சிதறல்கள்

டைட்டானிக் கப்பலை யாரும் மறக்கமுடியாது, அந்த சோகத்தை காவியமாக்கி எல்லோர் மனதிலும் இடம்பெற செய்தார் அந்த ஜேம்ஸ் காமரூன்

இப்பொழுது டைட்டானிக் கப்பலை அச்சு அசலாக செய்து அது சென்ற பாதையிலே பயணிக்க வைத்து அமெரிக்காவிற்கு அனுப்ப போகின்றார்கள்

இப்பொழுது உள்ள கப்பல் போல் அல்லாமல், 100 வருடத்திற்கு முந்தைய பர்னிச்சர் முதல் அமைப்பு வரை எல்லாம் அச்சு அசலாக உண்டாம், இன்சின் மட்டும் வேறாம்

அதில் பயணிக்க கடும் போட்டி நிலவுகின்றது

ஆக அவர்கள் மூழ்கிவிட்ட கப்பலை மறுபிரதி எடுக்கின்றார்கள்

சங்கமும் சின்னதம்பி, வருஷம் 16 போன்ற படங்களை மறுவெளியீடு செய்யும் திட்டத்தில் இருக்கின்றது

இந்த புது டைட்டானிக் வசூலை விட அது அதிகமாக வசூலிக்கும் என அந்த கப்பல் கம்பெனிக்கு சங்கம் சவால் விடுகின்றது

[ October 25, 2018 ]

============================================================================

விவி மினரல்ஸ் அலுவலகங்களில் வருமான வரித்துறை திடீர் சோதனை

தானுண்டு தன் தாதுமணல் உண்டு என்றிருந்த வைகுண்டராஜனை முதன் முதலில் சோதனை இட்டது கலைஞர் அரசு.

அன்றே ஒரு முடிவுக்கு வந்திருந்தார் அண்ணாச்சி , சோதனை என்றால் எப்படி இருக்கும் என அன்றே அறிந்துகொண்டார்.

இப்பொழுது சோதனையில் அரை கிலோ இலுமினைட், கார்னெட் போன்ற தாதுக்கள் கிடைத்தாலே பெரும் விஷயம்

தாதுக்களை விடுங்கள், பிய்ந்த செருப்பு கூட கிடைக்காது, அண்ணாச்சி செருப்பும் அணிவதில்லை..

(இப்பொழுது மனதிற்குள் நன்றி கலைஞரே நன்றி என சொல்லிகொண்டேதான் இருப்பார் அண்ணாச்சி..) [ October 25, 2018 ]

============================================================================

“அட போங்க தம்பி, மோடியினை வெண்தாடி வேந்தர்னு கூட நம்ம டிவில சொல்லியாச்சி

பழனிச்சாமி இரும்பு மனிதர்னு கூட ஒரு கதை நம்ம டிவில வந்தாச்சி, ஆனாலும் ரெய்டு நடக்குது?

இனி என்ன செய்ய சொல்லுதிய?

வருமானவரிதுறை பற்றி நல்லதா 4 விஷயம் நம்ம டிவில சொல்ல சொல்லிருக்கேன்,

தாது மணல் தொழில் நடக்கும்பொழுதெல்லாம் விட்டுபுட்டு இப்போ குவாரி மூடுன பிறவு ரெய்டுன்னா என்ன சொல்லுதிய?

சொல்லுங்க, என்ன சொல்லுவிய?

அதைத்தான் நானும் சொல்றேன் தம்பி, தொழில் நடக்கும் பொழுது விடுவாவளாம், நம்ம கம்பெனிக்கு டெல்லில விருது எல்லாம் தருவாவளாம்

ஆனா கம்பெனி மூடி கிடக்கும் போது ரெய்டாம் தம்பி

மூடி கிடக்குற குவாரில என்ன வருமானம்? அதுக்கு என்ன வரி தம்பி??.

எப்படி இருக்கு பாத்தியளா, வருமான வரிதுறை லட்சணம்?”

[ October 25, 2018 ]

Image may contain: 1 person, closeup
===========================================================================

என்னது அண்ணாச்சி ஆபிஸ்ல இருந்து போனா?

ரெய்டை கண்டித்து அறிக்கை விடனுமா?

நான் ஊர்ல இல்லணு சொல்லிட்டு போனை வச்சிரு, அவர் நம்ம கல்யாணத்துக்கு வந்திருக்கலாம், பல அன்பளிப்பு கொடுத்திருக்கலாம்

அதுக்காக இந்த ஆட்சியில போய்…. அடிபட்டு சாகவா? திருமுருகன் காந்தியிய பார்த்தல்ல, நானும் அப்படி ஆகணுமா?

முக ஸ்டாலின் எல்லாம் வந்து பார்த்தா நான் உயிரோட இருப்பேன்னு நினைக்கிறியா?

[ October 25, 2018 ]
Image may contain: 4 people, people smiling, people sitting
============================================================================

இந்த ஏ.ஆர் முருகதாஸ் திருட்டித்தான் கதை எடுக்கின்றார் எந்த சர்ச்சை தொடர்கின்றது

அது உண்மை என்றும் ஆகிவிட்டது

இப்பொழுது சர்க்கார் படத்திற்கும் வந்தாயிற்று, படம் ஏன் அவசர அவசரமாக திரைக்கு வருகின்றது என்ற மர்மத்தை விளக்குகின்றார் Anthanan Shanmugam

[October 25, 2018 ]
NEWTAMILCINEMA.IN
வழுக்கை தலையில் முடி நடுவதுதான் பேஷன் என்றால், வறண்ட தலைக்குள் இரவல் சிந்தனைகளை நட்டு வாழ்க்கை நடத்துவதும் கூ….
============================================================================

பத்திரிகையாளர் ஜமால் கொலையில் சவுதி இளவரசர் சல்மான் இருந்தாலும் இருக்கலாம் என பகிரங்கமாக சொல்லிகின்றார் டிரம்ப்

டிரம்ப் ஆதாரம் இல்லாமல் பேசமுடியாது என்பதால் உலகம் அரண்டு பார்க்கின்றது, நிச்சயம் சவுதி இளவரசர் பெயரை சொல்வது பெரும் அதிர்ச்சி

இதுபற்றி தான் பலமுறை சவுதியிடம் பேசினேன் என சொல்லிகொண்டிருந்த டிரம்ப் இப்பொழுது இப்படி அதிர்ச்சி கொடுக்கின்றார்

ஏதோ சவுதிக்கு எச்சரிக்கை கொடுக்கின்றது அமெரிக்கா, ஏதோ ஒரு முடிவுக்காக சவுதியினை கார்னர் செய்கின்றது அமெரிக்கா

இந்நிலையில் அமெரிக்க ஆதரவு ஜோர்டானிய உளவுதுறை தலைவர் சுட்டு கொல்லபட்டிருப்பது இன்னொரு சலசலப்பினை ஏற்படுத்தி இருக்கின்றது

விரைவில் அடுத்த புயல் கிளம்பலாம்

அல்லது தன் ஆதரவாளர் சுட்டு கொல்லபட்ட விஷயத்தினை தொடர்ந்து டிரம்ப் கடுப்பாகியிருக்கலாம்

அதிர்ச்சியான மோதல்கள் அரேபியாவில் தொடங்கிவிட்டன‌

[October 25, 2018 ]

============================================================================

தகுதி நீக்கம் செய்யப்பட்ட 18 எம்.எல்.ஏ.க்கள் வழக்கில் இன்று காலை தீர்ப்பு

எல்லா தரப்புமே எதிர்பார்க்கும் தீர்ப்பு இது

இதனால்தான் தினகரன் அந்த 18 பேரையும் குற்றாலத்தில் அடைத்து வைத்து குறவஞ்சி பாடிகொண்டிருக்கின்றார்

தீர்ப்பு எதுவானாலும் அவர்களுக்கு பின்புதான் தெரியவரும் அல்லது தெரிய வரவே வராது

அவர்கள் நிலமை அவ்வளவு பரிதாபம் [October 25, 2018 ]

============================================================================

சாதி ஒற்றுமை

பெரியாரால் கூட கொண்டுவரமுடியா சாதி ஒற்றுமையினை பல நூறு சொத்துமதிப்பு கொண்ட சங்கங்களால் செய்ய முடிகின்றது
தெட்சன நாடார் சங்கம் என்பது அபராதத்தில் ஓடும் சங்கம் அல்ல, கிட்டதட்ட 500 கோடிக்கும் மேற்பட்ட சொத்துக்களை கொண்டது என சொல்லபட்டாலும் மதிப்பு அதை விட அதிகம் இருக்கலாம்..
வியாபாரத்தில் கொடிகட்டி பறந்த சிவகாசி விருதுநகர் நாடார்கள் தங்களுக்காக உருவாக்கியது நாடார் சங்கம்
நாடார்கள் கல்வியிலும் வியாபாரத்திலும் வளர வேண்டும், அச்சமூகம் வளர வேண்டும் என்ற நோக்கத்தில் தொடங்கபட்டது அது
அதாவது கால சூழல் அப்படியானது, திராவிட குரல்களுக்கும் முந்தைய காலமது
ஆனால் தென்னகத்து நாடார்கள் அதில் ஒட்டமுடியவில்லை, பெயர்தான் நாடார் சங்கமே தவிர, விருதுநகர் நாடாருக்கும் நெல்லை நாடாருக்கும் இடைவெளி அதிகம்
இதில் இந்த ஆதித்த வம்சவளி நாடார்கள் என சொல்லிகொண்டவர்கள் தெட்சன நாடார் சங்கத்தை தொடங்கினார்கள், அவர்கள் தலைநகரம் நெல்லை
வியாபார கோட்டையான சிவகாசி சாத்தூருக்கு பதிலாக தூத்துகுடி மற்றும் நாகர்கோவில் கோட்டார் வளர தொடங்கியதும் சங்கம் உருவாக இன்னொரு காரணம்
சிவந்தி ஆதித்தனின் முப்பாட்டன் காலத்தில் தொடங்கபட்டது , நெல்லை தூத்துகுடி நாடார்கள் பணத்தில் அது வளர்ந்தது
நெல்லையர் எங்கெல்லாம் உண்டோ அங்கெல்லாம் வளர்ந்தது மும்பையிலும் வளர்ந்தது
பள்ளி, கல்லூரிகள் அது இது என வளர்ந்த சங்கம் பல நூறு கோடிகளை இன்று கொண்டிருக்கின்றது, பெரும் பணம் புரளும் இடம் அது
அப்படிபட்ட சக்திவாய்ந்த சங்கத்தை 
சிவந்தி ஆதித்தன் குடும்பம் அதை வைத்திருந்தது, பின்பு தென்னகத்து அம்பானி வைகுண்டராஜன் கைபற்றினார்
மணல் விவகாரத்தில் அவருக்கு நெருக்கடி வந்தபொழுது எதெல்லாம் தனக்கு இல்லாததை உணர்ந்தார், அவரின் சிந்தனையில் தனக்கென ஒரு ஊடகம் , பெரும் சங்கம் இல்லை என்பது அவருக்கு தெரிந்தது
நியூஸ்7 வந்தது போலவே சங்கமும் அண்ணாச்சி கைக்கு சென்றது, ஆனால் இதுவரை சங்கம் அண்ணாச்சிக்கு ஆதரவாக என்ன குரல் எழுப்பிற்று என்றால் ஒன்றுமே இல்லை, ஒரு முறை விஜயகாந்தினை கண்டித்ததோடு சரி.
இப்படியாக சங்கத்தை ஆளாளுக்கு வைத்திருந்தார்கள், சில நேரங்களில் சில ரவுடிகளின் கரங்களும் இருந்தன‌
இப்பொழுது என்னாயிற்று என தெரியவில்லை
கரகாட்டகாரன் கவுண்டமணி பாணியில் சொல்வதென்றால் சிவந்தி வைத்திருந்தார், தூத்துகுடி தொழிலதிபர்கள் வைத்திருந்தனர், வைகுண்டராஜன் வைத்திருந்தார், இப்பொழுது சங்கத்தை யார் வைத்திருக்கின்றார்கள் என்றே தெரியவில்லை
ஆனால் முதல் முறையாக தேவர் சமூகம் நாடார் சமூகத்திற்கு வாழ்த்து தெரிவித்திருப்பது மகிழ்ச்சி என்றாலும் உண்மை நிலவரம் அது அல்ல‌
ஒளித்து சொல்ல ஒன்றுமில்லை, திறந்தே சொல்லலாம். ஒரு காலத்தில் கமுதி மறவருக்கும் சிவகாசி நாடார்களுக்குமான கலவரங்களே இம்மாதிரி சங்கம் தொடர ஆரம்ப புள்ளி
பின் அது தொடர்ந்தது, இரு சமூகத்திற்கும் பசும்பொன் தேவர் காலத்தில் முறுக்கியது, சசிவர்ண தேவர் காலத்திலும் நிலமை சுமூகமாக இல்லை
1997 வரை இருபக்கமும் முட்டிகொண்டேதான் இருந்தது,இன்றும் கணல் உண்டு
இதில் இன்று 
எப்படி சாத்தியம் என்றால் அதுதான் அரசியல் விளையாட்டு
சாதிகள் எல்லாம் அரசியலாகிவிட்ட நிலையில் எல்லா சங்கங்களிலும் எல்லா சாதியினையும் அனுசரித்து செல்ல வேண்டிய நிலை
காரணம் சங்கத்து சொத்து, பணம், பதவி, அனுகூலம் இன்னபிற, வளைந்து நெளிந்து செல்லாமல் எதிர்காலம் இல்லை
போதாதா?
நாடார் சங்கத்தை தேவர் வாழ்த்த தொடங்கியாயிற்று
அதைத்தான் சொன்னோம், பெரியாரால் முடியாத சாதி ஒழிப்பினை பணம் செய்கின்றது
அப்புறம் என்ன?
இனி பசும்பொன் குருபூஜைக்கு வரலாற்றில் முதல் முறையாக இந்த நாடார் சங்க தலைவர் காளிதாச நாடார் செல்ல வாய்ப்பு இருக்கின்றது
ஒழிக சாதிகள், பெருகட்டும் ஒற்றுமைகள்
பசும்பொன் தேவரையும், காமராஜரையும் ஒன்றாய் பார்க்க நன்றாகத்தான் இருக்கின்றது
அதற்காக விரைவில் சரத்குமாரையும், கார்த்திக்கையும் ஒரே போஸ்டரில் போடுவார்கள் பாருங்கள் அதுதான் சகிக்க முடியாதது
அதைவிட ஆபத்து இந்த கராத்தே செல்வினும் கட்டதுரையும் ஒரே போஸ்டரில் வந்துவிட்டாலும் உண்டு
அப்படி ஒரு போஸ்டர் வருமா என்றால் நிச்சயம் வரும், காரணம் அரசியலும், பணமும் எல்லாம் செய்யும்
(என்னை அடிக்கடி பஸ்டாண்டுக்கு வா என சொல்லும் சாதி வெறியர்கள் இந்த போஸ்டரை பார்த்து விட்டு எந்த மருத்துவமனையில் கிடக்கின்றார்களோ தெரியாது)
ஒரு கோஷ்டி இதில் தினகரனின் அரசியல் விளையாட்டும் உண்டு என்கின்றது , சொல்லமுடியாது ஆர்.கே நகர் இடைதேர்தலில் இதே நாடார் சங்க கோஷ்டியான சபாபதி, வைகுண்டராஜன் எல்லாம் டிடிவி தினகரனுக்கு ஆதரவு தெரிவித்து அவர் வென்ற சம்பவமும் நடந்தது
அதனால் இதில் டிடிவி தினகரனின் கரங்கங்களும் உண்டு என்பதையும் மறுக்க முடியாது
அது ஒரு வேளை உண்மையாக இருந்தால் 
“இரண்டாம் பெரியார்” யார்?
சாட்சாத் டிடிவி தினகரனே தான் [ October 25, 2018 ]
Image may contain: 3 people, people smiling
Image may contain: 9 people, people smiling, people standing

சிதறல்கள்

இவ்வளவு நாள் இல்லாமல் சிபிஐ, ரா மேல் மோடிக்கு என்ன அக்கறை? அதுவும் ஆட்சி முடியும் பொழுது என்ன அக்கறை

ஆழ யோசித்தால் புரியும் விஷயம் இதுதான்

ரபேல் விவகாரத்தில் அடுத்த ஆட்சி சிபிஐ விசாரணைக்கு உத்தரவிட்டு விட்டால் தீரா சிக்கலில் விழநேரிடும் எனும் அஞ்சும் பாஜக அதற்கான தற்காப்பு முயற்சிகளில் ஈடுபட்டுள்ளது

ஆதாரங்களை அழிக்க பொம்மை அதிகாரிகளை வைக்கும் வேலை நடைபெறலாம்

ரபேலின் தொடர்புகள் வெளிநாடுகளில் இருப்பதால் ராவிலும் ஆதாரம் சிக்காமல் இருக்க சில வேலைகள் நடக்கலாம்

இப்போதைக்கு சிபிஐல் குழப்பம் வர இதை தவிர வேறு வாய்ப்பு இல்லவே இல்லை…

அவ்வளவு நல்ல அரசு என்றால் தமிழக அரசு மீது சீர்திருத்தம் செய்யட்டும் பார்க்கலாம் [ October 24, 2018 ]

============================================================================

”ஏழை, பணக்காரர் இடையிலான வித்தியாசத்தைக் குறைத்தவர்” :-

மோடிக்கு 2018 க்கான சியோல் அமைதி விருது வழங்குகின்றது தென்கொரியா

எப்படி குறைத்தார் என்பது நமக்குத்தான் தெரியும்?

தொழில் நடத்த முடியாமல் பலர் கம்பெனி மூடி தெருவுக்கு வந்தாயிற்று

பெட்ரோல் விற்கும் விலையில் காரினையும் பைக்கினையும் விட்டு விட்டு பலர் ரோட்டில் ஏழைகளோடு நடக்க ஆரம்பித்தாயிற்று

சிலிண்டர் விலை கூடியதால் பலருக்கு பழையபடி விறகு அடுப்பு

பணக்காரர்களை எல்லாம் ஏழையாக்கி ஒரே வரிசையில் உட்கார வைத்தார் மோடி , ஏழைகள் ஏற்கனவே ஏழைகள் என்பதால் இழக்க ஒன்றுமில்லை

ஆக வித்தியாசம் குறைந்தது என்பதால் விருது கொடுக்கபடலாம்

ஏம்பா தென் கொரியா பயலுகளா, உங்க சாம்சுங் போன் விற்கணும், ஹூன்டாய், கியா கார் விற்கணும் இன்னும் நிறைய எலக்ட்ரானிஸ் பொருள் எல்லாம் விற்கணும்ன்னா அதுக்காக இந்த அளவு பொய் சொல்வீர்களா?

உங்களுக்கெல்லாம் வடகொரிய தக்காளிதான் சரி.

[ October 24, 2018 ]

============================================================================

`சர்கார்’ படத்தை தீபாவளிக்கு முன்பே ரிலீஸ் செய்ய படக்குழு முடிவு

பின்னே?

யார் கதையினையோ ஏ.ஆர் முருகதாஸ் திருடிவிட்டார் என்ற சலசலப்பு வந்தாயிற்று, சம்பந்தபட்டவர் கோர்ட்டுக்கு செல்லுமுன் படத்தை வெளியிட்டால் சிக்கல் இல்லை என்பது தயாரிப்பாளருக்கு தெரியாதா?

[ October 24, 2018 ]

============================================================================

ஆத்தா, உனக்கு தெரியாததில்ல‌

நம்ம தலைவருக்கும் வாரிசு இல்ல, உனக்கும் வாரிசு இல்ல. இதனால எவ்வளவு கஷ்டம் ஆத்தா

அந்த கஷ்டம் உங்களோட போகட்டும், வருங்காலத்துல கட்சி நல்லா இருக்கட்டுமேன்னு சில வாரிசுகள நான் கூட உருவாக்குனது தப்பா ஆத்தா?

[ October 24, 2018 ]
Image may contain: one or more people and people standing
=====================================================================

Saravanan Chandran என்பவர் நல்ல எழுத்தாளர், இப்பொழுதும் சுபிட்ச முருகன் என்றொரு நாவல் எழுதியிருக்கின்றார்

நாவல் எழுதியது சரிதான், ஆனால் முன்னுரை எழுத ஜெயமோகனை அழைத்ததுதான் அதிர வைக்கின்றது

மனிதர் ஒரு முன்னுரை எழுதியிருக்கின்றார் பாருங்கள், தமிழ்தான்

ஆனால் பலமுறை வாசித்தும் புரியவில்லை, தலை ஒரு பக்கம் வாசித்தும் தலைகீழாக நின்று வாசித்தும், ஏன் கம்பியூட்டரை சரித்து போட்டு வாசித்தும் புரியவில்லை

இனி இரவு டாஸ்மாக் சரக்கு ஒன்றை அடித்துவிட்டு வாசிக்கலாம் என்ற முயற்சி தவிர வேறு வழி இல்லை

இந்த முன்னுரை வாசகனை பின்னங்கால் பிடறியில் அடித்து ஓட செய்துவிடும் என்பதால்
Saravanan Chandran என்பவர் கொஞ்சம் விளக்கவுரையினை எழுதி அதோடு இணைத்துவிடுவது நல்லது.

JEYAMOHAN.IN
  ‘மெய்யறிதல் என்பது ஒரு திரிபுநிலை’ என்ற சொல்லை எப்போதோ என் குறிப்பேடு ஒன்றில் எழுதிவைத்திருந்தேன்.
[ October 24, 2018 ]
============================================================================

இன்னொரு புதிய படத்தில் நடிகின்றார் ரஜினிகாந்த்

என்ன நடந்திருக்கும்?

“யோவ் வீட்டில் வாக்கிங் போறத கேமரா முன்னால் போ, வீட்டில் சாப்பிடுவதை கேமரா முன் சாப்பிடு, வீட்டில் சண்டை போடுவதை கேமரா முன்னால் போடு

வீட்டில் தனியாக பேசுவதை கேமரா முன்னால் பேசு, அப்பாவி ரசிகர்களை நினைத்து சிரிப்பதை கேமரா முன்னால் சிரி

கொஞ்சம் மேக் அப் மட்டும் போட்டுக்கோ, கோடி கோடியாய் கொட்டும்..” என வீட்டில் அந்தம்மா விரட்டும் போல [ October 24, 2018 ]

============================================================================

கூத்துபட்டறை முத்துசாமி இறந்துவிட்டார் என செய்திகள் வருகின்றன‌

நாடக குருமார்களான அவ்வை சன்முகம், பம்மல் கல்யாண சம்பந்தம் முதலியார் போன்ற வரிசையில் வரும் நபர் முத்துசாமி

ஏராளமான அற்புத நடிகர்கள் அவரின் நாடக பயிற்சியிலிருந்து வந்தார்கள். மக்கள் ஜனாதிபதி சோமசுந்தரம் முதல் இன்று உச்சத்தில் இருக்கும் விஜய் சேதுபதி வரை அவரால் உருவாக்கபட்டவர்கள்

நடிகர்கள் பசுபதி, விமல், விதார்த், கலைராணி, தேவி, மீனாட்சி, ஜார்ஜ்,ஜெயராவ்,ஜெயக்குமார்,
குரு சோமசுந்தரம், குபேரன், சஞ்சீவி, கவின் ஜெ.பாபு என பெரும் வரிசையினை உருவாக்கிய பெருமை அவருக்கு உண்டு

ஆண்டவன் கட்டளை படத்தில் நாசர் பாத்திரத்தில் அவரின் சாயலும், கூத்துபட்டறையும் நன்றாக தெரிந்தது

திரையுலகம் அவருக்கு செய்த நன்றிகடன் அது ஒன்றுதான்

நல்ல நடிகர்களை உருவாக்கிய அவருக்கு ஆழ்ந்த அஞ்சலிகள்

[ October 24, 2018 ]

Image may contain: 1 person, eyeglasses
==========================================================================

நிதி கொடுங்கள், கட்சியினை இத்தோடு மூடுகின்றோம் அரசியலுக்கு வரமாட்டோம் என மட்டும் சொல்லுங்கள்.

கடன் வாங்கியாவது மக்கள் கொட்டுவார்கள்

[ October 24, 2018 ]
Image may contain: 1 person, text
=======================================================================

இந்த சிபிஐ, ரா எல்லாம் சீரமைக்கின்றார்களாம், மகா திறமையான ஆட்கள் வேண்டுமாம்

ஸ்காட்லாந்து யார்டுக்கு நிகரான தமிழக போலிசுக்கே தண்ணி காட்டிய எச்.ராசாவினையும் எஸ்.வீ சேகரையும் சிபிஐக்கும், ராவுக்கும் அனுப்ப முடியுமான்னு டெல்லியில இருந்து சீரியசா கேக்குறாங்க‌

முடியவே முடியாது, அவங்க கட்சிக்கு தேவைன்னு சொன்னாலும் விடவே மாட்றாங்க, ஹாஹஹஹஹஹஹ்

ஹய்யோ..ஹய்யோ..

Image may contain: 5 people, people smiling, people sitting
=========================================================================

“மாமா லேய் இங்க ஒரு பிரச்சினைல‌

என்னல பிரச்சினை

இங்க கொஞ்சம் பேர் ஒருமாதிரி அலைதானுவல, என்ன மட்டம் தட்டிகிட்டே இருக்கானுவல, அவனுக ஏதோ பிர்மானனாம்ல‌

ஒ பிராமணனா?

என்னமோல அப்படித்தான் சொல்றானுவல, கலரா இருக்கானுவளா நான் கருப்பா இருக்கேன்னு அவனுகளுக்கு இளக்காரமா இருக்குல‌. நானும் கருப்பு அப்பாவும் கருப்பா அம்மாவும் கருப்பா, அத வச்சி கிண்டல் பண்ணிட்டே இருக்கானுவல‌

அவனுக நல்லா படிப்பானுவல, அப்படித்தான் இருப்பானுக, நீனும் நல்லா படி

கிழிச்சானுவ நான் பத்து மார்க் எடுத்தா அவனுக 5 கூட இல்ல ஆனாலும் நாங்கதான் பெருசுன்னு நிக்கானுவல‌

அப்டியால‌

ஆமால ஆனா அடிச்சா செத்துருவானுவ அப்படித்தான் இருக்கானுவ ஆனாலும் கொசரு

அப்படி என்னதாம்ல செய்றானுவ‌

என்ன கூப்டுவச்சி நாங்க வெள்ளையா இருக்கோம் நீ கருப்புங்காரானுவ, ஏதோ சர்ஸ்வதியாம்ல அத கும்பிடனுமாம், ஜீசஸ்ன்னு ஒன்னு கிடையவே கிடையாதாம்

ஒஹோ

அவனுக செய்றது எல்லாம் சரியாம், நா செய்றது எல்லாம் தப்பாம். அவனுகளத்தான் நான் பாலோ பண்ணனுமாம்ல , சேட்டையா பண்றானுவல‌

அப்படியால‌.

ஆமால, எத சொன்னாலும் நீ சொல்றது தப்பு, நாங்க சொல்றதுதான் சரி, எங்க ஆத்துல பெரியவா சொல்லிருக்கான்னு சொல்லி சொல்லி அவனுக அதிகாரம் பண்ணிட்டே இருக்கானுவல‌

ஓஹோ வேற..

நிறையால… எதுக்கு எடுத்தாலும் கருப்பா இருக்கவனுக்கு ஒண்ணும் தெரியாது, நாங்க சொல்றத கேட்டுட்டு ஒழுங்க இருன்னு சொல்றானுவ, ஆனா சொல்றது பூரா தப்புல‌

அப்படியால, அவனுகளுக்கு எல்லாம் அந்த பெரியார் கிழவர்தாம்ல சரி

அவர் எங்கல இருக்காரு, போன் போட்டு இங்க வர சொல்லுல‌

அவர் இல்லல, ஆனா இவனுகள எப்படி அடக்கனும்னு அவர் நிறைய எழுதி வச்சிருக்காருல‌

அப்படியால மாமா

ஆமால, உனக்கு தமிழ் வாசிக்க தெரிமால‌

தெரியும்ல, உடனே புக் அனுப்பி வைல‌

சரில‌

அவனுகள விட கூடாதுல, ஓட ஓட அடிக்கணும்ல, பெரிய இவனுக மாதிரி அலையுறானுவல.

சரில அடிச்சிருவோம்ல‌

(இரண்டாம் வகுப்பு படிக்கும் தங்கை மகனுடன் பேசியது இது, நம் வீட்டிலும் ஒரு தீவிர பெரியாரிஸ்ட் உருவாகி கொண்டிருக்கின்றார்

[ October 24, 2018 ]

============================================================================