காலம் எல்லாவற்றிற்கும் ஒரு கணக்கு வைத்திருக்கின்றது

Image may contain: 2 people, people smiling, sunglassesகிட்டதட்ட 30 ஆண்டுகளுக்கு முன், அந்த ராமசந்திரன் காலமான பின், இதே போன்ற பெரும் குழப்பம் அதிமுகவில் இருந்தது, ஜாணகி ஜெயா அணிகள் மோதிகொண்டிருந்தன‌

இதில் ஜெயா பக்கம் நடராஜனும், ஜாணகி பக்கம் ஆர்.எம் வீரப்பனுமாக நின்று மோதிகொண்டிருந்தார்கள். மத்தியில் பலமான ராஜிவின் ஆதரவு ஜெயாவிற்கே இருந்தது.

இந்த அதிமுக சண்டை காரணமாக இரட்டை இலை முடக்கபட்டது, அது இல்லா தேர்தலில் கலைஞர் ஆட்சிக்கும் வந்தார்.

அதன் பின் அதிமுக அணிகள் இணைந்தன, இரட்டை இலை மீட்கபட்டதும், இணைந்த அணியில் ஜாணகி அணி காணாமல் போனது, நடராஜனின் தந்திரத்தில் எல்லோரும் ஓரம்கட்டபட்டு ஜெயா ஒரே தலைவரும் ஆனார்

பின் ராஜிவிற்கு விருந்து வைத்து, கலைஞர் ஆட்சியும் கவிழ்க்கபட்டது. அதற்கு பெரும் காரணம் நடராஜன், தமிழகத்தில் பத்மநாபா கொல்லபட்டு சட்டம் ஒழுங்கு கெட்டுவிட்டதாக கலைஞர் அரசு கலைக்கபட்டது

கலைஞர் புலிகளை வளர்க்க்கின்றார், அவரை டிஸ்மிஸ் செய்யுங்கள் என டெல்லியில் மல்லுகட்டியவர் இதே நடராஜன், இன்று முள்ளிவாய்க்காலில் கலைஞர் ஈழதமிழருக்கு துரோகம் செய்தார் என சொல்லும் இதே நடராஜன்

அமைதிபடை இலங்கையில் மோதலில் இருக்கும் பொழுது, ராஜிவ் பக்கம் நின்றது இதே நடராஜனும் , ஜெயாவும்தான்.

பின் கலைஞர் ஆட்சி ஆளுநர் ஒப்புதலின்றி ராஜிவ்காந்தி நிர்பந்தத்தால் கலைக்கபட்டு பின் வந்த தேர்தலில் ராஜிவும் செத்து ஜெயா முதல்வரானார்

ஜெயா மூலமாக தமிழகத்தில் காங்கிரஸ் ஆட்சி கொண்டுவரும் திட்டம் ராஜிவிற்கு இருந்தது, ஆனால் ராஜிவினை பயன்படுத்திவிட்டு தந்திரமாக அவர் ரத்தத்தில் ஆட்சிக்கும் வந்துவிட்டு காங்கிரசுக்கு பெப்பே காட்டினார்கள், நடராஜனும் ஜெயாவும்.

ராஜிவ் கொலைக்கு மூன்றுமாதம் முன்னால் வெளிநாடு சென்றார், நடராசன் ஏன் சென்றார்? எதற்கு சென்றார்? என்பதனையெல்லாம் யாரும் கேட்கவில்லை, கேட்கவும் மாட்டார்கள்,

அதன் பின் ஜாணகியினை மறந்தது போலவே , ராஜிவினையும் ஜெயா மறந்தார்.

(1989ல் ராஜிவினை மடக்கி கலைஞர் ஆட்சியினை கலைக்க வைத்த ஜெயல்லைதாவால் பின்பு வாஜ்பாயினை மடக்கி கலைஞர் ஆட்சியினை கலைக்க வைக்க முடியவில்லை, அதற்கு தேர்தலே மேல் என தைரியமாக நின்றவர் வாஜ்பாய்.

பின்னாளில் வாஜ்பாயோடு கலைஞர் கூட்டணி அமைக்க அதுதான் காரணம்)

இப்பொழுது அதே சூழல், கிட்டதட்ட 28 ஆண்டுகளுக்கு பின் அதே காட்சிகள்.

ஆனால் டெல்லி இம்முறை நடராசன் கும்பலை ஒதுக்கியே தீரவேண்டும் என்ற முடிவில் இருக்கின்றது. அன்று ஜாணகி அணியினை ஒதுக்க நடராசன் இருந்த தீவிரத்தில் இன்று மன்னார்குடியினை ஒதுக்க சிலர் தீவிரம்

அன்று ஜெயா மூலம் காங்கிரஸ் அதிகாரம் பெறும் என கணக்கிட்ட ராஜிவின் இடத்தில் இன்று மோடி இருக்கின்றார்.

இதில் கவனிக்கவேண்டிய விஷயம் ஒன்று உண்டு.

இவர்களுக்கு தேவை இரட்டை இலை, அது கிடைத்தபின்புதான் உள்ளாட்சி தேர்தல் முதல் எல்லா தேர்தலும் எதிர்கொள்ள இவர்கள் வருவார்கள்.

இன்று பாஜக கை ஓங்கியிருப்பதால் சசிகலா கும்பலின் கைகள் கட்டபட்டிருக்க்கலாம், காங்கிரஸ் கதவை தட்டலாம் என்றாலும் அதுவும் பலமிழந்திருக்கின்றது போதா குறைக்கு அதிமுகவிடம் அது பாடம் படித்த கட்சி, அந்த‌ மாறாத வடு நடராசன் போட்டுவிட்டது.

இனி அதிகமில்லை இராண்டுக்குள் பாராளுமன்ற தேர்தல் வரும், அதன் முடிவுகளை பொறுத்தே இனி சசிகலாவின் நகர்வுகள் இருக்கும்

இந்த பழனி, பன்னீர் எல்லாம் நம்பகூடிய ரகம் அல்ல. நாளையே பாஜகவிற்கு சிக்கல் என்றால் சசிகலா பக்கம் அட்டகாசமாக பல்டி அடிப்பார்கள்.

நடராஜன் கும்பலும் நாடக தந்திரத்தில் கைதேர்ந்தது, அவ்வளவு எளிதாக எல்லாம் அது கட்சியினை விட்டு நகராது, மீறி நகர்தால் அது ஏற்படுதும் பாதிப்பு மிக பெரிதாக இருக்கும், அதனை பன்னீரும் பழனிச்சாமியும் எதிர் கொள்வது மகா சிரமம்.

அவர்களும் ஏதோ திட்டத்தோடு நகர்ந்துகொண்டிருக்கலாம், ஆனால் முன்பெல்லாம் இருந்த ஜெயா எனும் பரமசிவன் இப்பொழுது இல்லை

பரமசிவன் கழுத்தில் இல்லாத பாம்பிற்கு அவ்வளவு பாதுகாவலும் இல்லை

இரட்டை இலை மீட்கும் நடவடிக்கையில் முன்னேறியிருக்கின்றார்களே தவிர, அடுத்து என்னாகும் என்பது காலத்தின் கையில்தான் இருக்கின்றது.

ஆனால் காலம் எல்லாவற்றிற்கும் ஒரு கணக்கு வைத்திருக்கின்றது.

 
 

மெட்ராஸ் டே

Image may contain: sky, outdoor and water

சீனாவின் பட்டும், இந்திய மிளகும் பட்டுசாலை எனும் சாலை வழியாக துருக்கி மூலம் ஐரோப்பாவினை அடைந்துகொண்டிருந்தன, அது ஒன்றே பிரதான இணைப்பு.

அலெக்ஸாண்டர் காலம் முதல் போப்பாண்டவர்கள் உச்ச காலம் வரை அது ஐரோப்பியர் கட்டுபாட்டிலே இருந்தது, வியாபாரம் அதன் மூலமே நடந்தது.

இது யார் கட்டுபாட்டில் இருப்பது என்று தொடங்கிய அரசியல் போர், பின் மதச்சாயம் பூசப்பட்டு சிலுவைப்போர் என தொடர்ந்தது, வலுவான துருக்கியர் அனாசாயமாக விரட்டினர், இந்நிலையில்தான் எப்படியோ ஆசியா சுற்றி வந்து , இந்தியாவினை பார்த்து வாயினை பிளந்தான் அவன்

இன்று நாம் ஐரோப்பாவினை ஆஆஆ என பார்கின்றோம் அல்லவா? அப்படி.

உலகின் வரலாற்றை மாற்றி போட காரணமாயிருந்தவன் மார்க்கோ போலோ, இத்தாலிக்காரர் (இத்தாலியருக்கு இந்தியா என்றாலே ஒரு விருப்பம் போலும் ), வியாபாரிதான் ஆனால் இந்தியா, சீனம் என ஆசியாவினை சுற்றிவிட்டு ,செல்வம் இந்தியாவில் குவிந்து கிடக்கிறது என்ற ஐரோப்பியரின் கனவிற்கு, ஆமாம் நானே கண்ணால் பார்த்த சாட்சி என்று சூடமேற்றி சத்தியம் செய்தவர்.

அதுமுதல் “இந்தியா கிறுக்கு” பிடித்து அலைந்தது ஐரோப்பா, தேடினார்கள், முதல்வெற்றி போர்ச்சுகல்லுக்கு உபயம் வாஸ்கோடகாமா, பலர் வந்தார்கள் , அவர்கள் வரும்பொழுது, முக்கால சோழ நாட்டின் பகுதியான அந்த கடற்கரை நாயக்கர்களுக்கு கட்டுபட்டதாயிருந்தது, ஆனாலும் ஆண்டு கொண்டிருந்தது ஆற்காடு நவாப்.

அந்த பகுதியை சுற்றி சுற்றி பார்த்தார்கள், வியாபாரம் செய்ய வந்தவர்கள்தான் ஆனால் போர்த்துகீசியரின் சமயபற்று ஆழமானது, ஒரு கிறிஸ்தவ போதகர் எப்படியோ இந்த பகுதிக்கு வந்திருக்கிறார், இறந்திருக்கிறார், அவரின் கல்லறை அங்கிருக்கின்றது என்பதை கண்டுகொண்டு ஆராய்ந்தார்கள், அமைதியானார்கள்.

முழங்காலிட்டு பிதா,சுதன்,பரிசுத்த ஆவி அடையாளமிட்டு சொன்னார்கள், இது இயேசுகிறிஸ்து கூட இருந்த செயிண்ட் தாமஸ்(போர்த்துகீசிய மொழியில் சாந் தோம்ஸ்), அவருக்கு ஆலயமும் கட்ட தொடங்கினார்கள் “சாந்தோம்” என பெயரிட்டார்கள்,வணங்கினார்கள்.

(புனித தோமையார் இந்தியா வந்தார் என்பதற்கு நச்சென்ற ஆதாரமில்லை, ஆனால் யாரோ ஒரு கிறிஸ்தவ துறவி வந்திருக்கிறார், பெயர் தாமஸாக இருக்கலாம்)

ஒரு மாலுமியாக அந்த போர்த்துகீசியரும் வந்தார், நீண்ட‌ தாடிவைத்திருந்தார், “மெட்ருஸ்” என்பது அவரின் பெயர், வந்த இடத்தில் இறந்தார், அவரை புதைத்த இடத்திற்கு அடையாளமிட்டார்கள் “மெட்ராஸ்”, இதுதான் 1996 வரை நீடித்த பெயர்.

பின்னால் வந்த பிரிட்டனும்,பிரான்சும் போர்ச்சுக்கல்லை பிடரியில் பிடித்து தள்ளி விரட்ட, அழுதுகொண்டே மலாக்கா சென்றனர். ஆனால் அந்த “மெட்ராஸ்” என்ற பெயர் மாறவில்லை, வெள்ளையரும் அப்படியே அழைத்தனர், தமிழில் அது “மதராசபட்டினம்” ஆயிற்று.

அந்த இடத்திற்கு கொஞ்சம் தள்ளி, பிரிட்டானியர் கோட்டை கட்டினர், அந்நாளைய பிரிட்னுக்கு புனித ஜார்ஜ, தெற்கத்தியருக்கு பெரும்பாலும் முனியாண்டி, மதுரை வீரன், இசக்கியம்மன், சுடலையாண்டவர் போல அவர்களுக்கு இங்கிலாந்தின் காவல் தெய்வம் ,புனித ஜார்ஜ் பெயரினை இட்டார்கள். மறக்காமல் ஒரு மாதா கோயிலும் கட்டிகொண்டார்கள்.

கோட்டைக்கு நிலம் வாங்கிய நாள் இன்று ஆகஸ்ட் 22ல் கொண்டாடும் சென்னை தினமாம், கோட்டை திறக்கபட்டநாளில்தான் சென்னை தினம் கொண்டாடி இருக்கவேண்டும், ஆனால் யாரோ புண்ணியவான் பத்திரம்முடிந்த நாளையே குறித்துவிட்டார்கள், பரவாயில்லை.

வெள்ளையர்கள் தென்னிந்தியாவிற்கு செய்த பெரும் உதவி அந்த கோட்டை, கிட்டதட்ட 90 வருடங்கள் மதராஸ் ராஜதானி அதாவது madras presidency (கன்னடம், கேரளம்,ஆந்திரா,தமிழ்நாடு) என தென்னிந்தியாவின் கட்டுப்பாட்டு அறையாக திகழ்ந்ததும் அந்த கோட்டை, மாநிலங்கள் பிரிக்கபட்டபின் இன்றுவரை தமிழக தலைவிதி எழுதபடுவது எல்லாம் அந்த கோட்டைதான், பலவகை விவாதங்ள், தலைவரின் சிறப்புரைகள்,சட்டங்கள், தீர்மானங்கள் என‌ இன்னும் பல சிறப்புகளுக்கு அடையாளம் அந்த கோட்டை.

இத்தாலியின் வெனிஸ் போலவே திட்டமிட்ட நீர்வழிச்சாலையினையும் வெள்ளையர்கள் அமைத்திருக்கின்றார்கள், அந்த சென்னை அப்படித்தான் இருந்திருக்கின்றது, பின்னாளில் எல்லாம் நாசமாய் போய்விட்டது.

எதனை ஒழுங்காக பராமரித்தோம் நாம்?.

இந்த இடம் கோட்டைக்காக வாங்கும் பொழுதும், அதில் பெரும் லண்டன் கனவான்கள் ஆளும்பொழுதும், நிச்சயம் திருக்குவளை வாரிசும், மைசூர் வாரிசும் வந்து சண்டையிடும் என்றெல்லாம் நினைத்திருப்பார்களா? விதி எப்படி எல்லாம் ஆடுகின்றது.

அட அதன் பின் தேனிக்காரரும், கோவைக்காரரும் வந்து ஒன்றாக இணைவார்கள் என யார் எதிர்பார்த்திருப்பார்கள்?

அக்கோட்டையில்தான் இந்தியாவில் வெள்ளையர் ஆட்சியினை தொடக்கி வைத்த ராபர்ட் கிளைவ் வசித்தான், அதன் மாடத்திலிருந்து அவன் தேநீர் பருகுவானாம், அவனின் திருமணம் கூட சென்னை கோட்டையில்தான் நடந்தது,

அப்பொழுது சென்னை பகுதி நதிகள் எல்லாம் ஓடங்கள் ஓடுமாம், அதில் அவனுக்கு பிடித்தமான நதியில் அவன் படகோட்டுவானாம்

அதில் ஒன்று கூவம், இன்று நாறி கிடக்கும் கூவம், விடுங்கள். அக்காலம் அவ்வளவு அழகாய் இருந்திருக்கின்றது.

நிச்சயமாக சென்னைக்கு திருப்புமுனை கொடுத்ததே அந்த கோட்டைதான், அது அமையாவிட்டால் சென்னை இந்த அளவிற்கு வளர்ந்திருக்காது, , அசுரவேகத்தில் கிட்டதட்ட 60 கிராமங்களை விழுங்கி இன்று பிரமாண்டமாய் எழுந்து நிற்கிறது, இன்று கிட்டதட்ட 80லட்சம் மக்கள் வாழும் நகரம், ஆசியாவின் குறிப்பிடதக்க நகரங்களில் ஒன்று

பகை நாடுகளின் பெரும் இலக்குகளில் சென்னையும் ஒன்று, சில நாடுகளின் ஏவுகனைகளின் நுனி சென்னை நோக்கியே திருப்பபட்டு நிற்கிறது. அது அவ்வாறாக இருப்பதில் கொழும்பிற்கும் மகிழ்ச்சி.

சென்னையும், அதற்கு காரணமான ஜார்ஜ் கோட்டையும் பல ஆபத்துக்களை கடந்துள்ளன், பாண்டிச்சேரி பிரென்ஞ் கவர்னர் டூப்ளேவிற்கு அதன் மீது ஒரு கண், பதிலுக்கு வெள்ளையர் அவர் முதுகை உடைத்துவிட்டார்கள், ராபர்ட் கிளைவ் எத்தனையோ போர்களுக்கு அங்கிருந்துதான் திட்டமிட்டான், உத்தரவு கொடுத்தான்.

மாவீரன் மருதநாயகம் பிரெஞ்ச் படைகளை விரட்டி அதனை மீட்டு தான் தன் வீரத்தினை நிரூபித்துகாட்டினான்.

முதலாம் உலகப்போரின் போது உலகை மிரட்டிய ஜெர்மனியின் நீர்மூழ்கி எம்டன் சென்னை கோட்டையை குறிவைத்து தாக்கியது,(அந்த கல்வெட்டு இன்றும் உண்டு), முதலும் கடைசியுமாக சென்னை மீது நடந்த ராணுவ தாக்குதல் அது, அதன் பின்னர் ஆபத்தில்லை

ஆனால் ஆபத்து மொழிவாரி மாநிலங்கள் பிரிக்கப்படும் பொழுது எழுந்தது, சென்னை எங்களுக்கு சென்னை வேண்டும் அல்லது சண்டிகர் போல பொதுநகராக இருக்கலாம் என போராடினர் தெலுங்கர்கள், கிட்டதட்ட அவர்களுக்கு சாதகமான சூழல், அன்றேல்லாம் ஐதராபாத் சிறு நகரம், விசாகபட்டினம் தூத்துக்குடி அளவிற்கே இருந்தது, விடமாட்டோம் என பிரளயம் செய்தனர் தெலுங்கர்கள்.

“எங்க இருந்தா என்ன இந்தியாவில தான இருக்குண்ணேன்??” என காமராஜர் சிந்திக்க, “வெங்காயம் அப்படியும் அது திராவிடநாட்டிலதான இருக்கு” என்று பெரியாரும் ஒதுங்கிகொண்டனர்,அண்ணாவோ பணம் படைத்த பெரியாரை எதிர்த்து என்ன செய்ய என சிந்தித்த காலம், கருணாநிதி அன்று கலைஞர் அல்ல, ஆனால் அறியபட்ட வசனகர்த்தா, அவர் என்ன ஆகபோகின்றார் என்பது அவருக்கே தெரியாத காலம், போராட யாருமில்லை,

ஒரே ஒருவரை தவிர அவர் ம.பொ.சிவஞானம், தமிழரசு கட்சி நிறுவணர்.

அங்கிள் சைமன் தான் முதலில் தமிழர் கட்சி கண்டவர் ,ஆதித்தனார்தான் வழிகாட்டி என யாராவது சொன்னால் அவர்களை அப்படியே ராஜபக்ஸேவிடம் ஒப்படைப்பது அவருக்கு நலம், அரசியலையாவது கற்பிப்பார்.

பலர் தமிழியக்கம் நடத்தினர் அவரில் சிலப்பதிகாரத்தை கரைத்து தெளித்த “சிலம்பு செல்வர்” என அறியபட்ட ம.பொ.சி பிரசித்தம், அவரை விட அவர் மீசை பிரசித்தம், அண்ணாவின் மயக்கும் தேன் தமிழில் சற்று மங்கிபோனவர் ம.பொ.சி.

ஆனால் தமிழரின் எல்லையை காத்த போராட்டம் இவரால் மட்டும்தான் நடைபெற்றது, அவரின் எழுச்சியான போராட்டத்தில் சென்னை தமிழகத்திற்கு வந்தது, திருத்தணியும் வாங்கிகாட்டினார், திருப்பதி முதல் திருஅனந்தபுரம் வரை தமிழரின் எல்லை என முழக்கமிட்டார்.

திரு என்பது தமிழ்பெயர், திருப்பதி தமிழனுக்கே சொந்தமான அடையாளம், என ஆதாரத்தோடு அவர் முழங்கிய முழக்கம் கொஞ்சமல்ல‌

திருப்பதியும் உங்களுக்கா என தெலுங்கள் பொங்கி தற்கொலை முயற்சி வரை சென்றனர், “தேவுடா” தமிழகம் வர மறுத்தார் அங்கே தங்கிவிட்டார், கொஞ்சம் தமிழகம் போராடியிருந்தால் திருப்பதி கிடைத்திருக்கும்,இந்து அறநிலையதுறை அமைச்சருக்கு போரே நடந்திருக்கும்.( பல ஊழலும் நடந்திருக்கும் ), கிடைக்கவில்லை அதுவும் நல்லது.

தந்திரமாக கேரளம் முந்திகொண்டு திருவனந்தபுரம் எங்கள் தலைநகர் என்றது, நிச்சயமாக அன்று அது அவர்கள் தலைநகராக இருக்க சம்பந்தமில்லாதது, அரசியலில் முந்திகொண்டார்கள், அதுவும் பரவயில்லை, இல்லை என்றால் பதமநாபசாமி கோயில் என்ன ஆகியிருக்குமோ, சுரங்கம் அமைத்து தூக்கியிருப்பார்கள், மணலையே விடாத தமிழகம் இது.

சினிமா ஸ்டூடியோக்கள் கூட சென்னையை நம்பாமல் சேலத்தில்தான் அக்காலத்தில் கட்டபட்டன, முதன் முதலில் துறைமுகமாக மட்டும் அறியபட்ட சென்னை கொஞ்சம் கொஞ்சமாக எல்லா தொழிலின் சந்தையாக‌ மாறிற்று, இன்று சென்னையின் நிலை வேறு, தமிழகத்தின் எல்லா கிராமங்களிலிருந்தும் அதனோடு நேரடியாகவோ இல்லை மறைமுகமாகவோ தொடர்பில்லாதவர் யாருமில்லை.

Image may contain: sky, outdoor and waterமக்கள் தொகை பெருக,பெருக சில பிரச்சினைகளும் பெருகும், அதனில் சென்னை சிக்கி இருக்கலாம், ஆனால் சில சிறப்புக்கள் சென்னைக்கு எப்போதும் உண்டு.

சாதிய கலவரமோ, இல்லை மத,இன‌ ரீதியான வன்முறைகளிலோ சிக்காத இந்திய நகரங்களில் சென்னையும் ஒன்று, கல்கத்தா,மும்பை என பெருந்தீ எழும்பி தாண்டவமாடிய நகரங்கள் உண்டு, சென்னை அப்படியல்ல, அதன் மக்களும் அப்படியல்ல,

இதுதான் சென்னை இக்காலம் வரை பதித்திருக்கும் முத்திரை.

மயிலாப்பூர் கோயில், கபாலீஸ்வரர் ஆலயம், சாந்தோம் ஆலயம், தாமஸ் மலை,விக்டோரியா ஹாலும் அதிலுள்ள ரவிவர்மனின் ஓவியங்கள், எழும்பூர் மியூசியம், பல தலைவர்கள் வாழ்ந்த இல்லம், விவேகானந்தர் தங்கிய இல்லம், ரோஜா முத்தையா நூலகம், அழகான கடற்கரை, சமாதிகள், ரயில் நிலையங்கள், காமராஜரை தவிர எல்லா முதல்வர்களையும் தமிழகத்திற்கு தந்த ஏ,வி.எம் ஸ்டூடியோ, போயஸ் கார்டன் நாடக பள்ளி என இன்னமும் ஏராள பெருமை கொண்டிருந்தாலும்

முதல் அடையாளம் அந்த கோட்டையே.

அந்த கோட்டை இன்று ராணுவத்திற்கு சொந்தமானது, தமிழக அரசிற்கு தனியாக தலமைசெயலகம் வேண்டும் என்று கலைஞர் ஒரு கட்டடம் கட்டினார், ஆயிரம் சர்சைகள் இருந்தாலும் கட்டடம் அமைப்பதிலும், சிலைகள் அமைப்பதிலும் கலைஞர் எடுத்துகொள்ளும் முயற்சி வியப்புக்குறியது, அது பாஞ்சாலங்குறிச்சி கோட்டையோ?, வள்ளுவர் கோட்டமோ? அல்லது சிலையோ? அவரின் அந்த அக்கறை பாராட்டதக்கது.

காலமாற்றமோ அல்லது ஏதும் நிர்பந்தமோ மாமல்லபுரம் கடற்கரை கோயில் போல ஒரு அழகான கட்டடம் நவீன மாடலில் அமைப்பார் என எதிர்பார்த்திருந்த பொழுதுதான் இந்தியன் ஆயில் எண்ணெய் குடோன் மாடலில் ஒன்றை கட்டினார்கள், உறுதியாக அவர் முழுமனதோடு அதனை ஏற்றிருக்கமாட்டார், அவரின் ரசனை அப்படி அல்ல.

அதுதான் இனி தமிழக தலையெழுத்தினை நிர்ணயிக்கும் பாற்கடல் என தமிழக மக்கள் நினைக்க ஆட்சி மாறியது, முன்னாள் எதிர்கட்சி என்றாலும் எதிராகத்தான் செய்யவேண்டும் என்பதல்ல அதிரடியாகவும் செய்யலாம், மறுபடியும் சென்னை கோட்டை இழந்த ஆட்சிபீடத்தினை பெற்றது.

அங்கு தமிழத்திற்கான திட்டங்களை எப்படி தீட்டுகின்றனர் என தெரியவில்லை, கொஞ்ச நாளைக்கு முன்பாவது ஆட்சி மிக‌ நன்றாக நடக்கிறது என தெரியவேண்டுமானால் ஜெயா டிவி பார்க்கலாம், பெரும் ஜனநாயக படுகொலை நடக்கிறது என்று பார்க்கவேண்டுமானால் சன் டிவி, மக்கள் டிவி பார்க்கலாம்.

இன்று ஜெயா டிவியும் தமிழக ஆட்சி சரியில்லை என புலம்புகின்றது, ஆக எல்லா டிவியும் கரித்துகொட்டும் ஒரு ஆட்சி நடக்கின்றது

இன்று திருவிழா கொண்டாடும் தமிழக தலைநகர மக்களுக்கு நமது வாழ்த்துக்களை தெரிவிப்போம், வெளிநாடுகளில் ஒருவன் தமிழரென்றால் அவர்கள் கேட்கும் கேள்வியே “உனக்கு சென்னையா?” என்பதுதான்.

இது நல்ல துறைமுகம் என கண்ட போர்த்துகீசியரும், கோட்டை அமைத்து சென்னைக்கு அடிகோலிய பிரிட்டிசாரும், அதனை குறிப்பிட்ட இடமாக மாற்றிய ராபர்ட்கிளைவும் (கிளைவின் திருமணம் சென்னை கோட்டையில்தான் நடந்தது), அதனை மாதிரி நகரமாக திட்டமிட்டு கொடுத்த லார்டு ரிப்பனும், பின்னாளில் அதனை தமிழரின் தலைநகராக மாற்றி தந்த ம.பொ.சியும் ஏனோ மனதில் வந்து வந்து போகின்றார்கள்.

இவர்கள் இல்லாவிட்டால் தமிழகத்தில் சென்னையோ, இல்லை சென்னையில் தமிழர்களோ ஏது??

எல்லாவற்றையும் விட மகா முக்கியமான பெருமையினை சென்னை பெற்றிருக்கின்றது, உலகின் எந்த நகருக்கும் இல்லா சிறப்பு அது.

ஆம் அங்குதான் குஷ்பூ வசித்துகொண்டிருக்கின்றார்.

அவ்வகையில் கிளியோபாட்ரா வாழ்ந்த அலெக்ஸாண்டிரியாவிற்கு அடுத்து பெரும் புகழ்பெற்றது குஷ்பூ வாழும் சென்னை, வரலாறு அப்படித்தான் குறித்துகொண்டது.

சென்னை வாழ் மக்கள் அனைவருக்கும் இனிய சென்னை நாள் நல்வாழ்த்துக்கள்.

 

தமிழன் தலையில் கோமாளி குல்லா : கமல்ஹாசன்

Image may contain: 1 person, beard, hat and close-up1990களில் பர்னாலா என்றொரு ஆளுநர் இருந்தார், ராமசந்திரன் இறந்து அதிமுக பிளவுபட்டு கலைஞர் முதல்வரான நேரத்தில் அவர்தான் தமிழக ஆளுநர்.

சந்திரசேகர் ஆட்சி ராஜிவ் தயவில் நடந்துகொண்டிருக்க, தமிழகத்தில் கலைஞர் ஆட்சியினை கலைக்கும்படி ஜெயா ராஜிவினை நெருக்க, ராஜிவ் சந்திரசேகரை நெருக்கினார்.

ஒரு ஆட்சி சட்டபடி கலைக்கபட ஆளுநரின் அனுமதி அவசியம்.

தமிழகத்தில் ஒரு அசாதரண நிலையுமில்லை, இங்கு ஆட்சி கலைக்க அவசியமில்லை, அப்படி ஒரு அறிக்கை தரமாட்டேன் என உறுதியாய் நின்றார் பர்னாலா.

அது எப்படி? பத்மநாபா கொல்லபட்டிருக்கின்றார், புலிகள் ஏகபோகமாக சுற்றுகின்றார்கள், திமுக எம்பி வைகோ அனுமதிபெறாமல் ஈழம் சென்றிருக்கின்றார், இந்திய ராணுவத்தை கண்டித்து புலிகளுக்கு ஆதரவாக‌ கலைஞர் பேசிகொண்டிருக்கின்றார், அக அவர் ஆட்சியினை கலைக்க ஆதரவு தாருங்கள் என மிரட்டியது டெல்லி.

என் மனசாட்சிபடி சொல்கின்றேன், இங்கு சட்டம் ஒழுங்கு சிறப்பாக இருக்கின்றது, அந்நிய நாட்டு புலிகள் ஊடுருவினால் தடுக்கவேண்டியது மத்திய அரசின் வேலை என சொல்லி ஆட்சியினை கலைக்க அனுமதிக்க முடியாது என நின்றார் பர்னாலா.

இறுதிவரை மத்திய அரசின் அநீதிக்கு அவர் தலைவணங்கவில்லை.

பின் அவரின் ஒப்புதல் இன்றியே கலைஞர் அரசு கலைக்கபட்டது, பெரும் ஜனநாயக படுகொலை அது. காரணம் ஜெயா, ராஜிவ், சு.சாமி, அப்போதைய ஜனாதிபதி ஆர்.வெங்கட்ராமன் எல்லோரும் “அவாள்”.

அந்நிலையிலும் தன் ஆட்சியின் நியாயத்தை சொன்ன பர்னாலாவினை “மாவீரன் பர்னாலா” என அழைத்தார் கலைஞர்

பின் உடனடியாக தேர்தல் அறிவிக்கபட்டு அத்தேர்தலில் ராஜிவ் கொல்லவும் பட்டார்.

அதாவது கலைஞர் ஆட்சி இருந்தவரை மிக பாதுகாப்பாக தமிழகம் வந்து சென்ற ராஜிவ், ஜனாதிபதி ஆட்சியில்தான் கொல்லபட்டார். ராஜிவ் கொல்லபடும் பொழுது சுப்பிரமணியன் சாமிதான் உள்துறை அமைச்சர், ராஜிவின் பாதுகாப்பிற்கு அவர்கள்தான் பொறுப்பு

ஆக அந்த பர்னாலா சொன்னது, அவரின் நிலைப்பாடு மிக சரியாகத்தான் இருந்திருக்கின்றது.

அப்படிபட்ட மிக சிறந்த கவர்னர்கள் இருந்த ராஜ்பவனிலும் தான், எத்தனை முறை அழைத்தாலும் டீக்கடை பையனாக வந்து நிற்கும் இப்படி ஒரு ஆளுநரும் வந்திருக்கின்றார்.

Image may contain: 3 people, people smiling, people standingஒரு ஆளுநர் என்பவர் கொஞ்சமாவது தன் கருத்தை சொல்ல கூடாதா?

அட ஆளுநர் வித்தியாசாகர் என்ன? அந்த இடத்தில் ஒரு .. வைத்திருந்தால் கூட, “டேய் உங்களுக்கு வேறு வேலையே இல்லையாடா, விட்டால் 122 பேரையும் முதல்வராக்க என்னை அழைப்பீர்களா? ஆளுநர் என்றால் அத்தனை மானம் கெட்டவனா? மொத்தமாய் ஒழிங்கடா.” என ஆட்சியினை கலைத்திருக்கும்

அந்த … விட மோசமானாவராகிவிட்டார் இந்த ஆளுநர்.


 
 

Image may contain: 1 personதமிழன் தலையில் கோமாளி குல்லா : கமல்ஹாசன் சாடல்

அது “குல்லாக்காரன்” ராமசந்திரன் 1977ல் முதல்வராகும் பொழுதே எல்லோருக்கும் தெரிந்தது, பாவம் கமலஹாசனுக்கு நேற்று பழனிச்சாமி பன்னீர் இணையும் பொழுதுதான் புரிந்தத்தாம்.

“குல்லாக்காரன் ராமசந்திரன்” போட்ட குல்லாவின் தொடர்ச்சிதான் நேற்று நடந்த கோமாளி குல்லா.

மனிதர் சினிமாவினை தவிர மற்ற விஷயங்களில் எல்லாம் லேட்டாகத்தான் புரிந்துகொள்வார் போல‌

 


உண்ணாவிரதம் இருக்கும் முருகன்

Image may contain: 1 person, beardஉயிர் துறப்பதற்கு வேலூர் சிறையில் நான்காவது நாளாக உண்ணாவிரதம் இருக்கும் முருகன்

முருகன் ராஜிவ் கொலைசதி கும்பலின் தலைவனான சிவராசனோடு இங்கு வந்தவன், வந்த இடத்தில் நளினியோடு காதலாயிற்று.

இது அரசல் புரசலாக தெரிந்தால் அவனை யாழ்பாணம் திரும்ப உத்தரவிட்டான் சிவராசன், ஆனால் முருகன் இல்லாத சிவராசன் கும்பலை சந்திக்க மறுத்தாள் நளினி. இதனால் அவளின் உதவிக்காக மறுபடி முருகனை சென்னைக்கு வரவழைத்தான் சிவராசன்.

காரியம் முடிந்ததும் நளினியும் சிவராசனும் இலங்கைக்கு தப்பவே திட்டமிட்டிருந்தனர், அதற்கு முன்பே திருப்பதியில் திருமணமும் செய்தனர்

ஆனால் எதிர்பாராவிதமாக இவர்கள் படம் சிக்க, சிபிஐ தீவிரமாக தேட இவர்கள் இலங்கைக்கு தப்பமுடியாயல் போயிற்று, சிபிஐயிடம் அகபட்டும் கொண்டனர்.

ராஜிவின் சொலைசதி இவர்கள் மூலமாகவே விசாரணையில் வெளிவந்தது.

அதவாது இனி தப்பமுடியாது என்றநிலை வந்தபொழுது முருகன் செத்திருக்கத்தான் வேண்டும். சிவராசனும் புலிதலமையும் அதனைத்தான் எதிர்பார்த்தது

ஆனால் நளினியுடனான காதல் அவனை சாகவிடவில்லை, நளியினுடன் அவன் வாழ ஆரம்பித்திருந்தான், அந்த நளினியின் கருவும், காதலும் அவனை வாழ சொன்னது. அதுதான் பின்பு புலிகள் இயக்கத்திற்கே எமனானது.

முருகனும் நளினியும் அன்றே செத்திருந்தால் பல உண்மைகள் மறைந்திருக்கும், ராஜிவ் கொலை இன்னும் முடிவு கண்டிருக்காது.

அப்படி காதலுக்காக உயிர்பிழைத்த முருகன் தான், இனி வெளிவரமுடியாது என தெரிந்தபின் , சாமியாராகி சிறையிலே பட்டினிசாவு சாக போகின்றாராம்.

இதற்கு அன்றே செத்திருந்தால் ஒரு சிக்கலும் இருந்திருக்காது.

பெண்ணால் கெட்ட பத்ருஹரி மகராஜா கதை உண்டு, அவரும் சாமியாராகி செத்தார்,

முருகனும் அப்படி பெண்ணால் கெட்டு சாமியாராகி சாக போகின்றார்.

 

எம்ஜிஆரை பற்றி பேசாதே?

எம்ஜிஆரை பற்றி பேசாதே?

ஏன்

அவர் வள்ளல், எல்லோருக்கும் உதவுபவர்?

யாருக்கு உதவினார்?

ஏழைகளுக்கு

அப்படியானால் தமிழகத்தில் ஏழைகளே இல்லையா?

இருக்கின்றார்

பின் யாருக்கு உதவினார்?

ம்ம் அது உதவினார்

அதுதான் யாருக்கு?

இன்றைய ஜேபிஆர், ராமசந்திர உடையார் போன்றோர் சாம்ராஜ்யம் எல்லாம் அமைய அவர்தான் உதவினார்

அதவது அவருக்கு யாரெல்லாம் ஜால்ரா தட்டினார்களோ அவர்களுக்கெல்லாம் உதவியிருகின்றார் அப்படித்தானே?

பத்திரிகையாளருக்கு, சினிமாக்காரர்களுக்கு எல்லாம் அவர் உதவி சொல்லி மாளாது

அதவாது பத்திரிகையாளன் தன்னைபற்றி எழுதுவான் என கொடுத்திருக்கின்றார், சினிமாகாரனுக்கு உதவினால் நாலு பேரிடம் சொல்லுவான் என உதவியிருக்கலாம், இது சுயநலம் அல்லவா?

இல்லை இல்லை அவர் வீட்டிற்கு சென்ற யாரும் சாப்பிடாமல் வரமுடியாது?

யாரெல்லாம்?

அவரை சந்திக்க முடிந்த எல்லோராலும்

அவர் வீட்டுமுன்பு தினமும் ஒரு கூட்டம் காத்து கிடக்குமாமே, அவர்களை எல்லாம் காவல்துறை விரட்டுமாமே அவர்களுமா?

இல்ல்லை இல்லை, அவர் அனுமதி பெற்று அவரை சந்திக்க செல்பவர்களுக்கு?

எத்தனை பேர் செல்வார்கள்?

அது தெரியாது ஆனால் அவரை சந்தித்தால் சாப்பிட சொல்வார்

அதனால் அவர் எல்லோருக்கும் உணவளித்தார் என்பதா?

ம்ம், சந்திப்பவர்கள‌ சாப்பிட சொன்னார் அல்லவா?

ஏன் உன்னை சந்திப்பவர்களை டீ குடிக்க சொல்ல மாட்டீரா?

சொல்வேன்

பின் எம்ஜிஆர் சொன்னதில் என்ன ஆச்சரியம்

இல்லை, அவரை சந்தித்தால் சாப்பிடாமல் போகமுடியாது, அவ்வளவு நல்லவர்.

சரி வேறு யாருக்கெல்லாம் உதவினார்?

எண்ணி சொல்லமுடியாது அப்படி உதவினார்?

யாருக்கெல்லாம்?

நிறைய, ஈழபுலிகளுக்கு கூட உதவினார்

ஓஹோ, காஷ்மீர் முதல்வர் ஆப்கன் தீவிரவாதிக்கு அள்ளிகொடுத்தால் டெல்லி விடுமா?

அது எப்படி விடும்? இது யார்பணம்? எப்படி கொடுத்தீர்கள் என கடுமையாக விசாரிக்கும்

எம்ஜிஆரை மட்டும் ஏன் விசாரிக்கவில்லை?

அது எம்ஜிஆர் அல்லவா? அதனால் விசாரிக்கவில்லை

அதுதான் ஏன்?

தெரியவில்லை, அதனால் விசாரிக்கவில்லை

மத்திய அரசு மறைமுகமாக அனுமதித்ததால் விசாரிக்கவில்லை

இருக்கலாம்

சரி வேறு என்ன எம்ஜிஆர் அள்ளி கொடுத்தார்?

அவர் வள்ளல் நிறைய பேருக்கு கொடுத்தார்

அட சும்மா சொல்லுங்கள், எத்தனை பேருக்கு கொடுத்தார்

நீ திமுகக்காரன் அப்படித்தான் கேட்பாய், அவர் பெரும் வள்ளல் என்பது எங்களுக்கு மட்டும்தான் தெரியும்

சொல்லுங்கள் நானும் தெரிந்து கொள்கின்றேன்

அவர் வள்ளல், சோறு போட்டவர் அதனால் எல்லோருக்கும் பிடிக்கும்

எல்லோருக்கும் சன்னிலியோனை கூடத்தான் பிடிக்கும், பலருக்கு ஓவியாவினை கூட பிடிக்கும், சரி இவர்அவர் அப்படி வள்ளல் என்பதற்கு என்ன செய்தார்?

தன் வீட்டை கூட , சொத்தை கூட தமிழகத்திற்கு கொடுத்தார்

வாரிசு இல்லாதவன் என்னய்யா செய்வான்? பசும்பொன் தேவர் கொடுக்கவில்லையா, பெரியார் சமூகத்திற்காய் விட்டுசெல்லவில்லையா? அதனை விடவா கொடுத்துவிட்டார்

ம்ம்.ம்ம்..

அண்ணாமலை செட்டியார், அழகப்ப செட்டியார், பச்சையப்பன் போன்றோர் கொடுத்ததில் நூற்றில் ஒருபங்கு கொடுத்தாரா எம்ஜிஆர்? இவர் வள்ளல் என்றால் அவர்கள் எல்லாம் யார்?

ம்ம்.ம்ம்…

என்ன ம்ம்ம்

எம்ஜிஆர் வள்ளல், சோறுபோட்டார்”

திருத்தவே முடியாதவர்கள் எல்லாம் இருக்குமிடம் கீழ்பாக்கம் மட்டும் அல்ல என முடிவு செய்துவிட்டு நபரை விரட்டியாயிற்று

 
 

பன்னீர் செல்வத்திற்கு கூடுதல் இலாகா ஒதுக்கபட்டது

தினகரன் ஆதரவு எம்.எல்.ஏக்கள் புதுச்சேரிக்கு பயணம்

ஓஹோ. ஆட்சி அமைக்க கூவத்தூர் பயணம், ஆட்சி கவிழ்க்க புதுச்சேரி பயணமா?

டெல்லியினை பகைத்துகொண்டு எவனாவது புதுச்சேரி போவனா? இவர்கள் எல்லாம் பாரதியார் காலத்திலே இருப்பார்கள் போலிருக்கின்றது

புதுச்சேரி கவர்ணர் கிரண்பேடி, கிட்டதட்ட அங்கு அவர்தான் இப்பொழுது ராணி. பிஜேபிக்கு நெருக்கமானவர் என்பது சொல்லி தெரியவேண்டியதில்லை

19 பேரையும் பிடித்து தமிழக ஆளுநரிடமே பட்டாபட்டி அண்டராயரோடு கொடுத்துவிடுவார் ஜாக்கிரதை.

இவர்களுக்கு மிக பாதுகாப்பான இடம் பெங்களூர்தான், அதுவும் அதோ அந்த‌ சிறையில்தான் சின்னம்மா இருக்கின்றார் என சுட்டி காட்டி சொன்னால் இவர்களை அடைத்து வைப்பது மகா சுலபம்.

ஒரே ஒரு சிக்கல் என்னவென்றால், யாரும் கேட்டால் “காவேரி விவகாரம் தொடர்பாக சித்தராமய்யாவினை பார்க்க வந்தோம்..” என சிரிக்காமல் சொல்லவேண்டும்

சிரிக்காமல் சீரியசாக சொல்வதில்தான் உங்கள் சமார்த்தியமே அடங்கியிருக்கின்றது பார்ட்டிஸ்..


சீக்கிரம் அந்த நம்பிக்கை வாக்கெடுப்பினை நடத்துங்கள் அய்யா

படு பயங்கர திரில் சஸ்பென்ஸாக இருக்கின்றது


பன்னீர் செல்வத்திற்கு கூடுதல் இலாகா ஒதுக்கபட்டது

அப்படி என்ன இலாகா கொடுத்தார்களோ முழுமையாக சொல்லவில்லை

“சசிகலா ஒழிப்பு இலாகா..” என்ற ஒன்றை ரகசியமாக கொடுத்திருக்கலாம் என்பது மட்டும் புரிந்துகொள்ள கூடியது.


முத்தலாக் முறையை 6 மாதத்துக்கு நிறுத்திவைத்து உச்ச நீதிமன்றம் உத்தரவு

நாடு பொதுசிவில் சட்டத்தை நோக்கி சென்றுகொண்டிருக்கின்றது.

உலகின் மிக அறிவார்ந்த இனம் என யூத இனத்தை ஏன் சொல்கின்றோம் என்றால், அவர்கள் எல்லா நாட்டிலும் உண்டு ஆனால் அங்கெல்லாம் அந்நாட்டு சட்டதிட்டங்களுக்கு உட்பட்டே நடப்பார்கள்.

சமூக மாற்றங்களுக்கும்,கால மாற்றங்களுக்கும் ஏற்ப சட்டங்களும் மாறியே ஆகவேண்டும்.

பொதுசிவில் சட்டம் நடைமுறைக்கு வரவேண்டிய சட்டங்களில் ஒன்று என்பதில் மாற்றுகருத்து இல்லை