பெரியாரிஸ்டுகள் எழுதபோகும் வரலாறு இதுதான்

இன்னும் ஐந்து ஆண்டுகளில் பெரியாரிஸ்டுகள் எழுதபோகும் வரலாறு இதுதான்

தமிழில் ஆழ்வாராகவும் அடியாராகவும் அதாவது சிவபக்தனாகவும் விஷ்ணுபக்தனாகவு கூடவே பிரம்மனின் பக்தனாகவும் அந்த ராம்சாமி இருந்தார்

அனுதினமும் காலை குளித்து பிள்ளையாரை வணங்கி ஊரில் உள்ள எல்லா ஆலயங்களுக்கும் செல்வார், அந்த இருபது வயதிலே காசிவரை சென்று வணங்கினார்

அந்த பக்திமிக்க ராம்சாமி சமஸ்கிருதம் படிக்க சென்றார், ஆனால் அவரை பார்பானியர்கள் தேர்வில் பெயிலாக்கினர், ஆங்கிலேயர் முன்னால் தேர்வு எழுதினாலும் ஆங்கிலேயனையும் கழுத்தில் கத்தி வைத்து ராம்சாமியினை பெயிலாக சொன்னார்கள்

ராம்சாமி சமஸ்கிருந்த மந்திரம் கற்று சங்கரர், ராமானுஜர் போல இந்தியா முழுமையும் இந்தியா தாண்டி சீனா மற்றும் சோவியத் யூனியனிலும் இந்துமதம் தழைக்க விரும்பினார்

ஐரோப்பாவில் அவர் இந்துமதத்தை போதித்தபொழுது ஜெர்மானியர் அவரை அம்மணமாக்கி நிறுத்தினர், சாது கோலத்தில் இந்துமதத்தில் இதுவும் அனுமதிக்கபட்டது என அவர் சொல்ல ஜெர்மானியர் கண்ணீர் விட்டனர்

சோவியத்தில் அவர் இந்துமதம் பரப்பினார், சோவியத் எச்சரித்தது இன்னும் எழுபது ஆண்டுகளில் இந்த வல்லரசு உடைந்து சிதறும் என சாபமிட்டார் ராம்சாமி, ஆச்சரியமாக அதுதான் நடந்தது , சோவியத் உடைந்தபொழுது அவர்கள் ரிஷி ராம்சாமியின் நினைவாக இது ராம்சாமி நாடு என அம்மொழியில் பெயரிட்டார்கள் அது ரஷ்யா ஆயிற்று

அப்படிபட்ட சித்த புருஷணை தமிழக பார்ப்பானியர்கள் சிறுமைபடுத்தினர், அதையும் மீறி ஒருநாள் வைக்கம் ஆலயத்தில் உள்சென்று தமிழ் மற்றும் மலையாள பதிகம் பாடினார் ராம்சாமி

ஆத்திரமுற்ற பிராமணர்கள் அந்த பக்திமானை வெளியே இழுத்து வந்து அவர் வணங்கிய‌ பிள்ளையார் சிலைமேல் தள்ளினர், அந்த பிள்ளையார் சிலை உடைந்தது பழி ராம்சாமி மேல் தந்திரமாக திருப்பபட்டது

சேலத்தில் மக்களிடம் ராமனின் ஆட்சி எப்படி இருந்தது என்பதை ராம்சாமி ஊர்வலமாக சென்று சொல்லிகொண்டிருந்தார், அன்று கோவிலுக்கு யாரும் வரவில்லை

இதனால் ஆத்திரமுற்ற பார்ப்பானிய கூட்டம் உள்ளே புகுந்து கடவுளென்றும் பாராமல் ராமனை கொளுத்தி பழியினை பெரியார் மேல் போட்டது

விஷயத்தின் உண்மையினை அறிந்த கருணாநிதி இதனால்தான் ராம்சாமியினை கைது செய்யவில்லை

அத்தோடு விட்டதா பார்பானியம்

ராம்சாமி தெருவில் நடந்தபொழுது, இதோ கயவன் என சொல்லியபடியே வெறிபிடித்த ஆரிய பார்பானிய கூட்டம் அவரை தன் கையில் இருந்த குடையால் தாக்கியது, ராம்சாமியின் சட்டையினை கிழித்து அவரை காயபடுத்தி அங்கேயே போட்டுவிட்டு சென்றது

மயக்கம் தெளிந்து எழும்பிய ராம்சாமிக்கு சட்டை இல்லை, தாடி கீழ்வரை வளர்ந்ததால் மானம் தப்பியது

ராம்சாமிக்கு ஏன் தாடி என கேட்கலாம், பார்பானிய மிரட்டலில் நாவிதர்கள் அவருக்கு முடிவெட்ட தாடியெடுக்க வரவில்லை, அவர்களை பழிவாங்க தாடி வளர்த்தார் ராம்சாமி

அப்பொழுது வானத்தில் இருந்து அசரீரீ கேட்டது ” ஏ ராம்சாமியே, ஆழ்வாருக்கும் அடியவருக்கு மூத்தவனே, சட்டை கிழிந்தது கண்டு வருந்தாதே, அதோ பிராமணன் விட்டு சென்ற குடையில் இருக்கும் கருப்பு துணி எடுத்து சட்டையாய் அணிந்துகொள், அது எக்காலமும் உன் புகழை அவணியில் சொல்லும்”

அந்த இடத்திலே பிராமணனின் குடையில் இருந்த கருப்பு துணி எடுத்து சட்டை தைத்தார் ராம்சாமி, இயேசுவுக்கு சிலுவை போல ராம்சாமிக்கு கருப்பு சட்டை வந்தது இப்படித்தான்

மணியம்மையினை அவர் லண்டன் உயர்நீதிமன்ற நீதிபதியாக்கி பெண்விடுதலை எழுச்சி பெற ஆசைபட்டார், பார்பானியம் அதை தடுத்தது

அண்ணா என்பவரை ராணுவ தளபதியாகவும் கருணாநிதி என்பவரை பிரபல மருத்துவராகவும் உருவாக்க ஆசைபட்டார் அதையும் பார்பானியம் தடுத்தது

பார்பானிய கொடுமையில் கோவில்களில் சுகாதாரமில்லை, கழிவறை முதலாவனை இல்லை, கோவில்களில் சுகாதாரம் அவசியம் , தெருக்களில் சுத்தம் அவசியம் என ராம்சாமி சொன்னார், இதனால் கோவிலிலும் அதன் அருகிலும் ராம்சாமியினை பார்பனர் அனுமதிக்கவில்லை

எனினும் மூத்திரசட்டியினை சுமந்து ஊரெல்லாம் சுத்தத்தின் அவசியத்தை, சுகாதாரத்தின் அவசியத்தை, கோவில்களில் கழிவறை வேண்டும் என அவர் போராடிகொண்டே இருந்தார்

தமிழகத்தில் பாஜகவின் பி டீமாக செயல்படுவது பெரியாரிய இயக்கங்கள்

திமுகமேல் எப்பொழுதுமே இந்த கொளத்தூர் மணி உட்பட பல பெரியாரிஸ்டுகளுக்கு கடும் அதிருப்தி உண்டு

திமுகவின் சந்தர்ப்பவாதம், பிழைப்புவாதம் இலங்கை இறுதிபோரில் கருணாநிதி காட்டிய அமைதி எல்லாம் அவர்களுக்கு ஆறா தீக்காயங்கள்

அப்படிபட்ட கொளத்தூர்மணி கோஷ்டி திமுகவினை சாய்க்க நேரம் பார்த்து கொண்டிருந்தது , இப்பொழுது முதல் வாய்ப்பு வந்தவுடன் விசிலடித்து களமிறங்கிவிட்டன‌

ஆம் அன்று ஈரோட்டு ராம்சாமி ராமலீலா என ராமர் உருவத்தை தீயிட்டு கொளுத்தியது நிஜம், அவமானபடுத்தியதும் நிஜம்

அதற்கு முன்பே பிள்ளையார் சிலையினை செருப்பால் அடித்த சர்ச்சை எல்லாம் அவர்மேல் உண்டு

சீதையும், பாஞ்சாலியும் பற்றி அவரின் கருத்துக்கள் அவரின் பத்த்ரிகையிலே உண்டு, கைபுண்ணுக்கு ஏன் கண்ணாடி

அப்படிபட்ட ராம்சாமி அன்று ராமர்படம் கொளுத்திய சம்பவத்தை கருணாநிதி மிக சிரமபட்டு மறைத்தார், அத்துடம் ராம்சந்திரன் தனிகட்சி கண்டு கருணாநிதி அதளபாதாளத்தில் எறியபட்டதால் தமிழகமும் மறந்தது

எனினும் அந்த சம்பவத்தை குழிதோண்டி புதைத்தார் கருணாநிதி, அது வெளிவந்தால் ராம்சாமி இமேஜூம், அவர் ராமனை எரிக்கும்பொழுது விட்டுகொண்டிருந்த தன் பகுத்தறிவும் தமிழருக்கு தெரிந்துவிடும் என்பதில் கவனமாயிருந்தார்

இப்பொழுது ரஜினி அதை பாதி தோண்டிவிட்டு ஓடிவிட்டார், அவர்மேல் வழக்கு புகார் என மீதியினை தோண்ட சொல்கின்றன இந்த பெரியார் கோஷ்ட்டிகள்

விஷயம் நடந்து உறுதிபடுத்தபட்டது என்பதால் நிச்சயம் எளிதில் நிரூபணமாகும்

அது திமுகவுக்கு சரிவினை கொடுக்கும், அது தேர்தலில் எதிரொலிக்கும்

பெரியார் இயக்கங்கள் திண்ணையில் தூங்கிகொண்டிருக்கின்றன, தங்களுடன் வந்து குட்டிசுவரில் அமர திமுகவினை அழைக்கின்றன,, இருந்து பாருங்கள் ஈரொட்டு ராம்சாமிக்கும் திமுகவுக்கும் பெரும் அவமானம் கொடுக்க போகும் விஷயம் இவை

ஆக தமிழகத்தில் பாஜகவின் பி டீமாக செயல்படுவது பெரியாரிய இயக்கங்கள் என்பதுதான் இப்போதைய காட்சிகள்

தஞ்சை கோவிலில் தமிழில் வழிபாடு

தஞ்சை கோவிலில் தமிழில் வழிபாடு நடத்த வேண்டும் என கிளம்பிவிட்டார் திமுக சர்வாதிகாரி

காங்கிரசார் கேட்கும் மிக கூர்மையான கேள்விகள், எழுபதுகளில் பெரியார் ராமன் படத்தை செருப்பால் அடித்து , எரித்து அவமானபடுத்தியதை அன்றைய முதல்வர் கருணாநிதி ரசித்தாரா? என கேட்கபடும் கேள்விகளை திசைதிருப்ப அவருக்கு வேறு வழி தெரியவில்லை, தஞ்சை கோவில் பக்கம் வந்துவிட்டார்

சரி, அவ்வளவு வந்தவர் மனைவி துர்கா ஸ்டாலினை தஞ்சை கோவிலுக்கு செல்ல சொல்லட்டும் பார்க்கலாம், சொல்லம்ட்டார் , கோவிலை பற்றிய நம்பிக்கை அப்படி

இப்பொழுது விஷயம் கோவில் பற்றிய நம்பிக்கை அல்ல சமஸ்கிருத மந்திர வழிபாடு

மதம் என்பது மொழிகளை தாண்டிய விஷயம், பல மொழிகளில் வேரூன்றி படர்ந்துவிட்ட விஷயம், எல்லா இனமும் எல்லா மொழியும் படிக்க முடியாது என்பதால் பொதுமொழி ஒன்று தேவையாய் இருந்தது

அப்படி யூதருக்கு ஹீப்ரு இருந்தது, இஸ்லாமியருக்கு அரேபிய மொழி இருந்தது, புத்த மதத்தவருக்கு பாலி என்றொரு மொழி இருந்தது, கிறிஸ்தவருக்கு லத்தீனும் பின்பு ஆங்கிலமும் வந்தன‌

இந்துக்களுக்கு சமஸ்கிருதம் இருந்தது இன்றளவும் இருக்கின்றது

காஷ்மீர் முதல் கன்னியாகுமரி வரையிலான இந்துக்கள் பல மொழியில் கலந்து கிடப்பதால் பொதுவான மொழியாக அது இணைத்தது, ஆலய இணைப்பு சங்கிலி அதுதான்

காசியின் மகன் ராமேஸ்வரம் வந்தாலோ, தமிழனும் மலையாளியும் காசி சென்றாலோ ஆலய பூஜை, யாகம் உட்பட எல்லாவற்றுக்கும் அது இணைப்பாய் இருக்கின்றது

வேதம் என்பது வார்த்தைகளின் தொகுப்பு, வார்த்தைகள் சரியாக உச்சரிக்கபட வேண்டும்

இசையின் ஒவ்வொரு ராகமும் ஒவ்வொரு விளைவினை கொண்டுவரும் என்பார்கள், இசையால் மழை வரவைக்க முடியும், இசையால் தீபத்தை ஏற்றமுடியும்

சமஸ்கிருத ஸ்லோகங்களும் அம்மாதிரி வலிமையனவை, அவை முறையாக உச்சரிக்கபடல் வேண்டும்

பல இனங்களை , நாடெல்லாம் இருக்கும் பன்மொழி பேசும் ஆலயங்களை ஒரே சங்கிலியில் இணைத்த மொழி சமஸ்கிருதம்

ஆலயங்களின் குருக்கள் காஷ்மீர் முதல் கன்னியாகுமரி வரை ஒரே மாதிரி வழிபாடு நடத்த அம்மொழி அவசியம் , அதுவே அந்த தனிதன்மையினை காத்து நிற்கும்

இவை அக்காலத்திலே ஞானமிக்க ரிஷிகளால் செய்யபட்ட ஏற்பாடு , ஆகமவிதிபடி அதை பின்பற்றவேண்டும், இந்துமத நிலைப்புதன்மை அதில்தான் இருக்கின்றது

சில கேள்விகளை நீங்கள் கேட்கலாம், ஏன் தமிழில் ஆழ்வார்கள். அடியார்கள் எல்லாம் தமிழில் பாடிவைக்கவில்லையா? ஏன் அதை கருவறையில் பாட கூடாது?

ஆண்டார்களும் அடியார்களும் கருவறையில் வழிபட்டு பாடவில்லை, ஆலய மண்டபங்களிலும் வாசலிலும் நின்று தங்கள் ஆன்மாவில் இருந்து பாடி வழிபட்டனர்

இப்பொழுதும் ஆலய மண்டபங்களில் அப்பாடல் ஒலிப்பதை யார் தடுக்க முடியும்? ஆனால் கருவறை வழிபாடும் அர்ச்சனையும் யாகங்களும் சமஸ்கிருத்ததிலே இருந்த்தல் வேண்டும்

இன்று தமிழில் வழிபாடு என்பார்கள் அதை முறைபடுத்தினால் என்னாகு தெரியுமா?

முதலில் அப்பரையும் , மாணிக்க வாசகரையும் பாட சொல்வார்கள், அது எந்த தமிழனுக்கு தெரியும்? முக ஸ்டாலினுக்கே புரியாது

பின் பேச்சு தமிழில் “ஏ சிவனே உன்னை போற்றுகின்றேன்” என தொடங்குவார்கள் அது ஒவ்வொரு தமிழுக்கும் , தமிழகத்தின் ஒவ்வொரு பகுதி தமிழுக்கும் மாறும்

சென்னை தமிழில் ” செவனே ஒன்ன போற்றேன்ப்ப்பா.. பார்த்துக்காப்பா” , கோவை தமிழில் “சிவனுங்களா. அட கெரகம் பிடிச்சு சுத்துறேன்லோ, கொஞ்சம் கண்டுகிட்டாத்தான் என்னங்கோவ்”, மதுரை தமிழில் “சிவனே எப்போ அருள் புரிவீக” , நெல்லை தமிழில் “அய்யா, கும்பிடுதோம்லா, பார்த்து ஆசீர்வதியும், ரொம்ப சிக்கலா இருக்குலா” எனவும் ஒரு மாதிரி ஆகும்

கன்னியாகுமரி தமிழில் நினைத்து பார்க்கவே பகீர் என்கின்றது

தமிழே பல பாகங்களில் பல மாதிரி குழப்பி பேசபடும்பொழுது இதெல்லாம் நடைமுறைக்கு சரிவராது

ஆலய தனித்துவம் இந்நாடு முழுக்க ஒரே மாதிரி இருக்க, சமஸ்கிருத வழிபாடு கட்டாயம் தொடர்தல் வேண்டும்

திமுக தமிழ்காக்க வந்த இயக்கம் நல்லது

சரி, பள்ளிவாசல்களில் “அல்லாஹூ அக்பர் ..” என்பதை தமிழில் பாடவேண்டும் என திமுக சொல்லாதது ஏன்?

பைபிளில் சமஸ்கிருத வார்த்தை இருக்க கூடாது, ஆங்கில வழிபாடு நடக்க கூடாது எனவும் திமுக சொல்லாதது ஏன்?

தஞ்சை கோவிலை கட்டிய ராஜராஜனே சமஸ்கிருத வழிபாடு நடத்தினான், நாயக்கர்களும் மராட்டியர்களும் நடத்தினர்

இவர்கள் இப்பொழுது வந்து குதிக்கின்றார்களாம்

சரி தஞ்சை கோவிலின் ஆயிரம் ஆண்டு விழாவுக்கு புறவாசல் வழியே சென்றும் பெரும் சிக்கலில் மாட்டிய கருணாநிதி ஏன் தமிழ்வழிபாட்டை கோரவில்லை

ஆக கருணாநிதி தமிழின எதிர்யாக இருந்தாரா?

இல்லை, கருணாநிதி அரசியலுக்காக இந்துமதத்தை எதிர்த்தாலும் எதில் வைக்க கூடாது என்பதில் தெளிவாக இருந்தார், முழு இந்துக்களையும் பகைத்துவிட்டு ஆட்சி சாத்தியமில்லை என்பதில் கவனமாயிருந்தார்

இந்த சர்வாதிகாரிக்கும் இனி நாம் ஆட்சிக்கே வரப்போவதில்லை என்பது தெரிந்ததால் இப்படி ஆரம்பித்துவிட்டார் போல‌

இன்று போலியொ சொட்டுமருந்து தினமாம், இவருக்கு மூளை குறைபாடு இருக்கலாம் அதற்கான மருந்தை யாரும் கொடுத்தால் நல்லது

உலகெல்லாம் இஸ்லாமியரை அரேபிய மொழி ஒன்றிணைக்குமாம், அவர்கள் தொழுகைக்கும் வழிபாட்டுக்கும் அது சரிவருமாம், இந்தியா முழுக்க ஏன் உலகம் முழுக்க அதனால் இணையலாமாம்

கிறிஸ்தவர் ஆங்கிலத்தான் இணையலமாம்

ஆனால் இந்துக்கள் இந்தியிலோ சமஸ்கிருதத்திலோ இணைந்தால் இவர்கள் விடமாட்டார்களாம்

சரி, ஸ்டாலின் என்பதற்கு தமிழில் என்ன அர்த்தம் அதையாவது அன்னார் சொல்வாரா?

தஞ்சை கோவிலை தொட கூடாது, தொட்டால் அது கடும் விளைவுகளை ஏற்படுத்தும், சர்வாதிகாரி தொட்டுவிட்டார், இனி நடப்பதை காலம் காட்டும்