மாபெரும் ரபேல் ஊழல்

இந்த அரசு வந்ததில் இருந்தே அம்பானிக்கு ஆதரவான சார்பினை எடுப்பது உலகம் அறிந்தது, அம்பானியின் ஜியோ இன்று எதிரிகளை ஒழித்து தனிபெரும் சக்தியாக உருவெடுத்திருப்பது அதற்கு ஒரு சான்று
இன்னும் ஏராளமான சான்றுகள் உண்டு, ஆனால் மகா முக்கியமான பாதுகாப்பு விஷயத்திலும் அம்பானியினை நுழைத்திருக்கின்றார்கள் என்பதுதான் ஏற்றுகொள்ள முடியா விஷயம்
இந்த மோடி வந்த உடன் மேக் இன் இந்தியா என்ற திட்டத்தை அறிவித்தார், நல்ல திட்டம்தான். ஆனால் அப்படி யார் வந்து இங்கு எதை உருவாக்கினார்கள் என்றால் ஒன்றுமில்லை
யார் வேண்டுமானாலும் வந்து தொழில் தொடங்கி இந்தியருக்கு வேலை கொடுங்கள் என்பது நிச்சயம் நல்ல விஷயம் , ஆனால் நாடு எப்படி இருக்க வேண்டும்
மிகபெரும் உதாரணம் சீனா மற்றும் சிங்கப்பூர், ஆம் சீனாவில் தேர்தல் கிடையாது, மத இம்சைகள் கிடையாது வாக்கு வங்கி அரசியல் கிடையாது
அந்நியர் தொழில்தொடங்க வந்தால் அவர்கள் முதலீட்டுக்கு பாதுகாப்பு உறுதி, சிங்கபூரின் சட்டங்கள் கடுமையானவை 4 பேர் சேர்ந்து நிற்க முடியாது
இதனால் அவை எல்லாம் வெற்றிபெற்றன‌
இங்கு அப்படியா நிலை? ஆளும் கட்சியே மாட்டுகறி முதல் இன்னும் ஏகபட்ட இம்சைகளுக்காக ஊர்வலம் நடத்தும், ஒப்பாரி வைக்கும் கலக சூழலை ஏற்படுத்தும் பின் எப்படி வருவார்கள்
இவர்கள் மேக் இன் இந்தியா என குறிவைத்தது இந்திய தொழில்துறையினை அல்ல, மாறாக பெரும் பணம் புரளும் இரு விஷயங்கலில்
முதலாவது கச்சா எண்ணெய் விவகாரம், அது உலகின் இரண்டாம் லாபகரமான தொழில் அதை அம்பானிக்கு தாரை வார்த்தாயிற்று
உலகின் முதலிடத்தில் உள்ள தொழில் ஆயுத தயாரிப்பு அதில் அம்பானியினை நுழைக்கத்தான் இந்த மேக் இன் இந்தியாவினை கையில் எடுத்தார்கள்
ஆயுத உற்பத்தியில் தனியாரை நாடுவது ஒன்றும் உலகில் புதிதல்ல, அமெரிக்கா முதல் ரஷ்யா வரை பல நாடுகளில் தனியார் தொழிற்சாலைகள் உண்டு, உதிரி பாகங்களை செய்வார்கள்
ஆனால் அவை திறமையினை நிரூபிக்க வேண்டும், ஏகபட்ட கட்டுபாடுகள் உண்டு. இன்னும் மிக முக்கியமான தொழில்நுட்பம் எல்லாம் அவர்களுக்கு கிடைக்காமல் இருக்க கண்ணும் கருத்துமாக இருக்க வேண்டும் என ஏக கெடுபிடிகள் உண்டு
இந்தியா இதுவரை இப்படி உள்நாட்டு தனியார் நிறுவணங்களை அனுமதித்ததில்லை, வெளிநாட்டில் இருந்து மொத்தமாக வாங்கிவிடுவார்கள்
உண்மையில் உள்நாட்டு தொழிற்சாலைகளை ஆயுத உதிரி பாக உற்பத்தியில் சில நாடுகள் சேர்க்கும் என்றால் ஒரே காரணம் விலை குறையும் சாத்தியமே அன்றி வேறல்ல‌
இப்பொழுது இந்த ரபேல் விமானத்தை வெளிநாட்டில் இருந்து வாங்கும் செலவினை விட, இங்கு சில பாகங்களை தயாரித்தால் செலவு குறையத்தான் செய்யும்
ஆனால் என்ன நடந்திருக்கின்றது
செலவு மிக மிக எகிறி இருகின்றது, காங்கிரஸ் அரசு 100க்கு மேற்பட்ட விமானங்களை வாங்க போட்ட பட்ஜெட்டில் பாஜக அரசு மிக சில விமானங்களையே வாங்க போகின்றது
அப்படியானால் மீதி பணம் எல்லாம் எங்கே?
இங்குதான் பிரான்ஸ் அலறுகின்றது, இது இந்திய அரசியல் முடிவு எங்களுக்கும் அதற்கும் சம்பந்தமில்லை. நாங்கள் போக இன்னும் இந்திய கம்பெனிகள் எல்லாம் உண்டு
ஆக என்ன செய்திருக்கின்றது மோடி அரசு? 1 ரூபாயில் வாங்க வேண்டிய உதிரி பாகத்தை, இல்லை எச்.ஏ.எல் நிறுவணம் தயாரிக்க வேண்டிய உதிரி பாகத்தை 50 ரூபாய் கொடுத்து வாங்கி இருக்கின்றது
யாரிடம் அம்பானியிடம்
இதுதான் மாபெரும் ரபேல் ஊழல், 1 ரூபாயில் 10 கோடி , 100 கோடி என வைத்து பாருங்கள் ஊழலின் வீரியம் புரியும்
ஆக மேக் இன் இந்தியா என சொல்லி, ராணுவ கருவிகளை தயாரிப்பதாக சொல்லி , சந்தையினை திறந்துவிட்ட் அம்பானியினை கொழுக்க வைத்தாயிற்று
விஷயம் பற்றி எரிகின்றது, அமைச்சர் பாரிக்கர் மருத்துவமனைக்கு சென்றுவிட்டார், நிர்மலா சீத்தாராமன் சொன்னதை சொல்லிகொண்டிருக்கின்றார்
பிரான்ஸ் நிறுவணம் இந்தியாவினை சிக்கலில் இழுத்தாயிற்று
நிச்சயம் போபர்ஸ், ஸ்பெக்ட்ரம் அளவு தேசத்தில் அணல் வீச வேண்டிய விவகாரம் , ஆனால் கனத்த அமைதி ஏன்?
இவ்வளவிற்கும் போபர்ஸ் அன்று முதல்தர பீரங்கி, இந்த ரபேல் போல் இடைதரமானது அல்ல. அதில் இப்படி திட்டமிட்டு ராஜிவ் செயல்படவுமில்லை, பின் அதை நிரூபிக்க முயன்று அப்படியே செத்தும் போனார்
ஆனால் ரபேலில் கனத்த அமைதி ஏன்? அதுதான் இந்தியா
காங்கிரஸ் என்றால் பொங்குவார்கள், அதுவும் திமுக என்றால் பொங்கி பொங்கி எழுதுவார்கள். அது திருட வந்த கட்சி என்பார்கள்
முதன் முதலில் இந்திய தேசியத்தின் ஆதிக்க சக்திகளுக்கு சவால் விட்ட கட்சி என்ற வன்மம் எல்லோருக்கும் உண்டு
நிச்சயம் 1லட்சத்து 75 ஆயிரம் கோடி எனும் புகழ்மிக்க வாசகத்தை விட பன்மடங்கு உயர்ந்தது இந்த ரபேல் ஊழல்
இந்திய விமானபடை நிலமைதான் பரிதாபம்
இந்த ரபேல் விமானம் ஒன்றும் மிக சிறந்தது அல்ல, நல்ல விமானங்களின் விலை மிக அதிகம்
அந்த அளவு பட்ஜெட் ஒதுக்க முடியாது என்பதால்தான் அமெரிக்க எப் 117, ரஷ்யாவின் ஐந்தாம் தலைமுறை சுகொய், பிரிட்டனின் டைபூன் வகைகளை எல்லாம் வாங்க முடியாமல் ரபேல் பக்கம் வந்தோம்
இங்கு நடந்திருக்கும் ஊழலின் பெருந்தொகைக்கு இங்கிலாந்தின் டைபூனையும், மிக நவீனமன யூரோ பைட்டரரையும், இஸ்ரேலின் அதிநவீன விமானங்களையும் வாங்கி இருக்கலாம்
நாட்டின் பாதுகாப்பிற்கான பணத்தை அம்பானி பாக்கெட்டிற்கு செல்ல அனுமதித்த இந்த பெரும் ஊழல் நிச்சயம் சாதாரணம் அல்ல‌
(இதெல்லாம் அரசு பணத்தை பாலம் கட்டுகின்றோம், இன்னும் பல கட்டுகின்றோம் என அரசு பணத்தை வெளியில் விட்டு சுருட்டும் தமிழக தந்திரம்தான், சந்தேகமில்லை
நாளை ஏதேனும் அவசரத்தில் இந்திய ராணுவம் பயன்படுத்தும்பொழுதுதான் தமிழக பாலங்களின் நிலை தெரியும்
சாதாரண மழை வெள்ளத்திற்கே தமிழக பாலங்கள் அடித்து செல்லபடுகின்றன, அப்படி ஒரு அசாதாரண சூழல் வந்தால் தமிழக கட்சிகளின் பாலம் கட்டி விளையாடும் விளையாட்டின் அசிங்க முகம் தெரியும்
அப்பொழுது நாட்டின் பாதுகாப்பு மிக பெரும் சிக்கலை எதிர்கொள்ளும்)
Image may contain: airplane

நாட்டிய பேரோளி பத்மினி

அந்த கேரள‌ சகோதரிகள் மூவருமே பரதநாட்டியத்தை கசடற ஆட கற்றவர்கள், கேரளம் அன்று திருவிதாங்கூர் சமஸ்தானம், அந்த திருவனந்தபுரத்தில் மன்னரின் மாளிகை உட்பட பல முக்கிய இடங்களில் அவர்கள் நடனம் அரங்கேறியது
அதில் பத்மினி செல்லமாக பப்பி,
அவரின் மாமா ஒருவர் அவரை தத்தெடுத்திருந்தார், அவர் பெரும் பணக்காரர் என்பதால் அன்றே மும்பை சென்னை என அவர்கள் சுற்றி கொண்டிருந்ததால் மும்பையில் 
14 வயதில் இந்தி சினிமாவிலும் அந்த பெண் நடித்திருந்தாள்
அந்த சகோதரிகளின் நடன நிகழ்ச்சி திருவனந்தபுரத்தில் நடந்த பொழுது அதை காண சென்றிருந்தார் என்.எஸ் கிருஷ்ணன் , அது சினிமாவிற்கு பெண்கள் வர ஒருவித தயக்கம் இருந்த காலம் எனினும் அவர்தான் அவர்களை சினிமாவிற்கு கொண்டுவந்தார்
சென்னையில் அக்குடும்பம் இன்னொரு புகழ்பெற்ற நடன குடும்பத்தின் வீட்டில் தங்கியது, இன்றைய நடன கலைஞர் பத்மா சுப்பிரமணியம் பிறந்த காலமது.
பத்மா சுப்பிரமணியத்திற்கு அரங்கேற்ற நிகழ்வின்பொழுது சலங்கை எடுத்து கொடுத்தது பத்மினியின் தாயார், அவ்வளவு நெருக்கம்
என்.எஸ் கிருஷ்ணனின் மண‌மகள் படமே அவருக்கு முதல் படம் எனினும் அதில் அவர் கவனம் பெறவில்லை, மாறாக பராசக்தி வெற்றிக்கு பின் சிவாஜியுடன் அவர் பணம் படத்தில் ஜோடியானார், வசனம் கலைஞர் கருணாநிதி
(இந்த படத்தின் வெற்றியில்தான் கலைஞருக்கு அன்றே கார் பரிசளித்தார் என்.எஸ்.கே, அன்றே கலைஞரின் சம்பளம் 10 ஆயிரம், 1950களில் ஒரு சவரன் தங்கம் என்ன விலை என விசாரித்தால் இந்த மதிப்பு புரியும்)
படம் வெற்றிக்கு பின் அதுவரை பண்டரிபாய், பானுமதி என்றிருந்த சிவாஜியின் ஜோடி இடத்தை அனுசயமாக தட்டிபறித்தார் பத்மினி. சிவாஜிக்கேற்ற ஜோடி என பத்மினியே கொண்டாடபட்டார்
லலிதா, ராகினி என இவரின் மற்ற சகோதரிகளும் நடிக்க வந்தாலும், ஏன் மூவருமே சேர்ந்து நடித்தாலும் காற்று பத்மினி பக்கமே வீசிற்று
அக்காலத்தில் வந்த சாவித்திரியினை ஜெமினி களவாடி போக, சரோஜா தேவி, ஜெயலலிதா எல்லாம் ராமசந்திரனின் கண் அசைவில் கட்டுபட்டிருக்க சிவாஜிக்கேற்ற ஜோடி பத்மினி என்றானது
அது தில்லானா மோகனப்பாள், வியட்நாம் வீடு என ஏராளமான படங்களில் தெரிந்து , இறுதியில் தாய்கொரு தாலாட்டு என்ற அளவில் முதுமைகாலத்தில் முடிந்தது
இருவருக்கும் காதல் என்றார்கள், திருமணம் செய்ய முடிவு என்றெல்லாம் செய்திகள் வந்தன. ஆனால் சிவாஜி கணேசனுக்கு அப்பொழுதே திருமணம் ஆகி இருந்தது
ஆனால் இருவருமே காதல் செய்தியினை மறுக்கவில்லை, பின்னாளில் பத்மினி மட்டும் ஒப்புகொண்டார்.
சிவாஜி தனக்கே உரித்தான தொனியோடு “எத்தனைபேரு எனக்கு சோடியா நடிச்சாலும், எனக்கு ஈடா பொருத்தமா நடிச்சது பப்பி மட்டும்தான்” என குறீயீடாக சொல்லி இருந்தார்.
பத்மினியும் வைஜெயந்திமாலாவும் பிறவி நடன கலைஞர்கள், அந்த வஞ்சிகோட்டை வாலிபன் நடனம் மறக்க முடியாதது
நாட்டிய பேரோளி என போற்றபட்ட பத்மினி மன்னாதி மன்னனில் ராமசந்திரனோடு ஆட வேண்டிய கொடுமையும் நடந்தது, அதில் தலைவெட்டபட்ட ஆடு போல குதித்த ராமசந்திரன் வென்றும் தொலைப்பார்
அந்த அவமானத்தை தவிர ஒரு அசம்பாவிதமும் பத்மினிக்கு தமிழ் திரையுலகில் இல்லை
அவரின் சகோதரிகளில் லலிதா வில்லியாகவும், ராகினி காமெடி நடிகையாகவும் மாறிப்போக பத்மினி அட்டகாச நாயகியாக அப்படியே தொடர்ந்தார்
பரத நாட்டியம் என்பது உணர்ச்சிகளை முகத்திலும் அசைவிலும் கொண்டுவரும் விஷயம் , பரத கலையின் அடிநாதம் அதுதான்
அந்த வித்தை பத்மினிக்கு நடனத்தில் வந்தது போலவே, நடிப்பிலும் வந்தது. ஒரிரு இடத்தில் அது மிகை என்பார்கள் மற்றபடி இயல்பான நடிப்பு
1961லே மருத்துவரை திருமணம் செய்து அமெரிக்கா சென்ற பத்மினி அதன் பின் வெகுவிரைவிலே திரும்பிவிட்டார்
பொதுவாக திருமணமான பின் ஒரு நடிகைக்கு நாயகி வாய்ப்பு கிடைக்காது, கிடைத்தாலும் நிலைக்காது
ஆனால் பத்மினி அதன்பின்பே உச்சம் தொட்டார் அவரின் தில்லானா மோகனம்பாள் போன்ற படங்கள் அதன் பின்பே வந்தன‌
சிவாஜி, ராமசந்திரன், ஜெமினி என மூன்று நடிகர்களோடும் மாறி மாறி நடித்த நடிகை அவர், அல்லது அவர்கள் மூவரும் பத்மினியோடு நடிக்க வரிசையில் நின்றனர்
சந்திரபாபு தனியாக அவர் படத்தை வைத்து உனக்காக எல்லாம் உனக்காக என ஆடிகொண்டிருந்தது தனிக்கதை
அப்படி கொண்டாடபட்டார் பத்மினி, அவருக்கு நாட்டிய பேரோளி எனும் பட்டம் அண்ணாமலை பல்கலைகழகம் கொடுத்தது
பத்மினி வரலாற்றில் குறிப்பிடதக்க சம்பவம் உண்டு, அது மறக்கமுடியாதது
1971ல் அமெரிக்க இந்திய தூதரகம் நடத்திய நிகழ்ச்சியில் கலந்துகொண்டார் பத்மினி அப்பொழுது அமெரிக்காவில் இந்துகோவில் இல்லை என டாக்டர் அழகேசன் என்பவர் சொல்லி அதனை கட்ட நிதி திரட்டுகின்றார்
பத்மினி தன் நடன நிகழ்ச்சி மூலம் நிதி திரட்டி தருவதாக சொல்லி கிட்டதட்ட 55 நிகழ்ச்சிகள் மூலம் திரட்டி கொடுத்தார், அந்த மகாபல்லவ கணபதி கோவில் அப்படித்தான் உருவாக்க பட்டது
அதில் பத்மினி பங்கு அதிகம், கடவுள் கொடுத்த கலையினை கடவுளுக்கே திருப்பிகொடுத்தார், அன்னை வேளாங்கண்ணி படத்து சம்பளத்தை கணபதி கோவிலுக்கு அவர் கொடுத்த வினோதம் அன்று நடந்தது
அந்த நிகழ்ச்சி கொடுத்த யோசனையே அவரை அமெரிக்காவில் நடனபள்ளி தொடங்க வைத்தது, அதை தொடங்கி நடத்திகொண்டிருந்தார்
அவர் மனதில் பெரும் ஆசை இருந்தது, மனோரமா போல கடைசி வரை நடித்துகொண்டே இருக்கவிரும்பினார், அவரே வாய்விட்டு சொன்ன விஷயம் அது
அப்படித்தான் பூவே பூச்சுடவா பாட்டியாக திரும்பி வந்தார், எப்படி வஞ்சிகோட்டை வாலிபன் பத்மினி, வியட்நாம் வீடு பத்மினியினை மறக்க முடியாதோ அப்படி பூவே பூச்சுடவா பத்மினி பாட்டியினை மறக்கவே முடியாது
அதன் பின் அப்படியான படங்கள் வரவில்லை, அவரும் அமெரிக்காவில் ஒதுங்கினார்
ஆச்சரியமான சம்பவங்கள் சிவாஜிக்கும் பத்மினிக்கும் உண்டு, இருவருமே சம காலத்தில் அறிமுகமானார்கள், இருவருமே ஒரே நேரத்தில் உச்சம் தொட்டார்கள், அப்படியே ஒரே நேரத்தில் ஓய்வும் பெற்றார்கள்
இருவருமே அப்பல்லோ மருத்துவமனையில் மரித்தும் போனார்கள்
பத்மினிக்கு ஒரு மகன் உண்டு எனினும் அவரின் உறவுபெண் ஷோபனா, உறவுக்கார வாரிசு வீனீத் என அவரின் குடும்பம் இன்றும் தமிழ்சினிமாவில் உண்டு
ஆயிரம் பேர் ஆடினாலும் தமிழ்திரையின் பரத நாட்டியம் இன்றும் ஷோபனா வடிவில் பத்மினி குடும்பத்திடமே இருக்கின்றது, இன்னும் அவர்கள் குடும்பமே அந்த நாட்டியத்தை ஆள்கின்றது
இன்று நாட்டிய பேரோளி பத்மினிக்கு நினைவு நாள்
அற்புதமான பரத நடனம் எப்படி இருக்கும் என தன் மிகசிறந்த நடனத்தால் நிரூபிக்கபிறந்தவர் அவர், மிக சிறந்த நடிகையும் கூட‌
1950 முதல் 1970 வரையான காலங்கள் அவருக்கானவை
“என் சலங்கைக்கு பதில் சொல்லடி; ’மன்னவன் வந்தானடி’, ’மறைந்திருந்தே பார்க்கும் மர்மம் என்ன’ ’நலம் தானா உடலும் உள்ளமும் நலந்தானா’ பாடல்கள் எல்லாம் பத்மினி கொடுத்த நடன கல்வெட்டுக்கள்
அந்த காலங்கள் அப்படி அருமையானவை, ரஷ்ய அழைப்பின் பேரில் சென்ற கலைகுழுவில் பத்மினி ஆடிய ஆட்டம் கண்டு சோவியத் அரசாங்கம் பெரும் கவுரவம் கொடுத்தது
பத்மினி எப்படி எல்லாம் செய்திகளில் அடிபட்டார் என்றால் இப்படியும் கூட‌
அது ராமசந்திரனுக்கும், எஸ்.எஸ்.ராஜேந்திரனுக்கும் பிணக்கு வந்திருந்த நேரம். உண்மையில் எஸ்.எஸ் ராஜேந்திரன் நல்ல நடிகர் ஆனால் திமுக மகா உத்தமான இயக்கம் என எண்ணி லட்சிய வேடத்தில் நடிப்பேன், கட்சி கொள்கை அது என பேசி நாசமாய் போனவர்
பிற்காலத்தில் கலைஞர் கருணாநிதி ராமானுஜருக்கு வசனம் எழுதுவார் என எப்படி எதிர்பார்த்திருக்க முடியும்?
அப்பொழுது ராமசந்திரனை தாக்கி அடிக்கடி பேசிகொண்டிருந்த ராஜேந்திரன் ஒருநாள் “ராஜா தேசிங்கு படத்தில் என்னுடன் திருமதி பத்மினி அவர்கள் நெருங்கி நடிக்கக்கூடாது என்பதற்காக எம்ஜியார் செய்த சூழ்ச்சிகளை நாடு மறக்குமா?” என சொல்லிவிட்டார்
சோ ராமசாமி தனக்கே உரித்தான ஸ்டைலில் சொன்னார்
“எஸ் எஸ் ஆர் சார் ! கேட்கவே பதறுகிறதே.நெஞ்சு கொதிக்கிறது. இப்படியெல்லாம் அநியாயமா ? எப்பேர்ப்பட்ட அநீதி இது? இதையெல்லாம் இந்த நாடு மறந்தால் இந்த நாட்டிற்கு விமோசனம் ஏது?
இந்த நாடு, நன்றி கொன்ற நாடு 
ஆகிவிடாதா ?”
தமிழ் திரையுலகம் ஆணாதிக்கமிக்கது, ஆண்கள் வேடமே பிரதானம்
ஆனால் பத்மினியின் மிகசிறந்த படங்களை பாருங்கள், நடிப்பினாலும் நாட்டியத்தாலும் அப்படத்தை அவர்தாங்கி நிற்பார். அவர் அல்லாது அப்படங்கள் அமைந்திருக்காது, நின்றிருக்காது
பத்மினி எனும் பெரும் நடிகையினை தவிர யாருக்கும் அது சாத்தியமில்லை, அவரின் மிகபெரும் பலம் அது
தமிழ் திரையுலகில் தவிர்க்கவே முடியாத தனி இடம்பெற்ற நாட்டிய தாரகைக்கு ஆழ்ந்த அஞ்சலிகள்
Image may contain: 1 person, closeup

சில்க் ஸ்மிதா

பேசா படங்கள் வந்து பின் தமிழில் பேசும்படங்கள் வந்தபொழுது தமிழக சினிமாவின் முதல் கவர்ச்சி கன்னி தவமணி தேவி (அவர் இலங்கை தமிழச்சி)

அவரை குறிப்பிடும்பொழுது அக்கால சில்க் ஸ்மிதா என சொல்லும்பொழுதே புரியும் தமிழ்சினிமாவில் சில்க் ஸ்மிதாவின் அழியா இடம்.

ஆந்திராவின் ஏழை குடும்பத்தில் பிறந்தவர், பலவகை தோல்விகளுக்கு பின், திருமண தோல்விக்கும் பின்னர்தான் ஒப்பனை கலைஞராக சினிமாவிற்கு வந்தவர், பின் நடிகை ஆனார்.

அவரை சினிமாவிற்கு கொண்டுவந்தது யார் என ஆளாளுக்கு தன்னை காட்டுவார்கள். வைரத்தை கண்டெடுத்து யார்? என்பதா முக்கியம், மின்னிய வைரமே முக்கியம்

நடிகை விஜயலட்சுமி(சீமானின் சீமாட்டி அல்ல) சில்க் ஸ்மிதா ஆனது அப்படித்தான்

வண்டிசக்கரம் படத்திற்கு பின் சில்க் யுகம் தொடங்கியது, அவரது நடனமும், உடல்வாகும் அப்படியே ரசிகர்களை அள்ளின. அவ்ரின் மிகபெரும் பலம், அந்த கண்கள். ஆயிரம் வருடத்து ஒயினையும் அள்ளிகுடித்தாலும் தரமுடியா போதையினை ஒரே நொடியில் கொடுக்கும் அந்த மாய‌ கண்கள்.

அதன் பின்பு அவர் இல்லா படங்கள் இல்லை, எம்ஜிஆர் முதல்வராக ஆகியிராவிட்டால் நிச்சயம் “ஏய் கருப்பு சிங்காரி” பல டூயட் ஆடியிருப்பார், நல்லவேளையாக தமிழகம் தப்பியது

அது தமிழ்சினிமாவின் அடுத்த தலைமுறை காலம், ரஜினி கமல் என எல்லா நட்சத்திர அந்தஸ்து உள்ள படங்களில் எல்லாம் சில்க் ஸ்மிதாவின் பெயரும் இடம்பெற்றது, அல்லது இடம்பெற்றது போல பார்த்துகொள்ளபட்டது.

பல படங்களில் அவருக்கான வேடமும் பாடலும் வலிந்து திணிக்கபட்டன, உதாரணம் மூன்றாம் பிறை.

தென்னிந்தியா முழுக்க பிரபலமானார் ஸ்மிதா, வட நாட்டு பத்திரிகைகள் போட்டி போட்டு எழுதின, இறுதிகாலத்தில் இருந்த அன்னை இந்திராவே சிறு புன்னகையுடன் யார் இந்த பெண் என உதவியாளரிடம் கேட்ட காலங்களும் உண்டு

பெரும் ரசிக பட்டாளங்களை தன்னகத்தே கொண்டிருந்தார், அவரின் ஒரு பாடல் ஆடலுக்க்காகவே காத்திருந்துவிட்டு பாடல் முடிந்ததும் படம் முடியாமலே காலியான‌ தியேட்டர்கள் அக்காலத்தில் உண்டு.

மிக சிறந்த நடிகையும் கூட, ஆனால் விதி அவரை கவர்ச்சி வேடத்திலே நிறுத்திவிட்டது. தமிழக எதார்த்தமும் அப்படி. அவர் அறிமுகமான நிர்பந்தமும் அப்படி

அடுத்தவேளை சாப்பாட்டிற்கு வழியில்லாதவனிடம் அமெரிக்கா போகிறாயா என்றால் உடனே கிளம்புவான், கிடைத்த வேலைக்கு ரெடி என்பான். சுமிதாவின் அக்கால நிலையும் அப்படியே இருந்தது, கிடைத்த கவர்ச்சி வேடத்தில் புகுந்தார், அது நிலைத்தே விட்டது

தமிழக யதார்த்தம் அப்படி, சிவாஜி அழுததால் அழவே வைத்தார்கள். மோகன் மைக் பிடித்தால் அதனையே கொடுத்தார்கள், அப்படி சில்க்கிற்கும் அந்த முத்திரையே விழுந்துவிட்டது, இன்னொன்று அதனை தவிர எந்த வேடத்திலும் அவரை காண தமிழன் விரும்பவிலை.

அன்றைய தமிழ் உலகில் சிகப்பான பெண்களே கதாநாயகி ஆக முடியும், கொஞ்சம் உடல்வாகும் வேண்டும். பின்னாளில் அந்த இலக்கணம் இன்று மாறிவிட்டது. தீபிகா படுக்கோனே, கஜல், ராணி முகர்ஜி அப்படியானவர்கள், மாற்றியவர்கள்.

இதனை அன்றே செய்தவர்தான் சில்க் ஸ்மிதா, ஆனால் கவர்ச்சி நாயகி என்ற முத்திரையே குத்தபட்டது.

வயது ஏறினாலும் அவருக்கான இடம் அப்படியே இருந்தது, ஒரு பாடலுக்கு வந்தாலும் அரங்கம் அதிர்ந்தது. அமரன் போன்ற படங்கள் அப்படியானவை.

ஆனால் விதி வேறுமாதிரி இருந்தது, திடீரென தற்கொலை செய்துகொண்டார் அவர், அவருக்கு வயது 35

எத்தனையோ பேர் தற்கொலை செய்யும் தேசம்தான், ஆனால் சில்க் ஸ்மிதாவின் தற்கொலை

எத்தனையோ கவர்ச்சி நடிகைகள் அன்று இருந்தனர் ஜெயலட்சுமி,சகுந்தலா,அனுராதா,பபிதா, டிஸ்கோ சாந்தி என ஏராளமானோர் இருந்தாலும் சில்க் ஸ்மிதாவின் இடம் தனி இடம்.

அன்று கதாநாயகிகள் வேறு, கவர்ச்சி நடிகைகள் வேறு என்றொரு காலம் இருந்தது, ஹிஹிஹிஹ் என வில்லன் நெருங்கும் காட்சி தவிர நாயகிகள் மகா கண்ணியமான உடையோடே இருப்பர்.

இன்றைய காலம் சொல்லி தெரியவேண்டியதில்லை, யார் படத்தில் மிக குறைவான ஆடை உடுத்தியிருக்கின்றாரோ அவர்தான் நாயகி.

அன்று அப்படிபட்ட காட்சிகளில் நடிக்க பெரும் தைரியம் வேண்டும், அது பெரிதும் இருந்த, எந்த் சீன் என்றாலும் அசாத்தியமாக கடந்த சில்க், அவ்வளவு தைரியமான‌ ஏன் தூக்கிட்டார் என்பது மகா மர்மமே

மிக சுவாரஸ்யமாக அவரின் சாவு அவரின் முன்னோடியுடன் ஒத்துபோகின்றது. அந்த முன்னோடி மர்லின் மன்றோ

அவரும் சில்க் போலவே இளமையில் போராடி பின்னாளில் பெரும் ஹாலிவுட் நடிகையானார். அவருக்கும் அதே போதை கண்கள். அதே ரசிகர் கூட்டம், ரசிகர்கள் என்றால் அமெரிக்க அதிபர்கள் வரை தன் சிகப்பு கவுண் நூலில் சுற்றி வைத்திருந்தவர்

அவருக்கும் சில்க் போலவே மர்ம சாவு, இருவரின் கண்களும், இருவரின் வாழ்வும், இருவரின் மரணமும் ஒன்றானதே. மகா விசித்திரம் இது

இவர்கள் இருவரையும் தவிர அப்படி ஒரு கண்களுக்கு சொந்தகாரிகள் இன்னும் பிறக்கவில்லை என்கிறது உலகம்.

தூரத்தில் மின்னும் நட்சத்திரங்கள் தனக்குள் எரிகின்றன என்கிறது
வான அறிவியல். சினிமா கலைஞர்கள் பலபேரின் நிலையும் அப்படியே. நட்சத்திரங்கள் என்பது நிச்சயம் அவர்களுக்கு பொறுத்தமானதே.

அவளுக்கென்று பெரும் ரசிகர்கள் இருப்பார்கள், அவளை வைத்து படமெடுக்க ஆயிரம்பேர் வருவார்கள், ஆட்டோகிராபிற்கு கியூவில் நிற்பார்கள். ஒப்பந்த கையெழுத்து வாங்க பணப்பெட்டியோடே நிற்பார்கள்.

ஆனால் கணவன் என கையெழுத்து போட யாரும் வரமாட்டார்கள்,இதில் என் மனைவி என கையெழுத்த்து போடு என சொல்ல யாரும் வரபோவதில்லை, வந்தாலும் அது பெரும்பாலும் நிலைப்பதில்லை

கதாநாயகிகள் நிலையே இப்படி என்றால் சில்க்கின் நிலை எப்படி இருந்திருக்கும்? அவருக்கு காதலர் இருந்தார் என்றார்கள், மர்மம் என்றார்கள், தற்கொலை என்றார்கள். எப்படியோ சில்க் இன்று இல்லை.

வாழ்ந்த காலத்தில் சில்க் ஸ்மிதாவினை பாராட்ட ஆளில்லை, தைரியம் மிக்கவர் என சொல்ல யாருமில்லை. இம்மாதிரி தைரியமாக நடிக்க எவ்வளவு துணிச்சல் வேண்டும், சில்கிற்கு அது வந்தது, அவர் பட்ட வறுமையும் போராட்டமும் அதனை கொடுத்தது.

சினிமாவில் அவரை ரசித்தாலும் சமூக நோக்கில் பார்த்த பார்வையில் அருவெறுப்பு இருந்தது , சில்க் சுமிதாவை ரசிப்பவர்கள் எல்லாம் கெட்டவர்கள் என்றும் இருந்தது, அது இன்று வரை தொடர்கிறது, அவரை ரசித்தவர்களையே ஒரு மாதிரி பார்த்த சமூகம் இது (இப்பொழுது என்னையும் பார்ப்பார்கள்)

அவருக்கொரு வாழ்க்கையுமில்லை, வழிகாட்டியில்லை, சமூக அங்கீகாரமுமில்லை, புறக்கணிப்பின் உச்சியில் செத்தும் போனார்.

செத்தாலும் அவரோடு நடித்தவர்களோ அல்லது சம்பாதித்த யாரும் வந்ததாகவும் தெரியவில்லை

அவர் இறந்தாலும் அவர் சினிமாவில் பதித்த முத்திரை பெரிது என்பதால் அவர் கதையும் சினிமாவாயிற்று

அவரின் உண்மை கதையில் பின்னாளில் வித்யா பாலன் நடிக்க, அது டர்ட்டி பிக்சர் எனும் படமாக வந்தது.

அதில் வித்யா பாலன் மகா தைரியமாக நடித்தார் என பாராட்டினார்கள், பல வகையான புகழ்களை அவர் தேடிகொண்டார். யாரும் முகம் சுழிக்கவில்லை, வெறுக்கவில்லை புறக்கணிக்கவில்லை. இதோ வித்யாபாலன் பெரும் தொழிலதிபரை மணந்து வாழ்வாங்கு வாழ்கின்றார்

கதைக்கு சொந்தகாரியான சில்க் சமூகத்தால் விரட்டபட்டார், அக்கதையில் நடித்த வித்யாபாலன் கொண்டாடபட்டார்.

மகா விசித்திரமான சமூகம் இது.

டர்ட்டி பிக்சர் படம் சில்க் கதை என்றார்கள், இருக்கலாம். பல காட்சிகளில் அவர் வாழ்வின் சாயல் இருந்தது. ஒரு காட்சி மனதினை பாதித்தது. அதாவது நீங்கள் நினைப்பது போல அம்மாதிரி காட்சிகள் அல்ல, மாறாக இறுதிகாட்சி

சில்க்ஸ்மிதாவின் இறுதிகால வாழ்க்கையினை, அவரின் மன ஏக்கத்தை அப்படியே கொண்டுவந்த காட்சி

அதாவது கடை தெரு கட்டடம் வேறு, குடும்பம் நடத்தும் வீடு வேறு என்பது அவளுக்கு புரிந்துவிட்ட காலம். தனக்கென இனி ஒரு வாழ்வு அமையாது, வியாபார உறவுகள் மட்டும் அமையலாம் என அவள் புரிந்துகொண்ட காலம்

அவள் வியாபார வாழ்வினை விரும்பி இருந்தால் 80 வயது வரை வாழ்ந்திருக்கலாம், ஆனால் அவள் விரும்பியது சமூக அங்கீகாரத்துடன் குடும்ப உறவு, கிடைக்காத பின் சாக துணிகிறாள்

அதற்கு முன் தூக்கிலிடபடும் குற்றவாளி, தன் கடைசி ஆசையினை நிறைவேற்றிகொள்வது போல நிறைவேற்றி கொள்கிறாள்

சடை பின்னி, தளைய தளைய சேலைகட்டி, மல்லிகை பூச்சூடி, கண்களுக்கு மையிட்டு, பொட்டிட்டு தனக்கு கிடைக்காத அந்த‌ வாழ்வினை, தன் ஆழ்மன வாழ்வினை சில நிமிடம் வாழ்கிறாள்.

எந்த கோலத்தில் இந்த சமூகம் அவளை பார்க்கவிரும்பவில்லையோ, ஆனால் எந்த கோலத்தில் அவள் வாழ ஆசைபட்டாளோ அதே கோலத்துடன் இறுதி யாத்திரைக்கு தூங்கிவிடுகின்றாள்.

கனத்த சோகத்தை தரும் காட்சி அது. சில்க் ஸ்மிதாவின் கடைசி நொடிகள் அம்மனவலியோடுதான் இருந்திக்கவேண்டும்.

தவமணி தேவி முதல் இன்று வீர சிவாஜி படத்தில் சொப்பண சுந்தரி பாடலுக்கு ஆடியிருக்கும் நடிகை வரை எத்தனையோ பேர் வரலாம், ஆடலாம், போகலாம்

ஆனால் சில்க் ஸ்மிதாவின் இடம் காலியாகவே இருக்கின்றது, இன்னும் இருக்கும்

காரணம் ஹாலிவுட்டிற்க்கு நடமாடும் மயில் என சொல்லபட்ட ஒரே ஒரு மர்லின் மன்றோ என்றால், தமிழ்நாட்டிற்கு நடமாடும் ஒயின் என சொல்லபட்ட ஒரே சில்க் ஸ்மிதாதான்.

இருவருக்குமே கண்கள்தான் பிரமிப்பு, மாய கண்கள் அவை. பார்ப்போரை எல்லாம் ஒரு நொடியில் கிறக்கிவிடும் போதை கண்கள் அவை. எத்தனையோ கோடி பேருக்கு மகிழ்ச்சியினை கொடுத்த கண்கள் அவை

ஆனால் தனக்காக தனிமையில் அழுது, அப்படியே இளம்வயதில் மூடிவிட்ட கண்கள் அவை.

நாளை அந்த தென்னகத்து மர்லின் மென்றோவின் நினைவுநாள்.

அவர் இறந்த கொஞ்சகாலங்களில்தான் தமிழக பேருந்துகளுக்கு பெயர் வைக்கும் சர்ச்சை பற்றி எரிந்தது,சேரன் சோழன், பாண்டியன், திருவள்ளுவர், நேசமணி, சுதந்திர வீரர்கள் போக சாதி அடையாள தலைவர்கள் பெயரிலும் பேருந்து இயக்கவேண்டும் என சாதிய சண்டைகள் தொடங்கியது

திடீரென சில்க்ஸ்மிதா பெயரிலும் பஸ் விட்டே ஆகவேண்டும் என மர்ம சுவரொட்டிகள், மிரட்டல்கள் வர ஆரம்பித்தன.

அரண்ட அரசு மொத்தமும் தமிழ்நாட்டு போக்குவரத்து கழகம் என பெயரினை மாற்றிவிட்டு நிலமையினை சீராக்கியது.

சில்ஸ் ஸ்மிதா தமிழக சினிமாவில் மறக்கமுடியாத பெயர், அதனை விட மறக்கமுடியாதது அவரின் திடீர் மரணம்.

Image may contain: 1 person

சிதறல்கள்

September 22, 2018

எல்லையில் இஸ்ரேலிய பாணியில் மின் அலை வேலி அமைத்துவிட்டோம் இனி ஒரு பயலும் ஊடுருவமுடியாது என்றார் ராஜ்நாத் சிங்

ஆனால் பாகிஸ்தானியரோ அவர்கள் போக்கில் வந்து ஒரு ராணுவ வீரரையும் சில போலிஸ்காரர்களையும் கொடூரமாக கொன்றிருக்கின்றார்கள்

ஆக இவர்கள் மின் வேலி எல்லாம் சும்மா கட்டுகதை, தமிழிசை போலத்தான் உச்ச தலமை வரை பேசிதிரிகின்றார்கள்

மின்வேலி அமைத்துவிட்டோம் வந்துபார் என சீண்டியது இவர்கள்தான் வேறுயாருமல்ல‌

நாட்டுக்காக உயிரை நீத்த அந்த தியாகிகளுக்கு அஞ்சலி


கருணாசுக்கு ஏன் ஸ்டாலின் கண்டனம் தெரிவிக்கவில்லை : ஜெயக்குமார் வருத்தம்

கருணாஸ் யார் கட்சி என்றால் ஜெயகுமார் கட்சியின் கூட்டணி, ஜெயகுமார் கட்சியின் அடிப்பொடி

இதில் ஆளும் அரசாக தமிழக அரசும் கருணாசை கண்டிக்காதாம், கட்சியாக இவர்களும் கண்டிக்க மாட்டார்களாம்

ஆனால் ஸ்டாலின் கண்டிக்க வேண்டுமாம்

ஆக ஜெயக்குமார் வீட்டு நாய் குரைத்தாலும் ஜெயகுமார் கண்டிக்க மாட்டார், மாறாக ஸ்டாலின் வந்து உன் வீட்டு நாய் ஏன் குறைக்கின்றது என்றால்தான் நாய் பக்கம் வருவார்


இதை படித்து முடிப்பதை விட “லாலா கட சாந்தி..” என ஆடுவது எவ்வளவு எளிது..

ஆனாலும் என்ன செய்ய? இப்படி எல்லாம் போஸ் கொடுத்தால்தான் கட்சியில் அடுத்த தலைவராக வரமுடியும்

வருங்கால சந்ததி நாம் பிறந்திதிலிருந்து பெரியாரிஸ்ட் என சொன்னால் நம்பாமலா இருக்க போகின்றது???

Image may contain: one or more people and text
—————————————————————————————————————————————–

இலங்கை அமைச்சரும், பல முறை புலிகளிடமிருந்து தப்பிய ஆயுசு கெட்டியுமான டக்ளஸ் தேவானந்தா இன்றொரு முக்கிய அறிவிப்பினை செய்திருக்கின்றார், ஆனால் இந்த சைமானிய கும்பல்கள் சத்தமே இல்லை

விஷயம் இதுதான்

அதாகபட்டது, 2006ல் ரணில்தான் தேர்தலில் வெல்லும் வாய்ப்பு இருந்தது, ராஜபக்சே வெற்றிபெற வாய்பில்லை

இந்நிலையில் ரணிலுக்கு எதிராக வாக்களிக்க மக்களை திருப்ப புலிகளுக்கு ராஜபக்சே பணம் கொடுத்தார் என்ற சர்ச்சை 10 வருடமாக உண்டு

இது ராஜபக்சே முதல்முறை அதிபரானபொழுதே வந்தது. அனுபவஸ்தரான ரணிலை விட அனுபவமில்லா ரஜபக்சே நமக்கு ஆபத்தாக இருக்கமாட்டார் என கணக்கிட்டனர் புலிகள்

நிச்சயம் ராஜபக்சே அதிபரானதில் புலிகளின் பங்கு அதிகம், அதற்கு ராஜபக்சே கொடுத்த பணமும் அதிகம், பின்பு அவர் காட்டிய நன்றியும் அதிகம்

இப்பொழுது அது உண்மைதான் என்கின்றார் டக்ளஸ் தேவானந்தா

அமைதிபடை காலத்திலே, அதாவது ஈழதமிழரை காக்க வந்த இந்திய அமைதிபடையினை விரட்ட சிங்கள பிரேமதாசாவோடு கை கோர்த்தவர்கள் புலிகள் என்பதால் இதுவும் நிச்சயம் உண்மையாகவே இருக்கும் என்பதில் சந்தேகமில்லை

ஆக எவன் பணம் கொடுத்தாலும் வாங்கிவிட்டு பின் அவன் கையிலே சிக்குவது என்பது பிரபாகரன் பாணி, அங்கிள் சைமனும் அதையே செய்துவிட்டு தமிழகத்தில் தவிப்பது வேறு கதை

இவ்விஷயத்தில் பிரபாகரனின் தம்பி சைமன் என்பதை மறுக்கவே முடியாது


காங்கிரஸ் திமுக கூட்டணி அரசு ஆளும் பொழுதுதான் இலங்கையில் போர்குற்றம் நடந்தது : தமிழிசை

அக்கோவ் அந்த போர்குற்றம் செய்த ராஜபக்சே மூன்றாம் முறையாக டெல்லியில் மோடியோடு கைகுலுக்குவது என்ன வகை?

ஆக காங்கிரசும் பாஜகவும் ஒன்றுதான் இல்லையா?


பாஜக அரசு எல்லை தாண்டி ஒருமுறை தாக்கிவிட்டதாம், அதன் நினைவு நாள் நேற்று கொண்டாடபட்டதாம், இதை பெரும் வெற்றிவிழாவாக கொண்டாட எண்ணி பின் எதிர்ப்புகளால் வெட்கபட்டு பின்வாங்கிவிட்டது பாஜக அரசு

இந்த சர்ஜிக்கல் ஸ்ட்ரைக் எல்லாம் எல்லா நாடும் செய்வதுதான், ஆனால் சொல்லமாட்டார்கள். காரணம் சொன்னால் அது உலக சிக்கலை ஏற்படுத்தும்

இதில் கில்லாடி இஸ்ரேல் லெபனான், சிரியாவில் அடிக்கடி எல்லை தாண்டி தாக்குவார்கள், எப்படி தாக்குவார்கள்?

அப்படியே எதிரி நாட்டு ராணுவ உடை அணிவார்கள், அவர்கள் ராணுவம் போலவே வாகனம் , முத்திரை, கொடி எல்லாம் தயார் செய்வார்கள், இஸ்ரேல் ஒழிக என கோஷமிட்டு கொண்டே செல்வார்கள் திடீரென எதிரியினை தாக்கிவிட்டு திரும்புவார்கள்

சொந்த நாட்டு ராணுவம் ஏன் நம்மை தாக்கியது என எதிரி ராணுவம் குழம்பி தெளிந்து முடிப்பதற்கும் சில வருடம் ஓடிவிடும்

இன்றும் இஸ்ரேல் என்ன செய்கின்றது? ரஷ்ய விமானம் போல தன் விமானங்களை பெயின்ட் அடிக்கின்றது, பின் சிரிய வானில் அச்சமின்றி பறக்கின்றது, ஏதோ ரஷ்ய விமானம் தீவிரவாதிகளை தாக்குகின்றது என சிரியர்கள் விட்டுவிடுவதால் சிரியரையே தாக்குகின்றது

இந்த தந்திரம் போனவாரம் புரிந்து சிரியர் பதிலுக்கு ஒரிஜினல் ரஷ்ய விமானத்தையே தாக்கி சில ரஷ்யர்களை கொன்றும் விட்டார்கள்

திறமையான சர்ஜிக்கல் ஸ்ட்ரைக் என்பது இதுதான், அதாவது ஆதாரம் இல்லாமல் அடிப்பது. அடித்துவிட்டு கம்மென்று இருப்பது

இன்றும் இஸ்ரேலிடம் கேட்டால் நாங்கள் எல்லை தாண்டா அமைதிவிரும்பி என சொல்லிவிட்டு அவர்கள் போக்கில் இருப்பார்கள்

முட்டாள் அரசுதான் நான் தாக்கினேன், நானே தாக்கினேன் என ஊரெல்லாம் சொல்லிகொண்டிருக்கும்

கொஞ்சமும் தந்திரமுமில்லை, அறிவுமில்லை எதை விளம்பரபடுத்தவேண்டும் என்ற சிந்தனையுமில்லை

எல்லாம் வெற்று விளம்பரம்

பாகிஸ்தானுடன் எத்தனையோ சிறிய பெரிய போர்களையும். வங்க போர் எனும் வரலாற்று வெற்றியினையும் கொடுத்தது காங்கிரஸ் அரசு

அது என்றாவது இப்படி விளம்பரம் செய்யுமா? செய்யாது காரணம் நிறைகுடம் நீர்தளும்பல் இல்


அடுத்த வியாழ கிழமை குவலயம் காணா குணவதி, வையகம் காணா வைரம், தங்க தலைவிக்கு பிறந்தநாள், எப்படி கொண்டாடலாம் என சங்கம் கடும் ஆலோசனையில் உண்ணாமல் உறங்காமல் செயல்படுகின்றது

மகா சிறப்பாக இந்த விநாயகர் சதுர்த்தி ஊர்வலம் போல பல சிலைகளை செய்து ஊர்வலம் செல்லலாம் என்ற செயலாளர் Periya Samyஅவர்களின் கோரிக்கை பரீசீலிக்கபட்டது

ஆனால் சட்டம் ஒழுங்கு சிக்கல் ஏற்படும், இந்த Babu Rao கோஷ்டி எல்லாம் கல் எறியும் என்பதால் அதுபற்றியும் கவனத்தில் எடுத்துகொள்ளபடுகின்றது

அமெரிக்காவில் சுதந்திர தேவி சிலை அருகே குஷ்பூ தேவி சிலையினை அமைத்துவிட்டால் உலக கவனம் பெறலாம் என்கின்றார் Venkatesh Mothilal

அதை முழுக்க தங்கத்தால் வைக்க வேண்டும் என்கின்றார் Bilal Aliyar

இது சம்பந்தமாக டிரம்பிடம் பேச குழு ஒன்று அனுப்படுகின்றது, அனுமதி கிடைக்காவிட்டால் புட்டீனிடம் சொல்லும் திட்டமும் உண்டு. பார்க்கலாம்

குஷ்பு ஜெயந்தி மிக விமரிசையாக கொண்டாடபட வேண்டும், அது உலகமே திரும்பி பார்க்கும் வகையில் இருக்க வேண்டும் என்பதில் சங்கத்திற்கு மாற்று கருத்தே இல்லை

தலைவி பிறந்த நாள் கொண்டாட்டம் தொடங்கிவிட்டதாக சங்கம் உலகிற்கு அறிவிக்கின்றது

அதனால் உலகெல்லாம் இன்றே சர்வமத பிரார்த்தனைகளும், எல்லா ஆலயங்களிலும் தலைவிக்கான சிறப்பு வழிபாடும் தொடங்கியாயிற்று

அடுத்தடுத்த நிகழ்ச்சிகள் விரைவில் அறிவிக்கபடும்

Image may contain: 1 person, smiling

 

 

 

 

 

 

 

 

போர்கப்பல் எம்டன்

அது ஐரோப்பாவில் நாங்களும் குறிப்பிடதக்க நாடு என ஜெர்மன் களமிறங்கிய காலம், அன்றைய அண்ணாச்சி பிரிட்டனின் பெரும் கை அவர்களது கடல்படை. யுத்தத்தில் பிரிட்டனை வெல்லவேண்டுமனால் பெரும் வலிமையான கடல்படை இல்லாமல் அது சாத்தியமில்லை என்பது ஜெர்மனுக்கு புரிந்தது.
முதல்கட்டமாக கட்டபட்டதுதான் அந்த பிரமாண்ட கப்பல், அதனை உருவாக்கும் பொழுதே மகா தந்திரமாக உருவாக்கினார்கள். அதாவது ஒரு சாதாரண கப்பலாக வெளியே தெரியும், ஆனால் நொடிக்குள் ஒரு போர்கப்பலாக தன்னை மாற்றி கடும் ஆட்டம் ஆடும்.
சகலமும் முடிந்தவுடன் பீரங்கிகள் எல்லாம் உள் இழுக்கபட்டு, ஏதோ நல்லெண்ண பயணமோ அல்லது நல்லெண்ணெய் வியாபார கப்பலாகவோ மாறிவிடும்.
போலந்தில்தான் கட்டபட்டது, ஜெர்மன் பாரம்பரிய‌ பட்டணமான எம்டன் எனும் பெயர் அதற்கு சூட்டபட்டது, கப்பல் நிபுணர்களை தவிர யாராலும் அது யுத்தகப்பல் என கண்டுபிடிப்பது கடினம், இந்த காலத்தில்தான் முதல் உலகப்போர் தொடங்கியது.
உண்மையில் அந்த கப்பல் ஆசியா வரவேண்டிய அவசியமில்லை, பிரிட்டன் படைகளை குழப்ப ஐரோப்பிய கடற்கரையில் சுற்றிருக்க வேண்டியது, ஆனால் ஒரு சுதந்திரபோராட்ட தமிழன் சென்பகராமனால் ஆசியாவிற்குள் வந்தது.
சென்பகராமன் யார் என்றால் இனி ராமராஜன் படத்து ரசிகரா? என கேட்கும் அளவிற்கு இந்திய வரலாறு மாற்றபடும். திப்புசுல்தானையே மறக்கடிக்க நினைப்பவர்களுக்கு சென்பகராமன் எம்மாத்திரம்?, இனி இந்திய வரலாறு என்றால் கோட்சே,சாவர்கர் அப்படியே இன்னும் பலர் வருவர். மற்றவர் எல்லாம் வேலைவெட்டி இல்லாமல் வெள்ளையரிடம் செத்தவர்கள்.
பெரும் பதிவாக எழுதவேண்டியவர் சென்பகராமன், இன்னொருவனுக்கு அந்த வரலாறு சாத்தியமே இல்லை. பின்னர் பார்க்கலாம். இப்பொழுது கப்பலில் ஏறுவோம்.
அப்படியாக அந்த கப்பல் ஆசிய கடலுக்குள் நுழைந்தது, அதுவரைக்கும் அதுவரை என்ன, பின்னாளில் ஜப்பான் தாக்கும் வரைக்கும் ஐரோப்பிய நவீன போர்க்கப்பல்களுக்கு ஆசியாவில் வேலை இல்லை, இன்னொரு வகையில் சொல்வதென்றால் இந்தியாவில் நடைபெற்ற ஒரே கப்பல்படை தாக்கம் அல்லது உலகப்போர் தாக்குதல் என்றால் அது இன்றுவரை செனையில் நடந்த எம்டன் தாக்குதல் மட்டுமே.
(இன்று மாறிவிட்ட காலங்கள், இன்னொரு உலகப்போர் வந்தால் பாகிஸ்தான்,சீனாவின் ஏவுகனைகள் நிச்சயம் சென்னையினை குறிவைக்கும், அவ்வளவு இல்லை என்றால் இலங்கையின் நாட்டுவெடிகுண்டாவது நிச்சய்ம் வீசபடும்.)
அது 1914 செப்டம்பர் 22, நவராத்திரி கொண்டாங்களில் சென்னை மூழ்கி இருந்தது, அப்பொழுது திடீரென சென்னை துறைமுகத்தில் நுழைந்து கோட்டையினை தாக்க தொடங்கியது எம்டன்.
ஆடிபோனது சென்னை, இலக்குகளை மிக துல்லியமாக தாக்கியது எம்டன். சென்னை உயர்நீதிமன்றம் வரை குண்டுகள் தாக்கின, துறைமுக பணியாளார் 10 பேர் செத்தனர். பதிலுக்கு பிரிட்டிஷ் படைகள் தாக்க தொடங்கும் முகமாக, விளக்குகள் அணைக்கபட்டு, சென்னை இருட்டில் மூழ்க தொடங்கியது.
விளக்கையா அணைக்கிறாய், இதோ பார் தீபம் என பர்மா ஆயில் கம்பெனி குடோனை குண்டு வீசி அழித்தது எம்டன், பெரும் தீ, சென்னைக்கே வெளிச்சம் தெரிந்தது. அந்த வெளிச்சத்தில் இன்னும் சில குண்டுகளை வீசிவிட்டு மறைந்தது எம்டன்.
முதல் தாக்குதலை எதிர்கொண்ட சென்னை காலியானது, கிட்டதட்ட 25 ஆயிரம் பேர் காலிசெய்து ஊர் திரும்பினர், இன்றைய நீதிமன்ற, துறைமுக, சென்னை கோட்டை பகுதிகள் எல்லாம் வெடித்த ஷெல்கள் கிடந்தது.
முதல்முறையாக தனது ஆசியபகுதிக்குள் ஜெர்மன் தாக்கியதை கண்டு அலறிய பிரிட்டன் எம்டனை தீவிரமாக தேடியது, இன்றைய காலம் என்றால் செயற்கை கோளின் உதவியில் நொடியில் தீர்த்துவிடுவார்கள், அல்லது நீர்மூழ்கி மூலம் முடிவு கட்டுவார்கள்.
அக்காலம் அப்படியல்ல தேடவேண்டும் அதுவும் கடலில்.
எம்டனும் கலக்கியது, ஏதாவது ஒரு நாட்டின் துறைமுகத்தில் வேறுநாட்டு கொடிபறக்க, யுத்தத்திற்கும் தனக்கும் சம்பந்தமே இல்லாதது போல காட்டிகொண்டு பொருட்களை நிரப்பி கொண்டு பயணித்தது.
திடீரென மலேசியாவின் பினாங்கினை தாக்கியது, கிழக்காசிய பிரிட்டன் காலணிகளை தாக்கியது. அப்படியாக 31 பிரிட்டன் கப்பல்களை மூழ்கடித்தது. அவமானத்தில் சிவந்தது பிரிட்டன்.
காரணம் எங்கள் சாம்ராஜ்யத்தில் இந்துமாக்கடல் “பிரிட்டனின் ஏரி”, எம்மை மீறி யாரும் புகமுடியாது என்ற கர்வத்தில் அறிக்கையிட்ட பிரிட்டனுக்கு எம்டன் மகா அவமானத்தை கொடுத்தது.
இனி எம்டனை அழிக்காவிட்டால், ஆசியாவில் பிரிட்டன் வர்த்தகம் சாத்தியமில்லை எனும் அளவிற்கு அச்சுறுத்தியது எம்டன் கப்பல்.
வழக்கம் போல மாறுவேடம், அவ்வப்போது அந்நியன் அவதாரம் என சென்றுகொண்டிருந்த எம்டன் கப்பல், ஒரு கட்டத்தில் ஆஸ்திரேலியா அருகே ஒரு கப்பலை மூழ்கடிக்கும் முயற்சியில் ஈடுபட்டது, வியாபார கப்பல்போல அச்சிறிய கப்பலின் அருகில் வந்த எம்டன், திடீரென விஸ்வரூபமெடுத்து அக்கப்பலை தாக்கியது, ஆஸ்திரேலியர்கள் கண்டுகொண்டனர், ஓ இவர்தான் எம்டன். இங்குதான் இருக்கின்றார்.
சொல்லபோனால் ஒரு வலை, காரணம் அந்த கப்பலை தூரத்தில் கண்காணித்து கொண்டிருந்தது ஆஸ்திரேலியாவின் சிட்னி போர்கப்பல்.
சிட்னி கப்பல் மகா நவீனமானது, எம்டனை அழிப்பதற்காகவே கடலில் விடபட்டது, இந்த வலையில் சிக்கியது எம்டன்.
கடும் யுத்தத்தில் கடல் யுத்த வியூகபடி, எம்டனின் அடிபாகத்தை சிட்னியால் உடைக்கமுடியவில்லை, திகைத்தார்கள். ஆனால் கப்பல் தொடர்ந்து இயங்கமுடியாதவாறு எம்டனின் பாய்லர்களை ஆஸ்திரேலியாவின் சிட்னி முந்திகொண்டு உடைத்தது, இன்னொன்று தனியாக சிக்கிகொண்ட எம்டனுக்கு உதவிக்கும் யாருமில்லை.
ஆஸ்திரேலிய படையினரோ குற்றால குறவஞ்சி கொண்டாட்டத்தில் இருந்தனர், அவ்வளவு பெரும் சாதனையாக அது கருதபட்டது.
முதல் உலகப்போரில் தனி முத்திரை பதித்து, இங்கிலாந்தே அக்கப்பல் “கிழக்கின் அன்னப்பறவை” என ஒப்புகொண்ட எம்டன், சுமார் 200 வீரர்களோடு அழிக்கபட்டது..
அதன்பின்னரே பிரிட்டன் நிம்மதி பெருமூச்சுவிட்டது.
சுருக்கமாக சொன்னால் இன்றைய நவீன போர்கப்பல்களுக்கு அதுதான் முன்னோடி, 1972 வங்கபோரில் இந்தியாவின் விக்ராந்த் கப்பல் பாகிஸ்தானில் எம்டன் என்றே அழைக்கபட்டு, அதனை அழிக்கவந்த பாகிஸ்தானின் நீர்மூழ்கி(அவர்கள் என்று உருப்படியாக செய்தார்கள்? எல்லாம் அமெரிக்க அன்பளிப்பு) விசாகபட்டினம் அருகே மூழ்கடிக்கபட்டதும் பின்னாளைய வரலாறுகள்..
எப்படியோ இன்றுவரை சென்னையினை தாக்கிய ஒரே போர்கப்பல் எம்டன் மட்டுமே, அந்த பெருமை எம்டனுக்கு மட்டுமே இருந்துவிட்டு போகட்டும் என்பதுதான் சென்னை விரும்பிகளின் பிரார்த்தனை.
குஷ்பூ வேறு சென்னையில் இருப்பதால் சற்று கூடுதலாகவே பிரார்திக்க வேண்டியிருக்கின்றது.
Image may contain: sky, ocean, outdoor and water
Image may contain: text