ஜெயலலிதா, எம்.ஜி.ஆர் நினைவிடத்தில் விஷால் மரியாதை

Image may contain: 1 person, selfie and close-upஜெயலலிதா, எம்.ஜி.ஆர் நினைவிடத்தில் விஷால் மரியாதை

ஒரு ஈரானிய பெண் ஏஞ்சலினா ஜோலிபோல ஆகவேண்டும் என பேராசை கொண்டு 50 முறை அறுவை சிகிச்சை செய்து இப்பொழுது எகிப்து மம்மிபோல் ஆகிவிட்டாராம்

Image may contain: 2 people, people smiling, close-upஅப்படி இந்த விஷாலும் யாரை போலவோ ஆக எண்ணி என்னமோ ஆக போகின்றார்

ஏம்பா விஷால், சும்மாவே தினகரனிடம் பணம் வாங்கிகொண்டு நீர் வந்திருப்பதாக செய்தி

இதி இப்படி சென்று பகிரங்கமாக ஜெயா சமாதிமுன் நின்றால் எப்படி?

அரசியலில் நடிக்க வேண்டாம் என சொன்னது யார்? இங்குதான் அய்யா அதிகம் நடித்து தொலைக்கவேண்டும்

ஜெயா சமாதியில் கால் வைத்துவிட்டீர் அல்லவா?

அது சசிகலா முதல் அருண்ஜெட்லி வரை எத்தனையோ பேர் நிம்மதியினை கெடுத்த சென்ன்டிமென்ட் அய்யா

நீர் மட்டும் இனி நிம்மதியாக இருந்துவிடுவீரா என்ன??


உடல்நலக்குறைவால் கங்கை அமரன் மருத்துவமனையில் அனுமதி

அவர் பங்களாவினை சசிகலா பறிக்கும்பொழுது கூட கலங்காத மனிதரை, ஆர்.கே நகர் தேர்தலில் படாத பாடு படுத்தியிருப்பார்கள் போல, அவ்வளவு டார்ச்சரோ?

மனிதர் ஓடி சென்று மருத்துவமனையில் படுத்தே விட்டார் அய்யா..


 

அண்ணே உங்களுக்கு தமிழ் தேசியம் புரியல…

அண்ணே உங்களுக்கு தமிழ் தேசியம் புரியல, புரிஞ்சிட்டா கண்டிப்பா எங்களுக்குத்தான் சப்போர்ட் பண்ணுவீங்க‌

சரி சொல்லு பார்க்கலாம்

அண்ணே தமிழ்நாடு பல வகையில பாதிக்கபட்டிருக்கு, இந்த திராவிட கட்சிகள் எல்லாம் சீரழிச்சிட்டு, அதனால தமிழ்நாட்டை தமிழரே ஆளனும், எங்கும் தமிழ் எதிலும் தமிழ் அதுதான் எங்க லட்சியம்

சரி திமுக அரசியல் என்ன தேசிய அரசியலா அதுவும் தமிழ் தேசிய அரசியல்தான்டா?

இல்லண்ணே அது திராவிடம்ணு சொல்லி நம்மள ஏமாத்திட்டு

டேய் இந்திய எதிர்த்தது முதல் தமிழ்நாடு பெயர் வைத்தது, தமிழ் மாநாடு நடத்தியது, குறளை முன்னிலைபடுத்தியது, தமிழ்நாட்டுக்கு எவ்வளவோ விஷயங்களை செய்தது திமுக, அது எல்லாம் என்ன திராவிடமா? இதில் என்ன ஏமாந்துட்ட நீ

ம்ம்.. அண்ணே காவேரி போயிட்டு, கச்சதீவு போயிட்டு அணுவுலை வந்துட்டு இன்னும் என்னென்னமோ வந்துட்டு இதெல்லாம் திராவிட கட்சி அழிவு, தமிழ் தேசியம் வேணும்

சரி உங்ககிட்ட ஆட்சி கொடுத்தா என்ன செய்வீங்க‌

அண்ணே.. கேட்கவே நல்லா இருக்குண்ணே நடக்குமாண்ணே

அடேய் சொல்லு ஆட்சிய கிடைச்சா காவேரி பிரச்சினையில் என்ன செய்வீங்க?

ம்ம வழக்கு போடுவோம்ணே

கச்சதீவு பிரச்சினைக்கு?

டெல்லிக்கு சென்று வாதாடுவோம்ணே

அட அதைத்தானே இங்க எல்லோரும் செய்றாங்க , நீங்க என்னடா ஸ்பெஷலா செய்வீங்க‌

அண்ணே நாங்க மானஸ்தங்க, சரியான முடிவு கிடைக்கலண்ணா உடனே ராஜிநாமா பண்ணிருவோம்

ஓஓ.. திரும்ப தேர்தல் வைக்கணும், நீங்க வந்து ராஜினாமா பண்ணுவீங்க‌

அண்ணே நாங்க மானஸ்தங்க யார் கூடவும் கூட்டு வைக்க மாட்டோம், எந்த கட்சியும் ஆதரிக்கமாட்டோம்

டேய் டெல்லிக்கு எம்பியா போகணும்னா எப்படி?

அது போவோம்ணே இல்லாவிட்டால் எப்படி எங்க குரல் தெரியும்? போய் மிரட்டுவோம்ணே

அண்ணா மிரட்டாத மிரட்டலா நீங்க மிரட்டுவீங்க. திமுக கேட்காத கேள்வியினையா நீங்கள் கேட்டுருவீங்க‌

அண்ணே நாங்க வீரமா கேட்போம், மானமா கேட்போம்

கிடைக்கலண்ணா.. ராஜினாமா பண்ணுவீங்க‌

ஆமாண்ணே

அப்படி விளையாடிகிட்டே இருப்பீங்க‌

ஹிஹிஹி வேற வழி

இதுல எப்போ அரசு நடத்துவீங்க, எப்படி மாநிலம் இயங்கும் உங்க லட்சிய அரசு எப்படி நடக்கும்?

எப்படியாவது சமாளிப்போம்னே, அண்ணே ஈழத்துல நாடு அடையணும்ணே

அதுக்கு நீங்க இங்க இருந்து என்னடா செய்வீங்க‌

குரல் கொடுப்போம்

இங்க யாருடா கொடுக்கல, என்னடா நடந்துட்டு

அது யாரும் தமிழர் இல்லண்ணே, நாங்கதான் தமிழர் நாங்க சொன்னாதான் இலங்கைக்கு கேட்கும்

டேய் வரலாற்றை ஒழுங்காக படி திமுக பேசியதும் செய்ததும் தமிழ் தேசியம்தான். திமுக தோற்றது என சொல்வீர்கள் என்றால் உங்களுக்கும் தோல்விதான், திமுக தமிழ்தேசியம் வழி நடந்தது என்றால் நீங்கள் எதுக்கு வீணா, அதுனால தனிநாடு கேளுங்க‌

அய்யோ அடிச்சி பிரிச்சிருவாங்கண்ணே

இல்ல கொஞ்சுவாங்க, சும்மா கேளு

அதெல்லாம் ஏண்ணே, இந்தியா உள்ளேயே தமிழ் தேசிய இனத்துக்கு அதிகாரம் வேணும்ணே

இங்க அதுதானடா கிடைச்சிருக்கு, திமுக தமிழ்தேசியம் பேசாம என்னடா பேசிச்சி, அதோட போராட்டம் எல்லாமே தமிழ் தேசிய உரிமை நோக்கிதானடா மண்டையா , திமுக செஞ்சது, செய்றதுதானடா நீங்களும் செய்ய முடியும்? அதுக்கு மேல என்னடா செய்வீங்க…

ஆர்.கே நகர்ல ஜெயிச்சிட்டு அப்புறமா உங்கட்ட பேச வாரோம்ணே

ஆர்.கே நகரில் நாங்கள் வென்றால் கச்சதீவினை மீட்போம், காவேரி மீட்போம்னு சொல்வீங்களே

ஆமாண்ணே

அடேய் ஒரே ஒரு எம்.எல்.ஏ வச்சிகிட்டு எப்படிடா கச்சதீவினை பிடிப்பீங்க

அதெல்லாம் தெரியாது, எங்களுக்கு வேற பேச தெரியாதுண்ணே எங்கள விடுங்கண்ணே, அப்புறமா பேசுறேண்ணே…

அது எவன்டா மறுபடி தந்தி டிவியில் புதிதாக?

அது எவன்டா மறுபடி தந்தி டிவியில் புதிதாக?

அந்த அம்ருதா அம்மா ஜெயலலிதாண்ணு சொல்லிட்டே இருக்கு, இவன் திரும்ப திரும்ப “மிஸ் ஜெயலலிதா” என சொல்லிகொண்டே இருக்கின்றான்?

என்ன யழவு கதையடா இது?

மெரீனாவில் நிறைய கள்ளக்காதல் ஜோடி அமரும் என்பார்கள், அந்த கல்லறைகளும் அந்த வகையறாதான் போல‌

இடம்பார்த்துதான் காதலர்கள் அமர்கின்றார்களா? இல்லை கட்டுமரங்களுக்கு பின்னால் காதலர்கள் அமர்வதால் அந்த கல்லறைகள் அமைக்கபட்டதா என்பது தெரியவில்லை

ஆனாலும் மகா பொருத்தமான இடம் என்பதில் சந்தேகமே இல்லை

இந்த யழவு பேட்டியினை கேட்டால் தலையே சுற்றுகின்றது

தலைவன் எம்.ஆர் ராதா சொன்னதுதான் நியாபகத்திற்கு வருகின்றது, அழகாக சொல்வான் தலைவன்

“டேய் பெரிய இடத்து கதைய தோண்டாதே.. அவ்வளவும் ஆபாசம் அசிங்கம்.. சீ சீ சீ. வேண்டாம் தோண்டாதே”

உடல்கள் கரை ஒதுங்குகின்றன.. அச்சம் மேலோங்குகின்ற நேரமிது…

கன்னியாகுமரி பக்கம் மீன்பிடிக்க சென்று திரும்பாத மீணவர்கள் பற்றி எந்த மீடியாவும் செய்தி வெளியிட்டதாக தெரியவில்லை

மிகபெரும் இருட்டடிப்பினை செய்கின்றார்கள் , காரணம் வெகு எளிதானது

அதாவது இந்த கொடூர புயல்பற்றி எச்சரித்திருக்க வேண்டும், மழை அவர்களுக்கு பழகிபோன விஷயம் எனப்தால் மழைக்கு எல்லாம் அஞ்சுபவர்கள் அல்ல அவர்கள்

ஆனால் கொடூர புயல் பற்றி முழு எச்சரிக்கை இல்லை , புயல் எச்சரிக்கை கூண்டுகள் ஏற்றபடவில்லை, இதெல்லாம் யார் தவறு என்றால் நிச்சயம் அரசு பக்கம்தான்

தனுஷ்கோடி புயலால் அழியும்பொழுது நம்மிடம் அதனை முன்னே அறியும் வசதி இல்லை, அதனால் அழியவிட்டோம்

இன்றோ ஏராளமான செயற்கைகோள் முதல் இன்னும் பல விஷயங்களில் முன்னேறியுள்ளோம், பின் எப்படி இந்த தவறை ஏற்றுகொள்ள முடியும்?

புயலை கண்டறியும் செயற்கை கோள்கள் மக்கள் பணத்திலே மக்களுக்காக ஏவபட்டிருக்கின்றதே அன்றி வேறு காரணம் அல்ல‌

நிச்சயம் செயற்கைகோள் எச்சரித்திருக்கும்

தவறு வேறு எங்கோ நடந்திருக்கின்றது, குளச்சலுக்கு கொஞ்ச தூரத்தில் சர்வதேச கடல்பகுதி வரும் ஜப்பானிய கப்பல்கள் எல்லாம் நின்று மீன்பிடிக்கும்

இப்புயலில் வெளிநாட்டு கப்பல்கள் ஏதும் பாதிக்கபடவில்லை எனில் என்ன அர்த்தம்? அக்கப்பல்களை அந்நாட்டு அரசுகள் அப்புறபடுத்தியிருக்கின்றன‌

இங்கோ ஒரு எச்சரிக்கையுமில்லை, முறையான தகவல் இல்லை

நிச்சயம் எங்கோ தவறு நடந்திருக்கின்றது, அதன் விளைவு ஏகபட்ட மீணவர்கள் சென்றிருக்கின்றார்கள், சிக்கி இருக்கின்றார்கள்

பொறுப்பானவர்கள் செய்யும் தவறு எப்படி பெரும் பாதிப்பினை ஏற்படுத்தும் என்பது இப்பொழுது புரிகின்றது

அப்படியும் கேரள பக்கம் அம்மாநில அரசு உடனே ஹெலிகாப்டர்களை அனுப்பி பலரை காப்பாற்றி இருக்கின்றது, தமிழக பக்கம் அப்படியும் செய்யவில்லை

நிர்மலா சீத்தாராமன் கன்னியாகுமரி வந்தாலும் உருப்படியாக பேசவில்லை, சம்பிரதாயமாக பதிலளித்திருக்கின்றார்

பலர் மீட்கபட்டிருக்கின்றார்கள் என அவர் சொன்னது மகா ஆறுதலான தகவல்

அனாலும் சில உடல்கள் கரை ஒதுங்குகின்றன, அச்சம் மேலோங்குகின்ற நேரமிது,

இந்திய வரலாற்றில் மிக குறிப்பிடதக்க வெற்றி வங்கப்போர்

ஹாஜி நீர்மூழ்கி பதிவினை பலர் மீள்பதிவு சொல்லி கேட்டிருந்தார்கள், அவர்களுக்காக..

Image may contain: ocean, sky, water, outdoor and nature

இந்திய வரலாற்றில் மிக குறிப்பிடதக்க வெற்றி வங்கப்போர்

அதில் குறிப்பிடதக்கது பாகிஸ்தானின் காஜி நீர்மூழ்கி கப்பலை போட்டு தாக்கியது

அந்த யுத்தத்தில் இந்தியாவின் பெரும் பலம் ஐ.என்.எஸ் விக்ராந்த். இங்கிலாந்திடமிருந்து வாங்கபட்ட‌ விமானம்தாங்கி கப்பல், அதன் பலம் அக்காலத்தில் பெரிது, கிழக்கு கடற்கரை முழுக்க அது கட்டுபடுத்தியது.

இது இந்தியாவின் பலம் என்றால் பலவீனம் எது என்று பார்ப்பதுதானே அமெரிக்க பழக்கம், அது மிக சரியாக கணித்தது இந்தியாவிடம் கப்பல் உண்டே தவிர நீர்மூழ்கி கப்பல் இல்லை என கண்டுகொண்டது, அவ்வளவுதான் ஒரு பெரும் நீர்மூழ்கியினை பாகிஸ்தானுக்கு கொடுத்தார்கள்.

Image may contain: 1 person, close-up1965 யுத்தத்திலே அது பாகிஸ்தானிடம் இருந்தது, அப்போதைய யுத்தம் நிலத்தில் என்றாலும் அது இந்தியாவின் பிரம்மபுத்திரா கப்பலை உடைத்ததாகவும், பல இந்திய கப்பல்களை மூழ்கடித்ததாகவும் பாகிஸ்தான் அறிவித்து கமாண்டருக்கு மெடல் எல்லாம் கொடுத்தது.

அப்படி சம்பவம் நடக்கவே இல்லை எனினும் எங்களிடம் பலம் வாய்ந்த நீர்மூழ்கி கப்பல் உண்டு என இந்தியாவிற்கு மறைமுக மிரட்டல் விடுத்தது பாகிஸ்தான்.

அந்த செய்தியினை இந்திய தளபதி பிரம்மபுத்திரா கப்பலில் இருந்தே படித்துகொண்டிருந்தார் என்பது வேறுவிஷயம். பாகிஸ்தானியர் அப்படித்தான் பின்லேடன் இங்கு இல்லை, தாவூத் இல்லை என சொல்லாத பொய் இல்லை.

1965ல் பேட்டர்ன் டாங்க் எனப்படும் நவீன டாங்கிகளை அமெரிக்கா கொடுத்தும் பாகிஸ்தான் மரண அடி வாங்கி இருந்தது, அது தன் அவமானமாக அமெரிக்கா கருதிற்று, விளைவு இம்முறை பல நவீன வசதிகளை மேம்படுத்தி அந்த நீர்மூழ்கி கப்பலை களத்தில் இறக்கிற்று.

நவீனம் என்றால் டார்பிடோ எனும் நீர்மூழ்கி ஏவுகனைகளை ஏவும் வசதி, கடல் கன்னிவெடிகளை விதைக்கும் வசதி, சுருக்கமாக சொன்னால் கடலின் அடியிருந்தே இந்தியாவின் எந்த நகரத்தையும், கப்பலையும் அழிக்கும் எமன் அது.

அந்த கப்பல் அப்படித்தான் இருந்தது, கடலை நாம் பார்த்துகொண்டிருக்கும் பொழுதே திடீரென ஏவுகனை எழும்பி நம் நகர் மீது விழுந்தால் எப்படி இருக்கும்? அந்த நீர்மூழ்கி அந்த ரகம் தான்.

அதற்கு காஜி அல்லது கோஜி என பெயரிட்டு மகிழ்ந்தது பாகிஸ்தான். அது என்னமோ தெரியவில்லை இந்திய எதிர்ப்பு கருவிகளுக்கு எல்லாம் கோரி,கஸ்னி என அக்கால ஆப்கன் மன்னர்கள் பெயரினை இடுவதில் அவர்களுக்கு அப்படி ஒரு ஆனந்தம்.

1971 யுத்தம் தொடங்கும் முன்னமே ஐ.என்.எஸ் விக்ராந்தை அழிக்க உத்தரவிடபட்டது, எனினும் யுத்தம் தொடங்கி இனி அதனை அழித்தே ஆகவேண்டும் என வெறியோடு கிளம்பிற்று அது.

இந்தியா வங்க எல்லையில் போரில் இறங்கினாலும் அதன் பலம் கடற்படை, காஜி அவர்களின் தூக்கத்தை கெடுத்தது, அதனை அழிக்காமல் இந்திய வெற்றி சாத்தியமில்லை என்பது ராணுவ பாடம். காரணம் திடீரென நடுக்கடலில் இருந்து வரும் ஏவுகனைகளை எப்படி தடுப்பது? கப்பலை எப்படி அழிப்பது?

கடல்மேல் மிதக்கும் விக்ராந்தினை, கடலுக்குள் அலையும் காஜியிடம் இருந்து காப்பாற்றுவது எப்படி என்று மானெக்ஷாவும், கிருஷ்ணனும் சிந்தித்தார்கள்.

மிக தந்திரமான திட்டமது, அதில்தான் பாகிஸ்தானின் ஹாஜி சிக்கியது.

இஸ்ரேலின் புகழ்பெற்ற 6 நாள் போருக்கு சற்றும் குறைந்ததல்ல இந்த இந்தியாவின் 13 நாள் போர்.

Image may contain: 8 peopleஇன்றளவும் உலக ராணுவ திட்டங்களில் பாராட்டதக்கதும், மானெக் ஷா மங்கா புகழ் அடைவதற்கும் அதுதான் காரணம். வங்கதேசம் சுதந்திரமடையவும் அதுதான் காரணம்.

ஒரு பாகிஸ்தானையே சமாளிக்க பெரும் பாடென்றால் இரு பாகிஸ்தானை சமாளிக்க என்னபாடு பட்டிருக்கவேண்டும்?
யுத்தம் தீவிரமாக காஜி கிளம்பிற்று, கப்பலில் 100 ராணுவத்தார், 50 ஏவுகனைகள், மிக ஆபத்தான கடல்கண்னிவெடிகள் ஏராளம்.

கடல்கண்ணி வெடிகள் என்றால் இப்படி சொல்லலாம்,

தமிழக கட்சி தொண்டர்கள் வீட்டில் தூங்குவார்கள், எந்த பொதுபிரச்சினை ஆனாலும் ஏன் ஊரே வெள்ளத்தில் மூழ்கினாலும் வரமாட்டார்கள்.

ஆனால் அந்த கட்சியின் தலமைக்கு ஏதும் சிக்கல் வந்தால் ஓடிவந்து கொந்தளிப்பார்கள்,அடித்து நொறுக்குவார்கள். கடல்கண்ணிவெடியும் அப்படித்தான் சாதுவாக மிதக்கும் ஆனால் அருகில் கப்பல்வந்தால் ஓடிசென்று வெடிக்கும்.

காஜியினை சிக்கவைக்க இந்திய திட்டம் செயல்படுத்தபட்டது, பாகிஸ்தானோ இந்தியாவின் பெருமை ஐ.என்.எஸ் விக்ராந்தை அழித்த செய்தியினை உலகிற்கு சொல்ல தயாராக இருந்தது.

இந்திய கடற்படை மிக பரபரப்பாகவும், கொஞ்சம் அச்சத்துடனம் செயல்பட்ட நேரமது, துப்பாக்கி படத்தின் வில்லனும் ஹீரோவும் ஒருவரை ஒருவர் தேடிகொண்டிருப்பது போல, இரண்டும் தேடிகொண்டிருந்தன,

ஆனால் இந்தியா முந்திகொள்ளும் பெரும் கட்டாயம் இருந்தது, காரணம் காஜி அப்படியான பெரும் நாசகாரி. அதன் கண்ணில் பட்டுவிட்டால் தப்புவது சுலபமல்ல.

இந்தியாவின் விக்ராந்த் ஏதும் துறைமுகத்தில் நிறுத்தபட்டிருந்தாலும், யுத்த தர்மத்தை மீறி அந்த ஊரே அழிந்தாலும் (அதனால் அழிக்கமுடியும்) விக்ராந்தை விடகூடாது என்ற வெறியோடு காஜி வங்ககடல் பக்கம் வந்தது.

காஜி விக்ராந்தை தேடிகொண்டிருக்க, இந்திய படைக்கோ அவகாசமில்லை, காரணம் அது நீர்மூழ்கி பரந்த கடலில் எங்கு சென்று தேடுவது?

அதனால் தளபதி கிருஷ்ணன் அட்டகாசமாக திட்டமிட்டார்.

தளபதி கிருஷணனின் திட்டம் என்னவென்றால், எங்கோ சுற்றிகொண்டிருக்கும் காஜி நீர்மூழ்கியினை குறிப்பிட்ட இடத்திற்கு தந்திரமாக வரவைப்பது, வந்ததும் போட்டு தள்ளுவது.

அதற்காக கோவளம் பீச், கோல்ட்ன் பீச் கடற்கரைகளை சொல்லமுடியாது,

அது மிக குறிப்பிடபட்ட இடமாக இருக்கவேண்டும், இல்லாவிட்டால் ஹாஜி காலத்திற்கும் சிக்காது.

அவர்கள் குறிப்பிட்ட இடம் விசாகபட்டினம், இயற்கை துறைமுகம். ஆழமான கடல். அப்படியே அங்கு பரபரப்பினை கிளப்பிவிட்டார்கள், பரபரப்பு என்றால் 500 மூட்டை அரிசி, 200 கிலோ ஆடு, 2000 லிட்டர் டீசல் எல்லாம் 2 நாளுக்குள் வேண்டும் மிக அவசரம், என பெரும் கொள்முதல் செய்வதாக இந்திய உளவுதுறையினர் சத்தம்போட்டு வியாபாரம் பேசினர்.

(ரகசியமாக மீணவர்களுக்கு எல்லாம் பயிற்சி அளித்தது கடற்படை, விநோத நீர்குமிழி கண்டாலோ, அசாதாரண அலைகளை கண்டாலோ உடனே தகவல் தெரிவிக்க சொல்லி இருந்தார்கள்.)

மிக மிக பரபரப்பான காலங்கள் அவை

விசாகபட்டினததில் இருந்த பாகிஸ்தான் உளவாளிகள் இதனை வழக்கம்போல பாகிஸ்தானுக்கு அனுப்பினர், இந்திய உளவுதுறையினர் மிக அவசரம் என துரிதபடுத்தியதையும், பெரும் பொருள் வாங்குவதையும் மறக்காமல் அனுப்பினர், அவ்வளவுதான் துள்ளிகுதித்து பாகிஸ்தான் கடற்படை, சிக்கியது விக்ராந்த் என மகிழ்ந்தார்கள்.

(இதனைத்தான் கமலஹாசனும் விஸ்வரூபத்தில் சொல்லி இருந்தார், பாகிஸ்தான் உளவாளிகள் இப்பொழுதும் எங்கும் இருக்கலாம், இதனை படித்துகொண்டும் இருக்கலாம்

அதே நேரம் இந்திய உளவாளிகளும் பாகிஸ்தானில் டீ குடித்துகொண்டிருக்கலாம், இவை எல்லாம் யுத்த தர்மம், ராணுவ அறம்)

இலங்கை அருகே சுற்றிகொண்டிருந்த கொடூர ஹாஜிக்கு தகவல் அனுப்பினார்கள், பட்சி விசாகபட்டினத்தில் இருக்கின்றது இன்றே சென்று உடையுங்கள், மறக்காமல் பின்குறிப்பினையும் எழுதினார்கள்,

அதாவது ஏதும் சண்டை நடந்தால் அந்த நகரமே அழிந்தாலும் பரவாயில்லை, கப்பல் தப்ப கூடாது.
உற்சாகமாய் வந்தது காஜி , வந்ததும் சும்மா இருந்திருந்தால் சிக்கல் இல்லை, ஆனால் டாக்கா (கிழக்கு பாகிஸ்தான்) சில தகவல்களை அனுப்பியது, அதனை வழிமறித்து படித்து நிலமையினை புரிந்துகொண்டது இந்தியபடை.

அதாவது நாங்கள் விசாகபட்டினத்தில் இருக்கின்றோம், இந்த விக்ராந்தை கடலுக்குள் மூழ்கடித்துவிட்டு, அது மூழ்குவதை ஆசைதீர பார்த்துவிட்டு சிட்டகாங்( வங்க துறைமுகம்) வந்து மேல் எழுவோம், எம்மை வரவேற்க தயாராகுங்கள் என்ற செய்தி அது.

அதோடு இந்திய தரப்பு வேண்டுமென்றே ரகசிய தகவல்களை, பாகிஸ்தான் படிக்குமாறு அனுப்பி குழப்பியது அல்லது நம்பவைத்தது. அதாவது கப்பலின் விமானங்களின் ஒன்று பழுது, பாதுகாப்பு கப்பல்களில் பிரச்சினை என ஏதோதோ அனுப்பி விக்ராந்த அங்கேதான் இருக்கின்றது என பிம்பத்தை உருவாக்கியது.

அது டிசம்பர் 3 நள்ளிரவு. விசாகபட்டினத்தை அடைந்தது ஹாஜி. இடம், ஆயுதம் எல்லாம் உறுதி செய்யபட்டபின் மெதுவாக வெளிவந்து கப்பலை குறிபார்க்க தேடியது, அதன் கண்களில்பட்டது ராஜ்புத் எனப்படும் இன்னொரு கப்பல்.

அதனை கண்டதும் நீருக்குள் படக்கென்று மூழ்கியது ஹாஜி எனினும், ராஜ்புத் கப்பல் அந்த அசாதாரண கடல் அலைகளை இனங்கண்டது, ஆனாலும் அது ஹாஜி என தெரியாது.

பொதுவாக பெரும் விமானம் தாங்கி கப்பல்கள் பல கப்பல்கள் துணையோடுதான் பயணிக்கும், அப்படி ராஜ்புத் கப்பலை விகராந்தின் துணைகப்பலாக எண்ணி விட்டுவிட்டது ஹாஜி, அதன் முதல் தவறு இது. தவறு என சொல்லமுடியாது. புலிவேட்டைக்கு செல்லும் பொழுது எலியினை கொல்வது யார்? அப்படித்தான் அது புலியினை தேடியது.

ஆனால் ராஜ்புத் கப்பல் கேப்டனுக்கு பொறி தட்டியது, எதற்கும் இருக்கட்டும் என கடல் கன்னிவெடிகளை வீசிவிட்டு அவர் கப்பலை கிளப்பினார். அடுத்த 30ம் நிமிடத்தில் முடிந்தது பாகிஸ்தான் கனவு.

பெரும் வெடிச்சத்தம், விசாகபட்டின மக்கள் பூகம்பத்தை உணர்ந்தனர். ஜன்னல் கண்ணாடிகள் கூட உடைந்தன, பெரும் வெடிப்பு சம்பவம் நடந்திருப்பதை உணர்ந்தாலும் படு ஜாக்கிரதையான இந்திய ராணுவம் முதலில் அதனை நம்பவில்லை. காரணம் ஹாஜியின் திசை திருப்பும் விளையாட்டாக இருக்கலாம், என்ன சத்தம் என சென்றால் தொலைத்துவிடுவார்கள்.

நிதானித்து டிசம்பர் 5ம் தேதி, இந்திய கடற்படை கடலடி வீரர்கள் சென்று பார்த்தபொழுது பிரமாண்ட ஹாஜி முன்பக்கம் வெடித்து மூழ்கி கிடப்பதையும், 95 பாகிஸ்தானிய வீரர்களின் உடல்களையும் கண்டார்கள், உறுதிபடுத்தினார்கள் ஹாஜி தொலைந்தது.

இந்த களபேரங்கள் நடக்கும்பொழுது அந்தமானுக்கு அப்பக்கம் பத்திரமாக நின்றுகொண்டிருந்தது ஐ.என்.எஸ் விக்ராந்த். அதாவது 10 நாளைக்கு முன்பே அதனை அந்தமானுக்கு கடத்திவிட்டு விசாகபட்டிணத்தில் கண்ணாமூச்சி ஆடியது இந்திய கடற்படை.

பின் பெரும் ஆபத்து நீங்கிய இந்திய கடற்படை தூள் பறத்தியது. ஐ.என்.எஸ் விக்ராந்தை மீறி எந்த பாகிஸ்தானிய கப்பலும் வங்க கடலுக்குள் வரமுடியவில்லை. அதாவது கிழக்கு பாகிஸ்தானுக்கான சப்ளை ரூட்களை முடக்கியது விக்ராந்த்.

போதா குறைக்கு பாகிஸ்தானின் கராச்சி துறைமுகத்தை அகதளம் செய்தது இந்தியபடை, ஹாஜி மூழ்கடிக்கபட்டபின் இந்திய கடற்படை எதற்கும் காத்திருக்கவில்லை

தன் நீர்மூழ்கி இந்தியாவால் மூழ்கடிக்கபட்டதை ஜீரணிக்கமுடியாத அமெரிக்கா பாகிஸ்தானுக்கு ஆதரவாக களமிறங்குவதாக அறிவித்தது, பதிலுக்கு சோவியத் யூனியன் மிரட்ட, பின்வாங்கிய அமெரிக்கா பாகிஸ்தானை முறைத்துவிட்டு அமைதியானது.

பலமிழந்த பாகிஸ்தானிய படைகள், சப்ளை இல்லாததால் சோர்ந்தன, கிட்டதட்ட 1 லட்சம் பாகிஸ்தான் வீரர்களை சிறைபிடித்து காட்டினார் மானெக்க்ஷா, அதோடு பாகிஸ்தான் தளபதி நியாசி சரணடைந்தார்.

இவை எல்லாம் இந்திய கடற்படையின் பெரும் சாகசங்கள். இந்திய ராணுவத்தின் தந்திரமான நகர்வுக்கு கிடைத்த வெற்றி, உலகமே வியந்து பார்த்த சம்பவம் இது

இந்திராவும், மானெக்ஷாவும் உலக பிரபலம் ஆனார்கள். மானெக்ஷா மங்கா புகழ்பெற்றார், அவரை அரசியலுக்கு வர எல்லாம் அழைத்தார்கள், அவர் பெயர் அப்படி மின்னியது

ஆனால் அவர் வரவில்லை மாறாக ஊட்டிபக்கம் வந்து ஓய்வெடுத்தார்

இந்திய வரலாற்றில் இந்த டிசம்பர் 4 மறக்கமுடியாமல் ஆனது இந்த சாகசத்தில்தான், ஒவ்வொரு இந்தியனும் மறக்காமல் படிக்க வேண்டிய விஷயங்கள் இவை.

(இவ்வளவு சாகசங்களை இந்திய கடற்படை செய்துகொண்டிருந்தபொழுது, மானெக்ஷாவினை தேசமே கொண்டாடிய பொழுது, இங்கு ராமசந்திரன் படத்திற்கு கைதட்டி கொண்டும், “வாத்தியாரே.. முதல்வராக வா” என அழைத்து கொண்டிருந்தான் தமிழன்)

 

போதை பழக்கம் எந்த அளவு நாசமாக்கி இருக்கின்றது

சிறுமியை கற்பழித்து எரித்து கொலை செய்த வழக்கில் கைதாகி ஜாமீனில் வந்த வாலிபர் செலவுக்கு பணம் தராததால் தனது தாயை கொலை செய்து 25 பவுன் நகைகளை கொள்ளையடித்துச் சென்றார்.

அந்த சிறுமியினை கொன்றுவிட்டு இவர் சிறையில் இருந்தபோது இவர் ஜாமீனில் வர அந்த பெற்றோர் சொத்துக்களை விற்று செலவழித்தனர் என்பது குறிப்பிடதக்கது.

அவர்களின் பிள்ளை பாசமே அவர்களுக்கு சாவினையும் கொடூரமாக கொண்டு வந்திருக்கின்றது.

போதை பழக்கம் அந்த அளவு அவர் குடும்பத்தையும், இவரால் அந்த ஹாசினி குடும்பத்தையும் நாசமாக்கி இருக்கின்றது

இம்மாதிரி போதை பித்தர்களுக்கு ஜாமீன் கொடுப்பது எவ்வளவு ஆபத்தானது என இனியாவது சம்பந்தபட்ட அரசு மையங்கள் புரிந்துகொள்ளட்டும்

இவனை மறுவாழ்வு மையத்திற்கு அனுப்பியிருக்க வேண்டும் அல்லது கொன்றிருக்க்க வேண்டும்

இதுதான் “பொலிட்டிகல் மிராக்கிள்” என்பது

முன்பெல்லாம் அதிமுகவில் ஜெயா மட்டும்தான் பேசுவார், அமைச்சர்கள் எல்லாம் “அம்மா வாழ்க”, “இதயதெய்வம் வாழ்க..” என சொல்லிவிட்டு தரையினை மட்டும் பார்த்து நடப்பார்கள்

திமுகவில் டி.ஆர் பாலு, பொன்முடி, துரைமுருகன், சிவா, தயாநிதிமாறன் , எ.வ வேலு, நடிகர்களில் சிலர் என பெரும் பட்டாளமே பேசிகொண்டிருக்கும்

இப்பொழுது எல்லாமே தலைகீழ்

அங்கு அமைச்சர்கள் முதல் அடிப்பொடிகள் வரை பொளந்து கட்டுகின்றன, உளரலோ உதறலோ ஆனால் வாய்திறந்து பேசுகின்றார்கள்

திமுக பக்கம் செயல் தலைவர் மட்டுமே பேசிகொண்டிருக்கின்றார்

என்ன ஆச்சரியம் இது? இதுதான் “பொலிட்டிகல் மிராக்கிள்” என்பது.