ஈழபோராட்டம் என அதன் வரலாற்றை நோக்கினால்

ஈழபோராட்டம் என அதன் வரலாற்றை நோக்கினால் ஆப்கானிஸ்தானில் கூட நடக்காத ரத்த கொடூரங்கள் எல்லாம் இங்கு நடந்திருக்கும்

அதில் விசித்திரம் என்னவென்றால் சிங்களனை விட தமிழ்புலிகளால் கொல்லபட்ட தமிழரே குறிப்பாக போராளி குழுவினரே அதிகம்

இலங்கையில் முதன் முதலில் ஆயுதம் தூக்கிய குழு டெலோ (Tamil Eelam Lebarate Organisation) குட்டிமணி தங்கதுரை ஜெகன் எல்லாம் அக்கோஷ்டியே

அங்கு 14 வயது சிறுவனாக வந்தவன் பிரபாகரன், துப்பாக்கியினை அவன் தொட்டுபார்த்ததே அங்குதான், அங்கு இருந்த இன்னொருவன் சபாரத்தினம்

இந்த சபாரத்தினம் என்பது ஈழபோராட்டத்தில் மகா முக்கியமான பெயர்

டெலோ 1976லே வெற்றிகரமாக இயங்கியது, தமிழருக்கு அதுதான் பாதுகாவலும் அடைக்கலமாகவும் இருந்தது, பிரபாகரன் அதில் டீ பாய்

இந்த டீ பாய் பிரபாகரனுக்கு அப்பொழுதே தலைவராகும் ஆசையும் பெரும் கொடுமையான வெறியும் இருந்தது, இந்த டெலோ அவனை தட்டி வைத்தது

அப்பொழுதே வெளியேறினான் பிரபாகரன், செட்டி தனபாலசிங்கம் என்பவனோடு கொள்ளையிட்டு அடிவாங்கியது அப்பொழுதுதான்

பின்னர் வேறுவழியின்றி டெலோ பக்கம் வந்தாலும் அவனுக்கு உள்ளூர வெறி இருந்தது, சபாரத்தினம் உட்பட பலருடன் அவனுக்கு மோதல் இருந்தது

இந்நிலையில்தான் ஒரு வங்கிகொள்ளை தொடர்பாக குட்டிமணி கோஷ்டி தமிழகத்துக்கு தப்பும் நிலையில் சிங்களனிடம் அகபட்டார்கள், அவ்வளவு நாளாக அகபடாதவர்கள் அன்று எப்படி அகபட்டார்கள்ள் என்பது சந்தேகமே

அவர்களை காட்டிகொடுத்தது பிரபாகரன் எனும் தகவல் அப்பொழுதே இருந்தது , வெலிக்கடை சிறையில் குட்டிமணி கோஷ்டி அடைக்கபட்டது

டெலோ அவர்களை மீட்கும் அதிரடி திட்டத்தை வகுத்தது, சபாரத்தினம் அதில் தீவிரமாக இருந்தார்

குட்டிமணி வெளிவந்தால் தன்னை தொலைத்துவிடுவார்கள் என அஞ்சிய பிரபாகரன் அவசரமாக திருநெல்வேலி தாக்குதலை நடத்தினான், அதில்தான் கொழும்பு கலவரமும் வெலிக்கடை படுகொலையும் நடந்தன‌

குட்டிமணி குழு அந்த கலவரத்தில்தான் மொத்தமாக சிறையிலே கொல்லபட்டது

தந்திரமாக ஒரே கல்லில் பல மாங்காய் அடித்தனர் புலிகள், இத்தாக்குதலில் புலிகளுடன் இருந்த செல்லகிளியும்காலி

அது இன்றுவரை மர்மமே

கொழும்பு கலவரத்துக்கு பின் இந்திய தலையீடு வந்தது, 4 குழுக்களுக்கு இந்தியா பயிற்சி அளித்தது

டெலோவும் அதில் ஒன்று, ஆரம்பத்திலிருந்தே ஈழம் என்றால் நாங்கள் எனும் ஒரு மமதையில் இருந்த பிரபாகரனுக்கு சக இயக்கங்கள் மேல் வெறுப்பே இருந்தது

இந்தியா மிக சிறப்பான பயிற்சியினை வழங்கியது, ஒவ்வொரு குழுவுக்கும் தனி பயிற்சி, கடல்படை முறியடிப்பு கண்ணிவெடி, உளவு, தரைபடை, பீரங்கி என ஆளுக்கொரு ஸ்பெஷல் பயிற்சி கொடுத்தார்கள்

எல்லா பயிற்சியும் எங்களுக்கு மட்டுமே என கேட்ட பிரபாகரனை இந்திய தரப்பு தட்டி வைத்தது, அன்றே இந்திய படைக்கு நாள் குறித்தான் பிரபாகரன்

ஆனால் இந்தியாவுக்கு அஞ்சினான், காலம் பார்த்து பதுங்கி இருந்தான், பாம்புக்கு பால்வார்க்கின்றோம் என தெரியாமலே இந்தியாவும் பயிற்சி கொடுத்தது

இந்நிலையில்தான் இலங்கையில் ஈழபோராளிகள் கை ஓங்கியது, சபாரத்தினத்தின் அதிரடியும் கொஞ்சமல்ல‌

அப்பொழுது இலங்கையில் ஒரு சமநிலை நிலவியது இலங்கை ஆர்மியினை 4 குழுக்களும் அட்டகாசமாக சமாளித்தன அல்லது தொல்லை கொடுத்தன‌

இதனால் சிங்கத்தினை 4 எருதுகள் சூழ்ந்த கதையாக ராணுவம் திணறியது, பத்மநாபா, பாலகுமாரன், சபாரத்தினம், பிரபாகரன் என 4 போராளிதலைவர் இருந்தனர்

அப்பொழுது பத்மநாபா கம்யூனிஸ்ட் என அறியபட சபாரத்தினமும் பிரபாகரனும் ஹீரோக்களாக திகழ்ந்தனர்

தமிழகத்தில் ராமசந்திரன் பிரபாகரனை அணைத்து கொள்ள கலைஞர் மற்ற மூவரையும் அணைத்தார்

சும்மாவே சபாரத்தினம் மேல் கடும் கோபத்தில் இருந்த பிரபாகரனை தூண்டிவிட்டது ராமசந்திரன் “சபாரத்தினம் உனக்கு எதிரியாக இருப்பான் அவனை கவனித்துகொள்”

இலங்கையில் சபாரத்தினம் வளர்வதும் அவன் கலைஞரிடம் நெருங்குவதும் அவருக்கு ஏதோ பொறிதட்டிற்று

அன்றிலிருந்து பிரபாகரனுக்கு வெறி உச்சத்திற்கு ஏறியது, சபாரத்தினம் இந்தியாவோடு சேர்ந்து தன்னை அழிக்க சதிசெய்ததாக புலம்பினான்

திம்பு மாநாட்டில் இந்தியா புலிகளும் ஒரு இயக்கமே எனும் அளவில் பேச, இல்லை நாங்கள் மக்களின் ஒரே பிரதிநிதி என புலிகள் அடம்பிடிக்க சர்ச்சை வளர்ந்தது

மற்ற இயக்கங்கள் மேல் பிரபாகரன் கடும் அணல் கக்கியது அப்பொழுதுதான்

இன்னொரு விஷயம் அவனுக்கு தோதானது, அதாவது சபாரத்தினம் இயக்கம் தாழ்த்தபட்ட தமிழரின் இயக்கமாக அது அறியபட்டது

அதாவது தாழ்ந்தசாதி போராளி அதிகம்

யாழ்பாண உயர்வர்க்கம் இதை சாதி அடிப்படையில் பார்த்தது “பள்ளு பறையள் எல்லாம் துப்பாக்கி எடுத்து நியாயம் பேசுதுகள், இப்பவே தட்டி வைக்கோணும்” என பகிரங்கமாகவே சொல்ல தொடங்கினர்

யாழ்பாண மேல்வர்கத்து ஆசையினை நிறைவேற்ற ஒரு அசுபநாளில் அறிவித்தான் பிரபாகரன்

இனி எங்களை தவிர எல்லா இயக்கமும் தடை செய்யபடுகின்றது, அவர்களை பிடித்து ஆயுதம் களைவித்து கொன்றான் பிரபாகரன்

அக்கொடுமை ஹிட்லர் காலத்து கொடுமை, நெஞ்சை பிடித்துகொண்டு படியுங்கள்

டெலோ இயக்கத்து உறுப்பினர்களை கொன்று யாழ்பாண வீதிகளில் எரித்தனர் புலிகள், அதுவும் கிட்டதட்ட 800 போராளிகளை

ஆம் பயிற்சியும் அர்ப்பணிப்பும் தியாக உணர்வும் கொண்ட‌
வீரர்கள் தாழ்த்தபட்டோராயும் சபாரத்தினத்தின் கோஷ்டியில் இருந்ததற்காகவும் கொல்லபட்டனர்

அதைவிட கொடுமை புலிகள் அவர்களை கொன்று டயர் போட்டு எரிக்கும்பொழுது புலிகளுக்கு டீயும் சோடாவும் கொடுத்து உற்சாகபடுத்தியது யாழ்பாணத்து சாதிவெறி மக்கள்

அந்த டெலோ ஒழிப்பை ஹிட்லரின் யூத ஒழிப்பு போல ரசித்து செய்தான் பிரபாகரன்

யாரும் அப்பொழுது தடுக்கவில்லை, இந்திய அமைதிபடை அப்பொழுது அங்கு இல்லை, பத்மநாபா மட்டும் ஓரளவு போராளிகளை வைக்கோல் லாரியிலும் இன்னும் பல தந்திரங்களிலும் காப்பாற்றினார்

இறுதியில் ஒரு புகையிலை காட்டில் மறைந்திருந்த சபாரத்தினத்தை சுற்றினர் புலிகள்

சரணடைவதற்காக வந்த அவரை சுட்டு கொன்றான் கிட்டு

சக தமிழ் போராளியினை ஒழித்ததை மாபெரும் வெற்றியாக கொண்டாடியது புலிகூட்டம்

அக்கூட்டத்தில் ஆர்பரித்தவன் அந்த திலீபன், உண்ணாவிரதம் இருந்து செத்தானே அவன்

அவர்கள் துரோகிகளை களையெடுத்துவிட்டதாக அறிவித்து கொண்டிருக்கும் பொழுது சிங்களதரப்பு மகிழந்தது, ஆம் அவர்கள் எதிர்கோஷ்டி ஒன்று ஒழிந்தது

நாம் செய்யவேண்டிய வேலையினை புலிகளே செய்கின்றனர் என தேநீர் குடித்தபடி சிரித்தான் ஜெயவர்த்தனே

டெல்லி புலிகளின் எதிர்பாரா அடியில் ஆடிகிடந்தது, ஒரே ஒரு குரல் மட்டும் அந்த கொடிய காலங்களில் புலிகளிடம் கெஞ்சி கொண்டிருந்தது

அக்குரலுக்கு சொந்தக்காரர் கலைஞர் கருணாநிதி

“தயவு செய்து சக போராளிகளை கொல்லாதீர்கள், உங்கள் மூத்தவனாக தம்பிகளை கோருகின்றேன்” என அவர் எவ்வளவோ சொல்லியும் புலிகள் கேட்கவில்லை

அவர் கதறினார், உருகினார், மருகினார் புலிகளிடம் எவ்வளவோ கெஞ்சினார்

சபாரத்தினத்தை விட்டுவிடுங்கள் என மனதார உருகி உருகி கேட்டார்

அதை ராமசந்திரன் ஓரகண்ணால் ரசித்தாரே தவிர ஒன்றும் சொல்லவில்லை, நிச்சயமாக சொல்லலாம் ராமசந்திரன் நினைத்தால் சபாரத்தினத்தை காத்திருக்க முடியும்

ஆனால் ஏனோ செய்யவில்லை

அந்த சபாரத்தினம் கொடூரமாக கொல்லபட்டான்,

இதே மே 7

இதன் பின்பே டெசோ இனி இயங்காது என அறிவித்தார் கலைஞர், வாஜ்பாய் பருக் அப்துல்லா உட்பட்ட தலைவர்கள் எல்லாம் ஈழத்தை கைகழுவியது இதனால்தான்

ஏன் சபாரத்தினம் மேல் இப்படி பிரபாகரனுக்க்கு ஒரு வெறுப்பு?

பின்னாளில் இந்திய ராஜதந்திரி ஒருவர் ஆவணபடுத்தபடாத பேச்சு ஒன்றில் சொன்னார், சபாரத்தினம் அடிக்கடி சொல்லிய முழக்கமே அவர் சாவுக்கு காரணம் என்றார்

என்ன முழக்கம்?

“இந்தியாவினை தவிர ஒரு நாடும் ஈழதமிழர் பிரச்சினையினை தீர்க்கமுடியாது, இங்கு தமிழர் நிம்மதியாக வாழ இந்தியா எனும் நம் அண்டைநாடே நமக்கு அடைக்கலமும் பாதுகாப்பும்

இந்தியாவின் ஒத்துழைப்புடன் தமிழ் மக்களின் உரிமைகளை மீட்டெடுப்போம்” என்பார் சபாரத்தினம்

இதற்காகத்தான், ஆம் இந்தியாவோடு இணைந்து செயல்பட்டான் என்ற ஒரே காரணத்திற்காக கொடூரமாக கொல்லபட்டான் சபாரத்தினம்

அவனோடு கிட்டதட்ட ஆயிரம் போராளிகளும் மகா கோரமாக கொல்லபட்டனர்

இத்தோடு விட்டானா பிரபாகரன்? பத்மநாபாவுக்கும் அதே அடி சென்னையில் அதே கொலை

இந்திய அமைதிபடை, ராஜிவ் கொலை என ஆடாத ஆட்டமெல்லாம் ஆடினான்

கடைசியில் முள்ளிவாய்க்காலில் மல்லாக்க கிடந்தான்

புலிகளின் அழிவுக்கும் ஈழ அழிவுக்கும் ஒரே காரணம் பிரபாகரன்

நிச்சயம் தன் போராட்டத்திற்கு சக துணையாக இருக்கும் பல குழுக்களை அறிவுள்ள தலைவன் அழிக்கவே மாட்டான்

ஆம் சிங்களன் தன்னை தாக்கும்பொழுது அவனே காக்க வருவான், அவனை நாம் காக்க செல்வோம் எனும் நுட்பமான தந்திரம் அது

பலநாட்டு போராளிகுழுக்கள் செய்யும் காரியம் அது

ஆனால் அறிவு கெட்டவனும், தான் எனும் அகந்தையும் இலங்கையே தனக்கு அடிமை என நினைத்தவனுமான பிரபாகரனுக்கு இதெல்லாம் புரியவில்லை

நண்பன், பகைவன், எதிரி, என கண்ணில் பட்டவனை எல்லாம் கொன்றுகொண்டே அவனும் செத்தான்

தமிழீழத்திற்காக இளம் வயதிலே போராட வந்தவனும், இந்தியாவினை நிரம்ப நேசித்தவனும், சக தமிழனால் கொல்லபட்டவனுமான அந்த பரிதாபத்திற்குரிய சபாரத்தினத்திற்கு ஆழ்ந்த அஞ்சலிகள்

அவன் சாக முதல் காரணம் புலிபாசிசம் என்றாலும் இன்னொரு பெரும் காரணம் யாழ்பாண சாதிவெறி

ஆம் புலிகள் அழிந்திருக்கலாம் ஆனால் அந்த சாதிவெறி அழிவது போல் தெரியவே இல்லை

Advertisements

வயது ஏற ஏற

வயது ஏற ஏற பல கவலைகள் அதிகரிக்கின்றன, அதில் உடல்நலம் என்பது ஒருவகை என்றால் சில முதியோர்களை பார்க்கும் பொழுது இன்னும் கவலை அதிகரிக்கின்றது

உடல் நோய்களை விடுங்கள், அதைவிட முக்கியம் மனநலம் குறிப்பாக‌ ஞாபக சக்தி மங்குவதால் வரும் பாதிப்பு

பல மனிதர்களை பார்க்கின்றேன் இளம் காலத்தில் மிடுக்கான காவல் அதிகாரிகளாகவும், பேராசியர்களாகவும் வலம் வந்தவர்கள் அவர்கள்

ஒரு நூலகம் அளவுக்கு நினைவு சக்தி கொண்டிருந்தவர்கள், எங்கிருக்கின்றோம் என தெரியாத அளவு ஒடுங்கி அமரும் காட்சிகள் எல்லாம் மனதை உடைத்தெறிகின்றன‌

சர்வ சக்திபடைத்தவர்ளாக அவர்கள் வந்த காட்சியும், காலத்தால் அடங்கி ஒடுங்கி தன்னையே மறந்து அலைந்து திரிந்து அலையும் காட்சியும் மனதை கலங்க வைக்கின்றன‌

85 வயதில் அவர்கள் சகலத்தையும் மறந்து ஒருவித பொம்மையாக திரியும் பொழுது காலம் எவ்வளவு கொடுமையானது என்பதை அறியமுடிகின்றது

சொன்னதை அடுத்த நொடியே மறந்துபோகும் தமிழக அரசியல்வாதிகளுக்கே உரித்தான மறதி அவர்களுக்கு வாழ்க்கையாகிவிடுகின்றது பாவம்.

சித்தார்த்தன் ஏன் மூப்பினை கண்டு, மூப்பினால் பாதிக்கட்டவர்களை கண்டு அப்படி அஞ்சி காட்டுக்குள் ஓடினான் என்பது புரிகின்றது

ஞானிகளும் மேதைகளும் மன்னாதி மன்னர்களும் ஏன் வதைபட்டு, நினைவிழந்து எல்லோருக்கும் பாரமாகி புகழின் ஒளியில் மங்கி ஒடுங்கி சாவதற்கு ஏன் அஞ்சினார்கள் என்பது தெரிகின்றது

முதுமையும் அது கொடுக்கும் கொடுமையும் அப்படியானது என்பது காலம் செல்ல செல்ல விளங்குகின்றது

நல்ல மரணத்துக்காக ஒவ்வொரு மதமும் ஏன் பிரார்த்திக்க சொல்கின்றது என்பதும் புரிகின்றது

இளமையிலே செத்துவிட்ட எத்தனையோ மேதைகள் பாக்கியவான்கள், அலெக்ஸாண்டர் போன்ற மாவீரர்களும் கொடுத்து வைத்தவர்கள்

நீண்ட ஆயுளும் ஒருவகை சாபமே

மிக உயர்ந்துவிட்டத‌ தென்னை மரமும் பனைமரமும் தோட்டகாரனுக்கு கஷ்டம் கொடுப்பதை போல நீண்ட ஆயுள் கொண்டோர் குடும்பத்திற்கே பாரமாய் தெரிகின்றனர்

தார் வெட்டபட்ட வாழை ஒதுக்கபட்டு கிடப்பதை போல் அவர்கள் ஒதுங்கி கிடக்கின்றார்கள்

நற்பிள்ளைகளோ இல்லை திரண்ட சொத்தோ எது இருந்தாலும் கடைசிவரை நோயில் விழாமலும் ஞாபக சக்தி குறையாமல் இருப்பதே ஒருவனுக்கு மகா முக்கியம்

மரணத்தை யாரும் தவிர்க்க முடியாது, ஒரு நாளில் யாராயினும் சந்தித்தே தீரவேண்டும், ஆனால் இம்மாதிரி சிக்கலின்றி சந்திப்பது ஒரு வரம்

ஏராளமான முதியவர்களை பார்க்க பார்க்க ஞானம் வருகின்றது

ஒருமனிதன் எவ்வளவு ஆசீர்வதிக்கட்டவன் என உணர முதலில் உடல் நலமாக இருப்பவன் மருத்துவமனைக்கு சென்று அடுத்தவர்படும் பாடுகளை காணவேண்டும்

கோர்ட்டில் நிலுவையில் நிற்கும் வழக்குகளையும் மஞ்சள் கடிதாசி கொடுத்தவனையும் பார்த்தால் இன்னும் ஞானம் வரும்

அப்படியே காலத்தால் ஒடுங்கி கிடக்கும் மனிதர்களை அடிக்கடி காணுதலும் ஒருவனுக்கு நலம், பலத்த ஞானம் அவனுக்கு கிட்டும்

இப்போதைய சமூகம் ஏகபட்ட முதியோர் இல்லங்களையும் இன்னும் பல வாய்ப்புகளையும் கொடுத்திருப்பதால் ஒருவன் ஞானம் பெற நிரம்ப வாய்ப்பு இருக்கின்றது.

நமக்கும் ஒருநாளில் வயதாகும் என்னவெல்லாம் ஆகுமோ என நினைத்தாலே மனம் கலங்கத்தான் செய்கின்றது

எதுவரினும் தாங்கலாம், எவ்வளவும் எதிர்கொள்ளலாம்

ஆனால் நினைவு மங்கி அல்லது மறைந்து தலைவி குஷ்புவின் படத்தை பார்த்து “யார் இது? ” என கேட்கும் கொடுங்காலம் வந்தால் என்னாகும்?

நினைத்து பார்க்கவே நெஞ்சு நடுங்குகின்றது

அப்படி ஒரு காலம் வந்துவிடவே கூடாது , தலைவி நினைவுடனே சாகும் பெரும் வரம் வேண்டும் என சங்கம் அந்த பரம் பொருளிடம் பிரார்தித்து கொண்டே இருக்கின்றது

நாணத்தால் தேசம் தலைகுனிகின்றது

ஆயிரம் அரசியல் இருக்கட்டும் ஆனால் ராஜிவின் மரணத்தை இங்கு கொஞ்சமும் கொச்சைபடுத்த முடியாது

நிச்சயம் இலங்கை பிரச்சினைக்கு ஒரு முடிவு கட்டி இந்நாடு பாதுகாப்பாக இருக்கவே அவர் விழைந்தார், ஒரு படுபயங்கர தீவிரவாத இயக்கம் நிச்சயம் இந்திய இறையாண்மைக்கு சவால்விடும் என மிக அணுக்கமாக கணித்திருந்தார்

இந்தியாவுக்கு ராஜிவ் காட்டிய வழிபெரிது

இன்றைய கணிணி இந்தியாவினை அன்றே கனவு கண்டவர் அவர், அதுதான் டிஜிட்டல் இந்தியா என இவர்களால் சொல்லபடுகின்றது

ஈழவிவகாரத்தில் வாஜ்பாய் என்ன மோடி கூட ராஜிவின் வழியே..

இந்தியாவில் எல்லோராலும் அறியபட்ட பெரும் தலைவர் என்பதாலும், யாசர் அராபத்தின் பெரும் பலம் என்பதாலும் வளைகுடா போரில் சதாமுக்கு ஆதரவாக நின்று அமெரிக்க விமானம் இங்கு வந்ததை கண்டித்தவர் என்ற காரணத்தாலும் கொல்லபட்டவர்

அதுவும் சிங்களனிடம் தப்பி, புலிகளின் நயவஞ்சகத்தில் கொல்லபட்டவர்

இந்த காந்தி, இந்திரா, ராஜிவ் என மூவரின் கொலைக்கும் ஒரு ஒற்றுமை உண்டு

காந்தியினை கொன்றவனும் அவரை வணங்கியே சுட்டான், இந்திராவினை சுட்டவனும் வணங்கிவிட்டே சுட்டான்

அப்படி அந்த கொடிய தனுவும் ராஜிவினை வணங்கி மாலையிட்டே வெடித்தாள்

அரசியல் கொலைகளில் பெரும் கொடூர படுகொலை அது, ராஜிவ் சிதைத்தொழிக்கபட்டது போல இன்னொரு தலைவன் உடல் கிழிக்கபட்டதே இல்லை

சுருக்கமாக சொன்னால் ஒரே ஒரு ஷூவினை மட்டும் வைத்து அந்த உடலை வளித்துகொண்டு சென்றார்கள்

ஆம் அள்ள கூட ஏதுமில்லை, வளித்தார்கள்

“வேங்கை வரிப்புலி நோய்தீர்த்த விடகாரி
ஆங்கு அதனுக்கு ஆகாரம் ஆனால்போல் – பாங்கு அழியாப் புல் அறிவாளருக்குச் செய்த உபகாரம்
கல்லின் மேல்இட்ட கலம்..”

வரிப்புலிக்கு கஷ்டம் தீர்க்கும் ஒருவன் உடனே அதற்கு இரையாவது போல மூடருக்கு செய்யும் உதவி ஒருவன் உயிரை பறிக்கும் என்கின்றார் அவ்வையார்

அந்த கொடூர புலிகளுக்கு சில காரியங்களை செய்ய போய் நாட்டுக்காக சிதறினார் ராஜிவ்

ராஜிவ் சாவே தமிழகத்தில் திமுக + புலி கும்பல் பயங்கரவாதத்தில் இருந்து பிரித்தது

ராஜிவின் கொடூர மரணமே இங்கு பயங்கரவாதத்தை தடுத்து நிறுத்தியது

அந்த மிக கொடிய கொலையினை, கொடூரத்தை ராஜிவின் தியாகத்தை இப்படி ஒரு பிரதமர் கொச்சைபடுத்துவது அழகல்ல‌

அரசியலுக்கு ஆயிரம் வழிகள் உண்டு, அதற்காக ஒரு தலைவனின் கொடிய சாவினை கேவலமாக பேசும் பொறுப்பற்ற செயலை அதுவும் ஒரு பிரதமர் பேசுவதை கண்டிக்காமல் இருக்க முடியாது

ராஜிவ் தான் கொல்லபடபோவதை உணர்ந்தே இருந்தார், ஆனால் கொஞ்சமும் அஞ்சவில்லை

இந்நாட்டுக்கு உண்மையாக உழைக்கும் பட்சத்தில் சாவது பெருமை என கருதினார், அந்த உறுதியிலேதான் வலம் வந்தார், கொடிய சாவினை தைரியமாக எதிர்கொண்டார்

ஆனால் பத்திரிகையாளரை கூட பாதுகாப்பு என சந்திக்கும் அஞ்சும் மோடி, குண்டுதுளைக்கா மேடையில் மிக பாதுகாப்பாக கண்ணீர்விடும் மோடி, சுருக்கமாக சொன்னால் தன் பாதுகாப்பில் கடும் அக்கறைகாட்டும் மோடி அந்த பெருமகனை பழிக்க கொஞ்சமும் தகுதி அற்றவர், அருகதை அற்றவர்

சிங்களன் தன்னை கொல்லமுயன்றதை கொஞ்சமும் அரசியலாக்காமல் அதை வெறுப்பு அரசியலாக்காமல் கடந்து சென்றவர் ராஜிவ் அவரின் பெருந்தன்மை அப்படி

அது பிறப்பாலும் நல்ல குடும்பத்து மேன்மையான வளர்ப்பாலும் வந்தது

ஏன் பிரபாகரன் தன்னை சந்தித்தபொழுது கூட தனக்கிருந்த குண்டு துளைக்காத சட்டையினை அவனுக்கு கொடுத்தவர்

கொல்லபடும் சில நாட்களுக்கு முன்பாக அந்த சண்டாளன் கிட்டுவினை தன் வீட்டுக்கு அழைத்து விருந்தளித்து வாசல் வரை நடந்துவந்து வழியனுப்பிய பெருமகன் அவர்

ராஜிவினை பழிக்க மோடிக்கோ அந்த கொடூர மதவெறி கும்பலுக்கோ துளியும் அருகதையில்லை

அப்படி என்ன ஒரு வெறுப்பு?

ராஜிவ் ஏன் குடும்பமாக சாகவில்லை? தனியே ஏன் செத்தார் என்ற வெறுப்பினை தவிர ஏதும் இருக்க முடியாது..

மோடியின் இந்த வெறுப்பு பேச்சு தரம் தாழ்ந்த, அறம் அற்ற ஏன் மானிட தன்மையே இல்லாத ஒரு வெறுப்பான பேச்சு

இப்படிபட்ட மனிதர் பிரதமராய் இருப்பதை எண்ணி நாணத்தால் தேசம் தலைகுனிகின்றது

உலக அளவில் அது அணல் வீசுகின்றது

ஒரு விஷயத்தை நீங்கள் பார்த்துவிட்டு கடந்திருப்பீர்கள், இங்கு பெட்டி செய்தியாக வந்திருக்கும் ஆனால் உலக அளவில் அது அணல் வீசுகின்றது

அதாவது அமெரிக்க விமானம் ஆற்றில் விழுந்தது ஆனால் பயணிகள் எல்லோரும் காப்பாற்றபட்டனர் என விஷயம் செய்தியாக முடிந்திருக்கலாம்

ஆனால் விவகாரம் சர்ச்சையானது, ஆம் சர்வதேச ஊடகங்கள் விஷயத்தை கிண்டுகின்றது அமெரிக்கா நெளிகின்றது

அதாவது கியூபா அருகே குமாண்டனாமோ எனும் தீவு உள்ளது, அதில் அமெரிக்க கியூப ஒப்பந்தபடி அமெரிக்கா பலத்த சிறையினை கட்டி இருக்கின்றது

கியூபாவும் அமெரிக்காவும் மிகபெரும் எதிரி தேசங்கள் ஆனால் இந்த சிறையும் அந்த ஒப்பந்தமும் எப்படி சாத்தியம்?

அதுதான் சர்வதேச அரசியல், பல காரணங்களுக்காக குறிப்பாக போதை பொருள் கும்பல் அப்பக்கம் வராமல் இருக்க அமெரிக்கா போன்ற ஒரு சக்தியின் நடமாட்டம் கியூபாவுக்கும் தேவைபட்டது

அமெரிக்காவுக்கும் பல கணக்குகள் இருந்தன‌

இந்த அல்கய்தாவின் கொடிய தீவிரவாதி முதல் ஐ.எஸ் வரை அங்குதான் அடைக்கபட்டிருக்கின்றார்கள், வெள்ளையன் கால அந்தமான் சிறையினை விட கொடிய சிறை இது

ஏகபட்ட சித்திரவதைகளும் அலறல்களும் இன்னபிற கொடிய விஷயங்களும் உண்டு, ஆனால் யாருக்கு விஷயம் தெரியும்?

உள்நாட்டில் மனித உரிமைசட்ட சிக்கல், பாதுகாப்பு உட்பட பல காரணங்களுக்காக அமெரிக்கா இத்தீவில் சிறை நடத்த்துகின்றது

இந்த தீவில் இருந்துதான் அதிகாரி மற்றும் கைதிகளுடன் அமெரிக்கா வந்திருக்கின்றது அந்த விமானம் ஆனால் காற்றின் கடும் வேகம் காரணமாக ஆற்றுக்குள் சென்றாயிற்று

விஷயம் சொல்வது இதுதான்

இதிலிருக்கும் அனைவருக்கும் இமிகிரேஷன் செக் கிடையாது, அதாவது அந்த குவாண்டமோ தீவுக்கு சென்று வருவது அமெரிக்க குடியுரிமைக்கு அப்பாற்பட்ட ராணுவ மற்றும் சி.ஐ.ஏ நடவடிக்கை

யாரை கொண்டுவருகின்றார்கள், யாரை கொண்டு செல்கின்றார்கள், எந்த நாட்டுக்காரனை எல்லாம் அங்கு அடைத்து வைத்திருக்கின்றார்கள் என யாருக்கும் தெரியாது

அதாவது அமெரிக்க குடியுரிமை கண்களில் மண்ணை தூவி வெளிநாட்டு குடிமக்களை தீவிரவாதிகளை அமெரிக்காவுக்கு கொண்டு சென்று என்னவோ செய்கின்றது அமெரிக்காவின் மர்ம டிபார்ட்மென்ட்

அட அந்த விமானத்தை பாருங்கள், பயணிகள் விமானமான மியாமி நிறுவணத்துடையது

ஆக ராணுவ பயன்பாட்டுக்காக வெளியுலகை ஏமாற்றி ஒரு பயணிகள் விமானத்தை பயன்படுத்தி விசாரணை கைதிகளை ஏற்றி குடிவரவு துறையினை ஏமாற்றியிருக்கின்றது அமெரிக்க புலனாய்வு குழு

இந்த ஆற்றில் விழுந்த விமானத்தில் ஒரு சாதாரண பயணி கூட இல்லை, பூரா வில்லங்கமான கோஷ்டி

விவகாரம் மெல்ல கசிகின்றது, சில விஷயங்கள் மக்களுக்கு தெரிய வேண்டியதில்லை, சட்டத்திற்கு அப்பாற்பட்டு செய்தாலும் நாட்டு நலனுக்காகவே செய்வோம் என முணுமுணுத்தபடி விஷயத்தை கடக்கின்றது அமெரிக்க மேலிடம்

விஷயத்தினை மோப்பம் பிடித்த வெளிநாடுகள் இதை வைத்து ஏதும் செய்யலமா என திட்டமிடுகின்றன‌

ஆனால் அவர்கள் திட்டமெலாம் சாத்தியமானதாக தெரியவில்லை, அமெரிக்காவின் பெரும் பலம் முன் இப்போதைக்கு எதுவும் செல்லுபடியாகாது.

வருடா வருடம் சுஜாதா விருது வழங்கும் மனுஷ்

சுஜாதா ஆதிக்கசாதி இந்துத்வ எழுத்தாளர் என திமுகவின் அடிமைகள் பல பொங்குகின்றன‌

ஆனால் அவை திமுகவின் ஆஸ்தான இம்சை கவிஞன் மனுஷ் கொண்டாடும் சுஜாதாவினை, ஆம் வருடா வருடம் சுஜாதா விருது வழங்கும் மனுஷ் என்பவரை பற்றி சத்தமே இல்லை

மனுஷ் என்பவர் தன்னை உருவாக்கியது சுஜாதா என பல இடங்களில் சொல்லியிருக்கின்றார், தன்னை பின்னாளில் காத்தது திமுக ஆனால் உருவாக்கியது சுஜாதா என்பதே அவரின் வாக்குமூலம்

ஆக திமுக உபிக்கள் என்ன திட்டத்தில் இருக்கின்றார்கள் என்பது புரிகின்றதா?

மனுஷ் என்பவரை மண்டையில் போட்டு கட்சியினை விட்டே விரட்டும் முடிவில் சுஜாதாவினை சீண்டுகின்றார்கள்

யாராவது எதைபற்றியாவது மூச் விட்டாலே காஷ்மீர் டூ கன்னியாகுமரி நீளத்துக்கு எழுதி தள்ளும் மனுஷ் என்பவரை, தன் குருநாதர் சுஜாதாவினை திமுக இம்சைகள் கிழிக்கும்பொழுது காணவே இல்லை

ஏம்ப்பா மனுஷ், நீ மனுசனா இல்லையா? கொஞ்சமாவது நன்றி இருக்கின்றதா?

உன் குருநாதர் பெயருக்கு களங்கம் வரும்பொழுது துடித்தெழ வேண்டாமா?

மானம் தான் சுத்தமாக உமக்கு இல்லை, நன்றியுமா இல்லை?

யுனெஸ்கோ என்றைக்கு பெரியாரை பார்த்தது?

யுனெஸ்கோ என்றைக்கு பெரியாரை பார்த்தது?

இவர்களாக ஏதாவது எழுதிகொள்வது அதில் சம்பாதித்தும் கொள்வது..

இந்த உலகம் மிக உன்னிப்பாக பலரை கவனிக்கும் அதுவும் சோவியத் யூனியன் போன்றவை உலகம் முழுக்க மானிடநேயத்தை தேடியவர்களை உண்மையான ஏழை போராளிகளை தேடி தேடி கவுரவித்தது

சோவியத் பார்வையில் காமராஜர் தெரிந்தார், ஜெய்காந்தன் தெரிந்தார்

பெரியார் என்பவரை அந்த பாட்டாளிகளின் நாடு கண்டுகொள்ளவே இல்லை

ஏன்?

சீனா கியூபா வியட்நாம் வடகொரியா இலங்கை என உலகில் எங்கு சமத்துவ போராட்டம் வந்தாலும் ஓடிவந்து நின்ற சோவியத் யூனியன் ஏன் இந்த திக திமுகவினை ஏறேடுத்தும் பார்க்கவில்லை?

தங்கள் கம்யூனிசத்தை காப்பி அடித்து கருப்பு சட்டை போட்டு போலி நாத்திகவாதம் பேசிகொண்டு அரசியல் செய்கின்றார்களே தவிர அக்கும்பல் தமிழ்நாட்டில் ஒரு காலமும் பாட்டாளிக்கும் தொழிலாளிக்கும் ஒன்றுமே செய்யவில்லை என்பது அவர்களுக்கு தெரிந்திருந்தது

இது இந்தியாவில் அரசியல் குழப்பம் ஏற்படுத்தும் ஒரு கும்பலே அன்றி மக்கள் அபிமானமோ அவர்களுக்கான உருப்படியான சித்தாந்தமோ அவர்களிடம் இல்லை என்பதை சோவியத் உணர்ந்திருந்தது

இந்த திக கூட்டம் பிரிட்டனின் கைகூலி, பின்பு அமெரிக்காவின் கைப்பாவை என்பதும் சோவியத் அமைப்புக்கு தெரிந்தது

அது யுனெஸ்கோவக்கும் தெரிந்தது

உலகெல்லாம் இருந்து அடிதட்டு மக்களுக்காக வாழ்ந்தவர்களை கொண்டாடும் நாடுகளும் அமைப்புகளும் பெரியாரை கொஞ்சமும் கண்டுகொள்ளாமலே விட்டிருந்தன‌

அதுதான் உண்மையும் வரலாறும் ஆகும்

ஆனால் இவர்கள் எவ்வளவு கட்டுகதைகளை அள்ளிவிடுகின்றார்கள்?

எங்கே உண்மையான கம்யூனிசம் பேசிய நாத்திகவாதி, அடிமட்ட மக்களுக்காக பாடுபட்ட உண்மை போராளி என்றால் சோவியத் சும்மா விட்டிருக்குமா?

சோவியத் விருது கொடுத்திருந்தால் இந்த வீரமணி கும்பல் சும்மா இருந்திருக்குமா?

சோவியத் பலமாக இருந்த காலத்தில்தான் பெரியார் இருந்தார், ஆனால் கொஞ்சமும் சோவியத் பார்வை இல்லை, பெரியாரும் அதை விரும்பவில்லை ஏன்?

ஆம் அமெரிக்காவினை பகைத்துகொள்ள பெரியாரும் அவர் கூட்டமும் விரும்பவில்லை

சோவியத்தும் பெரியாரையோ அண்ணாவினையோ ஏறேடுத்தும் பார்க்கவில்லை, கலைஞரையும் அப்படியே

ஆனால் அமெரிக்கா அண்ணாவினையும் கலைஞரையும் கொண்டாடியது

ஏன் ஒரு முதலாளித்துவ நாடு ஏன் பாட்டாளி இயக்கத்தை அணைத்தது

ஒரு நாத்திக பொதுவுடமை நாடு ஏன் ஏழைகளுக்காக போராட வந்த திக திமுகவினை ஏறேடுத்தும் பார்க்கவில்லை

சிந்தியுங்கள் உண்மை உங்களுக்கு புரியும்

இந்தியாவினை நம்மைவிட கவனமாக உற்றுநோக்கிய வெளிநாட்டு சக்திகளுக்கு எது உண்மை எது போலி என நன்றாக தெரிந்திருந்தது

நமக்குத்தான் இன்னும் தெரியவே இல்லை..

பார்க்கலாம்…

இந்திய உளவுதுறை மிக பெரும் முடிவோடு களமிறங்கிவிட்டது

காசர்கோடு மற்றும் கோவையில் கைது செய்யபட்ட நபர்களின் வாக்குமூலத்தின்படி சவுதி அரேபியாவில் மிகபெரும் தீவிரவாதி இருவரை கைதுசெய்துவிட்டது

அதாவது இந்தியா கொடுத்த அழுத்ததில் அவர்கள் கைது செய்யபட்டிருகின்றார்கள், இதில் என்ன சிக்கல் என்றால் கைது செய்யபட்ட இருவரும் இலங்கையர்கள்

அதில் ஒருவன் இலங்கையில் குண்டுவெடிப்பினை நிகழ்த்திய கொலைகார குடும்பத்தின் உறவு, இன்னொருவன் பற்றி தகவல் இல்லை

அவர்கள் இலங்கையர் என்பதால் அந்நாட்டிடம்தான் சவுதி ஒப்படைக்க வேண்டும் எனினும் இந்தியாவுக்கு பல முக்கிய தகவல் தேவை என்பதால் இந்தியா முதலில் விசாரிக்கலாம்

சவுதியில் இரு முக்கிய தீவிரவாதிகள் கைதுசெய்யபட்டிருப்பதால் மேலும் அதிரடி கைதுகளும் அதிரவைக்கும் செய்திகளும் வரலாம் என்கின்றார்கள்

பார்க்கலாம்..