நம்பி நாராயணன், நெல்லை மாவட்டத்து அறிவு சுடர்

“உண்மையான இந்தியனாக இத்தேசத்திற்காக பாடுபட்டால் உனக்கு 10 பைசா தேறாது, மாறாக கடும் அவமானங்களை சந்திக்க நேரும். அது எவ்வளவு பெரும் விஞ்ஞானியாக இருந்தாலும் சரி

ஆனால் தேசத்தை எதிர்த்து பிரிவினை பேசினால் அமெரிக்காவில் அழைத்து டாக்டர் பட்டம் கொடுப்பார்கள், ஜெர்மனில் அழைத்து விருந்து கொடுப்பார்கள், இட்சூ காரில் செல்லலாம், அமெரிக்க தூதர் சென்னையில் வீடு வந்து சந்திப்பார்” என்பதெல்லாம் இங்குள்ள விதி

இந்நாட்டின் மாபெரும் சாபக்கேடு இது, தேசதுரோகிகள் எல்லாம் அரசியல்வாதி, முற்போக்கு, புரட்சி இன்னபிற பெயரில் வாழ்வாங்கு வாழ்வார்கள். நாட்டுக்காய் உழைத்தவனோ எங்கோ இருந்து அழுதுகொண்டிருப்பான்

இந்த இந்திய விதிக்கு அந்த பெரும் விஞ்ஞானியும் தப்பவில்லை, அவர் பெயர் நம்பி நாராயணன்

1995களில் மாலத்தீவு அழகிகள் வழியாக இந்திய விண்வெளி ரகசியத்தை கடத்தினார் என கேரள போலிசாரால் கைது செய்யபட்டு, அடிக்கபட்டு கோர்ட்டில் நிறுத்தபட்டு சொல்லணா சித்திரவதைகளை சந்தித்து இன்று தன் கரங்களும், தன் மனமும் சுத்தமானது என உச்ச நீதிமன்றத்தில் நிரூபித்திருப்பவர்

தேசம் இன்று கண்ணீரொடு அவரை வணங்கி கொண்டிருக்கின்றது, நாட்டுபற்றாளர்கள் எல்லாம் அந்த மனிதனுக்காக கண்ணீரோடு கைதட்டிகொண்டிருக்கின்றார்கள்

நம்பி நாராயணன், நெல்லை மாவட்டத்து அறிவு சுடர். அப்பொழுதே மிக கடினமான விண்வெளி பாடங்களில் அசத்தி இஸ்ரோ பக்கம் வந்தவர், அமெரிக்காவில் அவருக்கு மிக பெரிய எதிர்காலம் இருந்தபொழுதும், பிரான்ஸ் கம்பெனிகள் குனிந்து நின்று வரவேற்றபொழுதும் என் தேசம் இந்தியா, என் பணி இந்நாட்டிற்கே என வைராக்கியமாக இங்கே சேர்ந்தவர்

நிச்சயமாக சொல்லலாம், கலாம் போலவே அப்பழுக்கற்ற விஞ்ஞானி

ஆனால் என்ன நடந்தது?

அக்காலங்கள் இன்று ஈரானை குறிவைத்திருப்பது போல இந்தியாவினை முடக்கியே தீருவது என அமெரிக்கா கங்கணம் கட்டிய 1980கள், இந்தியா விண்வெளி ஆராய்ச்சியில் முன்னேறி கொண்டிருந்தது அவர்களுக்கு பொறுக்கவில்லை

இந்தியா கிரையோஜெனிக் எந்திரத்தை வாங்க ரஷ்யாவிடம் முயற்சித்தது, காரணம் அதுதான் எடை கூடிய செயற்கைகோளை விண்ணுக்கு கொண்டுசெல்ல கூடிய தொழில்நுட்பம், கூடவே கண்டம் விட்டு கண்டம் பாயும் ஏவுகனைகளையும் தயாரிக்கலாம்

விடுமா அமெரிக்கா 1980கள் அமெரிக்காவின் அட்டகாசம் உச்சத்தில் இருந்த காலம், இந்தியாவோ இந்திராவினை இழந்திருந்தது, ராஜிவினையும் தொடர்ந்து இழந்தது, சோவியத் யூனியனும் உடைந்தது

இந்தியாவிற்கு கிரையோஜெனிக் நுட்பம் கிடைக்காமல் குறி வைத்து அடித்தது அமெரிக்கா, ரஷ்யாவின் போரிஸ் எல்சினை மிரட்டியது, பிரான்ஸ் ஒதுங்கியது

இந்தியாவில் நாமே தயாரிப்போம் என விஞ்ஞானிகள் முடிவு செய்தனர், அந்த குழுவில் முக்கிய பொறுப்பில் இருந்தவர்தான் நம்பி நாராயணன்

கிரையோஜெனிக் நுட்பத்தினை அவர் அட்டகாசமாக வடிவமைத்தார், தொட்டுவிடும் தூரத்தில் வெற்றி காத்திருந்தது

(பின்னாளிலும் நம்பி நாராயணன் கொடுத்த அடித்தளத்தில்தான் இந்தியா கிரையோஜெனிக் எந்திரத்தை செய்து ஏராளமான செயற்கைகோளை எல்லாம் விண்ணுக்கு அனுப்பி கொண்டிருக்கின்றது)

விடுவார்களா வல்லரசுகள்?

மாலத்தீவின் இரு பெண்கள் சில நாட்டு உளவு அமைப்பு மூலம் தயார் செய்யபட்டு நம்பி நாராயணனை சிக்கலில் ஆழ்த்தினர், அவர் விண்வெளி ரகசியத்தை கடத்தினார், பாகிஸ்தானுக்கு விற்றார் என பெரும் குற்றசாட்டுகள் வெடித்தன‌

ஒரு பெரும் விஞ்ஞானியினை, அதுவும் உலகதரம் வாய்ந்த கிரையொஜெனிக் எஞ்சின் செய்யும் பெரும் விஞ்ஞானியின் மீதான குற்றசாட்டை மத்திய அரசு எவ்வளவு கவனமாக கையாண்டிருக்க வேண்டும்?

ஆனால் அன்றைய அரசு செய்யவில்லை, ஏன் என்று தெரியவில்லை. கண்டும் காணாமல் இருந்தார்கள். அப்பொழுதுதான் இந்தியா உலக நாடுகளுக்கு திறந்துவிட பட்டது. மன்மோகன் சிங்கினை உலகின் சிறந்த நிதி அமைச்சர் என்றேல்லாம் விருது கொடுத்தார்கள்

அதை ரசித்துகொண்டிருந்த மத்திய அரசு கொஞ்சமும் நம்பி நாராயணனை கண்டுகொள்ளவில்லை என்பதுதான் மகா கேவலம்

ஆம், ராஜிவிற்கு பின் இத்தேசம் அப்படி பன்னாட்டு சக்திகளிடம் சிக்கி கிடந்தது. நம்பி நாராயணன் அவமானபட்டபொழுது மத்திய அரசு பார்த்துகொண்டிருந்ததே தவிர , ஒரு ஆறுதலும் சொல்லவில்லை

நம்பி நாராயணன் தன் தரப்பு நியாயத்தை சொல்ல கூட வாய்ப்பு கொடுக்கபடவில்லை

நம்பி நாராயணை கைது செய்தது கேரள காங்கிரஸ் அரசு, அதன் முதல்வர் அன்று கருணாகரன்

நம்பி நாராயணன் கடுமையாக தாக்கபட்டதும், பெரும் சித்திரவதைகளை கேரள போலிஸ் கொடுத்ததும் இத்தேசத்தின் கருப்பு பக்கங்கள்

நம்பி நாராயணன் உண்மையில் அப்பாவி, அவர்கள் குறி அவருக்கும் மேல் அதிகாரியான முத்துநாயகம் என்பவர் மேல் இருந்தது. அதாவது மொத்த இந்திய கிரையோஜனிக் திட்டத்தையும் முடக்க ஏதோ ஒரு சக்தி கொடுத்த அழுத்ததிற்கு இத்தேசத்தின் அரசியல் ஆடியது

ஆயினும் கொஞ்சமேனும் நாட்டுபற்றாளர்கள் உள்ள தேசமல்லவா இது? எதிர்ப்பு கிளம்பியது கேரளம் கொந்தளித்தது கருணாகரன் பதவி இழந்தார்

விஷயம் சிபிஐக்கு மாற்றபட்டது, சிபிஐ நம்பி நாராயணன் மேல் எந்த தவறும் இல்லை, இது கேரள காவல்துறையினரின் சதி என சொல்லிவிட்டது.

நம்பி நாராயணனுக்கு 1 லட்சம் நஷ்ட ஈடு கொடுக்க சொன்னது கோர்ட் ஆனால் கேரள அரசு கொடுக்கவில்லை. அவர்கள் 1 சொட்டு நீரே கொடுக்காதவர்கள்? நஷ்ட ஈடா கொடுப்பார்கள்?

தன் மேல் தவறில்லை என்ற தீர்ப்பு வந்தவுடன் நிம்மதியான நம்பி நாராயாணன் கேரள காவல்துறை மேல் வழக்கு தொடர்ந்தார்

நேற்று உச்சநீதிமன்றம் கேரள அரசு செய்த முறையற்ற விஷயத்திற்காக, நம்பி நாராயணன் மீது செய்த கொடுமைக்காக 50 லட்சம் நஷ்ட ஈடு கொடுக்க வேண்டும் என தீர்ப்பிட்டுள்ளது

இவ்வளவு நாளும் தான் நடத்திய போராட்டத்தில் வென்றிருகின்றார் நம்பி, அவரின் நேர்மை வென்றிருக்கின்றது

இப்பொழுது காரி துப்பி இத்தேசமக்கள் இந்திய அதிகார வர்க்கத்தை கேட்கும் கேள்வி ஒன்றுதான்

அமெரிக்கா சென்றால் பல பில்லியன்கள் சம்பாதிக்க வாய்பிருந்தும், வெறும் சில ஆயிரங்களுக்காக அம்மனிதன் இந்த நாட்டின் விண்வெளி திட்டத்தில் பங்கெடுத்திருக்கின்றார்

ஆனால் அடிப்படையற்ற குற்றசாட்டில் அவரை கைது செய்து அடித்தெல்லாம் இருக்கின்றார்கள், இதெல்லாம் ஏன் முதலிலே கண்டிக்கபடவில்லை

சரி சிபிஐ விசாரணை 1998ல் முடிந்தாலும் 2018வரை அவருக்கான நீதியினை கிடைக்கவிடாமல் செய்த சக்தி எது?

அவரின் பெரும் போராட்டத்தால் நிச்சயம் இந்திய விண்வெளிதுறை பின்னடைந்திருகின்றது, கிரையோஜெனிக் இஞ்ச்னினின் தொடக்கத்தில்தான் நாம் இருக்கின்றோம், இன்னும் முன்னேற வேண்டும்

ஒரு மாபெரும் விஞ்ஞானியினை 25 ஆண்டுகள் அழவைத்ததில் இத்தேசத்தின் விண்வெளி ஆராய்ச்சிக்கு எவ்வளவு நஷ்டம் ஏற்பட்டிருக்கின்றது?

இன்று ஓரளவு கிரையோஜெனிக் எஞ்சினை செய்து சாதிக்கின்றோம் என்றால் அதற்கு நம்பி நாராயணன் காரணம் என்பது யாருக்கு தெரியாது, அம்மனிதனுக்கான நீதி இவ்வளவு தாமதமா?

ஒரு மாபெரும் விஞ்ஞானிக்கே நீதி கிடைக்க செய்யாமல் மலையாளிகளால் லாபி செய்ய முடியும் என்றால் இத்தேசத்தில் என்ன நடக்கின்றது?

ஒரு நம்பி நாராயணன் அழுது முடித்திருக்கின்றார், இன்னும் எத்தனை பேர் அழுதுகொண்டிருப்பார்கள் என யாருக்கு தெரியும்?

50 லட்சம் நஷ்ட ஈடு என்பது ..கு சமம், அம்மனிதன் நாளையே விமானம் ஏறினால் 1 மணிநேரத்தில் அவன் காலடியில் அது கொட்டி கிடக்கும், அவரின் திறமை அப்படி

அந்த நஷ்ட ஈடு எல்லாம் போதாது

இத்தேசத்து மொத்த மக்களும், கட்சிகளும் அரசும், நீதிதுறையும், அந்த மனிதன் மேல் பழிசுமத்தும் பொழுது பார்த்து கொண்டிருந்த விண்வெளி அதிகாரிகளும் மொத்தமாய் அவரிடம் மன்னிப்பு கேட்க வேண்டும்

அவருக்கு நல்ல பதவிகளை மறுபடியும் விண்வெளி மையத்தில் கொடுத்து பிராயசித்தம் தேடட்டும்

அவரை திட்டமிட்டு கைது செய்து அந்நிய நாட்டின் ஏவல் துறையான கேரள காவல்துறை அதிகாரிகளான மாத்யூஸையும்,ஜோசுவா என்பவனையும் பிடித்து திகாரில் அடைக்கட்டும்

எங்கள் அன்புக்கும் நன்றிக்கும் உரிய நம்பி நாராயணன் அவர்களே,

இத்தேசம் உங்களுக்கு செய்த மாபெரும் அநீதிக்காக இந்தியர்கள் உங்களிடம் மன்னிப்பு கோருகின்றோம்

இந்த அயோக்கியர்களுக்காகவும் அவர்கள் செய்த கொடுமைகளுக்காகவும் இத்தேசத்தையும் அதற்கு நீங்கள் ஆற்ற இருந்த கனவுகளையும் மறந்துவிடாதீர்கள்

மீண்டும் வாருங்கள், இன்னொரு கலாமாய் உங்களை இத்தேசம் வரவேற்கின்றது

கிரையோஜெனிக் விஷயங்களில் இத்தேசம் போக வேண்டிய தூரங்களை கடக்க உதவுங்கள்

எம் மாணவர்கள் உங்களை படிக்கட்டும், இத்தகைய சோதனைகளை கடந்தும் நாட்டிற்காக ஒருவன் உழைத்தான் என வரலாறு எழுதட்டும்

அவர்களில் இருந்து பல நம்பி நாராயணன்கள் உருவாகட்டும், தேசம் நிலைக்கட்டும்

இத்தேசத்தின் நலனுக்காக அந்நிய நாட்டு கைகூலிகளால் நீங்கள் பட்ட பெரும் அவமானம் துடைக்கபட்டிருகின்ற நேரத்தில் எழுந்து வாருங்கள்

தேசாபிமானமிக்கோர் உங்களுக்காக நன்றி கண்ணீர் விட்டு உங்களை வரவேற்கின்றோம்

இவரின் மருமகன் ரவி அருணன் சந்திராயன் திட்டத்தில் மகா முக்கியமானவர், மாமனாருக்கு அநீதி என அவர் தேசத்திற்கான சேவையினை செய்யாமல் இல்லை

நாட்டுபற்று என்பது இதுதான்

(நெல்லை மாவட்டத்து தமிழனுக்கு 25 ஆண்டுகாலமாக பெரும் அநீதி நடந்தது, ஒரு குரலாவது இங்கு தமிழனுக்கு அநீதி என கேட்டதா என்றால் இல்லை

இதுதான் தமிழகத்து கட்சிகளின், தமிழனை காக்க உதித்தவர்களின் அரசியல் புத்தி

ஏன் என்றால் நாட்டுக்காக உழைக்கும் எந்த தமிழனையும் இவர்களுக்கு பிடிக்காது, பெரியார், பிரபாகரன் என பேசினால் ஓடிவந்து தாங்குவார்கள் இங்குள்ள யதார்த்தம் அப்படி

இந்த மாபெரும் விஞ்ஞான தமிழனுக்கு ஆதரவாக குரல் வராத தமிழகத்தில் அந்நிய நாட்டு கொலைகாரர்களை விடுவி, சந்தணமரம் வெட்டிய தமிழனுக்கு அநீதி என குரல்கள் அடிக்கடி வரும்

நாம் கண்டிப்பது இந்த அயோக்கியதனத்தையே

தமிழன் நம்பி நாராயணனை இங்குள்ள கட்சிகளும் தமிழன் தமிழன் என கத்துபவனும் கைவிட்டதுதான் தமிழக அரசியலின் அசிங்கமான முகம்

கலாமை எப்படி கலககாரன் என சொல்லி தமிழக அரசியல் அசிங்கமாக சிரித்ததோ, கலாம் இரண்டாம் முறை ஜனாதிபதி ஆக கூடாது என அரசியல் செய்யபட்டதோ அது நம்பி நாராயணனுக்கும் நடந்தது

நம்பி நாராயனன் வேறு சாதியாக இருந்தால் தாழ்த்தபட்டவன் என்பதால் விரட்டுகின்றார்கள் பெரியார் பெருக்க சொன்னார், அம்பேத்கார் அறுக்க சொன்னார் என கிளம்பி இருப்பார்கள்

அதுவும் நம்பிக்கு வாய்க்கவில்லை

மொத்தத்தில் நாட்டை நேசிக்கும் எந்த தமிழனுக்கும் தமிழ்நாட்டில் ஆதரவு சுத்தமாக வராது, இதுதான் தமிழக அரசியல்

இனியாவது தமிழகம் திருந்தி நல்ல தமிழருக்கு ஆதரவாக திரும்பட்டும், தேசியம் செழிக்கட்டும் தேசம் வளரட்டும்)

Image may contain: one or more people, beard, eyeglasses and closeup
—————————————————————————————————————————————–

 

இதோ நம்பி நாரயணன் எனும் தமிழ் விஞ்ஞானி, 25 ஆண்டு போராட்டத்தில் வென்றிருக்கின்றார், தன் மீதான களங்கம் துடைக்கபட்டு நஷ்ட ஈடும் பெற்றிருக்கின்றார்

இவரை தாக்கி சிறைபடுத்தியது கேரள காவல்துறை, டெல்லியில் இவர் வழக்கு நடத்தி போராடியது 20 ஆண்டுகள்

ஒரு குரல் இவருக்கு ஆதரவாக தமிழகத்தில் வந்திருக்கும்? வராது ஏன் என்றால் இவர் அப்படித்தான்

இதுவே தாழ்த்தபட்ட சாதிக்காரன் ஒருவனை கேரள போலிஸ் அடித்திருந்தால், இப்படி வழக்கு நடந்திருந்தால் தமிழகம் எப்படி எல்லாம் பொங்கும்?

திராவிட அடிமைத்தனம் என்பார்கள், பெரியார் மண் என்பார்கள், ஆளாளுக்கு குதிப்பார்கள் குட்டிகரணம் அடிப்பார்கள்

தமிழுக்கோர் அநீதியா, தனிநாடே தீர்வு என்றெல்லாம் கிளம்புவார்கள்

ஆனால் அப்பாவி தமிழனுக்கு பெரும் அநீதி என்றால் அவன் மாபெரும் விஞ்ஞானியாக இருந்தால் கூட இங்கு சிறுசலசலப்பும் வராது

விமானத்தில் சோபியா.. என பொங்குபவர்கள் இந்த ராக்கெட் விஞ்ஞானிக்காக ஒரு குரல் எழுப்புவார்கள்?

மாட்டார்கள்

தமிழகத்தில் அறிவாளிகள் பிறக்க கூடாது, பிறந்தாலும் நாட்டுபற்றோடு இருக்கவும் கூடாது

இந்த தமிழக அரசியல் அயோக்கியதனம், போலி பெரியாரிஸ்ட் தனம், அய்யகோ தமிழனுக்கு அநீதி என செய்யும் அட்டகாசம் எல்லாம் ஒழிக்கபடாமல் தமிழகத்திற்கு விமோசனமே இல்லை

சென்னை ஜார்ஜ் கோட்டை

சென்னை கோட்டையினை வெள்ளையர் கட்டி பியாபாரம் செய்து, பின் ஆட்சிக்கு வந்தபின் அக்கோட்டை முக்கியத்துவம் வாய்ந்ததானது, அன்று தென்னிந்தியாவின் தலமை செயலகம் அதுதான்.

அன்று கிழக்கிந்திய கம்பெனி யாருக்கும் கட்டுபடாத கம்பெனி, இந்தியாவில் அது கிளப்பிவிட்ட ஊழலும், கையூட்டும் கொஞ்சமல்ல, கிளைவ் வரும்பொழுது அது அப்படித்தான் இருந்தது

இந்த லஞ்சமும் ஊழலும் ஜார்ஜ் கோட்டையின் ஒரு அம்சமாகவே அதன் தொடக்கத்தில் இருந்திருக்கின்றது, இன்றும் அப்படித்தான் இருக்கின்றது

சென்னை கோட்டை அந்த லஞ்சம் மற்றும் கொள்ளைபணத்த்தால் நிரம்பி கிடந்திருக்கின்றது

அப்பொழுது கிளைவிற்கு முன்பே 1700களில் தலமை செயலாளராக‌ வந்தவர் யேல்,

வந்து என்ன செய்தார்? வழிகாட்டினார், யாருக்கு? இன்றுள்ள அரசியல்வாதிகளுக்கு

குட்கா ஊழல் வரை யேல் என்பவரின் தொடர்ச்சியே

ஆம், சென்னை கோட்டையில் முதன் முதலில் ஊழலில் ஈடுபட்டவர் என வரலாறு அவரைத்தான் சொல்கின்றது, மிக கடுமையான ஊழல் பேர்வழி அந்த ஏல்

ஒரு கட்டத்தில் தமிழக அரசு போல் கிழக்கிந்திய கம்பெனி திவாலாக, கடைசியில் கம்பெனி பணத்தை சுருட்டியது யேல் என்பவர் என்பதை கண்டுபிடித்தார்கள்

கொள்ளையடிக்க இந்தியா வந்த கம்பெனிக்காரன் தன்னிடமே ஒருவன் கொள்ளையடித்தால் விடுவானா? விரட்டினான்

ஆனால் யேல் அமெரிக்கா தப்பினார், அங்கு ஒரு கல்லூரி தொடங்கினார் , பின் அது பல்கலைகழகமாயிற்று அதன் பெயர் யேல் பல்கலைகழகம்

இந்த யேல் பற்றிய ஊழல் குறிப்புகளும் இன்னும் ஏராள குறிப்புகளும் சென்னை மியூசியத்தில் சிக்கின, இப்படிபட்ட கீழ்தரமானவனா யேல் என மேற்குலகம் ஒருமாதிரி பேசிற்று

பிரிட்டனுக்கும் அமெரிக்காவிற்கும் மோதல் தொடங்கியபொழுது யேலின் பல்கலைகழக பெயரை கெடுக்க இக்குறிப்புகளை பயன்படுத்தியது பிரிட்டன்

யேலின் குறிப்புகள் சென்னை கோட்டையிலேதான் இருந்தது, சுதந்திரத்திற்கு பின்பும் அங்குதான் இருந்தது

தாமதமாக தெரிந்துகொண்ட யேல் பல்கலைகழத்தினர் அதனை மீட்க நினைத்தபொழுது இந்தியா கொடுக்கவில்லை. என்ன இருந்தாலும் தங்கள் நிறுவணர் ஊழல்வாதி என்பது அவர்களுக்கு அவமானம் அல்லவா?

பின் என செய்தது? அண்ணாவிற்கு டாக்டர் பட்டம் கொடுத்து ஐஸ் வைத்தது, அண்ணா ஆட்சிக்கு வந்தபின் அந்த யேல் பற்றிய குறிப்புகளை, அவர் கைபட எழுதிய பிரதிகளை சென்னையில் காணவில்லை

ஏன் எப்படி என நீங்கள் கேட்க கூடாது, காணவில்லை அவ்வளவுதான்

ஆக சென்னை கோட்டையில் முதல் ஊழல் செய்த தலமை செயலாளர் யேல், பின் அவரின் குறிப்புகள் அண்ணா காலத்தில் மர்மமாயின‌

அதே சென்னை கோட்டையில் இப்பொழுது ஏராளமான ஊழ ல் சர்ச்சைகள் வருகின்றன‌ , ஆனால் ஆட்சி அண்ணா திமுகவுடையது

சென்னை கோட்டையினை உலுக்கிய ஊழல் வழக்குகளில் யேலுக்கு பின் அண்ணா திமுக சிக்கிவிட்டது

இந்த ஊழல்பேர்வழியான யேலுக்கும் அண்ணா பெயருக்கும் சென்னை கோட்டைக்கும் ஏதோ பூர்வஜென்ம தொடர்பு இருக்கின்றது

அதிமுகவினரை தப்ப விட்டால் என்னாகும்?

தப்ப விட்டிருந்தால் கனடாவிலோ, நியூஸிலாந்திலோ இவர்கள் பல்கலைகழகம் கட்டியிருக்கலாம், பின் அவர்கள் பன்னீர்செல்வத்திற்கும் சசிகலாவிற்கும் பழனிச்சாமிக்கும் டாக்டர் பட்டம் அளித்திருப்பார்கள், எல்லாம் நடந்திருக்கும்

நாமும் டாக்டர் பன்னீர் செல்வம், டாக்டர் சசிகலா, டாக்டர் பழனிச்சாமி என அழைத்துகொண்டிருப்போம், இந்த பாழாய்போன வருமான வரிதுறை எல்லாவற்றையும் கெடுத்துவிட்டது.

என்ன விசித்திரமோ?

கலைஞர் ஆட்சியில் ஒரு கட்டை பீடியோ, அரை கிலோ உப்பு காணாமல் போனாலே ஆட்சியினை டிஸ்மிஸ் செய் என கொடிபிடிப்பவர்கள் இந்த மாபெரும் ஊழலிலும் அவமானத்திலும் வாயே திறக்கவில்லை

அது ஆச்சரியமல்ல‌

திமுகவே அதுபற்றி ஒரு குரலும் எழுப்பவில்லை என்பதுதான் ஆச்சரியம்

என்ன மர்மமோ

யேல், யேல் ஊழல், பல்கலை கழகம், அண்ணாவின் டாக்டர் பட்டம், யேல் குறிப்புகள் காணாமல் போகுதல் என திராவிட கட்சிகளுக்கும் யேலுக்கும், அண்ணாவிற்கும், அண்ணா திமுகவிற்கும் உள்ள தொடர்புகள் ஏராளம்

ஒரே வித்தியாசம்

அன்று கிழக்கிந்திய கம்பெனி, இன்று அனைதிந்திய அதிமுக‌

மற்றபடி அதே சென்னை கோட்டை

அண்ணாவிற்கு உலகில் ஒரு பல்கலைகழகமும் டாக்டர் பட்டம் கொடுக்காதபொழுது, ஏன் சோவியத் ரஷ்யா கூட அவரை கவுரவிக்காதபொழுது அமெரிக்காவின் யேல் பல்கலைகழகம் மட்டும் ஏன் கொடுத்தது என்பதும், அதன் பின் சென்னையில் யேல் குறிப்புகள் காணாமல் போனது என்பதெல்லாம் பற்றி நாம் பேச கூடாது

Image may contain: 1 person

“அண்ணா நாமம் வாழ்க”

ச‌ரியாக வாராத தலை, உடல் பிடித்த கசங்கிய சட்டை,தூக்கிஎடுத்து கட்டிய வேட்டி, வாயில் வெற்றிலை கரை, கூடவே பொடி வாசனை, டெல்லி பாராளுமன்றத்தில் அவர் நுழையும்பொழுது அந்த தலமையகமே ஒரு மாதிரித்தான் பார்த்தது

அவர் பேச எழும்பொழ்து சபை சுழித்தது, பேச பேச ஆழ்ந்த அமைதியில் மூழ்கியது, இது ஒரு பெரும் அறிஞனின் பேச்சு என சபை நேரு தலைமையிலே மீண்டும் பேச சொல்லி அந்த தமிழனை வாழ்த்தியது,

டெல்லி என்ன டெல்லி?, உலக நாடுகளின் பெரும் பல்கலைகழகங்கள் எல்லாம், நகைகடையை சுற்றும் பெண்களை போல அவரை பேசவைத்து சுற்றி இருந்து கேட்டன, உரை முடிந்ததும் முனைவர் அல்லது அறிஞர் என கொண்டாடி மகிழ்ந்தன.

தமிழ்நாட்டில் தமிழ்தெரியாதவர்கள் கூட இருக்கலாம், ஆனால் அண்ணா பெயரை உச்சரிக்காதவர்கள் இருக்கமுடியாது, அண்ணா பல்கலை கழகம், அண்ணா சாலை,அண்ணா பஸ்நிலையம், அண்ணா தொழில்சங்கம், அண்ணா நூலகம், இன்னும் ஏகபட்ட அண்ணா அடையாளங்கள் உண்டு, கடலுக்கும், விண்மீனுக்கும் மட்டும்தான் தமிழகத்தில் இன்னும் அண்ணா அடையாளமில்லை,

அவரால் மட்டுமே வாழ்வு பெற்றவர்கள், அரசு சொத்துகளுக்கு எல்லாம் அவரின் பெயரை தாராளமாக குவித்தார்கள்.

அந்த தலைவர் ஏற்படுத்திய தாக்கம் அப்படி,சாதனை அப்படி, கரகரத்த குரலிலே சாதித்தவர், “தம்பி” என எழுதியும் அழைத்துமே தமிழகத்தை புரட்டியவர், காலம் கொடுத்த வாய்ப்புக்களை மிக சரியாக பயன்படுத்தி மிக பெரும் உயரங்களை தொட்டவர்.

அண்ணாவின் பின் செல்லாதவனுக்கு அறிவே இல்லை என்ற அளவு பெரும் படையினை அவரால் திரட்ட முடிந்தது. நான் ஆணையிட்டால் ரயில்கள் ஓடாது என சும்மா அவர் சொல்லவில்லை, இந்தி எதிர்ப்பில் செய்தும் காட்டினார்

ஆத்திக குடும்பத்தில் பிறந்தவர்தான், கல்லூரி படித்து பள்ளி ஆசிரியராய் பணிஏற்கும் வரை ஆத்திகர்தான், நீதிகட்சியில் சேர்ந்து பின்னர் பெரியாரின் சுயமரியாதை இயக்கம், திராவிடர் கழகம் என பெரியாரின் பாதையின் “தளபதி” (நாளைய தளபதி, இன்றைய தளபதி, புதிய தளபதி எல்லாம் நினைவுக்கு வரகூடாது) பெரியாரின் கருத்துக்களை தேன் தமிழில் குடிஅரசு,விடுதலை போன்ற பத்திரிகைகளில் எழுதுவார்,

பெரியாரின் மேடைகளில் பேசுவார் கொஞ்சம் கொஞ்சமாக பிரபலமானார்.

பெரியார் வித்தியாசமான தலைவர், கொள்கைகளில் கொஞ்சமும் சமரசம் செய்துகொள்ளாத முரட்டு பிடிவாதக்காரர் ஆனால் பெரும் செல்வந்தர். இந்தியாவின் சுதந்திரம் நெருங்க நெருங்க பெரியாருக்கும் அண்ணாவிற்கும், கருத்துவேறுபாடுகள் பெருகின.

அரசியல் வேண்டாம் என்பவர் பெரியார், அரசியல் கட்சி ஆகாமல் சாதிக்க முடியாது என்பவர் அண்ணா, முடிவு பெரியாரின் திருமணத்தை காரணம் காட்டி கிளம்பியது தனியாக மேடை போட்டது அண்ணாவின் குழு.

உண்மையில் அண்ணா பெரியார் என்ற கட்டுக்குள் இருந்து விடுதலை பெற்றார், விஸ்வரூபமெடுத்தார். பெரியாரின் இயக்கத்தில் சமூகபோராளியான அண்ணா, திராவிட நாடு வாங்கி தரும் விடுதலை வீரர் ஆனார்.

சுதந்திரம் வாங்கிய புதிது, அசைக்க முடியாத செல்வாக்கில் காங்கிரஸ் கட்சி, இந்த பக்கம் ஒரு பெரும் சமூகபுரட்சியே நடத்திகொண்டிருக்கும் பெரும் தனவான் பெரியார், இவர்களுக்கிடையில் தான் ஒரு ஏழை இயக்கமாக (அன்றுமட்டும், சத்தியமாக இன்றல்ல), சம்பத் தவிர பணக்காரர் என யாருமில்லாத ஒரு சாமான்ய இயக்கமாகத்தான் தி.மு.க வினை தொடங்கினார்.

பணமோ, பெரும் பின்புலமோ இல்லையே தவிர கட்சி அனுபவமிருந்தது, தமிழ் இருந்தது, பெரும் எழுத்தாற்றலோடு பன்மொழி புலமை இருந்தது, அண்ணா மிகவேகமாக வளர்ந்தார், கொஞ்சம் கொஞ்சமாக கட்சியும் வளர்ந்தது.

தாவி வரும் நீரோடை போல அழகான தமிழோட்டம், வரிக்கு வரி பொருத்தமான உவமைகள், பதமான வார்த்தை பிரயோகம் எதிராளியையும் கட்டிபோடும் சொல்வித்தைகள் எல்லாம் மிக அழகாக வாய்த்த அவர் எஸ்கலேட்டர் வேகத்தில் வெற்றிபடிகளில் ஏறினார், யாரையும் காயபடுத்தாத ஆனால் ஏற்றுகொள்ளகூடிய சொற்களில் வார்த்தைகளை அடுக்கும் அந்த கலை அவரை தவிர யாருக்கும் வராது,

அவர் ஆரம்பித்த இயக்கத்தின் தொடக்க கால பேச்சுக்கலை அப்படி, பின்னாளில் ஹிஹிஹிஹிஹி அதுவும் வெற்றிகொண்டான், தீப்பொறி ஆறுமுகம் எல்லாம் உவ்வே

இன்று நாஞ்சில் சம்பத் வரை வந்து நிற்கின்றது.

அதுவரை சினிமா என்பது வெறும் பொழுதுபோக்கு, அதனையும் கட்சி சார்பாக மாற்றிய சாதுர்யம் அண்ணாவினையே சேரும், இன்றளவும் தமிழ்சினிமா அரசியலை மிரட்டிகொண்டிருக்கின்றது என்றால் அதற்கு பிள்ளையார் சுழி போட்டது அண்ணவே. அவர்தான் அவர் ஒருவர்தான்

இந்தியாவில் வேறு எங்கும் காண முடியாது, மம்முட்டியோ அல்லது அமிதாப்பச்சனோ சாதிக்கமுடியும் என கருதுகின்றீர்கள்?,ஆனானபட்ட ஜாக்கிசானால் கூட சைனாவில் முடியாது.

தமிழகத்தை தவிர உலகில் வேறு எங்கும் முடியாது

சில பெரிய தலைவர்களும் மனிதர்களே அவர்கள் நல்லதாக நினைத்து செய்யும் காரியங்கள் பெரும் இன்னல்களை கொடுக்கும், இன்று தமிழகத்தை கெடுக்கும் சீமை முள்மரங்கள் இவ்வளவு பெரிய இடைஞ்சலை கொடுக்கும் என காமராஜர் எண்ணியிருப்பாரா? அதே தான் சினிமா பெரும் பாதிப்பை தமிழகத்தில் கொடுக்கும் என அண்ணாவும் எண்ணியதில்லை.

எப்படியும் திராவிட நாட்டை அடைந்தே தீருவோம் (கேரளா, ஆந்திரா,கன்னடம், தமிழகம் என நான்கு மாநிலங்களையும் அடக்கியது) என புறப்பட்ட அண்ணாவினை தமிழகம் நம்பியது, கவனியுங்கள் தமிழகம் மட்டும் நம்பியது மற்ற மாநிலங்கள் மொழிவாரியாக பிரிந்து திராவிட சித்தாந்தைதேயே மறந்தன,

ஐதராபாத் சமஸ்தானமும், காஷ்மீரும் இந்தியாவுடன் இணைக்கபடும் பொழுதே அண்ணாவுக்கு உண்மை விளங்கிற்று வாய்புக்காக காத்திருந்தார்,அவரது பேச்சின் உவமை தானாக அமைவது போலவே, பொதுவாழ்வில் வாய்பும் அமையும்.

சீனப்போர் பெரும் வாய்ப்பாயிற்று.

தனிநாடு முடிவினை கைவிடுகின்றோம் என்று அறிவித்து தமிழக அரசியலில் தீவிர கவனம் செலுத்தினார், திரை கலைஞர்கள், பத்திரிகை, கல்லூரி மாணவர்கள் என எல்லோருடைய இதயங்களிலும் இடம்பிடித்தார்.

சில குறைகளும் உண்டு, கடவுள் நம்பிக்கையை சாடுகின்றோம் என்று கம்பனை அவர் பழித்தது கொஞ்சமல்ல, பெரும் கவிஞனான அவனது படைப்பும் பழிக்கபட்டது, பிராமணர் என்ற காரணத்திற்காய் பாரதியாரும் கவனம் பெறவில்லை.குறளின் சில பக்கங்கள் தவறான அர்த்தமிடபட்டது,

இன்னும் சில குறைகள் இருந்தாலும் உண்மையில் ஒரு பெரும் புரட்சிக்கு அடிகோலினார்.

கட்சி நடத்துவது எவ்வளவு கடினம் என கண்டுகொண்டவர், ஏதோ சமீபத்தில் தி.மு.கவில் உட்கட்சி குழப்பம் தாண்டவமாடுவதாக பத்திரிகைகள் எழுதி தள்ளும், உண்மையில் அந்த கட்சி தொடங்கியதில் இருந்தே குழப்பம்தான், முடிந்த வரைக்கும் முயற்சித்தார் அண்ணா,

திரைகலைஞர்களை கட்சியில் வளரவிடுவது நல்லதல்ல என சொன்ன சம்பத்தும் அவரது ஆதரவாளர்களும் தனிகட்சி கண்டனர், ஆனாலும் சமாளித்து வெற்றி பெற்றவர் அண்ணா.

இரண்டாம் இந்தி எதிர்ப்பு போராட்டம் தமிழக அரசியலில் அவருக்கு திருப்புமுனையை கொடுத்தது, 100க்கும் மேற்பட்ட உயிர்களை இழந்து பெரும் ரத்தகளரியான அந்த போராட்டம் அண்ணாவின் மேல் ஒரு பரிதாபத்தினை ஏற்படுத்தியது.

மக்கள் அவரை அப்படி நம்பினர், துருக்கியின் கமால் பாட்சா, ரஷ்யாவின் லெனின், மாமேதை இங்கர்சால், கிரேக்கத்தின் சாக்ரடீஸ் எல்லோரும் மொத்தமாய் உருவான மனிதர் அண்ணா என கொண்டாடினார், சில இடங்களில் அண்ணாவும் மெய்பித்தார்.

அன்றைய காமராஜரை வீழ்த்தியது பெரும் ஆச்சரியமே, ஒரு குறை சொல்லமுடியாத தலைவர், டெல்லி தாண்டியும் செல்வாக்குள்ளவர், அவரையே வீழ்த்தும் ஒரு புரட்சியினை அண்ணா நடத்தினார்.

ஒரு வழியாக அவரே எதிர்பாராத வகையில் முதல்வரானார், காமராஜரிடம் ஆசியும், பக்தவத்சலத்திடம் வாழ்த்தும் வாங்கிய பெரும் பண்பாளர்.

2 எம்.ஏ பட்டம் பெற்றவரல்லவா? அவரது பொறுப்பு அவருக்கு புரிந்தது, காமராஜரையே புறக்கணித்து மக்கள் தன்னை தேர்ந்தெடுத்திக்கிறார் என்றால், தான் எவ்வளவு சிறந்த ஆட்சியை கொடுக்கவேண்டும் என்ற கவலை உண்டாயிற்று,

கட்சிகாரர்களுக்கு அந்த கவலையே இல்லை, அண்ணா கடுமையாக உழைத்தார், மக்கள் நம்பிக்கையை காப்பாற்ற முடிந்த மட்டும் போராடினார், ஆனால் உடல்நலம் குன்றிற்று.

சொன்னபடி ரூபாய்க்கு மூன்றுபடி அரிசியை வழங்க முடியவில்லை (காமராஜரும் வழங்க முடியாது என்றுதான் சொன்னார்), சாராய கடைகளை திறந்தால் வழங்கமுடியும் என்று அவருக்கு கலைஞரால் சொல்லபட்ட ஆலோசனையை சினந்து புறக்கணித்தார்.

“ஒருவர் வாழ ஓராயிரம் குடும்பத்தை அழிக்கும் அந்த பாவச்செயலை நான் செய்யவே மாட்டேன், கழகமும் செய்யாது” என்றார்.

தான் காலம்காலமாக சொன்ன சில தீர்மானங்களை செயல்படுத்தினார், அதில் சீர்திருத்த திருமணத்தினை சட்டமாக்கியதும் ஒன்று, திராவிட நாட்டு கோரிக்கையை கைவிட்டதை மறைக்க சென்னை மாகாணத்தை “தமிழ்நாடு” என அறிவித்து வித்தை செய்தார்.

இந்தியாவின் மாநில கட்சிகள் தேசிய கட்சியை தூக்கி எறியமுடியும் என செய்துகாட்டியவர் அவர்தான்.

1960களில் இந்தியாவில் மூன்றாவது அணி முப்பதாவது அணி, இல்லை தேர்தலில் மட்டும் கூட்டணி போன்ற குழப்பங்கள் இருந்திருந்தால் நிச்சயமாக சொல்லலாம் ஒரே தமிழ் பிரதமர் என்ற வாய்ப்பு அண்ணாவிற்கு கிடைத்திருக்கும், ஆனால் காலம் அப்படியல்ல, நேரு கிட்டதட்ட அரசர்.

முதலில் திராவிடத்தையே காப்பவராகவும், பின்னர் தமிழனத்தை காக்கும் போராட்ட தளபதியாக அறியபட்ட அண்ணாவிற்கு காலம் பல உண்மைகளை உணர்த்தியது, டெல்லியினை எதிர்த்து அரசியல் செய்வதிலும் அதில் உள்ள சிக்கல்களையும் உணர்ந்தார், கன்ன்டன் கன்னடனாக,
தெலுங்கன் தெலுங்கனான, மலையாளி மலையாளியாக ஆனால் இந்தியனாக இருக்கும் பொழ்து நாம் மட்டும் திராவிடனாக டெல்லியை பகைத்துகொண்டோம் என்று சில சிக்கல்களுக்கும் ஆளானார்.

ஆட்சியிருந்தது வெறும் 20 மாதங்கள் தான், அதுவும் ஆட்சிக்கு வரும்பொழுதே நோயுடன் தான் வந்தார், ஒரு பக்கம் நோயோடு போராடினார், ஒரு பக்கம் கட்சியோடு போராடினார், மறுபக்கம் ஆட்சிநடத்த நிதிவேண்டி டெல்லியோடு போராடினார், ஆனால் அந்த நிலையிலும் உண்ர்ச்சிவசபடவில்லை நிதானமாக நடந்தார்,

அந்த நிதானமே அவரின் சிறப்பு.

அவரது மறைவுக்கு பின்னரே தமிழகம் பல இன்னல்களை சந்திக்க தொடங்கியது, மதுக்கடைகள் திறக்கபட்டன, சினிமா தமிழக அரசியலை ஆட்டுவிக்கும் சக்தியானது, கல்வி கொள்ளைகள், இன்னும் பலவகையான முறைகேடுகளும் தலைதூக்கின.

அண்ணாவோடு அவரின் கொள்கைகளும் மறைந்தன,

எந்த டெல்லி காங்கிரசை எதிர்த்தாரோ, அதே காங்கிரசுக்கு தமிழகத்தில் கூட்டணி கொடுமைகள் அரங்கேறின, தமிழக தலமைகளை கட்டுக்குள் கொண்டுவரும் வித்தைகளை டெல்லி அழக்காக கற்றது, தமிழ கட்சிகளை கவனித்த டெல்லி, தமிழக மக்களை பற்றி அதிகம் கண்டுகொள்ளவில்லை.

இன்னொன்று அமெரிக்காவுடனான அண்ணாவின் நெருக்கம் சந்தேகத்திற்குரியதாயிற்று, இந்திய பிரிவினையினை ஊக்குவித்த அந்த நாட்டுடன் அதுவும் பனிப்போர் பாலத்தில் அண்ணா காட்டிய நெருக்கமும் சில சந்தேகங்களை வளர்த்தன‌

(பின்னாளைய திமுக, திக எல்லாம் புலிகளை விழுந்து விழுந்து ஆதரித்ததும், 2001 க்கு முன்பு வரை புலிகளுடன் அமெரிக்காவிற்கு இருந்த நெருக்கமும் கொஞ்சமல்ல‌

அந்த ஒருங்கிணைப்புதான், இந்த வலைப்பின்னல்தான் ராஜிவினை தமிழக மண்ணில் கொல்லுமளவிற்கு புலிகளுக்கு தைரியம் கொடுத்தது எனும் தியரியும் உண்டு

இவை ஒரு வகையான இந்திய, ஆசிய மற்றும் உலக அரசியல்)

ஆனால் தமிழகமோ அண்ணா பின்னாலே நின்றது.

பின் டெல்லி வாக்களிக்கும் கன்னட,கேரள மக்கள் பக்கம் சாய ஆரம்பித்தது, காவேரி, பெரியாறு என சகல பிரச்சினைகளிலும் தமிழகம் ஓரம்கட்டபட்டது, ஏற்கனவே திராவிட நாடு கேட்டவர்கள், பின்னாளில் தமிழ்நாடு என மாநிலத்திலே “நாடு” கொண்டிருப்பவர்கள், என தமிழகத்தினை வேறுமாதிரி குறித்தது டெல்லி,

அது காங்கிரசோ,ஜனதாவோ அல்லது பாரதீய ஜனதாவோ ஆட்சி மாறுமே தவிர டெல்லியின் கொள்கை மாறாது, குறித்துவைத்தது மாறாது.

அந்த குறிப்புதான் தமிழகத்தை கெடுத்ததோ இல்லையோ, ஈழம் என்றொரு நாடு அமைவதை கெடுத்தது, சகல வாய்ப்புகளும் அமைந்தபொழுதும் இந்தியா அந்த “திராவிட நாடு” கோரிக்கை இருந்ததை கொண்டே ஈழத்தினை விரும்பவில்லை,

ஆனால் தமிழகம் போல ஒரு ஈழ மாநிலத்தை இந்தியா விரும்பிற்று, இறுதியில் யார் விரும்பியதும் நடக்கவில்லை, ஜெயவர்த்தனே விரும்பியது மட்டும் நடந்தது.

மிகசிறந்த அறிவாளி, எழுத்துலகில் புது புரட்சியும், பேச்சுலகில் புது எழுச்சியும் கொண்டுவந்தவர், பெரும் பண்பாளர், காலத்திற்கும் நிலைக்கும் புகழ்மிக்க வாக்கியங்களுக்கு சொந்தக்காரர், பெரியார் போல ஒரு சமூக போராளியாக நின்றிருந்தால் இன்னமும் வெற்றி பெற்றிருப்பார், மக்கள் அவரை அரசியல்வாதியாய் ஏற்றுகொண்டதும் சரி,

ஆனால் மிக விரைவில் இறந்ததுதான் மாபெரும் தமிழக சோகம், ஆயுள் மட்டும் கூடுதலாக இருந்திருந்தால் தமிழக அரசியலில் சில விபத்துக்கள் நடந்திருக்காது.

பொதுவாக இந்தியாவில் அதுவும் தமிழகத்தில் நல்லவர்கள் விரும்புவது மட்டும் நடக்கவே நடக்காது, அண்ணா கண்ட தமிழகம் இது அல்ல, மதுவிற்கும் ஊழலுக்கும் அவர் எதிரி, அரசு வேறு, கட்சி வேறு,குடும்பம் வேறு என்பதில் உறுதியாய் இருந்தார்,

எதிர்கட்சிதான் நமது ஆட்சியின் அளவுகோல் என்பதில் மிக உறுதியாய் இருந்தார், யாரையும் காயபடுத்தாத ஒரு உயர்ந்த குணம் அவரிடம் இருந்தது.

ஒரு அழகான அறிவு பேழை அது, காலம் பார்த்து இறைவன் தமிழகத்திற்கு வழங்கிய கொடை அது, மகாபாரத கர்ணன் போல அது இருந்த இடம் வேறு, ஒரு சரியான இடத்திற்கு வரும்பொழுது அது உடைந்துவிட்டது.

அதோடு ஒரு நாகரீகமான சமுதாயத்தின் வீழ்ச்சியும் ஆரம்பமாயிற்று.

காமராஜர் வீழ்ந்ததும், அவரை வீழ்த்திய அண்ணா இறந்ததும் இரு பெரும் குண்டுகளாய் தமிழகத்தை தாக்கின, விளைவு நீங்களும் நானும் காணும் தமிழகம், அண்ணா பாணியில் சொல்வதென்றால்

“ஏ தாழ்ந்துகொண்டிருக்கும் தமிழகமே”.

தமிழனினத்தினை தாங்கி நிற்கு இயக்கத்தை உருவாக்க எண்ணி, நவீன தமிழுக்கும் தொண்டாற்றி, தமிழுக்கே புதுவடிவம் கொடுத்து, அரசியலுக்கும் வந்து காலத்திற்கும் தமிழினம் நிமிர்ந்து நிற்கும் சாதனைகளை செய்ய வேண்டியவர், காலத்தால் வங்க கடலோரம் தூங்க சென்றுவிட்டார்.

அவரது கொள்கைகள் அண்ணா சாலை வழியாக எல்லா பஸ் நிலையங்களுக்கும் ஏற்றுமதியாயிற்று, அவரது வழியாய் திராவிட பெருமையை மீட்க வந்தவர்கள் எல்லாம், திராவிடத்தை மீட்கபோன வழியில் கிடைத்த தங்கத்திலே தங்கிவிட்டார்கள், கல்வி முதல் மருத்துவம் வரை தங்கம் கொட்டும் தமிழகம் இது, டாஸ்மாக் வேறு வைரமழை பொழிகிறது.

சென்னை விமான நிலையத்தில் பெரிதாக வீற்றிருக்கும் பிரமாண்ட அண்ணாவின் படம் கூட‌, திடீர் திடீரென் இடிந்து விழும் விமான நிலையத்தை கண்டபடியே கண்ணீர் சிந்திக்கொண்டிருக்கின்றது.

“விதியே, விதியே, தமிழச் சாதியை
என்செய நினைத்தாய் எனக்குரை யாயோ?”
இது அண்ணாவினை நினைக்கும் பொழுது ஒவ்வொரு தமிழனனின் காதிலும் வந்து ஒலிக்கும் வாக்கியம்.

இன்று அண்ணாவின் பிறந்த நாள்,

அண்ணாவிற்கு பின் கலைஞர் அண்ணா காட்டிய வழி என ஒன்றை அடிக்கடி குறிப்பிடுவார், அது என்ன வழி என இதுவரை யாருக்கும் தெரிவதில்லை,ஒரு வேளை கோட்டைக்கு செல்லும் வழியாக இருக்கலாம்

ராமச்சந்திரனோ அண்ணாயிசம் என ஒரு கொள்கை வைத்திருந்தார், அது கேப்பிடலிசம், கம்யூனிசம், சோஷலிசம் மாதிரி பெரிய கொள்கையா? அதன் கோட்பாடு என்ன என்று இறுதிவரை அவர் சொல்லவே இல்லை

ஆனால் நான் பின்பற்றுவது அண்ணாயிசம் என அடிக்கடி சொல்லிகொள்வார், என்ன இசமோ? எல்லாம் இம்சை.

ஒருவேளை அவர் படங்களில் வரும் “அண்ணா…………..” அல்லது “அண்ணா நாமம் வாழ்க” என்பதாக இருக்கலாம் என்ன நாமமோ ஆனால் அதனால் தமிழகத்திற்கு கிடைத்தது பட்டை நாமம்.

இன்று அவர்பெயரில் இருப்பதுதான் தமிழக ஆளும் கட்சி, அசைக்க முடியா கட்சி, கடந்த 50 வருடங்களாக அவர் பெயரினை சொல்லித்தான் தமிழக ஆட்சி அமைந்துகொண்டிருக்கின்றது

ஆனால் அவர் கொள்கைகளுக்கும் ஆட்சிக்கும் வெகுதூரம், டாஸ்மாக் ஒன்றே உதாரணம்

அவர் நாத்திகர்தான் ஆனால் “பிள்ளையாரை பிடிக்கபோய் குரங்காய் முடிந்தது” எனும் பழமொழி அவரின் அரசியல் முயற்சிக்கே பொருந்தும்

எதனையோ அவர் செய்யபோக, எல்லாம் நாசமாகி தமிழ்நாடு சினிமா மயமாகி இன்னும் மகா மோசமாகி மீளா துயிலில் கிடக்கின்றது.

லெனினுக்கு பின் ஸ்டாலின் வந்தார் சோவியத் எழுச்சி கண்டது, மாவோ பின் டெங் ஜியோ பிங் சீனாவினை தாங்கினார். கென்னடிக்கு பின் ரீகன் உலகினை கலக்கினார் இப்படி ஒவ்வொரு தலைவனுக்கு பின்னும் சுயநலமற்ற தலமைகள் வந்து தம் இனத்தை காத்தன‌

ஆனால் அண்ணாவிற்கு பின் அப்படியான சிந்தனையாளர்களும், செயல்வீரர்களும் வரவில்லை. வந்ததெல்லாம் கலைஞர், புர்ச்சி தலைவன் , புர்ச்சி தலைவி, வைகோ. கருப்பு எம்ஜிஆர், சின்ன எம்ஜிஆர், சசிகலா, தினகரன், பழனிச்சாமி என அழிச்சாட்டியங்கள்

உலக விதி அப்படி, நமது தமிழக தலைவிதி இப்படி

ஆனால் அண்ணா என்பவர் தமிழகத்தின் பெரும் புரட்சியின் அடையாளம் என்பதில் மட்டும் சந்தேகமே இல்லை, அவர் திரட்டிய மக்கள் சக்தி அப்படி, அவர் அமைத்து காட்டிய இந்தியாவின் முதல் மாநில கட்சி ஆட்சி அப்படி.

வங்க கடலோரம் அதனை கண்டு கண்ணீர் விட்டு கொண்டிருக்கின்றது அண்ணா சமாதி

அணுகுண்டு தத்துவத்தை சொல்லிவிட்டு அணுகொடுமையை காண சகிக்காமல் அழுத ஐன்ஸ்டீனுக்கும், திராவிட அரசியல் தீயை பற்றவைத்த விட்டு காமராஜர் சரியும் பொழுது கண்ணீர் விட்டழுத அண்ணாவின் நிலைக்கும் , அழுதுகொண்டிருக்கும் அந்த சமாதிக்கும் எந்த வித்தியாசமுமில்லை.

வடகொரியா சமத்துவம் பூத்துகுலுங்கி உலகிற்கே முன்மாதிரியாக இருக்கவேண்டும் என கனவு கண்டவர் அதன் முதல் தலைவர் கிம் சுங், அப்படித்தான் அவர் ஆட்சியினை பிடித்து நாட்டை நடத்தினார்

ஆனால் அவரின் வாரிசான இன்றைய கிம் அந்நாட்டை கெடுத்து வைத்திருப்பது கொஞ்சமல்ல, விரைவில் பெரும் அழிவினை சந்திக்கபோகும் நாடு, மக்கள் எல்லாம் இன்று அடிமை கூட்டம்

அதே தான் தமிழக நிலையும்

அந்த கிம் சுங் இடத்தில் அண்ணாவினை வைக்கலாம், அந்நாளைய வடகொரியாவினை வைக்கலாம்,இன்றைய அண்ணா அரசியல் வாரிசுகளை அதே இன்றைய வடகொரிய அழிச்சாட்டிய அதிபரின் இடத்தில் வைக்கலாம், பின் தமிழகம் தமிழக மக்கள் என்ன இடம்?

அதே தான் இரண்டும் பரிதாபத்திற்குரியன, இரு தேச மக்களும் பரிதாபத்திற்குரியவர்கள்

வடகொரியர்களுக்காவது தேர்தல் இல்லை, உரிமை இல்லை பரிதாபம். ஆனால் எல்லாம் இருந்தும் இப்படியே இருக்கும் தமிழனின் நிலை

அவர்களை விட பெரும் பரிதாபமில்லையா?

அப்படியானால் இவர்களை வாழவைக்க முடியும் என கனவு கண்ட அண்ணா எவ்வளவு பரிதாபத்திற்குரியவர்?.

கட்சி என்பது எவ்வளவு தொலைநோக்குடன் நடத்தபடவேண்டியது, மக்கள் நலன் எவ்வளவு முக்கியமானது, ஆட்சி எவ்வளவு முக்கியமானது,

திரட்டபட்ட மக்கள் சக்தியினை தவறான கரங்களில் ஒப்படைத்தால் என்ன ஆகும் என்பதனையே அண்ணாவின் வாழ்வு குறிப்பிடுவதாக அமைந்துவிட்டதுதான் தமிழக சோகம்.

Image may contain: 1 person
—————————————————————————————————————————————-

 

அன்ணாவின் பிறந்த நாளுக்கு எல்லாரும் அஞ்சலி செலுத்துகின்றார்கள் ஆனால் இந்த திரையுலகம மட்டும் மிஸ்ஸிங்

உண்மையில் அவர்கள்தான் அவருக்கு மகா அஞ்சலி செலுத்தவேண்டும்

தீண்ட தகாததாகவும், சமூக மதிப்பே இல்லாமலும், கூத்தாடிகள் என இழிவாக பார்க்கபட்ட அத்துறையினை அரவணைத்த முதல் அரசியல் தலைவர் அவர்தான்

இதனால் பால்ய நண்பர் சம்பத்தின் பிரிவு வரை சம்பாதித்தார்

உழவன், பாட்டாளி, கூலி தொழிலாளி நிறைந்த இக்கட்சியில் கூத்தாடிகளும் இருந்தால் என்ன என முதலில் சேர்த்தது அவர்தான்

அவர்களுக்கு திரைகலைஞர்கள் என்ற பெயரை கொடுத்ததும் அவர்தான்

அவராலே பல திரைகலைஞர்கள் அரசியலுக்கு வந்தனர், அந்த பாதையினை திறந்துவிட்டவரே அவர்தான்

எங்கோ ஒய்வுபெற்ற நடிகனாக மறைந்திருக்க வேண்டிய ராமசந்திரனும், இன்று காஞ்சனா , சரோஜாதேவி வரிசையில் இருந்திருக்கவேண்டிய ஜெயா புரட்சி தலைவி ஆகவும் வழிகாட்டியவர் அவரே

கொத்தமங்கலம் சுப்பு, திருவாருர் தங்கராசு போன்றோர் வரிசையில் இருந்திருக்க வேண்டிய கருணாநிதி, கலைஞர் கருணாநிதியாக வந்ததும் அண்ணா என்பவராலே

இன்று வந்திருக்கும் சிஸ்டம், மய்ய்யம், இளைய தலைவலி, இன்னபிற நடிகர் நடிகையருக்கெல்லாம் வழிகாட்டியவர் அந்த அண்ணா

ஆனால் வழக்கம்போல் நன்றிகெட்ட திரையுலகம் அவரை நினைக்கவே இல்லை

வெளிநாட்டில் இருக்கும் இந்திய தூதரங்கள்

வெளிநாட்டில் இருக்கும் இந்திய தூதரங்கள், அங்கு பணியாற்றும் இந்தியர் நலனுக்காக இயங்குபவை என சொல்ல்படுகின்றது, அவர்களை தவிர யார் இந்தியருக்கு உதவ முடியும்?

எனக்கு 2009ல் திருமணமானது, அதை சென்னை அரசு அலுவலகத்தில் பதிந்து சான்றிதழும் வாங்கியாயிற்று, மூத்தமகளுக்கு அதை காட்டி 2011ல் பாஸ்போர்ட்டும் வாங்கிஆயிற்று

இப்பொழுது மகனுக்கு பாஸ்போர்ட் வாங்க சென்றால் திருமண சான்றிதழ் செல்லாதாம், 2011ல் இதே சான்றிதழுக்குத்தானே கொடுத்தீர்கள் என்றால் அந்த அதிகாரியோடு மல்லுகட்ட முடியவில்லை

அவருக்கு ஆங்கிலம் தெரியவில்லை, எனக்கு இந்தி தெரியவில்லை

அவர் அரைகுறை ஆங்கிலத்தில் சொன்னது இதுதான், அவர்கள் சட்டதிட்டத்தை எல்லாம் மாற்றிவிட்டார்களாம், 2015க்கு பின் சட்டம் இதுதானாம்

சரி 2009ல் செய்த திருமணமும் , 2011ல் பெற்ற குழந்தையும் செல்லாதா? இதர்காக நான் இன்னொரு முறையா திருமணம் செய்யமுடியும் என கேட்டால் பதிலே இல்லை

முடிந்தவரை மல்லுகட்டியாயிற்று, இந்தியா சென்று சான்றிதழ் வாங்கி வா இல்லை என்றால் பையனுக்கு பாஸ்போர்ட் இல்லை என்கின்றார்கள்

இந்தியாவில் விசாரித்தால் கணவன் மனைவி இருவரும் வரவேண்டுமாம், பாஸ்போர்ட் இல்லா மகனை தூக்கிகொண்டு எப்படி வருவது என கேட்டால் பதில் இல்லை

வெளிநாட்டில் தூதரகம் இருப்பது எதற்காக? அங்கிருக்கும் உணவினை சாப்பிட்டு மல்லாக்க கிடக்கவா? நாட்டு மக்களுக்கு உதவி செய்வதற்காக‌

ஆனால் இவர்களுக்கோ துளியும் அப்படி ஒரு எண்ணமில்லை

கோலலம்பூர் இந்திய தூதரகத்தில் கெஞ்சி பார்த்தாலும் ஒன்றும் ஆவதில்லை, இன்னொரு திருமணம் செய், இல்லை இந்தியாவிற்கு போய் சான்றிதழ் வாங்கு ஆனால் பையனுக்கு தரமாட்டோம் என்பது போல் பதில்

சரி 3 மாத குழந்தையினை அதுவும் இந்திய குடிமகனை இத்தேசத்தில் அனாதையாக விட்டுவிட்டா வரமுடியும் என்றால் பதிலே இல்லை

சுத்தமாக , ஒரு மனிதாபிமானமோ இல்லை , இந்தியருக்கு கொஞ்சமும் உதவும் மனப்பான்மையோ இல்லா அதிகாரிகளை அங்கே வைத்திருக்கின்றார்கள்

முடிந்தவரை நண்பர்கள் மற்றும் உறவினர்களோடு சென்னையில் அந்த சான்றிதழை பெற போராடி கொண்டிருக்கின்றேன், அதுவும் சில வாரங்களை தாண்டுகின்றதே தவிர ஒன்றும் நடப்பதாக தெரியவில்லை

நாள் அதிகமானால் சட்ட சிக்கலில் குழந்தை சிக்க நேரிடும்

இந்நிலையில் மகா அவசரமாக நானும் மனைவியும் இந்தியா வரவேண்டி உள்ள சூழல் வந்தாலும் வரலாம், ஆனால் குழந்தையினை கொண்டுவர முடியாது

என்ன செய்வது என தெரியவில்லை, தூதரக வாசலில் விட்டுவிட்டுத்தான் வரவேண்டும் போல.

3 மாத குழந்தைக்கு அதுவும் அதன் சகோதரிக்கு கொடுத்துவிட்டு இக்குழந்தைக்கு இல்லை என்பதெல்லாம் எவ்வகை நியாயமோ தெரியவில்லை

குழந்தை பிறந்த மறுநாளில் பிறப்பு சான்றிதழை 3 நிமிடத்தில் கொடுத்தது மலேசிய அரசு அலுவலகம், ஆனால் பாஸ்போர்ட்டிற்காக 3 மாதமாக அலைந்தும் முடியவில்லை

இப்படிபட்ட நிர்வாகிகளை கொண்டு வெளிநாடுகளில் அரசு எப்படி குடிமக்களை காக்குமோ தெரியாது

அறிவுகெட்ட அதிகாரிகளால் நிரம்பி இருக்கின்றது கோலாலம்பூர் இந்திய தூதரகம்.

முடிந்தால் பாஜக உறுப்பினர்கள் யாராவது இந்திய வெளியுறவு துறைக்கு இதனை கொண்டு சேர்த்தால் உங்களுக்கு நன்றி உடையவனாக இருப்பேன், என் மகனும் நன்றியோடு இருப்பான்

இல்லாவிட்டால் ஏதும் “இந்திய தூதரகம் பாஸ்போர்ட் மறுத்ததால் அனாதை ஆன இந்தியன்” 
என அவனை அனாதை ஆசிரமத்தில் சேர்ப்பதை தவிர வழி தெரியவில்லை


 

வெளிநாட்டுவாழ் இந்தியருக்கு ஒன்று என்றால் சுஷ்மாவிற்கு டிவிட்டினால் போதும் , பறந்து வந்து உதவுவார். ஓடி வந்து உறுமுவார் என்பதெல்லாம் சுத்த பொய்

அவருக்கு நம் பிரச்சினையினை சுட்டி மூன்றாம் நாள் ஆகின்றது, அவர் கண்டுகொள்ளவே இல்லை

சுஷ்மா வெளிநாட்டுவாழ் இந்தியருக்கு உதவுவார் என்பதெல்லாம் எங்கே முட்டுசந்தில் இருந்து கொண்டு பாஜகவினர் செய்யும் பொய் பிரச்சாரம்

அப்படி இந்த அப்பாவிகள் நம்பவைக்கபட்டிருக்கின்றார்கள்

இதற்கு மேலும் கேட்டால், நாங்கள் எப்பொழுது சுஷ்மா உதவுவதாக சொன்னோம், அப்படி சொல்லவே இல்லை என நழுவிவிடுவார்கள்

அங்கு உண்மையினை ஒரு பயலும் பேசவில்லை அல்லது பேச தெரியாது.

ஆக எவனாவது சுஷ்மாவிற்கு டிவிட் செய்தால் உடனடியாக நடவடிக்கை எடுப்பார் என இப்பக்கம் வந்தால் எச்.ராசா சுப்ரீம்கோர்ட்டை எப்படி சொன்னாரோ அப்படி சொல்லி விரட்டபடுவார்கள்…


 

நிச்சயம் நமது பாஸ்போர்ட் பதிவுக்கும் இந்த மலேசிய தமிழ் நாளிதழிளின் தலைப்பு செய்திக்கும் சம்பந்தம் இருப்பதாக நாம் கருதவில்லை

பத்திரிகை என்பது பெரும்பான்மை மக்களின் கருத்தை வெளியிடும் சாதனம், அப்படியாக மலேசியாவில் பணியாற்றும் இந்தியர்களின் குரலாக, குறிப்பாக தமிழக இந்தியர்களின் குரலாக இன்றைய தலைப்பு செய்தி வந்திருக்கின்றது

நாம் சந்தித்த பிரச்சினைகளை சொல்கின்றது, இந்திபேசும் அதிகாரிகளின் அழிச்சாட்டியத்தை சொல்கின்றது

இனியாவது மலேசிய இந்திய தூதரகம் இங்கு பணியாற்றும் தமிழர்களை அலட்சியமாக கையாள்வதை நிறுத்தட்டும்

வெளிநாட்டு பத்திரிகையில் செய்தி வந்தபின்பாவது இந்திய வெளியுறவுதுறை நடவடிக்கை எடுக்கட்டும்

Image may contain: 2 people