மண்ணின் மைந்தன்?

தமிழன் தமிழ் நாட்டு குடிமகன் இல்லையாம் அவன் லெமூரியாவில் இருந்து வந்த வந்தேறி எனச் சொல்கின்றது வைகோ கோஷ்டி ்

இனி என்ன அங்கிள் சைமன் பல்டி அடித்து வருவார்

மதிமுக ஒரு மாதிரி கன என்பது வைகோவை பார்த்து தெரியும் ஆனால் கட்சி முழுக்க அவரைப் போலவே இருப்பார்கள் போல

நான் கேட்பது ஒன்றே ஒன்றுதான்

தமிழ்நாட்டுக்கு தமிழன் வந்தேறி என்றால் ஈழத்தமிழன் இலங்கையில் வந்தேறி அவனும் லெமூரியாவில் இருந்து வந்தான் பிறகு என்ன மண்ணாங்கட்டிக்கு வந்தேறி ஈழத்தமிழனுக்கு இவர்கள் இவ்வளவு அழிச்சாட்டியம் செய்ய வேண்டும் பூர்வகுடி சிங்களவன் என்பவனை ஆதரித்தால் என்ன அவன்தானே மண்ணின் மைந்தன்?

தேசத்துரோகம்

இது ஒருங்கிணைந்த இந்தியா இந்துக்களுக்கான இந்தியா என முதலில் கலவரத்தை தொடங்கியது இந்து மகாசபை

இந்த இந்து மகாசபையின் அழிச்சாட்டியம் உச்சத்திற்கு செல்ல இனி இந்தியாவில் இஸ்லாமியர் வாழ முடியாது என தனி நாடு கே கேட்டார் ஜின்னா இந்தியா பிரிய இந்த இந்து மகா சபையே முழு காரணம் ஒரு காரணம்

ஆம் இந்நாடு கண்ட அனைத்து மதக் கலவரங்களுக்கு தாய் இந்த இந்து மகாசபை

இதோ இன்று ஆட்சி பீடம் ஏறி விட்டோம் இனி இறங்கவே மாட்டோம் நாம் கண்ட இந்து ராஜ்யம் அமைந்துவிட்டது என்ற பாசிச மனப்பான்மையில் அண்ணல் காந்தியடிகளை அன்று சுட்டுக்கொன்ற அதே வன்மத்தை இன்றும் காட்டுகிறார்கள்

இந்த தேசம் இனி அமைதியாக இருக்க ஒரே வழி இந்த மதவெறியின் மூல உச்சமான இந்த இந்து மகாசபையின் தடை செய்வதாகவும் நாடு அமைதியாக இருக்க முதலில் செய்ய வேண்டியது இந்த காவி கும்பல் அடித்து உள்ளே போடுவது

இவர்கள் செய்திருப்பது மாபெரும் தேசத்துரோகம் சமூக அமைதிக்கு பங்கம் விளைவிக்கும்

அரசு உடனே செய்ய வேண்டியது செய்யட்டும்

இவர்களை மகா வன்மையாக கண்டிக்கின்றோம் இவர்கள் அந்த ஒரு காலத்தில் அப்படி செய்ததால்தான் நாடு துண்டானது மறுபடியும் துண்டாட கிளம்பிவிட்டார்கள்

அரசு செய்ய வேண்டியதை உடனே செய்யட்டும்

கரசேவை

வைகோ தன் தொண்டர்களை வன்முறைக்கு தூண்டிவிட்டார் மாபெரும் களபலி கொடுக்கத் துணிந்தார் என்றெல்லாம் சிலர் சொல்லுகிறார்கள்

உடனே பாஜகவினர் ஓடிவந்து ஆமாம் இது திராவிட பாரம்பரியம் அவர்கள் அவர்கள் ரத்த வெறி கொண்டவர்கள் என்றெல்லாம் சொல்லிக்கொண்டு இருக்கிறார்கள்

ஆனால் அப்பாவி இந்துக்களை உணர்ச்சிகளை தூண்டி பாபர் மசூதியை இடித்து இந்நாட்டில் மாபெரும் கலவரத்தை செய்தவர்கள் யார் எனக் கேட்டால் பதில் இல்லை

வைகோ செய்தால் அது வன்முறையை தூண்டுதல் இதுவே இந்துத்துவ அமைப்புகள் செய்தால் அதன் பெயர் கரசேவை

மகாத்மா காந்தி

இப்பொழுது லேப்டாப் இல்லை நேரமும் இல்லை போனில் சில விஷயங்களை பரிசோதித்துப் பார்த்தேன் அது சரிவரவில்லை

காந்தி கொலைக்கு காரணம் இந்து மகாசபையும் அதன் உடன்பிறப்பான ஆர்எஸ்எஸ் அமைப்பும் இந்து மகா சபை உறுப்பினரான கோட்சே அந்த கொலை செய்தார் என்றாலும் இதனால்தான் ஆர்எஸ்எஸ் அமைப்பு தடை செய்யப்பட்டது

அந்த காலங்களில் உங்களுக்கு தெரியாததல்ல panjab and bengal ரிந்து கொண்டிருந்த காலத்தில் காந்தி இந்தியாவை ஒரு மதச்சார்பற்ற நாடாக ஆகிவிடுவார் என்று அஞ்சி அந்த மதவாத சக்திகள் அவரை கொல்லத் துணிந்தன

அதுவும் அந்தக் கொலைக் இந்த தேசம் பற்றி எரிய வேண்டும் என ஒரு இஸ்லாமியன் அவரைக் கொன்றான் என மாபெரும் கலவரத்தை தூண்ட திட்டமிட்டன அதை எல்லாம் india முறியடித்தது பின்பு அந்த கலவரங்களை பாபர் மசூதியை இடித்தவர்கள் நிறைவேற்றிக்கொண்டு அது வேறு கதை

மற்றபடி இத்தேசம் மதச்சார்பற்ற தேசமாக வளர்ந்து விடக்கூடாது என்பதற்காகவும் இங்கு இஸ்லாமியருக்கு எதிரான மிகப் பெரிய வன்முறை நிறுத்தப்பட வேண்டும் என்ற ஒரு பயங்கரச்கொலை நிகழ்த்தப்பட்டது அதில் மாற்றுக்கருத்து இல்லை ஒரு காலமும் இல்லை

மற்றபடி அதிகம் எழுத முடியவில்லை இதில் எழுதுவதற்கு மிகவும் சிரமமாக இருக்கிறது

ஆசிரியர் போராட்டத்தில் அரசு அதிரடி

palani


ஆசிரியர் போராட்டத்தில் அரசு அதிரடி

அதாவது பொதுதேர்வுகள் நெருங்கும் நேரம் இந்த அரசு ஆசிரியர்கள் வேலை நிறுத்தம் செய்வது கொஞ்சமும் பொறுப்பற்ற செயல்

இப்பொழுது அவர்களுக்கு என்ன குறை அல்லது இல்லை? ஆனானபட்ட டிரம்பே அமெரிக்க அரசு ஊழியருக்கு சம்பளத்தை நிறுத்தி வைத்திருக்கும் நிலையில் இங்கு அப்படியா நடக்கின்றது?

தேர்வுக்கு காத்திருக்கும் மாணவர்களை அம்போ என விட்டுவிட்டு ஸ்ட்ரைக் செய்யும் இவர்களை எல்லாம் உடனே வேலை நீக்கம் செய்ய வேண்டும்

அவர்களுக்கு பொறுப்பில்லை ஆனால் அரசு யோசித்திருக்கின்றது

இந்த மாணவர்கள் என்ன ஆவார்கள்? என யோசித்த அரசுக்கு அட்டகாசமான ஐடியா கிடைத்திருக்கின்றது

ஆசிரியர் பயிற்சிபள்ளியில் முடிக்கும் தருவாயில் இருப்போரை இப்பொழுது ஆரம்ப பள்ளி மற்றும் இடைநிலை பள்ளிக்கு பணிக்கு கொண்டுவந்துவிட்டது

இதனால் பள்ளிகள் தடைஇன்றி இயங்குகின்றன‌

பள்ளி என்பது என்ன? மாணவர்களை தேர்வுக்கு தயார் செய்யுமிடம் இதோ செய்துவிட்டார்கள்

இனி உயர்நிலைக்கு சில டியூட்டோரியல் காலேஜ் ஆசிரியர்களை அழைத்தால் தீர்ந்தது சிக்கல்

நாம் முன்பே சொன்னோம், இது இரண்டாம் கர்ம வீரர் பழனிச்சாமி அரசு, மாணவர்கள் கல்வி பாதிக்கபடுவதை அனுமதிக்காது என‌

இதோ அட்டகாசமாக சமாளித்துவிட்டார்கள், வேலை நிறுத்தம் செய்யும் ஆசிரியர்கள் அப்படியே வீட்டுக்கு செல்லலாம், கோர்ட்டுக்கு சென்றால் அரசிடம் பதில் இருக்கின்றது

“பார்ப்பதற்கு பாமரன் போல் இருப்பான்
வேளைவந்தால் விஸ்வரூபம் எடுப்பான்”

சிங்கம் ஒன்று புறப்பட்டதே….

இரண்டாம் கர்ம வீரர் பழனிச்சாமி வாழ்க..

நேதாஜியினை முழுக்க புரிந்த பெண்


நேதாஜி என்பவர் நாட்டுக்காய் வாழ்ந்து, நாட்டிற்கு போராடி, நாட்டுக்காகவே செத்தவர். அவரின் பரபரப்பான வாழ்வில் தன் சொந்த வாழ்க்கைக்காக ஏதும் செய்தாரா? அவருக்கும் தனிபட்ட விருப்பங்கள் இருந்ததா என்றால் மகா விசித்திரமான சம்பவங்கள் எல்லாம் உண்டு

காந்தி வழியில் ஒத்துழையாமை இயக்கத்தில் பங்கெடுத்து சிறையில் இருந்த நேதாஜிக்கு உடல்நிலை மோசமானது, ஆங்கில அரசு உயர் சிகிச்சைக்காக ஐரோப்பா செல்ல அனுமதித்தது

1934 ஆம் ஆண்டின் இடைப்பகுதிலிருந்து 1936 ஆம் ஆண்டு மார்ச் மாதம் வரை வியன்னாவில் அவர் தங்கி இருந்தபொழுது “இந்திய துயரம்” எனும் புத்தகம் எழுதி ஐரோப்பாவில் இந்திய ஆதரவு திரட்ட தீர்மானித்தார், அதற்கு தட்டச்சு செய்ய ஒரு பெண் தேவைபட்டார்

அந்த பணிக்கு வந்தவள்தான் எமிலி , 23 வயதுதான் ஆகியிருந்தது. மொழிவளம் அவளுக்கு அபரிமிதமாக இருந்தது

நேதாஜி 38 வயதை எட்டியிருந்தார், அதுவரை அவர் தேசம் என்பதை தவிர ஒன்றையும் சிந்தித்தவர் அல்ல‌

ஆனால் பெண் எனும் சக்தி சாதாரணம் அல்ல, இந்திரனை விடுங்கள், விசுவாமித்திரர் முதல் ஏன் சிவனிடமே உடலில் பாதியினை கேட்டு அமர வைத்த பெண்ணுக்கான சக்தி நேதாஜியினை விடுமா?

உலகில் ஏன் எதற்கு என தெரியாத ஒரு ஈர்ப்பே பெண் மேலான ஒருவகை ஈர்ப்பு, அதற்கு காதல், காமம், பெண் பொறுக்கிதனம் என எத்தனை பெயர்கள் வைத்தாலும் அதன் ஒரே பெயர் ஈர்ப்புதான்

38 வயதில் நேதாஜிக்கு அந்த சோதனை வந்தது, சட்டென காதலில் விழுந்தார் அவரே சொன்னபடி “மலை உச்சியின் பனி சூரிய வெளிச்சம் கண்டதும் உருகுவது போல, என் இரும்பு மனம் உன்னிடம் உருகிவிட்டது”

எந்த பராமக்கிரசாலியும் காதலில் விழுவான், ஆனால் மறுநிமிடமே உறுதியான‌ கொள்கையாளன் அதிலிருந்து எழும்பிவிடுவான், அதிலிருந்து வெளிவரமுடியாதவனால் சாதிக்க முடியாது

நேதாஜி இனி அவ்வளவுதான் என்றார்கள், நேதாஜியின் காதலால் ஒன்றே அவரின் போராட்ட வாழ்வினை முடிக்கும் சக்தி கொண்டது என்றார்கள்.

ஆனால் நேதாஜி நாட்டை மறக்கவில்லை

எமிலி கார்ல்மார்க்ஸ்க்கு ஜென்னி போல போஸுக்கு துணையாக இருந்தார், பலமாக இருந்தார்

இவர்களுக்கு பிறந்த குழந்தைதான் அனிதா, இத்தாலியின் புரட்சிகர தலைவர் கேரிபால்டியின் மனைவியான பிரேசிலை பூர்விகமாக கொண்ட அனிதா கேரிபால்டி நினைவாக அந்த பெயரிடப்பட்டது.

ஆம் வரலாற்றின் மிகபெரும் பெண் போராளியின் பெயரைத்தான் தன் மகளுக்கு சூட்டினார் போஸ், இந்தியாவிற்கு அவள் அப்படி போராட வெண்டும் என்ற கனவு இருந்தது

திருமணம் செய்து போஸும் எமிலியும் சேர்ந்திருந்தது வெறும் 3 ஆண்டுகளே, 1942ல் கடைசியாக தன் குடும்பத்தை சந்தித்தார் நேதாஜி

அதன் பின் யுத்தம் நேதாஜி மறைவு என காட்சிகள் வந்தன‌

ஆனால் எமிலி நேதாஜி நினைவோடே வாழ்ந்தாள், அவருக்காகவே வாழ்ந்தாள்

நினைத்திருந்தால் இந்தியா வந்திருக்கலாம், நேதாஜிக்கு இருந்த பெரும் ஆதரவினை பெற்று பெரும் அரசியல் சக்தியாக வளர்ந்திருக்கலாம்

ஆனால் செய்யவில்லை, என் கணவனின் கனவுபடி இந்தியா சுதந்திரமடைந்துவிட்டது அது போதும் என ஐரோப்பாவிலே இருந்தாள்

தன் மகளை, ஆம் நேதாஜியின் ஒரே மகளை மிக சிரமபட்டு தனியாகவே வளர்த்தாள்

இந்தியாவில் இருந்தோ இல்லை போஸின் குடும்பத்திடமிருந்தோ ஒரு காசும் அவள் பெறவில்லை

பலமுறை எமிலியினை ஏராளமானோர் வற்புறுத்தியும் அவள் இந்திய அரசியலுக்கு வரவில்லை, தன் மகளை இந்தியா பக்கம் விடவுமில்லை

ஏன் என கேட்டால் கனத்த மவுனமே அவளிடமிருந்து வந்தன‌

“நான் இந்திய அரசியலில் பங்குக்கு வந்தால் நான் நேதாஜியினை காதலித்தது அரசியலுக்காக என்பது போல் ஆகிவிடுமல்லவா? அது அவருக்கு களங்கம் அல்லவா” என மிக நெருக்கமானவர்களிடம் சொன்னார் எமிலி என்பார்கள்

எப்படி ஒரு உயர்ந்த உள்ளம் அவருக்கு இருந்திருக்கின்றது?

நேதாஜி அவளை ஊர் அறிய திருமணம் செய்யவில்லை, காதல் ரசம் சொட்ட சொட்ட எழுதிய கடிதங்களை கூட கிழித்து போட சொல்லியிருக்கின்றார்

ஆனால் அவள் செய்யவில்லை, நேதாஜியின் கடிதங்களோடே வாழ்ந்த அவள் 1996ல் இறந்தாள்

நேதாஜி எந்த அளவு எமிலியினை நேசித்தார் என்பதற்கு அந்த கடிதத்தின் வரிகளில் சில

“நான் உன்னுள் இருக்கும் பெண்ணையும், ஆன்மாவையும் காதலிக்கிறேன். நான் நேசிக்கும் முதல் பெண்மணி நீதான்”

“எதிர்காலத்தில் என்ன நடக்கும் என்று எனக்கு தெரியவில்லை. ஒருவேளை நான் எனது மீதி வாழ்க்கையை சிறையில் செலவிட நேரிடலாம், நான் சுட்டுக் கொல்லப்படலாம் அல்லது தூக்கில் தொங்கவிடப்படலாம்.

அதனால், நான் உன்னை நேரில் சந்திக்க முடியாமல் போக நேரிடலாம் அல்லது மீண்டும் கடிதத்தை எழுத முடியாமலும் போகலாம்”

மிக மிக உருக்கமான வரிகள்..

அந்த அப்பழுக்கற்ற போராளி தேச கடமைக்கும் தன் காதலுக்கும் இடையே போராடி இருக்கின்றான், பரிதாபம்

எமிலி ஒரு மாவீரனால் காதலிக்கபட்டிருக்கின்றாள் அதுவும் உருகி உருகி காதலிக்கபட்டிருக்கின்றாள், அந்த பெருமையில் காலமெல்லாம் தனியாகவே வாழ்ந்திருக்கின்றாள்

நேதாஜி வாழ்க்கையில் மிக குறிப்பிடவேண்டிய பெண் எமிலி, ஒருவகையில் தியாக தலைவி

நேதாஜியின் மகள் இன்று ஜெர்மனில் பொருளியல் மேதை

இந்நாட்டில் ராகுல் காந்தி போல, உதயநிதி போல, அகிலேஷ் யாதவ் போல இருக்க வேண்டிய அனிதா மகா அமைதியாக ஒதுங்கி வாழ்கின்றார்

அட ராகுல் என்ன? சோனியாவின் இடத்தையே பிடித்திருக்கலாம். பெரும் சக்தியாய் உருவாகி இருக்கலாம்

காலம் எவ்வளவு விசித்திர விளையாட்டுக்களை எல்லாம் ஆடுகின்றது.

கணவனின் கட்சியினை காப்பேன் என வந்து நின்ற சோனியா ஒருவகை, என் கணவன் இல்லா இந்தியாவில் காலடி எடுத்து வைக்க மாட்டேன் என நின்ற எமிலி இன்னொரு வகை

பெண்களில்தான் எத்தனை வகை?

ஆயினும் நேதாஜி கடிதத்தின் அந்த வரியினை பாருங்கள், எவ்வளவு அழகாக எழுதபட்ட வரி

“நான் உன்னுள் இருக்கும் பெண்ணையும், ஆன்மாவையும் காதலிக்கிறேன். நான் நேசிக்கும் முதல் பெண்மணி நீதான்”

இந்த வரிக்காகத்தான் கடைசி வரை தனியாகவே இருந்து மகளை வளர்த்து அவருக்காகவே வாழ்ந்தாள் எமிலி

இந்நாட்டிற்காக வாழ்க்கையினை தொலைத்த தம்பதிகளில் நேதாஜிக்கும் எமிலிக்கும் நிச்சயம் இடம் உண்டு

நேதாஜியினை முழுக்க புரிந்த பெண் காதலியாய் மனைவியாய் அவருக்கு கிடைத்தது ஒருவரம், தன் வாழ்நாளில் அந்த மாவீரன் கண்ட நிம்மதியும் மகிழ்வும் இது ஒன்றுதான், இது ஒன்றேதான்

நேதாஜி சுபாஷ் சந்திர போஸ்

nethaji

நிச்சயமாக அவர் ஒரு ஒப்பற்ற போராளி, காலத்தை மிக நுட்பமாக கணித்து விடுதலை போராட்டத்தை மாற்றியவர், அவரது திட்டம் மட்டும் வெற்றிபெற்றிருக்குமானால் இன்று இந்தியாவின் தலைவிதி மாறி இருக்கும்,

ஆனால் ஜப்பானின் அணுகுண்டு தாக்குதலும், ஹிட்லரை வீழ்த்திய ரஷ்ய செஞ்சேனையின் மாபெரும் வெற்றியும் அவரது தலைவிதியினை மாற்றிற்று

அந்தகாலத்திலே கலெக்டருக்கு படித்தவர், ஆனால் பட்டத்தினை தூக்கி எறிந்து விட்டு காங்கிரசில் புகுந்தார். வெள்ளையன் மனதினை மட்டும் அடி, அஹிம்சையால் ஆழ்மனதினை தொடலாம் எனும் காந்தீய இந்திய ஞான மரபெல்லாம் அவருக்கு ஒத்துவரவில்லை, காந்தி வேறுமாதிரியானர். அவர் போராட்ட வடிவம் வேறு.

வெள்ளையன் இப்படி சிந்தித்தான், “காந்தியால் நமக்கு பெரும் நெருக்கடி இல்லை, ஏதோ இவர் சொன்னால் மொத்த இந்திய மக்களும் கேட்கின்றார்கள், ஆனால் இவரை முடிந்தவரை சமாளித்துவிடலாம்,

ஆனால் போஸ் அப்படி அல்ல, துடிப்பானவர், விட்டால் சட்டை காலரை பிடித்து உலுக்குவார், ம்ம்ம் தூக்கிபோடு உள்ளே”.

எப்படியோ தப்பினார் போஸ், ஆனால் உடனே படை திரட்டி, சயனைடை கழுத்தில் கட்டி, பின் வந்தவன் எல்லோர் மேலும் தற்கொலை குண்டுகட்டி ஏவி விடவில்லை. காந்தி மேலும், நேரு மேலும் அப்படியே மவுண்பாட்டன் மேலும் மனித குண்டுகளை அவர் ஏவவில்லை, “இன‌ துரோகி” என பாருக்கும் பட்டம் கொடுக்கவும் இல்லை

அப்படி செய்திருந்தால் இந்தியாவின் ஒவ்வொரு நகரமும் ஜாலியன் வாலாபாக் ஆகியிருக்கும்,

அது முட்டாள்களின் வேலை.

காந்தி ஒருபக்கம் போராடட்டும், நாம் ஒரு பக்கம் போராடுவோம் என்பதுதான் அவர் வழி.

பிரிட்டன் பெரும் ராணுவம், இன்னொரு எதிரியுடன் சேர்ந்துதான் அவர்களை விரட்டவேண்டும் எனும் திட்டத்தோடு களமிறங்கினார், ஹிட்லரிடம் உதவி கோரினார். ஹிட்லருக்கு இந்தியா மேல் பெரும் அபிமானமில்லை. இந்தியாவின் சென்பகராமனையே அவர் போட்டு தள்ளிய சர்ச்சை உண்டு,

ஹிட்லரை பொறுத்தவரை இந்தியர்கள் தலமைபதவிக்கு தகுதியற்றவர்கள். ஆரியர்கள் மட்டும் ஆள பிறந்தவர்கள்

லண்டனை பிடித்தால் இந்தியா எனக்கு, இவர் யார் இடையில் ஆள்வதற்கு என்று கூட ஹிட்லரின் ஆரிய மண்டையில் ஓடியிருக்கலாம், ஆனால் ஒரு கூட்டணிக்காக அவர் சுயநலத்தோடு போஸினை அரவணைத்திருக்கலாம் என்பார்கள், வாய்ப்பு உண்டு.

மகா மர்மம் நிறைந்தது வரலாறு.

ஆனாலும் ஹிட்லரின் கூட்டாளியான ஜப்பான் அவருக்கு ஆதரவளித்து, மலேய முற்றுகையின் போது, பயிற்சியும் அளித்து, கிட்டதட்ட வங்கத்தில் போஸ் படையோடு வந்துவிட்ட நிலையில்தான் அணுகுண்டு விழுந்து, ஜப்பான் ஓடிபோயிற்று, போஸும் ராணுவத்தை கலைத்தார், அதோடு இந்திய சுதந்திர நாளும் நெருங்கிற்று, போஸ் தலைமறைவாக இருந்தார்.

சுதந்திர இந்தியா தனக்கு அடைக்கலம் தரும் என்ற நம்பிக்கை அவருக்கு இருந்தது.

இந்திய சுதந்திர ஒப்பந்தபடி, போஸ் என்பவர் நாசிக்களோடு , ஜப்பானியரோடு சேர்ந்து பிரிட்டனை எதிர்த்த போர் குற்றவாளி, அவரை ஒப்படைக்கவேண்டியது இந்திய கடமை என்ற அறிக்கைகள் வந்த கொஞ்சநாளில் போஸ் தைவானில் விபத்தில் இறந்துவிட்டதாக செய்திகள் வந்ததன, அதிலிருந்து தொடங்கின குழப்பம்.

இனி வல்லரசுகள் தன்னை விடாது என்று அவர் தற்கொலை செய்துகொண்டதாக கூட செய்தி உண்டு, உறுதிபடுத்தபடவில்லை.

வங்கத்தை அடுத்து போஸுக்கு மகா ஆதரவு கொடுத்தது தமிழகம், பசும்பொன் திரு.முத்துராமலிங்கம் போன்றவர்கள் அவர் உயிருடன் இருப்பதாகவே மேடைகளில் முழங்கினார்கள். சர்ச்சை தீர்ந்தபாடில்லை.

ஆனால் பல ரகசியங்கள் காக்கபட்டன, அவை வெளியிடபட்டால் உள்நாட்டில் சிக்கல்கள் வருவதை கூட எப்படியாவது சமாளிகலாம், ஆனால் வெளிநாட்டு சிக்கல் வந்தால் எப்படி சமாளிப்பது? எனும் நோக்கில் பல விஷயங்கள் மவுனிக்கபட்டது.

இந்தியாவின் ஒப்பற்ற போராளிதான் மக்கள் தலைவர் நேதாஜி, ஆனால் சேர்ந்த இடம் சரி இல்லை.

ஹிட்லர், ஜப்பானிய கூட்டத்தில் அவர் இணைந்தது உலக கண்களை உறுத்தியது. ஹிட்லர் இறந்தாலும் அவர் உடல் சிக்கவே இல்லை. அவர் இருப்பதாகவும் நாசிக்கள் ஒன்று கூடுவதாகவும் அந்த ரகசிய வலைப்பின்னலில் நேதாஜி இருப்பதாகவும் சந்தேகிக்கபட்ட கதைகள் வந்தன‌.

மொத்தத்தில் அவர் விபத்தில் இறந்திருந்தால் இந்தியருக்கு இழப்பு ஆனால் வல்லரசுகளுக்கு கொண்டாட்டம். ஒருவேளை பிழைத்திருந்து இந்தியா வந்தால், மாபெரும் மக்கள் திரள் அவரை ஆட்சியில் அமைய வைக்கும் சாத்தியம் இருந்தது, அவரின் செல்வாக்கு அப்படியானது.

காரணம் அப்பொழுது நேதாஜியின் வயது வெறும் 48.

அப்படி அமரும் பட்சத்தில் அவர் என்ன செய்வார்? ஒரு காலத்தில் தனக்கு உதவிய ஜெர்மானியருக்கும், ஜப்பானியருக்கும் மறைமுகமாக உதவுவார், நிச்சயம் லண்டனை பழிவாங்குவார் என ஏகபட்ட சாத்தியங்களை அவர்களாகவே உருவாக்கினார்கள்.

ஆச்சரியமாக சோவியத் யூனியனும் அதில் சேர்ந்துகொண்டது, காரணம் ஹிட்லரால் அதிகம் பாதிக்கபட்டவர்கள் அவர்கள்தான். ஹிட்லரின் கூட்டாளிகளை தேடிகொண்டே இருந்தனர், சீனா ஜப்பானிடம் பட்ட அடி கொஞ்சமல்ல, அதற்கும் ஜப்பானிய கூட்டாளியான போஸ் எதிரியானார்.

ஆக பல நாடுகளின் எதிரி என அவர் விதி மாறிற்று.

உறுதிபடுத்தபடாத ஆனால் வலுவான ஆதாரம் கொண்ட செய்தி, சீன எல்லையில் சுற்றிய நேதாஜி, ரஷ்ய உளவுதுறை அந்நாளைய கேஜிபி மூலம் கிழக்கு ரஷ்யாவில் வீட்டுசிறையில் வைக்கபட்டார் என்பது.

இந்த செய்தி பல காலமாக தொடர்ந்து வந்தது, ஆனால் உளவுதுறைகள் அவர் இந்த குகை சாமியாராக இருக்கலாம், அதோ அந்த விவசாயி அவர்தான் என்றெல்லாம் கதைகள் கட்டி திசை திருப்பின.

நேதாஜியின் மனைவியும், மகளும் இந்த வாதங்களை ஆணித்தரமாக வைத்துபார்த்தனர், ஆனால் ஒரு முடிவும் கிடைக்கவில்லை.

வங்கத்து மம்தா அரசு சில நேதாஜி ரகசியங்களை மத்திய அரசின் பிண்ணணியில் வெளியிட்டு, அந்த விபத்திற்கு பின்னும் நேதாஜி வாழ்ந்த ஆதாரம் உண்டு என முணுமுணுத்திருக்கின்றது,

மத்திய அரசு இதனை பெரும் செய்தியாக்கிவிட்டு அமைதியாக கண்காணிக்கின்றது, இவ்வளவு சொல்பவர்கள் அப்படியானால் அவர் எங்கு வாழ்ந்தார்? எப்படி இறந்தார் என்று சொல்லவேண்டும் அல்லவா? அது இவர்களால் முடியாது.

காரணம் அது நிச்சயம் சர்வதேச குழப்பங்களை ஏற்படுத்தும், அது எவ்வளவு தூரம் போகுமென்றால், கென்னடி கொலையில் ஆனானபட்ட அமெரிக்கா கையை பிசைந்த நிலை வரை செல்லும்.

அது இவர்களுக்கும் தெரியும், அப்படி உண்மை தெரியவேண்டுமென்றால் இவர்கள் குட்டிகரணம் அடிக்கவேண்டிய இடம் வேறுநாடுகள். உண்மையில் நேதாஜி மீது அக்கறை இருந்தால் அதனை செய்வார்கள், ஆனால் இவர்கள் நோக்கம் என்ன?

அரசியல் எல்லாம் அரசியல்

இவர்கள் சொல்ல வருவது எல்லாம் நேருதான் காரணம், நேரு என்றால் காங்கிரஸ்தான் காரணம், காங்கிரஸ் ஒழிக , இவ்வளவுதான் விஷயம்.

இதுதான் உண்மை, கேட்கவேண்டிய இடத்தில் கேட்கவே மாட்டார்கள்.

சுவிஸ் அரசை மிரட்டி ஆளுக்கு 15 லட்சம் தருவோம் என்றவர்கள், அதன்பின் சுவிஸ் சாக்லேட்டினை கூட இந்தியாவில் தடை செய்யவில்லை, இவர்கள் எப்படி பெரும் வல்லரசுகளை பகைத்து நேதாஜி மர்மத்தை உடைப்பார்கள்?

பின்னர் என்ன? அதே தான் காந்தி ஒழிக,நேரு ஒழிக ஆனால் மிக கவனமாக இந்த கூட்டணியில் ஒருவரான பட்டேல் மட்டும் வாழ்க, எப்படி இருக்கின்றது பார்த்தீர்களா? வரலாற்று திரிபு.

நிச்சயமாக நேதாஜி பெரும் தேச அடையாளம். நாட்டு விடுதலைக்காக சேராத இடம் சேர்ந்து வஞ்சத்தில் வீழ்ந்த வரலாறு அவருடையது.

காந்தி வழி வேறு, நேதாஜி வழி வேறு. இருவரும் தம் தம் வழியில் போராடினார்கள். ஒருவரை ஒருவர் புரிந்துகொண்டிருந்தார்கள். நாம் தான் இருவரையும் புரிந்துகொள்ளாமல் விமர்சித்துகொண்டிருக்கின்றோம்.

ஆழ்ந்து நோக்கினால் இருவருக்கும் வேறு வழி தெரியவில்லை, காந்தி மக்களை திரட்டி காலத்திற்காக காத்திருந்தார். நேதாஜி சவாலான திட்டத்தில் உயிரை பணயம் வைத்து நாட்டிற்காய் போரடி அதற்காகவே இறந்தார்.

அவரையும் வைத்து அரசியல் செய்யும் இந்த நாட்டில் மீண்டும் அவர் வராமல் இருந்ததுதான் அவர் காத்துகொண்ட உச்சகட்ட மரியாதை.

மலேசியாவின் சில இடங்களில் அவர் பயிற்சிகொடுத்த இடங்கள் உண்டு, பார்த்திருக்கின்றேன், அன்று இளைஞர்களாக அவரோடு பழகிய இன்றைய முதியவர்கள் உண்டு அவர்களிடம் அவரை பற்றி கேட்டிருக்கின்றேன்.

அவர்களிடம் கதைகேட்டால் நேதாஜியின் நாட்டுபற்று அற்புதமாக விளங்கும், இப்படிபட்ட தேசஅபிமானியா நேதாஜி என மனம் உருகும், அப்படி அற்புதமான தகவல்கள் கொட்டும், ஹிட்லரின் படை மீதும் ஜப்பானிய ராணுவம் மீதும் பெரும் நம்பிக்கை வைத்திருந்தார், ஆனால் விதி மாறிற்று என்பார்கள்.

எப்படி ஆயினும் ஒருவேளை நேதாஜி இந்தியாவினை ஆளும் நிலை வந்திருந்தால் தேசபிரிவினை நடந்திருகாது, இந்த காஷ்மீர் போன்ற சர்ச்சைகள் வந்திருக்காது. ஒரே இந்தியாவினை தவிர ஏதும் விரும்பாத உன்னத தலைவன் அவர், வங்கம் இப்படி உடைய விட்டிருக்கமட்டார் என்பது மட்டும் உண்மை

இந்தியாவினை ஆளும் தகுதிபடைத்த நபர்களில் போஸ் மகா முக்கியமானவர், முதன்மையானவர் , பொதுவாக இந்தியாவிற்கு மட்டுமல்ல தெற்காசியாவிற்கே துணிகரமான தலமை கிடைத்துவிட கூடாது என்பதில் கவனமாக இருக்கும் வல்லரசுகளின் விளையாட்டில் நேதாஜி சிக்கினார் என்பதும் ஆய்வுக்குரியது

எனினும் ஜப்பான் உதவியோடு இந்தியா விடுதலை அடைந்தாலும், வெள்ளையனுக்கு பதில் ஜப்பானியர் தான் ஆண்டுகொண்டிருப்பர், சீனா, வியட்நாம், பிலிப்பைன்ஸ், மலேயா, தாய்லாந்து, பர்மா என பல நாடுகளை பிடித்து தன் சாம்ராஜ்யத்தை நிறுவதொடங்கிய ஜப்பான், இந்தியாவிற்கு விடுதலை கொடுத்து நேதாஜி கையில் கொடுக்கும் என எப்படி எதிர்பார்க்கமுடியும்?

அப்படி ஜப்பான் வென்றிருந்தால், கணத்தில் அடுத்த போராட்டத்தை ஜப்பானுக்கு எதிராக‌ நேதாஜி தொடங்கி இருப்பார் அவருக்கு வேறு வழி இருந்திருக்காது என்பதும் ஒரு வகை யூகம்.

ஜப்பானியர் செய்திருக்கும் உலகப்போர் அழிச்சாட்டியம் கொஞ்சமல்ல, இந்தியா கிடைத்திருந்தால் தாஜ்மகால் முதல் தஞ்சாவூர் கோயில் வரை புரட்டிபோட்டிருப்பார்கள்.

வரலாற்று ஆசிரியர்கள் சொல்வது ஒன்றுதான். பிரிட்டன் ஜெர்மனி என கணிக்க தெரிந்த போஸ், அமெரிக்கா சோவியத் யூனியன் என வருங்கால வல்லரசுகளை கணிக்க தவறினார், அது அவர் தவறேன்றும் சொல்லிவிட முடியாது.

அப்படி ஒரு முகாமில் இருந்திருந்தால் பின்னாளில் லீ குவான் யூ போலவோ, மாவோ போலவோ, ஸ்டாலின் போலவோ பெரும் உலக அடையாளமாய் மாறி இருந்திருக்கலாம், ஆனால் காலம் கடந்துவிட்டது

அந்த நேதாஜியினையும் ஒரு காலத்திலும் மறக்க முடியாது, நேதாஜி சாகவில்லை பல மர்மம் உண்டு அவர் உயிரோடு இருக்கின்றார் என இறுதிவரை தைரியமாக முழங்கிய ஒரு தேசபக்தனாக திரு, பசும்பொன் முத்துராமலிங்க தேவர் அவர்களும் இந்த விஷயத்தில் மறக்க கூடியவர் அல்ல

நேதாஜியின் டெல்லி சலோ எனும் ஸ்லோகமும், இந்த நாட்டின் மீது அவருக்கு இருந்த பெரும் தேசபற்றும் எந்நாளும் வணங்கதக்கவை

நேதாஜி இந்தியாவினை ஆள கூடாது என்பதில் வல்லரசுகள் கவனமாக இருந்தன‌

அதன் முதல் பலிதான் நேதாஜி, என தொடங்கி காந்தி, இந்திரா, ராஜிவ் காந்தி என வந்து நிற்கின்றது.

இந்தியாவிற்காய் உலகினை எதிர்த்து பெரும் சவாலில் இறங்கிய அந்த வீரமகனுக்கு வீரவணக்கம் செலுத்துவதில் இத்தேசம் பெருமை கொள்கின்றது

முதன் முதலாக இந்தியாவிற்கு பலமிக்க ராணுவம் வேண்டும் என சொல்லி அதனை அமைத்தும் காட்டிய முதல் தலைவன் எமது நேதாஜி

இன்றைய பலமிக்க இந்திய ராணுவத்திற்கு அவரே முன்னோடி, அவ்வகையில் இந்திய ராணுவத்தின் நன்றிக்குரியவர் நேதாஜி

நேதாஜி சுபாஷ் சந்திர போஸ் நமது தேசத்தின் பெரும் வீரமிக்க அடையாளம்

வந்தே மாதரம்..ஜெய் ஹிந்த்.

ரோமாபுரி ராட்சசன் : 02

ரோமாபுரி ராட்சசன் 02

cea 2

அடி என்றால் அப்படி ஒரு அடி, முதன் முதலில் ரோமார் எவ்வளவு கடுமையானவர் என்பதை உலகிற்கு சொன்ன முதல் அடி

மாபெரும் ரோமபேரரசினை அமைக்க ஜூலியஸ் சீசராலும் பாம்பேயாலும் முடியும் என்பதை அந்த யுத்தமே சொல்லிற்று

ஸ்பெயின் பிரான்ஸ் என்ற இரு தேசங்களை இணைத்து அவர்களின் ஒரு பகுதியாக விளங்கிய டூனிசியாவின் நகரமான கார்தேஜியன்ஸ்ஸில் உட்புகுந்து வேட்டை ஆடின ரோமை சிங்கங்கள்

ஆம் அன்றைய ஸ்பெயின் ஆப்ரிக்காவின் வடக்கு கரைகளை ஆக்கிரமித்திருந்தது, கப்பற்படை அவர்களிடம் அன்றே இருந்தது

பதிலுக்கு சீசரும் பாம்பேயும் வலுவான கப்பற்படை அமைத்தே களம் கண்டனர்

கார்தோஜ் என்பது இன்றைய டூனிசியாவின் ஒரு பகுதி, பலமுறை நடந்த்த யுத்தத்தின் இறுதி யுத்தமே நாம் காணும் புத்தம்

அந்த ஆக்ரோஷ தாக்குதலை எதிர்கொள்ளமுடியா கார்தேஜியன்ஸ் கோட்டைக்குள் முடங்கினர், அவ்வளவுதான் கோட்டையினை சுற்றி முற்றுகையிட்டு காவல்காத்தது சீசரின் படை

ஒருகட்டத்தின் மேல் பசி இன்னபிற தேவைகள் தாங்கமுடியா படை கோட்டை கதவை திறந்தது, அதுவே பிரசித்தி பெற்ற கியூபிக் போர்

ரோமாபுரியின் படைகள் அடித்த அடியில் கார்தேஜியன்ஸ் அழிந்தனர், மிகபெரும் செல்வத்துடன் ரோம் திரும்பி கான்சல் எனப்படும் ஆளும் குழுவிடம் அதை ஒப்படைத்தான் சீசர்

இதன் மூலம் கான்சல் தெரிந்தது இரண்டு, முதலாவது சீசர் மற்றும் பாம்பே சாதாரண கூட்டணி அல்ல, எந்த போரிலும் வெல்வார்கள்

இரண்டாவது போரின் மூலம் செல்வம் குவிவதால் அதிக போர்கள் தேவை, போர் ஒன்றே நாட்டின் பெரும் தொழில்

கொடூரமானவர்கள், இரக்கமில்லாதவர்கள் என ரோமர் பெயர் பெற தொடங்கியது இங்குதான்

செல்வம் கொழிக்க தொடங்கியது, முன்பே நாம் பார்த்தபடி நிலம் வைத்திருந்த அதிகாரம் வைத்திருந்த ஆளும் வர்க்கம் செழிக்க தொடங்கியது, வெளிநாட்டு யுத்தங்களில் ரத்தம் சிந்திகொண்டிருந்த வீரர்கள் யோசிக்க தொடங்கினர்

அவர்கள் யோசிக்க சொல்லவில்லை, சொல்லி கொடுத்தவன் பாம்பே

பாம்பே மாவீரன் மட்டுமல்ல, மாபெரும் தந்திரக்காரன். இந்நாட்டிற்கு வெற்றிகளை குவிப்பது ராணுவம் அதன் பிரதான தளபதி நான், நான் ஆண்டால் என்ன என்பது அவனின் சித்தாந்தம்

ஆனால் குடியாட்சியினை முடியாட்சியாக்குவது அவனுக்கு சுலபம் அல்ல, என்ன செய்யலாம்? என திட்டமிட்டான்

அன்றிலிருந்து அரசியல் அதுதான் , இந்திராகாந்தி காலம் வரை அதுதான்

எது ?

எதையாவது சொல்லி யாரையாவது தூண்டிவிட்டு, நாட்டுக்கு ஆபத்து என வலுகட்டாயமக பதவியில் அமர்வது, இது ஒரு ராஜநீதி

இதை அன்றே செயல்படுத்தினான் பாம்பே, ஆம் வீரர்கள் புரட்சியில் இறங்கினர், எங்களுக்கு பெரிய சம்பளம் வேண்டும், சொந்தமாக நிலம் வேண்டும் என கோரிக்கை வைத்தனர்

விடுமா ஆளும் வர்க்கம்? இவர்கள் கோரிக்கையினை நிறைவேற்றினால் யார் யுத்தமிடுவார்கள்? தேசம் என்னாகும்? நம் சுகவாழ்வு என்னாகும் என கணக்கிட்டார்கள்

ஆனால் பாம்பேயின் தந்திரமான ஆட்டத்தில் வீரர்கள் ஸ்ட்ரைக் செய்ய, கான்சலின் சீர்திருத்தை லார்டு பிரபுக்கள் சமூகம் ஏற்க மறுக்க நாடு ஸ்தம்பித்தது

எனினும் ஒரு நல்ல கான்சலான டைபீரியன் கயாஸ் என்பவன் நிலசீர்திருத்தத்தை செய்தான், பிரபுக்கள் நிலங்களை வீரர்களுக்கு பகிர்ந்தளிக்க தீர்மானித்தான்

முதல் நிலசீர்திருத்தம் இதுதான் கி.மு 100 வாக்கில் அதை செய்தான் கயாஸ்

ஆனால் நிலம் என்பது சொந்தங்களையும் பகையாளியாக்கும், சாதாரண மனிதனையும் பேராசைக்காரனாக்கும் மாபெரும் விஷம் அல்லவா? எவ்வளவு போர்களும் அழிவுகளும் பாரத காலத்திலிருந்து ஹிட்லர் காலம் வரை நடந்திருகின்றது?

அப்படிபட்ட நிலத்தை பிரபுக்கள் விடுவார்களா? டைபீரியன் கயஸையும் அவனை சேர்ந்தவர்களையும் கொன்றேவிட்டார்கள்

கான்சலின் நில சீர்திருத்தம் நிலத்திலே புதைக்கபட்டது

இப்பொழுது நாட்டில் சிக்கல் ஒருபக்கம் அடுத்த கான்சல் யார் என்பது, இன்னொரு பக்கம் வீரர்கள் ஸ்ட்ரைக்

யார் ஸ்ட்ரைக் செய்தாலும் நாடு தாங்கும் , ராணுவம் செய்தால் தாங்குமா? ரோமில் ராணுவம் ஸ்ட்ரைக் என்பதால் இத்தாலிய மலைவாழ் குடி, அடங்கிகிடந்த எதிரிகள் எல்லாம் போர்கொடி தூக்கியாயிற்று

சீசர் நடப்பதை கவனித்துகொண்டிருந்தான், பாம்பே கன கச்சிதமாக வாய்ப்புக்கு காத்து கொண்டிருந்தான்

இந்நிலையில் புதிய கான்சலாக அவர்களின் பெரும் மாவீரனான, சீசரின் முன்னோடியான மாரியஸ் கயஸ் கான்சலாக வந்தான், அதில் சல்லா என்பவனும் இடம் பிடித்தான், நிலமையினை ஓரளவு கட்டுக்குள் கொண்டுவந்தனர் இருவரும்

பாம்பேக்கு புது சிக்கல் முளைத்தது, தான் ஆளநினைத்த ரோமை புதுகான்சல்கள் ஆள்வது அவனின் ஆத்திரத்தை அதிகபடுத்தியது, ஆனால் காட்டிகொள்ளவில்லை வாய்ப்புக்காக காத்திருந்தான்

சல்லா பிரபுக்களின் பிரதிநிதி, மலைவாசிகளுக்கு சில உரிமைகள் கொடுத்து நிலமையினை சாதமாக்கி இருந்தான், கயஸுக்கும் சல்லாவுக்கும் பொருந்தாது

இதில் சிரித்தான் பாம்பே, இருவரையும் மோதவிட்டு அழிதுவிட்டால் நமக்கு சிக்கல் சீசர்தான், சீசரை கைக்குள் போட என்ன செய்யலாம்?

மிக நுட்பமாக திட்டமிட்ட பாம்பே ஜூலியஸ் சீசரின் மகளை மணந்துகொண்டான், இத்திருமணத்தின் மூலம் எந்நாளும் சீசர் தனக்கு அடிமை என கணக்கிட்டான்

தன் மகள் மகராணி ஆக எந்த தகப்பன் தடையாக இருப்பான் எனும் பெரும் கணக்கு அது, அதே நேரம் பாம்ப்யேயின் உயிருக்கும் உத்திரவாதம் உண்டு

பாம்பேயின் கணக்கு இப்படி இருக்க, அங்கே கயஸுக்கும் சல்லாவுக்கும் யுத்தம் தொடங்கியது

ஒரு கட்டத்தில் ஆப்ரிக்காவுக்கு விரட்டபட்டான் கயஸ், சல்லாவின் அணியிலே சீசரும் பாம்பேயும் இருந்தார்கள்

இந்நிலையில் நாட்டை விஸ்தரிகின்றேன் என சல்லா ஆசியா பக்கம் நகர ரோம் காலியாயிற்று

இதனை கணித்த கயஸ் பெரும் படையுடன் வந்து நானே அரசன் என ஜனநாயக கட்சியான சல்லாவின் கட்சியினை கலைத்துவிட்டு கிமு 81ல் அரசன் ஆனான்

கான்சல் பதவி காலாவதியாகி மறுபடி ரோம் முடியாட்சி ஆனது

விஷயம் எங்கோ சண்டையிட்ட சல்லாவிற்கு தெரிந்து படையோடு வந்தான், அவன் படையிலேதான் சீசரும் பாம்பேயும் இருந்தனர்

நிலசீர்திருத்தம் செய்தில் கயஸை விட சல்லா கெட்டிகாரன் என்பதாலும், இப்பொழுது கயஸ் தன்னை மன்னனாக அறிவித்ததாலும் சீசரும் பாம்பேயும் கடும் கோபத்தில் இருந்தனர்

கடும் யுத்தம் தொடங்கிற்று, சீசரின் படையள் கயஸை வென்றன, கயஸை கொன்றான் சல்லா

சல்லா கிமு 80களில் ஆட்சிக்கு வந்தான், அவன் அரசனாக முடி சூட்டவில்லை, சூட்டியிருந்தால் கயஸை போல் ஆகியிருப்போம் என்பதால் ஒருமாதிரியான சர்வாதிகார ஜனநாயக செய்துவந்தான் திமுகவில் கலைஞர் குடும்பம் போல‌

பாம்பே மேல் சல்லாவிற்கு பெரும் அபிமானம் இருந்தது, பாம்பே இளம்வயது , சீசரோ மூத்தவர். பாம்பே சல்லாவின் நம்பிக்கைகுரிய தளபதியானான்

ஆனால் பாம்பே பாம்பு போல விஷம் கக்க காலம் பார்த்திருந்தான், டைபீரியன் கயாஸை வீழ்த்தி இந்த கயாஸை வீழ்த்தியது போல் சல்லாவுக்கும் நாள் குறிக்க காத்திருந்தான்

இந்நிலையில்தான் புது சிக்கல் முளைத்தது கவுல் எனப்படும் இன்றைய மேற்கு இத்தாலி, பிரான்ஸ் பகுதிகளில் ஒரு கோஷ்டி யுத்தமுரசு கொட்டியது

மிக மிரட்டலாக உருவெடுத்தார்கள், அவர்களால் எந்நேரமும் ரோமுக்கு ஆபத்து இருந்தது

வேறு என்ன? யுத்தம் தொடங்கிற்று

நமது தமிழ்நாட்டு ராமசந்திரனுக்கு அவர் திரையுலகில் அடையாளமிடும்பொழுது வயது 42க்கு மேல் என்றார்கள், அவர் ஜாதாகம் அப்படி

ஜூலியஸ் சீசருக்கும் அப்படியே, 40 வயதை தாண்டி இருந்த சீசர் எவ்வளவு பெரும் மாவீரன் என்பதை கவுல் யுத்தமே தீர்மானித்தது

அவனின் ராணுவ வியூகமும், வேகமாக படை நகர்த்தும் தந்திரமும், நுட்ப மதியும் அந்த இடத்தில்தான் தெரிந்தது

நல்லவேளையாக இவர் மகளை மணமுடித்தோம் இல்லை என்றால் தன் கனவு என்னாவது என பாம்பேயே வாயடைத்து நின்றான்

தான் யாரென நிரூபிக்க காவுல் யுத்தகளம் நோக்கி புறப்பட்டான் சீஸர், சீசர் எனும் ராட்சசன் உருவாக தொடங்கினான்

(தொடரும்…)

ரோமாபுரி ராட்சசன் : 01

அது இந்தியாவில் புத்தர் நடமாடிய காலத்திற்கும் முந்தைய காலம், அவ்வளவு பழமையான காலம் அந்த இத்தாலியின் டைபர் நதி 7 அழகான குன்றுகளை சுற்றி ஓடிகொண்டிருந்தது, அதன் கரையில் டிரஸ்கானியர் என்ற இனம் வசித்துவந்தது, அக்கால ஆற்றங்கரைகள் ஆபத்தானவை , அதுவும் அதிமுக போல காவல் இல்லா ஆற்றங்கரைகள் யாராலும் கைபற்றபடும் ஆபத்து இருந்தது அந்த ஆற்றங்கரைக்கு ரொமுலஸ் ரீமஸ் என இரட்டையர்கள் இந்த பழனிச்செல்வம் பன்னீர்செல்வம் அல்லது மோடி அமித்ஷா போல இருவர் வந்தார்கள், சும்மா வரவில்லை படையோடு வந்தார்கள் வந்து டிரஸ்கானியரை விரட்டிவிட்டு இது எங்கள் நாடு என அமர்ந்தார்கள், ரொமுலஸ் எனும் பெயரால் அது ரோம் என்றானது கிமு 753ல் ரொமுலஸால் ரோம் நிர்மானிக்கபட்டது, அதன் முதல் அரசன் அவனே, 37 ஆண்டுகளில் அவன் இறந்தான், அவனை தொடர்ந்து பீலியஸ், ஹாண்டிலியஸ், மார்ஷியஸ், பிஸ்கஸ் , டல்லியஸ், என பலர் ரோமை ஆண்டனர் கடைசியாக டார்கீனியஸ் 541 வாக்கில் ஆண்டுகொண்டிருந்தான்.

ரோமருக்கென்று தனி நாகரீகமோ கடவுளோ இல்லை, கொள்கை இல்லா அதிமுக போல இருந்தனர் ஆனால் அவர்களை போல வலுவாக இருந்தனர் கிரேக்கம் அன்று தனித்திருந்தது, இதனால் கிரேக்க கடவுள்களை இரவல் வாங்கினர், லத்தீன் பேசிகொண்டும் கிரேக்கரை கவனித்து கொண்டிருந்த ரோமில் திடீர் சிக்கல் வந்தது அவர்கள் கிரேக்கத்திடம் இருந்து கடவுளை மட்டும் காப்பி அடிக்கவில்லை மாறாக தத்துவங்களையும் காப்பி அடித்தனர், ஒன்றுமே இல்லாதோர் என்ன செய்வார் பாவம் ஆம் சாக்ரடீசுக்கு முன்பே கிரேக்கம் சிந்தனையின் உச்சத்தில் இருந்தது, அந்த சிந்தனை ரோமை பாதித்தது ஒரு சுபநாளில் மிகவும் சிந்தித்த மக்கள் மன்னன் டார்கீனியனிடனிருந்து அதிகாரத்தை கைபற்றினர், மன்னர் ஆட்சியில் மேற்பார்வையில் மக்களாட்சி மலர்ந்தது ஆம் உலகின் முதல் மக்களாட்சி அங்குதான் தோன்றிற்று உண்மையில் அது ஒரு மேட்டுக்குடி வர்க்கத்தினரின் ஆட்சி. செனட் சபை எனப்படும் ரோம நாடாளுமன்றத்தில், செனட்டர்கள் எனப்படும் பிரதிநிதிகள் ஆயுட்கால உறுப்பினர்களாக இருந்தனர்.

அவர்கள் ஒன்று கூடி கொன்சுல் (Consul) எனப்படும் இரண்டு ஆட்சித் தலைவர்களை தெரிவு செய்தனர். இவர்கள் அரசனுக்கு பதிலீடாக இருந்தமை மட்டுமல்லாது, யுத்தப் பிரகடனம் செய்யும் உரிமையும் பெற்றிருந்தனர். ஆம் செனட் சபை என அமெரிக்கா இன்று அழைக்கும் காட்சிகளை எல்லாம் அன்றே அரங்கேற்றினார்கள் ரோமானியர் மக்களாட்சி என்றால் என்னாகும்? மக்கள் பிரதிநிதிகள் அவர்களின் உருக்கமான சேவைகள் அதில் ஊழல்கள் என ஒரு காட்சி வருமல்லவா? அது அங்கும் வந்தது ஆம், சாதி இல்லையே தவிர ஆண்ட வர்க்கம் , ஒடுக்கபட்ட வர்க்கம் என இரு பிரிவுகள் உண்டாயிற்று, உலகெல்லாம் இன்றும் இருக்கும் பிரிவுகள் இவைதான், இந்தியாவில்தான் சாதி என சொல்லி உட்பிரித்து அதை அரசியல் செய்கின்றோம்

ஆளும் வர்க்கம் “பட்ரீசியர்கள்”(Patricier) என அழைக்கப் பட்டனர். ஏழை உழைக்கும் வர்க்கத்தினர் “பிலேபியர்கள்” (Plebis) என அழைக்கப் பட்டனர். இவர்கள் இடையே பஞ்சாயத்து செய்ய ஒரு குழு அமைக்கபட்டது அதன் பெயர் கிலியேன்தலா(Clientela) இந்த ஆளும் ஆசாமிகளுக்கு ஏதும் சிக்கல் என்றால் இந்த கிலியேன்தலா என்பவர்களை கேட்பார்கள், இன்று என சொல்லபடும் வார்த்தையின் மூலம் அதுவே ஒரு கட்டத்தில் ஆளும் சாதிக்கும் அடிமை வர்க்கத்திற்கும் இடையே மோதல் முற்றி, கிலியேன் தலா எனும் மயிராவது என எச்.ராசா பாணியில் சொல்லிவிட்டு அடித்துகொள்ள ஆரம்பித்துவிட்டார்கள் இப்பொழுது நாம் திராவிடம், ஆரியம், அம்பேத்கரியம் என அடித்துகொள்கின்றோம் அல்லவா? அது போரானால் எப்படி இருக்கும்?

அப்படி அவர்கள் கிரேக்க சிந்தனையாளர் பெயரை சொல்லி போராடிகொண்டிருந்தார்கள் (இன்னும் சட்டம் ஒழுங்கு இருப்பதால் கலவரமில்லை, அப்படி ஒன்று இல்லை என்றால் நினைத்து பாருங்கள், விடுவார்களா?) நிலமை எல்லை மீறி போவதை கண்ட மன்னன் டார்கீசியஸ் இது சரிவராது என செனட்டை எல்லாம் கலைத்தான் , மக்களாட்சி எல்லாம் சரிவராது ஒழுங்காக இல்லாவிட்டால் தலை சீவபடும் என எச்சரித்தான் மக்களாட்சி ருசிபார்த்த கூட்டம் விடுமா? அதுவரை அடித்து கொண்ட ஆண்டவர்க்கமும் அடிமை வர்க்கமும் மன்னனை விரட்டி அடித்து ஆட்சியினை கைபற்றியது கான்சல் எனும் அமைப்பு முழு அதிகாரத்தையும் கைபற்றியது, இதெல்லாம் நடந்து முடிய கிமு 100 ஆகிவிட்டது அதாவது ரொமுலஸ் காலத்திற்கு பின் 600 ஆண்டுகள் கடந்திருந்தன, அப்பக்கம் அலெக்ஸாண்டர் ஆசியா முழுக்க மாபெரும் சாம்ராஜ்யம் எல்லாம் அமைத்த்திருந்தான் கிரேக்கர் எந்நேரமும் மேற்கு நோக்கி பாயும் ஆபத்து இருந்தது, ஆனால் அலெக்ஸாண்டருக்கு பின்னரான கிரேக்கம் அடங்கிவிட்டதால் ஆபத்தில்லை.

ரோமிற்கு முதல் ஆபத்து கார்தோஜினியர் வடிவில் வந்தது, பிரான்ஸையும் ஸ்பெயினையும் பிடித்த அவர்கள் இத்தாலியின் ரோமையும் பிடிக்க வந்தனர் ஏற்கனவே உள்நாட்டு யுத்தத்தால் கடும் யுத்த பயிற்சியும் மனன்னையும் அவன் வீரர்களையும் விரட்டியதால் கடும் கூடுதல் பயிற்சியும் பெற்றிருந்த ரோமும் யுத்ததிற்கு தயாரானது அவர்களின் இரு வீரர்கள் பிரசித்தி ஒருவன் பாம்பே இன்னொருவன் ஜூலியஸ் சீசர் இருவரும் பாகுபலி பல்வாள்தேவன் போல கடும் வில்லாதி வில்லன்கள் சீசர் என்பது ஜூலியஸின் குடும்ப பெயர், சீசர் என்றால் லத்தீனில் யானை என பொருள், ஜூலியஸின் தாத்தா யானையினை கொன்றதால் அப்பெயர் வந்ததாம், எல்லாம் நமது ஊர் கரிகால்சோழன் சாயல் அப்படிபட்ட வீரவம்சத்தின் ஜூலியஸ் சீசரும் , பாம்பேயும் கார்தோஜினியர்களை அடிக்க படையோடு சென்றனர் கடும் யுத்தம் இரு முறை கத்ஜோனியரை அடித்துவிரட்டிய து சீசர் மற்றும் பாம்பேயின் படைகள், மக்களுக்கு ஏக மகிழ்ச்சி ஆனால் கார்தோஜினியர் விடுவதாக இல்லை 15 ஆண்டு கழித்து மறுபடியும் வந்தனர், இனி விடுவதாக இல்லை இதுவரை தற்காத்தோம் இனி அவர்கள் பகுதிக்குள் புகுந்து அடிக்க முடிவு செய்தது கான்சல் தளதிகள் சீசருக்கும் பாம்பேவுக்கும் உத்தரவும் வந்தது உள்ளே புகுந்து கார்தோஜினியர் கோட்டையினை தகர்த்து அவர்களை அடியோடு வீழ்த்தி மாபெரும் செல்வத்தோடு திரும்பினச் சீசரும் பாம்பேயும் ஆம் முதன் முதலாக ரோமை படைகள் அந்நிய தேசத்தில் பெற்ற வெற்றி அதுதான், பெரும் செல்வம் கொடுத்த யுத்தமும் அதுதான் செல்வம் கொட்டபடும் நாட்டில் என்னாகும்? கஜானா நிறையும், மக்கள் மகிழ்வார்கள் அமைதி செழிக்கும் அப்படியே வீரர்கள் கொண்டாடபடுவார்கள்

உண்மையில் அன்று உயர்தர வீரர்கள் குழுவாக இயங்கினர் அதில் சீசர், பாம்பே, புரூட்டஸ், சீசரோ என பலர் இருந்தாலும் பாஷா பாயாக கொண்டாடபட்டான் சீசர் அன்றைய ரோம் கான்சால்கள் ஆட்சியில் இருந்தது, அவர்களின் படையில் ஒரு தளபதி சீசர் காலம் மாவீரன் உருவாக ஒரு வாய்ப்பினை உருவாக்கும் என்பது வரலாற்று நியதி, அக்காலம் ரோமிற்கும் வந்தது

(தொடரும்..)

மத நம்பிக்கை

loy

இந்நாடு மத சார்பற்ற நாடு, அதற்காக இன்னொரு மத நம்பிக்கைகளை சீண்டுவோம் என இன்னொரு மதப்பிரிவு இறங்குமாயின் அது நிச்சயம் கண்டிக்கதக்கது, தண்டிக்க தக்கது

அப்படி மாபெரும் பாதகத்தை செய்திருக்கின்றது லயோலா கல்லூரி, ஜெயா இருந்தால் இந்நேரம் நிச்சயம் விளைவுகள் பயங்கரமாக இருந்திருக்கும், அம்மணி இல்லை

விஷயம் என்னவென்றால் நாம் ஏற்கனவே சொன்னதுதான் சில கிறிஸ்தவ கல்லூரிகளில் இத்தேசத்திற்கும் இந்து மதத்திற்கும் எதிரான கருத்துக்கள் விதைக்கபடும், விஷ செடிகள் வளர்க்கபடும்

அதுவும் எனப்படும் கத்தோலிக்க இயக்கம் இருக்கும் இடமெல்லாம் இந்த அட்டகாசம், தேசவிரோதம் நிறைய நடக்கும்

நக்ஸலைட் சிந்தனை, திராவிட பிரிவு சிந்தனை, தமிழ் தேசிய சிந்தனை எல்லாம் இங்கேதான் கொடூர பொய்யாக விதைக்கபடுகின்றன, வைகோ போன்றவர்கள் அப்படித்தான் உருவாக்கபட்டனர்

இந்த திருச்சி வளனார் கல்லூரியும், சென்னை லயோலா கல்லூரியும் அதில் கைதேர்ந்தவை. திருச்சி கல்லூரி அடிக்கடி இந்த சர்ச்சையில் சிக்கும், அங்கிள் சைமனை பேச அழைப்பார்கள் , இன்னும் பல மதவிரோத, தேசவிரோத காரியங்களை , கசாப்புகடைக்காரன் கடமை உணர்ச்சியில் ஆடுவெட்டுவது போல மனசாட்சியே இல்லாமல் செய்வார்கள்

அவர்கள் பயிற்சி அப்படி

அப்படிபட்ட லயோலா கல்லூரி நேற்று ஒரு கண்காட்சி என்ற பெயரில் இந்துமக்களையும் இத்தேசத்தையும் கடுமையாக சீண்டி இருக்கின்றது, சபரிமலை விவகாரத்தையும் இழுத்திருக்கின்றது

இந்துமதம் பெண்களை அடிமை செய்கின்றது என்றும், இந்து மதத்தின் பெரும் அடையாளங்களை எல்லாம் மிக அசிங்கமாக கொச்சைபடுத்தி செய்ய கூடா பாதகங்களை செய்கின்றது

இந்துக்கள் திரும்ப கேட்க நெடுநேரம் ஆகாது

கேரளாவின் பாவமன்னிப்பு சம்பபங்களும், சபையில் நடக்கும் அசிங்கங்களை வெளியில் சொன்ன கன்னியர்களை பழிவாங்கியதெல்லாம் என்ன வகை? இந்துக்கள் கண்காட்சி நடத்தினால் தாங்குவீர்களா?

போப்பாண்டவரே சிறுவர்களுக்கு எதிரான பாலியல் குற்றங்களை புரியும் பாதிரிகளுக்கு எதிராக சொன்ன புகழ்பெற்ற வாசகங்களை படமாக வரைந்து கண்காட்சி நடத்த தயாரா?

இன்றும் கிறிஸ்தவம் பெண்களை பீடமேறி திருப்பலி நிறைவேற்ற அனுமதிக்கின்றதா?

அட அவ்வளவு ஏன் இயேசு சபை என சொல்லபடும் சபை , இந்த லயோலா கல்லூரியினை நடத்தும் சபையில் பெண் பாதிரிகள் உண்டா?

ஒரு பெண் கிறிஸ்தவ துறவி திருச்சி வளனார், சென்னை லயோலாவில் முதல்வராக முடியுமா?

பெண் அடிமைதனம் எங்கே இருகின்றது போலி பாதிரிகளே , பொய் வீசுன் அயோக்கியர்களே..

என்னென்ன படமெல்லாம் வைத்திருக்கின்றார்கள் என பார்க்கும் பொழுது மனம் பதறுகின்றது, நிச்சயம் கலவரம் ஏற்படுத்த வேண்டும் என்ற நோக்கில் நடத்தபட்டிருக்கின்றது

இந்துக்கள் கொந்தளிக்கின்றார்களே தவிர அமைதி காகின்றார்கள், இதுவரை இந்துக்களை சீண்டிய எல்லொரும் எப்படி அழிந்தார்களோ அப்படியே லயோலா நிர்வாகமும் அழிய ஒப்புகொடுக்கின்றார்கள்

லயோலா எனும் கொடூர புத்திபடைத்த கொடுமதியாளர்களுகு நாம் கேட்கும் கேள்வி இதுதான்

உங்கள் சபையின் ஸ்தாபகரான இக்னேஷியஸ் லயொலா இதைத்தான் சொன்னாரா? இந்தியாவிற்கு வந்த அவரின் சீடர் பிரான்ஸிஸ் சேவியர் இதற்குத்தான் கல்லூரி அவசியம் என கடிதம் எழுதினாரா?

பாரிசீலிருந்து வந்த குருக்கள் இப்படி அசிங்க படம் வரையவா கல்லூரி கட்டினார்கள்?

நீங்கள் உண்மையானவர்கள் என்றால் மேரி ஒரு இந்துபெண் என எழுதி இந்த திரிசூலம் இருக்குமிடத்தில் சிலுவையினை வைக்க தயாரா?

இயேசுவின் இரத்தத்தால் நனைந்த சிலுவை புனிதமானது அதை இந்த ரத்தத்தின் நடுவே வைக்க மனம் ஒப்புமா?

ஆனால் இந்து கடவுள்களின் புனிதமான கரங்களில் இருக்கும் ஆயுதத்தை மட்டும் இப்படி வைக்கலாமா?

உங்கள் மதத்தின் அசிங்களை முதலில் களையுங்கள், சிறுவர் மேலான பாலியல் வன்முறை முதல் கேரள பாதிரிகளின் அசிங்க வன்முறைகள், கொலைகள் என பட்டியல் ஏராளம் அதை கண்டியுங்கல்

தினகரனின் கொள்ளை முதல் ஐரோப்பாவில் காணிக்கை கொள்ளை அடித்து இங்கு சொத்து குவிக்கும் யூதாஸ்களை கண்டியுங்கள்

இன்னும் ஏராளம் இருக்கின்றது , கிறிஸ்தவம் எனும் பெயரில் அந்த மத குருக்களிடமும் சபையிலும் ஏக இம்சைகள் குற்றசாட்டுகள் உண்டு, அதற்கு முதலில் கண்காட்சி வையுங்கள்

வைக்க தயாரா? இல்லை அல்லவா?

அதனால் நடந்த சம்பவத்திற்கு பகிரங்க மன்னிப்பு கேட்டுவிட்டு மறுபடி கல்லூரியினை திறங்கள், இல்லாவிட்டால் இம்மண்ணில் நீங்கள் கல்லூரி நடத்த தகுதி இல்லாதவர் ஆகிவிடுவீர்கள்

முதலில் நீங்கள் செய்யவேண்டியது “மேரி ஒரு இந்துபெண்” எனும் பெயரில் இந்த கிறிஸ்தவ அசிங்க மோசடிகளை கொண்டு ஒரு கண்காட்சி நடத்தி, கிறிஸ்தவ பெண் அடிமை, பாதிரிகளின் பாலியல் இம்சைகளை உலகிற்கு சொல்வது

இதை நான் சொல்லவில்லை, கர்த்தராகிய இயேசு பைபிளில் இப்படி சொல்கின்றார்

“உன் கண்ணில் உள்ள துரும்பை எடு, பின்னர் உன் சகோதரன் கண்ணில் உள்ள துரும்பை எடுக்க நன்றாய் கண் தெரியும்”

அதனால் உங்கள் கண்ணில் உள்ள துரும்பை எடுக்க “மேரி ஒரு கிறிஸ்தவ பெண்” என இம்மாதிரி கண்காட்சியினை நடத்துங்கள்

அதன் பின் “ஆயிஷா ஒரு இஸ்லாம் பெண்” என கண்காட்சி நடத்த நன்றாய் ஞானம் வரும், தகுதியும் வரும்

லயொலா கல்லூரி நிர்வாகம் மன்னிப்பு கேட்டு பரிகாரம் தேடாவிட்டால் அரசு உடனே செய்யவேண்டியதை செய்யட்டும்

ஒரு கல்லூரியின் மதவெறுப்பால் இங்கு மாபெரும் கலவரம் உருவாகி, சமூக அமைதிகெடுவதை தடுக்கும் பொறுப்பு அரசுக்கு உண்டு

சிறிய சிறுபான்மையான கிறிஸ்தவ கல்லூரிகளுக்கு இந்த தைரியத்தை , இப்படி எல்லாம் மாபெரும் பாதகங்களை செய்ய முடியும் என்ற தைரியத்தை கொடுத்தது யாரென்றால் திராவிட கட்சிகள்

இப்பொழுதும் பாருங்கள் கருப்பு சட்டைகளோ, திமுகவோ இல்லை தமிழ் தேசிய இயக்கங்களோ இதை கண்டிக்காது, நிச்சயம் கண்டிக்காது

காரணம் அந்த இந்து எதிர்ப்பு, இந்திய எதிர்ப்பு இயக்கங்களின் மூல வேர் இந்த கல்லூரிகளில்தான் இருக்கின்றது

இந்த அயோக்கியதனத்தின் பெயர்தான் தமிழருக்கான‌ அரசியல்..