நாமே அமல உற்பவம்

பிரான்சின் தெற்கு பகுதியான லூர்தஸ் நகரில் ரோமையாரால் கட்டபட்ட கோட்டையுடன் கூடிய ஊர் உண்டு , அதன் அருகில் ஒரு குகையும் உண்டு

நகரில் வாழ வழியற்ற ஏழைகுடும்பம் ஒன்று அக்குகையில் ஆடுமாடுகளோடு வசித்தது, அக்குடும்பத்து மூத்தபெண் பெர்னதத், அன்றாடம் காடுகளில் விறகு சேகரிப்பது அவர்கள் வழக்கம்

அன்று இதே பிப்ரவரி 11ம் தேதி தன் உடன்பிறந்தாரோடு அவள் ஆற்றங்கரையில் விறகு சேகரித்தபொழுது திடீரென ஒரு ஒளி அவளை ரோஜா மணம் கமழ சூழ்ந்தது, ஒரு அழகிய பெண் வெள்ளை அங்கியும் நீல கச்சையுமாய் அவளை நோக்கி சிரித்து கொண்டிருந்தார்

அதை பெர்னதத்தை தவிர யாராலும் பார்க்க முடியவில்லை, இதோ அந்த அழகிய பெண் என பெர்னதத் கத்தினாலும் அந்த உருவம் யாருக்கும் தெரியவில்லை

இதனால் யாரும் பெர்னதத் சொல்வதை நம்பவுமில்லை

இத்தோடு விஷயம் முடியவில்லை கிட்டதட்ட 5 முறை தோன்றிய அந்த அழகிய உருவம் பெர்னதத்தோடு பேசிற்று, பிப்ரவரி 14ல் பேச தொடங்கிய அந்த உருவம் பல கோரிக்கைகளை வைத்தது

அந்த ஊரின் பங்குதந்தைக்கும் மக்களுக்கும் விஷயம் சென்றது, பெர்னதத்தை நம்ப யாரும் தயாராக இல்லை. காரணம் எல்லோரையும் கூட்டி வைத்து இதோ அந்த பெண் என உருவம் தோன்றும்பொழுது கத்தினாலும் யார் கண்ணுக்கும் அது தெரியவில்லை

இதனால் பெர்னதத் மனநோயாளி என கருதபட்டாள். அவளோ தான் காண்பது உண்மை என கத்தினாள், புலம்பினாள் ஆனால் நம்பவோ யாருமில்லை

அடுத்தமுறை அதே உருவம் வந்தது, தன் நிலமையினை சொல்லி அழுதாள். சிரித்த பெண் உருவம் அவளின் துயர் போக்க இந்த இடத்தில் அந்த மக்களை தோண்ட சொல் வற்றா நீருற்று வரும், அது நோய்களை குணமாக்கும் என சொல்லி மறைந்தது

அது சொல்லியபடியே தோண்ட நீரூற்று பொங்கியது, கூட்டம் முதல் முறையாக நம்பியது

அதன் பின் மெழுகுவர்த்தியுடன் பெர்னதத் ஜெபிக்கும் பொழுது, அந்த உருவம் தோன்றும் பொழுது ஏராளமானோர் கூடி இருந்தனர், ஆனால் பெர்னதத் தவிர யாரும் அதை கண்டாரில்லை

ஒரு உருவம் பெர்னதத்திடம் வருகின்றது, பேசுகின்றது என்ற தகவல் தீயாக பரவியது

அந்த பெண் உருவும் ஜெபமாலை ஜெபிப்பதுமுதல் பல ஜெபங்களை கற்றும் கொடுத்தது, பெர்னதத்தும் கற்றாள் கற்பித்தாள்

ஒரு கட்டத்தில் தனக்கு ஒரு ஆலயம் கட்ட அந்த உருவம் பங்குதந்தையிடம் சொல்ல சொன்னது, அவரோ “அப்பெண் உருவம் தன்னிடம் என்ற கோபத்தில் முதலில் அப்பெண் யாரென கேட்டுவா” என்றார்

பெர்னதெத் பெயரை கேட்டால் அவ்வுருவம் சொல்லவில்லை, நாட்கள் கடந்தன ஆனால் அது அவ்வப்பொழுது வந்து பெர்னதத்தோடு உறவாடியது, பெர்னதத்தோ அதன் பெயரை கேட்டபடியே இருந்தாள்

இறுதியாக தன் 16ம் காட்சியில் அது 1858ம் ஆண்டு மார்ச் 25ம் தேதி “I am the Immaculate Conception” என சொன்னது அந்த உருவம்

அதன் பொருள் “நாமே அமல உற்பவம்” அதாவது மாசற்ற பிறப்பு என பொருள்

அலறி அடித்த கத்தோலிக்க உலகம் பெர்னதத்துக்கு காட்சியளித்தது அன்னை மரியாள் என ஓடிவந்து நின்றது, அதன் பின் இரு காட்சிகளே பெர்னதத்துக்கு கிடைத்தன‌

18 முறை பெர்னதத்திடம் தன்னை வெளிபடுத்திய அன்னை மரியாள் தன் நோக்கம் நிறைவேறியதும், தனக்கொரு பெரும் ஆலயம் கட்டபட வேண்டும் என சொல்லி அதை எல்லோரும் ஒப்புகொண்டபின் காட்சிக்கு வரவில்லை

ஆனால் அரூபியாய் அங்கே நின்றார், மாபெரும் ஆலயம் எழும்பியது. சாட்சிகளும் புதுமைகளும் ஏராளம்

லூர்தஸ் நகரத்து அந்த நீல கச்சை மாதா, லூர்து மாதா என்றானார், அப்படியே அமல உற்பவ மாதா என்றுமானார்

லூர்து மாதா பக்தி முயற்சிகள் உலகெல்லாம் பெருகின, அந்த குகை கோவில் மாதிரிகள் மாதா கெபி என வளர்ந்தன‌

அமலோற்பவ மாதா எனும் பெரும் எழுச்சியே ஏற்பட்டது

தமிழகத்து தொன்மையான ஆலயமான பூண்டிமாதா ஆலயம் இந்த அன்னைக்கு அர்பணிக்கபட்டதே.

தேவ அன்னையால் 18 முறை அழைக்கபட்ட பெர்னதத் கன்னியர் மடத்தில் சேர்ந்து அருட்சகோதரியாகி பின் புனிதரும் ஆனார்

35 வயதிலே மரித்ததார் அவர், 35 வயதிற்குள் ஜெபமாலை முதல் பல்வேறு ஜெபங்களை அவர் கொடுத்தார். மாதா நேரடியாக கற்பித்த ஜெபங்களும் அதில் உண்டு

லூர்து நகரில் மாதா கொடுத்த காட்சி கத்தோலிக்க திருச்சபையில் மிக மிக குறிப்பிடதக்க நிகழ்வு, அதனாலே இன்று அந்த மாதா கெபி இல்லா ஆலயங்கள் குறைவு..

இன்று பிரான்சின் லூர்து நகரம் மாதாவின் ஆலயங்களில் மிக பிரசித்திபெற்ற தலம், நம்பர் 1 ஆலயம்

அந்த லூர்துமாதாவின் திருநாள் அவர் முதலில் காட்சி கொடுத்த பிப்ரவரி 11ம் நாள் அவரின் நாளாக போற்றபடுகின்றது

உலகெல்லாம் உள்ள மாதாவின் பக்தர்கள் இந்நாளை கொண்டாடுகின்றனர் “நாமே அமலோற்பவம்” என மாதா சொன்ன வார்த்தையோடு, “மரியே வாழ்க” என்ற குரல் உலகெல்லாம் ஒலிக்கின்றது

அன்னை மரியாளிடம் நாமும் வேண்டிகொள்வோம்,

பெர்னதத்தின் புகழ்பெற்ற வரிகளான “அன்னையிடம் வேண்டியது கிடைக்கவில்லை என உலகில் ஒருவரும் சொல்லியது இல்லை” என்ற வரிகளோடு வேண்டி கொள்வோம்

வல்ல தேவ அன்னை நம் அனைவரையும் ஆசீர்வதிக்கட்டும்

மரியே வாழ்க..

சிதறல்கள் …

அபுதாபியில் நீதிமன்ற அலுவல் மொழியானது இந்தி : செய்தி

அடுத்து அங்கு மலையாளம் அலுவல் மொழியாகும் காலம் தொலைவில் இல்லை என்கின்றன செய்திகள்.

தமிழருக்கு மலையாளம் கற்பது சுலபம் என்பதால் இப்பொழுதே கற்றுகொள்ளல் நலம்

______________________________________________________________________________

என்ன இருந்தாலும் ஒரு சில நியாங்களை சொல்லியாக வேண்டும்

நிச்சயம் இந்திராவின் மிசா காலங்கள் போல மோடி ஆட்சி கெடுபிடி நிறைந்ததல்ல, அன்று தமிழகத்தில் நடந்த அநியாயங்கள் எல்லாம் மோடி ஆட்சியில் இல்லை

அவர் வராவிட்டால் ஏன் வரவில்லை என்பதும், நலதிட்டங்களுக்காக வந்தால் Goback மோடி என கிளம்புவதும் சரி அல்ல‌

இவ்வளவிற்கும் இங்கு சல்லிவோட்டு வாங்கமுடியா கட்சி அது, அதன் மேல் எதற்கு இவ்வளவு வன்மமோ தெரியவில்லை

இங்கு மோடி என சொல்லிவிட்டு நாளை திமுகவினரோ வைகோவோ டெல்லி உட்பட சில இடங்களுகு சென்றால், ராஜிவ் கொலையாளிகளுக்கு ஆதரவான திமுகவினரே , தேசபிரிவினைவாத இம்சைகளே Goback என மற்றவர்கள் கிளம்ப நேரமாகாது

திமுக வேறு டெல்லியில் அலுவலகம் கட்டுகின்றதாம், நிச்சயம் ஒருநாள் அங்கும் இதே Goback சத்தம் கேட்கத்தான் போகின்றது

ஈழபோரை தடுக்காதவர் எனும் சோனியா வரலாமாம், இன்னும் பலர் வரலலாம்

ஆனால் மோடி வரகூடாதாம்

ஈழபோருக்கு சகல உதவிகளை பகிரங்கமாக செய்த இந்திய ராணுவத்தின் விமானங்களும் கப்பல்களும் இங்கேதான் சுற்றுகின்றன‌

அதை ஒருபயலும் Goback என சொன்னதாக தெரியவில்லை, அப்படி சொன்னால் என்னாகும் என்பது அவர்களுக்கும் தெரியும்

______________________________________________________________________________

நாட்டில் யாருக்குமே இரண்டாம் திருமணம் நடக்கவில்லையா?

அது தியாகராஜர் பாகவதர் முதல் ராமசந்திரன் , கலைஞர் என பலருக்கு நடந்தது

கனிமொழிக்கும் நடந்தது

அரசியல் சினிமா உலகில் மிக சாதாரணமாக நடக்கும் விஷயங்களுக்கு ஏன் இவ்வளவு பில்டப் என்பதுதான் தெரியவில்லை

ஊருக்கு இளைத்தவர் ரஜினி போல.

______________________________________________________________________________

திராவிட புரட்சி

இந்துக்களின் திருமணத்தில் அய்யர் சொல்லும் மந்திரத்திற்கும் ஆயிரம் பொய்யான கருத்துக்களை பரப்புபவர்கள் திராவிட கோஷ்டிகள், முக ஸ்டாலினும் அதற்கு விதிவிலக்கு அல்ல‌

ஒரு திருமணத்தில் இந்துக்களின் திருமணமுறையினை கடுமையாக பழமையான புளித்துபோன பாணியில் விமர்சித்திருக்கின்றார்

“இங்கே அய்யர் இல்லை, யாகம் இல்லை, இந்த மணமக்கள் செத்துவிடுவார்களா? மணமகள் வாழாவெட்டி ஆகிவிடுவாரா? இவர்கள் அல்பாயிசில் போய்விடுவார்களா? இவர்கள் குழந்தைகள் உருப்படாமல் போகுமா?” என்றெல்லாம் அன்றே மேடையில் பேசியவர்கள் திராவிட கும்பல்

உண்மையில் எல்லா இந்து திருமணங்களும் அய்யர் தலமையில் நடப்பவை அல்ல, ஆனால் அக்னி சாட்சியாக நடப்பவை

பல இந்து திருமணங்கள் அய்யர் இல்லாமலே நடக்கும், சில இடங்களில் சிவாச்சாரியார்கள், சில இடங்களில் குடும்ப பெரியவர்கள், அய்யா வைகுண்டர் வழியில் அந்த மார்க்க பெரியாவ்ர்கள் என அய்யர் இல்லா திருமணம் ஏராளம் உண்டு

அய்யர் சொல்லும் மந்திரத்தில் கூட உண்மை பொருள் இவர்கள் சொல்வது போல் வராது. பெற்றோராலும் பஞ்சபூதத்தாலும் காக்கபடும் பெண், இனி இவனுக்கு சொந்தமாகின்றாள், இவனே இவளின் பாதுகாப்பு என்ற பொருளிலே வரும்

நெருப்பினை ஏன் தேர்ந்தெடுத்தார்கள்?

நெருப்பு உலகிற்கு ஆதாரமானது தூய்மையானது, கெட்டுபோன நீர் உண்டே தவிர, கெட்ட நெருப்பு என்பது இல்லை

அந்த அக்னி சாட்சியாக திருமணம் செய்வது தமிழர் மரபு மட்டுமல்ல, உலக மரபே ஏறக்குறைய அப்படித்தான்

கிறிஸ்தவ திருமணங்களில் கூட மெழுகுவர்த்தி நெருப்பு முன்பே மோதிரம் மாட்டபடும்

இந்திய கலாச்சாரத்திற்கு அது நெய் ஊற்றபட்ட யாகதீ ஆனது

திருமணம் முடிந்து நெருப்பினை மணமக்கள் சுற்றிவருவது எதற்கு? எதும் பழி வந்தால் நெருப்பே என்னை நிரூபித்து காட்டு என்பதற்கே

சீதை அப்படித்தான் தீயில் இறங்கினாள், இன்னமும் பக்தர்கள் அம்மனுக்கு தீக்குளி இறங்குவதும் அப்படியே

சாட்சிக்கு நெருப்பை அழைப்பது இங்குள்ள தர்மம்

அம்மி மிதிப்பது மன உறுதிக்கும், அருந்ததி பார்ப்பது வாழ்வியல் தத்துவத்திற்கும் உதாரணமானது

கெட்டிமேளம் என இந்து திருமணங்களில் ஒலிப்பதும், ஆலய மணி என கிறிஸ்தவ ஆலயங்களில் ஒலிப்பதும் ஒன்றே

எல்லோர் கவனமும் மணமக்கள் ஆசிமேல் திரும்பவேண்டும் என்ற எற்பாடு அது

இந்துக்களின் திருமணம் மிக பழமையானது அதன் ஆதாரங்கள் எல்லா மத திருமணங்களில் இன்றும் உண்டு

அதில் ஆயிரம் அர்த்தங்கள் உண்டு

முக ஸ்டாலினுக்கு அரசியல் செய்ய ஆயிரம் விஷயங்கள் இருக்கும்பொழுது இன்னமும் ஏன் பழைய திராவிட இம்சையிலே தொங்குகின்றார் என்பதுதான் தெரியவில்லை

மக்களை விட்டு திமுகவினை அந்நியபடுத்திகொண்டே இருக்கின்றார் என்பது மட்டும் புரிகின்றது

இந்துக்களின் திருமணத்தினை கண்டிப்பவர் கிறிஸ்தவ ஆலயங்களில் திருமண உரைக்கோ திருப்பலிக்கோ போதகர்கள் வாங்கும் பல ஆயிரம் பற்றி வாய்திறப்பதாக தெரியவில்லை

இதுதான் திராவிட புரட்சியோ என்னமோ..

11/02/2019

தாமஸ் ஆல்வா எடிசன்

இந்த உலகில் எத்தனையோ விஞ்ஞானிகள் வந்தாலும் எடிசனுக்கு தனி இடம் உண்டு

அவர் அளவு சோதனையினை சந்தித்தவனுமில்லை, அவர் அளவு சாதித்தவருமில்லை. அப்படிபட்ட வாழ்வு அவருடையது

சிறுவயதில் நோயாளி, பள்ளி செல்லவே 8 வயது ஆனது. அங்கு சென்றாலும் காது கேட்காது, கூடவே படிப்பில் மந்தம் ஆனால் ஏகபட்ட கேள்விகள் எழுப்பினார், பூராவும் படிப்பிற்கு சம்பந்தமில்லா விஷயம்

ஆசிரியர் இவன் மூளை கோளாறு பிடித்தவன் என கழுத்தை பிடித்து தள்ள, எடிசனின் அம்மா ஆசிரியர் ஆனார், அவருக்கு வாசிக்க கற்றுகொடுத்தார், அப்பா மரவியாபாரி கணக்கு பார்க்க கற்றுகொடுத்தார் இவ்வளவுதான் படிப்பு

அவர் வாசித்ததெல்லாம் நியூட்டனும், பாரடேயும்

ஆயினும் பிழைக்க வேண்டுமே ரயில் நினையத்தில் தந்தி அடிக்கும் வேலைக்கு சென்றார், அங்கும் ஆய்வு செய்கின்றேன் என எதனையோ அமிலத்தை கொட்டிவிட அந்த வேலையும் போனது

பின் அதேரயில் நிலையத்தில் நொறுக்கு தீனி விற்றார்

அதன் பின் காய்கறி விற்றார், பன்றி வெட்டினார், சலூன் கூட நடத்தினார் என்கின்றார்கள். அந்த எடிசன் பிற்காலத்தில் உலகை மாற்றுவான் என கடவுளே நம்பி இருக்கமாட்டார்

பல வேலைகளை செய்த எடிசன் பின்பு பங்கு சந்தை அலுவலகத்தில் வந்தபொழுதுதான் அவர் வாழ்க்கை மாறியது, பங்கு தகவல்களை அனுப்பும் தந்தி முறையில் வேலைக்கு சேர்ந்தார்

ஏன் என்றால் காது கேட்காதவன் நிலைக்கு அதுதான் சரி, தந்தி புள்ளிகளாக வரும், கோடுகளாக வரும் அதை வைத்து சிலவற்றை எழுத வேண்டும், இதற்கு காது கேட்கும் அவசியமில்லை

இதனால் அப்பணி எளிதாக கிடைத்தது, அதில் இருந்த எடிசன் அதன் சிக்கல்களை கண்டு எளிதாக்க எண்ணிணான்

எடிசன் எனும் விஞ்ஞானி இங்குதான் உருவானான், கோடுகளாக வரும் தந்தியினை அதுவரை மனிதன் மொழிபெயர்க்க வேண்டும், எடிசன் அந்த கோடுகளை எந்திரமே எழுதினால் என்ன என யோசித்தார், அதை செயல்படுத்த முனைந்தார்

அதுவரை ஒற்றை வழியாக இருந்த தந்திமுறையினை இருவழியாக்கினார், ஒற்றை வழி என்றால் தந்தி அனுப்பவும் திரும்ப பெறவும் ஒரே வழிதான் கிட்டதட்ட ஒன்வே. ஆனால் இருவழி சாலை அமைத்தது போல வழிசெய்தார் எடிசன்

இந்த ஆராய்ச்சியில் அவர் ஈடுபட்டு உருவாக்கியதுதான் கிராம்போன் எனும் கருவி, இன்றைய நவீன கருவிகளுக்கும் தொலைதொடர்பு சாதனங்களுக்கும் முன்னோடி

ஆய்வு என்பது அபின் போன்றது, உள்ளே இழுத்துவிட்டால் விடாது, எடிசனும் தொடர்ந்து கருவிகளை உருவாக்கி கொண்டே இருந்தார்

அதில் மாபெரும் வெற்றிதான் மின்விளக்கு, பாரடேயினை விரும்பி வாசித்த எடிசன் அந்த மின்சக்தியினை ஓளியாக மாற்றலாம் என நம்பினார், கடும் ஆய்வுகளை செய்தார்

பின் கடும் உழைப்பு பெரும் தோல்விக்கு பின் மின் விளக்கினை கண்டுபிடித்தார், மானிட குலத்திற்கு அவர் காட்டிய மாபெரும் ஒளி அது

நியூயார்க் நகரம் இரவில் விளக்கு பெற்றதும் அது உலக நாடுகளுக்கு அதிசயமாக விளங்கி வழிகாட்டியதும் எடிசன் என்பவராலே

இருட்டில் இருந்த உலகம் எடிசனால் இன்று இரவு நாம் காணும் வர்ண ஜாலத்திற்கு மாறியது

எப்படியப்பா இப்படி எல்லாம் மனிதனால் முடிகின்றது என உலகம் வியக்கும் பொழுது மின்மோட்டாரை உருவாக்கினார் எடிசன்

ஆம் இன்று பம்புசெட், கார் முதல் வீட்டு பேன், தொழிற்சாலை வரை இயங்கும் மோட்டார், அது அன்றி அமையாது தொழில் உலகு

அதுதான் இன்றைய கிரைண்டர், மிக்ஸிக்கும் அடிப்படை அவை இன்றி இன்றைய சமையல் கூடங்களும் இல்லை, அதற்கு அடிப்படை கொடுத்தது எடிசன்

அதன் பின்னும் மனிதர் சும்மா இருந்தாரா? இன்றைய சிடி, டிவிடி வகையாறாகளுக்கு முன்னோடியான கிராம்போனை கண்டுபிடித்தார்

அதாவது ஒலியினை பதிவு செய்யும் கருவி அது, பாடல்கள் இப்படித்தான் முதலில் பதிவு செய்யபட்டது, மனிதன் பாடியதை எந்திரம் திருப்பி பாடும் அதிசயத்தை செய்து காட்டினார் எடிசன்

ஒலியினை பதிந்து காட்டியாயிற்று இதை போல ஒளிபடங்களை உருவாக்கினால் என்ன எனும் அவரின் சிந்தனையில் உதித்ததுதான் திரைப்பட படபிடிப்பு கருவி

ஆம் அவரின் அந்த கண்டுபிடிப்புதான் சினிமா எனும் உலகினை தொடங்கி வைத்தது, உலகில் பெரும் மாற்றத்தை அது கொடுத்தது

இந்த மானிட வாழ்விற்கு தலைகீழ் திருப்பம் கொடுத்த விஞ்ஞானி எனும் வகையில் எடிசன் வரலாற்றில் நிலைபெற்றுவிட்டார்

இன்று காணும் ஒளிவிளக்கு, தகவல் தொடர்பு, பிரிண்டர், சிடி, டிவிடி, சினிமா கேமரா என பல விஷயங்களை தொடங்கி வைத்தவர் எடிசன் என்பவரே

நாம் அனுபவிக்கும் இந்த விஞ்ஞான வசதிகளுக்கெல்லாம் காரணம் அவரே, மறுக்க மறைக்க முடியாது

இரவில் விளக்கிற்கு சுவிட்சை தட்டும்பொழுதும், பேனை ஓடவிடும்பொழுதும், மோட்டாரில் நீர் கொட்டும்பொழுதும், இன்னும் பல விஷயங்களில் அவர் வாழ்ந்து கொண்டே இருப்பார்.

கிட்டதட்ட 1400 கண்டுபிடிப்புகளுக்கு காப்புரிமை வாங்கி இருந்தார், வாங்காமல் விட்டவை இன்னும் ஏராளம்

எப்படி அம்மனிதனால் இப்படி சாதிக்க முடிந்ததென்றால், அவனின் சுயநலத்திலே பொதுநலமும் கலந்திருந்தது

மக்களின் வசதிக்காக, அவர்களின் வாழ்க்கை முறையினை எளிதாக்க என்ன செய்யலாம் என சிந்தித்தான், இறைவன் அவனுக்கு அந்த அளவு ஞானத்தையும் கொடுத்தான்

இந்த உலகமே எடிசனால் மாறிப்போனது சந்தேகமில்லை

மற்றவர்களுக்காகவே தன் வாழ்வினை செலவழித்து பெரும் விஷயங்களை கொடுத்த எடிசனின் ஜெனரல் எலக்ட்ரிக்கல்ஸ் (GE) நிறுவணம் இன்றும் உலகில் நம்பர் 1 நிறுவணமாக தன் கடமையினை செய்து கொண்டே இருக்கின்றது

புது புது எந்திரமும் பல விஷயங்களும் அந்நிறுவணத்தால் உருவாக்கபட்டு கொண்டே இருக்கின்றது

எடிசன் அதில் வாழ்ந்துகொண்டே இருக்கின்றார், மற்றவர்களுக்காக வாழ நினைப்பவனுக்கு, அவர்கள் சிரமத்தை தன் கண்டுபிடிப்பு மூலம் சரிசெய்ய வாழ்வினை கொடுத்தவனுக்கு ஒரு நாளும் அழிவில்லை என்பதே எடிசன் வாழ்வு சொல்லும் தத்துவம்

இன்று அவருக்கு பிறந்தநாள்

அந்த மாமனிதனை நாம் நினைவு கூர்வோம், அந்த விஞ்ஞான பிதாமகனுக்கு இருட்டை விரட்டிய ஒளிநாயகனுக்கு ஆழ்ந்த நன்றியும் அஞ்சலிகளும்

அதற்காக மட்டுமா அஞ்சலி

குஷ்பு எனும் தேவதை எல்லாம் சினிமா மூலமே நமக்கு காண‌ கிடைத்தது, எப்படிபட்ட வரம் அது?

எடிசன் சினிமா கேமராவினை உருவாக்காமல் போயிருந்தால் இந்த அற்புத வாய்ப்பு மானிட பிறவியில் நமக்கு வாய்த்திருக்குமா?

அதனால் சங்கம் தாமஸ் ஆல்வா எடிசனுக்கு தன் மிக உருக்கமான நன்றிகளை தெரிவித்து கொண்டு அவருக்கு உலகெங்கும் அஞ்சலி செலுத்துகின்றது

11th February 2019