நாஸ்டர்டாமஸ் நிச்சயம் ஜோதிட உலகின் பிதாமகன்

Image may contain: 1 person, text

450 ஆண்டுகளுக்கு முன்பு பிரான்ஸில் நாஸ்ட்ரடோமஸ் என்றொருவர் இருந்தார், அடிப்படையில் ஜோதிடர்தான் ஆனால் அதனையும் மீறி வருங்காலத்தை மிக துல்லியமாக சொல்லும் ஆற்றல் அவரிடம் இருந்தது.

அவர் யூத வம்சாவளி, என்னதான் ஒரே கடவுள் , எங்கள் சொந்த கடவுள் ஜகோவா என்றாலும் யூதர்களுக்கு கபாலா எனப்படும் அதர்வண வேத சாயலும், ஜோதிடத்தின் மேலும் அபார நம்பிக்கை உண்டு

மாமன்னன் சாலமோன் அதில் கரை கண்டிருந்தார், அவர் மிகபெரும் ஜோதிட நம்பிக்கை உள்ளவர் என்பதும். இன்று இஸ்ரேலியர் அடையாளமாக வைத்திருக்கும் நட்சத்திரம் என்பது அவர் உருவாக்கிய ஒரு மாதிரி தாயத்து யந்திரம் என்பதெல்லாம் வரலாறு

அப்படிபட்ட யூத வம்சத்தில் வந்த ஜோதிடர் நாஸ்டரடாமஸ், கோள்களின் அசைவினை வைத்து கண்ணில் பட்ட மிருகம் முதல் நாடுகளின் எதிர்காலம் வரை மிக துல்லியமாக கணிக்கும் ஆற்றல் இருந்தது

எதிர்கால உலகினை மிக துல்லியமாக கணித்தார், அதாவது அமெரிக்க வல்லரசு உருவாவது, போப்பாண்டவர் வீழ்ச்சி, நெப்போலியன் எழுச்சி, உலகப்போர்கள், பின்லேடன் (அது பற்றிய சர்ச்சை உண்டு), ஹிட்லர், கோமேனி, சோவியத் யூனியன் வீழ்ச்சி, அறிவியல் முன்னேற்றம் , அணுகுண்டு, மூன்றாம் உலகப்போர் என அடுத்த 1000 ஆண்டுகளை சொல்லி சென்றவர்.

அவர் சொன்னபடி உலகத்தில் எல்லாம் நடந்ததால் அவர் தீர்க்கதரிசனம் மீது மக்களுக்கு அச்சம் கலந்த பயம் உண்டு, அப்படியே படித்துகொண்டிருக்கும் பொழுதுதான், அமெரிக்க இரட்டை கோபுரம் இடிக்கபட்டு, நாஸ்டோராடாமஸ் கடும் புகழடைந்தார்.

அதாவது அவர் தனது குறிப்புக்களை கிறிஸ்தவ போப்புக்கு அஞ்சி, கலைஞரின் வசனம் போல மகா குழப்பமாக பிரெஞ்ச் மொழியில் கவிதையாக எழுதியிருந்தார்,

அப்படி இரு சகோதரர்கள் மீது இரும்பு பறவைகள் மொதும், உலகில் பல இடங்களில் நெருப்பு கிளம்பும் என சொல்லியிருந்தார்.

அது போன்றே இரட்டை கோபுரத்தில் நடந்தும் விட்டதால், சகலரும் அவர் குறிப்புக்களை படித்தனர், பாதிதான் புரிந்தது. புரிந்ததை புத்தகமாக இட்டனர்.

அதில் ஒரு புதுநாடு புகழடையும் என்றிருந்த வரி அமெரிக்காவிற்கா அல்லது இஸ்ரேலுக்கா என பட்டிமன்றமே நடப்பது வேறுகதை.

இப்படியான நாஸ்ரடாமஸ் இந்தியாவினை பற்றி இப்படி சொல்லியிருந்தார் மொத்தமே 20 வரிகளுக்குள் அடங்கி விடும்.

மூன்று பக்கமும் கடலால் சூழப்பட்டநாட்டில் ஒரு அகிம்சாவாதி கொல்லபடுவார், பின் ஒரு இரும்புபெண்மணியால் அத்தேசம் எழும், ஆனால் இடையில் அவர் கொல்லபடுவார், அவருக்கு அடுத்தவரும் வழிப்பறி கும்பலால் கொல்லபடுவார், நாடு தத்தளிக்கும்.

ஆனால் 5 நதிகள் கூடும் இடத்திலிருந்து ஒருவர் வருவார், நீல நிற தலைப்பாகையோடு பதவிக்கு வரும் அவர், பின்னாளில் உலகினை மிரட்டுவார், அத்தேசம் உச்சம் பெறும் என சொல்லியிருந்தார்.

அப்படியே உலக மதங்களை பற்றி சொல்லும்பொழுது, ஐரோப்பா கிறிஸ்தவ மதத்தினை இழந்து சுதந்திரமாகும், உலகின் ஆதி மதம் எழுச்சிபெறும், அம்மதத்தின் ஒரு ஒளியினை உலகம் கொண்டாடும் என முடித்திருந்தார்.

இவ்வளவுதான் அவரின் குறிப்பு, இதற்குள் மோடிதான் அந்த குறிப்பிடபட்டவர் என்றும், இந்துமதமே அந்த எழுச்சி என்றும் தினமலர் பத்திரிகை போட்டு மோடி புகழ் பாடிய கொடுமை எல்லாம் நடந்தது

எவ்வளவு பெரிய பொய்?

நாஸ்ராடாமஸ் சொன்னபடி பார்த்தாலும் கூட, 5 நதி கூடும் இடம் பஞ்சாப். மிக சிறியபகுதி, சிறுபான்மையினர். மக்களாட்சி நடக்கும் நாட்டில் அது சாத்தியமில்லை, ஒருவேளை ராணுவபுரட்சியில் அது சாத்தியமாகலாம் என உலகம் யோசித்துகொண்டிருந்த வேளையில்தான் மாண்புமிகு பன்னீர் செல்வம் முதல்வராகி 2002ல் ஒரு நம்ப்பிக்கை ஒளி வீசினார்.

மகா ஆச்சரியமாக மன்மோகன்சிங் பிரதமராகும் பொழுது, உலகம் நாஸ்ராடாமஸ் குறிப்பு, நீல தலைப்பாகை பார்த்து சிந்திக்க ஆரம்பித்தது, மன்மோகன்சிங் உலகை மிரட்ட போகும் இந்தியர் என சொன்னது

ஆனால் நாஸ்ராடாமஸ் காவேரி கரை திருகுவளை கிராமத்தை பற்றியோ அந்த குடும்பம் அரசில் பங்குபெறுவது பற்றியோ ஒன்றும் குறிப்பிடாமலே, ஸ்பெக்டரம், உரம் என சகல சிக்கலிலும் சிக்கி மன்மோகன்சிங் ஒரு கட்டுக்குள் அகபட்டு இன்று பதவிவிட்டும் சென்றாகிவிட்டது.

இன்று மகா பச்சை பொய்யாக மோடியினை நாஸ்ரடாமஸ் சொன்னார், அவர் ஆட்சியில் இந்தியா பெரும் இந்துநாடாக மாறும் என சொன்னார், ராமர் ஆட்சி பற்றி சொன்னார் என இல்லாத பொய்களை எல்லாம் அப்பத்திரிகை அள்ளி விடுகின்றனர் சிலர்

பாகுபலியில் சத்யராஜிடம் கதைகேட்டும் போராளிகளாக, அக்கட்சியினரும்ம் முழங்காலிட்டு நிற்கின்றனர், எவ்வளளவு பெரும் ஏமாற்றுவேலை இது.

இந்தியாவிற்கு முதல்தேவை விவசாய முன்னுரிமை, இரண்டாம் தேவை ஊழல் ஒழிப்பு இவை இல்லாமல் இந்தியா வளர்ச்சி சாத்தியமே இல்லை.

இந்துமதத்தின் ஒளி என நாஸ்ரடாமஸ் சொன்னது நடந்தது, அது விவேகானந்தர், அவரின் முழக்கத்திற்கு அப்படி ஒரு மரியதை இருந்தது உண்மை.

ஆக நாஸ்ட்ராடாமஸ் சொன்னதில் பாதி கூட முழுமையாக புரியாது, புரிந்தது மாகா சொற்பம். அவற்றில் இந்தியா பற்றி சொன்னது இவ்வளவே.

இதனை கூட மறைத்து எப்படிபட்ட பிரச்சாரம் செய்யும் பத்திரிகைகளை படித்தால் எப்படி மக்களிடம் சிந்திக்கும் திறன் வளரும்.

உண்மையில் நாஸ்ட்ராடாமஸ் கணிப்பு இக்காலம் வரை தவறவில்லை, தவறவும் தவறாது

இந்தியா ஒரு சீக்கிய தலமையில் பெரும் வல்லரசாக உலகை மிரட்டும் என்று அவர் எழுதியிருப்பது என்றாவது ஒருநாள் நடந்தே தீரும்

இப்பொழுதும் மோடிக்கு நீலதலைப்பாகை அணிந்துவிட்டால் அவர் நாஸ்டர்டாமஸ் சொன்ன அவதாரம் ஆகமாட்டாரா? அவ்வளவுதான் விஷயம் என பக்தர்கள் நீல தலைப்பாகை தேடலாம்

நரிக்கு வேடமிட்டால் சிங்கம் ஆகாது

உலகின் எதிர்கால கணிப்புகளை சொன்னவர்களிலும், அது பலித்த விதத்திலும் பெரும் முத்திரை பதித்தவர் நாஸ்டர்டாமஸ்

அந்த மகா அசாத்திய ஜோதிடனுக்கு இன்று நினைவு நாள்

உண்மையில் ஜோதிடகலை என்பது அபூர்வமானது, உண்மையாக கற்றவர்கள் முறைப்படி பயன்படுத்தினால் அது பலனளிக்கும்

பகுத்தறிவு என அதை மறுக்க முடியாது, ஆனானபட்ட இயேசு பிறக்கும்பொழுதே ஜோதிடர்களால் கண்டறிந்து ஓடி சென்று வணங்க முடிந்திருக்கின்றது

ஜோதிடம் ஒரு மதத்திற்கும், நாட்டிற்கும், இனத்திற்கும் உரியதல்ல அது ஒரு கலை

சிக்கல் என்னவென்றால் இந்த அரைகுறை ஜோதிடர்களால் வரும் ஆபத்து, “எண்ட அம்மையே நிங்கள் இன்னும் 4 திங்களில் இந்திய நாட்டோட பிரதம மந்திரியாயானு” என சொல்லி சொல்லி ஜெயலலிதாவினை கடைசியில் அப்பல்லோவிற்கு அனுப்பினார்கள் அல்லவா?

அம்மாதிரியான அரைகுறை ஜோசியர்களால்தான் ஆபத்து

ஜோதிடம் ஒரு வரம், ஒரு கலை. என்று அதை ஒருவன் காசுக்கு விற்க தொடங்குகின்றானோ அன்று அது பலனளிக்காது என்கின்றது சாஸ்திரம்

அது உண்மையும்கூட‌

கோள்களின் சஞ்சாரத்தை கொண்டு உலக வரலாற்றின் எதிர்கால பக்கங்களை எல்லாம் சொல்லி சென்ற அந்த நாஸ்டர்டாமஸ் நிச்சயம் ஜோதிட உலகின் பிதாமகன்

அவனுக்கு ஆழ்ந்த அஞ்சலிகள்

(என்னதான் உலகம் அவரை பற்றி நிறைய சொன்னாலும், சங்கம் ஏற்பதாக இல்லை

காரணம் தங்க தலைவி குஷ்பு பற்றியோ அவர் பெறப்போகும் பெரும் எதிர்காலம் பற்றியோ ஒன்றுமே நாஸ்டர்டாமஸ் சொல்லாததால் அவர் மீது சங்கம் பெரும் சந்தேகம் கொண்டு அவரை புறக்கணிக்கின்றது)

 

நாஸ்ட்ராடாமஸ் பற்றிய தொடர்

Image may contain: 1 person

நாஸ்ட்ராடாமஸ் பற்றி தொடர் எழுது என சிலர் சொல்கின்றார்கள்

அவரை பற்றி எழுதலாம், அவர் ஒரு யூத கிறிஸ்தவர். 1500 களில் பிரான்சில் வசித்தவர். யூதரிலும் ஜோதிடம் உண்டு அப்படியாக இவருக்கும் வந்திருக்கின்றது, பின்பு வருங்காலம் உரைக்கும் ஆற்றலும் வந்திருக்கின்றது

கோள்களை பற்றிய தீவிர ஆய்வில் இறங்கிய அவர், இப்படி எல்லாம் கிரகம் சஞ்சரிக்கும்பொழுது இப்படி எல்லாம் சக்தி மிக்கவர்கள் வருவார்கள், இதெல்லாம் நடக்கும் என கணித்ததாக அவர் வரலாறு சொல்கின்றது , கோள்களின் சஞ்சாரமே உலகை இயக்குவதாக நம்பி கணித்தார் நாஸ்டர்டாமஸ்

ஆச்சரியமான கணிப்புகள் அவை

அமெரிக்க உருவாக்கம், நெப்போலியன், ஹிட்லர், இங்கிலாந்து பேரரசு, ரஷ்ய புரட்சி, உலகப்போர், சீன எழுச்சி, இந்திரா படுகொலை என எல்லாவற்றையும் எழுதினார்

உலகமகா தீவிரவாதி ஒருவன் வருவான் என்றார், அது பின்லேடனும் இல்லை ஒருவேளை வடகொரிய தக்காளியாக இருக்கலாம்

ஒரு சிக்கல் என்னவென்றால் அவர் காலத்து மதவாதிகள் இதனை அனுமதிக்காததால் கமலஹாசனின் தமிழ்போல எழுதிவைத்துவிட்டார், அதனால் பல விஷயம் புரியாது

இன்னொன்று போலிகளும் சிலவற்றை கலந்துவிட்டனர், ஜெயமோகனின் மகாபாரதம் போல் ஆகிவிட்டது அவரின் நூல்

எனினும் அவர் கணிப்புகளில் பல சுவாரஸ்யம் உண்டு, நன்றாக படித்துவிட்டு எழுதலாம்,

முதலில் நன்றாக கவனமாக படிக்க வேண்டும்

ஏனென்றால் இவ்வளவு பெரும் பிரபலங்களை கணித்த நாஸ்டர்டாமஸ் நிச்சயம் குஷ்புவினையும் கணித்திருப்பார், அதை மறைத்துவிட்டனர் அல்லது குறிப்பால் அறியமுடியவில்லை

ஆக படித்துவிட்டு எழுதலாம்

ஒருவேளை குஷ்பு பற்றி நாஸ்டர்டாமஸ் சொல்லவில்லை என்றால் மனிதர் போலி ஜோதிடர் என முடிவுசெய்துவிடலாம்