காலம் எப்படி எல்லாம் ஆடுகின்றது பார்த்தீர்களா?

Image may contain: aeroplane

1989ல் சோவியத் யூனியன் உடைந்து சிதறியது, குழப்பமான கொள்கைகளால் உற்பத்தியும் பணமும் இன்றி வீண் ஈகோவில் இருந்த அந்த வல்லரசு மொத்தமாக சிதறியது

அந்நேரம் மிக மிக வறுமையில் இருந்தது ரஷ்யா, எல்லாம் கைமீறி போயிருந்தது, உக்ரைனின் செர்னோபில் அணுவுலை விபத்தால் கோதுமை வயல்களும் கைவிடபட்டு உனவுமில்லாமல் இருந்தது

1950ல் இருந்து சோவியத்துடம் மாபெரும் யுத்தம் புரிந்த அமெரிக்கா, பெரும் விபரீத யுத்த முனைகள் எல்லை வரை சென்ற அமெரிக்கா, சோவியத்தை ஒழிக்க கொரியா, வியட்நாம் இன்னும் எங்கெல்லாமோ போர்களங்களை திறந்த அமெரிக்கா, சுருக்கமாக சொன்னால் தன் வரலாற்றில் 70 வருடத்தினை சோவியத்தை ஒழிப்பதிலே செலவழித்த அமெரிக்கா அதில் உற்சாகமானது

ஹிட்லரையும் ஜப்பானையும் வளர்த்து அவர்கள் உடைக்க நினைத்த சோவியத் உடைந்து கிடந்தபொழுது சாக கிடக்கும் காட்டெருமை பக்கம் வந்து அமரும் கழுகாக அமர்ந்தது

ஆம் கப்பல் நிறைய கோதுமைகளை அனுப்பி ரஷ்யாவுக்கு கொடுத்து சொன்னது “இந்த உதவியினை ரஷ்ய மக்கள் மறக்கமாட்டார்கள், அமெரிக்கா எப்பொழுதும் உலக மக்களின் நலன் விரும்பி அது ரஷ்யர்களையும் நேசிக்கின்றது”

மானமுள்ள ஒவ்வொரு ரஷ்யனும் அழுதான், ராணுவத்தினர் அழுதனர், அன்றைய ரஷ்ய உளவுதுறையின் சாதாரண ஊழியரான புட்டீனும் அழுதார்

இன்று காட்சிகள் மாறிவிட்டன, புட்டீன் ரஷ்யாவினை ஓரளவு பலமாக்கிவிட்டார், ஜனவரியிலே எல்லைகளை மூடியதில் ரஷ்யா ஓரளவு கொரோனாவில் இருந்து விடுவிக்கபட்ட நாடு

இப்பொழுது கொரோனாவில் பெரும் பாதிப்புக்குள்ளான அமெரிக்கா உலகெல்லாம் மருந்துக்கும் மருத்துவ பொருக்கும் கையேந்தும் காலம், கொரோனாவின் கோரம் அப்படி அவர்களே எதிர்பாரா அடி இது

இந்நிலையில் ரஷ்ய விமானங்கள் மருந்து மற்றும் மருத்துவ உபகரணங்களுடன் ரஷ்ய விமானம் அமெரிக்காவுக்கு சென்றாயிற்று, ஏகபட்ட மருந்துகள் மருத்துவ பொருட்களுடன் அங்கு இறங்கிவிட்டது, இன்னும் நிறைய வருமாம்

அன்று அமெரிக்கா சொன்ன அதே வார்த்தையினை புட்டீன் இப்பொழுது சொல்கின்றார்

“இந்த உதவியினை அமெரிக்க‌ மக்கள் மறக்கமாட்டார்கள், ரஷ்யா எப்பொழுதும் உலக மக்களின் நலன் விரும்பி அது அமெரிக்கர்களையும் நேசிக்கின்றது. “

இதை பார்த்ததும் ஒவ்வொரு அமெரிக்கனும் அழுகின்றான், வாயில் டை வைத்து வெள்ளை மாளிகையில் கதறி அழுகின்றார் டிரம்ப்…

காலம் எப்படி எல்லாம் ஆடுகின்றது பார்த்தீர்களா? உலக சக்கரம் அப்படித்தான்.

திவாலாகிவிட்டது ஜெட் ஏர்வேஸ்

15 வருடத்திற்கு முன்பு ஜெட் ஏர்வேஸுக்கு இப்படி ஒரு நிலைவரும் என கடவுளே சொன்னாலும் நம்பியிருக்கமாட்டார்கள்

ஆம் திவாலாகிவிட்டது ஜெட் ஏர்வேஸ்

1990களில் அருண் கோயல் எனும் சாமான்யனால் அது சிறிதாக கட்டமைக்கபட்டு பெரும் பிம்பமாக வளர்ந்தது, இந்திய அரபு இந்தியா கிழக்காசியா இந்தியா ஐரோப்பா என அனைத்து வழிகளிலும் அது சாம்ராஜ்யம் நடத்தியது

ஆனால் பின்னாளைய பட்ஜெட் விமானங்கள் அதை ஆட்டம் காண செய்தன, இந்தியாவின் பட்ஜெட் ரக சேவை மட்டுமல்ல ஏர் ஏசியா போன்ற சர்வதேச பட்ஜெட் ஏர்வெஸ்கள் வந்தபின் நிலை மோசம்

போதா குறைக்கு எதியாட் எமிரேட்ஸ் எல்லாம் அசுர பலத்தோடு இறங்க ஜெட் ஏர்வேஸ் கடனில் தத்தளித்து மூடுவிழாவிற்கு வந்தாயிற்று

வியாபார போட்டிகள் மிகுந்துவிட்ட உலகில் எந்த சாம்ராஜ்யமும் நொடியில் கவிழ்ந்துவிடும் என்பதற்கு ஜெட் ஏர்வேஸ் பெரும் உதாரணம்

நீட்டிக்கபட்டிருக்கின்றது

ஐரோப்பிய யூனியனிலிருந்து இன்று பிரிட்டன் வெளியேறியிருக்க வேண்டும் ஆனால் அது நீட்டிக்கபட்டிருக்கின்றது

ஐரோப்பிய யூனியனில் இருப்பதால் பிரிட்டனின் நலம் பாதிக்கபடுகின்றது அது வெளியேற வேண்டும் என்ற குரல் வலுத்து பிரிட்டனும் வெளியேற முயற்சிக்கின்றது

ஆனால் அதில் பல சிக்கல் இருப்பதை உணர்கின்றது பிரிட்டன். அது வெளியேறும் பட்சத்தில் வியாபாரம் இறக்குமதி ஏற்றுமதி உள்ளிட்ட பல விஷயங்கள் பாதிக்கபடும் என்பதை அது யோசிக்கின்றது

மாற்று ஏற்பாடுகளும் சொல்லிகொள்ளும்படி இல்லை, அமெரிக்க சீன மோதலில் ஏற்பட்டிருக்கும் மந்தம் பிரிட்டனையும் பாதித்திருக்கின்றது

இந்நிலையில் ஜெர்மன் ஆலோசனைபடி அக்டோபர் வரை பிரிட்டன் ஐரோப்பிய யூனியனில் நீடிக்குமாம்

ஐரோப்பாவினை கவனித்து பாருங்கள் இரு பெண்கள்தான் அதனை கட்டுபடுத்துகின்றார்கள்

ஒருவர் தெரசா மே இன்னொருவர் ஏஞ்சலா மெர்கல்

ஐரோப்பா என்ன? நமது தூத்துகுடியிலும் அதுதான் நடக்கின்றது

நிலாவில் இறங்கும் முயற்சியில் தோல்வி அடைந்திருக்கின்றது இஸ்ரேல்

நிலாவில் இறங்கும் முயற்சியில் தோல்வி அடைந்திருக்கின்றது இஸ்ரேல்

விண்வெளி போட்டியில் நாங்களும் உண்டு என இப்பொழுது விண்ணுக்கு தாவியிருக்கும் இஸ்ரேல் தன் விண்கலத்தை நிலாவில் இறக்க அது கடும் ‍போராட்டத்திற்கு பின் தோல்வியாகிவிட்டது

அமெரிக்கா ரஷ்யா சீனா என 3 நாடுகள் மட்டுமே இதுவரை நிலாவில் கலன்களை இறக்கியுள்ளன‌

அதில் 4வதாக இணைய நினைத்த இஸ்ரேல் முதல் முயற்சியிலே தோல்வி அடைந்திருக்கின்றது

ஆனால் அவர்களா அசருவார்கள்? நாடு அடைய 2000 வருடம் போராடிய இனம் சும்மா கிடக்கும் நிலாவினை விடுமா?

விடாது விரைவில் அவர்கள் முயற்சி வெற்றிபெறலாம்

எதும் கேட்டால் நாங்கள் நிலாவில் இப்பொழுது இறக்காவிட்டால் 3ம் ஆலயம் கட்டிவைத்தபின் எங்கள் மெசாயா வந்து இறக்க போகின்றார் எங்களுக்கு என்ன கவலை என்பார்கள்

எனினும் விண்வெளி போட்டிக்கு இஸ்ரேல் வரிந்துகட்டி வந்து நிற்பது உலக கண்களுக்கு பல விஷயங்களை சொல்கின்றது

அது இருக்கட்டும்

இந்தியாவுக்கு பல நவீன‌ விஷயங்களை கொடுக்கின்றது இஸ்ரேல் இனி வான்வெளி நுட்பத்தை இரு நாடுகளும் பங்கிட்டுகொண்டால் இந்தியாவுக்கு மாபெரும் பலமாகும்

அது நடந்தாலும் நடக்கலாம்

ராணுவத்தில் ரோபோ ரஷ்யா முயற்சி

ராணுவத்தில் ரோபோக்களை நிறுத்த கடும் முயற்சியில் இறங்கிவிட்டது ரஷ்யா

ராணுவத்தில் ரோபோக்களை நிறுத்த கடும் முயற்சியில் இறங்கிவிட்டது ரஷ்யா

ரோபோக்கள் கையில் துப்பாக்கி கொடுத்து ராணுவத்திற்கு அனுப்ப அது முடிவு செய்து அதற்கான காரியங்களில் இறங்கிவிட்டது

ஆனால் உலகம் கடுமையாக எதிர்க்கின்றது, என்ன இருந்தாலும் அது எந்திரம், அதன் கட்டுபாட்டில் துப்பாக்கியினை கொடுப்பது பெரும் தவறு , அதற்கு யாரை கொல்கின்றோம் என தெரியாது, அப்பாவிகளையும், சிறுவர்களை கூடவும் அது கொல்லும்

அது போக உயிர்கள் அனைத்தையும் கொல்லும் (அதாவது உடலில் இருந்து வெளியேறும் வெப்பத்தை வைத்து ரோபா சுடுமாம், விலங்குகளையும் அது கொல்லலாம்) இது மகா ஆபத்து என உலகம் எச்சரிக்கின்றது

ரஷ்யாவோ ரிமோட் ஆயுதம் போல ரிமோட் ரோபோ என சொன்னாலும் நிலமை சுமூகமாக இல்லை

ரஷ்யா இன்னும் கருத்து ஏதும் சொல்லவில்லை என்றாலும், உள்நாட்டு காவல் துறையில் அதை பரீட்சித்து பார்க்கும் எனும் தகவல்கள் கசிகின்றன‌

ரஷ்யவாசிகள் கொஞ்சம் பாவம்தான், எந்திர போலிஸ் என்னவெல்லாம் செய்யுமோ?

ராணுவத்தில் ரோபோக்களை நிறுத்த கடும் முயற்சியில் இறங்கிவிட்டது ரஷ்யா

ரோபோக்கள் கையில் துப்பாக்கி கொடுத்து ராணுவத்திற்கு அனுப்ப அது முடிவு செய்து அதற்கான காரியங்களில் இறங்கிவிட்டது

ஆனால் உலகம் கடுமையாக எதிர்க்கின்றது, என்ன இருந்தாலும் அது எந்திரம், அதன் கட்டுபாட்டில் துப்பாக்கியினை கொடுப்பது பெரும் தவறு , அதற்கு யாரை கொல்கின்றோம் என தெரியாது, அப்பாவிகளையும், சிறுவர்களை கூடவும் அது கொல்லும்

அது போக உயிர்கள் அனைத்தையும் கொல்லும் (அதாவது உடலில் இருந்து வெளியேறும் வெப்பத்தை வைத்து ரோபா சுடுமாம், விலங்குகளையும் அது கொல்லலாம்) இது மகா ஆபத்து என உலகம் எச்சரிக்கின்றது

ரஷ்யாவோ ரிமோட் ஆயுதம் போல ரிமோட் ரோபோ என சொன்னாலும் நிலமை சுமூகமாக இல்லை

ரஷ்யா இன்னும் கருத்து ஏதும் சொல்லவில்லை என்றாலும், உள்நாட்டு காவல் துறையில் அதை பரீட்சித்து பார்க்கும் எனும் தகவல்கள் கசிகின்றன‌

ரஷ்யவாசிகள் கொஞ்சம் பாவம்தான், எந்திர போலிஸ் என்னவெல்லாம் செய்யுமோ?

கண்டம் தப்பிவிட்டார் டிரம்ப்

ஒரு வழியாக கண்டம் தப்பிவிட்டார் டிரம்பானவர், அவருக்கு பெரும் கண்டம் எதில் வந்தது என்றால் அவர் தேர்தலில் வெல்ல ரஷ்யா உதவி செய்ததா என்ற அளவில் வந்தது

தேர்தல் பிரச்சார காலங்களில் ஹிலாரியே முதலிடத்தில் இருந்தார், ஆனால் அவர் செனட்டராக இருந்தபொழுது அனுப்பிய பல இமெயில்கள் வெளிவந்து அவருக்கு சரிவினை கொடுத்தது

இதுபோன்று இன்னும் பல விஷயங்கள் உண்டு

அவை எல்லாம் டிரம்ப் வெற்றிபெற ரஷ்ய உளவுதுறை செய்த வேலை என சர்ச்சை வந்தது, இதனை விசாரிக்க முல்லர் என்பவரின் தலமையில் கமிஷனும் அமைக்கபட்டது

அது என்ன இந்திய கமிஷனா? முடிவே வராமல் போக? இந்தியாவில் ஒரு கமிஷனும் முடிவினையே சொல்லாது, எல்லாம் கொந்தளிப்பினை ஆறபோடும் செய்யும் வேலை

இங்கு முடிவு எடுத்துவிட்டுத்தான் கமிஷன் அமைப்பார்கள்

அங்கு அப்படி அல்ல, முல்லர் குறிப்பிட்ட நாளில் தன் முடிவினை சொன்னார், அமெரிக்க தேர்தலில் ரஷ்ய தலையீடு இல்லை என அறிவித்துவிட்டார்

இதனால் “இயேசப்பா கோட்டான கோடி நன்றி இயேசப்பா” என வெள்ளைமாளிகையில் நன்றி ஜெபம் செய்துகொண்டிருக்கின்றார் டிரம்ப்..

ஐரோப்பாவுடன் நல்லுறவு

அமெரிக்காவுடன் கடும் முறுகல் இருக்கும் நிலையில் ஐரோப்பாவுடன் நல்லுறவு ஏற்படுத்தும் முயற்சியில் இருக்கின்றது சீனா..

சீனாவின் நிரந்தர அதிபர் ஜின்பெங் ஐரோப்பா சென்றிருக்கின்றார், அங்கு பல நாடுகளை சந்தித்த அவர் மிகபெரும் காரியத்தை செய்துவிட்டார்

ஆம் இத்தாலியினை தன் முத்துமாலை மற்றும் பட்டுசாலை திட்டத்தில் சேர்த்துவிட்டார்

ஆசியாவில் ஒரே சாலை ஒரே இணைப்பு எனும் மாபெரும் திட்டத்தை முன்னெடுத்து பல நாடுகளை இணைத்து பெரும் சாலை மற்றும் கடல் வழி இணைப்பை ஏற்படுத்தி தன் கட்டுபாட்டில் வைத்திருக்கும் சீனா முதல் ஐரோப்பிய நாடாக இத்தாலியினை பிடித்திருக்கின்றது

ஆசிய நாடுகளை விடுங்கள், ஆனால் இத்தாலி உலகின் 10 பொருளாதார வள நாடுகளில் ஒன்று

அப்படிபட்ட இத்தாலிக்கு கொஞ்சம் பொருளாதார சரிவு, அதனால் சீனாவின் பிடிக்குள் செல்லுமோ என அஞ்சுகின்றார் பலர்

வழக்கமாக ஒரு நாடு சிக்கிவிட்டால் கந்துவட்டியினை விட மோசமான வட்டியினை வாங்கி அதை விழுங்கிவிடும் நாடு சைனா

அது இத்தாலியில் கால் வைத்திருப்பது வித்தியாசமாக நோக்கபடுகின்றது, சீனாவின் ஐரோப்பிய வியாபாரம் வேறு

ஆனால் சாலைபோட்டு வருவதில் ராணுவ நோக்கம் இருக்கலாம் என மற்ற ஐரோப்பிய யூனியன் தேசங்கள் அஞ்சுகின்றன‌

நடக்கும் காட்சிகளை அமெரிக்காவும் ரஷ்யாவும் நோக்கிகொண்டே இருக்கின்றன‌

ஆசிய நாடுகளை தாண்டி ஐரோப்பா வரைக்கும் தன் பழைய பட்டுசாலையினை , செங்கிஸ்கானின் காலத்து பெருமைகள் நோக்கி செல்கின்றது சைனா

இதே இத்தாலியில் இருந்துதான் பட்டுசாலை வழியாக சைனா சென்றான் மார்க்கோபோலோ

சீனாவின் வெடிபொருள், காகிதம் திசைகாட்டும் கருவி என சகலத்தையும் அவனே ஐரோப்பாவுக்கு கொண்டுவந்தான், அதன் பின் ஐரோப்பா எழும்பிற்று

இன்று அதே இத்தாலிக்கு சாலை அமைத்து வந்து நிற்கின்றது சைனா

எங்களிடமிருந்து கொண்டு சென்ற செல்வங்களை மறுபடியும் கொண்டு செல்ல வந்திருக்கின்றோம் என வந்து நிற்பார்களோ என்னமோ?

தலாய்லாமா விவகாரம் மறுபடியும் விஸ்வரூபமாகின்றது

தலாய்லாமா விவகாரம் மறுபடியும் விஸ்வரூபமாகின்றது

அதாவது திபெத்தில் தலாய்லாமா என்றால் லாமாக்களுக்கு தலையானவர் என்று பொருள் , லாமா என்றால் மதகுரு தலாய் லாமா என்றால் தலமை குரு

அவர் எப்படி தேர்ந்தெடுக்கபடுவார் என்றால் ஒரு தலாய்லாமா மறித்ததும் திபெத்தில் அடுத்து பிறக்கும் ஆண்குழந்தை தலாய்லாமாக குறிக்கபட்டு வளர்க்கபடும்

இப்பொழுது இருக்கும் தலாய்லாமா 83 வயது நெருங்குவதால் அடுத்து யார் என்பதில் சிக்கல்

அது அவர் காலத்திற்கு பின்புதான் என்றாலும், என் காலத்திற்கு பின் இந்தியாவில் இருக்கும் திபெத்திய குடும்பத்தில் பிறப்பவனே அடுத்த தலாய்லாமா என அறிவித்துவிட்டார் இப்போதைய தலை

விடுமா சைனா?

அதெல்லாம் முடியாது, உண்மையான திபெத் எங்களுடன் இணைந்திருக்கும் பொழுது இங்கு பிறப்பவர்தான் அடுத்த தலாய்லாமா என்கின்றது சைனா

அதன் கணக்கு வேறு

இப்போது இருப்பவர் தனி திபெத் கேட்கும் தலாய்லாமா, அவரை ஒப்படைக்க சொன்னால் இந்தியா செய்யவில்லை இன்னும் சர்ச்சை தீரவில்லை

இதனால் அடுத்த தலாய்லாமா சைனா திபெத்திலே பிறக்கடும், அவரை சீன தேசியத்திலே வளர்க்கலாம் என்பது அதன் கணக்கு

இங்கே தலாய்லாமா கிடைத்தால்தான் திபெத் விடுதலை போராட்டத்தை தொடர வழியுண்டு இல்லாவிட்டால் சிரமம் என்பது தலாய்லாமா கணக்கு

இரு கணக்குகளும் உரசிகொண்டிருக்கின்றன‌

இனி இரு தலாய்லாமாக்கள் வருவார்களா? அல்லது சீனாவின் பிடியில் திபெத் இருப்பதால் அது வெல்லுமா என தெரியவில்லை

சீனர்களை பற்றி தெரியும் என்பதால் இந்த தலாய்லாமா இறந்த மறுநொடி ஏன் அதற்கு முன்பே சீனாவில் அவர் பிறந்துவிட்டார் என சொல்ல தயாராக இருகின்றார்கள்

ஒருவேளை அடுத்த தலாய்லாமா இந்தியாவில் பிறந்தால் என்னாகும்?

அருணாசல பிரதேசத்தின் டபாங் பகுதியினை தெற்கு திபெத் என சொல்வதை சீனா நிறுத்தாது, சர்ச்சைகள் தொடரும்

ஏன் இப்படி அலைகின்றது சீனா?

மதம் அந்த கம்யூனிச நாட்டுக்கு எதிரி என அது கருதுகின்றது, புத்தமதம் அடக்கி ஒடுக்கபடாவிட்டால் சீனாவின் நிலையான கம்யூனிச ஆட்சிக்கு ஆபத்து என்பது மாவோ சொல்லிவிட்டு சென்ற பாடம்

அதை உயிரை கொடுத்து நிறைவேற்றுகின்றார்கள்

முக்கியமான இடத்தில் விபத்து

பாகிஸ்தானின் அணுஆயுதம் சேமிக்கபட்டிருக்கும் மிக முக்கியமான இடத்தில் விபத்து நடந்திருக்கின்றது

பாகிஸ்தான் சொல்லவில்லை ஆனால் கதிரியக்கத்தை கண்காணிக்கும் சில பன்னாட்டு அமைப்புகளும், செயற்கை கோள்களும் விஷயத்தை மோப்பம் பிடித்துவிட்டன‌

பாகிஸ்தான் வழக்கம் போல “அதெல்லாம் ஒன்றுமில்லை ஹிஹிஹிஹி” என மறைத்தாலும் விஷயம் ஏதோ இருக்கின்றது

அந்த இடத்தை தீவிரவாதிகள் தாக்கினார்களா? இல்லை வேறு ஏதும் அசம்பாவிதமா என்ற தகவல் இல்லை, அது வரவும் வராது

நிச்சயம் இந்திய கரங்கள் இதில் இல்லை

இதெல்லாம் இன்னும் சங்கி மற்றும் சவுக்கிகளுக்கு தெரியவில்லை, தெரியாமல் இருப்பது வரை நல்லது

இல்லையென்றால் நேற்றிரவு தனியாக சென்று பாகிஸ்தானின் அணுவுலைகளை மோடி தகர்த்தார், அமித்ஷா கடப்பாரை கொண்டு இடித்தார் , நிதின் கட்காரியும், ராஜ்நாத்சிங்கும் நாட்டு வெடிகுண்டு வீசினார்கள் என கிளம்பிவிடுவார்கள்

புனிதமான ஆத்துமாக்களுக்கு அஞ்சலி செலுத்துவோம்

நியூசிலாந்து கிறிஸ்ட்சர்ச் மசூதி தாக்குதலில் கொல்லபட்டவர் எணணிக்கை 50ஐ தொடுகின்றது, உண்மையான எண்ணிக்கை இன்னும் அதிகமாக இருக்கலாம்

தாக்கியவன் உலகெல்லாம் அதை ஒளிபரப்பியபடியே சுட்டிருக்கின்றான், அவனை இன்று கோர்ட்டில் ஆஜர்படுத்த போகின்றார்கள்

அவன் ஏன் சுட்டான்? எதற்கு சுட்டான் என்பது இதுவரை சொல்லபடவில்லை, சொல்லவும் மாட்டார்கள்

இதுவே இஸ்லாமியனோ இல்லை மாற்று இனத்தினரோ வெள்ளையர் கிறிஸ்தவ ஆலயத்தில் ஞாயிற்று கிழமை காலை இப்படி சுட்டிருந்தால் இந்நேரம் உலகம் பொங்கி இருக்கும், போர் முரசு எல்லாம் கொட்டியிருப்பார்கள்

மெழுகுவர்த்தி, பூச்செண்டு கண்ணீர் என உலகமே அதாவது ஐரோபாவே அலறிகொண்டிருக்கும்

செத்தவர்கள் இஸ்லாமியர் என்பதால் ஒரு பரபரப்புமில்லை

அந்த புனிதமான ஆத்துமாக்களுக்கு அஞ்சலி செலுத்துவோம்

அந்த துப்பாக்கி சூடு காட்சிகள் பரவுகின்றது, அதை தடுக்க வேண்டும் என மட்டும் பல நாடுகள் துடிக்கின்றன , எங்கள் நாட்டு குழந்தைகள் மனநலம் பாதிக்கும் என அவர்கள் சொன்னாலும் பல காரணங்கள் அதில் இருக்கின்றன‌

குறிப்பாக கிறிஸ்தவன் இப்படி சுடுவானா? அது அவமானம் இல்லையா போன்றவை அது

சில நாடுகள் அமைதியாக இருந்தாலும் பல நாடுகள் கண்டிக்கின்றன, ஆழ்ந்த அஞ்சலி செலுத்துகின்றன‌

சில கிறிஸ்தவ‌ நாடுகள் தங்கள் நாட்டில் இருக்கும் பள்ளிவாசல்களுக்கு தக்க பாதுகாப்பு அளித்திருக்கின்றன

இனி இவ்வாறான சம்பங்கள் நடக்காமல் போகட்டும்

புனதமான பள்ளிவாசலில் அதுவும் வெள்ளிகிழமை தொழுகையின் பொழுது இந்த கொடுமை நடந்திருப்பது உலகெல்லாம் இஸ்லாமிய மக்களை சோகத்தில் ஆழ்த்தியிருகின்றது

எல்லோரும் அஞ்சலி செலுத்துகின்றார்கள் என்பதற்காக இந்த ஈழ, புலி, தமிழுணர்வு இம்சைகளும் அஞ்சலி செலுத்தினால் அவர்கள செருப்பால் அடிக்கலாம்

ஆம், இதே போல இலங்கை காத்தான்குடியில் தொழுகையில் இருந்த இஸ்லாமியரைத்தான் ஒரு காலத்தில் புலிகள் கொன்று குவித்தனர்.

கிட்டதட்ட 200க்கும் அதிகமான மக்கள் அப்படி கொல்லபட்டிருந்தனர், அதையும் உலகம் அமைதியாக பார்த்துகொண்டேதான் இருந்தது

ஆம் அப்படி எல்லாம் மகா பாவத்தை செய்ததால் கேட்க யாருமின்றி மொத்தமாக அழிந்தது அந்த கொடூர கூட்டம்