ராகுல் காந்தி மேல் லேசர் ஒளி

ராகுல் காந்தி மேல் லேசர் ஒளி அடித்த சர்ச்சை ஒரு வழியாக தீர்ந்துவிட்டது

அதை தீர்த்து வைத்திருப்பவர் காங்கிரஸ் பிரமுகர் அபிஷேக் சிங்வி அவர் இப்படி சொல்லிவிட்டார்

”உள்துறை அமைச்சகத்துக்கு காங்கிரஸ் கட்சி எந்த கடிதமும் எழுதவில்லை. இந்த விஷயத்தில் உள்துறை அமைச்சகம் தெளிவான விளக்கத்தை அளித்துள்ளது”

ஆக பாதுகாப்பு குறைபாடு மற்றும் லேசர் ஒளி தொடர்பாக வந்த செய்திகள் குறித்து தாங்கள் உள்துறை அமைச்சகத்துக்கு எந்த கடிதமும் எழுதவில்லை என்று காங்கிரஸ் கட்சி தெளிவுபடுத்தியுள்ளது.

இது பற்றி உள்துறை அலுவலக அறிவிப்பு இப்படி வந்துள்ளது

“சிறப்பு பாதுகாப்பு குழுவின் தலைவருக்கு இது தொடர்பாக விசாரணை செய்ய உள்துறை அமைச்சகம் உத்தரவிட்டுள்ளது.

அதன்படி விசாரணை மேற்கொண்ட சிறப்பு பாதுகாப்பு குழுவின் தலைவர், ராகுலின் தலையில்பட்ட பச்சை நிற ஒளி , ராகுலின் உரையை படம்பிடித்த ஒரு புகைப்பட நிபுணரின் கேமராவில் இருந்து வெளிப்பட்டதாக கண்டறிந்துள்ளார்.

இதன் பின்னர் இந்த தகவல் ராகுலின் தனி பாதுகாவலர்கள் குழுவுக்கு அனுப்பப்பட்டுள்ளது”

இதிலிருந்து உங்களுக்கு என்னபுரிகின்றது?

காங்கிரஸ் இதுபற்றி புகாரே அளிக்கவில்லை ஆனால் உள்துறை அலுவலகம் அலறி அடித்து விசாரித்து உண்மையினை சொல்லிவிட்டது

ஆக ராகுலை காக்கும் பொறுப்பில் காங்கிரஸை விட பாஜகவுக்கு அதிக அக்கறை என்பது புரிகின்றதல்லவா?

இளையவன் என்று இகழ்ந்தால்

“போற்றுமின் மறவீர், சாற்றுதும் நும்மை,
ஊர்க்குறு மாக்கள் ஆடக் கலங்கும்
தாள் படு சின்னீர்க் களிறு அட்டு வீழ்க்கும்
ஈர்ப்பு உடைக் கராஅத்து அன்ன என்னை
நுண்பல் கருமம் நினையாது 
இளையன் என்று இகழின், 
பெறல் அரிது ஆடே.”

எதிரிப்டை வீரர்களே கேளுங்கள், சிறுவர்கள் விளையாடக் கலங்கும்படியான கால் அளவுள்ள நீருக்குள் யானையைக் கொன்று வீழ்த்தி இழுத்துச் செல்லும் முதலையைப் போன்ற வர் எம் தலைவன்,

அவன் செய்யும் பல செயல்களைக் கருத்தில் கொள்ளாமல், அவனை இளையவன் என்று இகழ்ந்தால், நீங்கள் வெற்றி பெறுவது அரிது.

வன்மையாக கண்டிக்கதக்கது

சென்னை ஸ்டெல்லா மேரீஸ் கல்லூரிக்கு ராகுல் வந்த விஷயத்திற்காக அக்கல்லூரிக்கு நோட்டீஸ் அனுப்பியிருக்கின்றது அரசு

இது வன்மையாக கண்டிக்கதக்கது, ராகுல் ஒன்றும் அந்நிய நாட்டு தீவிரவாதி அல்ல, இந்நாட்டின் இளந்தலைவர்

அதுவும் லயோலா கல்லூரி சம்பவத்தின் பொழுது மவுனம் காத்த அரசு, திருச்சி ஜோசப் கல்லூரி போன்றவை இந்த சீமான் போன்றவர்களை எல்லாம் பேச வைக்கும் பொழுது அமைதி காக்கும் அரசு ராகுல் என்றால் கிளம்புவது சரியே அல்ல‌

முதலில் கல்லூரிகளில் பேசி விஷ வித்துக்களை விதைக்கும் பிரிவினைவாதிகளை அரசு களையட்டும் அதன் பின் ராகுல் பக்கம் வரலாம்

சங்கு சுட்டாலும் வெண்மை தரும்

அந்த 7 பேர் மேலும் கொஞ்சமும் வருத்தமில்லை என “சங்கு சுட்டாலும் வெண்மை தரும்..” என்பது போல பெருந்தன்மையாக சொல்லியிருகின்றார் ராகுல் காந்தி

இந்த 7 பேர் விடுதலை நாடக கம்பெனியும், அந்த மகா முக்கிய ஆர்ட்டிஸ்ட்டான அந்த அற்புதம்மாளும் கண்டு கொண்டதாக தெரியவில்லை

நல்லவர்கள் அந்த ராகுலை சந்தித்து நன்றி சொல்ல வேண்டாமா?

இந்த ராமதாஸ் கோஷ்டி எதிர்தரப்பு (இப்போது மட்டும்) என்பதால் கண்டுகொள்ளவே இல்லை

மற்ற வழக்கமான இந்த 7 பேர் விடுதலை என பொங்கும் கோஷ்டிகளும் சத்தமே இல்லை, எல்லாம் கள்ள மவுனம்

நிச்சயம் இவர்கள் நல்லவர்கள் என்றால் ராகுலை சந்தித்து வாழ்த்தியிருக்க வேண்டும்

செய்தார்களா? இல்லை , ஏன் என்றால் அவர்களை இயக்கும் மறைமுக சக்தி அதை செய்யவிடாது

இவர்கள் செய்வதையும் செய்துவிட்டு இப்பொழுது பெருந்தன்மையாக ராகுல் சொல்வதையும் கண்டுகொள்ளாமல் கள்ள மவுனம் காக்கின்றார்கள் அல்லவா?

இந்த திக பெரியார் கோஷ்டி நாடகத்தையும் அந்த ஆர்டிஸ்ட் அற்புதம்மாளையும் வன்மையாக கண்டிக்கின்றோம்

அற்புதம்மாளே நீர் “அற்ப”அம்மாளாக இருத்தல் கூடாது..

ராகுலின் எளிமை அந்த குலத்தின் அளவு

நேரு மிகபெரும் செல்வந்தர் ஆயினும் கேம்பிரிட்ஜ்ல் படித்தவராயினும் கதர் தவிர வேறு ஆடை அணிந்ததில்லை

தன் தனி அடையாளமான அந்த‌ கோட் கூட கதராக இருக்குமளவு கவனமாக இருந்தார்

இந்திரா நூல்சேலை தவிர எந்த ஆடையும் கட்டியதில்லை, காதிலும் கழுத்திலும் கூட ஒரு நகை நீங்கள் பார்த்திருக்க முடியாது

ராஜிவ் மிக சாதாரண ஆடைகளையே அணிந்தார், சோனியாவின் சேலையும் பாமரபெண் சாயலிலே இருக்கும்

பிரியங்கா, ராகுல் உடைகளும் ஒருநாளும் விலை உயர்ந்தவை அல்ல‌

இவ்வளவிற்கும் சோனியா குடும்பம் இன்னும் மிரட்டலிலே வாழும் குடும்பம் , எப்பொழுதும் அவர்களுக்கு எதுவும் நேரலாம்

ஆனாலும் புல்லட் புரூப் ஆடை கூட அவர்கள் பெரும்பாலும் அணிவதில்லை

தன் தந்தை மீது பெண்ணொருத்தி மனித வெடிகுண்டாய் தாக்கிய தமிழகத்தில் கொஞ்சமும் பாதுகாப்பின்றி, மிக இயல்பாய் வந்து கல்லூரி மாணவிகளிடம் பேசிவிட்டு சென்றிருக்கின்றார் ராகுல்

ஒரு சாதாரண நடிகனே பத்து பவுன்சரோடு சுற்றும் தமிழகத்தில், வார்டு கவுன்சிலரே 40 அல்லக்கைகளோடு அலையும் தமிழகத்தில் அந்த மாபெரும் இயக்க தலைவன் வெகு எளிமையாக வந்துவிட்டு சென்றிருக்கின்றார்

அவரை பார்த்த கண்களுக்கு வேறு ஒன்றும் சிக்கவில்லை மாறாக அவர் ஆடை பல இலட்சம் என சங்கி கும்பல் கிளம்பிவிட்டது

மாபெரும் செல்வந்தனாயினும் நேரு எப்படி பாமர இந்தியனாக இருந்தாரோ, இந்திரா எப்படி எளிமையாக‌ இருந்தாரோ அப்படித்தான் ராகுலும் மகா எளிமையாக இருக்கின்றார்

இதெல்லாம் நற்குடிபிறப்பு எனும் வகையில் வருவது, அவ்வையார் இதைத்தான் சொன்னார்

“நீர் அளவே ஆகுமாம் நீர் ஆம்பல்; தான் கற்ற
நூல் அளவே ஆகுமாம் நுண் அறிவு-மேலைத்
தவத்து அளவே ஆகுமாம் தான் பெற்ற செல்வம்
குலத்து அளவே ஆகும் குணம்”

அதாவது அல்லிப்பூ நீரின் அளவு எவ்வளவு இருக்கிறதோ அவ்வளவே வளரும். ஒருவன் கற்ற நூல்களின் அளவே அவன் அறிவு.

முற்பிறப்பில் செய்த புண்ய கார்யங்களின் அளவே ஒருவன் இப்போது அனுபவிக்கும் செல்வம். குணம் ஒருவன் தோன்றிய குலத்தின் அளவே.

ஆம் ராகுலின் எளிமை அந்த குலத்தின் அளவு

மாற்றத்திற்கான அறிகுறிகள்

கலைஞர் இருந்திருந்தால் இந்நேரம் ராகுல் கேள்விகளை தமிழில் கேட்கின்றேன் என அவர் அருகிலே இருந்திருப்பார்

கூட்டத்து கவனமோ இல்லை தமிழக கவனமோ ராகுலை நோக்கி செல்லாதவாறு அட்டகாச வித்தைகாட்டியிருப்பார்

தமிழகத்தில் யார் வளரவேண்டும், எப்படி வளரவேண்டும் என்பதை கடந்த 60 ஆண்டுகாலம் தன் கையிலே வைத்திருந்தவர் அவர்

ஜெயா இருந்திருந்தால் இந்நேரம் ஸ்டெல்லா மேரிஸ் கல்லூரி முதல்வர் என்ன பாடுபடுவாரோ தெரியாது

பெரும் பிம்பங்கள் உடைந்தபின் பல தேசிய அடையாளங்கள் இங்கு உதிக்க ஆரம்பிக்கின்றன‌

இவை எல்லாம் மாற்றத்திற்கான அறிகுறிகள்

கொஞ்சமும் திமுக வரலாறு தெரியாமல் ராகுலை நோக்கி கைதட்டி கொண்டிருக்கின்றர் அக்கட்சியினர்

சென்னையில் கல்லூரி மாணவிகளிடம் கலந்துரையாடல் நடத்துகின்றார் ராகுல்காந்தி

மிகமிக சுவாரஸ்யமாக கொஞ்சமும் தடுமாற்றமின்றி அவர்களுடன் இயல்பாக பேசி கைதட்டலை அள்ளுகின்றார் ராகுல்

இவ்விஷயத்தில் கடும் உற்சாகமாக இருப்பவர்கள் யாரென்றால் காங்கிராசாரை விட திமுகவினர்

மோடிக்கு இப்படி கூட்டம் நடத்த தைரியம் தகுதி உண்டா என் கேள்வி வேறு

நல்லது, இந்த முக ஸ்டாலின் என்பவருக்கு இப்படி ஒரு கலந்துரையாடல் நடத்த திட்டம் உண்டா? என கேட்டால் பதிலே இல்லை

பெரியவரவேற்பா?

என்னது தமிழ் மாணவிகள் ராகுல்காந்தியிடம் ஆங்கிலத்தில்உரையாடினார்களா? பெரியவரவேற்பா?

ராகுல்காந்தி தமிழில் பேசவில்லை என்பதை கண்டிக்கவில்லையா?

ஈழத்தில் நம் இனம் அழிந்த கவலை கொஞ்சமும் இல்லையா? அதுபற்றி ஒருத்தியும் கேள்வி கேட்கவே இல்லையா?

அங்கு களமாட ஒரு மானமுள்ள‌ தமிழச்சியுமா இல்லை?

நமது ஆட்சி அமையட்டும் , புனித மரியன்னை கல்லூரியில் 300 மாடு கட்டி, இவளுக அத்தனை பேரையும் மாட்டுசாணம் அள்ளவைத்து பழிவாங்கிவிடலாம்

உண்மையும் நியாயமும் அவரிடம் இருக்கின்றது

அலங்கார உடையில்லை, மோசடி கண்ணீர் இல்லை, பசப்பு வார்த்தையில்லை, வெற்று சவாலுமில்லை, போலி வாக்குறுதியுமில்லை

தமிழ்நாடு என்றவுடன் ராம்சந்திரன் வாழ்க எனும் கோஷமில்லை, ஜெயலலிதா என்ற பேச்சுமில்லை வீண் விளம்பரமுமில்லை

இவ்வளவிற்கும் அவர் தந்தை சிதறி உயிர்விட்ட இடம் அருகில்தான் இருக்கின்றது, அதை சொல்லி கூட ஒரு அனுதாபம் தேட மனமில்லை

மிக யதார்த்தமான பதில்கள், துளியும் ஆவேசமும் கோபமும் இல்லா ஆணித்தரமான நிதானமான பதில்கள்

எல்லா கேள்விக்கும் அவரிடம் பதில் இருக்கின்றது, காரணம் உண்மையும் நியாயமும் அவரிடம் இருக்கின்றது

அன்றொருநாள் இதே தமிழகத்தில் பாமரரோடு பாமரனாக நடந்தாரே ராஜிவ், அவர் வாகனம் பழுதுபட்டவுடன் அருகிருந்த வீட்டின் திண்ணையில் அமர்ந்து முடிந்தவரை அரைகுறை தமிழில் அந்த கிழவிகளுடன் பேசிகொண்டிருந்தாரே, அந்த காட்சிகள் நினைவுக்கு வருகின்றன‌

ஒரு நல்ல இளந்தலைவன் தேசத்திற்கு கிடைத்துவிட்டான் எனும் மகிழ்ச்சி மேலோங்குகின்றது

இன்னும் ஏராளமான தமிழக இளைஞர்களை ராகுல் சந்திகட்டும், தமிழ்நாடு தேசியம் பக்கம் திரும்பட்டும்

அவரிடம் கேள்வி கேட்க எல்லோருக்கும் விருப்பமே, எல்லோருக்கும் பதில் சொல்ல அவருக்கும் விருப்பமே

ஆனால் திமுகவினர் அவரிடம் மனதில் கேட்கும் கேள்வி ஒன்றே ஒன்றுதான்

“தேர்தலில் காங்கிரஸ் கூட்டணி வென்றால் எங்களுக்கு எந்த துறை கொடுப்பீர்கள்”

அதற்கு ராகுலிடமும் பதில் இப்படி இருந்தால் நல்லது

“அது தமிழகத்தில் அமைய போகும் காங்கிரஸ் கூட்டணி ஆட்சியில் திமுகவுக்கு காங்கிரசுக்கு கொடுக்க போகும் இடங்களை பொறுத்தது”

ஆம் எந்த திமுக காங்கிரசை தமிழகத்திலிருந்து அகற்றியதோ அதே திமுக இனி காங்கிரசை அரியணைக்கு அழைக்கும் நேரம் நெருங்கி கொண்டிருக்கின்றது

உறுதியாக சொல்லலாம் இனி தமிழகத்தில் தனிபெரும் கட்சி ஆட்சி அமைப்பது சாத்தியமில்லை

அந்த மாமனிதன் நேருவினை தமிழகம் காமராஜருடன் கொண்டாடியது, அந்த மனிதனும் தமிழகத்திற்கு வைகை அணை முதல் ஏகபட்ட தொழிற்ச்சாலை உருவாக காரணமாயிருந்தான்

இதே கன்னியாகுமரி மாவட்டம் தமிழகத்தோடு இணைந்தபொழுது நேருவுக்கு கன்னியாகுமரி கொடுத்த வரவேற்பு கொஞ்சமல்ல‌

நேருவும் “இந்த மக்களின் அன்பு குமரிமாவட்ட தேன் மட்டி வாழைபழம் போல இனிப்பாது” என சொன்னதும் மறக்க கூடியதல்ல‌

அந்த மாமனிதன் நேரு தமிழகத்தை மறுபடி தேடிவந்திருக்கும் நேரமிது, அவரை இந்த மாநிலம் அணைத்து கொள்ளட்டும்

தாழ்ந்துவிட்ட இம்மாநிலம் அந்த “கை”களை பற்றிகொண்டு மேலேறி வரட்டும்

அடுத்த ஆட்சி

எது எப்படி ஆயினும் இனி ஆட்சிக்கு வரவேண்டியது காங்கிரசும் அதன் கூட்டணியுமே அதில் மாற்றுகருத்தே இல்லை

மிக எதிர்பார்க்கபட்ட மோடி குஜராத்தின் முதல்வராக ஜொலித்த மோடி பாரதபிரதமராக சறுக்கி இருக்கின்றார்

இரண்டாயிரம் ரூபாய் நோட்டு வந்த கதையும், டாலருக்கு நிகரான இந்திய ரூபாயின் சரிவும் , பெட்ரோல் மற்றும் எரிபொருளின் விலைவாசியுமே அதை காட்டி நிற்கின்றன‌

மிக மோசமான ஆட்சி என்று நிச்சயம் மோடியின் ஆட்சியினை சொல்லமுடியாது, பெரும் ஊழல் என்றும் இல்லை

கிட்டதட்ட வாஜ்பாய் பிரதமராக இருந்தது போலவே பெரும் சர்ச்சையின்றி விடைபெறுகின்றார் மோடி

திமுக மோடியினை கரித்து கொட்டுவதை விடுங்கள் , வாஜ்பாய் காலத்தில் இவர்களுக்கு அமைச்சரவை கிடைத்தது அதனால் அமைதி காத்தார்கள்

இப்பொழுது இல்லை என்பதால் கரித்து கொட்டுகின்றார்கள் அவ்வளவுதான் விஷயம்

ஒரு அரசின் திட்டங்கள் பலனளிக்க நெடுநாளாகும், நேருவின் திட்டம் 1970களில்தான் பலன் கொடுத்தது

இந்திராவின் திட்டங்கள் 1990க்கு பின்புதான் நல்லவைகளாக தெரிந்தன, ராஜிவின் திட்டங்கள் 2000களில் கண்முன் தெரிந்தது

வாஜ்பாயின் தங்கநாற்கர திட்டம் 2010களிலேதான் உணரபட்டது, மோடியின் சில நல்ல திட்டங்களையும் பின்னாளில் இந்தியா உணரகூடும், இங்குள்ள யதார்த்தம் அது

மற்றபடி பொருளாதார ரீதியாக இந்த அரசு சறுக்கலையே சந்தித்தது

அம்பானிக்கு மோடி அள்ளிகொடுத்தார் என்றால் அம்பானியின் சில நிறுவணங்கள் ஏன் திவாலாகின்றன?

ஆக அம்பானியினையும் சேர்த்து நடுரோட்டுக்கு கொண்டுவந்திருக்கின்றது இந்த அரசு

பொருளாதாரமும் இன்னபிற விஷயங்களும் மகா மோசமாக இருக்கின்றன, அதை சரிசெய்யும் ஆற்றலும் அனுபவமும் இவர்களுக்கு இல்லை

ஒருமுறை மோடி ஆண்டாகிவிட்டது, அது நல்லாட்சியா இல்லையா என்பதை சொல்ல இன்னொரு கட்சிக்கு வாய்ப்பு கொடுப்பதே சரி

அதுவும் வெறும் 5 வருடமே, உலக கோப்பை கிரிக்கெட் சாம்பியனுக்கான கால அளவு போன்றது

அடுத்த ஆட்சி வரட்டும், பலமிக்க எதிர்கட்சியாக ஏன் ஆளும் கட்சி உருப்படியில்லை எனில் அதை ஆட்டி வைக்கும் மாபெரும் சக்தியாக பாஜக இருக்கட்டும்

பிரதமராக பத்திரிகையாளரை சந்திக்காத மோடி அப்பொழுதாவது பத்திரிகையாளரிடம் பேசட்டும்

தேசத்தின் மிக சிறந்த ஆளுமைகள்

ஆளாளுக்கு தேசத்திற்காய் பொங்குகின்றார்கள், விட்டால் கையில் கிடைத்ததை எடுத்து கொண்டு “பேட்ட” ரஜினி ஸ்டைலில் பாகிஸ்தானுக்குள் புகுந்துவிடுவார்கள் போலிருக்கின்றது

இதில் பல அரைவேக்காடு தலைவர்களும், அகிலேஷ் யாதவ் போல பக்குவமில்லா தலைவர்களும் போர் ஆமாம் போர் என முழங்குகின்றார்கள்

போர் என்பது அடித்துவிட்டு வரும் விஷயமல்ல, தொடங்கினால் அது எளிதில் முடியாது

கார்கில் யுத்தம் நமது எல்லைக்குள் நடந்தது, எல்லை தாண்டி போர் தொடுப்பது என்பது அதுவும் இரு அணுசக்தி நாடுகள், ராணுவ கருவிகள் பலத்தில் சமபலத்தில் இருக்கும் நாடுகள் மோதுவது என்பது கடும் நாசமான விளைவுகளை ஏற்படுத்தும்

மோடி அரசால் நாசமான பொருளாதாரம் இன்னும் ஆகும், எரிபொருள் முதல் அரிசிவரை தட்டுபாடாகும்

போர்சூழல் என்பது கிரிக்கெட் பார்த்து கைதட்டுவது போல் இராது, முழு யுத்தம் என்றால் என்ன என்பதை கொடும் வரலாறு 70 ஆண்டுகளுக்கு முன்புவரை பதிவு செய்திருக்கின்றது

முன்பாவது யுத்தம் வட எல்லையில் நடக்கும் தென்னகம் நிம்மதியாக இருக்கும்

இப்பொழுது அப்படி அல்ல, கோரி, ஷாகீன் என பாகிஸ்தானிய ஏவுகனைகள் தென்னக நகரங்களை குறிவைத்து நிற்கின்றன‌

போதா குறைக்கு அவர்களின் நீர்மூழ்கி வேறு

நிச்சயம் இந்தியா பாகிஸ்தானை வெல்லும், ஆனால் ஓரளவு ஏற்படும் இந்திய சேதத்தை எந்த சக்தியாலும் தடுக்க முடியாது

எத்தனையோ இடங்களில் போர் நடத்தும் அமெரிக்கா தன் சொந்த எல்லையில் நடத்துமா என்றால் நடத்த்தாது ஆம் பாதுகாப்பான யுத்தம் என எதுவுமில்லை

யுத்தம் தொடங்க இது சரியான நேரம் அல்ல, இந்திரா தொடங்கிய யுத்தம் எல்லாம் சோவியத்தின் ஆசிபெற்றதாகவே இருந்தது

நல்ல பலசாலியினை பின்னால் வைத்து கொண்டு யுத்தம் நடத்துவதே சாலசிறந்தது, இந்திரா அதனை செய்தார்

இன்றைய காலகட்டத்தில் அப்படி ஒரு பலம் இல்லை , புட்டீன் எதுவும் இத்தாக்குதல் பற்றி பேசவுமில்லை, இந்தியாவின் நடவடிக்கைக்கு ஆதரவாகவுமில்லை

யுத்தத்தை தவிர்ப்பதே இப்பொழுது சால சிறந்தது,45 பேருக்கு பழிவாங்க கிளம்புகின்றோம் என 45 ஆயிரம் பேரை சாக கொடுப்பது அறிவுடமை ஆகாது

எல்லா தலைவர்களின் அறிக்கையினையும் பார்க்கின்றோம் ஆனால் இரு தலைவர்களின் அறிக்கையே பக்குவமும் பொறுப்பும் நிறைந்ததாய் இருக்கின்றது

அது ராகுல் மற்றும் பிரியங்காவின் அறிக்கைகள்

உண்மை அறிந்த, நாட்டு பற்று மிக்க , நாட்டை பற்றியும் நாட்டு மக்களின் எதிர்காலத்தையும் நல்வாழ்வினையும் அமைதியினையும் பற்றி கவலைபடும் அறிக்கைகள் அவை

தேசத்தின் மிக சிறந்த ஆளுமைகளாக உருவெடுக்கும் அந்த இருவருக்கும் வாழ்த்துக்கள்,

தேசம் அவர்களால் பெருமை கொள்கின்றது