தாயின் மணிக்கொடி பாரீர்

Image may contain: 1 person

ஸ்ரீதேவி என்பவர் திறமையான நடிகை, எல்லோராலும் அறியபட்டவர் பலரால் விரும்பட்டவர், சந்தேகமில்லை நல்ல நடிகை அதற்காக அவர் உடலில் தேசியகொடி போர்த்தி அரசு மரியாதை செய்வது என்ன நியாயமோ தெரியவில்லை

நாட்டிற்கு அவர் செய்ததென்ன? மக்களுக்கு பணி செய்தாரா? எல்லையில் துப்பாக்கி பிடித்தாரா? இல்லை மக்களுக்காக போராட்டம்தான் செய்தாரா?

நடிப்பு அவர் தொழில், அதனை செய்தார் அவ்வளவுதான், அதில் சம்பாதித்தார். வருமானத்தில் அரசுக்கு சரியாக வரிகட்டினாரா என்பது கூட தெரியாது

ஏதோ அவர் லால்பகதூர் சாஸ்திரி போல ரஷ்யாவிற்கு சமரசம் பேச சென்றது போலவும், அங்கு இறந்தது போலவும் அவருக்கு ஏன் தேசியகொடி போர்த்தவேண்டும்?

சொந்த பணத்தில் உல்லாசமாக துபாய் சென்றார், ஆடம்பர ஹோட்டலில் தங்கினார் உயிர்துறந்தார்

இதில் இந்நாட்டிற்கு என்ன இழப்பு? ஸ்ரீதேவி இந்நாட்டின் அடையாளம் என எதில் நிரூபித்தார்?

ஒலிம்பிக்கில் தங்கம் வாங்கினாரா? நோபல் வாங்கினாரா? இல்லை உலக அங்கீகாரம் எதனையாவது இந்தியாவிற்கு வாங்கி தந்தாரா?

ஒரு ஆஸ்கர்? ஒரு கிராமி? இந்த தேசத்திற்கு என்ன வகையில் பெருமை சேர்த்தார் அவர்?

அவர் கலெக்டராக இருந்தாரா? அரசுபணியில் இருந்தாரா? இல்லை நீதிமன்ற குமாஸ்தாவாக கூட இருந்தார? என்றால் இல்லை, ஒரு அரசுபணிக்கும் வராத ஒருவருக்கு ஏன் இந்த மரியாதை? இது தேசிய அவமானம் இல்லையா?

இதெல்லாம் மாபெரும் தவறான முன்னுதாரணங்கள், தேசியகொடிக்கு பெரும் அவமானம் கொடுக்கும் விஷயங்கள்

தேசியகொடி மகா கவுரவமானது. மாபெரும் தியாகிகளுக்கும், மூத்த அரசியல்வாதிகளுக்கும் கலாம் போன்ற விஞ்ஞானிகளுக்கும், நாட்டிற்கு உயிர்நீத்த ராணுவத்தினருக்கும் போர்த்தபட வேண்டியதை, ஒரு நடிகைக்கு அதுவும் குடித்து செத்த நடிகைக்கு போர்த்துவது என்ன வகை?

இத்தேசத்தினை நேசிப்பவர் என்ற முறையிலும், இந்நாட்டு கொடியினை உயிருக்கு நிகராக மதிப்பவர் என்ற முறையிலும் இதனை வன்மையாக கண்டிக்கின்றோம்,

ரத்தம் கொதிக்கும் விஷயமிது

போனிகபூர் என்பவன் யார்? அவனின் இரண்டாம் மனைவி இந்நாட்டிற்கு ஆற்றிய சேவை என்ன?

நல்ல வேளையாக சில்க் ஸ்மிதா, திவ்யாபாரதி போன்றவருக்கு ஏன் தேசியகொடி போர்த்தவில்லை என சிலர் கேட்காமல் இருக்கின்றானே அதுவரை நல்லது

நாளை இன்னொரு நடிகை செத்தால் போர்த்துவார்களா? உதாரணத்திற்கு ஷகிலா அடுத்த நாட்டில் செத்தாலும் இதனை செய்வார்களா? நாடு தாங்குமா?

தமிழகத்தைத்தான் சினிமா கெடுத்தது என்றால் அது இந்திய தேசியகொடியின் மரியாதையினை கெடுக்கும் அளவிற்கு சென்றதை நல்ல இந்தியன் கண்டிக்காமல் இருக்க மாட்டான்

இதனை செய்தவர்களை தேசிய கொடி அவமதிப்பு சட்டத்தின் கீழ் நடவடிக்கை எடுக்க வேண்டும், இல்லாவிட்டால் நாளை ஸ்ரீதேவி வீட்டு நாய் செத்தாலும் போர்த்த கிளம்புவார்கள்

உடனே நடவடிக்கை எடுத்தால் இந்த அரசுக்கு கொஞ்சமேனும் உணர்சி இருக்கின்றது என அர்த்தம் , கண்டுகொள்ளாமல் விட்டால் இந்த அரசு இந்நாட்டை ஆள அருகதை இல்லா அரசு

உறுதியாக சொல்கின்றோம் பால் தாக்கரே போன்றோர் இருந்திருந்தால் நிச்சயம் இதனை நேரில் சென்று கண்டித்திருப்பார்

அவர் என்ன நாட்டுபற்றுள்ளவன் எவனாக இருந்தாலும் கண்டிப்பான், நிச்சயம் பலர் மனதிற்குள் முணுமுணுப்பர் , பலருக்கு இதயம் எரிந்துகொண்டிருக்கின்றது

இனி எவனாவது தேசிய கீதம் பாடும்பொழுது அவன் எழவில்லை, இவன் எழவில்லை என சொல்லட்டும் அவர்களுக்கு அன்று இருக்கின்றது

ஒரு நடிகைக்கு தேசிய கொடி போர்த்தும் அளவிற்கு இந்நாடு சென்றுவிட்டதை எண்ணி நாணத்தால் தலைகுனிகின்றோம்

பத்ம‌ஸ்ரீ விருது வாங்கியவர்களுக்கு அந்த மரியாதை கொடுக்கலாம் என பலர் கிளம்புகின்றார்கள், இதுவரை அப்படி பத்ம‌ஸ்ரீ விருது பெற்ற எத்தனை பேருக்கு கொடி போர்த்தினார்கள், ஒருவருக்குமில்லை

தமிழகத்தில் சிவாஜிக்கு என்ன போர்த்தினார்கள்? அப்படியானால் அந்த மாபெரும் நடிகனை வஞ்சித்தார்களா? சிவாஜியினை விடவா ஸ்ரீதேவி கிழித்துவிட்டார்?

இவை எல்லாம் சப்பைகட்டுக்கு சொல்லும் விஷயங்கள்

“தாயின் மணிக்கொடி பாரீர்”எனும் பாரதியின் வீரமிக்க நாட்டுபக்திமிக்க வார்த்தைகளை கம்பீரமாக சொல்லி உயர பறக்கும் தேசிய கொடியினை ஒரு … மீது பார்க்குமளவு நமக்கு கொடிய காலம் இருந்திருக்கின்றது

இதற்கு கடும் நடவடிக்கை எடுக்காவிட்டால் இந்த அரசு ஆளதகுதியற்றது என்பதே அர்த்தம்

ஏ மும்பையர்களே, அந்த சன்னிலியோன் என்பவர் குளிக்கும் தொட்டியிலோ இல்லை வரகூடாத நோய் வந்து செத்தாலோ இப்படி போர்த்தி தொலைத்துவிடாதீர்கள் என கெஞ்சி கேட்டுகொள்கின்றோம்


ஶ்ரீதேவிக்கு வரிந்துகட்டி வந்து ஆம் அவருக்கு தேசியகொடி போர்த்தியது சரி என்பவன் எல்லாம் 1980களில் அவருக்கு அதிதீவிர ரசிகர்களாக இருந்தவர்களாக இருக்கலாம்

அவர்கள் வலியினை புரிந்துகொள்ள Babu Rao போன்றவர்கள் இன்னும் 40 அல்லது 50 வருடங்கள் காத்திருக்க வேண்டும், அப்பொழுதுதான் புரியும்

இன்று ஸ்ரீதேவிக்கு கொடி போர்த்தியதை பார்த்துகொண்டிருப்பவன் எல்லாம் அன்று தேசியகொடி போதாது, ஐநா கொடி வேண்டும், 21 குண்டு முழங்க வேண்டும் என அடம்பிடிக்க இப்பொழுதே மனதில் வைராக்கியம் எடுத்துகொண்டிருக்கும் நேரமிது


 

சங்கரமடத்திற்கு வீரமணி அஞ்சலி செலுத்துவது சால பொருந்தும் விஷயம்

No automatic alt text available.

கருப்பு பணங்கள் புழங்குகின்றன, பெரும் புள்ளிகள் பணம் பதுக்குமிடமே சங்கரமடமும், வீரமணியின் அறக்கட்டளையும் என்ற சர்ச்சை பெருங்காலம் உண்டு

பக்தி கும்பல் சங்கராச்சாரியரிடமும், பகுத்தறிவு கும்பல் வீரமணியிடமும் பல விஷயங்களுக்கு பாதுகாப்பும் ஆலோசனையும் கேட்பது ஒன்றும் ரகசியமல்ல‌

இரண்டும் பல காரியங்களில் மர்ம மடங்களே, அந்த ஒற்றுமை உண்டு

அவ்வகையில் சங்கரமடத்திற்கு வீரமணி அஞ்சலி செலுத்துவது சால பொருந்தும் விஷயம்

 

ரத்னவேல் பாண்டியனின் மறைவுக்கு ஆழ்ந்த அஞ்சலிகள்…

Image may contain: 1 person, smiling, suit and glasses

“சனி பிணம் தனி போகாது” என்பார்கள், மயிலு விஷயத்தில் சரியாக இருக்கின்றது

என்ன யழவோ தெரியவில்லை தொடர்ந்து மரண செய்திகளாக வருகின்றன , சாக வேண்டியவர் ஏராளமானோர் இருக்க, இருக்க வேண்டிய பலர் இருக்கின்றனர்

இப்பொழுது காஞ்சி சங்கராச்சாரியினை தொடர்ந்து, நீதிபதி ரத்னவேல் பாண்டியனும் இறந்துவிட்டாராம்

ஒரு பிற்படுத்தபட்ட வகுப்பில் பிறந்து கல்வி ஒன்றினால் மேல் வந்து வழக்கறிஞராகி பின் நீதிபதியாகி , உயர் நீதிமன்றம் உச்ச நீதிமன்றம் வரை நீதிபதியாக உயர்ந்தவர் அவர்.

உச்சநீதிமன்ற நீதிபதியாக பதவி வகித்த மிக சில தமிழர்களில் அவரும் ஒருவர்.

பிராமணர்களும் இன்னும் பல உயர் சாதியினரும் மட்டும் அமரும் பெரும் பதவியில் பிற்படுத்தபட்ட வம்சத்தில் இருந்து வந்து அவர் அமர்ந்தது அன்று பெரும் ஆச்சரியமாக பார்க்கபட்டது.

நெல்லை பகுதியில் என்றுமே அவருக்கு பெரும் மரியாதை உண்டு, அங்கு சட்டபடிப்பு படிப்பவர்கள் எல்லோருக்கும் அவர்தான் ரோல் மாடல்

அவர் டிகிரி படித்த பாளையங்கோட்டை சவேரியார் கல்லூரியில் அவர் மாணவர்களுக்கு மாபெரும் எடுத்துகாட்டு, அவரும் பேட்டிகளில் எல்லாம் அக்கல்லூரி பற்றி சொல்ல தவறியதில்லை.

இவரை ரோல்மாடலாக கருதி சட்டம் படித்தவர்தான் கோப்பால் சாமி. அதே போல் வழக்கறிஞருமானார் அதன் பின் அரசியல்வாதியாகி, போரளியாகி வைகோ என திசைமாறி சென்றுவிட்டார், இப்பொழுது எங்கிருக்கின்றார் என அவருக்கே தெரியாது.

ஆலடி அருணா போன்ற பலபேருக்கு வழிகாட்டியாக குருவாக இருந்தவர் ரத்னவேல் பாண்டியன்.

நெல்லை பகுதியின் மாபெரும் அடையாளமான ரத்னவேல் பாண்டியனின் மறைவு வேதனைக்குரியது

கல்வியால் உயர்ந்த அந்த மாமனிதருக்கு ஆழ்ந்த அஞ்சலிகள்

 

இங்கே ஆளாளுக்கு கிறிஸ்தவர்கள் இஸ்ரேல் வாழ்க என சொல்லிகொண்டிருக்கின்றார்கள்

No automatic alt text available.

இங்கே ஆளாளுக்கு கிறிஸ்தவர்கள் இஸ்ரேல் வாழ்க என சொல்லிகொண்டிருக்கின்றார்கள், டிரம்ப் கூட ஜெருசலேமிற்கு அமெரிக்க தூதரகத்தை மாற்றுவேன் என சொல்லிகொண்டிருக்கின்றார்

ஆனால் அங்கே நிலை என்ன?

கிறிஸ்துவை யூதர்களுக்கு கொஞ்சமும் இன்றுவரை பிடிக்காது, அவர் தங்கள் பெருமையினை கெடுக்க வந்த கோடாரி காம்பாகவே கருதுகின்றார்கள். தாங்கள் பட்ட கஷ்டத்திற்கெல்லாம் இயேசு எனும் குட்டிசாத்தானே முழு காரணம் என்பது அவர்களின் மனமார்ந்த நம்பிக்கை

அதனால் ஜெருசலேமில் இருக்கும் கிறிஸ்தவ ஆலயங்களை எல்லாம் கண்டுகொள்வதில்லை, சிலவற்றை பல்லை கடித்துகொண்டு பொறுத்துகொள்கின்றார்கள்

ஆனாலும் அவ்வப்போது பழிவாங்க தவறவில்லை, இப்பொழுது இயேசு கல்லறை அமைந்த ஆலயத்தில் வில்லங்கத்திற்கு வந்தாயிற்று

அந்த ஆலயம் இன்று ஒரு இஸ்லாமிய குடும்பத்தால் நிர்வகிக்கபடுகின்றது, அவர்கள்தான் அந்த பாரம்பரிய புனிதமான இடத்தின் தற்போதைய அதிகாரம் கொண்டிருப்பவர்கள்,சாவி அவர்களிடம் தான் உண்டு

அவர்களால் இன்றுவரை ஒரு சிக்கலும் இல்லை

இஸ்ரேல் அரசு அந்த புனிதமான ஆலயத்தை ஆலயம் என்ற வரிசையில் கொண்டுவராமல், வியாபார நிலையம் என்ற வரிசையில் கொண்டு வந்து பெரும் வரிகளை சுமத்திற்று

இது ஆலயம், கர்த்தராகிய தேவன் உயிர்த்தெழுந்த ஆலயம் , இதுவா வியாபார நிலையம் என கிறிஸ்தவர்கள் கேட்டும் இஸ்ரேல் இறங்கவில்லை அவர்கள் கிறிஸ்தவ வெறுப்பு அப்படி

இதனால் கோவில் பூட்டபட்டது, சுற்றுபயணிகள் பாதிக்கபட்டனர், விஷயம் கொஞ்சம் வெளியில் வந்தது 3 நாட்களில் விஸ்வரூபமெடுத்தது

மேற்கு நாடுகள் எங்களிடமே உங்கள் வேலையினை காட்டுவீர்களா என முறைக்க இப்பொழுது வரிவிலக்கு அளித்துள்ளது இஸ்ரேல் இதனால் ஆலயம் திறக்கபட்டுள்ளது

இயேசு வாழ்ந்த காலத்தில் யூத ஆலயம் வியாபார தலமானதை எதிர்த்து எல்லோரையும் அடித்து விரட்டினார். அதற்கு 2030 வருடம் கழித்து அவர் கல்லறையினை வியாபார தலம் என அறிவித்து பழிவாங்குகின்றார் இஸ்ரேலியர்

இங்கு இது தெரியாமல் பல கிறிஸ்தவர் “இஸ்ரேல் வாழ்க, தேவன் இஸ்ரேலை பாதுகாத்தார் அல்லேலூயா..” என அழிச்சாட்டியம் செய்கின்றார்கள்

பரிதாபத்திற்குரிய கூட்டம் இது

 

கலாச்சாரத்தை தேடி தமிழகம் வந்து வாழ்ந்த தங்கத் தலைவி…

Image may contain: 1 person, close-up

ஸ்ரீதேவி எப்படி மரித்தார் என துபாய் சொல்லிவிட்டது, மும்பை திரையுலகம் தாவுத் கட்டுபாட்டில் இருக்கின்றது என சு.சாமி சொல்கின்றார். இன்னும் மும்பை திரையுலகின் இன்னொரு முகம் பற்றி , கலாச்சாரம் பற்றி ஆளாளுக்கு சொல்லிகொண்டே இருக்கின்றார்கள்

கவனித்தால் ஒன்று புரிகின்றது

அந்த கலாச்சாரம் பிடிக்காமல்தான் தலைவி குஷ்பு கலாச்சாரம் நிறைந்த தமிழகத்திற்கு ஓடிவந்து, தமிழ்பெண்ணாக மாறி, தமிழச்சியாகவே நிலைத்துவிட்டார்.

தமிழச்சியான ஸ்ரீதேவி மும்பை சென்று மாறி மரித்தும் விட்டார்.

இதிலிருந்து தலைவி மிக நல்ல கலாச்சாரத்தை தேடி தமிழகம் வந்து தங்கிவிட்டார் என்ற உண்மை உலகிற்கே தெரிவதில் சங்கம் பெருமை அடைகின்றது

  
 

1980களில் டி.ராஜேந்தர் அதிரடியாக பேசிகொண்டிருந்தார்

Image may contain: 1 person, smiling, beard and close-up

1980களில் டி.ராஜேந்தர் அதிரடியாக பேசிகொண்டிருந்தார். ராமசந்திரன் என்பவரின் மறுபக்கம் மிக இறுக்கமானது என்ற பேச்சுக்கள் வந்த நேரம் அது

கங்கை அமரனை மிரட்டியது , ரஜினியினை சீண்டியது என திரையுலகத்தை மிரட்டி ஒடுக்கி வைத்து தமிழகத்தை மகா இறுக்கமாக வைத்திருந்தார் ராமசந்திரன்

அப்பொழுது டி.ஆர் மிக துடிப்பாக பேசினார். உண்மையில் மகா தைரியமான பேச்சுகளாக அப்பொழுது கருதபட்டது. அதிரடி கேள்விகளை எழுப்பினார். திமுகவின் தொண்டராக குதித்துகொண்டிருந்தார் டி.ஆர்

அவரை பற்றி அதிமுகவின் முக்கிய கூட்டமுடிவில் அவர்களிடம் கேட்டார்கள், ராஜேந்திரன் இப்படி எல்லாம் கேட்கின்றாரே? உங்கள் பதில் என்ன?

காளிமுத்து சொன்னார், சீமானின் மாமனரான அதே காளிமுத்து ” கருணாநிதி இப்பொழுது ஆளில்லாமல் ஒரு கரடியினை கூட்டி திரிகின்றார் அதற்கெல்லாம் பதில்சொல்லமுடியாது”

அருகிருந்த ராமசந்திரனுக்கு சிரிப்பு தாளவில்லை

அந்த ராமசந்திரன் படத்தை வைத்து கட்சி வளர்க்க போகின்றாராம் டி.ஆர்

கட்சியின் பெயர் “அய்யம்” என இருந்தால் இன்னும் நல்லது

 

கார்த்தி சிதம்பரம் கைது …

என்னதான் படித்திருந்தாலும் , அரசியல் அனுபவமிருந்தாலும் நடப்பு யதார்த்தம் என்பது சிதம்பரம் குடும்பத்திற்கு தெரியவில்லை போலிருக்கின்றது

குறி வைத்த உடனே லண்டனுக்கோ, பாரிஸ்க்கோ, சிங்கப்பூருக்கோ சென்றிருக்க வேண்டாமா?

மல்லையாவும், லலித்மோடியும், நீரவ்மோடியும் வந்தபின் சீனியாரிட்டிபடி நான் கடைசியாக வருகின்றேன், என் உயிருக்கு ஆபத்து என ஒரு அறிக்கை விட்டிருந்தால் இவ்வளவு சிக்கல் வந்திருக்குமா?

தப்பு கணக்கு போட்டிருக்கின்றார் கார்த்தி சிதம்பரம். யாரை பிடித்தால் எங்கு வலிக்கும் என்பது அறியா கூட்டமா? மத்தியில் இருக்கின்றது

கனிமொழி போன்ற அரசியல் வாரிசுகள் நீதிமன்றத்தில் இருந்து விடுதலையானது போல கார்த்தி சிதம்பரமும் வரட்டும்

ஆனால் போலி என்கவுண்டர், நீதிபதி லோயா வழக்க்கின் குற்றவாளிகள் எல்லாம் கைது செய்யபடுவார்களா? என்பது பற்றி எல்லாம் யாரும் கேட்க கூடாது.

காஞ்சி பீடத்தின் உச்ச குருவான சங்கராச்ச்சாரியார் மரணம்

Image may contain: 1 person, smiling

இது துயர அதிர்ச்சி செய்திகள் வரும் வாரம் போலிருக்கின்றது, காஞ்சி பீடத்தின் உச்ச குருவான சங்கராச்ச்சாரியார் மரணம் அடைந்துவிட்டார் என செய்திகள் தெரிவிக்கின்றன‌

இந்துக்களின் மிக புனிதமான , உயரமான பீடம் அது. அந்த பாரம்பரியமிக்க‌ பீடத்தின் அதி உச்ச குருவாக இருந்து வழிநடத்தியவர் சங்கராச்சாரியார்.

அவர் மீது கொலை சர்ச்சைகளும் வந்தன. ஆனானபட்ட போப் ஆண்டவர் கூடத்தான் அக்காலத்தில் சிலுவை போரை ஆரம்பித்து ரத்த ஆறு புனிதமான ஜெருசலேமில் ஓட காரணமாயிருந்திருக்கின்றார், அவர் கொலையாளி என யாராவது சொன்னார்களா?

அயதுல்லா கோமேனி யார் தலைக்கு எல்லாமோ விலை வைத்தார், ஆனால் தலை கிடைக்கவில்லை

அப்படிபட்ட பல சர்ச்சைகள் கொண்ட உலகிது, அதனை விட்டுவிடலாம்.

உலகம் முழுக்க பக்தர்களை கொண்ட மடம் அது, அங்கு பிரபலமான எல்லா இந்திய‌ அரசியல்வாதிகளும் , பிரபலங்களும் வந்து ஆசிபெறும் அளவிற்கு தனி சிறப்புடன் இருக்கின்றது, தனிபெரும் புகழுடையது அது.

அந்த மடத்திற்காக தன் வாழ்வினை அர்பணித்து, அங்கேயே வாழ்ந்து உழைத்து மறைந்த அவருக்கு ஆழ்ந்த அஞ்சலி. வல்ல இறைவன் அவருக்கு ஆத்ம சாந்தி அருளட்டும்


சங்கராச்சாரியாருக்கு நாம் தமிழர் கட்சி அஞ்சலி : சீமான்

கட்சி வைத்திருப்பதே யாருக்காவது அஞ்சலி செலுத்ததானே, இதில் என்ன ஆச்சரியம்?


 

கடவுள் சிரியாவினை அழிக்காமல் விடமாட்டேன் என சொன்னாராம்

No automatic alt text available.

 

இந்த சிரிய யுத்தம் வந்தாலும் வந்தது, அழிச்சாட்டிய கிறிஸ்தவர்களின் அட்டகாசம் தாளவில்லை

மூளையினை கழற்றி அதிமுகவினரிடம் கொடுத்துவிட்டார்களா? இல்லை கடலில் எறிந்துவிட்டார்களா என்பதும் தெரியவில்லை

அதாகபட்டது பழைய ஏற்பாட்டில் கடவுள் சிரியாவினை அழிக்காமல் விடமாட்டேன் என சொன்னாராம், அப்படி அழிக்கின்றாராம்

கடவுள் அப்படி சொன்ன காலம் என்ன? கிட்டதட்ட 3 ஆயிரம் வருடம் இருக்கலாம். ஆம், சிரியாவின் டமாஸ்கஸ் உலகின் பழமையான நகரங்களில் ஒன்று. இந்த யூதர்கள் எகிப்தில் அடிமையாய் இருந்தபொழுதே டமாஸ்கர் பெரும் நகராய் விளங்கிற்று

அந்த பேரரசின் பெயர் அசீரியா, இப்போது சிரியா

யூதர் இன்றைய எருசலேமுக்கு வந்தபொழுது அவர்களுக்கும் அந்த சிரிய அரசுக்கும் மோதல் வந்தது. தாவீது போன்றவர்கள் அவர்களோடு யுத்தம் நடத்தியபொழுது சொன்ன வாசகம் இவை

அப்பொழுது கடவுள் சொன்னதுதான் “உன்னை வெல்லமுடியாது, என் சமூகம் உனக்கு முன்பு செல்லும், உன்னை தொட்டவன் என் கண்மணியினை தொடுகின்றான் ” என்பதெல்லாம்

பின் யூதர்கள் படாத அடிகிடையாது, அப்பொழுதெல்லாம் கடவுள் வசனம் பேசவில்லை

அலெக்ஸாண்டரும், நெபுகாத் நேச்சரும் யூதரை ஓட ஓட அடித்தார்கள், அப்பொழுதெல்லம் கடவுள் இந்த வசனம் பேசவில்லை

இயேசு கொல்லபட்டபின் யூதர்கள் மிக சரியாக ஒவ்வொரு ஐம்பது வருட இடைவெளியில் உலகெல்லாம் அடிவாங்கி கொண்டே இருந்தார்கள், அப்பொழுதெல்லாம் இந்த வசனம் எங்கு சென்றது என தெரியாது

ஹிட்லர் அடித்தது மட்டுமே நமக்கு தெரியும் அதற்கு முன்பு ஸ்பெயின், பிரான்ஸ், ஹங்கேரி , ரஷ்யா, ஜெர்மன், உக்ரைன், துருக்கி என அவர்கள் அடிவாங்கா நாடு இல்லை

அடி என்றால் அடி எல்ல, மொத்தமாக கொத்தாக கொல்வது

இன்னும் பார்த்தால் சிரிய ஆளுநர்களே பல இடங்களில் யூத பூமியினை ஆண்டிருக்கின்றார்கள்

ரோமர் ஆட்சி, கலிபா ஆட்சி, போப்பாண்டவர் ஆட்சி, ஓட்டோமன் ஆட்சியில் எல்லாம் ஜெருசலேம் சிரிய ஆளுநரின் கீழ்யே இருந்திருக்கின்றது

ஆக இரண்டாயிரம் ஆண்டு யூதர்கள் பட்ட அடி தெரியாது, அவர்கள் அடிபடும்பொழுது இந்த வசனம் எங்கு சென்றது என தெரியாது

சிரியர்கள் முன்பு பாலஸ்தீனை ஆண்டபொழுது இந்த வசனம் எங்கிருந்தது என தெரியாது

ஆனால் மிக சமீபமாக வல்லரசுகள் விளையாட்டில் அப்படி சிரியா சீரழியும்பொழுது இவர்கள் பைபிளை தூக்குகின்றார்களாம்

வரலாறை புரட்டுங்கள். உண்மையில் இஸ்லாமியர் ஆட்சியில் யூத இனம் பாதுகாப்பாக வாழ்ந்திருகின்றது, ஆனால் இஸ்லாமியருடன் விரோதம் பாராட்டி அதுதான் பிரிந்தது

பின் ஐரோப்பாவில் கிறிஸ்தவர்கள் யூதனை ஓட ஓட அடித்திருகின்றனர், அடி என்றால் மாபெரும் அடி, மரண அடி

அவ்வகையில் கிறிஸ்தவர்களுக்கே யூதவெறுப்பு அதிகம் இருந்திருக்கின்றது, ஆனால் யூதர்களின் வெறுப்பு கிறிஸ்தவரை விட இஸ்லாமியர் மீதே அதிகம் என்பதுதான் ஆச்சரியம்

இவர்கள் ஒன்றை மறைக்கின்றார்கள். உண்மையில் யூதனுக்கு இஸ்லாமை எந்த அளவில் பிடிகாதோ அந்த அளவில் கிறிஸ்தவனையும் பிடிக்காது

ஆம் கிறிஸ்து அவர்கள் மதத்தை கெடுக்க வந்த சாத்தான். முகமது நபிக்கு எல்லா தகுதி இருந்தும் அவர் இறை தூதராக இவர்கள் ஏற்கவில்லை

ஆனால் கிறிஸ்து ஏற்படுத்திய கிறிஸ்த சாம்ராஜ்யமும், நபிபெருமானின் இஸ்லாமுமே யூதன் நாடு இழந்ததற்கும் அகதியாய் அலைந்ததற்கும் காரணம் என அவன் நம்புகின்றான்

ஜெருசலேம் தனக்கு மட்டும் என்பதில் அவனுக்கு அசைக்க முடியா நம்பிக்கை, அதனை அபகரித்த கிறிஸ்தவனும் யூதனும் அவனுக்கு எந்நாளும் எதிரி

ஒவ்வொரு யூதனின் மனதில் இருக்கும் வன்மம் அதுதான். கிறிஸ்தவனும் இஸ்லாமியனும் எப்படியும் சாகட்டும் என்பதில் அவனுக்கு அலாதி பிரியம்

இது தெரியாமல் இங்கிருக்கும் கிறிஸ்தவ பதர்கள் என்றோ கடவுள் தாவீது எனும் யூதனுக்கு சொன்ன வசனத்தை எல்லாம் இங்கு கொடிபிடித்து திரிகின்றார்கள்

சுத்தமாக அறிவு கெட்ட மதவாதிகள் உண்டென்றால் , முழு மூளை சலவை செய்து இஸ்திரியும் போடபட்டவர்கள் யாரென்றால் அவர்கள்தான்

தாலிபான், அல்கய்தா, ஐஎஸ் இயக்கத்தை விட மகா ஆபத்தான பிடிவாதக்காரர்கள் இவர்கள்தான்.

பைபிளை தவிர எதுவும் படிக்கமாட்டார்கள், இயேசு கொல்லபட்ட பின் பைபிள் எதுவும் சொல்லாது, அதாவது 2000 ஆண்டு யூத வரலாறு தெரியாது

ஆனால் 1948ல் இஸ்ரேல் அமைந்தவுடன் அய்யகோ கடவுள் வாக்கு பாரீர் என கிளம்பிவிட்டார்கள், ஏன் 1900 வருடம் யூதர்கள் அடிவாங்கும் பொழுது இந்த வசனத்திற்கு எல்லாம் லீவ் விட்டிருந்தார்களா?

ஏதும் சொன்னால் “உலகம் அழியபோகின்றது, நீ மனம் திரும்பு” என்பார்கள்

“நீ முதலில் நாலு விஷயங்களை படித்து திருந்து” என்றால் “அப்பாலே போ சாத்தானே” என சொல்லிவிட்டு வானத்தை பார்த்து “அதோ வருகின்றார் கிறிஸ்து அல்லேலூயா” என்கின்றார்கள், வானத்து மழையினை பார்த்து ஏமாறும் நமக்கு அது மகா கோபமூட்டுகின்றது

உலகம் அழிய போகின்றது என சொல்லிகொண்டே இருக்கின்றார்கள், அந்த சனியன்களுக்கு இந்த அழகிய உலகம் அழிவதில் அப்படி என்ன ஆனந்தமோ தெரியவில்லை

இவர்களை எல்லாம் குளியல் தொட்டி இருக்கும் நட்சத்திர ஹோட்டலில் கும்பலாக தங்க வைக்க வேண்டும், இப்போதைய ட்ரெண்ட் அதுதான்

வரலாற்றில் அமெரிக்கா பாடம் படிக்கவே இல்லை

Image may contain: 1 person

முன்பு சதாம் குவைத்தை பிடித்தார், சவுதிக்கு வரும் எண்ணமெல்லாம் அவருக்கு இல்லை. பல சர்ச்சைகளில் பதிலடி கொடுக்க குறிப்பாக எண்ணெய் உற்பத்தியினை குறைக்க மறுத்ததால் குவைத்தினை அவர் ஆக்கிரமித்தார்

திபெத்தை சீனா ஆக்கிரமித்தால் அமெரிக்கா கண்டுகொள்ளுமா என்றால் இல்லை, காரணம் திபெத்தில் எண்ணெய் இல்லை

ஆனால் குவைத்திற்காக வந்தது, எப்படி வந்தது? அடுத்தது சதாம் விழுங்கபோவது உன்னைத்தான் என சவுதி அரசை பயமுறுத்தி கால்பதித்தது, வளைகுடா யுத்த முடிந்து கிட்டதட்ட30 வருடம் ஆக போகின்றது, சதாம் இல்லை, குவைத்தை மீட்டாயிற்று ஆனால் அமெரிக்க ராணுவம் இன்னும் சவுதியில் உண்டு

இப்பொழுது சிரியாவிலும் நிறுத்த ஆயத்தமாயிற்று, அவர்கள் சென்றுவிட்டால் ஐ.எஸ் இயக்கம் வருமாம் இதனால் 30 ஆயிரம் அமெரிக்க துருப்புக்கள் வட சிரியாவில் இருக்குமாம்

இது அண்டை நாடானா துருக்கிக்கும் இன்னும் பல நாடுகளுக்கும் கடும் சினத்தை ஏற்படுத்தியிருக்கின்றது

முன்பு இப்படி லெபனானில் இருந்தது அமெரிக்கா, ஹெஸ்புல்லா இயக்கத்தின் தாக்குதலை சமாளிக்க முடியாமல் ஓடியது, இப்பொழுது சிரியாவிற்கு வந்தாயிற்று

சிரியாவில் அமெரிக்க முகாம் அமையும் இத்தருணத்தில்தான் ரஷ்ய குண்டுவீச்சில் பலர் பலியானதாகவும், குழந்தைகள் கொல்லபடுவதாகவும் அமெரிக்கா செய்தி பரப்பி வருகின்றது

அமெரிக்க உளவுதுறையும் , உலகெல்லாம் உள்ள அமெரிக்க தூதரமும் அதனை செவ்வனே செய்கின்றன‌

முகநூல் முழுக்க சேவ் ரஷ்யா என பொங்குவதும், ரஷ்யா சிரியாவினை விட்டு வெளியேறு என பலர் வரிந்துகட்டுவதும் இதனால்தான்

ஆனால் அமெரிக்க படை மட்டும் நிற்கலாமாம்

ஆனால் வரலாற்றில் அமெரிக்கா பாடம் படிக்கவே இல்லை என்பது புரிகின்றது

இப்படித்தான் முன்பு ஆப்கனில் ரஷ்யபடை நின்றபொழுது உலக இஸ்லாமியரே வாருங்கள் என அழைத்து ரஷ்யாவிற்கு எதிராக போராட வைத்தது அமெரிக்கா, அதில் ஒரு போராளி பின்லேடன்

பின் அந்த பின்லேடன் அமெரிக்காவினை படுத்தியபாடு கொஞ்சமல்ல, இன்றுவரை அச்சுறுத்தல் உண்டு

அதே ஆப்கன் தவறை இன்று சிரியாவில் மீண்டும் செய்கின்றது அமெரிக்கா, இன்னொரு லேடன் வந்து அடிக்கும்பொழுது அது தெரியும்

உண்மையினை மறைப்பதில் கில்லாடிகள் அவர்கள், இதே அமெரிக்கபடை குண்டுவீச்சில் ஆப்கனில் ஏகபட்ட சிறுவர் சிறுமிகள் முன்பு கொல்லபட்டனர், சர்ச்சையானது

பின் தாலிபான்களிடம் தப்பிய மலைலாவினை போராளியாக்கி, அவருக்கு நோபல் பரிசு கொடுத்து தாங்கள் மகா உத்தமர் போல காட்டிகொண்டனர் மேற்குலகத்தார்

இந்த அல்கய்தா,தாலிபன் எல்லாம் யார் உருவாக்கினார் என்றால் சாட்சாத் அமெரிக்கா. ஆக மலைலா சுடபட மூல காரணம் அவர்கள்தான். கொஞ்சம் யோசித்தால் மலைலா அவர்கள் முகத்தில் காரி துப்பியிருக்கும்

ஆனால் அப்பாவி சிறுமிக்கு சொல்லிகொடுப்பது யார்? பாவம். அது மேற்குலகம் தன்னை காப்பாற்றியதாய் நம்பிகொண்டிருக்கின்றது

அமெரிக்க, ஐரோப்பியரின் ஒவ்வொரு விருதிலும், ஒவ்வொரு நகர்விலும் ஏராளமான கணக்குகள் உண்டு. ஆழ நோக்கினால் தவிர புரியாது

விரைவில் பாருங்கள் சிரியாவில் இருந்தும் மலைலாக்கள் உருவாக்கபடலாம், ரஷ்யா கொடுங்கோலன் ஆகலாம்

உலகெல்லாம் ரஷ்யாவிற்கு எதிராக ஊர்வலம், கண்டன ஆர்பார்ட்டம் நடத்தபடலாம். செல்வு எல்லாம் அந்த சக்திகள் பார்த்துகொள்ளும்

எச்சில் கையினை வீசினால் ஆயிரம் காக்காய் என்பது போல மக்களை அவர்களால் திரட்டவும் முடியும்

ஆக இந்த திடீர் போராளிகள் குதிக்க முழு காரணம் அமெரிக்காவே அன்றி வேறுயாருமல்ல‌

சிரியாவிற்கு உலகெல்லாம் இருந்து கத்துபவர்கள் கத்த வேண்டிய இடம் அமெரிக்க தூதரகமே தவிர வேறு எங்கும் அல்ல‌

ஆனால் செய்யமாட்டார்கள், மாறாக சும்மா ஏதாவது சொல்லிகொண்டே இருப்பார்கள்