அரசியல் அழிச்சாட்டியங்கள்

பகல் கனவை ராகுல் நிறுத்த வேண்டும்: பாஜக தலைவர் அமித் ஷா

ஆம் அந்த கனவை காண தமிழிசைக்கு மட்டுமே உரிமை உண்டு, தமிழகத்தில் தாமரை மலர்ந்தே தீரும்

[ September 28, 2018 ]


மதுரை ஆதீன மடத்தின் இளைய ஆதீனமாக நித்யானந்தர் நியமிக்கப்பட்டது செல்லும்: உயர்நீதிமன்றம்

சும்மாவே நித்தி ஒரு மந்தகாச புன்னகையோடு இருப்பார்,தீர்ப்பினை கேட்டு எப்படி சிரிப்பாரோ?

எல்லாம் அந்த சிவபெருமானை சொல்லவேண்டும் அவர்தான் அந்த ஆதீனத்து கனவில் வந்து நித்தியினை வாரிசாக‌ நியமிக்க சொன்னாராம்

[ September 28, 2018 ]


இந்த உச்சநீதிமன்ற நீதிபதிகள் எல்லாம் பாலசந்தர் படங்களை அதிகம் பார்த்து தொலைத்தார்களா? இல்லை கமலஹாசன் ரசிகர்களா என்பது மகா குழப்பமாக இருக்கின்றது

இந்த இரு வகையறாக்களில் ஒன்றில் அவர்கள் இல்லாமல் இப்படியான தீர்ப்புகள் வராது

சமீபத்தில் ஓரின சேர்க்கை குற்றமல்ல என்றார்கள், இப்பொழுது எல்லா உறவும் குற்றமே அல்ல என்கின்றார்கள்

எமக்கென்னமோ பாலசந்தர் படங்களை அதிகம் இவர்கள் பார்த்திருப்பார்கள் என்றே தோன்றுகின்றது…

ஒருவேளை நித்திசாமி ஆதரவாளர்களாகவும் இருக்கலாம், என்கின்றது இன்னொரு தரப்பு, அதற்கும் வாய்பிருக்கின்றது

[ September 28, 2018 ]


தகாத உறவு குற்றம் அல்ல – உச்ச நீதிமன்றம் பரபரப்பு தீர்ப்பு.

“அட, முன்னாடி மட்டும் தண்டனைக்குரிய குற்றமாகவா இருந்தது???. எனக்கு தெரியாம போச்சே..”

[ September 28, 2018 ]
Image may contain: 1 person, closeup
—————————————————————————————————————————————-

பெண்கள் ஒடுக்கபடுகின்றார்கள், சில கட்சிகள் கூட பெண்களுக்கான இட ஒதுக்கீட்டை ஆதரிக்கவில்லை : கனிமொழி

அண்ணனிடம் பேசமுடியாததை , கட்சி பொதுகுழுவில் பேசமுடியாததை எல்லாம் அம்மணி மறைமுகமாக கொட்டி தீர்க்கின்றது பாவம்.

[ September 28, 2018 ]

============================================================================

“உச்சநீதிமன்றம் தகாத உறவை இனி தகும் என்பதால் அது தகுந்தது என்றல்ல, முன்பு தாகத உறவு இங்கு தகுந்து இருந்தது என இல்லாமலுமல்ல‌

தாகத உறவு இனி தகுமெனில் தகுந்த உறவு என்னாகுமோ, தாகததோ தகுந்ததோ எல்லாம் கடந்தவன் நான். அன்றே தகாதது தகுந்ததென்றேன் அது தகாது என்றார்கள், இன்று தகாதது தகும் என்றால் அன்றே தகுந்தவன் நான்”

[ September 28, 2018 ]
Image may contain: 1 person, sitting
=======================================================================

ரன்வீர் ஷா என்பவர் வீட்டில் 82 சிலைகள் மீட்கபட்டிருக்கின்றன என்பது சாதாரண விஷயம் அல்ல‌

சிலைகடத்தலுக்கு எதிராக நடவடிக்கை எடுக்கபட்டாலும் , கடத்துபவர்கள் கடத்திகொண்டேதான் இருக்கின்றர்கள் எனும் பெரும் அதிர்ச்சியூட்டும் செய்தி இது

சட்டம், ஒழுங்கு, அறநிலையதுறை என எல்லாவற்றையும் கேள்வி கேட்கும் காட்சி இது

இன்னும் எத்தனை ரன்வீர் ஷாக்கள் எத்தனை சிலையினை மறைத்து வைத்திருக்கின்றார்களோ தெரியவில்லை, மிக அவசரமாக செயல்பட்டு எல்லா சிலையினையும் மீட்க வேண்டிய நேரமிது

மிக சரியாக நூல்பிடித்து சிலைகளை மீட்ட பொன்மாணிக்கவேலுக்கு பாராட்டுக்கள்

என்ன நாடு இது? சில தொழிலதிபர்கள் நாட்டை விட்டு ஓடுகின்றார்கள், சில தொழிலதிபர்கள் சிலைகளை நாட்டை விட்டு விரட்டுகின்றார்கள்

தொழிலதிபர்கள் என்றால் இந்த நாட்டில் மிக கவனமாக இருக்க வேண்டும் போல..  [ September 28, 2018 ]

============================================================================

உணவுக்கும் நீருக்கும் அடுத்த அவசியமானது மருந்து, எப்பொழுது யாருக்கு அது பயன்படும் என்றே தெரியாது, சமூகத்தில் மிக முக்கியமான பொறுப்பு மருந்து கடைகளுக்கு உண்டு

உயிர்காக்கும் மாபெரும் கடமையினை செய்பவை அவை

ஆனால் தங்களின் பொறுப்பினை மறந்து பெரும் தவறான காரியத்தை செய்கின்றார்கள்,அதாவது ஆன் லைனில் மருந்து விற்பதை கண்டித்து இன்று கடை அடைக்கின்றார்களாம்

இது எப்படி இருக்கின்றது என்றால், தனியார் பாதுகாப்பு காவலர்கள் அமைப்பதை கண்டித்து காவல்துறையினர் வேலை நிறுத்தம் செய்வது போல் உள்ளது

தனியார்கள் செக்கியூரிட்டிகளை நியமிக்க கூடாது, நாங்களே எல்லோருக்கும் காவல் என காவல்துறை வேலை நிறுத்தம் செய்தால் என்னாகும்?

இவர்கள்தான் மருந்துகளை விற்க போகின்றோம் என அரசிடம் அனுமதிபெற்று மருந்து கடைகளை திறந்திருக்கின்றார்கள்

இப்பொழுது இவர்கள்தான் அரசை கண்டித்து ஆர்பாட்டமும் செய்கின்றார்களாம்

மருந்து என்பது அத்திவாசியமானது, அதை அவசியமாக தேவைபடுபவர்கள் எங்கும் வாங்கலாம்

இதை கண்டித்து அரசை எதிர்த்து மக்களுக்கு மருந்து கொடுக்கமாட்டோம் என்பதெல்லாம் அயோக்கியதனமும் சுயநலமும் மிக்க விஷயம்

உயிர்கொல்லும் மதுபான வியாபாரத்தை அரசே நடத்திவிட்டு உயிர்காக்கும் மருந்து விற்பனையினை தனியாரிடம் கொடுத்திருக்கும் மாநிலத்தில்

ஆற்றுமண்ணை அரசு விற்றுவிட்டு உயிர்காக்கும் மருத்துவத்தை தனியாரிடம் கொடுக்கும் இம்மாதிரி விஷயங்கள் நடப்பதை பார்த்து பரிதாபடத்தான் முடியும்

[ September 28, 2018 ]

============================================================================

“தப்பு பண்ணிட்டோம் அமித்து, இந்த இந்தியா பாகிஸ்தான் ஆட்டத்திற்கு இங்கே அனுமதி கொடுத்திருக்க வேண்டும்

நாம என்னமோ நினைச்சி அனுமதி கொடுக்கல, பாகிஸ்தானை துபாய்ல போட்டு இந்திய அணி அடிச்சிருக்கு, குனிய வச்சி குத்திருக்கு

இதுவே இந்தியாவில் நடந்திருந்தால் ரபேலாவது, ஜீபேலாவது. அடுத்தவாட்டி நல்லா யோசிக்கணும் அமித்து.

நல்ல வாய்ப்பை விட்டுட்டோம்..”

Image may contain: 2 people, beard
===========================================================================

சபரிமலை கோவிலுக்குள் பெண்களுக்கு அனுமதி – உச்சநீதிமன்றம்

தீர்ப்பு சொல்லிவிட்டால் மட்டும் நல்ல இந்துபெண்மணிகள் செல்ல போகின்றார்களா என்ன? நிச்சயம் மாட்டார்கள்

மக்களின் தலைமுறை தலைமுறையான நம்பிக்கை என்பதை சட்டம் போட்டு உடைக்க முடியாது. [ September 28, 2018 ]

===========================================================================

அரசியல் அழிச்சாட்டியங்கள்

மோடி மிகபெரும் தலைவர், அவர் இந்தியாவினை வளர்கின்றார் ஏழ்மையினை ஒழிக்கின்றார் என சொல்லிவிட்டு அமெரிக்க வாழ் இந்தியர்களுக்கு வேட்டு வைத்துகொண்டிருக்கின்றார் டிரம்ப்

அமெரிக்க இந்தியர்களுக்கு ஏகபட்ட கட்டுபாடுகளை விதித்துகொண்டிருக்கின்றார்

இனி ஏதும் கேட்டால், இந்தியாவினை மிகபெரும் வல்லரசு நாடாக்கிவிட்டார் மோடி இனி இவர்கள் அங்கு செல்வதுதான் சரி என சிரிக்காமல் சொன்னாலும் சொல்வார் போல..  [ September 26, 2018 ]


ஈரான் எண்ணெய்க்கு அமெரிக்கா தடை இட்ட நிலையில், மற்ற நாடுகள் உற்பத்தியினை அதிகரிக்க மறுத்த நிலையில் கச்சா எண்ணெயின் விலை 85 டாலராக எகிறுகின்றது, இன்னும் எகிறுமாம்

இனி இந்தியாவில் பெட்ரோல் விலை 100ஐ தொடும் காலம் தொலைவில் இல்லை, அநேகமாக தீபாவளி பரிசாக இருக்கலாம்   [ September 26, 2018 ]


இந்த மனிதர் கிறிஸ்தவர், நாமும் கிறிஸ்தவர் ஆனால் இவரின் பேச்சை கண்டிகின்றோம்

வடக்கே இந்து ஆலயம் அதிகம் இல்லையாம், தமிழகத்தில் நிரம்ப இருகின்றதாம் எல்லாம் சாத்தானாம்

வரலாறு என்ன?

வடக்கே முகமதியர் ஆட்சியில்பல ஆலயம் அழிக்கபட்டன, தெற்கே நாயக்க மன்னர்களின் காவலில் இங்கு அழிவு அதிகமில்லை

காஞ்சியும், கும்பகோணமும் அப்படித்தான் தப்பின‌

ஆனால் இவரோ வரலாறு தெரியாமல் வடக்கே சாத்தான் இல்லை எனவும் தமிழகம் சாத்தான்களின் கூடம் எனவும் சொல்லிகொண்டிருகின்றார்

நல்லவர் அந்த கோவில்கள் சாத்தான்களின் கூடம் என நிரூபிக்கட்டும், முடியுமா?

எங்கே அந்த இந்து தெய்வங்கள் இவரின் முன்னால் வந்து நாங்கள் சாத்தான்கள் என சொல்லட்டும் பார்க்கலாம்?

இதெல்லாம் இவர் கிளப்பிவிடும் கட்டுகதைகள், கண்டிக்க வேண்டிய விஷயங்கள்

காஞ்சியும் கும்பகோணமும் இந்துக்களுக்கு புனிதமான இடங்கள் , அவர்களின் தாய் போன்றவை

அவர்களிடம் சென்று உன் தாய் சாத்தான் என்பது ஏற்றுகொள்ள முடியாதது

பைபிளில் சில இடங்கள் உண்டு, இயேசுவின் சீடர்கள் சில ஆலயங்களுக்கு சென்றவுடன் அங்கிருந்த பிசாசுகள் அலறி அடித்துஓடியதாம்

இவர் இயேசுவின் நல்ல சீடர் என்றால் அப்படி செய்யட்டும் பார்க்கலாம், நிச்சயம் முடியாது

அட அவ்வளவு வேண்டாம், எங்காவது கொடை நடக்கும்பொழுது அதை இவர் தடுக்கட்டும் பார்க்கலாம்

அதெல்லாம் முடியாது, நிச்சயம் முடியாது

மதவெறியினை ஏற்படுத்தும் இம்மாதிரி நபர்களிடம் கிறிஸ்தவர்களும் தமிழர்களும் எச்சரிக்கையாக இருப்பது நல்லது

கருணாசுக்கும் இவருக்கும் வித்தியாசம் இருப்பதாக தெரியவில்லை

சட்டம் தன் கடமையினை செய்யவேண்டிய நேரமிது [ September 26 2018 ]


உ.பி.யில் மதக் கலவரத்தை தடுத்த தமிழ் ஐபிஎஸ் அதிகாரி ஜி.முனிராஜ்: ‘பரேலியின் சிங்கம்’ என பாராட்டு குவிகிறது
பெரியார் மண்ணில் விளைந்த நன்முத்து , பெரியார் குகையில் வளர்ந்த சிங்கம் என இப்பொழுதுதான் சொல்ல வேண்டும்
ஆனால் பெரியாரிஸ்டுகள் சொல்லவே மாட்டார்கள்
பெரியார் விருது எல்லாம் கொடுக்கத்தான் வேண்டும், ஆனால் கமுக்கமாக இருப்பார்கள்
எங்கோ கடல்கடந்த தமிழன் தன் தலைவனால் பட்டினி போட்டு கொல்லபட்டால் அவனுக்காக கொடிபிடிப்பார்கள்
காரணம் இந்தியாவிற்காக உழைக்கும் எந்த தமிழனையும் இவர்களுக்கு பிடிக்கவே பிடிக்காது.
இதுவே மத கலவரம் நிகழ்ந்திருக்கட்டும், பெரியார் பிறக்காத மண் அப்படித்தான் இருக்கும் என ஆளுக்கு முன் வருவார்கள்
இந்த தமிழக அதிகாரியினை வாழ்த்துவோம், சிங்கத்தின் பணி தொடரட்டும்

[ September 26 2018 ]

Image may contain: 1 person, standing and text
——————————————————————————————————————————-

இதுதான் உண்மையான நீல கலர் சேலன்ஞ்…. யாராவது பதில் கொடுக்க முடியுமா?

நெவர்…

நீலவான ஓடையில் நீந்துகின்ற வெண்ணிலா.. என்பது இதுதான்

[ September 26 2018 ]
Image may contain: 1 person, smiling, standing
————————————————————————————————————————————-

தாதுமணல் என்றார்கள் அதில் அணுசக்தி தோரியம் கடத்தபட்டது என்றார்கள்

தாதுமணல் தொழில் செய்த தயா தேவதாஸ், தனுஷ்கோடி ஆதித்தன், வைகுண்டராஜன் எல்லாம் தேச பாதுகாப்பு சட்டத்தில் சிக்க போகின்றார்கள் என முன்பொரு காலத்தில் சொன்னார்கள்

இப்பொழுது நியூஸ் 7 சேணல் மோடி இரண்டாம் காந்தி, ஆக்ஸ்போர்டு போகாத நேரு, சட்டம் படிக்கா அம்பேத்கர் எனு அளவிற்கு செல்லுவதை பார்த்தால் தோரிய சமாச்சாரம் நினைவுக்கு வரத்தான் செய்கின்றது

கொடுத்து வைத்தவர் மோடி, அவருக்குத்தான் தமிழகத்தில் எத்தனை அடிமைகள்??

புதிது புதிதாக எல்லாம் கிடைத்து கொண்டே இருக்கின்றார்கள், மோடி தாடிக்குள் மச்சம் இருக்கும் போலிருக்கின்றது [ September 26, 2018 ]


அடுத்த குஜராத் தொழிலதிபர் 5 ஆயிரம் கோடி மோசடியில் நாட்டை விட்டு ஓட்டம்

இனி அங்கிருந்துகொண்டு நான் ஜெட்லியிடம் சொல்லிவிட்டுத்தான் வந்தேன் என சொல்வார் என்பது வேறுவிஷயம்

முதலில் இந்த குஜராத் தொழிலதிபர்களின் பாஸ்போர்ட்டை எல்லாம் முடக்கி வைக்க வேண்டும், இல்லாவிட்டால் ஒரு பயலும் இங்கே இருக்கமாட்டான் போல‌

இப்படி எல்லாம் தப்புகின்றார்களே என கேட்டால், “மோடி ஆட்சியில் கருப்பு பணம் எல்லாம் ஒழிந்துவிட்டது அதனால் தாக்குபிடிக்க முடியாமல் தப்புகின்றார்கள்..” என முகம் மலர சொல்கின்றனர் பாஜகவினர்

[ September 26, 2018 ]


டிடிவி தினகரனும் ஜெயாடிவியும் நொடிக்கு ஒருமுறை அரசை காரி துப்புகின்றார்கள், அவர்கள் நாக்கை அறுங்கள் பார்க்கலாம்

கத்தி வேண்டுமானால் நாங்கள் தருகின்றோம்

 [ September 26 2018 ]
Image may contain: 4 people
————————————————————————————————————————————

ஆதார் என்பது பின்பற்ற வேண்டிய சட்டம் என உச்சநீதிமன்றம் சொல்லிவிட்டது

எல்லா நாடுகளும் மக்களுக்கு ஒரு அடையாள எண் கொடுத்து நிர்வாகத்தை சீர்ப்ட நடத்தும்பொழுது பெரும் மக்கள் தொகை கொண்ட‌ இந்தியாவும் அதை பின்பற்றியே தீரவேண்டும்

வருங்காலங்களில் அது டிஜிட்டல் அட்டையாக மாறும்பட்சத்தில் பல நிர்வாக விஷயங்களை நொடியில் தீர்க்க முடியும்

ஆதார் கட்டாயம் என்பதை வரவேற்றே ஆகவேண்டும் [ September 26, 2018 ]


நீதிமன்ற நிகழ்வுகளை நேரலையில் ஒளிபரப்பு செய்யலாம்- உச்ச நீதிமன்றம் அனுமதி

நல்லது இனி முக்கிய வழக்குகளை இந்த கிரிக்கெட் மேட்ச் பார்ப்பது போல பார்க்கலாம்.

இதில் வரும் மேட்ச் பிக்ஸிங் என்ற சூதாட்டத்தை எப்படி தடுக்க போகின்றார்கள் என்பதுதான் தெரியவில்லை..

மிக நல்ல அறிவிப்பு இது

பொதுவாக இந்த சினிமாவில் வரும் கவுரவம் சிவாஜி போலவோ இல்லை விதி சுஜாதா போலவோ ஒரு வக்கீலும் வாதிடுவதில்லை, எல்லாம் வடிவேலு சொன்னது போல “தங்களுக்கு தெரியாத சட்டமில்லை யுவர் ஆணர்..” எனும் ரகம்

அப்படித்தான் நீதிமன்றங்கள் நடக்கின்றன என்கின்றார்கள்

இருக்கட்டும், இனி வீட்டில் “நான் கோர்ட்டில் எப்படி வாதாடினேன் தெரியுமா? ஜட்ஜே அரண்டுவிட்டார்” என சொல்லும் வக்கீல்களுக்கு எல்லாம் ஆப்பு

பின்னே, அவர்கள் மனைவியும் குடும்பத்தாரும் டிவி முன் அமர்ந்துவிட மாட்டார்களா?

இனி போலி வக்கீல் உருவாக முடியும்??  [ September 26, 2018 ]

மன்மோகன் சிங்

உலகம் கொண்டாடும் ஒரு பொருளாதார மேதை, தன் கல்வி தகுதி 17 டாக்டர் பட்டம் என அமைதியாக சொன்ன அறிவாளி
உலகம் தடுமாறிய மந்தநிலை காலங்களில் இந்திய பொருளாதாரத்தை காத்து நின்ற பெரும் நிபுணர்
இன்று இந்தியா காட்டும் பொருளாதார பாய்ச்சலுக்கு அன்றே அஸ்திவாரமிட்ட பெரும் சிந்தனையாளன்
மாற்றுகட்சி ஆயினும் அவர்களும் வந்து ஆலோசனை கேட்கும்பொழுதும் நாட்டுமுன்னேற்றத்திற்காய் நல்ல ஆலோசனைகளை வழங்கும் பெருமகன்
அவர் பதவிவகித்த காலங்களில் அவரை தேடிவந்து பாராட்டியவர்களே அதிகம் தவிர, அவர் தேடிசென்ற நாடுகள் குறைவு. காரணம் நல்ல அறிவும் சிந்தனையும் எங்கிருந்தாலும் தேடி வரும் உலகமிது, அப்படித்தான் வந்தது
இந்நாட்டிற்காய் உழைத்த சீக்கிய மக்களின் மொத்த நாட்டுபற்றும் ஒன்றாய் சேர்ந்த உருவம் அது. ஒரு வார்த்தை அதிர்ந்து பேசாமல் நாட்டை அமைதியாய் வழிநடத்திய கோமான் அவர்.
எமக்கு வருத்தமெல்லாம் ஒன்றே ஒன்றுதான்
இன்று மோடிக்கு கிடைத்திருக்கும் பெரும் பலம்போல அவருக்கும் கிடைத்திருந்தால் இன்னும் பெரு வெற்றிகளை அவர் குவித்திருப்பார், நாடு இன்னும் வளம் பெற்றிருக்கும்
இன்று மோடிக்கு கிடைத்திருக்கும் அடிமை தமிழகமும் அவருக்கு இல்லை
கடும் கூட்டணி குழப்பத்தில் கல்மாடி, அழகிரி, தயாநிதி என ஏக இம்சைகளுக்கு மத்தியில்தான் அவரால் ஆளமுடிந்தது.
அதாவது ஏக சங்கிலிகட்டுகளுடன் தான் அந்த சிங்கம் நடந்தது
பெரும் அதிகாரம் கொண்டு நாட்டை நடத்துவது சிக்கல் இல்லை, ஆனால் ஒவ்வொரு திசையில் நடக்கும் 4 குழப்பவாதிகளை கால கொடுமையால் கொண்டும் வெற்றிபயணம் செய்ததுதான் திறமை.
அப்படி இந்த கூட்டணி இம்சைகளை கொண்டும் இந்த நாட்டினை நடத்தினார் என்பதில்தான் அவர் வெற்றி இருக்கின்றது, மனிதரை அப்படி பாடாய் படுத்தினார்கள்.
கூட்டணி என்ற பெயரில் அவர் காத்த அமைதி முள் இருக்கையின் மீது ரத்தம் கசிய அமர்ந்திருக்கும் வலிக்கு சமம், அப்படித்தான் அவருக்கு நெருக்கடிகள் இருந்தன. அந்த சிங்கம் சில இடங்களில் ஓநாய்கள், நரிகள், கூவைகள் சொல்லுக்கும் கட்டுபடும் காலம் இருந்தது.
(கலைஞருக்கு அஞ்சலி செலுத்த மன்மோகன் ஏன் வரவில்லை என்பார்கள், கலைஞரின் வற்புறுத்தலால் அழகிரியினை தன் அமைச்சரவை அமைச்சராக்கி அவர் சந்தித்த கசப்பான அனுபவங்கள் கொஞ்சமா
மறந்திருப்பாரா? )
மக்களாட்சி, அரசுக்கு ஆதரவு, வெளியிருந்து ஆதரவு, நாற்காலிக்கு கீழ் இருந்து ஆதரவு, மாடியிலிருந்து ஆதரவு என பல இம்சைகளுக்கு மத்தியில்தான் அவர் நிர்வாக தேர் ஓட்டினார்.
ஆனாலும் சலித்துகொண்டு விட்டு ஓடியவர் அல்ல‌,
முடிந்தவரை நாட்டினை பாதுகாத்து நின்றார், ஊழல்வாதிகள் பிடிபடும்போது அவர் காட்டிய கனத்த மவுனமே அவரின் கைகள் அன்று கட்டபட்டிருந்ததை அழகாக காட்டின‌
இப்படிபட்ட மாமேதைகளையும், கலாம் போன்ற பெரும் தியாகிகளையும் திகைக்க வைக்கும் ஒரு கேடு கெட்ட அரசியல் நடக்கும் நாடு இது, நாட்டின் கட்சிகள் அப்படி, குறிப்பாக மாநில கட்சிகளின் அட்டகாசம் அப்படி, கண்ணார பார்த்தோம்
விடுங்கள் எரிச்சல்தான் மிஞ்சும், மன்மோகனும் அப்படித்தான் சிக்கி இருந்தார், இருந்தாலும் அவரின் நிர்வாகத்திற்கு ஒற்றை சாதனை போதும்
அவர் காலத்தில் 120 டாலருக்கு கச்சா எண்ணெய் விலை இருந்தது, அவரோ 63 ரூபாய்க்கு மக்களுக்கு கொடுத்துகொண்டிருந்தார், அது திறமை
இன்றோ 70 டாலருக்கு வாங்கியும் அதே விலையில்தான் கொடுத்துகொண்டிருக்கின்றார்கள் இதுவும் திறமை
இன்றைய ஜிஎஸ்டி சீர்திருத்தத்திற்கு முன்னோடி திட்டமிட்டவரும் அவரே.
இன்றும் மோடியின் பல திட்டங்கள் சொதப்பும்பொழுது மன்மோகன் சிங் உயர்ந்து நிற்கின்றார், அவரின் அருமையினை பாஜகவினர் நன்றாகவே உணர்ந்திருக்கின்றார்கள்.
அவரை கை நீட்டி குற்றம் சொல்ல எந்த பாஜக காரனாலும் முடியவில்லை, அவரை எல்லோரும் மதிக்கின்றார்கள்.
அசுர பலத்தோடு ஆட்சியில் இருந்தாலும், ஒரு மன்மோகன் சிங் இல்லாமல் தடுமாறுகின்றது பாஜக.
வரலாற்றில் இடம்பிடித்துவிட்ட அந்த பெருமகனுக்கு டாக்டர் மன்மோகன் சிங் அவர்களுக்கு பிறந்தநாள் வாழ்த்துக்கள்
ஆச்சரியமான மனிதர் அவர், 10 வருடம் பிரதமராக இருந்தும் தனக்கொரு கோஷ்டியோ, 4 அல்லக்கைகளோ கொண்டிராமல் மகா அமைதியாக தனியாக‌ இருப்பவர், பாராட்டவேண்டிய ஒன்று.
எல்லோருக்கும் அது சாத்தியமில்லை, வார்டு கவுன்சிலர் பதவியில் இருந்தவனே அதனை எளிதில் விடமாட்டான், பதவியின் சுகம் அப்படி, போதை அப்படி
தமிழகத்து பன்னீரும், தினகரனுமே அதற்கு பெரும் சான்று
ஆனால் பாரத பிரதமராக இருந்தும் கட்சிக்குள் அவர் காட்டும் அமைதிக்கும் பெரும் பண்புக்கும் ஒரு சிகரமாகவே நோக்கபடவேண்டியவர் அவர்.
காங்கிரசில் மன்மோகன் சிங் கோஷ்டி என ஏதாவது உண்டா? அதுதான் பெருந்தன்மை,
தன் பணியினை நாட்டிற்கு கொடுத்துவிட்டு அமைதியாக ஒதுங்கி நிற்கும் பெரிய மனம்,
பதவிக்கும், பகட்டிற்க்கும், 4 வாழ்க கோஷங்களுக்கும் ஒதுங்கி நிற்கும் பெரிய மனம்
அந்த ஒன்றிற்காகவே அவரை வாழ்த்தலாம். நிச்சயம் கலாம் போல பெரிய மனதிற்கு சொந்தக்காரர் அவர்.
தமிழக காங்கிரசார் இவரிடமிருந்து படிக்கவேண்டிய பெரும் பாடம் அது, ஆனால் நிச்சயம் படிக்க மாட்டார்கள்.
இவர்கள் அப்படித்தான்.
தமிழக காங்கிரசாரே அம்மாமனிதனிடமிருந்து கொஞ்சமாகவது கற்றுகொள்ளுங்கள்.
அவரும் காங்கிரஸ்காரர்தான், நீங்களும் காங்கிரசார் என சொல்லிகொள்கின்றீர்கள்.
இதில் எது கட்சி அபிமானம் எனும் கேள்வியினை நீங்களே கேட்டுகொள்ளுங்கள், சத்யமூர்த்திபவனில் இம்மானிதனின் படத்தினையும் வையுங்கள், அவரை மனதினில் வையுங்கள்
உங்கள் கட்சி நிச்சயம் புத்துயிர் பெறும். ஏராளமான முன் உதாரணங்கள் உங்கள் கட்சியிலே இருக்கின்றன.
அந்த மாமனிதனுக்கு பிறந்தநாள் வாழ்த்துக்கள் [ September 26, 2018 ].
இப்படிபட்ட மாமனிதர்கள் இருப்பதால்தான் குஷ்பூவும் காங்கிரசில் இருக்கின்றார் என்பது சொல்லி தெரியவேண்டியதில்லை
மன்மோகன் சிங்கிற்கு தமிழக குஷ்பூ அணி சார்பாக ஸ்பெஷல் வாழ்த்துக்கள்
வாழ்க நீ எம்மான், தன் தலையின் சீக்கியகொண்டைக்குள் முழுக்க பெரும் அறிவு உண்டு என காட்டிய அந்த இந்திய பெருமகனுக்கு வாழ்த்துக்கள்
பெருமகனுக்கு வாழ்த்துக்கள்
Image may contain: 1 person, hat, beard and closeup

ஆப்கான் கிரிக்கெட் அணி

அது சல்லடையாய் துளைக்கபட்ட நாடு, குண்டு விழாத இடம் என ஒன்றோ, இல்லை தோட்டா துளைக்காத சுவர் என்றோ எதுவுமில்லை

நல்ல களம் இல்லை, மட்டை இல்லை, கிரிக்கெட் விளையாட நல்ல பந்தோ, ஷூ கூட அவர்களுக்கு இல்லை

சுருக்கமாக சொன்னால் உடல் ஒன்றே அவர்களுக்கு உருப்படி, வெறு எதுவுமில்லை

ஆனாலும் அட்டகாசமாக வலுவான இந்திய அணியினை சமன் செய்யும் அளவிற்கு பயிற்சி பெற்று இருக்கின்றார்கள்

இங்கிலாந்து கிரிக்கெட் அணியோ, ஆஸ்திரேலியாவோ ஏன் ஹாங்காங் கூட வளர்வது விஷயம் அல்ல‌

கோடிகளில் புரளும் இந்திய கிரிக்கெட் அமைப்பின் அணி வந்து நிற்பதும் ஆச்சரியமல்ல‌

அந்த குண்டு சத்தத்திலும், காட்டுமிராண்டி கூட்டத்தின் நடுவிலும் இருந்து வளர்ந்திருக்கின்றார்கள் அல்லவா? அதுதான் திறமை

வாழ்த்துக்கள் ஆப்கன் அணி. உங்களை வாழ்த்துகின்றோம்

“லகான்” எனும் சினிமா கதை நனவும் ஆகலாம் என காட்டி இருக்கின்றது ஆப்கன் அணி

அவர்கள் இன்னும் வளர்ந்து நிலைக்க, வெல்ல வாழ்த்துக்கள்

(அந்த பாழாய் போன தாலிபான்கள் மலைலா போல இவர்கள் மேலும் பாயாமல் இருக்கட்டும்..)

Image may contain: 4 people, people playing sports and outdoor

அரசியல் அழிச்சாட்டியம்

டிரம்ப் ஒரு பொய்யர் என உலகமே சொல்லிகொண்டிருக்கும் பொழுது ஆம், நான் அப்படித்தான் என்பது போல பேசிவிட்டார் டிரம்ப்

அவர் சொல்லியிருப்பது இந்த சங் பரிவார கும்பலுக்கு காதில் தேன் வந்து பாயும் செய்தி.

அதாவது இந்திய அரசு அடிமட்ட மக்களை நடுத்தர மக்களாக்கும் மாபெரும் திட்டத்தில் வெற்றிபெற்று கொண்டிருக்கின்றது, இந்தியாவில் ஏழைகள் குறைகின்றார்கள் இது மோடி அரசின் சாதனை என சொல்லிவிட்டார்

போதாதா? பாஜக கும்பல்களை இனி கேட்க வேண்டுமா? சும்மாவே ஆடுவார்கள் இனி சலங்கை கட்டி ஆடுவார்கள்

ஏன் டிரம்ப் இப்படி சொன்னார்? ஒரு வல்லரசு நாட்டின் தலைவர் இப்படி ஆதாரமின்றி சொல்லமுடியுமா என்றால் சில உண்மைகள் இருக்கின்றனவாம்

அதாவது தென்னிந்தியாவினை விட வட இந்தியாவில் அறியாமையும் வறுமையும் அதிகம், வடக்கு வாழ்கின்றது தெற்கு தேய்கின்றது என்பதெல்லாம் அண்ணா கும்பலின் பகிரங்க பொய்

இப்பொழுது வட இந்தியாவில் ஓரளவு முன்னேற்றமான திட்டங்களை மோடி எடுக்கின்றார் என உலக அமைப்புகள் சொன்னதின் அடிப்படையில் டிரம்ப் சொல்லி இருக்கின்றார் என்கின்றன செய்திகள்

மோடிக்கு இனி கேட்கவா வேண்டும், இப்பொழுதே டிரம்பினை கட்டிபிடிக்க கிளம்பிவிடுவார், ரபேல் நெருக்கடியில் அவருக்கு மிக உற்சாக டானிக் இது.

இனி ஏதாவது ஒரு கூட்டத்தில் டிரம்பிடம் என்ன சொல்வார் மோடி

பாருங்கள் டிரம்ப் காங்கிரஸ் காலத்தில் பெட்ரோல் 40 முதல் 50ரூபாய் மக்கள் தயங்கினார்கள், ஆனால் என் ஆட்சியில் 85 ரூபாய் ஆனால் மக்கள் தயக்கமின்றி வாங்குகின்றார்கள், யாராவது வாங்கமுடியாது என மறுத்தார்களா? பெட்ரோல் தேங்கிற்றா, பல்க் மூடபட்டதா? இல்லை

இதை எல்லாம் நீங்கள் இன்னும் எடுத்து சொல்லவேண்டும் டிரம்ப், மக்களின் வாங்கும் சக்தியினை நான் இப்படி அதிகரித்திருக்கின்றேன், இதை அந்த ராகுல் காந்தி காதில் படும்படி சொல்லுங்கள் சரியா”

Image may contain: 1 person, beard
—————————————————————————————————————————————

பிரபாகரன் படத்தை பிடித்துகொண்டு சிலர் மோடி பெட்ரோல் விலையினை ஏற்றிவிட்டார் என கோஷமிட்ட்டு கொண்டிருக்கின்றார்கள், யாரென பார்த்தால் நாம் தமிழர் கோஷ்டி

ஈழத்தில் பிரபாகரனின் ஆட்சியில் பெட்ரோல் விலை எப்படி இருந்தது?

அவர்களுக்கு பெட்ரோல் தமிழகத்தில் இருந்தும், இலங்கை அரசின் கட்டுபாட்டு பகுதியில் இருந்தும் இன்னும் எங்கெல்லாம் இருந்தும் கடத்தி கொண்டுவரபட்டது, சில வியாபாரிகள் வாங்கி வந்தும், கடத்தி வந்தும் விற்றனர்.

அப்படி கடத்திவரும்பொழுது புலிகள் அரசு என்ன செய்யும்? ஒன்றும் செய்யாது மாறாக பெரும் வரி விதிக்கும்

பின் அதை மக்களிடம் விற்கும்பொழுது அதற்கும் ஒரு வரி, மக்களுக்கும் ஒரு வரி

இதனால் பிரபாகரனின் பொற்கால ஆட்சியில் பெட்ரோல் விலை மற்ற பகுதியினை விட மூன்றுமடங்கு அதிகமாக இருந்தது

எல்லா பொருளுக்கும் இப்படி கொண்டுவர ஒரு வரி, விற்க வரி, வாங்க வரி என பிழித்ததுதான் புலிகள் ஆட்சி

இதனால்தான் அவர்கள் அழியும்பொழுது இலங்கையில் பெரும் சத்தமில்லை, சத்தமெல்லாம் இங்குதான்

அப்படி பெட்ரோல் விலையில் வன்னி மக்களை கசக்கி பிழிந்த பிரபாகரனின் படத்தை வைத்து கொண்டுதான் மோடியினை கண்டிகின்றார்களாம் பரிதாபத்திற்குரியவர்கள்

இன்னொரு கூட்டம் பிரபாகரனின் படத்தை பிடித்து கொண்டு பனைமரம் நடுகின்றதாம்

பனைமரம் ஈழத்திலும் ஏகபட்டது உண்டு, என்ன ஆனது?

பனையினை வெட்டி அரண் அமைக்கின்றேன், பனையினை வெட்டி சிங்களனை தடுக்கின்றேன் என புலிகள் அழித்த பனை ஏராளம்

இதனால்தான் முறிந்த பனை என்ற புத்தகமே வந்தது

இன்னும் புலிகள் பனைக்கு பின்னால் இருந்து தாக்க, இலங்கை அரசின் டாங்கி படை தாக்கி அழிக்கபட்ட பனை ஏராளம்

அந்த பனைவிரோதி பிரபாகரன் படத்துடன் இங்கு பனைமரம் நடுகின்றார்களாம்

ஒரு மண்ணும் தெரியாமல், யார் படம் பிடித்து என்ன செய்கின்ன்றோம் என தெரியாமல் சத்தம் போடுவதில் இவர்களுக்கு ஒரு ஆனந்தம்

இந்த கூட்டத்திடம் புத்தர் ஆடுவெட்ட சொன்னார், காந்தி மதுகடை திறக்க‌ சொன்னார் என்றாலும் கூட உடனே புத்தர் படத்துடன் கசாப்பு கடை திறக்கவும், காந்தி படத்துடன் பார் திறக்கவும் செய்யும் போல..

இப்படி ஒரு பரிதாப கூட்டம் உலகில் எங்குமே இல்லை..


இந்த தீலீபன் சாகும்பொழுது இங்கு ராமசந்திரன் முதல்வர், இவ்வளவிற்கும் புலிகள் அனுதாபி

ஆனால் அன்று ஒரு குரல் திலீபனை காக்காத ராமசந்திரன் பதவி விலகட்டும் என்றோ, இல்லை அமைதிபடையினை அனுப்ப அனுமதித்த ராமசந்திரன் ராஜினாமா செய்யட்டும் என்றோ கேட்கவே இல்லை

ஏன் என்றால் அப்படித்தான்

அமைதிபடை சென்றதும், புலிகள் முரண்டு பிடித்ததும் திலீபன் செத்ததும் எல்லாம் தமிழகத்தை உலுக்கிய காலங்கல்

ஆனால் ராமசந்திரன் கனத்த அமைதி கூடவே ராஜிவோடு கைகோர்ப்பு

ஒரு குரலாவது தமிழினதுரோகி ராமசந்திரன் என்றோ, ராமசந்திரன் ராஜினாமா செய்ய வேண்டும் என கேட்டதா என்றால் இல்லை

இதை எல்லாம் தமிழகம் மறந்துவிட்டது என பழனிச்சாமி, பன்னிர், தமிழிசை எல்லாம் பேசிகொண்டிருக்கின்றார்கள்

அவர்கள் வரலாற்றில் “நடுவுல கொஞ்சம் பக்கத்தை காணொம்”

எது பச்சை துரோகம் என்றால் இப்பக்கம் புலிகளுக்கு வாலையும் அப்பக்கம் ராஜிவிற்கு தலையினையும் காட்டி ஈழமக்களுக்கு ராமசந்திரன் செய்தது அப்பட்டமான துரோகம்

உண்மையான “தமிழின துரோகம்” அதுதான்

ஒரு வாதத்திற்கு வைத்தாலும், அமைதிபடையினை வரவேற்க மாட்டேன் என பதவி போனாலும் சரி என நின்ற கலைஞர் அமைதிபடை அனுப்பபட்டு அதன் பின் திலீபன் செத்தபின்பும் ராஜிவோடு கைகோர்த்து நின்ற ராமசந்திரனை விட பன்மடங்கு மேலானவரே..

Image may contain: 2 people, people smiling
———————————————————————————————————————————-

ஈரான் எண்ணெய்க்கு அமெரிக்கா தடை இட்ட நிலையில், மற்ற நாடுகள் உற்பத்தியினை அதிகரிக்க மறுத்த நிலையில் கச்சா எண்ணெயின் விலை 85 டாலராக எகிறுகின்றது, இன்னும் எகிறுமாம்

இனி இந்தியாவில் பெட்ரோல் விலை 100ஐ தொடும் காலம் தொலைவில் இல்லை, அநேகமாக தீபாவளி பரிசாக இருக்கலாம்


 

உலகில் பரிதாபத்திற்குரிய மாணவர்கள்

பெரும்பாலான நாடுகளில் மதியம் வரைதான் பள்ளி, அதன் பின் மாணவர்கள் அவர்கள் போக்கில் விடபடுகின்றார்கள்

மதிய உணவும் ஓய்வும் அதன் பின்னான நேரத்தில் வீட்டுபாடமும் முடித்துவிட்டு ஹாயாக மாலையில் விளையாடுகின்றார்கள்

கொஞ்சமும் நெருக்குதல் இல்லை, மன உளைச்சல் இல்லை. நெருக்கடி இல்லை, இம்சைகள் இல்லை

உலகில் பரிதாபத்திற்குரிய மாணவர்கள் இந்திய குறிப்பாக தமிழக மாணவர்களே

காலை முதல் மாலை வரை பள்ளி, அது முடிந்ததும் டியூசன் அதுவும் முடிந்ததும் வீட்டுபாடம் என பிழியபடுகின்றார்கள் இன்னும் தேர்வு நேரம் என்றால் இன்னும் மகா மோசம்

மாணவர்களை கரும்பு சக்கையாக பிழிகின்றது அச்சமூகம், இவ்வளவு கஷ்டபட்டு படித்து உள்நாட்டில் சரியான வேலை பலருக்கு அமைகின்றதா என்றால் அதுவுமில்லை

மிக ஹாயாக படித்துவந்த வெளிநாட்டுகாரன் அருகில்தான் இவ்வளவு சிரமபட்டு படித்தவனும் வந்து அமர்கின்றான், இந்தியாவில் தேவை இல்லா சமாச்சாரங்கள் பாடத்திட்டத்தில் அதிகம்

மதியம் வரை படிக்க வைத்துவிட்டு, மதியத்திற்கு பின் அவர்களை சுதந்திரமாக விடுவதே அவர்களின் மனநிலையினையும், சிந்தனை திறனையும் அதிகரிக்க செய்யும்ம் என்கின்றது ஆய்வு

ராஜாஜி இதனைத்தான் தமிழகத்தில் அன்றே செய்தார், மதியம் வரை பள்ளிகள் போதும் என்றார், அவர் சொற்படி கேட்ட்டிருந்தால் மாணவ சமூகமும் இப்பொழுது நன்றாயிருக்கும்

இந்த மதிய உணவு திட்டமும் தேவைபட்டிருக்காது

அந்த அருமையான திட்டத்தைதான் குலகல்வி என இல்லா பெயர் சூட்டி அழிச்சாட்டியம் செய்து அவரை விரட்டி அவர் திட்டத்தையும் முடக்கினார்கள்

இன்று ஒவ்வொரு தமிழக மாணவர்களும் படாதபாடு படுகின்றார்கள்

நல்லவேளையாக பள்ளி மாணவர்களுக்கு வோட்டு இல்லை, இருந்தால் திராவிட கட்சிகளுக்கு ஒரு வோட்டும் விழாது

வெங்கடேச பண்ணையார்

தென் தமிழ்நாடு வெங்கடேச பண்ணையாரின் நினைவுநாள் என பரபரப்பில் இருக்கின்றது. தூத்துகுடி பகுதி 144 உத்தரவில் இருக்கின்றது
இன்று ஒரு நிலச்சுவாந்தாராக, தொழிலதிபராக இல்லை கபடி ஆட்டக்காரராக இருந்திருக்க வேண்டிய வெங்கடேசன் இப்பொழுது தீரா உறக்கத்தில் இருக்கின்றார்
எப்படி மாறியது அவரின் வாழ்வு?
அவர் குடும்பம் மிகபெரும் நிலச்சுவாந்தர் குடும்பம், அவர்களுக்கும் சிலருக்கும் பகை இருந்தது. சாதி வேறாய் இருந்ததுதான் சிக்கல்
பொதுவாக தொழில் இருப்பவன் பொறுத்து செல்வான், தொழிலே இல்லாதவனே வம்புக்கு வருவான். வெங்கடேசன் குடும்பத்தை அப்படித்தான் பலர் வம்புக்கு இழுத்தார்கள், கப்பம் கட்டியும் சிக்கல் தீரவில்லை
வெங்கடேசன் குடும்பத்தில் பலர் தொடர்ந்து கொல்லபட்டனர், அதுவரை அக்குடும்பம் வம்புக்கு செல்லவில்லை, ஒதுங்கித்தான் இருந்தது
தாத்தா, சித்தப்பா என பலரை பலிகொடுத்த வெங்கடேசன் முதலில் திருப்பி அடிக்க ஆரம்பித்தான் அப்பொழுது 20 வயதுதான் இருக்கும். சிக்கல் அப்படி திருப்பி அடிக்காவிட்டால் வாழமுடியாது
ஆனால் அது பெரும் சண்டையாக வெடித்தது. வெங்கடேசன் பரம்பரை நிலக்கிழார் வசதிக்கும் ஆளுக்கும் குறைவில்லை ஆனால் பசுபதி பாண்டியன் என்ன வேலை செய்தார் எப்படி வசதி வந்தது என யாரும் கேட்க கூடாது
மோதல் பெரும் கொலைகளாக வெடித்தது, இரு பக்கமும் தலைகள் உருண்டன. இதில் வாக்கு அரசியலும் சேர்ந்து சாதி சிக்கலாயிற்று
இரு தனிபட்டவர்களுக்கான விரோதம் சாதி சிக்கலாயிற்று, இரு பக்கமும் இருவரும் விடவில்லை
வெங்கடேசன் தனிபட்ட விரோததிதிற்காக அடித்த அடி அவர் சாதிய காவலர் என சிலரால் உருவாக்கபட்டது, வெங்கடேசனுக்கும் வேறு வழி தெரியவில்லை
எதிரி ஜாதிவட்டத்தில் பாதுகாப்பாய் இருந்தபொழுது அவரும் அதேவழி சென்றார்
ஜாங்கிட் எஸ்பியாக இருந்தபொழுது கடும் நடவடிக்கை எடுத்தார், அப்படி ஒரு எஸ்பி வெங்கடேசனின் தாத்தாவும் சித்தப்பாவும் கொல்லபடும்பொழுது இருந்திருந்தால் இந்த ரத்த சரித்திரம் உருவாகி இருக்காது, விதி அது அல்ல‌
ஒரு கட்டத்தில் சமாதனமாக சென்று, சராசரி வாழ்வுக்கு ஆசைபட்டார் வெங்கடேசன். அதற்கான வழி சாத்தான்குளம் இடைதேர்தலில் வந்தது
ஜெயலலிதாவினை வெற்றிபெற வைத்தால் வெங்கடேசனின் எல்லா வழக்கும் வாபசாகும் என்ற உறுதிமொழி கொடுக்கபட்டதாக செய்திகள் உண்டு ஆதாரமில்லை
ஆனால் சாத்தான்குளத்தில் அவரை ஜெயிக்க வைத்தவர் வெங்கடேசன் சந்தேகமே இல்லை. மாபெரும் வெற்றியினை ஜெயா பறிக்க வெங்கடேசனின் உழைப்பு அடித்தலமாய் இருந்தது
ஒரு கட்டத்தில் வெங்கடேசனுக்கு திருமணமும் ஆனது, ஜெயலலிதாவிற்காய் உழைத்துவிட்டோம் இனி நமக்கு ஆபத்தில்லை என கொஞ்சம் தன்னை மறந்தார் வெங்கடேசன்
அரசனுடன் உறவு என்பது சிங்கத்தின் உறவுக்கு சமம் என முன்பே பெரியவர்கள் சொன்னார்கள், அது உண்மை ஒரு காலலும் ஆளும் வர்க்கத்துடன் நட்பு பாராட்டவே கூடாது, அது நன்மையில் முடியாது. அரசியல் அப்படித்தான்
வெங்கடேசன் அந்த தவறை செய்தார். பெப்சி முரளி எனும் நண்பருக்காக சில சாகச செயல்களில் ஈடுபட முயன்றார்
விடுமா அதிகார வர்க்கம்?
ஒரு என்கவுண்டரில் கொல்லபட்டார் வெங்கடேசன், பெரும் சர்ச்சை வெடித்தது. ஜெயா வாயே திறக்கவில்லை, அன்றைய ஆளுநர் பாத்திமா பீவியும் கனத்த அமைதி
ஆனால் நாடார் சங்கங்கள் போராட தொடங்கின, சிவந்தி ஆதித்தன் நேரடியாக களத்திற்கு வந்தார்
அரசு ஒரு கமிஷனை விசாரிக்க அமைத்தது, இந்தியாவில் எந்த கமிஷனும் முடிவு சொல்லாததை போல அந்த கமிஷனும் முடிவு சொல்லாமலே காணாமல் போனது
நடந்ததை அமைதியாக பார்த்துகொண்டிருந்தார் கலைஞர், கை குழந்தையுடன் நின்ற ராதிகா செல்வி எனும் வெங்கடேசனின் மனைவி நிலை அவரை பாதித்தது
தேர்ந்த அரசியல்வாதியான கலைஞர் அவரை திருச்செந்தூர் தொகுதி வேட்பாளராக்கி வெல்ல வைத்து மத்திய அமைச்சரும் ஆக்கினார்
ஆயிரம் சொல்வார்கள் கலைஞர் குடும்பத்தை தவிர யாருக்கும் உதவ மாட்டார் என, ஆனால் உண்மையில் அவரின் உண்மை மனம் வேறு
ராதிகா செல்வி மத்திய அமைச்சர் ஆனாலும் வெங்கடேசனுக்கான நீதி கிடைக்கவே இல்லை. ஏன் என்றால் அப்படித்தான் இந்திய அமைப்பு அப்படி அதை கண்கூடாக கண்டவர் ராதிகா செல்வி
வெங்கடேசன் என்கவுண்டரில் அடிபட்ட பெயர் அனிதா ராதா கிருஷ்ணன், வெங்கடேசனை கடைசியாக தொடர்பு கொண்டவர் அவர் என செய்திகள் வந்தன‌
அப்பொழுது அதிமுகவில் இருந்தவர் பின் திமுகவிற்கு வந்தார்
அத்தோடு ராதிகா செல்வியும் அரசியலில் இருந்து ஒதுங்கினார். ஆனால் கலைஞர் இன்றைக்கும் அவருக்கு நன்றிகுரியவர்
இன்று அமைதியாக தன் மகனை வளர்த்து வருகின்றார் ராதிகா
பசுபதிபாண்டியனும் பின்னாளில் கொல்ல்பட்டார்
ஒருநாளும் அதிகாரமிக்கோருடன் மிக இயல்பாய் உறவு கொள்ளாதே , அவர்கள் மனதை அறிய முயற்சிக்காதே, அது மகா ஆபத்து என்பதற்கு சாட்சியாய் நிற்கின்றது வெங்கடேசனின் கல்லறை
தாளமுடியாத வலியில் திருப்பி அடிக்க தொடங்கிய வெங்கடேசன், எதிரிகளை அடக்கினான் சந்தேகமில்லை ஆனால் அவன் சாய்ந்ததில் ஏகபட்ட துரோகங்கள் உண்டு
35 வயதுவரையே வாழ்ந்தாலும் வெங்கடேசனுக்கென்று ஒரு சரித்திரம் இருக்கத்தான் செய்கின்றது,
நிச்சயம் அவன் தனக்காக அரிவாள் எடுக்கவில்லை. குடும்பம் காக்க எடுத்தான், அதை கீழே வைக்க விரும்பி அடைக்கலம் தேடி, அந்த அடைக்கலம் கொடுத்தவர்களால் கொல்லவும் பட்டான்
இன்று வெங்கடேசனும் இல்லை, பசுபதி பாண்டியனும் இல்லை ஆனால் தூத்துகுடி காற்றில் இன்னும் அந்த படுபயங்கர ரத்த்வாடை வீசிகொண்டே இருக்கின்றது
Image may contain: 11 people, people standing and text

வடமாராட்சி தாக்குதல்

அந்த வடமாராட்சி தாக்குதலில் புலிகள் கொல்லபடும் நிலையில் இருந்தனர், ஏராளாமன மக்கள் சாகும் நிலை இருந்தது, இனி புலிகள் தமிழரை காக்க முடியாது என்ற நிலை அது
இந்தியா முற்றுகையினை விலக்க சொன்னது, ஜெயவர்ததனே கேட்கவில்லை, ராஜிவ் கப்பல் நிறைய உதவிபொருளை அனுப்பினார், இலங்கையோ திருப்பி அனுப்பியது
ஐ.நா அனுமதி இன்றி விமானம் மூலம் உதவி பொருளையும் பாதுகாப்பிற்காக மிக் விமானத்தையும் அனுப்பி இலங்கையினை மிரட்டியது இந்தியா, அதன் பின்பே இந்திய இலங்கை அமைதி ஒப்பந்தம் வந்தது,அமைதியும் வந்தது
அது இந்திய அமைதிபடை இலங்கையில் கால்பதித்த நேரம், சிங்கள தாக்குதலிலிருந்து தம்மை காக்க இந்தியா வந்ததை ஈழதமிழர்கள் கொண்டாடிகொண்டிருந்த நேரம்
ஜெயவர்த்தனே இறங்கிவந்து தமிழருக்கு தனி மாகாணம் கொடுக்கலாம் என முதன்முதலாக சொல்லி இருந்த நேரம். அதற்கு மேலும் இழுத்தால் நிலமை இன்றைய சிரியா அளவிற்கு செல்லலாம் என்பதால் எல்லா போராளி குழுக்களும் இணக்கபாட்டுக்கு வந்திருந்த நேரம்
புலிகளும் ராஜிவ் ஒப்புகொண்ட 
அமைதியாக இருக்க‌ மாதாந்திர 50 லட்சத்தையும் வாங்கிகொண்டு எப்படியும் ஜெயவர்த்தனேவுக்கும் ராஜிவிற்கும் பிணக்கினை ஏற்படுத்தி மறுபடியும் சண்டை தொடங்கலாம் என எதிர்பார்த்த நேரம்.
ஆம் புலிகளுக்கு இந்திய ராணுவம் வந்ததோ அமைதி திரும்பியதோ கொஞ்சமும் பிடிக்கவில்லை, நேரம் பார்த்து சண்டை தொடங்கும் முடிவிலே இருந்தனர். ஆனால் இந்திய ராணுவமோ யுத்தம் வெடிக்கும் என நினைக்கவே இல்லை, சும்மா சுற்றுபயணம் போல சென்றிருந்தது
ஆனால் ஜெயவர்த்தனேவோ அனுபவஸ்தர், இந்தியாவினை எதிர்க்கும் அளவிற்கெல்லாம் செல்லவே இல்லை. சீரழிந்த வடக்கு மாகாணத்தை சீர் படுத்ததொடங்கினார்
புலிகளை கொஞ்சம் கொஞ்சமாக மக்கள் மறக்க தொடங்கினர், புலிகளின் வசூலும் பாதிக்கபட்டது
புலிகள் பொறுமை இழந்து மக்களை தூண்டிவிட ஆரம்பித்தனர், இந்திய முகாம்கள் முன்னால் ஈழமக்கள் ஆர்ப்பாட்டத்தில் இறங்கினர், பிண்ணணியில் புலிகள்
கொஞ்சம் கொஞ்சமாக இது அதிகரித்தது, இந்திய ராணுவம் முதலில் குழம்பினாலும் பின்னால் சுதாரித்தது, ஏதோ அவர்களுக்கு புரிந்தது. அன்று வரவேற்ற மக்களுக்கு இன்று என்ன ஆனது? ஏதோ துர்போதனை, நடக்கட்டும்
இந்திய இலங்கை ஒப்பந்தபடி வடக்கே சீரழிந்திருந்த நிர்வகத்தை ஜெயவர்த்தனே நடத்த தொடங்கினார். அதுவரை காவல் நிலையங்கள் இல்லை, அவர் திறக்கதொடங்கினார்
புலிகளுக்கு அழிவுக்கண் திறந்தது, காரணம் காவல்நிலையம் திறப்பது மக்களுக்கு சௌகர்யமோ இல்லையோ, தங்களுக்கு ஆபத்து என கருதினர். அவர்களை பொறுத்தவரை நீதி, காவல் எல்லாம் அவர்கள்தான், ஒரே நோக்கம் வசூல்
அதற்கு முன்பாக மக்களை தூண்டிவிட்டு காவல்நிலையங்களை அடித்து நொறுக்கிய காட்சியியினை கண்ட இந்திய ராணுவம் அமைதியாகத்தான் இருந்தது, ஆனால் ஏதோ நடக்கபோவதை புரிந்து கொண்டது
அப்படி அந்நேரம் ஆங்காங்கே மக்கள் இந்தியாவினை எதிர்த்தாலும் பெரும் எதிர்ப்பு இல்லை. இந்தியாவினை மொத்த மக்களும் எதிர்க்க புலிகளுக்கு ஒரு காரணம் தேவைபட்டது, மொத்த ஈழமக்களும் இந்தியாவினை காரி துப்ப ஒரு விஷயம் தேவைபட்டது, தந்திரமாக திட்டமிட்டார்கள்.
சில காரணங்களை உள்ளடக்கி திலிபன எனும் ராசையா பார்த்தீபனை உண்ணாவிரதம் என களமிறக்கினர்.
காரணங்கள் இவைதான், புதிய காவல் நிலையம் திறக்க கூடாது, ஊர்க்காவல் படை கூடாது, எல்லாவற்றையும் நாங்கள் பார்த்துகொள்வோம், குறிப்பாக வடக்கு கிழக்கில் சிங்களன் வரவே கூடாது, இதனை ஏற்காதவரையில் உண்ணாவிரதம் தொடங்கும் என்றனர்.
இது சிக்கலான விஷயம், இந்தியபடை அமைதிகாக்க சென்றது, ஒருங்கிணைந்த ஈழமாகாணத்து தேர்தலை அமைதியாக நடத்த சென்றது, அங்கே நீதிமன்றம் கூடாது, காவல்நிலையம் கூடாது என்பது ஏற்றுகொள்ளகூடியது அல்ல, சட்டம் ஒழுங்கு வேண்டாமா?
கொழும்பில் ஏராளமான தமிழர்கள் வாழும்போது வடக்கே சிங்களர் நுழைய கூடாது என்பது எப்படி சாத்தியம்?
அதுவும் வடக்கு கிழக்கு தமிழர்களின் தாயகம் என ஜெயவர்த்தனேவினை ஒப்புகொள்ளசெய்தபின் ஏன் தயக்கம் என ஏகபட்ட கருத்துக்கள் இந்தியாவிற்கு.
முதலில் உண்ணாவிரதத்தினை இந்தியா கண்டுகொள்ளவில்லை, காரணம் அப்படி தன்னை மிரட்டி தான் பணிந்தால் எடுத்தற்கெல்லாம் உண்ணாவிரதம் என கிளம்பிவிடுவார்கள் என்பது இந்தியாவிற்கு தெரியாததல்ல‌
இந்தியாவினை தன் விருப்பத்திற்கு மட்டும் ஆட்டுவிக்கும் விபரீத ஆயுதமாக புலிகள் திலீபனை பயன்படுத்துவதை இந்தியா உணர்ந்தது அமைதி காத்தது
ஆனால் புலிகள் ஈழமெங்கும் மக்களை அழைத்து திலீபனை காண செய்து கொடுங்கோல் இந்தியா எப்படி நம்மை சாகவிடுகின்றது பாரீர் என ஒப்பாரி வைத்தனர்.
மகாத்மா காந்தியும் உண்ணாவிரதம் இருந்தார், ஆனால் சுதந்திரம் கிடைக்கும்வரை இருந்து சாவேன் என அவர் இருக்கவில்லை. ஆனால் சில உரிமைகளை அவ்வப்போது பெற்றுகொடுக்கவும் தவறவில்லை
அந்த உயரிய தியாகத்திற்கும் வீண் பிடிவாததத்திற்கும் உள்ள வித்தியாசத்தை உணரா நாடல்ல இந்தியா, அது அப்படியே இருந்தது.
புலிகளும் திலீபன் செத்தே தீரவேண்டும் என முடிவோடே இருந்தனர், இல்லை என்றால் சாகப்போகும் அவன் தன்னை காப்பாற்றவேண்டாம் என எழுதிகொடுத்ததாக சொன்ன கடிதத்தை காட்டியே அவனுக்கு ஒரு சொட்டு நீர் கொடுக்காமல் வதைத்தனர்.
புலிகள் நினைத்திருந்தால் அவனை காப்பாற்றி இருக்கலாம், புலிதலைவர் சொன்னால் சயனைடு கடிக்கும் புலிகள், அவர் கட்டளை இட்டால் நீர் குடிக்கமாட்டார்களா?
அவர் காட்டிய பிடிவாதமே திலீபனை கொஞ்சம் கொஞ்சமாக கொன்றது, ஈழ மக்களிடையே இந்திய எதிர்ப்பு அதிகரித்தது.
இறுதியில் அவன் செத்துவிடுவான் என உறுதிசெய்யபட்ட நிலையில் இந்திய தரப்பு அணுகுமுறைகள் அவனை பாதுகாக்க வண்ணம் புலிகளும் ஆடினர், அதாவது தாமதபடுத்தினர். வெளியில் துடித்தனர், உள்ளுக்குள் கடும் திட்டம்
ஏற்றுகொள்ளமுடியாத கோரிக்கைகளுக்கு எப்படி செவிகொடுக்க முடியும் என இந்தியா யோசிக்க, வதைக்கபட்டு செத்தான் திலீபன்
அவன் செத்ததும் மொத்த ஈழதமிழரையும் இந்தியா கைவிட்டுவிட்டதாக ஒப்பாரி வைத்து, அவன் உடலை பெரும் பேரணியாக்கி ஒருவித பதற்ற நிலையினை உண்டாக்கினர் புலிகள்
அந்த நாள்தான் இதே செப்டம்பர் 26.
அதாவது மக்கள் போரினை மறந்து அமைதிவழிக்கு திரும்பிகொண்டிருந்தபொழுது, நிம்மதியாக பாதுகாப்பாக இருப்பதாக நினைத்து மகிழ்ந்தபொழுது, இனி போராளி குழுக்கள் வேண்டாம், இந்திய ராணுவம் எம்மை காக்கும் என் கொஞ்சம் கொஞ்சமாக புலிகளை மறக்க நினைத்தபொழுது
பெரும் சர்ச்சையாக திலீபனை சாகடித்து இந்திய ராணுவத்திற்கு எதிராக மக்களை திருப்பினர் புலிகள்.
ஆக எப்படியும் புலிகள் இந்தியாவுடன் மோதுவர், நாம் ஏன் அவசரபடவேண்டும் என்ற அனுபவஸ்த ஜெயவர்த்தனேவின் நிதானைம் வெற்றிபெற்ற வேளை அது.
அதன் பின் நடக்க கூடாதது எல்லாம் நடந்து, இன்று ஈழமக்களுக்கு ஒருங்கிணணைந்த மாநிலம் கூட இன்றி சிங்கள ராணுவ முற்றுகைக்குள்ளே வாழும்படி செய்தாகிவிட்டு அவர்களும் பரலோகம் சென்றாயிற்று
திலீபனும் புலிகள் அமைப்பின் உறுப்பினராக ஆடிய ஆட்டம் கொஞ்சமல்ல, போராளிகுழுக்கள் ஒழிப்பில் அவர் காட்டிய வெறியும், இன்னபிற அழிச்சாட்டிய கொடுமைகளும் பல இடங்களில் காண கிடக்கின்றன‌
புலிகளின் இரண்டாம் உண்ணாவிரதம் இது, முதல் உண்ணாவிரதம் சென்னையில் ராமசந்திரன் காலத்தில் நடந்தது. சார்க் மாநாட்டையொட்டி ஜெயவர்த்தனே இந்தியா வரும்பொழுது சென்னையில் இருந்த பிரபாகரனை நிராயுதபாணியாக்கி வீட்டு சிறையில் தள்ளினார் ராமச்சந்திரன்
அதாவது மத்திய அரசு சொல்லி, செயலில் இறங்கினார் அவர். செய்தது அந்நாளைய கமிஷனர் மோகன் தாஸ், பழி சுமந்ததும் அவரே
ஒன்றுமறியாத கன்னிபோல கவலையாய் விழித்துகொண்டிருந்தார் ராமசந்திரன், காரணம் அவரின் ஈழ இமேஜை காப்பாற்றும் நாடகம் அப்படி.
அன்றெல்லாம் நெடுமாறன், வைகோ எல்லாம் ஏய் துரோகி ராஜினாமா செய் என்றெல்லாம் சொல்லவே இல்லை
மாநாடு முடிந்ததும் எச்சரிக்கையுடன் கருவிகளை பிரபாகரனிடம் கொடுத்தார் மோகன் தாஸ். ஒரே நாளில் உண்ணாவிரதத்தை முடித்துவிட்டு அடித்து புரண்டு இலங்கை ஓடிய பிரபாகரன அதன்பின் தமிழக பக்கம்வரவே இல்லை.
(பின்னாளில் பத்மநாபா, ராஜிவ் என எல்லா கொலைகளையும் தமிழகத்தில் செய்து தமிழகத்தை ஒரு கலவர பூமியாக்க புலிகள் எடுத்த முயற்சிக்கெல்லாம் உட்கோபம் அதுவேதான்.
ராமச்சந்திரன் அருமையாக நடித்த அரசியல் காட்சிகளில் இதுவும் ஒன்று.)
காரணம் உண்ணாவிரதம் என ஆரம்பித்து சென்னையில் ஒரு பதற்றத்தை அவர் தொடங்கினார், வீரமணி கும்பலின் ஜால்ரா ஒருபக்கம், புலிகளை பற்றிஅறியா தமிழக மக்களின் அப்பாவித்தனம் ஒருபக்கம் என மாநிலம் தடுமாறுவதை மோகன் தாஸ் விரும்பவில்லை
இன்னொன்று இலங்கை தீவிரவாதிகளுக்கு இடமளித்துவிட்டு பஞ்சாப், காஷ்மீர் என பாகிஸ்தானை எப்படி கண்டிக்கமுடியும் என்ற மோகன் தாஸின் பேட்டி பாராட்டதக்கது.
இதெல்லாம் ராமச்சந்திரனுக்கு தெரிந்துதான் நடந்தது, ஆனாலும் இன்றுவரை அவரை ஒருவார்த்தை யாரும் பேசமுடியாது ஜாதகம் அப்படி.
ஆக அன்று எப்படியும் தன்னை தமிழக மக்கள் காப்பாற்றுவார்கள் என உண்ணாவிரதம் தொடங்கிய பிரபாகரன், பின் நிச்சயம் இம்மும்றை சாகத்தான் வேண்டும் என்ற நிலையில் திலீபனை களம் இறக்கினார்.
ஏன் சாகவேண்டிய அந்த உண்ணாவிரதத்தை பிரபாகரன் இருந்தால் என்ன?
முன்பு சிங்கள பலகலைகழகத்திற்கெதிராக மாணவிகள் உண்ணாவிரதம் இருந்தபொழுது, இது எல்லாம் வேலைக்கு ஆகாது, வன்முறை ஒன்றே வழி என அம்மாணவியரை புலிகள் கடத்தினர். அவர்களில் ஒருவரை பிரபாகரன் திருமணமும் செய்தார்
அவர்தான் மதிவதனி,
அவருக்கு அன்று கொடுக்கபட்ட போதனை உண்ணாவிரதம் எல்லாம் சும்மா, தலைவர் பிரபாகரனை நம்பு
பின்பு திலீபனுக்கு கொடுக்கபட்ட கட்டளை, ஆயுத பலத்தால் இப்போது மக்களை திரட்டமுடியாது, உண்ணாவிரதம் இருந்து செத்துபோ, உணர்ச்சிகளை வைத்து பின் நாங்கள் பார்த்துகொள்கின்றோம்
அதாவது மதிவதனி இருந்தால் காப்பாற்றுவார்கள், திலீபன் இருந்தால் சாகும் வரை கிட்டே இருந்து கொல்வார்கள்.
அதன்பின் ஈழபிரச்சினை வேறுகோணத்தில் சென்று எல்லாம் நாசமாகிவிட்டது, எனினும் தங்களை மக்களிடம் மறுபடியும் கொண்டு சேர்ததற்காக யாழ்பாணத்தில் அவனுக்கொரு நினைவு தூண் புலிகளால் கட்டபட்டது
(இன்று அது சிதைக்கபட்டு அழிந்து கிடக்கின்றது, கண்டுகொள்ள யாருமில்லை)
தியாக தீபம் எனும் அடையாளம் காசி ஆனந்தனால் கொடுக்கபட்டது, பின் திலீபன் பெரும் அடையாளம் ஆனார்
ஏராளமான பேரினை கொன்றவர்கள் புலிகள், ஒருவனை உலகின் கண்முன் வதைத்து கொன்றனர் என்றால் அது திலீபனை மட்டுமே.
அவன் கடைசிவார்த்தை வரை பிரபாகரன் பின்னால் திரளுங்கள், ஈழத்தில் நமது கொடி நமது ராணுவம் என சொல்லியே செத்தான் என்றால் அவன் யாரால் தூண்டபட்டு, எதற்காக செத்தான் என்பது எளிதில் முடிவுக்கு வரகூடியது,
ஒரே காரணம் இந்திய ராணுவம் வெளியேற மக்கள் சண்டைக்கு வரவேண்டும்
அதன் பின்னும் ஈழமக்கள் அமைதிகாக்க, குமாரப்பா போன்றோர் இந்திய கைதுசெய்யபட்டனர், ஆனால் சயனைடு இல்லை. பின்னர் இலங்கை இந்திய அரசு பேசிகொண்டிருக்கும்பொழுது கைதிகளை சந்திக்க வந்த புலிகள் சயனைடை கொடுத்து சாக சொல்ல மறுபடி பற்றி எரிந்தது ஈழம்,
2009 வரை எரிந்தது.
அன்று இந்திய முயற்சியில் எல்லாம் மிக நன்றாக நடந்துகொண்டிருந்த பொழுது திலீபனின் வதை சாவு எல்லாவாற்றையும் நாசமாக்கி மக்கள் உணர்ச்சிகள் மீண்டும் புலிகளால் அநியாயமாக தூண்டபட்டு எல்லாம் மண்ணாய் போக மிக முக்கிய காரணமாய் அமைந்துவிட்டது.
அனுபவஸ்த ஜெயவர்த்தனே நிதானமாக தன் எதிரிகளை மோதவிட்டு ரசிக்க தொடங்கினார், வரலாற்றின் பெரும் தந்திரக்கார வில்லன் அவர்.
ஆனால் நிதானமிழந்த புலிகள் முட்டாள்தனமாக‌ உதவவந்த இந்தியா மீதே பாய இன்று எல்லாம் சர்வநாசம்.
இன்றும் ஆங்காங்கே தீயாக தீபம், திலீபன், இந்திய கோரமுகம் என சிலர் தமிழகத்திலும் வீரவணக்கம் என இறங்கலாம், புரிந்தவர்களுக்கு புரியும் திலீபன் ஏன் சாகடிக்கபட்டான் என்பது
இந்தியாவிற்கு எதிராக அன்று ஏவபட்ட ஒரு தற்கொலை படை அவன்.
போகட்டும்
திலீபன் உண்ணாவிரதம் தொடங்கும்பொழுது பிரபாகரன் சொன்னாராம் “திலீபா நீ முன்னால் போ..நான் பின்னால் வருகிறேன்”
சொன்னபடி உடனே வந்தாரா? இல்லை. அவன் செத்ததும் அவனை வைத்து சீன் போட்டு என்னமோ செய்தார்
22 ஆண்டுகள் ஆடாத ஆட்டமெல்லாம் ஆடிவிட்டு தீலிபனுக்கு சொன்னபடி முள்ளிவாய்க்காலில் அவன் இருக்குமிடம் சென்றார்.
அவர் சென்றது பிரச்சினை இல்லை, மாறாக எத்தனை லட்சம் தமிழ்மக்களை கூட்டிகொண்டு சென்றுவிட்டார்.
அதுதான் மகா பரிதாபம், இந்த நூற்றாண்டின் பெரும் கொடுமைகளில் ஒன்று.
இப்படி எல்லோரையும் அனுப்பிவிட்டு இறுதியாக இவர் சென்றார், சரி இவருக்கு பின் போராட யாரை விட்டு சென்றார்? எதனை மிச்சம் வைத்துவிட்டு சென்றார்?
இதனைபற்றி எல்லாம் நாம் பேசகூடாது, இன்று தமிழகத்தில் அங்கிள் கோஷ்டியினர் இப்படியும் தொடங்கலாம்
“திலீபன் சாவுக்கு யார் காரணம் தெரியுமா என் உறவே..?”
ராஜிவ்,கலைஞர், சோனியா, மன்மோகன்சிங் மற்றும் இந்தியா என சிலர் முழங்கிகொண்டிருப்பர்,
ஆனால் அப்போது மிக அமைதியாக இருந்த ம.கோ ராமச்சந்திரன் என்பவரை பற்றி மூச்சே வராது.
அமைதிபடை அனுப்பிய இந்திய தளபதி சுந்தர்ஜி (சுந்தர்.சி அல்ல) ஒரு தமிழர் என்பதை பற்றி யாரும் பேசமாட்டார்கள், இதுவும் ஓர் விந்தை. அவரை இனதுரோகி என யாராவது சொல்லி கேள்விபட்டிருக்கின்றீர்களா? கிடையவே கிடையாது.
இதுதான் அரசியல்.
ஆக இதனை தாண்டி யோசியுங்கள் திலீபனை சாக விட்டது யார் என தெரியும், யாரின் தலமைக்கு பணிந்து அவன் செத்தான் என்பதும் தெரியும், யாருக்கு லாபம் என்பதும் புரியும்
காஷ்மீரிய எல்லையில் செத்த எம் தேசவீரர்களை மறந்துவிட்டு, இப்படி எவன் சொல்லி எங்கோ அந்நிய நாட்டில் செத்தவனுக்காக இங்கு எவனாவது கொடிபிடித்தால் அவர்கள் எப்படிபட்டவர்கள் என நீங்களே முடிவு செய்துகொள்ளுங்கள்
திலீபனுக்காக இங்கு அழுபவர்கள் அப்பட்டமான தேசவிரோதிகள், ராஜிவோடு செத்த 16 பேரை மறந்துவிட்டு அனுதினமும் இங்கு தீவிரவாதத்திற்கு எதிராக சாவோரை மறந்துவிட்டு கடல்கடந்த தற்கொலைபடை தீவிரவாதியான திலீபனுக்காக அழுபவர்கள் இந்நாட்டின் சாபக்கேடுகள்
Image may contain: 3 people, people standing
Image may contain: 1 person

சிதறல்கள்

அடுத்த ஆண்டுக்கான அமைதிக்கான நோபல்_பரிசு பாரத பிரதமர் மோடி க்கு கொடுக்க வேண்டும் : தமிழிசை

உலகில் தீவிரவாதத்தால் பாதிக்கபட்ட மூன்றாம் நாடு என உலக ஆய்வு இந்தியாவினை சொல்கின்றது

ஈரானும் ,ஆப்கனும் முதல் இரண்டாம் இடமாம் இந்தியா மூன்றாம் இடமாம்

அப்படி இந்தியாவில் என்ன தீவிரவாதம் என்றால், ஆளும் கட்சியே மத தீவிரவாத கட்சி, அது மசூதி இடித்து, பலரை கொளுத்தி மாட்டை போற்றி மனிதரை கொன்று என பட்டியல் நீள்கின்றது

ஆக இந்தியா காவி தீவிரவாதத்தால் மோடி ஆட்சியில் பாதிக்கபட்டுள்ளது என உலகமே ஒப்புகொண்ட நிலையில் மோடிக்கு நோபல் வேண்டுமாம், அக்கா கேட்கின்றார்

அப்படியே அக்காவிற்கு நெல்சன் மண்டேலாவிற்கான அமைதி விருதும் கேட்பார் போல…


பாருங்க பங்கு, அந்த ஆள் உயர்நீதிமன்றமே தன்னை ஒன்றும் செய்ய‌ முடியாது என சவால் விடுங்கின்றார், நாம் தான் அவரை காப்பாற்றுகின்றோம் என சொல்பவன் எல்லாம் இனி என்ன சொல்ல முடியும்? நமக்கு நீதிமன்றம் மேலுமா அதிகாரம்? சொல்லுங்க பார்ப்போம்

ஆமாம் பங்கு, அவர் லெவலே வேற, இனி எவனாவது பத்திரிகைகாரன் வரட்டும். உயர்நீதிமன்றத்தையே மதிக்காத இவரை நாங்கள் என்ன செய்யமுடியும் என நாக்கை பிடுங்கிறமாதிரி கேட்டுவிடலாம்”

Image may contain: 1 person, text
Image may contain: 7 people, people smiling, people standing and wedding
—————————————————————————————————————————————–

அய்யா, வடக்கத்தியர்களுக்கு ரசனையோ இல்லை நகைச்சுவை உணர்வோ கொஞ்சமும் இல்லை அவர்கள் கலாச்சாரமே வேறு

உயிரோடு எரித்தல், ஊரே சேர்ந்து கொல்லுதல் என வித்தியாசமான கூட்டம் அது

உங்கள் அழிச்சாட்டியத்திற்கு புத்தர் சிலைக்கே கோபம் வரும், இவர்கள் சும்மா இருப்பார்களா?

பிடித்து அடித்தால் கூட சிக்கல் இல்லை, ஆனால் உங்கள் தாடியினை ஷேவ் செய்துவிட்டால் என்ன ஆகும்?

தேசிய அரசியலுக்கு அப்படியே சிம்புவினையும் அழைத்து செல்லும்படி கேட்டுகொள்கின்றோம்

Image may contain: 1 person, smiling, text
—————————————————————————————————————————————–

சிக்கிமில் விமான நிலையம் அமைத்திருப்பது வரவேற்கதக்க விஷயம். சிக்கிம் என்பது இந்தியாவினையும் வடகிழக்கு மாநிலங்களையும் இணைக்கும் மிக முக்கியமான பகுதி

அங்கு விமான நிலையம் அமைக்க வேண்டியது கட்டாயம் என்பதில் சந்தேகமில்லை, மிகபெரும் விமான நிலையம் அமைக்கபட்டே தீரவேண்டும், சீன யுத்தத்தில் அப்படி ஒரு நிலையம் இல்லாமல் போனதும் நம் பலவீனம்

நிச்சயம் வரவேற்க வேண்டிய விஷயம், ஆனால் பாஜக தான் முதன் முதலில் சிக்கிமை ராணுவரீதியாக அணுகியது என்பதெல்லாம் நாம் தமிழர் மட்டும் நம்புவார்கள்

சிக்கிம் 1975 வரை தனிநாடு, பூட்டான் போல இருந்தது. அது இந்தியாவிற்கா, சீனாவிற்கா இல்லை அமெரிக்க அடிமையா என பல கோணங்கள் இருந்தன, பல கழுகுகள் வட்டமிட்டன‌

சிக்கிமின் மன்னருக்கொ அவரின் அமெரிக்க மனைவிக்கோ இந்தியாவோடு இணைவதில் விருப்பமில்லை, மக்களோ கம்யூனிச சீனா தங்களை விழுங்கிவிடுவதிலும் விருப்பமில்லை

இந்தியாவின் உளவு அமைப்பான ரா அட்டகாசமாக ஆடி சிக்கிமினை இந்தியாவோடு இணைத்தது, மிகபெரும் சரித்திரம் அது

அந்த சாதனைக்கு சொந்தக்காரர் நிச்சயம் இந்திரா, அதை யாரும் மறுக்கமுடியாது

ஆக ஆனையினை வாங்கியது இந்திரா, அதற்கான அங்குசத்தை மட்டும் வாங்கியது பாஜக‌

அதற்குத்தான் இத்தனை அழிச்சாட்டியம்

முன்பே சொன்னோம், 99 ரன் இருக்கும்பொழுது ஒருவன் அவுட்டாகிவிட்டான் என்றால் அடுத்து வருபவன் 1 ரன் அடித்துவிட்டு 100, 100 என கத்தினால் எப்படி இருக்கும்?

பாஜக அதைத்தான் செய்கின்றது, அவர்கள் ஆட்சியில் எல்லா மாநிலங்களிலும் விமான நிலையம் இருக்கின்றதாம்

சரி இதற்குமுன்னால் அத்தனை விமான நிலையங்களை கட்டியது யாரென கேட்டால் ஒரு மாதிரி சிரித்துகொண்டே ஓடிவிடுகின்றார்கள்

இவ்வளவு பெரும் பொய்யினை சொல்கின்றோமே என்ற அறிவோ, கூச்சமோ, அச்சமோ, அவமான உணர்வோ கொஞ்சமும் இல்லை

அதெல்லாம் இருந்தால் அவர்கள் பாஜகவினராக இருக்கவே முடியாது

Image may contain: 1 person, text
—————————————————————————————————————————————–

ஈழத்தில் தமிழரை கொன்று குவித்தது காங்கிரஸ் திமுக என சொல்லிகொண்டே இருகின்றார் தமிழிசை

ஸ்டாலின் தமிழிசைக்கு வரலாறு தெரியவில்லை என்றவுடன் எனக்கா? எனக்கா? என சந்திரமுகி ஜோதிகாவாக சீறுகின்றார்

அக்கா, ஈழதமிழருக்கு காங்கிரஸ் எவ்வளவு செய்தது என்பதை உங்கள் தந்தை குமரிஅனந்தனிடம் கேட்டாலே தெரிந்துவிட போகின்றது, அதை செய்யுங்கள் அக்கா

ஒரே ஒரு கேள்விதான் அக்கா,

ஈழத்தில் தமிழர் கொல்லபடும்பொழுது காங்கிரஸ் திமுக தடுக்கவில்லை என்கின்றீர்கள், தூத்துகுடியில் 13 பேர் கொல்லபட்டது யார் ஆட்சி அக்கா?

அதை கண்டித்து உங்கள் கட்சியோ, மோடியோ வாய்திறந்தீர்களா?

உள்நாட்டில் சொந்த மக்களை சுட்டு கொன்றதை எல்லாம் மறைத்துவிட்டு கடல் கடந்த அடுத்த நாட்டு மக்களுக்காக கவலைபடும் மதர்ர் தெரசவா நீர்?

உங்களை பார்த்தால் அப்படி எல்லாம் தெரியவே இல்லை

தமிழ்காத்த அற்புத வரலாறு

இந்தியினை எதிர்க்க முண்ணணியில் நின்றது திமுக, செத்தது 100 பேர். வாழ்வினை தொலைத்தது ஏராளம்

இந்தியினை கறுவருப்போம் என முழங்கியவர் முரசொலிமாறன். அவரின் திராவிட எழுத்தும் அவரின் முழக்கமும் கொஞ்சமல்ல‌

திராவிட தூணாகவும், தமிழ்போராளியாகவும் தமிழர் பிம்பமாகவும் முரசொலிமாறன் நின்றதெல்லாம் ஒரு காலம்.

அவரின் மகன் கலாநிதி மாறனின் நிறுவணம் சன் புரடக்சன்

அது சர்க்கார் எனும் படத்தினை தயாரிக்கின்றதாம், சர்க்கார் என்பது தமிழா என கேட்க கூடாது, சாட்சாத் இந்தி வார்த்தை

சன்டிவி தமிழ்பெயரா? என யாரும் கேட்காததால் சர்க்கார் இந்தி பெயரா எனவும் கேட்க கூடாது

இப்பொழுது அந்த முரசொலிமாறனின் மகன் தயாரிக்கும் சர்க்கார் படத்தில் ஒரு பாடல் வந்திருக்கின்றது பாருங்கள்..

அவர்கள் இந்தியினை விரட்டி தமிழ்காத்த அற்புத வரலாறு அப்படியே தெரிகின்றது…

“நிக்கலு நிக்கலுமா.” என இந்தி வார்த்தையோடே தொடங்குகின்றது, சிம்டாங்காரன் என்ன மொழி என்றே தெரியவில்லை

அட கூகுள் ஆண்டவருக்கே தெரியவில்லை

“பல்தே”, “பிஸ்தே” என வரும் இந்த பாடல் நிச்சயம் ” நீராடும் கடலுடுத்த..” என்ற தமிழ்தாய் வாழ்த்திற்கு பதிலாக திராவிட வாழ்த்தாக வரகூடிய பாடல்..

அவசபட்டு காலா படத்தின் பாடல்களை திட்டியதற்காக வருந்துகின்றேன்…

இப்பாடலில் ஒரு நல்ல தமிழ்வார்த்தையினை கண்டுபிடிப்பனுக்கு ஆயிரம் பொற்காசுகள் எனும் போட்டியினை தாராளமாக வைக்கலாம்…

ஆம் தமிழ்நாட்டில் தமிழ்திரைப்பட பாடலுக்குத்தான் அப்படி ஒரு போட்டி வைக்கும் சூழல் வந்திருக்கின்றது, கொண்டு வந்திருப்பவர்கள் சாட்சாத் கலைஞர் குடும்பத்தினர்.


“பின்ன என்னங்க, செக்க சிவந்த வானம் படத்தின் பாட்டு மோசம்னு சொன்னாங்க, மணிரத்னம் வருத்தபட்டாரு

நமக்கு அடையாளம் கொடுத்தருக்கு இதுதான் நன்றியான்னு யோசிச்சேன், “சர்க்கார்” படத்துல பாட்டை எல்லாம் கொன்னுட்டேன்

இப்போ பாருங்க, செக்க சிவந்த வானம் பாட்டு ரொம்ப நல்லாயிருக்கும்னு உலகமே சொல்லும், குருநாதருக்கு நன்றிகடன் செலுத்தியாச்சி”

Image may contain: 1 person, indoor
—————————————————————————————————————————————-

சிம்டங்காரன் யார் என்ற ஆராய்ச்சிக்கு விடை கிடைத்தாயிற்று

அது வேறுயாருமல்ல, இந்த டிடிவி தினகரன் என்பவரைத்தான் அப்படி சொல்கின்றார்கள். தினகரனை நன்றாக கவனியுங்கள் அந்த நடை உடை பாவனை எல்லாம் சிம்டாங்காரனுக்கு சரியாக இருக்கும்

இடைதேர்தலில் “வெர்ல்டு முழுதும் அர்ல விடனும் பிஸ்தே..” என சொல்லி கொண்டிருப்பவரும் அவர்தான்.

இதற்கு மேலும் ஒரு ஆதாரம் உண்டு

“மக்கரு குக்கரும்மா” என்ற வரி அது, குக்கர் என்றால் யார்? ஆர்.கே நகர் தேர்தலுக்கு பின் யாரை குறிப்பது என தெரியாதா என்ன?

ஆக யாரோ டிடிவியின் ஸ்லீப்பர் செல் விஜய்படத்தில் ஊடுருவி டிடிவிக்கு பாடல் எழுதிவிட்டார்

ஆக சிம்டாங்காரன் யார் என்றால் “மக்கரு குக்கரு” டிடிவி தினகரன் என்பவராகத்தான் இருக்க முடியும்

[ September 26, 2018 ]

Image may contain: 1 person, smiling, eyeglasses and closeup