விட்டுவிடுங்கள்

எதையுமே உருப்படியாக செய்யதெரியாத அளவு எளிய தமிழ்பிள்ளைகளின் பயிற்சி இருக்கின்றது..

அடேய் அரசியலில் மிரட்டுவது திருடுவது எல்லாம் ஒரு கலை, அதெல்லாம் உங்களுக்கு வராது, விட்டுவிடுங்கள்

கிராதகர்கள்…திராவிட லகுட பாண்டிகள்

தங்க தமிழ்செல்வன் திமுகவில் இணைகின்றார் : செய்தி

“பூரா பயலும் அங்குதான் தாவுகின்றார்கள், அட மத்தியில் ஆளும் கட்சி ஒன்று இங்கு இருக்கின்றதே, அங்கு செல்லலாமே என ஒரு பயலுக்காவது தோன்றுகின்றதா?

பராக்கிரமம் நிறைந்த மோடியின் கட்சிக்கு வருவோம் என யாருக்காவது யோசனை செல்கின்றதா?

கமலாயலம் இருப்பதையே மறந்துவிட்டு அறிவாயலயம் ஓடுகின்றார்கள்..

கிராதகர்கள்…திராவிட லகுட பாண்டிகள் .”

இனி என்னாகும்?

ஆனானபட்ட மைக்பாம்பியோவினை மூக்கை உடைத்து அனுப்பிவிட்டது இந்தியா

இந்திய நலனுக்கான திட்டங்களை மறுபரீசிலனை செய்யும் பேச்சிக்கே இடமில்லை என சொல்லி ரஷ்யாவிடம் இருந்து எஸ் 400 வாங்குவோம் என ஆணிதரமாக சொல்லிவிட்டது

இந்திய தரப்பில் அமைச்சர் ஜெய்சங்கள் அதை வெளிப்படையாக சொல்லிவிட்டார்

மைக் பாம்பியோ இதில் அமெரிக்க நிலைப்பாடு டிரம்ப் முடிவு செய்யும் விஷயம் என சொல்லி நழுவிவிட்டார்

இனி என்னாகும்?

ஜப்பானில் ஜி20 மாநாட்டில் மோடியினை சந்திக்க போகும் டிரம்ப் முகத்தை திருப்பி கொண்டு அலையலாம்

துருக்கியினை தொடர்ந்து இந்தியாவும் எஸ் 400 வாங்குவோம் ஆனதை பார் என அமெரிக்காவினை விரட்டியடிக்கின்றது

1989க்கும் 2009க்கும் இடையில் உலகை தனியாக‌ ஆட்டிய அமெரிக்கா இப்பொழுது கொஞ்சம் அடங்கி தன் அதிகாரத்தை இழக்கின்றது என்பதுதான் நிலவரம்

கருடா..

சர்ச்சைகளை தாண்டி இந்தியா ரபேல் விமானங்களை பெறும் நேரம் வந்துவிட்டது

மிக விரைவில் முதல்கட்ட விமானம் இந்தியாவுக்கு வர இருக்கின்றது

அதற்கு முன்பாக இந்தியா பிரான்ஸ் இணைந்து நடத்தும் விமான கூட்டுபயிற்சி பிரான்ஸில் நடக்கின்றது, இந்திய தரப்பில் விமானங்களும் பைலட்டுகளும் சென்றாயிற்று

இது வித்தியாசமான பயிற்சி, பொதுவாக போர் விமானங்களுக்கு நீண்ட தூரம் பறக்கும் அளவு எரிபொருள் நிரப்பமுடியாது, இதனால் வானில் வைத்தே நிரப்பும் வசதிகள் சில நாடுகளில் உண்டு

அந்த பயிற்சி பெற செல்கின்றது இந்திய விமானபடை

விவகாரம் சீனாவினை மிரட்ட நடக்கும் பயிற்சி என்பது சொல்லி தெரியவேண்டியதில்லை, காரணம் பாகிஸ்தானை தாக்க நீண்டதூரம் செல்ல வேண்டாம் , ஆனால் சீனாவினை தாக்க செல்ல வேண்டும்

விஷயம் சீனாவுக்கு எதிரானது

இந்த பயிற்சிக்கு இந்திய அரசு சூட்டியிருக்கும் பெயர் “கருடா..

நல்ல வேளையாக ஜடாயு, அனுமன் , இந்திரஜித்தன் என பெயர் சூட்டவில்லை அதுவரைக்கும் நல்லது

சங்கிகள் மூளையும், உலகமுமே தனிரகமே தான்…

நாகர்கோவில், சங்கரன் கோவில் போல சிங்கம்பெருமாள் கோவில் என்பதும் ஒரு ஊர்

சங்கிகள் மூளையும், உலகமுமே தனிரகமே
தான்…

விரைவில் அறிவாலயம் என்பதும் கோவில் என நினைத்து அங்கு சென்று அடிவாங்கினாலும் வாங்கலாம்

மோடியினை சந்தித்தார் மைக் பாம்பியோ

மோடியினை சந்தித்தார் மைக் பாம்பியோ : செய்தி

“இங்கெல்லாம் இனி எது பேசினாலும் ராமாயணம் ஸ்டைல்லதான் பேசணுமாம்..

ஏம்பா, நீ ராவணனுக்கு தூதுவந்த அனுமான் மாதிரி வந்துருக்கியா?

இந்த இந்திரஜித் வித்தை (எஸ் 400) பற்றி விசுவாமித்திரர் என்ன சொல்லி விட்டாக”

கடவுளின் கணக்கு அவ்வளவு துல்லியமானது

தமிழ்நாட்டில் மட்டுமல்ல உலகெல்லாம் இயேசு பின்னால் வந்தால் சகலமும் கிட்டும், செல்வம் கொட்டும் என ஏமாற்றும் கும்பலை வன்மையாக கண்டிக்கின்றோம்

மனிதனின் குறைந்தபட்ச தேவை நிம்மதி, அதை தருவதே மதங்களின் நோக்கமே அன்றி வேறல்ல. வழிதவறி செல்லும் மனிதன் ஒரு சக்திமேல் நம்பிக்கை வைத்து அதன் வழி நடந்தால் சமூகம் சீர்படும் என்பதே மதங்களின் ஆணிவேர்

மத கட்டளைகளும், அமைப்பும் அப்படித்தான் உருவாயின‌

மற்றபடி இயேசுவினை நம்பினால் வாழ்வாங்கு வாழலாம் என்பதெல்லாம் கடைந்தெடுத்த பொய், கிறிஸ்தவம் மன அமைதியினை வேண்டுமானால் வழங்கலாம் அது எந்த மதத்திலுமே முறையாக இறங்கினால் கிடைக்க கூடிய ஒன்று

யூதமதம் இன்றளவும் கிறிஸ்துவத்தை குட்டிசாத்தானாக பார்க்கின்றது ஆனால் அந்த இனம் அறிவும் பணமும் பெற்று வாழ்வாங்கு வாழ்கின்றது

அரேபிய சுல்தான்களும் இயேசுவினை ஏற்றவர்கள் அல்ல..

மேல்நாட்டு விஞ்ஞானிகள் என்றாலும் பாதிக்கும் மேற்பட்டோர் கிறிஸ்துவினை நம்பியவர்கள் அல்ல‌

கிழக்காசியாவின் பெரும் ஜாம்பவான்களும் உலகை ஆட்டி வைக்கும் சக்தி கொண்டவர்களும் கிறிஸ்தவர்கள் அல்ல‌

ஏன் பழைய ஏற்பாட்டிலே , அதாவது சர்வசக்தி படைத்த கடவுள் காலத்திலே அலெக்ஸ்டாண்டரின் எழுச்சி பற்றி அவரே சொல்கின்றார்

ஏன் ஒரு யூதனை பெரும் மாவீரனாக உலகை வெல்லும் வல்லமை மிக்கவனாக கடவுளால் உருவாக்கமுடியவில்லை என்ற கேள்விக்கு கடவுளின் தூதனால் பதில் சொல்லமுடியவில்லை

அலெக்ஸாண்டர் முதல் நெபுகாத்நேச்சர் இன்னும் யாரெல்லாமோ பெரும் அரசர்களாக இருந்து யூத இனத்தை அடிமையாகவே வைத்திருந்தனர்

ஏன் என்றால் பெரும் அரசர்களையும் அரசுகளையும் கடவுளே எழுப்புகின்றார், கடவுளே அமர்த்துகின்றார் என்கின்றது பைபிள்

ஆம் அவரை நம்பாதவரையும் நம்புபவரையும் அவர் ஒரே மாதிரிதான், அவரின் விருப்பபடிதான் நடத்தி தொலைகின்றார்

கடவுளும் மதங்களும் ஆழமானவை, சராசரி மனிதனால் புரிந்து கொள்ளமுடியாதவை

இவனால் இந்த காரியம் இந்த உலகில் நடக்கும் என உலகை இயக்க மனிதன் அனுப்படுகின்றான், அவனின் காலம் முடிந்ததும் அடுத்த மனிதன் அதை செய்ய பிறக்கவைக்கபடுகின்றான்

உலக இயக்கம் அதன் போக்கில் நடக்கின்றது

ஷாஜகான் அரசனானதும் அவன் மும்தாஜிடம் மனதை பறிகொடுத்ததும் தாஜ்மகாலை கட்ட என்றால், அதில் கல்லுடைத்த தொழிலாளி அந்த கல்லை உடைக்கவே பிறக்கவைக்கபட்டான்

இதோ ஷாஜகானும் மும்தாஜூம் அந்த தொழிலாளியும் ஒரே மாதிரிதான் செத்தார்கள் புதைக்கபட்டார்கள்.

யார் எப்படி வாழ்வது, சாவது என முடிவு செய்யும் சக்தி மனிதனுக்கு இல்லை.

ஒவ்வொரு மனிதனுக்கும் ஒவ்வொரு சூழல் தரபடுகின்றது,ஒவ்வொரு மனிதனுக்கும் ஒவ்வொரு சிந்தனை தரபடுகின்றது

அது அவனை உருவாக்கி செதுக்கி வழிநடத்தி அவனை செல்லவேண்டிய இடத்துக்கு மிக சரியாக இழுத்து செல்கின்றது

நியூட்டன் ஏன் கீழே விழுந்த ஆப்பிள்பழத்தை எடுத்து வைத்து சிந்தித்தான்?

ஐன்ஸ்டீன் ஏன் அணு அமைப்பும் வான் கோள்கள் அமைப்பும் ஒன்று போல் இருக்கின்றது என சிந்தித்தான்?

இவர்களுக்கு மட்டும் சிந்தனை ஏன் அப்படி சென்றது?

அப்துல்கலாம் எப்படி ராக்கெட் விஞ்ஞானியானார்? சந்தண வீரப்பன் ஏன் கொள்ளைக்காரனானான்

இதெல்லாம் அவரவர் சிந்தனையாலும் சூழலாலும் விளைந்தது

ஜூலியஸ் சீசர் ஏன் அவ்வளவு பெரும் சாம்ராஜ்யத்தை அமைக்க வேண்டும் பின் கிளியோபாட்ராவினை சந்தித்து சரிய வேண்டும்?

பெரும் சக்கரவர்த்தியாக வாழ்ந்திருக்க வேண்டிய நெப்போலியன் ஏன் சாதாரண‌ ஜோசப்பின் கரங்களில் வீழவேண்டும்?

ராபர்ட் கிளைவ் அப்படித்தான் இந்தியா வந்தான், தற்கொலைக்கு தப்பிய அவன் மாபெரும் ஆளுநராக வாழ்ந்து செத்தான்

வியாபாரியாக வாழவேண்டிய காந்தி உலக மகாத்மா ஆனார், அவருக்கான சூழல் அப்படி இருந்தது, இனி ஒரு காந்தி வரமுடியுமா?

திருக்குவளை கிராமத்தில் ஒரு குழந்தை ஏழையாக பிறக்க வேண்டும் என்பதும் பின்னாளில் அது இந்திய தலைவராக வாழ்ந்து காந்தி முதல் ராகுல்காந்திவரை சந்திப்பார் என எது வழிநடத்திற்று?

அவரின் மரணத்திற்கு இந்தியாவே திரண்டு வந்து அஞ்சலி செலுத்தவேண்டும் என நடத்தியது எது?

அலகாபாத் மாளிகையில் கொஞ்சி விளையாடிய நேருவின் பேரன் திருப்பெரும்புதூர் காட்டுக்குள் சிதறிகிடப்பான் என நடத்திய சக்தி எது?

எல்லாம் அவனனவனுக்கு விதிக்கபட்டது.

கிறிஸ்துவினை ஏற்று கொண்டவர் மட்டும் வாழ்ந்ததுமில்லை, அவரை ஏற்காதவர்கள் அழிந்து போவதுமில்லை

வானத்து பறவைகளுக்கு உணவும் நீரும் கிடைப்பது போல இந்த உலகில் எல்லா மனிதருக்கும் வாழும் வாய்ப்பு எப்படியாவது கிடைத்தே தீரும்

மரணத்துக்கு பின் நடப்பது வாழும் மனிதனுக்கு தெரியாது, செத்தவன் திரும்ப வந்து சொன்னதுமில்லை

ஆதலால் கிறிஸ்தவமே வாழ்வுக்கும் வளத்துக்கும் நோய்தீரவும் வழி என எவனாவது கிளம்பினால் அவனிடம் பேசாதீர்கள்

அதெல்லாம் பிழைப்புக்காக பலர் செய்துகொண்டிருக்கும் அயோக்கிய தனம்

கடவுள் ஒருவரே, அவர் தன் விருப்பபடி உலகை இயக்கிகொண்டிருக்கின்றார். அவனவனுக்கு விதிக்கபட்டது அவனுக்கு வந்தே தீரும்

அது நல்லதோ கெட்டதோ அவனவன் சுமந்தே தீரவேண்டும் , இதை மாற்ற எந்த கொம்பனாலும் முடியாது

அதில் ஒரு இன்ஞ் கூட மதம் மாறுவதால் கூட்டவோ இல்லை கழிக்கவோ முடியாது

கடவுளின் கணக்கு அவ்வளவு துல்லியமானது, மதமாற்ற மோசடிகளால் இங்கு யார்வாழ்வும் மாறாது

“அவனவன் இருக்குமிடம் ஆண்டவன் போட்ட பிச்சை அறியா மானிடருக்கு அக்கறையில் பச்சை”

இல்லாவிட்டால் அது இந்தியாவின் ஆப்கன் பகுதியாக மாறும்

வடக்கே நடந்திருப்பது மாபெரும் கொடுமை, சந்தேகமில்லை

ஆனால் இதெல்லாம் அங்கு புதிதா என்றால் இல்லை, அன்றிலிருந்தே அந்த பகுதி அப்படித்தான் இருந்திருகின்றது

புத்தரும், மகாவீரரும் அதை திருத்தபார்த்து தனிவழிகண்டு தோற்றுபோய்விட்டார்கள்

பின்னாளில் அப்பகுதியினை ஓரளவு மீட்டவர் குருநாணக், ஆம் சீக்கியம் அந்த பஞ்சாப் பகுதியினை காத்தது. குருநாணக் வராவிட்டால் பஞ்சாபும் அரியானாவும் இன்று உபி மபி பீகார் போலத்தான் இருந்திருக்கும்

வெள்ளையனுக்கும் அந்த பகுதி சவாலே, கல்கத்தா சென்னை மும்பை என ஆளுநர் என நேரடி ஆட்சி செய்த அவனுக்கு வடக்கே முடியவில்லை

இந்த காட்டுமிராண்டி கூட்டத்தை நீயே ஆண்டுகொண்டு எமக்கு கப்பம் கட்டு என சுல்தான்களையும் மஹாராஜாக்களையும் விட்டு வைத்தான்

அந்த சுல்தான்களும் மஹாராஜாக்களும் கல்வி வளர்க்காமல், நாகரீகம் வளர்க்காமல் அம்மக்களை அப்படியே வைத்தும் விட்டனர்

சுதந்திர இந்தியாவுக்கு அந்த பகுதி பெரும் சவால், நேருவும் இந்திராவும் திணறினர், சஞ்சய் காந்தி துப்பாக்கி சூடு , கட்டாய கருதடை என எல்லை மீறி ஆடினார்

அந்த பகுதியில் மதவாதத்தை தூவுவது எளிதான விஷயம் என்பதால் அதனால் திரட்டபட்ட கூட்டம் பாபர் மசூதியினையும் இடித்தது வேறுவிஷயம்

தாஜ்மகாலையே மிரட்டும் கூட்டம் எப்படிபட்டதாக இருக்க முடியும்

ஆக அங்கு நடக்கும் கொடூரங்கள், கொலைகள் எல்லாம் வழக்கமாக நடப்பது, நிச்சயம் பாஜக ஆட்சி வந்துவிட்டதால் என சொல்லமுடியாது

அது வெள்ளையன் ஆட்சி முதல் மன்மோகன் சிங் ஆட்சி வரை அடிக்கடி நடந்தது, இப்பொழுதும் நடக்கின்றது

இங்கு ஏதோ புதிதாய் நடப்பது போல சொல்லிகொண்டிருக்கின்றார்கள்

தரமான கல்வி, கடும் கட்டுபாடுகளுடன் கூடிய சட்டம் , நிலங்கள் ஒரே நபரிடம் குவிந்து கிடக்கும் முதலாளித்துவம் என பல விஷயங்களை செய்தால் அடுத்து வரும் தலைமுறையாவது அங்கு வாழும்

இல்லாவிட்டால் அது இந்தியாவின் ஆப்கன் பகுதியாக மாறும்

கல்வியும் சிந்தனையும் தகுந்த வேலைவாய்ப்புமே அவர்களை உயர்த்தும்

மற்றபடி காங்கிரஸ், பாஜக, சமாஜ்வாடி, பகுஜன் ஜமாஜ் என யார் வந்தாலும் எதுவும் மாறபோவதில்லை

மற்றபடி இக்கொடுமைகள் பாஜக ஆட்சியால் மட்டும் வந்ததல்ல அந்த பக்கம் எல்லா ஆட்சியிலும் அப்படித்தான் இருந்தார்கள், இன்னமும் இருப்பார்கள்

இது நிரந்தர தீர்வு அல்ல‌

சென்னை மட்டுமல்ல எல்லா ஊரின் நீர்நிலைகளும் அப்படித்தான் அழிந்து கிடக்கின்றன‌

சென்னையின் மக்கள் நெருக்கம் உட்பட பல சிக்கல்களால் சென்னை சிக்கல் வெளிவருகின்றது, மற்ற ஊர்களில் மறைந்து கிடக்கின்றது

சென்னை சந்திக்கும் சிக்கலை தமிழகத்தின் ஒவ்வொரு ஊரும் சந்தித்து கொண்டுதான் இருக்கின்றது ஆனால் நிலத்தடி நீரும் இன்னும் சில காரணமும் தாக்குபிடிக்கின்றன‌

இது நிரந்தர தீர்வு அல்ல‌

குளங்கள் எல்லாம் ரியல் எஸ்டேட் மாபியாக்களாலும் அவர்களின் எச்சி காசுக்கு ஆசைபடும் அதிகாரிகளாலும் வளைக்கபட்டாயிற்று

வயல்கள் எல்லாம் வீடுகளாயிற்று, கால்வாய்கள் எங்கிருக்கின்றது என்பதே தெரியவில்லை

எல்லாமும் அழிந்து கிடக்கின்றன, ஆக்கிரமிப்பின் உச்சத்தில் இருக்கின்றது தமிழ்நாடு

சென்னை சந்திக்கும் பெரும் நீர் சிக்கலை தமிழகத்தின் ஒவ்வொரு ஊரும் சந்திக்கும் காலம் வேகமாக நெருங்கிகொண்டிருக்கின்றது

என்ன செய்து நீர்வளம் பெருக்கினீர்கள்?

அண்ணன் M.m. Abdulla என்பவர் திமுகவின் இணைய பொறுப்பாளர். அவர் குரலே சமூக ஊடகங்களில் திமுகவுக்கான அதிகார பூர்வகுரல்

திமுகவினை தற்காக்கவே அவர் முகநூலில் இயங்குகின்றார்

நல்லது, மபொசியின் பதிவு தொடர்பாக சில கருத்துக்களை சொன்னார். அதாவது மபொசி குடகு பகுதியினை கோரவில்லை, இடுக்கியினை கேட்கவில்லை, இந்தியாவின் கைகூலி, அந்நிய மாநிலங்களை அண்டிபிழைக்க வைத்தவர் என பல கேள்விகள்

நாமும் சில வாதங்களை வைக்கலாம்

குடகு எனப்படும் பகுதி கூர்க் மக்கள் பகுதி, அவர்கள் தனி இனம் என்றும் தனி மாநிலம் வேண்டுமென்றும் தெலுங்கானா போல கேட்டுகொண்டிருந்தவர்கள், அந்த குடகு தனி மாநிலமானாலும் தமிழகத்தோடு இணையுமா?

இல்லை கூர்க் மக்களே தமிழகத்தோடு இணைய அன்று தயாராக இல்லை எனும்பொழுது எப்படி இணைப்பார்கள்?

அதுவும் கிருஷ்ணராஜசாகர் எல்லாம் கட்டபட்ட நிலையில் குடகினை மீட்டிருந்தால் காவேரி சிக்கல் வந்திருக்காது என்பதெல்லாம் அப்பட்டமான பொய்

சரி கபினி ஹேமாவதியில் கன்னடன் அணைகட்டியது போல பவானி அமராவதியில் தமிழகம் கட்டியிருக்கின்றது, தஞ்சை பகுதிக்கு அதில் உரிமை உண்டு

ஆனால் கொடுக்கமுடியுமா? தமிழகமே இங்கு நீர் கொடுக்காது அய்யா

அதென்ன இடுக்கி, வண்டிபெரியர் சிக்கல்?

அன்று தமிழகத்தோடு இணைய இரு பகுதிகளில் ஒன்றைத்தான் கேரளா வாய்ப்பு கொடுத்தது

ஒன்று தேவிகுளம் பீர்மேடு பகுதி இன்னொன்று கன்னியாகுமரி பகுதியும் செங்கோட்டை தாலுகாவும்

இதில் எது தமிழகத்துக்கு அனுகூலம் என்றால் நெல் முப்போகம் விளையும் கன்னியாகுமரி முதல் வாய்ப்பாக இருந்தது

விட்டுகொடுக்காமல் அரசியல் இல்லை, தமிழக அரசின் செயலிலும் அரசியல் இருந்தது. கன்னியாகுமரியினை செங்கோட்டையினை பெற்று தேவிகுளம் பீர்மேட்டை விட்டு கொடுத்தோம்

இன்னொன்று குமரியில் பெரும் கலவரம் வெடித்தது ஆனால் தேவிகுளம், பீர்மேடு, பாலக்காடு எல்லாம் அமைதி

மக்கள் விரும்பாத போராட்டம் நடக்கா பகுதியினை எப்படி இணைப்பீர்கள்?

சென்னையிலும் போராட்டம் வெடித்ததால் அது தப்பியது திருத்தணியும் அப்படியே

சரி ஒன்றே ஒன்று கேட்கின்றோம்

மபொசி யாரின் கைகூலியாகவும் இருக்கட்டும், இந்த மொழிவாரி பிரிவினையின் பொழுது தமிழக பகுதிகளை மீட்க திமுக என்ன போராடிற்று?

சென்னை மீட்க?

கன்னியாகுமரி மீட்க?

திருத்தணி மீட்க? இல்லை சத்தியமாக இல்லை

சரி இன்று இவ்வளவு பேசும் திமுக குடகு இணைக்க அல்லது வயநாட்டை இணைக்க என்ன போராட்டம் நடத்திற்று?

மபொசி தன்னால் முடிந்ததை செய்தார் ஆனால் திமுக என்ன செய்தது?

இந்தி எதிர்ப்புக்கு 100 பேரை பலிகொள்ளும் அளவுபொங்கிய திமுக, எல்லை மீட்புக்கு என்னய்யா செய்தது?

சிறிய பூசனிசெடி பெரும் காய்களை காய்ப்பது போல மபொசி போராடினார், ஆனால் மாபெரும் ஆலமரமான திமுக என்ன செய்தது?

சொல்வீர்களா? ஒரு ஆதாரம் காட்ட முடியுமா?

தமிழகம் அண்டை மாநிலங்களை நம்பி நீருக்கு இருக்குமளவு இந்தியா சதி செய்தது என்கின்றீர்கள், இந்த பூகோள அமைப்பில் வேறு என்ன செய்யமுடியும் சொல்லுங்கள்?

சரி திமுக ஆட்சியில் சென்னையில் எவ்வளவு குடிநீர் ஆதாரம் அதாவது புழல், பூண்டி போல உருவாக்கபட்டது? எவ்வளவு ஆறுகள் சுத்தபடுத்தபட்டன‌

காவேரி ஒன்றுதான் சிக்கல் அதுவும் துணையாறுகளான பவானி, அமராவதி, நொய்யல் எல்லாம் இங்குதான் ஓடுகின்றன , தஞ்சைக்கு திறந்துவிட்டீர்களா?

என்ன செய்து நீர்வளம் பெருக்கினீர்கள்?

சரி விஷயத்துக்கு வருவோம்

மபொசி தேவை இல்லாத ஏரியாவுக்கு போராடினார் என்றால், சென்னையும் உங்களுக்கு தேவை இல்லாததாக இருக்கட்டும்

ஆனால் தேவை உள்ள இடங்களுக்கு திமுக ஏன் போராடவில்லை?

பாமரன் மபொசியே பெரும் ஆர்ப்பாட்டம் செய்து சில இடங்களை மீட்க முடிந்தது என்றால் பெரும் கட்சியான திமுக ஏன் துறுதுரும்பும் கிள்ளவில்லை?

ஏனய்யா ஏன்?

மபொசி முடிந்த அளவு போராடினார், சரி இந்த பாலாறு சித்தூர் வயநாடு இடுக்கி குடகு எல்லாம் திமுக ஏன் மீட்கவில்லை?