திருமணம் செய்ய நயன் தாரா முடிவு?

இயக்குநர் விக்னேஷ் சிவனை  ரகசிய திருமணம் செய்ய நயன் தாரா முடிவு? : செய்தி

அப்பாடா ஒருவழியாக‌ இந்த Babu Rao என்பவர் சயனைடை தேடியும், இந்த Chandran Kannan என்பவர் கடலை தேடியும் ஓடும் நேரம் வந்துவிட்டது.

ஆயினும் பென்ஸ்கார் வாங்க எவனோ ஒருவன் முகவரியினை அமலாபால் கொடுத்தது போல, தன் முகவரியினை திருமண பதிவு அலுவலகத்தில் நயன் கொடுக்க மாட்டாரா? என்ற கடைசி  நம்பிக்கையில் இன்னும் சயனைடை கடிக்காமல் இருக்கின்றார் Babu Rao

சர்தார் வல்லபாய் பட்டேல்

Image may contain: 1 person

இந்திரா காந்தியினை நினைவு கூறும் இந்நாளில் அந்த மாமனிதரையும் நினைவு கூறத்தான் வேண்டும். சுதந்திர இந்தியாவினை ஒரே இந்தியா ஆக்கிய அரும் மனிதர் அவர்.

சர்தார் வல்லபாய் பட்டேல்

காந்தி பிறந்த குஜராத்தில்தான் அவரும் பிறந்தார். மிக கடினமான சூழலில் வளர்ந்தார். இரவல் சட்டபுத்தகங்களிலே வழக்கறிஞனர் ஆன உழைப்பாளி அவர்.

காந்திக்கும் அவருக்கும் முதலில் பொருந்தவில்லை. அதற்கான சந்தர்ப்பம் ஒரு வறட்சியின் உருவில் வந்தது. குஜராத்தின் “கேடா” மாவட்டத்தில் கடும் வறட்சி, ஒன்றும் விளையவில்லை ஆனால் வரிகேட்டது பிரிட்டிஷ் அரசாங்கம்

விளைச்சல் இல்லை என சொன்ன விவசாயிகள் கதறல் அவர்களுக்கு கேட்கவில்லை, நிலத்தை ஜப்தி செய்ய வந்தார்கள், இங்குதான் பட்டேல் போராட வந்தார், அது வெற்றியும் ஆயிற்று

அதனை வாழ்த்த வந்த காந்திஜி கொடுத்ததுதான் சர்தார் பட்டம், சர்தார் என்றால் தலைவர் என பொருள்.

Image may contain: 5 peopleஅதன் பின் காந்தி பட்டேல் நட்பு வலுபெற்றது. காந்தியின் எல்லா போராட்டங்களிலும் பட்டேல் இருந்தார், எல்லா மாநாடுகளிலும் அவரோடு கலந்துகொண்டார், பல சிறைகளில் அடைக்கபட்டாலும் காந்தியோடு கலந்திருந்தார்

எரவாடா சிறையில் காந்தியினை மிக நன்றாக கவனித்துகொண்டவர் பட்டேல்

ஒருவழியாக சுதந்திரம் கிடைக்கும் காலம் நெருங்கிற்று, இந்திய வரலாற்றின் துரதிருஷ்டம், சுதந்திரம் பெற போராடியதை விட, பெற்றபின்புதான் சவால் அதிகம் இருந்தது

முதல் சிக்கல் அந்த ஜின்னா வடிவில் வந்தது, நேரடி நடவடிக்கை என அந்த ஜின்னா பொறுப்பே இல்லாமல் பாய, இந்தியாவில் ரத்த ஆறு ஓடிற்று

காந்தியின் பேச்சினை கொஞ்சமும் மதிக்காமல் தேசத்தை பிரித்துகொண்டு ஓடினார் ஜின்னா

காந்தி மனமொடிந்து இருக்க , நேரு அவர்களும் சகோதரரே எனும் மிகபெருந்தன்மையில் இருக்க, பட்டேலின் முன்னிலையிலே இத்தேசம் பிரிக்கபட்டது

காந்தி என்னமோ சொல்லி அழுதுகொண்டிருக்க, மிக தைரியமாக தன் அதிரடி கருத்தை இப்படி சொன்னார் பட்டேல்

“உடலில் வளர்ந்துவிட்ட கட்டி மற்ற உறுப்புகளை தாக்குமுன் அப்புறபடுத்தபடுவது போல, இத்தேசத்திற்கு வந்த ஆபத்தை வெட்டி எறிந்துவிட்டோம், இனி இத்தேசம் தன் வழியில் வளர்ச்சி நோக்கி செல்லட்டும்”

ஆம், அடம்பிடித்த ஜின்னாவினை இங்கே வைத்துகொண்டு சதா காலமும் சர்ச்சையினை வளர்ப்பதை விட, சனியனை அடித்து விரட்டுவது சரி என ஆணித்தரமாக சொன்னார் பட்டேல்

காந்தி பட்டேல் மோதல் தொடங்கியது, பட்டேல் ஆர்.எஸ்.எஸ் அனுதாபி எனும் சர்ச்சை எல்லாம் வந்தது, கொஞ்சமும அசரவில்லை பட்டேல்

காங்கிரசுக்கும், நாட்டின் பிரதமர் பதவிக்கும் ஒருவரே இருக்கவேண்டும் என்றார் காந்தி, ஆனால் காங்கிரஸ் பட்டேலின் கையில்தான் இருந்தது, அவருக்குத்தான் கட்சி ஆதரவு இருந்தது, நினைத்தால் நொடியில் பட்டேல் பிரதமராகியிருக்க நேரமது

ஆனால் விட்டுகொடுத்தார் பட்டேல், உள்துறை மற்றும் ராணுவ அமைச்சர் ஆனார். காந்தியின் சொல்லுக்கு வழிவிட்டார் பட்டேல். பாராட்டவேண்டிய குணம் அது.

இப்பொழுதும் காந்தி திருந்தியபாடில்லை, பாகிஸ்தானுக்கு கொடுக்கவேண்டிய 55 கோடி ரூபாயினை கொடுக்க சொன்னார், பட்டேல் மறுத்தார். அவர்கள் வெறிபிடித்த நிலையில் இருக்கின்றார்கள், இதனை கொடுத்தால் நம்மீதுதான் பாய்வார்கள், இது கொடுக்க வேண்டிய நேரம் அல்ல என மறுத்தார்

உண்ணாவிரதம் தொடங்கினார் காந்தி, இறுதியில் காந்தியின் பிடிவாதம் வென்றது, பட்டேலுக்கு மனம் சோர்ந்தது

ஆனால் குஜராத்தின் ஜூனாகத் சர்ச்சையில் அவர் கவனம் செலுத்தினார். அங்கு இஸ்லாமிய மன்னன் இருந்தான் அவன் பாகிஸ்தானோடு இணைய விரும்பினான், மக்களோ இந்தியாவோடு இணைய விரும்பினர்

பெரும் குழப்பம் ஏற்பட்டது, இறுதியில் பொது வாக்கெடுப்பில் மக்கள் தேர்வு இந்தியா என முடிந்தது, பாகிஸ்தானுக்கு பெரும் அவமானம் ஆயிற்று. ஜூனாகத் இந்தியாவோடு இணைந்தது, இதற்கு பெரும் காரணம் பட்டேல்

இங்கு சறுக்கிய பாகிஸ்தான் காஷ்மீரில் தேர்தல் என்றாலும் அம்மக்கள் மனம் இந்தியாவிற்குத்தான் செல்லும் என உணர்ந்தது, காரணம் மதவாத பாகிஸ்தானை இஸ்லாமியரில் பலரே விரும்பவில்லை, சோஷலிச இந்தியா , காந்தியும் நேருவும் வாழும் இந்தியா அவர்கள் விருப்பமானது

இதற்கு அஞ்சிய பாகிஸ்தான் காஷ்மீர் மீது படையெடுத்தது, மன்னன் ஹரிசிங் முதலில் இந்திய உதவியினை கோரவில்லை என்றாலும் பின் இறங்கி வந்தார், இந்தியா காஷ்மீரை மீட்டுதரவேண்டும் என்றார்

இந்தியாவோடு இணைய சம்மதம் என்றால் தயார் என சொன்னது இந்தியா, இந்தியா என்றால் பட்டேல், போரில் பாதி காஷ்மீர் இந்தியா வசம் ஆயிற்று, மன்னரும் கையெழுத்திட்டார்

பட்டேல் உறுதியாக சொன்னார், இதோ மன்னரின் ஒப்பந்தம் அதாவது முழு காஷ்மீரும் மன்னருடையது. மன்னர் இந்தியாவிற்கு தந்துவிட்டார், ஆக பாகிஸ்தான் தான் பாதி காஷ்மீரில் ஆக்கிரமிப்பு செய்திருக்கின்றது. நியாய நம்பக்கம் இருக்கின்றது, போர் மூலம் அதனை மீட்கலாம் என வாதிட்டார்

நேருவோ அமைதி பேர்வழி, பாகிஸ்தானிய சகோதரனிடம் பாதி காஷ்மீர் இருப்பதில் என்ன தவறு என்பது போல பேசிவிட்டு போருக்கு சம்மதிக்கவில்லை

ஐ.நா அது இது என என்னவெல்லாமோ சொல்லிகொண்டிருந்தார்.

“மிக பெரும் தவறு செய்கின்றீர்கள் நேரு, இது பிற்காலத்தில் தீரா தலைவலி கொடுக்கும்” என்ற பட்டேலின் எச்சரிக்கையினை புறக்கணித்தார் நேரு.

மனம் நொந்த பட்டேல் காந்தியினை சந்தித்து தான் அரசியலிலிருந்தும், உள்துறை அமைச்சர் பதவியிலும் இருந்தும் விலகுவதாக சொன்னார், காந்தி இதுபற்றி அடுத்தமாதம் பேசலாம் என சொல்லி சமாதான படுத்தினார்

காந்தியினை உயிரோடு சந்தித்த கடைசி பிரபலம் பட்டேல்தான்

கடும் அதிருப்தியில் சில இந்துக்கள் இருந்தபோது 1948 ஜனவரி 20ம் தேதி காந்தி மீது குண்டு வீசபட்டது , தப்பினார் காந்தி, அந்த குண்டை வீசிய மதனாலால் எனும் அகதியினை பிடித்து விசாரித்தார்கள், ஆனால் காந்தியினை கொல்ல பல குழுக்கள் அலைந்தது அப்போது யாருக்கும் தெரியவில்லை

அடுத்தம் 10ம் நாள் காந்தி கோட்சேவால் கொல்லபட்டார்

பழி எங்கு விழுதது என்றால் பட்டேல் மீது விழுந்தது, ஆம் ஆர்.எஸ்.எஸ் போன்ற அமைப்புகளை பட்டேல் கட்டுபடுத்தவில்லை, அவர்களுக்கு சாதகமாக நடந்தார். அவர்தான் கொலைக்கு பொறுப்பு என்றெல்லாம் கடும் குற்றம் சாட்டபட்டன‌

மனம் நொந்தார் பட்டேல், பாகிஸ்தான் மதவெறியில் பிரிந்தது போல இந்தியாவிலும் எறியும் மதவெறி அவருக்கு வேதனை கொடுத்தது

காந்தியின் கொலை அவர் மனதை பெரிதும் பாதித்தது , ஆனால் எந்த உணர்ச்சியும் வெளிகாட்டா இரும்பு மனிதர் அவர் அதனையும் காட்டிகொள்ளவில்லை

அடுத்து அவர் உயிரோடு இருந்தது 2 வருடங்களே

அந்த 2 வருடத்தில் பட்டேல் செய்ததுதான் உச்சபட்ச சாதனை

ஆம் 527 சமஸ்தானமாக இருந்தது பிரிட்டிஷ் இந்தியா, வெள்ளையன் வெளியேறியதும் பல தாங்கள் சுதந்திர நாடு என அறிவித்தன. அதில் ஜூனாகத் இந்தியாவோடு இணைந்தது, இன்னும் ஏராளமான பகுதிகள் குதித்தன‌

அவற்றை எல்லாம் இந்தியாவோடு சேர்த்தார், பேச வேண்டிய இடங்களில் பேசினார், மிரட்ட வேண்டிய இடங்களில் மிரட்டினார், அடிக்க வேண்டிய இடத்தில் அடித்தார்

பெரும் தொல்லை கொடுத்தது ஐதராபத் சமஸ்தானம், அதன் மன்னர் இணைய மறுத்தார், போருக்கு தயார் என்றார், பாகிஸ்தான் உதவிக்கு வரும் என்ற எண்ணம் அவருக்கு இருந்தது

அவருக்கு ஆதரவாக மேற்கு பாகிஸ்தான், கிழக்குபாகிஸ்தான் போல தெற்கில் ஒரு பாகிஸ்தான் வேண்டும் என்ற குரல்களும் எழும்பின‌

ஒருவித பரபரப்பு தொற்றிகொண்ட நேரமது, ஆனால் இந்திய படைகளுக்கு முழு உரிமை கொடுத்தார் பட்டேல் , போரில் சில அழிவுகளுடன் ஐதரபாத் இந்தியாவோடு இணைந்தது

தெற்கு பாகிஸ்தான் எனும் விஷ வித்து அன்றே பிடுங்கி தூர எறியபட்டது

இன்று நாம் காணும் சுதந்திர இந்தியாவின் முழு வடிவம் பட்டேல் எனும் இரும்பு மனிதன் கொடுத்தது

நேருவுக்கு ஏகபட்ட நல்ல குணங்கள் இருந்தாலும், பட்டேல் என்ற மாமனிதன் இல்லையென்றால் இத்தேசம் இந்த வடிவம் பெற்றிருக்குமா? என்பது சந்தேகம்

காரணம் நேரு பெருந்தன்மையான போக்கு கொண்டவர், அது தேசத்திற்கு சில பாதகங்களை கொண்டுவரத்தான் செய்யும், கொண்டு வந்தது

சீன யுத்தமே நேருவுக்கு உண்மையினை கற்று கொடுத்தது

பட்டேல் கொடுத்த எச்சரிக்கையிலேதான் போர்ச்சுகலின் கோவா, பிரான்சின் பாண்டிச்சேரி ஆகியவை பின்னாளில் நமக்கு கிடைத்தன, அதனை காண அவர் உயிரோடு இல்லை

ஆனால் அவர் இந்த அளவு அடித்து நொறுக்கி இந்தியாவினை ஒன்று சேர்க்கவில்லை என்றால் இந்த இணைப்புகள் இன்னும் தாமதமாகியிருக்கும்

ஆய்வாளர்கள் சொன்னபடி இந்தியாவின் பிரதமராக பட்டேல்தான் வந்திருக்க வேண்டும், அவர் இருந்திருந்தால் காஷ்மீர் உள்ளிட்ட பெரும் சிக்கல்கள் முளைத்தே இருக்காது

ஜூனாகத், ஐதராபாத் போல காஷ்மீரும் இன்று அமைதியாக இந்தியாவோடு இருந்திருக்கும்

பட்டேலின் நாட்டுபற்றும், அவரின் தியாக வாழ்வும் நெருப்பு போன்றது. அதில் ஒரு குறை சொல்ல முடியாது

நெருப்பில் ஏது மாசு?

நாட்டுபற்று மிக்க ஆர்.எஸ்.எஸ் இயக்கத்தின் மீது, காஷ்மீர் போரின் பொழுது நாட்டுபற்றை பேசிய அந்த ஆர்.எஸ்.எஸ் இயக்கத்தை அவருக்கு பிடித்திருந்தது

இந்திய பாகிஸ்தான் பிரிவினையின் பொழுது அகதிகளாய் ஓடிவந்தவர்களுக்கு முகாம் அமைத்து உதவிய அந்த ஆர்.எஸ்.எஸ் இயக்கத்தை அவருக்கு பிடித்தது

இது நாட்டுபற்று மிக்க எல்லோருக்கும் வரும் உணர்வு, பட்டேலுக்கும் வந்ததில் ஆச்சரியமில்லை, வராவிட்டால்தான் ஆச்சரியம்

ஆனால் காந்தி கொலைக்குபின் அவர் பார்வை மாறுபட்டது, அதன்பின் அவர் தீரா போராட்டம், உழைப்பு என பரபரப்பாக தேசத்திற்கு வடிவம் கொடுத்து கொண்டிருந்தார், ஆர்.எஸ்.எஸ் பக்கம் எல்லாம் செல்லவில்லை

இந்த நாட்டின் உண்மையான பாதுகாவலர்கள் ஐ.ஏ.எஸ் ஐபிஎஸ் அதிகாரிகள் என நம்பினார் பட்டேல், அவர்கள் பணி அரசியல்வாதிகள் குறுக்கிடாமல் நடந்தால் ஒழிய இத்தேசம் நன்றாக இயங்காது என்பது அவரின் கொள்கை

அது மகா உண்மையானதும் கூட‌

இத்தேசத்தின் உண்மையான சவால் சுதந்திரத்திற்கு பின்பே இருந்தது, இத்தேசம் இரண்டல்ல இரண்டாயிரம் துண்டாக உடையும் என உலகம் நம்பிகொண்டிருந்தது

அதனை எல்லாம் பொய்யாக்கி, இந்த மாபெரும் தேசத்தை அமைத்து கொடுத்த அந்த மாபெரும் மனிதனுக்கு இன்று பிறந்த நாள்

பிரதமராகும் வாய்பிருந்தும் கொஞ்சமும் சுயநலமின்றி உள்துறையில்தான் இத்தேசத்தை காக்கும் வாய்ப்பு உண்டு என சொல்லி ஏற்று அதனை சாதித்தும் காட்டியம் மாமனிதர் பட்டேல்

இத்தேசத்தின் சர்தார் எனும் சொல்லுக்கு மிக பொருத்தமானவர் அவர். ஆம் இத்தேசத்தின் தலைவன் அவரே தான்.

இத்தேசம் காலம் தந்த அந்த மாமனிதனை அவர் பிறந்தநாளில் வாழ்த்தி வணங்குகின்றது

 

அமெரிக்காவை விட கூடுதல் நடவடிக்கை மேற்கொள்ளப்பட்டது

Image may contain: 1 person, text

“மிஸ்டர் டிரம்ப்

அமெரிக்காவினை இந்த அமைச்சர் எப்படி கேவலபடுத்துகின்றார் பார்த்தீர்களா? இப்படி யாராவது அமெரிக்காவினை அசிங்கபடுத்தியிருக்கின்றார்களா?

எங்களுக்கென்னவோ நீங்கள் பதவிக்கு வந்தபின்புதான் இவர்கள் இப்படி எல்லாம் பேசுகின்றார்கள் என தோன்றுகின்றது

எவ்வளவு பெரும் அமெரிக்க அவமானமிது?

உடனே பின்லேடனை தூக்கிய ஸ்டைலில் வந்து இவர்களை தூக்கிகொண்டு செல்லுமாறு உங்கள் சீல் படைக்கு உத்தரவிடுங்கள்

இல்லாவிட்டால் டிரம்பினை விட நல்லாட்சியினை பழனிச்சாமி கொடுக்கின்றார் என்ற அளவு பேசுவார்கள், அதனை கேட்டு உங்களுக்கு மாரடைப்பு வரலாம், வடகொரிய அதிபர் எல்லாம் சிரிப்பார்

அதனால் உடனே ஏதாவது செய்து , இந்த அமெரிக்க அவமானத்தை களையுங்கள்”


அமெரிக்காவில் தேங்கும் அளவுக்குக் கூட சென்னையில் மழைநீர் தேங்கவில்லை: அமைச்சர் வேலுமணி

முதலில் இவரை கழுத்தை பிடித்து அமெரிக்க விமானத்தில் அங்கே அனுப்பி வைக்க வேண்டும்

எப்படிபட்ட பொய் இது?

மழைபொழிவு நன்கு கொண்ட நாடு அமெரிக்கா, ஆனால் ஒரு சொட்டு நீர் சாலைகளிலும் தெருக்களிலும் தங்காது அப்படி பார்த்து திட்டமிட்டு கட்டியிருக்கின்றார்கள், அதைவிட முக்கியம் பராமரிக்கின்றார்கள்.

சிங்கப்பூர் மிக சிறிய நாடு, ஒரே நகரம் சிங்கப்பூர் தலைநகரம் வால் நகரம் எல்லாம் அதுதான், அப்படி வைத்திருக்கின்றார்கள்

அமெரிக்கா மிகபெரிய நாடு, ஆனால் முக்கிய நகரங்களை மிக திட்டமிட்டு பராமரிக்கின்றார்கள், மிகுந்த தொலைநோக்கு கொண்டு செயல்படுகின்றார்கள், கிராமங்களும் மோசமல்ல‌

மிகபெரிய தேசம் என்பதால் மிக சில இடங்களில் சில சிக்கல்கள் இருக்கலாம், அவை எல்லாம் தொலை தூரபகுதிகள்

இங்கே சென்னை நிலவரம் என்ன? மகா முக்கியமான நகரின் நிலவரம் என்ன?

வாஷிங்டன்னையும் சென்னையினையும் ஒப்பிட்டு சொல்ல சொன்னால், சென்னையினையும் அமெரிக்காவில் கரடிகள் வாழும் காட்டையும் ஒப்பிட்டு சொல்லும் அமைச்சரை என்ன சொல்வது?

சென்னை நிலவரம் எப்படி என சொல்லி தெரிய வேண்டியதில்லை, பேருந்துகள் நீந்துவதும் இன்னும் எதுவெல்லாம் நீந்துவதும் ஒன்றும் ரகசியமல்ல‌

சென்னையில் இருக்கும் அமெரிக்க தூதர் இதனை கேட்டால் வாய்விட்டு சிரிக்க மாட்டாரா?

நாளை இன்னொரு விஷயத்தில் அமெரிக்க அளவிற்கு கூவம் மோசமில்லை என கூசாமல் சொன்னால் அமெரிக்கா பொறுக்குமா?

எப்படி இப்படி எல்லாம் இப்படி மகா பொய்களை சொல்கின்றார்கள் என தெரியவில்லை

ஒரு அமைச்சர் சிங்கப்பூர் அளவிற்கு டெங்கி இல்லை என்கின்றார், இன்னொருவர் அமெரிக்க அளவிற்கு இங்கு நீர் மேலாண்மை என்கின்றார்

முதல்வரோ ஸ்காட்லாந்து யார்டை விட தமிழக போலிஸ் பெஸ்ட் என்கின்றார்

ஆளாளுக்கு அள்ளி விடுகின்றார்கள்

இந்த சனியன்களுக்கு உலகம் என்றால் என்ன என்றே தெரியாது போல‌

போயஸ்கார்டனுக்குள் வளர்ந்த குஞ்சுகள் இப்படித்தான் இருப்பார்கள் போல‌

ஜெயாவிற்கு ஏன் நோபல் பரிசு கேட்டார்கள் என்பது இப்பொழுதுதான் புரிகின்றது, அவ்வளவு அப்பாவிகள் இவர்கள்

முதலில் ஒரு விமானத்தில் இவர்களை ஏற்றி உலகெல்லாம் அனுப்ப வேண்டும், நல்ல அனுபவத்தோடு அவர்கள் திரும்ப வந்தால் நல்லது

அந்த விமானம் மலேசிய விமானம் போல மர்மமாக ஒழிந்தால் இன்னும் ரொம்ப நல்லது.


 

மலேசியாவில் இருந்து மணல் இறக்குமதி செய்ய முடிவு

அந்த செய்தி விஸ்வரூபமாகின்றது

அதாகபட்டது, தமிழகத்தில் மணற்கொள்ளை உலகறிந்தது. எல்லா ஆறுகளும் சுரண்டபட்டாயிற்று, இனி சுரண்ட வழியே இல்லை

இனி மணல் வேண்டுமென்றால் சில அரசியல்வாதிகள் மண்டையினைத்தான் உடைக்க வேண்டும், அதுவும் களிமண் இருக்குமே தவிர, கட்டடம் கட்ட கூடிய மண் இருக்காது.

இந்நிலையில்தான் மலேசியாவில் இருந்து மணல் இறக்குமதி செய்ய கட்டடம் கட்டுவோர் முடிவெடுத்தனர், முதற்கட்டமாக 50 ஆயிரம் டன் மணல் தூத்துகுடிக்கு வந்திருக்கின்றது

தமிழக மணல் விலையில் இது பாதி என்பது குறிப்பிடதக்கது

இதனால் வீட்டு வேலை உட்பட கட்டட செலவுகள் கணிசமாக நிச்சயம் குறையும்

ஆனால் மணல் வியாபாரிகள் விடுவார்களா? அவர்கள் பிழைப்பில் மண் விழ விடுவார்களா?

இந்த மலேசிய மணல் , மண் வியாபாரத்தில் ஈடுபட்டிருக்கும் பலர் கண்களில் மணலை தூவியிருக்கின்றது அவ்வளவுதான் அரசியல் விளையாட்டு ஆரம்பமாயிற்று

தூத்துகுடி துறைமுகத்தை விட்டு மணலை எடுக்க முடியவில்லை

இதிலிருந்து என்ன தெரிகின்றது?

பதவியில் இருக்கும் பல அமைச்சர்களுக்கு மணல் வியாபாரம் இருக்கின்றது, மலேசிய மண் அதனை கெடுப்பதை அவர்கள் விரும்பவில்லை என்பது தெரிகின்றது

மொத்தத்தில் மண்வாரி இறைத்துவிட்டு மண்ணாய் போங்கள் என சொல்லிவிட்டு கிளம்பவேண்டிய விஷயமிது

பதிவிடுகின்றேன் என சொல்லி எல்லா இடத்திலும் வம்பிழுத்தாயிற்று

பதிவிடுகின்றேன் என சொல்லி எல்லா இடத்திலும் வம்பிழுத்தாயிற்று, இப்பொழுது கூட “கமுதி பஸ்ஸ்டாண்ட்டுக்கு வாடா..” என புறா விடு தூது எல்லாம் அனுப்புகின்றார்கள்

நாதக, திக, திமுக ஸ்டாலின் அணி, அதிமுக எல்லா அணி, பக்தாள், தலித் சங்கம், பிராமணாள் சங்கம் , தமிழிசை கோஷ்டி என ஒரு இடம் பாக்கியில்லாமல் பகை வந்தாயிற்று.

பிரிவினை கிறிஸ்தவர், இஸ்லாமியர், சில இந்துக்கள் எல்லாம் ஓன்றாக அடிக்க வரும் அற்புத காட்சியெல்லாம் தெரிகின்றது.

இதில் அஜித், விஜய், ராமசந்திரன் கோஷ்டிகளும் இணையலாம்

நம்மை போட்டு சாத்த மட்டும் இவர்கள் எல்லாம் ஓரணியில் திரளுவார்கள் போல, அவ்வளவு கோபம் இருப்பது போல் தெரிகின்றது.

ஊருக்கு வருவது பற்றி பலமுறை யோசிக்க வேண்டியிருக்கின்றது

என்ன செய்யலாம்? ஆம் அதேதான்

வியப்பும் திகைப்பும் நிறைந்த பயணம் மேற்கொள்ள வேண்டியதுதான்

கொழும்பு வழியாக பெங்களூர் வந்து, கன்னத்தில் மரு வைத்துகொண்டு, கூலிங் கிளாஸ் போட்டு கொண்டு, தலையில் தொப்பி போட்டு கொண்டு சென்னைக்கு வரவேண்டியதுதான்.

இதனை யாராலும் கண்டுபிடிக்க முடியாது.

இத்திட்டத்தை முன்பே சொல்லி வழிகாட்டிய அங்கிள் சைமன் வாழ்க‌


 கொசுறு
என்னுடைய திருமணத்தை பெரியார் சுயமரியாதை முறையில் நடத்தி வைத்தார், எனக்கு என்ன குறை? : கி.வீரமணி

 

அதானே, பெரியாரின் பல்லாயிரம் கோடி சொத்துக்கள் உங்களிடம் இருக்கும் வரை உங்களுக்கு என்ன குறை?

அந்த சொத்துக்களை விட்டுவிட்டு பகுத்தறிவு பேசுங்கள் பார்க்கலாம்?


 

குஷ்பு ரசிகர்கள் கொஞ்சம் அச்சத்திலே உள்ளனர்

Image may contain: one or more people and people sitting

சென்னை கடும் மழை அச்சமூட்டும் விஷயம்தான், குஷ்பு அங்கிருப்பதால் உலகெல்லாம் உள்ள ரசிகர்கள் கொஞ்சம் அச்சத்திலே உள்ளனர்

ஆனால் எவ்வளவு வெள்ளம் வந்தாலும், ரசிக கண்மணிகள் பாகுபலி பிரபாஸ் போல நின்றுகொள்வார்கள், அவர்கள் மேல் கால் வைத்து தலைவி அட்டகாசமாக வெள்ளத்தை கடந்து செல்லலாம் என்ற திட்டம் Sadhu Sadhath அவர்களால் கொடுக்கபட்டு சங்கத்தால் பரிசீலிக்கபடுகின்றது

ஒருவேளை நிலமை சிக்கலானால் அது நடைமுறைபடுத்தபடும் என சங்கத்து சார்பில் தெரிவிக்கபடுகின்றது

 

சென்னையில் மழை தொடங்கிவிட்டது

சென்னையில் மழை தொடங்கிவிட்டது, மக்கள் குழுக்களாக பிரிந்து ஒருவேளை பெருவெள்ளம் வந்துவிட்டால் எதிர்கொள்வது எப்படி என கிளம்பிவிட்டார்கள்

ஒரு தலைவன் இருந்து நடத்துவதாக தெரியவில்லை, மாறாக மக்கள் குழுக்களாக அதனை செய்கின்றார்கள், 2015 வெள்ள அனுபவ எச்சரிக்கை அவர்களை அதனை செய்ய வைக்கின்றது

உண்மையில் மகா ஆச்சரியமான விஷயம் இது, இந்நகரத்து யதார்த்தத்தை புரிந்துகொண்டார்கள், நமக்கு நாமே என கிளம்பிவிட்டார்கள்

மனிதநேயம், திட்டமிடல், தங்களை தற்காத்து கொள்ளும் துணிச்சல், மத இனங்களை கடந்து இயற்கை சீற்றத்தில் எப்படி நிற்க வேண்டும் என உலகிற்கே பாடம் நடத்துகின்றார்கள்

நிச்சயம் பாராட்டபட வேண்டிய விஷயம் இது

ஒன்று புரிகின்றது, ஒரு அரசு இருப்பதாகவோ அல்லது ஒரு மாநகராட்சி இருப்பதாகவோ யாரும் சட்டை செய்யவில்லை

அது மகா உண்மை என்பது போல அரசும் அதுபோக்கில் உறங்கிகொண்டிருக்கின்றது, உருப்படியான எந்த நடவடிக்கையும் காணோம், விடுமுறை அதனால் எல்லோரும் வீட்டில் முடங்குங்கள் என சொல்லிவிட்டு அவர்கள் போக்கில் இருக்கின்றார்கள்

மழை பெய்தால் விடுமுறை விடும் அளவிற்கு கட்டமைப்பு வசதிகள் உள்ளது என்பது மாபெரும் வெட்ககேடு, தலைகுனிவு.

மக்களோ கொஞ்சமும் முடங்காமல் நமக்கு நாமே என கிளம்புகின்றார்கள், எங்களை காப்பாற்றிகொள்ள்ளும் வழி எமக்கு தெரியும் என முந்தி நிற்கின்றார்கள்.

மாநில அரசுக்கு இதனை விட பெரும் அவமானம் ஏதுமில்லை,

கொஞ்சமேனும் சிந்திக்கும் திறனும் மான உணர்ச்சியும் இருந்தால் ஜெயா சமாதியில் விடியற்காலையில் ராஜினாமா கடிதம் எழுதி வைத்துவிட்டு எங்காவது ஓடிவிடலாம், அவ்வளவு பெரும் அவமானம் இது

இப்பொழுது ஆளும்வர்க்கத்திற்கு இந்த அவமானம் புரியாவிட்டாலும், மழை வலுத்து வெள்ளம் வந்தால், “மந்திரி சபையும் முதல்வரும் எங்களை தொடர்பு கொண்டால் மீட்டு வந்து தங்க இடமும் ,
உணவும் தருவோம்” என மக்கள் சொல்லும்பொழுது நிச்சயம் புரியும்

அதற்குத்தான் தயாராகின்றார்கள் சென்னை மக்கள்.

இந்த எழுச்சிமிக்க சென்னையினை இனி மழைவெள்ளம் என்ன? வட கொரிய அதிபர் கூட மிரட்ட முடியாது.