தேர்தல் துளிகள் 12/04/2019(1)

ஆக’ ன்னு சொல்லாம அடுத்த வார்த்தை ஸ்டாலினை பேச சொல்லுங்க பார்ப்போம் : சீமான்

ராசா, அவர் உளறினாலும் உண்மையினை உளறுகின்றார்

நீர் கத்தி கத்தி பேசினாலும் உண்மை என்பது கொஞ்சமும் இல்லை

அவர் ஆக என பேசுவது இருக்கட்டும், நீர் ஒரு உண்மையினை பேசிவிடும் பார்க்கலாம்

என்னதான் தமிழகத்தில் தாமரை மலராது கருகும் என திமுகவினர் சொல்லிகொண்டே இருந்தாலும், கலைஞர் வீட்டில் ஏற்கனவே தாமரை மலர்ந்துவிட்டது

ஆம் முக ஸ்டாலின் மகளின் பெயர் “செந்தாமரை”

அக்கா தமிழிசை இதை எப்படி மறந்தார்?

தூத்துகுடி கருவாட்டு சந்தையில் நெத்திலி கருவாடு விற்றுகொண்டிருக்கும் அக்கா தமிழிசைக்கு தகவல் சொல்லியாயிற்று

திமுக பேனரில் பெரியார் இடத்தை பிடித்துகொண்ட கண்ணன் உண்மையிலே கெட்டிக்காரன்

இனி பெரியார் சிலைகளை இடித்துவிட்டு கண்ணன் சிலையினை திமுகவினரே வைத்துவிடுவார்கள் போல..

அப்பொழுது ஸ்டாலின் பெயர் பரந்தாமன் எனவும் அவர் மகனின் பெயர் உதய கிருஷ்ணா எனவும் மாற்றம் பெறும்

ஆம் திமுக இந்துக்களுக்கு எதிரான கட்சியே அல்ல, கிருஷ்ணனை அவர்களுக்கு ரொம்ப பிடிக்கும்

அதனால்தான் “கோபால”புரத்தில் குடியேறினார் கலைஞர், அதுவும் வேணுகோபாலசாமி கோவில் அருகிலே குடியேறினார்

இனியாவது நம்பி தொலையுங்கள்

“சுவாமி நான் பாவியாய் இருக்கின்றேன் என் பாவங்களுக்காக மன்றாடும்

மகனே நீ பாவியாய் மட்டுமல்ல காவியாகவும் இருக்கின்றாய்

சுவாமி என் பாவங்களுக்காகவும் தேர்தலில் நான் வெற்றி பெறவும் ஜெபம் செய்யுங்கள்

கர்த்தரே ஏப்ரல் 18 வரை கிறிஸ்தவனாய் இருக்கும் இவரைமன்னிப்பீராக, அப்படியே வேறுவழியின்றி பல கல்லூரிகளையும் பள்ளிகளையும் இவர்கள் அனுமதியின்றி நடத்தமுடியா காரணத்தால் இவர்கள் பின்னால் செல்லும் எங்களையும் மன்னியுங்கள் தேவனே…”

“தம்பி சித்திரை 1 வருது, “தமிழ்புத்தாண்டு வாழ்த்து” என சொல்லி சிக்கி கொள்ளாமல் இரும், நமக்கு தை 1 தான் புத்தாண்டு. இதை நீர் சொல்கின்றீரா? நான் சொல்லட்டுமா?

ஒரு புல்லும் புடுங்க வேண்டாம், தேர்தல் முடியும் வரை வெளிநாடு போய் தொலையும் , என் மனைவி கண்ணில் பட்டீரென்றால் தொலைத்துவிடுவார் ஜாக்கிரதை”

தேர்தல் துளிகள் 27/03/2019 (2)

இந்திராகாந்தி மாதிரி மூக்கு இருப்பதால் பிரியங்காவால் வெற்றி பெற முடியாது – பாஜக மந்திரி

செல்லூர் ராஜூக்கள் எல்லா கட்சியிலும் இருப்பார்களாம்

பிரியங்காவின் மூக்கு இந்திரா போல் கூர்மையாக இருப்பதால் அவர் பிரதமராவார் என யாரோ இவரிடம் சொன்னார்கள், இவர் மறுத்தாராம்

இந்திராவுக்கு மக்கள் மூக்கு பார்த்தா வாக்களித்தார்கள்?

வைகோவினை உடன்பிறப்புகள் பாதுகாப்பதும், சுப்பிரமணியன் சாமியின் அட்டகாசத்தை பாஜகவினர் பல்லை கடித்து பொறுத்துகொண்டிருப்பதும்

காங்கிரசார் திருமாவுக்கு பிரச்சாரம் செய்வதும்

பிரேமலதாவினை ராமதாஸ் கோஷ்டி சகித்துகொண்டிருப்பதும் விதியின் பலன் அன்றி வேறல்ல..

காவேரி வழக்கின் பிதாமகன் ரெங்கநாத அய்யரிடம் வாழ்த்து பெறுகின்றார் திமுகவின் பழனிமாணிக்கம்

இந்த வீரமணி, மதிமாறன் எல்லாம் இப்பொழுது கண்களை பொத்தி கொண்டிருப்பார்கள்..

ஆதிக்க சாதி அய்யர் வோட்டு வேண்டாம் என அக்கும்பல் இப்பொழுது சொல்லட்டும் பார்க்கலாம்..

நாட்டின் பொருளாதாரம் 7 சதவீதம் அதிகரித்தது என அருண்ஜெட்லி கூற, எந்த ஆதாரத்தின் அடிப்படையில் அப்படி சொல்லமுடியும் என திருப்பி கேட்கின்றார் ரகுராம் ராஜன்

முன்னாள் ரிசர்வ் வங்கி கவர்னர் ரகுராம் ராஜன்

வழக்கம் போல பாஜக தரப்பு கனத்த மவுனம்.

ஏட்டு சுரக்காய் கறிக்கு உதவாது, போலி புள்ளிவிவர கணக்கு நாட்டுக்கு உதவாது.

பிரியங்கா காந்தி ராம பக்தையாகி விட்டாரா? : ஸ்மிருதி இரானி

ராமரை இந்த கட்சி மட்டும் குத்தகைக்கு எடுத்திருப்பதாக நினைத்து கொள்வார்கள் போல..

அக்கோவ்… நடப்பது “நாடாளுமன்ற தேர்தலா? நாடார் மன்ற தேர்தலா?

தேர்தல் துளிகள் 27/03/2019 (1)

ராசாத்தி அம்மாள் நிச்சயம் முருகனிடம் வேண்டியிருக்க மாட்டார், ஆனால் வள்ளியிடம் வேண்டியிருப்பார்

ராசாத்தி அம்மாளின் கஷ்டம் அந்த வள்ளி ஒருத்திக்குத்தான் முழுமையாக புரியும் என்பதால் வேண்டுதல் நிச்சயம் ஏற்கபட்டிருக்கும்

முத்துவேலர் சொத்தே..
முத்தமிழர் வித்தே..
முத்துநகர் முத்தே…

(இதுபோன்ற ஏக அடைமொழிகள் சங்கத்து கைவசம் உள்ளது, வேண்டியவர்கள் தொடர்பு கொள்ளவும்)

தமிழ்நாட்டின் மிகபெரும் சாபக்கேடு அதிமுக அதுவும் அதன் அடுத்த வெர்ஷனான தினகரன் கோஷ்டியும் இத்தேர்தலோடு காணாமல் போக வேண்டும்

(அதிமுக இல்லா இடத்தில் அதனையொற்றி களமிறங்க நினைக்கும் பாஜக தானாக வெளியேறும்..)

40 ஆண்டுகாலம் தமிழகத்தை பிடித்த சனி இந்த அதிமுக..

அது ஒழிவதன்றி தமிழகத்திற்கு விடிவே இல்லை

“அங்க பாருங்க ராகுல், தமிழ்நாட்டுல மச்சான் அரசியல் கொடிகட்டி பறக்குது , இந்த tttv தினகரன், சுதீஷ்ல இருந்து சைமன் மச்சினன் வரைக்கும் நிறைய மச்சான் அரசியல்..

அதெல்லாம் பார்க்காதீங்க வாத்ரா,அப்புறம் உங்க புத்தியும் மாறி தொலையும்., எனக்கே அதை எல்லாம் பார்த்துட்டு உங்கள பார்க்க பயமாகத்தான் இருக்கு..”

எங்களை நம்பி அதிகாரத்தை தாருங்கள்; சிறந்த ஆட்சியை தருவோம்: சீமான்

அங்கிள் சைமனுக்கு என்னாயிற்று என தெரியவில்லை, நடப்பது நாடாளுமன்ற தேர்தல்

அன்னாருக்கு 40 தொகுதி கிடைத்தாலும் அதிகாரம் வராது, இந்தியா முழுக்க அன்னார் வெல்லவும் முடியாது

இன்னொரு கட்சி ஆதரவு தந்தால் அன்னார் ஏற்கமாட்டார், மானம் அவருக்கு முக்கியம்

இதில் இவர் எப்படி இந்திய ஆட்சியினை பிடிப்பார் அதில் சிறந்த ஆட்சி தருவார்?

அவருக்கும் அவர் மச்சினருக்குமே வெளிச்சம்..

தேர்தல் துளிகள் 26/03/2019 (1)

ஒரு பைசா லஞ்சம் ஊழல் இருந்தால் விஷ ஊசி போட்டு கொன்றுவிடுவோம் : சீமான்

சயனைடை கடி, குண்டுவெடித்து சாவு என போதித்த பிரபாகரனின் தம்பி எப்படி பேசுவார்?

இப்படித்தான் பேசுவார்..

எப்பொழுதும் போராட்டம் சிறை என வாழ்ந்த அந்த எளிய தமிழச்சி, அன்றொரு நாள் மாபெரும் மக்கள் நல போராட்டத்திற்கு திமுக மகளிரணி சார்பாகதயாராகி களத்திற்கு சென்ற காட்சி இது

நெற்றியில் உதயசூரியன் எல்லாம் வரைந்து வந்தது குறிப்பிடதக்கது

கேப்டனுக்கு பேசுவதற்கு பயிற்சி அளிக்கபடுகின்றது, “ஒளிமயமான எதிர்காலம்” எனும் எம்ஜிஆர் பாடலை பாடுகின்றார் கேப்டன் : பிரேமலதா

என்னது அந்த பாடல் ராமசந்திரன் பாடியதா? எல்லாம் சகவாச தோஷம்

அது இருக்கட்டும் அம்மணி, கேப்டன்
“மூணு முடிச்சால முட்டாளா ஆனேன் 
கேளு கேளுதம்பி.
.நான் இருந்தேன் தேருக்குள்ள,
இப்போ விழுந்தேன் சேறுக்குள்ள” என்றல்லவா பாடி கொண்டிருக்கின்றாராம்.

ஸ்டாலின் நாகரீகம் தெரியாதவர், மேஜையில் ஏறி சட்டசபையிலே ஆட்டம் போட்டவர் : பழனிச்சாமி

கலைஞர் இருந்தால் எப்படி பதில் சொல்வார் தெரியுமா?

“மேஜைக்கு அடியில் புகுந்து யார் காலிலோ விழுந்து கிடந்தவர்களுக்கு நாம் தரையில் நடப்பது கூட மேஜைக்கு மேல் நடப்பது போலத்தான் தெரியும் உடன்பிறப்பே…”

சில விஷயங்களை கவனித்து பார்த்தால் சைமன் என்பவர் அதிமுக தயாரிப்பு என்பதும், திருமுருகன் காந்தி என்பவன் திமுகவின் தயாரிப்பு என்பதும் தெரிகின்றது

வேல்முருகன் என்பவர் வைகோ போல ஜெயாவின் கண்ணசைவில் இருந்தவர் என்பதும் புலனாகின்றது

இந்த கவுதமன் என்பவர் சைமனின் இசுஸ் காரை பார்த்துவிட்டு அதைபோல் இல்லாவிட்டாலும் ஒரு சுவிப்ட் காராவது வாங்கவேண்டும் என்ற வெறியில் களம் புகுந்திருப்பது நன்றாகவே தெரிகின்றது

டெல்லியில் இஸ்லாமியனை தாக்கினால் “ஹேய்ய்ய் இந்தியாவில் இஸ்லாமியனுக்கு பாதுகாப்பில்லை..” என பொங்குவதும்

தமிழகத்தில் ராமலிங்கம் போன்றோர் கொல்லபட்டாலும், கோவையில் பலநூறு பேர் கொல்லபட்டாலும் அமைதி காப்பது மத சகிப்புதன்மை எனப்படும்

அதைவிட மிகபெரும் சகிப்புதன்மை கோவை குண்டுவெடிப்பு குற்றவாளிகளை விடுவிக்க சொல்வது, அதுதான் இங்கு நாட்டுபற்றும் மதசார்பற்ற நிலையுமாகும்

“எல்லா பேப்பரும் நாம ஜெயிக்கமாட்டோம்ணே எழுதியிருக்காங்க, ஆனா எச்.ராசா நம்மள ஜெயிக்க வச்சிருவார்..”

( செட்டி புள்ள வெட்டி…)

ஸ்டாலினும் கனிமொழியும் கலைஞர் போலவே பேச தொடங்குகின்றார்கள் ஆனால் இடையிலே தங்களுக்கே உரித்தான தடுமாற்றத்தில் தள்ளாடுகின்றார்கள்

கலைஞரை போல மிக அழகாக பேசுபவர் முக அழகிரி ஒருவர்தான், ஆம் சிக்கலான நேரங்களில் ஓரிரு வார்த்தைகள் தவிர கலைஞர் அதிகம் பேசியதில்லை

தேர்தல் துளிகள் 26/03/2019

உடல்நலக்குறைவால் இன்றைய பிரசாரத்தை ரத்து செய்தார் முதல்வர்

ராமசந்திரன், ஜெயா என அந்த கட்சி முதல்வர்களுக்கு இந்த உடல்நலகுறைவு என்பது வழக்கமான ஒன்று

அந்த சென்டிமென்டுக்கு பழனிச்சாமியும் தப்பவில்லை என்பதுதான் ஆச்சரியம்

தஞ்சை கோவில் சென்டிமென்டை விட பயங்கரமானது அதிமுக முதல்வர் பதவி..

அரசியல் என கருதி இந்த ஹிர்திக் பட்டேல்
, கன்னையா குமார் போன்றவர்களை வளர்த்து விடுகின்றது காங்கிரஸ் கம்யூனிஸ்ட் போன்ற கட்சிகள்

இவை எல்லாம் பின்னாளில் பெரும் சீரழிவிலே முடியும், நாட்டுக்கு இவர்களால் பெரும் சிக்கலே மிஞ்சும்

காங்கிரஸ் வரலாறு அப்படியானது இந்த பிந்த்ரன் வாலே முதல் ஏராளமானோரை காட்டமுடியும்

அந்த தவறை மறுபடியும் செய்ய ஆரம்பிக்கின்றது சில கட்சிகள், நிச்சயம் இது கண்டிக்கதக்கது

இதை எல்லாம் முளையிலே கிள்ளி எறிவது நாட்டுக்கு நல்லது

திருப்பதி கோவிலுக்கு ஏன் பூட்டும் காவலும் என கேட்ட கனிமொழி இப்பொழுது எனக்கு ஏன் கும்பமும் மரியாதையும் என கேட்கவில்லை அல்லவா?

இதுதான் தேர்தல் காலம் என்பது

மழைமேகம் கண்டால் மட்டும் ஆடுமாம் மயில்..

திமுகவின் ஜகத்ரட்சகன் இலங்கையில் 28 ஆயிரம் கோடி முதலீடு செய்ததுபற்றி வாய்திறக்க வேண்டிய திமுக தலமை நயந்தாராவுக்கு ஆறுதல் சொல்லி கொண்டிருக்கின்றது

தமிழக மக்களுக்குத்தான் எவ்வளவு மறதி..

தேர்தல் துளிகள் 19/03/2019 (3)

காமெடி வரல்ல கார்த்திக்

பழனிச்சாமியின் அறிக்கை மிக நன்றாக உள்ளது , அதிமுகவிற்காக பிரச்சாரம் செய்வேன் : நடிகர் கார்த்திக்

சமீபத்தில் நடந்த இளையராஜா 75ல் இவர் மேடையில் ஏதோ பேச போக இளையராஜா சொன்னார்

“உனக்கு காமெடி வரல்ல கார்த்திக் அதை விட்டுடு”

மிக கடுமையாக வலியுறுத்திகொண்டே இருப்போம்

பல்வேறு பிரச்சினைகளுக்காக அமையபோகும் மத்திய அரசை வலியுறுத்துவோம் : அதிமுக தேர்தல் அறிக்கை

37 எம்பிக்களை வைத்து இவ்வளவு நாளும் என்ன செய்தீர்கள்?

கடுமையாக வலியுறுத்தினோம்

இனி என்ன செய்வீர்கள்?

கடுமையாக வலியுறுத்துவோம்

அப்படியா?

ஆம் மிக கடுமையாக வலியுறுத்திகொண்டே இருப்போம்

என்னது அங்கிள்

உயிர் கொடுத்தாவது விவசாயிகளை நான் காப்பாற்றிவிடுவேன்” – சீமான்

என்னது அங்கிள் சாக போகின்றாரா? நெசமாவா?

அவர் செத்துட்டா ஈழம் அடைவது ஆரு? இன விடுதலை வாங்குறது ஆரு?

ஆக ஈழவிடுதலை, இன விடுதலை, விவசாயி விடுதலை என பலமுறை அங்கிள் சாக போகின்றார் போலிருக்கின்றது

இந்திய குடியுரிமை

இலங்கை அகதிகளுக்கு இந்திய குடியுரிமை – திமுக தேர்தல் அறிக்கை

எதற்கு ராஜிவ் கொலையாளி முருகனுக்கும் சாந்தனுக்கும், ராபர்ட் பயாசுக்கும் இங்கு அடைக்கலம் கொடுக்கத்தானே?

பாம்பின் கால் பாம்பறியும் மிஸ்டர் வைகோ

தேர்தல் துளிகள் 19/03/2019 (2)

மய்யத்து காமெடி தொடர்கின்றது

கோவை சரளா என்னை எப்படி நேர்காணல் நடத்துவது என பொங்கிய ஒரு மய்யத்து நபர் ஒருவர் மய்யல் தீர்ந்து ஓடிவிட்டார், ஓடும் பொழுது “கோவை சரளா எல்லாம்..” என சொல்லி விட்டு ஓடிவிட்டார்

அவ்வளவுதான் அம்மணிக்கு கோபம் பொத்துகொண்டு வந்தாயிற்று

“என்றா இது, எனக்கு அறிவு இல்லியாடா, நெசமா இருக்குடா? நா அரசியல் பண்ணகூடாதுன்னு எவண்டா சொன்னது? என்றா தகுதி இல்ல என்ட்ட‌, போடா கெரகம் புடிச்சபயல‌” என வானுக்கும் பூமிக்கும் குதிக்கின்றது

அவர் கிடக்கின்றார் சரளா அக்கா, கமலஹாசனே கட்சி நடத்தும்பொழுது உங்களுக்கு பிரதமர் ஆகும் தகுதி இல்லையா என்ன?

விடுதலை புலிகள் இந்தியாவிற்கு பாதுகாப்பாக இருந்தனர் : கருணாஸ்

இந்திய ராணுவத்தினை எதிர்த்து, இந்திய பிரதமரை கொன்று இன்னும் பல கொடுமைகளை இந்தியாவுக்கு எதிராக செய்தவர்கள் இந்திய பாதுகாப்பாக இருந்தார்களாம்

முன்பொரு பேட்டியில் நான் வெளிநாட்டு சரக்காய் குடிப்பேன் என கருணாஸ் சொன்னது நினைவிருக்கலாம்

அந்த போதை தெளியவில்லை அவ்வளவுதான்

சைக்கிள் சின்னம்

மரத்தில் இருந்து சந்தண மர கன்றை கொண்டு வரலாம், ஆனால் மழையினை கொண்டுவர முடியாது

சைக்கிள் சின்னம் கிடைத்திருக்கலாம், ஆனால் ரஜினி ஆதரவு கிடைக்குமா?

தேர்தல் துளிகள் 18/03/2019 (3)

அர்ரே பழ்னிசாமி நம்பிள் ராம்சந்தரோட காவல்காரன் படம் பார்த்தான் உடனே நம்பிள் காவல்காரன்னு பேர் வச்சிட்டான், தேங்க்ஸ் பையா

அடடே, இது தெரிஞ்சா மாட்டுக்கார வேலன் சிடி கொடுத்திருப்பேனே

அச்சா, அப்டியும் இருக்கா? உடனே நம்ப யோகிக்கு சிடி அனுப்பி வைங்க மேன், அவரும் பெயரை மாத்துவார்..

உன் தந்தை தெய்வம் தானய்யா….

எந்நாளும் உம்மோடும் எம்மோடும் அவர் மனம் வாழட்டும்

“தாய் இல்லாத நேரம்தான் நீங்க தாய் கழகத்துக்கு வருவீங்கண்ணு அப்பா அடிக்கடி சொல்லுவாருங்க…”

தேர்தல் துளிகள் 18/03/2019 (2)

இருபக்கமுமே பாராளுமன்ற தேர்தலை பற்றி சொல்ல விஷயமே இல்லை

அதிமுக எம்பிக்கள் என்ன செய்தார்கள் என திமுக தரப்பு கேட்டால் எதிர்கோஷ்டி ஒரே வார்த்தையில் இவர்களை அடக்கிவிட முடியும்

ஆம் ஒற்றை வார்த்தை போதும்

10 வருடம் மன்மோகன்சிங் ஆட்சியில் திமுக இருந்தது, ஆனால் கலைஞருக்கு அஞ்சலி செலுத்த அந்த மன்மோகன்சிங் ஏன் வரவில்லை?

எவ்வளவுக்கு பாதிக்கபட்டிருந்தால் அவர் வராமல் இருந்திருப்பார்?

இந்த கேள்விக்கு காங்கிரசிடமே பதில் இல்லை எனும்பொழுது திமுகவிடம் எப்படி இருக்கும்?

பாஜகவில் வாரிசு அரசியல் இல்லை , பக்தாஸ் பரவசம்

அங்கிருக்கும் நபர்களை பாருங்கள். வாஜ்பாய், மோடி, யோகி, உமா பாரதி, பொன்னார் இன்னபிற‌

இதில் யாருக்கு குடும்பம் இருக்கின்றது? பின் எங்கிருந்து வாரிசு வரும்?

சுத்த சாமியார் கோஷ்டி அது, இந்த மடங்களில் இருப்பதை போலவே நாடும் அரசியலும் இருக்கவேண்டும் என எதிர்பார்த்தால் எப்படி?

இந்த தேர்தலில் அவர் இருந்தால் இப்படித்தான் கேட்டிருப்பார்

“அவர் காவல்காரனா?

யாருக்கு?

நாட்டுக்கா? மாட்டுக்கா? இல்லை அம்பானி வீட்டுக்கா?”

சவுக்கிடார்ன்னா என்ன அர்த்தம்னுதான?

அது தெரியாதா? அந்த ஆளு
சாவ கிடக்காராம்

தேர்தல் துளிகள் 18/03/2019 (1)

கடும் முயற்சி

சாதி அடையாள தலைவர் என்ற அபிமானத்தை மாற்ற கடும் முயற்சியில் இறங்கியிருக்கின்றார் தினகரன்

இதனால் தினகரனின் கிட்னியின் கிட்னிகள் மிகுந்த உற்சாகத்தில் இருக்கின்றன, இது மறவர் கட்சி அல்ல நாடாருக்கும் வாய்ப்பு கொடுத்திருக்கின்றோம், இது சாதிமதற்ற கட்சி என கிட்னிகளுக்கு ஏக மகிழ்ச்சி

“ஆக பணம் நிறைய வைத்திருந்தால் எந்த சாதியாலும் உங்களுக்கு சீட் கொடுக்க தயக்கமே இல்லை, அப்படித்தானே?” என கேட்டால் அவர்களிடம் பதிலே இல்லை

வாழ்வா? சாவா?

அமெரிக்க வெளியுறவு துறையோ, ரஷ்ய ராணுவமோ ஏன் இஸ்ரேலிய உளவுதுறையோ கூட இப்படி நுணுக்கமாக வேட்பாளரை நிறுத்தமுடியாது

அப்படி மிக கச்சிதமாக ஒவ்வொரு கட்சியும் மிக கவனமாக வேட்பாளர்களை நிறுத்தியிருக்கின்றது

போட்டி மிக கடுமையாக இருக்கும், வாழ்வா? சாவா? என கடும் நெருக்கடியில் இருக்கும் கட்சிகளின் நிலைபாட்டில் கவனமும் வேகமும் இருக்கின்றது

மிகமிக விறுவிறுப்பான தேர்தலாக இது இருக்கும் என்பதில் சந்தேகமில்லை

நமக்கென்ன? 1 மாதம் இனி நேரம் செல்வதே தெரியாது…

“அரசியல்வாதி” மனைவி

துர்கா ஸ்டாலின், காந்திமதி அழகிரி, காவேரி மாறன்…. என திமுக மேலிட பெண்கள் பெயர் வரிசை வரும்

ஆனால் அவர் மட்டும் கனிமொழி கருணாநிதியாம். இன்னொருவர் தமிழச்சி தங்கபாண்டியனாம்

இவர்களுக்கெல்லாம் கணவன் இல்லையா?

இதைத்தான் அவ்வையார் சொன்னார் “இல்லாதானை இல்லாளும் மதியாள்”,

ஆம் அரசியல் செல்வாக்கு இல்லாத கணவனை “அரசியல்வாதி” மனைவி மதிப்பதே இல்லை

“மதசார்பற்ற கூட்டணி”

திமுக கூட்டணியின் பெயர் “மதசார்பற்ற கூட்டணி” என அறிவித்தார் ஸ்டாலின்

நல்லது

அந்த மதசார்பற்ற கூட்டணியில் இருப்பது யார்? முஸ்லீம் லீக், கிறிஸ்தவ கூட்டமைப்பு இன்னபிற‌

ஏதாவது புரியுமா? புரியாது இதுதான் அரசியல்