இந்தியா பணக்கார தேசமாகவே காட்டபடுகின்றது

சீனபயணி யுவான் சுவாங், பாஹியான் மார்க்கோ போலோ என அக்கால பயணிகளின் குறிப்புகளில் இந்தியா பணக்கார தேசமாகவே காட்டபடுகின்றது, பிச்சைக்காரர் ஒடுக்கபட்டோர் தலித் திராவிட அடிமைதனம் எதையும் அவர்கள் எழுதி வைக்கவில்லை

கிழக்கிந்திய கம்பெனி வியாபார அனுமதிக்காக ஜஹாங்கீர் அரண்மனையில் நின்றபொழுது அது பூலோக சொர்க்கம் என்றே குறிப்பு எழுதி வைக்கபட்டிருக்கின்றது

இந்தியாவில் வறுமையும் கொடுமையும் ராபர்ட்கிளைவ் வந்து ஆடி கொள்ளையடித்த காலத்தில் நடந்திருகின்றது

அவனும் அவனின் அடிபொடிகளும் தங்கவேட்டையே இங்கு நடத்தி வங்கத்தை சுரண்டியிருக்கின்றார்கள்

வங்கம் பெரும் சிக்கலில் முதல் பஞ்சத்தை சந்தித்து பல லட்சம் பேர் இறந்திருக்கின்றார்கள், அந்த பாவமெல்லாம் தன்னை சார்ந்தது என கிளைவும் தற்கொலை செய்து கொள்கின்றான்

வெள்ளையன் ஆட்சி வந்தபின்பே இங்கு பெரும் பிரிவினையும் பஞ்சமும் வந்திருகின்றது, அப்படி ஒரு சமூகம் உருவாக உருவாக அவர்களை ஆப்ரிக்காவுக்கும் பிஜூ தீவுக்கும் கயானாவுக்கும் மலேசியாவுக்கும் இலங்கைக்கும் அவனால் கொண்டு செல்ல முடிந்திருகின்றது

வரலாற்றை ஆழமாக படிக்கின்றோம், அவன் வருமுன் ஒரு நபர் பாரத கண்டத்தில் இருந்து கடல்தாண்டி பிழைக்க செல்லவில்லை,

வியாபார சமூகம் வேறு

கும்பல் கும்பலாக கப்பல் ஏறியது பிழைப்புக்காக வெள்ளையன் காலத்திலே

அவனே வீழ்த்தினான் அவனே ஏழையாக்கினான் அவனே அடிமையாக்கி வெளிநாடுகளுக்கு இழுத்தும் சென்றிருக்கின்றான்

தன்னிறைவு பெற்ற கிராமங்கள் அவன் காலத்தில் திட்டமிட்டு நொறுக்கபட்டிருக்கின்றன, அது விவசாயம் வரை அன்றே தோற்றிருகின்றது

1800களிலே லாபமில்லா தொழிலாக விவசாயம் மாறியிருக்கின்றது, ஒருவித குழப்ப நிலை அன்றே தொடங்கியிருக்கின்றது

கலாச்சாரங்களும் பாரத பெருமைகளும் மகா இழிவாக அவனால் போதிக்கபட்டு மதமாற்றமும் இன்னும் பலவும் நடந்திருக்கின்றன‌

பிச்சைக்காரர் இல்லா சமூகத்தை சுரண்டி அதை பிச்சைக்கார சமூகமாக மாற்றி அவர்களுக்கு அவனே மருந்தும் ஆறுதலுமாகி வரலாறு எங்கெல்லாமோ விஷயங்களை இழுத்து செல்கின்றது

எந்த கல்கத்தா ஒருகாலத்தில் பணக்கார தேசமாயிருந்ததோ அது ராபர்ட் கிளைவினால் சீரழிக்கபட்டது, தெரசே வந்தது பாவபரிகாரம் அன்றி வேறல்ல‌

இங்கு வறுமை அவனின் சுரண்டலால் வந்தது, அதனாலே நாடுவிட்டு நாடு செல்லும் அவலநிலை இந்தியருக்கு வந்தது அது இன்னும் தொடர்கின்றது

பிரிட்டனின் சுரண்டலை முறையாக உணர்ந்த பிரிட்டிஷ் குடிகளான அமெரிக்கர்களே அவர்களை விரட்டி அடித்து சுதந்திர நாடாகி முன்னேறினர் என்றால் பிரிட்டனின் கொடுமை எந்த அளவுக்கு இருந்திருக்கும்??

அவர்களுக்கு விழிப்பு இருந்திருகின்றது, இந்தியர் பாவம் சுரண்டலில் சிக்கி சீரழிந்துவிட்டார்கள்

இத்தேசம் வெள்ளையன் வராவிட்டால் கல்வி பெற்றிருக்காது, முன்னேறியிருக்காது என்பதெல்லாம் அபத்தம்

இதுபற்றி புத்தகம் எழுதினாலும் தகும், அவ்வளவு விஷயம் கிழக்கிந்திய கம்பெனி இந்தியாவினை சீரழித்த விவகாரத்தில் ஒளிந்திருக்கின்றது

ஒரு மண்ணாங்கட்டியுமில்லை

தன் கனவு நிறைவேறுவதை கண்ட ஒரே தலைவர் பெரியார்தான் : பெரியாரிஸ்டுகள்

அப்படி என்ன கனவு நிறைவேறிற்று? திராவிட நாடு அமைந்ததா? இல்லை சாதி ஒழிந்ததா? இல்லை பிராமணர் எல்லாம் நாடுகடத்தபட்டாரா?

ஒரு மண்ணாங்கட்டியுமில்லை

காங்கிரஸின் காமரஜர் எனும் முதல்வருக்கு கூஜா தூக்க்கினார் பெரியார்

பின்பு கூத்தாடி முகத்தை காட்டி வசனகர்த்தா எல்லாம் தன் சீடன் என சொல்லி ஆட்சிக்கு வந்ததை எண்ணி மனம் நொந்து செத்தார்

நிச்சயமாக ராமசந்திரன் முதல்வராவதை அவர் பார்க்கவில்லை பார்த்திருந்தால் தூக்கில் தொங்கி செத்திருப்பார், அதுவரை இயற்கை அவரை காப்பாற்றியிருக்கின்றது

ஆக சிறைக்கு சென்றுவிட்டனர் சோனியாவும் மன்மோகனும்

சிறையில் இருக்கும் சிதம்பரத்தை சோனியாவும் மன்மோகன்சிங்கும் சந்தித்தனர்

ஆக சிறைக்கு சென்றுவிட்டனர் சோனியாவும் மன்மோகனும்

அன்றொருநாள் கனிமொழியினையும், ஆ.ராசா என்பவரையும் சந்திக்காத காங்கிரஸ் மேலிடம் இன்று அதே சிறைவாசலை மிதித்ததை ஆனந்த களிப்போடு பார்த்து கொண்டிருக்கின்றன திமுக கோஷ்டிகள்

விரைவில் அவர்கள் பகுத்தறிவினை மறந்து “கடவுள் இருக்காரு” என ஆனந்த கண்ணீர் வடிப்பார்கள் பாருங்கள்

இதை எல்லாம் பார்த்து ஒரே ஒரு முகம் கண்ணீர் விடும், அது சசிகலா முகம்

ஆம் அவரை சந்திக்க பெரும் பிம்பம் என யாருமே செல்லவில்லை என்பதுதான் அமமுக சோகம்..

ஒரு மண்ணாங்கட்டி ரகசியமும் இதில் இல்லை

ஒரு மண்ணாங்கட்டி ரகசியமும் இதில் இல்லை

பரதவ பாதிரிகள் ஆதிக்கம் மிகுந்த தூத்துகுடி மறைமாவட்டத்தில் நாடார் பாதிரிகள் குறைவு இதனால் முக்கிய பொறுப்புகளில் அவர்கள் இல்லை

இதற்கு சாதி ஒரு காரணம் என்றாலும் மகா முக்கிய தேர்வுகளில் நாடார் சாமிகள் இம்போசிஷன் எழுதி தோப்புகாரணம் போடுவதும் இரு காரணம்

ஆக பர்னான்டஸ் சாமியார்களிடம் தாக்குபிடிக்கமுடியாத நாடார் சாமிகள் தனிமறைமாவட்டம் தேடுகின்றனர் என்பதுதான் நிஜம்

நாமும் அந்த தூத்துகுடி மறைமாவட்டம் கன்னியாகுமரி பாளை மறைமாவட்டம் எல்லாம் தேடுகின்றோம்

ஒரு தலித் பாதிரி, ஒரு அருந்ததி பாதிரி என யாருமே இல்லை, எமக்கு தெரிந்து ஒரு அற்புதமான உடையார் பாதிரி தேவகோட்டையில் இருந்து வந்தார், இங்கிருக்கும் சாமிகள் விரட்டியே விட்டன‌

அப்படிபட்ட அமைப்பு இது

சரி நாடாருக்கான மறைமாவட்டம் வள்ளியூர் அல்லது வடக்கன்குளத்தை வைத்து உருவானால் என்னாகும்?

நாடார் குடும்பத்து பெண்கள் அவர்கள் பள்ளியில் ஆசிரியராவார்கள், நாடார் கத்தோலிக்கர்களுக்கு அவர்கள் கம்பெனியான பள்ளி மற்றும் ஆலய வளாகங்களில் வேலை வழங்கபடும்

இது போக வாடிகன் கொடுக்கும் சில கோடிகளில் முதலீடு என்றபெயரில் சுருட்டலாம்

இப்போதைய பங்குதந்தைகள் பைக் மற்றும் சிறிய கார் வைத்திருக்கின்றார்கள் தனி மறைமாவட்டம் என்றால் பென்ஸ் வாங்கலாம்

ஆக மறைமாவட்டம் உருவானால் கத்தோலிக்க நாடார் இனம் வாழ்வாங்கு வாழலாம் ஏக விஷயங்கள்

மொத்தத்தில் இப்படி பிரிந்தால் “இயேசு சொன்ன பரலோக ராஜ்யம் இறங்கி வரும்”, அதனால்தான் மீட்பு சமீபமாய் இருக்கின்றது என்பதை இதோ மறைமாவட்டம் சமீபமாய் இருகின்றது என அவர்கள் சொல்லிகொண்டே இருகின்றார்கள்

இந்த போபாண்டவர் மட்டும் இதற்கு அனுமதிகொடுத்தால் இரண்டாம் ஜாண்பாலுக்கு பின் இவரும் சுடபடுவார்

சுடுவது யாரென்றால் சாட்சாத் நாமேதான்

முன்பு சுட்டவனை விடுதலை செய்தது போல கத்தோலிக்க தர்மம் எம்மையும் விடுதலை செய்தாக வேண்டும்

அதனால் போப்பாண்டவர் எச்சரிக்கையாக இருப்பது நல்லது…

தாயில்லாமல் பிள்ளை வருமா?

தாயில்லாமல் பிள்ளை வருமா?

ஆலயங்களில் கருவறையினை
விரட்டிவிட்டு அதை கலை செல்வமாக கொண்டாடுவோம் என்பது சரியா?

அம்மணி பெயர் என்ன? கிறிஸ்துவச்சி போல் தெரிகின்றது

அம்மா, ரஷ்யாவில் ஏற்கனவே தேவாலயங்களை நூலகமும் விடுதியுமாக்கி சீரழிந்து மறுபடியும் ஆலயமாக்கி வணங்குகின்றார்கள்

ஐரோப்பா தேசத்து தேவாலயங்களை இந்துமக்கள் வாங்கி இந்து ஆலயமாக மாற்றும் நேரமிது

சரி, இங்கே இந்து ஆலயத்தை சுற்றுலாதலமாக்கினால், கிறிஸ்தவ ஆலயங்களை ஒயின் புழங்கும் பார்களாக மாற்றிவிடலாம் அல்லவா?

வராக அவதாரம்

வராக அவதாரத்தை கிண்டல் செய்வார்கள் திராவிட கோஷ்டி

அதெப்படி பன்றி மூக்கில் உலகம் நிற்கும், பன்றிக்கு வாலிபால் தெரியுமா? என அவர்களே அவர்கள் போக்கில் சொல்லி கொள்வார்கள்

ஆனால் முக்கியமான விஷயத்தை மறப்பார்கள்

அந்த வராக‌ அவதாரத்தை கவனியுங்கள் பன்றி மூக்கில் பூமி உருண்டையாக தெரியும்

இது உனக்கு தெரியாதா? என்பதல்ல விஷயம், இந்துக்கள் இம்மாதிரி தத்துவத்துடன் பூமி உருண்டை என சொல்லி சிலைவடிக்கும் பொழுது உலகில் பூமி தட்டை என்றே பெரும்பான்மை சமூகம் நம்பிகொண்டிருந்தது

கலிலியோவுக்கும் கோப்பர் நிகஸுக்கும் பல ஆயிரம் ஆண்டுகளுக்கு முன்பே அந்த உண்மை இந்துக்களுக்கு தெரிந்தது

பூமி உருண்டை என்பது வெறும் 500 ஆண்டுகளுக்கு முன்பு ஐரோப்பியருக்கு தெரிந்தது, அதுவும் போப்பாண்டவர் அப்படி சொன்னவர்களை முழங்காலில் நிறுத்தி தண்டித்த கதை எல்லாம் உண்டு

உலகம் இன்று சொன்னதை பல ஆயிரம் ஏன் பல லட்சம் ஆண்டுகளுக்கு முன்பே சொன்னவர்கள் இந்துக்கள்

பன்றி வந்தது உலகை சுமந்தது என்பது நம்பிக்கைக்கு உட்பட்டது, ஆனால் அன்றே பூமி உருண்டை என்பது இந்துக்களுக்கு தெரிந்தது என்பது சந்தேகத்துக்கு அப்பாற்பட்டது அல்லவா?

ஐரோபியரும் இன்னும் பல இனமும் உலகம் தட்டையானது என சொன்னதை 16ம் நூற்றாண்டு வரை அப்படி சொன்னதை விட பல்லாயிரம் ஏன் பல லட்சம் ஆண்டுக்கு முன்பே பூமி உருண்டை என சொன்னது இந்துமதம்

ராக்கெட் எடுத்து விண்வெளிக்கு சென்று ஒன்பது கிரகம் என விஞ்ஞானம் சொன்னதை பல லட்சம் ஆண்டுக்கு முன்பே 9 கிரகம் சூரியனை சுற்றிவருகின்றது என அசால்ட்டாக சொல்லி கோவிலில் நிறுவியது இந்துமதம்

அது என்றோ சொன்னதைத்தான் ஆதாரபூர்வமாக மேற்குல விஞ்ஞானம் நிறுவிகொண்டிருக்கின்றது, வராக அவதாரம் உட்பட‌

இப்படி நோக்குவதுதான் உண்மையான பகுத்தறிவே அன்றி, அந்த வராகம் என்ன நிறம்? வராகத்துக்கு எவ்வளவு முடி இருந்தது அது எந்த நாட்டு வராகம் என ஆய்வது பகுத்தறிவு ஆகாது

எதையும் இல்லை இல்லை அல்லது கட்டுகதை என சொல்பவன் மாட்டுக்கு சமம், அதற்கு அறிவு அவசியம் அல்ல‌

இம்மாதிரி ஆழ நோக்குவதுதான் பகுத்தறிவு, மானிட அறிவு

அக நாமே உண்மையான பகுத்தறிவுவாதிகள் என்பதில் சந்தேகமில்லை..

புதிதாக ஒரு அரசியல்வாதி உருவாகியிருகின்றார்

புதிதாக ஒரு அரசியல்வாதி உருவாகியிருகின்றார் அவர் விஜயகாந்தின் மகன் பிரபாகரன்

“நான் கேப்டன் மகன்..” என ஒரே அழிச்சாட்டியம், இப்பொழுது நான்குநேரிக்கும் வரபோகின்றாராம்

அய்யன்மீர் உமக்கு காலமும் வயதும் இருக்கின்றது, தயவு செய்து இப்பொழுது வரவேண்டாம்

இங்கே “நான் கலைஞர் புள்ள…” என்றொருவர் காமெடி செய்து கொண்டிருக்கின்றார், அவரின் காமெடி கலாட்டா முடிந்தபின் நீவீர் வந்து நான் “நான் கேப்டன் புள்ள..” என தொடர்ந்தால் தமிழ் கூறும் நல்லுலகம் மகிழும்

குலகல்வி என்றால் என்ன?

குலகல்வி என்றால் என்ன?

கலைஞருக்கு பின் முக ஸ்டாலினும் அவருக்கு பின் உதயநிதியும் அவருக்கு பின் இன்பநிதியும் கட்சிக்கு தலைவராக வருதல் குலகல்வி எனப்படும்

பெரியாருக்கு பின் வீரமணி அவரின் சொத்துக்கு காவலானதும் அவருக்கு பின் அவரின் மகன் காவலாக வரப்போவதும் இனகல்வி, அது குலகல்வியில் வராது

திராவிட சூது என்றால் இதுதான்

நாமும் இந்த சங்க இலக்கியம் முதல் ஆதிச்சநல்லூர் முதுமக்கள் தாழி வரை பார்க்கின்றோம்

அட தமிழில்தான் இல்லை என்றால் மாயன், செவ்விந்தியர், இன்கா தொடங்கி அப்படியே ஐரோப்பாவின் வைக்கிங் குடிகளின் தொல்பொருட்கள் பார்த்துவிட்டு, எகிப்தின் பிரமீடுக்குள் தேடிவிட்டு இந்த மம்மிகள் உடலில் எல்லாம் தேடிவிட்டு அப்படியே பாபிலோன் நாகரீகம், சிந்துவெளி நாகரீகம் இந்த சீன நாகரீகம் ஜப்பானிய தொடக்க கால புதைபொருட்கள் என எல்லாம் சுற்றிவிட்டு வந்தால் “திராவிடம்” என்றொரு வார்த்தையினையினை காணோம்

அட அது உலகிலும் இல்லை, தமிழிலும் இல்லை, தமிழக ஆலய கல்வெட்டிலும் இல்லை எதிலுமே இல்லை

ஓலை சுவடியிலும் இல்லை, குகையில் இல்லை, எங்குமே 200 ஆண்டுக்கு முன்பான அடையாளம் எதிலியுமே திராவிடம் இல்லை

கன்னடனிடம் கேட்டால் கடிக்க வருகின்றான், மலையாளிடம் கேட்டால் மிதிக்க வருகின்றான், தெலுங்குகாரனிடம் கேட்டால் பாலகிருஷ்ணா படம் போட்டு காட்டிவிடுவேன் ஓடிவிடு என்கின்றான்

தமிழிலில் திரிகடுகம் என்றொரு பாடல் உண்டே தவிர திராவிடம் இல்லை

முதலில் அதை சொன்னவன் வெள்ளையன் கால்டுவெல், எங்கிருந்தோ வந்த அவனுக்கு இதுபற்றி எந்த பெரியார் போதித்தானோ தெரியவில்லை, அவன் கண்ட திரித்துவத்தை திராவிடம் என சொல்லிவிட்டானோ என்னவோ?

அதன் பின் அதை பிடித்தது பெரியார் கோஷ்டி, நீதிகட்சி கூட அதை தொடவில்லை அது அர்த்தமற்றது என விட்டுவிட்டது

ஆக 150 ஆண்டு கூட வரலாறு இல்லாத வெறும் வெற்று வார்த்தையான, மாயமானான அந்த திராவிட வார்த்தையினை வைத்து கொண்டு பல்லாயிரம் ஆண்டு தமிழின வரலாறை சொல்ல வருகின்றன ஏமாற்று பேர்வழி கோஷ்டி

திராவிட சூது என்றால் இதுதான், இதுவேதான்…

விடுமுறை நாட்களில் மாணவர்களுக்கு தொழில் பயிற்சி அளிக்க பரிசீலனை

விடுமுறை நாட்களில் மாணவர்களுக்கு தொழில் பயிற்சி அளிக்க பரிசீலனை – அமைச்சர் செங்கோட்டையன்

இது ராஜாஜி கொண்டுவந்த குலகல்வி திட்டம் அய்யா, இதை படித்தால் மாணவன் கைதொழில் ஒன்றை படித்துவிடுவான், வேலை செய்வான் தொழில் தொடங்குவான் சம்பாதிப்பான்

பின் எப்படி சும்மா இருப்பான்? சிந்திப்பான்? பின் எப்படி திராவிட சிந்தனை வந்து பகுத்தறிவு வளர்ப்பான்?

படிக்கும் மாணவனை கிரிக்கெட், டாஸ்மாக், விஜய்படம் , அஜித்படம் , ரஜினிபடம் என திசைதிருப்பிவிட்டால் அது திராவிடம்

மாணவனை மானாட மயிலாடா, சூப்பர் சிங்கர், உங்களில் யார் அடுத்த சரோஜாதேவி என திருப்பிவிட்டால் அது திராவிடம்

மாறாக படிக்கும் மாணவனின் ஓய்வுநேரத்தில் வேலை கற்க சொல்வது ஆரிய அடிமைதனம், ஏற்கனவே ராஜாஜி கொண்டுவந்த குலகல்வி திட்டத்தின் சூது

இதை திராவிட பூமி எப்படி ஏற்கும்? விரைவில் உமக்கு கொடும்பாவி இருக்கின்றதய்யா, எதையும் தாங்கும் இதயத்துடன் கவனமாக இருந்து தொலையும்..