சித்திரை விஷூ வாழ்த்துக்கள்.

Image may contain: food

தமிழர் புத்தாண்டு அதுவுமாக தமிழருக்கு கோவிலுக்கு செல்ல வழியில்லை, எல்லா ஆலயங்களும் பூட்டியிருக்கின்றன‌

அதனால் என்ன? மரத்தடி பிள்ளையார் முதல் கல்லில் இருக்கும் கருப்பசாமி வரை ஏன் வீதியெல்லாம் ஆலயங்களை அமைத்தார்கள் என்பதன் பொருளை இந்துக்கள் உணர்ந்து கொண்டிருக்கின்றனர்

ஆலயம் பூட்டியே இருக்கட்டும், அட வீதியினை விட்டு வெளியே வர வேண்டாம், கூடி பிரார்த்திக்கும் அவசியமில்லை. மரத்தடி போதும் அதில் இருக்கும் பிள்ளையார் போதும் , கல் போதும். கையில் இருக்கும் சூடம் போதும் அதுவுமில்லை என்றால் கவலையே இல்லை

எந்த சூழலிலும் தன் வழிபாட்டை தொடருமாறு இந்துவுக்கு அம்மதம் ஏற்பாடு செய்திருக்கின்றது, வீதி மரத்தடி பிள்ளையாரும் ஆங்காங்கே இருக்கும் சாமிகளும் புத்தாண்டு ஆசி வழங்கி கொண்டிருக்கின்றன‌

“அர்ஜூனா எங்கெல்லாம் வழிபாடு நடக்கின்றதோ அவர்கள் எவ்வழியாயினும் அந்த பிரார்த்தனை என்னையே வந்து அடைகின்றது என அறிக” என கீதையில் சொல்கின்றார் பரமாத்மா

ஆம் சிறுதெய்வமோ பெருந்தெய்வமோ கல்லோ மரமோ எதை தொழுதாலும் அது பரமனையே அடைகின்றது, எல்லா ஆறும் கடலுக்கு செல்வது போல எல்லா பிரார்த்தனைகளும் அவனையே அடைகின்றன‌

ஊரடங்கு கட்டுப்பாடு எனும் நிலையிலும் புத்தாண்டு ஆசிகளை அள்ளி கொடுத்திருக்கின்றன ஆங்காங்கே இருக்கும் சிறுதெய்வங்கள் வழங்கி கொண்டிருக்கின்றன‌

வீதியெல்லாம் முக்கு முக்காக இருக்கும் பிள்ளையார் இன்னும் விஷேஷம், உண்மையில் இவ்வளவு பிள்ளையார்கள் முன்பு வீதியெல்லாம் இல்லை , இந்த ஈரோட்டு ராம்சாமி பிள்ளையார் சிலையினை உடைக்க வீதிக்கு வீதி பிள்ளையார் முளைத்தார்

வீதிக்கு வீதி பிள்ளையாரை வைத்து வணங்கி அவரை பழிவாங்கியது தமிழகம்

எல்லா அன்பர்களுக்கும் நண்பர்களுக்கும் தமிழ்புத்தாண்டு வாழ்த்துக்களை தெரிவித்து கொள்வோம்

தமிழர் கலாச்சாரமும் வாழ்வியலும் சூரியனை மையமாக கொண்டது, “ஞாயிறு போற்றுதும் ஞாயிறு போற்றுதும்” என வாழ்ந்த சமூகம் இது

தமிழரின் நாள் என்பது சூரிய உதயம் தொடங்கியதில் இருந்தே கணக்கில் வரும், முழுக்க சூரியனை மையமாக வைத்த இனம் இது

தமிழனுக்கு ஞாயிற்றுகிழமைதான் வாரத்தின் தொடக்கமாக இருந்தது, ஏன் யூதனுக்கும் அப்படித்தான் இருந்தது, மேற்காசியாவில் இருந்தது

சனி நீராடு என்றால் குளித்து ஓய்வெடு என்பதே பொருள், ஞாயிறு வேலை தொடங்கும் நாள்

பின்னாளிலே எல்லாம் மாறிற்று

அந்த அளவில் சூரியனை கொண்டாடிய சமூகத்தின் கலாச்சாரபடி சித்திரை தொடக்கமே ஆண்டின் தொடக்கமாய் இருந்தது

பின்னாளில் சிலர் மாற்ற பார்த்தார்கள் முடியவில்லை, பழமை தன்னை மீட்டு கொண்டது

தமிழனுக்கு மட்டுமல்ல மலையாளம், சிங்களம் உட்பட பல சகோதர இனங்களுக்கு இன்றுதான் புத்தாண்டு

அப்படியே ராஜபக்சே கோஷ்டிக்கும் ஒரு வாழ்த்து

இப்பக்கம் நயன் தாரா என்பவரை தவிர எல்லா மலையாளிகளுக்கும் குறிப்பாக நித்தியா மேனன், லஷ்மி மேனன் உட்பட எல்லோருக்கும் சித்திரை விஷூ வாழ்த்துக்கள்

பிழைத்து போகட்டும், “மாற்றான் தோட்டத்து மயிலுக்கும் தோகை உண்டு” என்பதால் நயனுக்கு சிரிக்காமல் முறைத்து கொண்டே கொஞ்சம் வாழ்த்துக்கள்…

காக்கையினை நம் முன்னோர்கள் என சொல்கின்றது இந்துமதம்.

Image may contain: bird and outdoor

இப்பொழுதெல்லாம் காலையிலே வாசலுக்கு வந்துவிடுகின்றது காகங்கள், இரு வாரங்களில் அதுவும் நமக்கு நட்பாகிவிட்டது

நானும் அதுவும் ஒரே நிறம் என்பதும் காரணமாக இருக்கலாம்..

காகம் மானிட வாழ்வில் அக்காலம் தொட்டே வரும் பறவை, சாணக்கியன் வள்ளுவன் என எல்லா மேதைகளும் கவனித்த பறவை அது

சாணக்கியன் சொல்வான்

“பறவைகளில் தந்திர சாலி காகம்
மிருகக்ங்களில் தந்திர சாலி நரி
பெண்களில் தந்திர சாலி தோட்டக்காரி (இதை வேலைக்காரி என்றும் சொல்லலாம்)”

அது தந்திரசாலி மட்டும் அல்ல, புத்திசாலியும் கூட. பறவைகளில் அதற்குள்ள அறிவுக்கு ஈடாக இன்னொரு பறவையினை சொல்லுதல் கடினம்.

கூடுதலாக சாணக்கியன் சொன்னான்


பெண்கள் செய்யாதது ஏதேனும் உண்டா?
குடிகாரர்கள் உள றாதது ஏதேனும் உண்டா?
காகங்கள் சாப்பிடாதது ஏதேனும் உண்டா?”

ஆம் காகம் அனைத்துண்ணி, அது இருக்கும் இடத்தில் எந்த அசுத்தமும் பரவாது சோறு மிஞ்ஞ்சினாலும் உண்ணும், விலங்கு செத்தாலும் உண்ணும், நோய் பரவ விடாது

காகத்தை தன் வீட்டில் ஒருவராக கொண்டாடியது இந்துமதம், கூடுதலாக அது சனியின் வாகனம் என்றே உயர்த்தி சொன்னது

சனிக்கும் காகத்துக்கும் என்ன சம்பந்தமென்றால் காக்கையால் சனிகிரகத்துக்கு ஆக போவது ஒன்றுமில்லை மாறாக காக்கை உணவிடுதல் மகா புண்ணியமென்பதாலும் அதை தவிர்க்கவே கூடாது என்பதற்காகவும் சனியின் வாகனமாக்கினார்கள்

சனிக்கு அஞ்சாத மனிதர் இல்லை என்பதால் மிக தெளிவாக அந்த உருவம் கொடுத்தார்கள், பறவைகளில் அது தனி அறிவோடு திகழ்வதால் இது மானிட அறிவின் சாயல் என்பதால் முன்னோர்கள் என்றார்கள்

அறிவியலில் ஒரு கேள்வி உண்டு குரங்கில் இருந்து மனிதன் வந்திராவிட்டால் எந்த உயிரில் இருந்து வந்திருப்பான் என்பது அது? குரங்கு இல்லாவிட்டால் இன்னொரு உயிரினம் மனிதனாக பரிணமித்திருக்கும் அது பறவையாக கூட இருக்கலாம் என்றது அதற்கான பதில்

முன்னோர்கள் அந்த காகத்தை அப்படிபட்ட பறவையாக நோக்கியிருக்கலாம்

வள்ளுவனுக்கு காகத்தை மிகவும் பிடித்திருந்தது, தன் குறளில் அதற்கும் இடம் கொடுத்திருந்தான்

“பகல்வெல்லும் கூகையைக் காக்கை இகல்வெல்லும்
வேந்தர்க்கு வேண்டும் பொழுது”

“காக்கை கரவா கரைந்துண்ணும் ஆக்கமும்
அன்னநீ ரார்க்கே உள”

இந்த பகல்வெல்லும் கூகையினையினை என்பது கவனிக்கதக்கது, ஆந்தை இரவில் காகத்தின் குஞ்சுகளை கண்ட அஸ்வத்தாமன், அந்த இரவிலே இளம் பஞ்ச பாண்டவரை கொன்றானாம்

ஆம் இரவில் காகம் ஒளியும் திணறும் ஆனால் பகலில் ஆந்தை கிடைத்தால் குதறிவிடும்

இன்னும் ஏகபட்ட புலவர்கள் பாடினர்.. ஒரு தமிழ்புலவன் இப்படி பாடினான்

“காலை எழுந்திருத்தல் காணமலே புணர்தல்
மாலை குளித்து மனை புகுதல் – சால
உற்றாரோடுண்ணல் உறவாடலிவ் வாறும்
கற்றாயோ காக்கைக் குணம்..”

அதாவாது காகத்திடம் இருந்து உலகம் கற்க வேண்டிய பாடம் இவை என்கின்றான்

காலை எழுந்திரு, பிறர் காணாமல் புணர் (மறைவாக தாம்பத்தியம்), மாலையிலும் குளி, .பிற பெண்களிடம் போகாமல் உன் மனையில் புகு.கிடைத்த உணவைப் பகிர்ந்து உண்.

ஆம் இது மனிதனுக்கு இருக்க வேண்டிய குணம் அல்லவா? இதனால்தான் காக்கையினை நம் முன்னோர்கள் என சொல்கின்றது இந்துமதம்