ஜெ. மரணம் குறித்து விசாரணை : எடப்பாடி பழனிசாமி

ஜெ. மரணம் குறித்து விசாரணை ஆணையம் அமைக்கப்படும்: எடப்பாடி பழனிசாமி

தமிழகத்தில் எந்த விசாரணை ஆணயம் தன் முடிவினை அறிவித்தது? ஒன்றுமேயில்லை. இதில் ஜெயலலிதா மரணத்தில் மட்டும் உண்மை வந்துவிடுமா?

எல்லாம் நாடகம். அந்த அப்பல்லோ நாடகம் நடக்கும் பொழுது பார்த்துகொண்டிருந்தவர்கள் இன்று அடுத்த நாடகத்தில் இறங்கிவிட்டார்கள்.

அன்புமணி போன்ற சிலர் சொல்வது போல சிபிஐ விசாரணைதான் சிறந்தது, அதனைத்தான் செய்யவேண்டும்

ஆனால் மோடியில் கால், வால் என அதிமுக இருக்கும்பொழுது அதெல்லாம் சாத்தியமில்லை.

சரி இந்த விசாரணை கமிஷன் முதலில் விசாரிக்க வேண்டியது யாரை தெரியுமா?

அன்றைய முதல்வர் பன்னீர் செல்வம், ஆளுநர் இன்னபிற அன்றைய அதிகாரங்கள்.

இதெல்லாம் நடக்கவா போகின்றது??? மாறாக அப்பல்லோ ஆஸ்பத்திரி வாட்ச்மேன், அங்கு துப்புரவு பணிசெய்தவர்கள் என பிடித்து வைத்து, உண்மையாக நேர்மையாக விசாரிப்பார்கள்.

மயிலை பார்த்து வான்கோழி அல்ல, காகம் ஆடினால்….

Image may contain: 1 person, selfieமயிலை பார்த்து வான்கோழி அல்ல, காகம் ஆடினால் எப்படி இருக்கும் அப்படி ஒரு பேட்டியினை கொடுத்திருக்கின்றார் தமிழிசை.

ஒரு ரேடியோ நிகழ்ச்சிக்கு அழைத்திருக்கின்றார்கள். அங்கு சென்று கட்சி பற்றியோ, மோடி சாதனை பற்றியோ பேசியிருக்கலாம். அப்படி ஏதும் இருந்தால்தானே பேச அதனால் அம்மையார் தடாலடி விஷயங்களில் இறங்கிவிட்டார்

அதாவது குஷ்பூ கொசுதொல்லை போன்றவர் என பேசியிருக்கின்றார்.

Image may contain: 1 person, smiling, selfie and close-upஇதற்கு முதலில் சிரிக்கவேண்டும். அதன் பின் தமிழிசையிடம் சில கேள்விகளை கேட்க வேண்டும்.

எங்கிருந்தோ தமிழகம் வந்து, மக்கள் மனதை வென்று, பின் பல வழக்குகளில் வென்று, இன்று அரசியலிலும் தனி இடம் பிடித்திருப்பவர் குஷ்பூ

கலைஞருக்கு அண்ணா போலவோ, எம்ஜிஆருக்கு கலைஞர் போலவோ, ஜெயலலிதாவிற்கு நடராஜன், சோ போலவோ, அல்லது முக ஸ்டாலினிக்கு கலைஞர் போலவோ ஒருவர் கிடைத்திருந்தால் குஷ்பூ இன்று எங்கோ சென்றிருப்பார்.

ஆனால் அவருக்கு அப்படியாரும் அமையவில்லை. ஆனால் சுயமாக போராடி அகில இந்திய அளவில் காங்கிரசில் 
தனி இடம் பிடித்திருக்கும் குஷ்பூ பாராட்டபட வேண்டியவர்.

ஆனால் தந்தை பெரும் பேச்சாளர், காமராஜரின் வலது கை. இந்திராவின் அல்லக்கை என பெரும் இடத்தில் இருந்த ஒருவரின் மகள், இப்படி கொஞ்சமும் கட்சிமரியாதையோ, சுய மரியாதையோ, தந்தை மரியாதையோ இன்றி எதிரி முகாமில் அமர்ந்துகொண்டு, அதுவும் தந்தையின் பிரபல்யம் ஒன்றை மட்டும் வைத்துகொண்டு குரங்காக எதிர்முகாம் தாவி ஆடிகொண்டு.

அதுவும் தந்தை எந்த காவிகும்பலை எதிர்த்தாரோ அங்கே கோடாரிகாம்பாக அமர்ந்து கொண்டு குஷ்பூவினை தாக்குவது கண்டிக்கதக்கது.

அன்று நேருவினை எதிர்த்து ஒருவர் போட்டியிட்டார், கடுமையான விமர்சனங்களை சொல்லிகொண்டிருந்தார். ஏன் நேருவினை இப்படி தாக்குகின்றாய் என கேட்டதற்கு சொன்னார்

“நேருவினை சீண்டினால்தான் என்னை 4 பேர் நோக்குவார்கள்”

அம்மணி தமிழிசையும் அந்த ரேஞ்சுக்கு வந்துவிட்டார். என்னை கவனியுங்கள் என்றால் யார் கவனிக்கபோகின்றார்? இப்படி குஷ்பூவினை சீண்டினால் பிய்ந்த செருப்போடு வருவார்கள் என அவருக்கு தெரியாதா?

அம்மையாருக்கு பதவி ஆட்டத்தில் கிடக்கின்றது, தமிழக பாஜக பதவி நிர்மலா சீத்தாராமனுக்கு செல்லலாம் என்கின்றன செய்திகள்.

இந்த பதைபதைப்பில்தான் அம்மணி உளற ஆரம்பித்துவிட்டார்.

தன்மீது விளையாடும் எலியினை சிங்கம் கண்டுகொள்ளாது, தன் காலடியில் உரசும் சுண்டெலியினை யானை கண்டுகொள்ளாது

தன் முன்னே கத்தும் காகத்தை குயில் கண்டுகொள்ளாது, சிட்டுகுருவி தோகை விரித்தால் மயிலுக்கு கோபம் வராது.

அதனால் குஷ்பூ இதுபற்றி கண்டுகொள்ளவில்லை, கண்டுகொள்ளவும் மாட்டார்.

ஆனால் குஷ்பூவின் கோடான கோடி ரசிகர்கள் தமிழிசையின் இந்த அநாகரிகமான வார்த்தைகளை கண்டிக்கின்றோம்

உண்மையான கொசுதொல்லை யார் என்பது தமிழகத்திற்கு தெரியும், அந்த கொசுவிற்கு எப்படி மருந்தடிப்பது என்பதும் தெரியும்

தமிழிசை தப்பான உளறல்களை இனியாவது நிறுத்திகொள்ளட்டும்.

இதனை கண்டித்து கொடும்பாவி எரிக்கலாம் என சங்கத்தின் சார்பாக திட்டமிடபட்டது, ஆனால் அது கொடும்பாவி உருவத்திற்கே அவமானம் என்பதால் திட்டம் பரிசீலனையில் உள்ளது.

(தமிழிசைக்கு ஒரு வேண்டுகோள் என்னவென்றால், தயவு செய்து பேசும்பொழுது சிரிக்கவேண்டாம், பயங்கரமாக இருக்கின்றது

உலகிலே ஒருவர் சிரிப்புக்கு பயப்படவேண்டுமென்றால் சாட்சாத் அவருக்குத்தான்)

பார்சிலோனாவில் மர்ம நபர்கள் தாக்குதல், 13 பேர் பலி

பார்சிலோனாவில் மர்ம நபர்கள் தாக்குதல், 13 பேர் பலி

இப்பொழுதெல்லாம் ஐரோப்பாவில் தீவிரவாதிகள் தாக்குதல் மாறிவிட்டது. கடும் பாதுகாப்புகள் காரணமாக அவர்களால் பெரும் ஆயுதங்களோடு தாக்கமுடியவில்லை. அதனால் கிடைத்த வாகனத்தில் ஏறி கூட்டத்தில் பாய்ந்துவிடுகின்றார்கள்.

மொத்தமாக முடிந்தவரை நசுக்குவதுதான் திட்டம் ஆனால் காவல்துறை உடனே வாகனத்தை முடக்கிவிடுவதாலும், இன்னும் பல காரணங்களாலும் பலத்த சேதமில்லை.

சில இடங்களில் நடந்த இந்த தாக்குதல் ஸ்பெயினிலும் தொடங்கியிருக்கின்றது. நிச்சயம் இந்தியா இம்மாதிரி சம்பவங்களில் இருந்து பாடம் கற்றுகொள்ளவேண்டும். இங்கு மக்கள் கூடுமிடம் மிக அதிகம். இங்கும் அப்படி தாக்குதல் நடத்த வாய்ப்பு அதிகம், இந்திய பாதுகாப்பு துறை இதனை கவனத்தில் எடுத்துகொண்டிருக்கும் என நம்புவோம்

இதே பார்சிலோனாவில் கொஞ்சநாளைக்கு முன்பு சுற்றுலா சென்றிருந்தார் குஷ்பூ. அப்பொழுது இம்மாதிரி தாக்குதல்கள் நடக்காதது பெரும் ஆறுதல்,

கடவுளுக்கு நன்றி.அப்பொழுது பொறுமைகாத்த அந்த தீவிரவாதிகளுக்கும் நன்றி.

கேரளாவில் சன்னிலியோனை பார்க்க பெரும் கூட்டம்

Image may contain: 1 person, outdoorசன்னிலியோனை பார்க்க பெரும் கூட்டம் கேரளாவில் திரண்டது, சன்னிக்கு இவ்வளவு ஆதரவா என மக்கள் வியப்பபு

இதிலென்ன வியப்பு?

ஷகிலாவே கேரளத்தை ஒரு காலத்தில் கலக்கிகொண்டிருந்தார். அப்படிபட்ட கேரளாவில் சன்னிக்கு ஆதரவு இல்லை என்றால்தான் ஆச்சரியம்.

Image may contain: 1 personஷகிலாவினை கொண்டாடி தீர்த்த கேரளம் , வழக்கம் போல சன்னிக்கு சிகப்பு கம்பளம் விரித்திருக்கின்றது அவ்வளவுதான்

விரைவில் ஷகிலாவும் சன்னியும் இணையும் மலையாள படங்கள் வரலாம்

“இணைந்த கைகள் நாம் ஆனால் இருவருக்கேதான் எதிர்காலம்” என்ற டைட்டில் சாங் ஒலிக்க விரைவில் மலையாள படம் விரைவில் ரெடி.

பாகுபலி வசூல் என்ன? டைட்டானிக் வசூலையே அப்படம் மிஞ்சிவிடாதா?

 
 

குஷ்புவிற்கு ஒரு நியாயம்… மோடிக்கு ஒரு நியாயமா?

Image may contain: 5 people, people smilingஆச்சரியமாக மோடி ஆட்சியில் இந்த திராவிட சிகாமணிகளுக்கு இந்து தெய்வத்தை பற்றிய திடீர் அக்கறை வந்திருக்கின்றது

அதாகபட்டது பல பெண்கள் இந்து கடவுள் படத்தினை டாட்டூ குத்தியிருக்கின்றார்களாம், அது பெரும் தவறாம்

முன்பு குஷ்பூ அணிந்த சேலையில் இந்துகடவுள் படம் இருந்து அதற்கு இந்துத்வ காலர்கள் சூலம் ஏந்தி கிளம்பியதை சுட்டி காட்டுகின்றார்களாம்.

ஆனால் இதே பகுத்தறிவு சுடர்கள், குஷ்பூ கற்பு சர்ச்சையில் சிக்கியபொழுது பெரியார் அன்றே சொன்ன கற்பு பற்றிய செய்திகளை சொல்லி குஷ்பூவிற்கு துணை நிற்கவில்லை என்பது வேறுவிஷயம்.

இன்று குஷ்பூவிற்கு துணை நிற்பவர்கள், “கற்பு என ஒன்றுமே இல்லை அது மோசடி.. ” என பெரியார் சொன்னதை அன்றே சொல்லியிருக்கவேண்டாமா?

ஆனால் சொல்லவே இல்லை.

காரணம் சொன்னால் தமிழக பெண்கள் செருப்பு பிய்ய பிய்ய அடித்திருப்பார்கள் எனும் அச்சம், அதனால் ஒளிந்துகொண்டார்கள்.

இன்று குஷ்பூவிற்கு நியாயம் என கிளம்பிவிட்டார்கள் பிளாக் ஷீப்ஸ்..

இன்று மோடி ஆட்சி என்பதால் குஷ்பூவிற்கு நியாயம் கேட்பதாக சொல்லி கிளம்புகின்றார்களாம்.

எப்படியோ சுயமரியாதை நாத்திகர்களுக்கும் பக்திவந்து கடவுள் மரியாதையினை காக்க கிளம்பிருப்பதுதான் வேடிக்கை.

கடவுள் படங்கள் மீது எவ்வளவு அக்கறை வந்திருக்கின்றது? நல்ல திராவிட பகுத்தறிவு என்றால் அந்தபெண்கள் பெரியார் படம் வரைந்திருந்தால் அல்லவா சீறவேண்டும்?

கடவுள் படத்தை வரைந்ததை வரவேற்க வேண்டாமா?

ஆக நாத்திகர்களுக்கும் கடவுள் பக்தி வர காரணமான அந்த பச்சைகுத்திய‌ பெண்களும், மோடியின் ஆட்சியும் வாழ்க‌

 
 

சசிகலா பிறந்த நாள்

Image may contain: 2 people, people smiling, people sitting, screen, office, table and indoor

சசிகலாவிற்கு இன்று பிறந்தநாள், சட்டம் இடம் கொடுத்தால் சிறையில் பிரியாணி மற்றும் இனிப்பு வழங்கபடும் என சசிகலா ஆதரவாளர்கள் பேட்டி

சட்டத்திற்கு இவர்கள் என்று இடம் கொடுத்தார்கள்? கொடுக்க வேண்டியதைத்தான் கொடுத்தார்கள்.

ஒருவேளை அனுமதிகிடைத்தால் சசிகலா சக கைதிகளுக்கு பிரியாணி வழங்கி என்ன சொல்வார்?

” உங்களோடு நான், உங்களுக்காக நான், உங்களால் நான்”


என்னசொன்னாலும் ஒரு உண்மையினை ஏற்றுகொள்ளவேண்டும், ராஜாஜிக்கு பின் அப்படியே பிராமணருக்கு கிடைத்த பெரும் வரப்பிரசாதம் ஜெயலலிதா.

ஜெயாவின் ஆட்சி , ராஜாஜி ஆட்சியின் தொடர்ச்சியாகத்தான் இருந்திருக்கவேண்டும். ஆனால் மிக தந்திரமாக ஆடி அதனை டெல்லிக்கு அடங்காத திராவிட‌ ஆட்சியாகவே வைத்திருந்தவர் சசிகலா.

இன்று சிறையில் இருந்தாலும் டெல்லிக்கு அடங்கும் பன்னீரையும், எடப்பாடிக்கும் அவர் சிம்ம சொப்பணமே.

சசிகலா எனும் பெயர் இப்பொழுதும் பாஜகவிற்கும் அதற்கு ஜால்ரா அடிக்கும் அதிமுகவினருக்கும் உதறலே. ஒப்புகொள்ளத்தான் வேண்டும்

அவரை சிறையில் இட்டபின்னும் அஞ்சி சாகின்றார்கள். மறுக்க முடியாது.

பாஜக எனும் ஒரு சக்தி சசிகலா இருக்கும்வரை அதிமுகவினை அபகரிக்கமுடியாது என எண்ணி தன் முழுசக்தியினை பயன்படுத்தினாலும் சசிகலாவினை முழுதும் முடக்க முடியவிலை, பல இடங்களில் சறுக்குகின்றது.

அதிமுகவினை விழுங்கிவிடலாம் எனும் பாஜகவின் நகர்வுகளை மிக சாதுர்யமாக சசிகலா நொறுக்கிவருவதையும் காணமுடிகின்றது.

கண்ணுக்கு தெரியாத அந்த ஆரிய திராவிட‌ யுத்தத்தில் இன்னும் சசிகலாவின் கை ஓங்கித்தான் இருக்கின்றது, கவனித்தால் புரியும்.

அந்த நோக்கில் சசிகலா உண்மையான திராவிட போராளி, ஆச்சரியமான போராளி,

பிரமாணர் சூழ் ஜெயலிதாவினை தன் சாகச நகர்வால் கட்டுபடுத்திய தந்திரம் சாமான்யமானதல்ல.

அந்த சாகசத்திற்கும், அந்த ராஜதந்திரத்திற்கும் ஒரு சல்யூட் அடித்தே தீரவேண்டும்.

சாமர்த்தியமான‌ வேலைக்காரன் எஜமானின் இடத்தில் அமர்வான் என்பது யூதமொழி. நெப்போலியனும், ஐதர் அலியும் அப்படித்தான் ஆட்சியில் அமர்ந்தார்கள்.

சசிகலாவும் அந்த வழியே, அந்த வரிசையே. சந்தேகமே இல்லை.

என்ன இருந்தாலும் கலைஞரின் கையால் தொட்டுகொடுக்கபட்டது அவரின் தாலி, அந்த கைராசி எப்படி வீணாய் போகும்?

அரசியல் என்பது அறத்திற்கு அப்பாற்பட்டது.

தமிழக அரசியலில் ஒரு அடையாளம் பெற்றுவிட்ட அந்த சசிகலாவிற்க்கு சிறை கம்பிகளின் இடையே பிறந்தநாள் வாழ்த்துக்களை ரகசியமாக தெரிவிக்கலாம்

 

நேதாஜியின் நினைவு நாள்

Image may contain: 1 person

நிச்சயமாக அவர் ஒரு ஒப்பற்ற போராளி, காலத்தை மிக நுட்பமாக கணித்து விடுதலை போராட்டத்தை மாற்றியவர், அவரது திட்டம் மட்டும் வெற்றிபெற்றிருக்குமானால் இன்று இந்தியாவின் தலைவிதி மாறி இருக்கும், ஆனால் ஜப்பானின் அணுகுண்டு தாக்குதலும், ஹிட்லரை வீழ்த்திய ரஷ்ய செஞ்சேனையின் மாபெரும் வெற்றியும் அவரது தலைவிதியினை மாற்றிற்று

அந்தகாலத்திலே கலெக்டருக்கு படித்தவர், ஆனால் பட்டத்தினை தூக்கி எறிந்து விட்டு காங்கிரசில் புகுந்தார். வெள்ளையன் மனதினை மட்டும் அடி, அஹிம்சையால் ஆழ்மனதினை தொடலாம் எனும் காந்தீய இந்திய ஞான மரபெல்லாம் அவருக்கு ஒத்துவரவில்லை, காந்தி வேறுமாதிரியானர். அவர் போராட்ட வடிவம் வேறு.

வெள்ளையன் இப்படி சிந்தித்தான், காந்தியால் நமக்கு பெரும் நெருக்கடி இல்லை, ஏதோ இவர் சொன்னால் மொத்த இந்திய மக்களும் கேட்கின்றார்கள், ஆனால் இவரை முடிந்தவரை சமாளித்துவிடலாம்,

ஆனால் போஸ் அப்படி அல்ல, துடிப்பானவர், விட்டால் சட்டை காலரை பிடித்து உலுக்குவார், ம்ம்ம் தூக்கிபோடு உள்ளே.

எப்படியோ தப்பினார் போஸ், ஆனால் உடனே படை திரட்டி, சயனைடை கழுத்தில் கட்டி, பின் வந்தவன் எல்லோர் மேலும் தற்கொலை குண்டுகட்டி ஏவி விடவில்லை. அப்படி செய்திருந்தால் இந்தியாவின் ஒவ்வொரு நகரமும் ஜாலியன் வாலாபாக் ஆகியிருக்கும்,

அப்படி காந்தியினையும் துரோகி என அறிவித்து கொன்றுவிட்டு, வரிசையாக நேரு, படேல் என எல்லோரையும் மேலே அனுப்ப முயற்சிக்கவில்லை.

அது முட்டாள்களின் வேலை.

காந்தி ஒருபக்கம் போராடட்டும், நாம் ஒரு பக்கம் போராடுவோம் என்பதுதான் அவர் வழி.

பிரிட்டன் பெரும் ராணுவம், இன்னொரு எதிரியுடன் சேர்ந்துதான் அவர்களை விரட்டவேண்டும் எனும் திட்டத்தோடு களமிறங்கினார், ஹிட்லரிடம் உதவி கோரினார். ஹிட்லருக்கு இந்தியா மேல் பெரும் அபிமானமில்லை. இந்தியாவின் சென்பகராமனையே அவர் போட்டு தள்ளிய சர்ச்சை உண்டு, ஹிட்லரை பொறுத்தவரை இந்தியர்கள் தலமைபதவிக்கு தகுதியற்றவர்கள்.

ஆரியர்கள் மட்டும் ஆள பிறந்தவர்கள்

லண்டனை பிடித்தால் இந்தியா எனக்கு, இவர் யார் இடையில் ஆள்வதற்கு என்று கூட ஹிட்லரின் ஆரிய மண்டையில் ஓடியிருக்கலாம், ஆனால் ஒரு கூட்டணிக்காக அவர் சுயநலத்தோடு போஸினை அரவணைத்திருக்கலாம் என்பார்கள், வாய்ப்பு உண்டு, மகா மர்மம் நிறைந்தது வரலாறு.

ஆனாலும் ஹிட்லரின் கூட்டாளியான ஜப்பான் அவருக்கு ஆதரவளித்து, மலேய முற்றுகையின் போது, பயிற்சியும் அளித்து, கிட்டதட்ட வங்கத்தில் போஸ் படையோடு வந்துவிட்ட நிலையில்தான் அணுகுண்டு விழுந்து, ஜப்பான் ஓடிபோயிற்று, போஸும் ராணுவத்தை கலைத்தார், அதோடு இந்திய சுதந்திர நாளும் நெருங்கிற்று, போஸ் தலைமறைவாக இருந்தார்.

சுதந்திர இந்தியா தனக்கு அடைக்கலம் தரும் என்ற நம்பிக்கை அவருக்கு இருந்தது.

இந்திய சுதந்திர ஒப்பந்தபடி, போஸ் என்பவர் நாசிக்களோடு , ஜப்பானியரோடு சேர்ந்து பிரிட்டனை எதிர்த்த போர் குற்றவாளி, அவரை ஒப்படைக்கவேண்டியது இந்திய கடமை என்ற அறிக்கைகள் வந்த கொஞ்சநாளில் போஸ் தைவானில் விபத்தில் இறந்துவிட்டதாக செய்திகள் வந்ததன, அதிலிருந்து தொடங்கின குழப்பம்.

இனி வல்லரசுகள் தன்னை விடாது என்று அவர் தற்கொலை செய்துகொண்டதாக கூட செய்தி உண்டு, உறுதிபடுத்தபடவில்லை.

வங்கத்தை அடுத்து போஸுக்கு மகா ஆதரவு கொடுத்தது தமிழகம், பசும்பொன் திரு.முத்துராமலிங்கம் போன்றவர்கள் அவர் உயிருடன் இருப்பதாகவே மேடைகளில் முழங்கினார்கள். சர்ச்சை தீர்ந்தபாடில்லை.

ஆனால் பல ரகசியங்கள் காக்கபட்டன, அவை வெளியிடபட்டால் உள்நாட்டில் சிக்கல்கள் வருவதை கூட எப்படியாவது சமாளிகலாம், ஆனால் வெளிநாட்டு சிக்கல் வந்தால் எப்படி சமாளிப்பது? எனும் நோக்கில் பல விஷயங்கள் மவுனிக்கபட்டது.

இந்தியாவின் ஒப்பற்ற போராளிதான் மக்கள் தலைவர் நேதாஜி, ஆனால் சேர்ந்த இடம் சரி இல்லை. ஹிட்லர், ஜப்பானிய கூட்டத்தில் அவர் இணைந்தது உலக கண்களை உறுத்தியது. ஹிட்லர் இறந்தாலும் அவர் உடல் சிக்கவே இல்லை. அவர் இருப்பதாகவும் நாசிக்கள் ஒன்று கூடுவதாகவும் அந்த ரகசிய வலைப்பின்னலில் நேதாஜி இருப்பதாகவும் சந்தேகிக்கபட்ட கதைகள் வந்தன‌.

மொத்தத்தில் அவர் விபத்தில் இறந்திருந்தால் இந்தியருக்கு இழப்பு ஆனால் வல்லரசுகளுக்கு கொண்டாட்டம். ஒருவேளை பிழைத்திருந்து இந்தியா வந்தால், மாபெரும் மக்கள் திரள் அவரை ஆட்சியில் அமைய வைக்கும் சாத்தியம் இருந்தது, அவரின் செல்வாக்கு அப்படியானது.

காரணம் அப்பொழுது நேதாஜியின் வயது வெறும் 48.

அப்படி அமரும் பட்சத்தில் அவர் என்ன செய்வார்? ஒரு காலத்தில் தனக்கு உதவிய ஜெர்மானியருக்கும், ஜப்பானியருக்கும் மறைமுகமாக உதவுவார், நிச்சயம் லண்டனை பழிவாங்குவார் என ஏகபட்ட சாத்தியங்களை அவர்களாகவே உருவாக்கினார்கள்.

ஆச்சரியமாக சோவியத் யூனியனும் அதில் சேர்ந்துகொண்டது, காரணம் ஹிட்லரால் அதிகம் பாதிக்கபட்டவர்கள் அவர்கள்தான். ஹிட்லரின் கூட்டாளிகளை தேடிகொண்டே இருந்தனர், சீனா ஜப்பானிடம் பட்ட அடி கொஞ்சமல்ல, அதற்கும் ஜப்பானிய கூட்டாளியான போஸ் எதிரியானார்.

ஆக பல நாடுகளின் எதிரி என அவர் விதி மாறிற்று.

உறுதிபடுத்தபடாத ஆனால் வலுவான ஆதாரம் கொண்ட செய்தி, சீன எல்லையில் சுற்றிய நேதாஜி, ரஷ்ய உளவுதுறை அந்நாளைய கேஜிபி மூலம் கிழக்கு ரஷ்யாவில் வீட்டுசிறையில் வைக்கபட்டார் என்பது.

இந்த செய்தி பல காலமாக தொடர்ந்து வந்தது, ஆனால் உளவுதுறைகள் அவர் இந்த குகை சாமியாராக இருக்கலாம், அதோ அந்த விவசாயி அவர்தான் என்றெல்லாம் கதைகள் கட்டி திசை திருப்பின.

நேதாஜியின் மனைவியும், மகளும் இந்த வாதங்களை ஆணித்தரமாக வைத்துபார்த்தனர், ஆனால் ஒரு முடிவும் கிடைக்கவில்லை.

வங்கத்து மம்தா அரசு சில நேதாஜி ரகசியங்களை மத்திய அரசின் பிண்ணணியில் வெளியிட்டு, அந்த விபத்திற்கு பின்னும் நேதாஜி வாழ்ந்த ஆதாரம் உண்டு என முணுமுணுத்திருக்கின்றது,

மத்திய அரசு இதனை பெரும் செய்தியாக்கிவிட்டு அமைதியாக கண்காணிக்கின்றது, இவ்வளவு சொல்பவர்கள் அப்படியானால் அவர் எங்கு வாழ்ந்தார்? எப்படி இறந்தார் என்று சொல்லவேண்டும் அல்லவா? அது இவர்களால் முடியாது.

காரணம் அது நிச்சயம் சர்வதேச குழப்பங்களை ஏற்படுத்தும், அது எவ்வளவு தூரம் போகுமென்றால், கென்னடி கொலையில் ஆனானபட்ட அமெரிக்கா கையை பிசைந்த நிலை வரை செல்லும்.

அது இவர்களுக்கும் தெரியும், அப்படி உண்மை தெரியவேண்டுமென்றால் இவர்கள் குட்டிகரணம் அடிக்கவேண்டிய இடம் வேறுநாடுகள். உண்மையில் நேதாஜி மீது அக்கறை இருந்தால் அதனை செய்வார்கள், ஆனால் இவர்கள் நோக்கம் என்ன?

அரசியல் எல்லாம் அரசியல்

இவர்கள் சொல்ல வருவது எல்லாம் நேருதான் காரணம், நேரு என்றால் காங்கிரஸ்தான் காரணம், காங்கிரஸ் ஒழிக , இவ்வளவுதான் விஷயம்.

இதுதான் உண்மை, கேட்கவேண்டிய இடத்தில் கேட்கவே மாட்டார்கள்.

சுவிஸ் அரசை மிரட்டி ஆளுக்கு 15 லட்சம் தருவோம் என்றவர்கள், அதன்பின் சுவிஸ் சாக்லேட்டினை கூட இந்தியாவில் தடை செய்யவில்லை, இவர்கள் எப்படி பெரும் வல்லரசுகளை பகைத்து நேதாஜி மர்மத்தை உடைப்பார்கள்?

பின்னர் என்ன? அதே தான் காந்தி ஒழிக,நேரு ஒழிக ஆனால் மிக கவனமாக இந்த கூட்டணியில் ஒருவரான பட்டேல் மட்டும் வாழ்க, எப்படி இருக்கின்றது பார்த்தீர்களா? வரலாற்று திரிபு.

நிச்சயமாக நேதாஜி பெரும் தேச அடையாளம். நாட்டு விடுதலைக்காக சேராத இடம் சேர்ந்து வஞ்சத்தில் வீழ்ந்த வரலாறு அவருடையது.

காந்தி வழி வேறு, நேதாஜி வழி வேறு. இருவரும் தம் தம் வழியில் போராடினார்கள். ஒருவரை ஒருவர் புரிந்துகொண்டிருந்தார்கள். நாம் தான் இருவரையும் புரிந்துகொள்ளாமல் விமர்சித்துகொண்டிருக்கின்றோம்.

ஆழ்ந்து நோக்கினால் இருவருக்கும் வேறு வழி தெரியவில்லை, காந்தி மக்களை திரட்டி காலத்திற்காக காத்திருந்தார். நேதாஜி சவாலான திட்டத்தில் உயிரை பணயம் வைத்து நாட்டிற்காய் போரடி அதற்காகவே இறந்தார்.

அவரையும் வைத்து அரசியல் செய்யும் இந்த நாட்டில் மீண்டும் அவர் வராமல் இருந்ததுதான் அவர் காத்துகொண்ட உச்சகட்ட மரியாதை.

மலேசியாவின் சில இடங்களில் அவர் பயிற்சிகொடுத்த இடங்கள் உண்டு, பார்த்திருக்கின்றேன், அன்று இளைஞர்களாக அவரோடு பழகிய இன்றைய முதியவர்கள் உண்டு அவர்களிடம் அவரை பற்றி கேட்டிருக்கின்றேன்.

அவர்களிடம் கதைகேட்டால் நேதாஜியின் நாட்டுபற்று அற்புதமாக விளங்கும், இப்படிபட்ட தேசஅபிமானியா நேதாஜி என மனம் உருகும், அப்படி அற்புதமான தகவல்கள் கொட்டும், ஹிட்லரின் படை மீதும் ஜப்பானிய ராணுவம் மீதும் பெரும் நம்பிக்கை வைத்திருந்தார், ஆனால் விதி மாறிற்று என்பார்கள்.

எப்படி ஆயினும் ஒருவேளை நேதாஜி இந்தியாவினை ஆளும் நிலை வந்திருந்தால் தேசபிரிவினை நடந்திருகாது, இந்த காஷ்மீர் போன்ற சர்ச்சைகள் வந்திருக்காது. ஒரே இந்தியாவினை தவிர ஏதும் விரும்பாத உன்னத தலைவன் அவர், வங்கம் இப்படி உடைய விட்டிருக்கமட்டார் என்பது மட்டும் உண்மை

இந்தியாவினை ஆளும் தகுதிபடைத்த நபர்களில் போஸ் மகா முக்கியமானவர், முதன்மையானவர் , பொதுவாக இந்தியாவிற்கு மட்டுமல்ல தெற்காசியாவிற்கே துணிகரமான தலமை கிடைத்துவிட கூடாது என்பதில் கவனமாக இருக்கும் வல்லரசுகளின் விளையாட்டில் நேதாஜி சிக்கினார் என்பதும் ஆய்வுக்குரியது

எனினும் ஜப்பான் உதவியோடு இந்தியா விடுதலை அடைந்தாலும், வெள்ளையனுக்கு பதில் ஜப்பானியர் தான் ஆண்டுகொண்டிருப்பர், சீனா, வியட்நாம், பிலிப்பைன்ஸ், மலேயா, தாய்லாந்து, பர்மா என பல நாடுகளை பிடித்து தன் சாம்ராஜ்யத்தை நிறுவதொடங்கிய ஜப்பான், இந்தியாவிற்கு விடுதலை கொடுத்து நேதாஜி கையில் கொடுக்கும் என எப்படி எதிர்பார்க்கமுடியும்?

அப்படி ஜப்பான் வென்றிருந்தால், கணத்தில் அடுத்த போராட்டத்தை நேதாஜி தொடங்கி இருப்பார் அவருக்கு வேறு வழி இருந்திருக்காது என்பதும் ஒரு வகை யூகம். வாய்பிருக்கின்றது ஜப்பானியர் செய்திருக்கும் உலகப்போர் அழிச்சாட்டியம் கொஞ்சமல்ல, இந்தியா கிடைத்திருந்தால் தாஜ்மகால் முதல் தஞ்சாவூர் கோயில் வரை புரட்டிபோட்டிருப்பார்கள்.

வரலாற்று ஆசிரியர்கள் சொல்வது ஒன்றுதான். பிரிட்டன் ஜெர்மனி என கணிக்க தெரிந்த போஸ், அமெரிக்கா சோவியத் யூனியன் என வருங்கால வல்லரசுகளை கணிக்க தவறினார், அது அவர் தவறேன்றும் சொல்லிவிட முடியாது.

அப்படி ஒரு முகாமில் இருந்திருந்தால் பின்னாளில் லீ குவான் யூ போலவோ, மாவோ போலவோ, ஸ்டாலின் போலவோ பெரும் உலக அடையாளமாய் மாறி இருந்திருக்கலாம், ஆனால் காலம் கடந்துவிட்டது

இன்று ஆகஸ்டு 18, நேதாஜி விபத்தில் இறந்தார் என்ற சர்ச்சை கிளம்பிய நாள்.

அந்த நேதாஜியினையும் ஒரு காலத்திலும் மறக்க முடியாது, நேதாஜி சாகவில்லை பல மர்மம் உண்டு அவர் உயிரோடு இருக்கின்றார் என இறுதிவரை தைரியமாக முழங்கிய ஒரு தேசபக்தனாக திரு, பசும்பொன் முத்துராமலிங்க தேவர் அவர்களும் இந்த விஷயத்தில் மறக்க கூடியவர் அல்ல

நேதாஜியின் டெல்லி சலோ எனும் ஸ்லோகமும், இந்த நாட்டின் மீது அவருக்கு இருந்த பெரும் தேசபற்றும் எந்நாளும் வணங்கதக்கவை

இந்த ஆகஸ்டு 18 நேதாஜியின் நினைவு நாள் மட்டுமல்ல, இந்தியாவிற்கு பலம் பொருந்திய தலமை கிடைத்துவிட கூடாது என அன்றே உலக கருப்பு சக்திகள் திட்டமிட்ட செயல்படுத்திய நாள். இன்னும் அவர்கள் விடுவதாக இல்லை.

அதன் முதல் பலிதான் நேதாஜி, என தொடங்கி காந்தி, இந்திரா, ராஜிவ் காந்தி என வந்து நிற்கின்றது.

இந்தியாவிற்காய் உலகினை எதிர்த்து பெரும் சவாலில் இறங்கிய அந்த வீரமகனுக்கு வீரவணக்கம் செலுத்துவதில் இத்தேசம் பெருமை கொள்கின்றது
முதன் முதலாக இந்தியாவிற்கு பலமிக்க ராணுவம் வேண்டும் என சொல்லி அதனை அமைத்தும் காட்டிய முதல் தலைவன் எமது நேதாஜி

இன்றைய பலமிக்க இந்திய ராணுவத்திற்கு அவரே முன்னோடி, அவ்வகையில் இந்திய ராணுவத்தின் நன்றிக்குரியவர் நேதாஜி

நேதாஜி சுபாஷ் சந்திர போஸ் நமது தேசத்தின் பெரும் வீரமிக்க அடையாளம்

வந்தே மாதரம்..ஜெய் ஹிந்த்

 

போயஸ் வீட்டை தரமாட்டேன் : தீபா மற்றும் சில

போயஸ் வீட்டை தரமாட்டேன் : தீபா.

கிணற்று நீரை கூட சொந்த ஊர் மக்களுக்கு கொடுக்கமாட்டேன் : பன்னீர்.

கட்சி, ஆட்சி, ஜெயா சொத்து, கட்சி, சிறை என எல்லாம் எங்களுக்கே, : மன்னார்குடி குடும்பம்,

எது எப்படி போனாலும் பதவி எனக்கே : பழனிச்சாமி

இவர்கள்தான் பொதுவாழ்க்கைக்கும், தமிழகத்திற்கும் தங்களை அர்பணித்திருக்கும் அதிமுக தலமைகள்,

இவர்களா பலன் எதிர்பாரா அரசியல் சேவை செய்வார்கள்? இவர்களிடம் சிக்கினால் தமிழகம் என்ன ஆகும்?

எதனையாவது விட்டு வைப்பார்களா?

ஆனாலும் இவர்களை விட்டுவிட்டு தன் சொந்த வீட்டையும் தனக்கு பின் தமிழகத்திற்காக எழுதிவைத்திருக்கும் கலைஞரைத்தான் அங்கிருந்து திட்டுவார்கள், அதற்கும் ஆமாம் என சொல்ல ஒரு கூட்டம்.


தமிழகத்தின் உரிமைகளுக்காக ஜெயலலிதாவை போல் எந்த முதல்-அமைச்சரும் போராடியதில்லை: வைகோ

என்னாச்சி…தேர்தல்ல தோற்றுட்டேன், விஜயகாந்த ஒழிச்சிட்டேன்..அப்புறம்..எங்கெல்லாமோ செருப்படி பட்டேன்…. ஓஓஓ தலையில அடிபட்டுட்டா..அங்கதான் மிடில் ஆப்ளிகேட்டா இருக்கு……இங்க அடிபட்டா ஷார்ட் டேம் மெம்மரிலாஸ் வரும்..

என்னாச்சி….


கார்ப்பரேட் நிறுவனங்களிடம் அதிக நன்கொடை பெறும் பாஜக : குற்றசாட்டும் செய்திகள்

இது என்ன அபத்தமான குற்றசாட்டு?

வேலைக்காரன் கூலிக்கு உரிமையுடவன் என்பது சொல்லியா தெரியவேண்டும்?


இலங்கை கடற்படை தளபதியாக ட்ரெவிஸ் சின்னையா எனும் தமிழர் நியமிக்கபட்டுள்ளார் : இலங்கை செய்தி

மு.க ஸ்டாலின் முதலமைச்சராகும் வாய்ப்பு உள்ளது : அங்கிள் சைமன்

இந்த இரு செய்திகளுக்கும் சம்பந்தமில்லை என நீங்கள் நினைத்துகொண்டால் நீங்கள் சீமானுக்கு கைதட்ட சரியான நபர் என அர்த்தம்…


கோவை ஸ்மார்ட் சிட்டி திட்ட தலைவராக தகுதி இல்லாதவர் நியமிக்கபட்டிருக்கின்றார். சட்டமன்ற உறுப்பினரின் மகள் என்பதை தவிர அவருக்கு என்ன தகுதி இருக்கின்றது? : லப்பெல்

மிஸ்டர் லவ்பெல், பாமகவின் அடுத்த தலைவராக வருவதற்கு ராமதாஸின் மகன் என்பதை தவிர உங்களுக்கு என்ன தகுதி இருக்கின்றது என யாராவது கேட்டால் என்ன சொல்வீர்கள்?


 

ஓவியா பிக் பாஸ் வீட்டை விட்டு வெளியேறிய பின்…

இந்த ஓவியா பிக்பாஸில் இருக்கும்வரை நல்ல சுதந்திரம் இருந்தது, என்ன செய்தாலும் பாகம்பிரியாள் கண்டுகொள்வதே இல்லை.

எதிர்த்த வீட்டு சீனப்பெண்ணுடன் பேசினாலும் கண்டுகொள்ளாத அளவு பெரும் சுதந்திரம் இருந்தது.

வீட்டை எப்படி அலங்கோலமாக்கி வைத்திருந்தாலும் கண்டு கொள்ளவே இல்லை.

இப்பொழுது ஓவியா களத்தில் இல்லை என்பதால் மறுபடியும் நம் மீதான கண்காணிப்பு அதிகரித்துவிட்டது, “அங்கே என்ன பார்வை? , இப்பொழுது ஏன் வாட்சப்?, அந்த புத்தகத்தை எவ்வளவு நாளாக படிப்பீர்கள்? ” என பழைய பார்மிற்கு வந்துவிட்டார் பாகம்பிரியாள்

“ஏய் ஆரவ் , என் சாபம் உன்னை சும்மாவே விடாது, நீ சீக்கிரம் இந்தியாவிட்டே ஓடிவிட சபிக்கின்றேன்..”

யாராவது அந்த ஓவியாவினை மறுபடியும் உள்ளே பிடித்து போட்டால் மிக நன்றாகத்தான் இருக்கும்,

என்ன செலவானாலும் சரி, ஓவியாவினை மறுபடி கொண்டுவர நிதி திரட்டினால் முதல் பங்கு என்னுடையது.