வங்கி இணைப்பு விவகாரம்

அய்யய்யோ கோஷ்டிக்கு இப்பொழுது வங்கி இணைப்பு விவகாரம் கிடைத்துவிட்டது, இதோ இந்தியாவின் வங்கி எல்லாம் மூடிவிட்டார் நிர்மலா இது சங்கிகள் வங்கிகளை மூடும் காலம், அவ்வளவுதான் வங்கிகள் , வங்கி போச்சி பணமும் இனி போகும் என ஒப்பாரியினை தொடங்கிவிட்டார்கள்

வங்கி இணைப்பு இந்தியாவுக்கு புதிதா என்ன? வங்கிகள் வரலாறு உலகில் , இந்தியாவில் என்னென்ன இணைப்புகளை எல்லாம் கொடுத்திருக்கின்றது

தேசத்தின் உருவங்கள் மாறும்பொழுதெல்லாம் வங்கிகளின் இணைப்பும் உருவமும் தொடர்ந்துகொண்டேதான் வருகின்றன‌

இங்கு வங்கிமுறை வெள்ளையன் வருவதற்கு முன்பே இருந்தது, ஆனால் வங்கி என்ற பெயரில் அல்லாமல் நிதி நிர்வாகம் என்றபெயரில் இருந்தது, பர்மாவில் மிக சிறந்த வங்கி அமைப்பை அது அன்றே கொண்டிருந்தது, வங்கிகள் தேசத்தை ஆளும் என சொன்னவர்கள் செட்டியார்கள்

மேற்கே யூத இனமும் கிழக்கே செட்டி இனமும் அதை செய்துகொண்டிருந்தன‌

ஹிட்லரின் யூத வெறுப்புக்கு முதல் காரணமே யூதரின் வங்கி முறையும் ஜெர்மானியர் அதற்கு கட்டிய அநியாயமான வட்டியுமாகும்

பர்மாவில் செட்டியார்கள் அடிவாங்கவும் அதுதான் காரணம்

வெள்ளையன் பின்னாளில்தான் இந்த கோதாவில் குதித்தான்

இந்தியாவில் முறையான வங்கிகள் வெள்ளையன் காலத்தில் வந்தது தன் வியாபார ஸ்தலங்களான சென்னை, மும்பை, கல்கத்தாவில் அவன் பேங்க் ஆ மெட்ராஸ், பேங்க் ஆப் பாம்பே, பேங்க் ஆப் கல்கத்தா என தொடங்கினான்

எப்பொழுதுமே வெள்ளையன் ஒன்றை தொடங்கினால் இந்திய இந்து அமைப்புக்களும் சுதேசிகளும் போட்டிக்கு ஒன்றை தொடங்குவார்கள், அது கல்வி நிலையம் முதல் கப்பல் வரை இருந்தது

அப்படி ஏகபட்ட வங்கிகள் முளைக்க தொடங்கின, பஞ்சாப் மன்னர் பரோடா மன்னர் தமிழக செட்டிகள் எல்லாம் வங்கி தொடங்க ஆரம்பித்தனர்

நிலமையினை கவனித்த வெள்ளையன் வங்கிகளை இணைக்க தொடங்கினான், மூன்று வங்கிகளை இணைத்து இம்பீரியல் வங்கி உருவாக்கினான், வரலாற்றில் முதல் வங்கி இணைப்பு இங்கு அதுதான், பின்னாளில் இந்திய ஸ்டேட் பேங்க் ஆனது

இந்த வரலாறு நீண்டது , எழுதினால் பெரும் புத்தகமே எழுதலாம் என்றாலும் மகா சுருக்கமாக பார்க்கலாம்

அதாவது பல வங்கிகள் இருந்தன, சம்பாதித்தன அமெரிக்க உள்நாட்டு போரின்பொழுது அதாவது 1800களில் இங்கு நிலமை சிக்கலான பொழுது பல வங்கிகள் இணைக்கபட்டன, பல வீழ்ந்தன‌

எனினும் கொல்கத்தா வணிகர்கள், மெட்ராஸ் வணிகர்கள்,மும்பை வணிகர்கள் எல்லாம் அவ்வப்போது வங்கி தொடங்குவதும் இணைப்பதுமாக காலம் கடந்தது

கூட்டுறவு வங்கிகள் ரஷ்ய புரட்சிக்கு பின் அறிமுகமானது

முதல் உலகப்போர் வங்கிகளை இங்கு ஆட்டம் காண செய்தது எனினும் பேங்க் ஆஃப் இந்தியா, கார்ப்பொரேஷன் வங்கி, இந்தியன் வங்கி, பேங்க் ஆஃப் பரோடா, கனரா வங்கி, மற்றும் சென்ட்ரல் பேங்க் ஆஃப் இந்தியா ஆகியவை தனித்து நின்றன‌

இன்றும் நிற்கின்றன‌

இரண்டாம் உலகப்போரிலும் பல வங்கிகள் தாக்குபிடித்த அன்றைய இந்தியாவின் லாகூரின் பஞ்சாப் நேஷணல் பாங்க் அசராமல் நின்றது

தெற்கே கனரா எனும் கன்னட பகுதியில் தெட்சன கனரா வங்கி தொடங்கபட்டு கனரா வங்கி ஆனது

( தமிழக வங்கிகள் பெரும்பாலும் செட்டியாரிடம் இருப்பதை கண்ட நாடார் சமூகம் மெர்கண்டைல் வங்கி தொடங்கி அது சிவசங்கரனால் அமுக்கபட்டு பின் மீட்கபட்ட கதையினை நீங்கள் அறிவீர்கள்

அதாவது வியாபரத்திற்கு முக்கியமானது வங்கி எனப்துதான் விஷயம்

திராவிட வங்கி என ஏதுவுமில்லை, திராவிட கழகம் என்பது முதலில் திராவிடருக்கான வங்கியாக இருந்தது பின்பு முரசொலி அறகட்டளை அந்த இடத்தை பிடித்தது

அவர்கள் சமூக நீதி காத்து வங்கி நீதியும் காத்தது இப்படித்தான் )

இதுவரை வெள்ளையன் கட்டுபாடு காலம், சுதந்திர போர் ஒருபக்கம், திராவிட இம்சைகளின் சமூக நீதி புரட்சி ஒருபக்கம் , நேதாஜி மறுபக்கம் என நாட்டில் என்னவெல்லாமோ நடந்தாலும் வங்கியினை ஒழுங்காக நடத்தினான் வெள்ளையன்

இன்றைய ஈராக்கில் தினம் 10 குண்டு வெடித்தாலும் எண்ணெய் தடையின்றி எடுப்பார்கள் அல்லவா அப்படி

சுதந்திரம் பெற்றபின் இந்திய வங்கிகளை கட்டுபடுத்த ரிசர்வ் வங்கி உருவாக்கபட்டது அதில் அம்பேத்கரின் பங்கு அதிகம்

பாகிஸ்தானுக்கு சென்றுவிட்ட சில வங்கிகளை இந்தியா இழந்தது இந்திய வங்கிகளை ரிசர்வ் பேங்க் மேலாண்மை செய்தது

சுதந்திர இந்தியாவில் வங்கிகள் வளர்ந்தன இன்னும் சில சர்ச்சைகளும் வந்தது

நேரு இன்சூரன்ஸ் பக்கம் சுற்றிகொண்டிருந்தார், தனியார் இன்சூரன்ஸ்களை ஒழிக்க எல்.ஐ.சி போன்றவற்றை கொண்டுவந்தார்

கூட்டுறவு வங்கிகளுக்கு அஸ்திவாரமிட்டார் நேரு

இந்திரா அடித்து ஆடினார், சுதந்திர இந்தியாவில் மன்னர்களுக்கு ஓய்வூதியமும் வங்கிகளில் கனத்த பங்கும் இருந்தது அதை குறிவைத்தார் இந்திரா

மன்னர் மானியத்தை நிறுத்திவிட்டு வங்கிகளை நாட்டுடமை என அறிவித்தார், சில வங்கிகள் இணைக்கபட்டன‌

ஆம் அவர்தான் இன்றைய காட்சிகளுக்கு முன்னோடி, வங்கிகளை
நாட்டுடமை ஆக்கியது சாதரண விஷயம் அல்ல‌

அதன் பின் காங்கிரஸ் 1990களுக்கு பின் மன்மோகன் ப.சி காலத்தில் பல தாராளமயமாக்கலை வங்கிகளில் செய்தது, கடன் பெறும் வசதிகள் எளிதாயின, பணம் அள்ளி எறியபட்டது

இதில்தான் பெரும் மாபியாக்கள் எல்லாம் உருவானார்கள், விஜய் மல்லையா, நீரவ் மோடி இன்னபிற வகையறா எல்லாம் இந்த பொற்காலத்தை பயன்படுத்தியவர்கள்

வாங்கிகொண்டே இருப்பார்கள், திருப்பி கட்டமாட்டார்கள், வங்கிகளும் ஏதும் கேட்காது, காரணம் சட்டங்கள் அம்மாதிரி தாராளமயமாக இருந்தது

பாஜக அரசு வந்ததில் இருந்து வாராகடன்களை குறிவைத்தது , சட்டங்கல் இறுகின விஜய் மல்லையா போன்ற கோஷ்டி தப்பி ஓடியது

இப்பொழுது இந்திரா எடுத்த நடவடிக்கை போல வங்கி இணைப்பினை நிர்மலா சீத்தாராமன் எடுத்துள்ளார்

இது ஒன்றும் புதிதல்ல, இந்தியாவில் 10 வருடம் முன்பே வரவேண்டிய திட்டம் தாமதமாகி இப்பொழுது வந்திருக்கின்றது

உலகளாவில் எல்லா வங்கிகளுமே இணைகின்றன, சிங்கப்பூர் கடந்த 6 , 7 வருடமாக இதை செய்துகொண்டிருக்கின்றது

இன்சூரன்ஸ் நிறுவணங்களும் அதையே செய்கின்றன, உலகலாவிய நிலையில் ஹாங்காங், ஜப்பான் நாடுகளின் இன்சூரன்ஸ் நிறுவணங்கள் இப்படி நிறைய இணந்துவிட்டன‌

எமக்கு தெரிந்து ஒரு ஜப்பானியர் 2011லே சொன்ன விஷயம் இது

போட்டிகள் அதிகமாகிவிட்ட உலகம் இது, அது வங்கி முதல் இன்சூரன்ஸ் வரை வருகின்றது

அரேபிய வங்கிகள், ஐரொப்பிய பராகசுர வங்கிகள் எல்லாம் ஒருவிதமான கருப்பு சந்தை பணம் போல் அடித்து விளையாடுகின்றன‌

வங்கிகள் என்பது சாதாரணம் அல்ல, நாட்டின் பணவரவின் முகம் என்பதால் அரசுகள் கடும் விழிப்பாய் கண்காணிக்கும்

வங்கிகளும் பல சிக்கல்களில் இருக்கின்றன, போட்டிகள், ஏடிஎம் மிஷின் பராமரிப்பு போன்ற செலவுகள், அதற்கு பின் இருக்கும் சிக்கல்களுக்கான பெரும் பணம் என அவற்றிற்கும் செலவு அதிகம்

இந்த செலவினை எப்படி ஈடுகட்டுவது? இரு கம்பெனிகள் சேர்ந்து ஆட்குறைப்பினை செய்துதான் ஈடுகட்ட முடியும்

அதாவது இரு வங்கியிலும் தலா 1000 பேர் இருந்தால் இரு கம்பெனிகள் இணையும்பொழுது 2000 பேர் ஆகிவிடுவார்கள் அல்லவா?

ஆனால் இரு வங்கி இணைந்தாலும் வேலை ஓன்றுதானே, இதனால் ஆட்குறைப்பு உள்ளிட்டவை செய்யலாம் இன்னும் பல புரிந்துணர்வுபடி போட்டிகளை சமாளித்து மார்கெட்டில் தாக்கு பிடிக்கலாம்

இது வங்கி மட்டுமல்ல விமான போக்குவரத்து, தயாரிப்பு உட்பட பெரும் பணம் விளையாடும் எல்லா இடங்களிலும் நடகின்றது

உலகெல்லாம் இந்த மாற்றம் 2010களிலே வந்தாயிற்று, ஏகபட்ட இணைப்புகள் நடந்தேறின‌

குறிப்பாக 2008 நெருக்கடிக்கு பின் அதிகம் நடந்தது, இது இந்தியாவிலும் அன்றே நடந்திருக்க வேண்டும்

வங்கிகள் இணைப்பு என்பதும் புரிந்துணர்வு என்பதும் கால காலமாக வெள்ளையன் காலத்தில் இருந்து இன்றுவரை உலகெல்லாம் நடக்கும் நடைமுறை, சில சீர்திருத்தங்களை செய்யும்பொழுது செய்வார்கள்

நிச்சயமாக இதை காங்கிரஸ் அரசுதான் செய்திருக்க வேண்டும் அவர்கள் செய்யவில்லை அதை பாஜக அரசு செய்திருக்கின்றது

முன்பு இந்திரா வங்கிகளை நாட்டுடமை ஆக்கியபொழுது பெரும் அதிர்ச்சி ஏற்பட்டது, ஆனால் இந்திரா கண்டுகொள்ளவில்லை முறைபடி பத்திரிகையாளரிடம் பேசவும் இல்லை

அதுதான் சர்வாதிகாரம்

ஆனால் நிர்மலா பத்திரிகையாளரை சந்தித்தார் முறைப்படி விஷயங்களை சொன்னார், அரசின் நிலைப்பாட்டினை விளக்கினார்

இதுதான் ஜனநாயகம்….

ஆக அய்யய்யோ கோஷ்டி வழக்கம் போல அய்யய்யோ வங்கிகளுக்கு இந்த நிலையா? அகத்தியன் காலத்திலிருந்து பழனிச்சாமி காலம் வரை இப்படி நடந்ததே இல்லையே என ஒப்பாரி வைக்கும்

அதை எல்லாம் புறந்தள்ள வேண்டும்

காலத்துக்கு ஏற்ப இங்கு வங்கிகளும் அதன் முகங்களும் இணைப்புகளும் மாறி வந்து கொண்டேதான் இருக்கின்றன, அது இப்பொழுது தொடர்ந்திருக்கின்றது அவ்வளவுதான் விஷயம்

2010ல் காங்கிரஸ் அரசு செய்ய தவறியதை நிர்மலா செய்திருக்கின்றார் என்பதை தவிர சொல்ல ஒன்றுமில்லை

Advertisements

மலேசிய சுதந்திர தினம்

மலேசிய சுதந்திர தினம்,வழக்கமான உற்சாகத்துடன் கொண்டாடபட்டு கொண்டிருக்கின்றது

திரும்பும் இடமெல்லாம் தேசிய கொடி பறக்கின்றது, எல்லோர் குரலும் உற்சாகமாக மெர்டேக்கா அதாவது சுதந்திரம் என சொல்லிகொண்டிருக்கின்றார்கள்

அக்காலத்தில் இருந்தே எல்லா கிழக்காசிய நாடுபோல இங்கும் தமிழர் தொடர்பு இருந்திருக்கது, மலைநாடு என்ற பெயர் மலேயா ஆனது என்பார்கள்.

ஆனால் பின்னாளில் பர்மா போல மிக நெருக்கமான தொடர்பு இல்லை. காரணம் பர்மீய நிலம் நெல்லுக்கு உகந்தது, ஆறுகள் அதற்கு பெரும் உதவி. அதனால் செட்டியார்கள் கவனம் அங்கேதான் குவிந்தது.

இந்தியா போலவே மலேயாவிற்கு போர்த்துகீசியர் முதலில் வந்தனர், தொடர்ந்து டச்சுக்காரன் அதன் பின் பிரிட்டிசார் வந்து ஆட்சியினை பிடித்தனர். வெள்ளையன் எதனையும் வியாபார கண்ணோட்டத்தோட பார்ப்பவன், அதுவும் மக்கள் ஒத்துழைத்துவிட்டால் அத்தேசத்தையே மாற்றிவிடுவான்

மலேசியா மலை+மழை வளம் மிகுந்த நாடு,அரிசி, கரும்பு, பருத்தி சரிவராது, இம்மாதிரி இடங்களில் தேயிலைதான் உகந்தது. ஆனால அதற்கு அதிகாலை பனிவேண்டும். அதற்காக பனியினை இறக்குமதி செய்யவோ உருவாக்கவோ முடியாது. அம்மண்ணிற்கு ஏற்ற பொருத்தமான பணபயிர் ரப்பர் மரம்.

அதனை ஆரம்பித்தான் குறைவான மக்கள் தொகை கொண்ட மலேய மக்களை கொண்டு பெரும் ரப்பர் தோட்டத்தை பராமரிக்கமுடியவில்லை, தமிழகத்திலிருந்து தொழிலாளர்களை கப்பல் கப்பலாக ஏற்றிவந்தான்.

மலேசியாவின் இன்னொரு வளம் தாதுமணல் போன்றது, சீனத்திலிருந்து ஏராளமான சீனர்கள் வந்து குவிந்தனர், அப்படியாக வளர்ந்த மலேயா ஜப்பானியரிடம் சில காலம் சிக்கி இருந்தனர், பின் மறுபடியும் பிரிட்டன் பிடித்துகொண்டது.

ஆசிய காலணிகள் எல்லாம் விடுதலைபெற்றபோது அவர்களும் பெற்றார்கள், அதாவது இரண்டாம் உலகப்போர் முடிந்து இந்தியா போன்ற யானைகளை அவிழ்த்துவிட்ட வெள்ளையன் , மலேசியா போன்ற கன்றுகுட்டிகளையும் சுதந்திரமாக விட்டான்

மலேசியா வெள்ளையன் காலத்தில் தன்னை உருமாற்றிகொண்ட நாடு, வளர்ந்துகொண்டே இருந்தார்கள், இந்தியா அளவு பெரும் சுதந்திர போராட்டம் நடந்ததாக சொல்லமுடியாது, ஆனால் மலேசிய நலன்களை பெற அவர்கள் தவறியதே இல்லை, அதற்காக கட்சிகளும் சங்கங்களும் இருந்தன.

இந்தியா அவ்வகையில் சுதந்திரத்திற்கு பெரும் போராட்டம் நடத்தியது, ஆனால் ஆனந்த சுதந்திரம் கிடைத்ததும் நாம் தூங்கிவிட்டோம், இன்னும் எழவில்லை.

அதாவது சுதந்திரம் மட்டும் போராட்டமல்ல, கிடைத்த சுதந்திரத்தில் நாட்டை நாடாக வைத்திருக்க தினமும் போராட்டம் தேவை, விழிப்பு தேவை

மலேசியர்கள் அப்படி சுதந்திரத்திற்கு பின்பே கடுமையாக போராடி அந்நாட்டின் நற்பெயரினை நிலைக்க செய்துகொண்டிருக்கின்றார்கள். வெள்ளையன் காலத்தில் உச்சத்தில் இருந்து இன்று தரித்திர தேசமாக மாறிவிட்ட எத்தனையோ நாடுகள் உண்டு.

ஆனால் மலேசியா அவ்வகையில் தொடர்ந்து தன் நிலையினை தக்க வைத்தே வருகின்றது.

இந்நாடு எதிர்கொண்ட சவால்கள் கொஞ்சமல்ல, ஆனால் மக்கள் ஒற்றுமையாக தேசம் எதிர்கொண்ட சவாலை எல்லாம் முறியடித்தார்கள்.

சுதந்திர தொடக்கத்தில் கம்யூனிச போராளிகள் பெரும் சவால், தைரியமாக எதிர்கொண்டார்கள், அதில் முழுவெற்றி பெற்றார்கள். சிங்கப்பூருடன் சர்ச்சைகள் வந்தபொழுது தனியாக பிரித்துகொடுத்து அமைதி காத்தார்கள்.

விட்டுகொடுத்தார்கள், இதோ இருவருமே வாழ்கின்றார்கள். இலங்கை போல யுத்தம் நடத்தி பின் தங்கவில்லை அல்லது இந்தியா பாகிஸ்தான் போல பெரும் ராணுவம் திரட்டி வன்மம் வளர்க்கவில்லை, அமைதி அவர்களை வாழவைக்கின்றது

அதன் பின் செயற்கை ரப்பர் வந்து அவர்கள் பொருளாதரமான ரப்பரை அடித்தது, அதனை பாமாயிலுக்கு மாறி தாக்கு பிடித்தார்கள்.

தாதுமணல் சுரங்கங்களால் சுற்றுசூழல் பிரச்சினை வந்தபொழுது அதனை மூடிவிட்டு தொழில்துறையால் ஈடுகட்டினார்கள். எல்லா பிரச்சினைகளையும் எதிர்கொண்டு, போராடிவென்று நிற்கின்றார்கள் என்றால் அதன் முதல்காரணம் மக்களும், அவர்களை காத்து நிற்கும் அரசாங்கமும்.

அரசும் மக்கள் மேல் வைத்திருக்கும் அக்கறை கொஞ்சமல்ல, மக்களின் வாழ்க்கையினையும் அவர்கள் பாதுகாப்பினையும் அரசாங்கம் உறுதிசெய்துகொண்டே இருக்கும், எல்லா வகைகளிலும்.

உதாரணம் ஒருவனுக்கு டெங்கு என வந்து அது மருத்துவமனையில் உறுதிசெய்யபட்டால் சுகாதாரதுறைக்கு தெரிவிக்கபடும், அவர்கள் வீட்டிற்கே வந்து அதன் சுத்தம், நீர் வடிகால் என எல்லாம் சோதிப்பார்கள், அப்படி அவ்வீடு நோய்களின் கூடாரம் என்றால் வீட்டுக்காரருக்கு கடும் அபராதம்.

ரெஸ்டாரண்டுகளின் சமையல் கூடம் கூட அடிக்கடி சோதனைகு உட்படுத்தபடும்.

இதுபோன்ற ஏராளமான விஷயங்களை சொல்லலாம், இரவில் மட்டும் செய்யபடும் சாலை பராமரிப்பு, மின் தடங்கல் என்றால் ஜெனரேட்டர் கொடுத்து மக்கள் வாழ்க்கை பாதிக்கபடாத வசதி கொடுப்பது, குடிநீர் பாதுகாப்பு என விழுந்து விழுந்து பராமரிக்கின்றது அரசு.

அதனால்தான் எல்லாம் முறையாக இயங்குகின்றன, முடுக்கு தகறாறு, வரப்பு தகறாறு , வம்புகளுக்கு எல்லாம் மக்களுக்கு வாய்பில்லை

மக்களும் அரசினை கண்காணித்துகொண்டே இருக்கின்றார்கள், எல்லோர் வீட்டிலும் காலை 5.30 மணிக்கெல்லாம் செய்திதாள் விழுகிறது. எல்லோரும் அரசினை பற்றிய விழிப்புடனே இருக்கின்றார்கள். அரசும் ஒரு சலசலப்பு ஏற்பட்டாலும் மக்கள் குரலுக்கு செவிசாய்க்க தயங்குவதில்லை.

மூவினங்களுக்கும் எல்லா பிரதிநிதித்துவமும் கிடைப்பதில் கவனமாக இருப்பார்கள், அரசு முதல் எல்லா இடங்களிலும் எல்லா சர்விகிதமும் சரியாக இருக்குமாறு பார்த்துகொள்வார்கள், மத கொண்டாட்டமும் அப்படியே

உலகிலே தைபூசத்திற்கு விடுமுறை அளித்திருக்கும் நாடு இது ஒன்றே, அந்த அளவு மன உணர்வுகளை மதிக்கின்றார்கள்.

எல்லா மக்களும் கல்வி பெறவும், எல்லா மக்களுக்கும் வேலை கொடுப்பதிலும் அரசு கருத்தாக இருக்கின்றது, காலியிடங்களை வெளிநாட்டு பணியாளர்களை கொண்டு நிரப்புவதிலும் அது உதவுகின்றது.

நாம் பாகிஸ்தானை பார்த்து ஒப்பீட்டுகொள்வது போல அல்ல இவர்கள், மக்களுக்கு மேல்நாட்டு அரசுகள் எப்படி வசதி செய்துகொடுக்கின்றன என்பதில் கருத்தாக இருப்பார்கள். அது நவீன ரயிலோ, பேருந்தோ இன்ன பிற வசதிகளோ

அங்கு அறிமுகமான கொஞ்ச்நாளில் இங்குள்ள மக்களிடம் கொண்டு சேர்த்துவிடுவார்கள், எது எப்படி போனாலும் நாடு நவீன மயத்தில் தன்னை மேம்படுத்தி கொள்ளவேண்டும், மேல்நாட்டு மக்களுக்கு தங்கள் மக்கள் பின் தங்கிவிட கூடாது எனும் அசாத்திய கவனம், அக்கறை.

ஒரு ஐரோப்பிய வெளிநாட்டவன் வந்தால் அவன் சொந்த நாட்டிற்கும் இந்த ஊருக்கும் எந்த வித்தியாசமும் கண்டுவிட கூடாது என கவனமாக அமைக்கபட்டிருக்கும் நகரம் இது.

நான் பார்த்து சிலாகிப்பது ஒரே ஒரு விஷயம், மக்கள் மகா சுதந்திரமான வாழ்வு வாழ்கின்றனர். தனிபட்ட சுதந்திரத்தினை கொண்டாடி தீர்க்கின்றனர், ஆனால் எது அதன் எல்லை என்பது தெரிகின்றது. சமூக அமைதி என்பதை பெரிதும் விரும்புகின்றனர். அது பொதுஇடங்கள் முதல் எல்லா இடங்களிலும் தெரிகின்றது. நெரிசலில் ஒரு ஹாரன் சத்தம் கூட கேட்காது.

அழகான நாடு, அழகான சாலைகள். போக்குவரத்து நெரிசலில் கூட அழகு தெரிவது அங்கேதான். நூல் பிடித்தது போல அழகான நேர்த்தியான வரிசையில் வாகனம் நிற்கும்.

மக்களுக்கு தங்கள் பொறுப்பு தெரிகின்றது. எந்த இனமானாலும் புன்னகை பூத்த முகத்துடன் தாங்கள் மலேசியர் என்றே பெருமை கொள்கின்றனர். புன்னகை பூத்த மக்கள், காவலர்கள் கூட புன்னகைத்தபடியேதான் பணிபுரிவர், ஆனால் குற்றவாளிகளை வேறாகவும், பொதுமக்களை வேறாகவும் அவர்கள் கையாள்கின்றனர். பொது இடங்களில் முகவரி தெரியாதவர்களை மிக கனிவாக உதவுவார்கள்.

வஞ்சமிலா புன்னகை மலேசிய மக்களின் பெரும் அடையாளம், பெரும் பேராசை பொதுவான மக்களிடம் இல்லை. ஒரு வீடு ஒரு வாகனம் ஓரளவு வருமானம் போதும், குழந்தைகளை வளர்க்கலாம் பெரியவர்களானதும் அவர்கள் வாழ்க்கை அவர்கள் கையில், அவர்களும் அரசு கடனோ சொந்த உழைப்பிலோ படிப்பார்கள், வரதட்சனை இல்லை, பேராசை இல்லை பின் என்ன?

பணம் இருக்கின்றதா உலகம் சுற்றுவார்கள், ஜப்பான் முதல் கனடா வரை சுற்றி கொண்டாடுவார்கள், கடைசி காலத்தில் அமைதியாக கண்மூடுவார்கள்

எனக்கு தெரிந்த ஒரு வடைசுடும் பாட்டி உலகெல்லாம் சுற்றி இருக்கின்றார், கிழக்காசிய நாடு எல்லாம் சுற்றியாகிவிட்டதாம், சமீபத்தில் ஐரோப்பா பார்த்துவிட்டாராம், இனி கனடா செல்லவேண்டுமாம். அவரது பணியாள் ஒரு இந்தோணேஷிய பெண். அவரையும் கூட்டிகொண்டே செல்வாராம்.

அவருக்கு மாவாட்டிகொடுத்திருந்தால் கூட நானும் உலகம் சுற்றி இருக்கலாம், என்னசெய்ய அதற்கும் விதிவேண்டும்.

நாட்டு பொறுப்பு நிறைந்த மக்களும், மக்கள் பொறுப்பு கொண்ட நிர்வாகமும் அமையும் பட்சத்தில் ஒரு நாடு எப்படி உயரமுடியும் என்பதற்கு இந்நாடே சாட்சி. அதுவும் பல இன மக்கள், பல சமய மக்கள் எப்படி மகா ஒற்றுமையாக வாழமுடியும் என்பதற்கும் இந்நாடே சாட்சி.

இங்கு எல்லா நாட்டு மனிதர்களும் உண்டு, எல்லா நாட்டு உணவுகளும் உண்டு. ரசித்து பார்க்க அவ்வளவு விஷயங்கள் உண்டு.

எல்லாவற்றையும் புன்னகையால் கடந்து செல்லும் மலேசிய மக்கள் மனதிற்கு மழை அப்படி கொட்டுகின்றது.

அலுவலகம் தோறும், இல்லங்கள் தோறும் அவர்களின் தேசியகொடி கம்பீரமாக பறக்கின்றது, வானொலி பத்திரிகை எல்லாம் அவர்கள் கடந்துவந்த பாதைகளை, மக்கள் பொறுப்பினை சொல்லிகொண்டே இருக்கின்றார்கள், அப்படி ஆவணபடுத்தி இருக்கின்றார்கள்.

நிச்சயமாக சொல்லலாம் பல இனம் கலந்து வாழும் நாடு எப்படி இருக்கவேண்டும் என்பதற்கு அவர்களே சாட்சிகள், வாழும் உதாரணங்கள்.

இரண்டாம் உலகபோரின்பொழுது மலேயா கடுமையாக பாதிக்கபட்டது, அதன் பின் எழும்பியது. பொதுவாக பிரிட்டிசார் அடிப்படை அமைப்புக்களை அழகாக அமைப்பார்கள், மலேசியா அதனை தொடர்ந்து புதுப்பித்துகொண்டது, இந்தியா அதனை செய்ய தவறிவிட்டது, இங்கு ஆயிரம் சிக்கல்கள், வேறுமாதிரியான பிரச்சினைகள்,

சமூக அமைதியும் விட்டுகொடுத்தலும் மகா அவசியம், சிங்கப்பூர் மலேயா அப்படித்தான் அமைதியாக் வாழ்கின்றன, இரண்டும் பகை நாடுகள் அல்ல, இருவரும் ராணுவத்திற்கு செலவழிப்பவர்கள் அல்ல‌

ஆனால் பாகிஸ்தானும் இந்தியாவும் அதில்தான் தங்கள் பணத்தினை செலவளிக்கின்றன, அதுவும் 10 வருடம் முன்பு வாங்கிய ஆயுதம் இன்று பழையதாகிவிடும், வாங்கிகொண்டே இருக்கவேண்டும், பின் எப்படி தேசம் வளரும்.

ஆயுதம் விற்கும் தேசம்தான் வளரும்.

பிரிட்டிசார் எங்கும் பிரிவினை வைத்தே ஆண்டனர், இந்தியாவில் இந்து முஸ்லீம், இலங்கையில் தமிழர் சிங்களர், பர்மாவில் தமிழர் பர்மீயர் என அவர்கள் அரசியல் அப்படி இருந்தது, பின்னாளில் மலேசியாவும் அப்படியான பிரச்சினைகளுக்கு முகம் கொடுத்தது

பர்மா சீரழிந்துவிட்டது, இலங்கை விவகாரம் உலகறிந்தது, இந்தியா பாகிஸ்தான் மகா பிரசித்தம்.

ஆனால் அசால்ட்டாக தாண்டி இன்று பலநாட்டு மக்களை விட‌ முண்ணணியில் தன் மக்களை வாழ்வாங்கு வாழ வைக்கின்றது மலேயாவும் சிங்கப்பூரும்

வன்மத்தாலும் விரோதத்தாலும் வீழ்ந்தவர்கள் அவர்கள். அன்பாலும் சகோதரத்துவத்தாலும் வாழ்வாங்கு வாழ்பவர்கள் இவர்கள், அன்பும், நம்பிக்கையும், சகோதரத்துவமே அமைதியாக வாழ வழி என சொல்லிசாதித்திருப்பவர்கள் இவர்கள்.

அதனைத்தான் நினைத்தாலே இனிக்கும் படத்தில் பாடலாக வைத்தார் கவியரசர்,” நண்பர் உண்டு , பகைவர் இல்லை. நன்மை உண்டு தீமை இல்லை” என அந்நாடுகளை அழகாக பாடலில் வைத்தார்

சுதந்திர தினத்தினை கொண்டாடும் அவர்கள் பெருமிதத்தோடு கொண்டாடுகின்றார்கள், இன்னும் போராடி அவர்கள் உயர்ந்த இடத்தில் வைத்திருக்கும் காத்துகொண்டிருக்கும் பெருமையான அவர்கள் கொடி எல்லா இடங்களிலும் பறக்கின்றது.

பல இனங்கள் வாழும் நாடு எப்படி இருக்க வேண்டும், நாட்டு மக்கள் எப்படி பொறுப்பாக இருக்க வெண்டும் என்பதற்கு மிக சிறந்த நாடு மலேசியா

மிகசிறந்த ஆட்சியாளரான மகாதீர் முகமது மறுபடியும் நாட்டின் சுக்கானை பிடித்து வழிநடத்துவதால் அவர்களுக்கு கூடுதல் உற்சாகம்

அவர்களுக்கு இனிய சுதந்திர தின வாழ்த்துக்கள்

தெய்வீக கவிஞர் கண்ணதாசனின் “யாதும் ஊரே யாவரும் கேளிர், அன்பே எங்கள் உலக தத்துவம்” பாடல் மனதோரம் ஒலிக்கின்றது, அவ்வளவு அர்த்தமுள்ளதாக அவர் எழுதியிருப்பார்

மலேய மக்களின் மனமும் நாட்டின் செழுமையும் அப்படி சொல்லியிருப்பார் அவர்.

அந்த பாடல் எல்லா காலமும் பொருந்திவருகின்றது என்பதுதான் மகிழ்ச்சிகுரியது, அவர்கள் நாட்டிற்காக அவர் எழுதிய அற்புதமான பாடல்.

எமது ஊருக்கும் மலேசியாவுக்குமான தொடர்பு அக்காலத்தில் இருந்தே அதிகம், விவசாயம் பொய்த்த 18ம் நூற்றாண்டின் கடைசியிலே ஏற்பட்ட தொடர்பு அது

எங்கள் ஊரை ஒரு காலத்தில் இந்நாடுதான் வாழவைத்தது, அங்கு உருவாகியிருக்கும் வயல்கள் முதல் ஆலயம் வரை எல்லாம் இந்நாடு கொடுத்தது

அந்த நன்றிக்ககத்தான் நாமும் இங்கு வந்தொம், எமக்கும் கிட்டதட்ட 10 ஆண்டுகளுக்கு மேல் சோறுபோட்டு இன்னும் என்னவெல்லாமோ போட்டு பாதுகாக்கின்றது

பாரதி சொல்வான் காசி எனும் நகரில்தான் நான் உருவானேன், எட்டையாபுரத்தில் இருந்தால் சாதாரண வியாபாரியாக வாழ்ந்து மரித்திருப்பேன், காசி என்னை வளர்த்தது என மனமார சொன்னான் பாரதி

பர்மா தமிழர் வரலாறுகளில் கலைஞருக்கு ஒரு மயக்கம் இருந்தது, அவரது எழுத்துக்களில் அது மின்னும், “ரங்கூன் என்னை வளர்த்தது , உயர்ந்தவனாக்கியது” என்ற பராசக்தி வசனம் அதுதான்

அப்படி எம்மால் மிக உறுதியாக சொல்லமுடியும், இந்நாடு என்னை வளர்த்தது எவ்வளவோ அனுபவங்களை எமக்கு கொடுத்தது

அதில்தான் இந்த உலகையும் உலக இனங்களையும் அருமை இந்தியாவினையும் உற்றுபார்க்க முடிகின்றது

இந்நாட்டுகு எந்நாளும் நன்றியுள்ள மனதை இறைவன் எமக்கு அருளட்டும், இந்நாடு எமக்கு கொடுத்த நல்ல விஷயங்கள் அப்படி ஏராளம்

அந்த தேசம் வாழ்வாங்கு வாழட்டும், மலேசியர் மனம்போல் மிக உயர்ந்து நிலைத்து வாழட்டும்

அவர்களின் கொடி இன்று போல் என்றும் உயர பறக்கட்டும்…

கொட்டும் மழை போல் எல்லா ஆசீகளும் அந்நாட்டுக்கு கொட்டிகொண்டே இருக்கட்டும்

இந்தியாவுக்கே கோபம் வந்துவிட்டது

ரஷ்யா தன் ஆயுத விளையாட்டை இம்முறை வேறுமாதிரி ஆட இந்தியாவுக்கே கோபம் வந்துவிட்டது, சரிதான் போய்யா என பாதியில் கிளம்பிவிட்டது இந்திய குழு

அதாவது இந்திய ரஷ்ய கூட்டுதயாரிப்பான பிரம்மோஸ் போல இந்தியாவும் ரஷ்யாவும் இணைந்து 5ம் தலைமுறை போர்விமானமான ஸெடெல்த் நுட்பத்துடன் கூடிய சு 57 ரக விமானங்களை தயாரிக்க முடிவு செய்தன‌

ஆனால் ரஷ்யா தொழிநுட்பத்தை தரமுடியாது, தகரமும் பெயின்டும் நீங்கள் கொண்டுவாருங்கள் இன்சினும் தொழில்நுட்பமும் நாங்கள் மாட்டுகின்றோம் ஆனால் விலையில் பாதியினை நீங்கள் கொடுக்க வேண்டும் என்றது

ஆகா பெயிண்டும் தகரமும் இன்னும் சிலவும் கொடுத்து பெரும் பணமும் கொடுத்து இவ்வளவு விலையில் விமானம் வாங்கவா? நாம் என்ன கேணையர்களா? தொழில் நுட்பம் தராமல் எப்படி என இந்தியா எதிர்த்தது

ரஷ்யாவோ நீ முறுக்கு கொண்டுவா நான் கல் கொண்டு வருவேன் இருவரும் சேர்ந்து இடித்து உண்ணலாம் என தன் வழக்கமான பிடிவாதத்தில் இருந்தது

அவர்கள் கேட்கும் பணத்திற்கு பத்து ரிசர்வ் வங்கியும் அதன் உபரி நிதியும் மொத்த நிதியும் இன்னும் கலாநிதி தயாநிதி உதயநிதியின் மொத்த சொத்தையும் கொடுத்தாலும் போதாது

அவ்வளவு விலை

இதனால் ஆட்டத்துக்கு நாங்கள் வரவில்லை என துண்டை உதறி தோளில் போட்டுவிட்டு கிளம்பியது இந்தியா

நீ வரலண்ணா போ, அதோ அவர் வருவார்ல என சீனாவினை இழுக்கின்றது ரஷ்யா

ஆம் சு 57 எனும் நவீன விமானத்தை சீனாவுடன் சேர்ந்து தயாரிப்போம் என்பது போல் பாவனை காட்டுகின்றது

அதாவது இப்படி சொன்னால் அய்யன்மீர் எவ்வளவு செலவானாலும் நாங்கள் தருகின்றோம் என இந்தியா ஓடிவரும் என்பது அவர்கள் கணக்கு

ஆனால் அவர்கள் சீனாவிடமே செல்லட்டும் நிச்சயம் இந்த விலைக்கு சீனா ஒத்துவராது, நம்மிடமே வருவார்கள் அப்பொழுது வைத்துகொள்ளலாம் என திட்டமிடுகின்றது இந்தியா

ஆக விவகாரம் பருத்திவீரன் பட பாணியில் செல்கின்றது

ஆட்டத்தின் பாதியில் இவனுக இன்னும் எத்தனை குடிய கெடுக்க போறானுகளோ என தலையில் அடித்தபடி வந்துவிட்டது இந்தியா

ரஷ்யாவோ “அண்ணே சீனா அண்ணே, கயிரோடு கிளம்பிட்ட‌ போறியாண்ணே, உலகத்த கட்டி இழுக்க போறியாண்ணே.. உனக்கென்ன ஒருநாளு உலக வல்லரசாயிருவ..” என்றபடி ஆட்டத்துக்கு சீனாவினை அழைக்கின்றது

சீனாவும் “ஐரோப்பாவுல தான் நீங்க கிங்கு, ஆசியாவுல நாங்கதான். உடனே பிளைட் செஞ்சி டிரம்ப் மூஞ்சில குத்தணும்..” என சொன்னபடியே செல்கின்றது

இருந்து பாருங்கள், அதே கயிரோடு சீனா கொஞ்ச நாளில் கயிரோடு அழுது கொண்டுவரும், யாராவது “என்னண்ணே உலகை கயிறு கட்டி இழுக்க போகின்றீர்களா” என கேட்டால் “ம்ம்ம் நாண்டுகிட்டு சாக, இவனுக இன்னும் எத்தனை குடிய கெடுப்பானுகளோ.. ” என தலையில் அடிக்கும் பதில் வரும்

உலகம் சொல்லும் உண்மைகளை நாம் சொல்லிவிட வேண்டும்

நாம் மோடி ஆதரவாளர் அல்ல, சங்கியும் அல்ல ஆயினும் சில உண்மைகளை அதாவது உலகம் சொல்லும் உண்மைகளை நாம் சொல்லிவிட வேண்டும்

தமிழக பத்திரிகைகளும் டிவிக்களும் சொல்ல தயங்கும் அல்லது மறைக்கும் விஷயத்தை உங்களிடம் சொல்கின்றோம், விசாரித்து பாருங்கள் தெளிவு கிடைக்கும்

விஷயம் காஷ்மீர் சம்பந்தமானது

இந்த 70 வருட இந்திய வரலாற்றில் மராட்டிய அதிகாரி, தமிழக அதிகாரி, பீகாரிய அதிகாரி ஆளுநர் இப்படி எங்காவது கேள்விபட்டதுண்டா

இன்னும் விளக்குகின்றோம் பஞ்சாபியரும், பீகாரியும், மராட்டியரும், தமிழகத்தில் கலெக்டர் சூப்பிரிட்டென்ட்டட் என பதவியில் இருப்பார்கள், தமிழர் வட மாநிலங்களில் இருப்பார்கள்

ஆனால் காஷ்மீரிகளை நீவீர் அப்படி கண்டதுண்டா, ராணுவத்தில் கூட அவர்கள் இல்லை

ஆம் 70 வருடமாக அவர்களை பொத்தி பொத்தி வைத்து தனிமைபடுத்திவிட்டோம் இந்தியர் என்ற உணர்வு இந்த திமுக இம்சைகளை போல அவர்களுக்கும் இல்லை

இந்த அரசு அதை உடைக்க நினைக்க்கின்றது, என்ன ஆனாலும் அவர்களை தேசிய நீரோட்டத்தில் கலக்க செய்யவேண்டும் என முடிவெடுத்துவிட்டது

முதற்கட்டமாக காவல்துறை, துணை ராணுவம் உள்ளிட்ட அமைப்புக்களில் நீ இந்தியன் இந்தியாவுக்கு பணியாற்றவா என அழைத்து கலக்க செய்கின்றது

அவர்களின் பள்ளி கல்லூரிகளில் அரச பணியிடங்களுக்கான தேர்வு பயிற்சிகள் அதிகரிக்கபடுகின்றன‌

நீ காஷ்மீரிதான் சந்தேகமில்லை ஆனால் இந்திய காஷ்மீரி இங்கு நாடெல்லாம் உனக்கு சகோதரர்கள் உண்டு, நாங்கெளெல்லாம் உனக்கு துணை நிற்கின்றோம் என தேசம் அவர்களை வரவேற்கின்றது

இது காஷ்மீருக்கு புதுசு, லடாக்கிற்கு புதிய அணுகுமுறை

இப்படி ஒரு காலத்தை அவர்கள் எதிர்பார்த்து இருந்தார்களோ என்னமோ ஆனந்ததுடன் ஓடிவருகின்றார்கள்

இப்பொழுதுதான் பெரும் சுவர் தகர்ந்தது போல் உணர்ந்து இந்திய நீரோட்டத்தில் கலக்கின்றார்கள்

70 வருடகாலமாக பழைய அரசுகள் ஏன் இதை செய்யவில்லை என்றால் அதுதான் தெரியவில்லை

இந்த அரசு மிக சரியாக அதை உடைகின்றது, காஷ்மீரிகள் இந்தியாவோடு இணைய எதை எல்லாம் செய்யவேண்டுமோ எதை எல்லாம் உடைக்க வேண்டுமோ அதை எல்லாம் உடைக்கின்றது

அந்த மகா 370 எனும் சுவர் இல்லை

பெரும் கோட்டைக்குள் தனித்து இயங்கிய மக்களை எம்மோடு கலந்து இந்தியராய் வாழுங்கள் என அழைத்து வருகின்றது இந்த அரசு

இது ஒவ்வொரு இந்தியனும் கைதட்டி வரவேற்க வேண்டிய அணுகுமுறை

மதமோ, இனமோ, மொழியோ எமக்கு சிக்கல் இல்லை, நீ ஒரு இந்தியனாய் எம்மில் கலந்துவிடு என உறவோடு கைநீட்டி அவர்களை அணைக்கின்றது இத்தேசம்

இதை தமிழக மீடியா சொல்லாது, கட்சிகளும் பேசாது

ஏன் என்றால் இவர்கள் பிழைப்பு ஓடாது

ஈழம் எரியும் பொழுது இங்கே எவ்வளவு ஆட்டம் ஆடினார்கள் இப்பொழுது எல்லாம் மகா அமைதி ஏன்?

ஆம் ஈழத்தில் இனி சண்டைக்கு வாய்ப்பில்லை குறுகிய மனப்பான்மையில் இருந்து வாருங்கள் நாமெல்லாம் இலங்கையர் என இலங்கை அரசின் வரவேற்புக்கு அங்கு பதில் கிடைத்தது

ஈழதமிழர் சிங்களரோடு இணைந்து நாம் இலங்கையர் என வாழ ஆரம்பித்தாயிற்று அமைதி திரும்பிற்று

ஈழமக்கள் அமைதியாக வாழ்வது இங்குள்ளோருக்கு சோகம், மகா சோகம்

ஒரு இனம் அழியும்பொழுது ஆடுவதும் அது வாழும் பொழுது சோகத்தில் மயான அமைதிகாப்பதும் தமிழக அரசியல் மற்றும் ஊடகத்தின் அயோக்கிய முகம்

அதே முகத்தை காஷ்மீர் விஷயத்திலும் தமிழக மீடியாக்களும் கட்சிகளும் காட்டுகின்றன‌

ஈழத்தை போல காஷ்மீரிலும் அமைதி திரும்பிற்று

வாருங்கள் நாம் இந்தியராய் வாழ்வோம் என்ற மிக அன்பான உறவுக்கு தேசமும் அரசும் கைகொடுக்கும்பொழுது அவர்களும் வருகின்றார்கள்

பலர் ஓடிவந்து தேச சேவைகளில் பங்கெடுக்கின்றார்கள்

அந்த ஒவ்வொரு இந்தியகாஷ்மீரிய சகோதரனையும் தேசிய நதியில் இணையவரும் அந்த ஒவ்வொருவரையும் கைகொடுத்து வாழ்த்தி நம்மில் ஒருவராக கலக்க செய்வது நம் கடமையும் தேசத்துக்கான சேவையுமாகும்

75 ஆண்டுகளாக அழுத அவர்களின் கண்ணீர் துடைக்கபடும் நேரமிது

அதில் நம் கரங்களும் இருக்கட்டும், அவர்கள் கண்ணீரை துடைத்து புன்னகைக்கும் முகங்களோடு அவர்களை அரவணைப்போம்

வாருங்கள் காஷ்மீரிகளே, இனி நாமெல்லாம் இந்தியர்கள். எங்கள் கரங்களை பற்றிகொண்டு உள்ளே வாருங்கள்

புதிய இந்தியாவினையும் புதிய காஷ்மீரையும் படைப்போம்

மனுஷ் அல்ல மாரிதாஸ் சென்றாலும் அவர்கள் வரவேற்று பேசுவார்கள்

பியுஷ் மனுஷ் திமுக அலுவலகம் போய் இருந்தா உயிரோட வந்து இருப்பாரா என பல கேள்விகள்

திமுக பற்றி நன்கு அறிந்ததால் சொல்கின்றோம், மனுஷ் அல்ல மாரிதாஸ் சென்றாலும் அவர்கள் வரவேற்று பேசுவார்கள்

பழைய தலமை என்றால் அவரை சந்தித்த கொஞ்ச நேரத்தில் மாரிதாஸ் அறிவாலத்து கழக கண்மணிகளில் ஒருவராகியிருப்பார்

ஆம் கலைஞரை சந்தித்தால் கண்ணீரோடு கதறி இனி நான் திமுக உடன்பிறப்பு என உருகியிருப்பார் மாரிதாஸ், அப்படி ஆக்கிவிடுவார் கருணாநிதி

தன்னை மிக கடுமையாக எதிர்த்த சோ ராமசாமி முதல் ஜெயகாந்தன் வரை தயக்கமின்றி சந்தித்த அறிவாலயம் அது

அந்த அளவுக்கு பேசியே உருக்கி வார்த்து வடித்துவிடுவார்கள்

இப்போதுள்ள தலமை அவர் அளவுக்கு உருக்காது எனினும் சந்திக்க தயங்காது

முறையாக அனுமதி கேட்டால் அறிவாலயம் இப்பொழுதும் கொடுக்கத்தான் செய்யும் , மனுஷ் போகலாம் சந்திக்கலாம் வரலாம்

ஆனால் திடீரென புகுந்து நான் சமூக ஆர்வலர் என அழிச்சாட்டியம் செய்தால் அறிவாலயம் அல்ல, அன்ன சத்திரத்திலும் அடிக்கத்தான் செய்வார்கள்

ரஷ்யாவும் ஆதரித்துவிட்டது

காஷ்மீர் விவகாரத்தில் அமெரிக்கா இந்தியாவினை ஆதரித்துவிட்ட நிலையில் ரஷ்யாவும் ஆதரித்துவிட்டது

மோடி விரைவில் ரஷ்யா செல்ல உள்ள நிலையில் ரஷ்யாவின் சில அறிவிப்புகள் இந்தியாவுக்கு சாதமாக உள்ளது

உலக அரங்கில் யுத்தம் என்றால் அமெரிக்கா பதுங்கும் ஆனால் ரஷ்யா நேருக்கு நேர் வரும்

ஆனால் உலக அரங்கு ராஜதந்திரம் என்றால் அமெரிக்கா நேரடியாக வரும் ரஷ்யா பின்னால் இருந்து ஆடும்

இதனால் காஷ்மீர் விவகாரத்தில் ரஷ்யாவின் நிலை கணிக்கமுடியாதபடி இருந்தது, இப்பொழுது அவர்களும் சிம்லா, லாகூர் ஒப்பந்தபடி அமைதியாக செல்லுங்கள் என சொல்லிவிட்டார்கள்

ஆம் மிக முக்கியமான ஒன்றை தவிர்த்தார்கள் அது இந்தியாவுக்கு அனுகூலம் பாகிஸ்தானுக்கு பெரும் ஏமாற்றம்

ஆம் 1965ல் இந்தியாவின் சாஸ்திரியும் பாகிஸ்தானின் முகமது அய்யூப்கானும் செய்த ஒப்பந்தம் அல்லது அன்றைய சோவியத் யூனியன் முடித்திருந்த பஞ்சாயத்து

அதாவது அன்று காஷ்மீரை முழுக்க கைபற்றும் போரை தொடங்கினார் சாஸ்திரி, இந்தியா வெல்ல வாய்ப்பும் இருந்தது ஆனால் அமெரிக்க தலையீடு மெதுவாக வந்தது இதை தொடர்ந்து ரஷ்யா முந்தியது

ஒருவரையும் இன்றைய உஸ்பெக்கிஸ்தானும் அன்றைய சோவியத் யூனியனின் நகருமான தாஷ்கண்ட் நகருக்கு அழைத்து பேசினார்கள்

அதில் சமாதனமாக செல்லவேண்டும் என்ரார்கள் இன்னும் என்னவெல்லாமோ சொல்லி குழப்பி முடித்தார்கள், காஷ்மீர் பற்றி ஒரு முடிவுக்கு வரமாமே முடித்தார்கள்

முடித்தார்கள் என்பதை விட அமெரிக்க படை அங்கு காலூன்றுவதை ரஷ்யா தடுத்தது, எனினும் முழு காஷ்மீரையும் மீட்கும் முடிவில் இருந்த சாஸ்திரி அங்கேயே மர்மமாக செத்தார்

தாஷ்கண்ட் ஒப்பந்தபடி காஷ்மீர் விவகாரம் இந்தியாவுக்கு அனுகூலமில்லை

ஆனால் இன்றைய ரஷ்யா அது காலாவதியான ஒப்பந்தம் என்பது போல அதை மறந்து இந்தியா பக்கம் வருகின்றது, இது இந்தியாவின் ராஜதந்திர வெற்றி

மாபெரும் வெற்றி

நிச்சயம் ரஷ்யா நினைத்திருந்தால் 1965ல் என்ன பேசினோம் என குழப்பி அடித்திருக்கலாம் ஆனால் செய்யவில்லை

மோடி ரஷ்யா செல்லும் நிலையில் எஸ் 400 சிஸ்டம் விரைவில் ஒப்படைக்கபடும் என சொல்லிவிட்டது ரஷ்யா

ஆனால் இன்னொரு விஷயம் இந்தியாவுக்கு அனுகூலமானது அல்ல, நிச்சயம் அல்ல ஆனால் கிடுக்கிபிடி போட்டு நம் தலையில் கட்டுகின்றார்கள்

ஆம் மிக் 29 ரக விமானங்களை மேம்படுத்தி தருகின்றார்களாம், இது அவசியமே இல்லாதது, பெரும் ஏமாற்று வேலை

ஏற்கனவே மிக் ரக விமானங்கள் விபத்துகுள்ளாகின்றன, இதில் இன்னும் ஏன்?

அவை பழைய விமானங்கள் அவற்றை மேம்படுத்தி தருவார்களாம் எச்.,ஏ.எல் எனப்படும் நம் நிறுவணம் பழைய இயந்திரங்களை பொறுத்துமாம்

இதெல்லாம் சரிவராது

ஆயினும் எஸ்400 வாங்கும் பொழுது இந்த இம்சைகளையும் வாங்கு என கட்டாயபடுத்துகின்றது ரஷ்யா

தன் பழைய காயலான் கடை சரக்கையும் காசாக்க தெரிந்த நாடு அது..

எஸ் 400 விலை அதிகமாயிற்று என நினைத்து கொள்வோம் என தலையில் அடித்துகொண்டு இளம் யானையோடு சாகிடக்கும் அந்த பழைய சிங்கங்களையும் இழுத்துகொண்டு வருகின்றது இந்தியா

ஆயுத விவகாரம் இப்படித்தான்

நம் விமானம் தாங்கி கப்பல் அவர்கள் பழுது பார்க்கின்றார்கள், எஸ் 400 தருகின்றார்கள் எனும் பொழுது இந்த நாசமாய் போன மிக் ரகத்தையும் வாங்கி தொலைக்க வேண்டி இருக்க்கின்றது

எனினும் இன்னும் இருவாரங்களில் ரபேல் வந்துவிடும், விமானபடை பலம்பெறும்

இந்த மிக் 29 வைத்து என்ன செய்யலாம்?

அபிநந்தன் போல ஏதாவது சாகசவிமானி ஆச்சரியங்களை கொடுக்கலாம், வீரனின் பலம் ஆயுதத்தில் மட்டுமல்ல‌

மற்றபடி இவை தானக‌ விழுந்து சிலரை கொல்லாமல் இருந்தால் நல்லது.

தேசம் பல திறமையான விமான பொறியாளர்களை உருவாக்கி பெரும் நிறுவணங்களை ஆய்வுகூடங்களை செய்து நாமே சொந்தவிமானம் செய்யும் வரை இந்த கொடுமைக்கு முடிவில்லை

மோடி இனி ரஷ்யா செல்வார், பாரீசில் தனக்கு ஆங்கிலம் தெரியாது என்றும், படமெடுக்கும் பொழுது தன்னை ஓரத்தில் நிறுத்திய டிரம்பையும் எப்படி பழிவாங்குவார் தெரியுமா?

அதை இனி வரபோகும் படங்களில் பாருங்கள், அதை பார்த்துவிட்டு வசூல்ராஜா எம்பிபிஎஸ் படத்தில் வரும் பிரகாஷ்ராஜ் போல் டென்ஷ‌னாகி சிரிப்பார் டிரம்ப்

நாகர்கோவில் சுடலைமுத்து கிருஷ்ணன்

கலைகளுக்கும் தமிழுக்கும் பெயர் பெற்ற தென்னகத்தில் அதற்கு அடையாளமாய் பலர் உண்டு

அங்கிருந்து பலர் வந்தாலும் தனித்து அடையாளிமிட்டவர் என்.எஸ். கிருஷ்ணன்.

நாகர்கோவில் சுடலைமுத்து கிருஷ்ணன்.

வடசேரி பக்கம் மளிகை கடைகளில் பணியாற்றிவர், டென்னிஸ் கோர்ட்டில் எடுபிடி, பின் வில்லுபாட்டு கலைஞன் அதன் பின்புதான் நாடக கம்பெனி நடிகன்

தமிழ் திரையுலகம் பேசா படங்களிலிருந்து, பேசும் படங்கள் வந்த காலத்தில் அவர் நாடக கம்பெனியில் இருந்து சினிமாவிற்கு வந்தார். அக்காலத்தில் எம்ஜிஆர், கலைஞர் அறிமுகமான காலமது, அப்பொழுதுதான் அவரும் வந்தார். எம்ஜிஆர் அறிமுகமான சதிலீலாவதிதான் என்.எஸ்.கேவிற்கும் முதல்படம்.

அதுவரை தமிழ்சினிமா சீரியஸ் பாடலாக செல்லும், சிரிப்பு என்று பெரிதாக இருக்காது, அந்த சிரிப்பு காட்சிகளை சிந்திக்கும் விதத்தில் சொல்லும் நுட்பத்தை முதன் முதலில் தொடங்கியவர்தான் என்.எஸ் கிருஷ்ணன்

இன்று காமெடிகள் என்பது குடிப்பது, இரட்டை அர்த்தம் , மகன் தாயினை மிரட்டுவது, புனிதமான ஆசிரியர்களை கேவலபடுத்துவது, கடவுளை கலாய்ப்பது என தலைகீழாக திரும்பிவிட்ட காலம், அப்படி ஆகியிருக்கும் காலத்தில் கலைவாணரின் சிந்தனைகள் சுகமான நினைவுகளை கிளறுகின்றன‌

அவரது காமெடி சிந்திக்க வைத்தது, யார் மனதினையும் புண்படுத்தாமல் அது சிரிக்க வைத்தது. எது மூடபழக்கம், எது சிந்தனைக்குரியது என்பதை மிக அழகாக எதார்த்த காட்சிகளில் கொண்டுவந்தவர் அவர்.

அவரது புன்னகைகான முகமும், துடுக்கான பேச்சும், கலகலப்ப்பான சுபாவமும் அவருக்கு தனி இடத்தை பெற்று கொடுத்தது, குறுகிய காலத்தில் ஏராளமான படங்களில் நடித்தார்.

இரண்டாம் மனைவியாக கட்டிகொண்ட மதுரம் வந்தபின் இன்னும் அவரது படங்களுக்கு தனி மவுசு இருந்தது, அவரது பாடல்களும், அவரின் குரலும் தமிழ்சினிமாவின் தவிர்க்கமுடியா அடையாளமாயிற்று, புகழின் உச்சிக்கு சென்றார்.

அது தகுதியானதும் கூட, பலமுறை பார்த்தாலும் இன்றும் பொருந்தகூடிய அட்டகாசமான நடிப்பு நுட்பம் அது, கலகலப்பான முகத்துடன் அனாசயாமக கடந்தார் அவர்.
சில படங்களை இயக்கவும் செய்தார், ஏராளமான பாடல்களை சொந்தமாகவும் எழுதினார். அக்காலத்திலே சம்பாதித்து குவித்தவர் அவர். ஆனால் அள்ளிகொடுப்பதில் நிறைய அவருக்கு நிகர் அவரே.

அன்றைய காலத்தில் அவரிடம் உதவிபெறாதவர்கள் குறைவு, அள்ளி அள்ளி கொடுத்திருக்கின்றார். அது ஒரு கட்டத்தில் அவரை திவாலாக்கும் நிலைக்கும் சென்றபின்னும் அவர் மாறவில்லை, பின் சம்பாதித்துகொண்டார்.

திருட வந்தவனுக்கு சோறுபோட்டு அவர் வேலை கொடுத்த கதைதான் பின்னாளில் ஆனந்தம் படத்தில் வந்தது, அவர் வாழ்வில் நடந்த சம்பவம் அது.

அவர் தருமம் எனும் பெயரில் வருமான வரியினை மறைக்கின்றார் என சந்தேகபட்ட அதிகாரி, மாறுவேடத்தில் பொய் மகள் திருமணம் என கைஏந்தி நின்றதும், அப்போது அள்ளிகொடுத்த என்.எஸ்.கேவிடம் கண்கலங்கி, நீர் கர்ணன் அய்யா என கண்ணீர்விட்டு, இனியாவது ஒரு கணக்கு வையுங்கள் என சொன்னதும் அவரின் இளகிய மனதிற்கு எடுத்துகாட்டுகள், நடந்த உண்மை இது

இறுதிகாலத்தில் தன்னிடம் மருந்துவமனையில் பணகட்டுடன் சந்தித்த எம்ஜிஆரிடம் சில்லரையாக கொடு ராமச்சந்திரா, நிறைய பேருக்கு கொடுக்கலாம் என சொன்ன மனம் அவருடையது.

இப்படி ஏராளமான விஷயங்கள் அவரிடம் உண்டு, மதுரம் அவரிடம் மயங்கியதே அறிமுகம் இல்லா மதுரத்திற்கு அவர் அவசரத்தில் உதவியதால்தான், அந்த நன்றி காதலாயிற்று.

சீர்திருத்த கருத்துக்களை சொன்னாலும் காந்தி மீது அவருக்கு பெரும் மரியாதை இருந்தது, நாகர்கோவிலில் அன்றே காந்தி நினைவுதூண் நிறுவியது அவரே

ஒரு மனிதனுக்கு வாழ்வு வரும்பொழுது கூடவே சோதனைகளையும் அனுப்புவது இறைவனுக்கு பிடித்தமான ஒன்று, அதுவும் கலைஞர்கள் ஜாதகம் அப்படியானது.
அவருக்கு விதி லட்சுமிகாந்தன் உருவில் வந்தது, ல்ட்சுமி காந்தன் சினிமா பத்திரிகை நடத்தினார், அதாவது இன்றைய கிசுகிசு கசமுசா பத்திரிகை செய்திக்கெல்லாம் அவர்தான் முப்பாட்டன்.

பத்திரிகை செய்தி எனும்பெயரில் பலரை மிரட்டிகொண்டிருந்தார், பணம் வசூலித்துகொண்டிருந்தார் என அவர் மீது ஒரு சலசலப்பு இருந்தது
அக்காலத்தில் உள்ளவர்கள் கிசுகிசுவிற்கு அஞ்சியிருக்கின்றனர், சில சர்ச்சைகள் வெடித்திருக்கின்றன, அவருக்கு பல எதிரிகள் இருந்தார்கள்.

சர்ச்சை நடக்குபொழுது அந்த லட்சுமிகாந்தன் கொல்லபட்டார், பழி தியாகராஜ பாகவதர் மீதும் திட்டத்திற்கு உதவியதாக என்.எஸ் கே மீதும் விழுந்தது, அது பிரிட்டிசார் ஆண்ட காலம், யாரும் தப்பமுடியாது.

இன்று இருப்பது போல நடிகன் கார் ஏற்றி கொன்றுவிட்டு அசால்ட்டாக வெளிவருவது, பணத்தினை கொடுத்து காரியம் முடிப்பது எல்லாம் பிரிட்டிசார் காலத்தில் இல்லை.
வழக்கு நடக்கும்பொழுது சிறைவைக்கபட்டார் கிட்டதட்ட 3 ஆண்டு கால சிறைவாசம்,

திறமையான அக்காலத்து ராம்ஜெத்மலானியான வழக்கறிஞர் எத்திராஜின் வாதத்தில் குற்றமற்றவர் என விடுதலையானார் என்.எஸ் கிருஷ்ணன்
அந்த இடைவெளிக்கு பின் தியாகராஜபாகவதர் சரிந்தார்,

ஆனால் என் எஸ்கே பழைய இடத்தினை பிடித்தார், கலைவாணர் பட்டமும் அதன் பின்புதான் வழங்கபட்டது,நல்ல தம்பி போன்ற படங்களை அதன் பின்புதான் கொடுத்தார்.

திடீரென நோயில் விழுந்தார், அது கன்னத்து புற்றுநோயாக இருக்கலாம் என்கிறார்கள், பல் பிடுங்கிய இடத்தில் நிற்காமல் வந்த ரத்தம் அவர் உயிரை பிடுங்கிற்று
சாகும் பொழுது அவருக்கு வயது 49.

தமிழ் சினிமா உலகம் கோஷ்டி சண்டைக்கு பெயர்பெற்றது, அவ்வுலகத்தில் எல்லோருக்கும் பிடித்தமான, எல்லோரும் பழககூடிய ஒரு நடிகன் இருந்திருக்கின்றான் என்றால் அது நிச்சயம் என்.எஸ்.கே ஒருவர்தான்

சென்னையில் அவருக்கு சிலையும் உண்டு, அவர் பெயரில் அரங்கமும் உண்டு

மதுரத்துடன் அவர் செய்த காமெடிகள் காலத்தை கடந்தவை, அவரின் பாடல்கள் இன்றளவும் நினைவுக்கு வருபவை காரணம் எதார்த்த வாழ்வின் பாடல் அது

“எங்கே தேடுவேன் பணத்தை எங்கே தேடுவேன்”
“ஒண்ணில இருந்து இருபது வரைக்கும் கொண்டாட்டம்” போன்ற பாடல்கள் மாத சம்பளம் வாங்குவோரின் நிரந்தர கானம்.

எத்தனையோ விஷயங்களை ரசிக்கதக்க விஷயத்தில் சொன்னவர், சிரிப்பாக சிரிக்க வைத்து சிந்திக்க வைத்தவர்.
இயல்பாக வரும் பிறவி ஞானம் என ஒன்று உண்டு,

அது அவருக்கு, எம் ஆர் ராதா, பாலையா , நாகேஷ் போன்ற நடிகர்களுக்கு வாய்த்திருந்தது, அதுதான் அவர்களை உயர்த்தி காட்டியது.

தமிழ் சினிமாவில் சிரிப்பு காட்சிகள் இருக்கும் வரை, சிந்தனை கருத்துக்கள் வரும்வரை என்.எஸ் கிருஷ்ணனும் வாழ்ந்துகொண்டே இருப்பார்.

நாகர்கோவில் செல்லும்பொழுதெல்லாம் அந்த தெரு, அந்த டென்னிஸ் கோர்ட், அந்த வடசேரி சந்தை என அந்த இடங்களை பார்க்கும்பொழுதெல்லாம் அவர் நினைவே வரும்.

வடசேரி சந்தையில் அக்கால மாட்டுவண்டி வியாபாரிகளிடம் துண்டு கருப்பெட்டி வாங்க வந்து சிரிக்க வைப்பார் என்பது அக்காலத்தவர்கள் சொல்ல கேட்டது, அப்பொழுதே அவருக்கு ரசிகர்கள் இருந்திருக்கின்றார்கள்.

மறக்கமுடியா நினைவுகள் உண்டு
அண்ணாவிற்கு ஆதரவாக பிரச்சாரம் செய்கிறார் என்.எஸ்.கே, எதிர் வேட்பாளர் ஒரு காங்கிரஸ்காரர் மருத்துவர். பிரச்சாரத்தில் கடுமையாக டாக்டரை புகழ்கின்றார், அவர் படிப்பென்ன, அவர் கைராசி என்ன? அவர் காப்பாற்றிய உயிர்கள் எத்தனை என பெரும் பாராட்டு

சொல்லிவிட்டு கேட்கின்றார், “சொல்லுங்க டாக்டர் எப்படி?” எல்லோரும் சொல்கின்றார்கள், “சொக்க தங்கம், எங்களுக்கு கிடைத்த வரம்”

“புரிகிறதல்லவா, அவரை சட்டசபைக்கு அனுப்பாமல் இங்கேயே வைத்து கொள்ளுங்கள், உங்களை நன்றாக கவனித்து கொள்வார். அண்ணாவிற்கு மருத்துவம் தெரியாது அவரை சட்டசபைக்கு அனுப்பி விடுங்கள்..”
இதுதான் என்.எஸ.கே,

யார் மனதனையும் புண்படுத்தாமல், புன்னகை பூத்த முகமாய் வாழ்வினை கடந்து சென்ற, எல்லோரையும் சிரிக்க வைத்த பெரும் கலைஞன்,

கலைவாணரின் வாழ்வு சொல்வது ஒன்றுதான்

தமிழகம் மகா வித்தியாசமானது, இங்கு மக்கள் அபிமானம் பெற்றோர்கள் சீர்திருத்த கருத்து பேசினால் எப்படியாவது தொலைத்துவிடுவார்கள், வசமாக வழக்கில் சிக்க வைத்து முடித்துவிடுவார்கள்

அதுவும் சூத்திரன் பேசிவிட்டால் தொலைத்தே விடுவார்கள்

அப்படி வஞ்சக வழக்கில் சிக்கவைக்கபட்ட முதல் நடிகன் என்.எஸ் கிருஷ்ணன் அடுத்து எம்.ஆர் ராதா

இருவரையும் இப்படித்தான் சரித்தார்கள்

இறுதிவரை அக்கும்பலால் தொடமுடியாமல் போனவர்கள் பெரியாரும் , கலைஞருமே. இருவரையும் அவர்களால் நெருங்க கூட முடியவில்லை

உண்மையில் தான் பேசிய மூட நம்பிக்கை ஒழிப்பிற்காகவும், புராணங்களை கிழ்த்து கிண்டல் செய்ததற்காகவுமே வழக்கில் சிக்கவைக்கபட்டு ஒழிக்கபட்டார் கலைவாணர்

இன்று அவருக்கு நினைவுநாள்

மறக்கமுடியாத கலைஞன். அந்த தமிழகத்து சார்லி சாப்ளின். அவருக்கு ஆழ்ந்த அஞ்சலிகள்