தொல்காப்பியன்

தொல்காப்பியன் என்பவர் காந்தியோடு தென்னாப்ரிக்க சிறையில் இருந்தவர் என்பதும் பின்பு சுதந்திர போராட்டத்தில் காமராஜரோடு 11 வருடம் சிறையில் இருந்தவர் என்பதும் இவ்வளவு நாளும் தெரியாமலே மறைக்கபட்டிருக்கின்றது.

கக்கன் போலவே காமராஜருக்கு வலது கரத்தின் வலதுகரமாக அவர் உழைத்ததும் மறைக்கபட்டிருகின்றது

இம்மானுவேல் சேகரன் கொலையும் முதுகுளத்தூர் கலவரமும் காமராஜருக்கு சிக்கலை ஏற்படுத்திய காலங்களில் , இந்த தொல்காப்பியனே தனி மனிதனாக சென்று எல்லா கலவரங்களையும் அடக்கியிருக்கின்றார்

அந்த மாமனிதனின் புகழ் அவர் ஒரு தலித் என்பதால் மறைக்கபட்டிருக்கின்றது, வரலாற்றில் இருந்து அகற்றபட்டிருக்கின்றது

இப்பொழுது மோடியின் செங்கோல் ஆட்சியில் எடப்பாடியின் வன் கோல் ஆட்சியில் அந்த மாபெரும் தியாகியின் புகழ் வெளிவருகின்றது.

காந்தியின் சீடரான காமராஜர் அவர் பிறந்தநாளில் இறந்தது போல, காமராஜரின் ஒப்பற்ற சீடரான தொல்காப்பியன் அவர் பிறந்தநாளிலே இறந்திருப்பது சாதாரண விஷயம் அல்ல…

காமராஜருக்கு சரிநிகரான தியாகியினை இவ்வளவு நாள் மறாந்த தமிழகம் எப்படி உருப்படும்? எப்படி மழை பெய்யும்?

வின்ஸ்டன் சர்ச்சிலையும், மவுண்பேட்டனையுமே அலறவிட்ட தியாகி தொல்காப்பியன் வாழ்க…

(மற்ற கட்சி எல்லாம் மகன் பேரனை தலைவராக்கினால், இந்த கட்சி மட்டும் ரிவர்ஸில் சென்று தகப்பன் தாத்தாவினை எல்லாம் தியாகி ஆக்கிவிடும் போல..)

தேசவிரோத சக்திகள் நாகை வழியாக ஊடுருவுகின்றன‌

கோவைக்கு அடுத்தபடியாக நாகை தீவிரவாதிகளின் புகலிடமாக மாறிகொண்டிருப்பது சோகம்

இந்திய பாதுகாப்பு அமைப்புகள் நாகையில் நடத்தும் கைதுகளும், அதை தொடர்ந்து வரும் செய்திகள் சரியானவை அல்ல‌

முன்பு இதே கிழக்கு கடற்கரைக்கும் புலிகளுக்குமான கடத்தல் போக்குவரத்தில்தான் இந்நாட்டு பிரதமரையே இழந்தோம்

இப்பொழுது வேறுவடிவில் தேசவிரோத சக்திகள் நாகை வழியாக ஊடுருவுகின்றன‌

மிகபெரும் நடவடிக்கை எடுத்து இந்த களைகளை முளையிலே பிடுங்காவிட்டால் பின்னொரு நாளில் மாபெரும் விலையினை கொடுக்க நேரிடும்..

கலைஞர் மனம் வெறுத்திருந்தார்

கடைசி காலங்களில் ராமதாஸ் போன்றோருடன் எல்லாம் அரசியல் செய்த கலைஞர் மனம் வெறுத்திருந்தார்

அந்த மைனாரிட்டி திமுக அரசு எனும் வார்த்தை அவரை ஈட்டியாக குத்தியெடுத்த நேரமது , காங்கிரஸின் தயவில் அவரின் ஆட்சி ஓடிகொண்டிருந்தது

“நேரு, இந்திரா என பெரும் ஜாம்பவான்களோடு அரசியல் செய்த நான் இந்த ராமதாஸ் , விஜயகாந்த் போன்றோரோடு அரசியல் செய்ய வேண்டுமா?” என தன்னை மீறி கட்சியில் நெருக்கமானவர்களோடு மனம் விட்டு பேசியதாக செய்திகள் வந்தன‌

அந்த காலகட்டத்தில் கலைஞர் வார்த்தைகள் எழுத்தாக இப்படித்தான் வந்தன‌

“காமராஜர் போன்றவர்களை எதிர்த்து அரசியல் செய்ததற்காக வருந்துகின்றேன், வேதனைபடுகின்றேன்”

ஆம் உங்கள் தலைவனே வாக்குமூலம் கொடுத்துவிட்டுத்தான் சென்றிருக்கின்றார்.

அதனால் இந்த முட்டு கொடுப்பது கம்பு சுத்துவது எல்லாம் தனியே பொட்டல்காட்டில் சுற்றிகொள்ளவும்

இதிலென்ன ஆச்சரியம்?

கோப்பையினை வென்ற இங்கிலாந்து அணியில் பலர் வெளிநாட்டு வீரர்கள் : செய்தி

இதிலென்ன ஆச்சரியம்?

வெறும் 200 பேரோடு இந்தியா வந்த கிளைவ் இங்கேதான் கூலிக்கு ஆள்பிடித்து போர் நடத்தி இந்தியாவினை அடிமைபடுத்தினான்

1930களில் 1 லட்சம் பேரே இருந்த பிரிட்டன் படை உள்ளூர் இந்தியர்களை வளைத்து போட்டு 30 கோடி மக்களை இந்தியாவில் ஆண்டது

அவர்கள் வரலாறே அப்படித்தான், இதில் அவர்களின் கிரிக்கெட் அணிமட்டும் விதிவிலக்கா?

நில உச்சவரம்பு சட்டம்

நில உச்சவரம்பு சட்டத்தில் மூப்பனார் செய்த காரியம் தெரியுமா?, உக்கடை தேவர் செய்த சாதுர்யம் தெரியுமா? விஸ்வநாத தேவர் செய்த அட்டகாசம் தெரியுமா?

இதெல்லாம் 1960களிலே சட்டமன்றத்தில் கேள்வியாக எழுப்பியவர் கலைஞர்

நில சுவாந்தார்களின் பினாமியான டிரஸ்டுகளையும் இன்னபிற அறகட்டளைகளையின் உண்மை முகத்தையும் சட்டசபையில் கிழித்தெறிந்தவர் கலைஞர் என உபிக்கள் கடும் அழிச்சாட்டியம் செய்துகொண்டிருக்கின்றன‌

இதே காலகட்டத்தில் பசும்பொன் தேவரும் தனக்கு சொந்தமான நிலங்களை பலவாறு பிரித்து கொடுத்து நில சீர்திருத்த காலங்களில் சிக்கல் வராதவாறு காத்துகொண்டார்

அது பற்றி கலைஞரோ திமுகவோ ஒரு வார்த்தை பேசியிருக்குமா?

ம்ம்..ஹூம், பேசியதாக வரலாறே இல்லை , பேசினால் என்னாகும் என்பது அவர்களுக்கு தெரிந்திருக்கும்

சரி மூப்பனார் தவறே செய்திருந்தாலும், அவர் நிலங்களை ஏழைகளுக்கு கொடுக்காமல் அரசை ஏமாற்றியே இருந்தாலும் அப்படி ஒரு வாதத்துக்கு வைத்திருந்தாலும் பின்னாளில் என்னாயிற்று?

1996ல் அதே மூப்பனாருடன் இணைந்து ஆட்சியினை பிடித்தார் கலைஞர், மத்தியிலும் பதவி

அப்பொழுதெல்லாம் அந்த கலைஞர் ஏன் அமைதி காத்தார்?

ஆக தனக்கு சாதகம் என்றால் ஒருவரை அணைப்பதும் தனக்கு எதிரான கட்சி என்றால் அவரை இழுத்து போட்டு சாத்துவதுமா கலைஞரின் அரசியல்?

இந்த உடன் பிறப்புகள் இருக்கின்றதே, எதையாவது ஆர்வகோளாறில் சொல்லிவிடுமே அன்றி அது கலைஞருக்கு எப்படி எல்லாம் சிக்கலை கொண்டுவரும் என்பதை பற்றி யோசிப்பதே இல்லை

கேளுங்கள், 1960களில் மூப்பனாரை விமர்சித்தவர் அடுத்த 33 ஆண்டுகளில் அவரோடு ஏன் குலாவினார், ஒரு சென்ட் நிலத்தை மீட்டாரா? என்றால் சத்தமே வராது

கலைஞர் டிரஸ்டுகளை சாடினாராம்

முரசொலி அறக்கட்டளைக்கும், வீரமணியின் பெரியார் அறகட்டளைக்குமான சொத்துமதிப்பு பற்றி என்றாவது யாராவது பேசுவார்களா?

ஏம்மா Devi Somasundaram மூப்பனாருடன் கலைஞர் பின்னாளில் கூட்டாளியாக பவனிவந்ததையும் , அப்பொழுது அரை சென்ட் நிலம் கூட ஏழை மக்களுக்கு அவரிடம் இருந்து கலைஞர் பறித்துகொடுக்க விரும்பவில்லை என்பது உனக்குமா தெரியாது?

அடக்கி வாசிக்கின்றது அமெரிக்கா.

அமெரிக்க தூதரகம் என்றாலே எப்பொழுதும் வலுகவனமாக இருக்கும் ஈரான் இப்பொழுது ஈராக்கில் இருக்கும் அமெரிக்க தூதரகத்தை குறிவைத்துவிட்டது.

அமெரிக்க தூதரகம் எப்பொழுதும் உளவு தகவல்களை திரட்டும் சி.ஐ.ஏவின் மையம் என்பது அவர்களின் கருத்து, அதில் உண்மையும் இல்லாமல் இல்லை

இப்பொழுது ஒருபடி மேலே போய் பாக்தாத்தில் இருக்கும் அமெரிக்க தூதரகத்தில் இஸ்ரேலிய மொசாத் ஏஜென்டுகள் அமர்ந்து பல விஷம காரியங்களை செய்கின்றார்கள் என சொல்கின்றது ஈராக்

கவனியுங்கள் ஈரான் அல்ல, சொல்வது ஈராக்

ஐ.எஸ் அமைப்பின் ஆட்டத்துக்கு பின் ஈராக்கும் ஈரானும் நெருங்கிவிட்டன, இதனால் ஈராக் அரசின் குரல் ஈரானின் குரலாகவே கருதபடுகின்றது

இதில் உள்ள ராஜதந்திரம் புரிகின்றதா? வெறும் அமெரிக்கா என்றால் அரபுலகில் சலசலப்பு வராது, இஸ்ரேலை இழுத்து போட்டால் அது பல சர்ச்சைகளை ஏற்படுத்தும் என்பதால் அட்டகாசமாக அதில் அரசியல் செய்கின்றது ஈரான்

பாக்தாத் அமெரிக்க தூதரகம் உளவாளிகளின் சொர்க்கமாக இருப்பது நிஜம், அதை ஈரான் தகர்க்க நினைத்ததும் நிஜம், அது முடியாமல் போக ஈராக்கிய அரசு மூலம் மிரட்டுவதும் நிஜம்

ராஜதந்திர உரசல் இப்படி இருக்க, அமெரிக்காவுக்கும் ஈரானுக்கும் இடையில் பேச பிரான்ஸும் ஜெர்மனும் தயாராகின்றது

ஈரான் எண்ணெய் எடுக்கும் முறை பழையது, அது நவீன தொழில்நுட்பத்துக்கு மாறியாக வேண்டும், அப்படி மாறும்பொழுது பெரும் கனரக எந்திர நுட்பங்களின் சந்தை தனக்கு கிடைக்கும் என கணக்கிடுகின்றது ஜெர்மனி, அதனால் அது பேச வருகின்றது

ஆக இஸ்ரேல் தலமையில் ஒரு அணி ஈரானை நொறுக்க வேண்டும் என கங்கணம் கட்டி திரிய, ஜெர்மன் தலமையில் ஒரு அணி போரை தவிர்க்க நினைக்கின்றது

அமெரிக்காவோ என்னிடம் எப் 35 உண்டு, நவீன ஏவுகனை உண்டு, கப்பல் உண்டு, செயற்கைகோள் உண்டு இன்னும் என்னவெல்லாமோ உண்டு என ஈரானை மிரட்டுகின்றது

ஈரானோ “உன்னிடம் எதுவும் இருக்கட்டும், என் அருகே ஐக்கிய அமீரகம் உண்டு, குவைத் உண்டு, சவுதி உண்டு , பஹ்ரைன் உண்டு, இஸ்ரேல் உண்டு அங்கு இருப்பதெல்லாம் மவனே உன் சொத்துக்கள், என்னை தொட்டால் அதில் ஒன்று கூட உனக்கு மிஞ்ஞ்சாது” என எச்சரிக்கின்றது

அந்த எச்சரிக்கையில் அடக்கி வாசிக்கின்றது அமெரிக்கா..

புள்ளியே இல்லாத அழகிய தமிழ்பெயர்

புள்ளியே இல்லாத அழகிய தமிழ்பெயர் இம்சையினை தொடக்கிவைத்தது யாரென தெரியவில்லை.

ஆனால் இக்கால திமுகவினருக்கு கொஞ்சமும் புத்தியே இல்லாததால் வழக்கம் போல அமைதி

இதே பழைய திமுகவினர் என்றால் இதோ புள்ளி இல்லா அழகான பெயர்கள் என “ஈ.வெ ராமசாமி,கல்லகுடி, திமுக‌,கருணாநிதி, தயாளு, திருகுவளை, முரசொலி, உதயநிதி, அறிவுநிதி, தயாநிதி, கலாநிதி ,தமிழரசு, அழகிரி, கனிமொழி..” என வரிசையாக அடுக்கிகொண்டே சென்றிருப்பார்கள்

இப்போதுள்ள திமுகவினரிடம் அதெல்லாம் எதிர்பார்க்க முடியாது என்பதுதான் சோகம்..

நம் பங்குக்கு நாமும் சொல்லலாம், புள்ளியில்லா அழகிய தமிழ்பெயர் எது தெரியுமா?

“தமிழிசை…” அவர் அடிக்கடி உச்சரிக்கும் “தாமரை”க்கு கூட புள்ளி கிடையாது

குரு பூர்ணிமா

ஒரு காலத்தில் இந்தியா முழுவதும் உள்ள குருகுலங்களில் காலையில் வகுப்புகள் தொடங்கும் பொழுது ஒலித்துகொண்டிருந்த வார்த்தை, நமஹ என்றால் போற்றுகிறோம் அல்லது வணங்குகிறோம் என பொருள்,

அப்படித்தான் வணங்கினார்கள், குரு என்றால் இருளை நீக்குபவர், அறிவினை தருபவர் என பொருள், கிரகங்களில் கூட அறிவினை தரும் கிரகத்திற்கு குரு என பெயரிட்டு கொண்டாடியது பாரதம்.

“குருவில்லாத வித்தை பாழ்”, “குருவில்லாத கல்வி கருஇல்லாத முட்டை” என்றெல்லாம் குருவின் பெருமையை உயர்த்தி பிடித்தனர்,

அவ்வளவு ஏன் எல்லா அரசுகளிலும் ராஜகுரு என்று ஒருவர் இருப்பார், அரசனே அவரிடம்தான் ஆலோசனை கேட்பார், அரசனுக்கு ஏதும் ஆனதென்றால் அடுத்த மன்னனை தயார் செய்வதும் ராஜ்குருவே.

அசுரர்க்கே சுக்ராச்சாரி என்றொருவர் இருந்தார், அலெக்ஸாண்டருக்கு அரிஸ்டாட்டில் இருந்தார், சந்திர குப்தனுக்கு சாணக்கியன் இருந்தார்

விவேகானந்தருக்கு ராமகிருஷ்ண பரமஹம்சர் இருந்தார்

காமராஜருக்கு சத்யமூர்த்தி இருந்தார், கலைஞருக்கு அண்ணா இருந்தார்

ஆம் அண்ணாவின் பண்புகளையும் அணுகுமுறையினையும் அப்படியே பின்பற்றி வரலாற்றில் நின்றவர் கலைஞர்

ரஜினிக்கு பாலசந்தரே குரு.

பீமராவ் என்பவருக்கு அம்பேத்கரும், அப்துல்கலாவிற்கு வைத்தியநாத அய்யர் எனும் ஆசிரியருமே வழிகாட்டி

ராமனுக்கு விசுவாமித்திரரே குருநாதர்.

துரோணரிடமும் பீஷ்மரிடமும் வித்தைகளை கற்ற அர்ச்சுணனுக்கு இறுதியில் தெளிவினை கொடுத்தது அவனது குரு கண்ணணே.

இன்று உலகெல்லாம் ஆலயம் அமைத்து கொண்டாடபடும் யேசு கிறிஸ்துவின் சீடர்கள் வாழ்ந்த காலத்தில் இயேசுவினை ஒரு ஞான ஆசிரியனாக போற்றினார்கள், மூல பிரதியின் மொழிபெயர்ப்பு சொல்வது அப்படித்தான்

கிட்டதட்ட கடவுளின் அவதாரம் என்றே குருக்களை முன்னோர்கள் வணங்கினர்.

எல்லா தர்மங்களையும் போதித்த இந்து தர்மம் குருக்களுக்கு ஒரு நாளை தேர்ந்தெடுத்தது, அது ஆடிமாதம் வரும் பவுர்ணமி என முடிவும் செய்தது

முழு பவுர்ணமி நாளை ஏன் தேர்ந்தெடுத்தார்கள்?

நிலா என்பது சூரியனிடமிருந்து ஒளியினை வாங்கி இருளில் பிராகாசித்து வழிகாட்டுவது போல, குரு என்பவர் இறைவனிடம் இருந்து அருள் பெற்று மக்களை வழி நடத்துவதாக அது சொல்லிற்று

ஆடிமாதத்தை ஏன் தேர்ந்தெடுத்தார்கள்?

ஆடிமாதம் என்பது சில சிறப்புகளை கொண்டது, ஆடிபட்டம் தேடிவிதை என்பார்கள், அதாவது அந்த தட்சாயின காலத்தில் சூரியனின் சக்தி அதிகம் இருப்பதாகவும் அந்த ஒளியில் பயிர்கள் செழித்து வளரும் என்பதும் நம்பிக்கை

மிக சிறப்பான மாதமாக அது இருப்பதாலும், பல மங்கள காரியங்களையும் சிறப்பு வழிபாடுகளையும் தொடங்கும் மாதமாக இருப்பதாலும் ஆடிமாத பவுர்ணமி குருக்களுக்கானது என குறித்து வைத்தார்கள்

குரு என்பவர் இருளை நீக்கி நம்மை கடவுளின் பாதைக்கு அழைத்து செல்லும் அவதாரம் என அது வலியுறுத்திற்று

குரு பூர்ணிமா என்பது அதுதான். இன்றுதான் அந்த வியாச பவுர்ணமி

இந்நாள் என்பது அந்நாளைய ஆசிரியர் தினம், உலகின் முதன் முதலாக குருவினை நாள் வைத்து வணங்கிய மதம் இந்து மதமே என்பது மறுக்கமுடியா உண்மை

எந்த மதத்திலும் இல்லா சிறப்பாக குரு வம்சத்தின் அடியாழம் வரை சென்று அது வணங்க சொல்கின்றது, அதாவது உனக்கு யார் குருவோ அவரோடு நின்றுவிடாதே, குருவுக்கும் குரு என பலர் வருவார்கள் அல்லவா? அவர்கள் போதித்த போதனையினை நீயும் பெற்றுகொண்டாய் அல்லவா? அதனால் அந்த மொத்த குரு பரம்பரையினையும் நினைத்து வணங்கு என்கின்றது இந்துமதம்

அதனால்தான் வியாச பவுர்ணமி என அதற்கு பெயர்.

வியாசர் என்பவர் பகவான் நாராயணின் சாயலாக அறியபடுகின்றார் என்பதால் அது சாட்சாத் பகவானையே போய் சேருகின்றது

இந்த பிறவியில் நாம் யாரை எல்லாம் குருவாக நினைக்கின்றோமோ அவர்களை எல்லாம் இந்நாளில் வணங்கினால் பல வகை ஆசீகளுக்கும் நல்ல முக்திக்கும் உதவி செய்யும் என்கின்றது சாஸ்திரம்

ஒரு பழமொழி உள்ளது “இறைவனால் கொடுக்கப் பட்ட சாபத்தை ஒரு குருவினால் மாற்ற முடியும், ஆனால் ஒரு குருவினால் கொடுக்கப்பட்ட சாபத்தை இறைவனாலும் மாற்ற முடியாது”

குரு மனம் குளிர்ந்தாலே கோடி நன்மை கூடிவரும் என்பார்கள்

குரு என்பவர் ஞான‌ ஒளி கொடுப்பவர், வாழ வழிகொடுப்பவர், அறிவும் ஞானமும் கொட்டி கொடுப்பவர்

குரு என்பவர் கடவுளால் அனுப்பபட்டு ஒவ்வொருவரையும் கைதூக்கிவிடுகின்றார் என்பதே சரி. சரியான குருவினை கண்டுபிடிக்காதவன் எவனும் வாழ்வில் வெற்றியடைய முடியாது

கல்வி கொடுப்பவர் மட்டுமல்ல, சரியான திசையினை காட்டி ஒருவன் வாழ்வினை திருப்பும் சக்தி கொண்ட எல்லோருமே குரு வகையே

சரியான குருவினை கண்டடைந்தபின் ஒருவன் வாழ்வே மாறிவிடும் என்பதே மானிட வாழ்வியல் தத்துவம், அந்த குருவினை விடாமல் பிடித்து கொள்வதும் அவரை போற்றுவதும் சால சிறந்தது

இந்துமதத்திலிருந்து பிரிந்த அந்த புத்தமதமும் இதை இன்று குரு பூர்ணிமா கொண்டாடுகின்றது

குருவே சரணம் , குருவே நமஹ என்ற கோஷம் முழங்க இந்த பாரத மண் இந்து தர்மத்துபடி அந்த குரு பவுர்ணமி நிகழ்வினை கொண்டாடுகின்றது

அவ்வகையில் எல்லா குருக்களையும் அவர்களின் குரு பரம்பரையினையும், வேதங்களை கொடுத்த வியாசரையும், அவரின் மூலமான பகவான் நாராயணனையும் நன்றியோடு வணங்கிகொண்டிருக்கின்றது

பல்லாயிரம் ஆண்டுகளுக்கு முன்பே குருவின் மேன்மை உணர்ந்து, குருக்களுக்காக ஒரு நாளை தேர்ந்தெடுத்து வணங்க சொன்னஇந்து பாரம்பரியம் உலக நாகரீகங்களுக்கெல்லாம் தாய் என்பதை மிக பெருமையாக சொல்லிகொள்ளலாம்

ஏன் இப்படி அலைகின்றது சீனா?

தலாய்லாமா விவகாரம் மறுபடியும் விஸ்வரூபமாகின்றது

அதாவது திபெத்தில் தலாய்லாமா என்றால் லாமாக்களுக்கு தலையானவர் என்று பொருள் , லாமா என்றால் மதகுரு தலாய் லாமா என்றால் தலமை குரு

அவர் எப்படி தேர்ந்தெடுக்கபடுவார் என்றால் ஒரு தலாய்லாமா மறித்ததும் திபெத்தில் அடுத்து பிறக்கும் ஆண்குழந்தை தலாய்லாமாக குறிக்கபட்டு வளர்க்கபடும்

இப்பொழுது இருக்கும் தலாய்லாமா 83 வயது நெருங்குவதால் அடுத்து யார் என்பதில் சிக்கல்

அது அவர் காலத்திற்கு பின்புதான் என்றாலும், என் காலத்திற்கு பின் இந்தியாவில் இருக்கும் திபெத்திய குடும்பத்தில் பிறப்பவனே அடுத்த தலாய்லாமா என அறிவித்துவிட்டார் இப்போதைய தலை

விடுமா சைனா?

அதெல்லாம் முடியாது, உண்மையான திபெத் எங்களுடன் இணைந்திருக்கும் பொழுது இங்கு பிறப்பவர்தான் அடுத்த தலாய்லாமா என்கின்றது சைனா

அதன் கணக்கு வேறு

இப்போது இருப்பவர் தனி திபெத் கேட்கும் தலாய்லாமா, அவரை ஒப்படைக்க சொன்னால் இந்தியா செய்யவில்லை இன்னும் சர்ச்சை தீரவில்லை

இதனால் அடுத்த தலாய்லாமா சைனா திபெத்திலே பிறக்கடும், அவரை சீன தேசியத்திலே வளர்க்கலாம் என்பது அதன் கணக்கு

இங்கே தலாய்லாமா கிடைத்தால்தான் திபெத் விடுதலை போராட்டத்தை தொடர வழியுண்டு இல்லாவிட்டால் சிரமம் என்பது தலாய்லாமா கணக்கு

இரு கணக்குகளும் உரசிகொண்டிருக்கின்றன‌

இனி இரு தலாய்லாமாக்கள் வருவார்களா? அல்லது சீனாவின் பிடியில் திபெத் இருப்பதால் அது வெல்லுமா என தெரியவில்லை

சீனர்களை பற்றி தெரியும் என்பதால் இந்த தலாய்லாமா இறந்த மறுநொடி ஏன் அதற்கு முன்பே சீனாவில் அவர் பிறந்துவிட்டார் என சொல்ல தயாராக இருகின்றார்கள்

ஒருவேளை அடுத்த தலாய்லாமா இந்தியாவில் பிறந்தால் என்னாகும்?

அருணாசல பிரதேசத்தின் டபாங் பகுதியினை தெற்கு திபெத் என சொல்வதை சீனா நிறுத்தாது, சர்ச்சைகள் தொடரும்

ஏன் இப்படி அலைகின்றது சீனா?

மதம் அந்த கம்யூனிச நாட்டுக்கு எதிரி என அது கருதுகின்றது, புத்தமதம் அடக்கி ஒடுக்கபடாவிட்டால் சீனாவின் நிலையான கம்யூனிச ஆட்சிக்கு ஆபத்து என்பது மாவோ சொல்லிவிட்டு சென்ற பாடம்

அதை உயிரை கொடுத்து நிறைவேற்றுகின்றார்கள்

SRM பல்கலைகழகத்தில் 3ம் தற்கொலை

SRM பல்கலைகழகத்தில் 3ம் தற்கொலை நிகழ்ந்திருக்கின்றது.

நிச்சயம் ஏதோ காரணம் இருக்கின்றது, அங்கு படிப்பினை தொடரமுடியாத நிர்பந்தம் அல்லது வெளிசொல்லமுடியா துயரத்தில் மர்ம சாவுகள் நடக்கின்றன‌

நீட்டுக்கா யாரும் செத்தால் பெரும் ஒப்பாரி கேட்கும் தமிழகத்தில் இந்த சாவுகளுக்கான நியாயம் ஒருநாளும் கிடைக்க போவதில்லை

நீட் சாவு என்றால் பொங்கும் திமுக மற்றும் சமூக நீதி இம்சைகள் இப்போது கனத்த அமைதி காரணம் SRM பல்கலைகழக பச்சைமுத்து இப்பொழுது இவர்கள் அணி