இஸ்ரோவில் மகளிரின் பங்களிப்பு

இந்த இஸ்ரோவில் மகளிரின் பங்களிப்பும் மிக மிக அதிகம்

திறமை அடிப்படையில் வாய்ப்பளிக்கபடும் இடம் இஸ்ரோ, அதில் இட ஒதுக்கீடு சமூக நீதி எல்லாம் இருந்திருந்தால் சந்திராயன் இப்பொழுது ஆழ்கடல் நோக்கி பயணித்திருக்கும்

இந்த இஸ்ரோ என்பதும் டி.ஆர்.டி.ஓ என்பதும் ஒன்றோடொன்று ஒட்டிய துறைகள்

இந்திய விண்வெளிதுறையில் முதலில் கவனிக்கபட்ட பெண்மணி டெய்சி தாமஸ், கேரளத்துக்காரர்

அப்துலகலாமுக்கு பின்னரான காலங்களில் டெய்சிதாமஸ் தலமையிலே ஏவுகனை திட்டங்கள் இயங்கின அக்னி ஏவுகனைகள் மேம்படுத்துதலில் அவர் பங்கு உண்டு

அவரின் தொடர்ச்சியாக பல பெண்கள் சாதிக்க வந்து இன்று சாதித்திருக்கின்றனர்

அவர்களில் வனிதா முத்தையாவும், ரிது காரிடல் எனும் இருபெண்மனிகள் முக்கியமானவர்கள்

மிக மிக சிக்கலான ராக்கெட் தொழில்நுட்பத்தில் இரு பெண்கள் தலமையில் ஒரு திட்டம் நிறைவேற்றபடுவது சாதாரண விஷயம் அல்ல..

சந்திராயன் 2ன் மிக முக்கியபொறுப்பினை இவர்கள்தான் செய்தார்கள், அதன் முழு கட்டுபாடும் இவர்கள் இருவரிடமே உண்டு

நிச்சயம் இந்திய மகளிர் எல்லாம் பெருமை கொள்ள வேண்டிய விஷயம் இது

ஒரு விஷயம் கவனித்தீர்களா?

இவர்கள் பெண்ணியம் பேசவில்லை, பெரியார் அம்பேத்கர் என கிளம்பவில்லை, திராவிடம் இன்னபிற இம்சை இல்லை

அவர்கள் பெண்குல போராளிகள் இல்லை, முடியினை வெட்டுதல் , புரட்சி பெண்ணியம் பேசுதல் என அழிச்சாட்டியம் செய்யவில்லை

ஆனால் முறையாக படித்தார்கள், கற்றபடி உழைத்தார்கள்

ஆணுக்கு பெண் சரிக்கு சரியாக நிற்க முடியும் என எதில் காட்ட வேண்டுமோ அந்த இடத்தில் மிக சரியாக சாதித்திருக்கின்றார்கள்

பெண் விடுதலை என்பதும், பெண் சமத்துவம் முன்னேற்றம் என்பதும் இதுதான், இதுவேதான்

மாறாக கருப்பு சட்டை போட்டுகொண்டு தப்பு அடித்து கொண்டு டங் டங் என தெருவில் ஆடுவது வெற்று விளம்பரம், வறட்டு கூச்சல் அதனால் ஆகபோவது ஒன்றுமில்லை

இதோ டெய்சிதாம்ஸும், வனிதாவும், இந்த ரிதுவும் என்ன பெரியார் வழியில் விடுதலை வாங்கினார்களா இல்லை இட ஒதுக்கீட்டில் சாதித்தார்களா?

தகுதியும் திறமையும் இருக்கும் மகளிர் யாராயினும் இங்கு வெற்றிகொடி நாட்டமுடியும்

வீணாக பிதற்றிகொண்டிருப்பதில் அர்த்தமில்லை

இன்று உலகமே திரும்பி பார்க்க சாதித்திருக்கும் மங்கையர் குல திலகங்களான வனிதா முத்தையாவினையும், ரிதுவினையும் பாரதம் வணங்கி வாழ்த்துகின்றது

பாரதி கண்ட வரிகளில் வாழ்த்துகின்றது

“எட்டும் அறிவினில் ஆணுக்கு பெண் இழப்பில்லை என கும்மியடி” என்ற வரிகளை சொல்லி வாழ்த்துகின்றது

உலகமே அந்த விண்வெளி மங்கையரை கைதட்டி உற்சாக படுத்துகின்றது

எந்த நாட்டிலும் இல்லாதபடி முதல் முறையாக இரு மங்கையர் மூலம் மாபெரும் சிக்கலான செயற்கை கோளை விண்ணுக்கு செலுத்தி பாரதம் மாபெரும் வழியினை உலகுக்கு காட்டியிருக்கின்றது.

அந்த விண்வெளி மங்கையருக்கு வாழ்த்துக்களை தேசத்தோடு சேர்ந்து நாமும் தெரிவிப்போம்

எங்கள் தேசத்து தங்கங்களே “உங்களை பெற்றதில் பெருமை கொள்கின்றது தேசம்”

நீங்கள் இன்னும் மாபெரும் வெற்றிகளை குவிக்க வாழ்த்துக்கள், தேசத்து சாதனை மகளிரால் பாரில் இந்தியா தலைநிமிர்ந்து நிற்கின்றது.

ஒரு வகையில் உலக மகளிரே பெருமைபடும் விஷயத்தை இன்று தேசம் செய்திருக்கின்றது..

இந்திய மகளிரின் புகழ் விண்வெளிக்கு பரவியிருப்பதை உலக மகளிர் மிக மகிழ்ச்சியுடன் பார்த்து கொண்டிருக்கின்றனர்.

(இவ்வளவு பெரும் சாதனை மகளிரால் நிகழ்த்தபட்டும் தமிழகத்தில் பெண்களை காக்க வந்த, உயர்த்த வந்த இயக்கங்கள் கள்ள மவுனம் காக்கின்றதல்லவா?

இதுதான் தமிழக அயோக்கிய அரசியல், கலாமியினையே கதற வைத்த அந்த திருட்டு அரசியல்..)

படம் இங்கு வரவிடவில்லை

சிவாஜி கணேசன், ராமசந்திரன் ஏன் ரஜினி கமல் அட அவர்கள் என்ன விஜய் அஜித் காலங்கள் வரை மலேசியாவில் படபிடிப்பு நடக்கும்

அந்த படங்களும் மலேசியாவில் வரவேற்பினை பெறும்

அப்படிபட்ட நல்ல உறவினை இப்பொழுதுள்ள அழிச்சாட்டிய இயக்குநர்கள் கெடுத்துவிட்டார்கள்

மலேசியாவில் விரும்பதகாத சம்பவம் பல நடப்பது 
போலவும் இன்னும் பல சம்பவங்கள் நடப்பது போலவும் அதன் நற்தோற்றத்துக்கு அவமதிப்பு வரும் வகையில் படங்கள் வந்தன‌

முதலில் நிதானமாக கையாண்டது அந்நாடு, போக போக குருவி போன்றவை வந்தன, கொஞ்சம் அதிர்ந்தார்கள்

இந்த அஜித்தின் பில்லா போன்றவை முணுமுணுக்க வைத்தன‌

கபாலி படத்தை கையில் கிடைத்த இடத்தில் எல்லாம் வெட்டினார்கள், ரஜினி கோர்ட் போடும் காட்சி தவிர எல்லாம் சகட்டு மேனிக்கு வெட்டு

இருமுகன் வந்தபொழுது சர்ச்சை உள்ளூர புகைந்தது

இனி எச்சரிக்கை , பிலிமில் வெட்டு குத்து எல்லாம் இல்லை என சொல்லி அதிரடியாக முடக்கிவிட்டார்கள்

இந்த “கடாரம் கொண்டான்” படத்தை மொத்தமாக விரட்டி விட்டார்கள், படம் இங்கு வரவிடவில்லை

தமிழ்திரைப்பட தயாரிப்பாளர்கள் இனியாவது எச்சரிக்கையாக இருப்பது நல்லது

தமிழ் படங்கள் அளவுக்கு அதிகமான வன்முறை, குடி மற்றும் சமூக சீரழிவுகளை காட்டுவதாக ஏற்கனவே ஒரு களங்கம் கொஞ்ச நாளாக இருந்தது

தமிழ் கலாச்சாரத்துக்கு அது சரி என்றால் மற்ற நாடுகளுக்கு அவை எல்லாம் முகம் சுழிக்க வைக்கும் விஷயங்கள்

ஒவ்வொரு நாடும் சட்டங்களை கண்போல் காக்கின்றன, அதை மீறுவதாகவோ ஹீரோயிசமாகவோ காட்சிகள் அமைக்கபட்டால் அது மக்களிடம் தவறான உணர்வினை ஏற்படுத்தும் என அஞ்சுகின்றன‌

இதனால் சில விஷயங்களில் அவர்கள் சமரசம் செய்துகொள்வதே இல்லை..

கடாரம் புடுங்கினான், கடல் கடந்தான், வீர தமிழன், 7 தமிழன் , பல போலிசாரை மிதித்து போட்டுவிட்டு ஓடும் தமிழன் என படம் இருந்தால் உள்ளூரில் கைதட்டுவார்கள்

வெளிநாட்டில் படபெட்டியினை கடலில் எறிந்துவிடுவார்கள்

இயக்குநருக்கு ஒன்றுமிலை அவன் தமிழன்டோவ் என கத்திவிட்டு சம்பளத்தை சரியாக வாங்கிவிட்டு ஓடிவிடுவான்

தயாரிப்பாளர் எனும் சாதிதான் மிக கவனமாக இருக்க வேண்டும்

இனியாவது தயாரிப்பாளர்கள் எச்சரிக்கையாக இருக்கட்டும், மலேசியா தொடங்கி வைத்துவிட்டது இனி பல உலகநாடுகள் அதை தொடரலாம்

“டமிலன் டோவ்..” என்பதெல்லாம் உள்ளூருக்குள் கேட்க வேண்டிய குரல், கடல் கடந்து கத்தினால் போட்டு சாத்திவிடுவார்கள், அதில் தயாரிப்பாளர் வேட்டிதான் பறிபோகும்

ஆடியோ, வீடியோ என “தமாஸ்”

சசிகலா ஒரு காலத்தில் வீடியோ கேசட் கடை வைத்திருந்தார்

அதற்காக எதற்கெடுத்தாலும் இந்த கோஷ்டி ஆடியோ, வீடியோ என “தமாஸ்” செய்வது பெருங்கொடுமை..

ஆக அடுத்து என்ன நடக்கும்?

அமேதியின் பஞ்சாயத்து தலைவியை அழைத்துச் சென்று நாடாளுமன்ற நடவடிக்கைகளைக் காணச்செய்தார் ஸ்ம்ருதி இரானி

கனிமொழிக்கு இனி சத்திய சோதனை..

ஆக அடுத்து என்ன நடக்கும்?

தூத்துகுடி,நெல்லை மாவட்ட பஞ்சாயத்து தலைவர்களுக்கு பாராளுமன்றத்தை பார்க்கும் நேரம் நெருங்கிகொண்டே இருக்கின்றது,

நல்ல வேளையாக காமராஜருக்கு குடும்பமும் வாரிசும் இல்லை

நேரு குடும்பத்தை தவிர யார் தலைவரானாலும் கட்சி ஒரே நாளில் உடையும் : அனில் சாஸ்திரி

இப்பொழுது பெரும் கட்சியாக அது இருந்து என்ன கிழித்தது என கேட்டுவிடலாம் , ஆனால் இப்படி சொல்லியிருப்பவர் யாரென பார்த்தால் பெரும் பரிதாபமே மிஞ்சுகின்றது

ஆம் அவர் மாபெரும் தியாகி லால்பகதூர் சாஸ்திரியின் மகன்

இந்தியா கண்ட பிரதமர்களிலே தனித்து நின்றவர் சாஸ்திரி, காலம் வழிவிட்டிருக்குமானால் நேரு,இந்திரா மோடி என எல்லோரையும் தள்ளிவிட்டு முதலிடத்தில் நின்றிருப்பார்

இன்றும் இந்திய வரலாற்றை புரட்டுங்கள், அவர் ஆண்ட இரு ஆண்டுகாலம் அப்படி ஒரு பொற்காலம்

அந்த மாபெரும் தியாகியின் மகனே கட்சிக்கு நேரு குடும்பத்திடம் மண்டியிட்டு நிற்கும்பொழுது என்ன சொல்லிவிட முடியும்?

நேரு உழைத்ததை விட அக்கட்சிக்கு சாஸ்திரி அதிகம் உழைத்தார், பணக்கார நேரு அரசியலுக்கு வந்தது விஷயம் அல்ல ஏகபட்ட சொத்து உண்டு

ஆனால் ஏழை சாஸ்திரி நாட்டுக்காக வாழ்க்கையினை தொலைத்தான் அல்லவா? அதுதான் தியாகம்..

இதெல்லாம் கால கொடுமை என்பதையன்றி வேறு ஒன்றும் சொல்லமுடியாது

நல்ல வேளையாக காமராஜருக்கு குடும்பமும் வாரிசும் இல்லை

வெற்றிகரமாக நாட்டுக்காக பறந்துகொண்டிருக்கின்றது சந்திராயன் II

மிக வெற்றிகரமாக சந்திராயன் 2 விண்கலத்தை விண்ணுக்கு செலுத்திவிட்டது இந்தியா.

உலகின் 4ம் விண்வெளி பலத்துடன் அது தன்னை நிலை நிறுத்திகொண்டது, கிட்டதட்ட சீனாவுக்கு சரிநிகரான பலத்துடன் அது விளங்குகின்றது.

ஒரு காலத்தில் அமெரிக்கா கொடுக்க மறுத்த அல்லது இந்தியாவுக்கு கிடைப்பதில் கட்டை போட்ட அந்த கிரையோஜெனிக் நுட்பத்தில் GSLV – Mark 3 ராக்கெட்டுடன் சந்திராயன் கிளம்பி சென்றுவிட்டது

ராக்கெட்டும், சந்திராயனும் நாட்டின் பல பாகங்களில் தயாரிக்கபட்டாலும், அந்த எரிபொருளும் இன்னும் சில முக்கிய விஷயங்களும் நெல்லைமாவட்டத்தின் இஸ்ரோ தளத்தில் தயாரிக்கபட்டவை என்பது நெல்லைக்கு பெருமையான விஷயம்

சில வாரங்களில் 3 லட்சம் கிமீட்டரை கடந்து நிலாவின் தென் பகுதியில் அது தரையிரங்கும், அது தரையிறங்கிய பின் அதில் இருக்கும் கருவிகள் ஆய்வினை மேற்கொள்ளும்

இதுவரை நிலவில் யாரும் இறங்காத தென் துருவபகுதிக்கு சந்திராயன் 2 விண்கலத்தை இந்தியா இலக்கு வைத்து இயக்குகின்றது

இந்த வெற்றிகரமான நொடியில் விக்ரம் சாராபாய், சதீஷ் தவான், அப்துல் கலாம் போன்ற மாமேதைகளுக்கு நன்றி தெரிவிப்போம்.

இந்த ராக்கெட்டும் செயற்கை கோளும் சில நூறு கோடிகள் செலவில் செலுத்தபட்டிருக்கின்றன, மற்ற நாடுகளை ஒப்பிட்டால் இதன் செலவு குறைவே

திடீர் குபீர் போராளிகள், சமூக நீதி காவலர்கள் இப்பொழுது வந்து குடிக்க நீர் இல்லா தேசத்தில், கழிவறைக்கு கதவில்லா தேசத்தில் இந்த விண்கலம் தேவையா என்பார்கள்

அவர்கள் அப்படித்தான்

ஆனால் இந்த செலவு தேவையா என்பவர்கள், பலநூறு கோடியில் நடந்த வளர்ப்பு மகன் திருமணம், சில நூறு கோடியில் பிரமாண்டமாய் எடுக்கபடும் திரைபடங்கள், அரசியல் கட்சிகள் நடத்தும் பிரமாண்ட மாநாட்டு செலவுகள், ஒவ்வொரு தேர்தலுக்கும் அவை செலவழிக்கும் பல ஆயிரம் கோடி ரூபாய் பற்றி எல்லாம் வாய் திறக்கவே மாட்டார்கள்

சமூக ஆர்வல போராளிகள் அப்படித்தான், அவர்களை தாண்டி வெற்றிகரமாக நாட்டுக்காக பறந்துகொண்டிருக்கின்றது சந்திராயன் II.

இனியாவது பாகிஸ்தான் திருந்தட்டும்..

அந்த காலகட்டம், அதாவது இரண்டாம் உலகபோருக்கு பின்னரான காலங்களில் பாகிஸ்தானின் தேவை அமெரிக்காவுக்கு அப்படி இருந்தது

அன்று சோவியத், சீனா என செங்கொடி பறந்த நிலையில், அரபு நாடுகளில் இஸ்ரேலிய எதிர்ப்பு உச்சத்தில் இருந்த நிலையில் தனக்கொரு பிடி கிடைக்காதா என ஏங்கி தவித்த பொழுது பாகிஸ்தானே அவர்களுக்கு ஆறுதல்

அதுதான் அவர்களுக்கு பெரும் நிம்மதி, பாகிஸ்தான் மட்டும் இல்லை என்றால் 1980களில் தலைவெடித்து செத்திருக்கும் அமெரிக்கா

பாகிஸ்தானில் கால் ஊன்றி இந்தியாவினை அவர்களால் மிரட்ட முடிந்தது, சில போர்களுக்கே காரணமாக முடிந்தது

அதில் இருந்து கொண்டே ஆப்கனில் இருந்து சோவியத்தை விரட்ட முடிந்தது

ஈரானிய புரட்சிகாலங்கள் போன்றவற்றில் பாகிஸ்தானின் கழுத்தில் இருந்துகொண்டே அவர்களால் ஆடமுடிந்தது

ஆசியாவில் அவர்களின் ஏகபோக கூட்டாளியாக பாகிஸ்தான் கொண்டாடபட்டது

எல்லா பாகிஸ்தானிய ஆட்சியாளர்களும் அவர்களுக்கு செல்லபிள்ளையானார்கள்

அவர்கள் எது செய்தாலும் அமெரிக்க ஆசி உண்டு, அது மக்கள் பிரதமரோ இல்லை ஜியா உல்ஹக் போன்ற ராணுவ ஆட்சியோ அவர்களுக்கு சிக்கலே இல்லை

ஆனால் கொஞ்சமும் உழைப்பே இல்லாத, ஊரான் பணத்தில் கடும் ஆட்டம் ஆடுபவன் வாழ்வு எவ்வளவு நாள் நிலைக்கும்?

பின்லேடன் விவகாரத்துக்கு பின்பு பாகிஸ்தானிய அமெரிக்க உறவுகள் கசந்தன, அதுவரை தரு நிழலாக விளங்கிய பாகிஸ்தான் அதன்பின் கள்ளிசெடியானது, அதற்கு ஏன் நீர்பாய்ச்ச வேண்டும் என முணுமுணுத்தது அமெரிக்கா

டிரம்ப் எனும் வம்பானவர் வந்து மொத்தத்தையும் மூடிவிட்டார்

இம்ரானின் பாகிஸ்தானுக்கு சோதனையான காலம்

எத்தனையோ பாகிஸ்தானிய ஆட்சியாளர்கள் சிகப்பு கம்பளத்தில் வலம் வந்த அமெரிக்காவில் வாழ்ந்தொடிந்த ஏழை போல் நிற்கின்றார் இம்ரான்

ஒரு நாட்டின் அரச பீடத்துக்கான மரியாதை ஏதும் அவருக்கு இல்லை

அவமானத்தின் உச்சியில் பாகிஸ்தான் நிற்கின்றது, ஆனால் என்ன செய்துவிட முடியும்?

அமெரிக்கா எப்படிபட்ட நாடு என்பதையும், தேவைக்கு அணைப்பார்கள் தேவையில்லை என்றால் வெட்டி வீசுவார்கள் என உணர்ந்து தலைகுனிந்து நிற்கின்றது பாகிஸ்தான்

பாகிஸ்தானை தீவிரவாதங்களின் கூடமாக மாற்றியதில் அமெரிக்காவுக்கு பெரும் பங்கு உண்டு, அவர்கள்தான் அந்நாட்டை இப்படி ஆக்கினார்கள்

இன்று அவர்களே வெட்டியும் விடுகின்றார்கள்

மதவெறி ஒன்றில் ஊறி செய்யகூடா காரியங்களை எல்லாம் செய்த பாகிஸ்தான் இன்று சர்வதேச அரங்கில் தலைகுனிந்து நிற்கின்றது

அருமை பாரதம் தலை நிமிர்ந்து நிற்கின்றது , அமெரிக்கா கூட இந்தியாவிடம் அதிகம் பேசமுடியவில்லை

மதவாதமும் தீவிரவாதமும் அதை வைத்து செய்யபடும் உலக அரசியலும் எவ்வளவு ஆபத்தானது என்பதை உலகிற்கு சொல்லி அமெரிக்காவில் அவமானமாக நிற்கின்றது பாகிஸ்தானின் உச்சபீடம்..

இனியாவது பாகிஸ்தான் திருந்தட்டும்..