ஒரு நாடோ மாநிலமோ வளர துறைமுகம் அவசியம்

ஒரு நாடோ மாநிலமோ வளர துறைமுகம் அவசியம், இந்தியாவில் துறைமுகம் கொண்ட மாநிலங்கள் எல்லாம் கடும் வளர்ச்சியினை எட்டும்

குஜராத் , மும்பை, கர்நாடகம், கேரளா, ஆந்திரா, வங்காளம் வரை அப்படித்தான்

கடலோர மாநிலங்களின் வளர்ச்சி 4 பக்கமும் நிலத்தால் சூழ்ந்த மாநிலங்களுக்கு கிடைக்காது

நாடுகளில் கூட நேபாளம், மங்கோலியா, தர்கிஸ்தான் இன்னும் பல நாடுகள் இச்சிக்கலுக்கு ஆளாகும்

கடல் இல்லா நாடுகளை போல, கடல் இல்லா மாநிலங்களும் கடும் சிக்கலை எதிர்கொள்ளும்

கடல் என்பதும் துறைமுகம் என்பதும் பெரும் வளம், தமிழகத்திற்கு அது கிடைத்தது, மும்பைக்கு கிடைத்தது, குஜராத்திற்கு கிடைத்தது

இதனால் இவை எல்லாம் வளர்ந்தன‌

பீகார், மபி, உபி எல்லாம் இந்த வளம் கிடைக்காமல் சிக்கி கொண்டன‌

இதற்காக பெரியார்தான் தமிழகத்தை வளர்த்தார், திமுகதான் வளர்த்தது என்பதெல்லாம் அபத்தம், இவர்கள் வரவில்லை என்றால் தமிழகம் பீகார் போல் ஆகியிருக்கும் என்பதெல்லாம் உளறல்

மும்பை, கொச்சி எல்லாம் பெரியாரால்தான் வளர்ந்ததா? என கேட்டால் பதிலுக்கு சங்கி என்பார்கள்

ஒருவேளை பெரியார் பீகாரிலோ அல்லது மபியிலோ பிறந்து அங்கு திமுக போல உருவானால் கடலை உருவாக்காக்கி இருப்பார்களோ என்னமோ?

இந்த ஊதியகுழு இனி கிடையாது என்பது போல சில செய்திகள்

இந்த ஊதியகுழு இனி கிடையாது என்பது போல சில செய்திகளை மத்திய அரசு சொல்லிவிட விவகாரம் வெடிக்கின்றது

ஊதிய குழு என்ன செய்யும்?

அரசு அலுவலர்களுக்கு குறிப்பிட்ட காலத்திற்கு ஒருமுறை அப்பொழுதிருகும் விலைவாசிக்கு தக்கபடி சம்பளம் வழங்க அறிக்கை சமர்பிக்கும், அரசு அதை பொறுத்து சம்பளத்தை உயர்த்தும்

அதாவது அரசு ஊழியர்களுக்கு விலைவாசி உயர்ந்தால் சம்பளம் உயர்த்தி சொல்லி கொடுக்க ஒரு குழு

இதை போல அன்றே ஒரு குழுவினை அமைத்து விவசாயி வாங்க வேண்டிய இடுபொருள் அவன் கொடுக்க கூடிய வேலையாள் சம்பளம் இதர சிக்கல்களை எல்லாம் கணித்து அவனின் விளைபொருளுக்கான விலைவைக்க ஒரு குழுவினை அமைத்திருந்தால் விவசாயம் இந்த அளவு சீரழிந்திருக்காது

விவசாயியும் வாழ்ந்திருப்பான்

“காதல் தேசம்” என்றொரு படம்

“காதல் தேசம்” என்றொரு படம் ஓடிகொண்டிருக்கின்றது, தோல்வியினை காணசகிக்காத ஒருவனுக்கு ஏழை எதிராளி வெற்றியினை விட்டு கொடுக்கின்றான் இருவரும் நண்பராகின்றார்கள்

பின் ஒரே பெண்ணை காதலித்து கதை மாறுகின்றது

இது அன்றே “ஆலயமணி” படத்தில் சொல்லபட்ட கதை, சிவாஜியும் எஸ்.எஸ் ராஜேந்திரனும் இப்படித்தான் நண்பராவர்கள்,

இப்படித்தான் சரோஜா தேவிக்காய் சண்டை இடுவார்கள்

ஆக அந்த “ஆலயமணி” கதையினை “காதல் தேசம்” எடுத்து அதற்கு அக்காலத்தில் ஏக விளம்பரம் வேறு

இப்படி காப்பியடித்த இயக்குநர் யாரும் நிலைத்ததாய் சரித்திரமில்லை, இயக்குநர் கதிர் காணாமல் போனதில் ஆச்சரியமுமில்லை

குலகல்வின்னா என்னடா?

Image may contain: 1 person, textஅண்ணே ராஜாஜி பற்றி, அவரோட குலக்கல்வி பற்றி உங்களுக்கு தெரியாது

அப்படியா

குலகல்வின்னா என்னடா?

அப்பன் வேலைய மகனே செய்யணும், அப்படி விவசாயி மகன் விவசாயி, கூலிக்காரன் மகன் கூலிக்காரன், நெசவாளி மகன் நெசவாளின்னு அவர் செய்ய சொன்னார், ஆரிய சூது பிடிச்சவர்ணே அந்த ஆளு

ஏண்டா பள்ளிகூடம் போக மீதி நேரம்தான செய்ய சொன்னார், இப்போ வரைக்கும் விவசாயி வீட்டு பிள்ளைகள் அப்படித்தானடா வேலை செஞ்சிட்டு இருக்காங்க‌

இல்லண்ணே, அது ஆரிய சூது அப்பன் வேலைய மகன் செய்யணும்ங்குற ஆரிய தந்திரம், பெரியார்தான் அதை முறியடிச்சாரு

ஒஹோ

ஆமாண்ணே இல்லண்ணா எல்லோரும் அப்பன் வேலையத்தான் செஞ்சிட்டு இருப்போம், இது தெரியாம நீங்க அவனுகளுக்கு முட்டு கொடுக்கிறீங்க‌

அப்படியா

ஆமாண்ணே அப்பா வேலையின மகன் செஞ்சா எப்படிண்ணே? பெரியார் திமுக எல்லாம் அதை போராடி மாத்திட்டாங்க, புரட்சிண்ணே

சரி கலைஞருக்கு பிறகு ஸ்டாலின் கட்சி தலைவர் ஆனது, அதாவது அப்பன் வேலையினை மகன் செய்றது குலகல்வி இல்லையா? இதில் கனிமொழி வேற‌

அண்ணே அது வேற‌

என்னடா வேற, பெரியார் அறக்கட்டளைக்கு வீரமணிக்கு பிறகு அவர் மகன் வந்தது எப்படிடா?

அண்ணே அது வேற , குலகல்வி வேற‌

என்னடா வேற, திமுகவிலும் திகவிலும் மட்டும் அப்பன் வேலை மகனுக்கு, ஆனா வேற யார் செஞ்சாலும் சமூக நீதிக்கு ஆபத்து அப்படித்தான?

அண்ணே நீங்க ஆரிய அடிவருடி, சங்கி கும்பல்

வைகுண்டராஜன் அண்ணாச்சிக்கும் அங்கிள் சைமனுக்கும் கடுமையாக மோதல்

 

ஏதோ வைகுண்டராஜன் அண்ணாச்சிக்கும் அங்கிள் சைமனுக்கும் கடுமையாக மோதி இருக்கின்றது

அல்லது சைமனை பொட்டு சாத்தும்படி எங்கிருந்தோ அண்ணாச்சிக்கு உத்தரவு வந்துவிட்டது

போட்டு தாக்கி உரித்து தொங்கவிட்டு விட்டார்கள்…

விரைவில் வைகுண்டராஜன் தமிழர் இல்லை எனும் சான்றிதழ் அங்கிள் சைமனின் சோதனை சாலையில் இருந்து வெளியாகும்

திமுகவில் இணைந்தார் கருப்பசாமி பாண்டியன் : செய்தி

திமுகவில் இணைந்தார் கருப்பசாமி பாண்டியன் : செய்தி

ராமசந்திரன் இறந்த பின்பே அடிக்கடி அதிமுகவில் உள்ளே வெளியே ஆடிகொண்டிருப்பர் கருப்பசாமி பாண்டியன்

அடிக்கடி திமுகவிற்கு வருவார் பின் ஓடிசென்று அதிமுகவில் சேர்வார், இரு கட்சிகளும் ஏன் போனார் என கேட்காது

காரணம் அவர் திரும்ப வருவார் என அவர்களுக்கே தெரியும்

அப்படியே திரும்ப வரும்பொழுதும் தயக்கமில்லாமல் சேர்த்துகொள்வார்கள், இப்பொழுது திமுக சேர்ந்திருக்கின்றது

இது ஸ்டாலினுக்கு மகிழ்ச்சி, காரணம் கருப்பசாமி பாண்டியன் நெல்லையின் சக்தி, என்றுமே ஒரு வோட்டுவங்கி அவருக்கு உண்டு சந்தேகமில்லை

ஆனால் நெல்லை திமுகவினர் மகிழ்வார்களா என்றால் இல்லை

ஏற்கனவே ஆவுடையப்பன் கோஷ்டி, அப்பாவு கோஷ்டி, ஞானதிரவியம் கோஷ்டி என ஏகபட்ட கோஷ்டிகள் உள்ள இடம் நெல்லை திமுக‌

இனி கருப்பசாமி பாண்டியன் கோஷ்டியும் உருவாகும்

எனினும் சிலர் அடுத்த தேர்தலில் தினகரன் அதிக இடங்களை பிடித்தால் கருப்பசாமி பாண்டியன் அங்கே சென்றுவிடுவார் என ஆறுதல் அடைகின்றனர்.

அது நடந்தாலும் நடக்கலாம்

பகுத்தறிவு பொங்கிய கதை இதுதான்

கடவுள் இல்லை என்பது 18ம் நூற்றாண்டின் உலக ஸ்டைல், நாத்திகவாதம் ரஷ்யாவில் தொடங்கி சீனாவில் பரவி பல நாடுகளில் பரவிற்று

இந்தியாவிலும் அது பரவியது, அதில் ஈர்க்கபட்டவர்தான் பெரியார்

ஆனால் சிகப்பு சட்டை போட அவருக்கு இரு தயக்கம் இருந்தது, ஒன்று அவருக்கு இருந்த ஏகபட்ட சொத்து, இன்னொன்று கம்யூனிசம் பேசினால் தூக்கிபோட்டு மிதிக்கும் வெள்ளையன்

இதனால் கம்யூனிசத்தை தமிழக ஸ்டைலில் இந்து எதிர்ப்பு, சாதி ஒழிப்பு ஆக்கினார்

செஞ்சட்டையினை கருப்பு கொடி ஆக்கினார் தீர்ந்தது விஷயம்

இதனால் பெரியார் அரசால் ஏற்படும் நெருக்கடிகளை தவிர்த்தார் , திராவிட நாடு அது இது என சொல்லிகொண்டிருந்ததால் வெள்ளையனுக்கும் ஜின்னா போல பெரியார் மனதிற்குள் மகிழ்வானார்

ரஷ்யாவிலும் ஐரோப்பாவிலும் கிறிஸ்தவ சபைக்கு எதிராக கேட்கபட்ட கேள்விகள் எல்லாம், கட்டுரைகள் எல்லாம் அண்ணாவின் ஆங்கில புலமையால் தமிழுக்கு வந்தது

அது பெரியாரின் பகுத்தறிவு சுய அறிவு என அவர் கும்பலால் கொண்டாடபட்டது

மார்க்ஸும், இங்கர்சாலும் கேட்ட கேள்விகள் எல்லாம் பெரியாரின் சிந்தனையாக இங்கு கொண்டாடபட்டது

திருச்சபை இருக்கும் இடத்தில் இந்துமதத்தையும், கிறிஸ்தவ துறவிகள் இருக்க்கும் இடத்தில் பிரமாணரையும் வைப்பது மிக எளிதாயிற்று

பகுத்தறிவு பொங்கிய கதை இதுதான், ரஷ்ய பொதுவுடமை இங்கு இட ஒதுக்கீடு என சுருங்கியது

ஆனால் வெளிதெரியாமல் பார்த்துகொண்டார்கள் என்பதுதான் சாமார்த்தியம்

இது எதில் முடிந்தது?

கேரளாவில் ஏற்பட்ட கம்யூனிச வளர்ச்சி போல் இங்கும் அக்கட்சி வளர்ந்திருக்க வேண்டும், ஆனால் பாட்டாளிகள் வர்க்கமோ பெரியார் கும்பலால் வளைக்கபட்டு கம்யூனிஸ்டுக்கு பதில் இங்கு திராவிடம் வளர்ந்தது

பின் என்னாகும்? திராவிட தலைவர்கள் எல்லாம் கோடீஸ்வரர்களாக உயர்ந்தார்கள், சமூகம் உயரவில்லை

இன்று பெரியாரின் சொத்துக்களை பாதுகாக்க வீரமணிக்கு பெரியாரும், திரண்டுவிட்ட சொத்துக்களையும் சுவைத்துவிட்ட அதிகாரத்தையும் பாதுகாக்க அந்த திராவிட கொள்கைகள் தேவைபடுகின்றன‌

உலகெல்லாம் கம்யூனிசம் துடைக்கபட்டது பாலத்தின் விதி , அப்படியே இங்கும் அதனால் ஏற்பட்ட அதிர்வுகளும் ஒரு காலத்தில் நடக்கத்தான் செய்யும்

இதில் எம்மை திட்டி ஒன்றும் ஆகபோவதில்லை

தமிழக தலைவிதியினை நிர்ணயிக்கும் பிக் பாஸ்

தமிழகத்தின் மிகபெரும் பிரச்சினையின் மையம் யாரெல்லாம் என்றால், யார் தமிழகத்தின் எதிர்காலத்தையும் வளப்பத்தையும் நிர்ணயிக்கும் மிக முக்கியமான விஷயத்தில் பெரும் சவால் எடுத்திருக்கின்றார்கள் என்றால் இவர்கள்தான்

அப்படி தமிழக பத்திரிகை செய்திகள் , இணைய செய்திகள் இவர்களைத்தான் குறிப்பிடுகின்றன, தமிழகத்தை மாற்றபோகும் மாபெரும் சக்தி இவர்களின் முடிவில்தான் இருக்கின்றது.

தமிழக தலைவிதியினை நிர்ணயிக்கும் மாபெரும் விவாதத்தில் அவர்கள்தான் இருக்கின்றார்கள்

யார் அவர்கள்?

மகத், மும்தாஜ், டோனி, திவ்யா , தாடி பாலாஜி மற்றும் அவன் பொண்டாட்டி


விஷால் கட்சி தொடங்கியதை வரவேற்கின்றேன் : சரத்குமார்

ஒஹோ , எப்படியும் விஷால் கட்சி தன் மரு(மகன்)கட்சி ஆக போகின்றது என மனமார நம்புகின்றார் போல..


மலேசிய மக்களுக்கு சுதந்திரதின வாழ்த்துக்கள்

Image may contain: sky and cloud

பல வருடங்களாக எமக்கு சோறு மட்டுமல்ல, சிக்கன் மட்டன், இறா, சுறா என எல்லாவற்றையும் போட்டுகொண்டிருக்கும் நாடு மலேசியா

அருமையான நாடு, பிரச்சினைகள் எல்லா நாட்டிலும் இருக்கும், பிரச்சினை குறைவான நாடு எது என்பதில்தான் விஷயம் இருக்கின்றது, நிச்சயம் மலேசியா அதில் அற்புதமான நாடு

குறை சொல்பவன் சொல்லிகொண்டே இருப்பான். நானும் கவனிக்கின்றேன், ஏழை பணக்காரன் இடைவெளி மிக குறைவாக இருக்கின்றது

முதலாளி பென்ஸ்காரில் சென்றால் டிரைவர் டொயோட்டா காரில் செல்ல முடிகின்றது

மத துவேஷம் இல்லை, மக்கள் அவரவர் வழிபாடுகளை சிறப்பாக செய்ய முடிகின்றது

உழைப்பவன் நிச்சயம் பிழைக்க முடிகின்றது, வாய்ப்புகள் பெருகி கிடக்கின்றன‌

இந்நாட்டின் உப்பு முதல் துரியன் பழம் வரை உண்டவன் எனும் வகையில் நிச்சயம் அந்நாட்டுக்கு நான் நன்றிகுரியவன்

இந்த இனியநாட்டு மக்களுக்கு சுதந்திரதின வாழ்த்துக்கள்

இன்று டயானாவின் நினைவுநாள்

Image may contain: 1 person, smiling, close-upகடந்த நூற்றாண்டில் அரசியல், பொதுசேவை, விஞ்ஞானம், ஊழல்,கொலை,கொள்ளை என பல துறைகளில் முத்திரை பதித்த பெண்கள் உண்டு, அதில் தன் வசீகரத்தாலும், எளிமையாலும், சேவையாலும் உலகை வென்றெடுத்த பெண்களில் முதன்மையாவர் டயானா

ஒரு விசித்திரமான பெண்மணி அவர், அதனை விட மகா விசித்திரமானது அவர் வாழ்வு

எந்த பெருமைக்கும், புகழுக்கும், பதவிக்கும் ஆசைபட்டு தன் சுதந்திரத்தை தொலைக்காமல் , தான் விரும்பிய வாழ்வினை வாழ்ந்தவர் அவர், அவரின் பலமும் அது, பல்வீனமும் அதுவே

சிறுவயதில் பள்ளிக்கு செல்லவில்லை, ஆசிரியர்தான் வீட்டுக்கு வந்தார், பள்ளியினை அவர் பாத்ததே 10 வயதில்தான். மிக சுதந்திரமாக வளர்ந்தார், எங்கோ இல்லத்தரசியாக, உலகின் மிக மகிழ்வான பெண்ணாக வாழ்ந்துகொண்டிருக்க வேண்டிய அவருக்கு விதி யார் உருவில் வந்ததென்றால் உடன் பிறந்த அக்கா உருவில்

ஆம், அந்த ஜெகதலபிரதாபன் சார்ள்ஸ்க்கு கிழவிகள் முதல் குமரிகள் வரை தோழிகள் உண்டு, அதில் ஒருவர் டயானாவின் சகோதரி சாராவும் ஒருவர், சாராவோடு அவர் பழகிய நாட்களில் அவர் கண்ணில் பட்டவர்தான் டயானா

வசந்த மாளிகை சிவாஜிகணேசன் போல இருந்த சார்லஸ், டயானாவினை கண்டதும் மணம் முடிக்க துடித்தார், பிரிட்டனின் இளவரசர் ஆசைபட்டு நடக்காதது உண்டா?, மறுத்தாலும் பிடித்து வைத்து மோதிரம் மாட்டுவார்கள்,

உலகே அதிசயிக்கும் அந்த திருமணம் நடந்தது, தமிழகத்து வளர்ப்புமகன் திருமணம் எல்லாம் அதன் முன் கண் திருஷ்டி கழிக்க கூட வழியில்லாதது என்றால் அதன் பிரமாண்டத்தை நீங்களே முடிவு செய்யுங்கள்

Image may contain: 1 person, smilingஅரச குடும்பம் என்பது சாதாரணம் அல்ல, சில லட்சங்களை கண்ட புது பணக்காரர்களே “நாங்கள் யார் தெரியுமா? என் குடும்ப கவுரவம் என்ன தெரியுமா?” என ஒரு கெத்து காட்டும் உலகில், உலகாண்ட வம்சம் எப்படி இருக்கும்?

பிரிட்டன், கனடா, ஆஸ்திரேலியா, நியூசிலாந்த் ஆகிய நாடுகளுக்கும் இன்றும் அவரே ராணி , இப்படி இருக்கும் குடும்பம் எப்படிபட்ட கவுரவத்தில் இருக்கும்? அதில் ஆச்சரியமென்ன?

அதன் கட்டுபாடுகள் அப்படி பல் துலக்குவது முதல் இரவு தூங்க செல்லும் வரை அவர்கள் கவுரவம் தெரியும், எல்லாவற்றிற்கும் வேலைக்காரர்கள், எல்லாவற்றிலும் ஒரு பெருமை , கெத்து இன்னபிற‌

அரச குடும்பத்தவர் தனித்து தெரியவேண்டும், உத்தரவு மட்டுமே போடவேண்டும் என்ற ஒருவகை பயிற்சி அது, அவர்களின் பெருமை அது

டயானா இதில்தான் மாறுபட்டார், அவரின் சுதந்திரம் அவருக்கு முக்கியம், அந்த அரச குடும்பத்து பெண்கள் குழந்தைகளை கூட கொஞ்சமாட்டார்கள், பள்ளிக்கு அழைத்து செல்வது பாடம் கற்பிப்பது எல்லாம் வேலைக்காரர்கள்

டயானா இதனை உடைத்தார், அவரே வேலைக்காரரோடு சமைத்தார், அவர் குழந்தைகளை அவரே சாதரண பெண் போல பள்ளிக்கு அழைத்து சென்றார்

பிளாட்பார கடையில் கம்மல் பொறுக்கினார், சந்தித்த மக்களையெல்லாம் ராஜிவ் காந்தி ஸ்டைலில் தொட்டு பேசினார், மிக எளிமையான இளவரசியானார்

அரச குடும்பத்தின் கவுரவம் அவரால் குலைவதாக சொன்னார்கள், அவர் கண்டுகொள்ளவே இல்லை, நீ வருங்கால அரசி என சொல்லிபார்த்தார்கள், என் சுதந்திரத்தை கட்டுபடுத்தும் அந்த அரசி பதவியே வேண்டாம் என எகிறினார் டயானா

அவர் அழகி, அதுவும் வசீகரிக்கும் அழகி. ஆனால் மனதால் மிக எளிமையானவர், அந்த எளிமை எல்லா நாட்டு மக்களையும் அவர்பால் இழுத்தது, உலகெல்லாம் பிரபலமானார் டயானா

இரு குழந்தைகள் பிறந்த நிலையில் இளவரசரின் சார்லஸ் மறுபடியும் முருங்கை மரம் ஏறினார், டயானா தன் குடும்ப கவுரவத்தை காப்பாற்றவில்லை என அவரே நொந்தார், பழைய பெண் தோழிகள் நட்பை தேடினார், அவரின் இயல்பும் அது

பெண் தோழிகள் மூலம் தன் குடும்ப கவுரவத்தை காக்கும் வழியில் இறங்கினார் சார்லஸ்

டயானா அரச மரபுகளை உடைத்தார், தன் திருமணம் தோல்வியுற்ற நிலையில் பொதுவாழ்விற்குத்தான் திரும்பினார், எல்லா பொதுசேவைகளுக்கும் அள்ளி கொடுத்தார், உதவினார்

கல்கத்தா மக்களுக்கும் அவர் உதவியது கொஞ்சமல்ல‌

திருமணம் முடியும் பொழுது அவருக்கு 20 வயது, அதன் பின் அரண்மனை வாழ்க்கை, கொஞ்சம் வெளிவந்து தனக்கான வாழ்வினை தேடினார்

அந்த பரிதாபத்திற்குரிய அழகி தேடியது என்ன? அவரே சொன்னது போல, “என்னை மதித்து என்னை முழுமையாக நேசிக்கும் ஒருவர், ஒரு தூய்மையான அன்பு, அது ஒன்றுதான்”

என்னதான் இளவரசி என்றாலும் அவரின் பெண்மனம் சாதாரண பெண்ணின் மனம் போலவே ஏங்கியிருக்கின்றது

குதிரை பயிற்சியாளர், பாகிஸ்தான் டாக்டர் என பலரோடு கிசுகிசுக்கபட்டார், அதில் சில உண்மையும் பல பொய்களும் கலந்திருந்தது, அவர் போலி கவுரவத்தோடு வாழும் அன்பில்லா அரண்மனை வாழ்க்கையினை விட, தூய்மையான அன்போடு வாழும் எளிய வாழ்க்கைக்கே ஆசைபட்டார்

ஒரு கட்டத்தில் விவாகரத்து வரை சென்றது, டயானாவின் பாட்டியும் முன்பு பிரிட்டன் அரண்மனையில் வேலை செய்தவர், ராணி விசுவாசமிக்க கட்டப்பா வகை, அந்த விசுவாச புராணம் எல்லாம் பாடி பார்த்தார்கள்

என் சுதந்திரத்தை விட, என் உணர்வுகளை விட இந்த அரண்மனையில் நான் அடிமைபட்டு கிடக்கவேண்டுமா? முடியாது என சொல்லிவிட்டு விவாகரத்து செய்தார் டயானா

பெரும் கோடீஸ்வரர்கள் முதல் அரைகுறை ஆங்கிலம் பேச தெரிந்த அனைவரும் அவருக்கு விண்ணப்பம் எழுதினர், அவரை மணம் செய்துகொள்ள அத்தனை பேர் துடித்தனர்

டயானா எனும் பெண் அன்று உலகில் கொண்டாடபட்ட விதம் அப்படி

இந்நிலையில் எகிப்து கோடீஸ்வரர் அல்பயது எனும் இஸ்லாமியருடன் அவருக்கு நட்பு ஏற்பட்டது, அவரும் மனைவி இல்லா வகைதான், இருவரும் மணம் செய்ய முடிவெடுத்தார்கள்

இந்நிலையில்தான் பாரீஸ் கார்விபத்தில் டயானா கொல்லபட்டார், நெடுநாள் மர்மத்திற்கு பின் பிரிட்டன் உளவுதுறை அதிகாரி மரண படுக்கையில் நான் தான் கொன்றேன், இது அரச கட்டளை என்றார், அன்னார் இன்னும் சாகவில்லை, விரைவில் அவர் சாகடிக்கபடலாம்

ஆக வேல்ஸ் இளவரசி ஒருவர் அரச குடும்பம் எனும் இரும்பு கோட்டையில் சிக்கி, அதனை மீற முயன்ற பாவத்திற்காக கவுரவ கொலை செய்யபட்டிருப்பது உறுதியாகின்றது

சந்தேகம் இல்லை, அது கவுரவ கொலை.

எப்படியோ 36 வயதுவரையே வாழ்ந்த அந்த டயானா, உலகில் எல்லோர் மனதிலும் இடம்பிடித்தார், அவரின் வசீகர அழகு முகம் அப்படி

இனம்,மொழி,மதம் கடந்து எல்லோரும் அவரை ரசித்தனர், நேசித்தனர், அவர் மின்னும் முகமும், அந்த சிரிப்பும், சிகை அலங்காரமும், அவர் அணிந்த உடைகளும் அவரை அப்படியே தேவதையாக்கின‌

ஒருவேளை சார்லஸை அனுசரித்து சென்றால் இங்கிலாந்து அரசியாகியிருக்கும் வாய்ப்பு உண்டா என்றால் சொல்ல தெரியாது, காரணம் இங்கிலாந்து எலிசபெத் ராணி வலுத்த கட்டை, கிட்டதட்ட நம் கலைஞர் வகையறா

அதனால் டயானா இன்று இருந்திருந்தால் செயல் ராணி எனும் அளவிற்கு வந்திருக்கலாம்

டயானாவின் ஜாதகம் உலகாளும் யோகம் கொண்டதுதான், ராகுவோ, சனியோ அவரின் தன்மானத்தை உயர்த்தி பிடித்ததில் அவர் சில வாய்ப்புகளை தவறவிட்டார்

மற்றபடி சுக்கிரன், சந்திரன்,குரு எல்லாமே உச்சம்.

பிரிட்டன் ராணியின் இடம் அவருக்கானது தவற விட்டார், விவாகரத்து ஆனபின் அமெரிக்க முதன்மை பெண்மணியாகும் வாய்ப்பும் இருந்தது அதனையும் தவறவிட்டார்

எப்படி?

இந்நாளைய அமெரிக்க அதிபர் டிரம்ப் நம்ம ஊர் ஜெமினி கணேசன், சிம்பு, பிரபுதேவா வகை. 1996ல் டயானா விவாகரத்தாகும் பொழுது பெரும் அமெரிக்க செல்வந்தரான டிரம்ப் தன் முழு பயோடேட்டா + சொத்து கணக்கு பட்டியலோடு தன் விண்ணப்பத்தை சமர்பித்தார்

ஆனால் தந்திரமாக அவர் மறைத்த மனைவியர் மற்றும் தோழிகள் கணக்கு டயானாவிற்கு தெரிந்தது, அது உலகிற்கே அன்று தெரிந்த விஷயம் தான்

இவர் விளையாட்டு பிள்ளை என்பதை உணர்ந்த டயானா, “இவர்க்கு சார்லசே பரவாயில்லை, இவருக்கு ஓகே சொன்னால் விவகாரத்தானதற்கு அர்த்தமே இல்லையே ” என சொல்லி நிராகரித்தார்

டயானா இறந்த அன்று டிரம்ப் அழுததாக கூட சொன்னார்கள், இன்றும் டிரம்ப் அதிகாரத்திற்கு வந்தபின்புதான் டயானா மரண மர்ம முடிச்சு அவிழ்க்கபட்டிருப்பதும் குறிப்பிட தக்கது

இரு பெரும் உச்ச பதவிகளை தன் எளிமையான வாழ்விற்காக தவறவிட்ட டயானா உண்மையிலே அதிசய பெண்மணிதான்

கடந்த நூற்றாண்டு கண்ட அற்புதமான அழகான பெண்மணிகளில் நிச்சயம் டயானாவிற்கு இடம் உண்டு, அந்த இடம் என்றும் அழியா இடம்

இன்று டயானாவின் நினைவுநாள், உலகெல்லாம் நேசிக்கபட்ட அந்த பரிதாபத்திற்குரிய அழகு பெண்ணை உலகம் நினைத்துகொள்கின்றது.

துணிவிற்கும், எளிமைக்கும், அழகிற்கும் பெயர் பெற்று விளங்கிய டயானாவினை போல் இன்னொருவர் உண்டென்றால் அது நிச்சயம் குஷ்பூதான்

டயானா பிரிட்டனின் குஷ்பூ, குஷ்பூ இந்தியாவின் டயானா இப்படித்தான் உலக வரலாறு குறித்திருக்கின்றது