தேசத்துக்கு தலை குனிவினை ஏற்படுத்தியிருக்கின்றது

அந்த பிரியங்கா ரெட்டியின் கொடூர மரணம் மறுபடியும் உலக அரங்கில் தேசத்துக்கு தலை குனிவினை ஏற்படுத்தியிருக்கின்றது

நிச்சயம் இது திட்டமிட்ட கொடூர கொலை, இந்நாட்டின் மிக மேம்போக்கான சட்டதிட்டங்கள் இந்த பாதகத்துக்கு துணிய சொல்கின்றன , மிக மிக கடுமையான சட்டங்கள் மிக கடுமையான சட்டங்கள் இல்லாம்ல இது சாத்தியமில்லை

இந்த பஞ்சமா பாதகர்களுக்கு அந்த ராட்சத அரிப்பை தீர்த்துகொள்ள எத்தனையோ வழியிருப்பினும் மிக மிக துணிச்சலாக இப்பெண்ணை திட்டமிட்டு கொன்றது மிக மிக கடுமையான குற்றம்

இவர்கள் செய்திருக்கும் வகையினை கண்டால் இதுபோல ஏகபட்ட கொடூரங்களை அரங்கேற்றியிருக்கலாம் போல் தெரிகின்றது

பெண்களின் பாதுகாப்பினை அவர்களும் உறுதிசெய்யும் காலத்தில் இருக்கின்றது தேசம், மக்கள் தொகை மிகுந்த நாட்டில் அனைவருக்கும் பாதுகாப்பு கொடுக்க இயலாது

அப்பெண் கருகி கிடக்கும் காட்சி மனம் பதைபதைக்க செய்கின்றது

பெண்ணை மென்மையாக படைத்ததே ஆண் என்பவன் அவளுக்கு முள்ளாக இருந்து காப்பான் என்பதற்காக, அந்த கடமையினை மறந்து இப்பாதகத்தை செய்தவர்கள் மனிதர்களாக இருக்கமுடியாது, மிருகங்களை விட இவர்கள் மகா மோசம்

மிருகங்கள் கூட கூட்டு பலாத்காரத்தில் ஈடுபடாது, அவ்வளவு கட்டுபாடாக நடந்துகொள்ளும், இவர்கள் அதனிலும் கீழானவர்கள் என்பதால் மாபெரும் தண்டனை கொடுத்தாலும் தகும்

கற்பழிப்பு என்பது ஒருவகை மனக்கோளாறு, இந்த கோஷ்டிகளுக்கு உச்சபட்ச தண்டனை கொடுக்காவிடில் இம்மாதிரி கொடுமைகள் நிகழ்வதை தடுக்கமுடியாது

இனியும் தாமதிக்க ஒன்றுமில்லை பள்ளியிலே ஒரு பெண்ணை அவளின் அனுமதியின்றி தொடுவது தவறு என போதித்து வளர்க்காவிட்டால் எதிர்காலமும் சிக்கலே

பெண்ணை மதித்து, அவர்களின் உணர்வுகளை மதித்து அவர்களுக்கு தகுந்த பாதுகாப்பு உருவாக்கும் ஆண்சமூகத்தை உருவாக்குதல் இத்தேசத்துக்கு மிக அவசியம்

ஒரு சிலர் கவனித்து நாம் சொல்வதை செய்கின்றார்கள்

நாம் எழுதுவதை யார் கவனிக்கின்றார்களோ இல்லையோ, ஒரு சிலர் கவனித்து நாம் சொல்வதை செய்கின்றார்கள், அவர்களுக்கு வாழ்த்துக்கள்

அவர்களில் முக்கியமானவர் இயக்குநர் சிறுத்தை சிவா

அதாவது நாம் முன்பே, இன்னும் அழுத்தமாக சொன்னால் ரஜினி வயதான கேரக்டர்களில் நடிக்க தொடங்கியிருக்கும் சமீபகாலத்தில் இருந்தே சொல்லிகொண்டிருந்தோம் ரஜினிக்கு ஏற்ற ஜோடி குஷ்பு

ஆம் கபாலி, காலா படங்களில் ரஜினிக்கு ஏற்ற ஜோடி அவர்தான். லிங்கா படத்திலே ராஜா ரஜினிக்கு ஜோடியாக அவர் வந்திருக்க வேண்டும்

தலைவி குஷ்பு வராததால் இந்த 3 படங்களும் தோற்றது

இதை மிக கவனமாக கவனித்த சிறுத்த சிவா தன் அடுத்த ரஜினி படத்தில் ரஜினிக்கு ஜோடியாக குஷ்புவினை நடிக்க வைத்திருக்கின்றார், வாழ்த்துக்கள்

அட்டகாசமான சினிமா கணக்கு இதுதான்

அண்ணாமலை படத்தில் மிக பெருந்தன்மையாக ரஜினியினை தன் ஜோடியாக நடிக்க வைத்தார் தலைவி ரஜினி அதனால் மறுவாழ்வு பெற்றார், தொடர்ந்து ரஜினிக்கு கைகொடுக்க மன்னன் படத்திலும் தலைகாட்டினார் தலைவி

அந்த தங்க தலைவி ரஜினி அரசியலுக்கு வரும் சூழலிலும் அவருக்கு கைகொடுக்க வந்தாயிற்று

நம்புகின்றீர்களோ இல்லையோ, சிவா படத்தில் இரண்டு ரஜினி அதாவது வயதான மற்றும் வாலிப ரஜினி இருந்தால் இரண்டுபேருக்குமே தலைவி ஜோடியாக அட்டகாசமாக பொருந்துவார்

இது வேறு நடிகைக்கு சாத்தியமே இல்லை

சிங்கத்து பாலை தங்க தட்டில் வைக்காவிட்டால் கெட்டுவிடும் என்பார்கள், அப்படி தலைவி இல்லா சங்கமும் சரிவராது. சங்கம் இல்லாமல் தலைவிக்கும் பலமில்லை

இதனால் மறுபடியும் தலைவியினை சங்கம் நிரந்தர தலைவியாக்கிவிட்டது

தலைவி இடையில் மாற்றபட்டதில் கோடிகணக்கான உறுப்பினர்கள் கொந்தளித்துவிட்டார்கள் என்பதாலும், சங்கம் துண்டு துண்டாக உடையும் நிலைக்கு சென்றுவிட்டதாலும் இம்முடிவு எடுக்கபடுகின்றது

சீனாவுக்கு ஜின்பெங் போல சங்கத்துக்கு இனி தலைவி குஷ்பு நிரந்தர தலைவி

அந்த சிறுத்தை சிவா செய்த மாபெரும் காரியத்தால் அவருக்கு வாழ்நாள் சாதனையாளர் விருதும், இந்த ஆண்டிற்கான மிக சிறந்த ரசனையாளர் விருதும் சங்கத்தால் கொடுக்கபடுகின்றது

தன் கடைசி மூன்று படங்களில் தன்னை புறக்கணித்த ரஜினி விரைவில் மன்னிப்பு கடிதம் எழுதிகொடுத்த பின்பே தலைவி அப்படத்தில் நடிக்க வேண்டும் என சங்கம் கோரிக்கை வைக்கின்றது

ஆக சங்கத்து கோடான கோடி உறுப்பினர்கள் இன்றிலிருந்து விரதம் தொடங்குகின்றார்கள், இனி அப்படம் வரும்பொழுது அதை மாபெரும் வெற்றிபடமாக்கிவிட்டு அது டைட்டாணிக் அவதார் படங்களின் சாதனையினை நொறுக்கி தலைவி ஆஸ்க விருதினை அள்ளிய பின்பே விரதம் முடிப்பார்கள்

அவர் இன்றிலிருந்து சிறுத்தை சிவா அல்ல, மாறாக‌ இனி குஷ்பு சிவா என அன்போடு அழைக்கபடுவார்.

உலக பொருளாதரமே வீழ்ந்து கிடக்கின்றது

உலக பொருளாதரமே வீழ்ந்து கிடக்கின்றது, இன்னும் கீழிறங்கலாம் என்கின்றார்கள்

தென்கொரிவே கடும் இறக்கத்தை சந்தித்திருக்கின்றது, சீனா நிலை மகா மோசம், ஜப்பானிய நிலையும் தேக்கமே

ஐரோப்பிய நாடுகளிலும் நிலமை சொல்லிகொள்ளும் அளவு இல்லை, அதன் தாக்கம் இந்தியாவிலும் எதிரொலிக்கின்றது

இந்தியா எனும் கப்பல் உலக கடலில் நீந்தும்பொழுது அந்த கடல் எழுப்பும் அலைகளுக்கு கப்பல் மாலுமி ஒன்றையும் செய்யமுடியாது

இந்திய நிலை அவ்வளவு ஒன்றும் மோசமில்லை, சீனா 30 ஆண்டுகளில் இல்லா சரிவினை சந்தித்திருக்கும்பொழுது இந்தியா பொருளாதாரம் நிலைபெற்றே நிற்கின்றது

ஒரே கடவுள் என அறிவது சாத்தியமா?

கிறிஸ்தவருக்கு ஒரே தெய்வம், இஸ்லாமியருக்கு ஒரே தெய்வம் ஆனால் இந்துக்களுக்கு அப்படி அல்ல அங்கு ஏகபட்ட தெய்வம் குளறுபடிகள் உண்டு என்பது போல ஆ.ராசா என்பவர் பேசியதாக ஒரு தகவல் சுற்றுகின்றது.

ஆ.ராசா திகாரில் இருக்கும்பொழுது வந்த பத்திரிகை செய்திகள் ஏராளம், அதிலொன்று பல பெண்குழந்தைகளுக்கு பின் ஆண்குழந்தை வேண்டி ஆண்டிமுத்து என்பவர் தன் குலசாமிக்கு தவமிருந்து கடைசியாக ராசாவினை பெற்றதாகவும், அவர் பெரும் பதவிகளை அடைவார் என சாமி சொன்னதாகவும் தகவல் உண்டு

ஆனால் ராசா திகாருக்கு செல்வதை சாமி சொல்லவில்லை, விஷயம் அதுவல்ல ராசா குடும்பம் பக்தி மிக்க இந்து குடும்பம் என்பதை மட்டும் இதிலிருந்து தெரிந்து கொள்ளலாம்

சரி விஷயத்துக்கு வரலாம், கிறிஸ்தவமும் இந்துவும் ஏக கடவுளை வலியுறுத்துகின்றன, புத்தம் கடவுளையே காட்டாது தத்துவங்களை மட்டும் போதிக்கும்

ஆனால் இந்துமதத்தில் மட்டும் ஏன் இத்தனை தெய்வங்கள்?

விஷயம் இல்லாமல் இல்லை , கிறிஸ்தவம் பிதா சுதன் பரிசுத்த ஆவி என சொல்லி மூவொரு கடவுளை சொல்லும், ஆழமாக கிறிஸ்துவத்தை நோக்கினால் கடவுளின் பண்புகள், பலம், குணநலம் என ஏராளம் சொல்லும்

சமணம் எட்டுவகை குணத்தோன் என சொல்லும்

இந்துமதம் கிறிஸ்தவம் சொல்லும் பிதா சுதன் பரிசுத்த ஆவி என்பதை பிரம்மா விஷ்ணு சிவன் என சொல்லும், அங்கு பிரம்மனுக்கு கோவில் கிடையாது இங்கு பிதாவுக்கு ஆலயம் கிடையாது அங்கு பரிசுத்த ஆவி அக்னிவடிவம் இங்கு சிவன் அக்னிவடிவம், இன்னும் தொடர்புகள் ஏராளம்

இங்கு ஏன் ஏகபட்ட கடவுள்கள்?

கடவுளுக்கு ஏகபட்ட குணங்கள் உண்டல்லவா? இந்துமதம் கடவுளின் ஒவ்வொரு குணத்தையும் அதாவது அவரின் ஒவ்வொரு செயல்பாட்டையும் மனிதனுக்கு விளக்க ஒவ்வொரு தெய்வத்தை காட்டியது

படைத்தல், காத்தல், அழித்த, வீரம், காதல், இரக்கம், கொடை, கோபம், கனிவு, பரிவு , தத்துவம் என ஒவ்வொருவருக்கும் ஒவ்வொரு தெய்வத்தை காட்டியது

தத்துவாளனாக கண்ணனை காட்டியது, வீரனாக ராமனை காட்டியது, அது காதலுக்கு மன்மதனை காட்டியது, கல்விக்கு சரஸ்வதியினை, செல்வதுக்கு லட்சுமியினை காட்டியது

கடவுளுக்கு ஒரே கடமையும் ஒரே முகமும் அல்ல அவருக்கு முப்பது முக்கோடிக்கும் மேலான பண்புகள் உண்டு என்பதற்காக கோடிகணக்கான தேவர்கள் என சொன்னாலும் அது மகா முக்கிய பண்புகளை சொல்ல சில தெய்வங்களை காட்டியது

நீங்கள் ராமனோ கண்ணனோ அல்ல காணும் ஒவ்வொரு தெய்வத்தையும் உற்றுபார்த்தால் கடவுளின் ஒரு குணத்தை அறியலாம், அதன் மூலம் அந்த மாபெரும் கடவுளின் ஒரு பக்கம் புரியும்

இப்படி ஒவ்வொரு தெய்வமாக பார்க்க பார்க்க அந்த கடவுளின் ஒவ்வொரு தத்துவமும் புரியும்

உதாரணம் ராமனை பாருங்கள் வீரமும் நீதியும் தெரியும், கண்ணனை பாருங்கள் நம்பியவரை காப்பான் என்பது தெரியும், இந்திரனை பாருங்கள் தவறே செய்தாலும் தப்பமுடியாது எனும் தத்துவம் புரியும்

அனுமானிடம் நன்றி தெரியும், திருப்பதி சாமியினை கண்டால் அட நமக்கு பொருள் கொடுக்க தெய்வமுண்டு என்பதும் புரியும், திருகாளகத்தியினை கண்டால் அருள் வழங்க காத்திருப்பதும் புரியும்

முருகனை கண்டால் எந்த ஆபத்திலும் காக்க வருவது தெரியும். பிள்ளையாரை கண்டால் கடவுள் பெரும் பலம் கொண்டவர் என்பது தெரியும்

சுடலையும் அய்யனாரும் கண்டால் கடவுளின் கோபம் புரியும், அதுவே அம்மனை கண்டால் சாந்தம் தெரியும்

சாதாரண மனிதனுக்கு கடவுளை ஒவ்வொரு பக்கமாக சொல்ல ஒவ்வொரு தெய்வத்தை சொன்னார்கள்

அறிவியலையும் வானிலையினையும் வாழ்வியாலியும் சொல்ல தெய்வங்களை சொன்னார்கள், சித்தர்களும் ஞானிகளும் யோகிகளுமாக வந்து எவ்வளவோ காரியங்களை விளக்கி சொன்னார்கள்

இதுவே ஒரே தெய்வம் என வணங்க சொன்னால் பாமர மனிதனுக்கு என்ன தெரியும்? அவன் குழம்பிவிட மாட்டானா? சரியாக புரிந்துகொள்ளமுடியாமல் திகைத்துவிட மாட்டானா?

இன்னும் உங்களுக்கு புரியாவிட்டால் இப்படி சொல்லலாம்

அறிவியல் உலகம் என சொல்லிவிடுகின்றீர்கள், ஆனால் அறிவியலின் பிரிவு என்ன?

மருத்துவம், கட்டடம், வானியல், விமானம், வேதியியல், கணிதம், கப்பல், கரிமவியல், கணிப்பொறி , தாவரவியல் விலங்கியல் என எத்தனை நூறு அறிவியல் பிரிவு உண்டு

இதை மொத்டமாக கற்ற ஒரு அறிவியல்வாதி ,விஞ்ஞானி உண்டா? இந்த பகுத்தறிவாளன் எவனுக்காவது ஒரு அறிவியல் ஒழுங்காக தெரியுமா?

அட போன் எப்படி இயங்குகின்றது, கணிப்பொறியும் இணையமும் எப்படி இயங்குகின்றது என தெரியுமா?

இதை தெரிந்தவனுக்கு விமானவியல் தெரியுமா, இல்லை அணுதத்துவம் தெரியுமா?

ஆக மானிடன் வாழும் இந்த பூலோகத்திலே இவ்வளவு விஷயம் இருக்க, மாபெரும் சக்தியான கடவுளுக்கு எவ்வளவு தத்துவமும் மாபெரும் ஆற்றலும் இருக்கும்

அதை ஒரே கடவுள் என அறிவது சாத்தியமா?

ஒரே அறிவியல் என ஒரு மனிதன் படிப்பது சாத்தியமா? அது சாத்தியமானாலும் ஒரே கடவுள் என அவரை அறிவது சாத்தியமில்லை

அட கலைஞர் கருணாநிதியினையே எழுத்தாளரா? அரசியல்வாதியா? வசனகர்த்தாவா? கவிஞரா? பொய்யரா? சுயநலவாதியா? பெரியாரிஸ்டா, போலியிஸ்ட்டா என பட்டிமன்றம் வைத்துபார்க்கும் கட்சி திமுக‌

மைக்ராஸ்கோப்பில் பார்க்கும் அளவு வெறும் கல்லுக்கே அத்தனை முகம் என்றால், இமயமலை எப்படி இருக்க்கும்? கருணாநிதி கல் என்றால் கடவுள் இமயமலை

கடவுள் ஒருவரே அதில் யாருக்கும் சந்தேகமில்லை ஆனால் அறிந்து கொள்வது எப்படி என்பதுதான் விஷயம்

இந்துமதம் அவரின் எல்லா பக்கமும் அறிய ஒவ்வொரு கடவுளை உருவாக்கி மனிதன் கடவுளின் முழு தன்மையும் அறிய வழிகோலியது, அந்த பெருமை இந்துமதம் தவிர வேறு எங்கும் இல்லை

இது அறியாமல் இந்துமத்தை பழிப்பது சூரியனுக்கு ஏன் எல்லா பக்கமும் ஒளி ஒரு பக்கம் இருந்தால் என்ன என கேட்பது போலாகும்

ராசா இந்துக்களுக்கு ஏக சிக்கல் இருப்பதால் வாழ்த்து சொல்ல முடியாது என்கின்றார்

இஸ்லாமியருக்கு ரம்ஜானுக்கும் மிலாதுநபிக்கும் வாழ்த்து சொல்ல முடிகின்றது

கிறிஸ்தவருக்கு ஈஸ்டருக்கும் கிறிஸ்துமஸ்க்கும் புத்தாண்டுக்கும் வாழ்த்து சொல்லமுடிகின்றது

இந்துக்களுக்கு குறைந்தபட்சம் ராம நவமிக்கும், கோகுலாஷ்டமிக்கும், தீபாவளிக்கும் வாழ்த்து சொல்லமுடியாதா?

ராசாவினை அவரின் குலதெய்வம் பார்த்துகொண்டிருக்கின்றது, அவர் பேசும் பேச்சை எல்லாம் கேட்டுகொண்டிருக்கின்றது, அது மனசாட்சியாய் அவரிடம் கேள்வியும் கேட்கின்றது

ஆனால் மனசாட்சியினை கொன்றுவிட்டு பேசுகின்றார் ராசா, இதில் ஆச்சரியம் ஏதுமில்லை மனசாட்சியினை கொன்றவனே திமுககாரனாக இருக்கமுடியும்.

மலேசிய தமிழ்பெண்ணுடன் முகநூல் காதல்

தேனியினை சேர்ந்த ஒரு இளைஞனுக்கு மலேசிய தமிழ்பெண்ணுடன் முகநூல் காதல் ஏற்பட்டிருக்கின்றது, காதலாகி கசிந்திருகியிருக்கின்றார்கள்.

அம்மணிக்கு இவரை காணும் ஆசை வந்து அது ஓடிவந்திருக்கின்றது, ஏர் ஏசியா போன்ற பட்ஜெட் விமானம் தன் காதலுக்காக விடபட்டது போல, தயமந்திக்கு அன்னபறவை போல என நினைத்து அம்மணி பறந்து வந்தாயிற்று

அம்மணியினை நேரில் பார்த்த தமிழக காதலன் அரண்டு போய், அய்யய்யோ நீ குண்டாக இருக்கின்றாய் கருப்பாக இருக்கின்றாய் என சொல்லி கழன்று ஓட பார்த்திருக்கின்றான்

பொதுவாக உலகமெல்லாம் பெண்கள் ஒரே மாதிரிதான் இருக்கின்றார்கள், நாகரீக உடை அணிந்தாலும், நவநாகரீக வாழ்வு வாழ்ந்தாலும் பெண்களின் மனது ஒருவனை நினைத்துவிட்டால் அவனோடே வாழதுடிகின்றது, எல்லா சவாலையும் எடுக்க துணிகின்றார்கள்

மலேசிய பெண்கள் சந்திக்கும் சிக்கல்கள் வித்தியாசமானது, ஐரோப்பிய நாகரீக வாழ்வில் மனதால் தமிழச்சியாக அவர்கள் சந்திக்கும் போராட்டம் வேறுமாதிரியானது. இன்னொன்று பெற்றோரை எதிர்பார்க்காத அல்லது எதிர்பார்க்க முடியாத நிலமையில் இருக்கும் சமூகம் அது, அவர்களுக்கான வாழ்வை அவர்கள்தான் தேட வேண்டும்

அம்மணி இவன் பொறுப்பானவன் என்றும் தன்னை நன்றாக பார்த்துகொள்வ்வான் என்றுமே மனதை பறிகொடுத்திருக்கின்றது, வந்தவள் சும்மாவும் வரவில்லை கழுத்தெல்லாம் நகையாக தமிழ் கலாச்சாரபடி வந்திருக்கின்றாள்

இவன் அவளை கழற்றிவிட்டு ஓடி ஓளிந்திருக்கின்றான், அந்நிய தேசத்தில் இருந்து தன்னை நம்பி வந்த பெண்ணை அவன் இப்படி நடுதெருவில் விட்டிருக்க கூடாது, பெரும் பாவம் அது

ஆனால் மனதளவில் துணிச்சலான சுதந்திரமான வளர்ப்பு என்பதால் மலேசிய அம்மணி காவல்துறையினை நாடியிருக்கின்றது, காவல்துறை இந்தியனுக்கு கடமை உணர்ச்சிகாட்டி அம்மணியினை சமரசம் செய்து விரட்டிவிட முயன்றிருக்கின்றது

அந்தபெண் பாவம், அவன் வேலை செய்த மும்பை கம்பெனிக்கே சென்று முறையிட்டு அழுதிருக்கின்றாள், கம்பெனி அவனை வெளியே தள்ளியதுடன் ஒதுங்கிற்று

அப்பெண் எங்கெல்லாமோ முட்டி கதறி இருக்கின்றாள், இவனின் பெற்றோரிடமும் வந்து காலில் விழுந்து கெஞ்சியிருக்கின்றாள், அக்குடும்பம் மனம் இறங்கவில்லை

நம்ப வைத்து அவளிடம் பழகிவிட்டு இப்படி அவன் செய்த பாவத்தை விட, கடல் கடந்து வந்து கடலளவு அவள் கண்ணீர்விட்டும் இறங்காத அக்குடும்பம் பெரும்பாவம் செய்திருக்கின்றது

அப்பெண் கூடியமட்டும் பார்த்துவிட்டு சட்டமும் அவன் குடும்பமும் கைவிட்ட நிலையில் தமிழக கட்டபஞ்சாயத்து கும்பலிடம் பணம் கொடுத்து அவனை தூக்கிவந்து தாலிகட்ட நினைத்திருக்கின்றாள்

ஆனால் அவள் தேர்ந்தெடுத்தது காமெடி கோஷ்டியாக இருந்திருக்கின்றது, அவனுகளுக்கு ஆள்கடத்தல் என்றால் என்னவென்றே தெரியவில்லை

அக்கோஷ்டியும் வெளிநாட்டு பெண் என்பதால் ஏமாற்றி பணத்தை கறந்துவிட்டு மதுரை கோவிலில் தயாராக இருக்கும் படியும் , அவனை பிடித்துவந்து கத்தி முனையில் தாலிகட்ட வைப்பதாகவும் சொல்லிவிட்டு சென்றிருக்கின்றது

முன்பின் கடத்தி அனுபவமில்லாததால் அவனை பின் தொடர்கின்றோம் வீட்டு முன்னால் காத்துகிடக்கின்றோம் என ஏதோ போர்வெல் அமைக்க வந்த கோஷ்டி போல் முகாம் அமைக்க விஷயம் கசிந்து போலிசில் விவகாரம் சென்றாயிற்று

ஏற்கனவே அப்பெண்ணை அதட்டி அனுப்பிய காவல்துறை இப்பொழுது கடத்தல் வழக்கையும் பதிவு செய்கின்றது

பாவம் அந்த பெண், அவள் செய்த பாவம் என்ன? அவனை நம்பியது நம்பி தன் மொத்த சம்பாத்தியத்தையும் அவனுக்காக கொண்டு ஓடிவந்தது

அவள் அவனைவிட 10 வயது மூத்தவள் என்கின்றார்கள், மலேசிய சமூக வாழ்க்கை அப்படித்தான். இங்கு பெற்றோர் பிள்ளைகளுக்கு சேர்த்து வைத்து வரதட்சனை கொட்டி திருமணம் நடத்துவதில்லை

மணமகன் வரதட்சனை எதிர்பார்ப்பதுமில்லை, அவரவர் உழைத்து அவரவர்க்கு பிடித்தமானவர்களை திருமணம் செய்வார்கள், ஆனால் படித்து உழைத்து கார் வாங்கி வீடு வாங்கிபின்புதான் திருமணம் செய்வார்கள், இதனால் 30 வயது தாண்டுவது சாதாரணம்

மலேசிய வாழ்க்கை வேறு , இந்திய வாழ்க்கை வேறு. இது தெரியாமல் ஏராளமானோர் அவர்களை அறியாமல் சிக்கிகொள்வது சோகம்..

நாம் பலரை இதுபோல பார்க்கின்றோம், வெளிநாட்டு பெண் என்றும் மேக் அப்பினை கண்டும் ஏமாந்து காதலில் விழுந்துவிடுகின்றார்கள், இன்னொரு பக்கம் வெளிநாட்டு குடியுரிமைக்கு சிக்கும் கோஷ்டிகளும் உண்டு

இப்பெண் பாவம் வாழதுடித்து ஓடிவந்திருக்கின்றது, நல்வாழ்வு தொடங்கிவிடாதா என ஏங்கி வந்திருக்கின்றது, ஆனால் நடந்தது தலைகீழ்

நிச்சயம் அப்பெண்ணின் அன்புக்கு அவன் தகுதியயற்றவன், இவ்வளவு போராடும் பெண்ணை அவன் விட்டுவிட்டான் என்றால் பெரும் தவறு செய்கின்றான் என பொருள், பின்னொரு நாளில் அவன் உணரலாம்

அப்பெண் இனியும் போராட ஒன்றுமில்லை, காரணம் திருமணம் என்பது அன்பில் தொடங்க வேண்டிய பந்தம் அதை அரிவாள் முனையில் தொடங்கினால் நிலைக்காது

அம்மணி அவர்கள் நாடு திரும்புதலே அவருக்கு நலம்

முகநூல் என்பது மாயவலை, மகா கவனமாக இருக்க வேண்டும், இல்லாவிட்டால் இப்படியான சிக்கலை சந்திக்க நேரலாம்

ஆக அவனவன் முகநூலில் எவ்வளவோ சாகசங்களை செய்கின்றான், இந்த Kasi Lingam Senthil Kumar Chennaiஎன்பவர்கள் இங்கும் ஒரு மண்ணாங்கட்டியும் கிழிக்கவில்லை, இவர்களுக்கு ஏன் முகநூல் என்றுதான் தெரியவில்லை

இரண்டு பேரும் முகநூலைவிட்டு ஓடுவதுதான் முகநூலுக்கே கவுரவம்.

விஷயத்தை இருவரும் கேள்விபட்டு, பட்டினத்தாரும் பத்ருஹரியாரும் காளகஸ்தியில் முன்பொருள்நாள் புலம்பியது போல புலம்பிகொண்டிருக்கலாம்