இனி என்ன செய்ய என் உறவே?

Image may contain: 1 person, smiling, text

“இந்த எளிய தமிழ்பிள்ளையினை ஓட ஓட அடிச்சபின்னாடி இனி என்ன செய்ய என் உறவே?

ஈழமாவது , பிரபாகரனாவது எல்லாவற்றையும் தூக்கி போட்டுவிட்டு திமுக பக்கம் போய்விடலாம் சொந்தமே, இனி அவர்கள்தான் நமக்கு பாதுகாப்பு

கலைஞரை கொலை செய்ய முயன்றதாக வெளியேற்றபட்ட‌ வைகோவே திமுகவுடன் சேர்ந்தவிட்டபின்பு நான் ஏன் சேரகூடாது என் இனமே

இந்த தினகரனும், வைகுண்டராஜனும் இல்லைன்னு வச்சிக்க்க, இந்த நொடியே சீமான் அறிவாலய வாசலில் கிடப்பான், ஆனால் அந்த சனியன்கள் என்னை விடுவதில்லை என் உறவே….”

புரட்சி வசனங்களை அணல் தெறிக்க பேசுகின்றார் தலைவி

Image may contain: 1 personகலைஞரின் பிறந்தநாளையொட்டி சிறப்பு திரைப்படங்களில் பொன்னார் சங்கர் ஓடிகொண்டிருக்கின்றது

அற்புதமான படம், மாபெரும் வெற்றியினை அது பெறாமல் போனதில் தியாகராஜனுக்கும் அவர் மகனுக்கும் மட்டுமே பங்கு, வேறு எல்லாம் கிளாசிக் வகை

படத்தில் குறிப்பிட்டு சொல்லவேண்டிய விஷயம் தலைவி குஷ்பு, அந்த தாமரை பாத்திரத்தில் அப்படி ஜொலித்திருந்தார்

அரசிக்கு ஏற்ற கம்பீரம், கலையாடும் முகம், ராணி முகத்திற்கேற்ற கருணையான பாவம்

அட அட அட அக்கால மங்கம்மா, ருத்திரமா எல்லாரும் இப்படித்தான் இருந்திருப்பர் என சொல்ல வைக்கும் கம்பீரம்

பாகுபலியில் அந்த ராஜமவுலி கொஞ்சம் சிந்திருந்த்தால் , தலைவியினை நடிக்க வைத்திருந்தால் படம் டைட்டாணிக் அளவு ஆஸ்கரை குவித்திருக்கும்

தலைவி இல்லாததால் ஆஸ்கர் பாகுபலிக்கு கிடைக்கவில்லை

இனியாவது ராஜமவுலி தன் தவறை திருத்தி தலைவியினை நடிக்க வைத்து ஆஸ்கர் வாங்க சங்கம் ஆலோசனை சொல்லி வாழ்த்துகின்றது

கலைஞரின் தமிழ் படத்தில் அழகு, அதனையும் மிஞ்சி நிற்க்ன்றது தலைவி முகம்

எம்மை பொறுத்தவரை தமிழின் மிகசிறந்த படம் பொன்னர் சங்கர், ஆனால் ஒரே நிபந்தனை தலைவி வரும் காட்சிகள் மட்டும் பார்க்க வேண்டும்.

(இந்த அற்புத நடிகைக்கு ஏன் தேசிய‌ விருது கிடைக்கவில்லை என்றால் அதுதான் இந்திய பாழ்பட்ட அரசியல்.

சரி ஆஸ்கர் ஏன் கிடைக்கவில்லை என்றால் அதுதான் உலக அரசியல், பிளடி பாலிடிக்ஸ்.)


Image may contain: 2 people, close-upஇந்த நாள் நிச்சயம் இனிய நாள்

ஆம், தலைவியின் அட்டகாச நடிப்பில் வந்த படங்கள் எல்லாம் வருகின்றன. அதில் “இளைஞன்” படமும் ஒன்று

புரட்சி வசனங்களை அணல் தெறிக்க பேசுகின்றார் தலைவி.

என்ன ஒரு நடிப்பு.. என்ன ஒரு உணர்ச்சி முழக்கம்?

தலைவியின் இந்த புரட்சி” பாத்திரத்தைத்தான் “கபாலி “காலா” என காப்பியடித்து படமாக்கிவிட்டு அதில் தலைவிக்கு ஒரு வேடம் கூட அவருக்கு கொடுக்கவில்லை.

பின் எங்கே இருந்து அந்த படங்கள் கரையேறும்? மூழ்கித்தான் போகும்

மனோகரா கண்ணாம்பாளுக்கு பின் அணல் தெறிக்கும் பேச்சு தலைவிக்கு மட்டுமே சாத்தியம்


சங்கம் அதன் கடமையில் இருந்து தவறுவதே இல்லை

Image may contain: 2 people

ஐரோப்பிய சுற்றுபயணத்தில் இருக்கும் தலைவியின் சார்பாக தமிழக தலைமகனுக்கு பிறந்த நாள் வாழ்த்துக்கள்

சங்கம் அதன் கடமையில் இருந்து தவறுவதே இல்லை

தலைவி சார்பாக சங்கம் தன் மனபூர்வமான வாழ்த்துகளை தெரிவித்துகொள்வதில் பெருமை அடைகின்றது

ஸ்டெர்லைட்டை விட ஆபத்தான விஷயம் தாதுமணல் தொழிற்சாலை

ஸ்டெர்லைட்டின் பாதிப்பு என்னவென்பது நேரில் கண்டதில்லை, பாதிக்கபட்டவர்களின் ஓலம் மட்டும் கேட்டது. சில நிபுணர்களின் ஆய்வுகள் ஸ்டெர்லைட் அபாயகரமானது என சொன்னபின் அது வெடித்தது

ஸ்டெர்லைட்டை விட ஆபத்தான விஷயம் தாதுமணல் தொழிற்சாலை, அதன் கழிவுகள் சூழலை மட்டுமல்ல கடலையே நாசபடுத்தியவை

அந்த வைகுண்டராஜனின் அரசாங்கள் தூத்துகுடிக்கு வடக்கே இருந்து கன்னியாகுமரி வரை ஆண்ட பொழுது கடலே சிகப்பு நிலத்தில் இருந்தது, அப்படி ஒரு கொடும் அழிவு எங்கும் சாத்தியமில்லை

மீணவர் தொழில் அழிந்தது, மீன் இனம் அழிந்தது, அவர்கள் கதறத்தான் செய்தார்கள் ஆனால் யார் காதிலும் விழவில்லை

மணலை அள்ளி கடற்கரையினை நாசபடுத்தியது, மணலை பிரிக்கின்றோம் என கடற்நீரை மாசுபடுத்தியது இதில் ஏகபட்ட ரசாயாணம் கலந்து மீன்பாடு, மீணவர் நலம் கெட்டது என ஏராளம்

குமரியும் நெல்லை கடற்கரையும் புற்றுநோயில் அகப்பட்டதற்கு இவை முதற்காரணம், இந்த மாசடைந்த கடல் மீன்களை உண்டவர் நிலை இன்னும் மோசம்

நிச்சயமாக சொல்லலாம் ஸ்டெர்லைட் குறிப்பிட்ட இடத்தை நாசபடுத்தியது, ஆனால் வைகுண்டராஜனின் ஆலைகளும், தயா தேவதாஸ் ஆலைகளும் அழித்த அழிவு கொஞ்சமல்ல‌

இதை எல்லாம் நியூஸ்7 பேசுமா? மற்ற தொலைகாட்சிகள் பேசுமா என்றால் சத்தியமாக இல்லை

வடநாட்டவன் செய்தால் அழிவு, அதையே இவர்கள் செய்தால் ஏழைகளுக்கு வேலை கொடுக்கும் புனிதமான திட்டம்

ஸ்டெர்லைட் நச்சு வாயு , நச்சு நீர் ஆபத்து என்றால் தாதுமணல் ஆலைகள் இவைகளுடன் கதிரியக்க ஆபத்துக்களும் கொண்டவை

ஆனால் இதெல்லாம் பேசமுடியாது, பேசமாட்டார்கள்

காரணம் ஸ்டெர்லைட் வடநாட்டவன் கம்பெனி பொங்குவார்கள், தமிழன் கம்பெனி தமிழனை அழித்தால் சத்தம் வராது

ஆறுதலாக ஸ்டெர்லைட் போல வைகுண்டராஜனின் ஆலைகளும் மூடிகிடக்கின்றன‌

இரண்டும் நிரந்தரமாக மூடபடட்டும், தென்னகம் ரசாயாண பிடிகளில் இருந்து விடுபடட்டும்

 
 

கலைஞர் மாபெரும் தமிழின தீர்க்கதரிசி

Image may contain: 1 person, smiling, close-up

அந்த மகா துடிப்பான, போர்குணமிக்க கலைஞர் பல போராட்டங்களை நடத்திகொண்டிருந்த 1960களில் அவரிடம் கேட்டார்கள்.

“காமராஜர் நல்லாட்சி நடத்தினார், பக்தவச்சலம் ஆட்சியிலும் பெரும் குறை இல்லை, மத்திய அரசும் உங்கள் பல கோரிக்கைகளுக்கு செவிசாய்க்கின்றது பெரியார் கூட காமராஜர் ஆட்சி தொடரவேண்டும் என்கின்றார், பின்னர் ஏன் போராடிகொண்டிருக்கின்றீர்கள்

இந்த நல்லாட்சியிலே பல நியாயமான‌ கோரிக்கைகளுக்கு போராடித்தான் முடிவு கிடைக்கின்றது என்றால், வருங்காலத்தில் மகா மோசமான அரசுகள் அமைந்தால் தமிழகம் எப்படி எல்லாம் போராட வேண்டும் என நினைத்துபாருங்கள்? அப்படி ஒரு காலம் வருங்கால சந்ததிக்கு வந்துவிட கூடாது என்றுதான் நாங்கள் போராடி கொண்டிருக்கின்றோம் “

அன்று பெட்டி செய்தியாக கடந்து செல்லபட்ட சாதாரண செய்தி இது, இன்று அது மகா உண்மையாகி கண்முன் நிற்கின்றது

அம்மனிதன் மாபெரும் தமிழின தீர்க்கதரிசி

அய்யதுல்லா கோமேனி

Image may contain: 1 person

வரலாற்றில் பாரசீகம் என்று பெர்சியா என்றும் தனி இனமாக இருந்த நாடு அது, இஸ்லாமை பின்பற்றுவார்களே தவிர‌ அரபு வகையறாவில் அவர்கள் வரமாட்டார்கள். பாபிலோனின் நெபுகாத்நேச்சர், அலெக்ஸாண்டர், செங்கிஸ்கான் போன்றோரிடம் அடிமையாக இருந்தாலும் மீண்டு எழுந்தார்கள்

பாரசீக பேரரசு ஆசியாவினை மிரட்டிய காலமும் உண்டு, இந்தியாவின் மேல் படையெடுத்து ஷாஜகானின் மயிலாசனம், கோஹினூர் வைரம் எல்லாம் எடுத்து சென்றார்கள்

கலை, அறிவியியல், கல்வி, ,உணவு, வர்த்தகம், ராணுவம் என பல விஷயங்களில் தனித்துவம் கொண்ட இனம் அது, தாஜ்மகாலை வடிவமைத்தவன் ஒரு பாரசீக கலைஞன்

ஓட்டோமானின் வீழ்ச்சிக்கு பின் பெர்சியா ஹிட்லரோடு தொடர்பு கொண்டது, நாமும் ஆரியர்கள் என பெர்சியா ஈரான் எனும் ஆரிய பூமியானது (அதே ஹிட்லரை பார்த்து நாமும் ஆரியர்கள் என தொடங்கபட்டதுதான் ஆர்.எஸ்.எஸ்)

இஸ்லாமிய நாடு ஆயினும், நாம் இனத்தால் உயர்ந்தவர்கள் என்ற எண்ணம் உண்டு. ஆனால் இஸ்லாமிய உலகம் அவர்களை புறம் தள்ளி வைத்தது, காரணம் அவர்கள் ஷியாக்கள்

யாழ்பாண தமிழருக்கு தமிழக தமிழர் போலவும், யூதர்களுக்கு இஸ்லாமியர் போலவும், பிராமணருக்கு மற்ற இந்துக்கள் போலவும் இருந்த இடைவெளி சன்னிகளுக்கும் ஷியாக்களுக்கும் இருந்தது, ஈரானை ஒருவிதமாக தாழ்த்தியே அரபு உலகம் வைத்திருந்தது

அழுத்தி சொல்ல வேண்டுமானால் எந்த முக்கிய முடிவிற்கும் அவர்களை தேடமாட்டார்கள். அது எகிப்து சூயஸ் விவகாரம், இஸ்ரேல் மீதான அரபு நாட்டு படையெடுப்பு போன்றவற்றில் ஈரானை சேர்க்கமாட்டார்கள்

“நீ எல்லாம் ஒரு நாடா? உன்னை எப்படி சேர்க்க முடியும்? என்ன பலம் உண்டு உன்னிடம்? நாங்கள் யார், நீ யார்?” என்ற ஒரு ஏளன பார்வை அரேபியரிடம் இருந்தது

ஒப்புக்கு கூட ஈரானை மதிக்க அவர்கள் தயாராக இல்லை

சொல்லபோனால் ஷியாக்களுக்கு ஒரு அங்கீகாரமும் பலமும் இல்லை. ஷியாக்கள் நிறைந்த ஈராக்கை சன்னி சதாமும், ஈரானை மன்னரும் ஆண்டுகொண்டிருந்தனர்

குவைத், பஹ்ரைன், ஓமன், சவுதி போல ஈரானுக்கும் மன்னர் இருந்தார. எண்ணைவள நாடு என்றால் அமெரிக்காவிற்கு தலையாட்ட வேண்டும் அல்லவா? அப்படி ஆட்டிகொண்டு கவனமாக பணத்தை எண்ணி கொண்டிருந்தார். மக்கள் மேல் கவனமோ மத ரீதியான அபிமானமோ இல்லை

அப்பொழுதுதான் அந்த சமய குரு பிரபலமானார். தீர்க்கமான சிந்தனை. தைரியமான பேச்சு, அரசுக்கு எதிரான முழக்கம் என அவரின் புகழ் பரவியது

ஷியாக்கள் தங்களின் தேவதூதராக அவரை கருதினர். அதுவரை தாழகிடந்த அறிவற்ற இனமாக கருதபட்ட ஷியா சமூகத்தில் அவர் அதிசயமாக பார்க்கபட்டார். தாழகிடக்கும் இனம் தங்கள் சமூகத்தில் ஒரு சிந்தனையாளன் தைரியமாக எழும்பினால் விடுமா? அவனை கொண்டாடியது

சைய்யது ரூகோல்லா மூஸாவி கோமேனி

அந்த கோமேனி புகழ் இன்னும் பரவ, அவர் கடவுளின் தூதர்
என்றே நம்பினார்கள். இஸ்லாமில் நபிக்கு பின் வல்லமையுள்ள ஒருவர் வருவார் என்ற நம்பிக்கை உண்டு. அது இவர்தான் என்றார்கள். சில நேரம் அவரின் முகம் நிலவு போல மாறும் என்றெல்லாம் பேச்சுக்கள் எழுந்தன‌

இதனால் கடவுளின் அடையாளம் எனப்படும் அய்யதுல்லா என்ற அடைமொழி அவருக்கு கொடுக்கபட்டது அவர் அய்யதுல்லா கோமேனி ஆனார்

நாடு முழுக்க அவருக்கு பெரும் கூட்டம் பெருகிற்று, அயதுல்லா ஷியாக்களுக்கு தலைவர் ஆனார், அவர் சொன்னால் சாக கூட தயார் எனும் அளவிற்கு மக்கள் மாறினர்

கோமேனியின் கோபம் அமெரிக்க ஆதரவு மன்னர் மேல் திரும்பியது, மன்னர் கொமேனியினை ஈரானில் இருக்க கூடாது என உத்தரவிட்டார். ஈராக், ஏமன் என சுற்றி இறுதியில் பிரான்ஸ்லில் அடைக்கலமானார் கோமேனி

ஆனால் ஈரான் கொந்தளித்தது, அரசருக்கு நெருக்கடிகள் முற்றின. மருத்துவ விவகாரங்களுக்காக அமெரிக்கா செல்கின்றேன் என மன்னர் கிளம்பிய சில நாட்களில் பிரான்ஸ்லில் இருந்து ஈரான் வந்தார் கோமேனி, ஆட்சியினை 1979ல் கைபற்றுவதாக அறிவித்தார்

எங்கோ இருந்துகொண்டு ஈரானில் புரட்சி நடத்தி ஆட்சியினை கைபற்றினார் கொமேனி, மாபெரும் ஆச்சரியம் இது.

ஈரான் ஷியக்களின் நாடாக அறிவிக்கபட்டது, ஒரு மதகுரு தலமையில் ஈரானில் புரட்சி நடந்து அது இஸ்லாமிய குடியரசு ஆனது

கிட்டதட்ட 3000 ஆண்டுகள் பழமையான ஈரானிய அரசர் வகையறாவினை மக்களை திரட்டி ஒரு மதகுரு விரட்டி ஆட்சியினை பிடித்த அதிசயம் அங்கு நடந்தது

ஆட்சிக்கு அமர்ந்ததும் அதிரடி காட்டினார் கோமேனி , அமெரிக்காவிற்கு நேரடி சவால் விட்டார். ஈரானிய அரசரை அவர் சொத்துக்களோடு ஒப்படைக்க போகின்றாயா இல்லையா?

அமெரிக்கா மறுத்தது, மிக தைரியமாக கோமேனி செய்த காரியம் உலகை அதிர செய்தது, ஆம் 1979 நவம்பரில் ஈரானின் அமெரிக்க தூதரகத்தை அவரின் புரட்சிபடை முற்றுகையிட்டது, அவர்கள் உயிருக்கு ஆபத்து எனும் அளவில் கடும் நெருக்கடிகள்.

உலகம் பதைபதைப்பாக பார்க்க மிக நிதானமாக கேட்டார் அய்யதுல்லா

“அரசனை அவன் சொததுக்களை கொடு, அமெரிக்க அதிகாரிகளை நாங்கள் தருகின்றோம்..”

அமெரிக்க தன்மானத்தில் விழுந்த அடி அது, உலகம் மகா ஆச்சரியமாக அதை நோக்கியது, விவகாரம் 444 நாட்கள் நீடித்தது

இடையில் அமெரிக்க அரசு அவர்களை மீட்க பின்லேடன் பாணியில் 3 ஹெலிகாப்டர்களை அனுப்பியது, 3ம் ஈரானிய புரட்சிபடையால் வீழ்த்தபட்டது, அமெரிக்கா அது மணல் புயலில் சிக்கியதாக சொல்லி மண்ணை தட்டிகொண்டது

இறுதியில் மன்னர் இறந்து போக அமெரிக்கர்களை அனுப்பிவைத்தார் கோமேனி. அமெரிக்க வரலாற்றில் மாபெரும் அவமானம் இது, இன்றுவரை ஈரான் மேல் அமெரிக்கா கொலைவெறியோடு அலைய இதுதான் காரணம்

அப்பகுதிக்கு கோமேனி பெரும் தலைவர் ஆனார், ஷியாக்களின் எழுச்சி சன்னி தலைவர்களிடமே அச்சத்தை ஏற்படுத்தியது. அமெரிக்கா நரி தந்திரமாக சதாமினை வளைத்தது

(ஈரானின் புரட்சி தங்கள் மண்ணில் நடந்தால் தங்கள் உல்லாச வாழ்வு அதோகதி என உணர்ந்த பக்கத்து நாட்டு அரசர்களும் சதாமிற்கு ரகசியமாக துணை சென்றனர், குவைத் அரசு அதில் முக்கியமானது

பின் அது சதாமிற்கு துரோகம் இழைக்க , அந்த கோபத்தில்தான் குவைத் மீது பாய்ந்து வாழ்வினை தொலைத்தார் சதாம்)

அன்று கோமேனி அரேபியாவினை பூரண இஸ்லாம் பகுதியாக அறிவிக்க முயன்றபொழுது சதாம் வித்தியாசமாயிருந்தார், அன்றைய சதாமுக்கு மதம் முக்கியம் அல்ல மாறாக தொழில் இன்னபிற விஷயங்களில் ஆர்வமாயிருந்தார்

அந்த நவீனமுகம் கொண்டிருந்த சதாமினை ஈரானுக்கு எதிராக தூண்டிவிட்டார்கள், ஷியாக்கள் மிகுந்த ஈராக்கில் அது சதாமிற்கு அவசியமாகவும் இருந்தது. பழைய எல்லை தகறாறுகளில் அது வெடித்தது

சதாமின் படைகளை கோமேனியின் புரட்சிபடை முதலில் திணறினாலும் பின்னால் எதிர்கொண்டது, வடகொரியாவிடம் இருந்து ஆயுதம் வாங்கிய ஈரான் தாக்குபிடித்தது, வடகொரிய ஈரான் உறவுகள் அன்று தொடங்கின‌

சதாமின் பெயர் கெட்டது, சன்னி இஸ்லாமியரான சதாம் மக்களின் அதிருப்தியினை போக்க தான் ஷியாவிற்கு மாறியதாக எல்லாம் சொல்லி பார்த்தார் ஆனால் யாரும் நம்பவில்லை

இறுதியில் 7 ஆண்டுகள் நீடித்த போர் நின்றது

கோமேனியின் ஈரான் அதன் எல்லையினை தாண்டி ஷியாக்கள் இருக்குமிடமெல்லாம் அதிகாரம் செய்தது, சிரியா, லெபனான், ஏமன் என எல்லா நாடுகளுக்கும் காவலானது

லெபனானில் நின்றிருந்த அமெரிக்க பிரென்ஞ் படைகளை ஓட விரட்டியதிலும் சில பிணைகைதிகளை பிடித்து ஈரானிய அரசின் சொத்துக்களை மீட்டதிலும் கோமேனியின் சாதனை பெரிது

அவரை கொல்லவும், ஈரானிய அரசை கைபற்றவும் 10 ஆண்டுகள் கடும் முயற்சி செய்தது அமெரிக்கா, கோமேனியினை நெருங்க கூட முடியவில்லை.

காரணம் அமெரிக்க தூதரகம் ஈரானில் இருக்க கூடாது என மிரட்டி அனுப்பினார் கோமேனி, ஏனென்றால் தூதரகங்கள் என்னென்ன சித்துவிளையாட்டை எல்லாம் ஆடும் என அவருக்கு தெரியும்

அவர் ஆட்சியில் இருந்த 10 ஆண்டுகள் மட்டுமல்ல, அவர் இறந்த அடுத்த 30 ஆண்டுகளிலும் கோமேனியின் ஈரானை அமெரிக்கா தொட முடியாததற்கு இதுதான் காரணம்

சில தூதரகங்கள் அவ்வளவு ஆபத்தானவை, மிக நுட்பமாக கலவரங்களை குழப்பங்களை தூண்டிவிடுவார்கள். அடிக்கடி சில நாடுகள் சில நாட்டு தூதர்களை வெளியேற சொல்வது இதற்குத்தான்

மனரீதியாகவும், கலாச்சார ரீதியாகவும் மிக பின் தங்கிய ஷியாக்களுக்கு பெரும் கவுரவம் பெற்று கொடுத்தவர் கோமேனி, அதனால்தான் இன்று உலகெல்லாம் உள்ள ஷியா இஸ்லாமியர் வீடுகளில் எல்லாம் அவர் படம் இருக்கும்

இந்தியாவில் காஷ்மீரில் அதனை காணலாம்

கோமேனி ஆட்சியின கைபற்றியதே பெரும் ஆச்சரியம் என்றால், இன்றுவரை அதே பாதையில் அதாவது ஷியாக்களுக்கு பாதுகாப்பான தேசம் என்ற வகையிலே ஈரானின் செயல்பாடுகள் உள்ளது ஆச்சரியமானது

இன்று மத்திய கிழக்கின் ஸ்திரதன்மையுள்ள குடியரசு ஈரான். இன்று ஷியாக்கள் வாழும் ஈராக்கிலும் அவர்களின் பிடி உள்ளது, இடையில் ஐஎஸ் எனும் இயக்கம் இதை எதிர்த்துத்தான் போராடி பார்த்தது ஆனால் ஈரான் அதையும் முறியடித்தது

சன்னி நாடுகள் அமெரிக்க அடிமையான அரேபியாவில் ஷியா தேசங்கள் மிக கடுமையாக அமெரிக்காவினை எதிர்க்கின்றன என்றால் காரணம் கோமேனியின் ஈரான்

கவனியுங்கள், எங்கெல்லாம் ஈரானின் ஆதரவு கரங்கள் உண்டோ அங்கெல்லாம் மன்னர்கள் அட்டகாசம் இருக்காது, அவை மக்கள் குடியரசாகவே இருக்கும், கோமேனியின் ஈரான் செய்யும் மகத்தான பணி அது

கிட்டதட்ட 40 ஆண்டுகளாக ஈரானுக்கும் அமெரிக்காவிற்கும் உள்ள பகை இப்பொழுது டிரம்ப் காலத்தில் முற்றுகின்றது, எனினும் ஈரான் அசைந்து கொடுக்கவில்லை. இன்று ஈரான் மேல் அமெரிக்கா கை வைத்தால் அது அரபு தேசத்தில் பலத்த விளைவுகளை கொடுக்கும் அளவிற்கு நிலமை தீவிரம்

ஈரானிய புரட்சியும் அது ஏற்படுத்தபோகும் விளைவுகளும் நாஸ்டர்டாமஸால் கூட சொல்லபட்டிருந்தன‌

நிச்சயம் ஈரானிய புரட்சி மகா ஆச்சரியமான விஷயம், ஒரு சாதரண அப்பாவி மதகுரு மாபெரும் அரசனை விரட்டிவிட்டு, உலகமகா வல்லரசை மண்ண கவ்வ வைத்த விஷயங்கள் எல்லாம் சாதாரணம் அல்ல‌

கோமேனியினை ஆங்காங்கே தொட்டு காட்டுவார்களே தவிர அவரின் உண்மையான தீரத்தை ஒருவரும் சொல்லமாட்டார்கள்

அவர் ஷியா என்பதால் அது சன்னி பிரிவுக்கு அவமானம், ஏராளமான இடங்களில் அமெரிக்காவின் கழுத்தை பிடித்து தள்ளியவர் என்பதால் அவர்களுக்கும் அவமானம்

இதனால் அந்த தன்மான சிங்கத்தின் மாபெரும் புகழ் பல இடங்களில் மறைக்கபடுகின்றது, ஆனால் முற்றிலும் முடியவில்லை

அமெரிக்கா என்பது சாத்தான், அது கால்பதித்த இடத்தில் நிம்மதி இருக்காது. அதன் நிழல் கூட இங்கு இருக்க கூடாது என்ற கோமேனி வழியில் அரபு உலகம் கிளம்பி இருக்குமானால் அன்றைய கலீபாக்கள் கண்ட சொர்க்கத்திற்கு நிகரான ஆட்சி அரேபியாவில் இன்று நடந்துகொண்டிருக்கும்

ஒரு குழப்பமும் இருந்திருக்காது

தாழ கிடந்த ஷியா இனத்தை எழ வைத்து ஆளவைத்து , ஈரான் எனும் தேசத்தை அவர்களுக்கு கொடுத்து அது அரபுலகில் பெரும் எழுச்சிக்கு வழிவகுத்த அந்த கோமேனியின் நினைவு நாள் இன்று

நாசர், சதாம் வரிசையில் மகா தீவிரமாக அமெரிக்காவினை எதிர்த்து அதில் முழு வெற்றியும் பெற்றவர் அந்த கோமேனி

வரலாற்றில் அமெரிக்கா வியட்னாமில் மட்டும் தோற்கவில்லை, அவர்கள் அரசியல் ரீதியாக மண்டியிட்ட இடம் ஈரான்

அமெரிக்கா என்றல்ல, ஆனானபட்ட இஸ்ரேலும் அதன் மொசாத்தும் கூட ஈரானிடம் வாலை சுருட்டிகொண்டு அமைதியாகத்தான் இருந்தது

இப்பொழுதுதான் அணுஆயுதம் அது இது என ஈரானை வம்புக்கு இழுக்கின்றார்களே அன்றி, அப்பொழுதெல்லாம் ஈரான் என்றாலே அவைகளுக்கு ஒரு அச்சம், ஈரான் விவகாரங்களில் தலையிடுவதில்லை

வரலாற்றை புரட்டுங்கள் தெரியும், நேரடியாக அவர்களை தொட முடியாத அமெரிக்கா பொருளாதர தடை என அடித்தும் அசராதவர்கள் ஈரானியர்கள்

அதற்கு பதிலடியாக சிரியாவிலும் ஈராக்கிலும் ஏமனிலும் அடித்து வைக்க வேண்டிய வகையில் அமெரிக்காவிற்கு செக் வைப்பதில் அவர்கள் கில்லாடிகள்

ஈரானின் பலம் இன்று குறிப்பிடதக்கது, அந்த பலம் வாய்ந்த‌ ஈரானை உருவாக்கியது நிச்சயம் அய்யதுல்லா கோமேனி என்பதில் சந்தேகமில்லை

நிச்சயம் வரலாற்று நாயகன் கோமேனி என்பதில் சந்தேகமில்லை

அய்யதுல்லா கோமேனி எனும் பெயர் வரலாற்றை புரட்டி போட்டவர்கள் வரிசையில் இடம்பெற்று நிலைத்தாயிற்று

அரபுலகில் அமெரிக்க அரசியல் இருக்கும்வரை அவரின் தீரமிகு போராட்டமும், மதிநுட்பமும் வரலாற்றில் இருக்கும்

மதம், வரலாறு, அரசியல், உலக அரசியல், போர், நிர்வாகம், ஆட்சி என பலதுறைகளில் மகா வித்தகரான அந்த கோமேனி அசாத்திய மனிதர்

எந்த ஈரான் அப்பகுதியில் புறக்கணிக்கபட்டதோ, அந்த ஈரானை மகா சக்திவாய்ந்த நாடாக மாற்றி காட்டியவர் கோமேனி

அந்த மகா தைரியமான, அரபுலக வரலாற்றினை புரட்டி போட்ட பாரசீக சிந்தனையாளனுக்கு ஆழ்ந்த அஞ்சலிகள்

 
 
 
 

 

 

இனியாவது ரஜினி திருந்தட்டும்

காலா படத்திற்கு கன்னடத்தில் தடை என்றால் அரசியல், இனி வாட்டாளுக்கு வெட்ட வேண்டியதை வெட்டாமல் அங்கு படம் ரிலீசாகாது, அன்னார் எதிர்ப்பார்ப்பது அதுதான்

கன்னடத்தில் தடை இப்பொழுது வந்திருக்கலாம், படம் வரும்பொழுது மும்பையிலும் தடை வரலாம், பொறுத்து பாருங்கள்

ஆனால் ஐரோப்பாவில் தடை என்பதுதான் யோசிக்க வேண்டிய விஷயம், விஷயம் உறுதி இல்லை எனினும் சாத்தியம் உண்டு

பொதுவாக இம்மாதிரி படங்களை கவனமாக எடுக்க வேண்டும், அதுவும் உலகம் முழுக்க ஓடவேண்டிய ரஜினி படத்தினை எடுக்க கடும் யோசனைகள் வேண்டும்

காரணம் எல்லா நாட்டிலும் தமிழர் உண்டு, அவர்களுக்கு சிக்கலும் உண்டு. அப்படிபட்ட நிலையில் ரஜினி பெரும் போராளி, தமிழர் போராளி என வரும் படங்களை எல்லாம் பல நாடுகள் ரசிக்காது

புரட்சி புண்ணாக்கு எல்லாவற்றையும் அவர்கள் இரும்பு கரம் கொண்டு ஒடுக்கபார்ப்பார்கள், சமூக அமைதி அவர்களுக்கு முக்கியம்

வெளியே கவனியாது விட்டது போல் இருந்தாலும் உள்ளூர ஒவ்வொரு அரசும் விளக்கெண்ணெய் போட்டு கண்காணிக்கும், இதனால் நம் நாட்டில் என்ன சிக்கல் வரலாம் என்பதை எல்லாம் யோசிப்பார்கள்

ஐரோப்பாவில் தமிழர் உண்டு என்பது வேறுவிஷயம் அதையும் தாண்டி கருப்பு என்பதெல்லாம் அவர்களுக்கு என்றுமே வெறுப்பு

காண சகிக்காத கறுப்பு சட்டையில் நின்றுகொண்டு வேங்கை மவன் நான் கருஞ்சிறுத்தை, கறுப்பர் நகர காவல் தெய்வம் என்பதெல்லாம் அவர்களுக்கு உவப்பானது அல்ல‌

படம் தமிழர் வாழும் ஏரியாவில் சில சலசலப்புகளை உண்டு செய்யலாம், கறுப்பர்கள் ஆதரவு என எதிர்பாரா நிகழ்வுகள் வரலாம் என்றெல்லாம் யோசிப்பார்கள்

ஐரோப்பாவில் காலா ஓடினாலும் மலேசியாவில் காலா துண்டாடபட்டு வெறும் 1 மணிநேரத்திற்கு மலாய் வெர்ஷனில் சுருக்கபட்டது போல வெறும் கால் மட்டும் வரும்

எப்படியோ மும்பை அடுத்து தென்னாப்ரிக்க தமிழர், பிஜி தமிழர், வெஸ்ட் இண்டீஸ் தமிழர், லண்டன் தமிழர், பாரிஸ் தமிழர் இங்கெல்லாம் கருப்பு, கருத்தவன், கருவாயான் போன்ற பெயர்களில் ரஜினியினை வைத்து பெரும் புரட்சிகள் செய்ய இருந்த ரஞ்சித்தின் கனவில் மண் விழுந்திருக்கின்றது

இனியாவது ரஜினி திருந்தட்டும்

 

சீதை உலகின் முதல் டெஸ்ட் டியூப் பேபி : உபி அமைச்சர் பேச்சால் சர்ச்சை

சீதை உலகின் முதல் டெஸ்ட் டியூப் பேபி : உபி அமைச்சர் பேச்சால் சர்ச்சை

அவர்களுக்கு இதை தவிர என்ன பேசமுடியும்? நாரதர் உலகின் முதல் இமெயில் சர்வர், மகாபாரத காலத்திலே இணையம் இருந்தது என்ற வரிசையில் இதுவும் ஒன்று

சீதை டெஸ்ட் டியூப் என்றால், ராமனின் பிறப்பு சொல்வது என்ன?

அவர் யாகபாயாசத்தில் பிறந்தவர் என சொல்கின்றது ராமாயணம்

இதன் மூலம் அன்னார் உலக விஞ்ஞானிகளுக்கு சொல்ல வருவது என்ன வென்றால், யாக‌ பாயாசத்தின் மூலம் பிள்ளைபெறுவது வருங்காலத்தில் சாத்தியம் அதில் ஆராய்ச்சி செய்யுங்கள்

இன்னும் என்னென்ன பகீர் ஐடியாக்களை எல்லாம் பாஜக மெம்பர்கள் புராணங்களில் இருந்து உலகிற்கு சொல்ல போகின்றார்களோ???

 

“தென்றலை தீண்டியதில்லை நான் தீயினை தாண்டி இருக்கின்றேன்” : கலைஞர்

சாதியால் அவர் மிக பிற்படுத்தபட்டவர், படிப்பால் மிக பின் தங்கியவர் படிப்பினையே முடிக்கவில்லை, குடும்பமோ மிக ஏழ்மையான குடும்பம், பிறந்த இடமோ சிறு குக்கிராமம்.

இந்த பின்புலத்தில் ஒரு மனிதன் தனக்கு இருக்கும் தாழ்வுகளை எல்லாம், பலஹீனங்களை எல்லாம் பலமாக மாற்றி வாழ்வில் ஜெயித்தான் என்றால் நமது வாழ்நாளில் நாம் கண்ட பெரும் உதாரணம் கலைஞர்.

சாதாரண வசனகர்த்தா, சக்தி கிருஷ்ணசாமி போலவோ அல்லது திருவாரூர் தங்கராசு போலவோ ஒரு அடையாளத்தோடு வாழ்ந்திருக்கவேண்டியவர் ஆனால் இன்று பெரும் வரலாறாலாக வாழ்கின்றார்.

அவரின் வெற்றிக்கு காரணம் உழைப்பு, விழிப்பு, மக்கள் துடிப்பு

உழைப்பில் அவர் தேனீ, யாராலும் மறுக்க முடியாது. விழிப்பில் அவர் வித்தகர், இல்லாவிட்டால் இந்நாள் வரை கட்சி நடத்த முடியாது, மக்கள் நாடி பிடித்து பார்ப்பவர், மக்கள் யாரை ரசிக்கின்றார்களோ அவரை அருகில் அமர்த்திகொள்ளும் சாமர்த்தியம் அவரது

அப்படித்தான் எம்ஜிஆர் முதல் வடிவேலு வரை அவரால் அருகில் அமர்த்த முடிந்தது, கிரிகெட் ரசிக்கும் தமிழர்களுக்காக அவரும் கிரிக்கெட் பார்ப்பார், வீரர்களை பாராட்டுவார், அப்படி மக்களோடு மக்களாக பயணிப்பவர்.

புலிகளை தமிழகத்தில் மக்கள் கொண்டாடிய பொழுது அவரும் கொண்டாடினார், மக்கள் வெறுத்தபொழுது அவரும் கைகழுவினார், இதுதான் கலைஞர்

பெரும் யானையாக தமிழகத்தில் வலம் வந்த காங்கிரசையே பூனையாக்கி தன்னோடு கூட்டி செல்லும் அவரின் சாமார்த்தியத்திற்கு மட்டுமே எழுந்து நின்று கைதட்டலாம், 50 வருடத்தில் நிலமை அப்படித்தான் மாறி இருக்கின்றது.

அரசியல் என்பது பெரும் காட்டாறு, அதனில் பயணிப்பது கடினம், ஆனால் 70 ஆண்டுகளாக அசராமல் அவர் பயணிப்பதுதான் திறமை. இந்த ஆற்றில் சுழிகள் உண்டு, குப்புற தள்ளும் துரோக நீர்வீழ்ச்சி உண்டு, உடனிருந்தே விழுங்கும் முதலைகள் உண்டு, என்னவெல்லாமோ உண்டு, ஆனால் கலைஞர் கடந்தார்.

அந்த ஆறு கெட்டும் போய்விட கூடாது, மீன்கள் வாழவேண்டும், தவளைகள் வாழவேண்டும், மக்கள் கொண்டாட வேண்டும், பக்கதில் மரங்கள் வாழவேண்டும் அல்லாவிட்டால் கூவம் போல ஒதுக்கியும் விடுவார்கள் (புரிந்தால் புரிந்துகொள்ளுங்கள்)

சுவாரஸ்யமான அரசியல்வாதி அவர், நேரு காலம் முதல் ராகுல் காலம் வரை அரசியலில் கண்டவர், பேசா படம் காலமுதல் சிம்பு வரை சினிமாவில் கண்டவர், எல்லிஸ் ஆர் டங்கன் முதல் கார்த்திக் சுப்புராஜ் காலம் வரை கண்டவர்,
சுதேச மித்திரன் முதல் முகநூல் வரை பணியாற்றிய பெரும் நீண்ட நதி அவர்.

அரசியல், பத்திரிகை, சினிமா, இலக்கியம், கட்சிதலைவர், முதல்வர், அமைச்சரவை,போராட்டம், பிரச்சாரம், புத்தகபணி, பெரும் குடும்பத்து தலைவர் என்று எப்பக்கமும் ஓய்வில்லாமல் சுழன்ற வியப்புகுரியவர்.

அவரின் அரசியலில் சில சர்ச்சைகள் இருக்கலாம், சில முரண்பாடுகள் இருக்கலாம், ஆனால் மாநிலம் அமைதியாக இருந்தது, புலிகள் காலத்தில் மட்டும் சில பெரும் கொலைகள் நடந்தன, அது பாம்பிற்கு பால் ஊற்றியதால் வந்த வினை, மற்றபடி பெரும்பாலும் மக்களின் பொதுவாழ்வு அமைதியே

இந்திய மாநிலங்களை ஒப்பிடும்பொழுது தமிழகம் வளரத்தான் செய்திருக்கின்றது, நன்றாக வளர்ந்திருக்கின்றது

நிச்சயமாக அவர் சுயம்பு, பீஷ்மர் போல பிதாமகன். கவனியுங்கள் எம்ஜிஆர் இல்லை என்றால் ஜெயா இல்லை, வன்னியர் சங்கம் இல்லை என்றால் பாமக இல்லை, நேரு இல்லை என்றால் காங்கிரசே இல்லை, பாபர் மசூதி இல்லை என்றால் பாஜக இல்லை, பிரபாகரனும் அவன் கொலைகளும் இல்லை என்றால் சீமான் இல்லை

ஆனால் கலைஞர் அண்ணா இல்லாவிட்டாலும் ஜொலித்திருப்பார், அண்ணாவிற்கு பின் அக்கட்சி சம்பத் காலம், எம்ஜிஆர் காலம், வைகோ காலம், டிஆர் காலம்(அப்படியும் ஒன்று உண்டு), அழகிரி காலம் என எத்தனையோ இடர்பாடுகளை கண்டாலும் அது இன்றும் மகா உறுதியாக இருக்கின்றது என்றால் அதற்கு ஒரே காரணம் யார் என சொல்ல தேவையில்லை

அவர் அரசியல் பீஷ்மர்தான் , அப்படித்தான் அவர் வளர்த்த , அழைத்து வந்து “புரட்சி நடிகர்” என பட்டம் கொடுத்த எம்ஜிஆராலே வீழ்த்தபட்டார், ஆனால் அதனையும் தாண்டி எழும்பினார், காரணம் கண்ணன் போல மாயவேலையும் அவரிடம் கலந்திருந்தது.

கத்துகுட்டி விஜயகாந்த் கொஞ்சம் சிந்தித்திருந்தால் இன்றும் கலைஞர் மறுபடியும் முதல்வராக இருந்திருப்பார், நிச்சயம் வருத்தபடவேண்டியவர் கலைஞர் அல்ல, அவருக்கென்ன அவர் பார்க்காத பதவியா? அனுபவிக்கா அதிகாரமா?

அவர் மீது மிகசில சர்ச்சை உண்டு, அதில் எம்ஜிஆர் பிரிவு, அது வேறுமாதிரியானது, அண்ணா இருந்திருந்தாலும் அது நடந்தே தீரும், காரணம் கட்சி பெரும் தொடங்க சக்தியால் நிர்பந்திக்கபட்டார் அவர், அதை மீறினால் அவருக்கு வாழ்க்கை இல்லை.

அந்த எம்ஜிஆர் மட்டும் பிரியவில்லை என்றால் இன்று சுமார் 50 ஆண்டுகாலம் முதலமைச்சராக இருந்தவர் எனும் பெரும் சாதனை கலைஞருக்கு இருந்திருக்கும் விதி அது அல்ல,

பிரிந்த எம்ஜிஆரையும் பட்நாயக் காலத்தில் இணைத்துகொள்ள அவர் பட்ட சிரமம் கொஞ்சமல்ல, ஏனோ நடக்கவில்லை.

இன்னொன்று குடும்பத்தாரை கட்சிக்குள் அனுமதித்தது, அவர் என்ன செய்ய? எம்ஜிஆரை வளர்த்து பட்டபாடு போதாதா? அவர் இன்னொரு தீராதலைவலியினை அல்லவா உண்டாக்கி சென்றுவிட்டார் அதன்பின் கலைஞர் யாரையும் நம்பவில்லை,

இன்னொன்று அரசியலில் யாரையும் நம்பமுடியாது, அதில் எப்பொழுது கட்சி உடையும்? யார் நன்றிகுரியவர்கள்? என எதனையுமே பகுத்துபார்க்கமுடியாது, மன்னர் காலம் அல்ல மக்களாட்சியிலும் அரசியல் துரோகம் நிறைந்ததுதான்

கவனியுங்கள் குடும்பத்தாரை கூட வைக்கவேண்டிய இடத்தில்தான் வைத்திருப்பார் 🙂

நமது தலைமுறையில் நாம் கண்ட சுவாரஸ்யமான தலைவர் அவர், இன்றும் கோட்டையில் பணிபுரிந்த அனுபஸ்தர்களை கேளுங்கள், தாங்கள் பார்த்த பெரும் நிர்வாகி கலைஞர் என்பார்கள், அவரிடம் பழகியவர்களிடம் கேளுங்கள் கொஞ்சநேரம் பேசினால் அவரை பிரியமுடியாது என்பார்கள்

அவரின் வார்த்தையில் சொல்வதாக இருந்தால் “தென்றலை தீண்டியதில்லை நான் தீயினை தாண்டி இருக்கின்றேன்”

அவர் கடந்துவந்த பாதையினை பாருங்கள், அவர் தென்றலலை தீண்டியதில்லை தீயினை தாண்டியிருக்கின்றார், பாட்டிசைக்கும் குயில்கள் இல்லை அவர் பாதையில் படமெடுக்கும் பாம்புகள் குவிந்திருந்தன‌

அது உண்மையும் கூட, மனிதர் ஒருநாளும் நிம்மதியாக இருந்ததில்லை, கல்வியில் தோல்வி, 
வறுமை, வசனம் எழுதிய காலம், பெரியாருடன் பிரிவு, முதல் மனைவி மறைவு, கட்சி, அது ஆட்சியினை பிடிக்க போராட்டம், மொழி போராட்டம், சம்பத்துடனான போராட்டம், அண்ணா மறைவு, அண்ணாவிற்கு பின் முதல்வராக அவர் பட்ட பாடுகள் ஏராளம்,

காரணம் பெரும் அடையாளங்கள் எல்லாம், கல்வி பின்புலத்தோடு இருந்தது, அதனை தாண்டி ஜெயிக்க அவர் நடத்தியது பெரும் போராட்டம்.

எம்ஜிஆருடன் அடுத்த யுத்தம், மிசா சட்டம், அடுத்தடுத்து போராட்டம், இந்திராவுடன் போராட்டம், ராஜிவுடன் உரசல்,

எம்ஜிஆர் எனும் சகாப்தம் மறைந்ததும் வைகோவுடன் போராட்டம், ஜெயாவுடன் போராட்டம், தான் வளர்த்த மாறன் குடும்பத்துடன் மறைமுக போராட்டம், குடும்ப போராட்டம், பின் எதிர்கட்சி தலைவராக போராட்டம்,

அவ்வப்போது ராமதாஸ், விஜயகாந்துடன் மிக சிறிய உரசல், இன்று அவர்களை கடந்து சென்று வெற்றி சிரிப்பு சிரிப்பது வேறுவிஷயம்.

அவரை ஈழவிஷய்த்தில் பழிப்பது தேவையற்ற ஒன்று, அவரால் முடிந்த அனைத்தையும் செய்துவிட்டுதான் ஓதுங்கினார்,

அவரின் அந்நாளைய அகில இந்திய டெசோ அருமையான முயற்சி, ஈழமக்களுக்காக மொத்த இந்தியாவினையும் திரட்டிய முயற்சி, அழகான முயற்சி

ஆனால் அமிர்தலிங்கம், சபாரத்தினம் எல்லாம் புலிகளால் கொல்லபட அதனை நிறுத்தினார் கலைஞர், உச்சகட்டமாக ராஜிவ் கொல்லபட்டபின் , கலைஞருக்கு தெரிவிக்கபட்ட செய்தி “ஈழவிடுதலை மேதகு பார்த்துகொள்வார், நீங்கள் விலகினால் போதும்” கலைஞர் விலகினார்

இன்னொன்று ஒரு முன்னாள் பிரதமரை கொன்ற குற்றவாளியினை , ஒரு மாநில முதல்வர் காப்பாற்றுவார் என்று எந்த மடையனாவது எதிர்பார்ப்பானா? ஆனால் பிரபாகரன் எதிர்பார்த்திருந்தால் அவன் மடையன், அதனை ஊரெல்லாம் சொல்லும் சீமான் இன்னொரு முட்டாள்.

அப்படி 2009ல் யுத்தம் நின்றிருந்தாலும் என்ன தொடரும்? அதே குண்டுவெடிப்பு அதே சாவு, மற்றபடி ஈழம் ஒரு காலமும் அமையாது. இப்படி பல்லாயிரம் பேர் செத்துகொண்டே இருக்க ஒருவன் சாவது நலம் விட்டு தொலையுங்கள் சனியனை.

இந்த ஈழவிவகாரம் 1991ல் தமிழகத்திலிருந்து விடைபெற்றது என்பது அவருக்கு தெரியும், இன்றும் அவர் நூலிழையில்தான் ஆட்சியினை 2011ல், 2006ல் பறிகொடுத்தார் என்றால், புலிகளை தமிழக மக்கள் வெறுத்திருக்கும் வெறுப்பு அப்படி.

எல்லாவற்றையும் தாண்டி ரசிக்க வேண்டிய மனிதர் அவர், அவரிடம் கற்றுகொள்ளவேண்டியது ஒன்றே ஒன்றுதான் அது தோல்விகளையும், அவமானங்களையும் கொஞ்சமும் கண்டுகொள்ளாமல் தொடர்ந்து செயல்பட்டுகொண்டே இருப்பது, கொஞ்சமும் சுணக்கமில்லாமல் தொடர்வது.

எத்தனை அவமானம், இழப்பு, கடுஞ்சொல், பழி என அனைத்தையும் தாங்கும் அந்த ஒரே ஒரு விஷயத்தை எல்லோரும் கற்றுகொள்ளலாம், நிச்சயமாக சொல்லலாம்.

அவரே கண்களை துடைத்துகொண்டு சொன்னது போல “இன்று இவர்கள் (2005ல் ஏதோ சர்ச்சை) பழிப்பது எல்லாம் என்னை பாதிக்காது, சமூகமே இழித்தும் பழித்தும் பேச்சுக்களை 5 வயதிலிருந்தே கேட்டு வளர்ந்தவன் நான், அன்றிலிருந்தே இவை எல்லாம் எனக்கு பழக்கபட்டவை.

இதனை எல்லாம் மனதில் சுமந்தால் என்றோ வீட்டோடு முடங்கி இருப்பான் கருணாநிதி” அது பெரும் உண்மை கூட‌

எம்ஜிஆர் பிரிந்தபின் அவருக்கு வாக்கு வங்கி சரிவுதான், ஆனால் அதனை வைத்துகொண்டும் முதல்வர், மத்திய ஆட்சியில் பங்கு என அசத்தினார் அல்லவா? அதுதான் சாமார்த்தியம்

உடைந்த மட்டையினை வைத்துகொண்டே சிக்சர் அடிக்கும் பேட்ஸ்மேன் எவ்வளவு திறமைசாலி? அதேதான் கலைஞர்

இப்படி வாழும் ஒரு வரலாறாக வாழ்ந்து கொண்டிருப்பவருக்கும் அவருக்கு 95ம் பிறந்தநாள், வாழ்த்த வயதில்லை பிரார்த்திக்கலாம், சிலரின் அருமை அவர்கள் வாழும் காலத்தில் அதிகம் தெரியாது, ஒரு காலம் வரும் அன்று தெரியும்

அது இப்பொழுது நன்றாக தெரிகின்றது

பாகுபலி படத்தின் கதை என்ன? அக்கால சோழ கதைகளும், மங்கம்மாளின் (ரம்யா கிருஷ்ணன்) கதை கலப்புமே , அப்படி 2200, 2500களில் தமிழக அரசியல் படம் எடுப்பார்களானால் கலைஞரை தவிர்த்துவிட்டு என்ன எடுக்க முடியும்? இதுதான் அவரின் முத்தாய்பு காலத்தை வென்றுவிட்ட வெற்றி.

நாம் ரசித்த, மனதிற்குள் மிகவும் சிலாகித்த, தமிழக வரலாற்றில் அழியா இடம்பிடித்த, பெரும் போராட்டத்தை எதிர்கொண்டாலும் கொஞ்சமும் கலங்காத ஒரு பெரும் சுவரஸ்யாமான மனிதர் அவர்

அவருக்கு பிறந்தநாள் வாழ்த்துக்களை சொல்வதில் நிச்சயம் மகிழ்ச்சி, அவர் இன்னும் பல்லாண்டு வாழவேண்டும், வாழ பிரார்த்திப்போம்

அவர் பெற்றதை பார்க்காதீர்கள், அவர் இழந்ததை பாருங்கள், அவர் சந்தித்த போராட்ங்களும், மன உளைச்சல்களும் அதனை தாண்டி நிற்கும் அசாத்திய வலிமையும் அவருக்கு மட்டுமே சாத்தியம்.

இந்த நீண்ட நெடும்பயணமும் அவர் வாங்கி வந்த வரம்.

கலைஞருக்கு எம்முடைய‌ கோரிக்கை எல்லாம் இனியும், தன் வாழ்நாளில் ஒருமுறையேனும் அவர் வாய்திறந்து சீமானுக்கு ஒரு பதில் மட்டும் சொல்லிவிட கூடாது, இந்த தண்டனையிலே அந்த தேசதுரோகி சைமன் புழுங்கி திரியட்டும்.

முதல்வருக்கு எம்மை போன்றவர்கள் கொடுக்கும் கோரிக்கை என்னவென்றால், புத்தகங்களால் ஆளானவ‌ர் கலைஞர், நிறைய படிப்பவர் அதனால்தான் அண்ணா நூலகம் என ஒன்றை தொடங்கினார்,

ராணுவத்திற்கு சொந்தமான கோட்டையில் சில தமிழ அடையாளங்களை செய்யமுடியாது என்றுதான் புதிதாக சட்டசபை நிர்மானித்தார்

இது இரண்டும் அவரின் பெரும் கனவுகள், அது நியாமும் கூட‌

அதனை செயல்படுத்திவிடுங்கள், பதவியிலிருக்கும் உங்களிடம் அவருடனே கண்ணீருடன் கேட்கின்றோம், அவரின் முதுமை நாட்களாவது நிம்மதியாக கழியட்டும்,

வாழ்வில் பல கொடுந் தீயினை தாண்டி வந்த அவருக்கு இனியாவது தென்றல் வீசட்டும். பல கருநாகங்களை கடந்துவந்த அவர் பாதையில் இனியாவது குயில்கள் கூவட்டும்

ஒவ்வொரு மனிதனின் அவசியமும் அவன் இருக்கும் பொழுது தெரியாது, அவன் இல்லா நிலையில் தேடி தேடி அழுவார்கள்

குடும்பத்து பெரியவர்கள் பிரிந்தபின் அச்சோகம் குடும்பத்தில் அப்பட்டமாக தெரியும்

தமிழகத்து பெரியவர் பிரிந்த பின் அப்படித்தான் இங்கும் தோன்றுகின்றது, எல்லோரும் தேடுகின்றார்கள்

சொன்னால் நம்ப மாட்டீர்கள், பழனிச்சாமி நிம்மதியாக ஆள்வதாகவா நினைக்கின்றீர்கள்? இந்த உலகிலே மிரட்டி பதவியில் அமரவைக்கபட்ட நபர் அவர். எப்பொழுது விட்டுவிட்டு ஓடலாம் என்றுதான் நினைத்துகொண்டிருகின்றார்

ஆனால் டெல்லி மிரட்டி அமரை வைத்திருக்கின்றது, அவருக்கும் கலைஞர் இருந்தால் இந்நிலை வருமா? என எண்ணம் இருக்கலாம்

எல்லா தரப்பு மக்களும் ஒரு சேர அவரை தேடுகின்றார்கள், ஒவ்வொரு செய்தியிலும் அவரை நினைத்து பார்க்கின்றார்கள், திமுகவின் ஒரு அறிக்கையாவது கலைஞர் பாணியில் வருமா? என பார்த்துவிட்டு சோர்ந்துவிடுகின்றார்கள்

இந்த பிறந்த நாளில் திமுக மேடைகளும், டிவிக்களும் களை கட்டும், பட்டிமன்றம் அது இது என பின்னிகொண்டிருப்பார்கள்

பலர் அவர் எவ்வளவு சம்பாதித்தார் என எதிர்வாதம் செய்வார்கள்

நாமோ அம்மனிதன் எவ்வளவு போராடினான், எவ்வளவு விஷயங்களை சாதித்தான், இப்பொழுது இருந்தால் எவ்வளவு நலமாயிருக்கும் என கண்களை துடைத்துகொண்டு அம்மனிதனுக்காக வேண்டுகின்றோம்

அவன் களத்திற்கு வரவேண்டாம், அவன் உழைத்ததும் எழுதியதும் போதும் , நிரம்ப உழைத்துவிட்டான்

ஆனால் அவன் எங்களோடு நலமாய் இருக்கின்றான் என்ற ஒற்றை சொல் போதும், ஆயிரம் யானை பலத்தினை அது கொடுக்கும்

அந்த அசாத்திய மனிதனின் நலனுக்காக அவன் நம்பாத கடவுளிடம் பிரார்த்திகின்றோம்

 
%d bloggers like this: