அன்று நடந்திருப்பது இப்பொழுது புகைகின்றது

இந்தியாவின் இரு போர்விமானத்தை வீழ்த்தினோம் என அபினந்தன் கைதுசெய்யபட்டபொழுது சொல்லிகொண்டிருந்தது பாகிஸ்தான்

சரி ஒன்று மிக் விமானம் அபிநந்தனுடையது, அந்த இன்னொரு விமானம் என்ன வகை? பைலட் யார் என இந்தியா கேட்டதற்கு பாகிஸ்தான் பதில் சொல்லவே இல்லை, “அதை நீங்கள்தான் சொல்லவேண்டும்” என தீபா சொன்னது போல சொல்லிகொண்டிருந்தது

இப்பொழுது மாபெரும் பல்டி அடித்திருக்கின்றது, ஒரு வகையில் இது அவர்களுக்கு அவமானம்

ஆம் இரண்டு விமானம் அல்ல, ஒரு விமானத்தைத்தான் வீழ்த்தினோம் என பாகிஸ்தான் ராணுக செய்தி தொடர்பாளர் அறிவித்திருக்கின்றார்

அவருக்கு தவறான தகவல் சொல்லபட்டதாம், ஜனகராஜ் ஸ்டைலில் சாரி.. என இழுக்கின்றார்

சரி பரவாயில்லை உண்மையினை இப்பொழுதுதாவது திருந்தினார்களே என பார்த்தால், நாங்களாவது திருந்துவதாவது என அடுத்த குண்டை வீசுகின்றார்கள்.

அதாவது ஒரு விமானம் வீழ்த்தியதுதான் உண்மையாம், அப்படியே இனொரு உண்மையும் உண்டாம்

அது என்னவென்றால் அவர்கள் விமானம் இந்தியா பக்கம் வந்த பொழுது இந்தியாவின் நடமாடும் ஏவுகனை தளங்களை எல்லாம் இடம் மாற்றி பதறியதாம் இந்தியா, அது ஏன் என இந்தியாதான் விளக்க வேண்டுமாம்

அதாவது அவர்கள் ஏதோ விவகாரத்தை கிளறுகின்றார்கள்

அன்று எல்லை தாண்டி பால்கோட்டை விமானபடை அடித்தாலும் ஏவுகனை உட்பட பல விவகாரங்களோடு இந்தியா தயாராக இருந்திருக்கின்றது

அதாவது தாக்குதலுக்கு பின் ஏவுகனை ஏவும் சாதனம் உட்பட இந்தியா தயாராகியிருக்கின்றது

அந்த தகவலை பெற்ற பாகிஸ்தான் இந்திய ஏவுகனை தளங்களுக்கு ஏதோ ஆபத்தை விளைவிக்க வந்திருக்கின்றது

அப்பொழுது ஏதோ நடந்திருக்கின்றது

அதைத்தான் இழுத்துவிடுகின்றது பாகிஸ்தான், ஏன் இந்தியா அதை மறைக்கின்றது என விவகாரத்தை இழுக்கின்றது

இந்தியாவோ “ஏன் என்ன நடந்தது என அவர்கள் சொல்லமாட்டார்களாமா? ஏதும் நடந்தால்தானே சொல்வார்கள், அவர்கள் அப்படித்தான்” என சொல்லிவிட்டு அதன் போக்கில் இருக்கின்றது

விவகாரம் இனி எப்படி திரும்பும் என பார்க்கலாம், ஆனால் ஏதோ அன்று நடந்திருப்பது இப்பொழுது புகைகின்றது

Advertisements

விஷயம் இதுதான்

இந்திய உளவுதுறை எப்படி இலங்கை தாக்குதலை முன்பே அறிந்தது என்பதை நேற்று வெளியான பல தகவல்கள் உங்களுக்கு புரிய வைத்திருக்கலாம்

ஆம் ஐ.எஸ் இயக்கத்தவனாக இலங்கையில் தாக்குதல் நடத்திய அக்கும்பலின் தலைவன் இந்தியாவில் குறிப்பாக தமிழகத்தில் சிலரை சந்தித்தான் என்ற விசாரணையும் செய்திகளும் நேற்று பரபரப்பினை கிளப்பின‌

விஷயம் இதுதான்

ஐ.எஸ் இயக்கத்தில் தமிழ்நாட்டு நபர்கள் உட்பட இந்திய நபர்கள் பலர் இருந்திருக்கின்றனர், சிரிய பக்கம் அவர்கள் பயிற்சி பெறும்பொழுதுதான் இலங்கையரின் தொடர்பும் ஏற்பட்டிருக்கின்றது

இலங்கையரை அங்கு அனுப்பியது இன்னொரு தெற்காசிய நாடு, கொழும்பில் அவர்களை தேர்ந்தெடுத்து அங்கு அனுப்பியிருக்கின்றார்கள்

அங்கு இவர்களுக்குள் நட்பு ஏற்பட்டிருக்கின்றது, கொலைகார நட்பு அல்லவா? அது பலபட்டிருக்கின்றது

இந்நிலையில் இந்த தமிழ்நாட்டு தீவிரவாதி இந்தியா திரும்பி தன் திருப்பணியினை தொடங்க ஆயத்தமாகி அடிக்கடி இலங்கையருடன் பேசியிருக்கின்றார்

இவரை ஆரம்பத்திலிருந்தே கண்காணித்த இந்திய உளவுதுறை அவரை கண்காணித்தது, அவர் இலங்கையருடன் பேசிய பேச்சினை இடைமறித்து விஷயத்தை அறிந்தது

தற்கொலை தாக்குதல் நடத்தபோகும் நபர், நாள், இடம் உட்பட சகல விஷயங்களையும் இந்தியா சொன்னது, ஆனால் கொழும்பு அலட்சியம் செய்தது

இந்தியாவின் நோக்கம் கொழும்பு தாக்குதலை தடுப்பது அல்ல மாறாக இந்திய தூதரகத்தை காப்பது என்பதால் அதை மிக வலுவாக தற்காத்து கொண்டது

இந்த சம்பவத்தின் தொடர்ச்சிதான் நேற்று தமிழகத்தில் கசிந்த விஷயங்கள்

ஏன் இப்பொழுது கசிய விடுகின்றார்கள்?

இங்கு இனி மிக கடுமையான களையெடுப்பும் , கைதுகளும் நடக்க இருப்பதால் முன் கூட்டியே விஷயத்தை மெல்ல வெளிவிடுகின்றார்கள்

இது கமலஹாசன் மகிழ்ச்சி கொள்ளும் நேரம்

ஆம் தமிழகத்தில் சர்வதேச பயங்கரவாதி இருப்பதாக தன் விஸ்வரூப படத்தில் கமல் சொல்லிவிட்டார் என இஸ்லாமிய அமைப்புகள் பொங்கின‌

அவை எல்லாம் இப்பொழுது தீகோழி போல தலையினை மண்ணுக்குள் புதைத்து ஒளிந்துகொண்டிருக்கின்றன