சமூக வலைதளம் என்பது ராகுவின் கருவியாம்

ஹிலாரி கிளிண்டன் முதல் ஏஞ்சலோ மெர்கல் வரை இணையத்தில் இருக்கின்றார்கள்

இன்னும் ஏகபட்ட சாதித்த பெண்கள் உண்டு, சிவநாடாரின் மகள் கூட கணிணி துறையில் கலக்கி கொண்டிருக்கின்றார்

உலகெல்லாம் கணிணியில் பெண்கள் வெற்றிகொடி நாட்டி கொண்டிருக்க இந்த சாஸ்திர மூளை என்ன சொல்கின்றது பார்த்தீர்களா?

சமூக வலைதளம் என்பது ராகுவின் கருவியாம் , வங்கியில் வேலை பார்க்கும் பெண்கள் எல்லாம் குரு, சுக்கிரன் உச்சம் பெற்றவர்களா சார்?

இன்னும் செல்போன் யாரின் கருவி, கணிணி யாரின் கருவி, செயற்கைகோள் யாரின் கருவி, டிவி எல்லாம் யாரின் கருவி என அன்னார் சொல்வார் என எதிர்ப்பார்க்கலாம்

ஒவ்வொரு விஞ்ஞான கருவியாக வெள்ளையன் கண்டுபிடிப்பான், இங்கே அதற்கு ஜோசிய கோள்களின் பெயர்களை நாம் சூட்டிகொண்டிருப்போம்

உருப்படுமா இந்த சமூகம்?

இந்த அரைகுறை ஜோசியர்களை அடித்து விரட்டாமல் நாடும் சமூகமும் ஒரு காலமும் உருப்படாது

மின்சாரத்தால் நற்பயன் உண்டு, ஆளை கொல்லும் சக்தியும் உண்டு. அணுவும் அப்படியே

பயன்படுத்துவதில்தான் விஷயம் இருக்கின்றது

ஜாதகம் எனும் பெயரில் பெண்களின் வாழ்க்கையினை கெடுப்பவர்கள் இப்பொழுது அவர்களின் உரிமைகளையும் பறிக்க தொடங்கிவிட்டார்கள் அயோக்கிய பாவிகள்

ஆக இனி சமூக தளங்களுக்கு வரும் பெண்கள் இவரிடம் அனுமதி கேட்டுவிட்டே வரவேண்டும் போலிருக்கின்றது

( ஒருவேளை இந்த தமிழிசை போன்றவர்களுக்கு ராகு காலமோ, ச்சே நம்மையும் குழப்புவிடுவார்கள் போலிருக்கின்றது..)

மனைவியினை ஏமாற்றி கைவிட்டால்தான் சட்டம் பாயுமாம்

மனைவியை கைவிட்ட 45 பேரின் ‘பாஸ்போர்ட்’ ரத்து , மேனகா காந்தி தகவல்

இதெல்லாம் மய்யத்து கமலஹாசனை பாதிக்குமா என்றால் இல்லை

ஆம் , திருமணம் செய்து கைவிட்டால்தானே பாதிக்கும், திருமணமே செய்யாமல் கைவிட்டால் எப்படி பாதிக்கும்

அதனால் கமலஹாசனின் பாஸ்போர்ட்டுக்கு ஆபத்தில்லை என்பதால் தேர்தல் முடிந்தபின் அவர் மனவெறுப்பில் இருக்கும் பொழுது வெளிநாடு செல்ல தடை இல்லை

பிரதமர் மோடிக்கு இந்த தடை பொருந்துமா இல்லையா என கேட்டால் மேனகா காந்தியிடம் பதில் இருகின்றது

மனைவியினை ஏமாற்றி கைவிட்டால்தான் சட்டம் பாயுமாம்

சிதறல்கள்

சர்க்கரை இருக்குமிடம் எறும்புகள் படையெடுக்கும், பழமரத்தினை வவ்வால்கள் சுற்றும்

தேர்தல் நேரம் நெருங்குவதால் பாஜகவின் பெருந்தலைகள் தமிழக பக்கம் சுற்றுகின்றன, மறைந்த வாஜ்பாய் ஒய்வுபெற்ற அத்வானி தவிர எல்லோரும் இங்கு குவிகின்றார்கள்

ஆனால் ஒன்றை மறக்கின்றார்கள்

தமிழகத்தில் ஏன் காங்கிரஸ் சுருங்கியது என்பதும் எப்படி திராவிட கட்சிகள் வளர்ந்தன என்பதும் ரகசியமல்ல‌

இங்கு வரும்பொழுது தமிழர் கலாச்சாரத்தோடும், அவர்களின் பழக்க வழக்கங்களோடும் வரவேண்டும் இல்லை அதையொட்டி கட்சி வளர்க்க வேண்டும்

மாறாக ஒருவித மதகெடுபிடியும், உடையும் இன்னபிற அடையாளங்களும், ஜி போன்ற அந்நிய வார்த்தைகளும் இங்கு ஒருநாளும் பலன் அளிக்காது

இங்கு சாதி, இன மோதல்கள் இருக்கலாமே தவிர மதம் என்பது தமிழகத்தின் சிக்கல் அல்ல‌

மண்டைக்காடு, கோவை என மிக சில கலவரங்கள் நடந்திருக்கலாம் அவை நிச்சயம் மதத்தை முன்னிறுத்தி தொடங்கியது அல்ல. எங்கோ தொடங்கி மத கலவரமாக முடிந்தவை அத்தோடு சரி

மற்றபடி தமிழகம் மத நல்லிணக்கம் உள்ள மாநிலம், இங்கு கிறிஸ்தவம் இஸ்லாம் இன்னபிற மதங்களும் பெரும்பான்மை இந்து மக்களும் நல்லிணக்கத்தோடே வாழ்கின்றார்கள்

பன்னெடுங்காலமாக அப்படித்தான் வாழ்கின்றார்கள், இன்னமும் வாழ்வார்கள்

பாஜக‌ மத நல்லிணக்கத்திற்கு அச்சமூட்டும் கட்சியாகவும் , தமிழக கலாச்சாரங்களுக்கு அந்நியமான கட்சியாகவும் இருக்கும் வரை இங்கு அது உருப்பட போவதில்லை

அவர்கள்தான் அந்நிய சாயல் என்றால் இங்கு இருக்கும் மாநில தலமைகளும் உருப்படி இல்லை

தமிழிசை, எச்.ராசா, எஸ்.வீ சேகரை வைத்துகொண்டு இங்கு கட்சி நடத்துவது நிச்சயம் பலனளிக்காது

ஆலமரமாக இருந்த காங்கிரஸ் எப்படி இங்கு சுருங்கியது என்ற காரணத்தை பாஜக படிக்காமல் இங்கு கட்சிவளர்க்க முடியாது, இவ்வளவிற்கும் காங்கிரஸ் மதவாத கட்சி அல்ல‌

தமிழக களத்திற்கு காங்கிரஸே அன்னியபட்டது என்றால் பாஜக எப்படி துளிர்விட முடியும்? இப்போதிருக்கும் பாஜகவினை தமிழகம் ஒருபோதும் ஏற்காது

அதிமுக கூட்டணிக்கு தயங்குவதும், தம்பிதுரையினை விட்டு பல்ஸ்பார்ப்பதும் இதற்காகத்தான்

உபியின் சாயலுக்கும் யதார்த்தத்துக்கும் பாஜக வெல்லலாம், ஆனால் தமிழக சாயலும் தன்மையும் வேறு

அதற்கேற்றபடி பாஜக மாற வேண்டும்,

மதமும் இஸ்லாமிய எதிர்ப்பும் தமிழர்களின் தேவை அல்ல, அல்லவே அல்ல.

பின் தங்கிய உபி, மபி அரசியல் சாயலை முன்னேறிய தமிழகத்தின் மீது திணிக்க முயல்வது சுத்த மடத்தனம். எந்த தமிழனும் அதை ஏற்க போவதில்லை

தமிழர்களின் எதிர்பார்ப்பும் தேவையும் வேறு ஏராளம், நிச்சயம் மதமோ அதன் துவேஷமோ அல்ல‌

பாஜக அதை உணராதவரை இங்கு உருப்பட போவதில்லை , அதுவரை மோடி என்ன? அமித்ஷா என்ன? ஆனானபட்ட ஆதிசங்கரர் வந்தாலும் பாஜக வளர முடியாது.

சிதறல்கள் …

அபுதாபியில் நீதிமன்ற அலுவல் மொழியானது இந்தி : செய்தி

அடுத்து அங்கு மலையாளம் அலுவல் மொழியாகும் காலம் தொலைவில் இல்லை என்கின்றன செய்திகள்.

தமிழருக்கு மலையாளம் கற்பது சுலபம் என்பதால் இப்பொழுதே கற்றுகொள்ளல் நலம்

______________________________________________________________________________

என்ன இருந்தாலும் ஒரு சில நியாங்களை சொல்லியாக வேண்டும்

நிச்சயம் இந்திராவின் மிசா காலங்கள் போல மோடி ஆட்சி கெடுபிடி நிறைந்ததல்ல, அன்று தமிழகத்தில் நடந்த அநியாயங்கள் எல்லாம் மோடி ஆட்சியில் இல்லை

அவர் வராவிட்டால் ஏன் வரவில்லை என்பதும், நலதிட்டங்களுக்காக வந்தால் Goback மோடி என கிளம்புவதும் சரி அல்ல‌

இவ்வளவிற்கும் இங்கு சல்லிவோட்டு வாங்கமுடியா கட்சி அது, அதன் மேல் எதற்கு இவ்வளவு வன்மமோ தெரியவில்லை

இங்கு மோடி என சொல்லிவிட்டு நாளை திமுகவினரோ வைகோவோ டெல்லி உட்பட சில இடங்களுகு சென்றால், ராஜிவ் கொலையாளிகளுக்கு ஆதரவான திமுகவினரே , தேசபிரிவினைவாத இம்சைகளே Goback என மற்றவர்கள் கிளம்ப நேரமாகாது

திமுக வேறு டெல்லியில் அலுவலகம் கட்டுகின்றதாம், நிச்சயம் ஒருநாள் அங்கும் இதே Goback சத்தம் கேட்கத்தான் போகின்றது

ஈழபோரை தடுக்காதவர் எனும் சோனியா வரலாமாம், இன்னும் பலர் வரலலாம்

ஆனால் மோடி வரகூடாதாம்

ஈழபோருக்கு சகல உதவிகளை பகிரங்கமாக செய்த இந்திய ராணுவத்தின் விமானங்களும் கப்பல்களும் இங்கேதான் சுற்றுகின்றன‌

அதை ஒருபயலும் Goback என சொன்னதாக தெரியவில்லை, அப்படி சொன்னால் என்னாகும் என்பது அவர்களுக்கும் தெரியும்

______________________________________________________________________________

நாட்டில் யாருக்குமே இரண்டாம் திருமணம் நடக்கவில்லையா?

அது தியாகராஜர் பாகவதர் முதல் ராமசந்திரன் , கலைஞர் என பலருக்கு நடந்தது

கனிமொழிக்கும் நடந்தது

அரசியல் சினிமா உலகில் மிக சாதாரணமாக நடக்கும் விஷயங்களுக்கு ஏன் இவ்வளவு பில்டப் என்பதுதான் தெரியவில்லை

ஊருக்கு இளைத்தவர் ரஜினி போல.

______________________________________________________________________________

மண்ணின் மைந்தன்?

தமிழன் தமிழ் நாட்டு குடிமகன் இல்லையாம் அவன் லெமூரியாவில் இருந்து வந்த வந்தேறி எனச் சொல்கின்றது வைகோ கோஷ்டி ்

இனி என்ன அங்கிள் சைமன் பல்டி அடித்து வருவார்

மதிமுக ஒரு மாதிரி கன என்பது வைகோவை பார்த்து தெரியும் ஆனால் கட்சி முழுக்க அவரைப் போலவே இருப்பார்கள் போல

நான் கேட்பது ஒன்றே ஒன்றுதான்

தமிழ்நாட்டுக்கு தமிழன் வந்தேறி என்றால் ஈழத்தமிழன் இலங்கையில் வந்தேறி அவனும் லெமூரியாவில் இருந்து வந்தான் பிறகு என்ன மண்ணாங்கட்டிக்கு வந்தேறி ஈழத்தமிழனுக்கு இவர்கள் இவ்வளவு அழிச்சாட்டியம் செய்ய வேண்டும் பூர்வகுடி சிங்களவன் என்பவனை ஆதரித்தால் என்ன அவன்தானே மண்ணின் மைந்தன்?

தேசத்துரோகம்

இது ஒருங்கிணைந்த இந்தியா இந்துக்களுக்கான இந்தியா என முதலில் கலவரத்தை தொடங்கியது இந்து மகாசபை

இந்த இந்து மகாசபையின் அழிச்சாட்டியம் உச்சத்திற்கு செல்ல இனி இந்தியாவில் இஸ்லாமியர் வாழ முடியாது என தனி நாடு கே கேட்டார் ஜின்னா இந்தியா பிரிய இந்த இந்து மகா சபையே முழு காரணம் ஒரு காரணம்

ஆம் இந்நாடு கண்ட அனைத்து மதக் கலவரங்களுக்கு தாய் இந்த இந்து மகாசபை

இதோ இன்று ஆட்சி பீடம் ஏறி விட்டோம் இனி இறங்கவே மாட்டோம் நாம் கண்ட இந்து ராஜ்யம் அமைந்துவிட்டது என்ற பாசிச மனப்பான்மையில் அண்ணல் காந்தியடிகளை அன்று சுட்டுக்கொன்ற அதே வன்மத்தை இன்றும் காட்டுகிறார்கள்

இந்த தேசம் இனி அமைதியாக இருக்க ஒரே வழி இந்த மதவெறியின் மூல உச்சமான இந்த இந்து மகாசபையின் தடை செய்வதாகவும் நாடு அமைதியாக இருக்க முதலில் செய்ய வேண்டியது இந்த காவி கும்பல் அடித்து உள்ளே போடுவது

இவர்கள் செய்திருப்பது மாபெரும் தேசத்துரோகம் சமூக அமைதிக்கு பங்கம் விளைவிக்கும்

அரசு உடனே செய்ய வேண்டியது செய்யட்டும்

இவர்களை மகா வன்மையாக கண்டிக்கின்றோம் இவர்கள் அந்த ஒரு காலத்தில் அப்படி செய்ததால்தான் நாடு துண்டானது மறுபடியும் துண்டாட கிளம்பிவிட்டார்கள்

அரசு செய்ய வேண்டியதை உடனே செய்யட்டும்

கரசேவை

வைகோ தன் தொண்டர்களை வன்முறைக்கு தூண்டிவிட்டார் மாபெரும் களபலி கொடுக்கத் துணிந்தார் என்றெல்லாம் சிலர் சொல்லுகிறார்கள்

உடனே பாஜகவினர் ஓடிவந்து ஆமாம் இது திராவிட பாரம்பரியம் அவர்கள் அவர்கள் ரத்த வெறி கொண்டவர்கள் என்றெல்லாம் சொல்லிக்கொண்டு இருக்கிறார்கள்

ஆனால் அப்பாவி இந்துக்களை உணர்ச்சிகளை தூண்டி பாபர் மசூதியை இடித்து இந்நாட்டில் மாபெரும் கலவரத்தை செய்தவர்கள் யார் எனக் கேட்டால் பதில் இல்லை

வைகோ செய்தால் அது வன்முறையை தூண்டுதல் இதுவே இந்துத்துவ அமைப்புகள் செய்தால் அதன் பெயர் கரசேவை

சிதறல்கள்

பாஜகவுக்கு எதிராக மதச் சார்பற்ற கட்சிகள் ஒன்றிணைய வேண்டும்: ஆந்திர முதல்வர் சந்திரபாபு நாயுடு

பாஜகவிற்கு பெரும் முட்டு கொடுத்தவர் சந்திரபாபு நாயுடு, முன்னொரு காலத்தில் பாஜகவின் நெருங்கிய தோழர்

இப்பொழுது மாநில நலனுக்கு சிறப்பு அந்தஸ்து வழங்காததால் இப்படி சொல்லிகொண்டிருக்கின்றார், சிறப்பு அந்தஸ்து கிடைக்கும் பட்சத்தில் மோடி வாழ்க என கிளம்பிடுவார்

[ November 9, 2018 ]

============================================================================

நமக்கு ஒரு சகோதரன் இல்லை என்ற குறை முன்பெல்லாம் உண்டு, அடிக்கடி அந்நினைவு வரும்

அந்த குறையினை தீர்த்து வைத்தவர் Senthil Kumar Chennai என்பவர், அவரோடு இருவரானோம்

சுவாரஸ்யமானவர் அவர், கள்ளம் கபடம் என்பதெல்லாம் இல்லை, யாரிடம் எவ்வளவு சுருட்டலாம் என பாக்கெட்டில் கை போட்டு அலையும் உலகில் அவர் வித்தியாசமானவர்

முகநூலில் மட்டுமே அவரை தெரியும், எப்பொழுதாவது போனில் பேசுவாரன்றி வேறு பழக்கமில்லை.

ஆனால் சென்னைக்கு வந்திருந்த பொழுது ஒரு நொடி என்னை விட்டு அகலவில்லை, பழனிச்சாமி அரசினை மோடி காப்பது போல் அருகிருந்து எம்மை கவனித்து கொண்டார்.

மகா உற்சாகமாக என்னை அழைத்து கொண்டு சென்னை எங்கும் சுற்றினார், அப்படி ஒரு மகிழ்ச்சி அவர் முகத்தில் தெரிந்தது

முகம்பாராமல் அகத்தால் உருவாகும் நட்பும் சாத்தியம் என்பதை அவராலே விளங்கிகொண்டேன்

கலைஞரை சந்திக்க அவர் செய்த முயற்சிகளும், அந்த ஜனவரி 18 மாலை பொழுதில் கலைஞரை இருவரும் சந்தித்த பெரும் நிகழ்வும், அதன் பின் மெரீனாவில் நள்ளிரவு வரை அவரின் நினைவுகளில் மூழ்கி கிடந்ததெல்லாம் மறக்க கூடியது அல்ல‌

அந்த அற்புதமான , உடன்பிறவா சகோதரருக்கு இன்று பிறந்த நாள் , உறுதியாக என்னால் சொல்ல முடியும் வாழ்வில் நான்பெற்ற மிக நல்ல வரம் அவர்

அவருக்கு இறைவன் எல்லா வளமும், நலமும் கொடுத்து பல்லாண்டு காலம் காக்க பிரார்த்தனைகள்

அன்பர் வாழட்டும், செழிக்கட்டும், இந்த அரைவாழ்வு அடுத்த பிறந்த நாளுக்குள் நிறைவாழ்வு ஆகட்டும்

அன்னார் இன்னும் திருமணம் செய்யாமல் அரைவாழ்வு வாழ்கின்றார், நிச்சயம் நயன், கீர்த்தி சுரேஷுக்காக காத்திருப்பது போல் எல்லாம் தெரியவில்லை ஆனாலும் தாமதிக்கின்றார்

விரைவில் அவர் தன் மணவாழ்வினை தொடங்க வாழ்த்துக்கள்

நான் வணங்கும் புனித அந்தோணியார் அவரை மென்மேலும் ஆசீர்வதிக்க‌ட்டும்

என்ன இருந்தாலும் அன்னார் இறுதியாக சென்னையில் சொன்னதை மறக்கவே முடியாது

“தலைவி குஷ்புவினை பார்க்க முடியலைன்னு வருத்தபடாதீங்கண்ணே, கலைஞரையே இப்பதான் பார்த்தோம்

அந்தம்மாவும் ஒருநாள் வீல்சேர்ல இருக்கும்ணே, அப்போ கண்டிப்பா 2 பேரும் கண்டிப்பா பார்த்துவிடலாம் சரியா”

[ November 9, 2018 ]

============================================================================

தனக்கு புராண கதைகளில் நம்பிக்கை இல்லை என அடிக்கடி சொல்வார் கலைஞர்

ஆனால் எதிரிகளை இழுத்து போட்டு அடிக்க விபீஷ்ணன், சுக்ரீவன், பிரகலாதன் போன்ற பெயர்களை அடிக்கடி பயன்படுத்துவார்

இந்த தயாநிதிமாறன் கோஷ்டிக்கும் அவருக்கும் உரசல்கள் ஆரம்பித்த நேரம், முரசொலியில் இப்படி புலம்பினார்

“மாறா நீ பெற்ற பிள்ளையா அந்த பிரகலாதன்?”

அந்த வரி இப்பொழுது உண்மையாகின்றது, பிரகலாதன்கள் சுய உருவினை காட்டிகொண்டிருக்கின்றார்கள்

கலைஞர் ஒரு தீர்க்கதரிசி..

[ November 9, 2018 ]

============================================================================

அரசுக்கு எதிரான கருத்து என சோ ராமசாமியின் நாடகம் தடை செய்யபடும் சூழல், காமராஜரை சந்தித்து நியாயம் கேட்கின்றார் சோ

“உன்ன பத்தி தெரியும்ணேன், உன்னால குழப்பம் வர கூடாதுண்ணே, அதான் அப்படி பேச்சு வந்திருக்கும்ணே” என்றார் காமராஜர்

“ஏன் நான் கார் கூட ஓட்டுவேன், என்னால விபத்து வரும்னு இப்பவே என் டிரைவிங் லைசென்ஸ ரத்து செய்யுமா அரசு” என கேட்டார் சோ,

விவாதம் முற்றிற்று

இறுதியாக காமராஜர் நாடகம் பார்க்க வருகின்றார் , வழக்கமான பாணியில் பின்னி எடுத்தார் சோ ராமசாமி பாதி நாடகத்தில் கோபத்தில் எழும்பி சென்றுவிட்டார் காமராஜர்

ஆனால் நாடகம் தொடர்ந்து நடக்க அவர் தடை செய்யவில்லை

மறுபடியும் அவரை சந்தித்து கேட்டார் சோ, பாதிதானே பார்த்தீங்க, மீதி நாடகம் பார்க்க நாளைக்கே ஒரு சீட் ரிசர்வ் பண்ணட்டுமா?

சத்தம் போட்டு சிரித்தார் காமராஜர்

இன்னொரு நாடகம் எம்.ஆர் ராதாவுடையது, நாடகம் அரங்கேறினால் விடமாட்டோம் என அந்த கோஷ்டி தகறாறு செய்தது காரணம் ராதாவின் நாடகம் ராமரை சீண்டுவது போல் இருந்தது, கொட்டகையினை கொளுத்த ஒரு கும்பல் வந்தது

“டேய் நாடகம் நடக்கும், எவன் தடுப்பான்னு பார்க்குறேன்” என கம்பு தன் அடியாட்கள் சகிதம் சென்றார் ராதா, இரும்பு கேட் பூட்டபட்டிருந்தது, ஆனால் அடிக்க வந்த கோஷ்டி திரும்பி சென்றது

மறுநாள் சொன்னார் ராதா, இரும்பு கதவுல கரென்ட் கனெக்சன் கொடுத்திருந்தேன், தொட்டிருந்தா பூரா பயலும் காலி

அந்த அதிரடியில் அரண்டு நின்றது தமிழகம்

கீமாயணம் எனும் நாடகம் அதில் ராமரை கிண்டல் செய்ததாக வழக்கு, ராதா கைது செய்யபட்டார்

ஆனால் எப்படி நீதிமன்றம் சென்றார், ராமர் வேடம் அணிந்து ஒரு கையில் கள்ளும் இன்னொரு கையில் மாமிசமுமாக சென்று “எசமான் இப்படித்தான் நடித்தேன் என்ன செய்ய வேண்டுமோ செய்யுங்கள்..” என தைரியமாக சொன்னார்.

ஆம், சாட்சி எல்லாம் தேவை இல்லை, நானே சாட்சி ம்ம் உத்தரவிடுங்கள் என நின்ற ராதாவினை வினோதமாக பார்த்தது நீதிமன்றம்

இன்னொரு நாடகம் தடை என சொல்லிற்று அரசு, மீறி நடத்தினார் ராதா , ஆனால் கைது செய்ய வந்தார் இன்ஸ்பெக்டர்

அந்த இன்ஸ்பெக்டர் மிக கடுமையானவர், பலத்த சர்ச்சைக்கு பின் நாடகம் முடிந்தபின் ராதாவினை கைது செய்வதாக ஏற்பாடு

முதல் காட்சி, முதல் வசனம் இப்படி பேசினார் ராதா “எவண்டா இந்த நாய அவுத்துவிட்டது டாமிட், ஓவரா கொலைக்குது, ஒழுங்கா பிடிச்சி அவன கட்ட சொல்லு இல்லண்ணா துப்பாக்கி எடுத்து சுட்டுருவேன் ராஸ்கல்.”

அத்தோடு கிளம்பி சென்ற இன்ஸ்பெக்டர் அதன்பின் வரவே இல்லை

இப்படியான நாடககாரர்கள் அன்று இருந்தார்கள், அவர்களிடம் துணிவு இருந்தது காரணம் உண்மை இருந்தது

அவர்கள் அதிகம் சம்பாதிக்க ஆசைபடவில்லை, தங்கள் கலையில் நாட்டில் உள்ளதை உள்ளபடி தைரியமாக சொன்னார்கள்

வரலாற்றில் நிலைத்தார்கள்

இன்றுள்ள இந்த நாடகமான சினிமாக்காரர்களை நினைத்தால் பரிதாபமாகா இருக்கின்றது, மடியில் கனம் ஒரு மிரட்டலுக்கே வழியில் பயம், அலறுகின்றார்கள்

கடுமையான அரசுகளை எதிர்கொள்வது எப்படி என்பதற்கு எம்.ஆர் ராதாவும், சோ ராமசாமியும் எந்நாளும் தமிழக எடுத்துகாட்டுக்கள், இந்த சினிமா நடிகர்கள் படித்தால் அவர்களை படிக்க வேண்டும்

ராமசந்திரனையும், ரஜினியினையும் படித்தால் இப்படித்தான் ஆகும்…

[ November 9, 2018 ]

============================================================================

தமிழக அரசியல் சினிமா என பல துறைகளில் தவிர்க்க முடியாதவர் தங்க தலைவி

அவர் இல்லாமல் சர்க்கார் என அரசியல் படம் எடுத்தால் எப்படி உருப்படும்? உருப்படவே உருப்படாது

தலைவி இல்லா எல்லா படமும் நாசமாகத்தான் போகும்..

ஆளாளுக்கு ஒரு காரணம் சொல்லி சர்க்கார் படத்தை அடிக்க, சங்கமோ ஏன் எங்கள் தங்க தலைவி படத்தில் இல்லை என கேட்டு போராட்டம் நடத்துகின்றது

[ November 9, 2018 ]
Image may contain: 1 person, selfie and closeup

இலவச திட்டங்களை ஒழிப்போம்

இலவச திட்டங்களை ஒழிப்போம் என சர்க்காரின் ஜெயமோகன் வசனத்தை இந்த விஜயண்ணா பேசிவிட்டார் என ஏக சலசலப்பு, விஷயம் அரசாங்கத்தையே சீண்டிவிட சர்க்கார்க்கு சமாதி கட்ட அரசு கிளம்புவது போல் தெரிகின்றது

ஒரு கோஷ்டி கிளம்பி இருக்கின்றது , அதாவது வோட்டுக்காக இலவச பொருள் வழங்குகின்றார்கள் , இது லஞ்சம் , ஊழல், கையூட்டு என கிளம்பியாயிற்று

எல்லா இலவச திட்டங்களையும் பழிக்க முடியுமா?

காமராஜரின் இலவச மதிய உணவு திட்டம் என்பது இலவச திட்டம்தான், ஆனால் அது எவ்வளவு பெரிய நல்ல விளைவினை கொடுத்தது, எவ்வளவு பேர் கல்வி கற்றனர்? அதனால் பலன் பெற்றோர் வீட்டிலே உண்டு

உடையே இல்லா ஏழை குழந்தைக்கும் பகட்டில் திரியும் பணக்கார் குழந்தைக்கும் பொதுவாக சீருடை கொடுத்தால் அதை குறை சொல்ல முடியுமா?

நிச்சயம் ஏழைகளுக்கு அது பெரும் விஷயம்

கலைஞரின் இலவச பஸ்பாஸ் திட்டம் என்ன பழிக்க கூடியதா? அதனால் பலன் பெற்றோர் எவ்வளவு

கலைஞரின் இலவச மின்சார திட்டம் என்பது ஒன்றுதான் விவசாயிகளின் ஓரே ஆறுதல், விவசாயம் என்பது அந்த ஒற்றை கயிறில்தான் ஆடிகொண்டிருக்கின்றது

என்னால் மிக உறுதியாக சொல்லமுடியும் மனிதர் மேல் ஆயிரம் சர்ச்சைகள் இருந்தாலும் அவரின் விவசாயிகளுக்கான‌ இலவச மின்சாரதிட்டம் மாபெரும் சாதனை

ஏழை குடிசைக்கும், வருமானமில்லா கோவிலுக்கும் இலவச மின்சாரத்தை கொடுத்த கலைஞரை மறக்க முடியுமா?

டிவி கொடுத்தது தவறு என ஒரு கோஷ்டி கிளம்புகின்றது, டிவி என்பது என்ன அது ஒரு மீடியா , மின்சார பத்திரிகை

மாணவன் நேசனிலே நாட்டு நடப்பினை எழுதி வீடுவீடாக கொடுத்தவர் கலைஞர், மக்கள் அறிவுபெற வேண்டும் என்ற வெறி அவரிடம் இருந்தது

அது குடியரசு, திராவிட நாடு, முரசொலி என தொடர்ந்தது அப்படி பத்திரிகையினால் மக்கள் விழிப்புற வேண்டும் என்ற நோக்கில் அதன் விஞ்ஞான வடிவமான டிவியினைத்தான் அவர் வழங்கினார்

அதில் தவறென்ன கண்டார்கள் அதில் என்ன சன்டிவியும், கலைஞ்ர் டிவியும் மட்டுமா தெரியும்? பிபிசி சி.என்.என் கூட தெரியும், டிவிக்கு கட்சி தெரியாது

இன்னுமொரு கூட்டம் கிரைண்டரை உடை, மிக்சியினை உடை என கிளம்பி இருக்கின்றது, இவனெல்லாம் என்றாவது அம்மிகல்லில் அரைத்தானா? இல்லை ஆட்டுகல்லில் மாவாட்டினானா என்றால் இல்லை

அவனை எல்லாம் 4 நாள் அம்மிகல்லில் அரைக்க சொன்னால்தான் அதன் கஷ்டம் புரியும்

வாழ வழியற்ற மக்களுக்கான திட்டம் அது, அன்றாடம் காய்ச்சிகள் ஏழை பாழைகளுக்கான திட்டம் அது, அதில் பெற்ற பொருளை அமெரிக்காவில் இருந்து வந்த கார்பரேட் கிரிமினல் தூக்கி போட்டு உடைத்தால் சனியனை சாத்த வேண்டாமா?

மாணவர்களுக்கான இலவச சைக்கிளும், இலவச லேப்டாப்பும் ஏழைகளாய், ஏழை மாணவர்களாய் இருந்தால் அன்றி புரியாது

நிச்சயம் சொல்லலாம், கலைஞர் ஏழையாக இருந்து ஏழையாகவே வளர்ந்தவர்

அவருக்கு மாணவர் கஷ்டம் புரிந்தது, விவசாயிகள் கஷ்டம் புரிந்தது, அடிமட்ட மக்களின் வறுமை புரிந்தது

ஜெயாவின் திட்டமெல்லாம் கலைஞர் திட்டத்தின் அடுத்த வெர்ஷனே அன்றி சொந்த திட்டம் அல்ல‌

முத்தாய்ப்பாக கலைஞர் காப்பீடு திட்டம் பற்றி சொல்லலாம், ஆனானபட்ட பணக்கார அமெரிக்காவிலே ஒபாமா கேர் என கொண்டுவரபட்ட மருத்துவ காப்பீடு உண்டு

அதேதான் இங்கும் வந்தது, அதை இலவசம் என தள்ளிவிட முடியுமா?

எத்தனை ஆயிரம் மக்கள் அதனால் பலன்பெற்றார்கள், மறுக்க முடியுமா?

ஆக இலவசத்தால் நாடு கெட்டது என்பவனை தூக்கி போட்டு மிதிக்க வேண்டும், அரசு அதற்கு களமிறங்கினால் நல்லது

எவ்வளவு நலிந்தொரும் வாழ வழியற்றோரும் அத்திட்டங்களால் பலன் பெற்றோர் என்பது சமூகத்திற்கு தெரியுமே அன்றி இந்த சினிமா சர்க்காருக்கு தெரியாது

இந்த சர்க்கார் படம் என்பது கொஞ்சம் கவனிக்க வேண்டிய விஷயம்

விஜயண்ணா என்பவர் திராவிட கட்சிகளை சரித்துவிட்டு முதல்வராக துடிக்கும் நபர், இவரை குரங்கு போல் ஆட்டி வைப்பவர் அவரின் தகப்பனார் சந்திரசேகர்

வசனம் எழுதி இருப்பவர், திராவிட கட்சிகளை வாய்ப்பு கிடைக்கும்பொழுதெல்லாம் சீண்டும் இந்த ஜெயமோகன்

பெரியார் புரட்சியாளர் அல்ல,, கலைஞர் எழுத்தாளர் அல்ல, சிவாஜிக்கு நடிக்க தெரியாது, பாரதியார் மகாகவி அல்ல என்றெல்லாம் அரிய கருத்துக்களை சொன்னவர்

அவரும் இவரும் திட்டமிட்டு எழுதிய வசனங்களே இவை என்பதில் மாற்று கருத்தில்லை, இருவரும் சொன்னால் இயக்குநர் முருகதாஸ் என்ன செய்வார்? மிக்ஸி உடைக்க கிளம்பிவிட்டார்

இந்த விஜயண்ணாவிற்கு நாம் சொல்வது ஒன்றுதான், அண்ணா விஜயண்ணா உங்கள் அப்பன் சொல்வதை நம்பாதீர்கள், நம்பினால் ராமசந்திரனுக்கு இணையாக வளர்வேன் என சொல்லி வீணாய் போன முகமுத்து நிலைதான் உங்களுக்கும்

உங்களுக்கெல்லாம் கனவு நாயகன் யார்? சாட்சாத் ராமசந்திரன்

அவர் என்ன கேமரா முன் இருந்துவந்து தனிகட்சி கண்டாரா?

நிச்சயம் இல்லை, அவர் அண்ணாவோடு இருந்தார், திராவிட கட்சியின் முகமாக அறியபட்டார். ராமசந்திரன் கழக நடிகர் என்பதே அவருக்கு முதல் அடையாளம்

ஆம் கட்சியில் ஒருவராக வளர்ந்தவர் அவர், தனியாக அல்ல‌

பின்னாளில் அவர் கட்சி துவக்கும்பொழுது ஏற்கனவே இருந்த திமுகவினைத்தான் பிரித்து சென்றார் அதுதான் அவர் ஆட்சிக்கு வர எளிதாயிற்று

அவரால் கொண்டுவரபட்ட ஜெயா அதிமுகவின் அஸ்திவாரம் முதல் கைபற்றினர்

திமுக அதிமுக இரண்டும் வலுவாக இருக்க காரணம் அதன் அஸ்திவாரம், அது ஏழைகளாலும் பாட்டாளிகளாலும் மிக வலுவாக போடபட்டது

ஆனால் உங்கள் நிலை என்ன? எந்த கொள்கை? எந்த போராட்டம் அல்லது எந்த தலைவன் பின்னால் அணிவகுதீர்கள் ? எந்த கட்சியில் இருந்தீர்கள்

திடீரென குதித்தால் விஜயகாந்த் போல திடீரென காணாமல் போகவேண்டியதுதான்

ராமசந்திரன் திமுகவில் இருந்ததால்தான் வென்றார், சிவாஜி தன் புகழை மட்டுமே நம்பி தோற்றார்

நிச்சயம் நீர் அரசியலுக்கு வந்தால் சிவாஜி வழிதான் , இல்லை என்றால் விஜயகாந்த் முடிவுதான் சந்தேகமில்லை

அரசியலுக்கு வரும் ஆசை இருந்தால் முதலில் கட்சியில் சேர்ந்து பாடுபடுங்கள், ராமசந்திரன் அதைத்தான் செய்தார்

அவர் நாலுபேரிடம் சொல்ல அவருக்கு நல்ல தலைவன் பெயர் இருந்தது, உங்களுக்கு சொல்ல எந்த தலைவன் பெயர் உண்டு?

முருகதாஸ் பெயரை எல்லாம் சொன்னால் அடித்துவிடுவார்கள்

ராமசந்திரன் என்பவர் திமுகவில் இருந்ததாலதான் வென்றாரே தவிர தனிபட்ட முறையில் கட்சி தொடங்கி அல்ல‌

மற்ற எந்த நடிகனும் தனியாக கட்சி தொடங்கி இங்கு கிழிக்க முடியாது, சிவாஜியும், பாக்யராஜூம், விஜயகாந்தும் , டி.ராஜேந்திரனும் இன்னும் பலரும் சாட்சிகள்

கொள்கை இல்லா கட்சி அப்படித்தான்

அதனால் சொல்கின்றோம் அரசியல் ஆசை இருந்தால் நல்ல கட்சியாக பார்த்து சேர்ந்து தொண்டு செய்யுங்கள் பாடுபடுங்கள்

இல்லை ஒழுங்காக சினிமாவில் நடித்து உங்கள் காக்கா வலிப்பு ஆட்டத்தையும், வாயே திறக்காமல் வசனம் பேசும் வித்தையினையும், எல்லா காட்சிக்கும் லாரி ஹார்ன் அடித்தாலும் அசரா எருமைமாடு போல இருக்கும் முகபாவத்தையும் காட்டி கொண்டு சினிமாவிலே இருங்கள்

அங்கிள் சைமனுக்கும் சிலர் விசிலடிக்கும்பொழுது உங்களுக்கும் சிலர் கிளம்பமாட்டார்களா?

ஆனானபட்ட சிரஞ்சிவியே போதுமடா சாமி என ஓடிவிட்ட அரசியல் இது

அதனால் வீணாக இங்கு வந்து சிக்கி கொள்ளாதீர்கள், அதற்கு முதலில் செய்ய வேண்டியது உங்கள் அப்பாவினை நல்ல முதியோர் இல்லத்தில் சேர்துவிடுங்கள்

இல்லாவிட்டால் உங்களை யாரும் காப்பாற்ற முடியாது

இன்னொன்று பா.ரஞ்சித் ஒரு தலித் வெறியன் என்றால் ஜெயமோகன் பார்ப்பன வெறியன், இவர்களை போன்றவர்களை பக்கத்திலே விடாதீர்கள்

விட்டால் என்னாகும் என்பதற்கு ரஜினியிடமே கேட்டுகொள்ளுங்கள் அவருக்கு எல்லா வகையிலும் அனுபவம் அதிகம்

ஆக இதை எல்லாம் செய்து, உங்கள் தந்தையினை முதியோர் இல்லத்திற்கு அனுப்பினால் நீங்கள் உருப்பட வாய்ப்பு உண்டு

இல்லாவிட்டால் விழும் ஒவ்வொரு அடியும் தாங்க முடியாது, கண்ணுக்குள் நிலவு படத்தில் உங்கள் பாத்திரம் தெரியுமல்லவா? அப்படி ஆகிவிடும் ஜாக்கிரதை

(இதெல்லாம் ஒருபுறம் இருக்கட்டும் விஜயண்ணா, உங்கள் “உன்னால் முடியும்” இயக்கத்தால் உங்கள் பிறந்த நாளில் இலவச தையல் மிஷின், இலவச சைக்கிள், இலவச அயன்பாக்ஸ், இலவச ஜட்டிகள் எல்லாம் வழங்கபடுகின்றதே

உங்கள் தந்தையார் கூட அந்த மேடையில் பெருமை பொங்க அமர்ந்திருப்பாரே

அந்த இலவசத்தை என்றாவது நீர் கண்டித்ததுண்டாண்ணா? மனசாட்சியினை தொட்டு சொல்லுங்கள் பார்க்கலாம்..)

[ November 7, 2018 ]

Image may contain: 1 person, smiling, sitting
============================================================================

பழைய செய்திகளை புரட்டினால் சில விஷயங்கள் புரியும்

விஜயண்ணா தன் படம் வெற்றி பெற்றால் இயக்குநருக்கு கார் வழங்குவார், அப்படி முருகதாஸ் மற்றும் அட்லி எல்லோரும் பெற்றார்கள்

அதன் பெயர் ஊழல் இல்லை, லஞ்சம் இல்லை அன்பளிப்பு என்பார்கள் தகப்பனும் மகனும்

ஏம்பா முருகதாஸ் அந்த காரை கொழுத்திவிட்டு இலவச மிக்ஸியினை உடைக்க வாருமய்யா, இல்லாவிட்டால் பாட்டாளி மக்கள் கார் உடைக்க வந்தால் என்னய்யா செய்வீர்?

இந்த விஜயண்ணாவின் “உன்னால் முடியும்” இயக்கம் அவர் பிறந்த நாள் அன்று ஊரெல்லாம் நலிந்தோர் நலதிட்ட விழா என நடத்தி இலவச வேட்டி சேலை, தையல்மிஷின் எல்லாம் வழங்குவார்கள்

அணில் குஞ்சுகளா, இனி அந்த இலவச பொருட்களை “விஜயண்ணா பொறந்துடார் டோய்..” என வழங்க வாருங்கள், அன்று இருக்கின்றது

அடிக்கிற அடியில் விஜயண்ணாவிடமே நியாயம் கேட்க செல்வீர்கள்

[ November 8, 2018 ]

============================================================================

“ஆத்தா, உங்க பேரு கோமளவல்லியா ஆத்தா? எங்களுக்கே சொல்லாம மறைச்சிட்டியே ஆத்தா, இப்போதா தெரியுது ஆத்தா..

இந்த அளவுக்கு கூடவா எங்கள மதிக்காம வச்சிருந்த ஆத்தா,

அந்த விஜய் பய சொல்லித்தான் தெரியணுமா ஆத்தா ? ரெம்ப அவமானமா இருக்கு ஆத்தா?”

[ November 8, 2018 ]

============================================================================

சாமியார் என்பது சரியாகத்தான் இருக்கின்றது

60 ஆயிரம் மனைவியரோடு வாழ்வாங்கு வாழ்ந்தவன் பெயரின் மசாஜ் சென்டர் வைக்க வேண்டுமா? மருத்துவ கல்லூரி வைக்க வேண்டுமா?

இந்த சுஸ்சுருதர் போன்ற மருத்துவ முனிவர் பெயரை எல்லாம் வைக்க மாட்டீர்களா சாமி?

இந்த சுக்கிராச்சாரியார் பெயரையாவது வைத்தால் என்ன?

ராமன் பெயரில் என்ன விமான நிலையம்? விமானத்தில் வந்து சீதையினை கடத்தியது ராவணன் அல்லவா? அவன் பெயரை அல்லவா வைக்க வேண்டும், இந்த ஜடாயு பெயருமா இல்லை?

சாமி, விமான நிலையத்திற்கு ராமன் பெயரை வைத்தால், விமானத்தால் மனைவியினை பறிகொடுத்த ராமன் பெயருக்கு இழுக்கு வராதா?

என்னமோ யோசித்து செய்யுங்கள் சாமி..

[ November 8, 2018 ]

Image may contain: 1 person, smiling, text

 

சிதறல்கள்

பங்கு இந்த தமிழ்ராக்கர்ஸ் எப்படி புது படங்களை எல்லாம் உடனே ஒளிபரப்பிவிடுகின்றார்கள்?

இந்த வீடியொ ஆடியோ ஸ்பெஷலிஸ்ட் தினகரன்- வெற்றிவேல் கோஷ்டிக்கும் அவனுகளுக்கும் லிங்க் இருக்கும் போல , விசாரிப்போம்

[ November 5, 2018 ]

============================================================================

ஆமாடா. அவர் என்ன சாதின்னு கண்டுபிடிக்கிறோம் அதற்கு பின்புதான் சர்ச்சார் படத்தை ஓடவிடுறோம், தியேட்டர் கதவையே திறக்குறோம்

அந்த தமிழ்ராக்கர்ஸ்க்கும் சொல்லிருங்க டா, இன்னைக்கு ஒரு முடிவு தெரிஞ்சே ஆகணும் ஆமா..

(ஆனால் ஒரு பயலும் சங்கவியில் இருந்து கீர்த்தி சுரேஷ் வரை என்ன சாதி என ஆராயவே மாட்டான், ஆக நடிகைக்கு சாதி முக்கியமில்லை என்பது தமிழக நியதி..)

[ November 5, 2018 ]
Image may contain: text
============================================================================

பெரியார் அதை சொன்னார் இதை சொன்னார், பகுத்தறிவினை சொன்னார் என முழங்குவார்கள், அவர் சிலையினை தொட்டாலே முறைப்பார்கள்

ஆனால் அந்த பிரபலங்களின் டிவியில் தீபாவளிக்கு பெரியார் திரைபடத்தினை ஒளிபரப்புவார்களா என்றால் இல்லை , செய்யவே மாட்டார்கள்

அட அதுதான் இல்லை இந்த ராமாமிர்தம் அம்மையார், ரெட்டை மலை சீனிவானிசன் வாழ்க்கையினையாவது சீரியலாக கொடுப்பார்களா என்றால் அங்கே புராண கதைகளும் நவீன கொடூர கதைகளும் ஓடிகொண்டிருக்கின்றது

கொள்கை வேறு, சம்பாத்தியம் வேறு என்பதில் கண்ணும் கருத்துமாக இருக்கின்றார்கள் பகுத்தறிவு சிங்கங்கள்

[ November 6, 2018 ]

============================================================================

தீபாவளி பரிசுகளை யாரும் யாருக்கு கொடுத்து மகிழுங்கள், ஆனால் இத்தேசத்திற்கு மிகபெரும் தீபாவளி பரிசு விஞ்ஞானிகளால் கொடுக்கபட்டிருக்கின்றது

ஆம், அணுசக்தியில் இயங்கும் நீர்மூழ்கி கப்பலான அரிஹந்த் வெற்றிகரமாக சோதிக்கபட்டிருக்கின்றது, மிகபெரும் சாதனை அது

நீர்முழ்கி கப்பல் என்பது கடல் யுத்தத்தில் முக்கிய பங்கு வகிக்க கூடியது, இதுவரை இந்தியாவிடம் உண்டு எனினும் அணுசக்தியில் இயங்கும் கலன் கிடையாது

ஆம் மற்றவகை நீர்மூழ்கிகள் அடிக்கடி எரிபொருளுக்காக வெளிவரும், சிக்கிகொள்ளும் ஆனால் அணுசக்தி நீர்மூழ்கிகள் அது போக்கில் இயங்கலாம் ஒரு வருடம் கூட தாங்கும்

நீர்முழ்கிகளில் இரு பெரும் அனுகூலம் உண்டு

ஓரு உளவு விமானம் பறந்தால் தெரியும், ஒரு உளவாளி நடமாடினால் தெரியும் , ஏன் உளவு செயற்கை கோளை கூட கண்டறியலாம்

ஆனால் உளவு நீர்முழ்கிகளை கண்டறிவது மகா சிரமம், இன்றும் அமெரிக்க நீர்மூழ்கிகள் உலகெல்லாம் சுற்றி திரிவது ஒன்றும் ரகசியமல்ல‌

அப்படி சுற்றி திரிய வேண்டுமானால் அணுசக்தி அவசியம் இல்லாவிட்டால் எரிபொருளுக்காக வெளிவந்தால் லபக்கென்று அமுக்கிவிடுவார்கள்

அடுத்த அனுகூலம் ஏவுகனைகளை ஏவுவது, திடீரென கடலில் இருந்து புறப்படும் டார்பிடோ ஏவுகனைகள் பயங்கரமானவை, கூடவே பெரும் போர்கப்பல்களை தகர்க்க இது அவசியம்

இன்னொன்று நமது போர்கப்பல்களுக்கு பாதுகாப்பு அளிக்கவும் தேவை

சுருக்க்கமாக சொன்னால் இந்த செயற்கை சுறாக்கள் கடற்படைக்கு பெரும் வலுவூட்ட கூடியவை

1971 வங்க போரில் பாகிஸ்தான் வைத்திருந்த நீர்மூழ்கிக்கு நாம் பட்ட சிரமம் கொஞ்சமல்ல‌

இப்பொழுது சொந்தமாக செய்துவிட்டோம். உலகில் அணுசக்தி நீர்மூழ்கி வைத்திருக்கும் மிக சில நாடுகளில் நாமும் இடம்பிடித்துவிட்டோம்

இப்படியே சொந்தமாக போர்விமானங்களையும் செய்துவிட்டால், பட்ஜெட்டும் மிச்சம் பலமும் அதிகரிக்கும்

இந்த தீபாவளிக்கு நாட்டுக்கு கிடைத்திருக்கும் அந்த மிக சிறந்த பரிசுக்காக அந்த விஞ்ஞானிகளை வாழ்த்துவோம்

இந்தியா இன்னும் பலம் பெறட்டும் , ஜெய்ஹிந்த்

[ November 6, 2018 ]

Image may contain: ocean, sky, outdoor, text and water
=========================================================================

எதிர்கட்சி எம்பிக்களை கடத்த முயன்றாரா ராஜபக்சே? இலங்கையில் பரபரப்பு

தன் மெஜாரிட்டியினை நிரூபிக்க வேண்டிய கட்டாயத்தில் இருக்கும் ராஜபக்சே அங்கும் கூவத்தூர் காரியங்களை செய்ய ஆரம்பித்துவிட்டார்

ஆக அங்கும் ஒரு “தியாக தலைவன்” கிடைத்தாயிற்று.

இலங்கை என்ன வெகுதூரமா? இங்கு வீசும் காற்று அங்கும் வீசாதா? அதில் அரசியல் கலக்காதா?

[ November 6, 2018 ]

============================================================================

அர்ரே பழ்னிச்சாமி சாப், நல்லநாள் அதுவுமா மனுஷன காளான் சாப்ட்ற விடுறீங்களா? என்ன மேன் இது

எதுங்க அய்யா? இங்க பட்டாசு வெடிக்கிறவங்கள எல்லாம் ஓட ஓட பிடிக்கிறோமுங்க அய்யா ,யாரும் கமலாலயம் முன்னால வெடிபோட்டுட்டானா அய்யா?, அது தினகரன் கோஷ்டியாத்தான் இருக்கும்யா, இப்போ பிடிச்சி தொங்கவிடுறேன் பாருங்க

அது இல்ல மேன், சர்க்கார் சரி இல்லண்ணு தமிழ்நாடு பூரா சொல்றாங்ளாம், அமெரிக்காவே நம்ம சர்க்கார் பார்த்து அலறுது மேன், ஆனா டமில்நாட்லே நம்ம சர்க்கார் நல்லா இல்லன்னு சொல்றாங்கண்ணா, யார் மேன் காரணம்? நம்மிள் பேரை நிம்பிள் கெடுக்குறான் மேன்

அய்யோ இல்லீங்க, இங்க சர்க்கார்னு ஒரு படமுங்க, அதபத்தி சொல்றாங்கங்க வேணும்னா தமிழிசைகிட்ட வேணும்னா கேட்டுகோங்க‌

அதெல்லாம் தெர்யாது மேன், நம்பிள் சினிமா எல்லாம் பார்க்க மாட்டான், அதெல்லாம் உங்க கட்சி விஷயம், எப்படியோ சர்க்கார் நல்ல சர்க்கார்னு மக்கள் சொல்லணும் புரியுதா

அதுபத்தி தமிழிசைகிட்ட பேசுறேன்ங்க , போன தடவை இப்படித்தான் மெர்சல்னு ஒரு மொக்கை படத்தை அவங்க ஹிட் பண்ண ஹெல்ப் பண்ணாங்க, இதுக்கும் அவங்க உதவி கேட்க போறேங்க..

2 நாளையில சர்க்கார் நல்ல சர்க்கார்னு மக்கள் சொல்றாங்கன்னு பொன்னார கிட்ட இருந்து செய்தி வர்ணும் மேன்”

[ November 6, 2018 ]

Image may contain: 1 person, sitting and closeup
============================================================================

கடல் படத்தில் மணிரத்தினத்தை கல்லை கட்டி கடலில் போட்டவர் ஜெயமோகன், அதிலிருந்து வெளிவர மணிசார் படும்பாடு கொஞ்சமல்ல‌

இப்பொழுது ஜெயமோகன் என்றால் மணிசார் தூக்கத்தில் கூட அலறுவதாக சொல்கின்றார்கள், முன்பு தன் வீட்டு குண்டு வீசியவர்களை கூட மன்னிக்க தயாரானாலும் ஜெயமோகன் என்றால் மணிரத்னம் துப்பாக்கி தூக்குவார் என்கின்றார்கள்

அவரை சர்க்கார் படத்திற்கு வைத்தால் என்னாகும்? இப்படித்தான் ஆகும்

அடுத்தது யார்?

எந்திரன் 2.0 படத்தை பார்த்து ஜனகராஜ் ஸ்டைலில் சிரிக்க வேண்டியதுதான்

“ஷங்கர் சார் நீங்க 3வது…..” [ November 6, 2018 ]

============================================================================

ஸ்ரீராமர் பிறந்த இடமான அயோத்தியில் தீபாவளி திருநாள் கோலாகலமாக கொண்டாடப்பட்டது : செய்தி

காலத்தால் நடக்கும் பல விஷயங்களை தடுக்க முடியாது, 2000 ஆண்டுகளாக உலகெல்லாம் அடிபட்ட யூத இனம் இன்று ஜெருசலேமினை யூதமயமாக்கி கொண்டிருக்கின்றது

செங்கிஸ்கான் காலத்தில் விரட்டபட்ட கிறிஸ்தவமும் இஸ்லாமும் அவன் காலத்திற்கு பின் அரேபியாவிலும் ஐரோப்பாவிலும் தளைத்தது

யாரால் தடுக்க முடிகின்றது? தடுப்பார் யாருமில்லை

வெள்ளையனுக்கு பின் பர்மாவும் இலங்கையும் தீவிர பவுத்த நாடாயின தடுப்பார் யார் உண்டு?

இதோ இந்தியாவும் முழு இந்துத்வா நாடாக மாறிகொண்டிருக்கின்றது, 80% இந்துமக்கள் கொண்ட நாட்டில் அது சாத்தியமே

காலசக்கரம் என்பது இதுதான், விரட்டபட ஒரு காலமுண்டு என்றால் விரட்டி அடிக்கவும் ஒரு காலமுண்டு

ஆனால் யூதர்களை போல காலத்தால் மேம்பட்ட விஞ்ஞான இந்துத்வ நாடாக இருந்தால் சிக்கல் இல்லை ஆனால் ஆப்கன் தாலிபன் போல் ஆகிவிட்டால் மகா சிக்கல்

இந்த கோஷ்டியால் இந்தியா ஆப்கன் போல் ஆகும் என்றுதான் தெரிகின்றது

பாரம்பரியங்களை காப்பது வேறு, காலத்திற்கேற்ப மாறி உலகோடு ஒட்டுவது என்பது வேறு

மத இறுக்கத்தில் இருக்கும் நாடுகளில் அரபுநாடு தவிர எதுவும் உருப்பட்டதில்லை, காரணம் எண்ணெய்

அவர்களிடம் எண்ணெய் இருக்கின்றது, இந்தியாவிடம் என்ன இருக்கின்றது

இஸ்ரேலில் யூத குருமார்கள் பாரம்பரிய பபூன் உடையில் அலைவார்கள் ஆனால் அரசியலுக்குள் வரமாட்டார்கள், அங்கு கோட் சூட் அணிந்த நாகரிக யூதர்கள் இருப்பார்கள்

இந்து இந்தியா என்பது அப்படி இருந்தால் நல்லது மாறாக காவிகளை முன்னிறுதினால் இந்நாடு ஆப்கனை விட அவலமாக மாறும்

அதிலிருந்து இந்நாட்டை காக்கும் பொறுப்பு இந்துக்களுக்கு அதிகம் இருக்கின்றது

[ November 8, 2018 ]

============================================================================

ஒரிஜினல் கோமளவல்லி இருந்தபொழுது , தலைவா படத்திற்காக விஜயண்ணா “அம்மா.. பிளீஸ்மா ..படத்தை வெளியிட உதவுங்கம்மா..” என இந்த கோலத்தில்தான் கைகட்டி வாய்பொத்தி நின்றார்

எங்கே முடிந்தால் தட்சனா மூர்த்தி (கலைஞர்) அல்லது தியாகராஜன் (முரசொலி மாறனின் பெயர்) என ஒரு வில்லன் பெயரை வைத்துவிடட்டும் பார்க்கலாம்

இறந்தும் கிலி கொடுப்பவர் கலைஞர், உண்மையான தொண்டர்களை அவர்தான் சம்பாதித்திருக்கின்றார்.

[ November 8, 2018 ]
Image may contain: 1 person, standing and beard
============================================================================

பொதுபணிதுறை மிக ஒழுக்கமாக கட்டுபாடாக இருக்கும் மலேசியாவிலும் டெங்கு உண்டு, சிங்கப்பூரில் அன்றாடம் உண்டு,

ஆண்டுதோறும் பலிகளும் உண்டு

மலேசியா வெளியில் சொல்லும் , சிங்கப்பூர் சொல்லாது டெங்குவில் செத்தவனையும் ஈரல் நோயால் செத்தான் என ரிப்போர்ட்டை எழுதிவிட்டு அமைதியாகிவிடும்

பொதுபணிதுறைக்கும் டெங்குவிற்கும் என்ன சம்பந்தம்? பொறுப்பு மக்களுக்கும் உண்டு

கதையினை திருடி, கனவில் வசனம் எழுதினால் இப்படித்தான் ஆகும்

[ November 8, 2018 ]

============================================================================

1966ல் இதே நாளில்தான் டெல்லியில் காமராஜர் இருந்த வீடு தீபிடித்து எரிந்தது , காமராஜரை கொல்ல சதி என்றெல்லாம் பெரும் செய்திகள் வந்தன‌

உண்மையில் அது திட்டமிட்ட சதி அல்ல, மாறாக கலவர சூழல்

அப்பொழுது மிக தீவிரமான பசுவதை தடுப்பு போராட்டம் நடந்தது, வட இந்தியா போர்களமானது , அப்பொழுது டெல்லியில் பல வீடுகள் எரிக்கபட்டன, துரதிருஷ்ட வசமாக காமராஜரும் அங்கு சிக்கி கொண்டார், உயிர் தப்பினார்

ஆனால் அதை அரசியலக்வோ அனுதாபம் தேடவோ அந்த அப்பாவி மனிதனுக்கு தெரியவில்லை, தீயில் எரிந்த தியாக தலைவன் என்றெல்லாம் தனக்கு தானே பட்டம் கொடுக்கவும் அவருக்கு விருப்பமில்லை

இன்று காமராஜரை டெல்லியில் கொல்ல இந்துத்வா வெறியர்கள் முயன்றார்கள் என பெரும் சீற்றம் சீறுபவர் எல்லாம் யார் தெரியுமா?

இந்திரா காந்தியினை இரத்தம் வரும்வரை அடித்த தமிழகத்தார், ஆம் சமீபத்தில் மோடியினை கருப்பு கொடி காட்டி ஓட விரட்டிய அதே தமிழகத்தார்

இந்திரா மேல் கல் எறிந்தால் அது தமிழக புரட்சி, திராவிட எழுச்சி

ஆனால் காமராஜர் இருந்த வீடு எரிந்தால் அது இந்துத்வ வெறி, கொலைமுயற்சி

ராஜிவ் இங்கு கொல்லபட்டாலே அது புலிகளின் நுட்பமான தற்கொடை போர் என்பார்கள், அப்படிபட்ட தமிழகம் இது

இங்கு இப்படித்தான் வரலாறு எழுதபட்டிருக்கின்றது

அய்யகோ காமராஜரை இந்துத்வா வெறியர்கள் கொல்ல முயன்றார்கள் என்பதும், இங்கே ராஜிவினை கொன்றவர்களை விடுவி என்பது என்ன மாதிரி அரசியலோ தெரியவில்லை

காமராஜருக்கு இந்த இந்துத்வா கோஷ்டிகளை விட திராவிட அழிச்சாட்டிய கும்பல் செய்த விஷயங்களே ரணமானவை, கண்ணீரை வரவைக்கும் கொடூரமானவை. [ November 8, 2018 ]

============================================================================

அந்த கொலம்பியா தீவு விவகாரம் வெளிவந்ததில் அச்சபட்டதோ என்னமோ தாய்லாந்து பல சலுகைகளில் இறங்கிவிட்டது

இருமாதத்திற்கு விசா கட்டணம் இல்லையாம், இலவச விசாவாம், அவர்கள் சுற்றுலாவினை ஊக்குவிக்க இந்த அறிவிப்பாம்

அப்படியே இலவச விமானம், இலவச கப்பல் என தாய்லாந்து அறிவித்தால் எப்படி இருக்கும்,

அதாவது அவர்கள் சுற்றுலா வளரும் அல்லவா? அதைத்தான் சொன்னோம், வேறு ஒன்றுமல்ல‌  [ November 8, 2018 ]

========================================================================================================================================================

ஞாயிறு மாலை சென்னை விமான நிலையத்தில் ஒரு இன்டிகோ விமானம் தரையிறங்க தத்தளித்திருக்கின்றது, மக்கள் கண்டுகொள்ளவில்லை ஆனால் பாதுகாப்பு விஷயங்களில் உள்ளவர்கள் கண்டறிந்திருக்கின்றார்கள்

ஆந்திராவில் இருந்து சென்னைக்கு வந்த விமானம் அது, ஆனால் வரும் வழியில் ஒரு இஞ்சின் செயல்படவில்லை என்பது பின்புதான் தெரிந்திருகின்றது

ஒரு புற இஞ்சினை கொண்டு மறுபடியும் பறந்திருக்கின்றார்கள், வலப்புற இஞ்சினை மீண்டும் இயக்க முயன்றார்கள் முடியவில்லை

பின்பு ஊரெல்லாம் சுற்றிவிட்டு மறுபடி இறங்கி இருக்கின்றார்கள்

என்ன கோளாறு என்றால் விஷயம் மகா சிக்கலாது

ஆம், அந்த எஞ்சினில் ஆயில் குறைவாம், அது பறக்கும் பொழுது ஏற்பட்ட கோளாறா அல்லது ஒழுங்காக புறப்படும் முன்பே சோதிக்கவில்லையா என்பது இனிதான் தெரியும்

அதாவது விமான தவறா விமானியின் தவறா இல்லை சோதிக்கும் என்சினியர் தவறா என்பது இனிதான் தெரியும்

[ November 8, 2018 ]

===========================================================================