ரஷ்ய புரட்சி

உலக வரலாற்றில் மானுடம் கண்ட திருப்பங்களில் மகத்தானது ரஷ்ய புரட்சி. எத்தனை புரட்சிகள் உலகில் நடந்திருந்தாலும் ரஷ்ய புரட்சியின் மகத்துவமே உலகிற்கு பெரும் மாற்றங்களை கொடுத்தது
அதற்கும் முன் போலந்து வலயம், பிரெஞ்ச் புரட்சி, அமெரிக்க சுதந்திரம் என பல நிகழ்ந்தாலும் ரஷ்ய புரட்சி என்பது வரலாற்றை மாற்றி போட்டது
அந்த புரட்சி நடந்த நூற்றாண்டு விழா நாளை தொடங்குகின்றது, அந்த செங்கொடி எழுந்து நூறு ஆண்டுகள் ஆகின்றது
ரஷ்ய புரட்சியினை பாரதி வரவேற்று பாடிய காலமும், பெரியார் அதனை வரவேற்று பின் தன் போக்கினையே மாற்றிய அந்த காலமும் நினைவுக்கு வருகின்றது.
1917ல் ரஷ்யாவில் எழுந்த செங்கொடி, உலகெல்லாம் போலவே இந்தியாவிலும் பறந்திருக்கலாம், வாய்ப்பு இருந்தது . ஆனால் இங்கு அணியபட்டிருக்க வேண்டிய செஞ்சட்டை கருப்பு சட்டையானது
பின் அது திராவிட கட்சிகளாகி ஆட்சிக்கும் வந்தது. சர்வ நிச்சயமாக இங்கு பொதுவுடமை கொடியே கேரளா போல பறந்திருக்க வேண்டும் ஆனால் அப்படி அமையவில்லை, பெரியார் ஏனோ கம்யூனிஸ்ட் என தன்னை அறிவிக்கவில்லை
ஆனால் திராவிட கொள்கையினை அவர் கம்யூனிச சாயல் இல்லாமல் சொல்லவில்லை. பெரியார் பேசிய எழுதிய எல்லாமும் அந்த செங்கொடி தேசத்து சாயலே
அவர்கள் போப்பையும் கிறிஸ்துவத்தையும் எப்படி எல்லாம் விமர்சித்தார்களோ பெரியார் அதில் இந்துமதத்தையும் புராணத்தையும், பிராமணியத்தையும் பொருத்தினார், அவ்வளவுதான் புரட்சியாளர் ஆனார்
ரஷ்யாவின் கிறிஸ்தவ குருமார்கள் செய்ய அட்டகாசத்தை இங்கு பிரமணர்கள் செய்தார்கள், அக்காலம் அப்படி இருந்தது அதனை பெரியார் எடுத்துகொண்டார்
ஆனால் நிலசுவாந்தார்களை குறி வைத்த அந்த ரஷ்ய பொதுவுடமையினை எடுக்கவில்லை. கவனித்தால் புரியும் பெரியார் பிராமணியத்தை எதிர்த்தாரேயன்றி பண்ணைமுறையினை, பண்ணையார்களை எதிர்த்தாரா என்றால் இல்லவே இல்லை
காரணம் அவரும் பெரும் பண்ணையாராய் இருந்ததால், ரஷ்ய புரட்சியில் எது தனக்கு தேவையோ அதை மட்டும் எடுத்து கடவுள் இல்லை ஆனால் முதலாளித்துவம் உண்டு என்றார்
இது பிரிட்டிஷ்காரனுக்கும் சிக்கல் இல்லாத விஷயமாக இருந்ததால் அவனும் கண்டுகொள்ளவில்லை
பொதுவுடமை கோட்பாடு பரவாமல் தடுக்கும் பிரிட்டிஷ் ஏகாதிபத்தியத்தின் கையாளாக பெரியார் செயல்படுகின்றார், பொதுவுடமை கொள்கை பரவினால் பிராமணியம் தானாக அழியும்பொழுது பெரியார் ஏன் செஞ்சட்டை அணியாமல் கருப்பு சட்டை அணிகின்றார் என்ற கேள்விகளுக்கு பெரியாரிடம் இருந்து மவுனமே பதில் ஆனது
கடைசிவரை அவர் பதில் சொல்லவில்லை
பண்ணையாருக்கு கீழ் இருந்த பாட்டாளிகள் அவருக்கு சூத்திரர்களாக தெரிந்தார்களே தவிர வாழ வழியிலா அடிமைகளாக, உரிமையில்லா கூட்டமாக தெரியவே இல்லை
பெரியார் இப்படி திசைதிருப்பி தமிழகத்தை மாற்றியிருக்காவிட்டால் இன்று நிச்சயம் கேரளா போல் இங்கொரு கம்யூனிஸ்ட் முதல்வராகியிருப்பார்
தமிழிசை, ராசா இனபிற கும்பல் எல்லாம் பேசிகொண்டிருக்க முடியாது, ஆர்.எஸ்.எஸ் கும்பலுக்கு கடும் சவால்விடும் கேரளா போல தமிழகமும் சவால் விட்டு கொண்டிருந்திருக்கும்
ஆனால் பெரியார் செய்த குழப்பமான முடிவால் என்னவெல்லாமோ நடந்துவிட்டது. 
லெனினும் மாவோவும் உருவாகியிருக்க வேண்டிய தமிழகத்தில் குறைந்தபட்சம் ஜோதிபாசுவும், நம்பூதிரிபாடும் உருவாகியிருக்கவேண்டிய தமிழகத்தில் “புரட்சி தலைவன்” ராமசந்திரனும் “புரட்சி தலைவி” ஜெயலலிதாவும் உருவாகிவிட்டார்கள்
பெரியாரை விடுவோம், செங்கொடி பறந்த காலத்திற்கு செல்லலாம்
எப்படிபட்ட சாதனைகளை எல்லாம் அந்த செங்கொடி செய்தது
ஜார் மன்னன் எனும் கொடுங்கோலனை வீழ்த்தி, ரஷ்புடீன் எனும் சாமியாரை விரட்டி மக்களே மக்களை ஆள்வார்கள் என உயர்ந்தது அந்த கொடி
வர்க்கபேதமற்ற சமூகத்தை உருவாக்க தத்துவம் சொன்ன மார்க்ஸின் கொள்கைகளுக்கு வடிவம் கொடுத்த சமூகத்தின் அடையாளமாக, மத சாமியார்களின் கட்டுபாட்டினின்று தன்னை விடுவித்த சமூகத்தின் அடையாளமாக அது உயரபறந்தது
அதுவரை தொழிலாளர் என்போர் விலங்குகளில் ஒருவர் என எண்ணபட்ட உலகிற்க்கு , தொழிலாளி என்பவன் வாழபிறந்தவன் என சொல்லி அவனுக்கு உயர்ந்த வாழ்வு அளித்தது அந்த கொடி
அந்த கொடியின் கீழான ஆட்சியில்தான் தொழிலாளர்கள் நிம்மதியாக சுவாசித்தனர், நிம்மதியாக வாழ்ந்தனர். முதலாளிகளுக்கும் நில சுவாந்தார்களுக்கும் மட்டுமே கிடைத்த வசதிகள் அத்தொழிலாளிகளுக்கும் கிடைத்தன‌.
விவசாயியும், சுரங்க தொழிலாளியும் கப்பல் ஏறி உல்லாச பயணமாக விடுமுறை கொண்டாடியது எல்லாம் அந்த ஆட்சியில்தான்
கூட்டுறவு பண்ணைகள் எல்லாம் உருவானது அங்குதான்
அந்த தொழிலாளிகள் வாழ்வாங்கு வாழ்வதை கண்ட மற்ற நாட்டு மக்களும் சிந்திக்க, பல அரசுகள் அஞ்சின, பல அரசுகள் சலுகைகளை அள்ளி கொடுத்தன‌
இன்று தொழிலாளர் உலகம் காணும் ஓய்வூதியம், பணிக்கொடை, வேலை பாதுகாப்பு, இன்னும் பிற படிகள் உட்பட பாதுகாப்புகள் எல்லாம் அதன் மூலம் உலகம் பெற்றுகொண்டவையே
இந்த உலகிற்கு எவ்வளவு பெரும் பாதுகாவலாய் நின்றது அந்த செங்கொடி.
ஹிட்லர் எனும் அரக்கனை அந்த செஞ்சேனைதான் வீழ்த்திற்று, ஹிட்லரின் பாசிச ஆட்சியிலிருந்து உலகை காத்தது நிச்சயம் அந்த பொதுவுடமை படை
அந்த வெற்றிக்கு பின்புதான் இந்தியா உட்பட்ட நாடுகளின் விடுதலை சாத்தியமானது, ஒருவேளை பிரிட்டன் அல்லது ஹிட்லர் வென்றிருந்தால் இந்திய விடுதலை சாத்தியமே இல்லை
சோவியத் யூனியனின் எழுச்சியே உலக சரித்திரத்தை புரட்டி போட்டது. அதன் பாதுகாவலிலே மக்களுக்கான அரசுகள் எழும்பின‌
சீனா, வியட்நாம், அந்நாளைய வடகொரியா எல்லாம் அப்படித்தான் ஆட்சிமாற்றம் கண்டது
சோவியத் இருக்கும் தைரியத்தில்தான் சேகுவேராவும், காஸ்ட்ரோவும் உருவானார்கள். அமெரிக்கா நொடியில் நசுக்க திட்டமிட்ட கியூபாவினை காத்து நின்றது சோவியத் யூனியன்
எகிப்து சூயஸ் கால்வாயினை கைபற்றி பிரிட்டனை அடித்து விரட்டி தன் சொத்தை தனதாக்கி கொள்ள உதவியதும் அதுவே
அந்த சோவியத் இருந்த தைரியத்தில்தான் அரபு நாட்டில் பாலஸ்தீன் எழுச்சியும் அந்த போராட்டமும் வலுபெற்றது, பாலஸ்தீன் இருப்பிற்கு சோவியத் மகா முக்கியம்
வங்கப்போரில் இந்தியாவினை அமெரிக்காவின் மிரட்டலில் இருந்து இந்தியாவினை காத்து நின்றதும் அந்த செங்கொடியேதான்.
இந்திராவின் இந்தியா எழுச்சிபேறவும் அது இன்று ஓரளவு பாதுகாப்பான தேசமாக நிற்கவும் அந்த செங்கொடி தேசம் கொடுத்த உதவிகள் கொஞ்சமல்ல‌
அணுசக்தி முதல் ஏவுகனைகள வரை நமக்கு அந்த‌ சோவியத் செய்த ரகசிய உதவிகள் கொஞ்சமல்ல‌
பெண் விடுதலையினை உலகிற்கு சொன்னதும், பால்காரி தெரஸ்கோவாவினை விண்வெளிக்கு அனுப்பியதும், மகளிர் நலனில் உலகிற்கு முன்மாதிரியாய் இருந்தது அந்த செங்கொடி நாடுதான்
மகளிருக்கும் குழந்தைகளுக்கும் அது கொடுத்த சலுகையினை இனி எந்த அரசும் கொடுத்துவிட முடியாது.
கல்வியும் மருத்துவமும் தன் நாட்டு மக்களுக்கு மட்டுமல்ல, எந்த மானிடருக்கும் எந்த நேரமும் வழங்க அது தயாராக இருந்தது. இன்று உலகின் மருத்துவ முன்னேற்றம் அடைந்த நாடாக கியூபா இருக்க, அந்த செங்கொடியின் சாதனையே காரணம்
விவசாயிகள் எப்படி காக்கபட வேண்டும்? முதலாளித்துவம் எப்படி கட்டுபடுத்தபட வேண்டும் என உலகிற்கு சொன்ன தேசம் அது
அத்தேசம் இருக்கும் வரை உலகின் தேசிய இனங்கள் அப்படியே இருந்தன. சோவியத் வலுவான காலத்தில் உலகில் நடந்த ஒரே தவறு திபெத் ஆக்கிரமிப்பு , அதற்கு ஆயிரம் காரணங்கள், மற்றபடி எல்லா இனங்களும் ஒரு வித பாதுகாப்போடே இருந்தன.
முதலாளித்துவ சக்திக்கு நிரகான சக்தியாக சோவியத் உலகை காத்தது.
எகிப்தின் கர்ணல் நாசர் போல பல ஜாம்பவான்கள் தணித்து நின்றனர்.
மதவெறி கும்பல் உலகில் எங்கும் தலை தூக்கிவிடாமலும், முதலாளித்துவ கைகூலிகளின் படை உருவாகிவிடாமலும் காத்து நின்றது செங்கொடி
ஆப்கனில் சோவியத் படைகள் இருந்த காலம் வரை காஷ்மீரில் தீவிரவாதிகள் அட்டகாசம் என்ற செய்தி வந்தது உண்டா? நிச்சயம் இல்லை
ஆப்கனிலிருந்து செங்கொடி நீங்கிய பின்பே காஷ்மீருக்கு ஆப்கானிய தீவிரவாதிகள் அணிவகுத்து வந்து சோதனை கொடுத்தனர். அது இன்றும் நீடிகின்றது
ஆப்கனில் தீவிரவாதிகளுக்கு உதவிய அமெரிக்கா பின் மதவாததின் உண்மை தெரிந்தபின் அவமானத்தில் தலைகுனிந்த அந்த செங்கொடியின் மகிமையினை மனதிற்குள் உணர்ந்து நிற்கின்றது, ஏன் உலகமே உணர்ந்துகொண்டது.
காலத்தின் கோலத்தில் செங்கொடி மாஸ்கோவில் கீழிறங்கிய பின்பே இவ்வுலகில் நடக்க கூடா விஷமெல்லாம் நடந்தன,
உலகமே மாறியது சதாம் போன்றவர்கள் கொல்லபட்டனர். உலக சமநிலை ஓய்ந்தது, இன்று எங்கு நோக்கினாலும் பெரும் குழப்பம்
வல்லான் வகுத்ததே நீதியானது. ஈழம் போன்ற பகுதிகள் எரிய தொடங்கின‌
ஒரு விஷயம் உறுதியாக சொல்லமுடியும், அந்த செங்கொடி மட்டும் மிக வலுவாக பறந்துகொண்டே இருந்திருக்குமானால் முள்ளிவாய்க்கால், சிரியா, ஆப்கன் போன்ற கொலை கூடங்கள் எல்லாம் உதித்திருக்காது
இன்றைய உலகின் நிலையற்ற தன்மை வந்திருக்காது
12 மணிநேர வேலை, வேலை செய்தால் தான் கூலி மற்றபடி ஒரு சலுகையுமிலை என்றிருந்த தொழிலாளார் உலகினை நேரடியாகவும் மறைமுகமாகவும் மாற்றி காட்டியது அந்த செங்கொடி தேசம்
ஆனால் இன்றோ மறுபடி உலகம் அந்த கொத்தடிமை முறை நோக்கி செல்கின்றது. அது ஐடி முதல் எல்லா தொழில்களிலும் தெரிகின்றது
ஓவர்டைம் அது இது என சொல்லி எல்லா தொழிலாளர்களும் பிழியபடுகின்றார்கள், சனி ஞாயிறு இரவு பகல் என்பதெல்லாம் இல்லை.
மறுபடி அந்த தொழிலாளர் அடிமை முறை நோக்கி இந்த உலகம் சென்றுகொண்டிருக்கின்றது.
கம்யூனிசம் ஒன்றும் மார்க்ஸ் முதலில் சொன்னது அல்ல, பொதுவுடமை கோட்பாடு பைபிளிலே இருக்கின்றது. ஆதி கிறிஸ்தவர்கள் அப்படி பொதுவுடமை வாழ்வுதான் வாழ்ந்திருக்கின்றார்கள், என்று கிறிஸ்தவம் ரோமாபுரியினை கைபற்றியதோ அதன் பின்புதான் சிக்கல் தொடங்கியிருக்கின்றது
அந்த பொதுவுடமை வாழ்வினை கடவுள் இல்லை என்ற புள்ளியில் மறுபடியும் வாழ கொடி உயர்ந்தது நவம்பர் 7, 1917
அந்த தேசம் நன்றாகத்தான் இருந்திருக்கின்றது, சோவியத் மக்கள் எல்லாரும் எல்லாமும் பெற்று மிக்க நலமாக வாழ்வாங்கு வாழ்ந்திருக்கின்றார்கள்
ஆனால் மானிட சுபாவம் வித்தியாசமானது. ஆளுக்கொரு சிந்தனை ஆளுக்கொரு விருப்பம் என உள்ள மனிதர்கள் பொதுவுடமை கொள்கையினை கொஞ்சம் மறக்க தொடங்கினார்கள். இன்னொன்று முன்னோர் கண்ட சிரமும் அவர்கள் பட்ட பாடுகளும் அடுத்தடுத்த தலைமுறைக்கு தெரியவில்லை
விளைவு சோவியத் சிதறியது
ஆனாலும் பழைய சோவியத் முடிமக்களுக்கு அந்த செங்கொடி பறந்த காலம் மகா சொர்க்கமாக, மிகுந்த நல்லாட்சி நடந்த காலமாகவே தெரிகின்றது
இந்த உலகத்தையே புரட்டிபோட்ட மாபெரும் நிகழ்வின் நூற்றாண்டு நாளை கொண்டாட படவேண்டும்
ஆனால் எங்கும் அதற்கான வேலைகள் நடந்ததாக தெரியவில்லை. அவசர உலகம் அந்த நன்னாளை தவறவிடுகின்றதோ எனும் அச்சம் ஏற்படுகின்றது
அந்த நாளால்தான் கியூபா முதல் வடகொரியா வரை உலக அரங்கில் நிற்க முடிகின்றது, சீனா எல்லாம் ஆசிய சக்தியாக நிற்க முடிகின்றது
உலக அரசியலை விடுங்கள், பிரணாய் விஜயனும் இங்கு அமர்ந்திருக்கும் பழனிச்சாமியும் முதல்வராக அமர அந்த செங்கொடி கொடுத்த நம்பிக்கையே காரணம்.
நகைப்பாக இருக்கலாம், ஆனால் அதிமுகவின் மூலம் திமுக திமுகவின் மூலம் திக, திகவின் மூலம் பெரியார் என சென்றால் நிச்சயம் அந்த செங்கொடிதான் காரணம்
செங்கொடி உயர்ந்திருக்காவிட்டால் இவை எல்லாம் நடந்திருக்காது
அவ்வகையில் உலகின் ஒவ்வொருவர் தலைவிதியினையும் மாற்றிகாட்டிய நாள்
யார் நினைக்கின்றார்களோ இல்லையோ, மானிடத்தை நேசிக்கும், சமத்துவத்தை நேசிக்கும் யாரும் அந்நாளை கொண்டாடலாம்
மானிட குலத்தின் மகத்தான நாள் அந்த நவம்பர் 7.
அதுவும் நூற்றாண்டு விழா என்பதால் அந்த நினைவுகளில் மூழ்கி , அந்த செங்கொடியால் பெற்றுகொண்ட சகல நன்மைகளுக்காகவும் நன்றி தெரிவிக்கலாம்
[ November 8, 2018 ]
Image may contain: 1 person, text
Advertisements

சிதறல்கள்

முதலில் உச்ச நீதிமன்றத்தில் அவசரமாக ஒரு மனுதாக்கல் செய்ய வேண்டும்

இந்த டிவிக்கள் இம்சை தாங்க முடியவில்லை, சின்னதம்பி மவுனராகம் எல்லாம் இடைவேளைக்கு பிறகு தொடரும் என்கின்றார்கள்

அடடே இதைவிட என்ன பாக்கியம் வேண்டும் என அமர்ந்தால், தலைவி வருவார் என எதிர்பார்த்தால் ஏதோ அல்லக்கைகள் வந்து நிற்கின்றன‌

அட நமக்கு என்னாயிற்று? கஞ்சா அடித்தோமா? இல்லை குஷ்பு இப்படித்தான் இருப்பாரா? அய்யகோ அப்படியானால் தலைவி கனவில் கண்ட முகமா? என பல எண்ணங்கள் மாயமாய் சுழன்ற பின் அது சீரியல் என தெரிகின்றது

விட முடியாது, விட்டால் வருஷம் 16, அண்ணாமலை என தலைவியின் காவியங்களை எல்லாம் சிறுமைபடுத்துவார்கள்

இரு ரவுடி கும்பல்களுக்கு இடையேயான கதையினை எப்படி மகாபாரதம் என்றால் ஏற்றுகொள்ள முடியாதோ அப்படி சில அல்லக்கைகளை காட்டி சின்னதம்பி என்றால் ஏற்றுகொள்ள முடியவே முடியாது

மகா அவசர மனுவாக இதை தாக்கல் செய்யும் முடிவில் சங்கம் இறங்கி இருக்கின்றது [ October 31, 2018 ]

============================================================================

அண்ணே உங்களை திமுகவினர் எல்லாம் ஒரு மாதிரி விமர்சிக்கின்றார்கள் உங்கள் பார்வைக்கு வந்ததா? என கேட்டார் நண்பர் ஒருவர்

‘அடேய் யாரெல்லாம் திக, திமுகவினை விமர்சிக்கின்றார்களோ அவர்களை எல்லாம் கோமாளிகளாக மாற்றுவது ஒன்றும் இங்கு புதிதல்ல‌

அது அன்றிலிருந்து இன்றுவரை நடக்கும் விஷயம், இங்குள்ள அமைப்பு அப்படி

சம்பத்தை ஆக்கினார்கள், கண்ணதாசனை ஆக்கினார்கள், திமுகவில் குடிகாரனே இல்லை என்பது போல விஜயகாந்தினை ஆக்கினார்கள்

இன்னும் யார் யாரை எல்லாமோ பைத்தியம் என்றார்கள், இது ஒருவகையான அரசியல்

பத்திரிகை முதல் பல சக்திகளும் இன்னபிற விஷயங்களும் அதற்கு துணைபோகும், மாயமான வேலைகள் எல்லாம் நடக்கும்

நாம் மட்டும் விதிவிலக்கா என்ன?”

[ October 31, 2018 ]

============================================================================

ஆக உள்ளூரில் பால்குடம் ஏந்த வேண்டும், வெளியே வந்தால் அம்பேத்கர் தழுவிய புத்தமதம் என கத்த வேண்டும்

மிஸ்டர் திருமா, இந்த நிலைக்கு உங்களை உயர்த்தியது உங்கள் கல்வியும் அது கொடுத்த பலமுமாகும், நிச்சயம் சாதி அல்ல‌

எப்படியோ நல்ல விஷயத்தை செய்திருக்கின்றீர்கள், மிக உரிமையாய் செய்திருக்கின்றீர்கள்

பாருங்கள் இதுவும் இந்துமத சம்பிரதாயமே, யாராவது உங்களிடம் இருந்து குடத்தை பிடுங்கினார்களா? முடியுமா?

நல்ல பாதைக்கு திரும்பி இருக்கும் உங்களுக்கு வாழ்த்துக்கள்

[ October 31, 2018 ]
Image may contain: 2 people, people standing and outdoor
==========================================================================

குலசேகர பட்டினம் கடற்கரையில் ராக்கெட் தளத்திற்காக நிலம் கையக படுத்தபடுகின்றது

சைமன் முதல் திருமுருகன் காந்தி வரை ஒரு சத்தமில்லை, ஒரு கட்சியும் மூச் இல்லை, கடற்கரை மக்களின் காவலரான உதயகுமார் என்பவரை காணவே இல்லை

தினகரன் தகுதி நீக்க வழக்கில் மேல் முறையீடு இல்லை என்கின்றார்

அண்ணாச்சியிடம் இன்னும் 7 நாள் விசாரணை நடக்கும்

இந்த செய்திகள் தனி தனியான செய்திகள் என்றாலும் நீங்களே கூட்டி கழித்து முடிவு செய்து கொள்ளுங்கள்

[ October 31, 2018 ]

============================================================================

பங்கு, தலைவருக்கு ரமாவரத்திலும் அம்மாவுக்கு கொடநாட்டிலும் 4000 கோடியில் சிலை வச்சா எப்படி இருக்கும்?

சூப்பர் ஐடியா பங்கு ஆனால் காண்ட்ராக்ட் என் சம்பந்திக்குத்தான் சரியா?

ஓகே, ஆனால் மணல் காண்ட்ராக்ட் என் குடும்பத்துக்குத்தான் சரியா

டன் பங்கு, சீக்கிரம் சிலை வச்சிருவோம்”

[ October 31, 2018 ]

============================================================================

வழக்கமாக‌ ஜப்பானுடன் தீவு பிரச்சினையில் மோதுவோம் என்பதும், நாலந்துலாவில் இந்தியாவுடன் உரசுவதும், தென் சீன கடலில் வியட்நாமுடன் போதுவதுதான் சீன பொழுது போக்கு

இப்பொழுது இதை எல்லாம் விட்டுவிட்டு தன் ஆதிகால பிரச்சினைக்கு உண்மையாக சென்றுவிட்டது

என்ன சிக்கல் அது?

சீனா அருகே உள்ளது தைவான், அது சீனாவின் ஒரு பகுதி என்றார் மாவோ, இல்லை நாங்கள் தனிநாடு என்றது தைவான்

ஒழுங்காக சீனாவோடு இணையுங்கள் என சீனா மிரட்ட, நாங்கள் தான் ஒரிஜினர் சைனா நீ டூப்ளிகேட் என தைவான் சொல்ல விஷயம் சிக்கலாயிற்று

இந்த சமச்சாரங்கள் 1960களில் நடக்கும் பொழுது தைவானை அணைத்தது அமெரிக்கா, தென் கொரியா போல வளர்த்தது

அவ்வப்போது சீனா மிரட்டுவதும், தைவான் சீறுவதும் அவ்வப்ப்போது நடக்கும்

இப்பொழுது அமெரிக்கா சீனா இடையே முறுகல் நடக்கும் நிலையில், தைவானை கைபற்ற சீன ராணுவம் தயாராகட்டும் என ஜின்பெங் சொல்லிவிட்டார்

விடுவாரா டிரம்ப்? தைவான் மேல் கை வைத்தால் நடப்பதே வேறு என்கின்றார்

போர் மேகம் தைவானை சூழ்கின்றது

ஆனால் போர் வருமா என்றால் வராது, பின் ஏன் சீனா தைவானை தாக்குவோம் என்கின்றது?

இதுதான் தந்திரம், இப்போது அமெரிக்க சீன வியாபார சண்டை நடக்கும் நேரம், அமெரிக்காவினை பேச்சுவார்த்தைக்கு அழைக்க சீனாவிற்கு ஒரு துருப்பு சீட்டு தேவை

அட்டகாசமாக எடுத்து வீசுகின்றது சீனா, இனி ராஜதந்திர விளையாட்டுகள் ஆரம்பமாகும்

[ November 1, 2018 ]

No automatic alt text available.
============================================================================

அண்டார்ட்டிக்கா என்பது குளிர்பிரதேசம் என்றாலும் அங்கு ஆதிக்கம் செலுத்த எல்லா நாடுகளுக்கும் ஆசை

ஆர்க்டிக் துருவம் ரஷ்ய ஆதிக்கமும் அண்டார்ட்டிக்கா கட்டுபாடு என்றாலும் அண்டார்டிக்காவில் ரஷ்ய தலையீடும் உண்டு

அங்கும் அணுகுண்டு முதல் பல ஆராய்ச்சிகளை செய்தார்கள், இன்னும் வெளிசொல்லபடாத காரணங்களும் உண்டு

அங்கு அமெரிக்காவிற்கும் ரஷ்யாவிற்கு நிரந்தர விமான நிலையங்கள் உண்டு, சீனா இந்தியா ஜப்பான் எல்லாம் இவற்றில் ஒன்றை பயன்படுத்துவார்கள், ரஷ்யா தன் நிலையத்தை சீனா பயன்படுத்த அனுமதித்தது

இப்பொழுது அண்டார்டிக்காவில் தனி விமான நிலையம் கட்டுகின்றது சீனா, ஏனென்றால் அவர்கள் வல்லரசாம்

சரி விமானநிலையம் கட்டியாயிற்று, ஆனால் அண்டார்டிக்காவில் பறக்க சிறப்பு விமானம் வேண்டும், சீனாவிடம் அது ஒன்றே ஒன்றுதான் உண்டு

ஒரு விமாத்தை வைத்து கொண்டா விமான நிலையம் கட்டுகின்றீர்கள் என உலகம் கேட்க சீனாவிடம் பதில் இல்லை

தமிழகத்தில் பாஜக கட்சி நடத்தவில்லையா? அப்படி அண்டார்டிக்காவில் ஏதோ செய்கின்றது சீனா

[ November 1, 2018 ]

============================================================================

இந்திய ராணுவத்தை பலபடுத்த சொன்னவர் பட்டேல், நிச்சயம் இந்திய ராணுவம் பலமாக வேண்டும் என முதலில் ஆசைபட்டவர் அவர்தான்

இந்த 3 ஆயிரம் கோடியில் நிச்சயம் ரபேலை விட அதி நவீன யூரோ பைட்டர் விமானங்களை எல்லாம் வாங்கி இருக்கலாம், இல்லை பெரும் ஆயுத தொழிற்சாலை கட்டி இருக்கலாம்

பட்டேலும் அதைத்தான் விரும்புவார்

ஆனால் 3000 கோடியினை சீனாவிடம் கொடுத்து சிலை கட்ட சொல்லி இருக்கின்றார்கள்

இதுபற்றி ஏதும் சொன்னால் நாம் நாட்டுபற்று இல்லாதவர்கள் ஆகிவிடுவோம்..

[ November 1, 2018 ]

============================================================================

தேவர் வழியில் நடப்போம் : முக ஸ்டாலின்

எந்த வழி மிஸ்டர் ஸ்டாலின்?

தேசியமும், தெய்வீகமும் இரு கண்கள் என வழிகாட்டினார் தேவர், இரண்டுமே திமுகவிற்கு கசப்பான விஷயம்? பின் எந்த வழி?

இம்மானுவேல் சேகரனுக்கு நடந்த வழியா? அதெல்லாம் அழகிரிதான் சரி, அவரும் இப்போது திமுகவில் இல்லை

செப்டம்பர் 17ம் தேதிதான் பெரியார் வழி, அண்ணா வழியில் திமுக நடக்கும் என்கின்றார்

அக்டோபரில் தேவர் வழியில் நடக்குமாம்

இனி நவம்பர், டிசம்பரில் எந்த வழியில் திமுக நடக்குமோ தெரியாது , மாதம் ஒரு வழியில் நடப்பார்கள் போலிருக்கின்றது

[ November 1, 2018 ]

============================================================================

அது பல விஷயங்களில் உருப்படாத நாடு என்றாலும் சில இடங்களில் சில நேர்மையான விஷயங்கள் நடக்கின்றன‌

பாகிஸ்தானில் எது இல்லை என்றாலும் நீதிமன்றத்தில் சில நேர்மைகள் இருக்கின்றன, ஊழல் செய்தவர் யாராயினும் தப்ப முடிவதில்லை, விரட்டபடுகின்றனர்

இந்தியாவினை விட அங்கு சில தீர்ப்புகள் பரவாயில்லை

இப்பொழுது ஒரு தீர்ப்பு வந்திருகின்றது

பாகிஸ்தானில் சிறுபான்மை கிறிஸ்தவர்கள் உண்டு, அதில் அசியா என்ற பெண்ணுக்கும் இஸ்லாமியருக்கும் தகறாறு, அப்பெண் ஏதோ சொல்லிவிட மத விவகாரங்களை பேசினாள், முகமது நபிபற்றி தவறாக சொன்னாள் என வழக்காகி அது மரண தண்டனையுமானது

8 ஆண்டுகளாக சிறையில் இருந்த அவர் மேல்முறையீடு செய்தார், அதில் மரண தண்டனை ரத்தானது

இப்பொழுது பாகிஸ்தானின் தாடிவைத்த , நீண்ட கால்சட்டை போட்ட ஆர்.எஸ்.எஸ் கும்பலான பழமைவாதிகள் அவளை கொல்ல வேண்டும் என் போராடுகின்றனர்

பிரதமர் இம்ராம்கான் அமைதிகாக்க வேண்டும், நீதிமன்றத்தை மதிக்க வேண்டும் என சொல்லிகொண்டிருக்கின்றார்

மிகபெரும் கலவர சூழல் எழுகின்றது, அப்பெண் வெளிவந்தாலும் இனி வாழமுடியுமா என்ற அளவுக்கு நிலமை மோசம்

அநேகமாக அப்பெண் வெளிநாட்டுக்கு பயணிக்கலாம், கிறிஸ்தவர்களை காக்க வந்திருக்கும் டிரம்பின் உலக‌ ஆட்சியில் அப்பெண் நிச்சயம் வெளிநாட்டில் வாழ வாய்ப்பு உண்டு

[ November 1, 2018 ]

============================================================================

திரையரங்கில் கொசு அதிகமாக இருந்ததால் மூடபட்டது : சுகாதார துறை அதிரடி

சிம்பு படமோ இல்லை இப்பொழுது வரும் சில படங்களையோ ஓடவிட்டால் பூரா கொசுவும் செத்துவிடாதா?

அன்பானவன்.. அடங்காதவன் படத்தைவிடவா சிறந்த கொசு ஒழிப்பு மருந்து உண்டு??

[ November 1, 2018 ]

=========================================================================

நவம்பர் பிறந்தாச்சி, “மாவீரர் மாதம்” , “கார்த்திகை 26 நோக்கி..” என்றெல்லாம் என கிளம்ப வேண்டும் , இப்பொழுதெல்லாம் நிலமை சரி இல்லை

அண்ணன் வைகோவோ, அய்யா நெடுமாறனோ இல்லை தம்பி திருமுருகனோ முதலில் தொடங்கட்டும் , நாம பின்னாடி சேர்ந்துக்கலாம்

ஒருவேளை அவங்கெல்லாம் நான் முதலில் தொடங்கட்டும்னு இருந்தா..

ஹஹஹஹஹஹஹஹா..

நடக்கவே நடக்காது ராஜா..வாய்ப்பே இல்லை ராஜா

[ November 1, 2018 ]

============================================================================

தவறான தகவல் பரப்புபவர்கள் பற்றிய விவரங்கள் வேண்டும்: தகவல் தொடர்பு நிறுவனத்திடம் மத்திய அரசு வலியுறுத்தல்

இதற்கு எதற்கு அவர்களிடம் கேட்க வேண்டும்? பட்டியல் இதோ

மோடி, கட்காரி, ராஜ்நாத்சிங், சுஷ்மா, நிர்மலா சீத்தாராமன், தமிழிசை, எச்.ராசா, எடப்பாடி & கோ [ November 1, 2018 ]

============================================================================

அமெரிக்காவில் மலை உச்சியில் செல்பி எடுத்த இந்திய தம்பதியர் தவறி விழ்ந்து மரணம்

இதற்குத்தான் நாட்டுகொரு சிவகுமார் வேண்டும் என்பது [ November 1, 2018 ]

============================================================================

இந்த பாருங்க, காலையில வெடிக்க வேண்டிய வெடி அவர் வெடிப்பாராம்

மாலை வெடிக்க வேண்டிய வெடி நீங்க வெடிக்கணுமாம், அவ்வளவுதான் பஞ்சாயத்து

இது ஒரு பிரச்சினையென‌ மோடியினை பார்க்க டெல்லி செல்லக்கூடாது புரியுதா? [ November 1, 2018 ]

============================================================================

 

அர்ஜுன ரணதுங்க

அர்ஜுன ரணதுங்க எனும் கிரிக்கெட் ஆட்டக்காரரை மறக்க முடியாது

இலங்கை அணி 1980களில் தடுமாறியபொழுது அவர்தான் கேப்டன், மனிதர் கொஞ்சம் அதிர்ஷ்டசாலி

அப்பொழுது இந்த கனடா, ஆப்கானிஸ்தான் போலிருந்த இலங்கை அணி இவர் தலமையில் குப்புற கிடந்தபொழுது சமிந்தவாஸ், டிசில்வா, ஜெயசூர்யா, முரளிதரன் போன்ற சிற்ந்த வீரர்கள் கிடைத்தார்கள், இதுவரை இலங்கை கண்ட மிக சிறந்த அணி அதுதான்

அந்த அணி வலுவான ஆஸ்திரேலியாவினையும் விரட்டி கோப்பையினை கைபற்றியது, அப்பொழுது அவர் கேப்டன்

அதனால் மிகபிரபலமான அவர் அரசியலுக்கு வந்தார், ரணில் அமைச்சரவையில் சாலை மற்றும் கடற்போக்குவரத்து அமைச்சர் ஆனார்

இம்ரான்கான், சித்துவிற்கு எல்லாம் அன்னார் முன்னோடி

இப்பொழுது மகிந்தா ராஜபக்சே டிடிவி தினகரன் ஸ்டைலில் அங்கு கும்மாங்குத்து அதிரடி எல்லாம் காட்டுவதால் மனிதருக்கு நேரம் சரியில்லை

எங்கோ அலுவலகத்தில் நுழையபோய் துப்பாக்கி சூடு எல்லாம் நடந்து இருவர் பலி

விஷயம் உலக அரங்கில் பெரிதாகி அமெரிக்காவே தன் குடிமக்களை இலங்கையில் எச்சரிக்கையாய் இருங்கள் கலவரம் வரலாம் என சொல்லிவிட்டது

ராஜபக்சே இந்த ரணதுங்கவினை பிடித்து உள்ளே போட சொல்லிவிட்டார்

இலங்கை சிக்கல் மோசமாகிகொண்டுதான் செல்கின்றது

போகிற போக்கில் இன்னும் சிக்கலாகலாம், ராஜபக்சே உடனே நாடாளுமன்ற தேர்தல் நடத்தவேண்டும் என்கின்றார்

ஒருவேளை பெரும் கலவரம் வந்தால் என்னாகும்?

அதை அடக்க 1977, 1987களில் இந்தியா முன்பு களமிறங்கியது போல் இறங்கும்

காரணம் இன்னொரு நாட்டை இலங்கையில் களமிறக்க இந்தியா எளிதில் அனுமதிக்காது

ஒருவேளை கொழும்பில் கலவர சூழல் வந்து இந்தியா தலையிட்டால் என்னாகும்?

இங்கு உடனே முள்ளிவாய்க்காலில் இறங்காத இந்தியா கொழும்பு என்றால் மட்டும் எப்படி இறங்கலாம் என குதிப்பார்கள், இந்திய அரசுக்கு தலைவலி கொடுப்பார்கள்

அதை பார்த்த அமெரிக்கா, இலங்கைக்கு உதவ தயார் என சொல்லிவிட்டு டெல்லியினை பார்த்து சிரிக்கும்

இலங்கை விவகாரத்தில் இந்தியாவினை கட்டிபோட இங்கு சில சக்திகளை அமெரிக்கா ரகசியமாக ஆதரிக்கும் என்பது ஒன்றும் வியப்பல்ல, அரையணாவிற்கு தெருவோடு திரிபவன் எல்லாம் ஜெர்மன், பிரான்ஸ் என சென்று ஈழ முழக்கம் எழுப்புவதெல்லாம் இந்த ரகசியத்தில்தான்

ஆனால் இப்பொழுது ஆள்வது இரும்பு மனிதர் பழனிச்சாமி, எக்கு மனிதர் மோடி

யாராவது சீண்டினால் நொறுக்கிவிடுவார்கள், அதனால் கொழும்பில் இந்திய படை இறங்க ஒரு தடையும் இருக்காது

எனினும் இப்போது இலங்கை கிரிக்கெட் அணிக்கு மட்டுமலல், முன்னாள் கேப்டனுக்கும் போதாத காலம்.. [ October 30, 2018 ]

 

Image may contain: 2 people
Image may contain: 1 person, closeup

சிதறல்கள்

ஜமால் கொலையில் பல தகவல்கள் சுவாரஸ்யமாக இருக்கின்றது
முதலில் நம்பியார் ஸ்டைலில் “டேய் அந்த கசோகியினை தூக்கிட்டு வந்து என் முன்னால உயிரோடு போடுங்கடா” என்றுதான் மன்னர் சொல்லியிருகின்றாராம்
அப்படி அந்த 15 பேர் கொண்ட குழு சென்றிருக்கின்றது, முதலில் ஜமாலை பேசி மசியவைத்து சவுதிக்கு கொண்டு செல்லத்தான் திட்டமாம், முடியாத பட்சத்தில் மயக்க ஊசி போட்டு கொண்டு செல்ல டாக்டர் சகிதம் சென்றிருக்கின்றார்கள்
மிக நுட்பமான திட்டம்தான், ஜமால் சவுதி தூதரகம் உள்ளே வந்தது சிசிடிவில் இருப்பது போல் அவர் வெளி சென்றார் என்பதை காட்டுவதற்காக அவரை போல் ஒருவரை வெளியே எல்லாம் அனுப்பியிருக்கின்றார்கள்
விஷயம் எதில் சொதப்பியது என்றால், இவர்கள் சவுதிக்கு வா என்றதும் ஜமால் கத்தியிருக்கின்றார், அது பெரும் சலசலப்பினை ஏற்படுத்தியிருக்கின்றது
கத்திவிட்டார் இனி இவரை சவுதிக்கு அழைத்தது தெரிந்துவிடும் என்ற அச்சமும், மன்னர் உத்தரே மகேசன் உத்தரவு என்ற கடமை உணர்வும் சேர்ந்த குழப்பத்தில் இருந்திருக்கின்றது சவுதி உளவுதுறை
இவர் வரமாட்டேன் என்கின்றார், மன்னரோ தூக்க சொல்லியிருக்கின்றார், போடு ஊசியினை என குத்தியிருக்கின்றார்கள்
ஏற்கனவே வெளிதெரியாத நோயால் இருந்த ஜமால் பொட்டென போய்விட்டார் என்கின்றார்கள்
எப்படியோ அவரை கொல்ல திட்டமிடவில்லை, மாறாக அவரை கடத்த முயன்றபொழுது ஏற்பட்ட சிக்கலில் அவர் தவறுதலாக இறந்துவிட்டார் என்கின்றன சில செய்திகள்
இன்னும் பரபரப்பு ஓயவில்லை, ஓய்போவதுமில்லை
இம்மாதிரியான விஷயங்களில் மொசாத் புலி, அவர்கள் பயிற்சி அப்படி
சவுதி எனும் பூனை புலிபோல வேடம் போட்டு மாட்டிகொண்டது
நல்ல வேளையாக நம்ம ஊர் வைரமுத்து இப்படியாக பாடகிகளை கடத்தமுயன்று கொலை வழக்கில் எல்லாம் மாட்டவில்லை [ October 26, 2018 ]

============================================================================

ஹாங்காங் என்பது சீனாவின் கவுரவ அடையாளமாக சீனா கருதுகின்றது. சீனாவுடன் போர் புரிந்த வெள்ளையரிடம் அதை சமாதானத்திற்காக‌ குத்தகைக்கு வைத்தது
அந்த போர் அபினி போர் என வரலாறு சொல்லும், தன் குடிமக்களை போதை அடிமையாக்கி பிரிட்டிசார் ஹாங்காங்கை கைபற்றியதாக அது கருதிற்று
ஒப்பந்தம் முடிந்து 1997ல் ஹாங்காங் சீனாவிடம் ஒப்படைக்கபட்டபொழுது சுயமரியாதை காக்கபட்டதாக கர்வபட்டது சீனா
ஆனால் ஹாங்காங் என்பது வளர்ந்துவிட்ட பகுதியும் மாறுபட்ட சுதந்திர கலாச்சாரமும் கொண்டது என்பதால் இன்றுவரை சுயாட்சி பிரதேசமாகவே சீனா கையாள்கின்றது
அந்த ஹாங்காங்கிற்கு இதுவரை கடல்வழிமட்டும்தான் இருந்தது, இப்பொழுது உலகம் வியக்கும் வகையில் பாலம் கட்டி அசத்திவிட்டார்கள்
உலகின் மிக நீண்ட பாலம் இதுதான், பாம்பன் பாலத்தை விட பல மடங்கு நீளமாது
இதில் ஒரு சிக்கலும் வந்தது, பாலம் கட்டினால் கப்பல் எப்படி போகும்? சிக்கலை எளிதாக தீர்த்தார்கள்
பாதி பாலத்தை கடலுக்குள் சுரங்கமாக விட்டு, பாதாளம் வழியாக ஹாங்காங்கோடு இணைத்தாயிற்று, மேலே கப்பல் கீழே சுரங்கத்தில் கார்கள்
இப்படி ஹாங்காங்கை மட்டுமல்ல அருகிருக்கும் மக்காவ் தீவினையும் பாலம் கட்டி இணைத்துவிட்டார்கள், ஹாங்காங் வியாபாரத்திற்கு என்றால் மக்காவ் சூதாட்டத்திற்கு பேர் போன தீவு
ஆம், சீனர்களின் சூதாட்டம் உலகறிந்தது, இன்னொன்று மக்காவ் போர்த்துகீசியரின் கையில் இருந்ததால் கோவா போன்று பல காரியங்களுக்கு பிரசித்தி
இப்படியாக அருகிருக்கும் தீவுகளுக்கு எல்லாம் பாலம் கட்டும் சீனா, விரைவில் தைவானுக்கு கட்டுவோம் என காமெடி செய்தாலும் செய்யலாம்
தைவன் தனிநாடு என்றாலும் எங்கள் நாட்டின் ஒரு பகுதி என சீனா சொல்ல, தைவானோ மறுக்கின்றது
சொல்லமுடியாது விரைவில் தைவானுக்கு பாலம் கட்டினாலும் கட்டும் சீனா
நாம் தமிழர் ஆட்சியில் கச்சதீவுக்கும் இப்படி அங்கிள் சைமன் பாலம் கட்டுவார் என உற்சாகமாக கனவில் இருக்கின்றது அங்கிள் கோஷ்டி
[ October 26, 2018 ]

============================================================================

ஒரு விஷயம் உன்னிப்பாக கவனித்தால் புரிகின்றது
இதுகாலம் கலைஞரின் உற்ற நண்பர்களாக இருந்தவர்கள் மேல் புகார்கள் குவிகின்றன‌
வைரமுத்தினை தொடர்ந்து சுபவீ என்பவரும் சிக்குகின்றார். சுபவீ மீது பாலியல் சர்ச்சை இல்லை எனினும் பாலியல் சர்ச்சையில் சிக்கியவரை காப்பாற்ற கட்ட பஞ்சாயத்து செய்ததார் என்ற சர்ச்சை வருகின்றது
மேடையில் பகுத்தறிவு பெண் விடுலை என பேசும் சுப வீ, உண்மையில் பெண் உரிமையினை மதிக்காதவர் என பாதிக்கபட்ட பெண்கள் கிளம்புகின்றார்கள்
வைரமுத்துவின் மேலான புகாரை சின்மயி தொடங்கி வைக்க, ஒரு டஜன் புகார்கள் குவிந்தாயிற்று. அவர்கள் சொல்லும் குற்றசாட்டு “மேலிடத்தில் என் செல்வாக்கு என்ன தெரியுமா?” என மிரட்டினார் வைரமுத்து
இப்பொழுது சுபவீ மேலான குற்றசாட்டை Kavignar Thamaraiதொடங்கி வைக்க‌ பல பெண்கள் வந்து நிற்கின்றனர், அதே சாயல் குற்றசாட்டுக்கள், “கலைஞரிடம் சொல்லியாச்சி” என்றே சுபவீ மிரட்ட தொடங்குவார்.
ஆக கலைஞர் பெயரை சொல்லி பலர் கடும் அழிச்சாட்டியம் செய்திருகின்றன, கலைஞர் இல்லா நிலையில் பலமிழந்த அவர்களை நேரம் பார்த்து ஆளாளுக்கு போட்டு அடிக்கின்றார்கள்
பல பெண்கொடுமை குற்றசாட்டுகளை எதிர்கொள்வோ, கலைஞர் நண்பர்கள் எனும் சங்கிலியில் இணைகின்றார்கள்
இன்னும் யாரெல்லாம் சிக்குவார்களோ தெரியாது, ஆனால் பட்டியல் நீளலாம்
உண்மையிலே கலைஞர் இவர்கள் அழிச்சாட்டியத்தினை கண்டு கொள்ளாமல் இருந்தாரா என்பது அவர் வந்து சொல்லாமல் யாருக்கும் தெரியபோவதுமில்லை என்பது வேறு விஷயம்
ஆனால் அவர் இல்லாத காலத்தில்தான் அவர் பெயரை சொல்லி எப்படி எல்லாம் அட்டகாசம் செய்திருக்கின்றார்கள் என்பது வெளிவருகின்றது
விரைவில் கலைஞர் சமாதியிலும் தர்மயுத்தம் அல்லது அடித்து சத்தியம் செய்தல் போன்ற காட்சிகள் நடைபெறலாம் போலிருகின்றது
[ October 26, 2018 ]
Image may contain: text
============================================================================

தீர்ப்பு கொடுத்துட்டாங்க‌ தீர்ப்பு, அண்ணன் ராசா சொன்னது சரியாகத்தான் இருக்கின்றது

ஏன்யா, திடீர்னு 20 தொகுதிக்கு தேர்தல் என அறிவித்தால் நாங்கள் வேட்பாளருக்கு எங்கே போவோம்?

[ October 26, 2018 ]
Image may contain: 1 person, closeup
============================================================================

20 தொகுதிக்கு தேர்தல் வந்தால் யாரை எதிர்த்து என்ன பேசுறது? எத சொல்லி வோட்டு கேட்க?

இந்த‌ முன் ஜாமீன் எல்லாம் வேண்டாம்னு சொல்லிட்டு உள்ளே போயிர வேண்டியதுதான், வேற வழி இல்ல‌

தம்பிக கேட்டால் “தந்திரோபயமான பின்வாங்கல்” ன்னு சொல்லி சமாளிப்போம்

[ October 26, 2018 ]
Image may contain: 1 person, closeup
============================================================================

மக்கள் டிவியில் சில மருத்துவர்கள் மருத்துவ ஆலோசனை வழங்கி கொண்டே இருக்கின்றார்கள், எல்லா நோய்க்கும் அவர்களிடம் குணப்படுத்தும் ஆலோசனை இருக்கின்றது, இலவசமாக அள்ளி அள்ளி வழங்குகின்றார்கள்

ஆனால் இப்படிபட்ட மிகசிறந்த மருத்துவ சிகாமணிகள் இருந்தும் காடுவெட்டி குருவினை அவர்கள் தவறவிட்டதுதான் சோகம்

[ October 26, 2018 ]

============================================================================

 

 

சிதறல்கள்

ஐ.எஸ் இயக்கத்தை தாக்குகின்றோம் என சிரியா மசூதிகளை தாக்கி இருக்கின்றது அமெரிக்கா

இதுவே ரஷ்யா தாக்கி இருந்தால் அய்யகோ மசூதியினை தாக்குவதா இஸ்லாமியரே கொந்தளிப்பீர் என உலகில் சென்னை வரை கிளம்புவார்கள்

ஆனால் அமெரிக்கா தாக்கினால் சத்தம் இருக்காது, உலக மீடியா தர்மம் இப்படி

[ October 24, 2018 ]

============================================================================

இந்த உலகம் இன்றல்ல, அன்றே வியாபார ரீதியானது. ஒன்றை கொடுத்து ஒன்றை பெறுவது என்பது ஆதாமின் அடுத்த காலத்திலே இருந்திருக்கின்றது

உலகின் ஆதி தொழில் அப்படித்தான் உருவானது, பெண் ஆணுக்கு எது தேவையோ அதை கொடுத்து தனக்கு தேவையானதை வாங்கி இருக்கின்றாள்

இது பைபிளில் இருக்கின்றது, சங்க இலக்கியத்தில் இருக்கின்றது

ஏன் உலகில் எந்த இனங்களுக்கு வரலாறு, கலாச்சாரம் , இலகியம் என உண்டோ எல்லா இனங்களிலும் இது பதிவு செய்யபட்டிருக்கின்றது

இதை கொடுத்தால் இதை தருவேன் என்பது வியாபாரம், சினிமா எனும் வியாபார உலகிலும் அது நடந்திருக்கலாம்

கல்லா கட்டும் வரை கட்டிவிட்டு இப்பொழுது குதியோ குதி என குதிப்பது நியாயம் ஆகாது

பத்தினி தெய்வங்கள் அன்றே “ஏ துச்சாதனா..” என சீறி இருக்கலாம், ஆனால் அன்றோ கண்ணனிடம் கோபியர் போல இருந்துவிட்டு இப்பொழுது “கொக்கென்று நினைத்தாயோ கொங்கணவா..” என சீறினால் சிரிப்புத்தான் வரும்

[ October 24, 2018 ]

============================================================================

தமிழகத்தில் ஆத்தூர் கிராமத்தில் 13 வயது சிறுமியினை பாலியல் பலாத்காரம் செய்யும்பொழுது கொன்றிருக்கின்றான் கிராதகன் ஒருவன்

அதுவும் தாய் முன்னாலே அந்த பிஞ்சின் கழுத்தை வெட்டி எடுத்திருக்கின்றான்

மிகபெரும் கொடுமையும், சமூக அவலமும் இது

ஆனால் ஒரு ஊடகமும் பேசவில்லை, ஒருவரும் பொங்கவில்லை

அந்த பிஞ்சு குழந்தைக்காக அழுகின்றோம், அந்த கயவனை உடனே கொல்லாவிட்டால் தமிழகத்தில் சட்டம் ஒழுங்கு செத்துவிட்டது என்றே அர்த்தம்

ஊடகங்கள் என்பது ஏற்கனவே செத்துவிட்டது என்பது வேறு விஷயம்

[ October 24, 2018 ]

===========================================================================

ஈழத்தில் தமிழக பகுதியில் ராணுவம் வெளியேற வேண்டும் , தமிழர் பகுதியினை தமிழரிடம் ஒப்படைக்க வெண்டும் என்றெல்லாம் ஆளாளுக்கு இங்கு முழங்குவார்கள்

அதிலும் சிக்கல் உண்டு , புலிகள் சும்மா செல்லவில்லை ஏராளமான கண்னி வெடிகளை புதைத்துவிட்டே சென்றனர், மக்களிடம் அப்பகுதியினை கொடுத்தால் நிச்சயம் பலி எண்ணிக்கை கூடி கொண்டே இருக்கும்

இதனால் கண்னிவெடிகளை அகற்றும் பணி 2009லே தொடங்கியது, கண்னி வெடி என்பது சந்தையில் கிடக்கும் காய்கறிகளை பொறுக்குவது போல் எளிதானது அல்ல‌

அதை கருவி வைத்து தேட வேண்டும், அங்குலம் அங்குலமாகத்தான் நகர முடியும், ஒரு அடி அவசரபட்டு எடுத்து வைத்தாலும் முடிந்தது விஷயம்

இதனால் ஜப்பான் நாட்டு நிறுவணத்தின் உதவியோடு அகற்றினார்கள், இன்னும் அகற்றியபாடு இல்லை

கிட்டதட்ட 11 ஆயிரம் கன்னிவெடிகள் அகற்றபட்டு அங்கு மக்கள் குடியேற அனுமதிக்கபட்டிருகின்றனர், இன்னும் மீட்பு நடக்கின்றது

இதில் என்ன செய்திருக்க வேண்டும்?

புலிகள் புதைத்ததை அவர்கள் தம்பிகளும் அண்ணனும் எடுக்க வேண்டும் , தமிழருக்காக அந்த தியாகத்தை அவர்கள் செய்தாக வேண்டும் என இந்த சைமன், வை.கோ, நெடுமாறன், திருமுருகன் காந்தி, வேல்முருகன், கொளத்தூர் மணி , திருமா கோஷ்டியினை அனுப்பி இருக்க வேண்டும்

எதையுமே செய்யதெரியாத இவர்கள் கண்ணிவெடியினை மட்டும் சரியாகவா எடுப்பார்கள்?

தமிழகம் நிம்மதியாக இருக்கும் [ October 24, 2018 ]

Image may contain: one or more people, people standing, mountain, outdoor and nature

சிதறல்கள்

“களங்கம் வந்தா என்ன பாரு
அதுக்கும் நிலாவுன்னு பேரு
அட மந்தையில நின்னாலும் நீ
வீரபாண்டி தேரு….” [ October 11, 2018 ]

Image may contain: one or more people and outdoor
==========================================================================

இன்று உலக பார்வை தினம்

பார்வை என்றால் இப்படித்தான் இருக்க வேண்டும்..

[ October 12, 2018 ]
Image may contain: one or more people and closeup
=========================================================================

மனிதர்களுடன் உரையாடும் முதல் ரோபோ விசாகப்பட்டினத்தில் அறிமுகம்

இதென்ன பிரமாதம்? தமிழகத்தில் ரோபாக்கள் ஆட்சியே நடக்கின்றது, கட்டுபாடு மட்டும் டெல்லியில் இருக்கின்றது [ October 12, 2018 ]

============================================================================

அந்த நடிகை விஜயலட்சுமி மி டூன்னு வந்துட்டா இந்த எளிய தமிழ்பிள்ளையின் நிலை என்னாகும் என் உறவே

அப்படி விஜயலட்சுமி வந்தால் ராஜபக்சே சதி, திமுக சதி என சொல்லிவிட வேண்டியதுதான் ஹாஹஹ்ஹஹஹஹஹா…

[ October 12, 2018 ]
Image may contain: 1 person, closeup
==========================================================================

எம்.ஜி.ஆர்., ஜெயலலிதா லட்சியங்களை நிறைவேற்றுவோம்: அதிமுக தலைமை உறுதி

எது? கடைசிவரை டெல்லிக்கு அடிமையாக இருப்போம் எனும் லட்சியம்தானே, அதைத்தானே இப்பொழுது நிறைவேற்றி கொண்டும் இருக்கின்றார்கள்.

[ October 12, 2018 ]

============================================================================

இந்த சுப வீரபாண்டியன், தியாகு செய்த அனைத்து பாலியல் அட்டகாசங்களுக்கும் துணை போனவர், பாதுகாத்தவர் என்பதற்கு நானே சாட்சி என பகிரங்கமாக சொல்கின்றார் Kavignar Thamarai

இந்த தமிழ்தேசிய கும்பலினால் வாழ்க்கையினை தொலைத்தவர் என்றமுறையில் Kavignar Thamarai க்கு அவர்கள் மேல் குற்றம்சாட்ட முழு தகுதியும் உண்டு

சுபவீயின் சட்டை மட்டும் கருப்பு அல்ல மனமும் பயங்கர கருப்பு போல..

வைரமுத்துவினை காப்பாற்றுவதாக நினைத்துகொண்டு வார்த்தைகளுக்கு பதில் சொல்லமுடியாமல் தலை குனிந்து நிற்கின்றார் சுப வீரபாண்டியன் என்பவர்

சுபவீக்கு கொஞ்சமாவது மானம் இருந்தால் இத்தோடு பொதுவாழ்வு பகுத்தறிவு என எல்லாவற்றையும் விட்டு விட்டு ஓடட்டும்

[ October 12, 2018 ]

============================================================================

கோயம்பேடு பேருந்து நிலையத்திற்கு எம்.ஜி ராமசந்திரன் பெயர் சூட்டபட்டது : செய்தி

சென்ட்ரல் ரயில் நிலையத்திற்கு குஷ்பு பெயரை சூட்ட வேண்டும் என சங்கம் வலியுறுத்துகின்றது, காரணம் முதன் முதலில் தலைவியின் திருப்பாதம் தமிழகத்தில் அங்குதான் பதிந்தது

அரசுகள் அதை செய்யாத பட்சத்தில் மாபெரும் போராட்டத்தை சங்கம் நடத்தும் என எச்சரிக்கின்றோம். [ October 12, 2018 ]

============================================================================

அந்த திருச்செந்தூர் வைரவேல் கொள்ளை அதை தொடர்ந்த சுப்பிரமணியம் பிள்ளையின் தற்கொலை என தமிழகமே அரண்டு கிடந்தது, சிலை திருட்டு போல் கொடும் விஷயம் அது

எம்ஜிராமசந்திரனின் ஆசிபெற்றவர்கள் அதில் சம்பந்தபட்டிருந்ததால் விஷயம் நிர்மலா தேவி விவகாரம் போல் அடக்கி வாசிக்கபட்டது

கலைஞர் எழுந்தார், திருச்செந்தூர் வரை நடந்தார். தமிழகம் கொந்தளித்தது, விஷயம் சீரியசாவதை அறிந்த ராமசந்திரன் பால் கமிஷன் என்றொரு கமிஷனை அமைத்தார்

பால் கமிஷனின் அறிக்கை ராமசந்திரனிடம் ஒப்படைக்கபட்டது, அதன் விளைவுகளை அறிந்த ராமசந்திரன் அமெரிக்கா ஓடிவிட்டார்

கலைஞரோ அந்த அறிக்கையினை அட்டகாசமாக வெளியிட்டு சுப்பிரமணியபிள்ளை கொல்லபட்டிருப்பதை வெளிகொணர்ந்தார்

ராமசந்திரன் என்ன செய்தார், அந்த அறிக்கையின் முடிவினை பற்றி பேசாமல் கலைஞர் ஊழல் செய்து அறிக்கையினை கொண்டுவந்தார் என சொல்லி இரு அதிகாரிகளை பதவிநீக்கம் செய்தார்

அவரின் நியாயம் அப்படியானது, பின்பு காவல்துறை ஏதோ தகிடதொம் செய்து ராமசந்திரனை காப்பாற்றியது

எப்படி ஆயினும் திருசெந்தூர் கொடுமையில் பல உண்மைகளை வெளிகொண்டுவந்த ஹீரோ கலைஞர் என்பதை மறுக்க முடியாது

ஏன் சொல்கின்றோம் என்றால் நிர்மலா தேவி விவகாரத்தில் சந்தாணம் கமிஷன் முதல் ஏகபட்ட கமிஷன்களின் முடிவு ஒப்படைக்கபட்டாயிற்று

ஆனால் முடிவு தெரியவில்லை

கலைஞர் இருந்தால் இந்நிலை வந்திருக்காது, தமிழகத்தில் அவரை போன்ற விடாபிடியான, தைரியமான‌ போராட்ட குணம் இல்லா அரசியல்வாதிகள் இல்லாதது வெறுமை அளிக்கின்றது

அவர் இல்லாத அரசியலில் எல்லாமே மர்மமாக சென்றுகொண்டும் இருக்கின்றது

அந்த மனிதரை இப்பொழுதெல்லாம் அடிக்கடி தேட வேண்டி இருக்கின்றது

[ October 12, 2018 ]

Image may contain: one or more people, sunglasses and closeup
============================================================================

அது என்ன புஷ்கரமோ நமக்கு தெரியாது, விரும்பியர்கள் கொண்டாடுகின்றார்கள்

நமக்கு தெரிந்த புஷ்கர் எல்லாம் சுனந்தா புஷ்கர் என்பவர்தான், அவர் சாவும் மர்மமாக போனது

அவர் படத்திற்கு பூ போட்டு புஷ்கரம் செலுத்த சங்கம் முடிவு செய்திருகின்றது

[ October 12, 2018 ]
Image may contain: 1 person, smiling, closeup
=========================================================================

பிடர்கொண்ட சிம்மமே நீ இல்லை
இடர்கொண்ட எனக்கு ஆறுதலும் இல்லை

நீ இல்லாத தைரியத்தில் இந்த சின்மயி எல்லாம் என் மேல் ஏறிவிளையாடுகின்றது சிம்மமே….

[ October 12, 2018 ]
Image may contain: one or more people, people standing, crowd, flower and outdoor
=========================================================================

கிறிஸ்தவர்களின் புண்ணிய பூமி என இஸ்ரேலை சொல்வார்கள் அதற்கு அடுத்து கத்தோலிக்கர்கள் வாடிகனை சொல்வார்கள்

ஆனால் கிறிஸ்தவர்களின் மகா முக்கிய புண்ணிய பூமியில் துருக்கிக்கும் இடம் உண்டு

ஆம், திருச்சபை தொடங்கிய காலங்களில் முக்கிய சபைகள் அங்குதான் அமைக்கபட்டன, இந்த 7 சபைகள் எனப்படும் ஆதிகால சபைகள் அங்குதான் அமைக்கபட்டன‌

இதனால் உலகெங்கிலும் இருந்து கிறிஸ்தவர்கள் அங்கு குவிவார்கள், இன்று துருக்கி இஸ்லாமிய நாடாயினும் அந்த புண்ணிய ஸ்தலங்களுக்கான முக்கியத்துவத்தை அது தடுக்கவில்லை

நேட்டோ மற்றும் ஐரோப்பிய யூனியனில் ஒரே இஸ்லாமிய நாடு என்பதால் சில விஷயங்களில் அனுசரிக்கும் கடப்பாடும் அதற்கு உண்டு

இந்நிலையில் அந்த நாட்டிற்கு ஏகபட்ட கிறிஸ்தவர்கள் செல்வதுண்டு அப்படி சென்றவர்தான் அமெரிக்க போதகர்
ஆன்ட்ரூ புரூன்சென்

சென்றவர் போதனை எனும் பெயரில் துருக்கிக்கு எதிராக மக்களை திரட்டுகின்றார் , அவர் அமெரிக்க உளவாளி என பிடித்து உள்ளே போட்டது துருக்கி

விஷயம் பெரும் பிரச்சினையாகி டிரம்பிற்கும் துருக்கி எர்டோனுக்கும் கவுரவ பிரச்சினையாகிவிட்டது

இப்பொழுது அந்த புரூன்சனை விடுவதா வேண்டாமா? என மகா முக்கிய முடிவினை எடுக்கும் விசாரணை துருக்கி நீத்மன்றத்தில் நடக்கின்றது

மிக உன்னிப்பாக கவனித்துகொண்டிருகின்றார் டிரம்ப். அதனால் உலகமும் கவனிக்கின்றது [ October 12, 2018 ]

============================================================================

ஒரு வழியாக மகனுக்கு பாஸ்போர்ட் கிடைத்தாயிற்று, நீண்ட போராட்டம் வெற்றியாகிவிட்டது

இதற்கு இந்த அப்பாவி பாஜகவினர் நம்புவது போல சுஷ்மா எல்லாம் காரணமில்லை, அவரின் எஜமான் மோடியும் காரணமில்ல்லை

அவர்கள் எல்லா விளம்பர பார்ட்டிகளே தவிர ஒன்றும் உதவமாட்டார்கள், சுஷ்மாவிற்கு டிவிட் செய்ய சொன்னவர்களை செருப்புடன் தேடி கொண்டிருக்கின்றேன்

நாம் எதையும் சட்டபூர்வமாக அணுகுபவர்கள் என்பதால் தூதரகம் கேட்ட ஆவணங்களை தயார் செய்ய முயன்றோம், அதில் ஏகபட்ட முகநூல் நண்பர்கள் உதவினார்கள்

Somas Kandhan என்பவர் என்ன செய்யவேண்டும் என சொன்னார், தோழர் S Prema என்பவர் வெளியுறவு விவகார அலுவலகத்தில் விசாரித்து தகவல் சொன்னார்

பொறுப்பினை தன் தோளில் சுமந்தவர் Kennediஎன்பவர், உண்மையில் சகோதரன் இல்லா எமக்கு மூத்த சகோதரராக உதவினார்

அவரால்தான் எல்லாம் சாத்தியமாயிற்று

அவருக்கு உதவியாக பல உதவிகளை செய்தவர் பாஜக பிரமுகரும் வழக்கறிஞருமான Suresh Marthandamஎன்பவர். அவர் வள்ளியூர் பகுதியின் பெரும் வழக்கறிஞர். அப்பகுதியின் சட்டம் ஒழுங்கு அவரால்தான் காக்கபடுகின்றது

நீதிமன்றத்தில் “அப்ஜெக்சன் யுவர் ஆணர்” என அவர் முழங்கினால் நீதிபதியே எழும்பி நிற்பாராம், அப்படிபட்ட பிசியான வழக்கறிஞர் நமக்காக உதவினார்

இது போக நெல்லையில் எந்த உதவியும் செய்ய Kuttala Rajan Sundar G Santhoshஇருவரும் தயாராக இருந்தார்கள்

பாஜக தலைவர்கள்தான் சரியில்லையே தவிர தொண்டர்கள் உத்தமானவர்கள், எத்தனையோ பேர் அனுதினமும் தொடர்பு கொண்டு தங்களால் முடிந்த உதவியினை செய்வதாக சொல்லிகொண்டே இருந்தார்கள்

Pugal Machendran Pugalஎன்பவர் மட்டும் நான் இருக்கின்றேன் என சொல்லிவிட்டு காவிரிக்குள் மூழ்கிவிட்டார், இன்னும் காணவில்லை

உலகில் ஏதோ ஒரு மூலையில் இருக்கும் எமக்கு இத்தனை பெரிய உதவி எப்படி கிடைத்தது என்றால் இந்த முகநூலால் மட்டுமே

அப்படிபட்ட நல்ல நண்பர்கள் கிடைத்திருக்கின்றார்கள், அதுவும் ஆபத்தில் உதவும் நண்பர்கள் கிடைத்திருப்பது நிச்சயம் வரம்

ஆறுதலாகவும், உதவியாகவும் இருந்த அனைவருக்கும் நன்றிகள், நண்பரும் அண்ணனும் ஆகிவிட்ட Kennedi என்பவருக்கு சிரம் தாழ்ந்த நன்றிகள்

உறுதியாக சொல்லலாம், உங்களின் அன்பால்தான் இன்னும் இந்த முகநூலை விட்டு செல்லாமல் இருக்கின்றேன். அந்த அளவு நன்றிகயிறால் கட்டி போட்டிருக்கின்றீர்கள்

இப்படிபட்ட நண்பர்களுக்காக நாம் செய்ய கூடிய கைமாறு எதுவுமில்லை, அவர்களுக்கு இறைவன் எல்லா நலமும் வளமும் அருளட்டும் என்பதை தவிர வேறு பிரார்த்தனை இப்பொழுது இல்லை [ October 12, 2018 ]

இந்திய அமைதிபடை

இதே அக்டோபர் 10ம் தேதிதான் 29 வருடங்களுக்கு முன்பு இந்திய அமைதிபடை புலிகள் மோதல் தொடங்கியது.

ஈழவரலாற்றில் முக்கியமான காலம் அது, புலிகள் ஈழதமிழரின் எதிர்காலத்தை,நிம்மதியினை ஒழிக்க தொடங்கிய நிகழ்வு அது

ஏதோ அமைதிபடை என்பது புதிதாக சென்றது அல்ல, முன்பே சென்றது, இது தெரியாமல் பலர் புலம்புவர்

அமைதிபடைக்கு முன்பே ஜேவிபி கிளர்ச்சியும் அதனை அடக்க இந்திய ராணுவம் கொழும்பிற்கு சென்றதும் இவர்களுக்கு தெரியுமோ தெரியாதோ? தெரியாவிட்டால் விட்டுவிடலாம். அதாவது அன்றிலிருதே இன்னொரு மூன்றால் நாடு இலங்கையில் தலையிடுவதை இந்தியா அனுமதிப்பதில்லை.

வடமராட்சியில் புலிகள் வளைக்கபட்ட பின் , அன்றே கொள்ளிவைக்க ஜெயவர்த்தனே கிளம்பிய நிலையில்தான் ஐநா அனுமதியுமின்றி ராஜிவ்காந்தி உணவு வீசி, புலிகளால் தமிழரை காக்கமுடியாது என்ற நிலை வந்தபின்பே அமைதிபடை அனுப்பபட்டது

ஈழ தமிழ்மாநில அரசின் பாதுகாவலாக அது நிற்கும் என்றே அனுப்பபட்டது

ஈழ போராட்டத்தின் ஆரம்பத்திலிருந்தே பிரபாகரன் இந்தியாவினை ஒதுக்கிதான் வைத்தார், போராளிகளுக்கு பயிற்சிகள் தொடங்கிய காலத்திலும் வேண்டா வெறுப்பாக இறுதியில் வந்து சம்பிரதாயத்திற்குதான் கலந்து கொண்டனர் புலிகள்.

மற்ற இயக்கத்திற்கு இந்தியா வழங்கும் பயிற்சி பற்றி உளவு பார்க்கவும் தாங்கள் பின் தங்கிவிட கூடாது என்ற உள்நோக்கமும் கொண்ட புலிகளின் தந்திர நிலை அது

அவ்வப்போது இந்தியாவுடன் மோதும் சூழ்நிலை வரலாம் என்று எதிர்பார்த்தேதான் இருந்தார்.

அமைதிபடை சென்று இறங்கியதும் எல்லா குழுக்களும் ஆயுதம் ஒப்படைக்க, புலிகளும் சிலவற்றினை ஒப்படைத்து சுதுமலை மேடையில் “இந்தியாவினை நம்பி ஆயுதங்களை ஒப்படைக்கின்றோம்” என பிரபாகரன் சொன்னவுடன் கூட்டம் மகிழ்ச்சியில் ஆர்பரித்தது,

ஆனால் பிரபாகரனின் முகம் சிலநொடி சட்டென இருண்டது,

அமைதிபடை காலம் அமைதியாகத்தான் தொடங்கியது, 17 புலிகளை சிங்களன் கைது செய்யும்போது அவர்களிடம் சயனைடு இல்லை, ஆனால் புலிகள் சென்று பார்த்துவிட்டு வந்தபின் சயனைடு வந்தது, கொஞ்சநேரத்தில் அவர்கள் சாக பிரச்சினை வெடித்தது, பழி இந்தியா மேல்.

அதன்பின் புலிகளின் வரிவசூல் ஒப்பந்தத்தால் பாதிப்படைய, தீலிபனின் உண்ணாவிரதம் தொடங்கியது, அவனை காப்பாற்ற புலிகள் ஒரு முயற்சியும் எடுக்கவில்லை, அவன் செத்ததும் அவன் உடலோடு மக்கள் முன் சென்று ஒரு உணர்ச்சி எழுச்சி உண்டாக்கினர்.

அதன்பின் அது போராக வெடித்தது, இந்தியபடை சுற்றுலா செல்வது போல் சென்றிருந்தது, அந்த இடங்களின் வரைபடம் கூட அவர்களிடம் இல்லை, புலிகள் தங்களுடன் மோதுவார்கள் என கனவிலும் நினைக்கவில்லை,

புரியாத புது இடத்தில் அது திணறியது. புலிகளின் தாக்குதல் அகோரமாக இருந்தது, இந்திய படைக்கு புலி எது? மக்கள் எது என தெரியவில்லை. தடுமாறியது.

உதாரணம் பனை உச்சியிலிருந்து ராணுவத்தை சுடுவார்கள், ஒரு வீட்டின் உள்ளிருந்து சுட்டுவிட்டு ஓடுவார்கள், ராணுவம் உள் செல்லும், விளக்கிற்காக சுவிட்சை போட்டால் குண்டு வெடிக்கும் இப்படி ஒரு வித்தியாசமான களம் அது.

மக்கள் யார், புலிகள் யார் என இந்தியபடைக்கு தெரியாது, மருத்துவமனையில் மக்களோடு நோயாளியாக படுத்திருக்கும் புலி, தெருவில் செல்லும் ராணுவம் மீது சுட்டுவிட்டு படுத்துகொள்ளும், ராணுவம் என்ன செய்யும்? ஒரே ஒரு முறை திருப்பி தாக்கியதில் மருத்துவமனை அழிந்தது, அதனை பெரும் செய்தியாக்கினர் புலிகள்.

மாலை மக்களை ஒன்றாக அமரவைத்து சில பாதுகாப்பு விஷயங்களை சொல்வார்கள் இந்திய ராணுவத்தார், நடு கூட்டத்திலிருந்து ஒரு புலி சுடும், திரும்ப மொத்த மக்களை கொல்லவா முடியும்? ராணுவம் திணறும்.

திண்ணையில் வெற்றிலை இடிக்கும் பாட்டி ராணுவம் வீட்டை கடந்ததும், முந்தானையில் இருக்கும் ரிமோட்டை அமுக்குவார், வாகனம் சிதறும். பள்ளி மாணவிகள் உள்ளாடைகளில் தோட்டா முதலான ஆயுதம் கடத்தபடும், எப்படி சோதிக்க?

சில மாணவிகள் செக்போஸ்டை கடக்கும்போது அசால்டாக புத்தக பையினை எறிவார்கள் அது வெடிக்கும், சோதனை மற்ற மாணவிகள் மீது நடக்கும், அதற்கும் இந்திய ராணுவம் கற்பழிக்கின்றது என செய்தி பரவும்.

ஒரு கட்டத்தில் தவறான தகவலை பரப்பவிட்டு 300 ராணுவத்தினரை மொத்தமாக கொன்று, அவர்கள் உடலை அம்மணமாக ஒப்படைத்தனர் புலிகள், சர்வதேச சட்டபடி அது ஒரு தேச அவமானம், இந்திய ராணுவ உச்சம் அவமானத்தால் தலைகுனிந்த நேரம் அது. அப்படி செய்திருக்க கூடாது.

எந்த நாடும் தன் நாட்டில் அந்நிய ராணுவம் இருக்க அனுமதிக்க்காது, உண்மையில் மோதி இருக்கவேண்டியது சிங்கள படை, ஆனால் தமிழ் மக்களும், இந்திய ராணுவமும் பாதுகாப்பில்லாமல் இருக்க மிக மகிழ்ச்சியாக இருந்தது சிங்கள இனம் மட்டுமே, புலிகளுக்கு ஆயுதம் கொடுத்து மகிழ்ந்தார் பிரேமதாச.

இதுதான் உலகின் 4ம் பெரும் ராணுவமான இந்திய ராணுவத்தை புலிகள் விரட்டிய வரலாறு, நேருக்கு நேர் எல்லாம் மோதவில்லை, இன்னொன்று இந்திய ராணுவம் அழிவுகளை குறித்து கவனமாக போராடிற்று, அப்படியும் பிரபாகரனை முடக்கிய சமயத்தில்தான் விபி சிங் படை மீட்டார்.

இதே தந்திரத்தை, அதாவது மக்களோடு மறைந்து தாக்கும் வித்தையினை 2009ல் சிங்களனிடம் காட்டிய புலிகள் மொத்தமாக வாங்கி கட்டி அழிந்தனர், யாரைபற்றியும் கவலைபடாத சிங்களம் மொத்தமாக அழித்தது.

பிரபாகரனின் உடல் கோவணத்துடன் கிடந்தது, அன்று 300 இந்திய ராணுவ வீரர் உடல்களை அம்மணமாக்கி கொடுத்த வினை, பின் அவருக்கே திரும்பியது. யுத்த களத்தில் ஒரு உச்சகட்ட அவமானம் அது. அதனால்தான் சிங்களன் அந்த படத்தினை திரும்ப திரும்ப காட்டினான்.

அந்த அமைதிபடையினை மட்டும் விரட்டியிருக்காவிட்டால், இன்று வடக்கு கிழக்கு இணைந்த ஈழ மாகாண முதல்வராக ஒரு தமிழன் இருப்பார், பின்புலத்தில் இந்தியா இருக்கும், இந்திய தளமும் அந்நாட்டில் தொடர்ந்து இருந்திருக்கும், ஈழ மக்கள் இவ்வளவு துன்பம் அடைந்திருக்கமாட்டார்கள், 25 வருட அழிவும், முள்ளிவாய்க்கால் கொடுமையும் நடந்திருக்காது.

இந்திய ராணுவம் அன்று பின் வாங்க ஒரே காரணம் புலிகளின் பிரச்சார ஊடகங்களும், சிங்கள அரசு புலிகளுக்கு கொடுத்த மகா ஒத்துழைப்புமே, இன்று வரை அது அப்படியே நிலைத்துவிட்டது, அமைதிபடை அழித்தது, கற்பழித்தது. புலிகளின் ஊடகபலம் அப்படி.

இதோ ராஜிவ் கொலை குற்றவாளி 5 புலிகள், 2 தமிழகத்தார் என்பதை 7 தமிழர்கள் என லாவகமாக மறைத்தார்கள் அல்லவா? அப்படியே தான்.

அமைதிபடை காலத்தில் 1500 இந்திய வீரர்கள் செத்தனர், பெரும்பாலும் சீக்கிய சகோதரர்கள், அவர்களுக்கு இலங்கையில் இன்றும் நினைவு மண்டபம் உண்டு, அவர்கள் பெயர் எல்லாம் பொறிக்கபட்டுள்ளன.

மக்களை முன்னிறுத்தி செய்யபடும் இடத்தில் எமது பெருமை மிக ராணுவம் தன் உயிரை இழக்குமே ஒழிய, அப்பாவிகளை கொல்லாது என்பதற்கு பெரும் அடையாளமாக அது உள்ளது, இலங்கை செல்லும் எல்லா இந்திய ராஜதந்திரிகளும் அதனை வணங்க தவறுவதே இல்லை.

நிச்சயம் கண்ணீரால் வணங்கவேண்டிய இடம் அது, இந்த புலிகளால் ஒரு நாளில் லட்சகணக்கான அப்பாவி மக்கள் சாவார்கள் என முன்னறிவித்த இடம் அது, அந்த , முள்ளிவாய்க்கால் காலத்தையும் அமைதிபடை காலத்தையும் ஒப்பிட்டு அமைதிபடை காலத்தில் இருந்த ஈழத்தவரிடம் கேட்டால் சொல்வார்கள்

“சிங்கள ராணுவம் என்பது எவ்வளவு இரக்கமில்லாத அமைப்பு என்பது எங்களுக்கு பின்னாளில்தான் விளங்கிற்று,

அப்படி பார்க்கும்பொழுது இந்திய ராணுவம் ஓரளவு பொறுமையுடந்தான் போராடிற்று, முடிந்த அளவு பொறுமை காத்தது, அழிவுகளையும் அவமானங்களையும் பொறுத்துகொண்டது.

மக்கள் அழிவுகளை பற்றி கவலை இன்றி அடித்து நொறுக்கி இருக்குமானால் புலிகளை வீழ்த்த அதற்கு 1 நாள் கூட ஆகியிருக்காத.

ஆயிரம் அர்த்தம் நிறைந்த வார்த்தை அது,

உதவ வந்த அந்த படையினை விரட்டிவிட்டு, மொத்த வன்னிமக்களையும் முள்ளிவாய்க்காலில் சிங்களனிடம் ஒப்படைத்துவிட்டு, இனபடுகொலை, வெள்ளைகொடி படுகொலை, மனித உரிமை மீறல் என்றெல்லாம் சொல்வதை 1500 வீரர்களையும் ஒரு தலைவனையும் இழந்து, பெரும் பழி சுமத்தபட்ட‌ இந்த பெரும் தேசம் எப்படி எடுத்துகொள்ளும்?

ஈழத்தில் என்ன பிரச்சினை என்பதற்கு முன்பு ராஜிவ்காந்தி அருமையான பதில் சொன்னார்,

“ஒரு நபர் தன் ஆயுதத்தை கீழே வைத்தால் மறுநொடி கொல்லபடுவோம் என அஞ்சுகின்றார், ஆயுதம் இல்லாமல் அவரால் வாழமுடியாது. தன் ஆளுகைகுட்பட்ட நாட்டில், காலம் வரை ஆயுத துணையோடு வாழும் முடிவில் அவர் இருக்கின்றார், அதுதான் பெரும் பிரச்சினை” ,

பின்னாளைய வரலாறு அதனை உண்மை என காட்டிற்று.

அமைதிபடை செல்லும்பொழுதே அமைதிபடை அங்கு அமைதியினை கொண்டுவராது வேறு வகையில் தீர்வு காணுங்கள் என சொன்னவர் கலைஞர், புலிகளுக்கு அவர் ஆதரவு அப்படி

புலிகளுக்காகவே அவர் அப்படி சொன்னார்.

ஈழ நாடு அடைந்தால் இங்கு திமுக சும்மா இருக்குமா? என சந்தேகபட்டது டெல்லி

ஈழநாடு அமைந்தால் திமுக 10 வருடம் தமிழக அரசியலிலே இருக்காது , காங்கிரசே ஆட்சியில் அமரட்டும் என உருக்கமாக சொன்னார் கலைஞர்

அந்த எளிய மனிதனின் சொல்லை யார் கேட்டார்கள்?

அவர் கண்டிப்பை மீறி அமைதிபடை சென்றபொழுது ராஜிவ்காந்தியுடன் கை கொடுத்து நின்றது ராமசந்திரன் அருகில் ஜெயலலிதா

பின்னால் இருந்து சிரித்தது மா.நடராசன்

அமைதிபடையின் சர்ச்சை காலத்தில் அமைதிபடை திரும்ப வரவேண்டும் என குரல் வர, அதே ராஜிவுடன் நடராஜன் ஜெயலலிதா எல்லோரும் சிரித்து கூட்டணி பேசினார்களே தவிர அமைதிபடை திரும்ப வருவது பற்றி பேசவே இல்லை, காரணம் ராஜிவ் மகிழ்ச்சி முக்கியம்

விபிசிங் ஆட்சியில் கலைஞரே அமைதிபடையினை மீண்டு வர செய்தார், அன்று பிரபாகரனை 3 நாளில் கொல்லும் அளவு அது மணலாற்றில் வளைத்திருந்தது

அமைதிபடை திரும்பியபொழுது வரவேற்கமாட்டேன் என முதலமைச்சராக இருந்த கலைஞர் சொன்னார், அது நிச்சயம் தவறு

புலிகளுக்காக இம்மாநில முதலமைச்சர் இந்திய ராணுவத்தை அப்படி அவமதிக்க கூடாது, ஆனால் கலைஞர் அந்த சவாலை எடுத்தார்

ஆனால் என்னாயிற்று?

கால் நக முடிக்கு கூட கலைஞரை மதிக்கா பிரபாகரன் சென்னையில் பத்மநாபாவினை கொல்ல கலைஞர் அரசு கவிழ்ந்தது

அடுத்த 6 மாதத்தில் புலிகள் ராஜிவினை கொல்ல திமுக தடை செய்யும் அளவிற்கு சிக்கலானது நிலை

தான் செய்த தவறுகளுக்காக கண்ணீர் விட்ட கலைஞர் அத்தோடு புலிகளை கைகழுவினார்

1990 இதே தேதியில் 1500 வீரர்ர்களை இழந்து அதன் பின் ஒரு தலைவனையும் இழந்த இந்தியா 2009ல் அமைதி காத்து பழிவாங்கிற்று

அந்த அமைதிபடை திருப்பி அனுப்பட்டபொழுது அதுசாகசம் என ஆர்ர்பரித்த புலிகள், 2009ல் அது மாபெரும் தவறு என உணர்ந்தபொழுது எல்லாம் முடிந்திருந்தது

கொழும்பில் இன்றும் அமைதிபடையாக சென்று உயிர்நீத்த 1500 வீரர்களுக்கு நினைவிடம் உண்டு, அங்கு செல்லும் இந்திய அதிகாரிகள் எல்லாம் அஞ்சலி செலுத்துவார்கள்

ஆனால் அவர்கள் பிணம் வந்த சென்னைக்கும், அவர்கள் கரையேறிய சென்னை கடற்கரையிலும் ஒரு நினைவு சின்னமும் இல்லை

எம்மை பொறுத்தவரை இந்த ஜெயா, ராமசந்திரன் சமாதிகளை விட மகா முக்கியமான விஷயம்
அந்த வீரர்களுக்கு அதே மெரினாவில் ஒரு நினைவிடம் அமைக்க வேண்டும்

முடிந்தால் அந்த கல்லறைகளை அகற்றிவிட்டே அமைக்கலாம் , ஒன்றும் சிக்கல் இல்லை

நாட்டிற்காக உயிர்விட்ட வீரர்களுக்கு நாட்டு சொத்தை அபகரித்த குற்றவாளியின் கல்லறையினை இடித்துவிட்டு நினைவாலயம் அமைப்பது மிக சரியான செயலே தவிர, தவறு ஆகவே ஆகாது.

அதுவே வருங்கால சந்ததிகளுக்கு இந்தியா ஈழத்தில் எடுத்த முயற்சிகளுக்கும், அதில் உயிர்விட்ட இந்தியருக்கும் மாபெரும் சான்றாக அமையும்

தமிழகத்தில் கொலைகாரன் படத்தை பிடித்து திரியும் பதர்களின் முகத்தை கிழித்து வருங்காலத்தில் அவர்களின் வஞ்சக பொய்கள் அழிந்து போகவும் வழி செய்யும்

நிச்சயம் அந்த நினைவாலயம் அமைக்கபட்டு வருடா வருடம் இதே நாளில் வணங்கபட வேண்டும்

வந்தே மாதரம், ஜெய்ஹிந்த்