அண்ணாவின் இதயத்தோடு மட்டுமல்ல அந்த மோதிரத்துடனும் சென்றுவிட்டார் கலைஞர்

Image may contain: 2 people, people sitting and indoorகலைஞர் தங்க நகை அணிவதில்லை, என்றாவது கழுத்து சங்கிலி, கையில் சங்கிலி எல்லாம் அணிந்து அவரை கண்டதுண்டா

ஆனால் ஒரு மோதிரம் மட்டும் அணிந்திருப்பார், அது சென்னையினை முதன் முதலாக திமுகவிற்கு ஒரு தேர்தலில் பெற்று கொடுத்ததற்காக அண்ணா கொடுத்த பரிசு அது

அதுவரை தமிழகத்தில் வெல்வோம் என்ற நம்பிக்கை திமுகவிற்கு இல்லை, முதல் நம்பிக்கையினை அதுவே கொடுத்தது, அதற்கு மிகபெரும் காரணம் கலைஞர்

இதே கடற்கரையில் அன்று மேடை போட்டு கொண்டாடி மோதிரம் அணிவித்து சொன்னார்

“நான் எனக்கோ, என் குடும்பத்தாருக்கோ கூட நகைகடை பக்கம் சென்றதில்லை, முதன் முதலாக நகைகடை வெயிலில் அலைந்து நகைகடை ஏறி இந்த கணையாழி வாங்கி வந்தேன்

அதை இந்த வெற்றியினை கொடுத்த தம்பி கருணாநிதிக்கு பரிசளிக்கின்றேன்”

Image may contain: 1 person, smiling, sunglasses and close-upஅந்த மோதிரம் கடைசி வரை கலைஞர் கையில் இருந்தது, எல்லா மேடைகளிலும் அந்த மோதிரத்தை உருட்டிகொண்டே யோசிக்கும் கலைஞரை கண்டிருக்கலாம்

அண்ணாவின் இதயத்தோடு மட்டுமல்ல அந்த மோதிரத்துடனும் சென்றுவிட்டார் கலைஞர்

எந்த கடற்கரையில் அண்ணா கலைஞரை பாராட்டி அந்த மோதிரத்தை அணிவித்தாரோ அந்த அண்ணா, கலைஞர், அந்த மோதிரம் எல்லாம் அதே கடற்கரையில் மூழ்கிவிட்டார்கள்

கலைஞரே கலைஞரே ஏன் எம்மை கைவிட்டீர்..

எல்லாம் நிறைவேறிற்று.

கலைஞரே கலைஞரே ஏன் எம்மை கைவிட்டீர்..


இதோ அந்த கொடும் நிமிடம் நெருங்குகின்றது

60 ஆண்டுகாலம் தமிழக அரசியலையும் சில நேரம் இந்திய அரசியலையும் நிர்ணயித்த மாபெரும் சக்தி புதைக்கபட இருக்கின்றது

இது திராவிடத்தின் புதைப்பா? இல்லை விதைப்பா? என்பதை காலமே முடிவு செய்யும்

மகாபாரத கண்ணனை நாம் பார்த்ததில்லை, ஆனால் சிரித்துகொண்டே தன்னை நம்பிய கூட்டத்தை மிக நுட்பமாக கரை சேர்த்தவன் அவன்

அந்த மாய கண்ணனை கலைஞர் வடிவில் நாம் கண்டோம், ரசித்தோம், மிகவும் சிலாகித்தோம்

சிரித்தும் மகிழ்வித்துமே தன் கட்சியினரை, தமிழகத்தை பெரும் இக்கட்டுகளை கடக்க வைத்து கைதூக்கிவிட்டவர் அவர்

அந்த கலைஞர் முகம் மறையபோகும் நிமிடங்களை தாங்கும் சக்தி இந்த மனதிற்கு இல்லை

மனம் வேகமாக துடிக்கின்றது, கண்ணீர் கொட்டுகின்றது , மனம் மயங்குகின்றது


அகில இந்திய தலைவர்கள் அஞ்சலி செலுத்துகின்றார்கள், அவர்களில் மிக குறிப்பிடதக்கவர் ராகுல் காந்தி

மனிதர் இரண்டாம்முறை வந்து தன் தமிழக அபிமானத்தை வெளிபடுத்தியிருக்கின்றார்

இந்திரா காலத்தில் தொடங்கிய திமுக உறவின் அடையாளமாக அவர் வந்து அஞ்சலி செலுத்தியது கண்ணீர் காட்சி

ராகுல் கரங்களை வலுபடுத்த வேண்டியது தமிழக கடமை

கலைஞர் குடும்பம் எல்லாம் வந்திருந்தார்கள் முக முத்து எனும் தலை கொள்ளியினை காணாவில்லை

குடும்பத்தார் அனைவரும் வந்து வணங்கி செல்ல, ஒரு உருவம் அவரை சுற்றி வந்து மண்டியிட்டு வணங்கியது

யாரென கண்டால் நித்தியா

அவரை இறுதிகாலங்களில் 24 மணிநேரமும் அருகிருந்து காத்து வந்த அந்த நித்யா எனும் இளைஞர்

முன்பு பழைய கதைகளில் கலைஞர் தான் கருப்பன் என்ற நாயினை பாசமாக வளர்த்ததாகவும் அது இறந்தபின் அசைவம் உண்பதையே நிறுத்தியதாகவும் அடிக்கடி சொல்வார்.

கருப்பன் மேல் அவருக்கு அப்படி ஒரு பாசம்

அந்த நன்றிமிக்க கருப்பன் நித்தியாவாய் பிறந்திருக்கலாம், அப்படி ஒரு விசுவாசம்


கலைஞர் புதைக்கபடுகின்றார்

ஏய் அரசியல்வாதிகளா இவ்வளவுதான் வாழ்க்கை, அரசியல், பதவி எல்லாம்.

இனியாவது இருக்கும் சொற்ப கால பதவியினை புரிந்து மக்களுக்கு நல்லாட்சி கொடுங்கள்


முக ஸ்டாலின் கதறி அழுகின்றார், காண சகிக்கவில்லை

“தலைமகனே கலங்காதே, 
தனிமை கண்டு மயங்காதே
உன் தந்தை தெய்வம் தானடா…”

என்ற வரிகளை தவிர ஆறுதல் அவருக்கில்லை


ஏ பிராமண சமூகமே ஒன்றுகேள்

தமிழகத்தில் பிராமணர்களின் வேலை வாய்பினை கெடுத்தவர் கலைஞர் என பல பிராமணர் சொல்லிகொண்டே இருக்கின்றார்கள்

ஏ பிராமண சமூகமே ஒன்றுகேள்

இங்கு அரசுபணியிலிருந்து , ஆலயத்திலிருந்து உங்களை விரட்டாவிட்டால் என்ன ஆகியிருக்கும்?

இங்கே அரசு வேலை, ஆலயங்களில் மணி அடிக்கும் வேலை என இங்கே முடங்கி இருப்பீர்கள்

ஆனால் இங்கே சூழல் மாறியதால் இனி எதிர்காலம் இல்லை என ஓடினீர்கள், எங்கே ஓடினீர்கள்?

உலகெல்லாம் ஓடினீர்கள்

கூகுள் முதல் அமேசான் வரை உயர் பதவி அடைந்த்தீர்கள், இன்னும் ஐடி முதல் ராக்கெட் விஞ்ஞானம் வரை உலகபிரசித்தி பெற்ற கம்பெனிகளில் எல்லாம் உயர் பதவியில் இருக்கின்றீர்கள்.

எப்படி சாத்தியம்? இங்கே இருந்து உங்களை விரட்டி விட்டதால் சாத்தியம்

இங்கேயே விட்டிருந்தால் இன்று அண்ணாசாலை பக்கம் தலைவா என அழுதுகொண்டிருப்பீர்கள்

ஆக அந்த தலைவன் உங்களை விரட்டி இங்கு சம்பாதிப்பதை விட பலமடங்கு சம்பாதிக்க வழிசெய்திருக்கின்றான்

கோழிகுஞ்சாக இருந்த கழுகளான உங்களை உங்கள் பலம் புரியவைத்திருக்கின்றான்

நீங்கள் யானைகள் எங்கிருந்தாலும் வாழமுடியும் என விரட்டியிருக்கின்றான்

இனியாவது அவரை புரிந்துகொள்ளுங்கள்

இன்று உலகெல்லாம் நீங்கள் பெறும் உயர் நிலைக்கு அவரே காரணம்

அந்த நன்றி கொஞ்சமாவது இருந்தால் ஒழுங்காக மெரீனா பக்கம் வந்து வணங்கிவிட்டு செல்லுங்கள்

வரமுடியாதவர்கள் எங்கிருந்தாவது இரு சொட்டு நன்றி கண்ணீராவது விடுங்கள்

கலைஞர் தேசியவாதி அல்ல, தேசியத்தை வெறுத்தவரும் அல்ல‌

Image may contain: 7 people

கலைஞர் தேசியவாதி அல்ல, தேசியத்தை வெறுத்தவரும் அல்ல‌

ஒன்றுபட்ட இந்தியாவில் தமிழக உரிமைகளை காத்து நின்ற போராளி, அதே நேரம் இந்திய ஒருமைபாட்டையும் காத்தார் புலிகள் காலத்து சர்ச்சைகளை தவிர‌

ராமசந்திரன், வைகோ முதல் எத்தனையோ பேரை நம்பி ஏமாந்த கலைஞர் பிரபாகரனையும் நம்பி ஏமாந்தார், அதன் பின் விழித்தார்

மற்றபடி இந்திய தேசியத்துடனான தோள்கொடுப்பில் அவர் பின் வாங்கவே இல்லை

அந்த மாபெரும் தலைவனுக்கு இத்தேசம் செய்ய வேண்டிய மரியாதையினை சரியாக செய்கின்றது

ராணுவ மரியாதை முதல் டெல்லியில் தேசியகொடி அரைகம்பில் பறந்தது , தேசிய தலைவர்கள் எல்லாம் வந்து வணங்கியது எல்லாம் இத்தேசம் அவர்மேல் கொண்டிருந்த அபிமானத்தை காட்டுகின்றது

இவ்வளவிற்கும் கலைஞர் நாடாளுமன்ற வாசலை மிதித்தவர் அல்ல, பெரும் பதவியில் அமர்ந்தவரும் அல்ல‌

ஆனால் அவரையும் டெல்லி புரிந்து மதித்து வந்திருக்கின்றது

இந்த தேசத்தின் அதிகார வட்டத்திற்கு நன்றிகள் , மோடி முதல் ராகுல் வரை எல்லோருக்கும் நன்றிகள்

இந்திய தேசியத்தின் மதிப்புமிக்க தலைவராக விடைபெறும் கலைஞருக்கு கண்ணீருடன் கை அசைக்கின்றோம்


சன் டிவியில் கலைஞர் ஊர்வலத்தில் பிண்ணணி பேசுகின்றார்கள் எப்படி?

ராணுவ வாகனத்தில் கம்பீரமாக செல்கின்றார் கலைஞர், நல்லது

உண்மை என்ன?

இந்திய ராணுவ மரியாதை என்பது பெரும் மரியாதைகுரிய விஷயம், கலைஞருக்கு கொடுக்கின்றார்கள்

எந்த கலைஞருக்கு?

இதே இந்திய ராணுவம் இலங்கையில் இருந்து திரும்பும்பொழுது வரவேற்கமாட்டேன் என அவர்களை அவமதித்த அதே கலைஞருக்காக‌

உண்மையில் திமுகவின் தோல்வி இது

அந்நிய நாட்டு தீவிரவாதியுடன் மோதி 1500 பேரை இழந்த பொழுது, ஏராளமான வீரர்கள் அங்கம் இழந்தபொழுது அந்த தீவிரவாதிகளுக்கு இங்கு சிசிச்சை அளித்தவர் கலைஞர்

இந்திய தேசிய ராணுவம் மிகபெரும் அவமானத்தை கலைஞரிடமும் தமிழக ஈழ அபிமானிகளிடமும் 1989ல் பட்டது

ஆனால் அதை எல்லாம் மறந்து இந்திய தலைவன் என்ற பெருந்தன்மையில் அவருக்கு மிகபெரும் கவுரவத்தை அளிக்கின்றது எம்பெருமை மிகு ராணுவம்

கலைஞரின் ஆன்மா இப்பொழுது என்ன நினைக்கும் என தெரியாது, ஆனால் 2009ல் இந்திய தேசியவாதியாக நின்றதால் அந்த களங்கம் தீர்ந்தது

எமது பெருமைகுரிய இந்திய ராணுவமே

இந்தியராய் வந்து நிற்கும் உங்களுக்கு எங்களின் கம்பீர‌ சல்யூட்


எலேய்,.. இந்த் யழவு மனுஷ் அங்கும் ஏதோ கவிதை வாசித்து இம்சிக்கின்றான்

கலைஞர் இறந்ததை விட பெரும்சோகம் இது, அவனை பிடித்து வங்க கடலில் எறியுங்கள்

ஏதோ கலைஞர் அண்ணா இறந்தபொழுது உருக்கமான வசனம் வாசித்த கலைஞர் போல தன்னை எண்ணி கொண்டு உளறிகொண்டிருக்கின்றான்

இடையில் தொண்டனுக்கு சிறுநீர் கழிக்க இடமில்லை என இம்சை வேறு

கலைஞரின் இந்து சர்ச்சைகளை எல்லாம் கிளறி ஏதோ வம்பு செய்துகொண்டிருக்கின்றான்

கலைஞருக்கு ஏதும் செய்வதாக இருந்தால் அவன் கையில் இருக்கும் பேப்பரை கிழித்து எறியுங்கள்’

ஓட்டை ரெக்கார்டு போல சொன்னதையே சொல்லிகொண்டிருக்கின்றான்

எலேய் மெண்டல் அநியாயம் நிகழ்ந்தால் ஆழிபேரலை எழுமா?

எதற்கு சென்னை முழுக்க அழியவா? இது கவிதையா மெண்டல் மண்டையா


1940களில் இந்தியா முழுக்க ராட்டை கொடி பறந்தபொழுது தமிழகத்தில் கருப்புகொடி பறந்தது, அதில் தன் ரத்தத்தால் பொட்டு வைத்து திராவிட கழக கொடியினை உருவாக்கினார் கலைஞர்

அந்த கொடி வீரமணியிடம் சிக்கிவிட்டது

அதன் பின் திமுக எனும் கருப்பு சிகப்பு கொடி பிடித்து இறுதிவரை நின்றார், இடையே தமிழ்மாநில கொடி என ஒன்றை அறிமுகபடுத்தினார்

ஆனால் இன்றோ அவர் உடலில் போர்த்தபட்டிருப்பது தேசிய கொடி

நிச்சயமாக விஷயம் அறிந்தவர்கள் சொல்வார்கள், அவர் உடலில் இறுதியாக போர்த்தியிருக்க வேண்டியது திராவிட கழக கொடி அல்லது திமுக கொடி அல்லது அவர் உருவாக்கிய தமிழக கொடி

ஆனால் அது இல்லை

இதுபற்றி எல்லாம் நாம் பேசினால் ஓடிவந்து அடிப்பார்கள்

வாழ்நாளெல்லாம் உண்மையான திராவிட கொள்கையினை சுமந்தவருக்கு அவரின் இறுதி ஊர்வலத்தில் சறுக்கலே நிகழ்ந்திருக்கின்றது


கலைஞருக்கு கூடியிருக்கும் கூட்டம் சாதாரணம் அல்ல

Image may contain: one or more people, crowd and stadium

நிச்சயம் கலைஞருக்கு கூடியிருக்கும் கூட்டம் சாதாரணம் அல்ல, மிக பெரும் கூட்டம்

முறையாக கணக்கெடுக்கும் பட்சத்தில் உலக சாதனையான அதாவது அண்ணாவிற்கு கூடிய அஞ்சலி செலுத்த கூட்டத்தை விட இது அதிகமாக இருக்கும்

Image may contain: one or more people, people standing, crowd and outdoorஅண்ணாவின் சாதனையினை தம்பி முறியடிப்பதில் ஆச்சரியம் ஏதுமில்லை

“நீர் திரட்டிய‌ கூட்டத்தை அப்படியே 50 ஆண்டுகாலம் வைத்திருக்கின்றேன் பாருங்கள்” என மிக பெருமையாக சொல்வதற்கு அண்ணா சமாதி நோக்கி செல்கின்றார் கலைஞர்..

கலைஞர் என்பவர் எத்தனை கோடி மக்களை வசீகரித்தார் என்பதன் விஸ்வரூபம் தெரியும் நேரமிது


ஏதோ ஒரு படத்தில் ரங்கராவ் சிவாஜியிடம் சொல்வார் “எங்களை விட்டு போடா”

சிவாஜி சொல்வார் “உயிர பிடுங்கி வைக்க சொல்றீங்கே மாமா, நான் எங்கே போவேன்”

கலைஞரின் கடைசி பயணத்தை பார்க்கும்பொழுது உயிரை பிடுங்கி வைத்தது போலவே இருக்கின்றது

பொதுமக்கள் ஏராளமானபேர் அழுகின்றார்கள், கலைஞர் குடும்பத்தில் ஒரு உயிர் உண்மையாக அழுகின்றது, ஆம் உண்மையான பாசத்தில் அழுகின்றது

அவள் பெயர் செல்வி

இவ்வளவிற்கும் கட்சியிலோ, இல்லை வேறு சொத்துவிஷயங்களிலோ அவர் பெயர் வந்ததே இல்லை

கதறி கதறி அழுகின்றார் அந்த பெண்

அதன் பெயர்தான் பாசம் என்பது, அவள் அழும்பொழுது நமக்கெல்லாம் கண்களில் நீர் அருவியாக கொட்டுகின்றது


கலைஞர் இறந்ததை சில ஈன ஈழதமிழர்கள் வரவேற்கின்றார்களாம்

கலைஞர் இறந்ததை சில ஈன ஈழதமிழர்கள் வரவேற்கின்றார்களாம்

அட பதர்களா

யாழ்பாணம் நாறிகொண்டிருக்கின்றது, நடக்கும் அழிவுகளுக்கும் அசிங்களுக்கும் கட்டுகடங்கா கொள்ளைகளுக்கும் அளவே இல்லை

அதை பற்றி கவலைபடுவதை விட்டு, அடுத்த நாட்டில் ஒரு மாநில தலைவன் சாவதையா பார்த்துகொண்டிருப்பீர்கள்?

கேட்டால் பிரபாகரன் தாயை கலைஞர் பார்க்கவில்லையாம்

ஏண்டா நாதாரிகளா, நீங்கள்தான் லண்டன், பிரான்ஸ், கனடா என இருக்கின்றீர்கள் அல்லவா? அழைத்து வைத்து பார்த்தால் என்ன பன்னாடை கூட்டமே

நன்றி கெட்ட ஈன கூட்டமே

லட்சகணக்கான ஈழமக்கள் அகதிகளாய் வந்தபொழுது இங்கு அகதி முகாம் அமைத்து, சோறுபோட்டு காத்த தலைவனடா அவன்

உங்களால் ஒரு ஈழத்தவனை ஆதரிக்க முடியுமா நாய் பெற்ற மக்களே

அன்றெல்லாம் உங்களை அரவணைத்தது யார்? அமைதிபடையினை திரும்ப பெற்றது யார்?

செய்யகூடா படுகொலைகளை செய்து அழிந்தான் பிரபாகரன், அது ஏன் உங்களுக்கு தெரியவில்லை ஈனர்களே

உலகிலே நன்றிகெட்ட இனம் ஈழதமிழினம் என்பதில் இனி மாற்று கருத்தே இல்லை

ஈழம் இனி ம‌….குள்ள இருந்து மலரும், ஒரு நாளும் ஒரு முடிவும் பெற்றுகொள்ளமாட்டீர்கள்

காலத்துக்கும் அடிவாங்கி சாவுங்கள்

கலைஞர் மெரீனாவில் அடக்கம் செய்ய இடமளிக்கும் சர்ச்சை நீடிக்கின்றது

Image may contain: sky and outdoor

கலைஞர் மெரீனாவில் அடக்கம் செய்ய இடமளிக்கும் சர்ச்சை இன்னும் நீடிக்கின்றது

முன்னாள் முதல்வருக்கு எல்லாம் அடக்கம் செய்ய அனுமதிக்கலாமா? அப்படியானால் மெரீனா சுடுகாடு ஆகிவிடாதா என்றெல்லாம் வரிந்து கட்டுகின்றார்கள்

இது எல்லா முதல்வர்களுக்கும் என எப்படி பொருந்தும், நெடுஞ்செழியன், ஜாணகி எல்லாம் அங்கு வந்தார்களா? வரமுடியுமா?

அங்கு நடந்த முதல் தவறு ராமசந்திரனை அடக்கம் செய்தது இரண்டாம் தவறு குற்றவாளி ஜெயலலிதாவினை அடக்கம் செய்தது

கலைஞர் என்பவர் முதுபெரும் தலைவர், யாருக்கும் இல்லா சிறப்பு தகுதி அவருக்கு உண்டு, 50 ஆண்டுகாலம் கட்சி நடத்தி 19 ஆண்டுகாலம் முதல்வராய் இருந்து, 75 ஆண்டுகாலம் பத்திரிகை நடத்தியது என்பதெல்லாம் மாபெரும் சாதனை

தமிழ்நாட்டிற்கு அவர் செய்த நல்ல திட்டங்கள் ஏராளம், பயன்பெற்றோர் பல கோடி

பெரும் திராவிட பாரம்பரியம் அவர், அண்ணாவின் அடுத்த இடத்தில் 50 ஆண்டுகாலம் நீடித்தவர்

அவரை போல இன்னொருவரை தமிழகத்தில் காட்டிவிட்டு கலைஞருக்கு மெரீனாவில் மறுப்பு சொல்லுங்கள், முடியுமா?

யார் உண்டு? தனிபெரும் தலைவனாக விளங்குபவருக்கு ஏன் தனிமரியாதை கொடுக்க கூடாது?

யாருக்கும் இல்லா பெரும் சிறப்புகள் அவருக்கு இருப்பதால் அவரை அண்ணாவின் அடுத்த இடத்தில் அடக்கம் செய்வதே அவருக்கு செய்யும் மரியாதை கடமை

அத்தோடு மெரீனாவிற்கு சீல் வைக்கலாம், இதுதான் செய்ய வேண்டியது.

இதற்கும் மேல் தடுத்தால்..

பேசாமல் புதிய சட்டமன்ற கட்டிடம் என அவர் கட்டிய அந்த கட்டடத்தில் புதைத்துவிடலாம்

கலைஞர் கட்டிய காரணத்தால் அங்கு சட்டமன்றம் இயங்காது என மிக மூர்க்கமாக சொல்லி மாற்றிய அகங்காரம் பிடித்த‌ ஜெயா கல்லறை மெரீனாவில் இருக்கும்பொழுது..

அந்த கட்டடம் சும்மா ஒப்புக்கு இருக்கும்பொழுது, பழனிச்சாமி அரசும் அதை கண்டுகொள்ளாமல் இருக்கும்பொழுது,..

அந்த சட்டமன்ற‌ கட்டிடத்தை அனுதினமும் பார்த்து பார்த்து கட்டிய கலைஞரை, அது நிறைவேறா ஏக்கத்தை மனதோடு புதைத்த கலைஞரை அங்கு புதைப்பதுதான் சரி..


சென்னைக்கு முதலில் வந்த ஐரோப்பியர் போர்த்துகீசியர், அவர்களில் முக்கியமான மாலுமி மெட்ருஸ்

வந்த இடத்தில் அவன் இறந்தான், அன்றைய சென்னையில் ஜார்ஜ் கோட்டையுமில்லை சென்னை என்ற அடையாளமுமில்லை

அது பல கிராமங்களாக குப்பங்களாக பிரிந்து கிடந்தது

அந்த மெட்ருஸ் என்பவனை சாந்தோம் அருகே அடக்கம் செய்தார்களாம், அடக்கம் செய்த இடம் மெட்ராஸ் என்றானது,

மெட்ராஸ் எனும் பெயர் இப்படித்தான் வந்தது

பின்பு வந்த வெள்ளையன் அந்த சென்னப்ப நாயக்கரிடம் இருந்து நிலம் வாங்கி ஜார்ஜ் கோட்டையினை வடக்கே கட்டினான் கட்டினான், மெட்ராஸ் பட்டினம் என்றே பெயரும் இட்டான்

மெட்ராஸ் என்ற பெயர் வரலாற்றில் நிலைத்தது, எதுவரை என்றால் 1995 வரை நிலைத்தது

ஆக ஒரு ஊரை உருவாக்க வந்து செத்த அந்த மெட்ருஸ் என்பவனை புதைத்துத்தான் மெட்ராஸ் உருவாகி சென்னையாக வளர்ந்து நிற்கின்றது

அந்த கடற்கரையில், நவீன சென்னையினை உருவாக்கிய‌ கலைஞரை புதைக்க கூடாதாம்