எல்லா பெண்களும் எங்களுக்கு தாயே

“உங்கள் நாட்டில் பெண்களை அம்மா என அழைத்தேன் என்னை கோபமாக பார்த்தார்கள், எனக்கு வயதாயிற்றா? என சீறினார்கள்.

அம்மா என அழைத்தால் மூதாட்டி என நினைத்தாயோ என திரும்ப கேட்கின்றார்கள்

நான் பொறுமையாக சொன்னேன், உங்கள் நாட்டில் இந்த கிறிஸ்தவ சன்னியாசிகள் உண்டல்லவா? அப்படி இந்து சன்னியாசி நான்

எங்கள் நாட்டில் சன்னியாசிகள் எல்லா பெண்களையும் தாயே என்றுதான் அழைப்போம், அது வயதான பெண் என்றாலும் சரி, சின்னஞ்சிறிய மகவு என்றாலும் சரி

எல்லா பெண்களும் எங்களுக்கு தாயே..

பெண்களை அம்மா எனவும் தாயே எனவும் அழைக்கும் மிகபெரிய தர்மம் எங்கள் தர்மம், அந்த மாபெரும் சிறப்புமிக்க பூமியில் இருந்து வந்திருக்கின்றேன்”

: சிகாகோ உரையில் சுவாமி விவேகானந்தர்

Advertisements

மிகபெரும் புயல்

இந்த 30 ஆண்டுகளில் மிகபெரும் புயல் இந்த மொசாம்பிக் நாட்டில் அடித்திருக்கின்றது

பட்ட காலிலே படும் கெட்ட குடியே கெடும் என்பது போல மிக பின் தங்கிய அந்த ஆப்ரிக்க நாடு மீளமுடியாமல்தவிக்கின்றது

புயல் வீசி 10 நாள் ஆனாலும் கொஞ்சமும் முன்னேற்றமில்லை மாபெரும் அழிவு அது

உலக நாடுகள் எல்லாம் உதவி பொருள் அனுப்புகின்றன, இந்தியாவும் கப்பல் நிறைய பொருட்கள் அனுப்பியிருக்கின்றன‌

அந்த கருப்பு தேசம் விரைவில் மீண்டெழ பிரார்த்திப்போம் ஏக்கத்திலும் சோகத்திலுமிருக்கும் அந்த ஆப்ரிக்க தேசத்து குழந்தைகளை காண மனம் ஒப்பவில்லை

விரைவில் அவர்கள் சிரிக்கட்டும்

மன்சூர் அலிகான்

வழக்கமாக நாம் தமிழர் சைமன் அங்கிள்தான் காமெடி செய்வார் என்றால் தேர்தல் ஸ்பெஷல் அங்கும் களைகட்டியிருகின்றது

மன்சூர் அலிகான் வந்தபின் அங்கிளும் அவர் தும்பிகளும் பெவிலியனுக்கு சென்றுவிட்டன‌

தனி ஆளாய் அந்த கட்சியின் அடாவடி காமெடியினை தோளில் சுமக்கின்றார் மனிதர்

சும்மா சொல்ல கூடாது, கட்சி டெப்பாசிட்டே வாங்க கூடாது என்ற வெறியோடு பாய்கின்றார் மனிதர்

அவருக்கும் முகம் நிறைய பவுடர் போட்டு மேக் அப் செய்தால் துரைமுருகன் போலத்தான் இருப்பார் போலிருக்கின்றது

ஆறா தழும்பு

அது மார்ச் 30ம் தேதி, 1987ம் ஆண்டு

இந்திய அமைதிபடை இலங்கை செல்வதற்கு முன்பாக சக இயக்கங்களை புலிகள் கொன்றுகொண்டிருந்த காலம்

அன்று ஈழத்தில் எல்லாம் புலிகளுக்கு, எது வேண்டுமானாலும் அவர்களே எடுத்துகொள்வார்கள், கேட்டால் கொல்வார்கள், அதன் பெயர் மக்களுக்கான போராட்டம்

இந்த மக்களுக்கான போராட்டத்தில் அடவாடியாக யாழ்பாணத்தில் இருந்த ஒரு செல்வந்தரிடம் இருந்து பறிக்கபட்டது “கந்தன் கருணை” என பெயரிடபட்ட பெரும் வீடு, ஒரு செல்வர்க்கானது, அவரை விரட்டிவிட்டு புலிகள் அபகரித்துகொண்டார்கள், அது புலிகுகை ஆயிற்று

அதில் மாற்றியக்க போராளிகள் சுமார் 70 பேர்வரை விசாரணைக்காக அடைக்கபட்டனர், அவர்களும் தமிழர்கள், அதே மக்களுக்காக போராட வந்தவர்கள், ஆனால் புலிகள்முன் துரோகிகள்

இவர்கள் போக புலிகளுக்கு கப்பம் மறுத்தவர்கள், எதிர்த்தவர்கள், ஆலோசனை சொன்னவர்கள், சாபமிட்டவர்கள் எல்லாம் ஆங்காங்கு அடைத்துவைக்கபட்டனர்.

இது சகோதர இயக்கங்கள் சிறைவைக்கபட்ட இடம்..

விசாரணை என்றால் ஒன்றுமல்ல, அந்த மாற்றுகுழுவின் தலைவன் எங்கிருக்கின்றான், ஆயுதம் எங்கிருக்கின்றது என போட்டு அடிப்பது, சித்திரவதை செய்து அடிப்பது, இதன் பொறுப்பாளர் பொட்டு அம்மான், அவருக்கு கீழே பல அடியாட்கள் உண்டு

இந்த வீட்டிற்கு காவலாக வந்தவன் அருணா எனும் புலி

இந்த அருணா முன்பு பிரபாகரனுடன் இருந்தார், பின் சண்டையில் சிங்களபடையிடம் பிடிபட்டான், பின் சந்திரிகாவின் கணவரின் முயற்சியில் யுத்த கைதிகள் பறிமாறியபொழுது மறுபடி புலிகளோடு வந்தார்

பிரபாகரன் தன் நிழலையும் சந்தேகிப்பவர், இந்த அருணாவிற்கு சிங்களன் ஏதும் சொல்லி அனுப்பியிருக்கலாம் என அருகில் சேர்க்கவே இல்லை, ஒரு அல்லக்கை போல அலைந்தார் அருணா

தினமும் அந்த சிறைபட்ட போராளிகளை போட்டுசாத்துவது அவரின் அன்றாட பணி

அன்றைய காலகட்டத்தில் புலிகளுக்குள் அதிகாரபோட்டி நிலவியது, பிரபாகரன் தமிழகத்தில் இருக்கும்பொழுது புலிகள் கட்டுபாடு கிட்டுவிடம் இருந்தது, கிட்டுவிற்கும் மாத்தையாவிற்கும் ஆகாது

பிரபாரனுக்கோ கிட்டு மீது ஒரு சந்தேகம் இருந்துகொண்டே இருந்தது, அவர் அப்படித்தான்

இந்நிலையில் தன் காதலியினை பார்க்க சென்ற கிட்டுவின் மீது குண்டு வீசபட்டு காலினை இழக்கின்றார்.

இதே கிட்டு முன்பு சிங்கள வீரனின் காலை குண்டுவீசி துண்டித்ததும், பின் அந்த காலை நல்லூர் கந்தசாமி கோவில் வாசலில் வீரசாட்சியாக ரத்தம் சொட்ட சொட்ட காட்சிக்கு வைத்த காலமும் உண்டு

கோவில் வாசலில் இப்படி செய்யாதீர்கள், இது ஆண்டவனுக்கே அடுக்காது என பலர் சொன்னபொழுது கிட்டு அவர்களை துப்பாக்கி முனையில் விரட்டிய காலமும் உண்டு

தெய்வம் நின்று குண்டு வீசியது..

குண்டை வீச திட்டமிட்டதும், வீசியதும் புலிகளின் உட்கட்சி விவகாரம், அதில் பல மர்மம் உண்டு, பிரபாகரனின் நண்பன் மீது கைவைக்க பிரபாகரனின் அனுமதி இன்றி எப்படி? என்ற சர்ச்சை அன்றே உண்டு

ஆனால் அது வேறு யாரோ வீசியது என கதை கட்டினார்கள் புலிகள், விஷயம் அருணா காதுக்கும் சென்றது

அவ்வளவுதான் ஆங்கில படங்களில் வரும் ஹீரோ போல (புலிகளுக்கு அடிக்கடி ஆங்கில யுத்தபடம் காட்டபடுவதுண்டு) இரு மெஷின்களை கையில் எடுத்து கந்தன் கருணை இல்லம் புகுந்தான் அருணா

அந்த கொடூரம் அரங்கேறிற்று

அங்கு இருந்த கைதிகள் மீது சுட தொடங்கினான், அவர்கள் அலறினார்கள், கதறினார்கள், காலில் விழுந்து அரற்றினார்கள், சிலருக்கு வாயிலே சுட்டான் சண்டாளன்

மாடிக்கும் தளத்திற்க்கும் ஓடி ஓடி சுட்டான், அவன் களைத்ததும் அடுத்தவனை அழைத்டு சுட சொன்னான், சிலர் உயிர்தப்ப சமையலறை போன்ற இடங்களில் பதுங்கிகிடந்தனர்

எண்ணி எண்ணி தேடினர், தப்பியவர்களை கண்டனர், அழைத்து வைத்து சுட்டனர்

அவர்கள் நிலை எப்படி இருக்கும் என எண்ணிபாருங்கள்?, யார் இந்த அநியாயத்தை கேட்க, தடுக்க முடியும்? ஒருவரும் இல்லை

ஏராளமான அப்பாவி போராளிகள் காரணமின்றி உயிர்விட்டனர், அவர்கள் செய்த தவறென்ன? போராட வந்தது, தமிழீழம் அமைய சிங்களனுக்கு எதிராக துப்பாக்கி ஏந்தியது

இன்னும் கொடூரமாக அரைகுறை உயிரோடு இருந்தவர்களை தலையிலே சுட்டு கொன்றார்கள், ஒருவன் மட்டும் தப்பினான்

அவன் சொன்ன சொல்தான் மானிட அவலத்தின் உச்சம்.

எல்லோரும் சாகும் பொழுது ஆடு அறுக்கும்பொழுது வரும் சத்தம் போலவே முணகி செத்தார்கள்,

அந்த குரல் என் காதில் அடிக்கது என் காதில் ஒலித்து என்னை நிலைகுலைய செய்யும் என்னால் அதிலிருந்து மீளமுடியவில்லை

இவ்வளவு கொடூரம் நடந்தபின் , அவர்களை சாவாகசமாக கொண்டு எரித்துவிட்டு வந்தனர் புலிகள்

விஷயம் லேசாக கசிந்தபொழுது புலிகள் அலட்டிக்கொள்ளாமல் சொன்னார்கள் “அவர்கள் தப்ப முயன்றதால் நடவடிக்கை எடுக்கபட்டது, இருவர் மட்டும் பலி”

எப்படி இருக்கின்றது? இதுதான் புலிகள் நடத்திய போர், சொந்த மக்களையே கொன்று குவித்த சாகசம், தியாகம்,வீரம் இன்னபிற‌

இன்று சிங்களனிடம் சரண்டைந்த புலிகளை காணவில்லை, அதனால் ரஜினி போக கூடாது என திருமாவும் இன்னும் சிலரும் ஒப்பாரி வைக்கின்றனர்

அன்று புலிகளிடம் சரணடைந்த தமிழர்களும் இப்படித்தான் காணாமல் போனார்கள்

இந்த விவகாரம் அப்படியே அடக்கபட்டு பின் புலிகள் யாழ்பாணத்தை போட்டு ஓடிய பின்பே வெளிவந்தது,

தண்ணீர் லாரியில் வெடிகுண்டு நிரப்பி தாக்குவது அவர்கள் ஸ்டைல், ஒரு நாள் அது குடியிருப்பு அருகே வெடித்தது 50 தமிழர்கள் அங்கேயே செத்தர், புலிகள் ஜஸ்ட் டெக்னிக்கல் பால்ட் என சொல்லிவிட்டு சென்றனர், இப்படி ஏராள சம்பவம் உண்டு

இந்த படுகொலை சம்பவம் பாருங்கள், போராட வந்ததும் தமிழர்கள், சிறைபிடித்தவனும் சிறைபிடிக்கபட்டவனும் தமிழன், கொன்றவனும் தமிழன், கால் போனவனும் தமிழன், அவன் காலை உடைத்தவனும் தமிழன்..

இப்படி நடந்ததன் பெயர்தான் ஈழமக்களுக்கான போராட்டம்

கந்தன் கருணை மாதிரியான‌ ஏராள சம்பவங்கள் உண்டு, கொஞ்சம் ஆழமாக பார்த்த்தால் சிங்களனை விட அதிகமான தமிழர்கள் புலிகளால் பாதிக்கபட்டிருக்க்கின்றார்கள்

இதனை எல்லாம் நாம் சொன்னால் துரோகி

இப்படி மக்களின் வீட்டை அபகரித்து புலிகள் செய்த அட்டகாசம் கொஞ்சமல்ல, பணம், வீடு, சொத்து , குழந்தைகள் என எதனை அவர்கள் விட்டார்கள்?

அப்படி மக்களின் வீட்டை அபகரித்துகொண்டு சிங்கள படையினை தாக்குவார்கள், அவன் திருப்பிதாக்குவான் வீடு இடியும் புலிகள் அவர்கள் போக்கிற்கு ஓடுவார்கள்

அந்த வீடுகளை கட்டிகொடுக்கும் விழாவிற்குத்தான் ரஜினி செல்ல இருந்தார், அதற்குள் திருமா கும்பல் பொங்கிற்று

இந்த கந்தன் கருணை சம்பவம் எல்லாம் சொல்வார்களா என்றால் சொல்லமாட்டார்கள்.

“கந்தன் கருணை” படுகொலை ஒரு எடுத்துகாட்டு, அது வெளிவந்தது

அதனைபோல வெளிவராத கொடூரங்கள் ஏராளம் உண்டு

அந்த அருணா என்ன ஆனான்?

பின் இந்திய அமைதிபடை சென்று அவனை சுட்டு கொன்றது, இதுதான் இந்திய அமைதிபடை இலங்கையில் செய்த அட்டகாசம்..

கிட்டு என்ன ஆனான்?

மிக தந்திரசாலி என தன்னை எண்ணிய அவன் அமைதிபடை காலத்தில் இந்திய நண்பன் போல நடித்து, ராஜிவ் கொல்லபடுவதற்கு கொஞ்ச நாளைக்கு முன்பு டெல்லியில் சென்று பார்க்குளவு இந்தியாவின் மதிப்பினை பெற்றான்

1987பிரபாகரனுக்கு குண்டு துளைக்காத சட்டையினை பரிசாக கொடுத்த ராஜிவ், கொல்லபடுவதற்கு கொஞ்ச‌ நாட்களுக்கு முன்பாக அவனை டெல்லியில் கார் வரை வந்து வழியனுப்பினார்.

அந்த அப்பாவி தலைவன் அப்படி எல்லோரையும் நம்பி செத்திருக்கின்றான்

அந்த கிட்டு கொடுத்த நம்பிக்கையே புலிகளால் தனக்கு ஆபத்து இல்லை என அவரை நம்ப வைத்து, தைரியமாக சென்னைக்கு வரவழைத்தது

அப்படிபட்ட நயவஞ்சக கிட்டுவினை இந்திய கடற்படை கப்பலோடு கொன்றது

ஆக அப்பாவி தமிழர்கள் சாக காரணமான‌ கந்தன் கருணை சம்பவத்திற்கு காரணமான அருணாவினையும், கிட்டுவினையும் தண்டித்தது சிங்களனோ, பிரபாகரனோ அல்ல‌

மாறாக இந்தியா

இப்படி பெரும் துரோகம் செய்தது இந்தியா, நம்பிகொள்ளுங்கள்

இந்த கந்தன் கருணை இல்லம், சொந்த மக்களின் மேலே புலிகள் நிகழ்த்திய கொடூரத்திற்கு சுவடாய் இன்னும் அங்கே நிற்கின்றது

நிச்சயமாக அது ஒரு நினைவிடம், பெரும் அடையாளம், புலிகளின் காட்டுமிராண்டி தனத்தின் ஆறா தழும்பு

தங்க சுரங்கமா?

“அந்த மாபெரும் சேனை திராவிட நாடு வேண்டி போர்தொடுக்க சென்றது

திராவிடன் வாழ கடும்போர், திராவிட விடுதலை வேண்டி நீண்டபோர் என கடும்தரிப்பில் அணிவகுத்தது

அதன் போர்முழக்கமும், ஆயுத ஒலியும் அந்த இயக்கம் திராவிட நாட்டை அடையும் என சொல்லிகொண்டே இருந்தது

ஆனால் வழியில் ஒரு தங்க சுரங்கதை கண்டபின் அவர்கள் முழக்கம் மாறி பாட ஆரம்பித்தார்கள்

போர் முழக்கம் என்பது பாடலாயிற்று, ஆயுதம் தாங்கிய கரங்கள் தாளம் வாசித்தன‌

பகைவரை மிதிக்க வந்த கால்களுக்கு சலங்கை பூட்டபட்டது

எங்கும் ஆனந்தம், எல்லாம் கொண்டாட்டம்

கவசத்தை களைந்து உடலுக்கு சந்தணம் பூசினார்கள், கத்தியினை கீழே வைத்துவிட்டு மதுகிண்ணம் ஏந்தினார்கள்

போர் பாசறை போகமண்டபமாயிற்று

கவனித்துகொண்டிருந்த அந்த வீரன் அந்த தளபதியிடம் கேட்டான்

தளபதியாரே இப்படி எல்லாம் ஆடிபாடினால் எங்கிருந்து எதிரிகளை அடித்துவிரட்டி நாட்டை அடைவீர்? நம் லட்சியம் என்னாவது?

தளபதி சொன்னான் இதோ இந்த தங்க சுரங்கத்தை பணமாக்கி அந்த நாட்டை விலை கொடுத்தே வாங்கிவிடலாம் எதற்கு வீணாக போர்?”

என்றோ ஒரு நாள் கண்ணதாசன் எழுதியது இன்றும் திமுகவுக்கு அப்படியே பொருந்துகின்றது

கண்ணனை நினைத்தவர்கள் சொன்னது பலிக்கும் என்பது இதுதான்

இன்று அப்படியா நிலமை?

தம்பி நாமெல்லாம் காங்கிரசை எதிர்த்தோம் என்றால் அன்று நாமெல்லாம் பாட்டாளிகள், ஓட்டாண்டிகள், அன்னகாவடிகள்

எறும்பை யானை கொல்ல முடியுமா? வானபாடியினை வல்லூறு விழுங்குமா? அப்படித்தான் நம்மை ஒன்றும் செய்யமுடியாமல் காங்கிரஸ் தத்தளித்தது

இன்று அப்படியா நிலமை?

குவித்துவிட்ட கோடான கோடி சொத்துக்களை காக்க ஒரு கோஷ்டி, அவர்களை போல சொத்துகுவிக்க வந்திருக்கும் ஒரு கோஷ்டி

இதுதான் இன்றைய திமுக தம்பி

நான் இயக்கம் வளர்த்தேன், தமிழ் வளர்த்தேன், திராவிட உணர்வு வளர்த்தேன், கோடிகணக்கான தம்பிகளை தவமாய் வளர்த்தெடுத்தேன்

இனமான உணர்வினை ஊட்டினேன், காலத்திற்கும் போராட திராவிட தத்துவ உணவை சத்தாய் ஊட்டினேன்

ஆனால் நீயோ கோடீஸ்வரர்களை மட்டும் கவனமாக வளர்த்திருக்கின்றாய் தம்பி

நானோ தமிழர் பெருமை கடல்போல் பெருக உழைத்தேன் நீயோ அது கட்சியினர் சொத்துகணக்கில் தெரிந்தால் போதுமென இருந்துவிட்டாய்

நானோ தமிழர் பெருமையாம் தஞ்சாவூர் கோவில் போல ஆலயம் கட்ட நினைத்தேன், நீ கண்ணாடி மாளிகை கட்டிவைத்து வந்துவிட்டாய்

தம்பி உன் மகனுக்கும் ஒரு சொல் சொல்வேன் கேளாய்..

நாம் ஆண்டிபண்டாரங்களாக டெல்லியினை எதிர்த்தோம், அவனின் துப்பாக்கி கண்டு நெஞ்சை கிழித்து காட்ட ஆடை ஒன்றே நம் சொத்தாயிருந்தது

சிறைபட்டோம் மிதிபட்டோம் மதிவழி போராடி வென்றோம் நின்றோம்

இன்று அப்படி அல்ல, அந்த பாட்டாளிகள் நிரம்பிய திமுக இன்று அரபு சுல்தானுக்கும் அமெரிக்க தொழிலதிபர்களுக்கும் நிகரான சொத்து கொண்டோர் இயக்கமாயிற்று

இந்த நிலையில் டெல்லியுடன் மோதல் தேவையா?

குடும்பம், கட்சி, சொத்து என ஏகபட்ட விலங்குகளை பூட்டிகொண்டிருக்கின்றான் கட்சிக்காரன், இவனால் வாள் சுழற்ற முடியுமா? ஒரு எட்டு எடுத்து வைக்கத்தான் முடியுமா?

நீ பெற்றிருக்கும் தனயனிடம் சொல்

மாறிவிட்ட காலத்தில் அவனால் வெற்றிபெற முடியாது, இந்த குதிரை எப்பொழுது வாய்திறக்கும் கடிவாளமிடலாம் எனகாத்திருந்தவர்கள் நேரம் பார்த்து கடிவாளமிட தொடங்கிவிட்டார்கள்

அதனால் தமிழகத்திற்கு எது நன்மையோ அதை செய்ய சொல், தேசிய அரசியல் எனக்கும் வராது, அவனுக்கும் வராது, நீ உன் வழக்கமான சாதுர்யத்தில் எப்படியோ கரைகண்டாய்

நீ மட்டும் இந்திய அரசியல்வாதியாக இருந்திருந்தால் இந்நேரம் சீனா சிதறியிருக்கும், பாகிஸ்தான் பக்கவாதத்தில் கிடந்திருக்கும்

ஆம் தமிழகத்தையே இப்படி ஆக்கிவிட்ட நீ அந்நாடுகளை விட்டு வைத்திருப்பயா? இதனால்தான் இயற்கை உன்னை அங்கு அனுமதிக்கவில்லை

ஆக தம்பி, நான் கண்ட இயக்கம் தறிகெட்டு செல்லும் நிலையில் நான் ஒன்றை சொல்லி கொள்கின்றேன்

ஏழைகளின் ஏந்தல், பொதுவுடமை காவலன் என உலகம் அறியபட்ட அந்த ரஷ்ய ஸ்டாலின் பெயரை உன் மகனுக்கு சூட்டி நீ பெருமை அடைந்தாய்

முதலில் அந்த பெயரை மாற்றி ஜார் மன்னன் என வைத்துகொள்ள சொல்

அந்த கட்சியும் அதன் நடவடிக்கைகளும் அப்படித்தான் இருக்கின்றது, அவனை சுற்றி ஏகபட்ட ரஸ்புடீனகளும் இன்னும் பல லார்டுகளுமே இருக்கின்றார்கள்

ஸ்டாலின் என்ற பெயர் அவனுக்கு பொருந்தாது, ஜார் என்பதுதான் பொருந்தும்

எனக்காக இதை உடனே செய்வாய் தம்பி..”

காரணம் வரதட்சனை

அது 100 சதவீதம் கல்வி அறிவு பெற்ற மாநிலம் என மார்தட்டுவார்கள், அறிவாளிகள் மிகுந்த மாநிலம் என சொல்லிகொள்வார்கள்

அப்படி கடவுளின் சொந்த மாநிலம் என சொல்லிகொள்ளும் கேரளாவில்தான் அந்த சாத்தானின் கொடூரத்தைவிட பெரும் கொடூரம் நடந்திருக்கின்றது

காரணம் வரதட்சனை

சில நகைகளுக்காக அப்பெண்ணை கொடுமைபடுத்தியிருக்கின்றார்கள், கொடுமைகள் எல்லாம் ஹிட்லர் ரகம்

அதைவிட கனத்த கொடுமை பின்னால் நடந்திருக்கின்றது இந்த இதயநோயாளிகள், மனசாட்சி மிக்கவர்கள் தொடர்ந்து வரவேண்டாம்

வரதட்சனைக்காக அந்த அப்பாவி பெண்ணை தாக்கியிருக்கின்றார்கள், அதுவும் சத்தம் கேட்க கூடாதென வாயினை கட்டி வைத்து அடித்திருக்கின்றார்கள்

அப்பெண்ணுக்கு உணவு கூட கொடுக்கவில்லை, இக்கொடுமை சில நாட்கள் தொடர்திருகின்றது, பட்டினி போட்டு வதைத்திருகின்றார்கள்

இந்நிலையில் அப்பெண்ணை அக்கம் பக்கத்திலுள்ளோர் மீட்டு மருத்துவமனையில் சேர்த்திருகின்றார்கள்

மனதாலும் உடலாலும் சோர்ந்த அப்பெண் செத்துவிட்டாள்

முழு மற்றும் ஒரே காரணம் வரதட்சனை என்பதன்றி வேறல்ல‌

அந்த அப்பாவி பெண் அக்கொடுமையால் இங்கு வாழமுடியாமலும் பெற்றோரிடம் உண்மை சொல்லமுடியாமலும் ஏங்கி செத்துவிட்டாள்

அக்கொடுமை வாழவேண்டிய இளம்பெண்ணை கொன்றுவிட்டது

சபரிமலை என்றாலோ இந்துபெண் இஸ்லாமாக மதம் மாறினாலோ ஓடிவந்து நிற்கும் பிரணாயி விஜயன் இப்பொழுது மகா அமைதி

விஷயம் கேரளாவில் வெடிக்கின்றது, பெண்கள் அமைப்புகள் டிஜிபி முன்னால் போராடிகொண்டிருக்கின்றன‌

அப்பெண்ணை எப்படி கொன்றார்களோ அப்படி வரதட்சனைக்காக கொலை செய்த இந்த கணவனையும் அவனின் தாயினையும் கொல்ல வேண்டும் என கடும் கொந்தளிப்பில் இருக்கின்றது கேரளா

வரதட்சனை கொடுமை ஏன் வெளிநாடுகளில் இல்லை என்றால் முதல் விஷயம் அப்பெண் சுயமாக சம்பாதிக்கின்றாள், சிந்திக்கின்றாள்

“ஏண்டா டேய் இது வாழ்க்கை, உனக்கு என்னை தந்து சந்ததி பெருக்க நீதான் எனக்கு கொட்ட வேண்டும்

நான் என்ன மண்ணாங்கட்டிக்கு பணத்தோடு வந்து உன்னை மணக்க வேண்டும், அந்த பணத்தை தக்க முதலீடு செய்தால் காலத்திற்கும் வருமானம் வரும் தெரியுமா?

பின் நீ எதற்கு? மனைவிக்கு சோறுபோட தட்சனை கேட்கும் நீ ஒரு பிச்சைக்காரன்

விபச்சாரியிடம் கூட பணம் கொண்டு செல்லும் ஆண்களுக்கு, மனைவி நிறைய‌ கொண்டுவர வேண்டுமா?” என்ற அளவில் அவர்களின் கேள்வி இருக்கும்

இந்திய பெண்கள் சுயமாகவும் தெளிவாகவும் சிந்திக்கும் வரை, சொந்தமாக சம்பாதிக்கும் வரை, பெண்கள் வாழ்வில் பெற்றோர் தலையிடும் வரை இம்மாதிரி சம்பவங்களை தடுக்க முடியாது

அந்த அபலைபெண்ணுக்கு ஆழ்ந்த அஞ்சலி

மறுமுறை பிறந்து இக்கொடுமையில்லா நல்வாழ்வினை அவள் வாழட்டும்