ஐரோப்பிய யூனியனின் குழு ஒன்று காஷ்மீர் வந்துள்ளது

ஐரோப்பிய யூனியனின் குழு ஒன்று காஷ்மீர் வந்துள்ளது, வந்து தால் ஏரி உட்பட பல இடங்களை சுற்றிபார்த்து கொண்டிருக்கின்றது

காஷ்மீரில் தீவிரவாதம் ஒழிக்கபட்டு அமைதியாக்கபட்டுவிட்டது இனி எல்லா நாட்டு மக்களும் வரலாம் என காட்சிகளை உருவாக்குகின்றது இந்தியா

ஐரோப்பிய யூனியன் தலைகளும் பரவாயில்லை என சொல்லிவிட்டு கிளம்புகின்றன‌

இப்பொழுது யாரை கேட்டு இவர்கள் வந்தார்கள் மத்திய அரசு அழைத்ததா இல்லை காஷ்மீர் டூரிசமா இல்லை தனியார் அமைப்புக்களா என சர்ச்சை வலுக்கின்றது

மத்திய அரசு வாய்திறக்கவில்லை திறக்கவும் திறக்காது

எனினும் விரைவில் இந்தியா வர இருக்கும் ஜெர்மன் அதிபர் ஏஞ்சலா மெர்கலின் பயணதிட்டத்தின் முன்னோடியாக இது பார்க்கபடுவதால் மோடி ஏஞ்சலா சந்திப்பு காஷ்மீரில் நடக்கலாம் என்கின்றார்கள்

இதனால் ஏஞ்சலா தஞ்சாவூருக்கு வருவார், அங்கு மேட்டி சட்டை அணிந்தபடி மோடி தஞ்சாவூர் சரஸ்வதி மகால் ஓலை சுவடிகளை ஜெர்மானியர் கைபற்றிய விவரம் அதிலிருந்த தகவல்களை ஹிட்லர் சோதித்த விவரம் உச்சமாக தஞ்சை பெரியகோவில் கல்வெட்டை ஒரு ஜெர்மானியன் படித்து ராஜராஜ சோழனை தமிழருக்கு சொன்ன விவரம் எல்லாம் பேசுவார் என எதிர்பார்த்தது நடக்காது போலிருக்கின்றது

அதனால் என்ன, இங்கிலாந்து இளவரசர் சார்லஸ் இந்தியா வருகின்றாராம், ஆம் முக ஸ்டாலின் போல ராசியுள்ள அதே சார்லஸ்

அவர் இந்தியா வரும்பொழுது சென்னை கோட்டையில் இல்லை ஆற்காடு கோட்டையில் வைத்து இல்லை பாஞ்சாலங்குறிச்சியில் வைத்து பிரிட்டிசார் இங்கு கால்பதித்த வரலாற்றை மோடி விளக்காமல் விட்டுவிடுவாரா என்ன?

எர்டோகன் இப்பொழுது இந்தியாவோடும் உரசுகின்றார்

ஒரு காலத்தில் உலகை மிரட்டிய வல்லரசு துருக்கி பின்பு ஆளாளுக்கு அடித்து நொறுக்கிபோட்டார்கள், மங்கோலியா சிரியா போல் ஆகியிருக்கவேண்டிய தேசம் அது எனினும் கமால் பாட்சா எனும் மாமனிதன் அந்த துருக்கியினை சீர்படுத்தினான்

ஐரோப்பாவின் நோயாளி என ஒதுக்கபட்ட தேசம் அவனால் ஓரளவு எழும்பியது பின் இந்த பனிபோர் காலத்தில் அதன் அமைவிடம் காரணமாக அது நேட்டோ வரை சென்றது

இப்பொழுது அதன் அதிபராகியிருக்கும் எர்டோகன் பழைய துருக்கி மன்னர் வாரிசு போல் ஆட்டம் போட தொடங்கியிருக்கின்றார்

இவரை முன்பே ராணுவபுரட்சி மூலம் அடக்கிவைக்க அமெரிக்கா செய்த முயற்சிகள் தோற்றன அதன் பின் அமெரிக்காவுக்கு தலையும் ரஷ்யாவுக்கு வாலையும் காட்டும் நபராகிவிட்டார்

சிரியாவில் அவர் புகுந்ததும் ரஷ்யா வந்து தடுத்ததும் அதில் மனிதர் வெறுத்து போனதும் உலகறிந்தது

அந்த எர்டோகன் இப்பொழுது இந்தியாவோடும் உரசுகின்றார், காஷ்மீர் தகராறை கையில் எடுத்து ஆடும் அவர் இப்பொழுது பாகிஸ்தானுக்கு ராணுவ உதவி அளிக்கபடும் என்கின்றார்

பாகிஸ்தான் துருக்கி ஆகுமோ இல்லையோ, துருக்கி பாகிஸ்தானாக ஆகாமல் இருந்தால் சரி.

நடக்கும் விஷயங்களை டிரம்பும் பார்த்துகொண்டிருக்கின்றார், விவகாரம் பெரிதானால் ஐரோப்பிய யூனியனில் இருந்தும் நேட்டோவில் இருந்தும் துருக்கி நீக்கபடலாம் அதன் பின் துருக்கி நிலை சிக்கலாகும்

காட்சிகள் வித்தியாசமாக நடக்க தொடங்கியிருகின்றன‌, இந்தியாவினை லேசாக சீண்டுகின்றார் எர்டோகன் , இம்ரான்கானுடன் வேறு நெருங்குகின்றார்

ஆக தமிழக போராளிகளுக்கு இம்ரான் கானை தொடர்ந்து துருக்கி அதிபரும் கிடைத்துவிட்டார்

இனி இவர்களை அவர் ஆதரிப்பார், இவர்கள் அவரை ஆதரிப்பார்கள் நடக்கும் காட்சிகள் படு தமாஷாக இருக்கும், பார்க்கலாம்

மானமுள்ளவராக இருந்தால்

மானமுள்ளவராக இருந்தால் வீரமணி இனி இவர் பக்கமே வரகூடாது, மாறாக‌ வந்தால்
அழகிரி பையன் சொல்வது போல சொன்னால் அதேதான் உண்மையாக இருக்கும்

காலமெல்லாம் இந்துமதத்தின் அறிவிக்கபடாத சன்னிதானமாக வாழ்ந்தவர் தேவர், அதுவும் மிகபெரும் முருக பக்தர், அவரின் அவதாரமாகவே அறியபட்டார்

ஆக முருகனின் அடியாரை வணங்கி தானும் ஒரு முருக பக்தன் என துர்கா ஸ்டாலினுக்கு காட்டிவிட்டார் முக ஸ்டாலின்

திமுக பகுத்தறிவு உபிக்கள் எல்லாம் வாயில் பஞ்சாமிர்தம் வைத்திருக்கும் நேரமிது

தேவர் ஜெயந்தி என சொல்லிவிட்டு தேவரை ஆட்கொண்ட முருகபெருமானின் விழாக்களுக்கு மவுனம் காப்பதெல்லாம் வேறு வகையான பகுத்தறிவு

எந்த பெரியாரை தன் ஏரியா பக்கம் வரவிடாமல் தேவர் ஓட அடித்தாரோ அந்த பெரியாரின் கட்சி தேவருக்கு மரியாதை செலுத்துவதெல்லாம் மூட நம்பிக்கை அல்ல, சீர்திருத்த கொள்கைகள்

அப்புறம்.. மிஸ்டர் திருமா.. பாதர் சற்குணம் போன்றோர் எல்லாம் வரிசையில் வரவும்.

(கருணாநிதிக்கு சோனியா சொக்கதங்கமாக தெரிந்தார், அவர் மகனுக்கு தேவர் தெரிகின்றார்

உதயநிதிக்கு யார் சொக்கதங்கமாக தெரிவார் என்பதுதான் தமிழக எதிர்பார்ப்பு)

மாரடோனா

கால்பந்து ரசிகர்களுக்கு அவர் என்றும் அபிமானத்திற்குரிவர். கிரிக்கெட்டில் பிராட்மேன், சச்சின் என்றொரு வரிசை உண்டென்றால் கால்பந்தில் பீலே, மாரடோனா என்றொரு வரிசை நிச்சயம் உண்டு

1980களின் கால்பந்து உலகம் அவருக்கானது, அவருக்காகவே ஆட்டங்கள் நடத்தபட்டன, கிட்டதட்ட 12 ஆண்டுகாலம் கால்பந்து உலகம் அவரை சுற்றியே சுழன்றது.

அர்ஜெண்டினா அணிக்கு கோப்பையினை அவர்தான் பெற்றுகொடுத்தார்.

1986ல் அவர் ஆடிய ஆட்டம் அபாரமானது, நொடிபொழுதில் தட்டிய கோல் இன்றுவரை கடவுளின் கை என்றே சொல்லபடுகின்றது.

கால்பந்து விதிமுறைபடி அது சர்ச்சை எனினும், பின் 6 வீரர்களை தாண்டி 60மீட்டர் தொலைவில் இருந்து அவர் அடித்த கோல்தான் இந்த “நூற்றாண்டின் சிறந்த கோல்” என கொண்டாடபடுகின்றது

குட்டையான உருவம் தான், ஆளை பயமுறுத்தும் ஆஜானபாகு தோற்றமெல்லாம் இல்லை, ஆனால் பந்தோடு ஓட ஆரம்பித்தால் அவ்வளவு சீற்றம். பந்தோடு பந்தாக அவரும் உருளுவது போலத்தான் இருக்கும் அவ்வளவு வேகம். அத்தனை துல்லியம்

கண் பார்க்கும் இடத்தில் துல்லியமாக காலால் நொடியில் பந்தை கடத்தும் வித்தைதான் கால்பந்து விளையாட்டு, மனம் முழுக்க பந்தின் மேல் ஒன்றாமல் அந்த ஆட்டம் சாத்தியமில்லை

எத்தனை ரொனால்டோ, ரொமாரியோ, மெஸ்ஸி, மாப்பே வந்தாலும் மாரடோனாவிற்கு இருக்கும் ரசிகர் பட்டாளமே தனி

எத்தனையோ சர்ச்சைகளில் சிக்கினார், அதில் போதையும் உண்டு, அதில் சிக்கி மரணத்தின் விளிம்புவரை சென்று திரும்பினார்

இன்றோடு 58 வயது ஆகின்றது, மாரடோனாவிற்கு இன்று பிறந்த நாள்

பீலே தன்னிகரற்ற கால்பந்து வீரர், பல சூட்சும மூவ்களை அறிமுகபடுத்தியவர்

ஆனால் மாரடோனா அதிரடி வீரர், வேகமும் விவேகமும் கலந்த அற்புத ஆட்டக்காரர் அவர்

பிலே கருப்பு முத்து என்றால், மாரடோனா ஒரு வெள்ளை வைரம்

முன்பொரு உலககோப்பையில் அர்ஜெண்டினா பயிற்சியாளர் ஆனார், மெஸ்ஸி தலமையில் அவ்வணி இறுதிபோட்டி வரை சென்றது, மெஸ்ஸி நல்ல ஆட்டக்காரர் சந்தேகமில்லை

ஆனால் 4 ஆட்டகாரர்கள் சுற்றிவிட்டால் மெஸ்ஸி கட்டுபடுவார், அந்த வித்தை ஜெர்மனிக்கு தெரிந்தது, அது கோப்பையினை தட்டி சென்றது

மராடோனா 6 பேர் சேர்ந்தாலும் கட்டுபடுத்தமுடியாத பிசாசு, தன் ஆக்ரோஷத்தை மெஸ்ஸியிடம் எதிர்பார்த்தார் அது நடக்கவில்லை

மாரடோனாவுக்கு பின் அவ்வளவு வேகமும் நுட்பமும் கொண்ட கால்பந்து ஆட்டக்காரன் யாரும் வரவில்லை இப்போதைய பிரான்ஸின் மாபே எதிர்காலத்தில் அதை நிரப்பலாம் என்கின்றார்கள்.

வரலாறு அர்ஜெண்டினாவில் ஒரே மாரடோனா என குறித்துகொண்டது.

அந்த ஜாம்பவானுக்கு இன்று பிறந்த நாள். அதிரடி கோல் அடிப்பது எப்படி என உலகிற்கு பலமுறை சொல்லிகொடுத்த அந்த அற்புத ஆட்டகாரனுக்கு பிறந்த நாள் வாழ்த்துக்கள்

சில திமுக ஜால்ராக்கள் புலம்பிகொண்டிருகின்றன‌

முக ஸ்டாலின் ஜல்லிகட்டை மீட்க அன்றே ஆலோசனை சொன்னார், அவர் சொன்னதுதான் நடந்தது என சில திமுக ஜால்ராக்கள் புலம்பிகொண்டிருகின்றன‌

உண்மை அது அல்ல, ஒரு காலமும் உண்மையே பேசகூடாது என சத்தியம் செய்திருப்பது திமுக கோஷ்டி

காங்கிரஸ் அரசு ஒரு விவகாரமான சட்டம் இயற்றி இருந்தது, அந்த சட்டத்தை வைத்துதான் ஜல்லிகட்டுக்கு தடை வாங்கியது அந்த பீட்டா அமைப்பு

அதாவது ஜல்லிகட்டு விளையாட்டினை மிருகவதை சட்டத்தில் சேர்த்திருந்தார்கள், காங்கிரஸ் அதை செய்யும் பொழுது கூட்டணியில் இருந்தது இதே திமுக‌

சட்டம் இப்படி இருக்கும் பொழுது உச்சநீதிமன்றம் தடை விதிக்கத்தான் செய்யும், இதனால் என்ன செய்யலாம் என அன்றைய முதல்வர் பன்னீர்செல்வம் சட்ட வல்லுநருடன் யோசிக்கும் பொழுதே மாநில அரசே இதை நடத்தலாம் என திரும்ப திரும்ப சொல்லிகொண்டிருந்தார் ஸ்டாலின்

“அய்யய்யோ இதென்ன இந்தாளு இப்படி இருக்காரு? சட்டமே தடையாக இருக்கும் பொழுது மாநில அரசு எப்படி நடத்தும்” என தலையில் அடித்துகொண்டு டெல்லிக்கு சென்றார் பன்னீர்

நிச்சயம் அந்த போராட்டத்தை பன்னீரால் முடக்கியிருக்கமுடியும், ஆனால் மக்கள்திரள் இல்லாவிட்டால் டெல்லியிடம் என்ன கேட்கமுடியும் என அட்டகாசமாக அனுமதித்தார்

பின் மத்திய அரசு ஜல்லிகட்டு விளையாட்டை மிருகவதை பிரிவில் இருந்து நீக்கியது, அதன் பின்பே விளையாட அனுமதி பிறப்பிக்கபட்டது

உண்மை இப்படி இருக்க, தமிழ்நாட்டிலே அனுமதி இருந்ததெனவும் அது தெரியாமல் பன்னீர் டெல்லிக்கு சென்றார் எனவும் டெல்லி ஸ்டாலின் செய்ய சொன்னதையே சொன்னது எனவும் திமுக பதர்கள் கடும் பொய்களை சொல்லி திரிகின்றன‌

முக ஸ்டாலின் சொன்னபடி செய்தால் சட்ட மீறலாகி மாபெரும் சிக்கலை பன்னீர் சந்தித்திருப்பார், அது நடக்கவில்லை என்ற சோகத்தில் பதர்கள் என்னவெல்லாமோ சொல்லி திரிகின்றன‌

திருத்தவே முடியாத , பொய் சொல்வதையே நோக்கமாக கொண்டவை இரண்டு

ஒன்று பாகிஸ்தான் இன்னொன்று திமுக அல்லக்கைகள்

இந்தியா என்ன கிழித்தது என சொல்லும் கூட்டம் எக்காலமும் உண்டு

இந்தியா என்ன கிழித்தது என சொல்லும் கூட்டம் எக்காலமும் உண்டு, எதிலெல்லாம் இந்தியா வெல்லுமோ அப்பொழுது கம்மென்று இருப்பதும் எங்காவது சறுக்கினால் இந்த நாடே இப்படித்தான் என்பதும் அவர்கள் சித்தாந்தம்

வெள்ளையன் இந்நாட்டை வளர்த்தான் என்பதல்ல உண்மை, அவன் பொருளுக்கு இதை ஒரு சந்தையாக்கினான், ஆடை கூட அவன் துணியினைத்தான் வாங்க வேண்டும் என்ற அளவு ஏன் உப்புக்கே அவன் வைத்ததுதான் விலை என்ற அளவு இருந்தது அவன் கொடுமை

பெரும் தொழிற்சாலையின் மூலம் எதுவும் இங்கு அமையாதவாறு பார்த்துகொண்டான், தொழில்நுட்ப கல்வியும் அவன் காலத்தில் இல்லை, சும்மா ஆங்கிலம் கொஞ்சம் கணக்கு என அவன் ஆளஎது தேவையோ அதை மட்டும் செய்தான்

ரயில் நிலையங்களும் சாலைகளும் அவன் நலனுக்காக அமைக்கபட்டது, இந்தியாவின் நலன் இரண்டாம் பட்சமே

சுதந்திர இந்தியாவினை சுரண்டி போட்டும் உடைத்து போட்டுமே அவன் வெளியேறினான்

அவன் வெளியேறிய பின்பு பிரமாண்ட அணைகள் கட்டி விவசாயம் பெருக்கினோம், வெள்ளையன் காலத்தில் பர்மா அரிசி எல்லாம் இறக்குமதியானது அதை விரட்டினோம்

ஆலைகள் அமைத்தோம் நம் நாடே நமக்கான ஆடைகளை செய்தது , இன்று காணும் விதவிதமான ஆடைகள் எல்லாம் இந்நாட்டு தயாரிப்பு

கொஞ்சம் கொஞ்சமாக எழும்பினோம்

வெள்ளையன் கால பள்ளி கல்லூரி என்ன? நாம் அமைத்திருக்கும் கணக்கு என்ன?

வெள்ளையன் கால தொழிற்சாலை என்ன? நாம் அமைத்திருப்பது என்ன?

ஒவ்வொன்றாக தன்னிறைவு பெற்றோம் உணவு முதல் சகல் விஷயங்களிலும் முன்னேறினோம்

வெள்ளையன் கொடுக்காத வளர்ச்சியினை நாமே சுதந்திர இந்தியாவில் பெற்றோம்

கல்வி, மருத்துவம், வான்வெளி , கடல் என எல்லா திசையிலும் பாய்ச்சல் காட்டினோம்

இந்த சுர்ஜித் இறந்துவிட்டான் என்பதற்காக நம்மிடம் ஒன்றுமே இல்லை என்றாகாது, இச்சிறுவன் இறக்க பல காரணங்கள், நிச்சயம் இந்தியாவின் தொழில்நுட்பம் அல்ல‌

கண்களை மூடி அமைதியாக சிந்தியுங்கள். இந்நாடு அடைந்திருக்கும் மாபெரும் முன்னேற்றமும் வளர்ச்சியும் கண்களுக்கு தெரியும்

இங்கு எல்லாமும் இருகின்றது, வளர்ச்சியும் முன்னேற்றமும் இருக்கின்றது

சிங்கப்பூரிலும் சீனாவிலும் இருக்கும் ஒன்றே ஒன்று இங்கு இல்லை, அதுதான் அவசிய தேவை

ஆம் , நாட்டுக்காக ஏதும் செய்யாமல் பொய் சொல்லி கட்சி அரசியல் பிரிவினைவாதம் நாட்டை பற்றிய அவதூறு பேசி திரிபவனை தூக்கி போட்டு மிதிக்கும் சட்டம் மட்டும் இல்லை

அதுதான் மகா அவசியம், அச்சட்டம் மட்டும் வந்தால் அதன் மூலம் இங்கு குழப்பவாதிகளை முடக்கி போட்டு மிதித்தால் எல்லாம் சரியாகும்

அது பகுத்தறிவு குடும்பம்

அம்மா திருப்பதி பழனின்னு போறாங்க‌

அப்பா தேவர்சமாதியில போய் குங்குமம் எல்லாம் வச்சிக்கிறாங்க‌

பையன் சினிமாவுல விபூதியும் குங்குமுமா வர்றார், அவர் கம்பெனி படத்துக்கு பூஜை எல்லாம் நடக்குது

ஆனால் அது பகுத்தறிவு குடும்பம், அக்குடும்பம் கட்சியும் நடத்தும் . அக்கட்சி வீரமணி தலமையில் இந்துத்த்வாவினை வேறறுத்து , இந்துமதத்தை அடக்கி ஒடுக்கி விரட்டுமாம்