எல்லாம் அரசியல்

இந்த திமுகவுக்கும் தும்பிகளுக்குமான புலி சண்டையில் எது சரி என்றால் இதுதான்

திமுக என்பது இந்தியாவோடு ஒட்டாமல் இருந்த ஒரு இயக்கம், புலிகள் இந்தியாவினை எதிர்த்த இயக்கம்

இருவரும் அந்த புள்ளியில் ஒன்று சேர்ந்தனர், அதுவும் ராமசந்திரன் காலம் வரை இல்லை, அவர் காலத்துக்கு பின்பே புலியும் கலைஞரும் கூட்டாளி ஆயினர்

அன்று இருந்த ஜெயா ராஜிவ் கூட்டணியினை எதிர்த்து அரசியல் செய்ய புலிகள் அவருக்கு தேவைபட்டனர்

ராமசந்திரன் இல்லா நிலையில் புலிகளுக்கு கலைஞரும் தேவைபட்டார்

இந்த இடத்தில் ஒரு கேள்வி வரலாம்

இந்திராவும் ராமசந்திரனும் புலிகளை வளர்க்கவில்லையா? ஏன் கலைஞரை மட்டும் குற்றம் சாட்டவேண்டும் என்றால் விஷயம் சிக்கலானது

இந்திரா இல்லை, ராமசந்திரன் அமைதிபடையினை பிரபாகரன் எதிர்க்கும்பொழுதே விலக தொடங்கினார்

அமைதிபடைக்கு எதிராக ஒரு புல்லை கூட ராம்சந்தர் புடுங்கவில்லை

ஆனால் கலைஞர் அப்படி அல்ல, புலிகளுக்காக இந்தியாவினை தீவிரமாக எதிர்த்தார், மல்லுகட்டி அமைதிபடையினை திரும்பபெற்றார்

அது 1500 வீரர்களை இழந்ததையோ இன்னும் இந்திய ராணுவம் கண்ட அவமானங்களையோ அவர் கிஞ்சித்தும் நினைக்கவில்லை

அமைதிபடையினை வரவேற்கமாட்டேன் என அதை அவமானபடுத்திய கலைஞர் கொஞ்சமும் குற்ற உணர்ச்சியே இன்றி இந்திய சட்டத்தை காப்பேன் என உறுதிமொழி எடுத்து தேசிய கொடிஎல்லாம் ஏற்றினார்

இந்திய ராணுவத்தை கொச்சைபடுத்திய கலைஞருக்கு கொடிநாளுக்காக நிதி திரட்டவும் வெட்கமே இல்லை

எல்லாம் அரசியல்

புலிகளை இங்கு மகா சுதந்திரமாக உலாவ விட்டார் கலைஞர், இந்திய எதிரிகளாயினும் அவர்களை மனமார ரசித்தார்

முரசொலிமாறனுக்கும் ஆன்டன் பாலசிங்கத்துக்கும் இருந்த உறவு வலுவானது

பத்மநாபா கொலையில் புலிகளை தப்பவிட்டதும் சிவராசனை விடுவித்ததும் கலைஞரின் பெரும் புலிபாசம்

விளைவு ராஜிவ் கொலையில் முடிந்தது

அதன்பின்பே பாம்புக்கு அரசியல் பால் ஊற்றிய வலியினை உணர்ந்தார் கலைஞர்

நன்றிகொன்ற புலி, யாரெல்லாம் அதன் நோய்தீர்த்தார்களோ அவர்களை எல்லாம் கொன்ற புலி தன்னையும் கொல்லும் என அஞ்சினார்

புலிகளும் வைகோவினை பிரித்து கலைஞருக்கு எதிராக நிறுத்தினார்கள்

புலிகளை சுத்தமாக கைகழுவினார் கலைஞர்

அதன் பின் முழுக்க மாறினாலும் ஜெயின் கமிஷன் அவரின் புலி அபிமானத்தையும் ராஜிவ் கொலைக்கு தன்னையறிமாமல் அவர் துணை போனதையும் சொன்னது

உடனே வாஜ்பாய் பக்கம் சென்று அரசியல் ஆட்டம் ஆடி எப்படியோ அதை சமாளித்தார் கலைஞர்

கடைசி வரை புலியினை அவர் மிக வெறுக்கவுமில்லை, அருகே சேர்க்கவுமில்லை

தமிழ்செல்வனுக்கும் அழுது கொண்டிருந்தார், பிரபாகரனுக்கும் அழ தயாரானார்

எல்லாம் எல்லை மீறி செல்ல 1987ல் அவர் செய்த தவறுக்கு 2009ல் மெரீனாவில் மல்லாக்க கிடந்து பாவமன்னிப்பு கோரினார், எல்லாம் அரசியல்

ஆக திமுக என்பது இந்திய எதிர்ப்பு அரசியலை புலிகளோடு சேர்ந்து செய்யபார்த்து கையினை சுட்டுகொண்ட கட்சி

மற்றபடி புலிகள் மகா அயோக்கியர்கள் மற்றும் இந்திய எதிரிகள்

திமுகவும் இவ்விஷயத்தில் அவ்வளவு நல்ல கட்சி அல்ல, தன் அரசியலுக்காக தொட கூடாத புலிகளை பல நிர்பந்தத்தினால் தொட்டு தீராபழியில் சிக்கிகொண்டது

ராஜிவ் கொலைக்கும் அவர்கள் மேல் பழி, முள்ளிவாய்க்காலுக்கும் அவர்கள்மேல் பழி என தீரா பழியினை கூடா நட்பில் தேடிகொண்டது

இவர்களுக்குத்தான் கனத்த லாபம்

இந்த ஐ.எஸ் அமைப்பு இருக்கின்றதே அது எங்கெல்லாம் அமெரிக்காவும் இஸ்ரேலும் காலுன்ற வேண்டுமோ அங்கு முதலில் சென்று நிலமையினை கலைத்துவிடும் வேட்டை நாய்

சதாம் இல்லா ஈராக்கில் அமெரிக்காவுக்கு என்ன வேலை? என குரல்கள் கேட்க தொடங்கியபொழுது ஐ.எஸ் ஈராக்கை நொறுக்கியது, இதோ நாங்கள் தேவை என அமெரிக்கா அங்கே நின்றுவிட்டது

சிரியாவில் அமெரிக்கா செல்லவேண்டிய அவசியம் வந்தபொழுது அங்கும் முதலில் குழப்பியது ஐ.எஸ்

இப்பொழுது இலங்கையிலும் அமெரிக்கா கால் ஊன்ற வழிகாட்டியிருக்கின்றது ஐ.எஸ்

ஆம் அமெரிக்கா இரண்டு காலையும் வைக்க, இஸ்ரேலோ தன் நாட்டில் இலங்கைகு மாபெரும் அஞ்சலி செலுத்திவிட்டு ஓடோடி வருகின்றது

பாலஸ்தீனத்தில் அனுதினமும் குண்டு வீசும் அதே இஸ்ரேல்

ஆக கூட்டி கழித்து பார்த்தால் ஐ.எஸ் என்பது யாருக்கான அமைப்பு என்பது எல்லோருக்கும் தெரியவரும்

அமெரிக்கா இஸ்ரேல் இலங்கை என கத்தும் நபர்கள் ஒரு நாட்டை மட்டும் கள்ளதனமாக மறைக்கின்றனர்

அது சவுதி அரேபியா

இந்த இறுக்கமான வஹாபியிசத்துக்கு அதுதான் தாய்பூமி அங்கிருந்துதான் இந்த கொடூர இயக்கம் வளர புட்டிபாலும் கொடுக்கபடுகின்றது

பல காரணங்களுக்காக சவுதி பணம் இலங்கைக்கு வந்தது கூடவே இந்த கொடிய விஷயங்களும் வந்தன‌

அரளியினை விதைத்துவிட்டு திராட்சையினை எதிர்பார்த்தால் எப்படி

கிட்டதட்ட உலகம் சொல்லும் முடிவு இதுதான்

அமெரிக்கா இஸ்ரேல் சவுதி இவற்றின் வேட்டைநாய்தான் ஐ.எஸ்

ஆனால் மிக சமார்த்தியமாக மறைகின்றார்கள்

ஐ.எஸ் அமைப்பின் ஒவ்வொரு தாக்குதலிலும் இவர்களுக்குத்தான் கனத்த லாபம்

சில ஒப்பீடுகள் மகா அபத்தமானவை

சில ஒப்பீடுகள் மகா அபத்தமானவை

திமுகவினையும் ரஷ்ய செஞ்சேனையினையும் ஒப்பிட முடியுமா?

அண்ணாவினையும் கரிபால்டியினையும் ஒப்பிட முடியுமா?

கலைஞரையும் பிடல் காஸ்ட்ரோவினையும் ஒப்பிட முடியுமா?

பெரியாரையும் சாக்ரடீஸையும் ஒப்பிட்டால் சாக்ரடீஸ் மறுபடி வந்து விஷம் குடிப்பார்.

பிரபாகரனுக்கும் நேதாஜிக்கும் ஏணி வைத்தாலும் எட்டாது

ஒரு காலமும் சில சூப்பர் ஹீரோக்களையும் சில அபத்தங்களையும் ஒப்பிட முடியாது

தாமஸ் ஆல்வா எடிசனுக்கும் மூலிகை பெட்ரோல் ராமர் பிள்ளைக்கும் என்ன ஒப்பீடு?

அப்படித்தான் ஹிட்லரும் மோடியும்

ஹிட்லர் மாபெரும் ஆற்றலும் அறிவும் இன்னும் பெரும் திறமை கொண்ட மாபெரும் வித்தகன், நிச்சயம் புலி

மோடி என்பவர் பூனை கூட அல்ல, பூனை பொம்மை

எவனாவது ஹிட்லருடன் மோடியினை ஒப்பிட்டால் என்ன செய்யலாம்?

இஸ்ரேலிடம் போட்டு கொடுத்தால் போதும் மீதியினை அவர்கள் பார்த்துகொள்வார்கள்

இதை எளிதாக கடந்துவிட முடியாது

இதை எளிதாக கடந்துவிட முடியாது

எதையோ கேரள காவல்துறை மறைக்கின்றது என்பது மட்டும் புரிகின்றது

மனிதவெடிகுண்டு என்பது சாதாரண விஷயம் அல்ல, ஏகபட்ட நுட்பம் வேண்டும், தனி மனிதனால் அதை செய்துவிட முடியாது

ஆப்பமோ, கொழுக்கட்டையோ, பிட்டோ செய்வது போல மனிதவெடிகுண்டு எல்லாம் செய்துவிட முடியாது

அதுவும் ஒரு பெண்ணுக்காக மனிதவெடிகுண்டு வெடிப்பதெல்லாம் சாத்தியம் இல்லை, கொல்ல ஆயிரம் வழிகள் உண்டு, சாகவும் உண்டு

விஷயம் வேறு எங்கோ இருக்கின்றது, கேரளாவில் வெடிபொருட்களும் குண்டுக்கான நுட்பமும் எளிதாக கிடைக்கும் அளவு நிலமை சிக்கலாகின்றது

ராகுல் போட்டியிடும் கேரளாவில் அதுவும் சபரிமலை உட்பட ஏக சர்ச்சை உள்ள கேரளாவில், அரேபிய தீவிரவாதிகள் காசர்கோடு பக்கம் உலவுகின்றார்கள் எனும் அபாயமிக்க கேரளாவில் ஒருவன் சர்வசாதாரணமாக உடலில் குண்டை கட்டி காதலிக்காக வெடிக்கின்றான் என்பது சாதாரணம் அல்ல‌

மறுபடியும் சொல்கின்றோம் இது கள்ளகாதலுக்காக நடந்த கொலை அல்ல, அப்படி காதல் இருக்குமானால் காதலியின் கணவனை போட்டு தள்ளினால் முடிந்தது விஷயம்

குண்டு வெடித்தது இஸ்லாமிய பெண் வீடு என்பதால் பலத்த சந்தேகம் எழவேண்டிய நேரமிது

சரி அவன் மனிதவெடிகுண்டாக இருந்தாலும் அந்த அளவு அபாயமிக்க குண்டை இவனுக்கு கொடுத்தது யார்? கட்டி விட்டு பயிற்சி அளித்தது யார்?

ஆக கேரளா கடும் அச்சுறுத்தலில் இருக்கின்றது என்பதை புரிந்து கொள்ளமுடிகின்றது

மிக வேகமான நடவடிக்கை எடுத்து மிக இறுக்கமான விசாரணை நடத்தினால் அதிர்ச்சி தரும் செய்திகள் கட்டாயம் வரும்

ராகுல் தேர்தல் பிரச்சாரம் செய்யும் நேரம் மிக மிக வலுவான பாதுகாப்பு அவசியம் என்பதே இம்மாதிரி செய்திகள் சொல்லும் செய்தி

கேரளாவில் மிகபெரும் நாசவேலைக்கு திட்டமிடுகின்றார்கள் என்பதெல்லாம் அவ்வப்போது வரும் செய்திகள்

கேரள அரசு விழித்துகொள்வது சால சிறந்தது, இல்லையேல் விளைவுகள் மிகபயங்கரமாக இருக்கலாம்

படித்த பெண்கள் ஆளட்டும் ஆளவேண்டும்

ஹிலாரி கிளிண்டன், ஏஞ்சலா மெர்கோல், தெரசா மே என ஒவ்வொரு நாடு கற்றறிந்த படித்த பெண்கள் ஆளட்டும் ஆளவேண்டும் என துடியாய் துடிக்கின்றது

திறமையும் ஆற்றலும் கல்வி பெருமையும் கொண்ட பெண்கள் ஆளவரட்டும் என கடும் ஆர்வத்தில் இருக்கின்றன‌

அதில் ஜெர்மனி எங்கோ உச்சத்தில் இருக்கின்றது, பிரிட்டன் இன்னும் ஆதிக்கம் செலுத்துகின்றது

அவர்கள் கன்னியாஸ்திரிகளை இல்லை கிறிஸ்தவ வெள்ளுடை மதவாதிகளை நிறுத்தவில்லை மாறாக திறமை இருப்போரை நிறுத்தினார்கள், வாழ்வாங்கு வாழ்கின்றார்கள்

இங்கு பாருங்கள் உமா பாரதி, பிரக்யா சாத்வி என சந்நியாசி பெண்களை முன்னுறுத்துகின்றார்கள்

தேசம் உருப்படுமா என்றால் நிச்சயம் உருப்படாது…

இங்கு தேவை கல்வியும் வளர்ச்சியும் முன்னேற்றமுமே அன்றி சாமியார் மடங்களும், சந்நியாசிகளின் சங்கமமும் அல்ல

உலகெல்லாம் சுற்றிவந்தும் மோடி கொஞ்சமும் திருந்தியதாக தெரியவே இல்லை

தொழுகை கூடத்தில் தாக்குதல்

ஈஸ்டர் தினத்தில் கிறிஸ்தவர்களை தாக்கினாலும் அதை ஒட்டி வரும் யூதரின் பாஸ்கா திருவிழா எனும் பாஸ் ஓவர் பண்டிகையினையும் கவனிக்க தீவிரவாதிகள் மறப்பதில்லை

பாஸ் ஓவர் அல்லது பாஸ்கா என்பது யூதரின் முக்கியமான கொண்டாட்டம், பாஸ் என்றால் கடந்து செல்லுதல் அதாவது எகிப்தில் அடிமையாய் இருந்த அந்த கூட்டம் அந்த நாளில்தான் மீண்டு வந்தார்களாம்

அந்நாளில் அவர்கள் கடும் உற்சாகமாய் இருப்பார்கள் அப்படி ஒரு நாளில்தான் இயேசுவும் கொல்லபட்டார்

கிட்டதட்ட 10 நாளில் கொண்டாடுவார்கள்,

இப்பொழுதெல்லாம் ஒரு பக்கம் அந்த ரொட்டியும் இன்னொரு பக்கம் ஆட்டுகறியுமாக இருந்தாலும் வானத்தை பார்த்து கடவுளை நினைத்தாலும் தீவிரவாதிகளையும் சுற்றி பார்த்துகொள்வார்கள்

முன்பெல்லாம் இஸ்ரேலில் அந்த கொண்டாட்டத்தில் தாக்குதல் நடக்கும், இப்பொழுது கடும் பாதுகாப்பு என்பதால் அங்கு தாக்க வாய்ப்பு குறைவு

உலகெல்லாம் அவர்கள் இருந்தாலும் இஸ்ரேலை அடுத்து அமெரிக்காவில் யூத தொழுகை கூடம் அதிகம்

யூதருக்கு கோவில் கிடையாது, கட்டினாலும் ஜெருசமேலில்தான் கட்டுவார்கள் மற்ற இடமெல்லாம் ஜெபம் நடக்கும் தொழுகை கூடம் மட்டுமே

கொச்சியில் கூட அது உண்டு

அப்படி அமெரிக்காவில் கலிபோர்னியாவின் தொழுகை கூடத்தில் தாக்குதல் நடந்திருக்கின்றது

3 பேர் பலி என்கின்றன செய்திகள், 6 மாதத்துக்கு முன்புதான் அங்கு 11 பேர் கொல்லபட்டார்கள்

விஷயம் தெரிந்த இஸ்ரேல் சீறுகின்றது, டிரம்ப் பல்லை கடிக்கின்றார்

உலகில் மசூதி , தேவாலயம் வரிசையில் தொழுகை கூடமும் சேர்ந்தாயிற்று

சைனா கையினை பிசைந்து நிற்கின்றது

பசிபிக் கடலில் அமெரிக்கா நுழைந்தால் சும்மா விடமாட்டோம் என முதலில் சொன்னது சைனா

தென் சீன கடலுக்கு வந்தால் விடவே மாட்டோம் என்றதும் அதுவே

தைவான் விஷயத்தில் அமெரிக்கா தலையிட்டால் சும்மா விடமாட்டோம் என சவுடால் விட்டதும் அதுவே

ஏய் தைவானே ஒழுங்காக என்னுடன் இணையாவிட்டால் மாபெரும் போர் என மிரட்டியதும் அவர்களே

மிரட்டல் என்றால் கடுமையான மிரட்டல்

ஆனால் தைவான் எங்களின் கூட்டாளி, நிறைய ஆயுதங்களை வாங்குகின்றது ஆனால் பாவம் அவற்றை இயக்க தெரியவில்லை அதனால் அதனை இயக்க சொல்லி கொடுக்க வந்திருக்கின்றோம் என தைவானில் தன் மிகபெரிய போர்கப்பல் சகிதம் வந்து நிற்கின்றது அமெரிக்கா

சைனா கையினை பிசைந்து நிற்கின்றது, சத்தமே இல்லை

என் ஊருக்கு வாடா, என் தெருவுக்கு வாடா, என் வீட்டுக்கு வாடா என சவால்விடும் வடிவேலு காமெடி போல இருக்கின்றது சீன தைவானிய காட்சிகள்

உலகில் பெரும் நாடுகளின் அருகில் இருக்கும் சிறு தீவுகள் அரசியல் ஆபத்து நிறைந்தவை

கியூபா முதல் ஜப்பான் வரை சிறிய தீவுகளை வளைத்து அதில் இருந்து பெரும் வல்லரசுகளுக்கு தொல்லை கொடுப்பது ராணுவ மிரட்டலில் சகஜம்

அப்படி தைவானை சீனாவுக்கு எதிராக நிறுத்துகின்றது அமெரிக்கா

இலங்கை இந்தியா எனும் மாபெரும் நாட்டின் காலடியில் இருப்பதால்தான் இந்த பாடு பட்டுகொண்டிருக்கின்றது என்பதும் வேறு விஷயம்

தீவாக ஒரு நாடு அமைந்தாலும் வல்லரசுகள் பக்கம் மட்டும் அமைந்துவிடவே கூடாது

மிகபெரிய‌ ஹீரோ மற்றும் கொடூர‌ வில்லன்

இந்த நூற்றாண்டின் மிகபெரிய‌ ஹீரோ மற்றும் கொடூர‌ வில்லன் யாரென கேட்டால் கண்களை மூடிகொண்டு சொல்லலாம் அவன் அடால்ப் ஹிட்லர்

இந்த உலகம் கடந்த 70 ஆண்டுகளில் இவ்வளவு வளர்ச்சிபெற்றிருக்கின்றது என்றால் அதன் மூலகாரணம் அவனே

சாதரண சிப்பாய், நல்ல ஓவியனும் கூட முதல் உலகப்போர் ஏன் ஏற்பட்டது என கண் கூடாக கண்டவன், அதாவது கிட்டதட்ட எல்லா ஐரோப்பிய நாடுகளுக்கும் அன்று காலணிகள் இருந்தன

ஜெர்மனிக்கு இல்லை

வல்லரசு என்றால் வியாபாரம் தான் அடிப்படை, ஜெர்மன் அம்மாதிரியான வியாபாரத்திற்கு பெர்லின் பாக்தாத் இணைப்பு பாதையினை ஆஸ்திரியா வழியாக செய்ய இருந்தது, அப்படி செய்தால் ஜெர்மன் வியாபாரம் செழித்திருக்கும்

இன்று சிரியா வழியாக அரேபிய எண்ணெய் பாய கூடாது என ரஷ்யா நிற்பது போல அன்று பிரிட்டன் இருந்தது , விளைவு ஆஸ்திரிய இளவரசனை யாரோ கொல்ல அது போராயிற்று

போரில் ஜெர்மன் தோற்றது, அது கூட பிரச்சினை இல்லை அதன் பெரும் பலமான ஆஸ்திரியா ஹங்கேரி வல்லரசும், ஒட்டோமான் சாம்ராஜ்யமும் சிதறின, அதாவது ஜெர்மனின் முதுகெலும்பு உடைந்தது, போதா குறைக்கு வட்டி, நஷ்ட ஈடு என ஜெர்மன் திணறியது

இந்த காலத்தில்தான் ஹிட்லர் பேச தொடங்கினான், முதலில் சும்மாதான் பேசினான், ஆனால் கூட்டம் கூடிற்று வளர்ந்தான், சிறையும் அவனை தடுக்கமுடியவில்லை

நாடே சிக்கலில் இருக்க யூதர்கள் மட்டும் நாட்டுபற்றிலாதது போல இருந்தது அவனை உறுத்தியது, எல்லா நாட்டுடனும் உறவில் இருந்த யூதர்கள் ஜெர்மனை அவர்களுக்கு அடிமையாக்கியதாக கருவினான், யூதருக்கு ஒரு செல்வாக்கும் மரியாதையும் அன்று இருந்தது

இதை கவனித்தான் ஹிட்லர், யூதரை விட ஆரியர் உயர்ந்தவர் என சொல்லதொடங்கினான்

மக்கள் அதனை ஆமோதிக்க அவன் தலைவனுமானான், தேர்தலில் வென்றான் பின் இனி தேர்தலே இல்லை என்றான்.

ஆனந்தம் பட மம்முட்டி போல “எல்லோருக்கும் இருக்க வீடு, சாப்பாடு, காசு பணம் அதுக்கப்புறம்தான் எல்லாம்” என சொல்லிவிட்டான்

அந்நொடியில் அவனுக்குள் ஒரு சாமி இறங்கியது, நிச்சயம் இனியொருவன் அப்படி ஆளமுடியாது, இந்த உலகம் கண்ட மிக சிறந்த நல்லாட்சியினை வழங்கினான்

அவனின் மிக பெரும் ஆற்றல், நல்ல திறமையானவர்களை அடையாளம் கண்டு அமர்த்திகொண்டது, அவனின் நிதி அமைச்சர் அவனின் பெரும் பலம்

அபார திட்டங்களை அவர்தான் தீட்டினார்

பொய் சொல்வதை கூட திறமையாக சொல்வது யார் என பார்த்து கோயபல்ஸை பிரச்சார அமைச்சராக‌ நிறுத்தியிருந்தான், ஹிட்லர் கால சர்ச்சைகளை எல்லாம் தன் அதிரடியான பொய்களால் மறைத்தான் கோயபெல்ஸ்

ஹிட்லரின் முதல் பலம் அவனின் வேகம், அந்த வேகத்தை ஜெர்மனிக்கு கொடுத்தான், அகண்ட சாலையில் கூடுதல் வேகம், நல்ல தரமான கார்கள், எந்திரங்கள், நொடியும் சுணங்காத அலுவலகம், கல்வி, மக்கள் நலம் 60 வயதானால் ஓய்வு மற்றும் பென்சன் என அவனது நிர்வாகம் அட்டாகசபடுத்தியது

உற்பத்தி பெருகியது, வெறும் 5 ஆண்டுகளில் அந்நாடு வல்லரசானது ஆம் அது பெரும் ஆச்சரியம், இனி சாத்தியமில்லா ஆச்சரியம், அலாவுதீன் பூதம் செய்தது போல ஆச்சரியம், இதோடு ஹிட்லர் காக்காவலிப்பிலோ அல்் லது விபத்திலோ செத்திருந்தால் வரலாற்றில் பெரும் இடம் அவனுக்குத்தான்

அது பெரும் வல்லரசானவுடன் ஹிட்லருக்குள் இருந்த பூதம் விழித்தது, வட்டி கட்ட முடியாது என பிரிட்டனை எதிர்த்தான், ஆனதை பார் என சர்வதேச சங்கத்தை மிதித்தான், உலகிற்கே சவால் விட்டான்

பழிதீர்க்க கிளம்பினான், ஐரோப்பாவில் அது அடிக்கடி நடப்பது, ஆனால் ஐரோப்பியரை அடிக்கும் பொழுதே யூதர்களையும் அழித்தொழிக்க வேண்டும் என்ற அவனின் எண்ணத்தில் சாத்தான் புகுந்தான்

யூதருக்கு எதிராக அவன் செய்த அட்டகாசங்கள் சாத்தானும் நடுங்கும் ரகம், அது சாதரண மனிதனால் சாத்தியமும் அன்று, அப்படி கொடூரம் அது

அதோடு போரை துவக்கினான் , மிரட்டலில் போலந்தை பிடித்தான், குண்டு போடாமலே கிழக்கு ஐரோப்பாவினை விழுங்கினான், கண்ணசைவில் ஐரோப்பாவினை பிடித்தான்,

பிரிட்டன் மட்டும் பாக்கி இருந்தது , அவன் செய்த தவறில் முதலாவது பிரிட்டனை பிடிக்காமல் இருந்தது, இரண்டாவது சோவியத்தில் நுழைந்தது, மூன்றாவது அமெரிக்காவினை பற்றிய குறைந்த மதிப்பீடு

சோவியத்தில் அவன் நுழைய எண்ணெய் தான் காரணம், அன்றே அரேபியாவில் எண்ணெய் இவ்வளவு இருக்குமென தெரிந்தால் இன்றைய மொத்த அரேபியாவும் ஜெர்மனிக்கே இருந்திருக்கும், பாலஸ்தீனமுமில்லை, ஈராக், ஈரான், சிரியா, இஸ்ரேல் என எதுவுமே இருந்திருக்காது

ரஷ்ய குளிரும், ஸ்டாலினின் ராணுவமும் ஹிட்லரை தோற்கடித்தன, சர்ச்சில் வேறு தந்திரமாக அமெரிக்காவினை களம்மிறக்கினார்

ஹிட்லரை வீழ்த்தியது ரஷ்யாவின் ஸ்டாலின், நிச்சயமாக அவர்தான்

ஹிட்லர் வீழ்ந்த பின்புதான் அவன் நிர்வாகத்தை, ராணுவத்தை, அவனின் ஆராய்ச்சிகளை ஆராய்ந்தார்கள், ஆராய்ச்சியாளர்கள் பாதி ரஷ்யாவிற்கும், பாதி சோவியத்திற்கும் கடத்தபட்டார்கள்

அவனின் ஆராய்ச்சியும், அவன் கண்ட விஞ்ஞான கனவும் அப்படி இருந்தன‌

அதாவது எல்லாவற்றிலும் 80% நெருங்கியிருந்தான், கொஞ்சம் காலம் தள்ளியிருந்தால் ஜெர்மன் எங்கோ சென்றிருக்கும்

ஏ,கே 47 ரக துப்பாக்கி உண்மையில் அவன் கண்டுபிடிப்பு, கலோனிக்கோவ் கொஞ்சம் மாற்றினார். விமானம் தாங்கி கப்பல் முதல் நீர்மூழ்கி வரை ஹிட்லர் படுவேக முன்னேற்றம் காட்டியிருந்தான்..

தாக்குதல் எப்படி இருக்கவேண்டும், வியூகம் எப்படி இருக்கவேண்டும் என்பதில் அவனின் கில்லாடிதனம் வெளிபட்டது, இன்று பின்லேடனை கொன்ற தாக்குதல் வரை அவன் தான் முன்னோடி..

ராணுவ வீரர்களுக்கான தகவல் தொடர்பில் ஹிட்லர் உச்சம் பெற்றிருந்தான் அதுதான் இன்று நாம் காணும் இணைய உலகின் அடிப்படை

விமானிகளுக்கான பிரத்யோக உடைகள் அவனிடமிருந்தன, அதுதான் இன்று விண்வெளி வீரர்கள் அணிவது, நீர்மூழ்கி கப்பலின் வித்தையும் அவனிடம் இருந்தது

அணுகுண்டின் ஆபத்தான நியூட்ரான் குண்டுகள் தயாரிப்பில் ஓரளவு வெற்றிபெற்றிருந்தான்

மகா முக்கியமாக ராக்கெட் தயாரிப்பு, அதுதான் பின் ஏவுகனைகளாகவும் விண்வெளி ராக்கெட்டுகளாகவும் மாறின, வட்ட வடிவமான விமானங்களை அவன் வைத்திருந்தான் என செய்தி உண்டு

அமெரிக்காவும், சோவியத் யூனியனும் வல்லரசானதும் விண்வெளி வெற்றிகளை குவித்ததும் இப்படித்தான்…

இன்று அமெரிக்கா தயாரித்து கொண்டிருக்கும் நவீன விமானங்களின் மாடலை அன்றே வைத்திருந்தான் ஹிட்லர்

விதவிதமான மருந்துகளை கண்டுபிடித்து யூதர்மேல் சோதனை செய்தான், மருத்துவ உலகம் அதில்தான் முன்னேறிற்று

அவன் பெரும் போர் நடத்தியவன் தான், ஆனால் அவனின் எச்சத்தில் இந்த உலகம் பெரும் பாய்ச்சலை நிகழ்த்தியது

அரசு, ராணுவம், விஞ்ஞானம், விளையாட்டு, நகரம், நிர்வாகம் , அறிவியல் என எல்லாவற்றிலும் தலைகீழ் திருப்பம் கொடுத்தவன் அவன்

இந்த நூற்றாண்டின் மிக சிறந்த , நம்பர் 1 திறமையாளன் அவன் என்பதில் சந்தேகமே இல்லை, ஆனால் யூதர்கள் விஷயத்தில் அவன் காட்டிய கொடூரத்திற்கு வரலாற்றில் மன்னிப்பே இல்லை

இன்னொன்று யூதர்களை அவன் கொன்ற விதம் குறித்து மிகைபடுத்தலும் இருந்தன‌

இன்று அவனின் நினைவுநாள்

பெரும் அழிவுக்கு காரணாமானவன் என்றாலும் இந்த உலகத்தை அவன் மாற்றிபோட்டவன் என்பதில் மாற்றுகருத்து இருக்கமுடியாது

பிரிட்டனையும், பிரான்சையும் அவன் அலற அடித்த அடியில்தான் அவை இந்தியா போன்ற நாடுகளுக்கு சுதந்திரம் கொடுத்து ஓடின,

அந்த அடியில் அவை எழும்ப முடியாமல் கிடக்கும்பொழுது உலகெல்லாம் எப்படி ஆளமுடியும்?

அந்த பிரிட்டன் எனும் வல்லரசின் சக்தியினை அவந்தான் முறியடித்தான்..இந்திய விடுதலைக்கு ஹிட்லரும் ஒரு காரணம் என்பதை மறுக்கமுடியாது..

போர் வெறியும், யூத வெறுப்பும் இல்லாத ஹிட்லரைத்தான் எல்லா நாடுகளும் தலைவனாக தேடிகொண்டிருக்கின்றன‌

வரலாற்றில் நின்றுவிட்டவன் அவன், அவனுக்கு கல்லறை இல்லாமல் இருக்கலாம், ஆனால் வரலாற்றில் பெரும் இடம் உண்டு , அசைக்கமுடியா இடம் அவனுக்கு உண்டு

பெரும் அறிவாளி அவன்,

“முழு வளர்ச்சி பெறாத நாட்டில், பொறுப்பான மக்கள் இல்லா மக்களாட்சியில் நாடாளுமன்றங்களும், சட்ட சபைகளும் பட்டிமன்றமாக மாறும்,

வெறும் குப்பைமனிதர்கள் பேசிகொண்டிருப்பார்கள், திருடர்களும் ஊழல்வாதிகளும் ஆளவருவார்கள்

அவர்களாலும் அந்த சபையாலும் மக்களுக்கு கொஞ்சமும் பிரயோசனம் இருக்காத நிலை வரும்” என என்றோ சொன்னான்

அது எங்கு நிறைவேறியதோ இல்லையோ இந்தியாவில் குறிப்பாக தமிழகத்தில் நிறைவேறிகொண்டிருக்கின்றது

அதுவும் தன் சகாவான சென்பராமன் பிள்ளையிடமும், பின் நேதாஜியிடம் நேராகவே சொன்னான் “இந்திய மக்களின் மனநிலைக்கு மக்களாட்சி சரிவராது, வரவே வராது நாட்டு பற்று இருந்தால் நீயே ஆண்டுகொள்.

அம்மக்களை கவனித்துபார், அவர்களுக்கு ஜனநாயகம் தெரியாது, அப்பதையில் அவர்கள் நாட்டை சீர்ழித்துவிடுவார்கள்”

எவ்வளவு அழகாக அவன் இந்தியாவினை கணித்திருக்கின்றான், அந்த‌ வார்த்தைகளுக்காக அவனை நினைத்து கொள்ளலாம்

அவனிடமும் சில நியாங்கள் இருந்தன, பெரும் புத்தகமாக பல வெர்ஷன்களாக எழுதபடவேண்டியது ஹிட்லரின் வாழ்வு, இதுவரை வந்திருப்பதும் நிச்சயம் முழுமையாக அவனை பற்றி சொல்லிவிடவில்லை

சுருக்கமாக இவ்வளவுதான் சொல்லமுடியும்..

இந்த நூற்றாண்டின் மாபெரும் சக்தி அவனே, வில்லனும் ஹீரோவும் அவனே

இந்த உலகில் மாபெரும் பாதிப்பும் எழுச்சியும் கொடுத்து உலகையே தலைகீழாக புரட்டி போட்டவன் அவன்

ஆய்வுகுரிய விஷயம்

நெல்லை மாவட்டம் கூந்தன் குளத்தில் இடிதாக்கி பறவை கூட்டம் கொத்தாக மடிந்திருக்கின்றது

இது ஆச்சரியமான விஷயம்

பொதுவாக பறவைகள் இயற்கையோடு இணைந்த வாழ்வு வாழ்பவை, இயற்கையின் எல்லா சீற்றமும் அவைகளுக்கு அத்துபடி, மிக முன்னெச்செரிக்கையாக தங்களை காத்துகொள்ளும்

புயலாலும் மழையாலும் இல்லை கடும் வெயிலாலும் அவை பாதிக்காபடுவதில்லை எப்படியாவது தன்னை தற்காத்துகொள்ளும்

எல்லா இயற்கை நுண்ணறிவும் அவைகளுக்கு உண்டு, இயற்கைக்கும் அவற்றிற்குமான தொடர்பு அப்படி

சுனாமி வருவதற்கு முன்பும் இன்னும் பல இயற்கை சீற்றத்திற்கு முன்னும் பறவை கூட்டம் எச்சரிப்பதுண்டு

மழைகுருவி முதல் ஏராளமான பறவைகள் மழை வரவை அட்டகாசமாக கணிக்க கூடியவை

அப்படிபட்ட பறவை கூட்டம் கொத்தாக மடிந்திருப்பது ஆச்சரியமே

மனிதனுக்கும் இயற்கைக்குமான தொடர்பு இப்பொழுது முறிந்தாயிற்று, முன்பென்னாலும் தன் உள்ளுணர்வாலும் இன்னும் பல இயற்கையின் முன்னறிவிப்பாலும் மழை மற்றும் வறட்சியினை முன்பே அறிந்து கொள்ளும் அந்த உணர்வினை இழந்துவிட்டான்

அதை இப்பொழுது விஞ்ஞானம் எடுத்துகொண்டது, அதற்கும் இயற்கைக்கும்தான் இப்பொழுது தொடர்பு, விஞ்ஞான கருவிகள் சொல்வதை மனிதன் கேட்டுகொள்கின்றான்

ஆனால் பறவைகளுக்கும் இயற்கைக்குமான தொடர்பு எப்படி முறிந்தது? இந்த கொடுமை எப்படி நடந்தது?

ஆழ்ந்த ஆய்வுகுரிய விஷயம் அது

கூந்தன்குளத்தில் எல்லா நாட்டு பறவைகளும் உண்டு, எங்கிருந்தோ வந்து அங்கு கூடி இறந்துவிட்ட அந்த புள்ளினங்களுக்கு ஆழ்ந்த அஞ்சலிகள்

கோமதி வெளிச்சத்தில் இருந்து விலகி இருப்பதே நல்லது

கோமதி சாதித்திருக்கின்றார் சந்தேகமில்லை ஆனால் இது போதாது

ஒலிம்பிக் எனும் பெரும் சவால் அவர் முன்னால் உள்ளது, அவர் என்பதை விட தேசத்தின் மிக பெரும் சவால் அது, தகுதி உள்ளவர் என்ற முறையில் அவர் அதில் சாதிக்க முழு முயற்சி எடுக்க வேண்டும்

இந்த வீண் விளம்பரம், பத்திரிகைகளின் செய்தி பசி, அரசியல்வாதிகளின் அரசியல் ஆட்டம் இதிலிருந்து அந்த அம்மணி ஒதுங்கி ஒலிம்பிக்கில் கவனம் செலுத்தலாம்

இல்லாவிடில் இங்கு கொடுக்கபடும் வீணான வெளிச்சமும் போலி பிம்பமும் அவரின் பெரும் எதிர்காலத்தை வீணாக்கிவிடும்

கோமதி வெளிச்சத்தில் இருந்து விலகி இருப்பதே நல்லது, டோக்கியோவில் வென்ற பின் எவ்வளவும் கொண்டாடலாம்