அப்பல்லோவிற்கு மோடி ஏன் வரவில்லை?

2011ல் மோடி ஜெயலலிதாவினை கவனித்துகொள்ள நர்ஸ் அனுப்பினார் எனவும் அந்த நர்ஸ் விரைவிலே விரட்டபட்டார் எனவும் சில தகவல்கள் கசிகின்றன‌

அதனை தொடர்ந்து கோபமுற்ற மோடி உங்கள் உணவில் கவனமாக இருங்கள் என சொன்னதாகவும் செய்திகள் வருகின்றன.

அவர் பொதுவாக அப்படி கூறினாரா அல்லது சில விவகாரங்கள் பற்றி தெரிந்த பின் அப்படி ஜெயலலிதாவை எச்சரித்தாரா என்பது பற்றி தெரியவில்லை என ஊடகங்கள் செய்திகள் வெளியிட்டு வருகிறது.

இதே 2011ல்தான் மன்னார்குடி கும்பலும் போயஸ்கார்டனில் இருந்து விரட்டபட்டதும் குறிப்பிடதக்கது

இதே காலகட்டத்தில் மன்னார்குடி கும்பல் மீது ஜெயா சாட்டிய குற்றசாட்டுக்களும் பயங்கரமானவை.

சோ ராமசாமிக்கும், மோடிக்கும் இருந்த நெருக்கம் உலகறியும்.

ஆக குஜராத் முதல்வராக மோடி இருந்தபொழுதே போயஸ் கார்டன் மீது அவருக்கு சந்தேக பார்வை விழுந்திருக்கின்றது தெரிகின்றது

ஜெயலலிதாவினை சுற்றி என்ன நடக்கின்றது என்பதை மோடி கவனித்துகொண்டே இருந்திருக்கின்றார்.

எய்ம்ஸ் டாக்டர்கள் வந்து சென்றபின்னும் அப்பல்லோவிற்கு மோடி ஏன் வரவில்லை? என்ற கேள்விக்கும் சில பதில்கள் புரிகின்றன, அவருக்கும் புரிந்திருக்கின்றது

உத்திரபிரதேச தேர்தலை முடித்துவிட்டு மோடியின் சீற்றபார்வை இங்கு விழ வாய்ப்பிருக்கின்றது என்கின்றார்கள்

இருக்கலாம், இல்லை என்றால் ஏன் நர்ஸ் கதையினை இப்பொழுது கசியவிடுகின்றார்கள்??

தமிழகத்தில் பெண் சுதந்திரமும் சர்வதேச மகளிர் தினமும்..

Image may contain: 2 people, people standing

பெண்களிடம் மிக பெரிய பொறுப்பினையும் கொடுத்து, அவர்கள் ஊழல் செய்யவும் அனுமத்தித்தோடு மட்டுமல்லாமல்..

இன்னும் அவர்களை அம்மா, சின்னம்மா, இளவரசியம்மா என வணங்கும் தமிழகத்தை விடவா பெண்களுக்கு உலகில் இன்னொரு இனம் மரியாதை கொடுத்துவிட்டது?

நாட்டின் உச்சநீதிமன்றமே ஜெயா, சசிகலா, இளவரசி, கனிமொழி என தமிழக பெண்களை விசாரித்திருக்கின்றது

பெரும் பொறுப்பு கொடுக்காமலா அவர்கள் மீது குற்றம் சாட்ட முடியும்?

இதனை விடவா பெண்களை உலகம் பெருமைபடுத்திவிட்டது?

அமெரிக்காவில், ரஷ்யாவில், ஜப்பானில், தென்கொரியாவில், அரேபியாவில் எங்காவது இப்படி ஒரு காட்சி உண்டா?

பதவிக்கு வருமுன்னே ஹிலாரி ஊழல்வாதி என விரட்டியவர்கள் ஆணாதிக்க அமெரிக்கர்கள், நாமோ ஊழல் முத்திரை குத்தபட்டபின்னும் 3 முறை முதல்வராக்கியிருக்கின்றோம்

ஆக பெண்ணுரிமையினை மதித்தது அமெரிக்காவா? தமிழகமா?

ஆங்சான் சூகி எனும் பெண்ணை பெண் என்றும் பாராமல் வீட்டு சிறையில் வைத்தது பர்மா அரசு, மனிதர்களா அவர்கள்?

இங்கு 122 எம் எல் ஏக்களை ஒரு பெண்மணியால் கூவத்தூரில் 10 நாட்கள் அடைத்து வைக்கும் அளவிற்கு பெண் சுதந்திரம் கொடுக்கபட்டிருக்கின்றது

ஒரு பெண் அதிபரும் அவர் தோழியும் ஊழல் செய்தார்கள் என பெரும் கிளர்ச்சி வெடித்தது தென்கொரியாவில்

இங்கோ அப்படி நிரூபிக்கபட்டும் அரசு விழாக்களில் அவர்கள் படம் இடம்பெறுகின்றது, இந்த பெண் சுதந்திரம் எந்த நாட்டில் உண்டு?

ஒரு பெண் சமாதிக்குள் இருந்து வோட்டு வாங்குகின்றார், ஒரு பெண் சிறையிலிருந்தே ஆட்சி நடத்துகின்றார்

குற்றவாளி என ஆண் ஆதிக்க கோர்ட் சொன்னாலும், கொஞ்சமும் வருத்தமின்றி அவர்கள் பெண்கள் அப்படித்தான் இருப்பார்கள், அவர்கள்தான் எங்கள் வழிகாட்டிகள், தலைவர்கள் என கொண்டாடும் சமூகம் எங்காவது உண்டா?

சேலைகளும் நகைகளும் சொத்தும் எப்படி வந்தது இது தவறு என நீதிபதி சொன்னால், இரு பெண்கள் 10,500 சேலை வைக்காமல் வேட்டி சட்டையா வைப்பார்கள் என பதில் சொல்கின்றது தமிழகம்

ஆண்டாண்டு காலம் அடிமைபட்ட பெண் இனம் கொடநாட்டிலும், சிறுதாவூரிலும் பங்களா கட்டி ஆண்டால் என்ன தவறு என புது புரட்சி கேள்வி கேட்டது தமிழகம்

பெண்கள் பாரில் அட்டெண்டராக இருந்த காலத்தை, பெண்கள் சாராய ஆலை நடத்தலாம் எனும் அளவிற்கு மாற்றி புரட்சி செய்திருப்பது தமிழகம்.

இவ்வளவு நிலபுலன்கள் எப்படி வந்தது என்றால், ஏன் நிலகிழார்கள் இருக்கும் மாநிலத்தில் நிலக்கிழவிகள் இருக்க கூடாதா? இது பெண்விடுதலை என சொல்கிறது தமிழகம்

இத்தனை தொழில்கள் எப்படி என கேட்டால், அம்பானி எனும் ஆண் சொத்துகுவிக்கும்பொழுது சசிகலா எனும் பெண் குவிக்க கூடாதா? இது புரட்சி என சொன்னது தமிழகம்.

இதுவல்லவா பெண் உரிமை மலர செய்த புரட்சி பூமி, இது அல்லவா பாரதி சொன்ன பெண் விடுதலை பூமி

உலகிற்கே அந்த பெருமையுடன் மகளிர் தின வாழ்த்தினை சொல்ல தயாராகின்றது தமிழகம்

சிறைபட்ட சிங்கமும், மறைந்துவிட்ட தங்கத்தின் முகங்களோடு உலகெல்லாம் மிக பெருமையாக தமிழகம் சொல்கின்றது

இந்த அளவு அதி உச்ச விடுதலையினை பெண்களுக்கு கொடுத்த சமூகம் எங்காவது இருக்கின்றதா?

இல்லை, இல்லவே இல்லை

அதனால் இத்தமிழகமே மகளிர்தின வாழ்த்தினை உலகிற்கு முதலில் சொல்ல உரிமை பெற்றிருக்கின்றது.

இன்றைய தேதியில் உலகில் எந்த இனத்திற்கும் மகளிர் வாழ்த்து சொல்ல உரிமையே இல்லை, நமக்கு மட்டுமே இருக்கின்றது

பெண்களை ஒரு இனம் வாழவைத்தால் இப்படி தமிழகத்தை போல வாழவைக்க வேண்டும்

ஹேப்பி விமன்ஸ் டே…

 
 

ஹேப்பி பர்த்டே விவியன் ரிச்சர்ட்ஸ்

Image may contain: 1 person, playing a sport, baseball and outdoor

கிரிக்கெட்டை நேசித்தால் அவரையும் நிச்சயமாக நேசித்தே தீரவேண்டும்

இன்றைய டி20 மேட்ச்களை அன்றைய டெஸ்ட் மேட்சிலே ஆடியவர், அதுவரை ஸ்டைலாக மெதுவாக ஆடவேண்டிய ஆட்டம் என்றிருந்த கிரிக்கெட்டினை அதிரடி ஆட்டத்திற்கு மாற்றி காட்டியவர்

அவர் ஆட வந்தபின்புதான் உலகம் கிரிக்கெட்டை ரசிக்க முடிந்தது, அவரை முன்மாதிரியாக கொண்டுதான் ஸ்ரிகாந்த், டெண்டுல்கர், லாரா
மியான்டட், உல்ஹக், டோனி, கெயில் என எல்லோரும் உருவானார்கள்

கம்பீரமான உருவத்துடன் கையில் மட்டையுடன் அவர் களமிறங்கினால், அவர் உருவத்திற்கு அது குச்சி போலிருக்கும், பந்து எங்கு செல்கிறது என தெரியாமலே விளாசுவார்

அதுவும் அவுட் ஆகாமலே விளாசுவார். எந்த பந்தும் அவரை கட்டுபடுத்தியதாக சரித்திரமே இல்லை

எதற்கும் மனிதர் சிரமபட்டது இல்லை, யானை துதிக்கையினை ஆட்டுவது போல அசால்ட்டாக மட்டையினை சுழற்றுவார்.

எசக்குபிசகாக கேட்ச் ஆனால் உண்டு, மற்றபடி பந்துக்கு அவர் திணறியதாக குறிப்புகள் இல்லை

6,6,6,6,6 ,4,4,4,4.. என்ற வரிசைகளை முதன் முதலில் அவர்தான் கொடுத்தார்.

அவருக்கு பந்துபோடும் பவுலர்கள் எல்லாம் சசிகலாவினை சந்திக்க செல்லும் அமைச்சர்கள் போலவே டென்ஷனாக இருந்தார்கள்..

ஒருநாள் கிரிக்கெட்டில் எல்லோரும் 50 ரன்னுக்கு திணற, அவரோ 189 நாட் அவுட் என நின்றுகொண்டிருந்தார், பின்னாளின் பாகிஸ்தானின் அன்வர் உடைக்கும் வரை அந்த சாதனை அவருடையது.

எத்தனை அருமையான ஷாட்கள், எவ்வளவு வலுவான அதிரடி, கொஞ்சமும் சளைக்காமல் மிஷின் போல அவர் ஆடும்பொழுது ஏதோ பிசாசொன்று ஆடியது போலிருகும்.

ஒருநாள் கிரிக்கெட் போட்டியும், உலக கோப்பையும் அவரால்தான் களைகட்ட தொடங்கின‌

முதல் இரு உலககோப்பைகளை வெஸ்ட் இண்டீசுக்கு அவர்தான் கொடுத்தார், மூன்றாம் போட்டியில் அவர் கபில்தேவால் பிடிபடும் வரை ஆட்டம் அவர்களிடம் தான் இருந்தது

இனி அப்படி ஒரு ஆட்டக்காரன் வரமாட்டான் என்கின்றது கிரிக்கெட் உலகம், அதனால் எக்காலத்திலும் சிறந்த ஆட்டக்காரர் என சொல்லி அங்கீகரித்தது.

எத்தனை கெயில், எத்தனை ஹோலி டோனி வந்தாலும், “கிரிக்கெட்டின் ராஜா” என்றென்ன்றும் அவரே

அவர் வெஸ்ட் இண்டீசின் வீவியன் ரிச்சர்ட்ஸ்

அந்த கிரிக்கெட் வேதாளத்திற்கு இன்று பிறந்தநாள், கிரிக்கெட் அறிந்தோர் எல்லாம் அவரை வாழ்த்தி கொண்டிருக்கின்றார்கள், நாமும் வாழ்த்தலாம்

ஹேப்பி பர்த்டே விவியன் ரிச்சர்ட்ஸ்

அந்த கிரிக்கெட் வேதாளம் பல்லாண்டு வாழட்டும்

 
 

ராமேஸ்வரமும் சிங்கமும் : 02

ராமேஸ்வரமும் சிங்கமும் : 02

Image may contain: text

உலகின் சில சுவையான மீன்கள் கிடைக்கும் பகுதி என இப்பகுதிக்கு பெயர், அதன் நில அமைப்பு அவ்வாறானது, குறிப்பாக இறால்,நண்டு வகைகள் அதிலும் சிங்க இறால் மற்றும் நீலக்கால் நண்டு மகா பிரசித்தி, எல்லாம் பெரும்பாலும் ஏற்றுமதி ரகம், சிங்கப்பூரின் நட்சத்திர விடுதிகளில் எல்லாம் இவைதான் அலங்கரிக்கும்.

இன்னொரு மகா முக்கியமான அம்சம் விஞ்ஞான மாற்றம், தரையினை எடுத்துகொள்ளுங்கள், சாலையிலே எவ்வளவு வாகனம். விவசாயத்திற்கு மோட்டார்,டிராக்டர், அறுவடை இயந்திரம் என வந்தாயிற்று,

சாலையின் ஓரங்களில் எங்கு திரும்பினாலும் கனரக எந்திரங்கள் வரிசை கட்டி நிற்கின்றன, புல்டோசர், கிரேன் என வரிசைகட்டி நிற்கின்றன‌

இதே கனரக படகுகள் முன்னேற்றம் மீன்பிடியிலும் வந்தாயிற்று.

நவீன பெரும் படகுகள், இரட்டைமடி வலைகள் (ஒரு கடல் குச்சி கூட மிஞ்சாது), என ராமேஸ்வரம் பகுதி மாறிற்று, எல்லா அரசியல்வாதி மற்றும் தொழிலதிபர்களுக்கும் நவீன படகு இருக்கிறது என்பதும் செய்தி, இப்படியாக 100 கட்டுமர படகுகள் இருந்த இடத்தில் 1000 நவீன படகுகள் நிற்கின்றன.

அதாவது மக்கள் தொகை, பெரு நவீன படகுகள் பெருத்திருக்கின்றன, மீன்பிடி வசதிகள் பெருகிவிட்டன, நெருக்கடிகள் அதிகரிக்கின்றன‌

ஆனால் கடல் அகலமாவாது அல்லவா?

அப்பக்கம் யுத்தத்தால் சீரழிந்த இலங்கை மீணவர்களுக்கு இந்த முன்னேற்றம் இல்லை, வசதிகள் இல்லை. அவர்கள் பின் தங்கியும் இருக்கின்றார்கள். இந்திய மீணவர்கள் எல்லை தாண்டி செல்வது அவர்களுக்கே தெரியாது, கடல் அப்படியானது, மீன்களை குறிவைத்து செல்வார்கள் , பிடிப்பார்கள்.

இந்த நவீன பெரும் படகும், இரட்டை மடியினையும் நிச்சயம் இலங்கை மீணவர்களால் எதிர்கொள்ளமுடியவில்லை. அவர்கள் தொழில் அழியும் நிலை, அதனால்தான் அது சிங்கள அரசாயினும், நாட்டு மக்களுக்காய் ஓடிவந்து நிற்கும், இன்னொன்று இந்தியாவினை சீண்டிகொண்டிருப்பதில் அதாவது இந்தியா தங்களிடம் தாங்கி தாங்கி பேச்சு நடத்துவதில் அவர்களுக்கும் சந்தோஷம்.

ஒரு நாட்டின் கடல் பகுதியில் இன்னொரு நாடு செல்லமுடியாது என்பது சர்வதேச விதி, அதுதான் இங்கு நடந்துகொண்டிருக்கும் உண்மை. கச்சத்தீவை திரும்ப வாங்கினால் மட்டும் பிரச்சினை தீருமா?

இந்த மீன்பிடி வெறிக்கு அது நிச்சயம் தீராது, காரணம் அதனை தாண்டினால்தான் மீன்கள் கிடைக்கும் நிலை. கச்சதீவில் ஓய்வெடுக்கலாமே தவிர இப்பிரச்சினை தீராது. அப்படி கச்சத்தீவு மீட்கபட்டாலும் பிரச்சினை நெடுந்தீவிற்கு மாறும் என்பதுதான் உண்மை.

நிச்சயமாக அவர்கள் நாட்டு மீன் வளம் அவர்களுக்கு, நமது நாட்டு வளம் நமக்கு. பாருங்கள் இருவரும் தமிழர்கள்தான், ஆனால் இந்திய தமிழ் மீணவர்களின் நவீன வசதிக்கு நிற்கமுடியாமல் அவர்கள் மன்றாடுகின்றார்கள். இன்னொன்று இரட்டைமடி நிச்சயம் அபாயமானது, தடுக்கபட வேண்டியது, ஆனால் செய்வது யார்?

உங்கள் மக்கள்தொகை போலவே படகுகள் அதிகம், எமக்கோ குறைந்த மக்கள் தொகை அதுவும் வசதிகளும் குறைவு, அதனால் நீங்கள் பிடித்துவிட்டு சென்றால் எங்களுக்கு நெத்திலி கூட மிஞ்சாது என கதறுவது நிச்சயம் தொப்புள் கொடி உறவுகள்தான்.

தமிழக மேடைகளில் ஈழதமிழருக்காய் முழங்குபவர்கள் யாரேனும் இதனை பற்றி பேசுவார்கள்? தமிழன் இன்னொரு நாட்டு தமிழனின் மீனை பிடித்து அவன் வயிற்றில் அடித்தால் பிரச்சினை இல்லை என்பது இவர்கள் நிலைப்பாடு, இது அரசியல் அப்படித்தான் இருக்கும்.

பொதுவாக அரசியல்வாதிகளால் ஒருநாளும் பிரச்சினை தீராது, அதை உணர்ந்த இரு நாட்டு மீணவ பிரதிகளும் கலந்து பேசினார்கள், நம்மவர்கள் செவிசாய்க்கவில்லை, அவர்கள் அடிபட்டு வறுமையில் கிடப்பவர்கள், நம்புவது உங்கள் விருப்பம்,

ஆனால் அவர்களுக்கும் பாதிப்பு உண்டு என்பது உண்மை.

ஆனால் சிங்களனிடம் அழுதார்கள், அது பல திட்டம் தீட்டிற்று.
அதிலொன்றுதான் 15 கோடி அபராதம், எங்கள் கடலில் சம்பாதித்ததை எங்களுக்கே கொடுங்கள் எனும் ஒருவகை திட்டம்.

இந்த சிக்கலுக்கு என்ன தீர்வு? அது கொஞ்சம் வித்தியாசமானது. ஒரு நாட்டின் குறிப்பிட்ட எல்லைக்கு பின் சர்வதேச கடல்பகுதி வரும், அங்கு யாரும் மீன் பிடிக்கலாம், அப்படித்தான் குளச்சலுக்கு சற்று தொலைவில் ஜப்பானிய கப்பல்கள் நெத்திலி பிடித்துகொண்டிருக்கும்.

அதனை போல கொஞ்சம் தாண்டி சென்றால் அது சர்வதேச கடல் பகுதி, அங்கு யாராலும் எந்த பிரச்சினையும் செய்யமுடியாது, அதுவும் இலங்கைக்கு கிழக்கே பெரும் திறந்த கடல்வெளி.
அம்மாதிரி பெரும் வசதிகளை தமிழக மீணவர்களுக்கு செய்துகொடுத்தால், அவர்கள் ஆழ்கடல் மீன்பிடிப்பிற்கு பழகிகொள்வார்கள்,

பெருத்துவரும் உலகில் இதுவும் ஒரு தீர்வு முயற்சி.

தாத்தா காலத்தில் 10 அடியில் கிடைத்த நிலத்தடி நீர், இன்று 600 அடியில் கிடைக்கின்றது அல்லவா? அப்படித்தான் கடலிலும் உள்செல்ல வேண்டும்.

கச்சத்தீவினை கொடுத்த காலங்கள் வித்தியாசமானவை, அது இந்தியா அணுகுண்டு சோதனை செய்த காலங்கள், பாகிஸ்தானை தவிர எல்லா நாடுகளுடனும் நட்புறவு தேவைபட்டது, இலங்கை ஐ.நாவில் அலறினால் அது பல சிக்கல்களை ஏற்படுத்தும், அதனால்தான் ராஜதந்திரமாக அவர்கள் வாயினை அடைத்தார் இந்திரா.

இன்று இல.கணேசன் சொல்கின்றார் அல்லவா?, நாட்டிற்காக ஒரு பகுதியினை தியாகம் செய்யலாம் என்று, அந்த தியாகத்தை அன்றே தமிழகம் செய்துவிட்டது

இன்னொன்று கடத்தல்காரர்களின் அட்டாகசம் நிறைந்த பகுதி தமிழக காவல்துறைக்கும் சவாலாக இருந்தது, தலைமுழுகினால் போதும் எனும் நிலைக்கு செல்லுமளவிற்கு ரகசிய அறிக்கைகள் உண்டு என்பார்கள்

இன்று அதனை திரும்ப பெரும் வாதங்கள் வலுக்கின்றன, திரும்ப பெற்றால் சிக்கல் இல்லைதான் ஆனால் பிரச்சினை தீராது. சர்வதேச சிக்கல்கள் அப்படி.

இரு ஆண்டுகளுக்கு முன்னால் குமரி மீணவர்களை இங்கிலாந்து கடற்படை கைது செய்தது? ஏன் நம்மவர்கள் இங்கிலாந்துக்கு சென்றார்கள் என்றா? இல்லை.

அமெரிக்க மர்ம தீவான டீகோ கார்சியா இங்கிலாந்தின் தீவு அமெரிக்கா குத்தகைக்கு எடுத்திருக்கின்றது, அதன் அருகே (வெகு தொலைவு அது, அவர்கள் முன் ஓடி வந்து கைது செய்தனர்) சென்ற குமரி மீணவர்களை இங்கிலாந்து இது எமது எல்லை என கைது செய்தது, என்ன நடந்தது? யாராவது இங்கிலாந்து ஒழிக, அமெரிக்கா ஒழிக என சத்தமிட்டோமா?

அது இங்கு நடக்காது, நமது ஊடகங்கள் அப்படி.

உண்மையில் நமது மீணவர்கள் நலன் காக்க வேண்டுமானால் நிறைய மாற்றங்கள் செய்யவேண்டும், அவர்களை ஆழ்கடல் பயிற்சிக்கு பழக்கவேண்டும், அதற்கான வசதிகளை அரசு செய்யவேண்டும்.

இல்லாவிட்டால் இந்த குறுகிய கடலுக்குள் ஏற்படும் சச்சரவுகளை கச்சத்தீவினை திரும்ப பெறுவதால் மட்டும் தீர்த்துவிடமுடியாது. அல்லது கடற்படையினை நிறுத்தி இலங்கையினை அச்சுறுத்தவும் முடியாது,

முடியவேண்டும் என்றால் பல வகைகளில் இந்தியா முன்னேறி இருந்து, பொருளாதார தடைகளை தாங்கும் சக்தி பெற்றிருக்க வேண்டும், இப்போதைக்கு அது சாத்தியமில்லை.

“மச்சம் பிடிப்பவர் வாழ்வில் மிச்சம் இல்லை..” என்பது பழமொழி, அதுவும் இந்த வியாபாரகாலத்தில் மிஞ்சி நிற்பது ஒன்றுமில்லை, மிக பரிதாபகரமான தொழில் அது.

என்ன செய்வது? நமது நாட்டில் மக்கள் பிரச்சினைகளை தீர்த்து வைக்காமல் அதனை அரசியலாக்கியே பழகிவிட்டார்கள், அதனை வைத்து வெறியூட்டவும் கற்றுகொண்டார்கள், மற்றபடி எந்த பிரச்சினையினையும் தீர்க்கமாட்டார்கள்.

ஆனால் பாதிக்கபடுவது அடிமட்ட மக்களாக இருக்கும், அது விவசாயியோ அல்லது மீணவனோ. ஆனால் இந்த அடிமட்டங்கள்தான் பின்னாளில் அரசுகளை புரட்சி எனும் பெயரில் மாற்றி இருக்கின்றன என்பதுதான் வரலாறு.

அந்த வரலாறு இவர்களை விடுதலை செய்யட்டும், ஜல்லிகட்டுக்கு பொங்கியது போல மொத்தமாக தமிழகம் பொங்கினால் இந்த சிக்கல்கள் தீர்க்கபடலாம்

அப்படி தீர்க்கபட்டாலும் இலங்கை கடற்பரப்பில் தமிழக மீணவர் நுழைவது தடுக்கபடும், இவர்களுக்கு மீன்பாடு சிக்கலே, தொழில் பாதிக்கபடும்

நாங்கள் அப்படித்தான் அத்துமீறி இலங்கை கடலில் நுழைவோம் எனவும் செல்லமுடியாது

ஆழ்கடல் மீன்பிடிப்பிற்கு மாறாமல், புதிய வழிதடங்களை மீணவர்களுக்கு காட்டாமல் எதுவும் சாத்தியமில்லை

அவர்கள் பிழைப்பு கெடுகின்றது என இந்திய மீணவனௌ சுட்டுகொல்வதை ஏற்றுகொள்ளவே முடியாது, இதனை இந்தியா பெரும் கோபத்தோடு கண்டித்து சீறலாம்

ஆனால் செய்யாது, உலக அரசியல் அந்த லட்சணம்

இனியாவது எந்த தமிழ் மீணவனும் சாகாமல் இருக்கட்டும்…அதற்கான நடவடிக்கைகளை மோடி எடுக்கட்டும்

மோடி வந்தபின் துப்பாக்கி சூட்டினை நிறுத்தியிருந்த இலங்கையன் மறுபடியும் தூக்கியிருக்கின்றான்

மோடி இதனை எப்படி எதிர்கொள்கின்றார் என பார்க்கலாம், இனி ஒரு தமிழ் மீணவன் சாகாமல் இருக்கட்டும்

 
 

ராமேஸ்வரமும் இலங்கையும் : 01

ராமேஸ்வரமும் இலங்கையும்  : 01

Image may contain: ocean, sky, outdoor and water

1970 வரை இது பெரும் பிரச்சினை அல்ல, கச்சத்தீவு (கச்சம் என்றால் ஆமை என பொருள்) எனும் மனிதர் வாழா தீவினை, (அங்கு நல்ல நீர் கிடைக்காது),

இலங்கைக்கு கொடுத்தபின்னும் பெரும் பிரச்சினை இல்லை. இலங்கை மீணவர்களும், இந்திய மீணவர்களும் சந்திக்கும் இடமாகவே அது மாறிற்று,

அதுவும் மீணவர்களின் பாதுகாவலர் எனநம்மபடும் புனித அந்தோணியாரின் திருவிழா அங்கு இருவராலுமே நடத்தபட்டது, மதங்களை தாண்டி. எல்லாம் நன்றாகத்தான் சென்றுகொண்டிருந்தது.

1980களில் தமிழக போராளிகள் தமிழகம் வந்து செல்லும்பொழுது, பாதுகாப்பு சோதனை எனும் பெயரில் சிங்கள கடற்படை வந்து நின்றபின்புதான் சிக்கல் தொடங்கிற்று, அதாவது போராளிகளுக்கு இதுதான் சப்ளை ரூட் என்பது சிங்களரின் நம்பிக்கை என ஏகபட்ட சிக்கல்கள். போராளிகளுக்கு இந்தியாவின் ஆசி உண்டென்பது பரம ரகசியம் அல்ல.

ஆனால் பின்னர் நிலமை மகா மோசமாயிற்று, 1983க்கு பின் புலிகள் விஸ்வரூபமெடுக்க பதிலுக்கு சிங்களமும் மல்லுகட்ட, முதல் துப்பாக்கி சூடு 1983ல் தொடங்கிற்று.

அமைதிபடை காலத்திலும், பின் 1991க்கு பின் இந்திய ஈழபார்வை முற்றிலும் மாறிபோக, புலிகளின் கையும் கடல்பரப்பில் ஓங்கி நிற்க இந்தியா தடுமாறிற்று.

பின் அவர்கள் எல்லை என ஒன்றை காட்டி, இதனை தாண்ட கூடாது என்றனர், பின் இன்னும் மோசமாக கச்சத்தீவு பக்கம் வரகூடாது என்றனர், உண்மையில் இந்திய ஒப்பந்தபடி இலங்கையின் கச்சதீவிற்கு இந்தியர்கள் எப்பொழுதும் செல்லலாம், விசா தேவை இல்லை என்பது குறிப்பிட தகுந்த விஷயம்.

இந்த கடல்கட்டுப்பாடு புலிகள் கையில் சென்றபின் சிக்கல் தொடங்கியது, அடிக்கடி சிங்கள கடற்படையினை தாக்குவர், சிங்களருக்கு ஒரே நம்பிக்கை, தமிழகத்திலிருந்துதான் பொருள் இவர்களுக்கு வருகின்றது, போட்டு சாத்துவோம், 4 அப்பாவிகள் செத்தாலும் 40 கடத்தல்காரர் பயப்படுவார்கள்.

1995ல் இதனை குறிவைத்துதான் சிங்களம் யாழ்பாணத்தை மீட்டது, மீட்டபின்பு அந்த கடல்பாதையினை தன் கட்டுபாட்டில் வைத்துகொண்டது, யாழ்பாண மீணவர்களும் பாதிக்கபட்டார்கள், அதாவது சிங்கள மீணவர்களுக்கு முன்னுரிமை வழங்கபட்டது, ஒரு மாதிரியான அரசியல் இது.

இதில் அடிக்கடி இந்திய மீணவர்கள் எல்லை தாண்டுவதும், அவர்கள் சுடுவதும் நடந்துகொண்டே இருக்க, இந்தியா கண்டனம் தெரிவிக்கும் ஆனால் ஒன்றும் செய்வதற்கில்லை, காரணம் உலக சிக்கல், அரசியல் இன்னும் ஆயிரம் அட்டகாசங்கள், புலிகள், ராணுவம், கடத்தல்கள் என ஏக சிக்கல்.

ஆனால் மோடி வந்தபின் ஒருவிஷயம் குறைந்தது அது சுட்டுகொல்வது. நிச்சயம் மோடியின் சாதனை அது.

அதன் பின் இப்பொழுது சுட தொடங்கிவிட்டார்கள்.

போர் முடிந்த முடிந்தபின்னும் இந்த சண்டைகள் ஏன்? இப்பொழுது புலிகள் இல்லை, ஆனால் பிரச்சினைகள் ஏன்? என்றால் பெரும் சிக்கலான விஷயம் இது.

புலிகள் பிரச்சினை இல்லாத இந்த காலகட்டத்தில், சிங்களரை பிடித்துவந்து இந்திய தமிழ் மீணவர்களை விரட்டுங்கள் என சொல்வது யார்? சொன்னால் நம்ப மாட்டீர்கள், அவர்கள் வடக்கு கரை இலங்கை தமிழக மீணவர்கள்.

இப்பொழுது நடந்து கொண்டிருப்பது சாட்சாத் தமிழக மீணவர்கள் அதாவது இந்திய தமிழ் மீணவர் மற்றும் இலங்கை தமிழ் மீணவர் பிரச்சினை, உண்மையில் மோதிகொள்வது தமிழினம்.

அவர்களுக்கு சிங்கள அரசு, அதனால் ஓடி சென்று முறையிடுகின்றார்கள், சிங்களனுக்கு எதனையாவது காட்டி அரசியல் செய்யவேண்டும், அதுவும் இந்தியா அவர்களுக்கு எந்நாளும் எதிரி. வெளியில் நண்பன் என சொல்லிகொண்டே சீனாவிடம் விசாரிப்பார்கள், என்ன உங்கள் நீர்மூழ்கி கொஞ்ச நாளாக காணவில்லை.

அவர்கள் அப்படித்தான், நடிப்பில் கை தேர்ந்தவர்கள், பூகோள முக்கியத்துவம் அப்படி, அதனால்தான் அடிக்கடி இந்தியா,பாகிஸ்தான்,சீனா,அமெரிக்கா என பல படபிடிப்பு நடக்கும்.

அப்படியான சிங்களம் என்ன சொல்லும், பார்த்தீர்களா இலங்கை தமிழ் மீணவர்களுக்காக இந்தியாவினையே எதிர்க்கின்றோம் என சொல்லி, வடக்கு பகுதியில் ஆதரவு திரட்டும், மக்களும் ஆதரவு கொடுக்கின்றனர், நடக்கின்றது.

தமிழனை சிங்களன் நடுகடலில் சுட்டுகொல்கின்றான் உறவுகளே என முழக்கமிடுபவர்களுக்கு, அங்க சுட சொல்வதும் தமிழன், சுடபடுவதும் தமிழனுக்காக என்பது தெரியாததல்ல, சொல்ல மாட்டார்கள்.

அப்படி சொன்னால் தொப்புள் கொடி, அகண்ட தமிழகம், என இவர்களால் முழங்க முடியாது, அதனால் மறைத்துகொண்டு மத்திய அரசு, தமிழக அரசு, சிங்களம் என வெறி ஏற்றுவார்கள்.

எதற்காக இப்படி மல்லு கட்டுவது? பிண்ணணியில் யார்? தமிழக மீடியாக்களை பார்த்து மன்மோகன், மோடி என புலம்பி திரியும் தமிழர்களுக்கு என்றாவது வட இலங்கை மீணவர்களின் துயரம் தெரியுமா?

ஈழ பிரச்சினை என்றால் மலையக மக்களை பற்றி பேசமாட்டோம், வடக்கு கிழக்கினை இணைப்பதில் ஈழ தமிழருக்கு என்ன பிரச்சினை என கேட்கமாட்டோம், தமிழ்பேசும் முஸ்லீம்களுக்கு ஈழத்தில் இடமில்லையா? ஏன் என கேட்கமாட்டோம்.

உள்ளூரில் ஒரு பிரச்சினையினை ஒழுங்காக தீர்த்திருந்தால்தானே அடுத்த ஊர் பிரச்சினை முழுமையாக தெரியும்?, நமக்கு தெரிந்ததெல்லாம் ஈழம், பிரபாகரன், புலிகள் மற்ற எல்லோரும் துரோகிகள், கடலில் மீன்பிடி பிரச்சினையா சிங்களன் ஒழிக, தமிழன் முதல்வரானால் எல்லாம் சரியாகும், வந்தேறி நாயக்கர் ஒழிக, வரப்பேறி பார்ப்பான் ஒழிக, எல்லோரும் ஒழிக……..

தமிழன் பிரதமரானால் கூட தீர்க்கமுடியா சிக்கல் இது என்றால் ஒப்புகொள்ளமாட்டோம்.

பிரச்சினையினை ஒரே கோணத்தில் பார்ப்பது தமிழக மீடியா, அதனை கட்சிகளும் ரசிக்கும், அது அரசியலானதும் பின் ஆர்ப்பரிப்பார்கள், இப்படியான ஒரு நிலை தமிழகத்திற்கு.

ராமேஸ்வரம் மீணவர்களின் கண்ணீரை போலவே வட இலங்கை மீணவர்களின் கண்ணீரும் கொடுமையானது, அதிலும் சில நியாயங்கள் உண்டு.

அவர்களை வைத்து அரசியல் செய்வது சிங்களம், ராமேஸ்வர மீணவர்களை வைத்து அரசியல் செய்வது தமிழக மீடியாக்கள்.

உண்மையில் கண்ணீர் விடுவதும், உயிரினை விடுவதும் ராமேஸ்வர மீணவர்கள்தான், அதே நேரம் வடக்கு இலங்கை மீணவர்களின் கண்ணீரிலும் சில நியாயங்கள் உண்டு

எப்படி? அது விசித்திரமானது, வெளி வராதது. தீர்வு உண்டா? நிச்சயம் உண்டு

கலைஞர் நல்லவரா? கெட்டவரா?

கலைஞரை பற்றி எழுதும் பொழுதெல்லாம், அவர் ஒரு கரிநாய் என்று ஒரு சொரிநாய் பின்னால் வந்து சொல்லிகொண்டே இருக்கின்றது

கலைஞர் நல்லவரா? கெட்டவரா? எனும் நாயகன் வசனம் எல்லாம் பேச வேண்டியதில்லை

ஒரு மாநிலத்தை எப்படி ஒரு சாதாரண எழுத்தாளன் பாதிக்கமுடியும்? எப்படி ஆட்சியினை மாற்றி அமைக்க முடியும் என செய்து காட்டியவர் அவர்

அவரை மனதார ரசித்தே பல மாநிலங்கள் உணர்வே பெற்றன. இந்தியா முழுக்க பலருக்கு வழிகாட்டி நிச்சயம் அவர்தான்

அவ்வகையில் பலமாநிலங்களில் அவருக்கான அபிமானம் இன்றளவும் உண்டு.

கடந்த 50 ஆண்டுகளாக அவரால் உருவாக்கபட்டவர்கள்தான் இம்மாநிலத்தை ஆண்டுகொண்டிருக்கின்றார்கள், இன்று ஆளும் நடராஜன் வரை, அவர் பின்னால் தமிழ் வாழ்க என கோஷமிட்டவரே

அதாவது உரிமை குரலை எப்படி எழுப்புவது என தமிழகத்திற்கு சொல்லிகொடுத்ததே கலைஞர்தான், அந்த தைரியம் அவரால்தான் ஊட்டபட்டது

இன்னும் 100 ஆண்டுகளுக்கு அவரால் உருவாக்கபட்டவர்கள் தான், அவரின் பாதிப்பில் வந்தவர்கள்தான் தமிழநாட்டினை ஆளமுடியும்

கலைஞரின் பாதிப்பின்றி இனி தமிழக அரசியல் அமையாது

அப்படி ஒரு நிலைவரினும், இந்த இடத்தில் கலைஞர் எப்படி சமாளித்தார் என அவரைத்தான் திரும்பி பார்ப்பார்கள்

இது யாராலும் மறுக்கமுடியாத ஒன்று

ஆக பெரும் மாற்றத்தை இந்த தமிழகத்தில் கொடுத்த தலைவர் அவர், காமராஜரை எதிர்த்ததை விட அவர் பெரும் தவறு ஏதும் செய்யவில்லை

ஆனால் கலைஞர் இல்லாவிடாலும் , காமராஜரை வீழ்த்த இந்திரா இன்னொருவரை நிச்சயம் தயாரித்திருப்பார், அது இன்னமும் மோசமானதாக உருவாகியிருக்கும்

கலைஞர் அரசியலுக்கான சில தன்மைகளை மாற்றினார் என்றால், இந்திரா செய்தது எம்மாதிரி அரசியல்? பாஜக செய்தது எம்மாதிரி அரசியல்

அரசியல் அப்படித்தான், அதனை முன்கூட்டியே கணித்து களமிறங்கிவர்தான் கலைஞர்

அவரை முழுவதுமாக ஏற்றுகொள்ளமுடியாவிட்டாலும், அவரை நிராகரித்துவிட முடியாது

ஒரு இடத்திற்கான தேவை தமிழகத்தில் இருந்தது, காலம் அதனை கலைஞராக உருவாக்கிகொண்டது

அவரை குருவாக கொண்டுதான் ஆனானபட்ட எம்ஜிஆர் கூட செயல்பட்டார், கலைஞர் மீது அவருக்கொரு மரியாதை என்றும் இருந்தது

கலைஞர் இல்லாவிட்டால் தன் அரசியல் வாழ்வு இல்லை என்பதை அனுபவபூர்வமாக உணர்ந்தவர் ஜெயலலிதா

அவரை துச்சமாக மதித்தவன் எல்லாம் வைகோ போல பைத்தியமானார்கள், அல்லது பிரபாகரன் போல அழிந்தார்கள்

இது பெரும் உண்மை, வரலாற்றை புரட்டினால் அந்த சொரிநாய்க்கு விளங்கும்

சொரியாய்க்கு செக்கு எது சிவலிங்கம் எது என தெரியாது என்பார்கள், அது உண்மை போலிருக்கின்றது

இன்னும் வந்து கரிநாய் என அந்த சொரிநாய் ஊளையிட்டால் அது விரட்டபடுவது உறுதி

அவரின் சாதனையில் கோடியில் ஒருபங்கினையவது செய்துவிட்டு சொரிய தொடங்கு முடியாதல்லவா?

அதனால் மிஸ்டர் சொரிநாய், இத்தோடு உன் சொரியலை நிறுத்துவது நல்லது

 
 
 

இந்தோனேஷியாவுக்கு சென்றிருக்கின்றனர் சவுதி அரசர்

சவுதி மன்னருடன் 25 இளவரசர்கள், 10 அமைச்சர்கள், 100 பாதுகாப்பு அதிகாரிகள் என மொத்தம்1,500 பரிவாரங்கள் என 36 விமானங்களில் இந்தோனேஷியாவுக்கு சென்றிருக்கின்றனர் சவுதி அரசர்

ஏன் இப்படி மொத்த அரண்மனையோடு பயணித்தார்?

ஒருவேளை தனியாக சென்றால், திரும்பி வரும்பொழுது யாரும் அடுத்த மன்னராக இருந்துவிடுவார்கள் என்ற அச்சமாக இருந்திருக்குமோ?

மொத்த குடும்பத்தையும் மொத்தமாக அழைத்துசென்று கண்காத்திருப்பாரோ?

ஆக சிம்மாசனத்தையும் கூடவே சுமந்துசென்றிருக்கின்றார் சவுதி மன்னர்.

இதுவும் ஒருவகை ராஜ தந்திரமாக இருக்கலாம்..

கூவத்தூர் செய்திகளை மன்னர் படித்திருக்க வாய்ப்பு உண்டு, அது சவுதி மன்னரை பாதித்திருக்கலாம்

அங்கிள் சைமன், எங்கே சென்று தொலைந்தீர் அய்யா?

Image may contain: 2 people, people sitting and indoor

இலங்கை கடற்படையினர் துப்பாக்கி சூடு – தமிழக மீனவர் ஒருவர் பலி. படகினையும் இழுத்து சென்றனர்

அங்கிள் சைமன், எங்கே சென்று தொலைந்தீர் அய்யா?

முன்பு வந்தேறி முதல்வரால்தான் எல்லாம் சிக்கல் என்றீர்கள், இதோ பச்சை தமிழன் முதல்வராகி இருக்கின்றான். வந்தேறி முதல்வர் காலத்திலாவது படகினை விட்டுவிடுவார்கள் இலங்கையர்.

இதோ பச்சை தமிழன் பழனிச்சாமி ஆட்சியில் தமிழ் மீணவனை சுட்டுவிட்டு, படகினையும் கொண்டுசெல்கின்றான் சிங்களன்

முன்பு கலைஞர் கடிதம் எழுதினால் எப்படி எல்லாம் கொதிதீர்கள்?, இதோ பச்சை தமிழன் பழனிச்சாமியும் அதே கடிதத்தினை வரிகள் மாறாமல் எழுதுகின்றார்,

நீங்களோ அமைதியாய் இருக்கின்றீர்கள்

கலைஞர் என்றால் பொங்கிய நீங்கள், பழனிசாமியினை சீண்டி கூட பேசவில்லை அய்யா?? கருணாநிதி என்றால் மட்டும்தான் உங்களிடம் தமிழன் உணர்வு பொங்குமா?

உங்கள் ஈழ அபிமானி தமிழன் நடராஜனின் மறைமுக ஆட்சியில் இப்படி ஒரு கொடுமை நடக்கும்பொழுது எப்படி நீங்கள் அமைதி காக்கலாம்,

அதுவும் பழ.நெடுமாறன் ஆசிபெற்ற சசிகலா ஆட்சி நடக்கும் பொழுது எப்படி அமைதி காக்கலாம்??

உங்கள் வெண்கல தொண்டையெங்கே, புடைக்கும் நரம்பெங்கே, தெறிக்கும் அணல் எங்கே?

எங்கே ..எங்கே?…எங்கே?

தமிழன் ஆளும்பொழுது சிங்கள மீணவனை தொட்டால் இங்கிருக்கும் சிங்களவனை விடவே மாட்டேன் என நீங்கள் விட்ட சவால் என்ன ஆனது?

உங்கள் பேச்சினை கேட்டு தமிழ்முதல்வரையும் வைத்தாகிவிட்டது, இன்னும் பிரச்சினை தீரவில்லை

இனி ஜப்பானிய முதல்வரை வைத்துவிடலாமா அங்கிள்?

(அங்கு தமிழக மீணவர்களை விரட்ட சொல்லி, இலங்கை கடற்படையினை அழைப்பதே ஈழமீணவர்கள் என்பது இன்னொரு விஷயம், தமிழர் வாழ பிறப்பெடுத்த அங்கிள் சைமன் இதனை பற்றி எல்லாம் பேசமாட்டார்)

 
 

பன்றிக் காய்ச்சல் பாதிப்பு

பன்றிக் காய்ச்சல் பாதிப்பு

இன்னும் முழு மருந்து கண்டுபிடிக்க‌ படாத நோய்களில் அதுவும் ஒன்று, துரதிருஷ்டவசமாக அது தமிழகத்தில் பரவுகின்றது

இந்நோய் கண்டுவிட்டால் ஒவ்வொரு நாடும் அலறும், விமான நிலையம், பஸ் நிலையம் என கட்டம் போட்டு நிற்பார்கள், பல ஆலோசனைகள் நடக்கும்

நோயாளிகள் அடையாளம் காணபட்டு பிரித்து ஸ்பெஷல் வார்டில் வைக்கபடுவார்கள், அரசாங்கங்கள் மிக மிக வேகமாக இயங்கும்

ஒரு போர்கால அடிப்படையில் இயங்குவார்கள், அந்த நோய் இங்கு இருக்கின்றது என தயங்காமல் அறிவிப்பார்கள், அது உயிர்சம்பந்தபட்ட விஷயம் என்பதால் பத்திரிகைகளும், ஊடகங்களும் முழு முனைப்புடன் செயலாற்றும்

அந்நோய் ஒரு கட்டுபாட்டுக்குள் வந்து பின் ஒழிக்கபட்டபின்புதான் இயல்பு நிலைக்கு திரும்புவார்கள்

தமிழகத்தில் பத்திரிகைகள் அதனை மர்ம காய்ச்சல் என எழுதுகின்றன‌, அரசோ மக்கள்தான் தவறு, அவர்கள் நடந்தது தவறு, மெதுவாக வந்தது தவறு, இது சாதரண காய்ச்சல் என சொல்கின்றன‌.

தமிழக அரசு அப்படித்தான் சொல்லிகொண்டிருக்கின்றது , இனி இறந்தவர்கள் சின்னம்மா காணாத சோகத்தில் இறந்தவர்கள் என சொன்னாலும் சொல்வார்கள்

பலி எண்ணிக்கை பெருகிகொண்டே செல்லும்

இதோ தமிழகத்தில் பெருகிகொண்டே செல்கின்றது, இதனை தடுக்கவேண்டிய அரசு தன்னையும், கட்சியினையும் காக்க ஆயிரம் பிரச்சினைகள் இருப்பதால் இதனை கண்டுகொள்ளவில்லை

அமைச்சர் விஜயபாஸ்கரோ இதனை பற்றி கேட்டால், அப்படி ஒரு காய்ச்சலே இல்லை என சொல்லிவிட்டு பன்னீர் செல்வத்தை திட்டிகொண்டிருக்கின்றார்

7 பேருக்கு மேல் பலியானதாக செய்திகள் சொல்கின்றன, மக்கள் நெருக்கம் மிகுந்த தமிழகத்தில் இது விஸ்வரூபமாக பரவ நெடுநேரம் ஆகாது

பெரும் சிக்கலை அசால்ட்டாக மறைக்க நினைக்கின்றது அரசு

அட பதர்களா? ஊழலை மறைப்பீர்கள், மர்மத்தை மறைப்பீர்கள் இன்னும் எல்லாவறையும் மறைப்பீர்கள்

மாநிலத்தை தாக்கியிருக்கும் நோயினையுமா மறைக்க வேண்டும்?

அப்படி எல்லாவற்றையும் மர்மமாகவே வைத்திருப்பதில் இவர்களுக்கு அப்படி என்ன அலாதி பிரியமோ தெரியவில்லை, இது மர்ம மனநோயாக இருக்கலாம்.

தமிழக மக்களை இறைவன் மட்டும்தான் காப்பாற்ற முடியும் போல..

அரசினை விடுங்கள், அது அப்படித்தான்

ஆனால் இவ்விஷயத்தில் பெரும் துரோகம் செய்வது யார் தெரியுமா? தமிழக ஊடகங்களும் பத்திரிகைகளும்

தெரிந்தே மர்ம காய்ச்சல் என எழுதுவது எப்படிபட்ட அயோக்கியதனம்?

 
 
 

ஜெயலலிதா குறித்தான எய்ம்ஸ் அறிக்கை..

Image may contain: outdoor and text

ஒரு வழியாக ஜெயலலிதா குறித்தான எய்ம்ஸ் அறிக்கையினை வெளியிட்டுவிட்டார்கள்

என்ன சொல்கின்றது அறிக்கை? அதே அப்பல்லோ, அதிமுகவினர், லண்டன் டாக்டர் சொன்ன வார்த்தைகளை கொஞ்சம் மாற்றி சொல்லியிருக்கின்றார்கள் வேறு ஒன்றுமில்லை

அதாவது சொல்லபட்ட காட்சிக்கு ஒவ்வொரு கவிஞனும் தன் மொழியில் கவிதை எழுதுவது போல எழுதியிருக்கின்றார்கள், காட்சி அதேதான்

இதில் பல விசித்திர காட்சிகளை நாம் காணமுடியும்

அதாவது ஜெயா மருத்துவமனையில் இருந்தபொழுது இந்நாட்டின் நிதி அமைச்சர், ஆளுநர், எதிர்கட்சி ராகுல் என பெரும் தலைகள் யாரும் ஜெயாவுடன் பேசவுமில்லை, அருகில் சென்று பார்க்கவுமில்லை

எய்ம்ஸ் டாக்டர்கள் சிலமுறை வந்து அவருக்கு கொடுக்கபடும் சிகிச்சை பற்றி ஆராய்ந்தார்களே தவிர, உருப்படியாக ஒன்றும் அன்று சொல்லவே இல்லை.

ஜெயா பற்றி மர்மத்தையே தொடர்ந்தனர், ஆனால் அதிமுகவினர் அழிச்சாட்டியம் தொடர்ந்தது.

அவர் அந்த மனுவில் கையெழுத்திட்டார், இட்லியினை இப்படி தூக்கினார், அந்த உத்தரவிட்டார் என ஏக இம்சைகள், அப்பல்லோவில் பிறந்த குழந்தைக்கு சசிகலா என பெயரிட்டார் என்ற செய்தி வராதது மட்டும்தான் பாக்கி

மற்றபடி இப்படித்தான் வந்தன, பெரும் தலைகளை பார்க்கமுடியாத ஜெயா சிறு வண்டுகளுடன் கலகலப்பாக விளையாடினார் எனும்பொழுதே மர்மம் வந்தது

எங்களிடம் பேசமுடியாத ஜெயலலிதா, இவர்களோடு பேசினாரா? என விஷ்யம் கேள்விபட்டு இந்த எய்ம்ஸ் டாக்டர்கள் ஓடி வந்திருந்தால் சிக்கல் இல்லை, ஆனால் வரவில்லை

எல்லாம் முடிந்து, ஜெயா புதைக்கபட்டபின்னும் எய்ம்ஸ் வாய்திறக்கவில்லை

ஒரு நீதிமன்றத்தில் வழக்கு தொடங்கபட்டபொழுதும் எய்ம்ஸ் சத்தமே இல்லை.

பன்னீர் முதல்வராக இருக்கும் வரை சசிகலா புஷ்பா தான் பொங்கிகொண்டிருந்தாரே ஒழிய, பி.எச் பாண்டியன் சத்தமே இல்லை

சசிகலா பதவிக்கு வர பன்னீரை பிடித்து தள்ளிய பின், மண்ணை துடைத்து எழுந்த பன்னீர் அதன்பின்னர் தான், அம்மா சாவில் மர்மம் என்றார், எந்த பன்னீர்? அனுதினமும் அப்பல்லோவின் வாசலில் இருந்த பன்னீர், அதாவது அன்று ஊமை பன்னீர்

இதனால் அதிர்ச்சியடைந்த சசி தரப்பு அவசரமாக லண்டன் டாக்டரை அழைத்து அப்பல்லோவில் பிரஸ்மீட் நடத்தியது, ஜெயலலிதா சிகிச்சை பலனின்றி இறந்தார் என எல்லோரும் சூடமேற்றி சத்தியம் அடித்தார்கள்

அப்பொழுதும் எய்ம்ஸ் குழு அமைதி காத்தது

பின் சசிகலா சிறைக்கும், பன்னீர் தெருவுக்கும் வந்து பழனிச்சாமி முதல்வராகும் வரை ஒன்றுமில்லை

ஆனால் பி.எச் பாண்டியன் குற்றவாளியினை நெருங்கிவிட்டேன் என அறிவிக்கின்றார், பன்னீர் உண்ணாவிரதம் என்கின்றார் இன்னும் ஒருபடி மேலே சென்று சிபிஐ விசாரணை வேண்டும் எனும் அளவிற்கு குரல்கள் எழும்பின‌

இதில் ஆளும்தரப்பு அலறிபோனது உண்மை, அப்படி நடந்தால் முதல் குற்றவாளி பன்னீர் என விஜயபாஸ்கர் தன்னையறிமால் உளறும்பொழுதே சிலருக்கு வியர்த்தது

இனி முந்திகொள்ளவேண்டும் என அடுத்தகாட்சிக்கு எய்ம்ஸை அழைத்திருக்கின்றார்கள், அவர்களும் வசனத்தை ஒப்புவித்தாகிவிட்டது.

இவ்வளவு நாளும் இல்லாத எய்ஸ்ம்ஸ் இப்பொழுது எப்படி ஓடிவந்தது?, பின்னணியில் பல பேரங்கள் நடந்திருக்கலாம்.

ஆக இவர்கள் மர்மம் இல்லை, மர்மம் இல்லை என்பதில்தான் ஏதோ மர்மம் இருப்பது எல்லோருக்கும் புரிகின்றது

நிச்சயம் ஒரு மர்மம் இருக்கின்றது, அது சம்பந்தபட்ட சிலருக்கு புரிகின்றது

இதில் களமிறங்கிய டெல்லி ஒரு பிரிவினை தூண்டிவிட்டு கேட்க சொல்லிவிட்டு, இன்னொரு பிரிவுடன் நான் உனக்கு உதவினால் எனக்கு என்ன கிடைக்கும்? என பேரத்தில் இறங்கியிருக்க சாத்தியம் உண்டு

இது அரசியல், கையில் அரிசந்திரன் சிக்கினால் கூட அவனை வைத்து அரசியல்தான் செய்யவேண்டும் என்பது சித்தாந்தம்,

நியாயம், தர்மம், இதெல்லாம் இரண்டாம் பட்சம். கையில் சிக்கியதை வைத்து மிரட்டவேண்டும், தன் வழியில் சிக்கல் வராமல் சரி செய்யவேண்டும்

இரு அணி குடுமியுமே டெல்லி கையில் அட்டகாசமாக சிக்கிவிட்டது, இனி இதனை வைத்து அதனையும், அதனை வைத்து இதனையும் சீண்டிகொண்டே இருந்து தங்கள் காரியங்களை சாதிப்பார்கள்

காரியம் என்றால்?

இனி தமிழக அரசு மத்திய அரசின் ரோபார்ட், சொன்னதை செய்யும், கடலில் குதி என்றாலும் குதிக்கும். பதஞ்சலி ராம்தேவ் ஜனாதிபதி என்றாலும் அதிமுக வாக்களிக்கும்

வருங்கால தேர்தலில் 40 தொகுதிகளையும் பாஜகவின் வெற்றிக்கு உழைக்கவும் அதிமுக தயார் ஆகலாம்

காலங்கள் இதனை உணர்த்தும்

மற்றபடி ஜெயா வாழ்ந்த வாழ்க்கையின் மர்மம் போலவே அவரின் சாவும் மர்மமாகவே தொடரும்

உண்மை உறங்கவில்லை, அது அதிகாரமுள்ளவர்கள் கையில் கத்தியாய் நிற்கின்றது, மிரட்டி பலரை பணிய வைக்கின்றது

ஒரு விஷயத்தில் எளிதில் உலகம் விளங்கிகொள்ளும்

அதாவது இந்த அப்பல்லோ, அதிமுக, எய்ம்ஸ் குழு எல்லாம் சொல்வது மகா உண்மையென்றால், ஒரு மர்மமும் இல்லையென்றால் ஏன் சிபிஐ விசாரணையினை எதிர்நோக்க கூடாது

அங்கு சென்று இப்படித்தான் சிகிச்சை பலனின்றி இறந்தார் என விளக்கினால்தான் என்ன?

ஏன் அஞ்சுகின்றார்கள்?

அஞ்சி அஞ்சித்தானே எல்லோரையும் அறிக்கை இட சொல்லி செய்தியாக பரப்புகின்றார்கள்? ஏன் அஞ்சவேண்டும்?

ஏதோ நடக்காவிட்டால் ஏன் இப்படி விசாரணைக்கு அஞ்சவேண்டும்?

இனி சிபிஐ விசாரணை நடக்குமா? அது சந்தேகத்திற்குரியது

காரணம் ஓங்கி குரல் எழுப்ப தலைவன் இல்லை. இது தனிகட்சியாக எழுப்பவேண்டிய குரல் அல்ல, கூட்டணியாக எழுப்பவேண்டிய குரல்

இதில்தான் கலைஞரை தேடவேண்டி இருக்கின்றது, நிச்சயம் திமுக பிராதன கட்சிதான் சந்தேகமில்லை, ஆனால் எல்லா குரலும் வேண்டும், அவர் இருந்திருந்தால் இன்று எல்லோரையும் சேர்த்து குரல் எழுப்ப வைத்திருப்பார்

திருமா, ராமதாஸ், ஈவிகேஸ், கமலஹாசன் என எல்லோரையும் இழுத்துபோட்டு “நீதி கேட்கும் கூட்டணி” என தொடங்கி, பெரும் அழிச்சாட்டியம் செய்திருப்பார்

அவர் வரலாறு அதனைத்தான் சொல்கின்றது

காமராஜரை எதிர்த்து ராஜாஜியினை அழைத்தது, பின்பு ஜெயாவினை எதிர்த்து மூப்பனாரை அழைத்தது என அவரின் மதிநுட்பம் அப்படியானது

தான் பெரும் தலைவன் என்றோ, எதற்கும் இறங்கமாட்டேன் என அவர் இருந்தது இல்லை, தரை மட்டும் இறங்கி வருவார். எந்த ஈகோவும் அவரிடம் இருந்ததில்லை

அவரிடம் இருந்த வித்தியாசமான நல்ல குணம் அது

அதாவது ஒரு கை ஓசை எழுப்பாது, கோடிகரங்கள் ஓசை எழுப்பினால் தமிழகம் தாங்காது என்பது அவர் எண்ணம்

முக ஸ்டாலினுக்கு இந்த நுட்பம் எல்லாம் சுட்டு போட்டாலும் வராது

சட்டசபை வாக்கெடுப்பு, சட்டை கிழிப்பு உண்ணாவிரதம் இன்னபிற சம்பவங்களில் எங்காவது ஒரு கூட்டணி தேடி பார்த்தீர்களா? யாரையாவது துணைக்கு அழைத்து கண்டீர்களா?

இது கலைஞரின் பாணி அல்ல, மாறாக ஜெயா பாணி

ஒரு கட்சியின் ஆரம்பநாட்களில் தெருதெருவாய் அலைந்து உழைத்து வளர்த்தவருக்கும், பின் தானாக வந்து அமர்ந்தவருக்கும் உள்ள வித்தியாசம் இது

கலைஞரிடம் எல்லோரையும் திரட்டும் துடிப்பு இருந்தது, ஜெயாவிடம் நான் யார் தெரியுமா? என்னை தேடி எல்லோரும் வரவேண்டும் எனும் இறுமாப்பு இருந்தது

அதே இறுமாப்பு ஸ்டாலினிடம் இல்லாதவரை நல்லது

கலைஞர் பாணியில் ஜம்போ கூட்டணி அமைத்து, அதிமுகவினை தனிமைபடுத்தி பெரும் கோரிக்கையில் சிபிஐ விசாரணை கொண்டுவந்தாலே அது சாத்தியம்

மாறாக டெல்லி கையில் குடுமி முதல் கால் சங்கிலி வரை அகபட்டிருக்கும் பன்னீர் சொல்லி எல்லாம் ஏதும் சாத்தியமில்லை

அட்டகாசமான தந்திரத்தில் பாஜக ஈடுபட்டுள்ளது

கேள்வி கேட்பவரும் தன் கையில், பதில் சொல்வரும் தன் கையில் என்ற வகையில் இருவரையும் மோதவிட்டு ஒருவித பரபரப்பில் தமிழகத்தை வைத்து மவுனமாக சிரிக்கின்றது

தமிழகம் தவிக்கின்றது

கேரளத்தில் பிரணாப் விஜயன், இந்த ஆர்.எஸ்.எஸ் மிரட்டல் எல்லாம் என் கால்தூசுக்கு சமானம் என சவால் விடுகின்றார், திராவிட குணத்திற்குரிய தன்மானத்தோடு சவால்விடுகின்றான்

இவ்வளவிற்கும் அவர் திராவிட கட்சி அல்ல, ஆனால் மானமுள்ள தென்னக பொதுவுடமைவாதி, எப்படி அவரால் முடிகின்றது?

அவர் மீதோ, மலையாள அரசியல்வாதி மீதோ டெல்லியில் வழக்கு இல்லை, மர்ம சாவு மிரட்டல் இல்லை, சொத்துகுவிப்பு, அப்பல்லோ மர்மம், 2ஜி, என எந்த வழக்குமில்லை

அவரால் தன்மானத்தோடு சவால்விடமுடிகின்றது, நீங்கள் கால்தூசுக்கு சமம் என சொல்ல முடிகின்றது

தமிழகமோ கால் தூசாக அவர்கள் காலில் ஒட்டிகொண்டிருக்கின்றது, கேரள கம்யூனிஸ்டுகள் அப்படி துணிந்துநிற்க, தமிழக கம்யூனிஸ்டுகள் சசிகலா காலடியில் கிடக்கின்றார்கள்

திராவிட கொள்கை செழித்த தமிழகம் சங் பரிவார் கும்பலிடம் வீழ்ந்து கிடப்பதும், தேசிய கட்சிகள் வளர்ந்த கேரளா தன்மானத்தில் எழுந்து நிற்பதும் பெரும் ஆச்சரியமான விஷயங்கள்

எப்படி சாத்தியம்?

அவர்கள் சினிமா மாயையில் விழவில்லை, இன்னொன்று பணம் கொடுத்தெல்லாம் அங்கு வோட்டு வாங்கிவிட முடியாது, உள் மனதால் அவன் திராவிடனாகவும், உணர்வால் இந்தியனாகவும் இருக்கின்றான்.

சினிமா கொள்கை, வோட்டுக்காக இலவசமாக‌ எதுகொடுத்தாலும் வாங்கும் கொள்கை என இருக்கும் தமிழன் இருக்கும் வரை தமிழகம் இப்படித்தான் இருக்கும்.

இதில் ஜெயா எப்படி செத்தால் அவனுக்கென்ன அக்கறை?,

செத்துவிட்டார், அடக்கம் செய்தாகிவிட்டது அவ்வளவுதான்,

அவன் ஸ்கூட்டி வாங்க தயாராகிவிட்டான்.

தனக்கு ஸ்கூட்டி கொடுத்ததினால்தானே பெட்ரோல் விலை தமிழகத்தில் உயர்ந்தது? இது பெரும் விலைவாசிக்கு வித்திடுமே என்றா அவன் யோசிக்க போகின்றான்?

இதில் லண்டன் டாக்டர், டெல்லி டாக்டர்கள் அள்ளிவிடுவதையா அவன் கண்டுகொள்ள போகின்றான்?

அவன் யோசித்தால் தமிழ்நாடு ஏன் இப்படி இருக்கின்றது?

போகட்டும்

ஆனால் பெரும் அரசியல் குரலாக, நீதி வேண்டும் , உரிமை வேண்டும் என்ற அரசியல் குரலாக ஒன்றும் ஓங்கி ஒலிக்கவில்லை

காரணம் கலைஞர் அமைதியாகிவிட்டார்

அவர் அமைதியானால் தமிழகத்தில் ஒரு குரலும் உருப்படியாக கேட்காது என்பது 1960ல் வைக்கபட்ட கணிப்பு, அது இன்று உண்மையாயிருக்கின்றது

தொண்டானாய் இருந்தால் கட்சியினரை திரட்டி, தலைவனாய் இருந்தால் சக கட்சிகளை திரட்டி பெரும் எதிர்ப்பினை காட்ட அவரால்தான் முடியும்

அவர் இல்லாத இடைவெளி அழகாக தெரிகின்றது. அதுவும் ஆளுக்கொரு பக்கத்தில் ஒவ்வொருவனும் தன் பட்டாளத்தோடு முணகிகொண்டிருக்கும் பொழுது மிக நன்றாக தெரிகின்றது

தமிழகத்தை திரட்டி காட்ட அவர் ஒருவரால்தான் முடியும் என விதி இருந்தால் அதனை யாரால் மாற்றமுடியும்?

இனி பல விஷயங்களில் அவரை தமிழகம் தேடிகொண்டே இருக்கும், அதுதான் கலைஞரின் வெற்றி.

அவர் விட்டுசென்றிருக்கும் “வெற்றி”டம்.