சோழனுக்கு சிலைகண்ட கலைஞருக்கு நாளை பிறந்தநாள்

Image may contain: 1 person, smiling, outdoorகலைஞருக்கு பூம்புகார், பாஞ்சாலங்குறிச்சி, வள்ளுவன் அவதரித்த வள்ளுவ நாடு கொண்ட கன்னியாகுமரி போலவே தஞ்சை கோவிலின் மேலும், ராஜ ராஜ சோழன் மீதும் தனி கவனம் இருந்தது, தேடல் இருந்தது

பூம்புகார் நினைவு சின்னங்கள் அவராலே அந்த கடற்கரையில் நிறுவபட்டது

தஞ்சை பற்றியும் அந்த ஆலயம் பற்றியும் சிற்பம் பற்றியும் அவர் எழுதியது ஏராளம், அவரின் உளியின் ஓசை படம் கூட அதை சுற்றித்தான் வரும்

அப்படிபட்ட கலைஞருக்கு ராஜராஜ சோழனுக்கு சிலைஎடுக்கும் ஆசை வந்தது, அந்த கற்காவியத்தை கட்டிய மன்னனுக்கு கோவிலுக்குள்ளே சிலை வைக்க ஆசை கொண்டார்

கோவிலில் இன்றும் மிக சிறிய சோழனின் கற்சிலை உண்டு, இந்த ஐம்பொன் சிலையினை அப்பொழுதே தேடினார்கள் ஆனால் ஒரு துப்புமில்லை

கலைஞர் ஆலயத்தின் உள்ளே சிலை நிறுவ விரும்பினார், ஆனால் மத்திய அரசு அது தொல்பொருள் கட்டுப்பாட்டு இடம் அது இது என அனுமதி மறுத்தது

முடிந்தமட்டும் பார்த்துவிட்டு முடியாமல் ஆலயத்தின் வெளியே சிலை வைத்தார்

சும்மா வைக்கவில்லை

Image may contain: 1 person, sunglasses and close-upமத்திய அரசு அனுமதி மறுத்த காரணத்தால் சோழனின் சிலை ஆலயத்திற்கு வெளியே நிறுவபடுகின்றது என கல்லில் எழுதியும் வைத்துவிட்டார்

அச்சிலை இன்றும் அங்கு உண்டு

இப்பொழுது ஐம்பொன் சிலைகள் மீண்டு வந்திருக்கின்றன, கல்கி எழுத்தில் வந்த் பழுவேட்டரையரை போல தமிழகம் பொன் மாணிக்கவேல் அவர்களை நன்றியோடு பார்கின்றது

சோழனுக்கு சிலைகண்ட கலைஞருக்கு நாளை பிறந்தநாள்

தமிழகத்து அரசனின் சிலை வந்தது போல, காவேரி வந்தது போல , சோழநாடு கொடுத்த கலைஞரும் அதே காவேரி வெள்ளம் போன்ற தமிழோடு திரும்ப வரட்டும்

 

இப்பொழுது சிலையோடு காவேரியும் திரும்பி இருக்கின்றது

Image may contain: 6 people, people smiling

தற்செயலாக நடக்கும் சில விஷயங்கள் சிந்தனையினை கிளறும், இப்படியும் இருக்குமோ என யோசிக்க தோன்றும்

அறிவுக்கு அப்பாற்பட்ட விஷயங்கள் ஏராளம் உண்டு, தலைகீழாக நின்றாலும் அதை உணரமுடியுமே தவிர காரணம் கண்டுபிடிக்க முடியாது என்பதை சில இடங்களில் உணர முடிந்தாலும் தற்போது நடக்கும் தஞ்சை சம்பவம் அதை உறுதிபடுத்துகின்றது

என்ன சம்பவம்?

ராஜராஜ சோழன், உலமகாதேவி சிலைகள் மறுபடி தஞ்சைக்கு கொண்டுவரபட்டு கோவிலில் வைக்கபட்ட செய்தி எல்லோரும் அறிந்தது

ஆச்சரியமாக அது அந்த கோவிலுக்குள் கொண்டுவரபட்ட மறுநொடியில் காவேரி கண்காணிப்பு குழுவிற்கான உத்தரவு அரசிதழில் வெளிவருகின்றது

அச்சிலைகள் கோவிலுக்குள் அமர்ந்தபின் காவேரி பற்றிய நல்ல தகவல்கள் வருகின்றன, குழு அமைப்பது வேகமாகின்றது, நீர் பகிர பேச்சுவார்த்தை தொடங்க இருக்கின்றது

ஆச்சரியமாக கன்னடர் பக்கமும் அமைதி, அவர்கள் அரசியல் குழப்பத்தில் அமைதி காத்தே தீரவேண்டும்

சிலை மீட்பும், காவேரி வருகையும் தனி தனி செய்திகளாக இருந்தாலும் இரண்டிற்கும் இடையில் ரகசிய இழை இருப்பது சில கண்களுக்கு தெரிகின்றது, இரண்டுமே தஞ்சை நோக்கி ஒரே நேரம் வருவது தற்செயலாக இருக்க முடியாது

உண்மையில் ராஜ ராஜ சோழனின் சிலை களவாடபட்ட பின்பே காவேரியில் மாபெரும் சிக்கல் வெடித்தது, அது கண்டுபிடிக்கபட்டபின் மீட்பு போராட்டம் வலுத்தது

Image may contain: outdoor, water and natureஇப்பொழுது சிலையோடு காவேரியும் திரும்பி இருக்கின்றது

தஞ்சை ஆலயம் மகா மர்மமானது, ஆளும் திமிரிலோ இல்லை அதிகார தோரணையிலோ யார் வந்தாலும் அவர்கள் பதவி இழப்பர் இல்லை உயிரையும் இழப்பர்

எகிப்து பிரமீடுகளின் தீரா மர்மம் போலவே தஞ்சை கோவிலின் சூட்சுமமும் மகா மர்மமானது, அதை முழுக்க விளங்கியவன் யாருமில்லை.

விளங்கிகொண்டவன் வெளி சொல்வதுமில்லை

இதனால்தான் நாயக்க, மராட்டிய‌ மன்னர் காலங்களிலே அது புறந்தள்ளபட்டு மர்ம கோவிலாக பார்க்கபட்டது

இவ்வளவிற்கும் நாயக்கர்களும், மராட்டியர்களும் தீவிர இந்துமத பக்தர்கள், மதத்தை காக்கவே அரசு அமைத்து போராடியவர்கள், அவர்களே அஞ்சி ஒதுங்கியிருக்கின்றார்கள் என்றால் அதில் உள்ள சில சூட்சும விவகாரம் அப்படி இருந்திருக்கின்றது

காரணம் அக்கோவிலை நிர்மானித்த கரூர் சித்தர் அதனை காக்க சில வரம் கொடுத்தார் என்பார்கள் , அதாவது அக்காலத்தில் ஒரு மன்னன் வென்றால் முதலில் கொள்ளையிடுவது ஆலயமே

இதனால் அங்கு அரச தோரணையோடு வரும் யாரும் அழியட்டும் என்றொரு சாபத்தை அவர் நிறுத்தி இருப்பதாக சொல்வார்கள்

மற்றபடி நான் சாதாரண மனிதன், நீயே நிரந்தர கடவுள் என மனதார எண்ணிகொண்டு உள்செல்லும் தலைவர்களுக்கோ எந்த ஆபத்தும் நேர்ந்ததில்லை

அங்கு உட்செல்லும்பொழுது மன்னனே ஆயினும் மகுடம் கழற்றி வைத்து பதவியின்றின்றி உட் செல்லவேண்டும் என்பது அக்கால விதி, ஆண்டவன் முன் அனைவரும் ஒன்றே என்பதுதான் அந்த பிரக்தீஸ்வரனின் விருப்பம்

அதை மீறி நான் அதிகாரம் மிக்கவன் என தனித்து செல்லும் யாரும் அந்த அதிகாரத்தை இழப்பர், நாயக்கர் காலம் முதல் இக்காலம் வரை அதுதான் நடக்கின்றது

இவை எல்லாம் நினைவுக்கு வருகின்றன‌

எப்படியோ சோழனின் சிலை தஞ்சை அலயம் அடைந்தவுடன், தஞ்சையின் ஒரே சொத்தான காவேரியும் அதை நோக்கி வர இருப்பது பகுத்தறிவிற்கு அப்பாற்பட்டது

நிச்சயம் இவை சாதாரண சிலைகளாக இருக்க முடியாது, இது இருக்குமிடம் செழிக்கட்டும் என்ற ஒரு வித‌ சக்திகொண்ட சிலைகளாக இருக்கலாம்

 

மணிரத்னத்திற்கு இன்று பிறந்த நாள், அவருக்கு வாழ்த்துக்கள்

Image may contain: 1 person, smiling, text and close-up

சினிமாவின் வெற்றி என்பது கதை சொல்லும் விதத்தில் இருக்கின்றது, பார்வையாளனை அப்படியே 2.5 மணிநேரம் கட்டி போடுவது என்பது சாதாரண விஷயம் அல்ல, அவ்வளவு சுவாரஸ்யமாக கொண்டு செல்ல வேண்டும் , ரசிகனை ஒன்ற வைக்க வேண்டும்

படம் முடியும்பொழுது சோகமோ ஆனந்தமோ சில சொட்டு கண்ணீர் வரவேண்டும், மனம் கனக்க வேண்டும். அப்படிபட்ட படம்தான் வெல்லும்

படத்திற்கு இயக்குநர்தான் எல்லாம் என்பதால் அவர் நிரம்ப படித்தவராக, மிக பெரும் கலை உள்ளம் கொண்டவாரக இருத்தல் வேண்டும், மிக பெரும் கலை ரசிகனே நல்ல இயக்குநராக வர முடியும்

அதற்கு நிரம்ப வாசிக்கவும் வேண்டும்.

அப்படி கிடைத்த ஒரு அபூர்வ இயக்குநர் மணிரத்னம். வசனங்களால் நிரம்பிய தமிழ் சினிமாவினை வெறும் ஓரிரு வார்த்தைகளுக்கு திருப்பி காட்சிகளாலும், நடிகர்கள் முகத்து உணர்ச்சிகளாலும் நிரப்பி தனி இடம் பிடித்தவர்

அவருக்குள்ள மிக பெரும் சிறப்பு,எந்த இயக்குநரிடமும் அவர் அசிஸ்டெண்டாக அல்லது துணை இயக்குநராக இருந்ததில்லை

அவர் சுயம்பு, மும்பை வங்கி பணியிலிருந்து சினிமாவிற்கு வந்து ஜெயித்த வித்தகர்

அவர் அதிகம் பேசமாட்டார், அவர் சினிமா பாத்திரங்களும் அதிகம் பேசாது, ஆனால் படம் பலத்த அதிர்வுகளை கொடுக்கும்

அவரின் மவுனராகம் அட்டகாசமான காதலை சொன்னது, அவரின் நாயகன் ஒரு ரவுடி எப்படி உருவானான்? அது நியாயமா? இல்லையா? என கேள்விகேட்ட பொழுது பதில் சொல்ல யாருமில்லை

சில குடும்பங்களில் காணப்படும் இரண்டு மனைவி கதையினை அக்னி நட்சத்திரம் சொன்னது

அவரின் அஞ்சலிலி ஈடி படத்தின் பாதிப்பு என்றாலும், ஒரு குழந்தை எப்படி எல்லாம் நம்மை பாதிக்கும் எனும் மானிட குணத்தினினை மிக அழகாக சொன்னது

திருடா திருடா 1990களிலே இன்றுள்ள தொழில்நுட்பத்தை காட்டியிருந்தது

பொதுவாக அவரின் கதைகரு தமிழ் இலக்கியங்களில் இருந்தே தொடங்கும், அதை உண்மை சம்பவங்களோடு இணைத்துவிடுவார், அவரின் நுட்பம் இதுதான்

சத்யவான் சாவித்திரி கதை ரோஜா என்றும், கர்ணன் கதை தளபதி என்றும் வந்து மாபெரும் வெற்றிபெற்றது, நாயகன் கூட வரதராஜ முதலியாரின் கதை

ஆக வாழ்வில் தான் படித்த அல்லது கண்ட கதைகளை அப்படியே திரையில் காட்டியவர் அவர்

ஈழதமிழரின் வலியினை அவரின் கன்னத்தில் முத்தமிட்டால் போல இன்னொரு படம் சொல்லமுடியாது

அவரின் இருவர் தமிழின் ஆக சிறந்த படம், 60 ஆண்டு அரசியலை அப்படியே சொன்ன படம், ஆனால் காலத்தால் முந்திகொண்டது போல் தெரிந்ததால் தோல்வி

ஆனால் அருமையான படம், ராமசந்திரன் யார்? என்பதை மிக நுணுக்கமாக காட்டிய படம்

இப்பொழுதுள்ள காலகட்டத்தில் அப்படம் வந்திருந்தால் நிச்சயம் வெற்றிபெற்றிருக்கும் , இப்பொழுதும் ஜெயா இல்லா நிலையில், அவரின் கதையினை சொல்லி இருவர் 2ம் பாகம் வந்தால் அதுவும் மாபெரும் படமாக அமையும்

கலைஞர் ராமசந்திரன் கதை முதல்பாகமாக வந்தது போல ஜெயா கலைஞர் மோதல் இரண்டாம் பாகமாக வந்தால் வரவேற்கலாம்

தமிழின் மிகபெரும் இயக்குநராக இருந்த மணிரத்னம் எங்கு தடுமாறினார் என்றால், ரோஜாவின் வெற்றிக்கு பின் இந்திக்கும் தமிழுக்கும் பொதுவான படங்களை எடுப்பேன் என கிளம்பினார்

அதுதான் அவரின் தவறு

இந்தி யதார்த்தம் வேறு, தமிழக யதார்த்தம் வேறு இரண்டுக்கும் பொதுவான படங்கள் வரவே முடியாது, கமலஹாசனின் ஹேராம் அப்படித்தான் தோற்றது

உயிரே போன்ற பட்ங்கள் அப்படித்தான் வந்து பெரும் தோல்வி கண்டன,மாபெரும் வெற்றி பெற வேண்டிய அம்பானி கதையான குரு படமும் நினைத்த அளவு ஓடவில்லை

ராவணா படு தோல்வி

சுஜாதா போன்ற ஜாம்பவான்கள் அவர் அருகில் இல்லை என்பதும் கூடுதல் பலவீனம்

இதை எல்லாம் உணர்ந்தாரோ என்னமோ பின்பு ஓ.கே கண்மணி எனும் சுமாரான படத்தினை கொடுத்தார்

நிச்சயம் தமிழில் கவனம் செலுத்தினால் அவரால் மறுபடியும் மாபெரும் ஹிட்களை கொடுக்க முடியும் ஆனால் ஏனோ தயங்குகின்றார்

அது பம்பாய் படத்திற்கு பின் வந்த குண்டு வீச்சு சர்ச்சையா, இல்லை கன்னத்தில் முத்தமிட்டால் வந்தவுடன் இது புலிகளின் நியாயத்தை சொல்லவில்லை என்ற மிரட்டல்களா என தெரியவில்லை ஆனால் அதன் பின் அவரின் படங்கள் உண்மை கதையுடன் வரவில்லை

ரவுடி படங்கள் ஆயிரம் வரலாம், எத்தனையோ பேர் மும்பை தமிழர் கதையினை எடுக்கலாம். ஆனால் நாயகன் அளவு, தளபதி அளவு இன்னொரு ரவுடியிசம் படம் வருமா என்றால் வராது

அதுதான் மணிரத்னம் ஸ்பெஷல்

உண்மை சம்பவமோ இல்லை புராண கதைகளை யாதார்த்த சம்பவத்தில் கொண்டுவரும் யுத்தியோ அது மணிரத்னம் தவிர யாருக்கும் சாத்தியமில்லை

மிக பெரும் சோக‌ நிகழ்வுகளை, வலி நிறைந்த வரலாற்றை மெல்லிய காதலோடும் குழந்தைகள் மழலை மொழியோடு முகத்தோடும் சொன்னால் அந்த விஷயம் மாபெரும் வெற்றி பெறும்

இதை ஹாலிவுட்டில் நிரூபித்தவர் ஜேம்ஸ் காமரூன், தமிழ்நாட்டில் நிரூபித்தவர் மணிரத்னம்

கமலஹாசன் எனும் மகா நடிகனை அற்புதமாக பயன்படுத்திய ஒரே இயக்குநர் இன்றுவரை மணிரத்னம் ஒருவரே

அந்த மணிரத்னத்திற்கு இன்று பிறந்த நாள், அவருக்கு வாழ்த்துக்கள்

மனிதரை எந்த அளவு கொண்டாடுகின்றோமோ அந்த அளவு கோபமும் உண்டு. ஆம் தங்க தலைவிக்கு அவர் படங்களில் அவர் வாய்ப்பு கொடுக்கவில்லை, அலைபாயுதே எனும் படத்தில் மட்டும் கவுரவ வேடம் கொடுத்தார்

அப்படம் வெற்றிபெற அதுவும் ஒரு காரணம், அப்படத்தில் எங்கள் தலைவி ஹீரோயினாக நடித்த்திருந்தால் படம் மாபெரும் வெற்றி

அக்னி நட்சத்திரம் அமலா வேடம் தலைவிக்கானது, அதையும் கொடுக்கவில்லை, ரோஜா படத்தின் மதுபாலா வேடமும் தலைவிக்கானது அதையும் கொடுக்கவில்லை

இப்படி சில விஷயங்களில் அவர் மேல் சங்கத்திற்கு தீரா கோபம் உண்டு

வருங்காலத்திலாவது அந்த பழியினை துடைக்கும் விதமாக அவர் தலைவியினை நாயகியாக கொண்டு சிறந்த படம் படைக்கட்டும்

தமிழ்நாட்டு ஜேம்ஸ் கேமரூனுக்கு மறுபடியும் பிறந்த நாள் வாழ்த்துக்கள்

(மணிரத்னமிடம் பிடித்த விஷயம் அவர் படங்களில் வர்க்க போராட்டம் , உலக அரசியல் இருக்குமே தவிர உள்ளூர் அரசியல் , புரட்சி ,புண்ணாக்கு எல்லாம் இருக்காது

இனொன்று தன் மகனை இயக்குநராக்குவேன், ஹீரோ ஆக்குவேன் என அவர் தமிழர்களை கொடுமைபடுத்தவில்லை அந்த நல்ல குணத்திற்காக வாழ்ததலாம்)

 
 

தமிழிசைக்கு இன்று பிறந்தநாள் : வாழ்த்துக்கள்

Image may contain: 1 person

உண்மையில் அவர் ஒரு அப்பாவி, மனதில் பட்டதை ஆண்டவனே தடுத்தாலும் தைரியமாக பேசும் ஒரு பலம் அவருக்கு உண்டு. அதை பயன்படுத்தி தமிழக அரசியலில் கல் வீசும் கலையினை பாஜக செய்து வருகின்றது

இன்றைய தமிழக அரசியலில் அதிரடி, சுவாரஸ்யம், காமெடி விஷயங்களை மகா சீரியசாக சொல்லுவது என அவர் நிச்சயம் ஒரு அடாவடி பார்ட்டி

அனுதினமும் அவரும் பேசுகின்றார், ஆளாளுக்கு அவரின் தலைமுடி முதல் செருப்பு வரை கலாய்க்கின்றார்கள்

ஆனால் கொஞ்சமும் கலங்காமல் மிக தைரியமாக பேசிகொண்டிருப்பவர், இன்னொரு கோணத்தில் பார்த்தால் அந்த தைரியம் வாழ்த்துகுரியது

அவர் ஜெயா, கலைஞர் இருக்கும்பொழுதே பேசினார், ஆனால் அப்பொழுது முக்கியத்துவம் பெறவில்லை. இப்பொழுது ஆளில்லாத காட்டில் அவரின் முழக்கம் தனித்து கேட்கின்றது

என்ன சொல்லுங்கள், சகிப்புதன்மையின் உச்சம் அவர். அரசியல் என்றால் இப்படித்தான் துணிந்து நிற்க வேண்டும் என்ற தைரியம் அவரிடம் இருக்கின்றது

சினிமா புகழினின்றி, நடிகைக்குரிய விளம்பரமின்றி, குடும்பத்தார் உதவியுமின்றி ஒரு பெண் அரசியலில் குறிப்பிட்ட இடத்திற்கு வரமுடியும் என நிரூபித்தவர் தமிழிசை, சாதாரணம் அல்ல‌

பாஜக எனும் கட்சி அதை சாத்தியமாக்கி இருக்கின்றது, இன்னொரு கட்சியில் தமிழிசை இருந்தால் கவனம் பெற்றிருப்பார்?

தமிழக அரசியல்வாதிக்குரிய எல்லா இலக்கணங்களையும் உடைத்தெறிந்து வந்து நிற்பவர் தமிழிசை, அதற்காக அவருக்கு கை கொடுத்து வாழ்த்தலாம்

அதற்காக அவரை எவ்வளவு வாழ்த்தினாலும் தகும்

நாமெல்லாம் அவரை எவ்வளவு கலாய்க்கின்றோம் ஆனாலும் அவர் வந்து நின்று தாமரை மலர்ந்தே தீரும் எனும்பொழுது சிரித்துவிட்டு நகரத்தான் முடிகின்றது

அந்த தமிழிசைக்கு இன்று பிறந்தநாள் வாழ்த்துக்கள்

அவர் விருப்பட்டபடி தாமரை என்றேனும் மலர்ந்து தீரட்டும் எனும் வாழ்த்தொடு அவரை வாழ்த்துவோம்

நிச்சயம் இப்படி ஒரு தொண்டர் கிடைக்க தமிழக பாஜக கொடுத்து வைத்திருக்க வேண்டும்

அரசியலுக்கு அப்பாற்பட்டு அவரிடம் பல நல்ல குணங்கள் இருக்கின்றன, பொதுவாழ்வில் ஒரு பெண் எப்படி இருக்க வேண்டும் என பல இடங்களில் அவர் நிரூபிக்கத்தான் செய்கின்றார்

அவர் பல்லாண்டு வாழட்டும், இன்னும் வளரட்டும்

அகத்தீஸ்வரத்து தெய்வம் முதல் அயோத்தி தெய்வம் வரை அவரை ஆசீர்வதிக்கட்டும்

வாழ்த்துக்கள் அக்கா..

 

அக்குடும்பம் ஒரு இசைகுடும்பம்

Image may contain: 3 people, people smiling, people sitting

இளையராஜாவின் பிறந்தநாளில் டிவி முதல் ரேடியோ வரை அவரின் பாடல்களே ஓடுகின்றன, அற்புதமான பாடல்கள்

இளையராஜா பற்றி குறிப்பிடும்பொழுது அவரின் சகோதர் கங்கை அமரனை குறிப்பிடாமல் இருக்க முடியாது, நிச்சயம் இளையராஜாவில் அவர் பாதி

அவரில்லாமல் இளையராஜா முழுமை அடைய முடியாது, ஆனால் சூரிய வெளிச்சத்தில் நிலா தெரியாது என்பது போல கங்கை அமரன் வெளிச்சம் பெறவில்லை

Image may contain: 3 people, people smiling, people sittingவரதராஜன், பாஸ்கர் போன்ற மற்ற சகோதரர்களும் இசைகலைஞர்கள் ஆனால் பெரிதும் வெளிதெரியவில்லை

(இளையராஜாவின் சரிவு கங்கை அமரன் பிரிந்தபின்னே தான் முழுக்க நடந்தது என்பது வேறுவிஷயம்)

மொத்தத்தில் அக்குடும்பம் ஒரு இசைகுடும்பம்

அதனால்தான் இன்று அடிக்கடி “ஏழேழு தலைமுறைக்கு எங்க சாமி பக்கபலம் எடுத்து வந்தோம் நல்ல வரம்” என அந்த பாடல் ஒலித்துகொண்டே இருக்கின்றது

இப்படி ஒரு பாடல் பாட கலைஞர் குடும்பத்திற்கும் முழு தகுதி உண்டு, மன்னார்குடி குடும்பத்திற்கும் உண்டு

ஆனால் மன்னார்குடி குடும்பம் இப்பொழுது பாடும் நிலையில் இல்லை

அப்படி “ஏழேழு தலைமுறைக்கும் எங்க சாமி…” பாடவேண்டிய முழு தகுதி கலைஞர் குடும்பத்திற்கே உண்டு, ஆனால் பாடமாட்டார்கள்.

முழு பகுத்தறிவு என்பது அதுதான்


நேற்று மாலை வரை ரஞ்சித் பறையனார் பாசறை, பா.ரஞ்சித் புரட்சி படை, புரட்சி, மக்கள் சக்தி என பொங்கிகொண்டிருந்தவன் எல்லாம் நேற்று நள்ளிரவு முதல் இளையராஜா என உருகி உருகி பொங்கி

கொண்டிருக்கின்றான்

இளையராஜாவிற்கும் புரட்சிக்கும் என்ன சம்பந்தம்?


 

சாமி 2 படத்து டிரெய்லர் சிக்கலில் இருக்கின்றதாம், காரணம் ஸ்டெர்லைட் போராட்டம்

இப்பொழுது அந்த டிரெய்லர் வந்திருக்க வேண்டும், ஆனால் வரவில்லை ஏன்?

டிரைலரில் நெல்லை தமிழில் “நான் பொறுக்கிலே, நடு ரோட்டில் தலையின் சுடுவேம்ல” இது போன்ற போலீஸ் வசனங்கள் நிறைய இருக்கின்றதாம்

துப்பாக்கி சூட்டால் தூத்துகுடி கொதித்துகொண்டிருக்கும் போது இப்படி ஒரு வசனத்தோடு டிரெய்லர் வந்தால் உருப்படுமா? தொலைத்துவிடுவார்கள்

இதனால் அந்த டிரெய்லரையும் படத்தையும் தூக்கி பரணில் போட்டாகிவிட்டதாம்

கேயாஸ் தியரி என்பது இதுதான்


%d bloggers like this: