ஏன் இப்படி இழுக்கின்றார்கள்?

தமிழ்நாட்டில் மிக சாதாரண விஷயத்தை அதாவது சன்னிலியோன் என்றால் ஆபாச வீடியோக்காரி, ஆட்டோ சங்கர் என்றால் கொலைகாரன் அப்படி ஈரோட்டு ராம்சாமி என்றால் இந்து கடவுளை அடித்திருப்பார் என கடந்து செல்லவேண்டிய இயல்பான விஷயத்தை ஏன் இப்படி இழுக்கின்றார்கள் பத்திரிகை நிறைய அதையே ஏன் வருமாறு பார்க்கின்றார்கள் என்றால் விஷயம் வேறுமாதிரியானது

இதோடு தஞ்சாவூர் கோவிலில் தமிழில் குடமுழுக்கு என இன்னும் அழுத்தமாக தஞ்சாவூர் கோவிலையே பிரதானபடுத்தி தஞ்சையின் இன்னும் சில செய்திகளை மறைக்கின்றார்கள் என்றால் அதிலும் விஷயம் இல்லாமல் இல்லை

ஆம், வழக்கம் போல மத்திய அரசு செய்யும் மிக முக்கியமான விஷயத்தினை மறைக்கின்றார்கள், தமிழக மக்கள் பாஜக அரசின் முக்கிய திட்டத்தை செயல்படுத்துவதை தெரிந்து கொள்ள கூடாது என விரும்புகின்றார்கள்

யார் விரும்புகின்றார்கள் என்றால் தமிழ்நாடு என்றும் திராவிட மயக்கத்தில் இருக்க வேண்டும் என நினைக்கும் திமுக, அதிமுக இன்னபிற கோஷ்டிகளே, இதன் பின்னணியில் சில வெளிநாட்டு உத்தரவும் இருக்கலாம் காரணம் திமுக தலமை சொந்தமாக யோசித்து தஞ்சாவூர் கோவிலை சீண்டியிருக்காது

ஆம் மத்திய அரசு தஞ்சாவூர் விமானபடை தளத்தை மிக உயரத்துக்கு எடுத்து செல்கின்றது, அது உலகின் மிக பரபரப்பு செய்தியாகிவிட்டது

இந்திய விமானபடையின் மிகபெரும் பலம் அந்தமான், அங்கிருந்து ஆசியா முழுமையும் கட்டுபடுத்தும் படி விமானமும் ஏவுகனையும் இயக்கலாம்

அதன் அடுத்த இடமாக தஞ்சாவூரை பிரமோட் செய்துவிட்டது மத்திய அரசு, உலக அரங்கில் தஞ்சை விமான நிலையம் இடம் பிடித்துவிட்டது பாகிஸ்தான் முதல் இஸ்ரெல் அமெரிக்கா வரை தஞ்சாவூரை நோக்க தொடங்கிவிட்டன‌

ஆம் அப்படித்தான் சுகோய் விமானத்தை நிறுத்தி அதற்கு பெயரும் இட்டிருகின்றார்கள் , தஞ்சை விமான நிலைய பெயர் என்ன தெரியுமா?

புலிசுறா

ஆம் தமிழனின் புலிகொடி பறந்த இடத்தில் சோழரின் பாரமப்ரிய புலியினை சுமந்து புலிசுறா என பெயரிட்டிருக்கின்றது மத்திய அரசு

இத்தோடு சூலூருக்கு அடுத்து தஞ்சையில் தேஜஸ் விமானத்தியும் நிறுத்த போகின்றது

இன்னமும் அடுத்தவருடம் ரபேலும் வரலாம் என்கின்றார்கள், இதை நாம் முன்பே சொல்லியிருந்தோம்

ஆக மிகபெரும் ராணுவவிமான தளமாக தஞ்சை உருவெடுத்துகொண்டிருக்கின்றது, இதனால் பாதுகாப்பு ஒருபக்கம் வலுபடுத்தபடும், தஞ்சை பக்கம் மத்திய அரசு உலாவினால் ஏகபட்ட நலன்கள் இங்கு வரும்

காராஜர் காலத்துக்கு பின் இம்மாதிரியான காட்சிகள் நடக்கின்றன, இந்திய விமானபடை ஒருவித வேகத்தில் உள்ளது, வாஜ்பாய் காலத்துக்கு பின்பு 10 வருட காலம் விமானபடை மேம்படுத்தபடவில்லை

பழையதை கழித்தார்களே ஒழிய புதிது வாங்கவில்லை இது ஒருவித தேக்கத்தை ஏற்படுத்திற்று

காங்கிரஸ் இருந்தாலே உருப்படாது இதில் திமுகவும் இருந்தால் எப்படி உருப்படும்

இப்பொழுது துரிதகதியில் மேம்படுத்துகின்றார்கள் அப்படி வந்ததுதான் தஞ்சை விமானதள புத்துயிரும் சுகோயும் தேஜசும்

முன்பு 10 ஆண்டுகள் திமுக மத்திய அரசில் இருந்தது, அப்பொழுது சன்டிவிக்கு புது புது சேனல்கள் வந்தன இதர மொழியில் வந்தது

திமுகவுக்கு கலைஞர்டிவி வந்தது, இன்னும் என்னவெல்லாமோ வந்தது திமுக பிரமுகர்களுக்கு புது புது கம்பெனிகள் வந்தன, கனிமொழிக்கு ராயல் பர்ச்னிச்சர் கடை வந்தது

ப.சிதம்பரம் குடும்பத்துக்கு என்ன வந்தது என்பது பற்றி உங்களுக்கே தெரியும்

மோடி ஆட்சியில் தமிழ்நாட்டுக்கு காவேரி உருப்படியாக வந்தது, காணாமல் போன தஞ்சை சிலைகள் வந்தன‌

முன்பு தஞ்சாவூரில் இருந்து சோழன் கிழக்காசியா முழுக்க ஆட்டி படைத்து தஞ்சையினை கிழக்காசியாவினை மிரட்டும் தலைநகராக வைத்திருந்தது போல இன்று கிழக்காசியாவினை மிரட்டும் தஞ்சாவூராக மோடி அரசு அதை மாற்றிகொண்டிருக்கின்றது

அவ்வகையில் மோடி இரண்டாம் ராஜராஜ சோழனாகின்றார்

இது தமிழக வரலாற்றில் மாபெரும் திருப்பம், பண்டைய தமிழ்நகரமும் பாரம்பரியமும் மிக்கதான தஞ்சாவூரை மோடி உலகில் மின்ன வைக்கின்றார்

இதை தமிழன் தெரிந்தால் திமுகவினை மதிப்பானா? தாடிக்காரன் ராம்சாமியினை மதிப்பானா? இல்லை டெல்லி எதிர்ப்பு அரசியல்தான் செய்யமுடியுமா?

இதனால் ரஜினிக்கு நன்றி சொல்லி பன்றியாய் கறுப்பு சட்டையுடன் வருகின்றார்கள், தஞ்சை கோவிலில் தமிழ் வேண்டும் என கொடிபிடிக்கின்றார்கள்

ஆனால் அதே தஞ்சையினை மத்திய அரசு பெரும் உலகபுகழ் நகரமாக உருவாக்குவதை மறைக்கின்றார்கள், ஊடகமும் துணை செல்கின்றன‌

மாமல்லபுரத்துக்கு அடுத்து தஞ்சாவூர் உலக புகழ் பெறுகின்றது, மோடி அசத்துகின்றார்

இதை எல்லாம் சொல்லவேண்டியது தமிழக பாஜக, நிச்சயம் இது அவர்கள் அடித்து ஆட வேண்டிய இடம், ஆனால் அவர்களோ அடுத்த தலமை யார் என குடுமிபிடி சண்டையில் இருக்கின்றார்கள்

பின் எங்கிருந்து தாமரை மலரும்?

தமிழக பாஜகவினை நாம் வன்மையாக கண்டிக்கின்றோம், அவர்களால் இங்கு ஒருகாலமும் கட்சி வளர்க்கமுடியாது போலிருக்கின்றது, திமுக அதிமுகவின அடிமைகள் அவர்கள், அவர்கள் இருக்கும் காலம் வரை இங்கு ஒரு மாற்றமும் வாரா..

அவர்கள் அரசியல்வாதிகள் அப்படித்தான்

நாம் ஒரு இந்தியனாக இந்திய அரசின் நல்முயற்சியினை வாழ்த்தும் இந்திய தமிழனாக விஷயத்தை சொல்லிவிட்டோ இனி உங்கள் பாடு

கவனியுங்கள் தமிழகத்தின் சாலை முதல் குப்பைமேடு வரை அண்ணா பெரியார் என பெயின்ட் அடித்தது திமுக‌

முதல்முறையாக பண்டைய அடையாளங்களை மீட்டு கப்பல்கட்டு தளத்துக்கு கோவாவில் சோழன் பெயரை சூட்டியது மோடி

மாம்மல்லபுர பல்லவ அடையாளத்தை மீட்டு அதை உலகறிய செய்தது மோடி

இப்பொழுது தஞ்சாவூர் தளத்தை பலபடுத்தி உலகதரமாக்கி சோழனின் புகழ் நிலைக்கும் வண்ணம் “புலி”சுறா என பெயரிட்டிருப்பதும் மோடி

இனி தஞ்சை கோவிலில் சமஸ்கிருதத்தில் அடுத்து குஜராத் மொழியில்தான் மந்திரம் சொல்லவேண்டும், சல்லிவோட்டுக்கு பிரயோசனம் இல்லையென்றாலும் தஞ்சையின் காவேரி முதல் சிலை, பாரம்பரியம் வரை அவர்தான் மீட்டெடுக்கின்றார்

நல்ல இந்திய தலமை எப்படி இருக்க வேண்டுமோ அப்படி விளங்கும் மோடிக்கு, இரண்டாம் ராஜராஜ சோழனுக்கு தமிழனாக கோடி நன்றிகள்

வாழ்க நீ எம்மான்…

இந்திய அரசு 6 புதிய அணுசக்தி நீர்மூழ்கிகளை தயாரிக்கும் திட்டத்தில் முடிவுக்கு வந்துவிட்டது

இந்திய அரசு 6 புதிய அணுசக்தி நீர்மூழ்கிகளை தயாரிக்கும் திட்டத்தில் முடிவுக்கு வந்துவிட்டது

புதிய நீர்மூழ்கிகளில் இரு வழிகள் உண்டு முதலில் வெளிநாட்டில் முழுக்க தயாரிப்பது இரண்டாவது உள்நாட்டு தயாரிப்பில் வெளிநாட்டு தொழில்நுட்பத்தை பயன்படுத்துவது

இந்த இரண்டாம் வழி மேக் இன் இந்தியா திட்டத்துக்கு பாஜக அரசு முன்னுரிமை கொடுக்கின்றது, இந்திய பணம் இந்தியாவுக்குள்ளே சுற்றும் என்பது அந்த நிலைப்பாடு அது மிக சரியானதும் கூட‌

இந்த பல்லாயிரம் கோடி மதிப்புள்ள திட்டத்தை அதானியும் அம்பானியும் பெறுவார்கள், இதை வைத்து பெரும் அரசியல் செய்யலாம் என நினைத்திருந்த எதிர்கட்சி வாயில் மண் அள்ளி போட்டுவிட்டது மத்திய அரசு

இந்த ஒப்பந்தம் எல்&டி நிறுவணத்துத்தான் வழங்கபடும் என்பது போல அம்பானி அதானி நிறுவணங்களை போட்டியில் இருந்தே விரட்டிவிட்டது மத்திய அரசு

ஆம், அணுசக்தி நீர்மூழ்கி அதிமுக்கியமான விவகாரம் என்பதால் திறமைக்கு முக்கியத்துவம் கொடுக்கின்றார்கள், அதானி அந்த அளவு தரம் கொடுக்கமுடியாது என்பதால் நடையினை கட்ட சொல்லிவிட்டார்கள்

அதானி பாஜக கட்சிக்கு முக்கிய கூட்டாளி எனினும் நாட்டின் பாதுகாப்பு திட்டத்தில் மிக சரியான முடிவினை எடுத்து எல்&டி கையில் நீர்மூழ்கியினை ஒப்படைக்க நினைக்கும் மத்திய அரசுக்கு வாழ்த்துக்கள்

தொடரவேண்டும் இந்த நன் முயற்சிகள், வாழ்த்துக்கள். ஜெய்ஹிந்த்

காலத்தின் சோகம்

காலமெல்லாம் அடுத்தவன் படத்துக்கு வசனமெழுதிய கருணாநிதி தன் குடும்ப கம்பெனிக்கு வசனம் எழுதாமல் போனது காலத்தின் சோகம்

அதே நேரம் கலாநிதி மாறனும், உதநிதியும், அழகிரி மகனும் கருணாநிதிக்கு வாய்ப்பு கொடுக்கவே கூடாது என்பதில் கவனமாய் இருந்திருகின்றார்கள்…

Happy Birthday …Michelle Pauline

காலங்கள் எவ்வளவு வேகமாக இறக்கை கட்டி பறக்கின்றது என்பது பெற்ற பிள்ளைகளை பார்க்கும் பொழுதுதான் தெரிகின்றது

அதற்குள் 8 வருடம் ஓடிவிட்டது, ஏதேதோ நடந்து எல்லாமே கனவு போலாயிற்று

வாழ்வு என்பது கனவுபோல் ஓடிவிடும் மாயை என்பது மெல்ல புரிகின்றது

அன்று இதே தை அம்மாவாசை, சீனர்கள் புத்தாண்டை தொடங்கியிருந்த நேரம் முதல் முதலாக மகளை கையில் ஏந்தினேன்

யாருடனும் அதிகம் ஒட்டாதவனும், பந்த பாசம் ரத்தபாசம் இதிலெல்லாம் அதிக நம்பிக்கையில்லாதவனுமான எனக்கு அந்த நொடியே புத்திர பாசத்தின் தன்மை விளங்கிற்று

பெண்குழந்தை தேவதையின் சாயல் என்பதும், அதோடு வாழும் வாழ்வு சொர்க்கம் என்பதும் மெல்ல விளங்கிற்று..

அதன்பின் அவளில்லா நாளில்லை, இப்பொழுது கொஞ்சமாதம் பிரிவாயிற்று, அவளும் 3ம் வகுப்புக்கு வந்துவிட்டாள்

தகப்பனுக்கு பெண் பிள்ளைமேல் தனிபாசம் உண்டு என்பது அக்காலத்தில் இருந்தே எல்லா இனமும் மதமும் சொல்லும் தத்துவம், அது உண்மைதான் போலிருக்கின்றது

ஏன் அக்கால அரசர்கள் மகள்கையில் மாலை கொடுத்து சுயம்வரம் நடத்தினான் என்பது இப்பொழுதுதான் புரிகின்றது, மகளின் மகிழ்ச்சி அவனுக்கு அவ்வளவு முக்கியமாய் இருந்திருக்கின்றது

வாழ்வில் நான் அடைந்த வரங்களில் முதல் நல்வரம் அவள்தான்

தெய்வம் எனக்கு தந்த ஆறுதலுக்கு மகிழ்ச்சிக்கும் இன்று பிறந்த நாள்

“அப்பா, இப்போ நான் வளர்ந்துட்டேன் , அடுப்பு எட்டுது. சப்பாத்தி எல்லாம் செய்றேன், நீங்க வாங்கப்பா செஞ்சிதாரேன், எனக்கு எவ்வளவு நாள் செஞ்சி தந்தீங்க..” என அவள் சொல்லும் பொழுது வாழ்வின் கட்டம் அழகாக புரிந்தது

“அமிழ்தினும் ஆற்ற இனிதேதம் மக்கள்
சிறுகை அளாவிய கூழ்.”

தன் குழந்தை சின்ன கைகளால் கரைத்த கூழ், அமிழ்தைவிடவும் சிறந்த சுவையுடையதாக இருக்கும் என்ற வள்ளுவனின் குறள் முக்கால உண்மையானது

பெண் பிள்ளை இல்லாதோன் வாழ்வு நிறைவில்லாதது என்பார்கள், அதுவும் உண்மை போலிருக்கின்றது

காந்தி 4 மகன்களை பெற்றார் என்னாயிற்று, நேருவுக்கு ஒரே மகளால் உலக புகழ் கிடைத்தது.

“தம்பொருள் என்பதம் மக்கள் அவர்பொருள்
தம்தம் வினையான் வரும்.”

பெற்ற பிள்ளைகள் என்பது அவரவர் பூர்வ வினைபயன் என்ற வள்ளுவனின் வார்த்தைக்கு அவளே பொறுப்பு

பிள்ளைகள் வழியாகவே பெற்றோர் அறியபடுவர் எனும் யூதபழமொழி என்வாழ்வில் அவள் கையில்தான் இருக்கின்றது

தை அம்மாவாசை முன்னோருக்கு உகந்த நாளாம், ஏதோ முன்னோரின் தொடர்ச்சியாக அவள் என் கரங்களுக்கு வந்திருக்கலாம்

அவளின் பாட்டி வாழா வாழ்வினை அவள் வாழட்டும், எல்லா தெய்வங்களும் அவளை ஆசீர்வதிகட்டும்

Happy Birthday …Michelle Pauline

லண்டனில் நடந்த சம்பவம் இன்றைய உலகின் ஒருமாதிரியான செய்தி

லண்டனில் நடந்த சம்பவம் இன்றைய உலகின் ஒருமாதிரியான செய்தி

லண்டனின் இளம்பெண், அதாவது தந்தையின்றி தாய்மட்டும் கொண்ட இளம்பெண் திருமணம் செய்து தேனிலவுக்கு சென்றிருக்கின்றாள், தனியாக இருந்ததால் தாயினையும் அழைத்து சென்றிருக்கின்றாள்

அடுத்த 9ம் மாதம் குழந்தை பிறந்திருகின்றது, அதுவும் அப்பெண்ணின் கணவனை போலவே பிறந்திருக்கின்றது

அதிர்ச்சி அடைந்த இளம்பெண் மயங்கி விழுந்து எழுந்து அழுதுகொண்டிருக்கின்றாள்

காரணம் பிள்ளை பெற்றது இளம்பெண் அல்ல அவளின் தாய்

அந்த ஜெகஜால கில்லாடி மாப்பிள்ளை இரு தேனிலவினை கொண்டாடியிருகின்றான்

விஷயம் ஐரோப்பாவில் சிரிப்பாய் சிரிக்கின்றது, அப்பெண்ணோ விவாகரத்துக்கு சென்றுவிட்டாள், அவனும் அவளின் தாயும் யார் பெற்றால் என்ன இது நம் வீட்டு வாரிசு என சிரித்து கொண்டிருக்கின்றார்கள்

விஷயம் சென்னை பெரியார் திடலுக்கு தெரியுமா இல்லையா என்பது தெரியவில்லை

தெரிந்தால் இந்த வருட பெரியார் ராம்சாமி விருது இந்த லண்டன்காரனுக்கும், ராம்சாமி கண்ட ராவிருட்டு புரட்சிபெண் விருது அவனின் மாமியாருக்கும் வ‌ழங்கபடும்..

பாலசந்தர் இருந்தால் அவருக்கொரு கதை கிடைத்திருக்கும், இப்போதுள்ள இயக்குநர்களுக்கு இம்மாதிரி கதையிலெல்லாம் விருப்பமில்லை

சங்கம் அம்மாவாசையினை எல்லாம் நம்பாது

இன்று தை அம்மாவாசையாம், நிலா வராதாம்

பைத்தியகாரதனமான உலகமிது, இதோ இந்த தேயா நிலா இருக்கும் உலகில் எப்படி அம்மாவாசை வரும்?

இதனால் சங்கம் அம்மாவாசையினை எல்லாம் நம்பாது,

தலைவி இப்படி ஜொலிக்கும் பொழுது நம்பவும் முடியாது

“சங்கம் நாட்டில் எல்லா நாளும் பவுர்ணமி
சங்கம் நாட்டில் என்றும் இல்லை தேய்பிறை..”

லாலல்லாஆஆஆஆஆஆஆஆஆஆஆஆ

கிறிஸ்தவரும் இஸ்லாமியரும் சிந்தித்து பார்த்தல் நலம்..

ஈரோட்டு ராம்சாமி விதவைகள் மறுமணத்தை ஆதரித்த பெண் விடுதலை வரலாற்று புரட்சியாளராம்

இதை சொல்வதில் இஸ்லாமியரும், கிறிஸ்தவரும் இருப்பதுதான் ஆச்சரியம்

அரேபிய கலாச்சாரத்தில் விதவைகளுக்கான இடம் கடுமையானது,

தூய்மையான நபி பெருமான் கதீஜா எனும் விதவையினை திருமணம் செய்து உலகுக்கே முன்மாதிரியாய் திகழ்ந்தார்

வயதில் மூத்த கதீஜா அம்மையார் மகா நல்லவராயும் இறையச்சம் கொண்டவருமாயிருந்ததால் தயக்கமின்றி அவரை மனைவியாக ஏற்றார் நபி பெருமான்

இது அச்சமூகத்துக்கே வழிகாட்டலாய் இருந்தது.

இயேசுவின் வாழ்வு சொல்வதென்ன?

விபசாரத்தில் பிடிபட்ட பெண்ணொருத்தி கல்லெறிந்து கொல்லபட இருந்தபொழுது “உங்களில் குற்றமில்லாதவன் முதல் கல்லை எறியட்டும்” என சொல்லி அந்த ஆண்கள் கூட்டத்தை விரட்டி அப்பெண்ணை காத்தார் இயேசு

இயேசுவின் வாழ்வு பெண்விடுதலை போராட்ட வாழ்வாகவே இருந்தது, விதவைகள் பாவிகள் என எல்லா ஒதுக்கபட்ட பெண்களுக்கும் அவர் நல்வார்த்தை சொல்லி ஆறுதலும் பாதுகாவலுமாக இருந்தார்

அவரின் புதுமை கானாவூரில் ஒரு பெண்ணின் கண்ணீரை துடைக்க நிகழ்ந்து கடைசியில் உயிர்த்து காட்சி கொடுத்ததும் ஒரு பெண்சீடருக்கே

மகா தூய்மையான நபிபெருமானும், கடவுளின் தேர்ந்தெடுக்கபட்ட மனிதனாக வலம் வந்த இயேசுவும் செய்து காட்டியதை விட, வாழ்ந்து காட்டியதை விடவா ஈரோட்டு ராம்சாமி கிழித்தெறிந்துவிட்டார்

பகுத்தறிவில் இதையெல்லாம் கிறிஸ்தவரும் இஸ்லாமியரும் சிந்தித்து பார்த்தல் நலம்..

பாம்பு கொத்தும் முன் அதை கொல்வதுதான் நல்லது

நாட்டுக்குள் கோஷ்டி கோஷ்டியாக அரசியல்வாதிகள் கத்திகொண்டிருந்தாலும் , ஆளாளாளுக்கு ஆயிரம் கனவுகளில் இருந்தாலும் காவல்துறையும் பாதுகாப்பு அமைப்புகளும் ஒருவித பதற்றத்தில் இருக்கின்றன‌

அந்த காஜாமைதீன் கோஷ்டி மிக வலுவான வலயமைப்பும் கொண்டதும், பெரும் தாக்குதலை நடத்தும் வல்லமை மிக்கதுமாய் இருப்பது தெரியவந்திருக்கின்றது

முன்பே தெரிந்து ஆங்காங்கே கைதுகள் நடந்தாலும் அவர்களின் ஆழத்தையும் பலத்தையும் தொடர்பையும் கண்ட காவல் அமைப்புகள் அதிர்ந்திருக்கின்றன‌

மிகபெரும் தாக்குதலுக்கு அவர்கள் திட்டமிட்டிருக்கின்றனர்

அவர்களின் பெரும்பாலானோர் தமிழகத்தில் கைது செய்யபடுவதும், காவலர் கொலை இங்கு நடந்திருப்பதே இப்போதைய தமிழக கடும் பதற்றத்துக்கு காரணம்

தமிழகம் 1970 வரை மிக அமைதியான பகுதி, மகாத்மா காந்தி முதல் நேரு வரை காலாற நடந்து வந்து, தமிழர் வீட்டு திண்ணையில் அமர்ந்து தண்ணீர்வாங்கி குடித்த அமைதியான பூங்கா

இங்கு திமுக ஆட்சி வந்ததில் இருந்து ஒரு வெறித்தனமும் காட்டுமிராண்டிதனமும் குடியேறின, அது இந்திராவினை கொல்லபார்த்தது, அதன் பின்பு வெடிகுண்டுகள் வெடிக்க தொடங்கின அது ராஜிவினையும் கொன்றது

பின் கோவையில் காவலரை கொன்று கலவரமாக்கி வெடிகுண்டாய் வெடித்தது

ஒரு விஷயம் எம்மால் உறுதியாக சொல்லமுடியும், அதிமுக ஆட்சியில் பொதுவாக இம்மாதிரி கலவரங்கள் நடக்காது, பெரும் சர்ச்சைகள் இருக்காது

திமுக அரசு சிறுபான்மையினரை தடவி கொடுத்து டெல்லிக்கு எதிராக கொம்பு சீவும் அரசியல் கொண்டது, சிறுபான்மையினருக்கு மட்டுமல்ல புலிகளுக்கும் அதையே செய்தது

இப்பொழுது ஜெயா இல்லா நிலையில் பழனிச்சாமி மாநில பாதுகாவலில் மகா அஜாக்கிரதையாக இருந்திருப்பாரோ என எண்ணவைக்கும் காட்சிகள் நடக்கின்றன‌

தூத்துகுடியில் அப்பாவிகள் 13 பேரை சுடதெரிந்த பழனிச்சாமி அரசுக்கு, தேசவிரோத சக்திகள் சிலவற்றை ஓடவிட்டு சுட ஏன் தெரியவில்லை எனபதுதான் மில்லியன் டாலர் கேள்வி

மிகபெரும் சவாலும் மிரட்டலும் பழனிச்சாமி அரசு முன்னால் இருக்கின்றது, காவல்துறைக்கும் பழனிச்சாமியே பொறுப்பு

இவ்வளவு பெரும் மிரட்டலும் பரபரப்பு செய்திகளும் வரும் நிலையிலும் மாநில அரசு பொறுப்பான பதிலும் நடவடிக்கையும் எடுத்ததாக தெரியவில்லை

பாம்பு கொத்தும் முன் அதை கொல்வதுதான் நல்லது, பாம்பு கொத்திவிட்டபின் பாம்பை கொன்று ஒரு பலனுமில்லை…

தேசபக்தியுள்ள இந்தியர்கள் எச்சரிக்கை

தேசபக்தியுள்ள இந்தியர்கள் எச்சரிக்கையாக இருக்க வேண்டிய நேரமிது : ப.சிதம்பரம்

ஆம், தேசபக்தியுள்ள இந்தியர்கள் காங்கிரசையும்,திமுகவினையும் கம்யூனிஸ்டுகளையும் ஆதரிக்கவே கூடாது, காரணம் அவர்களின் செயல்பாடு அந்நிய நாடுகளுக்கே ஆதரவாய் இருக்கின்றது

கறுப்பு சட்டைகளை விட்டுவிடலாம் என்றால் விடாது கறுப்பு போலிருக்கின்றது

கறுப்பு சட்டைகளை விட்டுவிடலாம் என்றால் விடாது கறுப்பு போலிருக்கின்றது, இந்துமதமும் சாதியும் பார்ப்பானுக்கு லாபமான விஷயம் அவற்றால் பலனடைபவன் அவனே என கிளம்பிவிட்டார்கள்

இந்துமதம் எல்லோருக்கும் பொதுவானது, கிறிஸ்துவத்தில் சேர ஞானஸ்நானம் இன்னபிற முழுக்கு சடங்கு உண்டு, இஸ்லாமுக்கும் உண்டு

ஆனால் இந்துமதத்தில் அப்படி ஏதுமில்லை திறந்த கடல் அது, மானிடன் மட்டுமல்ல மாடும் காகமும் கூட சேரலாம் அப்படியான மிக திறந்தமதம் பிராமணருக்கு மட்டும் அல்ல‌

பிராமணன் அங்கொரு கூலிக்காரன், அன்று அரசகட்டுபாட்டில் ஆலயம் இருந்தது அவனுக்கே முதல்மரியாதை இன்னபிற, இன்றும் பெரும் தனசுவாந்தாருக்கு அது பரிவட்டம் கட்டுதல் என தொடர்கின்றது

ஆலய பணி சாமான்பம் அல்ல, அதிகாலை 3 மணிக்கு எழுந்து சில சாங்கியம் செய்து 6 மணிக்கு பக்தரை எதிர்பார்த்து, ஒவ்வொரு பக்தனுக்காகவும் பிரார்த்து அர்சனை செய்து இரவில் வெளியேற 10 மணி ஆகும்

உலகில் முழுநேர வேலை என சில உண்டு, அவற்றை விட்டு ஒரு நொடி நகரமுடியாது

ஆடுமாடு மேய்த்தல், உணவகம் என மிக சில தொழில்கள் அப்படி உண்டெனினும் மகா மகா சிரமமானது அர்ச்சகர் பணி, ஒரு நாள் அருகிருந்து பார்த்தால் அதன் சிரமம் தெரியும், பக்தன் ஒரு நிமிடத்தில் வந்துவிடுகின்றான்

அவர்களுக்கோ ஆயிரம் பக்தர்கள், ஆயிரம் முறை மந்திரம் சொல்லும் நிர்பந்தம் இன்னபிற‌

நிச்சயம் எல்லா பிராமணனும் அர்ச்சகர் அல்ல, அது மிக சிலரே மற்ற பிராமணர்கள் பற்றி கவலை கொள்வார் யார்? அவனுக்கு இட ஒதுக்கீடும் கிடையாது இன்னபிறவும் கிடையாது

அரசன் காலத்திலாவது பிராமணருக்கு சில ஆதரவு இருந்தது, இன்று என்ன இருக்கின்றது?

இந்துமதம் பார்ப்பானுக்கு லாபம் என்றால் பழநி முதல் எல்லா இந்து ஆலய காணிக்கையும் யாருக்கு செல்கின்றது? அறநிலையதுறையில் எந்த பிராமணன் உண்டு?

சிலைகடத்தியது பிராமணா? இல்லை தர்மகர்த்தா பிராமணனா?

இந்துமதம் எல்லா உயிர்க்குமானது, அது பிராமண லாபம் என சொன்னால் அது ஈரோட்டு ராம்சாமி எடுத்த வாந்திகளில் ஒன்று

சாதி பிராமணனுக்கு ஆதரவாம்

இதை பற்றி சொல்ல ஒன்றுமில்லை

கருணாநிதி முதல்வரானார், ராமதாஸும் திருமாவும் கட்சி நடத்துகின்றனர், தலித் குபீர் புரட்சியாளர்கள் சம்பாதிக்கின்றனர்

இன்னும் யார் யாரெல்லாமோ சாதி பெயரால் என்னவெல்லாமோ செய்து பொருள் குவித்து சமுதாயத்தை மிரட்டி தனக்கு தானே சிலை வைத்து இல்லா அட்டகாசமெல்லாம் செய்கின்றனர்

சாதி பெயரை சொல்லி பொருள் குவித்தோ? பதவிக்கோ வந்த ஒரு பிராமணனை யாரும் பார்த்ததுண்டா, ஒருவனை கைகாட்ட முடியுமா?

உலகில் ஒவ்வொரு இனத்துக்கு ஒரு பணி இருந்தது, தொன்றுதொட்டு வந்த அந்த விஷயத்தை இன்னொரு இனம் செய்ய முடியாது

பிராமண இனம் தன் பாரம்பரியம் கொடுத்த சாஸ்திர சம்பிரதாயங்களையும் ஆலய வழிபாடுகளையும் உயிரை கொடுத்து காத்து வருகின்றது

இன்று அதில் வருமானமில்லை, அறநிலையதுறையினை தாண்டி ஐந்து பைசா அர்ச்சகர் கொண்டு செல்லமுடியாது, அறநிலையதுறையில் பிராமணர் இருப்பதுமில்லை

சல்லி காசு வருமானமில்லா ஆலயத்தில் பரிதாபமாக அமர்ந்திருக்கும் அர்ச்சகர் உண்டு

மலேசியாவில் அர்ச்சகர்கள் பெரும்பாலும் இந்திய பிராமணர்களே, ஆனால் அவர்களின் சம்பளம்
சாதாரண கூலி தொழிலாளியினை விட குறைவே

அந்த இனம் தன் பாரம்பரியம் விட்டுவிட கூடாது எனும் வைராக்கியத்தில் எத்தனையோ சிரமங்களுக்கும் வலிகளுக்கும் இடையே மிக போராடி ஆன்மீக விஷயங்களை காத்து வருகின்றது

நிச்சயம் அவர்களும் வீழ்ந்தால் இந்துமதமும் வீழும்

கிறிஸ்துவத்தில் சி.எஸ்.ஐ பிரிவு பாதிரியின் பெயர் இன்றும் அய்யர், சபையில் அவரை அய்யர்வாழ் என்றுதான் அழைப்பர்

அய்யர் என்பது வேதம் ஓதும் குலமே தவிர ஒரு சாதிக்கான பெயர் அல்ல, அந்த பாதிரிகளை அய்யர் என அழைக்க கூடாது என ஒரு பிராமணனும் சண்டைக்கு செல்வதில்லை

காரணம் அய்யர் என்பது சாதிக்குரிய பெயர் அல்ல என்பதில் அவன் உறுதியாய் இருக்கின்றான்

கிறிஸ்தவ அய்யர்கள் வாழும் சொகுசு வாழ்க்கை கொஞ்சமல்ல, நிரந்தர பணி கொட்டும் வருமானம் குடும்பத்தாருக்கு எல்லாம் சிறுபான்மை கல்வி நிலையங்களில் வேலை என அரச குடும்ப வாழ்க்கை வாழ்கின்றன அவை

இஸ்லாமிய போதர்களின் நிலையும் மோசமில்லை, சாகிர் நாயக் போன்றோர் எந்த இஸ்லாமிய நாட்டிலும் போதகனாக குடியேறமுடியும்

பரிதாபத்துகுரிய பிராமணா அர்ச்சகன் என்ன வாழ்க்கை வாழ்கின்றான்? அவனுக்கு என்ன சவுகரியம் உண்டு

ஆலயத்திலும் அவன் வாழமுடியாது, ஆலயத்தை தாண்டி முன்னேறிய சாதி என சொல்லி வாய்புகளும் அவனுக்கு மறுக்கபடும்

அந்த பரிதாபத்துகுரிய இனத்தை வதைக்காதீர்கள், போலி அரசியல்வாதி அவன் சுயநலத்துகாக கத்தும் வன்மத்தில் வெறியேறி அவர்களை வெறுக்காதீர்கள்

ஆண்டவன் எல்லாவற்றுக்கும் ஒரு கணக்கு வைத்திருக்கின்றான், மிதமிஞ்சிய அட்டகாசமும் வெற்று கூச்சலும், வீண் வெறுப்பும், அகங்காரமும் அவனுக்கு வெறுப்பானவை

பிராமணை திட்டி வெறுக்க வெறுக்க உங்கள் தலைமுறைக்கு பாவம் சேர்க்கின்றீர்கள் என்றுதான் அர்த்தமே அன்றி வேறல்ல‌

நாமும் கவனிக்கின்றோம்

பிராமண வெறுப்பை காட்டிய யாரும் வாழ்ததில்லை, ஆதரித்தோர் அழிந்ததுமில்லை

பிராமண வெறுப்பில் இருந்த ராம்சாமியின் குடும்பத்தாரான சம்பத் அரசியலில் காணாமலே போனார், பழைய கர்மா அவரின் மகனையும் விரட்டுகின்றது

அன்பழகனும், நெடுஞ்செழியனும் ஒப்புக்கு சப்பாகவே இருந்து ஒதுங்கினர்

பெரும் தந்திரசாலியான கருணாநிதியும் முரசொலிமாறனும் பிராமண வீடுகளிலே சம்பந்தம் செய்துகொண்டு பிராமணரை ஆதரித்தனர், பிராமண தொடர்பு வந்தபின்பே அவர்களின் காலம் மீண்டது, இதை அவர்களே மறுக்கமாட்டார்கள்

ஆழமாக சிந்தித்தால் உண்மை விளங்கும்

இச்சமூகத்தில் பொய்யான அரசியலுக்காக வஞ்சிக்கபட்ட அந்த பரிதாபத்துகுரிய இனத்தை விட்டுவிடுங்கள், அந்த இனம் பக்தியும் அறிவும் மிக்கது

பக்தியும், அறிவும் மிக்க இனத்தை ஓட விரட்டும் சமூகம் ஒரு காலமும் உருப்படாது, அதை ஆதரிக்கும் இனமும் நாடும் வாழும்

மிக சிறந்த உதாரணம் வேண்டுமென்றால் யூதனை ஆதரிக்கும் நாடும் இனமும் அமெரிக்கா போல ரஷ்யா போல வாழும்

அவர்களை ஒழிக்க நினைத்த இனம் ஹிட்லர் போல முசோலினி போல வாரிசே இன்றி அழியும்

உலகில் நேரடியாக பார்த்தும் , வரலாற்றில் இருந்தும் கற்க வேண்டிய பாடம் ஏராளம் உண்டு, அறிவும் மனமும் இருப்பவன் அதை உணர்ந்து கொள்ளட்டும்