதந்தி இறக்கை கட்டி பறந்தது, அதாவது பாகிஸ்தான் ராணுவத்தினை உள்வாங்க விடுவாரம், பின்னர் விரட்டுகிறேன் என சகலத்தையும் அழித்துவிடுவாராம்.

கவனியுங்கள் இது முதலில் வெளிநாட்டில் இருந்து வந்த‌ செய்தி பின் ஒரு வாரத்தில் ஜியா உல்கக் பாகிஸ்தான் எல்லையில் பஞ்சாபில் படைகுவிக்கிறார், சும்மாவே சவுடால் பேசும் அவர் இம்முறை கடுமையாக பேசினார், போர் பரபரப்பு பற்றிகொள்கிறது.

இங்குதான் சீக்கிய சமூகம் அச்சத்தில் ஆழ்ந்தது, இந்திரா இனி தங்களை அழிக்காமல் விட மாட்டார் என பயத்தில் உறைந்தனர். இனி வாழ முடியாது என அவர்களுக்கு தோன்றிற்று, ஒரு கலாச்சாரமிக்க இனம் அழிவதை விட இருவர் அழிவது தவறில்லை என முடிவாயிற்று, பின்னர் நடந்த கொடூரம் உலகறிந்தது.

32 தோட்டாக்கள் இந்திரா மீது பாய்ந்தன.

அவரது பலமான உளவுதுறை அவருக்கு சீக்கிய காப்பாளர்களை மாற்ற சொன்னது, அப்படியானால் ராணுவத்து சீக்கியர்களை என்ன செய்வீர்கள் என கேட்டு மறுத்தார் இந்திரா

கிட்டதட்ட 7 முறை உயிர்தப்பிய இந்திரா, மெய்காப்பளரிடம் சிக்கினார். சஞ்சயின் மரணத்தின் பொழுதே கிட்டதட்ட மரணித்த இந்திரா, இம்முறை தப்பவில்லை.

ஒரு திட்டமிட்ட வதந்த்தி, அதற்கு வலுசேர்க்கும் படைகுவிப்பு என்ற மாயையில் நொந்திருந்த சீக்க்கிய சமூகம் சிக்கியதால் நிகழ்ந்த நிகழ்வு இது, பின்னாளில் அவர்கள் உண்மை உணர்ந்தனர். ஆக்கிரமிப்பு காஷ்மீர் பக்கம் இந்திய பார்வை இருந்ததே தவிர பஞ்ஞாப் எல்லையில் அல்லவே அல்ல.

சீக்கியருக்கு ஆபத்து என இறக்குமதியான வதந்தி, இப்படுகொலை மூலம் உண்மையானது கிட்டதட்ட 3000 சீக்கியருக்கு மேல் டெல்லியில் வன்முறையில் கொல்லபட்டனர்.
ஆனாலும் சீக்கிய இனம் உயர்வானது, சகல வலிகளையும் தாண்டி இன்னும் நாட்டிற்காக உழைக்கின்றது.

இந்திரா அமரர் ஆனார், இந்தியா பன்னாட்டுகம்பெனிகளின் வேட்டைகாடானது, தனியார் வங்கிகளை ஒழித்து வங்கிகளை தேசியமயமாக்கியவர் இந்திரா, இன்று இந்திய இன்சூரன்ஸ் கூட விற்பனை எனும் நிலை.

அண்டை நாடுகள் எல்லாம் ஆசுவாசமடைந்தன, சில திருமணவீடுகள் அல்லது மறைவு துக்கங்களில் எதிர் அரசியல்வாதிகள் எல்லாம் சந்திப்பார்கள், கேட்டால் நாகரீகம் என்பார்கள், ஆனால் அவர்கள் மனது ஆண்டவனுக்குத்தான் தெரியும்,

அப்படித்தான் இந்தியா மறைந்தபொழுது, எல்லா தலைவரும் வந்தார்கள்,சூத்திரதாரி பாகிஸ்தானின் இடி அமீன் ஜியா உல்கக் வந்தார், அஞ்சலி செலுத்திவிட்டு பாகிஸ்தானுக்கு திரும்பி சென்று சொன்னார்

“அல்லா இருக்கிறார், அமெரிக்கா இருக்கிறது, இந்திரா சாம்பலானார் இனி எனக்கென்ன கவலை”

இலங்கையின் நரி ஜெயவர்த்தனே வேறுமாதிரி சொன்னார், “இனி தெற்காசியா அமைதியாகும்”

இநதியாவும், அவர் உருவாக்கிய உளவுதுறையும் , இந்திரா உருவாக்கிகொண்டிருந்த புதிய இந்தியாவும் கதறி அழுதது.

எல்லாவற்றிற்கும் மேல் தங்களுக்கு இந்திரா ஒரு தீர்வினை கொடுப்பார் என மனமார நம்பிய ஈழமக்களும் அனாதைகளாகி அழுதனர், அது உண்மையும் கூட. இந்திரா இருந்திருந்தால் நிலமை இவ்வளவு சிக்கலாகி இருக்காது.

இந்திரா காந்திக்கு அஞ்சலியாக‌ அன்று ஒரு அர்த்தமுள்ள வார்த்தை சொன்னார், அது நிதர்சனமான உண்மை

“இந்திய தீபகற்பம் இன்று கடலில் அல்ல கண்ணீரில் மிதக்கின்றது”

எத்தனை பிரதமர்கள் இந்தியாவில் அமரலாம், ஆனால் இந்திரா போன்றதொரு பிரதமர் இனி அமையமாட்டார்.

காரணம் அவர் காந்தியின் கரங்களிலும், நேருவின் போதனையிலும் வளர்ந்தவர்

இந்த நாட்டிற்கு எது சரியோ அதனை மிக தைரியமாக செய்தவர், அதில் வாக்கு வங்கிபற்றியோ ஏன் உயிரினை பற்றிகூட கவலையின்றி அதனையும் நாட்டிற்காக கொடுத்தவர்.

ஆழ்ந்த அஞ்சலி
வந்தே மாதரம், ஜெய்ஹிந்த்

Image may contain: 1 person

தமிழ் கலாச்சாரத்தை காக்க அவதாரம் எடுத்திருப்பவர்கள்

 3 பதிவுகள்


தீபாவளியினை கொண்டாட மாட்டோம், வடக்கே இருந்து வருவதெல்லாம் தமிழனுக்கு எதிரி, அது தமிழ் கலாச்சாரத்தை அழித்துவிடும், நாங்கள் தமிழர்கள், தமிழ் கலாச்சாரத்தை மட்டும் பின்பற்றுவொம் என முழங்குபவர்கள் எல்லாம்

மட்டன் பிரியாணி, பரோட்டா சால்னா என வடக்கே இருந்து வந்த உணவுகளை கட்டி அடைத்துவிட்டு, அதற்கு மேலே குலாப் ஜாமூனும் , லட்டும் தின்றுகொண்டே சபதமெடுக்கின்றான்

பிரியாணியும், பரோட்டாவும் தமிழர் உணவா என நாம் கேட்டுவிட கூடாது.

இவர்கள்தான் தமிழ் கலாச்சாரத்தை காக்க அவதாரம் எடுத்திருப்பவர்கள்,

வடக்கத்திய உணவினை சத்தமில்லாமல் சுவைத்துவிட்டு, வடக்கு ஓழிக இந்தியம் ஒழிக, பார்பணம் ஒழிக, வடக்கத்திய கலாச்சாரம் ஒழிக என முழங்கிகொண்டிருப்பார்கள்.

எவனாவது கேப்பை கூழும், சோள காடியும், சம்பா அரிசு கஞ்சியும் குடித்துகொண்டு தமிழ் கலாச்சாரம் வாழ்க என சொல்கிறானென்றால் இல்லை .

இப்பொழுது கொஞ்சபேர் பெப்சியும், கோக்கும் பர்கரும் விழுங்கிகொண்டே சீனபொருள் வெளியேறு என சொல்லிகொண்டிருக்கின்றான்

அதாவது அமெரிக்க பொருள் பிரச்சினை இல்லையாம், சீன பொருள் இந்திய பொருளாதாரத்தை விழுங்குமாம்.

சீனா பாகிஸ்தானை தூண்டிவிடுகின்றதாம், அட பதர்களா பாகிஸ்தான் ராணுவத்தின் 80% ஆயுதம் அமெரிக்க தயாரிப்பல்வா? என சொன்னால் புரியாது.

எங்கிருந்து யோசிப்பார்கள் என்றே தெரியவில்லை, மகா சிந்தனையாளர்கள் உதித்துகொண்டே இருக்கின்றார்கள்.


மலையாள சினிமாவில் தனி இடம் பெற்றது செம்மீன் திரைப்படம்,

மீன்களின் சுவையில் தனி இடம் பெற்றிருப்பதும் செம்மீனே..

ஆக செம்மீன் என்பது எங்கிருந்தாலும் சுவையே..

சிகப்பு அரிசி சோறும், செம்மீன் குழம்பினையும் அடித்துகொள்ள இன்னொரு காம்பினேஷன் நிச்சயம் இல்லை.

“சிகப்பு நமக்கு பிடிக்கும்”


அவரின் தேசபற்றும், சமூகத்தில் அமைதி நிலவ வேண்டும் என்ற அவரின் விருப்பமும் போற்றபடவேண்டியவை

தேசம் பிரிந்து எல்லையில் இரத்தகளறி நடந்தபொழுது தன் சேனைகளை அனுப்பி கலவரத்தை அடக்க விரும்பியிருக்கலாம், ஆனால் அது தூரம் என்பதால் சாத்தியமில்லை

பின் தென் தமிழகத்தில், வடக்கன்குளத்தில் சில சர்சைகள் நடந்தபொழுது, புனிதமான ஆலயம் கூட தேவர் மகன் சினிமாவில் வரும் ஆலயம் போல பூட்டி கிடந்தபொழுது,

இரு சமூகம் மோதிகொண்டபொழுது, நீங்களாக நிறுத்துகின்றீர்களா? இல்லை என் சேனைகளை அனுப்பட்டுமா? என கேட்டதும் கலவரத்தை நிறுத்தவே.

ஆனால் வடக்கன்குளம் சர்ச்சைகள் அதற்கு முன்பே முற்றுபெற்றதால், சேனைகள் வருவதற்கு அவசியமற்று போயிற்று.

அவரின் தலையீட்டுக்கு அஞ்சியே அது நிறுத்தபட்டிருக்கலாம்.

அப்படி அமைதியான சமூகம் அவரின் விருப்பமாக இருந்திருக்கின்றது.


மலேசிய தீபாவளி..

மலேசிய தீபாவளி வழக்கம் போல கோலாகலம், கட்டணத்தில் வாங்கும் இந்திய‌ டிவி சேனல்களை கூட சில நாட்களுக்கு அரசு இலவசமாக கொடுத்திருக்கின்றது.

அரசு தொலைகாட்சியில் இந்திபடங்களும் கூடவே லிங்கா, சிவாஜி என இம்சைகள்.

கபாலி ஏன் போடவில்லை என கேட்டால் நிலை மகா சிக்கல் ஆகிவிடும், அது வரவும் வாய்ப்பே இல்லை.

ஒரு சேனலில் நெடுநாளைக்கு பின் விசுவின் நிகழ்ச்சி பார்க்க முடிந்தது, அவர் குரலே கிட்டதட்ட பாக்யராஜ் போல மாறி இருந்தது தெரிந்தது, எப்படி இருந்த குரல்? காலம் எல்லாவற்றையும் மாற்றிவிடுகின்றது

ஒரு சேனலில் சிம்பு அழிச்சாட்டியம் செய்து ஆடிகொண்டிருந்தார், கூடவே சரத்குமார் மகள் வரலட்சுமி

சரத்குமாருக்கு நாடார் என பேனர் வைத்து கொண்டாடுவர்கள், திருமண வாழ்த்து முதல் அஞ்சலி போஸ்டர் வரை அவர் படத்தினை வைப்பவர்கள் யாரும் அவரின் நாடார் புத்திரி படத்தினை வைப்பதில்லை, இவ்வளவிற்கும் அழகாக ஆடுகின்றார்

அது நாடார் சங்கத்தார் பிரச்சினை.

கடுமையான மழையில் இங்கே தீபாவளி, தமிழகத்தில் எப்படி என தெரியவில்லை, ஆனால் பல இடங்களில் மழை இல்லை என்றுதான் சொல்கின்றார்கள்

நரகாசுரனுக்கு வீரவணக்கம், முப்பாட்டன் நரகாசுரன் என கிளம்பிய பின் வருண பகவானுக்கும் சில கோபங்கள் இருக்கலாமோ?

அவர்களை பொருட்படுத்தாமல் வருண பகவான் வந்தருளட்டும்.


எவ்வளவு சுவையான விருந்துக்கள் என்றாலும் அதனை முழுமையடைய செய்வது வெற்றிலை பாக்கு

அள்ளி கட்டிவிட்டு, நிதானமாய் தாம்பூலம் தரிப்பதில்தான் எவ்வளவு சுகம்..