வேளாங்கண்ணி ஆரோக்கியமாதா

அந்த போர்த்துகீசிய கப்பல் , இலங்கையில் இருந்து கிளம்பி மலாக்கா நோக்கி சென்றுகொண்டிருந்தது. வங்ககடலில் வழக்கமாக உருவாகும் புயல் அப்பொழுது உருவாகியிருந்தது , கடும் புயலில் சிக்கியது அக்கப்பல்.

எத்தனையோ கடற்பயணங்களை செய்தவர்கள் அவர்கள், எத்தனையோ புயல்களை அனாசயமாக கடந்துதான் கப்பல் வாழ்வு வாழ்ந்துகொண்டிருந்தார்கள். ஆனால் அந்த புயல் மகா வித்தியாசமானது, அவர்களால் சமாளிக்க முடியவில்லை

போர்த்துகீசியர்கள் கத்தோலிக்கர்கள், கப்பலில் கதறினார்கள். மாதாவே நாங்கள் இப்புயலில் தப்பி கரை சேர்ந்தால் உங்களுக்கொரு கோவில் கட்டுவோம் என கதறினார்கள், அடித்த புயல் அந்த பாய்மர கப்பலின் கொடிமரத்தை சரித்துவிட்டு அவர்களை பத்திரமாக கரைசேர்த்தது

அவர்கள் கரை சேர்ந்த நாள் செப்டம்பர் 8.

அன்றுதான் தேவமாதாவிற்கு பிறந்தநாள் என்பது குறிப்பிடதக்கது. அவர்களுக்கு உடல் சிலிர்த்தது. மாதாவிடம் வேண்டியபடி அவருக்கு கோவில் எழுப்பலாம் என எண்ணியபொழுது மேலும் ஒரு அதிசயம் காத்திருந்தது.

ஒரு குளத்தின் கரையில் ஏற்கனவே ஒரு ஓலைகோவில் இருந்தது. அதனை மிக பயபக்த்தியாக அம்மக்கள் வணங்கிகொண்டிருந்தனர்

போர்த்துகீசியரோ வியப்பின் உச்சத்தில் இருந்தனர், நாங்கள் கோவில் கட்ட வந்தோம், இங்கு ஏற்கனவே மாதா கோவில் இருக்கின்றதே எப்படி? என விசாரித்தார்கள்

பல முன்பே மாதா ஒரு பால்கார சிறுவனுக்கு காட்சியளித்ததும், ஒரு ஊனமுற்ற சிறுவனை நடக்க வைத்ததையும், எல்லாவற்றிற்கும் மேல் நாகபட்டினத்தை சேர்ந்த பண்ணையாரை பணித்து இந்த ஆலயத்தை அமைத்திருப்பதையும் அறிந்து அதிசயித்தார்கள்.

தன்னை நாடிவரும் மக்களுக்கு எல்லாம் ஆரோக்கியத்தை அருளியதால் அவரை ஆரோக்கியமாதா என மக்கள் அழைத்துகொண்டிருந்தார்கள்.

அதே நாளில் கரைஒதுங்கிய அந்த கப்பலின் கொடிமரத்தை கோவில் அருகே நட்டு அதில் மாதாவி கொடியேற்றி திருவிழா தொடங்கினார்கள். அதுதான் அங்கு நடந்த முதல் திருவிழா

அதன் பின் 1771ல் அது முறையான ஆலயமாகி , பங்கு தந்தைகள் எல்லாம் அமர்ந்தார்கள். போர்த்துகீசியரும் தங்கள் நேர்ந்துகொண்டபடி ஆலயம் அமைத்தார்கள். அந்த பழம் ஆலயத்தின் டூம் அவர்கள் அமைத்தது பின் கொஞ்சம் கொஞ்சமாக கட்டினார்கள்.

பழம் ஆலயம் மிக அழகானது, குறிப்பாக அந்த பீடம். அதனை சீனாவிலிருந்து கொண்டுவந்த பீங்கான் தகடுகள் மூலம் அன்றே அழகுபடுத்தியிருந்தார் போர்த்துகீசியர், அவை இன்றும் உண்டு

பின்பு ஆலயத்தை விஸ்தாரபடுத்தினார்கள், ஒரு கட்டத்தில் புதுபுது ஆலயமாக கட்டினார்கள், இன்னும் கட்டிகொண்டே இருக்கின்றார்கள்.

உறுதியாக சொல்லலாம், அங்கு கூடும் மக்கள் எண்ணிக்கைக்கும், கொட்டபடும் காணிக்கைக்கும் அது நிச்சயம் உலகில் மிக வருமானம் வரும் இடங்களில் ஒன்று, இந்தியாவில் கிட்டதட்ட திருப்பதிக்கு நிகரான காணிக்கை அதில் வரலாம், ஆனால் சில கட்டுபாடுகள் காரணமாக அந்த கணக்கு வெளிவராது.

அப்படிபட்ட உரிமை இத்தேசத்தில் கொடுக்கபட்டிருக்கின்றது, நிச்சயம் கிறிஸ்தவர் சிறுபான்மையினர்தான், ஆனால் அவர்கள் ஆலய விவகாரங்களிலோ அவர்கள் கணக்கு வழக்கிலோ இந்த நாடு தலையிடாது.

அந்த காணிக்கைக்கு என்ன வரி? என்று கூட கேட்காது. இந்த அற்புத நாட்டில் இருந்துகொண்டுதான் இந்துவா ஒழிக, கிறிஸ்தவர்களை கொடுமைபடுத்துகின்றார்கள் என்றேல்லாம் பல பதர்கள் பேசிகொண்டிருக்கின்றன‌

இதோ வேளாங்கண்ணியே சாட்சி, இங்கு சென்று கிறிஸ்தவர்கள் கொண்டாட என்ன தடை? ஒன்றுமே இல்லை.

எத்தனையோ சலுகைகள் இந்நாட்டில் கிறிஸ்தவர்களுக்கு வழங்கபட்டிருக்கின்றது. சில உண்மைகளை ஒப்புகொண்டுதான் ஆகவேண்டும்

காணிக்கை கணக்குத்தான் வெளிவராதே தவிர, தன்னை நம்பிவரும் பக்தர்களுக்கு மாதா செய்யும் புதுமைகளும் நன்மைகளும் வெளிவந்துகொண்டே இருக்கும்

அந்த கடல் அலை போல திரளும் கூட்டம் அதனைத்தான் சொல்கின்றது, அனுதினமும் பெரும் மக்கள் திரளால் 24 மணிநேரமும் நிரம்பி வழியும் கூட்டம் அதனைத்தான் சொல்கின்றது.

ஆலயம் எதிரே அமைந்திருக்கும் மியூசியத்தில் மாதா புதுமைக்கு சாட்சியாக பக்தர்கள் வைத்த காணிக்கையும், சாட்சி சாசனமும் மிக ஏராளம்.

வேளாங்கண்ணி ஆலயத்தில் காணும் மிக அற்புதமான காட்சி ஒன்று உண்டு, உலகின் எந்த ஆலயத்திலும் காண கிடைக்கா காட்சி அது.

எல்லா மதத்தாரும் வந்து வணங்குகின்றார்கள், ஆச்சரியமாக இஸ்லாமியரும் வந்து அன்னையிடம் வேண்டுகின்றனர். அந்த அன்னையினை எங்கள் தாய் என மிக உரிமையோடு அழைக்கின்றனர் அப்பகுதி இஸ்லாமியர்கள்.

மிகபெரும் மத நல்லிணக்கத்தை அங்கே காணமுடியும்.

இதோ இன்று அங்கு திருவிழா கொண்டாடுகின்றார்கள், இந்தியாவில் மிக அதிகமாக மக்கள் கூடும் திருவிழாவில் அதுவும் ஒன்று, பெரும் கூட்டமாக கூடியிருக்கின்றார்கள்.

அவர்கள் மரியே வாழ்க என எழுப்பும் ஓசையில் கடல் அலை தோற்கின்றது

தன்னை நம்பிய மக்களுக்கு, தன்னை முழுமையாக நம்பி வந்த மக்களுக்கு அன்னை என்றுமே முழு ஆறுதலை வழங்கிகொண்டிருக்கின்றாள் என்பதற்கு அதுவே சாட்சி

தமிழக கத்தோலிக்க வீடுகள் எல்லாவற்றிலும் இருக்கும் படம், வேளாங்கண்ணி ஆலயமும் அந்த மாதாவின் திருவுருவமும்

அதன் முன் கண்ணீரோடு வேண்டும் மக்கள், தங்கள் வேண்டுதல் பலித்தபின் வேளாங்கண்ணி சென்று வழிபடுவது அவர்கள் குலவழக்கம்.

அன்றைய வேளாங்கண்ணி காவேரியின் கடைமடை பகுதி, கல்லணை வெள்ளம் அந்த குளம் வரை சென்றிருக்கின்றது, அந்த குளகரைதான் மாதா தனக்காக தேர்ந்தெடுத்த பகுதி

இன்று காவேரி இல்லை, அக்குளமில்லை , அந்த செழுமை இல்லை. ஆனால் அந்த ஆலயம் மட்டும் நின்றுகொண்டிருக்கின்றது.

அந்த ஆலயத்தில் வேண்டும்பொழுதெல்லாம், அக்காவேரி மறுபடிவரவேண்டும் அப்பகுதி மறுபடி செழிக்கவேண்டும் என்ற எண்ணமெல்லாம் வரும், வரத்தான் செய்யும்

இன்று அந்த மாதா குளத்தையே ஒரு கிணறாக்கிவிட்டார்கள், நிச்சயம் அது பெரும் தவறு. அந்த குளம் குளமாகவே இருந்திருக்கவேண்டும், அது குளமாகவும், புண்ணிய தீர்த்தமாகவும் இருந்திருந்தால் பக்தர்கள் ஏன் கடலுக்கு செல்லபோகின்றார்கள், அத்தனை பேர் சுனாமி உட்பட பல அலையில் சாக போகின்றார்கள்?

பழம் அடையாளங்களை கண்மூடிதனமாக ஒழித்துகட்டுவதில் தமிழருக்கு இணை கிடையாது, வேளாங்கண்ணியும் அதற்கு தப்பவில்லை

எவ்வளவு அழகான புண்ணியஸ்தலம் அது. அதன் அழகினை இன்னும் அற்புதமாக பராமரிக்கலாம் ஆனால் அது வியாபார கூட நடுவில் சிக்கிவிட்டதும் தவறு.

வேளாங்கண்ணியில் மாதா பிரசித்தம், அதே மாதா கோவில் எதிரில் திராவிட இயக்கம் கட்டியிருக்கும் தங்கும் விடுதியும் பிரசித்தம்.

இப்பக்கம் மாதா கோவில் மணியடித்தால் அப்பக்கம் திராவிட சுவரில் கடவுளை நம்புபவன் காட்டுமிராண்டி என்ற வசனத்தோடு பெரியார் அமர்ந்திருக்கின்றார்.

கடவுளை நம்புபவன் காட்டுமிராண்டி என்றால் அந்த காட்டுமிராண்டிகளுக்கு விடுதி அமைத்து சம்பாதிப்பவன் எப்படிபட்ட காட்டுமிராண்டியாக இருப்பான் என யாரும் கேட்பதில்லை.

கோவிலுக்கு உள்ளே பூசாரி காசுவாங்கினால் தப்பாம், ஆனால் கோவிலுக்கு வெளியே ஹோட்டல் நடத்தினால் அது பகுத்தறிவாம்

அவர்கள் அப்படித்தான்

நம்பியவர்கள் மாதாவின் புண்ணிய ஸ்தலமாக அதனை காணலாம், நம்பாதவர்கள் மிக சிறந்த வரலாற்று இடமாகவும், பெரும் மத நல்லிணக்கம் நடக்குமிடமாகவும அதனை காணலாம்

இன்று அந்த புகழ்பெற்ற ஆலயத்தின் திருவிழா, அந்த ஆலயத்தின் பக்தர்களுக்கு வாழ்த்துக்கள்.

உண்மையில் மனமார நம்பி அவர் பாதம் பணிந்தால், அவர்களுக்கு மிக நல்லமாற்றங்களை அவர் கொடுத்துகொண்டுதான் இருக்கின்றார், இல்லாவிட்டால் இவ்வளவு பெரும் கூட்டமும் கொண்டாட்டமும் சாத்தியமில்லை

சோதனைகள் அனுப்பி தன்னை தேட சொல்பவள் அத்தாய், பால்கார சிறுவனும், நொண்டி சிறுவனும், அந்த சூறாவளியில் சிக்கிய போர்த்துகீசியரும் அவரை தேடினார்கள், எங்களை காப்பாற்று என கதறினார்கள்.

உடனே ஓடிவந்து காப்பாற்றி அணைத்துகொண்டவள் அவள். அந்த சாட்சியின அடையாளமே அந்த கோவில்.

இன்னமும் காப்பாற்றிகொண்டிருப்பதற்கு சாட்சிதான் அந்த மாபெரும் மக்கள் கூட்டம், உலகெல்லாம் இருந்து சென்று குவிந்து மரியே வாழ்க என சொல்லிகொண்டிருக்கும் அந்த கூட்டம்.

சோதனையில் இருப்பர்கள் அன்னையினை அழைக்கலாம், எங்கிருந்தாலும் உலகில் எந்த மூலையில் இருந்தாலும் அழைக்கலாம் ஓடிவந்து தாங்குவாள்

அந்த ஆலயம் அதனைத்தான் சொல்கின்றது

அந்த ஆலயத்தின் எல்லா பொருளுக்கும் வரலாறு உண்டு, ஆனால் அந்த அழகிய திருச்சொரூபத்திற்கு மட்டும் வரலாறு இல்லை

அது எப்படி அங்கு வந்தது என்பது இன்றுவரை ரகசியமானது மர்மமானது, மாதா ஏன் அந்த ஊரை தேர்தெடுத்தார் என்பது போல யாருக்கும் தெரியா ரகசியமது

அந்த திருச்சொரூப மாதா, எல்லோருக்கும் எல்லா வளமும் அருளட்டும்

மோடி போல சிக்கி இருக்கும் இன்னொரு நபர் டிரம்ப்

உலக அளவில் இரு தலைவர்கள் அவர்களின் சொந்த நாட்டில் எல்லோராலும் விமர்சிக்கபடுகின்றார்கள், கடுமையான எதிர்ப்பு

ஒருவர் நமது மோடி, அவரின் சொந்த கட்சிக்காரர்களே ஏன் ஆர்.எஸ்.எஸ் காவல்காரரான ஜெயமோகன் கூட மோடியின் மீது பெரும் அதிருப்தி தெரிவித்துவிட்ட நிலையில் மோடி எதிர்ப்பு அலை தேசமெங்கும் வீசுகின்றது

குஜராத்தில் மோடி ஜொலித்திருக்கலாம் ஆனால் பிரதமராக தோற்றுவிட்டார்

பஞ்சாப் பக்கத்தில் விவசாயம் பார்ப்பதற்கும், ராதாபுரம் பக்கம் விவசாயம் பார்க்கவும் ஏகபட்ட வித்தியாசம் உண்டு

மோடி எதிர்ப்பு அலை தேசமெங்கு வீச ஆரம்பித்தாயிற்று

மோடி போல சிக்கி இருக்கும் இன்னொரு நபர் டிரம்ப்

டிர்ம்பினை அதிபர் பதவியில் இருந்து நீக்கும் நேரம் வந்தாயிற்று என செனட்டர்கள் சொல்ல ஆரம்பித்தாயிற்று

இதுகாறும் அமைதி காத்த ஓபாமா கூட யோவ் அந்த ஆள் நாட்டை கெடுத்திருவான்யா என சொல்ல ஆரம்பித்துவிட்டார்

மோடி குஜராத் தொழிலதிபர்களாலும், டிரம்ப் யூத கும்பலாலும் பெரும் சிக்கலில் மாட்டி இருக்கின்றார்கள்

ஆனால் இவர்களை பகைக்கவும் முடியாது, காரணம் மோடியினை பெரும் பிம்பாக உருவாக்கியது குஜராத் வணிகர்கள் என்றால் உருவாக்கியவர்கள் யூதர்கள்

அவர்களுக்கு இவர்கள் விசுவாசமாக இருந்தே தீரவேண்டும் அதனால் இச்சிக்கல்களை எதிர்கொண்டுதான் ஆக வேண்டும்

இருவருக்கும் பெரும் எதிர்ப்பு கிளம்பியுள்ள நிலையிலும் இருவரும் சொன்னதையே சொல்லிகொண்டிருப்பதுதான் காமெடி

Image may contain: 2 people, beard

சிதறல்கள்

தன் சமூக வலைதள ரசிகர்களை சந்திக்கின்றார் தனுஷ்

குஷ்புவிற்கும் ஏராளமான ரசிகர்கள் சமூக வலைதளத்தில் இருக்கத்தான் செய்கின்றார்கள், தலைவி என்றாவது இப்படி கிளம்பினாரா?

இல்லை அவர் வரவே மாட்டார், காரணம் நிறைகுடம் தளும்பாது


கட்சி தொடங்கி தமிழகத்தை சுற்றிவருவார் என ரஜினியினை நம்பினால் அவர் மலேசிய எஸ்டேட்டை சுற்றினார், அப்படியே மும்பை சேரியினை சுற்றினார்

இப்பொழுது ஏதோ பேட்டையினை சுற்ற போகின்றாராம்

இடையில் அடிக்கடி இமயமலை வேறு

பேட்ட என்பது இந்த பீட்டா (PETTA) என்பது போல் நமக்கு தெரிகின்றது, தனுஷ் வேறு அதில் உறுப்பினர் என்பதை எதற்கும் சொல்லி வைப்போம்

————————————————————————————————————————————-

பாகிஸ்தான் ராணுவத்தை போன்று வேறு எந்த நாடும் பயங்கரவாதத்தை எதிர்த்து போரிட்டதில்லை – இம்ரான் கான்

பாகிஸ்தான் வளர்ததை போல வேறு எந்தநாடும் பயங்கரவாதத்தை வளர்க்கவில்லை என்பதை சொல்ல மறந்துவிட்டார்

முன்பு கிரிக்கெட்டில் பந்தை முறைகேடாக சிதைத்து சிக்கலில் சிக்கியவர் இம்ரான்கான், அதே குறுக்கு புத்தி அரசியலுக்கும் வந்துவிட்டதுதான் சோகம்.


 

திமுக இனி சுத்தமாக உருப்படாது, பிரிவினை வாதகட்சி என்ற முத்திரையினை அண்ணா கலைத்தார், கலைஞர் காப்பாற்றினார்

இப்பொழுது மறுபடியும் பிரிவினைவாதத்திற்கு வருகின்றது திமுக‌

மிஸ்டர் ஸ்டாலின் இலங்கை குடிமக்களான 4 கொலைகாரர்கள் மேல் உங்களுக்கு என்ன அக்கறை?

ராஜிவ் கொலையில் திமுக எதிர்கொண்ட சிக்கல் எல்லாம் மறந்ததா? ஜெயின் கமிஷன் மறந்ததா?

திமுகவினை அழிக்க இனி எதிர்கட்சிகள் எதற்கு?

அந்நியநாட்டு தீவிரவாதிகள் 4 பேரை ஆதரிக்கும், உள்நாட்டு தேசதுரோகி 3 பேரை ஆதரிக்கும் ஸ்டாலினை வன்மையாக கண்டிக்கின்றோம்

“தேசவிரோதி” முக ஸ்டாலின் ஒழிக என்ற சத்தம் வருவதற்குள் ஸ்டாலின் திருந்தட்டும்

Image may contain: text
—————————————————————————————————————————————–

“குட்கா” ஊழல் தொடர்பாக பல பரபரப்பு தகவல்கள்

இந்தியினை எதிர்த்து 100 பேர் செத்த தமிழகத்தில் இப்பொழுது ஊழல் கூட இந்தி பெயரில்தான் நடக்கின்றது

——————————————————————————————————————————————

இளம் துறவியினை ஏன் கொண்டாடுகின்றார்கள்

இந்த இளம் துறவியினை ஏன் கொண்டாடுகின்றார்கள், இப்படி வரவேற்கின்றார்கள்? அவர் என்ன விவேகானந்தர் போல சிகாவில் பேசினாரா? இல்லை அபிராமபட்டர் போல் நிலவினை மறைத்தாரா?

ஒன்றுமில்லை அதைவிட மகத்தான காரியத்தை செய்திருக்கின்றார்

என்ன செய்தார்?

இந்துக்களுக்கு திருப்பதி போல, கிறிஸ்தவருக்கு வேளாங்கணி போல இஸ்லாமியருக்கு முக்கியமானது ஆஜ்மீர் தர்கா

அங்கு இஸ்லாமியர் பெரும் கூட்டமாய் குவிவர், சுற்றுபயணிகளும் உண்டு

இந்த மாபெரும் மகான் என்ன செய்தார் என்றால் அந்த ஆஜ்மீர் தர்காவில் குண்டுவைத்து சிலரை கொன்றார், விஷயம் நடந்தது 2007ம் ஆண்டு,

கொஞ்சமும் ஏற்கமுடியாத பாபர் மசூதி நிகழ்வுக்கு ஒப்பான கொடூரம் இது, புனிதமான மசூதியில் தாக்குதல் நடத்துபவன் ஆப்கானிய தாலிபன் ரகத்தைவிட மோசம்

அப்படிபட்ட மதமிருகமான இவனுக்கு தண்டனை விதிக்கபட்டது, அவன் ஜாமீனில் வெளிவருவதை இப்படி கொண்டாடுகின்றார்கள்

இந்தியா மிக மோசமான கட்டத்தினை கடந்து கொண்டிருக்கின்றது என்பதற்கு இதை தவிர சாட்சி இல்லை

இதெல்லாம் யாரின் தைரியம் என்றால் பாஜக எனும் கட்சி ஆள்கின்றது என்பதை தவிர ஏதுமே இல்லை

நாடு பொருளாதாரத்தில் சீரழிந்து , ரூபாயின் மதிப்பு எட்டிபார்த்தாலும் தெரியாத அளவு கீழே கிடக்கும்பொழுது இம்மாதிரி கொடூர சிந்தனைகளை கொண்டிருப்பவர்கள் இந்தியர்களே அல்ல‌

உண்மையில் துப்பாக்கி சூடு இங்குதான் நடந்திருக்க வேண்டும், ஆனால் தூத்துகுடியில் மட்டும்தான் சுடுவார்கள்

மோடி இந்த நாட்டுக்கு ஏதாவது செய்வதாக இருந்தால் ராஜினாமா செய்யட்டும், அமித்ஷா ஏதும் செய்வதாக இருந்தால் கட்சியினை கலைக்கட்டும்

இன்னொருமுறை பிஜேபி ஆட்சிக்கு வந்தால் இந்தியாவினை காக்க ஆப்கனில் இருப்பது போல் பன்னாட்டு அமைதிபடைதான் வரும், அந்த நிலைக்கு சென்றுகொண்டிருக்கின்றது மதவெறி இந்தியா.

இந்த இந்து தாலிபானிசம், இந்து ஐ.எஸ் இயக்கம் எல்லாம் உடனே நசுக்கபடாமல் இத்தேசத்திற்கு விமோசனம் இல்லை


 

ராமர் அங்கு பிறந்தாரா?

சரி அடுத்த கட்ட சண்டை இந்த சங்கிகளோடு தொடங்கும் போலிருக்கின்றது

ராமர்கோவிலை இடித்து பாபர் மசூதி கட்டினான் என தொடங்கிவிட்டார்கள்

ராமர் அங்கு பிறந்தாரா? அவருக்கு கோவில் இருந்ததா என்பதெல்லாம் இல்லை விஷயம்

இந்த நாடு புத்த நாடாகவும் இருந்தது, பின் சமண நாடானது இதில் எதெல்லாம் அழிந்தது என்றே தெரியாது

பின்பு ஆதிசங்கரரின் எழுச்சிக்கு பின்பே இன்று காணும் இந்து ஆலயங்கள் வந்தன, எந்த இந்து ஆலயமும் இங்கே 2500 முதல் 3000 ஆண்டு பழமையானது அல்லவே அல்ல‌

இதில் எங்கிருந்து பல லட்சம் ஆண்டுக்கு முன்பிருந்த ராமர் கோவிலை தேடுவது?

அதுவும் பாபர் முதலில் வந்த இஸ்லாமியன் அல்ல, கோரி முகமதுவிற்கு பின் எத்தனையோ இஸ்லாமிய மன்னர்கள் இங்கு ஆண்டனர். அதில் எவன் கட்டிய மசூதியினை பாபர் சீரமைத்தானோ தெரியாது

ராமர்கோவில் விவகாரம் எல்லாம் வெள்ளையன் தூண்டிவிட்டது, சுதந்திரம் நெருங்க நெருங்க அதை ஊதிபெருதாக்கினான், பின்னாளில் அத்வாணி அதை பிடித்து தொங்கி இடித்தும் விட்டார்

தேசம் ரத்தகளறி ஆகி ஓய்ந்தது, மற்றபடி ராமருக்கு இங்குதான் ஆலயம் என்பதை ராமரே விரும்பமாட்டார். எல்லாம் அரசியல் கணக்கு தவிர ஒன்றுமில்லை

இந்து, புத்தம், சமணம், இஸ்லாம் என மாறிவந்த காலத்தில் டூப்ளேயின் திட்டம் சரியாக இருந்தால் பாபர் மசூதி இருந்த இடம் மாதா கோவிலாக கூட மாறி இருக்கும் ஆனால் கிளைவ் அதை முறியடித்தான்

ஆக இதுதான் ராமர் பிறந்த இடம் என சொல்ல ஒன்றும் பெரும் ஆதாரமில்லை, இல்லை இல்லை இருக்கும் மசூதிகள் இன்னபிற விஷயங்களை இடித்து தோண்டி இந்தியா முழுக்க தோண்டி தோண்டி தேடுவோம் என்றால் தோண்டுங்கள்

உழுத நிலம் போல ஆக்கி போடுங்கள், இல்லை சாலையோரத்தில் கேபிள் பதிக்க தோண்டுவது போல் தேடுங்கள், தேடிகொண்டே இருங்கள்

அதன் பின் மோடியால் பாழ்பட்ட பொருளாதாரம் போல தலைகீழாக கிடக்கும் இத்தேசம்

அதைத்தான் விரும்புகின்றார்கள் போல

தும்பிகள், திமுக இப்பொழுது சங்கிகள் என அடுத்தகட்ட யுத்தம் தொடர்கின்றது

மரங்கள் ஓய்வினை விரும்பினாலும் காற்று விடுவதில்லை என்பது இதுதான் போலிருக்கின்றது

பாசிசம் என்றால் என்ன

இந்த விமானத்தில் சோபியா என்பவர் கத்தினார், அதை தொடர்ந்து பாசிச பாஜக என கத்தினார்கள், கத்தினார்களே தவிர பாசிசம் என்றால் என்னவென தெரியவில்லை

புரட்சி என்றாலே எம்ஜிஆரா என அப்பாவிதனமாக கேட்கும் தமிழகத்திற்கு பாசிசம் என்றால் என்ன என்பது எப்படி தெரியும்?

நம்மிடமும் சிலர் கேட்டார்கள், சொல்லிவிடலாம்

உலகில் மக்களாட்சியினை முதலில் கொடுத்த ரோமர்கள் ஒரு சிக்கலான காலகட்டத்தில் அவசர ஏற்பாடாக Cincinnatus. என்பவரை மன்னராக வைத்தார்கள், அவனோ அடக்கி ஆள ஆரம்பித்தான்

அவன் தனக்கு சிலை எல்லாம் வைத்து மகிழ்ந்தான், அப்பொழுது ரோமரின் ஒரு விதமான ஆயுதத்தோடு தான் நிற்பது போல் சிலை வைத்தான் அதன் பெயர் (Fasces) பாசெஸ்

விறகு கட்டுக்குள் நீண்டிருக்கும் கோடாரி ஆயுதம் அது அதுதான் Fasces

இது அக்காலத்தில் பிரபலம், பின்னாளில் அமெரிக்காவில் பல ஐரோப்பியர் குடியேறும்பொழுது இத்தாலியரும் சென்றனர், ஓஹையோ மாநிலத்தில் அந்த மன்னன் பெயரில் சின்சினாட்டி எனும் நகரை அமைத்தனர், அவன் விருப்படி சிலையும் வைத்தனர்

அதை எந்த அமெரிக்க அரசும் இன்றுவரை தடை செய்யவில்லை, உலகில் நாமும் அதைத்தான செய்கின்றோம் என நாயகன் ஜனகராஜ் போல சிரித்துகொண்டு விட்டுவிட்டார்கள்

இந்த Cincinnatus மன்னன் இத்தாலியரின் அடையாளம், அதாவது ஒருமாதிரி அடக்கி ஆண்டிருக்கின்றான், கொஞ்சம் நற்பெயரும் இருந்திருக்கின்றது

அதாவது பெரும்பான்மையினரை அவனின் சிறுபான்மை இனம் ஆட்டி படைத்திருக்கின்றது, அவனின் ஆட்சி அப்படி இருந்திருக்கின்றது

இது சின்சினாட்டஸ் கொள்கை என்றுதான் முசோலினி காலம் வரை இருந்தது

முசோலினி இத்தாலி அதிபரான பொழுது தானும் இடையில் அன்று வந்த சின்சினாட்டஸ் மன்னர் போன்றவன், இத்தாலியின் பெருமையினை மீட்டெடுப்பேன் என சொல்லிகொண்டான்

அந்த சின்சினாட்டி சிலையின் கையில் இருக்கும் விறகுகட்டுக்கு இடையில் கோடரி இருக்கும் அந்த ஆயுதமான பாசெஸ் என்பதில் இருந்து பாசிசம் எனும் கொள்கையினை உருவாக்கினான்

“பாசிசம் என்பது ஒரு மதம். அது சோஷலிசத்தை எதிர்க்கின்றது. ஏனென்றால் சோஷலிசம் தேசிய ஒற்றுமையை குலைக்கும் வர்க்கப் போராட்டத்தை வலியுறுத்துகின்றது.”

“ரோமர்கள் காலத்தில் இத்தாலியர்கள் உலகை ஆண்டார்கள். லத்தீன் மொழியில் இருந்து தான் பிற மொழிகள் வந்த படியால், உலகில் தோன்றிய மூத்தகுடி லத்தீன் பேசினார்கள். அத்தகைய பெருமைக்குரிய இத்தாலி இனம் மீண்டும் தலைநிமிர வேண்டும்…..”

என அங்கிள் சைமன் போலவே சொல்லி கொண்டான்

இந்த பாசெஸ் ஆயுதம் ஒரு காலத்தில் உலகை ரோம் மன்னரின் அடையாளமாக ஆண்டது போல, நாமும் இனி ஆளபோகின்றோம் என சொல்லி பாசிசம் பேசினான்

பாசிசம் என்பது இப்படித்தான் உருவாயிற்று, தமிழில் அதன் அர்த்தம் முசோலினி பாணியில் சொல்லவேண்டுமென்றால் நாம் ஆளபிறந்தவர்கள்

முத்துராமலிங்க தேவர் அப்படி பேசினார், அதன் பின் அங்கிள் சைமன் பேசிகொண்டிருகின்றார்

(பாசிசம் என சொல்லி முசோலினி பின் திரண்ட கூட்டம் போல் அங்கிள் சைமன் பின் திரண்டால் என்ன சொல்லலாம்? சின்சினாட்டி மன்னன் பாசெஸ் ஆயுதம் வைத்திருந்தான் உங்கள் தலைவன் பிரபாகரனோ சயனைடுதான் வைத்திருந்தான்

அதனால் நீங்கள் சயனடைடிசம் தொடங்குங்கள், பாசிசத்தை கேவலபடுத்தாதீர்கள் என சொல்லலாம்)

இப்படி முசோலியால் பாசிசம் என்ற வார்த்தை பிரபலமாகி, பாசிசத்தை வீழ்த்துகின்றோம் என பல நாடுகள் எழும்பி அந்த வார்த்தை பிரபலமாகிவிட்டது

ஆக பாசிசம் என்பது, நாம் ஆளபிறந்தவர்கள் நாம் மட்டும் ஆளபிறந்தவர்கள் என்ற இத்தாலி மொழியின் வடிவமன்றி வேறல்ல‌

ஜோசப் ஸ்டாலின் கம்யூனிஸ்ட் பாசிஸ்ட் அல்ல.

இந்தியாவில் சஞ்சய்காந்திக்கு அந்த பாசிச‌ மனப்பான்மை இருந்தது, அதன் பின் நாம் பார்த்த மிகபெரும் பாசிஸ்ட் பிரபாகரன்

வேறு யாரையும் சொல்லமுடியாது, ஜெயா எல்லாம் பாசிச சாயல் அல்ல , பின்வாங்க வேண்டிய இடங்களில் பின் வாங்கினார்

கலைஞர் சர்ச்சில் ரகம், தந்திரக்காரர்.

முக ஸ்டாலின் போன்றோர் கட்சிக்குள் மட்டும் பாசிஸ்ட் வெளியில் அல்ல‌

ஆக பாசிசம் எனும் கொடும் வார்த்தை பாஜகவிற்கு எல்லாம் பொருந்தவே செய்யாது, அதுவும் தமிழிசை எல்லாம் பாசிஸ்ட் என்றால் அந்த சின்சினாட்டஸ் மன்னன் மறுபடி வந்து அந்த பாஸெஸ் ஆயுதத்தால் அவன் சிலை எல்லாம் உடைத்து முசோலியினையும் சாத்து சாத்திவிட்டு கடலுக்குள் குதித்துவிடுவான்

பாஜக எல்லாம் பாசிஸ்டுகள் என்றால் அந்த சின்சினாட்டஸ் மன்னனுக்கும் அவன் விறகுகட்டு கோடாரிக்கும் என்னதான் மரியாதை?

( அமெரிக்க சின்சினாட்டியில் பாசிஸ்ட் ஆயுதத்தோடு சிலை உண்டு என்றால் அவர்கள் சர்வாதிகாரத்தில் சம்பாதிக்கலாம் என்பதையாவது உணர்ந்தவர்கள்

தமிழிசைக்கு அதுவும் உண்டா? பின் எப்படி அவர் பாசிஸ்ட் ஆவார்?)

ஓரின உறவு உரிமை

இந்த ஓரின உறவு உரிமையினை உச்சநீதிமன்றம் கொடுத்துவிட்டது இனி கலாச்சாரம் என்னாகும் என ஏகபட்ட கவலைகள்

எல்லா காலத்திலும் இயல்பானவர்கள் பெரும்பான்மை, இம்மாதிரி மனபிறழ்வு கொண்டவர்கள் கொஞ்சம்பேர் இருக்கத்தான் செய்தார்கள், இன்னும் இருப்பார்கள்

மாடு இரட்டை கன்றுகுட்டி போட்டது, வாழை இருகுலை தள்ளியது போன்ற அபூர்வ வகை அது

அதற்காக பொது தத்துவங்கள் என்பது இல்லாமல் போகாது, ஆணும் பெண்ணும் இணைந்துதான் வாழ்ந்து சந்ததி பெருக்க வேண்டும் என்பது பொதுவான தத்துவம், அது தொடர்ந்து நடக்கும்

இம்மாதிரி கருமாந்திரங்கள் மனபிறழ்வு கொண்டவர்களால் வருவது, அவர்களை பற்றி கவலைபட ஒன்றுமில்லை பரிதாபபடலாம்

அய்யய்யோ அப்படி அல்ல, உச்சநீதிமன்றமே சொல்லிவிட்டது என்கின்றார்கள்

உச்சநீதிமன்றம் எதைத்தான் சொல்லவில்லை. லஞ்சம் வாங்குவது குற்றம் என்கின்றது, கலப்பு திருமணத்தை காக்க சட்டம் உண்டு என்கின்றது

இச்சமூகம் லஞ்சத்தை விரட்டிவிட்டதா, இல்லை கலப்பு திருமணம்தான் எளிதில் செய்ய முடியுமா?

யதார்த்த சமூக அமைப்பு என்பது வேறு, அதற்கும் உச்ச நீதிமன்ற சட்டங்களுக்கும் இடைவெளி அதிகம்

பொதுவாக நல்ல மனநிலை கொண்டவர்கள் எங்கிருந்தாலும் ஒழுங்காக இருப்பார்கள், கணிகையர் நடுவில் மாதவி இருந்தாள் அல்லவா? துரியனிடம் கர்னன் இருந்தான் அல்லவா? அப்படி

ஆனால் உருப்படாத கழுதை எங்கிருந்தாலும் உருப்படாமலே போகும், அதற்கு சட்ட விதிவிலக்கு மட்டும் காரணமல்ல‌

இதனால் உச்சநீதிமன்றம் சொல்லிவிட்டது இனி இங்கு கலாச்சாரம் கெட்டுவிடும் என்பதெல்லாம் சரியல்ல‌

ஓரின சேர்க்கை எனும் மனகுழப்பம் எல்லா காலங்களிலும் இருந்தது, இன்னும் இருக்கும் அதை எல்லாம் சட்டம் போட்டு தடுக்க முடியாது

ஆனால் இது தவறில்லை என சொன்ன நீதிமன்றம் விபச்சாரத்தை மட்டும் எப்படி தவறு என சொல்லமுடியும் என்பதுதான் அடுத்த கேள்வி, ஆனால் நாம் கேட்க கூடாது

ஏதோ உச்சநீதிமன்ற சட்டத்தை எல்லாம் இங்கு எல்லோரும் விழுந்து விழுந்து கடைபிடிப்பது போலவும், இப்பொழுது மட்டும் ஆபத்து வந்தது போலவும் ஏகபட்ட ஒப்பாரிகள்

எந்த சட்டத்தை மதித்தோம், சாதி பார்க்காமல் இருந்தோமா? இல்லை லஞ்சத்தை ஒழித்தோமா?

வோட்டுக்கு காசுவாங்குவது குற்றம் என சொல்லியும் வாங்காமல் இருந்தோமா? இல்லை அவர்கள்தான் கொடுக்காமல் இருந்தார்களா?

ஆக ஓரினசேர்க்கை சட்டதளர்வு எல்லாம் இங்கு ஒரு தாக்கத்தையும் ஏற்படுத்தாது, சட்ட தடை இருந்தபொழுதும் இங்கு ஓரின சேர்க்கை இருந்தது, இனி சட்டம் இல்லாதபொழுது எல்லோரும் ஓடிபோய் ஜோடிசேரபோவதுமில்லை

கமலஹாசன் பாணியில் சொல்வதாக இருந்தால் , செய்யாதே என்பதற்காக முன்பு செய்யாமலுமில்லை, இனி செய்தால் குற்றமில்லை என்பதற்காக எல்லோரும் செய்ய போவதுமில்லை


 

ஓரின சேர்க்கைக்கு தடை இல்லை என்ற தீர்ப்பினை வரவேற்கின்றேன் : கமலஹாசன்

சும்மாவே இம்மாதிரி விஷயங்களில் இவருக்கு ஒரு மாதிரியான இமேஜ், “ஒரு காலத்தில் நான் ஆம்பிளை ஜெயமாலினி இல்லீங்க..” என புலம்பியவர்

இப்பொழுது தீர்ப்பினை வரவேற்கின்றாராம், உலகம் இவரின் வரவேற்பினை எப்படி எடுத்துகொள்ளுமோ தெரியாது