ஆபரேஷன் எண்டபே : 05

No automatic alt text available.ஒரு தவறான தகவல் இணையமெல்லாம் பரவுகின்றது, அதாவது 2007ல் சிரியா வடகொரியா உதவியுடன் அணுகுண்டை செய்ததாகவும் அதனை இஸ்ரேல் கண்டுபிடித்து சிரியா அணுவுலைகளை அழித்ததாகவும் சில செய்திகள்

சிரியா இஸ்ரேலோடு யுத்தம் நடத்திய நாடென்றாலும் அது அணு ஆராய்ச்சியில் எல்லாம் இறங்கவில்லை, பக்கத்து லெபனானும் இறங்கவில்லை

 

இஸ்ரேலிடம் அணுகுண்டு உண்டு, 1950களிலே உருவாக்கிவிட்டார்கள் ஆனால் வெளிகாட்டமாட்டார்கள். அவர்கள் நாடகம் அப்படி

அதன் பின் சதாமிற்கு அணுகுண்டு ஆசை வந்தது, அது அமெரிக்காவின் செல்லபிள்ளையாக அவர் இருந்த 1980ல் வந்தது

ஈரானை எதிர்க்க அமெரிக்க சதாமிற்கு கொம்பு சீவிய காலம் அது, சதாமும் மிக துடிப்பாக இருந்தார்

அணுகுண்டுக்கு பகீரத தவம் இருந்தவர் சதாம், மறுப்பதற்கில்லை

Image may contain: outdoor and natureசதாமின் அணுவுலைக்கு பிரான்ஸ் உதவியது, ஈராக் அணு ஆயுதம் பெற்றால் இஸ்ரேலுக்கு சமமான எதிரி ரெடி, விடுமா இஸ்ரேல்?

மொசாத் களமிறக்கபட்டது, மொசாதில் அழகான விபசாரிகளும் உண்டு, அவர்கள் பாக்தாத்தில் முகாமிட்டு பிரான்ஸ் விஞ்ஞானிகளை வளைத்தார்கள்.

சில விஞ்ஞானிகளை அழகிகளால் வளைத்தார்கள், சிலரை பணத்தால் வளைத்தார்கள் , ஒவ்வொரு விஞ்ஞானியிடமிருந்தும் கறந்த தகவலை பொருத்தினார்கள்.

ஈராக்கில் ஊடுருவிய மொசாத் உளவாளிகள் சிரிய எல்லையில் கட்டபட்ட ஆலையினை படமெடுத்து அனுப்பிகொண்டே இருந்தார்கள்

ஈராக்கின் அணுதிட்டம் முழுக்க அறிந்து கொண்டார்கள், இஸ்ரேல் தரப்பு இதனை வெளிகாட்டாமல் பிரான்ஸ் அணுவுலைக்கு உதவ கூடாது என்று வலியுறுத்தியது

இது மின்சார அணு விநியோகம் என சொல்லி நழுவியது பிரான்ஸ், அதன் பின் மொசாத் தன் இன்னொரு முகத்தை காட்டியது

பிரான்ஸின் அணு ஊழியர்கள் போராட்டம் என்ற பெயரில் பொங்கினர், உரிமை அது இது என சொல்லி அடித்து நொறுக்கினர், ஆலையில் அவர்கள் நொறுக்கியது என்ன தெரியுமா?

ஈராக்க்கிற்காக செய்த‌ அணுவுலை பாகங்கள்

பிரான்சுக்கு நெருக்கடி மேல் நெருக்கடி தொடங்கியது, பிரான்சின் அமைதி கெட்டது, பிரான்சில் அணுவிஞ்ஞானிகள் எல்லாம் மர்மமாக செத்தார்கள்

அல்லது சொல்லாமல் கொள்ளாமல் வேலையினை விட்டே ஓடினார்கள்

கொஞ்ச காலத்தில் மொசாத்தின் அட்டகாசத்தை அறிந்த பிரான்ஸ் ஜாகையினை பாக்தாத்திற்கு மாற்றியது

அங்கு பணிகள் தீவிரமடைந்தன, இது மின்சார அணுவுலை என சொல்லி பணிகள் நடந்தன‌

இதற்கு மேலும் விட்டால் ஆபத்து என கருதிய இஸ்ரேல் மிக துணிவான முடிவினை எடுத்தது

1981 ஜூன் 7ம் தேதி, மாலை அணுவுலை பூட்டபட்டபின் யாரும் உள்ளே இல்லை என்ற தகவல் கிடைத்தபின் மிக வேகமாக கிளம்பிய இஸ்ரேலின் 25 விமானங்கள் அந்த ஆலையினை தாக்கின, 10 நிமிடத்தில் அழிந்தது ஆலை

இன்றும் சதாம் திட்டமிட்ட அணு ஆயுதம், பிரான்சின் உதவி, விஞ்ஞானிகள் பட்டியல் , என்ன செலவு என எல்லா விவரமும் இஸ்ரேலிடம் உண்டு

சதாமினை திரும்ப திரும்ப அடிக்க அந்த பட்டியல்தான் உதவிற்று

எப்படி திரட்டினார்கள்? எப்படி எடுத்தார்கள் என்றால் அதுதான் மொசாத், அதுதான் இஸ்ரேல்

அதன் பின் ஈரானுடன் யுத்தம், பெரும் பணம் அழிந்த கவலை என சதாமும் அணு ஆராய்ச்சிக்கு செல்லவில்லை

பிரான்ஸ் பட்ட அடியில் அதன் பின் பிரான்சும் இஸ்ரேலை எதிர்க்கவில்லை

பின் சதாம் அணுகுண்டு வைத்திருக்கின்றார் என்ற பல்லவியினை சும்மாவே பாடி அவரை கொல்லவும் செய்தாயிற்று

ஆக ஈராக் அணுகுண்டு பெறாமல் தடுக்கவே 1981ல் இஸ்ரேல் அப்படி தாக்கியது, அதன் பின் அதற்கான அவசியமில்லை

2007ல் இஸ்ரேல் தாக்கியது லெபனானை, ஹெஸ்புல்லா இயக்கத்தினரை எச்சரிக்கும் விதமாக நடந்தது அது

இன்று அணுகுண்டு தயாரிப்பில் ஈடுபட்டுள்ள ஈரான் இஸ்ரேல் தாக்கும் என அஞ்சிதான் நிலத்தடி மாளிகையில் தன் ஆலையினை அமைத்துள்ளது

அடிக்கடி எங்கள் அணுவுலையினை இஸ்ரேல் தாக்கினால்… என எச்சரிக்கை செய்யவும் ஈரான் தவறுவதில்லை, அதன் உள்ளூர பயம் அப்படி

இஸ்ரேலும் சும்மா அல்ல, 200 அடி ஆழம் வரை துளைத்து வெடிக்கும் குண்டுகளை தயாரித்துவிட்டதாக அடிக்கடி சொல்லி பயமுறுத்தும்

ஈரானிய அணு விஞ்ஞானிகள் கொல்லபடுவதும், ஈரானை உலக நாடுகள் எச்சரிப்பதுமாக இப்பொழுதும் விளையாட்டு நடக்கின்றது

இப்பொழுது அணுவுலையின் சில நுட்பங்கள் கிடைக்காமல் ஈரான் தள்ளாடுவது நிஜம், இரு ஆண்டுகளுக்கு முன்பே செய்யபட்டிருக்க வேண்டிய அணுகுண்டு இன்னும் செய்யபடவில்லை

ஆக‌ சிரியா அணுஆலையினை இஸ்ரேல் தகர்த்தது என்பதெல்லாம் சும்மா

ஆனால் சதாமின் உலைகளை தகர்த்ததும், பிரான்ஸை அலற வைத்ததும், இன்று ஈரானின் அணுவுலைக்கு குறி வைப்பதும் சாட்சாத் இஸ்ரேல்தான்

இப்பொழுது ஒரு கேள்வி எழலாம், இஸ்லாமிய நாடுகளிடம் அணுகுண்டு இருக்க கூடாது என மிக விழிப்பாய் இருக்கும் மேற்குலகம் பாகிஸ்தானை மட்டும் எப்படி அனுமதித்தது??

பாகிஸ்தான் அணுவுலையினை நொறுக்க அவர்களிடம் காரணம் இருந்தது, படையும் இருந்தது ஆனால் செய்யவில்லை ஏன்?

அதுதான் உலக அரசியல், இந்தியாவிடம் அணுகுண்டு இருக்கும் பொழுது பாகிஸ்தானிடமும் இருந்தே தீரவேண்டும் அப்பொழுதுதான் சமநிலை வரும்

ஈராக்கை , ஈரானை எல்லாம் தடுத்த இஸ்ரேல், லிபியா அணுகுண்டு பெற்றுவிட கூடாது என குழப்பிய அமெரிக்கா எல்லாம் பாகிஸ்தானின் அணுகுண்டை கண்டும் காணாமல் இருப்பது இதற்காகத்தான்

பாகிஸ்தான் அணுவிஞ்ஞானி கான் அணுநுட்பத்தை வடகொரியாவிற்கு கொடுத்தபொழுது 
(வடகொரிய அணுகுண்டு பாகிஸ்தான் விஞ்ஞானி உபயம், இதெல்லாம் சொல்லமாட்டார்கள். ) அவசரமாக பாய்ந்து பிடித்தார்கள்,

பிடித்து?? தண்டனை ஒன்றுமே இல்லை, மாறாக பாகிஸ்தானிலே இரு என சொல்லிவிட்டார்கள்

ஏன் என்றால் அதுதான். இந்தியாவிற்கு ஒரு எதிரி தேவை அவனிடம் அணுகுண்டு இருப்பதில் தவறே இல்லை

இப்படிபட்ட “நல்ல எண்ணம்” கொண்ட இஸ்ரேல், அமெரிக்காவுடன் தான் மோடி கொஞ்சி கொண்டிருக்கின்றார்

முற்றும் .

 
 
Advertisements

ஆப்பரேஷன் எண்டபே : 04

Image may contain: 1 person, smiling, close-up

மூன்று விமானங்கள் சென்றன‌, ஒன்று பயணிகளுக்கு, ஒன்று தாக்குதல் கமாண்டக்களுக்கு, இன்னொன்று முழுக்க ஆயுதம் அதாவது திட்டம் பிசகும் பட்சத்தில் மொத்த நிலையமும் காலி எனும் ரகசிய திட்டம்

(பின்ன அவ்வளவு தூரம் வந்து சும்மா செத்துவிடுவார்களா? )

சண்டை தொடங்கிற்று, உடனே குழுவாக பிரிந்து தாக்கினார்கள், மோசே தயான் அப்படித்தான் வியூகம் வகுத்து அனுப்பியிருந்தார்.

ஒரு குழு பயணிகளை ஏற்றியது, ஒரு குழு அவர்களுக்கு வளைய பாதுகாப்பு வழங்கியது, ஒரு குழு இலக்கில்லாமல் சுட்டு தீவிரவாதிகளை குழப்பியது, ஒரு குழு கவனமாக அங்கு நின்ற உகாண்டா ராணுவ விமானங்களை ராக்கெட் வீசி அழித்தது (பின்னால் தொடர்ந்து வந்துவிட கூடாது அல்லவா? திட்டம் எப்படி பாருங்கள் )

5 நிமிடத்தில் கைதிகள் மீட்பு, சண்டை கிட்டதட்ட முடியும் நிலை, அப்பொழுது தூர கட்டத்தில் இருந்து ஒரு ஸ்னைப்பர்(தொலைவில் இருந்து சுடுதல்) தாக்குதலில் இஸ்ரேலிய கமாண்டர் ஜோனத்தான் நேதன்யாகு உயிரிழந்தார், பதிலுக்கு ராக்கெட் அடித்ததில் கட்டமே காலி.

Image may contain: one or more people

உயிரிழந்த ஜோனாத்தான் நேதன்யாகு மற்றும் “தளபதி” மோசே தயான் & co படத்தில் 

எல்லோரையும் அள்ளிபோட்டு அவசரகதியில் கிளம்பி மேலெலுழுந்தது விமானங்கள். மெதுவாக அசைந்து மெதுவாக உயரும் சம்பிரதாய முறை அல்ல, படுபயங்கர வேகமும் அசாத்திய பறத்தலும்.

மோசே தயான் கொடுத்தது 7 நிமிடம், ஆனால் ஆப்பரேஷன் முடிந்தது 5 நிமிடத்தில்.இது தான் இஸ்ரேலியர், இதுதான் அவர்களின் பயிற்சியும் செயல்திறனும்.

இஸ்ரேல் வீரர் ஒருவர் பலி, மருத்துவமனையில் இருந்த 75வயது முதியவர் ஒருவர் பின்னர் உயிரிழந்தார்(அதில்தான் உலகம் இடிஅமீனை திட்டிதீர்த்தது), தவிர்க்க முடியாத காலத்தில், சேதத்தில் குறைந்த சேதம் பெரும் லாபம் என்பது ராணுவ பாடம்.

அப்படிபட்ட நிலையில் இது இஸ்ரேலுக்கு மிக பெரும் வெற்றி

Image may contain: 1 person, sunglassesவிமானநிலையத்தில் அந்தபக்கம் பதுங்கியிருந்த கமாண்டோக்களும் ஓசைபடாமல் திரும்பி ஆம்புலன்ஸ் விமானத்தில் ஏறினர், அந்த டாக்டர்கள்(!) கென்யர்களிடம் சொன்னார்கள் “எங்கள் ராணுவம் ஏதோ செய்திருக்கிறது, எங்களால் உங்களுக்கு சிரமம், நாங்கள் கிளம்புகிறோம்” என சொல்லிவிட்டு நன்றி கடனாக அனோசின் மாத்திரை ஒரு மூட்டை கொடுத்துவிட்டு கிளம்பினர்.

உலகம் மலைப்பின் உச்சத்தில் பிரம்மிப்பாய் இஸ்ரேலை பார்த்தது. கிட்டதட்ட 6000 கிலோமீட்டர் தொலைவு அங்கு சிறைவைக்கபட்ட பயணிகளை, அந்த நாட்டையே ஏமாற்றி அடித்து மீட்டுவருவது எவ்வளவிற்கு சாத்தியம்?

இஸ்ரேலுக்கு எல்லாமே சாத்தியம்,

5 நிமிடத்தில் இறங்கி அள்ளிபோட்டுகொண்டு செல்லுவதென்றால் எவ்வளவு வேகமும், தகவலும் அவர்களிடம் இருந்திருக்க வேண்டும்? அதுவும் விமான இறங்கி ஏறவே 30 நிமிடம் ஆகும் உலகில் எவ்வளவு சவால் எடுத்திருக்கின்றார்கள்??

இதுதான் இஸ்ரேல்..

அவர்களின் சூழ்நிலை அப்படி, எப்பொழுதும் எதற்கும் தயார் என்பது. எல்லாவற்றிற்கும் மேல் தந்திரம்,தைரியம்,தொழில்நுட்பம்,அதிர்ஷ்டம் என சகலமும் கலந்த நாடு.

ஒருவார காலம் தங்களின் தூக்கம் கெடுத்த இடிஅமீனை, மறைமுகமாக பழிவாங்கினர், அதுதான் “மக்கள்புரட்சி” . நாட்டைவிட்டு ஓடிபோய் சவூதி அரேபியாவில் வாழ்ந்து செத்தார் இடிஅமீன். இஸ்ரேலை எதிர்த்தார் என்பதற்காக அந்நாடு அவருக்கு அடைக்கலம் கொடுத்தது.

மீட்பு சம்பவத்திற்கு பின் கீம்ஸி உலகின் பெரும் ராஜதந்திரி ஆனார், மோசே தயான் அதற்கு முன்பே உலகபுகழ் பெற்றிருந்தார் இன்னும் புகழ் கூடிற்று.

இஸ்ரேல் இவ்வளவு பெரிய சக்தியா? என பெரும் அரசுகளே மிரண்டன.

அதன் பின் இஸ்ரேல் தன் விமான பாதுகாப்பினை பலபடுத்தியது, எல்லா இஸ்ரேலிய விமானத்திலும் ஒரு பயிற்சி பெற்ற வீரர் பயணி போலவே அமர்ந்திருப்பார், அவருக்கான ஆயுதம் அவர் அருகிலே மறைத்து வைக்கபட்டிருக்கும்

அவர் சாதரண பயணிகளில் ஒருவர் போலவே இருப்பார், தேவை ஏற்பட்டால் மட்டுமே வெளிதெரிவார், இல்லாவிட்டால் உண்டுவிட்டு சாதாரண பயணியாக‌ தூங்குவார்.

எந்த ஏவுகனையும் தங்கள் விமானத்தை தாக்காதவாறு தொழில்நுட்பத்தை புகுத்தியது இஸ்ரேல், இன்று மிக மிக பாதுகாப்பான விமான பயணம் அவர்களுடையது

“இதுதான் நாங்கள், யாருக்கும் அஞ்சமாட்டோம், இதோ எங்கள் விமானம் பறக்கின்றது, முடிந்தால் தொட்டுபார்” என தில்லாக இஸ்ரேல் நிற்பது அதற்கு பின்புதான்

எந்தவகை தீவிரவாதத்திற்கும் இஸ்ரேல் அசையாது என உலகிற்கு சொன்ன சம்பவம் இது,

இது என்ன புதுவகையான நாடு என உலகம் மிக மிரட்சியாக இஸ்ரேலை நோக்கியது அதன் பின்புதான்

“எது எல்லாம் எதிரியின் பலவீனமோ அதனை எல்லாம் பலமாக எடுத்து, அவர்களை நம்ப வைத்து குழப்பி எதிர்பாரா நேரத்தில் அடி, இது யுத்தம் இங்கு நேர்மை, நியாயம் எல்லாம் வேலைக்காகாது

அடி, எல்லா வகையிலும் அடி. தயாரிப்பை செம்மையாக செய்துவிட்டு ஒரே அடியாக அடி” என்பதுதான் அந்த தாக்குதல் தத்துவம்.

எல்லா நாட்டு உளவுதுறைகளும் இந்த சம்பவத்தை அடிப்படை பாடமாகவே வைத்துள்ளன

உளவு,திட்டமிடுதல்,பாதுகாப்பான தாக்குதல், நேரம் மேலாண்மை, உளவியல் ரீதியாக‌ குழப்புதல் என பல தலைப்புகளில் இதனை படிக்காத எந்த உளவாளியும் தற்போது இருக்கமாட்டார்.

இது வெளியே தெரிந்த பெரும் சாதனை, இதனைபோல நூற்றுகணக்கான சம்பவங்கள் உண்டு. தொடர்ந்து அவர்களை பற்றியே பார்த்தால் மற்ற விஷயங்களை விட்டுவிடுமோம் அல்லவா?, அவ்வப்போது பார்க்கலாம்.

இதனை படித்துவிட்டு காந்தாகாரில் நாம் சரணடைந்தோம் என கவலைகொள்ளாதீர்கள், 1985ல் ஆனானபட்ட அமெரிக்காவே ஒரு விமான கடத்தலில் தீவிரவாதிகளிடம் சரண்டைந்து கைதிகளை கொடுத்தது.

ஆனால் பின்னாளில் ஒருவர் விடாமல் பின்னால் அலைந்து பழிதீர்த்தது, ஆதரவான நாடுகளின் தலைவர்களை அழித்தே விட்டது.

ஆனால் இந்தியா விடுவித்த தீவிரவாதி என்ன செய்கிறார்?, பாகிஸ்தான் டிவியில் அடிக்கடி அறிக்கைவிடுகிறார். ஆக்கிரமிப்பு காஷ்மீரில் சமூக சேவையும் செய்கிறார்,பாடம் நடத்துகிறார் அதை வேண்டுமானால் கவலையோடு பார்க்கலாம்.

மொசாத்தின் சாகசங்கள் இப்படி ஏராளம் உண்டு, அர்ஜெண்டினாவில் இருந்து ஹிட்லர் தளபதியினை கண்டுபிடித்து கடத்தியது, முனிச் படுகொலைகளுக்கு பழி தீர்த்தது சதாமின் அணுவுலைகளை தகர்த்தது என ஏராள வீரதந்திர வரலாறுகள் உண்டு

அவ்வப்போது பார்க்கலாம், அப்படியே இஸ்ரேலை போலவே மங்கா புகழ்பெற்றிருக்கும் குஷ்பூவின் தொடரையும் பார்க்கலாம்

தொடரும் …

 
 

ஆப்பரேஷன் எண்டபே : 03

Image may contain: 1 person

முதல்படம் ஆப்பரேஷனை வெற்றியாக நடத்திய கேப்டன் ஷெர்மன்

அந்த விமான ஆம்புலன்ஸ் தயார் செய்துவிட்டு, கென்ய அரசிடம் இஸ்ரேலிய தரப்பு ஒரு கோரிக்கை கொடுத்தது, “நாங்கள் தீவிரவாதிகளை விடுவிக்க முடிவெடித்துவிட்டோம், பணயகைதிகளில் பலபேர் நோயாளிகள், எனவே அவர்கள் விடுவிக்கப்ட்டவுடன் அவசர சிகிச்சை தேவை எனவே மிக விரைவாக அவர்களை காக்கும் பொருட்டு ஒரு மருத்துவ விமானம் உங்கள் நாட்டில் இறக்க அனுமதி தாருங்கள்”

இதனை சொல்லிகொண்டிருக்கும் பொழுதே இஸ்ரேலிய தளபதிகள் ரோஜா படத்து நாசர் மதுபாலாவிடம் புலம்புவது போல் மீடியா முன் புலம்பினர், “இந்த தீவிர்வாதிகளை பிடிக்க போகும்பொழ்து இறந்தது 10 பேர், அந்த கொடூரனை கைது செய்யும்பொழுது செத்தது 10பேர், இவர்கள் எல்லோர் தியாகமும் வீணானது, இதோ அவர்கள் விடுதலையாக போகின்றார்கள்” என அற்புதமாக நடித்துகொண்டிருந்தனர்.

இதனால் உகாண்டாவில் உற்சாக வெள்ளம் கரைபுரண்டு ஓடி, பாதுகாப்பு சுத்தமாக தளர்த்தபட்டது.
ஒரு நாட்டில் அவர்கள் அனுமதியின்றி விமானம் இறக்கமுடியாது, (விமானம் இறக்குதல் என்ன? குண்டூசி கூட வீச முடியாது) எனவே கேட்டார்கள்,

கென்ய நாடாளுமன்றமும் “மனிதாபிமான” அனுமதி வழங்கியது, விமானம் கென்யாவின் மேற்கு பகுதியில் தரைஇறங்கியது,

அதாவது விக்டோரியா ஏரியை ஒட்டியபகுதி, கென்ய அதிகாரிகளும் விமானத்தின் உள்சென்றுபார்த்தனர், அருமையான ஆம்புலன்ஸ் என வியந்தனர், டாக்டர் 10 பேர் தவிரயாருமில்லை என உத்திரவாதம் கொடுத்தனர், நாளை கென்யா வளர்ந்தநாடாகும் பொழுது இதனை போல 10 வாங்கி கென்யா முழுக்க நிறுத்தவேண்டும் என வேலுநாயக்கர்பாணியில் சொல்லிகொண்டிருந்தனர்.

இரவு நேரத்தில் அந்த கமாண்டோக்கள் வெளிவந்து ஏரிகரைக்கு சென்றனர், ரப்பர் கருவியை விரித்து காற்றடைத்து அருமையான படகாக்கினர், அப்படியே பயணம் செய்து எண்டபே விமான நிலையத்தின் மறுபக்கம் கவர் எடுத்தனர், அது ஒரு காட்டுபகுதி, ஆனால் விமான நிலையத்தை அன்மித்தது.

இனி தாக்குதல் தொடங்கலாமா என கீம்ஸியிடம் கேட்டபொழுது அவர் அமைதியாக சொன்னார், இவர்கள் ஸ்டாண்ட் பை. அதாவது பாதுகாப்பு குழு. தாக்குவதற்கு இன்னொரு குழு செல்லும், அவர்களுக்கு ஏதும் பிரச்சினை என்றால் மட்டுமே இவர்கள் தாக்குவார்கள், இல்லாதபட்சத்தில் களம் இறங்கமாட்டார்கள். இத்திட்டம் எதிரில் இருக்கும் நமதருமை தளபதியால் இறுதிசெய்யப்ட்டது என கை நீட்டினார்.

அங்கு இருந்தவர் நெப்போலியனை விட 10 மடங்கு,ஹிட்லரை விட 50 மடங்கு போர்வியூகம் அமைக்கும் வல்லமை பெற்ற தளபதி, இரு பெரும் போர்களில் இஸ்ரேலை வெற்றிபெற வைத்து உலகையே வியக்கவைத்தவர். கிட்டதட்ட 10 அரபு நாடுகளை ஒரே நேரத்தில் சமாளித்து விரட்டி இஸ்ரேலை வெற்றிபெற வைத்த பெரும் வியூக வித்தகர்

அவரது போர் வியூகத்தை படிக்கும் எந்த நாட்டு தளபதியானாலும் அவர்காலில் விழுந்து ஆசிபெறுவார், இவ்வளவிற்கும் ஒரு கண் கிடையாது.

மோசா தயான், இஸ்ரேலின் பீஷ்மர்

Image may contain: plant, tree, sky and outdoor

துப்பாக்கி தோட்டாக்களின் சுவடு பதிந்த விமானநிலைய கட்டடம்

அவரால் இடபட்ட திட்டம் என்றவுடன் எல்லோரும் அமைதியாயினர், ஆனாலும் ஒருவர் கேட்டார், கென்யர்கள் நம்மை நம்புகின்றார்களா? அல்லது நடிக்கின்றார்களா?
கீம்ஸி அற்புதமான உண்மையை சொன்னார், எல்லா நாட்டு உளவுதுறையும் தனது நாட்டிற்கு ஆபத்து என்றால் மட்டுமே அரசிடம் தகவல் சொல்லும், இல்லாத பட்சத்தில் சகலத்தையும் கண்காணித்துகொண்டு அமைதியாக இருக்கும், தூர நாட்டு உளவுதுறைகளை பகைக்காது.
இது அரசியல் அல்ல உளவு உலகம், கென்ய உளவுதுறையின் சில உறுப்பினர்கள் ஏற்கனவே மொசாத்திற்கு பழக்கம்.

இஸ்ரேல் அதிபருக்கு பொறி தட்டிற்று, இவர் நமக்கும் தெரியாமல் ரகசியம் வைத்திருக்கலாம். இஸ்ரேல் வாழ்ந்தால் சரி என விட்டுவிட்டார்.

கீம்ஸியின் கணிப்பு பொய்க்கவில்லை, மொசாத் உளவாளிகளோடு உகாண்டாவிற்குள் நுழைந்த கென்யர், எண்டபே நிலையத்தில் புகுந்து விமானத்தையும் அதன் கைதிகளையும் பாதுகாப்பையும் நேரில் கண்டு படம் வரைந்து பாகம் குறித்தார். பயணிகள் சிறைவைக்கபட்ட அறை, நிலமை பாதுகாப்பு என சகலமும் புட்டு புட்டு வைத்தார். உகாண்டா மக்களும் கென்யர்களும் உருவத்தால் ஒன்றானவர்கள் அதனால் அவரால் நுழையமுடிந்தது.

இறுதியாக ஜூலை 4ம்நாள் மீட்பு நடவடிக்கை நாள் குறிக்கப்ட்டது, அன்றுதான் கடத்தல்காரர்களின் கெடு முடியும் நாள். அதிகாலை இஸ்ரேலில் இருந்து 3 ராணுவ போக்குவரத்து விமானங்கள் கிளம்பின, ராணுவ அடையாளம் மறைக்கபட்டது, சாதாரண விமானம் போல் தெரிந்தது, தந்திரமாக மோசே தாயன் பிளைட் பாத் (விமானம் பறக்கும் பாதை) கொடுத்தார்.

எந்த நாட்டின் மீதும் பறக்கவேண்டாம் அது வீண் பிரச்சினையை உருவாக்கும், செங்கடல் மீது பறந்து, கடல்பாதையிலே கென்யாவில் இறங்கி பெட்ரோல் நிரப்புங்கள். பின்னர் நான் பயிற்சி அளித்தபடி தாக்கி மீட்டுவாருங்கள்.

இங்கு இஸ்ரேலிய உயர்மட்டம் கன்னத்தில் கைவைத்தது, திட்டத்தின் பெரும் சறுக்கல் இங்குதான் இருந்தது. அதாவது ஆம்புலன்ஸ் விமானத்திற்கு கென்யா அனுமதி கொடுக்கும், ஆனால் இம் மூன்று விமானம் எங்கு செல்கிறது என கேட்டால், முழு விவரம் போதாது என பிடித்துவைத்தால்? நிலமை மகாமோசம்.

ஆனாலும் சவால் எடுத்தார்கள், கென்யர்கள் ஆச்சரியமாக கேள்வி கேட்கவில்லை, சரக்கு விமானம் என நினைத்து பெட்ரோல் நிரப்பி வழியனுப்பினார்கள். (ஏன் கென்யர்கள் கேட்கவில்லை என்பதற்கு எங்கும் எதிலும் பதில் இல்லை.)
கடைசி தடை அகன்றது

இந்த இடத்தில் விமானத்தில் உகாண்டா முத்திரை பதிக்கபட்டதால் கென்யருக்கு சந்தேகம் வரவில்லை என சில கருத்துக்கள் உண்டு, அதுபற்றி உறுதியான தகவல் இல்லை. ஆனால் வாய்ப்பு இருக்கலாம்

3 விமானங்களும் 33,000 அடி உயரம் எழும்பி உகாண்டாவிற்குள் நுழைந்தது.

உகாண்டாவில் இடிஅமீன் கடத்தல்காரர்களுக்கு வாழ்த்து சொல்லிவிட்டு ஒரு நாள் முன்பே மொரீசியஸ் சென்றிருந்தார். அதனை மொசாத அறிந்திருந்தது. 3 விமானகங்களும் எண்டபே நிலையத்தை தொடர்புகொண்டு தரையிரங்க அனுமதி கேட்டன, எண்டபே கட்டுப்பாட்டு அறை சம்பிரதாய கேள்வியை கேட்டது.
நீங்கள் யார்? எங்கிருந்து வருகின்றீர்கள். கேள்வி மேல் கேள்வி கேட்டார்கள்.

மிக நுட்பமாக பயிற்றுவிக்கபட்ட இஸ்ரேலிய ராணுவ பைலட், பக்கா உகாண்டா மொழியில் அதே ஸ்லாங்கில் சொன்னார் ” நீ யார்? இது உகாண்டா அதிபரின் விமானம், தீவிரவாதிகள் இஸ்ரேலில் விடுதலை செய்தாயிற்று, பணயகைதிகளை விடுதலை செய்து அனுப்பி வைக்க அதிபரே அவசரமாக மொரீஷியஸில் இருந்து வருகிறார்.
கேள்வியா கேட்கிறாய்..ரஸ்கல்.இரு இறங்கட்டும் இடி அமீன் யார் என உனக்கு காட்டுகிறேன்.”

அவ்வளவுதான் உடனே இறங்க உத்தரவு கொடுத்தார்கள், (உத்தரவு கொடுக்காவிட்டாலும் இறங்கலாம், ஆனால் ரன்வேயில் ஒரு மாட்டுவண்டியை நிறுத்தினாலும் விமானம் “டமால்”)

கட்டுபாட்டு அறை உத்தரவு கொடுத்த சில நிமிடங்களில் விமானங்கள் தரையிரங்கின, எந்த விமானம் தரையிறக்கும் முறையும் பின்பற்றமால் லாண்டிங் செய்யபட்டு, ரன்வே கடந்து டாக்ஸிவேயிலும் வேகமாக சென்று, பயண கைதிகள் இருந்த டெர்மினல் முன்னால் நிறுத்தினார்கள்.

இந்த இடத்தில் ஏரிக்கரை இரண்டாம் குழு ஒரு தந்திரம் செய்தது, அதாவது தாக்குதல் குழு தரையிரங்கும் தகவல் கிடைத்ததும். ரேடார் ஜாமர் அல்லது சிக்னல்களை முடக்கும் ஜாமரை இயக்கினார்கள். காரணம் மீட்பு நவடிக்கை தகவல் எங்கும் சொல்லமுடியாது, அல்லாவிட்டால் ஒரு போன் காலில் வந்து சூழ்ந்துகொள்ளும் உகாண்டா ராணுவம்.

ரேடார் உட்பட சகல தொலைதொடர்பும் முடக்கபட்ட நிலையில்தான் தாக்குதல் குழுவின் விமானம் இறங்கிற்று.
மோசே தயான் சொல்லிவிடிருந்தது, விமானத்திலிருந்து இறங்கி 7 நிமிடத்திற்குள் அவர்களை மீட்டு விமானத்தில் ஏற்றி கிளம்பிவிட வேண்டும்.

அந்த உத்தரவுக்காக மின்னலாய் பாய்ந்து கத்தியபடியே சொன்னார்கள், “எல்லோரும் விமானத்தில் ஏறுங்கள்”, அவர்கள் ஹீப்ரு மொழியில் சொன்னது யூதர்களை தவிர யர்ருக்கும் தெரியவில்லை, தளர்த்தப்ட்ட பாதுகாபில் அதிக வீரர்களும் இல்லை.

எனினும் அவசரமாக பயணிகள் விமானத்தில் ஏற்றபடுவதை கண்ட கடத்தல்காரர்கள் சுதாரித்தனர். என்ன நடக்கிறது என நிதானித்து துப்பாக்கி தேடுமுன் 2 நிமிடம் முடிந்திருந்தது.

குழப்பம் ஆரம்பித்தது, கூடவே சண்டையும் ஆரம்பித்தது, அவர்கள் இஸ்ரேலியர்கள் என்று கூட கடத்தல்காரருக்கு தெரியவில்லை, யோசிக்க அவகாசமில்லா நேரம்

பணயகைதிகளை விடுவிக்க பார்க்கின்றார்கள், விட கூடாது என்பது போல கடத்தல்காரர்கள் சுட ஆரம்பித்தார்கள்

தொடரும்..

 
 

ஆப்பரேசன் எண்டபே : 02

No automatic alt text available.

இஸ்ரேல் பிரதமர் அழுது அழுது (கள்ள அழுகைதான் 🙂 ) “கைதிகளை விடுவிக்கின்றோம்” என சொல்லிகொண்டிருக்கும் பொழுதே 6 மொசாத் உளவாளிகள் உகாண்டாவின் அண்டை நாடான கென்யாவில் சுற்றுபயணிகளாக வெளிநாட்டு பாஸ்போர்ட்டில் இறங்கினர்.

(அவர்களிடம் எல்லா நாட்டு பாஸ்போர்ட்டும் உண்டு, குடிநுழைவு முத்திரையும் அவர்களாகவே குத்திகொள்வார்கள், அப்படியே அசலாக இருக்கும் 🙂 )

உகாண்டாவில் ஆளை வெட்டிய இடி அமீன், ஆடுவெட்டி கொண்டாடினார், தான் இஸ்ரேலை பணிய வைத்ததாக நம்பினார், இஸ்ரேலை தான் அலற வைத்தாக அவருக்கு கடும் உற்சாகம் , இஸ்ரேலை தைரியமாக எதிர்த்தால் என்னாகும்? அதேதான் இஸ்லாமிய நாடுகளின் ஹீரோ ஆகலாம்

இடி அமீன் அந்த ஹீரோ கனவில் இருந்தார்

அதே நேரம் கென்யாவில் 6 இஸ்ரேலிய‌ உளவாளிகள் 2 பேர் சுற்றுலா பயணிகளுக்கான சிறிய ரக விமானத்தை வாடகைகு எடுத்து இரண்டு சுற்று கென்யாவை சுற்றிவிட்டு மூன்றாவது சுற்றாக உகாண்டாவிற்குள் நுழைய முயன்றனர், “நாங்கள் வெளிநாட்டின் சுற்றுபயணிகள், ஒரு ஆப்ரிக்க புத்தகம் தயாரிக்க போட்டோ எடுக்கிறோம், உங்கள் நாட்டின் அழகு பெரிது, உலக புகழுக்கு நாங்கள் பொறுப்பு” என்றனர்.

இது அங்கு அடிக்கடி நடக்கும் விஷயம் என்பதால் உகாண்டா தரப்பு சந்தேகிக்கவில்லை

இடி அமீன் ஏற்கனவே பாதுகாப்பை தளர்த்தி இருந்தார். அனுமதி கொடுக்கபட்டது, அவர்களும் எண்டபே விமான நிலையத்தையும் சேர்த்து எடுத்து படங்களை மொசாத்திற்கு அனுப்பினர். படங்களை பார்த்த கீம்சி திட்டத்தை துரிதமாக்கினார்.

கீம்ஸி முன்னால் இருந்த பிரச்சினை பெரிது, அதாவது உகாண்டா வரை நேரடியாக பறந்து செல்லும் அளவு விமான எரிபொருள் பற்றாது, (இன்று நடுவானில் பெட்ரோல் நிரப்பும் வசதிவரை அவர்களிடமுண்டு) இடையில் ஒரு நாட்டில் இறங்கி நிரப்பவேண்டும், ஆனால் அந்த நாட்டிற்கும் விஷயம் தெரிய கூடாது, தந்திரமாக ஏமாற்றவேண்டும்,

ஒரு வழியாக கென்யாவை தேர்ந்தெடுத்தார், ஆனால் கென்ய அரசாங்கம் விஷயம் தெரிந்தால் ஒத்துழைக்காது, காரணம் இடி அமீன் கொன்யாவை கொத்துகறி ஆக்குவார்.
இஸ்ரேலிய வெளியுறவு துறையை தொடர்பு கொண்டு தெளிவான கீம்ஸி சொன்னார், சர்வதேசத்தை தந்திரமாக கவனம் திருப்புங்கள், இடி அமீனையும் நம்ப்பும் படி செய்யுங்கள், மீதியை நான் பார்த்து கொள்கின்றேன்.

உடனே இஸ்ரேலிய அரசு இடி அமீனுக்கு தொலைபேசியில் பேசிற்று, 1972ம் ஆண்டே இஸ்ரேலிய தூதரகத்தை இடிஅமீன் மூடியிருந்தார், “நீங்கம் எமது மக்களுக்கு உணவும் நீர் கொடுத்து பாதுகாத்தமைக்காக நன்றி, விரைவில் உங்கள் சிரமம் குறையும்” என்றனர்.

இடி அமீனுக்கு அன்று உடலெல்லாம் சிரிப்பு.

தான் கொஞ்சம் அறிவாளி என நினைத்ததால் மற்ற நாட்டு தூதரகங்களை உளவுபார்ப்பார் இடிஅமீன், அங்கெல்லாம் இஸ்ரேலிய செய்திகள் வேண்டுமென்ற சொல்லபட்டன, “என்ன செய்ய இனி தீவிரவாதிகளை விடுதலை செய்வதை தவிர வேறு வழி இல்லை, நீங்களாவது உஷாராக இருங்கள்” என்பதை போன்ற செய்திகள் சென்றுகொண்டே இருந்தன‌.

இடி அமீனும் கவனமாக கேட்டு சிரித்துகொண்டே இருந்தார், பாதுகாப்பை குறைத்தார்.

இடி அமீனின் யோசனைகேற்ப கடத்தல்காரர்கள் 1 வாரம் பணயகாலத்தை நீட்டினர், புன்னகைத்தார் கீம்ஸி,

அதற்குள் கென்யாவில் 2 மொசாத் உளவாளிகள் ஒரு கென்ய நாட்டவரை வளைத்து அவர் மூலமாக விக்டோரியா ஏரியை கடந்து உகாண்டாவுக்குள் புகுந்தனர்.

இஸ்ரேலியரின் கிருஷ்ணன் டேவிட் கீம்ஸி தனது ராஜதந்திர ஆட்டத்தை ஆரம்பித்தார்.

சுமார் 70 பேர் கொண்ட (பெண்கள் உட்பட‌) கமாண்டோ படை அவர் முன்னால் வந்து நின்றது, அதில் 10 பேரை எடுத்து வெள்ளைகோட் கொடுத்து, ஸ்தெதஸ்கோப்பை கழுத்தில் போட்டு டாக்டராக்கினார், ராணவ விமானம் ஆம்புலன்ஸ் போல மாற்றபட்டது, கார்கோ பகுதி மருந்துகளால் மறைக்கபட்டு 60 பேர் உள்ளிருந்தனர்.
வெளிபார்வைக்கு 10 டாக்டர்கள் செல்லும் ஆம்புலன்ஸ் விமானம் அவ்வளவுதான் தெரியும்,

ஆனால் மருந்து பொட்டலங்களுக்குள் 60 வீரர்கள் மறைந்திருந்தனர்.

இப்பொழுது இந்த வேடம் எதற்கு என எல்லோருக்கும் சிந்தனை வந்தது, இது உங்கள் பணி அவ்வளவுதான், என்றார் கீம்ஸி, யாருக்கும் புரியவில்லை ஆனால் தயாராக இருந்தார்கள்

எண்டெபே விமான நிலைய போட்டவை அவர் பார்த்து கொண்டிருந்த பொழுதே உகாண்டாவிற்குள் ஏரி வழியாக ஊடுருவிய உளவாளிகள் அற்புதமான பணியில் தகவல் கொட்ட தொடங்கிற்று.

எப்பொழுதும் இஸ்ரேலியருக்கு ஒரு அதிர்ஷ்டம் தானாக வந்து அமையும், அல்லது ஒரு அருமையான வாய்ப்பு இயற்கையாய் கிடைக்கும் இம்முறை கிடைத்தது அந்த ஏரி.
உற்சாகமானர் கீம்ஸி, அடுத்த திட்டம் கென்யாவை ஏமாற்றுவது,

ஏரியை வைத்து கரை ஏறுவது, காரணம் இரு நாட்டுக்கும் பொதுவான ஏரி அது.

பரபரப்பான காட்சிகள் தொடங்கின‌

தொடரும்..

 
 

ஆப்ரேஷன் எண்டபே : 01

Image may contain: 2 people, sunglasses, glasses and close-upகுஷ்பூ பற்றி எழுத தொடங்கினால் என்ன எழுதுவது என்று தெரியவில்லை, நதிமூலம் ரிஷிமூலம் பார்க்க கூடாது என்பது போல நடிகையர் மூலமும் பார்க்க கூடாது போல, காரணம் எவ்வளவு தேடியும் ஒன்றும் சிக்கவில்லை

அவரை பற்றிய படங்கள் இணையத்தில் நிரம்ப கிடக்கின்றதே தவிர, தகவல்கள் மிக குறைவு. யாரிடம் கேட்டாலும் ஒன்றும் தெரியவில்லை, இரு தொடர்களாவது தேறுமா? என முயற்சித்தாலும் தகவல் திரட்ட முடியவில்லை.

முடிந்தவரை திரட்டுகின்றோம் முடிந்தவரை திரட்டுகின்றோம் ஏதும் தகவல் கிடைத்தால் எழுதலாம், இல்லாவிட்டால் வாழ்க என சொல்லிவவிட்டு மங்களம் பாடலாம்.

அது ஒருபக்கம் இருக்கட்டும், இன்னொரு பக்கம் “சார், மோடி கட்டிபிடித்த அந்த நேதான்யாகு அண்ணன் ஏதோ சாகசத்தில் செய்தார் என எழுதினீர்கள் அல்லவா? அது என்ன சார்?” என பலர் கேட்டுகொண்டே இருந்தார்கள்.

அது உலகின் பெரும் சாகச நிகழ்வுகளில் ஒன்று , எந்த தீவிரவாதத்திற்கும் நாங்கள் அசைந்து கொடுக்க மாட்டோம் என இஸ்ரேல் உலகின் முகத்தில் அறைந்து சொன்ன முதல் நிகழ்வு.

அது பெரும் சம்பவம், அதனை சொல்லலாம், முன்பே எழுதியதுதான். இப்பொழுது மறுபதிப்பு, அது ஆப்பரேஷன் எண்டபே, எத்தனையோ பேர் எழுதிய வரலாறு. பல ஹாலிவுட் சினிமாக்கள் கூட வந்தன‌

1976ம் ஆண்டு ஜூன் 27ம் நாள் ஏர் பிரான்ஸ் விமானம் அது, இஸ்ரேலின் டெல் அவிவில் இருந்து கிளம்பி கிரீஸின் ஏதென்ஸ்லில் இடைநின்று மறுபடி பாரீஸ் செல்லும் விமானம், கிட்டதட்ட 200 பயணிகள் இருந்தனர். பாதி பேர் யூதர்கள்.

எப்படியாவது இஸ்ரேலை மிரட்டி சில காரியங்களை நிறைவேற்றவேண்டும் என்ற கனவுடைய போராளிகள் கடத்தல்காரர்களாக மாறினர். ஆனால் இன்றளவும் இஸ்ரேலின் டெலஅவிவ் மாகா மகா கெடுபிடியான பாதுகாப்பன விமானநிலையம். உள்ளாடையின் பட்டன் வரை நமக்கு தெரியாமலே சோதனை செய்யும் வித்தை தெரிந்தவர்கள்.

இன்றும் ஏவுகனைகளால் வீழ்த்தமுடியாதது இஸ்ரேலிய விமானங்கள், அவர்கள் பாதுகாப்பு முறை அப்படி. மோடி தங்கியிருந்த ஹோட்டல் மிகுந்த பாதுகாப்பானது என சொன்னார்கள அல்லவா? அப்படி பாதுகாப்பின் உச்சத்தில் இருப்பவர்கள் அவர்கள்

காரணம் அந்த முன் எச்சரிக்கையும், பாதுகாப்பும் விழிப்பும் அது பற்றிய சிந்தனையும் இல்லை என்றால் இஸ்ரேல் என்றொரு நாடு இப்பொழுது இருக்காது, அதன் நிலை அப்படி.

இது கடத்தல்காரருகும் தெரியும் சமத்து பிள்ளையாக பாரீஸ்க்கு டிக்கெட் எடுத்துவிட்டு விமானத்திற்கு வந்தனர்.

விமானம் கிளம்பி சென்று ஏதென்ஸில் நின்றது, பயணிகள் ஏறி இறங்கும் நேரம். ஐரோப்பாவில் கிரீஸ் அன்றே பரிதாப நிலையை எட்டியிருந்தது, பாதுகாப்பு சுத்தமாக இல்லை. துப்புரவு பணியாளர் மூலம் விமான கழிவறையில்ஆயுதங்களை பெற்ற கடத்தல்காரர்கள் (என்ன அருமையான திட்டம்) விமானம் கிளம்புமட்டும் அமைதியானார்,

கிளம்பியதும் பைலடை மிரட்டி அறிவிக்க சொன்னார், விமானம் கடத்தபடுகின்றது.

அதுவரை அவர்கள் திட்டம் சரி, ஆனால் நாம் போராளிகள் நிச்சயம் ஏதாவது ஒரு இஸ்லாம் நாடு ஆதரவு தரும் என நம்பினர், அது தான் தவறானது. அந்நாளைய சிங்கம் கடாபியின் லிபியாவிற்கு விமானத்தை கொண்டு சென்றனர்.

ஆனால் கடாபி உலகம் அறிந்தவர், பக்கத்து எகிப்து கூட பின் அமெரிக்காவிற்கு கடம் வாசிக்க கிளம்பிய காலமது.

பெட்ரோலை நிரப்பிகொண்டு இடத்தை காலிசெய்ய உத்தரவிட்டார், வேறுவழியில்லாத கடத்தலர்கள், விமானத்தை சூடானுக்கு கொண்டு சென்று தரையிரக்க அனுமதி கேட்டனர். கையெடுத்து கும்பிட்டு வழியனுப்பியது அந்த நாடு.

அப்பொழுதுதான் கடத்தல்காரர்கள் மூளையில் ஒரு வெளிச்சம் பிறந்தது, வெளிச்சத்தில் கரும் இருட்டு தலைவர் தெரிந்தார், அவர் இடி அமீன் உகாண்டாவின் அதிபர்.
பார்ப்பதற்கு நடிகர் செந்திலின் சித்தப்பா பையன் மாதிரி இருக்கும் இடிஅமீன் செய்ததெல்லாம் நம்பியார் வேலை.

சாதாரண ராணுவ சமையல்காரர். பின்னாளில் ராணுவ அதிபருக்கு பினாமி. ஒரு அமாவாசை நாளில் அதிபரை அடித்துவிட்டு ஆட்சியை பிடித்த ஆனால் எழுதவோ படிக்கவோ தெரியாத சமார்த்தியசாலி.
ஒரு மனநோயாளி என உலகம் அவரை கருதியது, அதனை மக்கள் உணரும் காலம் வரை அவர் உகாண்டா சக்கரவர்த்தி.

அவர் ஆட்சிபற்றிய விதம் பெரும் காமெடியானது, நாட்டை சீரழித்துகொண்டே சீர் திருத்தம் என்றார், யாராவது கேள்வி கேட்டால் ஆற்றில் முதலைகளின் வயிறு நிரம்பியது, இன்னும் மனிதர்களையே சாப்பிடுகிறார் என்றேல்லாம் தகவல்கள் வந்தவண்ணம் இருந்தது, மொத்தத்தில் அவரால் கொல்லபட்டது 6 லட்சம் மக்கள்.

உகாண்டாவை தாங்கி நின்ற இந்தியரையும், பாகிஸ்தானியரையும் விரட்டி நாட்டை சுடுகாட்டை விட மோசமாக்கி வைத்திருந்தார்.

விமானம் உகாண்டாவில் தரையிரங்க அனுமதி கேட்ட தகவலை கேட்ட மாத்திரத்தில் அவரே உத்தரவு வழங்கினார். காரணம் அவர் அல்லாவை அடிக்கடி கனவில் காண்பவர் (அவரே சொன்னது), தீவிர இஸ்ரேல் எதிரி. ஏதாவது ஒரு வாய்ப்பில் நானும் “உலக ரவுடி” என நீரூபிக்கும் கனவில் இருந்தவர், விடுவாரா?

Image may contain: one or more people and hatவிமானம் உகாண்டாவின் தலைநகர் கம்பாலாவில் இருந்து தூரத்தில் நமது மதுரை அளவுள்ள சிறிய நிலையமான எண்டபே நிலையத்தில் இறங்கியது, இடிஅமீன் தன்னை மிக சிறந்த அறிவாளியாக நினைத்துகொள்பவர், உடனே யூதர்களை தவிர மற்ற நாட்டவரை விடுதலை செய்தார். ஆனால் விமானி செத்தாலும் என்னை நம்பிய பயணிகளோடுதான் சாவேன் என இறங்க மறுத்தார்

(டைட்டானிக் பட மாலுமி பார்த்திரூப்பீர்கள், அவர்மாதிரி),
விமானம் கிளப்ப அவர்வேண்டும் என்பதால் அவரை வைத்துகொண்டார்கள், ஒரு பிரான்சு கன்னியாஸ்திரி ஒரு யூதனை விடுவித்து தன்னை கொல்லுமாறு வேண்டி நின்றார். உருக்கமான தருணம்தான் இடிஅமீன் உருகுவாரா?, வலுக்கட்டாயமாக இறக்கி அவரை பிரான்சுக்கு அனுப்பினார்.

இப்பொழுது கடத்தல்காரர்கள் இஸ்ரேலிய அரசுக்கு கோரிக்கை வைக்கின்றார்கள், இஸ்ரேல் சிறையின்,40 பாலஸ்தீன் தீவிரவாதிகளை கூடவே ஐரோப்பா சிறையின் 15 தீவிரவாதிகள்விடுவிக்கவேண்டும். இரு ஜெர்மானியரை (அவர்கள் இஸ்ரேலிய விமானம் மீது ஏவுகனை வீசி சிக்கியவர்கள்) விடுதலை செய்யவேண்டும், ஏராளமான பணம் வேண்டும்,துப்பாக்கி வேண்டும், பிரியாணி வேண்டும், தந்தூரி வேண்டும் என பல கோரிக்கைகள்.

3 நாள் கெடு, கோரிக்கை நிறைவேறாத பட்சத்தில் கையில் இருக்கும் 100 யூதர்கள்,விமானி,சிப்பந்தி எல்லோரும் காலி என சொல்லி மிரட்டினார்கள்.

அவரசமாக கூடியது இஸ்ரேலின் பாதுகாப்பு சபை, அதுவரை உகாண்டாவில் மொசாத்தின் நடவடிக்கைக்கு தேவை இல்லை, அது பாலஸ்தீன் ஆதரவு நாடுதான், ஆனால் இடி அமீன் இப்படி செய்ததில்லை. உளவு தகவல் இல்லை,படம் இல்லை, திட்டம் இல்லை, 3 நாட்கள்தான் மீதமிருந்தது.

கப்பலை அனுப்புவது, ராணுவத்தை அனுப்புவது தற்கொலைக்கு சமம். மொசாத்திடம் பொறுப்பு ஒப்ப்டைக்கபட்டது, காட்சிக்குள் வந்தார் அந்த சூப்பர்மேன்.

அவர் டேவிட்கீம்ஸி, இஸ்ரேலின் கிருஷ்ணபரமாத்மா அல்லது சாணக்கியர், மொசாத்தின் அபார மாஸ்டர் மைண்ட், நிச்சயமாக சொல்லலாம் கடந்த 100 ஆண்டுகளில் அல்லது அடுத்த 100 ஆண்டுக்கு உலகம் கண்ட ராஜதந்திர உளவாளிகளில் நம்பர் 1.

அவர் சொன்னார் , “எளிதாக ஜெயித்துவிடலாம் ஆனால் சர்வதேசமோ அரசியல் அழுத்தமோ வராமல் அரசு பார்த்துகொள்ளுமா? என்னை சுதந்திரமாக செயலாற்றவிடுவீர்களா?”

இஸ்ரேல் என்று சர்வதேசத்தை மதித்தது??, உத்தரவு கொடுத்தார்கள்,

முதலிலே அழகான‌ பாயிண்ட் இஸ்ரேலுக்கு கிடைத்தது, அதாவது பலநாட்டு சிறைகளில் இருக்கும் கைதிகளை விடுவிக்க வேண்டும் என்ற கோரிக்கையில் புன்னகைத்தார் கீம்சி

டேவிட் கீம்சியின் அறிவுறுத்தலில் இஸ்ரேல் பிரதமர் இப்படி சொல்லிகொண்டிருந்தார்

“நாங்கள் தீவிரவாதிகளின் கோரிக்கையை ஏற்கிறோம், பலநாடுகளில் கலந்து பேச இருப்பதால் 3 நாள் கெடுவை ஒரு வாரமாக நீட்டியுங்கள்”

உலகிற்கு இப்படி சொல்லிவிட்டு, ரகசியமாக‌ மிக பெரும் தந்திரமான அதிரடி திட்டம் வகுத்துகொண்டிருந்தார்கள்

தொடரும்….