திரைச்செய்திகள்

இந்த நடிகையர் திலகம் படத்தை இப்பொழுதுதான் பார்க்க முடிந்தது , சாவித்திரி கதையின் 75% உண்மையினை சொல்லி இருக்கின்றார்கள் மற்றபடி ஜெமினி பற்றி சொன்னதெல்லாம் சரி அல்ல‌

ஜெமினி அவரை குடிக்க பழக்கவுமில்லை, அவர் வாழ்வு திசைமாற காரணமுமில்லை

மற்றபடி அற்புதமான படம் அது, சாதாரண ஏழை சிறுமி சாவித்திரி 20 வயதிற்குள் சினிமாவில் உச்சம் பெற்று மாபெரும் செல்வத்தில் புரள்கின்றார்

இதில் கவனிக்க வேண்டிய விஷயம் ஒன்று உண்டு, அதாகபட்டது சாவித்திரி சிவாஜி எல்லாம் சினிமாவில் சம்பாதித்தார்கள், சாவித்திரி அன்றே லட்சம் லட்சமாக குவித்தார்

இதே காலத்தில் இவர்களுக்கு முன்பாக குவித்தவர்தான் கருணாநிதி, சந்தேகமில்லை 1955ளிலே அவர் வாங்கிய சம்பளமும் அன்பளிப்பும் அப்படி

சாவித்திரி அபியுலா சாலைக்கு வருமுன்பே கோபாலபுரத்தில் சொந்த வீட்டில் குடியேறியவர் அவர், அப்படியே தன் சம்பாததியத்தை முதலீடும் செய்திருந்தார்

சாவித்திரி சினிமாவில் சம்பாதித்தை ஒப்புகொள்கின்றார்கள், ஆனால் கலைஞர் மட்டும் திருட்டு ரயிலில் வந்து ஊழலில் சம்பாதித்தார் என சொல்லி மகிழ்கின்றார்கள்

அவர்கள் அப்படித்தான், ஆனால் சாவித்திரியினை விட அன்றே செல்வத்தை குவித்தவர் கலைஞர்

படத்தில் சொல்ல வேண்டிய விஷயம், கீர்த்தி சுரேஷ். மிக பிரமாதமான‌ நடிப்பு

சாவித்திரி போலவே கெட் அப் மட்டுமல்ல, தலைசாய்த்து ஆடுவது கையினை கன்னத்தில் வைப்பது, அவரை போலவே சிரிப்பது அழுவது என பின்னியிருக்கின்றார்

தட்டு நிறைய லட்டை வைத்துகொண்டு சாவித்திரி போலவே அசால்ட்டாக விழுங்கும் காட்சியில் எல்லாம் பின்னுகின்றார்

அட்டகாசமான நடிப்பு, சாவித்திரியினை கண்முன் நிறுத்திவிட்டார், வாழ்த்தாமல் இருக்க முடியாது

அவருக்குள்ளும் ஒரு மாபெரும் நடிகை இருகின்றார் என்பதை ஒப்புகொள்ளத்தான் வேண்டும்

இந்த வருடத்திற்கான குஷ்பு விருதினை கீர்த்தி சுரேஷுக்கு வழங்க சங்கம் முடிவெடுத்தாயிற்று

[ November 8, 2018 ]

============================================================================

நீர்தான் தைரியமான ஆளாச்சே, எங்கே உங்களின் வரப்போகும் படங்களில் இப்படி காட்சிகளை வைத்துவிடும் பார்க்கலாம்..

வைத்துவிட்டு சொல்லுமய்யா, சும்மா கண்டிக்க கிளம்பிவிட்டாராம்

[ November 9, 2018 ]
Image may contain: text
============================================================================

ஒன்றுமட்டும் நன்றாக புரிகின்றது

அன்றே குமாரசாமி ராஜாவோ, காமராஜரோ இல்லை பக்தவத்சலமோ இப்படி களமிறங்கி இருந்தால் அதாவது சினிமாவினை அடித்து துவைக்க ஆரம்பித்திருந்தால் பல விபரீத விஷயங்கள் நடந்திருக்காது

பின்னாளில் கலைஞரும் செய்திருந்தால் ராமசந்திரனின் இந்த இம்சை படங்களான இதயகனி போன்றவை வந்திருக்காது, உறுதியாக சொல்லலாம் கலைஞர் ராமசந்திரனை அரசியல் ரீதியாக எதிர்த்தாரே அன்றி சினிமா ரீதியாக அவர் முடக்க நினைக்கவே இல்லை

கலைஞரின் சுபாவம் அது, அரசியல் வேறு சினிமா வேறு என்பதில் மிக பெருந்தன்மையாக இருந்தார்

முதன் முதலில் சினிமாவினை கண் வைத்து தேவைபட்டால் மிதிக்க கால் வைத்தவர் ராமசந்திரன்

“அண்ணே, அண்ணே சிப்பாய் அண்ணே நம்ம ஊரு கெட்டு போச்சிண்ணே” என பாடல் எழுதிய கங்கை அமரன் பட்ட பாடு கொஞ்சமல்ல‌

அன்று வளரும் நடிகரான ரஜினி மேல் அவருக்கு அச்சமும் எரிச்சலும் இருந்தது , தன் முடியா படங்களின் இரண்டாம் பாகம் கூட ரஜினியால் முடிக்கபட கூடாது என்பதில் கவனமாக இருந்தார்

சினிமாவில் ஜெமினி கணேசனின் வாரிசாகும் பாக்யராஜை என் கலையுலக வாரிசு என சொல்லி காமெடி செய்யவும் அவர் தவறவில்லை

சினிமாவினை குரங்காக ஆட்டி வைக்க வேண்டும் என்பது அதிமுகவின் கொள்கை

ராமசந்திரன் செய்ததை ஜெயா தொடர்ந்தார், ஜெயா தொடர்ந்ததை இப்பொழுது இந்த அரசும் தொடர்கின்றது

[ November 9, 2018 ]

============================================================================

என்ன சொன்னாலும் யாரும் கண்டு கொள்ள மாட்டேன் என்கின்றார்கள் , பழனிச்சாமியினை அனுதினமும் கண்டித்தாலும் சத்தமில்லை

என்னடா செய்யலாம் என மல்லாக்க படுத்திருந்த பாமாகாவிற்கு சர்க்கார் கிடைத்துவிட்டது

கதை அவர்களுக்கு சிக்கலே இல்லை, புகையே சிக்கல்

ஆம், படத்தில் 5 முறை விஜய் புகை பிடித்தாராம், விடுவார்களா? புகை பிடித்த விஜயண்ணாவின் படத்தினை சிறைபிடிப்போம் என கிளம்பிவிட்டார்கள்

நாம் முன்பே சொன்னதுதான்

தமிழகம் ஒரு வித்தியாசமான மாநிலம், யார் எங்கிருந்து எப்பொழுது அடிப்பார்கள் என்றே தெரியாது ஆனால் ஒருவனை குறிவைத்துவிட்டால் இருட்டறையில் முரட்டு குத்தாக குத்துவார்கள்

இந்திராவும், மோடியுமே அலறி அடித்து ஒடிய தமிழகம் இது

இங்கு விஜயண்ணாவினை மட்டும் விடுவார்களா, அரசியலில் எப்படி எல்லாம் அடிப்பார்கள் என்பதற்கு ஆளுநரே சாட்சி

[ November 9, 2018 ]

============================================================================

சர்க்கார் விவகாரம் இன்னும் மகா காமெடி ஆகின்றது

ஏகபட்ட கோஷ்டிகள் ஊர்வலமாய் வந்து இந்த திருவிழாவில் ஆட்டம் போட வருகின்றன‌

ஏற்கனவே ஆசான் ஜெமோவின் கும்பல் ஒருபக்கம் குதிக்க, அதிமுகவினர் மறுபக்கம் குதிக்கின்றன‌

இதில் இந்த பாமக வேறு வந்தாயிற்று, பாமக வந்தால் விடுவாரா ரஜினி? பாபா நினைவுகள் எல்லாம் வந்து அவரும் வந்துவிட்டார்

இதில் முருகதாஸின் ரத்த சோதனை முடிவிற்காக காத்திருந்தவர்களும் வந்தாயிற்று ஆம் முருகதாஸ் நாடாராம், ராக்கெட் ராஜா என்பவர் எல்லாம் வந்துவிட்டதால் விஷயம் உண்மையாக இருக்கலாம்

இன்னும் யாரெல்லாம் வருவார்களோ தெரியாது, சிங்கம் , பிலி , கரடி , யானை என பல ஆட்டங்கள் நடக்கும் அரங்கம் போல சர்க்கார் அரங்கம் சர்கஸ் அரங்கமாக மாறி கொண்டிருக்கின்றது

இன்னும் ஜிம்னாஸ்டிக் விளையாட்டு ஆரம்பிக்கவில்லை, அதில் தலைகீழாக தொங்க போவது யார் என தெரிய மிக ஆர்வமாக சர்கஸ் ரசிகர்கள் உள்ளனர்

[ November 9, 2018 ]

===========================================================================

“இந்த கிறுக்கு கவிதை எழுதி என்னத்த கண்டோம், ஆசான் ஜெயமோகன் போல் ஆகவேண்டும்

என்ன செய்யலாம், மூன்றாம் கலைஞரின் அடுத்த படத்திற்கு வசனம் எழுதினால் ஆசான் அளவுக்கு ஹிட் ஆகிவிடலாம்.

தளபதியிடம் மெதுவாக‌ கேட்டு வைப்போம்..”

[ November 9, 2018 ]
Image may contain: 1 person, closeup
==========================================================================

“ஏனுங்க நாட்டு சர்க்கார் காரங்களா
உங்களுக்காக‌ தாமிரபரணியில் எல்லாம் முங்கி இருக்கேன், அடுத்து எங்கே மூழ்கணும் கங்கையிலா

சொல்லுங்க உடனே வந்து மூழ்குறேன், அகோரி சாமியார் ஆகணுமா ஆகுறேன், ஆனால் தம்பிய மட்டும் விட்ருங்க, பாவம் அவன் அழுகை தாங்க முடியல…”

[ November 9, 2018 ]
Image may contain: 2 people, people smiling, people standing
============================================================================

“நெலமையே சரியில்லை சார், டயலாக்கே வேண்டாம்

இங்க என்ன சொன்னாலும் அடிப்பாங்க போல இருக்கு அதுனால இந்த வாலி படத்துல வர்ற மாதிரி வாய் பேசாத கேரக்டரா வச்சிருங்க ப்ளீஸ்..”

[ November 9, 2018 ]
Image may contain: 2 people, beard
============================================================================

இயக்குனர் ஏ.ஆர்.முருகதாஸ் முன் ஜாமீன் கோரி உயர்நீதிமன்றத்தில் மனு தாக்கல்

அடேய் சினிமா அல்ட்ராசிட்டிஸ், கலைஞர் எவ்வளவு பெருந்தன்மையான மனிதர் என இனியாவது உணர்ந்துகொள்ளுங்கள்

இன்று இருந்தாலும் திரைகலைஞர்களுக்கு ஒரு சிக்கல் என்றால் வரத்தான் செய்வார் அந்த மனிதர்

இனி சினிமா கோஷ்டி அடிக்கடி கோர்ட் பக்கம் செல்ல வேண்டி இருக்கும் , அப்படி போகுமுன் அவர் சமாதியில் மன்னிப்பு கேட்டுவிட்டு செல்லுங்கள்

இலவச திட்டங்களை ஒழிப்போம்

இலவச திட்டங்களை ஒழிப்போம் என சர்க்காரின் ஜெயமோகன் வசனத்தை இந்த விஜயண்ணா பேசிவிட்டார் என ஏக சலசலப்பு, விஷயம் அரசாங்கத்தையே சீண்டிவிட சர்க்கார்க்கு சமாதி கட்ட அரசு கிளம்புவது போல் தெரிகின்றது

ஒரு கோஷ்டி கிளம்பி இருக்கின்றது , அதாவது வோட்டுக்காக இலவச பொருள் வழங்குகின்றார்கள் , இது லஞ்சம் , ஊழல், கையூட்டு என கிளம்பியாயிற்று

எல்லா இலவச திட்டங்களையும் பழிக்க முடியுமா?

காமராஜரின் இலவச மதிய உணவு திட்டம் என்பது இலவச திட்டம்தான், ஆனால் அது எவ்வளவு பெரிய நல்ல விளைவினை கொடுத்தது, எவ்வளவு பேர் கல்வி கற்றனர்? அதனால் பலன் பெற்றோர் வீட்டிலே உண்டு

உடையே இல்லா ஏழை குழந்தைக்கும் பகட்டில் திரியும் பணக்கார் குழந்தைக்கும் பொதுவாக சீருடை கொடுத்தால் அதை குறை சொல்ல முடியுமா?

நிச்சயம் ஏழைகளுக்கு அது பெரும் விஷயம்

கலைஞரின் இலவச பஸ்பாஸ் திட்டம் என்ன பழிக்க கூடியதா? அதனால் பலன் பெற்றோர் எவ்வளவு

கலைஞரின் இலவச மின்சார திட்டம் என்பது ஒன்றுதான் விவசாயிகளின் ஓரே ஆறுதல், விவசாயம் என்பது அந்த ஒற்றை கயிறில்தான் ஆடிகொண்டிருக்கின்றது

என்னால் மிக உறுதியாக சொல்லமுடியும் மனிதர் மேல் ஆயிரம் சர்ச்சைகள் இருந்தாலும் அவரின் விவசாயிகளுக்கான‌ இலவச மின்சாரதிட்டம் மாபெரும் சாதனை

ஏழை குடிசைக்கும், வருமானமில்லா கோவிலுக்கும் இலவச மின்சாரத்தை கொடுத்த கலைஞரை மறக்க முடியுமா?

டிவி கொடுத்தது தவறு என ஒரு கோஷ்டி கிளம்புகின்றது, டிவி என்பது என்ன அது ஒரு மீடியா , மின்சார பத்திரிகை

மாணவன் நேசனிலே நாட்டு நடப்பினை எழுதி வீடுவீடாக கொடுத்தவர் கலைஞர், மக்கள் அறிவுபெற வேண்டும் என்ற வெறி அவரிடம் இருந்தது

அது குடியரசு, திராவிட நாடு, முரசொலி என தொடர்ந்தது அப்படி பத்திரிகையினால் மக்கள் விழிப்புற வேண்டும் என்ற நோக்கில் அதன் விஞ்ஞான வடிவமான டிவியினைத்தான் அவர் வழங்கினார்

அதில் தவறென்ன கண்டார்கள் அதில் என்ன சன்டிவியும், கலைஞ்ர் டிவியும் மட்டுமா தெரியும்? பிபிசி சி.என்.என் கூட தெரியும், டிவிக்கு கட்சி தெரியாது

இன்னுமொரு கூட்டம் கிரைண்டரை உடை, மிக்சியினை உடை என கிளம்பி இருக்கின்றது, இவனெல்லாம் என்றாவது அம்மிகல்லில் அரைத்தானா? இல்லை ஆட்டுகல்லில் மாவாட்டினானா என்றால் இல்லை

அவனை எல்லாம் 4 நாள் அம்மிகல்லில் அரைக்க சொன்னால்தான் அதன் கஷ்டம் புரியும்

வாழ வழியற்ற மக்களுக்கான திட்டம் அது, அன்றாடம் காய்ச்சிகள் ஏழை பாழைகளுக்கான திட்டம் அது, அதில் பெற்ற பொருளை அமெரிக்காவில் இருந்து வந்த கார்பரேட் கிரிமினல் தூக்கி போட்டு உடைத்தால் சனியனை சாத்த வேண்டாமா?

மாணவர்களுக்கான இலவச சைக்கிளும், இலவச லேப்டாப்பும் ஏழைகளாய், ஏழை மாணவர்களாய் இருந்தால் அன்றி புரியாது

நிச்சயம் சொல்லலாம், கலைஞர் ஏழையாக இருந்து ஏழையாகவே வளர்ந்தவர்

அவருக்கு மாணவர் கஷ்டம் புரிந்தது, விவசாயிகள் கஷ்டம் புரிந்தது, அடிமட்ட மக்களின் வறுமை புரிந்தது

ஜெயாவின் திட்டமெல்லாம் கலைஞர் திட்டத்தின் அடுத்த வெர்ஷனே அன்றி சொந்த திட்டம் அல்ல‌

முத்தாய்ப்பாக கலைஞர் காப்பீடு திட்டம் பற்றி சொல்லலாம், ஆனானபட்ட பணக்கார அமெரிக்காவிலே ஒபாமா கேர் என கொண்டுவரபட்ட மருத்துவ காப்பீடு உண்டு

அதேதான் இங்கும் வந்தது, அதை இலவசம் என தள்ளிவிட முடியுமா?

எத்தனை ஆயிரம் மக்கள் அதனால் பலன்பெற்றார்கள், மறுக்க முடியுமா?

ஆக இலவசத்தால் நாடு கெட்டது என்பவனை தூக்கி போட்டு மிதிக்க வேண்டும், அரசு அதற்கு களமிறங்கினால் நல்லது

எவ்வளவு நலிந்தொரும் வாழ வழியற்றோரும் அத்திட்டங்களால் பலன் பெற்றோர் என்பது சமூகத்திற்கு தெரியுமே அன்றி இந்த சினிமா சர்க்காருக்கு தெரியாது

இந்த சர்க்கார் படம் என்பது கொஞ்சம் கவனிக்க வேண்டிய விஷயம்

விஜயண்ணா என்பவர் திராவிட கட்சிகளை சரித்துவிட்டு முதல்வராக துடிக்கும் நபர், இவரை குரங்கு போல் ஆட்டி வைப்பவர் அவரின் தகப்பனார் சந்திரசேகர்

வசனம் எழுதி இருப்பவர், திராவிட கட்சிகளை வாய்ப்பு கிடைக்கும்பொழுதெல்லாம் சீண்டும் இந்த ஜெயமோகன்

பெரியார் புரட்சியாளர் அல்ல,, கலைஞர் எழுத்தாளர் அல்ல, சிவாஜிக்கு நடிக்க தெரியாது, பாரதியார் மகாகவி அல்ல என்றெல்லாம் அரிய கருத்துக்களை சொன்னவர்

அவரும் இவரும் திட்டமிட்டு எழுதிய வசனங்களே இவை என்பதில் மாற்று கருத்தில்லை, இருவரும் சொன்னால் இயக்குநர் முருகதாஸ் என்ன செய்வார்? மிக்ஸி உடைக்க கிளம்பிவிட்டார்

இந்த விஜயண்ணாவிற்கு நாம் சொல்வது ஒன்றுதான், அண்ணா விஜயண்ணா உங்கள் அப்பன் சொல்வதை நம்பாதீர்கள், நம்பினால் ராமசந்திரனுக்கு இணையாக வளர்வேன் என சொல்லி வீணாய் போன முகமுத்து நிலைதான் உங்களுக்கும்

உங்களுக்கெல்லாம் கனவு நாயகன் யார்? சாட்சாத் ராமசந்திரன்

அவர் என்ன கேமரா முன் இருந்துவந்து தனிகட்சி கண்டாரா?

நிச்சயம் இல்லை, அவர் அண்ணாவோடு இருந்தார், திராவிட கட்சியின் முகமாக அறியபட்டார். ராமசந்திரன் கழக நடிகர் என்பதே அவருக்கு முதல் அடையாளம்

ஆம் கட்சியில் ஒருவராக வளர்ந்தவர் அவர், தனியாக அல்ல‌

பின்னாளில் அவர் கட்சி துவக்கும்பொழுது ஏற்கனவே இருந்த திமுகவினைத்தான் பிரித்து சென்றார் அதுதான் அவர் ஆட்சிக்கு வர எளிதாயிற்று

அவரால் கொண்டுவரபட்ட ஜெயா அதிமுகவின் அஸ்திவாரம் முதல் கைபற்றினர்

திமுக அதிமுக இரண்டும் வலுவாக இருக்க காரணம் அதன் அஸ்திவாரம், அது ஏழைகளாலும் பாட்டாளிகளாலும் மிக வலுவாக போடபட்டது

ஆனால் உங்கள் நிலை என்ன? எந்த கொள்கை? எந்த போராட்டம் அல்லது எந்த தலைவன் பின்னால் அணிவகுதீர்கள் ? எந்த கட்சியில் இருந்தீர்கள்

திடீரென குதித்தால் விஜயகாந்த் போல திடீரென காணாமல் போகவேண்டியதுதான்

ராமசந்திரன் திமுகவில் இருந்ததால்தான் வென்றார், சிவாஜி தன் புகழை மட்டுமே நம்பி தோற்றார்

நிச்சயம் நீர் அரசியலுக்கு வந்தால் சிவாஜி வழிதான் , இல்லை என்றால் விஜயகாந்த் முடிவுதான் சந்தேகமில்லை

அரசியலுக்கு வரும் ஆசை இருந்தால் முதலில் கட்சியில் சேர்ந்து பாடுபடுங்கள், ராமசந்திரன் அதைத்தான் செய்தார்

அவர் நாலுபேரிடம் சொல்ல அவருக்கு நல்ல தலைவன் பெயர் இருந்தது, உங்களுக்கு சொல்ல எந்த தலைவன் பெயர் உண்டு?

முருகதாஸ் பெயரை எல்லாம் சொன்னால் அடித்துவிடுவார்கள்

ராமசந்திரன் என்பவர் திமுகவில் இருந்ததாலதான் வென்றாரே தவிர தனிபட்ட முறையில் கட்சி தொடங்கி அல்ல‌

மற்ற எந்த நடிகனும் தனியாக கட்சி தொடங்கி இங்கு கிழிக்க முடியாது, சிவாஜியும், பாக்யராஜூம், விஜயகாந்தும் , டி.ராஜேந்திரனும் இன்னும் பலரும் சாட்சிகள்

கொள்கை இல்லா கட்சி அப்படித்தான்

அதனால் சொல்கின்றோம் அரசியல் ஆசை இருந்தால் நல்ல கட்சியாக பார்த்து சேர்ந்து தொண்டு செய்யுங்கள் பாடுபடுங்கள்

இல்லை ஒழுங்காக சினிமாவில் நடித்து உங்கள் காக்கா வலிப்பு ஆட்டத்தையும், வாயே திறக்காமல் வசனம் பேசும் வித்தையினையும், எல்லா காட்சிக்கும் லாரி ஹார்ன் அடித்தாலும் அசரா எருமைமாடு போல இருக்கும் முகபாவத்தையும் காட்டி கொண்டு சினிமாவிலே இருங்கள்

அங்கிள் சைமனுக்கும் சிலர் விசிலடிக்கும்பொழுது உங்களுக்கும் சிலர் கிளம்பமாட்டார்களா?

ஆனானபட்ட சிரஞ்சிவியே போதுமடா சாமி என ஓடிவிட்ட அரசியல் இது

அதனால் வீணாக இங்கு வந்து சிக்கி கொள்ளாதீர்கள், அதற்கு முதலில் செய்ய வேண்டியது உங்கள் அப்பாவினை நல்ல முதியோர் இல்லத்தில் சேர்துவிடுங்கள்

இல்லாவிட்டால் உங்களை யாரும் காப்பாற்ற முடியாது

இன்னொன்று பா.ரஞ்சித் ஒரு தலித் வெறியன் என்றால் ஜெயமோகன் பார்ப்பன வெறியன், இவர்களை போன்றவர்களை பக்கத்திலே விடாதீர்கள்

விட்டால் என்னாகும் என்பதற்கு ரஜினியிடமே கேட்டுகொள்ளுங்கள் அவருக்கு எல்லா வகையிலும் அனுபவம் அதிகம்

ஆக இதை எல்லாம் செய்து, உங்கள் தந்தையினை முதியோர் இல்லத்திற்கு அனுப்பினால் நீங்கள் உருப்பட வாய்ப்பு உண்டு

இல்லாவிட்டால் விழும் ஒவ்வொரு அடியும் தாங்க முடியாது, கண்ணுக்குள் நிலவு படத்தில் உங்கள் பாத்திரம் தெரியுமல்லவா? அப்படி ஆகிவிடும் ஜாக்கிரதை

(இதெல்லாம் ஒருபுறம் இருக்கட்டும் விஜயண்ணா, உங்கள் “உன்னால் முடியும்” இயக்கத்தால் உங்கள் பிறந்த நாளில் இலவச தையல் மிஷின், இலவச சைக்கிள், இலவச அயன்பாக்ஸ், இலவச ஜட்டிகள் எல்லாம் வழங்கபடுகின்றதே

உங்கள் தந்தையார் கூட அந்த மேடையில் பெருமை பொங்க அமர்ந்திருப்பாரே

அந்த இலவசத்தை என்றாவது நீர் கண்டித்ததுண்டாண்ணா? மனசாட்சியினை தொட்டு சொல்லுங்கள் பார்க்கலாம்..)

[ November 7, 2018 ]

Image may contain: 1 person, smiling, sitting
============================================================================

பழைய செய்திகளை புரட்டினால் சில விஷயங்கள் புரியும்

விஜயண்ணா தன் படம் வெற்றி பெற்றால் இயக்குநருக்கு கார் வழங்குவார், அப்படி முருகதாஸ் மற்றும் அட்லி எல்லோரும் பெற்றார்கள்

அதன் பெயர் ஊழல் இல்லை, லஞ்சம் இல்லை அன்பளிப்பு என்பார்கள் தகப்பனும் மகனும்

ஏம்பா முருகதாஸ் அந்த காரை கொழுத்திவிட்டு இலவச மிக்ஸியினை உடைக்க வாருமய்யா, இல்லாவிட்டால் பாட்டாளி மக்கள் கார் உடைக்க வந்தால் என்னய்யா செய்வீர்?

இந்த விஜயண்ணாவின் “உன்னால் முடியும்” இயக்கம் அவர் பிறந்த நாள் அன்று ஊரெல்லாம் நலிந்தோர் நலதிட்ட விழா என நடத்தி இலவச வேட்டி சேலை, தையல்மிஷின் எல்லாம் வழங்குவார்கள்

அணில் குஞ்சுகளா, இனி அந்த இலவச பொருட்களை “விஜயண்ணா பொறந்துடார் டோய்..” என வழங்க வாருங்கள், அன்று இருக்கின்றது

அடிக்கிற அடியில் விஜயண்ணாவிடமே நியாயம் கேட்க செல்வீர்கள்

[ November 8, 2018 ]

============================================================================

“ஆத்தா, உங்க பேரு கோமளவல்லியா ஆத்தா? எங்களுக்கே சொல்லாம மறைச்சிட்டியே ஆத்தா, இப்போதா தெரியுது ஆத்தா..

இந்த அளவுக்கு கூடவா எங்கள மதிக்காம வச்சிருந்த ஆத்தா,

அந்த விஜய் பய சொல்லித்தான் தெரியணுமா ஆத்தா ? ரெம்ப அவமானமா இருக்கு ஆத்தா?”

[ November 8, 2018 ]

============================================================================

சாமியார் என்பது சரியாகத்தான் இருக்கின்றது

60 ஆயிரம் மனைவியரோடு வாழ்வாங்கு வாழ்ந்தவன் பெயரின் மசாஜ் சென்டர் வைக்க வேண்டுமா? மருத்துவ கல்லூரி வைக்க வேண்டுமா?

இந்த சுஸ்சுருதர் போன்ற மருத்துவ முனிவர் பெயரை எல்லாம் வைக்க மாட்டீர்களா சாமி?

இந்த சுக்கிராச்சாரியார் பெயரையாவது வைத்தால் என்ன?

ராமன் பெயரில் என்ன விமான நிலையம்? விமானத்தில் வந்து சீதையினை கடத்தியது ராவணன் அல்லவா? அவன் பெயரை அல்லவா வைக்க வேண்டும், இந்த ஜடாயு பெயருமா இல்லை?

சாமி, விமான நிலையத்திற்கு ராமன் பெயரை வைத்தால், விமானத்தால் மனைவியினை பறிகொடுத்த ராமன் பெயருக்கு இழுக்கு வராதா?

என்னமோ யோசித்து செய்யுங்கள் சாமி..

[ November 8, 2018 ]

Image may contain: 1 person, smiling, text

 

கமலஹாசன்

தமிழகமும் சினிமாவும் பிரிக்கமுடியாதவை என ஆகிவிட்டது, அதிலும் கடந்த 50 வருடமாக ஒருவரையும் சினிமாவையும் பிரிக்கமுடியாது, அதில் சினிமாவை சினிமாவாக பார்க்கும் ஒரே அபூர்வ‌ கலைஞன்
சீனிவாச கமலஹாசன்.
கடந்த வருடம் வரை அப்படித்தான் இருந்தார், இப்பொழுது குழப்பத்தில் இருக்கின்றார்.
6 வயதில் நடிக்கதொடங்கி, அப்போதே அரசிடம் விருதும், மெய்யப்ப‌ செட்டியாரிடம் காரும் வாங்கிவிட்டவர்.
பின்னர் கொஞ்சகாலம் பெரும் ஜாம்பவான்கள் கூட குழந்தையாக நடித்தார். (அவரே வளரும் பருவம்தான்). அக்காலத்தின் எல்லா நடிகர்களோடும் நடித்தார்
இந்த இடைகாலத்தில் அவர் நடனம்,இயக்கம்,எடிட்டிங்,கவிதை,பன்மொழி என சகலத்தையும் கற்று தேர்ந்தார்.
நடன இயக்குனராக,எடிட்டராக, அல்லது ஏதோ ஒரு வடிவத்தில் சினிமாவில் இருக்க போராடியவர்.
சாருஹாசன் போன்ற மென்மையான குரல் உடைய கமலஹாசன் தன் குரலை கூட கடினமாக மாற்றினார், அந்த அளவு உழைப்பு
பாலசந்தர் படங்கள் அவர் ஒரு சிறந்த நடிகர் என காட்டின, பால சந்தரின் கோட் சூட்டோ அல்லது பாரதிராஜாவின் கோவணமோ அவர் அவர் பாணியில் பட்டையை கிளப்பியிருப்பார்,
குடிகாரனோ, மன்மத லீலை பாத்திரமோ, சிவப்பு ரோஜாவோ,அல்லது மனநோயாளி வேடமோ, எந்த மொழியோ அல்லது தமிழின் பல வடிவமோ அவரால் மட்டுமே அவ்வளவு அழகாக வெளிக்கொண்ரமுடியும். சகல வேடத்திலும் இமேஜ் பார்க்காமல் நடித்து குவித்தவர்
சும்மா சொல்லகூடாது மனிதர் அழகர்தான், அதனிலும் அழகு அவரின் நடிப்பு.
அந்த சலங்கை ஒலி நடனம் இனி ஒருவர் அவ்வளவு நளினமாக ஆடிவிட முடியுமா? பரத முனிவர் வந்தால் கூட முடியாது.
கிட்டதட்ட 1985க்கு முன்னாலே அவரின் ஒரு சுற்று முடிந்தது, அதன் பின் வந்ததெல்லாம் பரிசோதனை படங்கள், ஏதோ ஒரு வகையில் வித்தியாசமாக முயற்சி செய்வார். பல வெற்றிபெற்றன பல சறுக்கின.ஆனால் மனிதர் கொஞ்சமும் அசரவில்லை.
சினிமாவில் சம்பாதித்து எஸ்டேட்,மண்டபம்,அரசியல் என குவிப்பவர்கள் மத்தியில் பணத்தை மறுபடியும் சினிமாவில் முதலீடு செய்பவர் அவர் மட்டுமே, கேட்டால் சொல்வார்
“விவசாயி வேறு என்ன செய்வான்”
திறமையான டைரக்டர்கள் கையில் கிடைத்தபொழுது அற்புதமான படங்கள் கிடைத்தன, பாலசந்தரின் முத்திரைகள்,16 வயதினிலே
உச்சமாக “நாயகன்”, இனி ஒரு இயக்குநர் மணிரத்தம் அளவிற்கு கமலஹாசனை பயன்படுத்தமுடியும் என எதிர்பார்க்கமுடியும்?,
அப்படியே வரதராஜ முதலியாரை நிறுத்தினார், உச்சமாக இந்தியன் தாத்தா.
நிச்சயமாக சொல்லலாம், சிவாஜிகணேசனுக்கு பின் தமிழக சினிமாவில் நடிப்பிற்கோர் அடையாளம்.
(எத்தனையோ படங்களில் கமலஹாசன் நடித்திருந்தாலும் அவர் தனித்து தெரிவார், அவரை விட்டு கண்கள் அகலாது
ஆனால் சிங்காரவேலன், மைக்கேல் மதன காமராஜன், வெற்றிவிழா போன்ற படங்களில் கமலஹாசனை மறக்க முடியாது
ஆம் அதில் மட்டும்தான் மங்கலாக தெரிவார், காரணம் குஷ்பு)
நல்ல நடிகர், ஆனால் தமிழக ரசனையை விட மேம்பட்ட ரசனையுள்ள இயக்குனர், அதனால்தான் மிக சிறந்த படங்களான ஹேராம்,விருமாண்டி போன்றவை அதன் உயரத்தை எட்டவில்லை. காரணம் அவரின் ரசனை சராசரி தமிழக ரசனை அல்ல.
நீங்கள் உளவுதுறை பிரியராக இருந்தால் கொண்டாடும் படம் விக்ரம், 1980களின் காலப்படி அது மிகமிக விறுவிறுப்பான படம், சுஜாதாவும் கமலஹாசனும் இணைந்து மிரட்டியது, ஆனால் பெரிய வெற்றி இல்லை. ஏன் என்றால் அதுதான் தமிழ்நாடு. விஸ்வரூபத்தில் அதைவிட அழகாக ஆப்கன் நிலமையும் அல்கய்தா அமைப்பையும் காட்டினார்.
12 வயதிலிருந்து அவர்மேல் பொழியபட்ட அவமானங்கள் அதிகம், இன்றுவரை அடிக்கடி சர்ச்சையில் அடிபடுவார். ஆனால் ஏதும் அவரை சினிமாவிலிருந்து பிரிக்கவில்லை.
நடிப்பை நடிப்பாக மட்டும் பார்த்த நடிகர்கள் குறைவு, அதிலும் நடிப்பினை இறுதிவரை நேசித்தவர்கள் குறைவு,
அவர்களில் எம்.ஆர் ராதா முக்கியமானவர். சினிமா வாய்ப்புகள் குவிந்தபொழுதும் நாடகங்களில் நடித்து கொண்டு நடிப்பினை நிரூபித்தவர். ஆர்.எஸ் மனோகர் போன்ற அபூர்வங்களும் உண்டு
அவர்களின் கடைசி வாரிசு கமலஹாசன்
நிச்சயம் அவரை சினிமாவில் யாரும் உருவாக்கவில்லை, அவராகத்தான் உருவானார், ஏதோ ஒரு இடத்தில் இருக்க அவர் போராடியபொழுதுதான் பாலசந்தர் அவரை நடிகராக்கினார்
நடிகர் என்பது அவரின் பல முகங்களில் ஒன்று, அது மட்டும்தான் உலகிற்கு தெரிகின்றது, ஆனால் அவருக்கு சினிமாவில் எல்லா விஷயமும் அத்துபடி என்பது மறுக்கமுடியா விஷயம், பாடுவது உட்பட.
எத்தனையோ தொழில்நுட்பங்களையும், பரிசோதனைகளையும் அவர்தான் தமிழ் சினிமாவிற்கு கொண்டு வந்தார்.
ஒரு விஷயம் கமலஹாசனை பற்றி சொல்லவேண்டும், அவரின் சில சர்ச்சைகளுக்கு அதுதான் காரணம்
காலத்தால் முந்திகொள்வார் அவர், அதாவது தமிழகத்திற்கும் அவருக்கும் கிட்டதட்ட 30 ஆண்டுகால சிந்தனை இடைவெளி, அவரின் சர்ச்சைகளுக்கும் அவரை சிலர் புரிந்துகொள்ள முடியாயாமல் போனதற்கும் அதுதான் காரணம்
உதாரணம் விகரம் படம், அட்டகாசமான படம். அன்று தமிழக மக்களுக்கு உளவுதுறை பற்றிய அறிவோ புத்தகமோ இல்லை, படம் தோற்றது
அப்படம் 2001க்கு பின் வந்திருந்தால் பெரு வெற்றி பெற்றிருக்கும்.
1989களில் புன்னகை மன்னன் படத்திலே ஈழ சிக்கலின் உண்மை தன்மையினை பட்டும் படாமல் சொன்னவர் கமலஹாசன், சிலர் சீறினார்கள் பின்னாளில் அது உண்மையாயிற்று
ஹேராம் படம் இப்பொழுது வரவேண்டியது, காந்தி அதிகமாக விமர்சிக்கபடும் இந்த நேரம் வந்து செருப்படி கொடுக்கவேண்டிய அப்படம் காலத்தால் முந்திகொண்டது
ஏன் முத்த காட்சிகள் கூட இன்று சர்வ சாதாரணம். இப்படி ஏராளமான விஷயங்கள் உண்டு.
நிச்சயம் கமல் அறிவாளி, அவர் முன் கூட்டியே சொல்லபடும் விஷயங்களை புரிந்துகொள்ளாமல் அவரை விமர்சிப்பார்கள். அவர் சொன்னது சரி என உணரும் காலங்களில் அவரை மறந்திருப்பார்கள்.
அப்படி இப்பொழுது தமிழக அரசியலில் அவரால் சில சலசலப்பு ஏற்படுகின்றது, அவர் முன்கூட்டியே சொல்கின்றார் வழக்கம் போல பலருக்கு புரியவில்லை
ஆனால் இன்னொரு காலத்தில் உணர்ந்துகொள்வோம்
அவரின் அரசியல் சர்ச்சையினை விடுங்கள், வீர தமிழர்களில் ஒருவரான மாவீரன் மருதநாயகத்தை திரைபடமாக்கும் முயற்சி இன்னும் வெற்றிபெறவில்லை
அம்முயற்சி பெற்றிபெறட்டும்
தமிழகத்தின் தனிபெரும் கலைஞானியான, சினிமாவில் ஒரே ஆல்ரவுண்டர் ஆன கமலஹாசனின் பிறந்த நாளில் அவருக்கு வாழ்த்துக்கள்
அவரிடம் நாம் சொல்வதெல்லாம் ஒன்றே ஒன்றுதான் , எம்.ஆர் ராதா ராமசந்திரனிடம் சொன்ன அந்த ஒன்றுதான் “டேய் ராமசந்திரா உனக்கு எதற்கு அரசியல்?” என்றார் ராதா
நாமோ கமலஹாசனை கைகூப்பி கேட்கின்றோம்
அய்யா அரசியலில் சிக்கி சீரழிய, அரசியலை கெடுக்க ஆயிரம்பேர் உண்டு, ஆனால் சினிமாவிற்கு உங்களை விட்டால் யாருண்டு
சிங்கத்து பால் தங்க தட்டிலேதான் வைக்கபட வேண்டும், காக்கைகளை விரட்ட கருங்கல் போதும் வைரக்கல் வேண்டாம்
அது அது இருக்கவேண்டிய இடத்தில் இருந்தால் அழகும் சிறப்பும்
அந்த அரசியலுக்கு நீங்கள் செல்லவே வேண்டாம், தயவு செய்து நல்ல நடிகனாகவே இருந்துவிடுங்கள்
தமிழகம் உங்களிடம் எதிர்பார்ப்பது அதுதான், மருதநாயகமாக உங்களை எதிர்பார்க்கின்றோமே அன்றி மதுரை பக்கம் பக்கம் புலம்பும் அரசியல்வாதியாக அல்ல‌
தயவு செய்து நடிகனான தொடருங்கள், உங்கள் உண்மை ரசிகர்கள் விரும்புவதும் அதுதான்
நீங்கள் ஆயிரம் பிறை கண்டு பல்லாயிரம் வேடம் நடிக்கவாழ்த்துக்கள்

[ November 7, 2018 ]

Image may contain: 1 person, smiling

சிதறல்கள்

பங்கு இந்த தமிழ்ராக்கர்ஸ் எப்படி புது படங்களை எல்லாம் உடனே ஒளிபரப்பிவிடுகின்றார்கள்?

இந்த வீடியொ ஆடியோ ஸ்பெஷலிஸ்ட் தினகரன்- வெற்றிவேல் கோஷ்டிக்கும் அவனுகளுக்கும் லிங்க் இருக்கும் போல , விசாரிப்போம்

[ November 5, 2018 ]

============================================================================

ஆமாடா. அவர் என்ன சாதின்னு கண்டுபிடிக்கிறோம் அதற்கு பின்புதான் சர்ச்சார் படத்தை ஓடவிடுறோம், தியேட்டர் கதவையே திறக்குறோம்

அந்த தமிழ்ராக்கர்ஸ்க்கும் சொல்லிருங்க டா, இன்னைக்கு ஒரு முடிவு தெரிஞ்சே ஆகணும் ஆமா..

(ஆனால் ஒரு பயலும் சங்கவியில் இருந்து கீர்த்தி சுரேஷ் வரை என்ன சாதி என ஆராயவே மாட்டான், ஆக நடிகைக்கு சாதி முக்கியமில்லை என்பது தமிழக நியதி..)

[ November 5, 2018 ]
Image may contain: text
============================================================================

பெரியார் அதை சொன்னார் இதை சொன்னார், பகுத்தறிவினை சொன்னார் என முழங்குவார்கள், அவர் சிலையினை தொட்டாலே முறைப்பார்கள்

ஆனால் அந்த பிரபலங்களின் டிவியில் தீபாவளிக்கு பெரியார் திரைபடத்தினை ஒளிபரப்புவார்களா என்றால் இல்லை , செய்யவே மாட்டார்கள்

அட அதுதான் இல்லை இந்த ராமாமிர்தம் அம்மையார், ரெட்டை மலை சீனிவானிசன் வாழ்க்கையினையாவது சீரியலாக கொடுப்பார்களா என்றால் அங்கே புராண கதைகளும் நவீன கொடூர கதைகளும் ஓடிகொண்டிருக்கின்றது

கொள்கை வேறு, சம்பாத்தியம் வேறு என்பதில் கண்ணும் கருத்துமாக இருக்கின்றார்கள் பகுத்தறிவு சிங்கங்கள்

[ November 6, 2018 ]

============================================================================

தீபாவளி பரிசுகளை யாரும் யாருக்கு கொடுத்து மகிழுங்கள், ஆனால் இத்தேசத்திற்கு மிகபெரும் தீபாவளி பரிசு விஞ்ஞானிகளால் கொடுக்கபட்டிருக்கின்றது

ஆம், அணுசக்தியில் இயங்கும் நீர்மூழ்கி கப்பலான அரிஹந்த் வெற்றிகரமாக சோதிக்கபட்டிருக்கின்றது, மிகபெரும் சாதனை அது

நீர்முழ்கி கப்பல் என்பது கடல் யுத்தத்தில் முக்கிய பங்கு வகிக்க கூடியது, இதுவரை இந்தியாவிடம் உண்டு எனினும் அணுசக்தியில் இயங்கும் கலன் கிடையாது

ஆம் மற்றவகை நீர்மூழ்கிகள் அடிக்கடி எரிபொருளுக்காக வெளிவரும், சிக்கிகொள்ளும் ஆனால் அணுசக்தி நீர்மூழ்கிகள் அது போக்கில் இயங்கலாம் ஒரு வருடம் கூட தாங்கும்

நீர்முழ்கிகளில் இரு பெரும் அனுகூலம் உண்டு

ஓரு உளவு விமானம் பறந்தால் தெரியும், ஒரு உளவாளி நடமாடினால் தெரியும் , ஏன் உளவு செயற்கை கோளை கூட கண்டறியலாம்

ஆனால் உளவு நீர்முழ்கிகளை கண்டறிவது மகா சிரமம், இன்றும் அமெரிக்க நீர்மூழ்கிகள் உலகெல்லாம் சுற்றி திரிவது ஒன்றும் ரகசியமல்ல‌

அப்படி சுற்றி திரிய வேண்டுமானால் அணுசக்தி அவசியம் இல்லாவிட்டால் எரிபொருளுக்காக வெளிவந்தால் லபக்கென்று அமுக்கிவிடுவார்கள்

அடுத்த அனுகூலம் ஏவுகனைகளை ஏவுவது, திடீரென கடலில் இருந்து புறப்படும் டார்பிடோ ஏவுகனைகள் பயங்கரமானவை, கூடவே பெரும் போர்கப்பல்களை தகர்க்க இது அவசியம்

இன்னொன்று நமது போர்கப்பல்களுக்கு பாதுகாப்பு அளிக்கவும் தேவை

சுருக்க்கமாக சொன்னால் இந்த செயற்கை சுறாக்கள் கடற்படைக்கு பெரும் வலுவூட்ட கூடியவை

1971 வங்க போரில் பாகிஸ்தான் வைத்திருந்த நீர்மூழ்கிக்கு நாம் பட்ட சிரமம் கொஞ்சமல்ல‌

இப்பொழுது சொந்தமாக செய்துவிட்டோம். உலகில் அணுசக்தி நீர்மூழ்கி வைத்திருக்கும் மிக சில நாடுகளில் நாமும் இடம்பிடித்துவிட்டோம்

இப்படியே சொந்தமாக போர்விமானங்களையும் செய்துவிட்டால், பட்ஜெட்டும் மிச்சம் பலமும் அதிகரிக்கும்

இந்த தீபாவளிக்கு நாட்டுக்கு கிடைத்திருக்கும் அந்த மிக சிறந்த பரிசுக்காக அந்த விஞ்ஞானிகளை வாழ்த்துவோம்

இந்தியா இன்னும் பலம் பெறட்டும் , ஜெய்ஹிந்த்

[ November 6, 2018 ]

Image may contain: ocean, sky, outdoor, text and water
=========================================================================

எதிர்கட்சி எம்பிக்களை கடத்த முயன்றாரா ராஜபக்சே? இலங்கையில் பரபரப்பு

தன் மெஜாரிட்டியினை நிரூபிக்க வேண்டிய கட்டாயத்தில் இருக்கும் ராஜபக்சே அங்கும் கூவத்தூர் காரியங்களை செய்ய ஆரம்பித்துவிட்டார்

ஆக அங்கும் ஒரு “தியாக தலைவன்” கிடைத்தாயிற்று.

இலங்கை என்ன வெகுதூரமா? இங்கு வீசும் காற்று அங்கும் வீசாதா? அதில் அரசியல் கலக்காதா?

[ November 6, 2018 ]

============================================================================

அர்ரே பழ்னிச்சாமி சாப், நல்லநாள் அதுவுமா மனுஷன காளான் சாப்ட்ற விடுறீங்களா? என்ன மேன் இது

எதுங்க அய்யா? இங்க பட்டாசு வெடிக்கிறவங்கள எல்லாம் ஓட ஓட பிடிக்கிறோமுங்க அய்யா ,யாரும் கமலாலயம் முன்னால வெடிபோட்டுட்டானா அய்யா?, அது தினகரன் கோஷ்டியாத்தான் இருக்கும்யா, இப்போ பிடிச்சி தொங்கவிடுறேன் பாருங்க

அது இல்ல மேன், சர்க்கார் சரி இல்லண்ணு தமிழ்நாடு பூரா சொல்றாங்ளாம், அமெரிக்காவே நம்ம சர்க்கார் பார்த்து அலறுது மேன், ஆனா டமில்நாட்லே நம்ம சர்க்கார் நல்லா இல்லன்னு சொல்றாங்கண்ணா, யார் மேன் காரணம்? நம்மிள் பேரை நிம்பிள் கெடுக்குறான் மேன்

அய்யோ இல்லீங்க, இங்க சர்க்கார்னு ஒரு படமுங்க, அதபத்தி சொல்றாங்கங்க வேணும்னா தமிழிசைகிட்ட வேணும்னா கேட்டுகோங்க‌

அதெல்லாம் தெர்யாது மேன், நம்பிள் சினிமா எல்லாம் பார்க்க மாட்டான், அதெல்லாம் உங்க கட்சி விஷயம், எப்படியோ சர்க்கார் நல்ல சர்க்கார்னு மக்கள் சொல்லணும் புரியுதா

அதுபத்தி தமிழிசைகிட்ட பேசுறேன்ங்க , போன தடவை இப்படித்தான் மெர்சல்னு ஒரு மொக்கை படத்தை அவங்க ஹிட் பண்ண ஹெல்ப் பண்ணாங்க, இதுக்கும் அவங்க உதவி கேட்க போறேங்க..

2 நாளையில சர்க்கார் நல்ல சர்க்கார்னு மக்கள் சொல்றாங்கன்னு பொன்னார கிட்ட இருந்து செய்தி வர்ணும் மேன்”

[ November 6, 2018 ]

Image may contain: 1 person, sitting and closeup
============================================================================

கடல் படத்தில் மணிரத்தினத்தை கல்லை கட்டி கடலில் போட்டவர் ஜெயமோகன், அதிலிருந்து வெளிவர மணிசார் படும்பாடு கொஞ்சமல்ல‌

இப்பொழுது ஜெயமோகன் என்றால் மணிசார் தூக்கத்தில் கூட அலறுவதாக சொல்கின்றார்கள், முன்பு தன் வீட்டு குண்டு வீசியவர்களை கூட மன்னிக்க தயாரானாலும் ஜெயமோகன் என்றால் மணிரத்னம் துப்பாக்கி தூக்குவார் என்கின்றார்கள்

அவரை சர்க்கார் படத்திற்கு வைத்தால் என்னாகும்? இப்படித்தான் ஆகும்

அடுத்தது யார்?

எந்திரன் 2.0 படத்தை பார்த்து ஜனகராஜ் ஸ்டைலில் சிரிக்க வேண்டியதுதான்

“ஷங்கர் சார் நீங்க 3வது…..” [ November 6, 2018 ]

============================================================================

ஸ்ரீராமர் பிறந்த இடமான அயோத்தியில் தீபாவளி திருநாள் கோலாகலமாக கொண்டாடப்பட்டது : செய்தி

காலத்தால் நடக்கும் பல விஷயங்களை தடுக்க முடியாது, 2000 ஆண்டுகளாக உலகெல்லாம் அடிபட்ட யூத இனம் இன்று ஜெருசலேமினை யூதமயமாக்கி கொண்டிருக்கின்றது

செங்கிஸ்கான் காலத்தில் விரட்டபட்ட கிறிஸ்தவமும் இஸ்லாமும் அவன் காலத்திற்கு பின் அரேபியாவிலும் ஐரோப்பாவிலும் தளைத்தது

யாரால் தடுக்க முடிகின்றது? தடுப்பார் யாருமில்லை

வெள்ளையனுக்கு பின் பர்மாவும் இலங்கையும் தீவிர பவுத்த நாடாயின தடுப்பார் யார் உண்டு?

இதோ இந்தியாவும் முழு இந்துத்வா நாடாக மாறிகொண்டிருக்கின்றது, 80% இந்துமக்கள் கொண்ட நாட்டில் அது சாத்தியமே

காலசக்கரம் என்பது இதுதான், விரட்டபட ஒரு காலமுண்டு என்றால் விரட்டி அடிக்கவும் ஒரு காலமுண்டு

ஆனால் யூதர்களை போல காலத்தால் மேம்பட்ட விஞ்ஞான இந்துத்வ நாடாக இருந்தால் சிக்கல் இல்லை ஆனால் ஆப்கன் தாலிபன் போல் ஆகிவிட்டால் மகா சிக்கல்

இந்த கோஷ்டியால் இந்தியா ஆப்கன் போல் ஆகும் என்றுதான் தெரிகின்றது

பாரம்பரியங்களை காப்பது வேறு, காலத்திற்கேற்ப மாறி உலகோடு ஒட்டுவது என்பது வேறு

மத இறுக்கத்தில் இருக்கும் நாடுகளில் அரபுநாடு தவிர எதுவும் உருப்பட்டதில்லை, காரணம் எண்ணெய்

அவர்களிடம் எண்ணெய் இருக்கின்றது, இந்தியாவிடம் என்ன இருக்கின்றது

இஸ்ரேலில் யூத குருமார்கள் பாரம்பரிய பபூன் உடையில் அலைவார்கள் ஆனால் அரசியலுக்குள் வரமாட்டார்கள், அங்கு கோட் சூட் அணிந்த நாகரிக யூதர்கள் இருப்பார்கள்

இந்து இந்தியா என்பது அப்படி இருந்தால் நல்லது மாறாக காவிகளை முன்னிறுதினால் இந்நாடு ஆப்கனை விட அவலமாக மாறும்

அதிலிருந்து இந்நாட்டை காக்கும் பொறுப்பு இந்துக்களுக்கு அதிகம் இருக்கின்றது

[ November 8, 2018 ]

============================================================================

ஒரிஜினல் கோமளவல்லி இருந்தபொழுது , தலைவா படத்திற்காக விஜயண்ணா “அம்மா.. பிளீஸ்மா ..படத்தை வெளியிட உதவுங்கம்மா..” என இந்த கோலத்தில்தான் கைகட்டி வாய்பொத்தி நின்றார்

எங்கே முடிந்தால் தட்சனா மூர்த்தி (கலைஞர்) அல்லது தியாகராஜன் (முரசொலி மாறனின் பெயர்) என ஒரு வில்லன் பெயரை வைத்துவிடட்டும் பார்க்கலாம்

இறந்தும் கிலி கொடுப்பவர் கலைஞர், உண்மையான தொண்டர்களை அவர்தான் சம்பாதித்திருக்கின்றார்.

[ November 8, 2018 ]
Image may contain: 1 person, standing and beard
============================================================================

பொதுபணிதுறை மிக ஒழுக்கமாக கட்டுபாடாக இருக்கும் மலேசியாவிலும் டெங்கு உண்டு, சிங்கப்பூரில் அன்றாடம் உண்டு,

ஆண்டுதோறும் பலிகளும் உண்டு

மலேசியா வெளியில் சொல்லும் , சிங்கப்பூர் சொல்லாது டெங்குவில் செத்தவனையும் ஈரல் நோயால் செத்தான் என ரிப்போர்ட்டை எழுதிவிட்டு அமைதியாகிவிடும்

பொதுபணிதுறைக்கும் டெங்குவிற்கும் என்ன சம்பந்தம்? பொறுப்பு மக்களுக்கும் உண்டு

கதையினை திருடி, கனவில் வசனம் எழுதினால் இப்படித்தான் ஆகும்

[ November 8, 2018 ]

============================================================================

1966ல் இதே நாளில்தான் டெல்லியில் காமராஜர் இருந்த வீடு தீபிடித்து எரிந்தது , காமராஜரை கொல்ல சதி என்றெல்லாம் பெரும் செய்திகள் வந்தன‌

உண்மையில் அது திட்டமிட்ட சதி அல்ல, மாறாக கலவர சூழல்

அப்பொழுது மிக தீவிரமான பசுவதை தடுப்பு போராட்டம் நடந்தது, வட இந்தியா போர்களமானது , அப்பொழுது டெல்லியில் பல வீடுகள் எரிக்கபட்டன, துரதிருஷ்ட வசமாக காமராஜரும் அங்கு சிக்கி கொண்டார், உயிர் தப்பினார்

ஆனால் அதை அரசியலக்வோ அனுதாபம் தேடவோ அந்த அப்பாவி மனிதனுக்கு தெரியவில்லை, தீயில் எரிந்த தியாக தலைவன் என்றெல்லாம் தனக்கு தானே பட்டம் கொடுக்கவும் அவருக்கு விருப்பமில்லை

இன்று காமராஜரை டெல்லியில் கொல்ல இந்துத்வா வெறியர்கள் முயன்றார்கள் என பெரும் சீற்றம் சீறுபவர் எல்லாம் யார் தெரியுமா?

இந்திரா காந்தியினை இரத்தம் வரும்வரை அடித்த தமிழகத்தார், ஆம் சமீபத்தில் மோடியினை கருப்பு கொடி காட்டி ஓட விரட்டிய அதே தமிழகத்தார்

இந்திரா மேல் கல் எறிந்தால் அது தமிழக புரட்சி, திராவிட எழுச்சி

ஆனால் காமராஜர் இருந்த வீடு எரிந்தால் அது இந்துத்வ வெறி, கொலைமுயற்சி

ராஜிவ் இங்கு கொல்லபட்டாலே அது புலிகளின் நுட்பமான தற்கொடை போர் என்பார்கள், அப்படிபட்ட தமிழகம் இது

இங்கு இப்படித்தான் வரலாறு எழுதபட்டிருக்கின்றது

அய்யகோ காமராஜரை இந்துத்வா வெறியர்கள் கொல்ல முயன்றார்கள் என்பதும், இங்கே ராஜிவினை கொன்றவர்களை விடுவி என்பது என்ன மாதிரி அரசியலோ தெரியவில்லை

காமராஜருக்கு இந்த இந்துத்வா கோஷ்டிகளை விட திராவிட அழிச்சாட்டிய கும்பல் செய்த விஷயங்களே ரணமானவை, கண்ணீரை வரவைக்கும் கொடூரமானவை. [ November 8, 2018 ]

============================================================================

அந்த கொலம்பியா தீவு விவகாரம் வெளிவந்ததில் அச்சபட்டதோ என்னமோ தாய்லாந்து பல சலுகைகளில் இறங்கிவிட்டது

இருமாதத்திற்கு விசா கட்டணம் இல்லையாம், இலவச விசாவாம், அவர்கள் சுற்றுலாவினை ஊக்குவிக்க இந்த அறிவிப்பாம்

அப்படியே இலவச விமானம், இலவச கப்பல் என தாய்லாந்து அறிவித்தால் எப்படி இருக்கும்,

அதாவது அவர்கள் சுற்றுலா வளரும் அல்லவா? அதைத்தான் சொன்னோம், வேறு ஒன்றுமல்ல‌  [ November 8, 2018 ]

========================================================================================================================================================

ஞாயிறு மாலை சென்னை விமான நிலையத்தில் ஒரு இன்டிகோ விமானம் தரையிறங்க தத்தளித்திருக்கின்றது, மக்கள் கண்டுகொள்ளவில்லை ஆனால் பாதுகாப்பு விஷயங்களில் உள்ளவர்கள் கண்டறிந்திருக்கின்றார்கள்

ஆந்திராவில் இருந்து சென்னைக்கு வந்த விமானம் அது, ஆனால் வரும் வழியில் ஒரு இஞ்சின் செயல்படவில்லை என்பது பின்புதான் தெரிந்திருகின்றது

ஒரு புற இஞ்சினை கொண்டு மறுபடியும் பறந்திருக்கின்றார்கள், வலப்புற இஞ்சினை மீண்டும் இயக்க முயன்றார்கள் முடியவில்லை

பின்பு ஊரெல்லாம் சுற்றிவிட்டு மறுபடி இறங்கி இருக்கின்றார்கள்

என்ன கோளாறு என்றால் விஷயம் மகா சிக்கலாது

ஆம், அந்த எஞ்சினில் ஆயில் குறைவாம், அது பறக்கும் பொழுது ஏற்பட்ட கோளாறா அல்லது ஒழுங்காக புறப்படும் முன்பே சோதிக்கவில்லையா என்பது இனிதான் தெரியும்

அதாவது விமான தவறா விமானியின் தவறா இல்லை சோதிக்கும் என்சினியர் தவறா என்பது இனிதான் தெரியும்

[ November 8, 2018 ]

===========================================================================

குஷ்பு : 04

குஷ்பு : 04

சின்னதம்பிக்கு பின் மாதம் ஒரு குஷ்பூ படம் வந்து கொண்டே இருந்தது, பவுர்ணமி வரும்பொழுதெல்லாம் குஷ்பூ படமும் வெளிவந்துகொண்டிருந்தது, அவ்வளவு வேகமாக நடித்தார் குஷ்பூ, எல்லா நாட்களிலும் அவருக்கு படப்பிடிப்பு இருந்தது. சின்னதம்பியின் பெருவெற்றியினை கொண்டாடிகொண்டிருக்கும் பொழுதுதான் 13 ஏப்ரல் 1992ல் சிங்காரவேலன் படம் வந்தது.
மிக அழகான குஷ்பூ வந்த படங்களில் அதுவும் ஒன்று, அப்படத்தில் அவர் தலையில் தொப்பியோடு ஒரு நடை நடப்பார். அந்த கம்பீரமான, அசால்ட்டான, ஸ்டைலான நடையினை யாராலும் நடக்க முடியாது. குஷ்பூ ரோஜா பூ கூட்டம்போல‌ போல இருந்த படம் அது.
கமலஹாசனுக்கு போட்டியாக நடிப்பு, நடனம் , அழகு என மிக பெரும் சவாலை கொடுத்திருந்தார். சில இடங்களில் கமலஹாசன் திணறியதும் தெரிந்தது, சிங்காரவேலன் படம் அவரை சிங்கார தேவதையாக கொண்டாட வைத்தது. அடுத்தடுத்து சிக்ஸர்களாக விளாசும் பேட்ஸ்மேன் போல அடுத்து அட்டகாசமான படம் கொடுத்தார் குஷ்பூ, அது 1992 ஜூன் மாதம் ‘அண்ணாமலை’ படமாக வந்தது. எம்ஜிஆர் காலத்திற்கு பின் ரஜினி, அதுவும் 1990க்கு பின் வேகமாக வளர்ந்தார். அந்த வேகத்தினை குஷ்பூவின் புகழும் வேண்டியிருந்தது
‘அண்ணாமலை’ படத்தில் குஷ்பூ மிக சிறப்பான இடத்தினை பெற்றார், அந்த சுப்புலட்சுமியாக அவர் சிரித்த சிரிப்பிற்கே படம் ஹிட், படத்தின் கதை, ரஜினி எல்லாம் அடுத்த வகை.
படத்தில் குஷ்பூ ரஜினியின் இளவயதிற்கும் பொருந்தினார், பிற்பாதி முதிய வயதிற்கும் இளநரையுடன் அட்டகாசமாக பொருந்தினார். கடந்த வருடம் கபாலியில் ரஜினி முதியவராக வந்தபொழுது, எல்லோர் மனதிலும் இவருக்கு ஜோடியாக அண்ணாமலை குஷ்பூ அல்லவா வந்திருக்க வேண்டும் என்ற எண்ணம் தானாக தோன்றியது அதனால்தான்.
அந்த அளவிற்கு ரசிகர் மனதில் இடம்பிடித்தார் குஷ்பூ, இன்றும் காலா படத்தின் போஸ்டரை கண்டால், அடடா இதில் குஷ்பூ நடித்தால் பொருத்தமாக இருக்குமே என ஏங்குவதுதான் தமிழன் உள்ளம், குஷ்பூவின் தாக்கம் அப்படி. பின்னாளில் மூப்பனாருக்காக ரஜினி சைக்கிள் சின்னத்தை ஆதரித்தபொழுது, அண்ணமலை சைக்கிளோடு போஸ் கொடுத்தபொழுது, இச்சின்னம் ரஜினிக்கு மட்டுமா? குஷ்பூவிற்கு பங்கு இல்லையா? என்றெல்லாம் குரல்கள் கேட்டன.
அண்ணாமலைக்கு பின் குஷ்பூ வந்த அனைத்து பாடல்களும் தமிழகத்து தேசிய கீதமாயின, எல்லா தியேட்டர், டிவி, அன்றைய கேபிள் டிவி, திருட்டு கேசட், ரேடியோ என எல்லா இடத்திலும் குஷ்பூ பாடல்தான் இருந்தது. அதுவும் வைரமுத்து எழுதிய கொண்டையில் தாழம்பூ பாடல், தமிழகத்து தேசிய பாடல் ஆயிற்று, “இந்த ஊரெல்லாம் உன்பேச்சு தானடி” என்ற கவிஞரின் வரிகள் 100% அக்காலத்தில் உண்மையாய் இருந்தது
வருஷம் 16ல் அழகு நடிகை, சின்னதம்பியில் முழு தேவதையாக ஜொலித்த குஷ்பூ, அண்ணாமலைக்கு பின் ரசிகர்களால் இன்னமும் உயர்த்தபட்டார். ஆம், அவருக்கு அந்த காலத்தில்தான் கோயில் கட்டபட்டதாக செய்திகள் வந்தன, குஷ்பூ நமஹ, குஷ்பாம்பிகை போற்றி என்ற ஸ்லோகங்கள் அப்பொழுதுதான் கேட்டன. எத்தனையோ நடிகைகளை கொண்டாடிய தமிழகம் தான், எத்தனையோ நடிகைகள் கோலோச்சிய இடம்தான் , ஆனால் கோயில் எந்த நடிகைக்கும் இருந்ததுமில்லை, இருக்க போவதுமில்லை.
அந்த அளவிற்கு மிக அபிமான ரசிகர்கள் இருந்தார்கள், குஷ்பூ முகத்தில் கடவுளை காணும் அளவிற்கு குஷ்பூ அவர்களை ஆக்கிரமித்திருந்தார். திருச்சியில் அக்கோயில் கட்டபட்டதாக செய்திகள் வந்தன, சிலர் அதெல்லாம் சும்மா என்பார்கள், நெருப்பின்றி புகையாது, விஷயம் நடந்திருக்கின்றது. இப்படியாக தெய்வம் என கொண்டாடபட்டார் குஷ்பூ, எந்த நடிகையும் எட்டாத தெய்வம் எனும் உயரத்தை எட்டிய ஒரே நடிகை இன்றுவரை குஷ்பூதான்.
அண்ணாமலையினை தொடர்ந்து, ரஜினியின் பாண்டியன் படமும் வந்தது, அதில் ஜொலித்த குஷ்பூ, ஒரு பாடலில் அபூர்வ அழகாக தெரிந்தார், “அன்பே நீ என்ன அந்த கண்ணனோ மன்னனோ..” பாடலில் எல்லா உடையிலும் வருவார், எல்லாமே அழகு என்பதுதான் ஆச்சரியம்.
அதுவும் சுற்றிய புடவையில் தலையில் சூடிய மல்லிகையோடு அவர் வந்த காட்சியில் அட ஒரு கோயில் என்ன? உலகெல்லாம் கோயில் கட்டலாம் என தோன்றும், அப்படி ஒரு அழகு
இவருக்கு கோவில் கட்டாவிட்டால் பின் யாருக்கு கோவில் என்ற அளவிற்கு குஷ்பூ மின்னிகொண்டிருந்தார்
புகழின் உச்சியினை வெறும் 23 வயதில் எட்டிபிடித்தார் குஷ்பூ, எந்த நடிகைக்கும் அது இங்கு சாத்தியமே இல்லை, புகழின் சிகரத்தில் சிம்மாசனம் போட்டு அமர்ந்துவிட்டார், அதன் பின் அடைய எந்த உயரமுமில்லை.
தமிழகம் வந்தாயிற்று, சம்பாதித்தாயிற்று, வந்த வேலை முடிந்தது என திரும்பி செல்வதுதான் பெரும்பாலும் மும்பை நடிகைகள் வழக்கம் ஆனால் குஷ்பூவின் மனம் வேறுமாதிரியானது, எவ்வளவு உறுதியும் , நம்பிக்கையும் கொண்ட மனமோ அவ்வளவிற்கு நன்றியும் கொண்டது
தனக்கு கோயில் கட்டுமளவு சென்ற தமிழகத்தை பிரிய அவர் தயாரில்லை, இனி வாழ்வு இந்த தமிழகத்தில் தான் என முடிவே செய்தார். தமிழக ரசிகர்களும் அவர் அமெரிக்கா சென்றாலும் இழுத்து வந்து கேமரா முன் நிறுத்துவது என்பதில் கருத்தாய் இருந்தனர்
குஷ்பூ தமிழக பெண் ஆனார், தமிழக அடையாளமும் ஆனார், எங்கு சென்றாலும் தமிழ்பெண்ணாக தழைய முடிந்த சேலையில்தான் வருவார், இன்றும் அந்த பழக்கமே அவரிடம் உண்டு. தமிழகம் தனக்கான வீடு என கண்டுகொண்டார், தொழிலில் பெருவெற்றி பெற்ற அவர், அதுவும் உச்சத்தில் இருந்த அவர் வாழ்வின் அடுத்தகட்டம் செல்ல விரும்பினார். அது எல்லா பெண்களுக்கும் வரும் ஆசை, எல்லா நடிகைகளுக்கு வரும், அக்கால ஜானகி முதல் ஷோபா, ஷாலினி , ஜோதிகா வரை வந்த ஆசை புகழ் சிகரத்தின் உச்சியில் இருந்த குஷ்பூவிற்கும் வந்தது
தன் விருப்பபடி அவர் திருமணம் செய்ய அவர் தயாரான பொழுதுதான் பெரும் புயல் அவர் வாழ்வில் வீசியது. இன்னொரு நடிகை என்றால் அந்த புயலில் காணாமலே போயிருப்பார், அல்லது தற்கொலை அது இது என வாழ்வினை முடித்திருப்பார்
அதுவரை அழகு பெண்ணாக மட்டும் அறியபட்ட குஷ்பூ, மிக தைரியமான பெண்ணாக மாறியது அக்கால கட்டத்தில்தான். நிச்சயமாக அவருக்கு அது சோதனையான காலகட்டம், அடுத்த மாநிலம், அடுத்த மக்கள், ஆனால் அவருக்கு சோதனையினை கொடுத்தது மிக பெரிய இடம், அதில்தான் நம்பர் 1 நடிகையாக குஷ்பூவினால் நிலைக்க முடிகின்றது
ஆனால் குஷ்பூவின் விதி , அவரின் திருமணம் தொடர்பாக பெரிய இடத்தோடு மோத வைத்தது, அவர்கள் திரைதுறையின் மிக பெரிய அடையாளம்,
அவர்களிடம் கொஞ்சம் முறைத்தாலும் திரைவாழ்வே கேள்விகுறி, கோபுரத்தில் இருக்கும் குஷ்பூவினை நொடியில் தரைக்கு கொண்டுவரும் வல்லமை படைத்தவர்கள் அவர்கள், அங்குதான் தனிபட்ட வாழ்வின் பெரும் ஏமாற்றத்தை கண்டார்.
ஏமாற்றம்தான், வலிதான், பெரும் சோகம் தான் ஆனால் வெறும் 23 வயது பெண்ணாயினும் மிக நிதானமாக அச்சிக்கல்களை கடந்தார்
அந்த சலசலப்புகள் அவர் திரைவாழ்வினை பாதிக்காதவாறு பார்த்துகொண்டார், ஆனால் மனதிற்குள் அழுதிருக்கலாம், துடிக்க துடிக்க அழுதிருக்கலாம். மீன்கள் அழுவதும், விண்மீன்கள் தங்களுக்குள் எரிவதும் யாருக்கும் தெரியாது, அப்படி குஷ்பூ கண்ணீரை தனக்குள் புதைத்துகொண்டு திரைவாழ்வினை தொடர்ந்தார்
ஆனால் அவரின் கண்ணீர் நியாயமானதும் உண்மையானதுமாக இருந்திருக்க வேண்டும், இல்லாவிட்டால் அவரின் கன்ணீருக்கு காரணமானவர்கள் அப்படி பெரும் வீழ்ச்சி கண்டிருக்க மாட்டார்கள், அவ்வளவு பெரும் சிக்கலையும், அவமரியாதையினையும் கண்டிருக்கமாட்டார்கள்
குஷ்பூவினை அழவைத்தவர்கள் பின்னாளில் கதற கதற கண்ணீர் விட்டதையும், பெரும் இடத்தில் இருந்த அவர்கள் சாலையோரம் தனியாக அடிமை போல நடந்த்து சென்றதையும் தமிழகம் காணத்தான் செய்தது,
குஷ்பூவின் கண்ணீரில் சில உண்மை இருக்கலாம் என உலகம் தனக்குள் முணுமுணுத்துகொண்டது.
தனிபட்ட உறவுகள் அவரை ஏமாற்றியதே தவிர, திரையுலகம் அவருக்கான சிகப்பு கம்பளத்தை அப்படியேதான் வைத்திருந்தது
அவரை அசைக்க யாராயினும் முடியவில்லை, சோகங்களை தன்னோடு புதைத்து கொண்டு நடித்துகொண்டே இருந்தார். அவருக்கான இடம் அப்படியே இருந்தது, நடிகர்கள் தான் மாறிகொண்டிருந்தார்கள். குஷ்பூ மனமும் அவர் அழகும் மாறவே இல்லை, அதுபோல தமிழகத்தை விட்டு போகவே மாட்டேன் எனும் அந்த வைராக்கியம் நாளுக்குநாள் அவர் மனதில் வளர்ந்துகொண்டே இருந்தது.
குஷ்பூ எனும் அழகு சூரியன் சினிமாவில் ஒளிவீசிகொண்டே இருந்தது
(பூ பூக்கும்) [ November 4, 2018 ]
Image may contain: 1 person, smiling

குஷ்பூ : 03

குஷ்பூ : 03

வருடம் 16 வரும்பொழுதே குஷ்பூ முண்ணணிக்கு வந்திருந்தார். அதுவரை கோலோச்சிய ராதா எல்லாம் ஒடினார்கள், நதியா, அமலா என அன்றைய முண்ண்ணி நடிகைகளை அன்றே ஆட்டம் காண செய்திருந்தார் குஷ்பூ.
வருஷம் 16ல் முகத்தில் ஒரு சின்ன சிணுங்கலுடன், ‘‘கண்ணத்தான்…” என்று கார்த்திக்கிடம் கேட்கும் குஷ்பு, முதல் மரியாதை எனக்கு என தாத்தாமுன் நிற்கும் குழந்தை தனமான குஷ்பூ, பாவாடை சட்டையில் அழகு பெட்டகமான குஷ்பூ, இரட்டை ஜடையுடன் தோன்றும் குஷ்பு என ஏகபட்ட குஷ்பூக்கள் படம் முழுக்க தெரிந்தார்கள்
கார்த்திக்கிடம் காதல் வயப்படும்பொழுது மெல்ல மெல்ல அத்திபழ கன்னத்தோடு வெட்கபடும் பொழுது கவுண்டருக்கு சென்று அடுத்த காட்சிக்கான‌ டிக்கெட்டுக்கான பணத்தை கொடுக்க சொன்னது பலரின் மனது, பூப்பூக்கும் மாதம் பாடலில் தை மாத மேகமென குஷ்பூ ஆடிய நளினத்தில் தியான அமைதியில் அமர்ந்திருந்தது கூட்டம்.
அப்படமே அப்படி குஷ்பூவினை ஆக்கிவைத்தபின்புதான் சின்னதம்பி அவரை நங்கூரமிட்டு நிறுத்த வந்தது. அரைத்த சந்தனம் அழகு குங்குமம் என்ற பாடலில் குஷ்பூ அப்படத்தில் அறிமுகமாகும் பொழுது தியேட்டர் ஆர்ப்பரித்தது, சிரித்த முகமாக குஷ்பூ அறிமுகமாகும் அக்காட்சியில் தியேட்டர் குதூகலித்தது.
அப்படத்தில் குஷ்பூ பல இடங்களில் ஜொலித்தார், அண்ணன்கள் முன்பு பாசமான தங்கை குஷ்பூவாக, உலகம் காண துடிக்கும் ஏக்கமான குஷ்பூவாக, சின்னதம்பியினை முதலில் வேடிக்கையாக பார்க்கும் வெள்ளந்தி குஷ்பூவாக, போவோமா ஊர்கோலம் பாடலில் அவருக்காகவே ஆண்டவன் படைத்த அந்த லொக்கேஷனின் குஷ்பூவாக அற்புதமாக நடித்திருந்தார்
அதுவும் காதல் வந்தபின், சின்னதம்பியினை தாலிகட்ட வைத்தபின் நடிப்பின் அடுத்த பரிமாணத்திற்கு சென்றார் குஷ்பூ, இறுதியில் சகோதரர்களிடம் சீறும் பொழுது நடிப்பில் ஜொலிப்பார். அந்த கோபத்திலும் அவர் முகத்தில் ஒரு அழகு தெரிந்தது தான் குஷ்பூவின் அபூர்வம், கோபத்திலும் அவர் அப்படி ஒரு அழகு. எல்லா அழகிக்கும் உச்ச அழகு என ஒரு கணம் வரும், சின்னதம்பியில் குஷ்பூ ஒரு காட்சியில் உச்ச அழகில் ஜொலிப்பார்
ஊர்சுற்றிய பின் குஷ்பூவிற்கு காய்ச்சல் வந்து, பிரபு உண்மையினை மறைத்து அடிவாங்கிய பின் அவருக்கு மாத்திரை கொடுப்பார், அந்த காட்சிதான், அதில் நொடிப்பொழுதுதான்
மெல்ல சொல்வார் பாருங்கள்
லேசாக குனிந்த தலையோடு, முகத்தில் கொஞ்சம் குறும்போடு, உதடுகளை லேசாக குவித்தபடி “சின்னதம்பி நீங்க ரொம்ப நல்லவரு” என சொல்லும் காட்சியில் அழகின் உச்சிக்கு சென்றார் குஷ்பூ, அட அந்த காட்சியினை பார்க்கும் பொழுது எல்லா கடவுளும், முப்பது முக்கோடி தேவர்களும் நம்மை ஆசீர்வதிக்கும் மங்கள இசை ஒலி காதில் கேட்கும்
இப்பொழுதும் அக்காட்சியினை பாருங்கள், மிக மிக அழகாய்ய் தெரிவார் அவர்.
படத்தில் அவர் சிரித்தால் தியேட்டர் சிரிக்கும், அவர் ஆடினால் கூட்டம் ஆடும், அவர் யோசித்தால் கூட்டம் யோசிக்கும், அவர் அழுதால் எல்லோரும் அழுதார்கள், அதுவும் கண்ணாடி மேல் குஷ்பூ நடக்கும்பொழுது எல்லோர் கண்களிலும் ரத்தமே வந்தது. தமிழர்கள் ஒவ்வொரு பிரேமாக ரசித்தபடம் என்றால் அதில் சின்னதம்பியும் ஒன்று, அப்படி அணுஅணுவாய் ரசித்தார்கள், குஷ்பூவிற்காய் என்பதை தவிர சொல்லி தெரியவேண்டியதில்லை
ஒளிப்பதிவாளர் ரவிந்தரும் குஷ்பூவினை மிக அழகாக காட்டினார் என பத்திரிகைகள் எழுதின, நிலாவிற்கு என்ன? எல்லோர் கேமராவிலும் அது அழகுதான்.
விபிசிங் பிரச்சாரம், ராஜிவ் கொலை, தமிழக அசாதாரண நிலை, புலிகள் கைது, பெரும் கலவர சூழல் எதுவும் அப்படத்தின் வசூலை பாதிக்கவில்லை. அது தன் வழியே தன் வசூலை கொட்டிகொண்டே இருந்தது, குஷ்பூவினை காண வந்துகொண்டே இருந்தார்கள். படம் ஓடிய வசூல் கட்டியம் கட்டி சொன்னது,
இனி குஷ்பூ இன்றி தமிழக சினிமா இல்லை.
அந்த வெற்றியில் அதுவரை தமிழக கனவு கன்னியாக வந்த அமலா தெலுங்கிற்கு தலைதெறிக்க ஓடினார், அங்கேயே நாகர்ஜூனாவிடம் அடைக்கலமானார், அதன் பின் இப்பக்கம் வரவே இல்லை. மிக பெரும் வரவேற்பான நடிகையாக இருந்த நதியாவும் குஷ்பூ எனும் பெரும் நதிமுன் நிற்க முடியாமல் மறைந்தது.
இன்று பெரும் நடிகையாக ஜொலிக்கும் ரம்யா கிருஷ்ணன் அன்று எழமுடியாமல் போனதற்கு குஷ்பூ பல வழிகளில் காரணம். தமிழக திரையின் ஏகபோக நாயகியானார் குஷ்பூ, அவரில்லாத படங்கள் இல்லை, எல்லா நடிகர்கள், தயாரிப்பாளர்கள் வார்த்தைகளும், பேச்சுகளும் குஷ்பூ இன்றி முடிவதில்லை.
எல்லோருக்கும் பிடித்த குஷ்பூவினை அன்றைய முதல்வர் ஜெயலலிதாவிற்கும் பிடித்திருந்தது, அப்படத்திற்கான சிறந்த நடிகை விருதையும் தமிழக அரசு வழங்கியது. குஷ்பூ காட்டில் அடைமழை கொட்ட தொடங்கியது, இனி அவரோடு நடிக்காவிட்டால் தங்கள் ஸ்டார் பட்டம் நிலைக்காது என உச்ச நட்சத்திரங்கள் நினைக்க தொடங்கின
குஷ்புவோடு நடித்த எந்த புதுமுக நடிகரும் சூப்பர்ஸ்டார் ஆகும் வாய்ப்பும் இருந்தது, குஷ்பூவின் பிரபலம் அப்படி
சின்னதம்பிக்கு பின் பிரபுவோடு கிழக்கு கரையில் நடித்தார், அதன்பின் வசூல் கணக்கில் தயாரிப்பாளர்கள் ரஜினி குஷ்பூ, கமல் குஷ்பூ என்றே கணக்கிட்டனர், காலம் அப்படித்தான் குஷ்பூவினை உயர நிறுத்தியிருந்தது,
சின்னதம்பிக்கு பின் அடுத்த உயரத்திற்கு சென்றார் குஷ்பூ, தமிழகத்தின் நிரந்தர நடிகை ஆனார். எல்லா நடிகைகளையும் ஓரங்கட்டிவிட்டு, புதுமுகம் யாருமே தேவையில்லை என தமிழ்திரையுலகம் குஷ்பூவிடம் மண்டியிட்டு சரணடைந்தது. சின்னதம்பி குஷ்பூவினை எல்லோரும் ரசித்தார்கள், பத்மினி கால ரசிகர்கள் கூட இப்படி சொன்னார்கள்
“கொஞ்சம் உயரமாய் இருந்திருந்தால் அப்படியே பத்மினி போலவே இருந்திருப்பார்..”, சிவாஜி பத்மினி ஜோடிக்கு பின், பிரபு குஷ்பூ ஜோடி பேசபட்டது இப்படித்தான். பத்மினி எனும் பேரோளியின் அடையாளமும் உயரமும் மிக பெரிது, அசால்டாக இரு படத்திலே அதனை தாண்டினார் குஷ்பூ. இரு மாபெரும் வெற்றிக்கு பின்னால் ரஜினி எனும் உச்சத்துடன் ஜோடியாகும் முன்னால் அந்த இடைவெளியில் சத்யராஜுடன் பிரம்மா படத்தில் வந்தார்
அதில் அந்த ஜெனிபர் குஷ்பூவினை யாரால் மறக்க முடியும்? அப்படம் வந்தபின் கான்வென்ட் எல்லாம் குஷ்பூவால் நிரம்பியதாக எல்லோரும் எண்ணி கொண்டார்கள். கிராண்ட்ஸ்லாம் நாயகிகள் மோனிகா செலஸையும், ஸ்டெபிகிராப்பையும் பார்க்கும் பொழுதெல்லாம் அவர்களை குஷ்பூவாக கண்டது தமிழகம். அப்படம் குஷ்பூவின் பிரபலத்தை இன்னும் கூட்டியது,
குஷ்பூ கவர்ச்சி நடிகை அல்ல, அவர் குறும்பும் அழகும் கலந்த ஒரு நாயகி,
ஆனாலும் ஒரு பாடல் அப்படத்தில் சர்ச்சையானது
அதன்பின் அம்மாதிரி பாடல்களில் குஷ்பூ வரவே இல்லை, அதற்கான அவசியமும் அவருக்கு இல்லை. வருடம் 16 வந்த பின் அடுத்த பல‌ ஆண்டுகள் குஷ்பூவின் கொடி உயர பறந்தது, அதனை அசைக்க யாருமில்லை, தனிகாட்டு ராணியாக கோலோச்சினார். எல்லா நடிகைகளும் ரஜினியுடன் ஜோடி சேர்ந்த பின்புதான் வெற்றி பெறுவார்கள்,
ஆனால் முழுவெற்றி பெற்றபின்புதான் ரஜினியுடன் பாண்டியன் படத்தில் வந்தார் குஷ்பூ.
ரஜினியும் அப்பொழுதே சூப்பர் ஸ்டார் இடத்தில் அமர்ந்திருந்தார், புது நடிகையும் ஆனால் வெகு பிரபலமாகிவிட்ட குஷ்பூவும் இணைந்து நடிப்பது பெரும் எதிர்பார்ப்பினை கூட்டிற்று. ரஜினியின் புகழுக்கு கொஞ்சமும் குறையாமல் புகழை அப்படத்தில் அசால்ட்டாக குவித்தார் குஷ்பூ. அது மங்கா புகழுக்கு அவரை அழைத்து சென்றது.
லேடி சூப்பர்ஸ்டார் ஆகிகொண்டிருந்தார் குஷ்பூ, ரஜினி வசூல் சக்கரவர்த்தி என்றால் குஷ்பூ வசூல் ராஜமாதா எனும் அளவிற்கு காலம் அவரை கொண்டாட வைத்தது.
ரஜினியோடு குஷ்பூ நடித்த படங்கள் வந்தன, பெரும் ஆரவார சத்தங்கள் எல்லாம் தமிழகத்தில் கேட்டன, அது குமரிமுனை அலையோசை போல விடாமல் ஒலித்துகொண்டே இருந்தது..
(தொடரும்..) [ November 3, 2018 ]
Image may contain: 1 person, closeup

திரைச்செய்திகள்

தமிழ் சினிமாவில் கதைக்கு பஞ்சமாம், அதனால் கதை திருட்டு நடக்கின்றதாம்

கதை பஞ்சம் எந்த அளவிற்கு ஆகிவிட்டது என்றால் இந்த ஜெயமோகன் எல்லாம் சினிமா கதை எழுதும் அளவு வந்தாயிற்று

ஆனால் அதே தமிழ்சினிமாவில் வருங்கால முதல்வர்களுக்கு பஞ்சமா என்றால் இல்லை, கேமரா முன் தலை காட்டியவன் எல்லாம் முதல்வர் கனவில் அலையும் ஏரியா அது

கதை திருட்டுக்கு மூலம் என்ன? தவறு எங்கே நடந்தது

இந்த ராமசந்திரன் அழிச்சாட்டியம் கூடவே ரஜினிமாஸ், விஜயகாந்த் அல்ட்ராசிட்டி என தமிழ் சினிமா அரசியலை ஆட்டி படைக்க அனைவரின் கனவும் கதாநாயகன நோக்கியே சென்றது

ஆனால் அதற்கு முந்தைய காலங்கள் அப்படி அல்ல, கதைக்கும் கதாசிரியருக்கும் கொட்டி கொடுக்கபட்ட காலம் அதாவது கதாசிரியருக்கு முக்கியத்துவம் கொடுக்கபட்ட காலம்

கலைஞரும் அண்ணாவும் அப்படித்தான் சினிமாவில் நின்றார்கள், பின் கொத்தமங்கலம் சுப்பு திருவாரூர் தங்கராசு என தொடர்ந்தது

பின்னாளில் கூட பலர் வந்தனர், செல்வராஜ் என்பவர் பாரதிராஜாவின் பொற்காலங்களின் அற்புத கதாசிரியர்

சுஜாதா, பாலகுமாரன் காலங்களில் அற்புத படங்கள் வந்தன‌

ஆனால் அதன் பின் அப்படி யாரும் உருவாகவில்லை, வந்தவர்கள் எல்லாம் நேராக முதலமைச்சர் என்ற கனவிற்கு வந்தனர்

இசை அமைப்பாளர்கள் கூட நடிகராகி ஒரே இம்சை..

கதை பஞ்சத்திற்கு ஒரே காரணம் நடிகர்களுக்கும் இயக்குநர்களுக்கும் கொட்டி கொடுத்த திரையுலகம் கதாசிரியர்களை கண்டு கொள்ளவில்லை என்பதே அன்றி வேறு காரணம் இருக்க முடியாது

கதாநாயகன் இடத்திற்கு இருக்கும் போட்டியும் ஆர்வமும் கதாசிரியர் இடத்திற்கு இல்லை என்பது மாபெரும் சோகம், இவ்வளவிற்கும் படத்தை தாங்குவது கதை

நல்ல கதாசிரியர்களை உருவாக்க தமிழ் திரையுலகம் தவறிவிட்டது, விளைவு ஜெயமோகன் எல்லாம் கதாசிரியர் ஆகிவிட்டார்

நடிகர்களுக்கான முக்கியத்துவத்தை குறைத்து படத்தின் உண்மையான விஷயமான கதாசிரியர்களை என்று சினிமா கொண்டாடுமோ ? என்று அவர்கள் உரிய அங்கீகாரமும் சன்மானமும் பெறுவார்களோ அன்றுதான் கதை பஞ்சம் ஒழியும்

அதுவரை கதை திருட்டினை தவிர்க்க முடியாது

[ November 3, 2018 ]

============================================================================

பரியேறும் பெருமாள் படம் அப்படி இப்படி என்றார்கள், என்னவெல்லாமோ சொன்னார்கள்

உண்மை யதார்த்தற்கும் படத்திற்கும் வெகுதூரம்

உண்மையில் சாதிபெயரில் தாழ்த்தபட்டவரை ஒரு வார்த்தை சொலிவிட முடியாது, வன்மம் காட்டிவிட முடியாது

சட்டமும் இன்னபிற விஷயங்களும் அவர்களுக்கு அவ்வளவு பாதுகாப்பு, நிஜம் என்பது அதுதான்

அதுவும் சட்ட கல்லூரி அதுவும் அம்பேத்கர் சட்ட பல்கலைகழக சட்ட கல்லூரிகளில்
இவ்வாறான விஷயங்களை எல்லாம் நினைத்தே பார்க்கமுடியாது,

படத்தில் காட்டபடுவதை போல் அல்லாமல் தலைகீழாக்த்தான் காட்சிகள் நடக்கும்.

சட்ட பல்கலைகழகமே அம்பேத்கர் பெயரில் இருக்கின்றது, அது போக இட ஒதுக்கீடு முதல் ஏகபட்ட படிகள் இருக்கின்றது

போதாகுறைக்கு சாதிபெயரை சொன்னாலே பிடித்து போட்டு அடிக்க காவல்துறையும் தீர்பளிக்க நீதிமன்றமும் அவர்களுக்கு பாதுகாப்பாக இருகின்றது

உண்மை இப்படி இருக்க,அப்படம் என்பது தலித் அனுதாபம் தேட, உண்மையினை வலுகட்டாயமாக புறக்கணித்து சாதியினை சொல்லி வசூலுக்காக எடுக்கபட்ட கற்பனை கதை என்பதை தவிர ஒன்றும் சொல்வதற்கில்லை

[ November 3, 2018 ]

============================================================================

சென்னை போலீஸ் ஏன் பல வழக்குகளில் தலையினை பிய்த்துகொண்டிருக்கின்றது என தெரியவில்லை

மிக சுலபமான வழி இந்த இயக்குநர் வெற்றிமாறனை பிடித்து பெண்டை நிமிர்த்துவது, அப்படி செய்தால் சென்னையின் அனைத்து மர்ம வழக்குகள், கொள்ளைகள், கொலைகள் எல்லாவற்றையும் கண்டுபிடித்துவிடலாம்

குறிப்பாக வடசென்னை ஏரியா குற்றங்கள்

மனிதர் அந்த அளவு ரவுடிகளோடு பழகாமல் இப்படி படம் எடுக்க முடியாது, ரவுடிகளின் அனைத்து அட்டகாசமும் திட்டமும் கொடூரமும் அவருக்கு தெரிந்திருக்கின்றது

சென்னை பொலீஸ் அவரையும், தென்னக போலீஸ் ஹரி என்பவரையும் போட்டு சாத்தினால் ஏகபட்ட மர்ம முடிச்சுகளை மிக எளிதாக அவிழ்த்துவிடலாம்

[ November 3, 2018 ]

============================================================================

லேட்டா வந்தாலும் கரெக்ட்டா வரணும், வந்து சரியா அடிக்கணும் : ரஜினிகாந்த்

என்னது இது?

லேட்டா வருவதே தப்பு இதில் இவர் கரெக்ட் பண்ணிட்டு வேற வருவாராம் , வந்து சரியா வேற‌ அடிப்பாராம்

எதை சரியாக‌ அடிப்பீர் மிஸ்டர் ரஜினிகாந்த்? அதை சத்தமாக சொல்லுங்கள் பார்க்கலாம், குறிப்பாக அமைச்சர் ஜெயக்குமார் காதுக்கு கேட்கும்படி சொல்லுங்கள் [ November 3, 2018 ]

============================================================================

“ஒரு வழியா ரசிகர்கள உசுப்பி விட்டாச்சி, ஆரம்பிச்சிட்டானுக, இனி கொஞ்ச நாளைக்கு அரசியலுக்கு வாங்கன்னு கூப்பிட மாட்டானுக‌

அவனுக போக்கில பேனர் வைப்பானுக, பால் ஊற்றுவானுக, குட்டிகரணம் அடிப்பானுக. எதுவும் செய்யட்டும் நம்மள விட்டா சரி

நாம அப்படியே நைசா கிளம்பி இமயமலைக்கு போக வேண்டியதுதான்”

[ November 3, 2018 ]

============================================================================