மத வாத இம்சைகளில் சிக்கினால் நாடு என்னாகும் ?

இரண்டாம் உலகப்போர் முடிந்த காலங்களில் உலகில் சரிபாதி செங்கொடி பறந்தது, இதில் இந்தியாவும் அணிசேரா நாடாகவும் சோஷலிஸ்ட் நாடாகவும் மாறி போனதில் அமெரிக்காவிற்கு கவலை அதிகம்

எப்படியாவது ஆசியாவில் காலூன்றிவிட முடியாதா என தலையினை பிய்த்து திரிந்தது, சீனா ரஷ்யா இடையேயும் அரபி கடலை சார்ந்த பகுதியிலும் அவர்கள் கால்பதிக்க ஒரு இடம் அவர்களுக்கு அவசர தேவையாய் இருந்தது

அப்பொழுது தொடங்கியது அமெரிக்க பாகிஸ்தானிய உறவுகள், அரேபியாவில் எண்ணெய் வளம் அறியபட அது இன்னும் கூடியது

ஈரானிய புரட்சி, ஆப்கனில் ரஷ்யா போன்ற காலங்களில் மடியில் வைத்து கொஞ்சி, சீராட்டி பாலூட்டி அதை வளர்த்தது அமெரிக்கா

இந்தியாவுடன் பலமுறை அதற்கு கொம்பு சீவி விட்டது, வங்கப்போரின்பொழுது அந்த ஹாஜி நீர்மூழ்கி கப்பல் முதல் தன் 7ம் கடற்படை பிரிவினை அனுப்ப முயன்றது முதல் பாகிஸ்தானுக்கு அவர்கள் உதவி மிக அதிகம்

பாகிஸ்தான் அணுகுண்டு முயற்சி செய்தாலும், ஏன் அணுகுண்டையே வெளிநாடுகளுக்கு விற்க முற்பட்டாலும் செல்லமாக “நாட்டி பாய்,, இனி இப்படி செய்ய கூடாது செல்லமே” என சொல்வார்களே அன்றி தடுக்க மாட்டார்கள்

யாராவது பாகிஸ்தானிய பிரதமர் கொஞ்சம் எல்லை மீறினால் ராணுவத்தை கொண்டு மண்டையில் தட்டுவார்கள்

அவர்களும் பாகிஸ்தானும் கொஞ்சட்டும் குலாவட்டும் ஆனால் அந்த உறவால் இத்தேசம் பட்ட பாடு கொஞ்சமல்ல‌

பாகிஸ்தான் தீவிரவாதிகளை உருவாக்கி அனுப்புவது முதல் எல்லையில் தீரா தொல்லை கொடுப்பது வரை அமெரிக்க ஆசி உண்டு

அது போக வருடாவருடம் அமெரிக்கா கொடுக்கும் 300 பில்லியன் டாலர் வெளிபட்ட நிதி உண்டு, இது போக மறைமுக உதவியும் உண்டு

ஆனால் ஊர்பட்ட தீவிரவாதம், உற்பத்தி இன்மை, ஊழல் மதவாதம் இன்னபிற சிக்கல்களில் தவிக்கும் பாகிஸ்தானுக்கு இதெல்லாம் போதாமல் சீனாவிடமும் கையேந்ந்தியது

சீனா அதை வளைத்தேவிட்டது, இன்று சீன ஆதிக்கம் அங்கு அதிகம் துறைமுகம் முதல் பல இடங்களை அது கிட்டதட்ட பட்டா போட்டு வாங்கியது போல் அமர்ந்துகொண்டது

இது போக ஆப்கனில் அட்டகாசம் புரியும் பல தீவிரவாத கும்பலின் தலமையிடம் பாகிஸ்தான், அதை தடுக்கும் சக்தி பாகிஸ்தானுக்கே இல்லை, பஸ்மாசுரனுக்கு வரம் கொடுத்த கதை அது

இதனால் நாம் கொடுக்கும் பணம் எல்லாம் நம் கணக்கையும் மீறி எங்கோ செல்கின்றது என கணக்கிட்ட அமெரிக்கா அவர்களுக்கான நிதியினை 15 பில்லியன் டாலராக குறைத்தாயிற்று

டிரம்பானவர் செய்த நற்காரியங்களில் இதுவும் ஒன்று

ஆக அமெரிக்க நிதி மிகசிறிய அளவாக குறைக்கபட்ட நிலையில், சீனா தன் பிடியினை இறுக்கிவிட்ட நிலையில் ஆப்பசைத்த குரங்காக, அதுவும் கத்தமுடியா குரங்காக சிக்கி நிற்கின்றது பாகிஸ்தான்

விரைவில் திவால் நிலைக்க்கு சென்றாலும் ஆச்சரியமில்லை

இந்தியாவிற்கு தலைவலி கொடுப்பது ஒன்றையே முழுநேர கொள்கையாக கொண்டு அதற்கு யார் எது கொடுத்தாலும் வாங்கி கொண்ட பாகிஸ்தான் இப்பொழுது சில நாடுகளின் கைதி கோலத்தில் நிற்கின்றது

பாகிஸ்தானை பார்த்தாவது மத வாத இம்சைகளில் சிக்கினால் நாடு என்னாகும் என இந்தியா பாடம் படித்துகொள்ளும் என நம்புவோம்


ராமர் கோவில் கட்டுவதை ராமர்தான் முடிவு செய்வார் : உபி முதல்வர் யோகி

ஆனால் பாபர் மசூதியினை இடிப்பதை மட்டும் இவர்கள்தான் முடிவு செய்வார்கள் , கட்டுவதற்கு ராமர்தான் வரவேண்டுமாம்

நாம் அடிக்கடி சொல்வோம், பாஜக என்பது கண்டு அச்சபட வேண்டிய கட்சியே அல்ல அது ஒரு காமெடியான கட்சி. இதோ அதை மறுபடியும் நிரூபிக்கின்றார்கள்


கோகுலாஷ்டமி கொண்டாடும் அனைவருக்கும் வாழ்த்துக்கள்

Image may contain: 1 person

பாரத புராண காவியங்களில் கடவுளின் அவதாரங்கள் நிறைய உண்டு, அனைத்து அவதாரங்களும் தீமையை அழித்து தர்மத்தை நிலைநாட்டும். அதனிலும் ஒரு சில அவதாரங்கள் மிக மிக பிரசித்து பெற்றது, ஞானதத்துவம் மிக்கது அவற்றில் ஒன்றுதான் கிருஷ்ணவதாரம்.

படிக்க ஆரம்பித்தால் மிக மிக ஆச்சரியத்தின் உச்சிக்கு கொண்டு செல்வது கிருஷ்ணனின் மாயவேலைகள், சில இடங்களில் விசிலடித்து கொண்டாடலாம், சில இடங்களில் புருவத்தினை சுருக்கி வியக்கலாம்,பல இடங்களில் கண்களில் குறுகுறுப்பும், உதட்டில் புன்னகையும் கொண்டு ரசிக்கலாம். சில இடங்களில் அவரை கண்டு கட்டி தழுவலாம்.

பொதுவாக மற்றவர்களை விட அதிக ரசனையும், இளகிய மனமும் கொண்டவர்களே சிறந்த கவிஞர்களாக முடியும், அந்த வகையில் அதிகபடியான தமிழ்கவிஞர்கள் பாடியிருப்பது கண்ணனை மட்டுமே, காரணம் படிப்பவர்கள் மனதில் சட்டென்று ஒட்டிகொண்டு, நினைத்து நினைத்து ரசிக்கவைப்பது கண்ணனின் மாய விளையாட்டுக்கள்.

சங்ககாலத்தினை விடுங்கள், மகாகவி பாரதியும், கவியரசர் கண்ணதாசனும் பாடாத கண்ணன் பாடலா?, இன்று கூட‌ வானொலியை திறங்கள், “”விஷம கண்ணணே வாடா வா” என்றுதான் ஒலிக்கின்றது, இதுதான் கண்ணனின் அசைக்கவே முடியாத வெற்றி.

காரணம் அவர் சாதித்த காரியங்கள் அப்படி, கருவாகும் முன்னமே தாய்மாமன் எமன், பிறந்த அன்றே தொடங்கியது போராட்டம், 6 வயதிற்குள் சிறியதும் பெரியதுமாக ஆயிரம் பூதங்களையும், ஏராளமான ஆபத்துக்களையும் கடந்தார்.
அன்று உலகம் சிறிதும் மதிக்காத இடையர்கள் குலத்தில்தான் ஓர் மாடுமேய்ப்பவனாகத்தான் வளர்ந்தார்.

சிறு வயதிலே வேடிக்கையும், விளையாடுமாக பெரும் ஆபத்துக்களை எதிர்கொள்வதும்,த்த்துவத்தை போதிப்பதும், சிரித்து கொண்டே தர்மத்தினை நிலைநாட்டுவதும் அவருக்கு மனம் வந்த கலை. அவரது வாழ்வில் எங்காவது கண்ணன் கவலையுற்றார், அல்லது கண்ணீர் விட்டார் என்று பார்க்க முடியுமா?

தானும் மகிழ்ந்து மற்றவரையும் மகிழ்வித்தார், பாதுகாத்தார்

ஏராளமான தீயவர்கள் பெருகியிருந்த காலகட்டத்தில் ஆயர்பாடி மக்களுக்கு சிறுவயதிலிருந்தே அவர் பாதுகாப்பு, பெரும் பூதங்கள்,படைகள் என சகலத்தையும் அடக்கிய அவர் அன்று பெரும் நாயகன், அதுவரை அடிவாங்கிய ஆயர்பாடி கூட்டம் அவர்தலமையில் திருப்பி அடித்தது, அதுவும் காளிங்கனை அடக்கியபின் அன்றைய ஆயர்பாடியில் அவர்தான் டாப் நாயகன்.

ராமசந்திரனுக்கே மயங்கிய பெண்கள் உள்ள இந்தியாவில், கண்ணனுக்கும் ஏராளமான பெண் ரசிகைகள் இருக்கமாட்டார்களா? இருந்தார்கள், மயங்கினார்கள். மாவீரன் மட்டும் என்பதல்ல, சிரித்த முகமும், இனிமையான குழலிசையும் , எந்த ஆபத்தையும் அசால்ட்டாக தாண்டும் அவருக்கு பெரும் ரசிகைகள் இருந்தது வியப்பே இல்லை.

எல்லாம் கொஞ்சகாலம்தான், ஒரு கட்டத்தில் தன்னை உணர்ந்து கொண்டு, அவதார கடமைகளை ஒவ்வொன்றாக‌ நிறைவேற்றினார். கம்சனை கொன்றார், ஆயினும் மன்னராகும் ஆசை இல்லை, தாத்தாவிடம் ஆட்சியை கொடுத்து மறுபடியும் ஆயர்பாடிக்கு காவலானார்.

ஆயிரம் கம்சன் உண்டல்லவா?, பல்வேறு தொந்தரவுகள் கொடுத்தார்கள், ஒரு கட்டத்தில் ஆயர்பாடி மக்களுக்காக துவாரகையை சொர்க்கத்திற்கு நிகராக உருவாக்கி, உலகிலே முதன் முதலாக அதுவரை ஒடுக்கபட்ட, விரட்டபட்ட, கடுமையாக புறக்கணிக்கப்ட்ட அப்பாவி மக்களுக்கு ஒரு நாடு கொடுத்து வாழச்செய்தார்.

போரிட்ட இடமெல்லாம் வெற்றி கிட்டின, அவர் சென்ற இடமெல்லாம் நியாயங்கள் அரங்கேறின, தர்ம நீதிகள் கிடைக்காத இடங்களில் அவரே தர்மத்தினை ஏற்றி வைத்தார்,

சக்கர ஆயுதம் எடுத்து சாதித்தவர், அரைபிளேடு கூட எடுக்காமல் அமைதியாய் சாதித்து காட்டியதுதான் மகாபாரத போர், கண்ணனின் வெற்றி அடையாளங்களில் அதுதான் “மாஸ்டர் பிளான்”

பாண்டவர்களும்,கௌரவரும் உறவினர்தான், ஒன்றாய் பிறந்து வளர்ந்தவர்கள் தான், ஆனால் துரியோதனுக்கு கொஞ்சம் பொறாமை அதிகம், சிறுவயதிலே காதை பிடித்து திருகியிருந்தால் திருந்தியிருப்பான், அதற்கு ஆளில்லை தந்தையும் குருடர், தாயும் கண்ணை கட்டிகொண்டவர். துரியன் அப்படியே வளர்ந்தான்,

அவன் வளர,வளர அவனின் பொறாமையும் வளர்ந்தது.
அவன் மனதின் வன்மம் கல்லாய் இறுகியது, உலகில் யாரும் வாழலாம்,ஆளலாம்.

ஆனால் பாண்டவர்கள் மட்டும் ஆளவே கூடாது முடிந்தால் வாழலாம் அதுவும் கண்காணாத இடத்தில் அல்லது கவுரவர்களுக்கு அடிமையாய் வாழ்லாம். இதனை போதித்தவன் சகுனி.

அன்று அஸ்தினாபுர பேரர‌சினை “இம்சை அரசன்” நாசரை போல‌ இயக்கியவன் சகுனி, அவனே அன்று நாட்டினை ஆண்டவன், துரியோதனன் முகமூடி, துரியோதனின் முடிவுகளை எடுப்பது எல்லாம் சகுனியே.

பாண்டவரின் நாடு பல சிறப்பு பெற்றதை தாங்க முடியவில்லை, தீவைத்து கொல்லபார்த்தான் துரியோதனன் தப்பினார்கள், மறுபடி எழுந்தார்கள் வாழ்ந்தார்கள் பாண்டவர்கள், வஞ்சகமாய் சூதாடி நாட்டை பறித்து வனவாசம் செய்ய விரட்டினான்.

அதோடும் விடவில்லை, பாண்டவர்கள் இருக்கும் வரை பிரச்சினை செய்வார்கள வனவாச காலம் முடியும் பொழுது போருக்கு இழுத்து மொத்தமாக பாண்டவர்களை அழிப்பதுதான் சகுனியின் திட்டம், அதற்கு வடிவம் கொடுத்தான் துரியோதனன்.

பாஞ்சாலியை காக்கும் பொழுதே கண்ணனுக்கு விளங்கிற்று, போர் தவிர்க்கமுடியாதது, பெரும் ராஜ தந்திர திட்டத்தினை முன்னடுத்தான்.

வனவாச காலத்தில் பாண்டவர்களை கண்ணன் சும்மா இருக்கவிடவில்லை, தொலைதூரத்தில் சில கொடிய மன்னர்கள் இருந்தார்கள். பாண்டவரோடு இணைந்து அவர்களை அழித்தான், காரணம் நாளை சண்டை என வந்தால் அவர்கள் நிச்சயம் துரியோதனுக்கு உதவ வருவார்கள், இனம் இனத்தோடு சேருமல்லவா?

ஜெராசந்தனும்,சிசுபாலனும் இன்னும் பலரும் இவ்வாறே அழிந்தனர்.

வனவாச காலத்திற்குள் பாண்டவர்களை போருக்கு தயார் படுத்தினான், நினைத்திருந்தால் துவாரகையிலே அவர்களை தங்க வைத்திருக்கலாம், வைக்கவில்லை காரணம் நாடு நாடாக அலைந்தால் தான் நிறைய அரசுகளின் நட்பு கிடைக்கும் எனும் தந்திரம், அப்படியே கிடைத்தது, பல அரசர்கள் பாண்டவருக்கு துணைநின்றனர்.

பெரும் போருக்கு பாண்டவர்களையும்,நண்பர்களையும், பாசுபதகனை போன்ற ஆயுதங்களையும் தயார் படுத்திவிட்டுத்தான், ஒன்றும் அறியாத அப்பாவியாக துரியோதனிடம் தூது சென்றான். நிச்சயம் துரியோதனன் சொத்து கொடுக்கமாட்டான் என கண்ணனுக்கும் தெரியும்,

தெரிந்தும் ஏன் சென்றான் என்றால் கௌரவர் கூட்டணியில் குழப்பத்தினை ஏற்படுத்த, அதுதான் திட்டம்.

பாண்டவரும்,கௌரவரும் அப்படியே மோதிக்கொண்டால் 18 நொடிக்குள் பாண்டவர் சாம்பல் கூட மிஞ்சியிருக்காது. துரியனின் கூட்டனி அப்படி, அரை குண்டூசி கூட கையில் இருந்தாலும் கொல்லமுடியாத துரோணர், நினைத்த போது மட்டும் மரணம் பெரும் பீஷ்மர், உலகை அழிக்கும் விதுரர், இன்னும் வெல்ல முடியாத கர்ணன், கிருபர், அஸ்வத்தாமர் என மிக நீண்ட வரிசை அது.

அவர்களுக்குள்ளும் துரியன் மீது கோபமிருந்தது, ஆனால் குலப்பெருமைக்காக பாகுபலி கட்டப்பா போல கூட இருந்தார்கள். தூது சென்ற கண்ணன் நிகழ்த்திய நாடகத்தில் விதுரர் வெளியேறினார், அஸ்வத்தாமன் மேல் துரியோதனனுக்கு சந்தேகம், இதற்கு மேல் பீஷ்மருக்கும், கர்ணனுக்கும் ஈகோ பிரச்சினை, விளைவு பலமிக்க கூட்டணி சிதறியது.

போதாக்குறைக்கு கர்ணனிடம் குந்தியை அனுப்பி அவனையும் காலம் பார்த்து குழப்பியாகிவிட்டது.

பாரத போரும் தொடங்கியது உறுதியாக சொல்லலாம் அது முதன் முதல் உலகப்போர், எல்லா நாட்டு அரசும் பங்கெடுத்தன, கண்ணனோ அப்பாவியாக தேரோட்டியாக வந்தார். ஆனால் அவரே சூத்திரதாரி.

பல்லாண்டுகள் கழித்து ஆசிரியரையும், உறவினரையும் கண்ட அர்ச்சுணன் தசை ஆடியது, உணர்ச்சியில் சண்டையிட மறுத்தான், அரசே வேண்டாமென்றான், அர்ச்சுணன் இல்லாவிட்டால் பாண்டவர் ஏது?
மாபெரும் உபதேசம் கொடுத்தான் கண்ணன், தெளிந்தான் அர்ச்சுணன், அது அர்ச்சுணனுக்கு மட்டுமல்ல அல்ல மொத்த உலகிற்கு, அதுவே புனிதமான பகவத் கீதை.

18 நாள் பெரும்போரில் கண்ணனால் குழப்பபட்ட கௌரவர் படை கூட்டணி வீரர்கள் மொத்தமாக வராமல் ஒவ்வொன்றாக வந்தனர், பெரும் பலசாலிகள், வரம்பெற்றவர்கள். ஆனால் ஒவ்வொருவருக்கும் ஒரு பலவீனம் இருந்தது, அதில் சரியாக இடம்பார்த்து அடிக்க சொன்னார், பாண்டவர்கள் அடித்தார்கள், நியாயம் வென்றது.

கடவுளாக நம்புபவர்களுக்கு அவன் கடவுள், நம்பாதவர்கள் அவன் நிச்சயம் பெரும் ராஜதந்திரி என்பதை மட்டும் மறுக்கவே முடியாது. பெரும் ராஜ தந்திரமும், மேலாண்மை நுட்பத்தினையும் உலகிற்கு கொடுத்தது கிருஷ்ணன்.
மதிநுட்பத்திலும், ராஜ தந்திரத்திலும் உலகில் முத்திரை பதித்தவர்கள் உண்டு, பாரதவரலாற்றை நன்கு கற்ற சாணக்கியனே அதில் முதலிடம்,

கண்ணனின் மகாபாரத மாய வித்தைகளை சுருக்கமாக சொன்னால், அதற்கு இன்னொரு பெயர்தான் அரசியலும்,உளவுதுறையும் உலகம் இந்தியாவின் பொக்கிஷம் என கொண்டாடும் “அர்த்த சாஸ்திரம்”.

பழம் காலத்தினை விடுங்கள், தற்போது உலகினை கலக்கிகொண்டிருக்கும் இஸ்ரேலின் புகழ்பெற்ற தளபதி மோஷே தயான், மொசாத்தின் பெரும் அடையாளம் டேவிட் கீம்சி, இந்தியாவின் வலிமையான இந்திரா காந்திக்கு வங்கபோரினை வெற்றியாக முடித்து கொடுத்த “ரா”வின் சில அதிகாரிகள் என ஆயிரம் ராஜ தந்திரிகள் வந்தாலும், என்றும் அவர்களுக்கெல்லாம் முன்னோடியாக வழிகாட்டுதலாக இருப்பது கண்ணணே.

கண்ணனின் வாழ்வும், மாய வேலைகளும் குறிப்பிடுவது ஒன்றே ஒன்றுதான் “தீயவர்களின் கூடாரம் மிக பலமானதாகத்தான் இருக்கும், ஆனால் அந்த பலத்தில் ஒரு சிறிய பலவீனம் இருக்கும், தர்மத்தினை நிலை நாட்டுவதற்காக அது இறைவனால் அனுமதிக்கபட்டது, அந்த பலவீனத்தினை அறிந்து நிதானமாய் இறைவன் துணையோடு போரிடுபவனுக்கு என்றுமே தோல்வி இல்லை, அதர்மம் நிச்சயம் வீழும்”

பாரத்தினை விடுங்கள், எல்லோருடைய வாழ்க்கையிலும் ஒரு சோதனை காலங்கள் இருக்கும், சிறிய அளவிலோ அல்லது பெரிய அளவிலோ கம்சனையோ,காளிங்கனையோ அல்லது துரியோதனன் போல அறவே நியாயம் இல்லாத 200% கொடுமையாளரின் சித்திரவதைகள‌ நீங்கள் அனுபவத்திருக்கலாம், அப்பொழுது தர்மத்தினை காக்கும் பொருட்டு , உங்களை பாதுகாத்து கைதூக்க நிச்சயம் ஒருவர் வந்திருப்பார் அல்லது வருவார்.

அப்படி உதவ வருபவர்களின் உருவத்தில் எல்லாம் எக்காலமும் பகவான் கிருஷ்ணன் வாழ்ந்து கொண்டே இருப்பார்.

கண்ணன் உண்டு என நம்புவர்களுக்கு அவன் உண்டு எக்காலமும் உண்டு, இல்லை என சொல்பவர்களும் அவன் ராஜதந்திரத்தை வியக்காமல் இருக்க முடியாது, அது கதை என்றால் கூட அப்படி ஒரு கதையினை நிச்சயம் மானிடரால் எழுதவே முடியாது

பாரத ஞானதர்மத்தின் அடையாளம் பகவான் கிருஷ்ணன்

கோகுலாஷ்டமி கொண்டாடும் அனைவருக்கும் வாழ்த்துக்களை தெரிவித்து கொள்வோம்.

பல்லாயிரம் ஆண்டுகளுக்கு முன்பே சமூக நீதி காத்தவன் கண்ணன்

Image may contain: 1 person

கிருஷ்ணன் பிராமணன் அல்ல, அவன் அன்று தாழ்த்தபட்டு , ஒடுக்கபட்ட யாதவர் குலத்தில்தான் உதித்தான், அவர்களுக்காகவே வாழ்ந்தான்

அந்த அடிமைகள் சுதந்திரமாக வாழ துவாரகா எனும் நகரையே உருவாக்கி அவர்களை வாழவைத்தான்.

பல்லாயிரம் ஆண்டுகளுக்கு முன்பே சமூக நீதி காத்தவன் அவன்.

ஆடுமாடு மேய்ப்பவர்கள அறிவிலிகள் கீழாவனவர்கள் என சமூகம் ஒதுக்கிய அக்காலத்தில் அவர்களுக்காக அரசையே நிர்மாணம் செய்து வாழ்வாங்கு வாழவைத்தவன்

ஆக பிரமாண எதிர்ப்பு என கண்ணனை புறக்கணிக்க முடியாது, அவனும் கருப்பு நிறமே,

பூனூல் எல்லாம் போட்டதாக தகவல் இல்லை, அதனால் திராவிட போராளிகளுக்கும் அவனை கொண்டாடுவதில் சிக்கல் இல்லை.

திராவிடம் என்றால் கடவுள் இல்லை என மட்டும்தான் சொல்லமுடியும் என்பது சுத்த பைத்தியகாரத்தனம்.

தாழ்த்தபட்ட சாதிக்காக போராடிய போராளி எனும் வகையில் இந்த போராளிகள் எல்லாம் தாரளமாக கோகுலாஷ்டமி கொண்டாடலாம்.

எந்த கட்சிக்காரனும், எந்த போராளியும் எதிர்க்கவே முடியாத அவதாரம் கண்ணன். அவரின் சிறப்பு அதுதான்.

மிஸ்டர் சைமன் வேர் ஆர் யூ?

கலைஞரின் கடைசி 25 ஆண்டுகால சிக்கலுக்கும் திமுகவின் வீழ்ச்சிக்கும் பழிக்கும் காரணமானவர் வைகோ, கலைஞரை அவர் மகா மட்டமாக பேசிய அளவு யாரும் பேசவில்லை

ஆனால் வைகோவினை அருகில் வைத்து ஈஈஈஈஈ என இளிப்ப்பார்களாம் அதை ஒரு பயலும் கேட்க மாட்டானாம்

வைகோ அளவு சைமன் திமுகவிற்கு துரோகம் இழைத்தவரல்ல‌

இதை கேட்க முடியாதவனெல்லாம் நம்மிடம் வந்து சீறிகொண்டிருக்கின்றான்

அடிமைகள் அதிமுகவில் மட்டுமல்ல, அதிமுகவினை அடிமைகள் என சொல்ல திமுகவில் ஒரு பயலுக்கும் தகுதி இல்லை

வைகோவினை இப்பக்கம் வைத்து கொண்டு சைமனை கண்டிக்க இவர்களுக்கு தகுதியே இல்லை, உபியும் திமுகவும் எவ்வளவு சந்தர்ப்பவாதிகள் என்பதற்கு வைகோ நட்பே சாட்சி

கரித்து கொட்டி ஒப்பாரி வைக்கும் உபிக்களை விட, வைகோவினை எல்லாம் சேர்த்துகொண்ட திமுகவினை விட அங்கிள் சைமனே பரவாயில்லை

மிஸ்டர் சைமன் வேர் ஆர் யூ?