நான் அவதரிப்பேன் எனும் பகவானின் வாக்கு….

No automatic alt text available.

அதர்மம் தலை தூக்கும்பொழுதெல்லாம் அங்கு நான் அவதரிப்பேன் எனும் பகவானின் வாக்கு ,அது மகா அக்கிரமம் நடைபெற்ற காலங்களான திருவிதாங்கூர் பகுதிகளில் அய்யா வைகுண்டரின் அவதரிப்பால் நிறைவேறிற்று.

அவர் அவதாரம் மட்டுமல்ல, சமூக ஏற்றதாழ்வுகளை நீக்க பாடுபட்ட ஒரு போராளி, ஒரு புரட்சியாளன். ஒடுக்ககட்டமக்களின் உரிமைக்காக அஹிம்சை வழியில் பாடுபட்ட இயேசுபிரான் போன்ற வரிசையில் உதித்த மகான்.

சந்தேகமே இன்றி சொல்லலாம் உலகில் அவதரித்த அவதாரங்களில் மிக குறிப்பிட்டு சொல்லகூடிய அவதாரம் அவர். ஆனாலும் இந்து மதத்தில் அவருக்குரிய இடம் இன்னும் கிடைக்காதற்கு மிக முக்கிய காரணம், அவர் பிறந்த பகுதியும், அந்த சாதி அடையாளமும்.

இவ்வுலகில் மிக கொடுமையான விஷயங்கள் ஒன்று உண்டென்றால், எல்லாம் வல்ல உருவமற்ற மறைபொருளை வணங்க சொன்னவர்கள், அன்பே கடவுள் என்றவர்களை எல்லாம் பின் வந்தவர்கள் ஒரு மதவட்டத்திற்குள் சிக்கவைத்தார்கள்.

அப்படி இயேசுபிரான்,நபி பெருமான், புத்தர் போன்ற வரிசையில் சிக்கிகொண்டவர் தான் இந்த வைகுண்டர்.

நிச்சயம் அவர் ஒரு சாதிக்கு மட்டும் சொந்தமல்ல, தாழகிடக்கும் எல்லா ஒடுக்கபட்ட மக்களுக்கும் பொதுவானவர்.

இயேசுபிரானின் வாழ்க்கைக்கும், போதனைக்கும், அவர் கட்டிஎழுப்பிய சீடர்குழுவிற்கும் கொஞ்சமும் குறையாதது வைகுண்டரின் வாழ்க்கை.

இருவருமே உருவமற்ற கடவுளை, சமத்துவ வாழ்க்கையினை போதித்தவர்கள்.
இப்படி ஒரு அவதார மனிதன் நமது பகுதியில் வாழ்ந்ததற்காக நாமெல்லாம் நிச்சயம் பெருமைபடவேண்டும். அவரின் போதனைகள் அப்படி, சித்தாந்தம் அப்படி.

இன்றும் அவரை நம்பிய பக்தர்களுக்கு அவர் பகவான் நாராயணின் அவதாரமாய் நின்று அருள்பாலித்துகொண்டுதான் இருக்கின்றார்.

எல்லாம் வல்ல இறைவனின் தூயபோதனையினை மக்களுக்கு போதித்தவர். கலி என இந்து மக்களாலும், அந்தி கிறிஸ்து என கிறிஸ்தவர்களாலும், தஜ்வால் எனும் ஒற்றைகண்ணன் என இஸ்லாமிய மதத்திலும் சொல்லபடும் அந்த மானிட இனத்தின் வரும் கொடிய காலங்களை கலிகாலம் என முன்னறிவித்து சென்ற அந்த ஒரு எச்சரிக்கைக்காகவே அவரை ஏற்றுகொள்ளலாம்.

அவரின் அற்புதங்களை கண்டால் அவதாரம், அவரின் போராட்டங்களை கண்டால் புரட்சியாளன், அவரின் போதனைகளை கண்டால் ஞானி, அவரின் சமத்துவத்தை கண்டால் அவர் மனிதநேயர் என அவரின் பெருமைகள் சொல்லி மாளாது.

தாழகிடப்பவரை தாங்க வந்து தர்மத்தை நிலைநாட்டியவர்களில் புத்தன், இயேசுவிற்கு பின் வந்து அப்படி தாங்கியும் பிடித்து நிற்பவர் அவர்.
இன்று அய்யா வைகுண்டரின் அவதார திருவிழாவினை அவரின் பக்தர்கள் கொண்டாடுகின்றார்கள்.

“அய்யா உண்டு” எனும் சொல்லில் சகல மதத்தின் கருத்துக்களும் புதைந்து கிடக்க்கின்றன. அவரின் போதனையில் இம்மானுடம் வாழ்வாங்கு வாழ ஆயிரம் வழிகளும் இருக்கின்றன.

தென்னாட்டு மக்களுக்கு அவர் அன்புவழி முப்பாட்டன் என்பதில் என்ற சந்தேகமும் இல்லை.

ஒருவகையில் அவருக்கு இழைக்கபடும் அநீதி மிக பெரிது

அதாகபட்டது அவர் வாழ்ந்த காலத்தில், கிறிஸ்தவ மிஷினரிகள் தீவிரமாக செயல்பட்டுகொண்டிருந்தன, அவர்களுக்கு அய்யா வைகுண்டர் மிக பெரும் சவால், அவர்கள் மேலிடத்திற்கு எழுதிய கடித வரிகள் இதோ

“இந்த முத்துகுட்டி எனும் வைகுண்டர் மட்டும் வரவில்லை என்றால் இந்நேரம் தமிழகத்திலும் கேரளத்திலும் பெரும்பான்மையானவர்களை கிறிஸ்தவர்களாக்கி இருக்கலாம்

ஆனால் அவர் மகான், பெரும் அற்புதங்களை செய்கின்றார், ஆதரவற்று இருந்த இந்துமத்தினர் அவரால் எழும்பி நிற்கின்றனர், அவரை கடவுளாகவே கொண்டாடுகின்றனர், அவர் நமக்கு பெரும் சவால், என்ன செய்வதென்று புரியவில்லை”

இன்று இந்துமதத்தை மீட்போம், மிஷினரிகளை விரட்டுவோம், இந்தியா இந்துக்களின் நாடு என கூப்பாடு போடும் கும்பல் ஏதாவது அய்யா வைகுண்டர் பற்றி பேசி பார்த்திருக்கின்றீர்களா?

அமித்ஷா முதல் வடக்கத்திய மதகும்பல்கள் யாராவது சாமித்தோப்பிற்கு வந்ததாக தகவல் உண்டா?

கன்னியாகுமரியில் எங்கோ பிறந்த‌ விவேகானந்தருக்கு நினைவு மண்டபமும் கேந்திரமும் இருக்குமளவிற்கு அய்யா வைகுண்டருக்கு ஏதும் நினைவு சின்னம் உண்டா?

போலிசாமியாரின் ஆசிரமங்களிலும், காஞ்சி சாமியாரின் மடங்களில் தலைகீழாக கிடக்கும் டெல்லி அதிபதிகள் யாராவது அய்யா வைகுண்டர் தலத்திற்கு வருவார்களா?

பாபா, சாய்பாபா என இந்தியா முழுக்க முழங்குபவர்கள் கூட அய்யா வைகுண்டர் என்றால் ஒருமாதிரி தட்டி கழிப்பார்கள்,

, அவரை முழுமையாக அம்மதத்தார் இந்திய அடையாளமாக ஏற்றுகொள்ளவில்லை

ஏன்? இந்துமதத்திற்கு அய்யா வைகுண்டர் என்ன செய்யவில்லை?

ஆதிசங்கரர் முதல், ராமானுஜர் வரை எல்லா அவதாரங்களும் இந்துமதத்திற்கு செய்த சேவையில் சற்றும் குறையாதது அய்யா வைகுண்டரின் சேவை

பின் ஏன் ஒதுக்குகின்றார்கள்?

அதுதான் இந்துத்வ சாதி அடையாளம், அந்த குலத்தில் பிறக்காத யாரையும் அவர்கள் கொண்டாட மாட்டார்கள், ஏன் கடவுளே தாழ்த்தபட்ட சூத்திர குலத்தில் அவதரித்தாலும் கண்டுகொள்ளமாட்டார்கள்

இந்தியாவில் இதுதான் நடந்துகொண்டிருக்கின்றது, அந்த கொடுமைக்கு அய்யா வைகுண்டரும் சிக்கிகொண்டார்

நிச்சயம் இந்தியா முழுக்க ராமன் போல, கண்ணன் போல கொண்டாடபட்டிருக்கவேண்டிய பெரும் அவதாரம் அவர், ஆனால் இந்திய சமூக அமைப்பு அதற்கு இடமளிக்கவில்லை

இதனை சொன்னால், ஏய் இந்துவிரோதி என பொங்குவார்கள். ஆனால் சிந்தித்தால் அந்த வடக்கத்திய மதகும்பலின் உண்மை முகம் விளங்கும்

இதெல்லாம் பொன்னாரும், தமிழிசையும் கேட்கவேண்டிய கேள்விகள், நாம் கேட்டு என்னாகபோகின்றது? அவர்களே காவி கொடி பிடித்து அலையும்பொழுது நமக்கென்ன?

போகட்டும்

உண்மையான இந்து அவதாரம் அவர்தான், மக்களை காத்தவரும் அவர்தான்

அதுவும் பாஞ்சாலிக்கு கண்ணன் சேலை அளித்து மானம் காத்தது போல அன்றைய திருவாங்கூர் அடிமை பெண்களின் மானம் காத்து தோள்சீலை மீட்டுகொடுத்த அவதாரம் அவர்

அவரின் போதனைகளும், கொள்கைகளும் இந்துமதத்தின் பெரும் அடையாளங்கள்

அவர் காட்டிய அன்பு வழியினை, சமத்துவ வழியினை இந்த தேசத்தில் இந்து என சொல்லிகொள்ளும் ஒவ்வொருவரும் கடைபிடிப்பார்களானால் இத்தேசம் எவ்வளவு அமைதியாக இருக்கும்

இன்று அக்காலத்தில் கிறிஸ்தவ மிஷனரிகளை ஓட விரட்டிய அந்த வைகுண்டரின் அவதார நாள். கிறிஸ்தவர்களை விரட்டுவோம், மதமாற்றத்தை தவிர்ப்போம் என்றெல்லாம் கோஷமிடும் யாராவது இந்த நன்னாளில் வாழ்த்தோ, கருத்தோ சொன்னார்களா?

செய்யமாட்டார்கள், காரணம் அவர்கள் அறிந்த இந்துமதத்தில் பகவான் நாராயணன் சூத்திரனாக பிறந்துவிட்டால் கூட அவன் ஏற்று கொள்ளமுடியாதவன்

கவனித்துபாருங்கள், அப்படித்தான் ஒருமாதிரியாக அவரை ஒதுக்குவார்கள், அவர் புகழ் வெளிவராமல் கவனமாக பார்த்துகொள்வார்கள்

என்றாவது ஒருநாள் அவர்கள் திருந்த கூடும், அன்று அகில இந்திய அளவில் அய்யா பெரும் அடையாளம் பெறுவார்

அன்று மிக அமைதியான , சாத்வீகமான இந்துமதம் உச்சம் பெறும்

அதுவரை தென்னக மக்கள் அவரை வணங்கி அவர் வழி நடக்கட்டும், அமைதியும் தர்மமும் செழிக்கட்டும்

அவர் வழி நடக்கும் பக்தர்களுக்கு அவதார தினவிழா வாழ்த்துக்கள்..

 
 

எம் ஜி ஆரின் உள்ளும் புறமும்

Image may contain: 2 people

சினிமாவினை தவிர பெரும்பாலும் தன் சுய அனுபவத்தை, மனசாட்சியினை பதிவு செய்தவர் கண்ணதாசன்

பாடல்களை தவிர அவர் எங்கும் கற்பனையில் பொய்யில் எழுதியதில்லை..

அவரை பற்றிய கருப்பு பக்கங்களை கூட அவர் மறைக்கவில்லை

அப்படிபட்ட கண்ணதாசன் எழுதி வெளிவரமால் போன புத்தகம் “எம்ஜிஆர் உள்ளும் புறமும்”

ஒரு பெரியவர் சொல்வார், கண்ணதாசனின் பேச்சு கவிதை போலவே இருக்கும், அதுவும் அரசியல் பேச்சுக்கள் அப்படி இருக்கும், ஒருமுறை சொன்னார்

“அவர் சினிமாதுறையில் பிரபலமானவர், படப்பிடிப்புக்கு சென்ற எல்லோருக்கும் அவரை தெரியும்

குழந்தை மனமுள்ளவர், கபடமில்லாதவர்

அவருக்கொரு மனைவியுண்டு, அழகிலே சாகுந்தலை சாயலளவள்

எல்லோரையும் போல அந்த சண்டாளனையும் அவர் வீட்டிற்குள் அனுமதித்தார்,

சண்டாளன் அவர் இல்லாநேரம் ஒருமுறைதான் அவர் வீட்டிற்கு சென்றான், எதற்கு சென்றான் என்பது சண்டாளனை அறிந்த அனைவருக்கும் தெரியும்

அன்றே அந்த பெண் தூக்கில் தொங்கினாள், ஆம் அவள் உத்தமி

அவள் உடலால் செத்தாள், மனதால் செத்து அவனால் நடைபிணமானவர்கள் ஏராளம் உண்டு”

இப்படி எல்லாம் கவிஞர் யாரைபற்றி பேசினார் என்பது நமக்கு தெரியாது,

தெரியாமல் போகட்டும்

ஆனால் எம்ஜிஆரை பற்றி புத்தகத்தில் என்ன எழுதியிருக்கின்றார் என தெரிந்துகொள்ள ஆசை.

அந்த புத்தகத்தை எம்ஜிஆரே தடை செய்திருந்தார் என்றால் எப்படி இருந்திருக்கும்?

எங்கும் தேடியும் கிடைக்காத புத்தகம் அது

யார் கையிலாவது இருந்தால் கைநீட்டி யாசகம் கேட்கின்றேன்

கவிஞரின் எழுத்துக்களில் மகோராவினை படிப்பது மிக மிக மகிழ்வான அனுபவமாக இருக்கும்.

யாரிடமாவது அந்த புத்தகம் இருக்கின்றதா?

நெடுநாளாக தேடிகொண்டிருக்கின்றேன், யாரிடமாவது இருந்தால் கொடுத்து உதவுங்கள்..

 
 

தமிழ்நாட்டின் பெரும் சீர்கேடுகளுக்கும் யார் காரணம?

Image may contain: 2 people, people sitting and beard

தமிழ்நாட்டில் நரிமணம் பகுதியில்தான் முதன் முதலில் இந்த மீத்தேன் போன்றவை எடுக்கபட்டன, பின்னர் அது அவ்வப்போது விரிவுபடுத்தபட்டன‌

அது தொடங்கபட்ட ஆண்டு 1985, அப்போது எந்த மகராசன் அல்லது முகராசன் ஆண்டுகொண்டிருந்தார் என்பது சொல்லி தெரியவேண்டியதில்லை

தமிழ்நாட்டின் ஒரே அறிவாளியாக தன்னை நினைத்து ஆண்டுகொண்டிருந்த அந்த ராமசந்திரனுக்கு தொலைநோக்கு என்று ஒன்று ஒருகாலமும் கிடையாது, அப்படி இருந்திருந்தால் சசிகலா எல்லாம் உருவாகியிருக்கமட்டார்

ஆட்சியிலும் அப்படித்தான், பணக்காரர்கள் பொறியியல் கல்லூரியில் படிக்கட்டும், ஏழைகள் அரசு கல்லூரியில் படிக்கட்டும் என சொல்லி அவற்றை திறந்து இன்று எல்லோரும் வேலையற்று அலைய அவர்தான் காரணம்

பொறியியல் கல்வி தரம் அவராலேதான் சீரழிந்தது

அப்படி கொஞ்சமும் தொலைநோக்கு இல்லா ராம்சந்திரன் காலத்தில்தான் கல்பாக்கம் அணுவுலை, இன்னும் ஏராள கொடூர திட்டம் தமிழகத்திற்கு வந்தன‌

அதில் ஒன்றுதான் இந்த மீத்தேன்

வறண்ட பகுதியில் எடுப்பவர்கள், நாளை விவசாய பூமிக்கு வரமாட்டார்களா? தொலைநோக்கில் ஏதும் செய்யவேண்டாமா? என சிந்திக்காமல் தலையாட்டிவிட்டார் அவர்

தலை ஆட்டாவிட்டால் அடித்து ஆட வைத்திருப்பார்கள், அவருக்கு இருந்த டெல்லி சூனியம் அப்படி

காவேரி வறண்டால்தான் அதன் படுகையில் மீத்தேன் எடுக்கமுடியும் என்பது 30 ஆண்டுகால திட்டத்தின் தொடர்ச்சி, அதுதான் அரங்கேறிகொண்டிருக்கின்றது

பாலை நிலத்தில் மீத்தேன் எடுத்தால் பிரச்சினை இல்லை, அப்படியானால் காவேரியினை தடுத்து மொத்தமும் பாலை ஆக்கிவிட்டால்..

இன்றும் காவேரி தீர்ப்பு அரசிதழழில் வராத மர்மம் இப்படியும் இருக்கலாம்

ஆக அந்த முகராசன் தொடங்கிவைத்த சிக்கல்தான், அவரின் நூற்றாண்டில் பற்றி எரிகின்றது

அதனை பற்றி எல்லாம் யாரும் பேசமாட்டார்கள், நாமும் பேச கூடாது

தொலைநோக்கில்லா தலைவர்கள் வாய்த்த தமிழகத்தின் சாபம் இது, காமராஜருக்கு பின் அப்படி ஒரு தலைவர் இல்லை

ஒரு ஆலைக்கு அனுமதி கொடுத்தார், அது கிட்டதட்ட 70 கிராமங்களுக்கு அப்பால் இருந்தது, அவ்வளவு தூரமாக ஏன் அனுமதிகொடுத்தீர்கள் என கேட்டார்கள்

“அவன் அவ்வளவு தூரம் மின்சாரம் கொண்டுபோவான்ல, அதிலிருந்து இந்த மின்சாரவசதியில்லா 70 கிராமங்களுக்கும் மின்சாரம் கொடுப்பது நமக்கு ரொம்ப லேசுண்ணேன்..

70 கிராமங்களுக்கும் ரோடு முதல் எல்லாம் தரமா கிடைக்கும்ணேண்..”

இதன் பெயர்தான் தொலைநோக்கு

அதன் பின் அப்படியான தொலைநோக்கு முதல்வர் நமக்கு இல்லை, கலைஞர் நிச்சயம் அறிவாளி ஆனால் காமராஜரை அவ்வளவு சீக்கிரம் அவர் வீழ்த்தியிருக்க கூடாது

ஆனாலும் தன்னை நீரூபிக்க கலைஞருக்கு வேறு வழி அன்று இல்லை, அவரை எதிர்த்தே வளர்ந்தார், ஒரு வகையான ராஜதந்திரம் அது

கலைஞரின் பொதுநலத்தில் சிறிது சுயநலமும் இருந்ததை மறுக்கமுடியாது.

ஆட்சிக்கு வந்தவுடன் அவருக்கு சிக்கல் ராமசந்திரன் வடிவில் வந்தது, பின் அது ஜெயலலிதா என திசைமாறியது, இதனை சமாளிக்க நேரமில்லாதவருக்கு வேறு எதனை சமாளிக்கமுடியும்?

அவர் காலத்தில் கட்டிய சட்டமன்ற கட்டிடம் கூட அனாதையாக கிடக்கின்றது

இப்படிபட்ட சிக்கலில் மாட்டிய கலைஞரும் பெரிதாக பிரகாசிக்க முடியவில்லை, உண்மையில் விவசாயிகளுக்கு இலவச மின்சாரம், ஈழபிரச்சினையில் அகில இந்திய டெசோ எல்லாம் அவரின் மிக சிறந்த திட்டம் என்பதை மறுக்கமுடியாது

இன்று தமிழக விவசாயிக்குள்ள ஒரே ஆறுதல் இலவச மின்சாரம் மட்டும்தான், அதுவும் விலையென்றால் அவன் கிணற்றை விற்றுவிடவேண்டியதுதான்.

ஆக தொலைநோக்குள்ள ஒரு முதல்வரும் வரவில்லை, மாநிலம் இப்படி நாசமாயிற்று

அப்படி தொலைநோக்கு முதல்வர்கள் இருந்த நாற்காலியில் இப்பொழுது பழனிச்சாமி இருக்கின்றார்

அவருக்கு தொலைநோக்கு அல்ல, தொலைவு நோக்கு இருக்கின்றது. ஆம் தூரத்தில் பெங்களூர் சிறையினை பார்த்துகொண்டே இருக்கின்றார்

மீத்தேன் பிரச்சினை உச்சத்திலும் அதனை 1985ல் அனுமதித்த அந்த முகராசனை பற்றி யாரும் விமர்சிக்கவில்லை பார்த்தீர்களா?

தமிழ்நாட்டின் பெரும் சீர்கேடுகளுக்கும், ஈழ அழிவிற்கும் அவர்தான் பெரும் காரணம், ஆனால் யாரும் அதனை பற்றி பேசமாட்டார்கள்..

இதுதான் அவரின் ஜாதக அமைப்பு..

 
 

மோடியினை சந்தித்தார் பெப்சி அதிகாரி இந்திரா நூயி

Image may contain: 2 people, people sitting

மோடியினை சந்தித்தார் பெப்சி நிர்வாக அதிகாரி இந்திரா நூயி

தாமிரபரணி ஆற்றின் நீரை பெப்சி,கோக் கம்பெனிகள் எடுக்க நீதிமன்றம் அனுமதி

இந்த இரு செய்திகளுக்கும் சம்பந்தம் இல்லாமல் தொலையட்டும்

கடும் பஞ்சத்தில் தமிழ்நாடு சிக்கியிருக்கும் வேளையில் தாமிரபரணி நீரினை எடுத்து வெளிநாட்டுக்கு கோக், பெப்சி என ஏற்றுமதி செய்யலாமாம்

இந்த வழக்கிற்கு யார் டெல்லி வரை 18 வருடம் வழக்கு தொடுப்பார்கள்? ஒருவரும் இல்லை

சரி யார் போராடுவார்கள்?

எந்த கொம்பனும் நெல்லைக்கு வந்து மணல் குவாரி பற்றியோ, கனிம வளம், கல்குவாரி கொடுமைகள் பற்றியோ ஒரு காலமும் பேசமாட்டான்

தாமிரபரணி நீரை உறிஞ்சும் நெல்லை பெப்சி டீலர் யார்? அந்நீரை வெளிநாட்டுக்கு விற்கும் தமிழின துரோகி யார் என்றெல்லாம் பேசமாட்டார்கள்

வடக்கத்த்தியான் வந்து மீத்தேன் எடுத்தால் அது தமிழர் அழிப்பு, ஆனால் தமிழன் தாமிரபரணியினை விற்றால் மூச்ச்ச்ச்ச், மீறி கேட்டால் உச்சா போய்விடுவார்கள்

இதுதான் தமிழின உரிமை, பாதுகாப்பு போராட்டம்

மீத்தேன் எரிகாற்று என நெடுவாசலில் புலம்பும் சீமானையோ, வைகோவினையோ கனிம மண், கல்குவாரியால் பாதிக்கபட்டிருக்கும் நெல்லை தேரிகாட்டு, வயல்காட்டு பக்கம் வர சொல்லுங்கள் வரமாட்டார்கள்

எல்லோருக்கும் ஒரு நீதி, நெல்லைக்கு மட்டும் தனி நீதி,

அது அண்ணாச்சிமாரின் மண்ணுக்கு நீதி

அமெரிக்காவில் இருந்து இந்திரா நூயி வருகின்றார், மோடியினை சந்திக்கின்றார், உடனே தாமிரபரணி தடை நீங்குகின்றதென்றால்

தென்னாட்டு தாமிரபரணி யார்கையில் இருக்கின்றது என்பதை சொல்லி தெரியவேண்டியதில்லை

பெரும் வல்லமை படைத்த பெப்சி கம்பெனியின் தலமையினை, இந்திய தலமையுடன் சந்திக்க வைக்கும் அளவிற்கு சக்தியானவர்கள் இங்கேதான் இருக்கின்றார்கள்

மகா மர்மமான தமிழ்நாடாக போய்விட்டது

இதனை பிரதமரிடம் தான் கேட்கவேண்டும், எப்படி கேட்கலாம்? எப்படி சந்திக்கலாம்?

அப்பாயின்மென்ட் எல்லாம் அவர் யாருக்கும் கொடுப்பதில்லை, மகா பிசி. 24 மணி நேரமும் நாட்டை பற்றியே சிந்திப்பவர், பின் எப்படி?

நாம் சிந்திக்கலாம்

ஏதும் சாமிசிலை செய்து திறக்கலாம், கண்டிப்பாக பிரதமர் வருவார். மடக்கி வைத்து கேட்டுவிடலாம்.

கவனியுங்கள் தாமிரபரணியினை சுரண்ட வந்திருக்கும் இந்திரா நூயி ஒரு தமிழச்சி, பெப்சியின் நெல்லை டீலர் ஒரு தமிழன்

தாமிரபரணியினை தாரைவார்த்திருப்பது தமிழக நீதிமன்றம்

ஆனால் இவர்கள் எல்லாம் தமிழின துரோகிகள் இல்லை, இல்லவே இல்லை

அது கோபாலபுரத்தில் அந்திம காலத்தில் படுத்திருக்கும் கலைஞர் மட்டுமே, இப்படி சொன்னால்தான் அது தமிழுணர்வு

டிரம்பின் பிரிட்டன் பயணம் மக்களின் எதிர்ப்பால் ரத்து

Image may contain: one or more people

டிரம்பின் பிரிட்டன் பயணம் பிரிட்டன் மக்களின் எதிர்ப்பால் ரத்து

அமெரிக்கா போலவே டிரம்பிற்கு உலகமெல்லாம் எதிர்ப்பு வலுக்கின்றது, அமெரிக்காவின் தாய்நாடான பிரிட்டன் செல்ல கடும் தயாரிப்புகளோடு கிளம்பினார் டிரம்ப்

தயாரிப்பு என்றால் சவுதி அரசர் கிழக்காசிய பயணத்திற்கு கிட்டதட்ட சவுதி அரண்மனையினை பெயர்த்துகொண்டு வந்திருக்கின்றார் அல்லவா? அப்படி அல்ல.

சவுதி அரசர் கிழக்காசிய பயணத்திற்கு தன் தங்க கூரை விமானத்தில் வந்திருக்கின்றார், அவருக்கு துணையாக கிட்டதட்ட 2000 பேர் வந்திருக்கின்றார்கள்

கார் உட்பட அவர் கொண்டுவந்திருக்கும் பொருட்களின் எடை 600 டன்கள், மனிதர்கள் இதில் சேர்க்கபடவில்லை

ஆக கிட்டதட்ட ரியாத்தின் அரண்மனையினை பெயர்த்தெடுத்து தங்க விமானம், தங்க கார் என கிழக்காசியாவிற்கு ஷோ காட்டிகொண்டிருக்கின்றார் சவுதி மன்னர்

அவருக்கென்ன அல்லாஹ் அப்படி அள்ளி கொடுத்திருக்கின்றான், கூரையினை பிய்த்து கொடுக்காமல் , கூரையினையே தங்கமாக கொடுத்துவிட்டான்

டிரம்ப் அப்படி எல்லாம் கிளம்பவில்லை, வழக்கமான பாதுகாப்போடு கிளம்ப நினைத்தார், பிரிட்டன் மக்களின் எதிர்ப்பு காரணமாக அவர் வருகை தள்ளிபோடபட்டிருக்கின்றது

அப்படி பெரும் எதிர்ப்பினை பிரிட்டன் மக்கள் டிரம்பிற்கு எதிராக பதிவு செய்துவிட்டார்கள்.

இனி இது உலகம் முழுக்க பரவலாம்

பிரிட்டன் செல்லவே இந்தபாடு படும் டிரம்ப், இந்தியா வருவதெல்லாம் இனி நினைத்துபார்க்கமுடியுமா?

ஒருவேளை இந்திய மக்களும் இப்படி எதிர்த்தால் அவர் எங்கு செல்வார்?

அவருக்கா இடமில்லை, நேரே பாகிஸ்தானுக்கு சென்றாலும் செல்லலாம்

இந்தியா விரட்டிவிடுபவர்களுக்கு எல்லாம் அவர்கள் தானே புகலிடம்

ஆனாலும் டிரம்பின் நிலை இப்படி சிக்கலாகியிருக்க கூடாது

இது கூட பரவாயில்லை, சிரியாவில் அமெரிக்க துருப்புக்களை போட்டு சாத்தியிருக்கின்றது ரஷ்யா

சாத்திவிட்டு அவர்கள் வழக்கமாக சொல்லும் வழிதவறி, குறி தவறி நடந்த தாக்குதல் என சொல்லியிருக்கின்றது

அவர்கள் குறி ஒருநாளும் தப்பாது, போட்டு அடித்துவிட்டு அடிக்கடி
ஏவுகனை, விமானம், கப்பல் வழிதவறியது என சொல்லிகொள்வார்கள்

இதற்கும் டிரம்ப் பெரும் எதிர்ப்பு காட்டியதாக தெரியவில்லை, உலகளவில் இது ஒரு அமெரிக்க அவமானம்தான்

அதிமுக பாஜகவிடம் சிக்கி இருப்பது போல் டிரம்ப் புட்டீனிடம் சிக்கி இருக்கலாம் என சில செய்திகள் உண்டு

என்ன செய்வது?

அன்னார் பதவி ஏற்று இன்னும் 2 மாதம் கூட முடியவில்லை, அதற்குள் ஆயிரம் சிக்கல்கள் அவருக்கு

வீராப்பு பேசிவிட்டு இப்பொழுது தலையில் கை வைத்து அமர்ந்திருக்கின்றார் டிரம்ப்.

 
 

கேரள முதல்வர் பினராயி விஜயனை வம்புக்கு இழுக்கும் ஆர் எஸ் எஸ் …

கேரள முதல்வர் பினராயி விஜயனின் தலையை துண்டிப்பவருக்கு ரூ.1 கோடி சன்மானம் அளிக்கப்படும் : மத்தியப் பிரதேச ஆர்எஸ்எஸ் நிர்வாகி

தமிழகம், கேரளம் என வரிசையாக வம்பு இழுக்கின்றது ஆர் எஸ் எஸ் கும்பல்

ஓண திருவிழாவினை வாமண ஜெயந்தி என அறிவித்து அமித்ஷா மலையாளிகளிடம் வாங்கிகட்டிகொண்டது குறிப்பிடதக்கது

முன்பு கலைஞரின் நாக்கினை வெட்டுவேன் என வடக்கே ஒரு சாமியார் குதித்ததை போலவே, இப்பொழுது ஒரு முதல்வரின் தலையினை வெட்டுவேன் என ஒருவர் கிளம்பியிருக்கின்றார்

ஆக மலையாளி, தமிழன் என எல்லோரையும் திராவிட ஒற்றுமையில் கிளம்பசெய்யும் திருப்பணியினை ஆர் எஸ் எஸ் செய்கின்றது

இவர்களா பெரியாரை விரட்டிவிடுவார்கள்?

தங்களை அறியாமல் பெரியாரை இந்த தலைமுறைக்கு நினைவுபடுத்திகொண்டே, அவரின் தேவையினை உணரசெயது கொண்டிருக்கின்றார்கள்

அவ்வகையில் தேங்க் யூ ஆர்.எஸ்.எஸ் தேங்க் யூ என சொல்லிகொண்டே இந்த தென்னாடு பெரியாரை தூசுதட்டிகொண்டிருக்கின்றது

இந்த ஆர்.எஸ்.எஸ் பதர்கள்தான் பெரியாரை தமிழகத்தை விட்டு விரட்டபோகின்றதாம், முடியுமா?

இருந்து பாருங்கள், மறுபடி பெரியாரை உயிர்த்தெழவைக்காமல் இந்த ஆர்.எஸ்.எஸ் கும்பல் ஓயப்போவதில்லை

ஜாம்ஷெட்ஜி டாடா

Image may contain: one or more people and beard

தோற்றம் : 3 – 03 – 1839  ::   மறைவு : 19 – 05 – 1904

இந்தியா சாமியார்களின் தேசம், ஒருகாலமும் அங்கு தொழில்துறை மலராது, அவர்களால் அறிவியல் தொழில்களை செய்ய முடியாது என சொல்லிகொண்டிருந்த ஐரோப்பாவிற்கு இந்தியர்களாலும் நவீன தொழில்களை நடத்தமுடியும் என முதன் முதலில் செய்துகாட்டியவர் ஜாம்ஷெட்ஜி டாடா

இந்தியாவில் கனரக தொழில் முதல் பல நவீன தொழில்களை முதன் முதலில் தொடங்கியவர்

உலக அளவில் இந்தியாவிலும் சிறந்த தொழில் நிறுணங்கள் உண்டு என முதன் முதலில் சொன்னவர்.

எல்லாவற்றிற்கும் மேலானது அவரின் நாட்டுபற்று

ஐரோப்பாவில் இந்தியர்களுக்கு அனுமதி இல்லை என ஹோட்டலில் இவரை அவமதித்தபொழுது, இந்தியா திரும்பி வெள்ளையர் அடையாளமான பம்பாய் கேட் அருகே தாஜ் ஹோட்டலை கட்டியவர்

கட்டிவிட்டு வெள்ளையருக்கு அனுமதி இல்லை என தில்லாக சொன்னவர்

அந்த ஹோட்டலுக்கு டாட்டா என்றோ, ஜாம்ஷெட்ஜி என்றோ அவர் பெயரிடவில்லை, மாறாக இந்திய அடையாளமான தாஜ் எனும் பெயரினை இட்டார்

நவீன இந்திய வரலாற்றில் மறக்கமுடியா மனிதர், இந்தியாவினை தொழிற்துறைக்கு கையினை பிடித்து இழுத்து சென்றவர்

இந்த கணிணி உலகிலும் மென்பொருள் தயாரிப்பிலும் அந்நிறுவணம் பெரும் பங்காற்றுகின்றது

திரண்ட பெரும் செல்வத்தை எப்படி ஏழ்மை இந்தியர்களை கைதூக்கி விடவேண்டும் என்ற திட்டத்தினையும் அவர் வகுத்திருந்தார், இந்தியாவின் மக்களின் சேவைக்கு அவர் அள்ளிகொடுத்த பணம் கொஞ்சமல்ல‌

இன்றுவரை அந்நிறுவணம் அதனை திறம்பட செய்கின்றது, சமீபத்தில் அதன் நிர்வாக இயக்குனர் நீக்கபட்ட சர்ச்சையிலும் இந்த சேவைக்காக டாட்டா ஒதுக்கிய சொத்துக்களில் அவர் சுரண்டிய சர்ச்சையும் இருந்தது

அதாவது ஏழை மக்களுக்காக பெரும் சொத்துக்களை டாடா விட்டுசென்றிருக்கின்றார் என்பது உண்மை

இன்று அவரின் பிறந்தநாள்

பார்சி எனும் மிக சிறுபான்மை சமூகம் அவருடையது

இந்த தேசத்தில் சாதிக்க மதம், இனம், மொழி என எந்த தடையுமில்லை, இந்தியன் எனும் ஒற்றை உணர்வு போதும் என வாழ்ந்துகாட்டியவர்களில் ஒருவர்.

இன்று இந்தியாவில் ஏகபட்ட தொழிலதிபர்கள் உண்டு, அவர்களுக்கெல்லாம் எந்நாளும் முன்னோடி இந்த டாடா.

அவரை நன்றியோடு இத்தேசம் நினைத்துகொள்வதில் பெருமை அடைகின்றது

 
 

குறு குறு செய்திகள் ….

Image may contain: 1 person, close-up

என்னை பற்றி என்ன நினைக்கின்றீர்கள் என கேட்டால் , குஷ்பூ கோயில் புரவலர், பூசாரி, பக்தன், குஷ்பூவின் அதிரசிகன், தலமை ரசிகன் என்பன போன்ற பதில்கள் மட்டும் வரும் என்பதால் ….

அந்த கேள்வியினை கேட்காமல் விட்டுவிடுகின்றேன்..


அதிமுகவை அழித்துவிட வேண்டும் என்ற நோக்கில் பன்னீர்செல்வம் செயல்படுகிறார்: டிடிவி தினகரன்

மன்னார்குடி குடும்பம் மட்டும் அதிமுக வாழ்ந்துவிட வேண்டும் என்றா ஆசைபடுகின்றது

மன்னார்குடி குடும்பத்தை விட மோசமாகவா பன்னீர் அதிமுகவினை அழித்துவிட போகின்றார்?


நெடுவாசல் போராட்டம் பற்றி பேச முதல்வர் பழனிச்சாமிக்கு என்ன அச்சம்? : சீமான் சீற்றம்

அதாவது அங்கிள், முன்பு ஜெயலலிதாவிற்கு நீங்கள் எப்படி பம்மினீர்களோ அப்படி பழனிச்சாமி சசிகலாவிற்கும், மோடிக்கும் பம்மி கிடக்கின்றார்

ஒரு அடிமையின் உணர்வு, உங்களை போன்ற முன்னாள் அடிமைக்கு புரியாவிட்டால் எப்படி?


மக்களின் விருப்பத்துக்கு மாறாக மத்திய அரசு செயல்படாது: தமிழிசை

எப்படி நம்ப முடியும்?

அப்படி மக்கள் விருப்பத்திற்கு மதிப்பு கொடுக்கும் கட்சி என்றால் எப்பொழுதோ இவரையும், எச்.ராசாவினையும் தூக்கி வீசியிருக்காதா?

இன்னும் விட்டுவைத்திருக்குமா?

ஆக அந்த கட்சி எப்பொழுதும் தமிழக மக்களின் எதிராக செயல்படும்பொழுது, அதன் ஆட்சி மட்டும் எப்படி தமிழக மக்களுக்கு ஆதரவாக இருக்கமுடியும்?


சென்னையில் 34 வயது கள்ளக்காதலனுக்கு பெண் பார்த்ததால் 60 வயதான கள்ளக்காதலி அதிர்ச்சி; இறுதியில் இருவரும் தற்கொலை

இப்படியும் பெண்கள் முன்னேறி இருக்கின்றார்கள், அரபு நாட்டு ஷேக்குகளுக்கு நிகராக தமிழக பெண்களும் வெற்றி நடை போட தொடங்கியாயிற்று

“ஆணுக்கு பெண்ணிங்கே இளப்பில்லை காணீர்”


சமத்துவ மக்கள் கட்சியின் பொது செயலாளராக சரத்குமார் நியமனம்

ஒரே ஒரு தொண்டர் இருக்கும் கட்சியில் அவர்தான் பொதுசெயலாளர் ஆகமுடியும்..இதில் என்ன பிரமாதம்?


இந்த ஆண்டுக்கான அமைதிக்கான நோபல் பரிசுக்காக 386 பேர் பெயர்கள் பரிந்துரைக்கபட்டுள்ளது, அதன் வரலாற்றிலே இதுதான் அதிகம் பேர் பரிந்துரைக்கபட்ட எண்ணிக்கை

ஒருவேளை ஜெயா, சசிகலா பெயரினையும் அதிமுகவினர் சேர்த்திருப்பார்களோ?

உலக அமைதிக்காகவே சசிகலா சிறைவீற்றிருக்கின்றார் என கிளம்பினாலும் கிளம்புவார்கள்..

பெயர் பட்டியல் வெளிவந்தால்தான் தெரியும்..


விவசாயிகள் தற்கொலை விவகாரத்தில் மத்திய அரசு தவறான பாதையில் செல்கிறது: உச்ச நீதிமன்றம்

அந்த ஒரு விவகாரத்தில் மட்டுமா மத்திய அரசு தவறான பாதையில் செல்கின்றது?

அது எல்லா விவகாரத்திலும் தவறாகத்தான் சென்றுகொண்டிருக்கின்றது.