ஏன் இந்த இரட்டை வேடம்?

கனிகளிலே அவள் மாங்கனி மலர்களிலே அவள் மல்லிகை…

Image may contain: 1 person, standingதனக்கு மிக பிடித்த படம் இதுவென தலைவி இன்று காலை 12.29 மணிக்கு அறிவித்துவிட்டார்

இனி இப்படம் சங்கத்து முத்திரையாக அறிவிக்கபடுகின்றது, ரசிக கண்மணிகள் வீட்டை எல்லாம் அலங்கரிக்க போகும் படமிது.

ரவிவர்மன் வரைந்த ஓவியத்தின் சாயலில் இதனை படமெடுத்தார்களாம், ரவி வர்மன் இவ்வளவு அழகான ஓவியத்தை வரைய முடியாமல் ஏதோ வரைந்திருக்கின்றான்

ஆக ரவிவர்மனாலும் வரைய முடியாத பெரும் அழகு பெட்டகம் குஷ்பூ என வரலாறு குறித்துகொள்கின்றது.

சங்கம் இதனை எண்ணி பெரு மகிழ்ச்சி கொள்கின்றது.

“கனிகளிலே அவள் மாங்கனி
மலர்களிலே அவள் மல்லிகை….”

படமெடுத்தவர் ஏதோ வெங்கட்ராம் என்பவராம். அவர் தலைவியிடம் ரவிவர்மன் படங்களை பார்க்கும்பொழுதெல்லாம் குஷ்பூ நினைவு வரும் என சொல்லித்தான் இந்த படமெடுக்க அனுமதி வாங்கினாராம்

அன்ன்னாரை சங்கம் பொற்குவியலுடன் வரவேற்க காத்திருக்கின்றது, அந்த வெங்கட்ராம் எங்கிருந்தாலும் உடனே சங்கத்தில் வந்து இணைய அழைக்கின்றோம்

(இந்த செய்தி விகடனில் வந்தது, இப்பொழுதெல்லாம் விகடன் மிக பொறுப்பாக பணி செய்கின்றது. சங்கத்தின் சார்பாக வாழ்த்துக்கள்)

 

முன்னாள் ராணுவ மேஜர் ஷியோனன் சிங் யாழ்பாணத்தில் பேட்டி

Image may contain: one or more people, cloud, sky, tree, outdoor and natureமிக உக்கிரமான தாக்குதலில் உயிர்தப்பிய ஒருவரை 30 ஆண்டுகள் கழித்து அந்த இடத்திற்கு அழைத்து சென்றால் எப்படி இருக்கும் , அப்படி ஒரு நினைவில் பேட்டி கொடுத்திருக்கின்றார் முன்னாள் ராணுவ மேஜர் ஷியோனன் சிங்

அதாவது 1987ல் இலங்கைக்கு என்ற அமைதிபடை மேஜர் அவர், 32 மாதம் அங்கிருந்திருக்கின்றார். சமீபத்தில் யாழ்பாணம் சென்று பேட்டி கொடுத்திருக்கின்றார்

இந்த இடத்திற்கு உயிரோடு வருவேன் என நினைக்கவேயில்லை என்று அவரின் பேட்டி தொடங்குகின்றது.

அவர் பேட்டியின் சுருக்கம் இதுதான்

“இந்திய ராணுவம் யுத்தம் நடத்த செல்லவே இல்லை. இந்திய ராணுவத்தை இலங்கை எதிர்க்காது என்பதால் அவர்களும் அமைதி, போதுமான வெடிமருந்தோ தகவல் தொடர்பு கருவிகளோ நாங்கள் கொண்டு செல்லவில்லை.

உண்மையினை சொல்லவேண்டுமென்றால் யாழ்பாணம் அன்றே வசதியாக இருந்தது, எங்கள் நாட்டில் கிடைக்காத மின்னணு பொருள் எல்லாம் கிடைத்தன, அதனை வாங்க வந்த உல்லாச பயணம் போலவே இருந்தது

யாழ்பாணம் பற்றிய மேப் கூட எங்களிடம் கிடையாது, அப்படித்தான் சென்றிருந்தோம்.

புலிகளுக்கும் எங்களுக்கும் தொடக்க காலம் நன்றாக இருந்தது, எங்கள் முகாம்களுக்கு எல்லாம்Image may contain: one or more people, people standing, grass, sky, outdoor and natureஅடிக்கடி வந்து எங்கள் ஆயுதம் எல்லாம் பார்ப்பார்கள், நாங்கள் அவர்களை நம்பினோம்

அவர்கள் வந்தது உறவு பாராட்ட அல்ல, மாறாக ஆயுதங்களை நோட்டமிட என்பது பின்னர்தான் புரிந்தது, நம்ப வைத்து கழுத்தறுத்தனர்

நாங்கள் பதிலுக்கு தாக்கமுடியா வண்ணம் மக்கள் கூட்டத்தில் புகுந்துகொள்வர், நாங்கள் திருப்பி தாக்கியிருந்தால் ஒன்றும் மிஞ்சியிருக்காது.

ஒரு விஷயம் சொல்லவேண்டும், எங்களை விட அதி நவீன ஆயுதங்கள் அவர்களிடம் இருந்தன, முழுக்க அது அந்நிய நாட்டு தயாரிப்பு. எப்படி அவர்களுக்கு அம்மாதிரி ஆயுதங்கள் கிடைத்தன என தெரியவில்லை

மிக மிக மோசமான வகைகளில் எல்லாம் எங்களை தாக்கினர், 1200 வீரர்கள் அப்படி எதிர்பாரா நேரத்து தாக்குதலில் செத்தனர், நேருக்கு நேர் புலிகள் மோதியது இல்லை

நாங்கள் பயிற்சியளித்த புலிகள் எங்களையே தாக்குவதை நம்பவே எங்களுக்கு சில மாதமானது அப்படி ஒரு அதிர்ச்சி

என் சகாக்களை கூட நான் இழந்தேன், இன்னும் பலரை இழந்தேன், புலிகள் எங்களுடன் மோதியிருக்க கூடாது

யுத்த தயாரிப்போடு எங்களை அனுப்பியிருந்தால் நடந்திருப்பதே வேறு, ஆனால் ஒரு தயாரிப்புமின்றி, அவர்கள் எதிர்க்க மாட்டார்கள் என நம்பி சென்றதே எமது ராணுவ இழப்பிற்கு காரணம்”

இப்படி நினைவு கூர்ந்திருக்கின்றார் மேஜர்

படத்தில் அவர் காணும் காட்சி என்ன தெரியுமா?

இந்த இடத்தில்தான் புலிகள் பரப்பிவிட்ட தவறான தகவலை நம்பி இந்திய படை களமிறங்கியது, சூழ்ந்து நின்று புலிகள் சுட்டதில் 200 வீரர்கள் செத்தனர்

அவர்கள் உடலை மிக மிக அவமரியாதையாக ஒப்படைத்தனர் புலிகள்

அந்த இடம் எந்த இந்திய ராணுவ வீரனும் மறக்க கூடிய இடமல்ல‌

உண்மையில் மேஜர் அங்கு வீரவணக்கம் செலுத்துகின்றார், அவரோடு கூட நாமும் செலுத்தலாம்

அந்த 1200 வீரர்களுக்கு சென்னை மெரீனாவில் ஒரு நினைவிடம் கட்டியே தீரவேண்டும், அவர்கள் தியாக அடையாளம் நிலைபெற வேண்டும்.

 

நடராஜன் என்ன நாட்டு தியாகியா?

மறுபடியும் தான் ஒரு அவசர குடுக்கை என நிரூபித்திருக்கின்றார் சசிகலா

15 நாள் பரோல் எதற்கு? கணவனை நலம் விசாரிக்க 3 நாள் போதாதா என கேட்கமாட்டார்களா?

கொஞ்சம் அவசரபடாமல் இருந்திருந்தால் நிச்சயம் சிறைக்கோலம் உடனே கிட்டியிருக்காது, முதலமைச்சராக அவர் காட்டிய அவசரமே அவரின் சிக்கலுக்க்கு காரணம்

அது இருக்கட்டும்

அம்மணிக்கு எதற்கு பரோல்? ஒரு பர்தாவினை மாட்டிவிட்டு கிளம்பிவிட வேண்டியதுதானே?


நடராஜன் உறுப்பு மாற்ற சிகிச்சைக்கு தமிழக அரசு ஒத்துழைகவில்லை : சீமான் ஆக்ரோஷம்

ஏம்பா சைமன், அந்த ஜெயா மர்ம சாவு பற்றி ஏதாவது சொல்லியிருக்கின்றீரா? நடராஜனுக்கு ஏன் இத்தனை துடிப்பு?

நடராஜன் என்ன நாட்டு தியாகியா? இல்லை பலமுறை முதல்வராக இருந்தவரா?

அவருக்கு உடல்நலம் இல்லாமல் போனது கடந்தவாரத்திலா?

6 ஆண்டுகாலம் ஜெயா ஆட்சிதான் நடந்தது, அவருடனே சசிகலாதான் இருந்து ஆட்சி செய்தார். அப்பொழுது செய்திருக்க முடியாதா?

சசிகலா ஆதிக்கம் முடிந்து சில மாதங்கள் கூட ஆகாத நிலையில், அப்பொழுது செய்யாத சிகிச்சையினை பழனிச்சாமி ஆட்சியில்தான் செய்ய முடியுமா?

ராஜிவ் கொலைக்கு சிலநாட்கள் முன்பாக வெளிநாடு பறந்தவர் நடராஜன், இன்னும் பல வெளிநாட்டு பயணங்களை செய்தவர் அவர்

ஏன் சிகிச்சைக்காக அவரால் செல்ல முடியாதா?

ஏதோ நடக்கின்றது, நடராஜனுக்கு ஏதோ நடந்து அது பழனிசாமி மீது பழியினை போட திட்டம் நடக்கின்றது.

நடராஜனுக்கு ஒன்று என்றால் அங்கிள் சைமன் பொங்குகின்றார் அல்லவா?

இதுதான் முதலாளிபாசம் விசுவாசம் என்பது.

இன்னும் பாருங்கள் யாரெல்லாம் பொங்கிகொண்டு வருவார்கள் என்று, அவர்கள் அனைவரும் கலைஞரை திட்டியவர்களாகவும், இப்பொழுது மோடியினை திட்டி கொண்டிருப்பவர்களாகவும், பிரிவினைவாதம் பேசியவர்களாகவும் இருப்பார்கள்

அத்தனை பேருக்கும் படியளந்தவர் அந்த நடராஜன் என்பதுதான் இனி காணபோகும் காட்சி.


மா. நடராசனுக்கு உறுப்பு மாற்று சிகிச்சை வெற்றிகரமாக நடந்ததாக அவரின் அல்லக்கைகள் சொல்லிகொண்டிருக்கின்றன‌

உறுப்பைத்தானே மாற்ற முடியும்? அவரின் இயல்பான குணத்தையா மாற்ற முடியும்?

ஆனாலும் ராமசந்திரனுக்கும் தான் உறுப்பு மாற்ற சிகிச்சை நடந்தது, அதன் பின் என்ன ஆனது என உலகிற்கே தெரியும்

அது திமுகவில் இருந்து உருவிய கட்சி என்பதால் அதன் தலைவர்களுக்கு எல்லாம் உறுப்புகள் மாற்றபட்டு கொண்டே இருக்கின்றன‌

அடுத்த தலைவர் என சொல்பவர்கள் இதனை கவனித்துகொண்டு இப்பொழுதே உறுப்புகளுக்கு ஆர்டர் கொடுப்பது நல்லது.

மிஸ்டர் பழனிச்சாமி புரிகின்றதா?

சிவாஜி கணேசனுக்கு சில சென்டிமெண்ட் உண்டாம், அதனால் நீங்கள் மணிமண்டபம் திறக்க செல்லவில்லையாம்

அதிமுகவிற்கும் இப்படி “தலைவர்கள் கண்டம்” எனும் சென்டிமென்ட் உண்டு, கவனித்துகொள்ளுங்கள் .


ஷாஜகான் இந்திய பெரும் அடையாளம்

Image may contain: outdoorஇதுவரை உலகம் கண்ட மன்னர்களில் பெரும் பெயரும் வீரமும் பெற்றவர்கள் அதிகம், ஆனால் வாழ்வாங்கு வாழ்ந்து முத்திரை பதித்தவர் குறைவு.

32 ஆண்டு வாழ்ந்த அலெக்ஸ்ஸாண்டர் 15 ஆண்டுகாலம் போரிலே கழித்தவர், அனுபவித்து வாழ்ந்திருக்கவேண்டிய ஜூலியஸ் சீசரும் அண்டனியும் கிளியோபாட்ராவிற்காகவே இறந்தார்கள,

நெப்போலியன் ஒரு அறை ஒரு கட்டில், 4 புத்தகம் என எளிய வாழ்க்கை வாழ்ந்தவன்

இந்திய அரசர் அசோகரோ ஒரு துறவியின் மனநிலைக்கு மாறினார், தென்னிந்திய மாபெரும் அடையாளம் ராஜராஜ சோழனின் அரண்மனை இருந்த இடம்கூட தெரியவில்லை.

(தமிழக மன்னர்கள் ஆலயம் கட்டி, அதிலொரு மூலையில் அவை நடத்தினார்களே தவிர, தனக்கான மாளிகை கட்டவில்லை)

அதாவது குருபகவான் உச்சியில் இருந்தாலும், சுக்கிரன் அதளபாதாளத்தில் தலைகீழாக கிடந்தார், எதனையும் அனுபவிக்க விடவில்லை.

ஆனால் உலகிலே வாழ்வாங்கு வாழ்ந்த முதல் மன்னன் சாலமோன், சாலமோன் மகா ஞானி, யூதரல்ல்வா? அதுவும் வரம்பெற்ற யூதன், ஒரு காலமும் இனி யாரும் தொடமுடியாத உயரம் அவர், அவர் கட்டிய ஆலயமும், அவர் அமைத்த சிம்மாசனமும், அவருக்கு மங்கா புகழ் கொடுத்தன என்பார்கள்.

மகா ஆச்சரியமாக ஷாஜகானுக்கும் அதே வாய்ப்பு கிடைத்தது, விசித்திரமான வரலாறு அது.

அவரின் முப்பாட்டன் காலத்திலே இந்தியாவில் மொகல் ஆட்சி தொடங்கிற்று, ஷாஜகான் 5ம் மன்னராக ஆட்சிக்கு வரும்பொழுது அது பெரும் சக்தி ஆயிற்று, எதிரி என யாருமில்லை, வியாபார வெள்ளையர் வரை அவனுக்கு வரி கட்டினர், எதிரியே இல்லாத பணக்கார மன்னன் என்ன செய்வான்?

அதுவும் அவனுக்கு கலைமனமும் ரசிக்கும் தன்மையும் இருந்தால்? கொஞ்சம் தனது பெயர் நிலைக்கவேண்டும் எனும் ஆசையும் இருந்தால்?

ஆயிரம் ரூபாய் நன்கொடை கொடுத்துவிட்டு எனது பெயர் ஏன் கல்வெட்டில் வரவில்லை என கேட்பவர்கள் நிறைந்த உலகிது, ஒரு டியூப்லைட் வாங்கி அன்பளிப்பாக கொடுத்தாலும் அதில் பெயர் பதிப்பார்கள் அல்லவா?
அவன் மன்னனாக இருந்தால் கட்டங்களை அமைப்பான், அப்படித்தான் ஷாஜகானும் அமைத்தார்.

No automatic alt text available.

மாதிரி மயிலாசனம்

இன்று டெல்லியின் பெரும் அடையாளமான செங்கோட்டை ஆகட்டும், பாகிஸ்தானின் லாகூரின் அழகான கட்டங்களாகட்டும், டில்லி பெரிய பள்ளிவாசலாகட்டும், ஜஹாங்கீரின் அழகிய சமாதி, ஷாலிமர் தோட்டங்கள் என அவர் ரசித்து ரசித்து உருவாக்கிய கலை வடிவங்கள் காலத்தை கடந்தவை.

அதனினும் டெல்லி அரண்மனை இன்றளவும் கலைநயத்திற்கு சவால் விடுவது, ஆசியாவின் மிக அழகான அரண்மனை என முதலிடத்தில் இருப்பது.

அவற்றை எல்லாம் பாருங்கள், ஒரு விதமான ஈர்ப்பு கிடைக்கும், மனம் அதில் ஏதோ ஒரு நிறைவை காணும், இதுதான் ஷாஜகானின் கலை மனம்.

அப்படித்தான் ஆசை மனைவி, 12 உயிர் காதலி (மும்தாஜின் ஆருயிரும் இவரிடம்தான் இருந்தது) மும்தாஜிற்காக அவர் கட்டிய தாஜ்மகால் உலக பிரசித்தி பெற்று என்றென்ன்றும் நிலைத்து நிற்பது, உலகிற்கு காதலின் சின்னமாய் இந்தியா கொடுத்த அற்புத அடையாளம் அது.

அதை காணவேண்டும் என ஆசையில்லாத முற்றும் துறந்த முனிவர்கள் கூட அரிது.

தாஜ்மகாலை போலவே ஷாஜகானின் இன்னொரு மாபெரும் அடையாளம் “மயிலாசனம”, அதாவது அழகான ஒரு அரியணையை சுத்ததங்கத்தில் செய்து (இரு மயில்கள் இணைந்திருக்கும் தோற்றமது), அதை நவரத்தினங்களால் அழகுபடுத்தி அதன் உச்சத்தில் கோஹினூர் வைரத்தை பதித்து, முத்துக்களால் வெண்கொற்றகுடை செய்து உலகின் மிக அழகான அல்லது விலைஉயர்ந்த அரியாசனமாக அதனை அமைத்தார்.

உலகெல்லாம் இருந்து அதனை காண்பதற்கே மன்னர்கள் வந்து பெருமூச்சு விட்டார்கள் என்பது வரலாறு, பின்னாளில் மொகல்வம்சம் சிதற ஈரான் மன்னன் வந்து முதலில் தூக்கியது அந்த மயிலாசனத்தைதான், இன்றுவரை அதன் முடிவு தெரியவில்லை, ஈரானில் இன்று காட்டபடும் மாதிரி கூட அதன் அழகில் கால்வாசியில் செய்யபட்ட போலி ஆசனம்தான்,

அதாவது இப்படித்தான் இருந்திருக்கும் என்பது இப்போது காட்டபடும் மயிலாசனம், உண்மை மயிலாசனத்தின் கால்வாசி அழகுதான், ஆனால் அதுவே மகா உச்சம்.

அந்த போலி மயிலாசனத்தை கூட இந்தியாவிடம் ஈரான் ஒப்படைக்கவேண்டும் என கோரிக்கைகள் முன்பு எழும், இப்பொழுது அகண்ட பாரதம், கோட்ஸே என சர்ச்சைகள் எழும் நேரம், அது ராமரின் ஆசனமாக இருந்தால் கிளம்பி இருப்பார்கள், ஷாஜகான் ஆசனம் எப்படி? இனி அவ்வளவுதான்.

ஆனால் இந்திய செல்வத்தை உலகிற்கு காட்டியது மயிலாசனம். தாஜ்மஹால் இந்தியாவில் கலை அழகினை காட்டுவது, செங்கோட்டை ஒரு கம்பீரத்தை காட்டுவது,

இம்மூன்றும் ஷாஜகானால் அமைக்கபட்டது என்பதுதான் பெருமைபடதக்கது.

இன்றுவரை இந்திய அரசின் திருவிழாக்கள் அந்த செங்கோட்டையில்தான் கொண்டாடபடுகின்றது.

அப்படி அழிக்க முடியாத முத்திரை பதித்து 15ம் நூற்றாண்டிலே இந்தியாவை அற்புதமான கலைகளஞ்சியமாக உருவாக்கினான்.

ஆனால் இறைவன் சோதிப்பவன் அல்லவா?, அப்படித்தான் கலைமனம் படைத்த மன்னர்களையும் சோதித்தான், கடைசிகாலத்தில் அவர்களை மிக மிக சோகமாகவே இறக்க வைத்தான்.

அந்த விளையாட்டிற்கு முதலில் கிடைத்தவர் மாமன்னன் சாலமோன், அவர் அமைத்த முதலாவது யூத ஆலயம் அந்நாளைய உலகின் அழகான கட்டங்களுள் ஒன்று, தங்கத்தாலும் உயர்தர மரத்தாலும் அழகான கற்களாலும் அவர் அமைத்த அழகிற்கு எந்த தெய்வமும் அதன் முன்னால் வந்து அமரும் என்பார்கள்,

அந்த ஆலயத்திற்கு அடுத்து பெரும் புகழ்பெற்றது அவரின் சிம்மாசனம், இரு சிங்கங்களின் உருவம் மீது பல படிகள் அமைத்து அவரும் தங்கத்தில் அதனை உருவாக்கியிருந்தார், அதன் சிறப்பும் உயர்ந்தது.

இப்படியாக கட்டத்திலும் அரியணையிலும் அழகை தேடிய இருவரும், அதனை அமைப்பதில் உலகபுகழ்பெற்று காலத்தை மிஞ்சி முத்திரையிட்ட இருவரின் இறுதிகாலமும் மாகா சோகமானது

வாரிசு போட்டியாலும், மனங்கவர் காதலிகளாலும் தடுமாறி சோகமாகவே இறந்தார் சாலமோன், இறுதிகாலம் மகா நொந்த மனது அவருடையது. இவ்வளவிற்கும் அவர் மாபெரும் ஞானி, தீராபுகழ்பெற்ற தீர்ப்புகளை வழங்கியவர், ஆனால் சொந்தவாழ்க்கை சோகமானது.
விதிவேறு மதிவேறு என்பதற்கு அவரை தவிர வேறு ஆதாரமில்லை.

ஷாஜகான் வாழ்க்கை இன்னும் விசித்திரமானது, நல்லவரா? கெட்டவரா? என இன்னும் அறியபடாத மர்மனான ஔரங்கசீப்பால் சிறையில் அடைக்கபட்டார், தனது இறுதிகாலத்தில் வெள்ளை தாஜ்மகாலுக்கு எதிர்புறம் ஒரு கருப்புதாஜ்மகால் அமைக்கபடவேண்டும் அதில்தான் தான் புதைக்கபடவேண்டும் என்ற அவரின் ஆசை நிறைவேறாமலே போனது.

ஔரங்கசீப் மட்டும் காலராவிலோ அல்லது சண்டையிலோ செத்திருந்தால் இன்னொரு தாஜ்மகால் கருங்கல்லில் கிடைத்திருக்கும், இன்னும் ஏராளமான கட்டங்கள் கிடைத்திருக்கும், அவரின் ரசனை அப்படி.

ஆனாலும் அவுரங்கசீப் மகனல்லவா? தசை ஆடிற்று, சிறையில் ஷாஜகானுக்கு தாஜ்மகாலை நோக்கி பார்க்கும் வசதியுள்ள அறையை கொடுத்தார், அதுதான் தந்தைக்கு அவர் ஆற்றிய நன்றி கடன்.

அந்த ஜன்னல் வழியாக தாஜ்மஹாலை நோக்கியபடியே நொந்தபடி பார்த்துகொண்டே இறந்து கிடந்தார் ஷாஜகான்.

தாஜ்மகாலை நோக்கி அவர் அந்திம காலத்தில் விட்ட பெருமூச்சு உருக்கமானது, ஷாஜகானை நினைத்தால் அந்த மூச்சு நம்மிடமிருந்தும் வரும்.

ஆனாலும் இறைவன் மாக விசித்திரமானவன், எல்லா கலைதுறைகளிலும் அற்புதமான கலைஞர்களை தருவான், ஆனால் அவர்களின் இறுதிகாலம் மகிழ்ச்சியாக மட்டும் இருக்காது, அதை மட்டும் இறைவன் கொடுக்கவே மாட்டான்.

அது மாமன்னனோ அல்லது அவனைபுகழ்ந்து பாடிய அற்புதமான கவிஞனோ, இந்த விதியிருந்து தப்பவே முடியாது, வரலாறு திரும்ப திரும்ப அதனையே சொல்கிறது.
அவர்கள் நிம்மதி இல்லாமல் செத்திருக்கலாம், ஆனால் அவர்களின் படைப்புக்கள் பலபேருக்கு நிமதியை கொடுக்கும், தாஜ்மகாலும் அப்படித்தான் அதனை பார்ர்போருக்கு எல்லாம் ஒரு மகிழவையும், நிறைவையும் கொடுக்கும்,

கொஞ்சம் காதல் மனதில் இருந்தால் அதனை பார்க்கும் பொழுதே உதட்டோரம் ஓர் ஆனந்த புன்னகையும் வரும்,
மானிடர் இருக்கும் வரை காதலும் இருக்கும், காதல் இருக்கும் வரை தாஜ்மகாலும் இருக்கும், அது இருக்கும் வரை ஷாஜகானும் வாழ்வார்

யோகி கும்பல் சில காரியங்களை செய்தாலும், ஏன் தாஜ்மகால் உபியிலே இல்லை என கத்தினாலும் அதனை தேடி மக்கள் கூட்டம் உலகெல்லாம் இருந்து வரத்தான் போகின்றது.

தேன் இருக்கும் பூவினை வண்டுக்கு சொல்லி தெரியவேண்டியதில்லை. அழகு இருக்கும் இடத்தை மானிட மனங்களுக்கு சொல்லி தெரியவேண்டியதில்லை, அதில் காதலும் சேர்ந்துகொண்டால் மக்கள் அலை அலையாக வருவார்கள்

வரலாற்றில் சாலமோனும் ஷாஜாகனும் பல ஒற்றுமை கொண்டவர்கள் என்பது மட்டும் உண்மை.

ஷாஜகான் இந்திய பெரும் அடையாளம், அது மாற்றமுடியாத மறக்க முடியாத வரலாறு.

அவர் இந்திய சாலமோன்.

 

எங்கே சென்றுவிட்டார் தமிழிசை, கமல்?

இந்திய பொருளாதர தடுமாற்றம், தாஜ்மகால் சிக்கல், சசிகலா பரோல் மறுப்பு என பல சர்ச்சைகள் சூழ்ந்துள்ள நிலையில் தமிழிசையினை காணவில்லை

ஸ்டாலின் செல்லும் காரில் 4 வீல்தான் இருக்கிறது, வங்க கடலுக்கு அப்பால் தாமரை உதிக்கும் என்றெல்லாம் சொல்லிகொண்டிருந்த அம்மணியினை காணவில்லை

எங்கே சென்றுவிட்டார்?

ஏதும் மாறுவேடத்தில் திமுக கூட்டங்களில் கலந்து குறிப்பெடுக்கின்றாரோ?

 

முன்பொரு காலத்தில் முகலாயர் சர்ச்சை வந்தபொழுது, முகலாயர்கள் அந்நியர்கள் அல்ல, இத்தேசத்திற்கு மங்கா அடையாளம் வழங்கிய இந்தியர்கள் என சொன்ன கமலஹாசன் என்பவரை

இப்பொழுது தாஜ்மகால் பற்றி சர்ச்சை வந்தபொழுது காணவில்லை

ஆக எங்கோ மேகஅப் போட்டுகொண்டிருக்கின்றார்.


யார் தமிழர்? யார் தமிழர் அல்லாதவர்? எனும் தீவிர ஆராய்ச்சியில் ஈடுபட்டவர்களையும், யார் தேசபக்தர்? யார் தேசதுரோகி ?எனும் அதிதீவிர ஆராய்ச்சியில் ஈடுபட்டிருப்பவர்களையும் கொஞ்சமும் நோபல் கமிட்டி கண்டுகொள்ளவில்லை

எவ்வளவு மிகபெரும் ஆராய்ச்சி அது? அதில் சிலர் இறங்கி வெற்றி பெற்றிருக்கின்றார்கள்

அவர்களுக்கு நோபல் பரிசு கொடுக்காத நோபல் கமிட்டியினை மிக வன்மையாக கண்டிக்கின்றோம்.


ரஜினி அரசியலுக்கு வந்தால் பல மாற்றங்களை எதிர்பார்க்கலாம்: லதா ரஜினிகாந்த்

என்ன மாற்றம்?

வாங்கிய எந்த காருக்கும் தவணை கட்ட வேண்டாம், வசிக்கும் எந்த கட்டடத்திற்கும் வாடகை கொடுக்க வேண்டாம் என்ற மாற்றம்தானே?


 

திருப்பூர் குமரன் பிறந்த நாள்

Image may contain: 1 person, close-upஅது வெள்ளையன் சைமன் கமிஷன் எனும் கமிஷனை அமைத்திருந்த 1928ம் ஆண்டு காலம், வெள்ளையன் கமிஷன் என்பது இன்று தமிழக அரசு அமைக்கும் கமிஷனை போன்றதுதான்

அன்று இருந்த கொந்தளிப்பை அடக்க இம்மாதிரி கமிஷன்களை வெள்ளையன் அமைப்பான், அப்படி அன்று வந்தது சைமன் கமிஷன் , அதாவது அந்த கமிஷனின் தலைவர் பெயர் ஜாண் சைமன்

(நாம் தமிழரின் கமிஷன் சைமன் வேறு)

இதனை எதிர்த்து நாடெங்கும் போராட்டம் நடந்தது, ஒருங்கிணைந்த இந்தியாவில் பஞ்சாப் சிங்கம் லாலா லஜபதிராய் போன்றோர் பெரும் ஆர்ப்பாட்டத்தில் இறங்கினர்

லஜபதிராய் பெரும் தனவந்தர், இன்று பாகிஸ்தானில் இருக்கும் பெரும் மருத்துவமனை அவர் அமைத்து கொடுத்தது. நாடெங்கும் நற்பெயர் பெற்றிருந்தார், அவரை வெள்ளையன் அடித்ததில் பலத்த காயமுற்றார்.

அதில் இறந்தும் போனார், வருடம் 1928

அது நாடெங்கும் கிளர்ச்சியினை ஏற்படுத்தியது, போராட்டம் தொடர்ந்து நடந்தது பகத்சிங் கோபத்தோடு கிளம்ப அதுதான் காரணம்,.

அப்படி திருப்பூரிலும் 1932ல் போராட்டம் நடந்தது , அதில்தான் அந்த சென்னிமலை இளைஞன் 28 வயதேயான குமரனும் கலந்து கொண்டான்

நொய்யல் நதிக்கரையோரம் ஊர்வலம் சென்றபொழுது போலீஸ் கடும் தடியடியில் இறங்கியது. குமரனின் தலையிலும் பலத்த அடி விழுந்தது , ரத்தம் வழிய விழுந்தான். அது ஜனவரி 10ம் நாள்

அவன் மரணித்தான், ஆனால் அவன் கையில் தேடிய கொடியினை இறுக பிடித்திருந்தான்.

தேசம் முழுக்க அந்த செய்தி கண்ணீர் சிந்த வைத்தது, வெள்ளையரில் பலருக்கே கண்கள் கசிந்தன.

மகாத்மா காந்தி நேரில் திருப்பூர் வந்து ஆறுதல் சொன்னார், பின்பு அடிக்கடி அக்குடும்பத்திற்கு கடிதமும் எழுதினார்.

இத்தேசத்திற்காக உயிர்விட்ட தியாகியான அக்குமரனுக்கு இன்று பிறந்த நாள்.

அவரை நினைவு கூறலாம்.

சென்னிமலை இப்படியான பல தியாகிகளை கொடுத்திருக்கின்றது தீரன் சின்னமலை அந்த ஊரை சேர்ந்தவர்தான்

இன்று எக்கருத்து ஆயினும் மிக தைரியமாக எடுத்துரைக்கும் நண்பர் Jothimani Sennimalai அந்த ஊர்காரர்தான்

அந்த குமரன் பிறந்த நாளில் அந்த “கொடிகாத்த குமரனை ” போற்றுவோம்

அவருக்கு இத்தேசத்தின் ஆழ்ந்த அஞ்சலிகள். அவர் இறுக பிடித்த கொடிபோல இந்நாட்டை காக்க இத்தேசமே சபதமேற்கின்றது

(அதே திருப்பூரில்தான் 570 கோடி அசால்ட்டாக சிக்குகின்றது, இன்னும் இந்திய கருப்புபணத்தின் குவியல் எல்லாம் மூட்டை மூட்டையாக சிக்குகின்றன‌,

எல்லா கட்சிக்கும் அங்கு பினாமிகள் இருக்கின்றார்கள் என்பது தெரிகின்றது.

சுவிஸ் வங்கியினை விட அதிகமான கருப்புபண சுரங்கமாக திருப்பூர் மாறியிருக்குமோ என அஞ்ச தோன்றுகின்றது.

இபப்டி மாறபோகும் ஒரு நகரத்திற்கு எதற்கு சுதந்திரம் என்றுதான் வெள்ளையன் அவரை போட்டு அடித்து கொன்றானோ என்னமோ?..)