அஜித்தோவால்

இஸ்ரேலின் டேவிட் கீம்சி, எலி கோஹன் என தேர்ந்த உளவாளிகள் சரித்திரம் வாசிப்போர் மனதை உறைய வைக்கும் ரகம் அவ்வளவு சாகசம்

இன்னும் சில உளவாளிகள் அப்படி உலகில் உண்டு, பாரதத்தில் அந்த மிகசிலரில் இன்று உலகம் உற்று கவனிக்கும் ஒருவர் உண்டென்றால் அது அஜித்தோவால்

இன்று அமெரிக்காவின் மைக் பாம்பியோ போல ஆசியாவில் சக்திமிக்க நபர் என உலகம் அவரைத்தான் நோக்குகின்றது

அவர் உத்தர்காண்ட் மாநில பிறப்பு, படித்ததெல்லாம் ராணுவபள்ளி அதை தொடர்ந்து ஐபிஎஸ் முடித்து கேரளாவில் 70களில் பணிதொடங்கினார். அவரின் தந்தையும் ஒரு ராணுவத்தார்

1975க்கு பின் அவரின் சாகச வாழ்வு தொடங்கிற்று, எம்.கே நாராயணனின் சீடர் அவர்

1980களில் உளவாளியாக மிசோரம் மாநில சக்திகளுக்குள் ஊடுருவி அவர்களை நம்ப வைத்து, பர்மாவில் இருந்த அவர்கள் வேர்வரை கண்டறிந்து இந்திய அரசுக்கு தெரியபடுத்தி தப்பி வந்ததெல்லாம் மாபெரும் சாசகம், அதுவும் அவர்களுக்கு தன் பிராமண மனைவியினை பன்றிகறி வைத்து நம்பவைத்த சாகசமெல்லாம் தனிரகம்

அந்த மிசோர் எனும் தீவிரவாத இயக்கத்தில் ஊடுருவி அவர்களை குழப்பி அடித்து அவர்களை ஒழித்து கட்டியது இன்று உளவுதுறை பாலபாடம்

சிக்கிமினை கைபற்ற அமெரிக்காவும் சீனாவும் பல நாடகங்களை நடத்தியபொழுது தேர்ந்த ராஜதந்திரியாக செயல்பட்டு அதை இந்தியாவோடு இணைத்தவர், இந்திரா அந்த சாகசத்தில் தோவலுக்கு பெரும் இடம் கொடுத்தார்

பொற்கோவில் ஆப்பரேஷன்களிலும் பஞ்சாபின் தீவிரவாதத்தை கட்டுபடுத்தியதிலும் அவருக்கு பங்கு இருந்தது, இந்திரா அவரை பல ரகசிய ஆப்ரேஷன்களுக்கு பயன்படுத்தினார்

நமக்கெல்லாம் ஆப்பரேஷன் புளூஸ்டார் தெரியும், ஆப்பரேஷன் பிளாக் தண்டர் தெரியாது

அதாவது இந்திரா படுகொலைக்கு பின்னும் காலிஸ்தான் அடங்கவில்லை, 1986 மற்றும் 1988ல் பொற்கோவிலை கைபற்றி மறுபடியும் சவால் கொடுத்தார்கள், இந்திராவே இல்லா நிலையில் டெல்லி தலமை பீடம் அஞ்சியது

பொற்கோவிலுக்குள் என்ன நடக்கின்றது என தவியாய் ராணுவம் தவித்த நிலையில் களத்துக்கு வந்தார் தோவல்

ரிக்சாகாரன் வேடத்தில் சுற்றி காலிஸ்தான் இயக்கத்தில் தான் பாகிஸ்தான் உளவாளி என ஊடுருவி, அவர்கள் பஞ்சாப் கோவிலை முற்றுகையிட்டிருந்தபொழுது கோவிலுக்குள் சென்று உளவு பார்த்து இந்திய ராணுவத்துக்கு சொன்னதெல்லாம் மாபெரும் தேசிய சேவை, உள்ளே இருந்த 200 தீவிரவாதிகளை பார்த்து வந்தது அவர்தான்

அவர்களுக்கு நீரும் மின்சாரமும் கிடைக்கா வகையில் அவர்களை மடக்கி ஆப்ரேஷன் பிளாக் தண்டரை வெற்றிகரமாக நடத்தி கொடுத்தார், இந்தியா அவரை கொண்டாடியது, பாகிஸ்தான் வெறுப்பாக பார்த்தது

பின்னாளில் காலிஸ்தான் அவரை குறிவைத்து தேடியும் சிக்கவில்லை

பஞ்சாபுக்கு பின்பே காஷ்மீருக்கு வந்தார் தோவல், அங்கும் ஊடுருவி சில சில்லறை இயக்கங்களை நடத்தி பெரும் தகவலை கொண்டுவந்தார், இந்தியாவுக்கு காஷ்மீர் தீவிரவாதத்தை முழு வடிவமாக காட்டி கொடுத்தவர் அவரே

இன்னும் ஆழமாக உளவு பார்க்க பாகிஸ்தானில் 8 ஆண்டுகள் உளவாளியாக அவர் பணியாற்றியது இன்றும் பாகிஸ்தானியராலே ஜீரணிக்கமுடியா விஷயம்

ஆம் அவர் இஸ்லாமியராக மாறி, பாகிஸ்தானி பெண்ணையே மணமுடித்து மகா கில்லாடிதனமாக உளவுபார்த்து தகவல் சொன்னார்

ஆனாலும் காதில் இருந்த கம்மல் வடுவினை கண்டு சில பாகிஸ்தானியர் அவரை இந்து என அடையாளம் கண்டதும் பிளாஸ்டிக் சர்ஜரி செய்து மாற்றினார், பாகிஸ்தானின் உருது மொழியினை எல்லா ஸ்லாங்கிலும் பேசியது மகா ஆச்சரியம்

பாகிஸ்தானில் மாபெரும் உளவு வலையினை பின்னி வைத்தார் தோவல், அந்த வலை இன்றும் உண்டு, அஜித் தோவல் ஏற்படுத்தி வைத்ததே பலுசிஸ்தான் சிக்கல்

கிட்டதட்ட சிங்கம் பட சூர்யா போல பெரும் சாகசங்களை செய்தவர் அவர், அவராலே காலிஸ்தான் முதல் காஷ்மீரிய தீவிரவாதிகளின் விமானகடத்தல் பல முறியடிக்கபட்டன, பலமுறை தோற்று அவர்கள் கடைசியில் வென்ற இடம் காந்தகார் கடத்தல்

அது ஒன்றே தோவாலின் கரும்புள்ளி

அடிபட்ட சிங்கமாக அப்படியே ஓய்வுபெற்று 2005ல் குஜராத்தில் சில சேவைகளை செய்தபொழுதுதான் மோடி அஜித்தோவல் நட்பு உருவானது

இருவரும் நாட்டுபற்றை தவிர வேறு என்ன யோசிப்பார்கள், காலம் அவர்களுக்கு 2014ல் வாய்த்தது, தான் பிரதமரானதும் பாதுகாப்பு விஷயத்தில் தோவாலை தவிர யாரிடமும் ஆலோசனை கேட்டதில்லை

நாட்டின் தேசிய பாதுகாப்பு ஆலோசகரானார் தோவால்

அஜித்தோவாலின் வழிகாட்டலில்தான் இந்தியா காஷ்மீர் சிக்கலை தீர்த்தது, இன்னும் பல அதிரடிகளை செய்தது

நாட்டுக்காக உயிரை பணயம் வைத்து தான் செய்த மொத்த தியாகத்துக்கும் மதிப்பளித்து மோடி கொடுத்த வாய்ப்பினை இன்று மிக சிறப்பாக செய்கின்றார் தோவால்

ஒரு விஷயத்தில் நாம் மனம் நெகிழ்கின்றோம்

இன்று இத்தேசத்தின் நிஜபாதுகாப்பாளன் நாயகன் அஜித் தோவாலே, மோடி அவருக்கு முழு சுதந்திரம் கொடுத்திருக்கின்றார், மோடி என்பது முகமூடி என்றாலும் மிகையாகாது

தோவாலால் பலம் பெற்றது தேசம், தோவாலால் தீர்க்கமுடியா சிக்கல்களை தீர்த்தது தேசம்

மக்கள் தனக்கு தந்த ஆதரவை அப்படியே தோவலுக்கு கொடுத்து நாட்டின் பாதுகாப்பை உறுதி செய்த மோடியினை இந்த இடத்தில் வாழ்த்தியே தீரவேண்டும், அதில் அரசியல் இல்லை, வாக்கு அரசியல் இல்லை, புகழ் அரசியல் இல்லை

தேச நலன் ஒன்றே இலக்கு, இதனால்தான் மோடியினை நாம் வாழ்த்துகின்றோம்

அஜித் தோவாலின் சாதனைகளின் ஒரு துளியினைத்தான் நாம் சொன்னோம், இவை எல்லாம் சொற்பமாக வெளிவந்தவை, அஜித் தோவால் ரஷ்ய புட்டீன் போல தேர்ந்த உளவாளி என்பதால் பல கதைகள் வெளிவராது

ஆனால் 1980களில் இருந்து இத்தேசம் சாதித்த மாபெரும் பாதுகாப்பு மற்றும் உளவு விஷயங்களில் அவர் இருப்பார் அல்லது அவரின் நிழல் இருக்கும்

உளவாளியும் சாகசவீரனும் ஆட்சிக்கு வருவதெல்லாம் இஸ்ரேலில் மட்டும் சாத்தியம் என நினைத்த நிலையில் இந்தியாவில் அதை சாத்தியமாக்கினார் மோடி

ஜெய்சங்கர் , இந்த அஜித் தோவால் போன்ற மகா திறமையானவர்களை எப்படி பயன்படுத்த வேண்டுமோ அப்படி பயன்படுத்துகின்றார் மோடி

ஒரு காலம் வரும், அக்காலம் அந்த வரிசையில் இப்படி சொல்லும்

சாணக்கியன் சந்திர குப்தன் வரிசையில், வீரசிவாஜி காகபட்டர் வரிசையில், ஹரிகர புக்கர் வித்யாரண்யர் வரிசையில் மோடியும் அஜித்தோவாலும் நிச்சயம் வருவார்கள், வந்தே விட்டார்கள்

சுதந்திர் இந்தியாவின் ஒப்பற்ற உளவு தலைவனுக்கு, நாட்டுபற்று மிக்க சாகசகாரனுக்கு, உலமமகா ராஜதந்திர உளவாளிகளின் தலைமகனுக்கு இன்று பிறந்தநாள்

கண்ணன் உலாவிய மண் எக்காலமும் தலைசிறந்த உளவாளிகளை கொடுக்கும் என நிரூபித்த அந்த அஜித் தோவாலுக்கு பிறந்த நாள்

ஒரு நல்ல காவல் அதிகாரி எப்படி உளவாளியாக சாதிக்க முடியும் எப்படி எல்லாம் உயரமுடியும் என தன்வாழ்வினையே பாடமாக்கிய அந்த நாயகனுக்கு பிறந்தநாள்

வாழ்வின் ஒவ்வொரு நொடியினையும் மரணத்தின் வாசலில் இருந்து, நெருப்பை கடந்து, விஷத்தை ஜீரணித்து நாட்டிற்காக வாழும் நாயகன் அவர்

ஆம், கவலையாய் அதை சொல்லத்தான் வேண்டியிருக்கின்றது

வடகிழக்கு குழுக்கள், காலிஸ்தான், காஷ்மீரிய குழுக்கள், பாகிஸ்தான், ஈழம், ஆப்கன் என எல்லா நாட்டு தீவிரவாதிகளும் அவர் உயிருக்கு குறி வைத்திருக்கின்றனர்

அதாவது இந்நாட்டுக்கு எதிரான சக்திகளை அவர் உடைத்தெறிந்ததால் அனைத்து தேசவிரோத கண்களும் அவரை வெறிபார்வை பார்த்துகொண்டே இருக்கின்றது

ஆனால் இத்தேசம் உயரவும் வாழவும் நிலைக்கவும் வழிநடத்தும் தர்மத்தின் சக்தி தோவாலை இதுகாலமும் காத்து வருகின்றது

ஆலகால விஷத்தில் இருந்து உயிர்களை காக்க சிவன் அதை உண்டானாம், அப்படி இத்தேசத்தின் விஷங்களை தன்னில் எடுத்து உயிராபத்தில் இருக்கும் பரமசிவன் நம் நாயகன்

கங்கையின் பாய்ச்சலை சிவன் தலை தவிர யார் தலையும் தாங்காதாம், அப்படி 1980களின் பிரிவினைவாத பாய்ச்சலை தனியாக தன் தலையில் வாங்கியவன் அவன்

ஆனால் தர்மசக்தி அவனை காத்து நிற்கின்றது, அது எக்காலமும் தாங்கும், காக்கும்

இத்தேசத்தின் மாவீரனுக்கு, இந்தியாவின் காவலனுக்கு, நல்லோர் நாயகனுக்கு பிறந்தநாள் வாழ்த்துக்கள்

அவனுக்கெதிரான கனைகளும் திட்டங்களும் எக்காலம் போல் பொய்க்கட்டும், அந்த பெருமகனின் நுட்பமான திட்டத்தில் நாடு வாழட்டும்

நாம் கிருஷ்ண பரமாத்மாவின் வடிவமாகவே அவனை காண்கின்றோம், இந்த கண்ணனுக்கு மோடி எக்காலமும் துணையிருக்கட்டும், மோடிக்கு தேசம் எக்காலமும் பலமாய் இருக்கட்டும்

இந்த தேசத்தின் மொத்த மனமும், வாழ்ந்த ஆத்மாக்களும், வல்ல தெய்வங்களும் மூல பரம்பொருளும் அவனை வாழ்த்துகின்றது

வாழ்க நீ எம்மான் தேசம் வலுவுற வாழ்வதற்கே

ஜெய்ஹிந்த்..

சுகோய் 30 விமானங்கள் தஞ்சாவூரில் நிறுத்தபட்டுள்ளன‌

இந்திய விமானபடையின் பெரும் பலமான சுகோய் 30 விமானங்கள் தஞ்சாவூரில் நிறுத்தபட்டுள்ளன‌

தமிழகத்தில் இப்பொழுதெல்லாம் மத்திய அரசு கவனம் செலுத்துகின்றது, அப்படி வரலாற்றின் முதல் முறையாக சுகோய் ரக விமானங்கள் நிறுத்தபட்டிருக்கின்றன‌

இதன் மூலம் தென்னகத்தின் பாதுகாப்பு உறுதிசெய்யபட்டிருக்கின்றது, பஞ்சாபிலும் டெல்லியிலும் மட்டும் காணபட்ட நவீன விமானங்கள் தெற்கேயும் வந்தாயிற்று

விரைவில் ரபேல் விமானமும் இங்கு வரலாம், அதை காங்கிரசாரும், திமுகவினரும் பார்த்து கண்களை துடைத்து கொள்வார்கள் என்பது சொல்லி தெரியவேண்டியதில்லை

கடலுக்குள் மீத்தேன் எடுத்தால் என்ன சிக்கல்

கடலுக்குள் மீத்தேன் எடுத்தால் என்ன சிக்கல் என்பதுதான் தெரியவில்லை,

அங்கிருந்து சில கிமீட்டர்களில் இலங்கை கடற்பகுதி வரும், அங்கு இன்னொரு நாடு வந்து மீத்தேன் எடுத்தால் எப்படி இவர்கள் கொதித்து தடுப்பார்கள் என்பதுதான் தெரியவில்லை

இதில் பாதி உண்மை உண்டு, பாதி பயமும் உண்டு

இந்தியாவின் மிக பழமையான கிறிஸ்தவ சபை கேரளாவின் சிரியன் மலபார் திருச்சபை

அவர்கள் மிக பலத்த எச்சரிக்கையினை செய்திருக்கின்றார்கள், கேரள கிறிஸ்தவ பெண்களை சில ஐ.எஸ் பயங்கரவாதிகள் லவ் ஜிகாத்தில் வீழ்த்தி மூளை சலவை செய்து பயங்கரவாத செயல்களில் ஈடுபடுத்துகின்றனர் என ஆலயத்திலே அறிக்கை வாசிக்கின்றனர்

இதில் பாதி உண்மை உண்டு, பாதி பயமும் உண்டு

ஆம், ஐரோப்பாவில் இஸ்லாமிய தீவிரவாதிகள் ஊடுருவது கடினம் இதனால் கிறிஸ்தவ பெண்களை மணந்து அந்த போர்வையில் ஊடுருவுகின்றனர் என்பது முன்பே வந்த செய்தி

சீரியன் மலபார் என்பது மேற்காசியா தொடர்புடைய சபை என்பதால் ஐ.எஸ் போன்ற இயக்கங்களில் அப்பெண்களை தொடர்புபடுத்துகின்றார்கள் என்பதும் இன்னொரு கோணம்

மதமாற்றம் என்பது இப்பொழுது கிறிஸ்துவத்தில் இருந்து மற்ற மதங்களுக்கு தாவுவதும் நடக்கின்றது அதையும் இங்கே தடுக்க எச்சரிக்கின்றார்கள்

சரிவிடுங்கள், நாம் விஷயத்துக்கு வரலாம்

கிறிஸ்தவ பெண்களை இஸ்லாமியர் மதமாற்றம் செய்கின்றனர் என்றதும் எவ்வளவு ஆத்திரம் பார்த்தீர்களா?

எவ்வளவு காலத்துக்கு முன்பே இங்குவந்து இந்துக்களை கிறிஸ்தவர்களாக மதம் மாற்றி காவல் இருந்தார்கள், அந்த கிறிஸ்தவர்களை இஸ்லாமியர் மாற்றினால் சும்மா விடுவார்களா?

இது கிறிஸ்தவர்கள் அலறினால் செய்தி, அவர்கள் ஆலயத்தில் வாசித்தால் அறிக்கை

இதுவே இந்து ஆலயங்களில் மதம் மாறாதீர்கள் என சொல்லி அறிக்கை வாசித்தால் அவன் பெயர் சங்கி, பாசிச பாஜக வெறியன், ஆரிய அடிவருடி, பார்பானிய அடிமை

மலேசியாவில் இருந்தும் துருக்கியில் இருந்தும் இறக்குமதி செய்ய தடை

மலேசியாவில் இருந்தும் துருக்கியில் இருந்தும் இறக்குமதி செய்ய தடை என செய்திகள் வருவது அடிப்படை ஆதாரமற்றது என்கின்றது இந்திய உச்சபீடத்து செய்திகள்

ஆனால் பத்திரிகைகள் என்னவெல்லாமோ எழுதிகொண்டிருக்கின்றன,

தைபொங்கலுக்கு மலேசிய மாமன்னர் அவர்கள் வாழ்த்து தெரிவித்திருந்தார், மேலும் மலேசியா தைபூச திருவிழாவினை வழக்கமான உற்சாகத்துடன் கொண்டாட்டத்துடன் கொண்டாட தயாராகின்றது

உலகிலே தைபூசத்துக்கு விடுமுறை அளிக்கும் ஒரே தேசம் அதுதான், அதன் தனிதன்மை அப்படி

சில பொறுப்பற்ற தரப்பினர் பொய்யான தகவல்களை பரப்பிகொண்டிருக்கின்றார்கள் அதை எல்லாம் யாரும் நம்பிவிட வேண்டாம்

வீரமணிக்கு விசா மறுத்தது, வைகோவினை பட்டாபட்டி டவுசரோடு உட்கார வைத்தது, சைமனை கண்ட இடத்தில் விரட்டி அடிக்க நினைப்பது என பல நல்ல திட்டங்களை மலேசியா வைத்திருப்பதால் சிலருக்கு அந்நாட்டினை பிடிப்பதில்லை வதந்தி பரப்பி மகிழ்கின்றார்கள்

புராணத்தில் இருந்ததை வரைந்தோம் அதிலென்ன தவறு என பகுத்தறிவு கோஷ்டி மறுபடியும் கிளம்பிற்று

புராணத்தில் இருந்ததை வரைந்தோம் அதிலென்ன தவறு என பகுத்தறிவு கோஷ்டி மறுபடியும் கிளம்பிற்று, அறிவுகெட்ட அக்கோஷ்டியினை நினைத்தால் பரிதாபமே மிஞ்சும்

இவர்களை அவர் தாய்தந்தையர் பெற்றெடுத்த சம்பவங்களை வரைய தயாரா? இவ்வளவுக்கும் நடந்த சம்பவங்கள் அவை

பெரியாரும் மணியம்மையும் தேனிலவுக்கு சென்றதை வரைய தயாரா?

வரைந்தால் பொறுத்து கொள்வார்களா?

பைபிள் காட்சிகளை வரையாமல், இன்னும் பல மதங்களின் ரகசிய பக்கங்களை கடந்துவிட்டு இந்துமத புராணங்களை மட்டும்வரைவோம் என்றால் அது கலவரம் ஏற்படுத்தும் நோக்கமன்றி வேறேன்ன?

ராமரை அடித்துவிட்டு ஜெயித்தார்களாம், பெருமையாக சொல்கின்றார்கள்

இதையே மசூதி இடித்துவிட்டு ஜெயித்தோம் என பாஜக சொன்னால் அது அப்பட்டமான மதவாதம் பாசிசம், இவர்கள் சொன்னால் புரட்சி

தலைவியின் கண்

தலைவியின் கண் என்பது உலகில் அழகான விஷயங்களில் ஒன்று, இந்திரலோகத்தின் மான் கூட அப்படி அழகான் மருவிய காந்த‌ பார்வை கொடுக்க‌ முடியாது

தலைவியின் கண்களை பார்த்து நிறைய கண்திருஷ்டி விழுகின்றாம், நிறைய சிக்கல் அதனால் எழுகின்றதாம்

இதனால் தலைவி கண்ணாடி அணிந்து கண்களை மறைத்து வரும்படி பிரபல ஜோதிடர் அறிவுறுத்தியதால் தலைவி இப்பொழுதெல்லாம் இப்படி கண்ணாடியுடன் வலம் வருகின்றார் என்கின்றது சர்வதேச விண்வெளி ஊடக செய்திகள்

பெரியரிஸ்டுகளும் திருமாவும் பழைய வரலாறு தெரியாமல் கொடிபிடிக்க கிளம்பி என்னாயிற்று?

ஆக ரஜினி மன்னிப்பு கேட்க வேண்டும் என பெரியரிஸ்டுகளும் திருமாவும் பழைய வரலாறு தெரியாமல் கொடிபிடிக்க கிளம்பி என்னாயிற்று?

அன்று இந்துக்களுக்கு எதிராக ஈரோட்டு ராம்சாமி செய்த அட்டகாசங்களுக்காக பெரியாரிஸ்டுகளும், அந்த ராம்சாமிக்கு துணைபோன ஆட்சியினை செய்த கருணாநிதிக்காக முக ஸ்டாலினும் இந்துக்களிடம் பகிரங்க மன்னிப்பு கேட்கும் காலம் வந்தாயிற்று

ஆம் பெரியார் ராமன் படத்தை கொளுத்தியது தவறு என வீரமணி கோஷ்டியும், ராமர் படம் எரியும் பொழுது கருணாநிதி அரசு மவுனம் காத்தது மாபெரும் தவறு, அதற்காக பகிரங்க மன்னிப்பு கோருகின்றோம் என வந்து நிற்க வேண்டிய நிலையில் இருக்கின்றது

ஆக ரஜினியினை மன்னிப்பு கேட்க வைக்கின்றோம் என கிளம்பி முக ஸ்டாலினை மன்னிப்பு கேட்கும் அளவுக்கு இழுத்து வந்துவிட்டார்கள் அல்லவா?

இதுதான் குபீர் பெரியாரிஸ்டுகள் மற்றும் திருமாவின் திட்டமிட்ட சதி

அவர்கள் பாஜகவின் ரகசிய கைகூலிகள் என சர்வாதிகாரி இனியாவது உணர்ந்து அந்த கோஷ்டிகள் வாயில் பிளாஸ்திரி ஒட்டி அறிவாலய மயானத்தில் புதைக்கட்டும்

இல்லையேல் தேர்தல் நேரம் சர்வாதிகாரி தமிழகமெங்கும் நடந்து செல்லமுடியாது, உருண்டு புரண்டு அங்கபிரதட்சணம் செய்து மன்னிப்பு கேட்ட‌படியேதான் பிரச்சாரம் செய்ய வேண்டியிருக்கும்

அவனுகளும் அவனுக புரட்சியும்

காமராஜர் நாடார், பசும்பொன் சிங்கம் தேவர்,அண்ணமலை செட்டியார், பச்சையப்ப முதலியார், ஓமந்தூர் ராமசாமி ரெட்டியார், மாதவன் நாயர், இம்மானுவேல் சேகரன் அய்யகோ தாழ்த்தபட்டவர்

இப்படி எல்லாம் யார் சொன்னர்கள் என்றால், யார் ஜாதிபெயரோடு அழைத்தார்கள் என்றால் இதே திக, திமுக இம்சைகள்

ஆனால் ஈரோட்டு ராம்சாமி தமிழர் தந்தை, கருணாநிதி தமிழின தலைவர்

அவனுகளும் அவனுக புரட்சியும்

“அய்யா வீரமணி உண்டு” என்ற அளவுக்கு மாறிவிட்டார்கள்

“அய்யா உண்டு” என அந்த சாமிதோப்பு ஆதீனம் சொல்லிகொண்டிருந்ததன் பொருள் இவ்வளவு நாளும், அய்யா வைகுண்டர் உண்டு என்பதாக அறியபட்டது

இப்பொழுது “அய்யா வீரமணி உண்டு” என்ற அளவுக்கு மாறிவிட்டார்கள்

இதன் உள்ளே இருக்கும் விஷயம் சற்று நோக்கதக்கது

விஷயம் வேறொன்றுமில்லை, குமரி மாவட்டம் திருவாங்கூர் சமஸ்தானத்தில் இருந்தபொழுது நாடார் இனத்துக்கு மேலாடை அணியும் உரிமை மற்றும் தலப்பாகை அணியும் உரிமை இன்னபிற உரிமைகளை வாங்கி கொடுத்தது அய்யா வைகுண்டர்

அதில் இருந்தே இந்த சாமிதோப்பு பதி மகா பிரபல்யமும் செல்வாக்கும் கொண்டது

திருச்செந்தூர் முதல் சுசீந்திரம் உள்ளிட்ட பகுதிகளில் இந்த மடத்துக்கு செல்வாக்கு அதிகம்

அந்த மடம் சாமாயம் அல்ல, ஒரு காலத்தில் போப்பாண்டவருக்கு கடிவாளம் போட்ட துருக்கிய
ஆட்டோமானியர் போல, கன்னியாகுமரி பக்கம் மதமாற்றம் நிகழ்வதை இந்த மடமே கடிவாளமிட்டு கட்டுபடுத்தியது

இந்த அய்யா வைகுண்டன் என்பவர் நம் மதமாற்றத்தை தடுத்துவிட்டான் என கிருஸ்தவ மிஷினரிகள் 18ம் நூற்றாண்டில் ஐரோப்பாவுக்கு கடிதம் எழுதும் அளவு அது வல்லமையாய் இருந்தது

இந்துக்களின் காவல் அது

அந்த பலத்தில்தான் தமிழ்நாட்டிலே முதன் முதலில் பாஜக அங்கு காலூன்றியது

இப்பொழுது அந்த மடம் விலையோயிற்று, கன்னியாகுமரி தொகுதியினை காங்கிரஸ் குறிவைத்து நடத்தும் காரியங்கள் இவை

காங்கிரஸ், திமுக, திக கூட்டு சதியில் ஆதீனம் வசமாக சிக்கி வீரமணியினை அழைக்கின்றது

சாமிதோப்பு பதி அய்யா வழி நாடார்களின் தலையிடம் , அய்யாவழி நாடார்களின் சொத்து தூத்துகுடி , நாகர்கோவில் என பல இடங்களில் பரந்து கிடக்கின்றது

தூத்துகுடியும் கன்னியாகுமரியும் இந்த காங்கிரஸ் திமுக எனும் இந்துஎதிர்ப்பு அமைப்புகளிடம் சிக்கியுள்ள நிலையில், சாமிதோப்பு மடாதிபதியே வீரமணியிடம் சிக்கவைக்கபட்டுள்ளார்

இது மிகுந்த சர்ச்சையினை சந்தேகத்தை ஏற்படுத்துகின்றது

சாமிதோப்பில் வீரமணி கால்வைக்கும் பட்சத்தில் அப்பதி தன் தனிதன்மையினை இழக்கும்

அது இழக்கும்பட்சத்தில் மதமாற்றமும் இன்னும் பலமாற்றங்களும் நடக்கும்

18ம் நூற்றாண்டில் எந்த வைகுண்டர் மதமாற்றத்தை தடுத்தாரோ அவரின் காவல் உடைக்கபட்டு ஜெகத்கஸ்பர் கோஷ்டிகள் இப்பொழுது ஆட நினைக்கும்

இது கன்னியாகுமரி தூத்துகுடி இந்துக்களின் எழுச்சியினை பொறுத்து பாஜகவுக்கு அனுகூலமாகவும் அமையலாம்

இல்லையேல் இந்துக்களுக்கு மிக பெரும் அச்சுறுத்தலாகவும் அமையலாம்

சொல்வதை சொல்லிவிட்டோம், பாலபிரஜாபதி அடிகளார் கடவுள் இல்லை என சொல்லும், ராமனையும் முருகனையும் செருப்பால் அடித்ததாக பெருமைபடும் வீரமணியினை அழைப்பது, சாமிதோப்புக்கு விஷம் ஊற்றும் செயல்

அடிகளார் தன் நிலைபாட்டை மாற்றாவிட்டால் நடக்கபோகும் விபரீதங்களுக்கும், அந்த புனிதமான மகான் வைகுண்டரின் பெரும் சாபத்துக்கும் பொறுப்பு என வரலாறு குறித்துகொள்ளும்